Michael Kelly ပါဝင်သော ဇာတ်ကားများ

Time of Death (2026) ++++++++++ ရန့်ခ်‌‌မော်လီဆိုသူဟာ ဝါရင့်စုံထောက်ကြီးတစ်ယောက် ဖြစ်ပါတယ်။တစ်နေ့တော့ လူသူဝေးပြီး ခေါင်တဲ့ အကျဉ်းထောင်ဟောင်းတစ်ခုက အကျဉ်းသားတစ်ယောက်ဟာ ထွက်ပြေးသွားခဲ့ပါတယ်။ ဒီကိစ္စနဲ့ စပ်လျဉ်းပြီး စုံထောက်ကြီးဖရန့်ခ်ကို အထက်ကနေ သွားရောက်ကိုင်တွယ် ဖြေရှင်းဖို့ တာဝန်ပေးခဲ့ပါတယ်။ ဒါပေမဲ့ ဖရန့်ခ်က သူ့ရဲ့ တပည့်ကောင်းတစ်ယောက်ဖြစ်တဲ့ အလန်ကို အတွေ့အကြုံရစေချင်လို့ဆိုပြီး သူ့ကိုယ်စား ထောင်ကြီးကို လွှတ်ပြီး အမှုကိုင်ခိုင်းလိုက်ပါတယ်။ လွှတ်ပြီးမကြာဘူး အလန်ဟာ ထူးဆန်းစွာနဲ့ သေဆုံးသွားခဲ့တဲ့အပြင် ဖရန့်ခ်ကိုလည်း အရေးကြီးတယ် သူ့အကူအညီလိုတယ်ဆိုပြီး အသံမက်ဆေ့ဂ်ျတစ်စောင်လည်း ချန်ခဲ့ပါသေးတယ်။ ဒီလိုနဲ့ ဖရန့်ခ်တစ်ယောက် လူသူဝေးတဲ့ ထောင်ကြီးရှိရာဆီကို ကိုယ်တိုင်ခရီးနှင်ပြီး အမှုလိုက်ဖို့ ဖြစ်လာခဲ့ပါတော့တယ်။ File Size… (1.76GB) / (664MB) Quality… WEB-DL 1080p HEVC / 720p Format…mkv / mp4 Duration…1h 47m Genre ….Horror , Mystery , Thriller Subtitle….Myanmar Subtitle (Hard Sub)

Tom Clancy's Jack Ryan: Ghost War (2026) ဂျွန်ခရာစင်စကီး (John Krasinski) ရဲ့ နာမည်ကြီး ဇာတ်ကောင် Jack Ryan ပြန်လာပါပြီ။ 'Jack Ryan: Ghost War' ဆိုပြီး ရုပ်ရှင်ကားတစ်ကားအနေနဲ့ အသစ်ထွက်ရှိလာပါတယ်။ နာမည်ကျော် စီးရီးရဲ့ နောက်ဆက်တွဲအနေနဲ့ပါ။ စီးရီးမကြည့်ဖူးလည်း စပိုင် အက်ရှင်အဖြစ် ကြည့်လို့ရပါတယ်။ စီးရီးရဲ့ နောက်ခံဇာတ်လမ်း ဒီရုပ်ရှင်အကြောင်းမပြောခင် အရင်ထွက်ခဲ့တဲ့ စီးရီးအကြောင်း နည်းနည်းပြန်ကောက်ရရင်.. Jack Ryan စီးရီးက ၂၀၁၈ ကနေ ၂၀၂၃ အထိ ၄ စီဇင် ထွက်ခဲ့တာပါ။ ဂျက်ခ်က အရင်က မရိန်းတပ်သားဟောင်း၊ နောက်တော့ CIA မှာ စာရွက်စာတမ်းတွေနဲ့ အလုပ်လုပ်ရတဲ့ သုံးသပ်သူတစ်ယောက်ပေါ့။ ဒါပေမဲ့ သူ့ရဲ့ ထက်မြက်မှုတွေကြောင့် ရုံးခန်းထဲကနေ အပြင်ထွက်ပြီး ကမ္ဘာတစ်လွှားက အကြမ်းဖက်မှုတွေ၊ နိုင်ငံရေးပူးပေါင်းကြံစည်မှုတွေကို လိုက်လံနှိမ်နင်းရတဲ့ သူလျှိုတစ်ယောက် ဖြစ်လာခဲ့တယ်။ စီဇင် ၄ လည်း ပြီးရော သူက CIA ကနေ အနားယူသွားခဲ့တယ်။ Ghost War ဇာတ်လမ်းအကျဉ်း ဒီ Ghost War ကားမှာတော့ ဂျက်ခ်က CIA က ထွက်ပြီး ရိုးရိုးရှင်းရှင်း သာမန်ဘဝလေးကို ဖြတ်သန်းနေတာပါ။ ဒါပေမဲ့ သူ့ရဲ့ ဆရာဟောင်းဖြစ်တဲ့ CIA ဒုတိယညွှန်ကြားရေးမှူး ဂျိမ်းစ်ဂရီယာ (James Greer) က ဒူဘိုင်းခရီးစဉ်မှာ အကူအညီတောင်းရာကနေ ဇာတ်လမ်းစတာပါပဲ။ရိုးရိုးလေး သွားလုပ်ပေးရမယ့် ကိစ္စကနေ သူတို့နဲ့ ဆက်သွယ်ရမယ့်သူ အသတ်ခံလိုက်ရတဲ့အခါ ကိစ္စက ကြီးသွားပါတယ်။ အဲဒီတော့ ဂျက်ခ်လည်း မတတ်သာဘဲ သူလျှိုလောကထဲ ပြန်ဝင်ရတော့တာပေါ့။ အရင်က လုပ်ဖော်ကိုင်ဖက်ဟောင်း မိုက်ခ်နိုဝင်ဘာ (Mike November) ရယ်၊ အခုကားမှာ အသစ်ပါလာတဲ့ MI6 အေးဂျင့် အမ်မာမားလိုး (Sienna Miller) တို့နဲ့ ပူးပေါင်းပြီး ဥရောပနဲ့ အရှေ့အလယ်ပိုင်းမှာ အကြမ်းဖက်ကွန်ရက်တွေ ပြန်အသက်သွင်းဖို့ ကြိုးစားနေတဲ့ အဖွဲ့အစည်းတစ်ခုကို လိုက်လံတားဆီးရမယ့် ဇာတ်လမ်းပါ။ ခဒီကားက ၁ နာရီ ၄၅ မိနစ် ကြာပါတယ်။ အရင်စီးရီးတွေတုန်းကလို အပိုင်းတွေ အများကြီး မဟုတ်တော့ဘဲ ရုပ်ရှင်တစ်ကားတည်းဆိုတော့ ဇာတ်အသွားအလာ တော်တော်လေး မြန်တယ်။ ကားလိုက်တိုက်တဲ့ အခန်းတွေ၊ အဆောက်အအုံပေါ်က သေနတ်ပစ်ခန်းတွေ အများကြီးပါဝင်ပြီး အက်ရှင်ပိုင်းကို တော်တော်လေး ဦးစားပေးရိုက်ကူးထားတာ တွေ့ရတယ်။ ဂျက်ခ်ရိုင်ယန် ပရိသတ်တွေအတွက်တော့ ဂျွန်ခရာစင်စကီး၊ မိုက်ခ် နဲ့ ဂရီယာ တို့ သုံးယောက် အချိတ်အဆက်မိမိနဲ့ ပြန်လုပ်ကြတာကို ကြည့်ရတာ တန်ပါတယ်။ အရင်စီးရီးတွေကို ကြိုက်တဲ့သူဆိုရင်တော့ ဒီကားကိုလည်း သဘောကျမှာ အသေအချာပါပဲဗျာ။ File size… 4.92 GB / 1.42 GB / 787 MB Quality…WEB DL 4K / 1080p HEVC/ 720p Format…mkv/ mp4 Duration….1h 45m Subtitle….Myanmar Subtitle (Hard Sub)

