Milo Manheim ပါဝင်သော ဇာတ်ကားများ

၂၀၀၈ နဲ့ ၂၀၁၀ ခုနှစ်တွေတုန်းက လူငယ်တွေကြားမှာ ရေပန်းစားခဲ့တဲ့ "Camp Rock" ဇာတ်လမ်းတွဲဟာ အခုဆိုရင် ဇာတ်ကားသစ် "Camp Rock 3" အနေနဲ့ ၂၀၂၆ ခုနှစ်၊ ဩဂုတ်လ (၁၃) ရက်နေ့မှာ Disney Channel ကနေ ထွက်ပေါ်လာခဲ့ပြီ ဖြစ်သလို၊ ဒီကနေ့ Page ပရိသတ်တွေထဲမှာ Camp Rock ရဲ့ ရင်းနှီးပြီးသား သီချင်းသံစဉ်တွေကို လွမ်းဆွတ်နေသူတွေ ရှိမယ်ဆိုရင်တော့ လက်မလွတ်တမ်း သွားကြည့်ဖို့ တိုက်တွန်းလိုက်ပါတယ်နော်။ ဒီဇာတ်ကားသစ်မှာတော့ နာမည်ကျော် Connect 3 တီးဝိုင်း (Jonas Brothers) ဟာ သူတို့ရဲ့ နိုင်ငံအနှံ့ နယ်လှည့်ဖျော်ဖြေပွဲအတွက် အဖွင့်သီဆိုမယ့်သူ ရုတ်တရက် ပျက်ကွက်သွားတဲ့အတွက် ပြဿနာတက်ပါတော့တယ်။ ဒါကြောင့် အရည်အချင်းသစ်တွေကို ရှာဖွေဖို့ သူတို့ရဲ့ အချစ်တော် Camp Rock စခန်းကို ပြန်လည်ရောက်ရှိလာရာကနေ ဇာတ်လမ်းစတင်ထားပါတယ်။ အဲဒီမှာ နေရာတစ်နေရာရဖို့ စိတ်အားထက်သန်နေတဲ့ မျက်နှာသစ် ကောင်မလေး ဆေ့ချ် (Sage) ဟာ သူမရဲ့ အရည်အချင်းရှိပေမယ့် ပေါ့ပေါ့နေတတ်တဲ့ အစ်ကိုဖြစ်သူ ဒက်ဆီ (Desi) အပါအဝင် တခြားသော လူငယ်တွေနဲ့ ပြိုင်ဆိုင်ရပါတော့တယ်။ ပြိုင်ဆိုင်မှုတွေကြားကနေ တင်းမာမှုတွေ၊ ချစ်ကြည်ရင်းနှီးမှုတွေနဲ့ ဂီတရဲ့ အနှစ်သာရကို ရှာဖွေတွေ့ရှိသွားပုံတွေကို ခံစားကြည့်ရှုရမှာပါ "Camp Rock 3" ဟာ အရင်ဇာတ်ကားတွေလောက် ဂန္ထဝင်မြောက်တဲ့ အရာတစ်ခု ဖြစ်မလာနိုင်ပေမယ့်၊ ဆယ်ကျော်သက်ဘဝရဲ့ အမှတ်တရတွေကို ပြန်လည်နှိုးဆွပေးမယ့် (Feel-good Musical) ဇာတ်ကားကောင်း တစ်ကားဖြစ်ပါတယ်။ သီချင်းအသစ်တွေ နားထောင်ရင်း၊ ဇာတ်ကောင်ဟောင်းတွေနဲ့ ပြန်လည်ဆုံတွေ့ချင်တယ် ဆိုရင်တော့ အခုပဲ ဒီဇာတ်ကားလေးကို ခံစားကြည့်လိုက်ပါလို့ အကြံပေးချင်ပါတယ်။ File size…   2.2 GB / 1 GB Quality… WEB-DL 1080p / 720p Format… mp4 Duration…. 1h 32m Genre ..... Drama , Musical , Comedy Subtitle…. Myanmar Subtitle (Hard Sub)

