Martin Short ပါဝင်သော ဇာတ်ကားများ

အကွာမန်းရုပ်ရှင်ဒုတိယကားထပ်လာပါပြီ။ ဒီရုပ်ရှင်ဟာ DCEU ရုပ်ရှင်တွဲတွေရဲ့ ၁၅ ကားမြောက်နဲ့ နောက်ဆုံးကားပဲ ဖြစ်ပါတယ်။ဒါရိုက်တာ ဂျိမ်းဝမ်ပဲ ရိုက်ကူးထားတာဖြစ်ပါတယ်။ အာကွာမန်း၊အွမ်း နဲ့ ဒေးဗစ်ကိန်းတို့နေရာမှာ အရင်သရုပ်ဆောင်တွေပဲ ပြန်ပါဝင်ထားပါတယ်။ ဇာတ်လမ်းအကျဉ်း ဒေးဗစ်ကိန်းဟာ သူ့အဖေအတွက်လက်စားချေဖို့ အာကွာမန်းကိုသတ်နိုင်ဖို့အတွက် အတ္တလန်းတစ်နည်းပညာတွေကိုလိုက်ရှာရင်း အတ္တလန်းတစ်မြို့တော်ဟောင်းကြီးတစ်ခုကို တွေ့သွားပါတယ်။အဲဒီမှာနည်းပညာတွေအပြင် အနက်ရောင် သုံးခွလှံလည်းရှိနေပြီး အဲဒီကနေ စွမ်းအားတွေရလာပါတယ်။ ဒါပေမဲ့ အဲဒီအနက်ရောင်လှံကို ကိုင်ခဲ့တဲ့ ဘုရင်ဟာ ဆိုးသွမ်းလွန်းလို့ အတ္တလန်းတစ်တိုင်းပြည်ရဲ့သမိုင်းတွေကနေပါ ဖျောက်ထားပြီး ရေခဲပြင်အောက်မှာဖမ်းဆီးခံထားရတာဖြစ်ပါတယ်။ ဒေးဗစ်ကိန်းကြောင့် အတ္တလန်းတစ်ရှေးဟောင်းမြို့တော်ရဲ့မကောင်းဆိုးဝါးတွေ နိုးထလာပြီး ကုန်းမြေရောပင်လယ်ကမ္ဘာတွေပါ ပျက်စီးရမဲ့အခြေအနေဖြစ်လာတာကို အာသာကာရီတားဖို့ကြိုးစားရပါတော့တယ်။ ဒါပေမဲ့ဒေးဗစ်ကိန်းကို ရှာနိုင်တဲ့သူကလည်း သူကိုယ်တိုင် အနိုင်တိုက်ပြီးဖမ်းထားတဲ့ သူညီ အွမ်းပဲရှိတာကြောင့် အွမ်းကိုပြန်ခေါ်ပြီး မတည့်တဲ့ညီအစ်ကိုနှစ်ယောက် ဘုံရန်သူကိုတိုက်ဖို့ကြိုးစားရပါတော့တယ်။ File size…( 9.47 GB)/( 2.84 GB) /(2.2 GB) Quality….Webrip  4K HEVC/ 1080p / 720p Format…mp4 Duration….02:04:00 Genre... Action, Adventure, Fantasy Subtitle….Myanmar Subtitle (Hardsub) Encoder….Mr. Anderson Translated by Mr. Anderson

IMDb Rating - 9.5/10 ဝါရင့် အနုပညာရှင်ကြီးတွေဖြစ်တဲ့ Steve Martin နဲ့ Martin Short တို့ ပါ၀င်တာကတစ်ကြောင်း Selenators တို့ရဲ့ အချစ်တော် Selena Gomez ပါ၀င်နေတာကတစ်ကြောင်း မထွက်ခင်ကတည်းက ခေတ်ထနေတဲ့ စီးရီးပါ ။ အပိုင်း ၁၀ ပိုင်းပါ၀င်ပြီး ပွဲဦးထွက် ၃ ပိုင်းတောင် ထွက်ချလာပါတယ်။ ဇာတ်လမ်းအညွှန်း − Charles, Oliver နဲ့ Mabel Mora တို့ဟာ Upper West Side က ကွန်ဒိုတစ်ခုမှာ ဘ၀ ကိုယ်စီနဲ့ ကိုယ့်လမ်းကိုယ် လျှောက်နေသူတွေပါ။ တစ်နေ့ သူတို့နေတဲ့ ကွန်ဒိုမှာ လူသေမှုတစ်ခု ဖြစ်လာပါတယ်။ ဖြစ်ချင်တော့ အဲဒီလူက မသေခင် တစ်နာရီကမှ သူတို့ ၃ ယောက်နဲ့အတူ ဓာတ်လှေကားတူတူစီးသွားသူရယ်ပါ။ ရဲတွေကတော့ တွေ့ရှိလာတဲ့ သက်သေတွေအရ ကိုယ့်ကိုယ်ကိုယ် သတ်သေမှုလို့ ကောက်ချက်ချသွားပေမဲ့ . ဖြစ်ရပ်မှန်မှုခင်းဇာတ်လမ်းတွေကို စွဲလမ်းနေတဲ့ ဇာတ်လိုက် ၃ ယောက်ကတော့ ဒီလို မထင်ဘူးဗျ။ ဒါနဲ့ပဲ သုံးယောက်သား အမှုမှန်ဖော်ဖို့ ရှားလော့ဟုမ်း လုပ်ကြတော့မှာ ဖြစ်ပါတယ်။ Steve Martin ကိုယ်တိုင်ပါ၀င်ပြီး John Hoffman နဲ့အတူ ဇာတ်လမ်း ဖန်တီးထားပြီး စိတ်၀င်စားဖွယ် ဟာသလေးတွေ နှောရင်း ရိုက်ကူးတင်ဆက်ထားတဲ့အပြင် 2 Martins နဲ့ Miss Gomez တို့ trio အတွဲညီပုံတွေကို မြင်တွေ့ရမှာပါ။ (ဒီဇာတ်လမ်းရဲ့ အညွှန်းကိုရေးသားပေးသူကတော့ Yoon Sandi Aung ဖြစ်ပြီး၊ ဘာသာပြန်ရေးသားပေးသူများကတော့ F&R Team ပဲဖြစ်ပါတယ်။ Quality – 1080p WebDL 5.1CH Duration – 33 mins (@Episode) Subtitle – Myanmar Hardsub Format – Mp4 Genre : Comedy, Crime, Drama Source : 1080p.WebDL Translator – F&R Team Encoder – SWM

The Willoughbys(2020) နက်ဖလစ်ရဲ့ ကာတွန်းရုပ်ရှင်အသစ်လာပါပြီ။ ဒီကာတွန်းလေးကတော့ အရင်ကြည့်ဖူးတဲ့ ပုံတွေနဲ့ မတူဘဲ တမူထူးဆန်းပြီး ရယ်ရပါတယ်။ ဇာတ်လမ်းကိုတော့ ကြောင်ဆရာကြီးတစ်ကောင်က ပြောပြနေတဲ့ပုံနဲ့ တည်ဆောက်ထားပါတယ်။ ဆရာကြောင်က ပြောတယ် မိသားစုတွေ ချစ်ခင်တာတွေ စည်းလုံးတာတွေ အဆုံးသတ်မှာ ပြန်ပေါင်းတဲ့ ဇာတ်လမ်းမျိုးတွေကို သဘောကျတတ်ရင် ဒီရုပ်ရှင်က မင်းအတွက် မဟုတ်ပါဘူးတဲ့။ ဟုတ်ပါတယ် ဒီရုပ်ရှင်ထဲက အဓိက မိသားစုကတော့ ဝယ်လိုဘီ မိသားစုပါ။ သူတို့တွေဟာ အစဉ်အဆက် သိပ္ပံပညာရှင်တွေ၊အနုပညာရှင်တွေ ကြီးမြတ်တဲ့သူတွေ ဖြစ်ခဲ့ပါတယ်။ ဒါပေမယ့် မျိုးဆက်တစ်ခုအရောက်မှာတော့ တော်နေ တတ်နေကြတာတွေ အဆုံးသတ်သွားသလိုပါပဲ။ ဝယ်လိုဘီ ဇနီးမောင်နှံဟာ ဘာမှ မထူးချွန်ပေမယ့် တစ်ယောက်ကို တစ်ယောက် အရမ်းချစ်ကြပါတယ်။ ချစ်တာမှ အခြား ဘယ်သူ့ကိုမှ မချစ်တတ်လောက်အောင်ကို ချစ်တာပါ။ လင်မယားချင်းပဲချစ်ကြပြီး မွေးထားတဲ့ ကလေး ၄ ယောက်ကို တော့ မေတ္တာတစ်စက်မှမရှိကြသလို သာမန်ဂရုစိုက်မှုမျိုးလေးတောင် မလုပ်ပါဘူး။နေ့တိုင်း လင်မယားနှစ်ယောက်ထဲ သာယာနေကြတာပါ။ ဒီတော့ ကလေး ၄ ယောက်လည်း မိဘကျေးဇူးဆပ်တဲ့အနေနဲ့ သေဖို့ ရာနှုန်း ၉၀ လောက်ရှိတဲ့ နေရာတွေအကုန်တန်းစီပြီး မိဘ၂ယောက်ကို အပျော်ခရီးစဉ်တပ်ပေးပြီး မရဏလမ်းကို စီစဉ်ပေးလိုက်ပါတော့တယ်။ မိဘမဲ့ဖြစ်ဖို့ကြိုးစားကြတာပါတဲ့။ ဒါပေမယ့် မိဘ ၂ ယောက်ကလည်း ကလေးတွေကိုမချစ်ပေမယ့် အိမ်ကိုတော့ စိတ်မချသေးတော့ ဈေးအပေါဆုံး ဘယ်သူမှ မလိုချင်တဲ့ ကလေးထိန်းကို ရှာပြီး အပ်ထားခဲ့ပါတယ်။ အဲဒီနောက်မှာတော့ အဲဒီကလေးထိန်းရယ်၊ မိဘတွေရယ်၊ မိဘမဲ့စောင့်ရှောက်ရေးအဖွဲ့တွေရင် စွန့်စားခန်းဖွင့်စရာတွေ အကြောင်းဖန်လာပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်.... File Size : (800 MB) and (380 MB) Quality : WEB-DL 720p Format…mp4 Duration…01:30:00 Genre : Adventure, Animation, Comedy Subtitle : Myanmar Subtitle (Hard Sub) Translated by Littleneo Encoded by Phyo Pyae