အမေရိကန်ပြည်ထောင်စုမှာ ငွေကြေးဖောင်းပွမှုတွေကြောင့် သာမန်လူတန်းစားတွေဟာ အကျပ်အတည်းတွေ ကြုံတွေ့နေရပါတယ်။ အထူးသဖြင့်တော့ အိမ်ခြံမြေပိုင်းမှာပေါ့။ လူလတ်တန်းစားတွေဟာ အဆမတန် ထိုးတက်လာတဲ့ အိမ်အငှားစရိတ်တွေကြောင့် နှင်ထုတ်ခံရသူက နှင်ထုတ်ခံရ၊ လမ်းပေါ်ရောက်တဲ့သူကရောက် ဖြစ်နေတဲ့ အချိန်ကာလတစ်ခုပေါ့။ ဒီပြဿနာကို ကြုံတွေ့ဖို့ လက်တစ်ကမ်းအလိုမှာ ရှိနေတာကတော့ လင်နက်တို့ မိသားစုပါ။ ဒါပေမဲ့ လင်နက်ဟာ သူ့မိသားစု ခြေသလုံးအိမ်တိုင် ဘဝမရောက်ဖို့အတွက် အိမ်ပိုင်ရှင်ကို အကူအညီတောင်း စောင့်ဆိုင်းခိုင်းပြီး ချေးငွေနဲ့ အိမ်ကို ဝယ်ဖို့ လုပ်ပါတယ်။ ပြဿနာက စာချုပ်အပြီးချုပ်ရမဲ့ နေ့မှာ လင်နက်ရဲအမေဖြစ်သူဟာ အိမ်ဝယ်မဲ့ငွေတွေနဲ့ ကားတစ်စီးကို မပြောမဆို ဝယ်ချလိုက်ပါတယ်။ ဒီလိုမဲ့ လင်နက်ဟာ အိမ်စာချုပ်မချုပ်နိုင်တော့ဘဲ အိမ်ရှင်က ပေးတဲ့ နာရီပိုင်းရှိတဲ့ အချိန်တိုအတွင်းမှာ အိမ်ဝယ်ဖို့ အသည်းအသန် ငွေတွေ ပြန်ရဖို့ ကြိုးစားရင်း အမှားတွေ လုပ်မိပါတော့တယ်။ File Size… (949 MB) / (651 MB) Quality… WEB-DL 1080p HEVC /720p Format…mkv / mp4 Duration…1h 48m Genre ….Crime , Drama , Thriller Subtitle….Myanmar Subtitle (Hard Sub)c

The Batman (2022) ထဲက ဘန်မန်းရဲ့ ရန်သူကြီး အော့ဇ်ဝဲကော့ (ခေါ်) ပင်ဂွန်းရဲ့ Spin-off တစ်ကိုယ်တော် စီးရီးဖြစ်ပါတယ် လတ်တလော Rating နဲ့ ကြည့်ရှုနှုန်းတွေအရမ်းကောင်းနေပြီး 8.1 ထိရထားတဲ့ HBO series ဖြစ်ပါတယ် The Batman ထဲမှာ ရစ်ဒလာက ဂေါ်သမ်မြို့ကြီးကို ရေမြှုပ်လိုက်ရင်းနဲ့ အဆုံးသတ်သွားခဲ့ပြီး ဒီစီးရီးမှာတော့ အဲ့ဒီဖြစ်ရပ်ရဲ့ တစ်ပတ်အကြာ Timeline ကနေ စတင်ထားတယ် Batman နဲ့ထိပ်တိုက်တွေ့ဆုံအပြီး အရေးနိမ့်ခဲ့ရတဲ့ အော့ဇ်ဝဲဟာ သူ့ဆရာ ဖယ်ကွန်း မူးယစ်ဂိုဏ်းမိသားစုက ကာမိန်းဖယ်ကွန်းသေဆုံးပြီးနောက်ဆက်ခံလာမယ့် သားဖြစ်သူ အဲဘတ်တိုဖယ်ကွန်းကို သတ်ပစ်လိုက်ပါတယ်..ဒါပေမယ့် အာခန်ထောင်ကနေ လွတ်လာတဲ့ အဲဘတ်တိုရဲ့ ညီမ ဆိုဖီယာဖယ်ကွန်းကနေ ပင်ဂွန်းနောက်ကို လိုက်လံလက်စားချေရင်း ဂေါ်သမ်က သောင်းကျန်းလာတဲ့ မူးယစ်ဂိုဏ်းတွေကို အုပ်စိုးဖို့အတွက် ကင်းပင်ကြီးဖြစ်ဖို့ ပင်ဂွန်းတစ်ယောက်ကြိုးစားပါတော့တယ်... ပင်ဂွန်းအဖြစ် the batman ထဲကအတိုင်းပဲ မင်းသားကြီး Colin Farrell က ဆက်လက်သရုပ်ဆောင်ထားပြီး ဆိုဖီယာဖယ်ကွန်းအဖြစ် How I Met Your Mother ဇာတ်လမ်းတွဲက Cristin Militoi ပါဝင်ထားပါတယ် (အညွန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ်) File size…(3 GB) / (1 GB)/(451 MB) Quality….Webrip 4K HEVC/ 1080p / 720p Format…mp4 Duration….01:00:00 Genre... Drama, Crime Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

`သားဖန်တီးတဲ့ကမ္ဘာကို အမေမြင်ချင်ခဲ့တာ" ဆိုတဲ့ ဇာတ်သိမ်းမှာ ရော့ဘ်ပိ့စ်ရဲ့အမေပြောလိုက်တဲ့စကားဟာ ဝမ်းနည်းဆို့နင့်စရာ ကောင်းလှပါတယ်။ ရော့ဘ်ပိ့စ်ဆိုတဲ့လူမည်းကောင်လေးဟာ ဥာဏ်ရည်ထူးချွန်ထက်မြက်သူ ဖြစ်တာကြောင့် မိသားစုကဆင်းရဲပေမယ့် မိခင်ဖြစ်သူက အလုပ်မျိုးစုံ လုပ်ပြီး သားကိုအကောင်းဆုံးကျောင်းကိုမှထားပေးခဲ့တာပါ။ ရော့ဘ်ကလည်း သိတတ်လိမ္မာပြီးကြိုးစားတာကြောင့် နာမည်ကျော် ရေးလ်တက္ကသိုလ်ကိုတောင် ဝင်ခွင့်ရခဲ့ပါတယ်။ စိတ်ရင်းလည်းကောင်းတဲ့ရော့ဘ်ရဲ့အိပ်မက်က သိပ္ပံပညာရှင်အဖြစ်နဲ့ ကင်ဆာရောဂါကုသမှုကို ရှာဖွေဖော်ထုတ်ဖို့ပါ။ လူမည်းကလေးငယ်တွေရဲ့ရှေ့ဆောင်လမ်းပြအောင် ကိုယ်တိုင်ရုန်းကန် ကြိုးစားနိုင်ခဲ့တဲ့ရော့ဘ်ရဲ့အားနည်းချက်ကတော့ ဖခင်ကိုသံယောဇဥ် ကြီးလွန်းတာပါပဲ။ ဆေးခြောက်ရောင်းသူတစ်ယောက်ဖြစ်တဲ့ ရော့ဘ်ရဲ့ဖခင်ဟာ လူသတ်မှုနဲ့ လည်းထောင်ကျနေခဲ့တာဖြစ်ပါတယ်။ ရော့ဘ်လိုဥာဏ်ကြီးရှင်တစ်ယောက်က ဖခင်ကြောင့်လမ်းမှားရောက်သွားခဲ့ပုံကိုတော့ ဖြစ်ရပ်မှန်ကိုပြန်လည် ရိုက်ကူးထားတဲ့ Rob Peace ရုပ်ရှင်ထဲမှာနှမြောစရာကြည့်ရှု့ခံစားမိနိုင်မှာ ဖြစ်ပါတယ်။ File size…2.27GB / 1.04GB Quality…WEB-DL 1080p 5.1CH / 720p Format…mp4 Duration….2h Genre ….. Biography , Drama Subtitle….Myanmar Subtitle (Hard Sub) Encoder….Min Wai Translated by JULY

Lioness [ S1 + S2 ] Complete ++++++++++++++ Lioness [ 2026 ] S3 Ongoing +++++++++++++++ အပိုင်း ( ၁ မှ ၈ ) အထိ စ / ဆုံး Season 3 မှာတော့ ရုရှား-ယူကရိန်း စစ်မြေပြင်အထိ စစ်ဆင်ရေးနယ်မြေ ကျယ်ပြန့်လာမှာဖြစ်ပြီး ယခင် Season တွေထက် ပိုမိုကြမ်းတမ်း၊ ပိုမိုရင်သပ်ရှုမောဖွယ် ကြည့်ရှုရတော့မှာပါ။ အထူးစစ်ဆင်ရေးတပ်ဖွဲ့တစ်ခုအကြောင်း ရိုက်ကူးထားတဲ့ စီးရီးကောင်းတစ်ခုဖြစ်ပြီး ဒါရိုက်တာကတော့ Yellowstone, Wind River တို့လို ဇာတ်လမ်းတွေကို ရေးသားခဲ့တဲ့ Taylor Sheridan ပါပဲ။ မင်းသမီးကတော့ Avatar ထဲက နတေးရီးအဖြစ်၊ GotG ထဲက ဂါမိုရာအဖြစ် သရုပ်ဆောင်ခဲ့တဲ့ Zoe Saldana ပါပဲ။ သူနဲ့အတူ နီကိုးကစ်မန်း၊ မောဂန်ဖရီးမန်းတို့လည်း ပါပါသေးတယ်။ ဒီတော့ စီးရီးအနေနဲ့ကြည့်ရင်တော့ သရုပ်ဆောင်အကြီးတန်း အတော်သုံးထားသလိုပါပဲ။ ဇာတ်လမ်းအကျဉ်း +++++++++ အာဖဂန်၊ အီရတ် ရှေ့တန်းတွေမှာ ဖမ်းမိတဲ့ အမျိုးသမီးတွေကို စစ်ဆေးဖို့ အမျိုးသမီးတပ်ဖွဲ့ဝင်တွေ ရှာရာကနေ "ခြင်္သေ့မ အထူးတပ်ဖွဲ့" ဆိုတာ ပေါ်လာပါတယ်။ အဲဒီအဖွဲ့ဝင် အမျိုးသမီးတွေဟာ အရေးကြီးပစ်မှတ်တွေရဲ့ ဇနီး၊ ရည်းစား၊ မိသားစုဝင်တွေကို အသွင်ယူပြီး ခင်အောင်ဝင်လုံးရပါတယ်။ အဲဒီကနေမှ ပစ်မှတ်ရဲ့ သတင်းကို စုဆောင်းပြီး အထူးတပ်ဖွဲ့တွေက လုပ်ကြံတာပဲ ဖြစ်ပါတယ်။ အဲဒီတော့ စပိုင်ဆန်ဆန် thriller ဇာတ်လမ်းကိုမှ စစ်ဆင်ရေးနဲ့ တိုက်ပွဲတွေ ပေါင်းစပ်ထားတာမို့ ကြည့်လို့ အရမ်းကောင်းမယ့် စီးရီးတစ်ခုပါပဲ။ စုစုပေါင်း (၈) ပိုင်း ပါဝင်ပြီး အပတ်စဉ် ထုတ်လွှင့်သွားမှာ ဖြစ်ပါတယ်။ File Size.............(250 MB) / (700 MB) Quality...............WEB-DL 720p / 1080p Duration............60Mins(@Episode) Subtitle..............Myanmar Hardsub Format...............MP4 Genre.................Action, Drama, Thriller Translator..........Mr.Anderson Encoder..............SWM