Z-O-M-B-I-E-S 4: Dawn of the Vampires (2025) IMDb Rating (5.5) / Rotten Tomatoes (74%) ဇာတ်လိုက်ကျော်တွေဖြစ်တဲ့ ဇွန်ဘီ Zed (Milo Manheim) နဲ့ တစ်စိတ်တစ်ပိုင်းဂြိုလ်သား Addison (Meg Donnelly) တို့ဟာ Mountain College မှာ ပထမနှစ်တက်ရောက်ပြီးစီးပြီး နွေရာသီအားလပ်ရက်ကို ရိုမန်တစ်ဆန်ဆန် လမ်းလျှောက်ခရီးထွက်ဖို့ စီစဉ်ထားကြတယ်။ Zed က ဘောလုံးစခန်းကို သွားပြီး “first string” နေရာရဖို့ ရည်မှန်းထားပြီး Addison ကတော့ ချီယာလီဒါစခန်းမှာ ချီယာအဖွဲ့ခေါင်းဆောင်ဖြစ်ဖို့ ကြိုးစားမယ်လို့ အိပ်မက်မက်ထားတယ်။ သူတို့ရဲ့ သူငယ်ချင်း ဇွန်ဘီ Eliza (Kylee Russell) နဲ့ ဝဲလ်ဝုဖ်ဖြစ်သူ Willa (Chandler Kinney) တို့လည်း ဒီခရီးမှာ လိုက်ပါလာကြတယ်။ ဒါပေမဲ့ သူတို့ရဲ့ ချစ်စရာခရီးလေးက မထင်မှတ်ထားတဲ့ အလှည့်အပြောင်းနဲ့ ကြုံရတယ်။ ထူးဆန်းတဲ့ စွမ်းအင်တစ်ခုကြောင့် Zed ရဲ့ Z-band (ဇွန်ဘီစိတ်ထိန်းတဲ့ လက်ကောက်) ချို့ယွင်းသွားပြီး သူတို့ဟာ Sunnyside နဲ့ Shadyside ဆိုတဲ့ ရန်ဖြစ်နေတဲ့ နယ်မြေနှစ်ခုရဲ့ အလယ်မှာ ရောက်သွားကြတယ်။ ဒီနယ်မြေတွေမှာ Daywalkers (နေ့ခင်းဗန်ပိုင်းယားမျိုး) နဲ့ Vampires (ညအချိန်ဗန်ပိုင်းယားမျိုး) တွေ နေထိုင်ပြီး သူတို့က တစ်ဖွဲ့နဲ့တစ်ဖွဲ့ ရန်ငြိုးထားကြတာ။ Zed, Addison, Eliza, နဲ့ Willa တို့ဟာ စခန်းရေဗန်ဆိုတဲ့ စွန့်ပစ်ထားတဲ့ နွေရာသီစခန်းမှာ ဒီရန်ဘက်ဖြစ်နေတဲ့ အုပ်စုနှစ်ခုကို ညှိနှိုင်းပေးရတဲ့ စခန်းအုပ်ချုပ်သူတွေလို ဖြစ်လာကြတယ်။ ဒီမှာ Daywalker ဖြစ်တဲ့ Nova (Freya Skye) နဲ့ Vampire ဖြစ်တဲ့ Victor (Malachi Barton) ဆိုတဲ့ ဇာတ်ကောင်သစ်နှစ်ယောက်နဲ့ တွေ့ဆုံရတယ်။ Zed နဲ့ Addison တို့ဟာ Eliza နဲ့ Willa ရဲ့အကူအညီနဲ့ ဒီအုပ်စုနှစ်ခုကို အတူတကွ လက်တွဲလုပ်ဆောင်ဖို့ ကြိုးစားရတယ်။ ဒီဇာတ်ကားက သူတို့ရဲ့ ပူးပေါင်းဆောင်ရွက်မှုနဲ့ အခက်အခဲတွေကို ဘယ်လိုရင်ဆိုင်ကြမလဲဆိုတာကို အာရုံစိုက်ထားပြီး အဓိကအကြောင်းအရာကတော့ ကွဲပြားမှုတွေကို လက်ခံပြီး အတူတကွ လုပ်ဆောင်ခြင်းရဲ့ အရေးပါတာကို ပြသထားလို့ ကြည့်လို့ကောင်းတဲ့ကားလေးတကားပါဗျ။ (အညွှန်းနဲ့ဘာသာပြန်ကတော့ Min Khant ဖြစ်ပါတယ်။) File size…(1.9 GB) / (1 GB) Quality….WEB-Rip 1080p HEVC / 720p Format…. mkv/mp4 Genre….Adventure,Comedy,Family,Music,Romance Duration….01:28:19 Subtitle….Myanmar Subtitle (Hardsub) Encoder….Double K Translated by Min Khant