အဒမ်စ်မိသားစု ကာတွန်းလေး လာပါပြီ။ ဇာတ်လမ်းကတော့ ဟိုတယ်ထရန်ဆဗေးနီးယား နဲ့ နည်းနည်းဆင်ပါတယ်။ အဒမ်မိသားစုဟာ သီးခြားဆန်စွာ ထူးထူးဆန်းဆန်းနေတတ်တဲ့ မိသားစုတွေပါ။ အပြင်လောကကို စိတ်ကုန်ပြီးရှောင်ပုန်းနေသူတွေဆိုလည်းဟုတ်ပါတယ်။ တစ်နေ့မှာတော့ သူတို့အိမ်ရှိနေတဲ့ တောင်ကုန်းရဲ့အောက်မှာ အိမ်အလှဆင်လုပ်ငန်းရှင် မာဂေါ့ နိဒလာက မြို့အိမ်ယာအသစ်လာတည်ထောင်ပြီး လူတွေကို ကြော်ငြာပြ ရောင်းချဖို့ စီစဉ်ပါတော့တယ်။ ဒါပေမယ့် သူ့ရဲ့ အိမ်ယာရှုခင်းမှာ အရုပ်ဆိုးနေတဲ့ အဒမ်စ်စံအိမ်ကြီးက ဖျက်နေတော့ မာဂေ့ါနဲ့ အဒမ်စ်မိသားစု ထိပ်တိုက်တွေ့ဖို့ ဖြစ်လာပါတော့တယ်။ ဒီကာတွန်းလေးကတော့ သရော်ကာတွန်းအမျိုးအစားပါပဲ။ အချို့သောလူတွေရဲ့အူကြောင်ကြောင်စိတ်ကူးတွေ၊ ဆိုရှယ်မီဒီယာ အယုံလွယ်တာတွေ စတာမျိုးတွေကို အတည်ပေါက်နဲ့ ထိထိမိမိလေးလှောင်ထား တွယ်ထားပါတယ်။ ရယ်လည်းရယ်ရသလို ဆွဲဆောင်မှုလည်းရှိပါတယ်....Animation ကားကြိုက်သူတွေအတွက် လွန်စွာစိတ်ကျေနပ်စေမယ့် ကားလည်းဖြစ်ပါတယ်.. File Size : (850 MB) Quality : WEB-DL 720p Format…mp4 Duration…01:26:00 Genre : Animation,Comedy,Family Subtitle : Myanmar Subtitle (Hard Sub) Translated by Littleneo Encoded by Phyo Pyae

IMDb (6.7/10)...Rotten Tomatoes (74%) ၁၉၆၀ ပြည့်လွန်နှစ်များကုန်ခါနီးက ဆိုင်ခီဒဲလစ်ဆေးဝါးများ trip နှင့် Groovy တို့ကဲ့သို့ ဝေါဟာရများရေပန်းစားနေချိန်တွင် အလွတ်စုံထောက် Doc Sportello ၏ဇနီးဟောင်းသည် Doc ထံ ရုတ်တရက်ပြန်ရောက်လာပြီး သူမရဲ့လက်ရှိချစ်သူ ဆောက်လုပ်ရေးလုပ်ငန်းရှင် သူဌေးကြီးကို ပြန်ပေးဆွဲကာ စိတ်ကျန်းမာရေးဆေးရုံပို့ဖို့ ကြံစည်နေကြောင်း ပြောပြသည်။ Doc က ထိုဇာတ်ရှုပ်တွင် သူဘယ်လိုပါဝင်ပတ်သက်ရမှန်း မသိ ပေ။ ဇနီးဟောင်းပြောပြသောကိစ္စကို သူယုံရခက်နေသည်။ ပင်လယ်လှိုင်း စီးသူများ၊ အကြံအဖန်များ၊ ဇိမ်ခေါင်းများ၊ ဘိန်းစားများ၊ ရော့ခ်ဂီတသမားများ၊ လူသတ်သော ငွေတိုးချေးစားသူများ၊ စုံထောက်လုပ်သော ဆက်ဇိုဖုန်းပညာ၊ Golden Fang အမည်ရှိ ပဟေဠိဆန်သူတစ်ဦးနှင့် သွားရောဂါကုဆရာဝန်တစ် ဦး စသည့် ဇာတ်ကောင်စရိုက်မျိုးစုံပါဝင်သော ဤဇာတ်ကားမှာ အရောင်း ရဆုံး အမေရိကန်စာရေးဆရာThomas Pynchon ၏ဝတ္ထုကို Paul Thomas Anderson က မှီငြမ်းရိုက်ကူးခြင်းဖြစ်သည်။ Paul ၏သတ္တမမြောက်ရုပ်ရှင် ဇာတ်ကားဖြစ်ပြီး Pynchon ၏ ဝတ္ထုများ အနက် ရုပ်ရှင်ရိုက်ကူးဖြစ် သည့်ပထမဆုံးဝတ္ထုလည်းဖြစ်သည်။ Joaquin Phoenix ၊Reese Witherspoon ၊Josh Brolin နှင့် Owen Wilson စသည့် ကမ္ဘာကျော် ဟောလိဝုဒ်သရုပ်ဆောင် ပေါင်းများစွာ ပါဝင်ထားသည်။ Pynchon သည် စာရေးကျဲသူဖြစ် ပြီး အိမ်တွင်းပုန်းကဲ့သို့ နေထိုင်သော ပဟေဠိဆန်ဆန် စာရေး ဆရာတစ်ဦးဖြစ်သည်။ (Lifestylemagazine's FB Page မှကူးယူဖော်ပြပါသည်။) File size…(1GB) Quality…Blu-Ray Rip 720p Format…mp4 Duration….02:28:00 Subtitle….Myanmar Subtitle (Hardsub) Encoder….Nyeinsaeya Aung