ထရန်စဖော်မာရုပ်ရှင်တွေရဲ့ ခုနစ်ကားမြောက်ဖြစ်တဲ့ ဒီကားမှာ သားရဲပုံစံတွေကို အများဆုံး ပြောင်းတတ်တဲ့ မက်စီမယ်မျိုးနွယ်စု ပါလာပါတယ်။ ဒီတစ်ခေါက် အော်တိုဘော့တွေ ရင်ဆိုင်ရမှာက ဒီဆက်တီကွန်တွေ မဟုတ်ဘဲ ဂြိုလ်တွေကို တစ်လုံးလုံး ဝါးမျိုနိုင်တဲ့ ယူနီခရွန်နဲ့ သူ့တပ်ဖွဲ့တွေပါ။ ယူနီခရွန်ဟာ မက်စီမယ်တွေရဲ့ ဂြိုလ်ကို ဖျက်ဆီးပြီး သူတို့လက်ထဲက ထရန်စဝါ့သော့ကို လုယူဖို့ ကြိုးစားတယ်။ ဒီသော့က စကြဝဠာတွေထဲ ခရီးသွားနိုင်မယ့် ပေါ်တယ်တံခါးတွေကို ဖွင့်ပေးနိုင်တာကြောင့် ယူနီခရွန်အတွက် နောက်ထပ်ဂြိုလ်တွေကို ရောက်ပြီး ဝါးမျိုနိုင်မယ့်နည်းလမ်း ဖြစ်နေတာပါ။ ယူနီခရွန်၊ သူ့လက်အောက်က တယ်ရာကွန်တွေနဲ့ သူတို့ခေါင်းဆောင် စကာ့ဂျ်ကို မယှဉ်နိုင်တဲ့ မက်စီမယ်တွေဟာ သော့ကိုယူပြီး ကမ္ဘာပေါ်မှာ ပုန်းနေကြရပါတယ်။ ဒါပေမယ့် စကာ့ဂျ်က ခြေရာခံလိုက်လာပြီး သော့ကို လုဖို့ ကြိုးစားလာတယ်။ အဲဒီအခါ ဆိုက်ဘာထရွန်စစ်ပွဲကို ရှောင်တိမ်းလာတဲ့ အော့တိမတ်ပရိုင်းရဲ့ အော်တိုဘော့တွေနဲ့ အော့တိမတ်ပရိုင်မယ်ရဲ့ မက်စီမယ်တွေ ပူးပေါင်းပြီး ယူနီခရွန်ရဲ့တပ်ဖွဲ့တွေကို တားဆီးရပါတော့တယ်။

ဒီနေ့အတွက် Netflix ကထွက်ရှိလာတဲ့ အလန်းစား Action, Fantasy ကားကောင်းလေး တစ်ကားကို တင်ဆက်ပေးချင်ပါတယ်။ အရင်ဆုံးပြောချင်တာကတော့ Anthony Mackie ပါဝင်ထားပြီး . Damson Idris နဲ့အတူ ဒိတ်ဒိတ်ကြဲအပြိုင်သရုပ်ဆောင်ထားတဲ့ ကားလေးပါ . ဒီကားအတွက်လည်း ဘတ်ဂျက်ကို အတော် အကုန်ကျခံရိုက်ကူးထားတယ်လည်းသိရပါတယ်။ 2021 ရဲ့ အစဟာ မူဗီချစ်ပရိသတ်တွေအတွက်တော့ အတော်လေးကျေနပ်စရာကောင်းလောက်မယ့်ကား ကောင်းလေးတစ်ချို့ထွက်ရှိလာတာကိုလည်းတွေ့ရပါတယ်။ ဇာတ်လမ်းအကျဉ်းကိုပြောရမယ်ဆိုရင်တော့ ဟာ့ပ်ဆိုတဲ့ drone pilot တပ်သားတစ်ယောက်ဟာ drone ပစ်ခေတ်မောင်းနှင်ရာမှာအတော်လေးကျွမ်းကျင်ပြီး ပစ်မှတ်ကိုတိတိကျကျပစ်ခတ်နိုင်တဲ့ သူတစ်ယောက်ဖြစ်ပါတယ်။ ဒါပေမယ့် Mission တစ်ခုမှာ သူ့ရဲ့ စိတ်လောပြီး တဇွတ်ထိုးနိုင်တဲ့စိတ်ကြောင့် အမှားတစ်ခုကျူးလွန်မိပြီး . မိမိတပ်ဘက်ကစစ်သားတစ်ချို့ရဲ့ အသက်ပါ ပေးဆပ်လိုက် ရတာကြောင့် ဒဏ်ပေးခံရတဲ့အနေနဲ့ စစ်ဇုံတစ်ခုကိုအပို့ခံရပါတော့တယ်။ အဲ့ဒီ စစ်စခန်းရောက်မှ လီယိုနဲ့တွေ့ပြီး ခက်ခဲကြမ်းတမ်းတဲ့ Mission ကို ရပ်တန့်ရင်ဆိုင်ရမှာကို ပစ်ကွင်းပစ်ကွက် အတိုက်အခိုက်တွေနဲ့ ရိုက်ပြသွားတာကို ကြည့်ရှုရမှာပါ။ Anthony ဖန်တွေကတော့ အကြိုက်ဖြစ်ဦးမှာမလွဲပါဘူး။ (ဒီဇာတ်ကားရဲ့ အညွှန်းကို Yoon Sandi Aungကရေးသားပေးပြီး . ဘာသာပြန်ပေးသူများကတော့ Yoon Sandi Aung, Jerrica, MTA တို့က ဘာသာပြန်ပေးထားပါတယ်။) Quality – 1080p, 720p WebRip Duration - 1h 54min Subtitle – Myanmar Hardsub Format – Mp4 Genre :  Action, Adventure, Fantasy Source : 1080p.WebRip Translator –  MTA, Jerrica, Yoon Sandi Aung Encoder – SWM

Tom Clancy's Jack Ryan - Season (01), (02), (03), (04) IMDb Rating - 8.0/10 Jack Ryan ဆိုတာ စာရေးဆရာ Tom Clancy ဖန်တီးထားတဲ့ Ryanverse ဆိုတဲ့ fictional ထဲက ဇာတ်ကောင်တစ်ကောင်ဖြစ် ပါတယ်။ ဒီဇာတ်ကောင်ကို live action ပြန်ရိုက်တဲ့နေရာမှာ သရုပ်ဆောင်အများကြီးကလည်း သရုပ်ဆောင်ခဲ့ကြဖူးပါတယ်။ အခုတင်ဆက်ပေးမှာကတော့ မင်းသားချော John Krasinski က ဂျက်ခ်ရိုင်ယန်အဖြစ် ပါဝင်သရုပ်ဆောင်ထားတဲ့ စီးရီးတွဲဖြစ်ပါတယ်၊ CIA analyst တစ်ယောက်ဖြစ်တဲ့ ဂျက်ခ်ရိုင်ယန်တစ်ယောက် အကြမ်း ဖက် အဖွဲ့အစည်းတစ်ခုအကြောင်း ရှာဖွေတွေ့ရှိသွားပြီးတဲ့နောက် သူကိုယ်တိုင် အန္တရာယ်စက်ကွင်းထဲ ကျရောက်သွားပုံတွေကို မြင်တွေ့ရမှာပါ။ (ဒီဇာတ်လမ်းရဲ့အညွှန်းကို Act Molemy မှ ရေးသားပေးပြီး၊ ဘာသာ ပြန်ရေးသားပေးသူများကတော့  CM Teamမှ ဖြစ်ပါတယ်။) File Size.............(300 MB) / (700 MB) Quality...............BluRay 720p / 1080p Duration............1Hr(@Episode) Subtitle..............Myanmar Hardsub Format...............MP4 Genre.................Action, Drama, Thriller Translator..........Act Molemy, Khant Sett Naing, JimX, Jerrica, Thiha Yan Naing, Encoder..............SWM, Zin Phyo Aung