School Spirits (2023) IMDb Rating - 7.6/10 အထက်တန်းကျောင်းနဲ့ သရဲဇာတ်လမ်းဆိုတာက ဘယ်လိုမှခွဲခြားလို့ မရတဲ့ အရာတစ်ခုလိုပါပဲ။ အထက်တန်းကျောင်းတိုင်းမှာ ဇာတ်လမ်း တစ်ပုဒ်ဆိုတာရှိကြတာပါပဲ။ တကယ်ရှိလား မရှိဘူးဆိုတာတော့ ကျွန် တော်တို့တွေ မသိနိုင်တဲ့အရာတစ်ခုပါပဲ။ ဒါပေမယ့် ကျွန်တော်တို့ သရဲ ဇာတ်လမ်းတွေ နားထောင်ပြီးတော့ ကြောက်ခဲ့ကြတာပေါ့။ အခု Paramount+ ကနေ ထွက်လာတဲ့ School Spirits ဆိုတဲ့ ဇာတ်လမ်း တွဲဟာဆိုရင်လည်း အဲလိုမျိုးပါပဲ။ သေဆုံးသွားပြီဖြစ်တဲ့ အထက်တန်း ကျောင်းသားတွေဟာ ကျောင်းကနေ မထွက်နိုင်ဘဲ သောင်တင်နေကြတာ မျိုးကို ရိုက်ကူးတင်ဆက်ထားတာပါ။ ဒါပေမယ့် Horror ပုံစံမျိုးဆိုတာ ထက် Mystery, Crime Solving ပုံစံမျိုးပါ။ Rotten Tomatoes 81%, IMDb Rating 7.6 ရရှိထားပါတယ်။ ဇာတ်လမ်းအကျဉ်းကတော့ အထက်တန်းကျောင်းသူလေး မက်ဒီဟာ အသတ်ခံလိုက်ရပြီး ကျောင်းမှာ ဝိညာဉ်အဖြစ် သောင်တင်နေပါတော့တယ်။ သူ့ကို ဘယ်သူက သတ်သွားတယ် ဘယ်လို သေသွားတယ်ဆိုတာကို‌တော့ မမှတ်မိဘဲဖြစ်နေပါတယ်။ ဒါကြောင့် မက်ဒီလည်း ဝိညာဉ်ဘဝနဲ့ လိုက်စုံစမ်းဖို့ အကြောင်းဖန်လာပါတော့တယ်။ စုစုပေါင်း(၈)ပိုင်းပါဝင်ပြီး တပြိုင်တည်း တင်ဆက်ပေးလိုက်ပါတယ်။ (ဒီစီးရီးရဲ့ အညွှန်းကို Leonard Lin မှရေးသားပေးပြီး၊ ဘာသာပြန် ရေးသားပေးသူများကတော့ CM Team မှဖြစ်ပါတယ်။) File Size.............(300 MB) / (1.0 GB) Quality...............WEB-DL 720p / 1080p Duration............50Min(@Episode) Subtitle..............Myanmar Hardsub Format...............MP4 Genre.................Drama, Fantasy Translator..........Leonard Lin, Zaw Myo Thu, Roman Nox Encoder..............Zin Phyo Aung

A young woman carrying an unimaginable responsibility. A young man torn between love and honor. A jealous king who will stop at nothing to keep his crown.