Madagascar 3: Europe's Most Wanted (2012) IMDb - 6.8/10 Rotten - 79% ဒီတစ်ခါတော့ Channel Myanmar ပရိတ်သတ်တွေအတွက် ၂၀၁၂ ခုနှစ်ကထွက်ရှိခဲ့တဲ့ Animation ကားကောင်းလေးတစ်ကားတင်ပေးလိုက်ပါတယ်။ Madagascar လို့ပြောလိုက်တာနဲ့ တလွဲတွေလုပ် ဟာသတွေဖြစ်နေတတ်တဲ့ ခြင်္သေ့ကြီး Alex နဲ့ သူ့သူငယ်ချင်းတွေဖြစ်ကြတဲ့ မြင်းကျား Marty သစ်ကုလားအုတ် Melman နဲ့ ရေမြင်းမကြီး Gloria တို့ကိုပြေးမြင်မိကြဦးမှာပါ ဒီနောက်ဆုံးထွက် Europe's Most Wanted မှာဆိုရင် Alex နဲ့သူ့သူငယ်ချင်းတွေဟာ သူတို့ရဲ့အိမ်ဖြစ်တဲ့ New York's Central Park Zoo ကိုပြန်ဖို့ကြိုးစားနေကြတုန်းပါ ဒါပေမဲ့ Monte Carlo ကာစီနိုမှာဘဏ်ဖောက်ဖို့ကြိုးစားနေတဲ့ ပင်ဂွင်းနဲ့မျောက်တွေကို သွားခေါ်ရဖို့အကြောင်းဖန်လာပါတယ် အဲ့လိုနဲ့ ပြင်သစ်ကတိရစ္ဆာန်ထိန်းချုပ်ရေးအရာရှိမကြီး Dubois နဲ့တိုးတဲ့အခါမှာ Alex တို့မမျှော်လင့်တဲ့အခြေအနေတွေနဲ့ကြုံရပြန်ပါတယ် Alex တို့သူတို့ရဲ့အိမ်ကိုပြန်ရောက်နိုင်ပါ့မလား Dubois ကြီးကရော ဘယ်လိုတွေတားဆီးမလဲ ဆိုတာ အရှေ့က Madagascar 1 & 2 အတိုင်း ပရိသတ်များကိုစိတ်မပျက်စေဘဲ ချစ်စရာဟာသဆန်ဆန် တိရစ္ဆာန်လေးတွေကို ကြည့်ရှုရမှာဖြစ်ပါတယ် (ဇာတ်လမ်းအညွှန်းကိုတော့ ကွီး Chuck Chuck မှရေးပေးထားတာဖြစ်ပါတယ်) Quality : 4K /1080p/720p Running Time : 1h 33min Format : MKV , Mp4 Genre : Animation, Adventure, Comedy Subtitle : Myanmar Subtitle (Hard Sub) Translator : JimX Encoded by Thit San Khant

ဗစ်တာရဲ့ ခွေးလေးကို ဖရန်ကင်စတိန်းလို ပြန်အသက်သွင်းထားတဲ့အကြောင်းက Frankenweenie ရဲ့ ဇာတ်လမ်းစပါ။ Tim Burton ရဲ့ ဂေါ့သစ်ဟန်နဲ့ ပုံဖော်ထားပြီး ဖရန်ကင်စတိန်းနဲ့ Pet Sematary တို့ကို တွဲသတိရစေတဲ့ ဇာတ်လမ်းမျိုး ဖြစ်ပါတယ်။ Winona Ryder လည်း ပါဝင်ထားပါတယ်။ ဒီရုပ်ရှင်ဟာ ၁၉၈၄ ခုနှစ်က Frankenweenie အမည်နဲ့ ရိုက်ကူးခဲ့တဲ့ လူသရုပ်ဆောင်ရုပ်ရှင်ကို အန်နီမေးရှင်းအဖြစ် ပြန်ဖန်တီးထားတာပါ။ ထူးခြားတာက သရီးဒီကို အဖြူအမဲနဲ့ ပုံဖော်ထားခြင်း ဖြစ်ပါတယ်။ အန်နီမေးရှင်းသရုပ်ဖော်ရာမှာ ရှေးခေတ်မကောင်းဆိုးဝါးဇာတ်ကားတွေကိုပါ လေ့လာထားပြီး ၁၉၆၀ ပြည့်လွန်နှစ်တွေက အဲဒီလိုရုပ်ရှင်တွေကို ဂုဏ်ပြုတဲ့သဘောနဲ့ Burton က ရိုက်ကူးချင်ခဲ့တာလို့ မူရင်းအညွှန်းမှာ ဖော်ပြထားပါတယ်။ ဇာတ်လမ်းထဲက ခွေးလေးကိုလည်း Burton ငယ်ငယ်က မွေးခဲ့တဲ့ ခွေးလေးအပေါ် အခြေခံပြီး ပုံဖော်ထားတယ်လို့ ဆိုထားပါတယ်။

အန်နီမေးရှင်း ဇာတ်ကားတွေကို အားပေးကြတဲ့ ပရိသတ်ကြီးအတွက် ဒီနေ့တော့ ၂၀၀၅ ခုနှစ်က အောင်မြင်ခဲ့တဲ့ "Hoodwinked!" ဇာတ်ကားရဲ့ အဆက်အဖြစ် ထွက်ရှိလာတဲ့ "Hoodwinked Too! Hood vs. Evil (၂၀၁၁)" ကို တင်ဆက်ပေးချင်ပါတယ်။ ဒီဒုတိယပိုင်းမှာတော့ ခေါင်းဆောင်းနီလေး (Red)၊ ဝံပုလွေ (Wolf)၊ ရှဉ့်လေး (Twitchy) နဲ့ အဖွား (Granny) တို့ဟာ 'Happily Ever After' လို့ခေါ်တဲ့ လျှို့ဝှက်အေဂျင်စီ (HEA Agency) မှာ အေးဂျင့်တွေအဖြစ် အတူတူ အလုပ်လုပ်နေကြပါပြီ။ ဇာတ်လမ်းစစချင်းမှာပဲ Red ဟာ ညီအစ်မ 'Sisters of the Hood' ဆီမှာ သိုင်းပညာ သွားရောက်သင်ယူနေချိန်၊ ဟန်ဆယ်နဲ့ ဂရီတယ် (Hansel and Gretel) ကလေးနှစ်ယောက်ကို စုန်းမကြီးက ဖမ်းသွားတယ်ဆိုတဲ့ သတင်းကြောင့် အဖွား (Granny) က ကယ်တင်ဖို့ သွားခဲ့ပါတယ်။ ဒါပေမယ့် အဖွားပါ ထပ်ပြီး အဖမ်းခံလိုက်ရတဲ့အခါ، Red တစ်ယောက် သူမနဲ့ သိပ်ပြီး အဆင်မပြေတဲ့ လက်တွဲဖော် Wolf နဲ့အတူ ပူးပေါင်းပြီး အဖွားနဲ့ ကလေးတွေကို အချိန်မီ ကယ်တင်နိုင်ဖို့၊ ပြီးတော့ တကယ့် ဗီလိန်အစစ်က ဘယ်သူလဲဆိုတာကို စုံစမ်းဖော်ထုတ်ဖို့ ကြိုးစားရတဲ့ အက်ရှင်ဟာသ စွန့်စားခန်းကို ရိုက်ကူးထားတာပါ။ ပထမကားနဲ့ ယှဉ်လိုက်ရင် ၂၀၁၁ ခုနှစ်မှာ ထွက်ခဲ့တဲ့ ဒီဒုတိယကားရဲ့ 3D ရုပ်ထွက် ဟာ သိသိသာသာကို ပိုကောင်းလာပါတယ်။ အရောင်အသွေး ပိုစုံလင်ပြီး အက်ရှင်အခန်းတွေကလည်း ပိုပြီး သွက်လက်လာပါတယ်။ ဒါပေမယ့် ပထမကားတုန်းက ရုပ်ဆိုးပေမယ့် ချစ်စရာကောင်းတဲ့ အရသာမျိုးတော့ သိပ်မရတော့ပါဘူး။ အဖွား (Granny) နေရာမှာ Glenn Close နဲ့ Wolf နေရာမှာ Patrick Warburton တို့က ပြန်လည်ပါဝင်ပေးထားပေမယ့်၊ အဓိက ဇာတ်ကောင် Red နေရာမှာတော့ Anne Hathaway အစား Hayden Panettiere က အစားထိုး အသံဝင်ပေးထားပါတယ်။ Hayden ရဲ့ အသံက မဆိုးပေမယ့် Anne Hathaway ရဲ့ မူလ Red အသံကို မျှော်လင့်ထားတဲ့ ပရိသတ်တွေအတွက်တော့ နည်းနည်း ကွာဟသွားသလို ခံစားရနိုင်ပါတယ်။ ပထမကားကို ကြိုက်ခဲ့လို့ ဇာတ်ကောင်တွေရဲ့ နောက်ဆက်တွဲကို သိချင်တဲ့သူတွေ၊ ကလေးတွေနဲ့အတူတူ ပေါ့ပေါ့ပါးပါး ကြည့်ဖို့ အန်နီမေးရှင်းကား ရှာနေတဲ့သူတွေ အတွက်ကတော့ တစ်ခေါက်လောက် အပျော်ကြည့်လို့ ရတဲ့ ဇာတ်ကားမျိုး ဖြစ်ပါတယ်။ File size… 800 MB / 400 MB Quality… Blu-ray 1080p / 720p Format… mp4 Duration…. 1h 26m Genre ..... Animation, Action, Comedy, Family Subtitle…. Myanmar Subtitle (Hard Sub)