ဒီကားကတော့ ကမ္ဘာ့အမြင့်ဆုံး တောင်ဖြစ်တဲ့ Everest (ဧဝရတ်တောင်) တက်တဲ့ အဖွဲ့နှစ်ဖွဲ့ Adventure Consultants and Mountain Madness အကြောင်း ရိုက်ကူးထားတာဖြစ်ပြီး၊ ၁၉၉၆ Everest Disaster အကြောင်းကို အကြမ်းဖျင်း အခြေခံပြီး ရိုက်ကူးထားတာဖြစ်ပါတယ်။ ဇာတ်လမ်းမှာ Rob Hall (Jason Clarke) က လမ်းပြသုံးယောက်ထဲက တစ်ယောက်ဖြစ်ပြီး Beck Weathers (Josh Brolin), Doug Hansen (John Hawkes), Yasuko Namba (Naoko Mori), Scott Fischer (Jake Gyllenhaal) တို့ ပါဝင်တဲ့ တောင်တက်အဖွဲ့နှစ်ဖွဲ့က တောင်ခြေမှာ ဆုံကြပြီး ကမ္ဘာအမြင့်ဆုံး တောင်ကို တက်ဖို့ပြင်ဆင်ကြပါတယ်။ Rob ရဲ့ မိန်းမက ဗိုက်ကြီးနေပြီး သမီးလေး ဖြစ်တယ်လို့ အကြောင်း ကြားလာသလို သမီးလေးကို Sarah လို့နာမည်ပေးဖို့ Rob ကပြောဆိုခဲ့ပါတယ်။ အခက်အခဲပေါင်းများစွာကြုံတွေ့ခဲ့ရပြီး နောက်မှာ တောင်ထိပ်ကို တက်ရောက်နိုင်ခဲ့ကြပြီးနောက်မှာ၊ ရာသီဥတု ပြောင်းလဲလာခဲ့ပြီး၊ ပြန်အဆင်းမှာ စတင်ပြီး ကံကြမ္မာဆိုး ကြုံရတာဖြစ်ကြောင်း ကို ရင်သပ်ရှုမောဖွယ် ရှုစားရမှာဖြစ်ပါတယ်။ စွန့်စားခန်း၊ ရင်သက်ရှုမောဖွယ်ရာများနဲ့ ဇာတ်လမ်း အစအဆုံး မရိုးရအောင ်ကြည့်ရမှာဖြစ်ပြီး၊ ဘယ်လို အဆုံးသတ်မလည်းဆိုတာ ကြိုသိနေတာတောင် ကြည့်လို့ ဇာတ်ကားကို ကြည့်လို့ကောင်းအောင်ရိုက်ကူးထားနိုင်တာတွေ့ရပါတယ်။ ဇာတ်ကားကောင်းတစ်ကားဖြစ်ပြီး Survival ဇာတ်ကားကောင်းတစ်ကားဖြစ်ပါတယ်။ 3D, IMax, IMax 3-D တို့နဲ့ ကြည့်သင့်တဲ့ ဇာတ်ကားဖြစ်ပြီး ကြည့်လို့လည်း တန်ပါတယ်။ ရုံမှာသွားကြည့်ဖို့တန်ပါတယ်။ ဒီကားကို ကြည့်ပြီး အခက်အခဲကြားက အသက်စွန့်ပြီး ဘာလို့ တက်လည်းလို့ တွေးတဲ့သူတွေရှိကောင်း ရှိနိုင်ပါတယ်။ ဒီနေရာမှာ တောင်တက်တဲ့သူတွေ၊ စွန့်စားသွားလာတဲ့သူကတွေ ဘာအကျိုးအမြတ်မှမရှိပေမယ့်၊ တောင်ထိပ်ကို ရောက်သွားတဲ့ ခံစားချက်က ဘာနဲ့မှလဲလို့မရဘူးဆိုတာ တောင်တက်ဖူးသူတွေ ပဲသိနိုင်ပါတယ်။ စိန်ခေါ်မှုတွေကို ကြိုက်ပြီး စွန့်လွှတ်စွန့်စားတတ်သူတွေ အကြောင်း ရိုက်ကူးထားတာဖြစ်ပြီး အခန့်မသင့် လို့အသက်ဆုံး ရှုံးခဲ့ရင်တောင် သူတို့ရဲ့ နာမည်က သမိုင်းမှာ တွင်ကျန်ခဲ့မှာ ဖြစ်ပါတယ်။ No Sex, No Nudity ဖြစ်ပြီး မိသားစုတူတူ ကြည့်နိုင်ပါတယ်။ (ဇာတ်ကားအညွန်းကို Movie Preview For Myanmar pageမှ #Sololay ရေးသားထားတာကို ကူးယူဖော်ပြထားတာဖြစ်ပါတယ်) File Size         : 870 MB Quality           : Blu ray 720P Running Time : 2hr 01 minute Format           : Mp4 Genre             : Adventure, Biography, Drama Encoder         : Joker.phs

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Man of Steel (2013) IMDb Rating (7.1) / Rotten Tomatoes (56%) Director: Zack Snyder ရိုက်ကူးတင်ဆက်ထားပြီးJune 14, 2013 (USA) မှာ ရုံတင်ပြသခဲ့တဲ့ Super Man ဇာတ်ကားအသစ်ဖြစ်ပါတယ်... Super Man ဆိုတိုင်း ထူးမခြားနား ပုံစံအတိုင်းထူးဆန်းတဲ့ မိုးကောင်းကင်ကနေကျလာတဲ့ လူသားလေးကို ရိုးသားတဲ့ တောသူတောင်သူ လင်မယားကမွေးစားလိုက်တဲ့ ဇာတ်လမ်းပါပဲ ဒါပေမယ့် ထူးခြားနေပါတယ်.... Spoiler Alert.... Super Man ခေါ် ခါအလ် ရဲ့ မွေးဖွားခြင်းနဲ့ သူ နေထိုင်ရာ ဂြိုလ်ပျက်စီးခြင်းကိုတွဲမြင်ရမှာဖြစ်ပါတယ် ဂြိလ်ပြန်လည်တည်ထောက်ဖို့ ပင်မ သော့ကိုတော့Super Man ရဲ့ ဖခင် ဂျိုအယ် နဲ့ မိခင် လာရာ က သူ့သား ရဲ့ယဉ်ငယ်ကိုယ်ထဲကို ထည့်သွင်းပေးပြီးတော့ကမ္ဘာဂြိုလ်ဆီသို့ ယဉ်ငယ်လေးနဲ့ ပို့လွှတ်လိုက်ပါတယ်.... အရင်လို မဟုတ်ပဲ ထူးခြားတာကတော့ Super Man ရဲ့ငယ်ဘ၀ မှာ လူတွေနဲ့ အဆင်မပြေနေထိုင်ခဲ့ရပါတယ် ကျနော်တို့ ထင်သလို ငယ်စဉ်ကတည်းက Hero လူစွမ်းကောင်းမဟုတ်ခဲ့ပါဘူး လူတိုင်းရဲ့ အထူးအဆန်းအဖြစ် ကြည့်ရှုမြင်နေမှုကိုရရှိခဲ့ရတာပါ... ဒီလိုနဲ့ တစ်ရက် ကျောင်းကား မတော်တဆ ဖြစ်ပြီး ရေနစ်တဲ့အချိန်မှာSuper Man က ရေထဲကနေ ကားကို ကုန်းပေါ်ပြန်တွန်းတင်ခဲ့ပါတယ်.. ဒါကို မြင်လိုက်တဲ့ ကျောင်းသား အချို့က ပြန်ပြောပြတော့ မွေးစားဖခင်ကSuper Man ကို ခေါ်ပြီး ဘယ်သူ သေသေ ဒုက္ခရောက်ရောက်အစွမ်းကို ဘယ်တော့မှ ထုတ်မပြပါနဲ့လို့ ကတိတောင်းခဲ့တယ်... ဒီလိုနဲ့ Super Man လဲ တည်ငြိမ်စွာနဲ့ ဘ၀ ကို ဖြတ်သန်းလာပြီးနောက်လူပျိုပေါက်အရွယ်မှာပဲ မွေးစား အဖေ အမေ နဲ့ အတူ ခရီးထွက်လာရင်းလမ်းတဝက်မှာ လေမုန်တိုင်း ရုတ်တရက်ဝင်လာပါတော့တယ်... လူတွေကို သားအမိသားအဖ သုံးယောက်လိုက်ကူပြီး နေရာရွှေ့ပေးနေတဲ့အချိန်မှာပဲ ကားထဲမှာ ခွေးလေး ကျန်နေခဲ့လို့ ဖခင်ဖြစ်သူက သွားကယ်တဲ့အချိန်မှာပဲ ခွေးလေးကို ကယ်လို့ လွှတ်ပေးအပြီး လေမုန်တိုင်းက အဲ့ဒီနေရာကို ဝင်လာခဲ့ပါတော့တယ် အကာအကွယ်ရှိတဲ့နေရာကနေ ဖခင်ကိုကယ်ဖို့ ထွက်ဖို့လုပ်နေတဲ့ Super Man ကို ဖခင်က ခေါင်းတစ်ချက်ခါပြခဲ့တယ် မလာနဲ့ သား မင်းကတိကို မင်းတည်ပါ ဆိုတဲ့ အဓိပ္ပါယ်တစ်ခု သက်ရောက်နေခဲ့မှာပါ.... ဒီလိုနဲ့ ဂြိုလ်ပျက်စီးခဲ့စဉ်က ထိန်းသိမ်းထားခဲ့တဲ့ သစ္စာဖောက်အကျဉ်းသားတွေလဲ Super Man ရဲ့ အနံ့ကို ခံပြီး ကမ္ဘာမြေပေါ် ရောက်လာတဲ့အချိန်မှာတော့....။ File size…(10 GB)/(2.4 GB) / (1.5 GB) Quality….BluRay Remux 4K HEVC/1080p HEVC / 720p Format…mkv/mp4 Duration….02:23:00 Subtitle….Myanmar Subtitle (Hardsub) Encoder….Ka Naung

