Nicholas Bell ပါဝင်သော ဇာတ်ကားများ

Elvis ဟာ အောင်မြင်ကျော်ကြားတဲ့ အဆိုတော် အဲလ်ဗစ်ပရက်စ်လီရဲ့ ဘဝအကြောင်းကို ရိုက်ကူးထားတဲ့ အတ္ထုပ္ပတ္တိရုပ်ရှင်ပါ။ ငယ်ဘဝကနေ ကွယ်လွန်ချိန်အထိ သူဖြတ်သန်းခဲ့ရတဲ့ အတွေ့အကြုံတွေ၊ အောင်မြင်မှုတွေနဲ့ အခက်အခဲတွေကို သူ့သီချင်းတွေနဲ့အတူ တင်ပြထားပါတယ်။ တွမ်ဟန့်နဲ့ အော်စတင်ဘတ်တလာတို့ အဓိကသရုပ်ဆောင်ထားပြီး The Great Gatsby ရဲ့ ဇာတ်ညွှန်းရေးသူ Baz Luhrmann က ဒါရိုက်တာနဲ့ ဇာတ်ညွှန်းတာဝန် ယူထားပါတယ်။

ဗစ်တာဖရန်ကင်စတိန်းဆိုတာကတော့ သိကြတဲ့အတိုင်းပဲ စာရေးဆရာမ Mary Shelley ရဲ့ နာမည်ကျော်ဇာတ်ကောင်ဖြစ်ပါတယ်။ ခုဇာတ်လမ်းမှာတော့ ဗစ်တာဖရန်ကင်စတိန်းဇာတ်လမ်းထဲက Monster ဖြစ်တဲ့ ဝိဉာဏ်မရှိဘဲအသက်ရှင်နေတဲ့ သတ္တဝါတစ်ကောင်အကြောင်းကို လိုက်ပါခံစားရမှာပါ။ သိပ္ပံပညာရှင် ဗစ်တာဖရန်ကင်စတိန်းရဲ့ မတော်မဆဖန်တီးမှုကနေ လူလိုခံစားချက်နဲ့ လူမဟုတ်တဲ့သတ္တဝါတစ်ကောင်ဟာ မြေအောက်ကမ္ဘာက မကောင်းဆိုးဝါးနတ်ဆိုးတွေနဲ့  နတ်စစ်သည်တွေကြား ကျရောက်လာပြီး ဒီဇာတ်လမ်းတွေရဲ့နောက်ကွယ်မှာ ဘာတွေရှိမလဲဆိုတာ......။ အက်ရှင်ကြမ်းကြမ်းတွေ သတ္တဝါအဆန်းအပြားတွေနဲ့ ရောမခေတ်ဆန်ဆန် သဘာဝလွန်ဖြစ်ရပ်ဆန်းရိုက်ချက်တွေနဲ့ ဒီရုပ်ရှင်ကားက ရုံတင်တုန်းကလဲ လူကြိုက်များခဲ့ပါတယ်။ File size…(2.3 GB)/(1 GB) Quality….BluRay Remux 1080p /720p Format…mp4 Duration….01:32:40 Subtitle….Myanmar Subtitle (Hardsub) Encoder….Ka Naung

Don’t Be Afraid of the Dark (2010) မစ္စတာ ဘလက်ဝုဒ်ဟာ နာမည်ကျော် ပန်းချီဆရာတစ်ယောက် ဖြစ်ပြီးတော့ သူရော သူ့ရဲ့ ၈ နှစ်အရွယ် သားဖြစ်သူမှာ တစ်နေ့မှာ ပျောက်ချင်းမလှ ပျောက်ဆုံးသွားခဲ့ပါတယ်။ ဒီလိုနဲ့ သိပ်မကြာခင်မှာပဲ အဲလက်စ်ဆိုတဲ့ ဗိသုကာပညာရှင်ဟာ အဲဒီအိမ်ကို ဝယ်ယူပြီး ဗိသုကာပိုင်းမှာ ပြန်လည်မွမ်းမံကာ ဈေးတင်ရောင်းချဖို့အတွက် ပြင်ဆင်လို့နေပါတယ်။ တစ်နေ့မှာတော့ အဲလက်စ်ရဲ့ ဇနီးဟောင်းဖြစ်သူက အလုပ်တစ်ခုပေါ်လာလို့ သူတို့ရဲ့ သမီးဖြစ်သူ ဆယ်လီကို အဲလက်စ်ဆီမှာ ခဏလောက်နေဖို့ လွှတ်လိုက်ပါတယ်။ ဆယ်လီဟာ အဲဒီအိမ်ကိုရောက်ပြီး မကြာခင်မှာပဲ မြေအောက်ခန်းတစ်ခုကို ရှာတွေ့ခဲ့ပြီး အဲဒီမြေအောက်ခန်းထဲက မီးလင်းဖိုကနေ တိုးတိုးလေး စကားပြောနေတဲ့အသံကို မကြာမကြာ ကြားလာရပါတယ်။ ဒီတော့ ဆယ်လီဆိုတဲ့ ကလေးမလေးတစ်ယောက် အဲဒီထူးဆန်းတဲ့အိမ်ကြီးမှာ ဘယ်လိုအရာတွေ ကြုံတွေ့ရမလဲ၊ ရင်ဆိုင်ရမလဲဆိုတာ စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။