နယူးယောက်ကနေ နယူးအင်္ဂလန်ကို ပြောင်းလာတဲ့ မိသားစုတစ်စုဟာ မိသားစုအမွေရထားတဲ့ အိမ်ကြီးတစ်အိမ်မှာ နေထိုင်ကြပါတယ်။ အမေတစ်ယောက်၊ သမီးတစ်ယောက်နဲ့ သမီးရဲ့အောက်က အမြွှာသားနှစ်ယောက်တို့ပါ။ မောင်နှမတွေ တကျက်ကျက်ဖြစ်နေကြရင်း သားတစ်ယောက်က စာအုပ်တစ်အုပ်ကို တွေ့သွားရာက အိမ်ကြီးပတ်ဝန်းကျင်မှာ မှော်သတ္တဝါတွေ အများအပြား ရောက်လာကြတယ်။ အဲဒီသတ္တဝါတွေထဲမှာ စာအုပ်ကို ကာကွယ်ချင်တဲ့သူတွေ ရှိသလို လုယူပြီး အသုံးချချင်တဲ့သူတွေလည်း ရှိပါတယ်။ သူတို့ကြားမှာ အမေနဲ့ သားသမီးသုံးယောက်ပါ ကြားညပ်သွားကြတော့တယ်။ Freddie Highmore နဲ့ Sarah Bolger တို့ ပါဝင်ထားတဲ့ ဒီမှော်စွန့်စားခန်းရုပ်ရှင်မှာ သရုပ်ဆောင်တစ်ယောက်တည်းက စရိုက်မတူတဲ့ ဇာတ်ကောင်နှစ်ယောက်အဖြစ် နှစ်ကိုယ်ခွဲ သရုပ်ဆောင်ထားပါတယ်။

Barbie as The Princess and the Pauper (2004) ဘာဘီနှင့် မင်းသမီးလေး၏ ရုပ်တူ မိန်းကလေး..ဒီဇာတ်လမ်းကတော့ မာခ်တွန်း (Mark Twain) ရဲ့ ဂန္ထဝင် ဝတ္ထုကို အခြေခံထားပြီး... ရုပ်ချင်း ခွဲမရအောင် တူညီလှတဲ့ နန်းတွင်း မင်းသမီးလေး အဲနလိစ် နဲ့ ဆင်းရဲသူ အထည်ချုပ်မလေး အဲရိကာ တို့ မထင်မှတ်ဘဲ ဆုံတွေ့ခဲ့ကြရာကနေ တိုင်းပြည်ကို သိမ်းပိုက်ဖို့ ကြံစည်နေတဲ့ အမတ်ကြီး "ပရဲမင်းဂျာ" ရဲ့ အကွက်ချမှုတွေကို အတူတူ ဟန့်တားခဲ့ကြပုံကို ရိုက်ကူးထားတဲ့ Adventure / Musical ရုပ်ရှင်ကားကောင်းလေး ဖြစ်ပါတယ်။

ဒီဇာတ်လမ်းလေးဟာ 2002 ခုနှစ်မှာ ထွက်ရှိခဲ့တာဖြစ်ပြီး Disney ရဲ့ အသပ်ရပ်ဆုံးသော Animation တွေထဲက တစ်ကားလို့ တင်စားခံထားရပါတယ် မူရင်းဇာတ်လမ်းကတော့ "Treasure Island" တဲ့ခင်ဗျ... ဒီမှာ ထူးခြားသွားတာက ဇာတ်ကွက်တွေကို အာကာသထဲ ပြောင်းလိုက်ပြီး ဂြိုဟ်သားတွေ၊ နဂါးငွေ့တန်းတွေနဲ့ အသက်သွင်းထားတာပါ အဲ့လိုနဲ့ ဇာတ်လမ်းလေးက "Treasure Planet" ဆိုပြီး ဖြစ်သွားတယ်ပေါ့ဗျာ Rating တွေအနေနဲ့ကြည့်ရင်လည်း IMDb 7.1 Tomatoes 69% နဲ့ခင်ဗျ ဝေဖန်သူတော်တော်များများရဲ့ Positive Review တွေ ရထားတဲ့ ဇာတ်လမ်းလေး ဆိုပါတော့... ကလေးဘဝက အိပ်ရာဝင်ပုံပြင်တွေ၊ အာကာသ စွန့်စားခန်းတွေ၊ ဒရာမာကို ခုံမင်သူတွေအတွက်လက်မလွှတ်သင့်တဲ့ ဇာတ်လမ်းလေး တစ်ပုဒ်ပါ အသက် ၁၅ နှစ်အရွယ် ချာတိတ်ကလေး ဂျင်မ်ဟော့ကင်းန်စ်ရဲ့ မဟာစွန့်စားခန်းကြီးတစ်ခု... ငယ်ငယ်ကတည်းက အာကာသ ခရီးသွားတစ်ယောက် အရမ်းဖြစ်ချင်ခဲ့သူ ကိုယ့်နည်းကိုယ့်ဟန်နဲ့ ကြံဖန်ပြီး ကောင်းကင်ပျံဝဲလေ့ရှိတဲ့ ချာတိတ်ကလေး ယာဉ်စည်းကမ်းတွေကို (တမင်မဟုတ်တောင်) ကျူးလွန်လေ့ရှိတာကြောင့် အမြဲတမ်း ပီကယ်တွေနဲ့ ငြိနေတဲ့ ချာတိတ် မိသားစုစားဝတ်နေရေးအတွက် ပင်ပင်ပန်းပန်း ရုန်းကန်နေရတဲ့မိခင်ကို အမြဲတမ်း ဒုက္ခပေးနေမိသလို ဖြစ်နေတာကြောင့် မိမိကိုယ်ကိုယ် အားမလိုအားမရ ဖြစ်နေတဲ့ ချာတိတ်ကလေး ဒီလိုနဲ့ တစ်နေ့မှာတော့ မမျှော်လင့်ပဲ သူအလွန်ကိုမှ သွားချင်နေတဲ့ အာကာသဟင်းလင်ပြင်ကြီးထဲကို ရွက်လွှင့်ဖို့အကြောင်းဖန်လာပါတော့တယ် အဲ့ခရီးစဉ်မှာ ကောင်းတဲ့သူတွေနဲ့ ဆုံခဲ့သလို လူဆိုးတွေနဲ့လည်း ကြုံခဲ့ရပြီး ဘဝသင်ခန်းစာတွေ အများကြီး ရသွားခဲ့ပါတယ် ကိုယ့်ခံယူချက်နဲ့ကိုယ် သွားနေတဲ့ လူဆိုးမဟုတ် လူကောင်းမဟုတ်တဲ့သူလည်း ပါသေးတာပေါ့ သူငယ်ငယ်က စိတ်ဝင်တစား ဖတ်ခဲ့ရတဲ့ အိပ်ရာဝင်ဇာတ်လမ်းတစ်ပုဒ် အပြင်လောကမှာ ဖြစ်ခဲ့တဲ့ ဖြစ်ရပ်မှန်တစ်ခုဆိုတာ သိလိုက်ရပြီးတဲ့နောက်... ဘာတွေ ဘယ်လိုဆက်ဖြစ်မယ်၊ ဘယ်လိုစွန့်စားခန်းတွေ ဖွင့်သွားမယ် ဆိုတာကတော့ ကြည့်ရှုခံစားလိုက်ကြပါဦး CM Fan တို့ရေ... *ဇာတ်ဝင်ခန်းသီချင်းလေးကလည်း အတော်ကောင်းဗျ... File size…(2 GB)/(1 GBB) Quality….Webrip 1080p / 720p Format…mp4 Duration….01:58:00 Genre... Adventure, Animation, Family, Fantasy, Science Fiction  Subtitle….Myanmar Subtitle (Hardsub) Encoder….Mr. Anderson Translated by Wai Yan Maung