ဒီဇာတ်ကားက ၂၀၁၃ ခုနှစ်တုန်းက ထွက်ရှိခဲ့ပြီး လူကြိုက်အတော်များခဲ့တဲ့ ဇာတ်ကားတစ်ကား ဖြစ်ပါတယ်။ ဒါရိုက်တာ Louis Leterrier က ရိုက်ကူးပေးထားပြီး နာမည်ကျော် Hulk သရုပ်ဆောင် Mark Ruffalo, Woody Harrelson, Jesse Eisenberg, Morgan Freeman တို့က အဓိက ပါဝင် သရုပ်ဆောင်ထားကြပါတယ်။ ဇာတ်လမ်းရဲ့ လှည့်ကွက်တိုင်းမှာ လှည့်ကွက်တွေ ထပ်ထပ်ဆင့်နေတဲ့ ဇာတ်ကားကောင်းတစ်ကားလည်း ဖြစ်ပါတယ်။ လမ်းပေါ်မှာ လှည့်လည်ပြသနေကြတဲ့ မျက်လှည့်ဆရာလေးဦးကို တစ်ရက်မှာ ဘယ်ကမှန်းမသိတဲ့ ကတ်လေးတစ်ကတ် ရောက်လာပြီး နေရာတစ်ခုကို ချိန်းလိုက်ပါတယ်။ သူတို့လေးယောက်ကို ခေါ်လိုက်တဲ့အဖွဲ့က ဒဏ္ဍာရီလာ မျက်လုံးတော်ဆိုတဲ့ အသင်းတော်တစ်ခုက ဖြစ်ပါတယ်။ ဒီအသင်းတော်က မြန်မာလိုသဘောအရဆို ငတက်ပြားရာဇဝင်နဲ့ ခပ်ဆင်ဆင် တူပါတယ်။ သူဌေးတွေထဲက ခိုးယူပြီး ဆင်းရဲသူတွေကို မျှဝေတဲ့သူတွေကနေ စတင်ခဲ့ကြတာပေါ့။ အီဂျစ်ခေတ်ကတည်းက စတင်ခဲ့တဲ့ ဒီအသင်းတော်က ထူးချွန်တဲ့ လူငယ်မျက်လှည့်ဆရာတွေကို အသင်းတော်ထဲ ဝင်ခွင့်ပေးပါတယ်။ အခု ဒီလေးယောက်ကိုလည်း မြင်းစီးသမားလေးယောက်ရယ်လို့ အမည်ပေးပြီး ဘယ်လို မကောင်းမှုတွေကို ထုတ်ဖော်သွားမလဲဆိုတာကို စိတ်လှုပ်ရှားဖွယ်ရာ ကြည့်ရှုကြရမှာ ဖြစ်ပါတယ်။ Rating တွေအနေနဲ့ IMDb 7.2 နဲ့ RT 51% ရရှိထားပါတယ်။ File size…     9.4 GB /  2.8 GB / 1.3 GB Quality… BluRay 4K extended / 1080p / 720p Format… mp4 , MKV Duration…. 2h 4m Genre ..... Crime/Thriller Subtitle…. Myanmar Subtitle (Hard Sub) Encoder…. Thit San Khant Translated by El MoH

IMDb - 7.0/10 Rotten - 85% 'with great power comes great responsibility' ဒီစကားစုနဲ့အားလုံးမစိမ်းပါဘူး ဒါပေမယ့်အဲ့လိုအစွမ်းတွေရလာတဲ့အခါလက်တွေ့ဆန်ဆန်စဉ်းစားလိုက်ရင် သင်ဟာဂေဟစနစ်ရဲ့အပေါ်ဆုံးနီးပါးကိုရောက်နေပါလိမ့်မယ် အဲ့လိုဆိုရင်တော့ဇာတ်လမ်းကမတူတော့ပါဘူး ဒီကားဟာပုံမှန်ဆယ်ကျော်သက်ကောင်လေးတစ်ယောက်ရဲ့မတူတဲ့ဇာတ်လမ်းတစ်ခုပါပဲ အန်ဒရူးဟာကျောင်းမှာလုံးဝအရှုံးသမားဖြစ်သလို အိမ်မှာလည်းအဖေဖြစ်သူအရက်သမားအနိုင်ကျင့်ရသမျှခံနေရတဲ့ ဆယ်ကျော်သက်ကောင်လေးပါ သူ့မှာအသက်ရှင်နေရတဲ့အကြောင်းရင်းဆိုလို့အိပ်ယာထဲ ဗုန်းဗုန်းလဲနေတဲ့သူ့အမေသာရှိပါတယ် ဆေးဖိုးလည်းမတတ်နိုင်အတွက်ရောဂါကဆိုးသထက်သာဆိုးလာပါတော့တယ် အန်ဒရူးနဲ့သူ့ဝမ်းကွဲမတ်တ်နဲ့သူငယ်ချင်းစတိဗ်တို့ဟာ ရုတ်တရတ်မြေအောက်ကရေဒီယိုသတ္တိကြွအရာတစ်ခုကို ပါတီပွဲသွားရင်းတွေ့သွားတဲ့အခါမှာတော့... ကိုယ်ပိုင်အရှုံးသမားဘဝနဲ့စွမ်းအားတွေရောယှက်လာမိရင်း ဘယ်လောက်ထိပြသနာတွေတက်ကြမလဲဆိုတာ... Translated by Linn Kyaw Swar Aung Encoded by sithu

လူတွေရဲ့ ကံကြမ္မာတွေကကိုယ်ပိုင်နဲ့ထိန်းချုပ်ခွင့်ရှိနေတာလား။ တစ်စုံတစ်ယောက်ရဲ့ လက်ထဲမှာများလား။ကံကြမ္မာနဲ့ ကိုယ်ပိုင်လွတ်လပ်ခွင့် ကြားထဲက ပဋိပက္ခတွေကို ပုံဖော်ထားတဲ့ ဒီကားမှာ Matt Damon က အမတ်လောင်း David Norrid အဖြစ်သရုပ်ဆောင်ထားတာပါ။ ဘဲလေး ကချေသည် ကောင်မလေးတစ်ယောက်နဲ့ ဆုံတွေ့ခွင့်ရခဲ့ပြီး သူ့ရဲ့ ဘဝပြောင်းလဲသွားမှာလား၊ နောက်ကွယ်က သဘာဝလွန်အဖွဲ့ကရော ပြောင်းလဲခွင့်ပေးမှာလားဆိုတဲ့မေးခွန်းပေါင်းများစွာနဲ့ စိတ်ဝင်စားဖွယ်ကြည့်ရှုရမယ့်ကားပါ။ သာမန်ကားတွေနဲ့ကွဲထွက်စေတဲ့အချက်ကတော့ အချစ်ရေးနဲ့ သဘာဝလွန်ကိစ္စရပ်တွေကို လက်တွေ့ကျကျ သိပ္ပံနည်းကျအခြအနေတွေနဲ့ဘယ်လိုပေါင်းစပ် တင်ပြထားလဲဆိုတာပါပဲ။ IMDb 7.0 Rotten tomato 71 %တောင် ရထားတဲ့ကားမို့လို့ အထွေအထူးပြောနေစရာလိုမယ်မထင်ပါဘူးရှင့်............ File size…(2 GB)/(950 Mb) Quality….Blu-Ray 1080p / 720p Format… mp4 Duration…. 02:01:00 Genre... Crime, Drama, Mystery, Romance, Sci-Fi, Thriller Subtitle….Myanmar Subtitle (Hardsub) Encoder….Garfield Translated by Shocking Pink

Law Abiding Citizen (2009) အမေရိကန်လို ဥပဒေတင်းကျပ်တဲ့ နိုင်ငံမျိုးမှာတောင် ရာဇဝတ်မှုဆိုတာ ကိုယ့်အိမ်တံခါးဝကို အချိန်မရွေးရောက်လာနိုင်တဲ့ နတ်ဆိုးတစ်ကောင်ပါပဲ… အဲဒီနတ်ဆိုးဟာ တစ်နေ့တော့ ကလိုက်ဒ် ရှယ်တန် ဆိုတဲ့ အင်ဂျင်နီယာတစ်ယောက်ရဲ့အိမ်ကို ဆိုက်ဆိုက်မြိုက်မြိုက် ရောက်လာခဲ့ပါတယ် … ကလိုက်ဒ်တို့ မိသားစု ညစာစားဖို့ပြင်ဆင်နေတုန်း ဘယ်ကမှန်းမသိတဲ့လူတွေ အိမ်ထဲ ဇွတ်ဝင်ရောက်လာပြီးတော့ ပစ္စည်းတွေလုယက်လို့ သူ့ရဲ့မိန်းမနဲ့ လူမမည်သေးတဲ့ သမီးလေးကိုပါ သတ်သွားခဲ့ကြတယ်… ကံဆိုးတာလား ကံကောင်းတာလား မသိတာတစ်ခုက ကလိုက်ဒ်တစ်ယောက်ပဲ အသက်ပြင်းလို့ မသေဘဲကျန်ခဲ့တယ်ပေါ့… ဇာတ်လမ်းလေးက အစမှာ ယဉ်သကို ဆိုသလိုပဲ အထက်ပါအတိုင်း ဇာတ်လမ်းစထားပြီးတော့ အလယ်မှာ ဇာတ်လမ်း အရှိန် တဖြည်းဖြည်း မြင့်တက်လာရာကနေ နောက်ဆုံးမှာ လှလှပပ အဆုံးသတ်သွားခဲ့ပါတယ်.. ဇာတ်လမ်းအရသာပျက်သွားမှာစိုးလို့ ရီဗျူးတောင်မရေးရဲလောက်အောင်ပါပဲ… သေချာတာတစ်ခုကတော့ မှုခင်းကားတွေ စုံထောက်ဇာတ်လမ်းတွေ သည်းထိတ်ရင်ဖိုတွေ သဘောကျ နှစ်သက်သူတွေအတွက်ကတော့ မကြည့်မိရင် နောင်တရစေမယ့် ဇာတ်ကားပဲဖြစ်ပါတယ် သရုပ်ဆောင်တွေကလည်း တကယ့်စတားတွေဖြစ်ကြတဲ့ Gerard Butler တို့ Jamie Foxx တို့ အဓိကပါဝင်သရုပ်ဆာင်ထားပြီးတော့ IMDb မှာလည်း 7.4 / 10 တောင်ရရှိထားပါတယ်။ ကိုယ်တိုင်ပဲ ကြည့်ရှူခံစားတော်မူပါ။ File size…2.06GB / 914MB Quality… BluRay 1080p/ 720p Format…mp4 Duration….2h 00m Genre ….. Action, Crime, Drama Subtitle….Myanmar Subtitle (Hard Sub)

အာသာပေါ်ပင်တန်က နေ့ဘက်မှာ ဆောက်လုပ်ရေးအလုပ် လုပ်ပြီး ညဘက်ရောက်ရင် Defendor ဆိုတဲ့ စူပါဟီးရိုးအဖြစ် အသွင်ယူသူပါ။ ရုပ်ပြထဲက စူပါဟီးရိုးတွေကို အားကျလွန်းလို့ သူ့နည်းသူ့ဟန်နဲ့ ဒုစရိုက်သမားတွေကို လိုက်နှိမ်နင်းနေတာဖြစ်ပါတယ်။ ဘတ်မန်းနဲ့ အိုင်းရွန်းမန်းတို့လို ဘီလျံနာသူဌေးဖြစ်ဖို့ ဝေးစွ၊ အာသာမှာ နေစရာအိမ်တောင် မရှိပါဘူး။ သူ့မှာရှိတာက ရိုးသားကြင်နာတဲ့စိတ်နဲ့ စူပါဟီးရိုးဖြစ်ချင်တဲ့ ဆန္ဒပါပဲ။ သူများကို ကူညီဖို့ ကြိုးစားနေပေမယ့် အာသာကိုယ်တိုင်ကတော့ မကြာခဏ ခံနေရသူပါ။ တစ်နေ့မှာ ကတ်ဆိုတဲ့ ကောင်မလေးနဲ့ ဆုံပြီး သူလိုက်ရှာနေတဲ့ ဗီလိန်ဟာ မြို့ရဲ့မူးယစ်ရာဇာဖြစ်ကြောင်း သိလိုက်ရတဲ့အခါ ကိုယ်တိုင်သွားရင်ဆိုင်ဖို့ ဆုံးဖြတ်လိုက်ပါတယ်။ အာသာရဲ့ လူသားဆန်တဲ့စိတ်နဲ့ အလွဲတွေကို ဟာသနှောထားတဲ့ ဒီဇာတ်ကားမှာ Woody Harrelson၊ Kat Dennings နဲ့ Sandra Oh တို့ ပါဝင်သရုပ်ဆောင်ထားပါတယ်။

Changeling (2008) ~ IMDb - 7.7/10, RT - 62%, Meta - 63% ~ အခုတစ်ခါမှာတော့ Eternals ဇာတ်ကားနဲ့ ပရိသတ်ရင်ကို ပြန်လည်ဖမ်းစားနိုင်ခဲ့တဲ့ ဂျိုလီရဲ့ Crime/ Drama ဇာတ်ကားလေး Changeling ကို တင်ဆက်ပေးလိုက်ပါတယ်။ ဒီကားဟာ ဒါရိုက်တာ​ Clint Eastwood ရိုက်ကူးခဲ့တဲ့ ဖြစ်ရပ်မှန်အခြေပြု ဇာတ်ကားတစ်​ကားဖြစ်ပြီး ဂျိုလီရဲ့သရုပ်ဆောင်ချက်တွေ ထိမိလွန်းလို့ Oscar ဆန်ခါတင်စာရင်းလည်း ဝင်ခဲ့ပါသေးတယ်။ ​အကျင့်ပျက်ခြစားမှုတွေနဲ့ လည်ပတ်နေတဲ့ ရဲဌာန... မတရားသဖြင့် ဖိနှိပ်အုပ်ချုပ်နေတဲ့ လော့အိန်ဂျလိစ်အစိုးရလက်အောက်မှာ... ဒုစရိုက်မှု​တွေပြည့် အလောင်းတွေထပ်နေခဲ့တဲ့အချိန်... Single Mother တစ်​ယောက်နဲ့ သူ့ရဲ့ ကိုးနှစ်သားငယ်လေးဟာ အမေတစ်ခု သားတစ်ခုဘဝမှာ အေးချမ်းစွာ နေနေခဲ့ပါတယ်... ဒါပေမဲ့ တစ်နေ့ အလုပ်ကပြန်လာတဲ့ မိခင်ဖြစ်သူဟာ သူ့သားလေးကို မတွေ့ရတော့တဲ့အခါ..... သူ့သားငယ်လေး ဝေါလ်တာက ဘယ်ရောက်သွားခဲ့တာလဲ၊ ဘယ်သူခေါ်သွားခဲ့တာလဲ၊ အမေဖြစ်သူနဲ့ ပြန်လည်ပေါင်းစည်းနိုင်ပါ့မလား ?? အစိုးရနဲ့ ရဲဌာနကရော ဘယ်လိုတာဝန်ယူမှုတွေ လုပ်ပေးခဲ့လဲဆိုတာ စိတ်လှုပ်ရှားစွာနဲ့ ကြည့်ရမှာပါ။ ဒီကား​​လေးမှာ သားသမီးကိစ္စနဲ့ ပတ်သက်လာရင် မိခင်တွေဟာ ဘယ်လောက်တောင်ရဲရင့်တယ် အစိုးရမကလို့ ဘယ်လိုအဖွဲ့အစည်း ဘယ်လိုလူပုဂ္ဂိုလ်ပဲ ဖြစ်နေပါစေ အမှန်တရားအတွက် ရင်ဆိုင်ရဲတယ်ဆိုတဲ့ မိခင်မေတ္တာကို အပြည့်အဝခံစားရမှာပါ။ ဒီထဲက ဇာတ်ကောင်တွေအကုန်လုံးကလည်း အပြင်မှာတကယ်ရှိခဲ့တဲ့သူတွေဖြစ်လို့ ဇာတ်ကားကြည့်ရင်း တကယ်​ဖြစ်နေသလို စိတ်လှုပ်လည်းရှား ကျောလည်းချမ်းရမှာမို့ Mystery & Thriller ကြိုက်တဲ့ ပရိသတ်တွေလည်း လက်မလွှတ်တမ်းကြည့်သင့်တဲ့ ဇာတ်ကားလေးပါလို့ ညွှန်းလိုက်ပါတယ်။ (ဇာတ်ကားနဲ့ အညွှန်းကို Nadi Myint Naing မှ ပြန်ဆိုရေးသားထားပါတယ်) Size - 1.5GB, 781MB Quality - 1080p, 720p IMDb Rating - 7.7/10 Format - mp4 Duration - 2H 21Min Genre - Biography, Crime, Drama Subtitle - Myanmar Subtitle (Hardsub) Translated by Nadi Myint Naing Encoded by Y