ဒုတိယကမ္ဘာစစ်အတွင်း ၁၉၄၁ ခုနှစ်မှာ ဂျပန်တပ်တွေက ပုလဲဆိပ်ကမ်းကို ဗုံးကြဲပြီးနောက် အမေရိကန်ပိုင် ဖိလစ်ပိုင်ကို ဝင်သိမ်းခဲ့ပါတယ်။ အဲဒီအချိန်မှာ အမေရိကန်စစ်သားတစ်သောင်း လက်နက်ချပြီး စစ်သုံ့ပန်းအဖြစ် ဖမ်းဆီးခံခဲ့ရတယ်။ ၁၉၄၄ ခုနှစ်ရောက်လာတော့ အမေရိကန်ဘက်က စစ်ရေးအသာရလာပြီး ဖိလစ်ပိုင်ကို ပြန်သိမ်းဖို့ ပြင်ဆင်နေပါပြီ။ ရိန်းဂျားတပ်ရင်း အမှတ် ၆ ကိုတော့ ရှေ့တန်းကိုကျော်ပြီး အမေရိကန်စစ်သုံ့ပန်း ငါးရာရှိတဲ့စခန်းထဲ ဝင်ရောက်ကယ်ဆယ်ဖို့ တာဝန်ပေးလာပါတယ်။ ကယ်ဆယ်ရေးသွားတဲ့ လမ်းတစ်လျှောက် ကြုံရတဲ့အခက်အခဲတွေ၊ တိုက်ပွဲဝင်ရပုံတွေနဲ့ ရဲဘော်အချင်းချင်းအပေါ်ထားတဲ့ စိတ်ဓာတ်ကို ဇာတ်လမ်းထဲမှာ ပြထားတယ်။ ဒါရိုက်တာ John Dahl ရိုက်ကူးထားပြီး James Franco၊ Benjamin Bratt နဲ့ Joseph Fiennes တို့ ပါဝင်သရုပ်ဆောင်ထားပါတယ်။ စစ်ပွဲထဲမှာ အသုံးပြုတဲ့ လက်နက်နဲ့ အသုံးအဆောင်တွေကိုလည်း လက်တွေ့နဲ့ ကိုက်ညီအောင် ဂရုစိုက်တင်ပြထားတဲ့ စစ်အက်ရှင်ဒရာမာကားပါ။

ဒေါက်တာ ဗလာဒီမာဟိုနိုဗစ်ဟာ အဖျက်စွမ်းအားကြီးမားတဲ့ ကိုက်မယ်ရာဆိုတဲ့ ဗိုင်းရပ်စ်တစ်မျိုးကို မှားယွင်းတီထွင်မိခဲ့ပါတယ်။ ကိုယ့်အမှားကို သိလိုက်တဲ့နောက် ဖြေဆေးကိုပါ ပြန်တီထွင်ထားတယ်။ ဒီဗိုင်းရပ်စ်ကို မသမာသူတွေ လိုချင်နေမှန်း သိလာတဲ့အခါ ဗိုင်းရပ်စ်နဲ့ ဖြေဆေးကို ယူပြီး အဝေးကို ထွက်သွားဖို့ ကြိုးစားပါတယ်။ အဲဒီအတွက် သူအယုံကြည်ရဆုံး IMF အေးဂျင့် အီသန်ဟန့်ဆီ အကူအညီတောင်းခဲ့တယ်။ ဖြစ်ချင်တော့ အီသန်က အားလပ်ရက်ယူထားပြီး IMF ကလည်း သူ့ကို ရှာမတွေ့ဖြစ်နေပါတယ်။ ဒါကြောင့် တခြားတစ်ယောက်ကို အီသန်ရဲ့မျက်နှာဖုံးတပ်ပေးပြီး လူစားထိုးစေလွှတ်လိုက်တယ်။ ဒါပေမဲ့ အဲဒီလူက လောဘတက်ပြီး သစ္စာဖောက်သွားတဲ့အခါ ဗိုင်းရပ်စ်ကို ပြန်ရယူဖို့ အီသန်ကိုယ်တိုင် လှုပ်ရှားရပါတော့တယ်။ Tom Cruise ပါဝင်တဲ့ Mission: Impossible ဇာတ်ကားတွဲရဲ့ ဒုတိယကားပါ။