ဒီဇာတ်ကားကတော့ တော်တော်လေးကြည့်လို့ကောင်းတဲ့ Rom/Com ရုပ်ရှင်တစ်ကားဖြစ်ပါတယ်။ ပေါ့ပေါ့ပါးပါးနဲ့ကြည့်လို့ကောင်းမယ့် ရုပ်ရှင်တစ်ကားလည်းဖြစ်ပါတယ် ဇာတ်ညွှန်း ဘာ့ခ်နဲ့ အယ်လီဆင်တို့နှစ်ယောက်ဟာ ငယ်စဉ်ကတည်းက ခင်ခဲ့တဲ့သူငယ်ချင်းတွေဖြစ်ပါတယ်။ သူတို့နှစ်ယောက်က အရမ်းကိုခင်ပေမယ့် တစ်ရက်မှာ ကံကြမ္မာကြောင့် သူတို့နှစ်ယောက်ဝေးကွာခဲ့ရပါတယ်။ ဒါပေမယ့် နှစ်တွေကြာပြီးနောက်မှာတော့ အယ်လီဆင် နဲ့ ဘာ့ခ် တို့နှစ်ယောက် ပြန်လည်ဆုံတွေ့ခဲ့ပါတယ်။ ဒီတစ်ကြိမ်မှာတော့ နှစ်ယောက်ချစ်ကျွမ်းဝင်ခဲ့ပါတယ်။ ဘာ့ခ်ကတော့ တစ်သက်တာမြဲမယ့် ဆက်ဆံရေးတစ်ခုလို့ထင်ခဲ့ပေမယ့် တကယ်တမ်းက (၆) လပဲခံခဲ့ပါတယ်။ (တချို့ဆို ၆ လတောင်မကြာပါဘူး) ဒီလိုနဲ့ကျောင်းမှာ ရှိတ်စပီးယားရဲ့ "နွေလယ်ည အိမ်မက်" ပြဇာတ်ကဖို့ရှိလာခဲ့ပါတယ်။ ထိုချိန်မှာ အယ်လီဆင်ဟာလည်း တီးဝိုင်းတစ်ခုမှာ ပါခဲ့တဲ့ စထရိုက်ကာ ဆိုတဲ့ ဘဲတစ်ဗွေနဲ့တွဲနေပြီဖြစ်ပါတယ်။ သူတို့နှစ်ယောက်လုံးက ပြဇာတ်မှာပါခဲ့ပေမယ့် အနပညာပါရမီနဲ့ပြည့်စုံတဲ့ ဘာ့ခ်ဟာ သီချင်းလည်းမဆိုတတ်သလို သရုပ်လည်းမဆောင်တတ်ပါဘူး။ ဒါပေမယ့် သူ့ကိုကူညီဖို့ သူငယ်ချင်းရဲ့ ညီမလေး ကယ်လီ ရှိနေခဲ့ပါတယ်။ ဒီလိုနဲ့ ကယ်လီရဲ့ အကူအညီနဲ့ အတူ ဘာ့ခ်တစ်ယောက် အယ်လီဆင်ကိုပြန်ရသွားမှာလား။ ဘယ်လိုတွေလွဲကြဦးမှာလဲဆိုတာကိုခံစားကြည့်လိုက်ကြပါ။ File Size :  1.5 GB, 719 MB Quality : WEB-DL 1080p / 720p Running Time : 1hr 27min Format : Mp4 Genre : Comedy, Romance Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

ဒီအန်နီမေးရှင်းဇာတ်လမ်းလေးမှာ Imdb 7 အထိရရှိထားပြီး မိသားစုနဲ့အတူကြည့်နိုင်တဲ့ကားကောင်းလေးတစ်ကားပါ။ မိတ်ဆွေအချင်းချင်းရိုင်းပင်းကူညီမှုနဲ့ကြိုးစားအားထုတ်ရင်ဘာမဆိုဖြစ်လာနိုင်တယ်ဆိုတာကိုမီးမောင်းထိုးပြထားတဲ့ပညာပေးအန်နီမေးရှင်းဇာတ်ကားကောင်းတစ်ကားဆိုလည်းမမှားပါဘူး။ ဇာတ်လမ်းအညွှန်းဆိုရရင်တော့ဖြင့်  တစ်ခါကအီဂျစ်နိုင်ငံမှာMoses နဲ့ Ramses ဆိုတဲ့ညီအကိုနှစ်ယောက်အကြောင်းနဲ့စတင်ထားပါတယ်။ တစ်ယောက်ဟာ နန်းညွန့်နန်းလျာအဖြစ်ကြီးပြင်းလာခဲ့ပြီးတော့ကျန်တစ်ယောက်မှာတော့  မိဘမဲ့အဖြစ်ကြီးပြင်းလာခဲ့ကြရပါတယ်။ ဘာကြောင့်လဲဆိုတာတော့မပြောတော့ပါဘူး။ သူတို့နှစ်ယောက်ဟာ သူငယ်ချင်းတွေအဖြစ်နဲ့သာရင်းနှီးကျွမ်းဝင်ကြပြီးညီအကိုတွေမှန်းမသိခဲ့ကြပါဘူး။ တစ်နေ့ အိမ်ရှေ့စံမင်းသားလေးဟာတိုင်းပြည်ကိုအုပ်ချုပ်ရတော့တဲ့အခါမှာတော့  ငယ်ရွယ်သေးတာကြောင့်အခက်ခဲတွေနဲ့ကြုံတွေ့ရပါတော့တယ်။ အဲ့ဒီခါ သူဘာတွေကိုကြိုးစားသင်ယူပြီး ဘယ်လိုအခက်အခဲတွေကိုဖြေရှင်းမလဲ... ဘယ်သူ့ရဲ့တိုက်ခိုက်မှုတွေ ဘယ်သူ့ရဲ့ကူညီမှုတွေကိုရနိုင်မလဲ... နောက်ဆုံးအီဂျစ်ပြည်ကြီးစည်ပင်ဝပြောဖို့သူကြံဆောင်နိုင်ပါ့မလားဆိုတာဇာတ်ကားလေးကိုသာကြည့်ရှုကြဖို့တိုက်တွန်းချင်ပါတယ်။ (ဇာတ်ကား အညွှန်းကိုတော့ မိုးဦးမာန်က ရေးသားပေးခဲ့တာပါ) File size…    3.7 GB / 1.4 GB / 727 MB Quality… BluRay 4K / 1080p / 720p Format… mp4 Duration…. 1h 39m Genre ..... Animation/ Drama Subtitle…. Myanmar Subtitle (Hard Sub) Encoder…. Thit San Khant Translated by Myo Min Thu Thant Myint

Jungle 2 Jungle (1997) IMDb - 5.2 ဟာသမင်းသားကြီး Tim Allen ရဲ့ 1997 ထွက် ဟာသကားကောင်းတစ်ကားကိုတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ မိုက်ကယ် ခရုန်ဝဲလ် (Tim Allen) ဟာ အောင်မြင်တဲ့ trader တယောက်ဖြစ်ပြီး ရည်းစားဖြစ်သူ ချားလော့နဲ့ လက်ထပ်ဖို့ပြင်ဆင်နေသူပါ။ ဒါပေမဲ့ ပထမဇနီးဖြစ်သူ ပက်ထရစ်ရှာနဲ့ အရင်ကွာရှင်းဖို့လိုသေးတာကြောင့် ပက်ထရစ်ရှာရှိတဲ့ ဗင်နီဇွဲလားနိုင်ငံက လီပို လီပိုကျွန်းအထိလိုက်သွားခဲ့ပါတယ်။ ပက်ထရစ်ရှာဆီကို ကွာရှင်းဖို့သွားခဲ့တာဆိုပေမဲ့ ပက်ထရစ်ရှာဆီမှာ သူနဲ့ရတဲ့ သားလေးတစ်ယောက်ရှိနေသလို ဒေသခံ မျိုးနွယ်စုရဲ့ ဓလေ့အတိုင်းနေထိုင်တဲ့ ကလေးတယောက်ဖြစ်နေခဲ့ပါတယ်။ မိုက်ကယ်လည်း သားဖြစ်သူနဲ့စကားစမြည်ပြောရင်း မတော်တဆ နယူးယော့ခ်က လေဘာတီရုပ်တုဆီလိုက်ပို့ပေးမယ်လို့ ကတိပေးမိသွားခဲ့ပါတယ်။ ဒါကြောင့် အဖေတယောက်ရဲ့ ကတိအတိုင်းလေဘာဆီရုပ်ဆီခေါ်သွားပေးဖို့ သားဖြစ်သူ နယူးယော့ခ်ကိုခေါ်လာပြီးနောက်မှာတော့ တောတွင်းသားနဲ့ သူ့အဖေတို့ရဲ့ နယူးယော့ခ် မြို့ပြမျက်မည်းပေါ်က အလွဲလွဲအချော်ချော်ဖြစ်ကြပုံတွေကို ရယ်ရယ်မောမောကြည့်ရှုကြရမှာဖြစ်ပါတယ်။ File size…    2.4 GB /  1.2 GB Quality… BluRay 1080p / 720p Format… mp4 Audio... AAC Duration…. 1h 46m Genre ..... Comedy/Family  Subtitle…. Myanmar Subtitle (Hard Sub) Encoder…. Thit San Khant Translated... by TMMT