Invincible (2006) IMDB : 7.1 Rotten Tomatoes : 71% Genre : Sport / Biographical Drama Invincible ကတော့ ၂၀၀၆ ခုနှစ်ထွက် ဖြစ်ရပ်မှန်နဲ့ စိတ်ကူးယဉ်ကိုရောပြီး ချပြထားတဲ့ ရုပ်ရှင်ကားကောင်းတစ်ကားဖြစ်ပါတယ်။ Vince Papale ဆိုတာ American Football Professional Receiver တစ်ယောက်ဖြစ်ပါတယ်။ ဒီရုပ်ရှင်ကတော့ Philadelphia Eagles အသင်းမှာ ပရော်ဖက်ရှင်နယ်ကစားသမားဘဝကို စတင်ခဲ့ပုံကို ဖြစ်ရပ်မှန်နဲ့ စိတ်ကူးယဉ်ရောပြီး ချပြသွားတဲ့ ရုပ်ရှင်ဖြစ်ပါတယ်။ ဇာတ်ညွှန်း ဗင့်စ်ပါပါလီဆိုတာကတော့ အခြေခံလူတန်းစားတစ်ယောက်ဖြစ်ပြီး ရပ်ကွက်ထဲမှာ အပျော်ဘောလုံးပဲဆော့တဲ့ အသက် ၃၀ အရွယ်လူတစ်ယောက်ဖြစ်ပါတယ်။ သူ့ရဲ့ တစ်ခုတည်းသောထွက်ပေါက်ကတော့ Philadelphia Eagles အသင်းကို အားပေးရတာပါပဲ။ ဒါပေမဲ့ Philadelphia Eagles အသင်းက အဲဒီအချိန်မှာ Manchester United နဲ့နင်လားငါလားဖြစ်နေပြီး ရှုံးပွဲဆက်နေခဲ့ပါတယ်။ တစ်နေ့မှာတော့ Philadelphia Eagles အသင်းကို နည်းပြအသစ်တစ်ဦးရောက်လာပြီးတော့ သူက လူရွေးပဲတစ်ခုကိုကျင်းပလိုက်ပါတယ်။ အဲဒါကတော့ မည်သူမဆို လာရောက်ယှဉ်ပြိုင်နိုင်ပြီး သဘောကျတဲ့လူကို Philadelphia Eagles အသင်းမှာ ဝင်ရောက်ကစားဖို့ အခွင့်အရေးပေးသွားမယ်ဆိုတာပါပဲ။ ဒီလိုနဲ့ အသက် ၃၀ အရွယ် ပါပါလီက မပါဘူးအထင်နဲ့သွားအရွေးခံရာကနေ ဘာတွေဆက်ဖြစ်မလဲဆိုတာကိုတော့ ခံစားကြည့်လိုက်ကြပါခင်ဗျာ။ ပါပါလီအဖြစ် အချစ်တော် မင်းသား Mark Wahlberg က သရုပ်ဆောင်ထားပါတယ်ခင်ဗျာ။ File size…   2.6 GB / 1.6 GB Quality… BluRay 1080p / 720p Format… mp4 Duration…. 1h 45m Genre ..... Sport / Biographical Drama

Dawn of the Dead (2004) IMDb - 7.3/10 Rotten - 75% ကြောက်တက်သူများ ကြည့်ဖို့မသင့်တော်ပါဘူး သွေးသံရဲရဲတွေနဲ့ သဘာဝကျစွာ ပုံဖေါ်ထားတာဖြစ်လို့ Horror ကြိုက်သူတို့ လက်မလွှတ်သင့်တဲ့ ဇာတ်ကားကောင်းလေးပါ။ ဇွန်ဘီကားဆိုပေမဲ့ ဖြစ်သလိုဇာတ်အိမ်ဖွဲ့ထားတာမျိုးမဟုတ်ပဲ သဘာဝကျကျ ဖွဲ့ထားပါတယ်။ သေချာခံစားပြီးကြည့်ရင် သင်ကိုယ်တိုင် ဇာတ်လမ်းထဲမှာ စီးမျောနေသယောင်ခံစားရပါလိမ့်မယ်။ ဘဝကို ရိုးရှင်းစွာဖြတ်သန်းနေတဲ့ သူနာပြုမလေးတစ်ယောက်။ တစ်နေ့ဂျူတီပြီးလို့ အိမ်အပြန် ညနေပိုင်းလောက်မှာ မိန်းကလေးတစ်ယောက် တံခါးဝမှာရပ်နေပါတယ်... ကလေးရဲ့ ပါးစပ်မှာသွေးတွေပေနေပြီး လူကလောက်ကျောက်ရုပ်လိုငြိမ်သက်နေပါတယ် ဂါဝန်အဖြူမှာလည်း သွေးတွေစွန်းထင်းနေပါတယ်။ သူမကိုမြင်တော့ အကူညီလိုနေတယ်ထင်လို့ အကူညီခေါ်ပေးဖို့ အနားသွားလိုက်တဲ့အခါမှာတော့.. ကမောက်ကမတွေဖြစ်ကုန်ပါတယ်... အသက်ရှင်ကျန်ရစ်သူ သူနာပြုမလေးကတော့ ခြေဦးတည့်ရာ ပြေးရင်းလွှားရင်း လူတစ်စုနဲ့ပေါင်းမိပြီး မောလ်ကြီးတစ်ခုထဲကို ရောက်ရှိသွားပါတယ်။ အဲဒီမောလ်ကြီးဟာ အသက်ရှင် ကျန်ရစ်တဲ့သူတွေအတွက် မှီခိုရာနေရာလေးဖြစ်သွားပါတော့တယ်..။ တစ်ကယ်တော့ သူတို့တွေအားလုံးက ဇွန်ဘီကောင်တွေရဲ့ သဘောသဘာဝကို မသိကြပါဘူး ဘယ်လိုကူးစက်လဲဆိုတာကိုလည်းမသိကြပါဘူး..။ တစ်နေ့မှာ မောလ်ထဲကို လူသစ်တွေထပ်ရောက်လာပါတယ် သူတို့ထဲက တစ်ယောက်က အကိုက်ခံထားရပြီး အခြေနေက အတော်ဆိုးရွားနေပါပြီ။ သူ..သေသွားပြီး တစ်ဖန်ပြန်ထလာကာ တွေ့တဲ့လူကို လိုက်ကိုက်ပါတော့တယ်။ အဲဒီအချိန်မှာပဲ အကိုက်ခံရရင် ကူးစက်တယ်ဆိုတာ သိရှိကြပါတော့တယ်...။ ဒါပေမဲ့ သူတို့သိတာနောက်ကျခဲ့ပါပြီ...။ တစ်ကယ်လို့များ အဲဒါကို အစကတည်းကသိခဲ့ကြရင်...။ ရင်တစ်ထိတ်ထိတ် သဲတဖိုဖိုနဲ့ အူယားစရာကောင်းအောင်းကြည့်ရှု့ခံစားရမဲ့ ဟောင်းပေမဲ့ ကောင်းနေဆဲ ဇာတ်ကားလေးဖြစ်တာကြောင့် တင်ဆက်ပေးလိုက်ပါတယ်။ File Size :  7.5 GB, 2.3 GB, 1.1 GB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC Genre : Action, Horror, Thriler Subtitle : Myanmar Subtitle (Hard Sub) Translated by : Aye Min Oo Encode by : Thit San Khant