(ရက်စက်တဲ့သတ်ဖြတ်ခန်းတွေပါတဲ့ R Rated အမျိုးအစား ဟော်ရာမို့ နှပ်ချေးစားကလေးငယ်များနှင့်အတူမကြည့်သင့်ပါဘူး...) ဒီနှစ်ထဲမှာ ထွက်ထားတဲ့ ဟော်ရာတွေမှာ အတော်ကောင်းတဲ့ကားထဲမှာပါပါတယ်။ သရဲမဟုတ်ဘဲ ဟော်ရာလူသတ်ရုပ်ရှင်ကိုမှ တရားခံမပြထားတဲ့ ပဟေဠိဆန်ဆန် အမျိုးအစားပဲဖြစ်ပါတယ်။ Scream ရုပ်ရှင်တွေနဲ့ ဆင်တူပါတယ်။ ကျေးဇူးတော်နေ့မှာ ပလိုင်းမောက်မြို့လေးရဲ့ ရိုက် ကုန်တိုက်ပိုင်ရှင်ကအထူးလျှော့ဈေးနဲ့ ရောင်းပေးဖို့ကြေညာထားတဲ့အတွက် ကုန်တိုက်ရှေ့မှာ တစ်မြိုု့လုံး လာစုနေကြပါတယ်။ အဲဒီဈေးရောင်းပွဲတော်မှာ ရုတ်ရုတ်သဲသဲတွေ ဖြစ်ကုန်ပြီး လူတွေသေကုန်တာနဲ့အဆုံးသွားပါတယ်။ နောက်တစ်နှစ် ကျေးဇူးတော်နေ့အချိန်မှာ ဒီဈေးရောင်းပွဲတော်ကိုပဲ ထပ်လုပ်ဖို့စီစဉ်ချိန်မှာတော့ အရင်နှစ်က ပွဲမှာ လူသေမှုတွေဖြစ်အောင် ပတ်သတ်ခဲ့တဲ့သူတွေအားလုံး တစ်ယောက်ပြီး တစ်ယောက် ရက်ရက်စက်စက် လိုက်သတ်တာခံရပါတော့တယ်။ ဒီတော့ အရင်နှစ် ကျေးဇူးတော်နေ့က သေသွားခဲ့တဲ့သူတွေနဲ့ ပတ်သတ်တဲ့သူတွေထဲက ဘယ်သူက တရားခံလဲဆိုတာကို လိုက်ဖော်ဖို့ ကြိုးစားရင်း အသတ်မခံရအောင် ရုန်းကန်ကြရတဲ့လူတစ်စုကို ကြည့်ရမှာပါပဲ။ သတ်ဖြတ်ခန်းတွေ အရမ်းကြမ်းတမ်းလို့ ကြောက်တတ်သူတွေမကြည့်သင့်ကြောင်း ကြိုပြောထားပါရစေ။ File size…3.36GB /1.6 GB  / 691MB Quality…4K HEVC,WEB-DL 1080p 5.1 CH/ 720p Format…mp4 Duration….1hr 46min Genre ….. Horror, Mystery, Thriller Subtitle….Myanmar Subtitle (Hard Sub) Encoder…. Phyo Pyae Translated by Mr. Anderson

မန်ဒီယန်းက ကိုယ့်ဘဝကို ကိုယ်ဆုံးဖြတ်ချင်တဲ့ အမျိုးသမီးအခွင့်အရေးကို အလေးထားသူ ကောင်မလေးတစ်ယောက်ပါ။ သူ့အိပ်မက်က ဟားဗတ်တက္ကသိုလ်တက်ပြီး သူလေးစားအားကျရသူဆီမှာ ပညာသင်ဖို့ဖြစ်ပေမယ့် ဝင်ခွင့်လျှောက်တဲ့အခါ စောင့်ဆိုင်းစာရင်းထဲ ရောက်သွားပါတယ်။ ဒါကြောင့် ဝင်ခွင့်ရဖို့ အထောက်အကူဖြစ်မယ့် ထောက်ခံစာကို