A Simple Wish (1997) Fairy Godmother ဆိုတဲ့ နတ်သမီးအသွင်နဲ့ အဘွားအိုတွေကို ငယ်ဘဝက ကြည့်ရှုဖူးတဲ့ကာတွန်းဇာတ်လမ်းတွေမှာ မကြာခဏမြင်ရဖူးပါတယ်။ စိတ်နှလုံးသားဖြူစင်သူတွေရဲ့ဆုတောင်းတစ်ခုကို ဖြည့်ဆည်းပေးတတ်ကြတဲ့ Motherly Figure ဇာတ်ကောင်တွေလည်း ဖြစ်ကြပါတယ်။ ဒီဇာတ်လမ်းလေးမှာတော့ နတ်သူငယ်ခေါင်းကိုင်အမေ၊ ဆန်တာဘိုးဘိုး၊ သွားနတ်သမီး စတာတွေကို အကြွင်းမဲ့ယုံကြည်ထားသူကလေးမလေးတစ်ယောက်ရဲ့ ဖြူစင်တဲ့ဆုတောင်းလေးတစ်ခုအကြောင်းကို တင်ဆက်ထားတာဖြစ်ပါတယ်။ ဘရော့ဒ်ဝေးပြဇာတ်ရုံမှာ ဖျော်ဖြေမယ့် ပြဇာတ်အတွက် ဇာတ်ကောင်နေရာကို လိုချင်နေတဲ့ အန်နာဘယ် နဲ့ ချာလီတို့ရဲ့ဖခင်ဖြစ်သူ အိုလီဗာဟာ လူရွေးပွဲမှာတော့ ကံမကောင်းခဲ့ဘဲ နာမည်ရပြီးသား သရုပ်ဆောင်တစ်ယောက်ရဲ့နောက်က နံပါတ် (၂) နေရာသာ ချိတ်သွားခဲ့ပါတယ်။ သာမန်မြင်းလှည်းမောင်းသမားတစ်ယောက်ဖြစ်ပေမယ့် အသံဩဇာ ပါရမီပါသူ ဖခင်အတွက် သူလိုချင်တဲ့ ပြဇာတ်သရုပ်ဆောင်ဘ၀ရရှိအောင် ဖြည့်ဆည်းပေးချင်နေတဲ့ အန်နာဘယ်ဟာ Fairy Godmother တစ်ယောက်ဖြစ်နေပေမယ့် ယောကျ်ားဘဝကို ပိုင်ဆိုင်ထားသူဖြစ်တဲ့ မာရေးနဲ့ တွေ့ဆုံဖို့ အကြောင်းဖန်လာခဲ့ပါတယ်။ အရွယ်ရောက်ခါစဖြစ်တဲ့ အစ်ကိုဖြစ်သူ ချာလီ နဲ့ နတ်သမီးပုံပြင်တွေအကြောင်းကို ငြင်းခုန်ပြီး အိပ်ရာဝင်သွားတဲ့ညမှာပဲ မောင်နှမနှစ်ယောက်ရဲ့ အိပ်ခန်းထဲကို Fairy Godmother တစ်ယောက်ဖြစ်တဲ့ မာရေး ရောက်ရှိလာခဲ့ပါတယ်။ ဆုတောင်းတစ်ခုကို ဖြည့်စွမ်းပေးမယ့် သူဖြစ်ကြောင်း သိသိချင်းမှာပဲ ဖခင်ဖြစ်သူ လိုချင်နေတဲ့ ဇာတ်ကောင်နေရာအတွက် ဆုကို တောင်းပေးခဲ့ပါတယ်။ မာရေးကလည်း ဆုတောင်းဖြည့်ပေးတော့မယ့်ဆဲဆဲမှာ Fairy Godmother များ နှစ်စဉ်တွေ့ဆုံပွဲကျင်းပရာကို အလျင်စလို ထွက်သွားခဲ့ပါတယ်။ မာရေး ကျန်ရစ်ခဲ့တဲ့ မှော်နှင်တံကို တွေ့ပြီး အန်နာဘယ်က အမီပြန်လိုက်ပေးဖို့ ရည်ရွယ်ခဲ့ပါတယ်။ သမီးအန်နာဘယ်နဲ့အတူတွေ့ရတဲ့ မှော်နှင်တံကို အိုလီဗာက အလေးအနက်မထားခဲ့ပေမယ့် သူတို့မိသားစုဘဝထဲကို ဆန်းကြယ်မှုတွေက ကမ်းခြေကိုကပ်လာတဲ့ လှိုင်းလုံးများလို တစ်ခုပြီးတစ်ခု ဝင်ရောက်လာခဲ့ပါတော့တယ်။ အိပ်ရာဝင်ပုံပြင်လေးတွေကို ဖက်တွယ်ယုံကြည်နေဆဲဖြစ်တဲ့ ကလေးငယ်လေးတွေရဲ့ ယုံကြည်မှုကို ဆက်ပြီးတွန်းအားပေးချင်စရာ ဇာတ်ကားလေးတစ်ကားကို CM ကနေ ပရိသတ်ကြီးအတွက် တင်ဆက်ပေးလိုက်ပါတယ်။ File size…    1.91 GB /  1.04 GB Quality… BluRay 1080p / 720p Format… mp4 Audio... AAC Duration…. 1h 29m Genre ..... Comedy/Family/ Fantasy Subtitle…. Myanmar Subtitle (Hard Sub) Encoder…. Thit San Khant Translated... by Sai Sumali

အင်္ဂါဂြိုဟ်သားတွေ ကမ္ဘာမြေပေါ် ရောက်လာတဲ့အခါ အမေရိကန်သမ္မတနဲ့ သူ့အမှုထမ်းတွေက အထင်ကြီးပြီး အကောင်းဘက်ကပဲ တွေးနေကြပါတယ်။ ဂြိုဟ်သားတွေ လာရတဲ့ရည်ရွယ်ချက်ဟာ ငြိမ်းချမ်းရေးဆွေးနွေးဖို့လို့ ယူဆနေကြတာပါ။ ဒါပေမယ့် သူတို့ရဲ့ကမ်းလှမ်းမှုတွေက လှည့်စားမှုတွေဖြစ်နေပြီး သမ္မတတို့လည်း အကြိမ်ကြိမ် အလိမ်ခံရပါတော့တယ်။ အဖြစ်မှန်ကို သိလာတဲ့အချိန်မှာတော့ အခြေအနေတွေက ထိန်းမနိုင်သိမ်းမရ ဖြစ်ကုန်ပါပြီ။ ဂြိုဟ်သားတွေအပေါ် အကောင်းမြင်လွန်းတဲ့ သမ္မတနဲ့ အမှုထမ်းတွေရဲ့အကြောင်းကို အူကြောင်ကြောင်ဟာသနဲ့ သရော်ထားတဲ့ ဒီဇာတ်ကားကို Tim Burton ရိုက်ကူးထားပါတယ်။

ဂျော့ချ် ဟာ သမီးဖြစ်သူ အန်နီကို လက်ထပ်ပေးပြီးနောက်မှာတော့ သူ့ဘဝကို အေးအေးချမ်းချမ်း ဖြတ်သန်းဖို့ ပြင်ဆင်နေသူပါ။ ဒါပေမဲ့ မထင်မှတ်ထားတဲ့ သတင်းတစ်ခုက သူ့ရဲ့ ကမ္ဘာကြီးကို ပြောင်းလဲပစ်လိုက်ပါတော့တယ်။ အဲဒါကတော့ သမီးဖြစ်သူ အန်နီမှာ ကိုယ်ဝန်ရှိနေပြီဆိုတဲ့ သတင်းပါပဲ။ ဒီလို အဖိုးဖြစ်တော့မယ်ဆိုတဲ့ အသိနဲ့ စိတ်လှုပ်ရှားနေရချိန်မှာပဲ သူ့ရဲ့ ဇနီးဖြစ်သူ နီနာ မှာလည်း ကိုယ်ဝန်ရှိနေပြီဆိုပြီး ထပ်ကြားရပါတယ်။ ဖခင်တစ်ယောက်အနေနဲ့ရော၊ အဖိုးတစ်ယောက်အနေနဲ့ပါ တစ်ပြိုင်နက်တည်း တာဝန်ယူရတော့မယ့် ဂျော့ချ် တစ်ယောက် အိမ်ထဲမှာ ကိုယ်ဝန်ဆောင် နှစ်ယောက်နဲ့အတူ ဘယ်လိုအလွဲအချော်တွေ၊ ဘယ်လို ရယ်မောဖွယ်ရာ အခက်အခဲတွေကို ရင်ဆိုင်သွားမလဲဆိုတာကို ဟာသဆန်ဆန်လေး ကြည့်ရှုရမယ့် ဇာတ်ကားကောင်းတစ်ပုဒ်ဖြစ်ပါတယ်