Unbreakable (2000) IMDb Rating (7.3) / Rotten Tomatoes (70%) Mr.glassဆိုတဲ့လူကိုကြားဖူးကြလားဗျ မကြားဖူးသေးရင်တော့2019 ဇန်နဝါရီလရဲ့ပထမအပတ်မှာရုံတင်တော့မယ့် Glass ကိုသွားကြည့်ရင် အဆင်ပြေလှမှာမဟုတ်ပါဘူး။ Mr.glassဆိုတာ Osteogenesis Imperfecta လို့ခေါ်တဲ့ အရိုးကြေမွလွယ်ရောဂါဖြစ်နေတဲ့လူမမာလေးပါ။ ငယ်ငယ်ထဲကဆေးရုံမှာပဲကြီးပျင်းလာတာဖြစ်ပြီး သူ့အမေ ယူယူလာပေးတဲ့ ကာတွန်းစာအုပ်တွေနဲ့သာကြီးပျင်းလာတဲ့ကလေးလေးတစ်ယောက်ပါ။ ခန္ဓာကိုယ်ကိုသိပ်မသုံးနိုင်တဲ့သူ့ရဲ့ ဦးနှောက်ဟာအစွန်းတစ်ဖက်ရောက်တဲ့အထိစွမ်းဆောင်ရည်ရှိနေပါတယ်။ သူအဲ့ဦးနှောက်ကိုပြန်အသုံးချဖို့တော့ကာတွန်းစာအုပ်တွေကလွဲပြီးမရှိခဲ့ပါဘူး။ ကလေးဘဝကလုပ်ဆောင်နိုင်စွမ်းတွေဟာအသက်ရလာတာနဲ့အတူပိုပိုပြီးတိုးလာခဲ့ပါတယ်။ သူ့ကိုယ်သူဘယ်သူလဲဆိုတာလည်းအရမ်းရှာချင်ခဲ့ပါတယ်။ အရွယ်ရောက်လာတာနဲ့အမျှသူ့ကိုယ်သူရှာတဲ့ကိစ္စကလည်းပိုပြီးတွင်ကျယ်လာခဲ့ပါတယ်။ ကာတွန်းစာအုပ်တွေထဲကလိုပဲ သူ့ရဲ့အစွန်းတစ်ဖက်ကိုသူရှာခဲ့ပါတယ်။ Dunnလို့ခေါ်တဲ့လူအာဂဟာ အယောက်၁၃၁ယောက်ကိုသေသွားစေတဲ့ ရထားမတော်တဆမှုမှာခြစ်ရာမထင်ပဲကျန်ခဲ့ပါတယ်။ အိမ်ထောင်ရေးအဆင်မပြေတဲ့ပုံမှန်အခြေခံလူတန်းစား Dunn ဟာ အဲ့အဖြစ်အပျက်တွေဖြစ်ပြီးသိပ်မကြာခင်မှာပဲ လူထူးဆန်းတစ်ယောက်နဲ့မဖြစ်မနေရင်ဆိုင်ရပါတော့တယ်။ အဲ့လူကတော့ Mr.glassဖြစ်ပြီး Dunn ရဲ့ဘဝတစ်ခုလုံးကိုပြောင်းသွားစေမယ့်comic factsတွေနဲ့ သွေးအေးတဲ့လူသတ်မှုတွေကိုအရသာရှိရှိကြည့်ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Lin Kyaw Swar Aung ဖြစ်ပါတယ်။) File size…(1.5 GB) / (630 MB) Quality….Blu-Ray 1080p HEVC /720p Format…. mkv/mp4 Genre….Drama,Mystery,Thriller Duration….01:47:39 Subtitle….Myanmar Subtitle (Hardsub) Encoder….Double K Translated by Lin Kyaw Swar Aung

ဇာတ်ကားအကြောင်းမပြောခင် သရုပ်ဆောင်တွေကို အရင်မိတ်ဆက်ပေးချင်ပါတယ်။ ဒီဇာတ်ကားဟာ The Ture Man Show, The Mask အစရှိတဲ့ဇာတ်ကားတွေရဲ့ ဇာတ်လိုက်ကျော်ကြီးဖြစ်တဲ့ ဂန္ဓ၀င်ဟာသမင်းသားကြီး Jim Carrey နဲ့အတူ နောက်ထပ်ဂန္ဓ၀င် မင်းသားကြီးတစ်ဦးဖြစ်တဲ့ Danny DeVito တို့ ပါ၀င်ရိုက်ကူးထားတဲ့အတွက် တကယ့်ကို ကြည့်ရကျိုးနပ်စေပါတယ်။ ဒီဇာတ်ကားကတော့ အမေရိကန်ရဲ့ နာမည်ကျော်လူရွှင်တော်ကြီး အန်ဒီကော့ဖ်မန်းရဲ့ ဘ၀ဇာတ်ကြောင်းကို ရိုက်ကူးထားတဲ့ ဇာတ်ကားလေးတစ်ကားဖြစ်ပါတယ်။ သူဟာ တခါတလေ သူ့ကိုယ်သူ "အဆိုအကလူကြီး" လို့ ခေါ်တတ်ပြီး တခြားလူရွှင်တော်တွေနဲ့မတူ ထူးခြားနေတဲ့ ဖျော်ဖြေရေးသမားတစ်ယောက်ဖြစ်ပါတယ်။ သူဟာ ၁၉၈၄ခုနှစ်မှာ ရှားပါးတဲ့ အဆုတ်ကင်ဆာရောဂါတစ်မျိုးကြောင့် ဆုံးပါးသွားခဲ့ပြီး သူထားရှိခဲ့တဲ့ အနုပညာတွေကတော့ ယနေ့အချိန်အထိ ကျန်ရှိနေဆဲဖြစ်ပါတယ်။ ဒီဇာတ်ကားမှာ အန်ဒီရဲ့ ဟာသ အပေါ်မြင်တဲ့အမြင်တွေ၊ သဘောထားတွေကို မြင်တွေ့ရမှာဖြစ်ပြီး သူ့ပြက်လုံးတွေဟာ ကြည့်ရှုသူတွေကိုပါ ကြောင်တောင်တောင်ဖြစ်အောင် လုပ်နိုင်တာကို တွေ့ရပါမယ်။ ကြည့်ရှုသူတွေတင်မက သူ့ရဲ့လုပ်ဖော်ကိုင်ဖက်တချို့ပါ သူ့ဟာသတွေကြောင့် ခနခနဇာတ်တွေရှုပ်ကြရပါတယ်။ ဒီလိုလူရွှင်‌ တော် တစ်ယောက်ဖြတ်ကျော်ခဲ့ရတဲ့ ဘ၀အကြောင်းကို တစ်ကားလုံး မပျင်းရအောင် ကြည့်ရှူရမှာဖြစ်တာကြောင့် CM ပရိသတ်တွေအနေနဲ့ ကြည့်ကိုကြည့်သင့်တဲ့ ဇာတ်ကားတစ်ကားအဖြစ် မိတ်ဆက်ပေးလိုက်ပါတယ်။ File size…2.8GB  / 1GB Quality…1080p BluRay / 720p Format…mp4 Duration….1h 58m Subtitle….Myanmar Subtitle (Hard Sub) Encoder….YK Translated by Jaka

ကျောက်တုံးကြီးထဲက ဓါးကို ဆွဲထုတ်လိုက်နိုင်တဲ့ ဘုရင်အာသာနဲ့ မှော်ဆရာမာလင်တို့ကို မသိတဲ့သူ မရှိသလောက်ပါပဲ။ ဒါပေမယ့် (၁၉၉၅)တုန်းက ထွက်ရှိခဲ့တဲ့ “A Kid in King Arthur's Court” ဆိုတဲ့ ဇာတ်ကားလေးမှာတော့ ကျွန်တော်တို့ မြင်နေကျ ဇာတ်ကားတွေထဲကလို ရဲစွမ်းသတ္တိနဲ့ ပြည့်ဝနေတဲ့ ဘုရင်မင်းမြတ်အာသာကို မြင်ရမှာတော့ မဟုတ်ပါဘူး။ အဲ့ဒီအစား အာသာတို့ခေတ်ကို မာလင် ဆင့်ခေါ်လိုက်လို့ ဘုမသိဘမသိ ရောက်သွားတဲ့ အရှုံးသမား ကောင်လေးတစ်ယောက်ရဲ့ အဖြစ်အပျက်လေးတွေနဲ့ စွန့်စားခန်းတွေကို မြင်တွေ့ ကြည့်ရှုနိုင်မှာပဲ ဖြစ်ပါတယ်။ မထင်ထား မမျှော်လင့်ထားမိလောက်အောင် ပြောင်းလဲသွားတဲ့ ဘုရင်အာသာကိုကော ကောင်လေး ကယ်ဗင်တစ်ယောက် ကူညီနိုင်ပါ့မလား။ အာသာ့စားပွဲဝိုင်းရဲ့ ‘Knight in King Arthur's Court’ မဟုတ်တဲ့ ကလေးတစ်ယောက်က အာသာတို့ရဲ့ ဘယ်လိုအရေးအခင်းမှာ ဘယ်လို ကူညီသွားမယ်ဆိုတာကို ပေါ့ပေါ့ပါးပါး ကြည့်ရှုလို့ရမယ့် “A Kid in King Arthur's Court” ဇာတ်ကားလေးကို တင်ဆက်ပေးလိုက်ရပါတယ်။ File size…    3.7 GB /  1.2 GB Quality… BluRay 1080p / 720p Format… mp4 Duration…. 1h 30m Genre ..... Comedy/Adventure Subtitle…. Myanmar Subtitle (Hard Sub) Encoder…. Thit San Khant Translated... by Doros