ဟားဗတ်ကျောင်းသားဟောင်း အထက်လွှတ်တော်အမတ်တစ်ယောက်ဆီက တောင်းဖို့ ကြံစည်တော့တယ်။ ဖြစ်ချင်တော့ အဲဒီအမတ်ရဲ့သားက သူတို့ကျောင်းမှာ ရေပန်းအစားဆုံး ဘတ်စကတ်ဘောကစားသမား ဂရေဟမ်လန်ဆင်း ဖြစ်နေပါတယ်။ ဂရေဟမ်က မန်ဒီယန်း အထင်သေးထားတဲ့သူလည်း ဖြစ်နေတော့ သူ့အစီအစဉ်က ထင်သလောက် မရိုးရှင်းတော့ဘူး။ ကိုယ့်အိပ်မက်ကို လက်လွှတ်မလား၊ ကိုယ်တန်ဖိုးထားတာတွေကို စွန့်ပြီး ဟားဗတ်ကို ရောက်အောင် ကြိုးစားမလားဆိုတဲ့ ရွေးချယ်မှုနဲ့ မန်ဒီယန်း ရင်ဆိုင်လာရတဲ့အကြောင်းကို Disney ရဲ့ ကျောင်းသားဘဝ အချစ်ဟာသကားအဖြစ် ရိုက်ကူးထားပါတယ်။

Zombies နဲ့ Zombies-2 တို့ရဲ့နောက်ဆက်တွဲဖြစ်တဲ့ ဒီဇာတ်ကားက လူတွေနဲ့ သဘာဝလွန်သတ္တဝါတွေ အတူနေထိုင်ကြတဲ့ မြို့လေးမှာ ဇာတ်လမ်းဆက်ထားပါတယ်။ Disney Plus က တင်ဆက်တဲ့ ဆယ်ကျော်သက်အချစ်၊ စိတ်ကူးယဉ်နဲ့ ဂီတဇာတ်ကားပါ။ အထက်တန်းကျောင်းသား ဇက်ဟာ ချစ်သူနဲ့အတူ တက္ကသိုလ်တက်နိုင်ဖို့ ကြိုးစားနေတယ်။ တက္ကသိုလ်ဝင်ခွင့်အတွက် သူ့ကို ရွေးချယ်မယ့်နေ့မှာပဲ ဂြိုလ်သားတွေ ရုတ်တရက် ရောက်လာကြပါတယ်။ ဇက်ရဲ့ချစ်သူကလည်း အားပေးအကအဖွဲ့ဝင်ဖြစ်ပြီး ပြိုင်ပွဲအတွက် အလုပ်ရှုပ်နေတယ်။ တစ်ဖက်မှာ ဂြိုလ်သားတွေက မြေပုံတစ်ခုကို အသည်းအသန် လိုက်ရှာနေကြတဲ့အခါ ဒီမြို့လေးမှာ ဘာတွေဖြစ်လာမလဲ။

စီးဘရော့ခ်မြို့ကို တည်ထောင်ခဲ့သူတွေဟာ ထူးခြားတဲ့စွမ်းအင်တစ်မျိုးကို သုံးပြီး တောအုပ်ထဲက မကောင်းဆိုးဝါးတွေကို နှိမ်နင်းခဲ့ကြပါတယ်။ အဲဒီစွမ်းအင်နဲ့ လည်ပတ်နေတဲ့ ဓာတ်အားပေးစက်ရုံမှာ တစ်နေ့ ပေါက်ကွဲမှုဖြစ်သွားပြီး ဝန်ထမ်းတွေ ဓာတ်ရောင်ခြည်သင့်ကာ ဇွန်ဘီတွေအဖြစ် ပြောင်းလဲသွားကြတယ်။ သူတို့က ဉာဏ်ရည်မြင့်မားကြတော့ နည်းပညာကို အသုံးချပြီး Z-လက်ပတ်ကို တီထွင်ကာ ကိုယ့်ကိုယ်ကိုယ် ပုံမှန်လူသားအသွင် ပြန်ဖြစ်အောင် လုပ်ထားကြပါတယ်။ ကျောင်းပဒေသာကပွဲ ကျင်းပခါနီးမှာတော့ တောထဲကနေ လူတစ်ပိုင်း၊ ဝံပုလွေတစ်ပိုင်း သမန်းဝံပုလွေတွေ ထွက်လာကြတယ်။ အဲဒီနောက် ဇွန်ဘီတွေအပေါ် ဥပဒေနဲ့ တားမြစ်ကန့်သတ်မှုတွေ လုပ်လာကြပါတယ်။ သမန်းဝံပုလွေအုပ်စုက ဇွန်ဘီကောင်မလေးတစ်ယောက်ဆီ မသိမသာ ချဉ်းကပ်လာတဲ့အခါ ဘာတွေ ဆက်ဖြစ်လာမလဲ။ ဝေါ့ဒစ်စနေးရဲ့ ဒီမိသားစုဇာတ်ကားမှာ ဆံပင်အစိမ်းရောင် ဇွန်ဘီလူငယ်တွေရဲ့ အချစ်ဇာတ်လမ်းနဲ့အတူ ဟာသ၊ ဂီတနဲ့ အကတွေကိုပါ တွေ့ရမှာပါ။

Zombies(2018) IMDb...6.5 ဒီဇာတ်ကားလေးကတော့ Disneyက 2018မှာ အသစ်ထွက်ရှိထားတဲ့ကားလေးပါ  ..... ဇွန်ဘီ(zombie)ဇာတ်ကားဆိုပေမယ့် စိုးရိမ်ထိတ်လန့်သွေးပျက်စရာအခန်းတွေနဲ့ကားမျိုးတော့မဟုတ်ပါဘူး.. ..မတော်တဆမှုတစ်ခုကနေ လူသားမျိုးနွယ်အတော်များများဟာ ဇွန်ဘီတွေဖြစ်ကုန်ကြတယ်.. .အစိုးရကနေ ဇွန်ဘီတွေနဲ့ လူသားစင်စစ်တွေကြားမှာ တံတိုင်းကြီးခတ်လိုက်တယ်...နောက်ပိုင်း တိုးတက်လာတဲ့ခေတ်ကြီးမှာ ဇွန်ဘီတွေဟာ ထိန်းချုပ်စရာ ကိရိယာတွေတီထွင်ပြီး ပုံမှန်လူသားတစ်ဦးလိုနေထိုင်လာကြတယ်.. .ဇွန်ဘီတွေဟာ သာမန်လူတွေလို ပညာတွေသင်ကြတယ်..အလုပ်တွေလုပ်ကြတယ်.. .သီချင်းတွေဆိုကြတယ်.. .သို့ပေမယ့်လည်း ဇွန်ဘီတွေဟာ ပုံမှန်လူသားတွေအတွက် ထိတ်လန့်ကြောက်ရွံ့စရာအဖြစ်ရှိနေဆဲပါ.. .ဒီလိုအခြေအနေမျိုးမှာ ဇွန်ဘီ ကောင်လေးတစ်ယောက်ကို လူသားကောင်မလေးတစ်ယောက်က ကြွေသွားတယ်. . Disneyဇာတ်ကားလေးတွေအတိုင်း ကျောင်းသားကျောင်းသူတွေနဲ့ဇာတ်အိမ်တည်ပြီး သီချင်းလေးတွေ မြိုင်ဆိုင်နဲ့ သက်ဝင်လှုပ်ရှားစွာရိုက်ပြထားပါတယ်... ကိုင်း ဖြေဖျော်ရေးဆန်ဆန် ပျော်ပျော်ပါးပါးကားမျိုးလေးတွေမှ သဘောကျနှစ်ခြိုက်တဲ့ သူတွေအတွက် အချစ်ဇာတ်လမ်းကောင်းလေးအဖြစ်ညွှန်းဆိုပါရစေ...ဇာတ်လမ်းအညွှန်းနဲ့ဘာသာပြန်သူကတော့ Inzali Than Htike ဖြစ်ပါတယ်... File Size : (850 MB) Quality : Blu-Ray 720p Format…mp4 Duration…01:34:00 Genre : Musical, Romance Subtitle : Myanmar Subtitle (Hard Sub) Translated by Inzali Than Htike Encoded by Phyo Pyae