The Pebble and The Penguin (1995 ) ဒီဇာတ်လမ်း‌လေးက rating 5.5/ 10 ရရှိထားတဲ့ adventure comedy animation လေးပါ ဇာတ်လမ်းလေးက အယ်ဒေလီပင်ဂွင်းများအကြား လှပသော ယဉ်ကျေးမှုတစ်ခု ရှိတယ် တစ်နှစ်တစ်ခါ သူတို့ရဲ့ လက်တွဲဖော်ရှာတဲ့ကာလတွေမှာ ပင်ဂွင်းအထီးတွေအကုန်လုံးက အန်တာတိတ်ကမ်းခြေတွေမှာစုနေကြတယ် အဲဒီမှာ တစ်‌ဦးချင်းစီက ထူးခြားသော ပြည့်စုံ‌သော ‌ ကျောက်တုံးလေးတစ်လုံးကို ရွေးချယ်ကြတယ်။ ပြီးတော့ အဲကျောက်တုံးကို လက်ထဲမှာ ကိုင်ပြီး ပင်ဂွင်းမလေးက အဲဒါကိုလက်ခံလိုက်တာနဲ့ သူတို့ကဘဝလက်တွဲဖော်တွေဖြစ်သွားပြီလို့ သတ်မှတ်ကြတဲ့ အစဉ်အလာလေးရှိတယ် ဇာတ်လမ်းလေးက ဟျူဘီလို့ခေါ်တဲ့ ပင်ဂွင်းလေးက သူအရင်ကတည်းက ကြိုက်ခဲ့ရတဲ့ ပင်ဂွင်းမလေးနဲ့ နီးစပ်ဖို့ကြိုးစားတဲ့အကြောင်းလေးပါ ၊ သူ အကောင်းဆုံးကျောက်တုံးလေးကိုရှာတွေ့ပြီး ပင်ဂွင်းမလေးကို ပေးနိုင်မလား ၊ ဘာအခက်အခဲတွေကြုံတွေ့ရမလဲဆိုတာကို ဟာသ‌ဇာတ်လမ်းဇာတ်ကွက်လေးတွေနဲ့ ကြည့်ရှုခံစားရမှာပါ လူကြီလူငယ်တိုင်း ကြည့်ရှုခံစားလို့ရတဲ့ ချစ်စရာကောင်းတဲ့ Animation movie လေးဖြစ်ပါတယ် ။ File size…    1.8 GB /  900MB Quality… BluRay 1080p / 720p Format… mp4 Duration…. 1h 14m Genre ..... Comedy/Adventure Subtitle…. Myanmar Subtitle (Hard Sub) Encoder…. Thit San Khant Translated... by Nway Nway Aung

ဒီကားလေးကတော့ 1993 ခုနှစ်တုန်းက ထွက်ရှိခဲ့တဲ့ Classic Cartoon ကားကောင်းလေးပဲဖြစ်ပါတယ်။ ဇာတ်လမ်းအကျဉ်းကတော့ သိပ္ပံပညာရှင်တစ်ဦးဟာ အချိန်ခရီးသွားပြီးတော့ သမိုင်းမတိုင်ခင်တုန်းက ဒိုင်နိုဆောမျိုးစိတ်တွေကို ဉာဏ်ကောင်းစေတဲ့ဗီဇပေါ်လာအောင် အစားအစာတစ်မျိုးကို တိုက်ကျွေးပြီး ကမ္ဘာမြေပေါ်က ကလေးတွေအတွက် မိတ်ဆွေကောင်းတွေဖြစ်လာအောင် ကြံစည်ပါတယ်။ ဒါပေမဲ့ သူ့အကိုဖြစ်သူကတော့ မကောင်းဆိုးဝါးဆန်တဲ့ဆပ်ကပ်ပွဲနဲ့အတူ ကလေးသူငယ်တွေအတွက် အကြောက်တရားတွေဖြစ်လာစေဖို့ ဒိုင်နိုဆောတွေကို အရိုင်းဗီဇပြန်သွင်းပြီး ခြိမ်းခြောက်ဖို့ ပြန်ကြိုးစားပါတော့တယ်။ ရယ်စရာပျော်စရာ ဟာသလေးတွေ စိတ်လှုပ်ရှားစရာတွေနဲ့ပေါင်းစပ်ထားတာကြောင့် ကလေးငယ်တွေအတွက် ကြည့်ပျော်ရှုပျော်ရှိတဲ့ ကာတွန်းကားကောင်းတစ်ကားလို့ ပြောလို့ရပါတယ်။ File size…    1.7 GB /  1.1 GB Quality… BluRay 1080p / 720p Format… mp4 Duration…. 1h 10m Genre ..... Sci-Fi/Family Subtitle…. Myanmar Subtitle (Hard Sub) Encoder…. Thit San Khant Translated... by Vader ft Riley .

ဟောင်းပေမဲ့ ရယ်မောနေရဆဲဖြစ်တဲ့ 1992 ခုနှစ်ထွက်ဟာသရုပ်ရှင်ကောင်းလေးတစ်ကားကို တင်ဆက်ပေးလိုက်ပါတယ်။ အမွေရတဲ့ရွက်‌လှေကို ပြန်ရောင်းဖို့အတွက်သွားယူကြရင်း အပြန်လမ်းခရီးမှာ စွန့်စားခန်းမျိုးစုံကြုံတွေ့ခဲ့ရတဲ့ မိသားစုတစ်စုရဲ့အကြောင်းဖြစ်ပါတယ်။ ဇာတ်လမ်းအကျဉ်းကတော့ ဆုံးသွားတဲ့ ဦးလေးဖြစ်သူဆီကနေ အပျော်စီးရွက်လှေတစ်စီးကို ချီကာဂိုကဟာဗေးမိသားစုအမွေရလိုက်ပါတယ်။ လှေကိုပြန်ရောင်းဖို့အတွက်ဆို လက်ရှိလှေရှိနေတဲ့ ကျွန်းကနေ မိုင်ယာမီကို ပြန်သယ်လာရမှာဖြစ်လို့  မိသားစုတစ်ခုလုံးလှေကိုသွားယူခဲ့ကြပါတယ်။ ဒါပေမဲ့လည်း ရွက်လွှင့်ဖူးတဲ့အတွေ့အကြုံမရှိကြတာမလို့ မာလိန်မှူးတဖြစ်လဲ ရွက်လွှင့်နည်းတွေသင်ပေးလို့ရအောင် ကျွန်းပေါ်ကဒေသခံ ကပ္ပတိန် ရွန်ကိုငှားပြီး မိုင်ယာမီကိုပြန်ရွက်လွှင့်လာခဲ့ကြရင်း ပြောင်းမြောက်လှတဲ့ ကပ္ပတိန်ရွန်ရဲ့ ပဲ့ကိုင်စွမ်းရည်တွေတောင် ဘဝတစ်သက်စာမမေ့နိုင်မဲ့စွန့်စားခန်းတွေကိုဘယ်လိုဖြတ်ကျော်ကြရမလဲဆိုတာ ကြည့်ရှုလိုက်ကြပါဦး။ File Size :  3.1 GB, 1.6 GB Quality : WEB-DL 1080p / 720p Running Time : 1hr 40min Format : Mp4 Genre : Adventure, Comedy Subtitle : Myanmar Subtitle (Hard Sub) Translated by : TMMT Encode by : Thit San Khant