Dark City 1998 IMDB 7.7 , Rotten Tamatoes 78% ရထားတဲ့ လျှို့ဝှက်ဆန်းကြယ်သိပ္ပံကားကောင်းလေးပါ. Knowing (2009) The Crow(1994), Gods of Egypt (2016) တို့လို နာမည်ကြီးကားကောင်းတွေကို ရိုက်ကူးထားတဲ့ ဒါရိုက်တာ Alex Proyas ရဲ့ လက်ရာ ဖြစ်ပြီး မင်းသားကြီး Rufus Sewell နဲ့ အရမ်းလှတဲ့ မင်းသမီး မမ Jennifer Connelly တို့ ပါဝင်သရုပ်ဆောင်ထားပါတယ်။ ဒီကားထဲမှာ မမ က အပြုံးအရယ်အခန်းတွေ နည်းပြီး အမှိုင်ဇာတ်ရုပ်ဖြစ်ပေမယ့် လှမြဲလှနေဆဲပါ။ သူ သီချင်းဆိုတဲ့အခန်းလေးတွေ အားရဖို့ အရမ်းကောင်းချက်။ ဇာတ်လမ်းအကြောင်းက Mystery ဆန်လွန်းတော့ အပေါ်ယံလောက်ပဲ ပြောပြပါရစေ။ လူတစ်ယောက် ဟိုတယ်ခန်းထဲမှာ ရုတ်တရက် နိုးလာတယ်။ သူ့ကိုယ်သူ ဘယ်သူ ဘယ်ဝါမှန်းမသိ ဘယ်ရောက်နေမှန်းလဲ လုံးဝ မှတ်ညဏ်ပျောက်ဆုံးနေတဲ့ လူတစ်ယောက်။ သူသိတာဆိုလို့ ဟိုတယ်မန်နေဂျာ သူ့ကို လှမ်းခေါ်တဲ့ မစ္စတာ မားရ်ဒေါ့ဂ် ဆိုတဲ့ နာမည်ပဲ။ မစ္စတာမားရ်ဒေ့ါဂ် လို့ပဲ သူ့ကိုယ်သူ သိထားတဲ့ မှတ်ညဏ်ပျောက်နေတဲ့ ထိုလူဟာ သူဘယ်သူဘယ်ဝါလဲ ဆိုတာ သိအောင် အသဲအသန် စုံစမ်းပါတော့တယ်။ အဲ့ဒီနောက်.......။ File size…(1.1 GB) and (550 MB) Quality….Blu-Ray 720p Format…mp4 Duration….01:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

မိုးရေထဲမှာ ဆေးပေါ့လိပ်တိုလေးကိုက်ပြီး ပြေးနေတဲ့လူတစ်ယောက်ဟာ စကားပြောရင် ဗလုံးဗထွေးဖြစ်နေသလို တစ်ခွန်းတည်းကိုလည်း ထပ်ခါထပ်ခါ ပြောတတ်ပါတယ်။ ပြောနေရင်း ရုတ်တရက်ရယ်လိုက်တတ်တဲ့ သူ့ပုံစံက ဖော်ရွေတဲ့သူတစ်ယောက်လိုပါပဲ။ လူတွေရှေ့မှာ ဖျော်ဖြေဖို့ စန္ဒရားခုံမှာ ဝင်ထိုင်ချိန်မှာတော့ အဆင်ပြေပါ့မလားလို့ ထင်စရာဖြစ်နေပေမယ့် တီးခတ်ပြီးဆုံးသွားတဲ့အခါ လက်ခုပ်သံတွေ ထွက်လာပါတယ်။ သူကတော့ စန္ဒရားပညာရှင် ဒေးဗစ်ဟပ်ဖ်ဂေါ့ပါ။ ဒေးဗစ်ဟာ ငယ်ငယ်ကတည်းက ဂီတမှာ ထူးချွန်ခဲ့ပေမယ့် ဖခင်ရဲ့ အလွန်အကျွံဖိအားပေးမှုတွေအောက်မှာ ကြီးပြင်းခဲ့ရတယ်။ ဂီတကျောင်းကို ရောက်လာချိန်မှာလည်း ဂီတကလွဲရင် နေ့စဉ်ဘဝက သာမန်အလုပ်လေးတွေတောင် သူ့အတွက် ခက်ခဲနေပါတယ်။ ခံစားချက်တွေကို စကားနဲ့ မဖော်ပြတတ်တဲ့သူ့အတွက် ဂီတကပဲ အဖော်ဖြစ်နေခဲ့တယ်။ ဖခင်ရဲ့ဖိအား၊ ဆရာပါမောက္ခရဲ့ တွန်းအား၊ ပြင်းထန်တဲ့လေ့ကျင့်မှုတွေနဲ့ အောင်မြင်မှုဒဏ်တွေကြားမှာ နောက်ဆုံး သူ့စိတ်ဟာ မခံနိုင်တော့ဘဲ ပြိုလဲသွားပါတယ်။ Shine ဟာ ဩစတြေးလျနိုင်ငံသား ဂျူးလူမျိုး ဒေးဗစ်ဟပ်ဖ်ဂေါ့ရဲ့ ဖြစ်ရပ်မှန်ကို အခြေခံထားပြီး Geoffrey Rush က ဒေးဗစ်အဖြစ် သရုပ်ဆောင်ထားပါတယ်။ ဒေးဗစ်တစ်ယောက် အောင်မြင်မှုလမ်းပေါ် ဘယ်လိုပြန်ရောက်လာမလဲဆိုတဲ့ ခရီးကို ဂန္ထဝင်ဂီတနဲ့ စန္ဒရားသံတွေကြားမှာ ဆက်ပြောထားတာပါ။