ဒီဇာတ်ကားကတော့ သမီးဖြစ်သူကို တခြားအမျိုးသားလက်ထဲ မထည့်ပေးချင်တဲ့ ဖခင်တစ်ယောက်ရဲ့ချစ်တတ်မှုကို မြင်တွေ့ရမှာပဲဖြစ်ပါတယ် ဇာတ်လမ်းအကျဉ်း ဂျော့ချ် ဟာ ဥရောပကို ပညာတော်သင်လွှတ်ထားတဲ့ သမီးလေး အန်နီ အိမ်ပြန်လာတော့ "လက်ထပ်တော့မယ်" ဆိုတဲ့ သတင်းကြီးကို ကြားလိုက်ရတဲ့အတွက် ကမ္ဘာပျက်မတတ် ဖြစ်သွားခဲ့ပါတယ်။ သမက်လောင်း ဘရိုင်ယန်က ကွန်ပျူတာ ပါရမီရှင်တစ်ယောက် ဖြစ်ပေမဲ့၊ ဂျော့ချ်ကတော့ သူ့ကို "လူလိမ်" ဒါမှမဟုတ် "အလုပ်လက်မဲ့" ဖြစ်နိုင်တယ်ဆိုပြီး မယုံသင်္ကာမျက်လုံးတွေနဲ့ အကဲခတ်ပါတော့တယ်။ သမီးဖြစ်သူရဲ့ မင်္ဂလာပွဲကို ဟာသတွေ၊ အလွဲတွေနဲ့ ပြင်ဆင်ရင်း ဖခင်တစ်ယောက်ရဲ့ ဝေဒနာကို ဘယ်လိုပုံဖော်သွားမလဲဆိုတာ အတူစောင့်ကြည့်လိုက်ရအောင်နော်

Three Fugitives (1989) IMDb Rating (6.2) / Rotten Tomatoes (14%) ဘဏ်ဓါးပြတိုက်မှု ၁၄ ခု လုပ်ခဲ့တဲ့ ဓါးပြတိုက်ကျွမ်းကျင်သူ လူးကတ်တစ်ယောက် ထောင်ထဲမှာ ၅ နှစ်နေပြီး လွတ်လာတဲ့ အခါ ဘဝကို အသစ်ပြန်စဖို့ခွန်အားတွေ အပြည့် ဖြစ်နေခဲ့ပါတယ် ..... စိတ်သစ်လူသစ် နဲ့ ဘဏ်ကို သွားပြီး အကောင့် အသစ် ဖွင့်တဲ့အခါ ဘဏ်ဓါးပြတိုက်တာနဲ့ လူးကတ် ကြုံတွေ့ခဲ့ရတဲ့အခါမှာတော့ ........... အတေွ့အကြုံမရှိတဲ့ ဘဏ် ဓါးပြတိုက်သူ နပ်နဲ့ လူးကတ်နဲ့ ကြုံတွေ့ကြတဲ့အခါ ........... နပ်ရဲ့ ဓါးပြတိုက်ဖို့ပဲ သိတဲ့ အတွေ့အကြုံမရှိတဲ့ ရိုးသားမှု နားမလည်မှု ဓါးပြတိုက်ရတဲ့ နောက်ကွယ်က အကြောင်းအရင်း ဒါတွေကို စိတ်ဝင်စားဖွယ်ကြည့်ရှုရမှာပါ။ (အညွှန်းနဲ့ဘာသာပြန်ကတော့ Cara ဖြစ်ပါတယ်။) File size…(2.7 GB) / (1.1 GB) Quality….WEB-Rip 1080p / 720p Format…. mp4 Genre….Comedy,Crime Duration….01:37:19 Subtitle….Myanmar Subtitle (Hardsub) Encoder….Thit San Khant Translated by Cara

လျှို့ဝှက်သိပ္ပံစမ်းသပ်ချက်တစ်ခုရဲ့ မထင်မှတ်ထားတဲ့ အလွဲအချော်တွေကနေ စိတ်လှုပ်ရှားဖွယ် စတင်ခဲ့တဲ့ ဟာသအက်ရှင်ဇာတ်ကားကြီး ဖြစ်ပါတယ်။ ဇာတ်လမ်းအကျဉ်း အမေရိကန်လေတပ်မှူးဟောင်း Tuck Pendelton ဟာ နည်းပညာအသစ်တစ်ခုကို စမ်းသပ်ဖို့အတွက် အဏုမြူအရွယ်အစားအထိ သေးငယ်အောင် ပြုလုပ်ထားတဲ့ ကမ္ဘာ့ပထမဆုံးယာဉ်ငယ်လေးနဲ့အတူ ယုန်တစ်ကောင်ထဲကို ထိုးသွင်းမယ့် စမ်းသပ်မှုမှာ ပါဝင်ခဲ့ပါတယ်။ ဒါပေမဲ့ ဒီနည်းပညာကို လိုချင်နေတဲ့ လူဆိုးဂိုဏ်းတွေရဲ့ ကြားဖြတ်လုယက် တိုက်ခိုက်မှုကြောင့် အခြေအနေတွေ ကမောက်ကမဖြစ်ပြီး Tuck တစ်ယောက် မတော်တဆ စိတ်လှုပ်ရှားလွယ်တဲ့ ကုန်စုံဆိုင်ဝန်ထမ်း Jack Putter ရဲ့ ခန္ဓာကိုယ်ထဲကို ရောက်ရှိသွားပါတော့တယ်။ Jack ဟာ မိမိကိုယ်ထဲမှာ လူတစ်ယောက် ရောက်နေပြီး စကားတွေ လာပြောနေတာကြောင့် ရူးတော့မယ်လို့ ထင်ခဲ့ပေမဲ့ နောက်ဆုံးမှာတော့ Tuck နဲ့ Jack တို့နှစ်ယောက် ပူးပေါင်းပြီး ခန္ဓာကိုယ်ထဲက Tuck အသက်ရှင်လျက် ပြန်ထွက်နိုင်ဖို့နဲ့ လူဆိုးတွေကို နှိမ်နင်းဖို့ လိုက်လံရုန်းကန်ရပါတော့တယ်။ သူတို့နှစ်ယောက် ဒီခက်ခဲလှတဲ့ မစ်ရှင်ကို ဘယ်လိုအလွဲတွေနဲ့ အောင်မြင်အောင် လုပ်ဆောင်သွားမလဲဆိုတာကို ရယ်မောပျော်ရွှင်ဖွယ် ကြည့်ရှုရမှာဖြစ်ပါတယ်။

ဒီဇာတ်လမ်းထဲမှာတော့ လပ်ကီ၊ ဒါစတီး နဲ့ နက်ဒ် တို့ဟာ ၁၉၁၀ နှစ်ဝန်းကျင်က အသံတိတ်ရုပ်ရှင်ခေတ်မှာ နာမည်ကြီးခဲ့တဲ့ "အာမီဂိုသုံးယောက်" ဆိုတဲ့ သူရဲကောင်းဇာတ်ကောင်တွေအဖြစ် သရုပ်ဆောင်ကြသူတွေပါ။ ဒါပေမဲ့ ရုပ်ရှင်ကုမ္ပဏီကနေ အထုတ်ခံလိုက်ရတဲ့အခါမှာတော့ သူတို့ဟာ အလုပ်လက်မဲ့ ဖြစ်သွားခဲ့ကြပါတယ်။ အဲဒီအချိန်မှာပဲ မက္ကဆီကိုနိုင်ငံက ရွာလေးတစ်ရွာက အမျိုးသမီးတစ်ဦးဆီကနေ သူတို့ရွာကို နှိပ်စက်နေတဲ့ လူမိုက် အယ်လ်ဂွာပို ကို လာရောက်နှိမ်နင်းပေးဖို့ အကူအညီတောင်းတဲ့ ကြေးနန်းစာတစ်စောင် ရောက်လာပါတယ်။ သရုပ်ဆောင်တွေဖြစ်တဲ့ သူတို့က ဒါဟာ ရုပ်ရှင်ရိုက်ဖို့ ဖိတ်ခေါ်တာလို့ အထင်မှားပြီး မက္ကဆီကို ကို သွားခဲ့ကြပါတယ်။ တကယ့်လက်တွေ့မှာတော့ သူတိုထင်ထားတဲ့ ဇာတ်ကားရိုက်ဖိုမဟုတ်ဘဲ သေနတ်အစစ်တွေ၊ လူသတ်သမားအစစ်တွေနဲ့ ရင်ဆိုင်ရတဲ့အခါမှာတော့... အလွဲအချော်ပေါင်းများစွာနဲ့ အာမီဂိုသုံးယောက်ဟာ ရွာသားတွေကို ကယ်တင်နိုင်ပါ့မလား? သူတိုဟာ သရုပ်ဆောင်တွေတင်မကဘဲ တကယ့်သူရဲကောင်းအစစ်တွေ ဖြစ်လာနိုင်ပါ့မလား? ဆိုတာကိုတော့ ကြည့်ရှုလိုက်ရအောင်။