Nicholas Rowe ပါဝင်သော ဇာတ်ကားများ

နာမည်ကျော် ဇာတ်ကားများစွာမှာပါဝင်သရုပ်ဆောင်ခဲ့ပြီး CMပရိတ်သတ်တို့နဲ့မစိမ်းတဲ့ မင်းသားကြီး Bill Nighy၊ Jojo Rabbit (2019) နဲ့ Late Night in Soho (2021)တို့နဲ့ လူသိများတဲ့ မင်းသမီး Thomasin McKenzieအပြင် မင်းသားချော James Norton တို့ပါဝင်သရုပ်ဆောင်ထားတဲ့ ရုပ်ရှင်တစ်ကားကိုတင်ဆက်ပေးလိုက်ချင်ပါတယ်။ ရုပ်ရှင်ကတော့ အားလုံးကြားဖူးလောက်မဲ့ ဖန်ပြွန်သန္ဓေသား နည်းပညာအကြောင်းကို အပြင်ကဖြစ်ရပ်မှန် သမိုင်းအတိုင်း ရိုက်ကူးတင်ဆက်ထားတာဖြစ်ပါတယ်။ အခုခေတ် မြန်မာနိုင်ငံရဲ့ ဒေသအချို့မှာတောင် အမျိုးသမီးတွေ ကလေးမရနိုင်ရင် "အိမ်ထောင်ရေးတာဝန်မကျေသူ၊ အမြုံမ" စသည်ဖြင့် ခေါ်ဝေါ်သတ်မှတ်နေကြတုန်းပါပဲ။ ဒါဆို ဒီလိုနည်းပညာတွေ မတိုးတက်ခင် 50s 60s ကာလတွေမှာ အမျိုးသမီးတွေဘယ်လောက်များခက်ခဲခဲ့ကြမလဲ။ ဒီမျိုးဆက်မပွားနိုင်တဲ့ပြဿနာကို ဆေးသိပ္ပံပညာပိုင်း လိုအပ်ချက်တစ်ခုပါလို့ မှတ်ယူပြီး မျိုးဆက်မပွားနိုင်တဲ့ အမျိုးသမီးတွေကို ဖန်ပြွန်သန္ဓေသားနည်းပညာနဲ့ ကလေး ရအောင်လုပ်ပေးမယ်လို့ စတင်အကောင်အထည်ဖော်ခဲ့သူက ဒေါက်တာရောဘတ် အက်ဒ်ဝက်ပါ။ သိပ္ပံပညာရှင် ဒေါက်တာရောဘတ်အက်ဒ်ဝက်ရယ်၊အရည်အချင်း အပြည့်နဲ့ သားဖွားဆရာဝန်ကြီး မစ္စတာစတပ်တိုးရယ်၊ ဓာတ်ခွဲခန်းမန်နေဂျာသူနာပြုမလေး ဂျင်းပါဒီတို့ရယ် သုံးယောက်ပေါင်းပြီး အမျိုးသမီးတွေအတွက် အနာဂတ်တစ်ခုကို ဖန်တီးပေးဖို့ကြိုးစာခဲ့ကြပါတယ်။ ပြောလို့သာလွယ်လွယ်လေးထင်ရပေမဲ့ နည်းပညာပိုင်းအရရော ဆေးသိပ္ပံပညာပိုင်းအရရော ခေတ်ကာလအရပါ အခက်အခဲတွေ အများကြီးရှိခဲ့တာကြောင့် ဖန်ပြွန်သန္ဓေသားနည်းပညာရယ်လို့ ဖြစ်ပေါ်လာဖို့ အချိန် ၁၀ နှစ်တောင်ကြာမြင့်ခဲ့ပါတယ်။ ကမ္ဘာ့ ပထမဆုံး ဖန်ပြွန်သန္ဓေသား ရင်သွေးလေး "Joy" မွေးဖွားလာဖို့ သူတို့တွေ ဘယ်လောက်ပေးဆပ်ခဲ့ကြရလဲဆိုတာ ကောင်းကောင်းကြီးမြင်တွေ့ရမှာပါ။ နာမည်ရ Actor တွေပါဝင်သရုပ်‌ ဆောင်ထားတဲ့ရုပ်ရှင် ဖြစ်တဲ့ အလျောက် သဘာဝဆန်စွာနဲ့ ရသမျိုးစုံကို သရုပ်ဆောင်ချက်တွေကနေ တဆင့်ခံစားရဦးမှာပါ။ ဖန်ပြွန်သန္ဓေသားနည်းပညာနဲ့ပတ်သတ်ပြီးလည်း ဗဟုသုတတွေ အများကြီးရနိုင်တာမို့ အချိန်ပေးကြည့်ရတာနဲ့တန်မဲ့ ရုပ်ရှင်ကားကောင်း တစ်ခုဖြစ်ကြောင်းညွှန်းဆိုလိုက်ချင်ပါတယ်။ File size… (1.24GB) / (735MB ) Quality… NF WEB-DL 1080p HEVC / 720p Format…mkv / mp4 Duration….1h 55m Genre …..Biography , Drama , History Subtitle….Myanmar Subtitle (Hard Sub) Encoder….Min Wai Translated by Muse

ဒီတစ်ခေါက်မှာတော့ ဒီလမှာမှ အသစ်စက်စက်ထွက်ရှိထားတဲ့ Killing Kind ဆိုတဲ့ Thriller/Drama Series လေးတစ်ခုနဲ့ မိတ်ဆက်ပေးချင်ပါတယ်။ မာလင်မင်းသားချော Colin Morgan နဲ့ မင်းသမီး Emma Appleton (Everything I Know About Love/ LOLA)တို့ ခေါင်းဆောင်ပါဝင်ထားကြပြီး စာရေးဆရာမ Jane Casey ရဲ့ နာမည်တူမူရင်းဝတ္တုကိုပဲ ပြန်လည်ရိုက်ကူးထားတာပါ။ IMDB 5.7/10 ရရှိထားပြီး Season 1 မှာတော့ အပိုင်း ၆ ပိုင်းထွက်ရှိထားတာ ဖြစ်ပါတယ်။ အင်ဂရစ်က အလုပ်လုပ်ရာမှာ အရမ်းတော်တဲ့ရှေ့နေမလေးဖြစ်ပြီး အမှုသည်တိုင်းကို တရားခွင်မှာ အောင်ပန်းဆင်နိုင်အောင် အစွမ်းကုန်ကြိုးစားတတ်သူပါ။ ပြောင်မြောက်လွန်းတဲ့သူမရဲ့ စွမ်းဆောင်ရည်ကြောင့် နောက်ယောင်ခံတဲ့အမှုနဲ့ တရားစွဲဆိုခံထားရတဲ့ ဂျွန်ဝက်ဘ်စတားဆိုတဲ့ အမှုသည်က တရားသေလွတ်သွားခဲ့ရာက သူမကို အထင်ကြီးလေးစားစိတ်များနဲ့အတူ အစွဲလမ်းကြီး စွဲလမ်းသွားပါတော့တယ်။ အင်ဂရစ်တစ်ယောက် ဂျွန့်လက်ကလွတ်အောင် နည်းမျိုးစုံနဲ့ရှောင်ပြေးခဲ့ပြီး အဆက်အသွယ်ပြတ်သွားခဲ့တာ တစ်နှစ်အကြာမှာတော့ ထင်မှတ်မထားတဲ့ အဖြစ်ဆိုးတစ်ခုနဲ့ ရင်ဆိုင်ခဲ့ရပါတော့တယ်။ အဲဒါကတော့ သူမ လေးစားအားကျရသူ ဘလင်ဒါတစ်ယောက် ယာဉ်တိုက်မှုနဲ့ ဆုံးပါးသွားရတာပါ။ ဝမ်းနည်းပူဆွေးမှုများနဲ့ ယူကြုံးမရဖြစ်နေတုန်းမှာပဲ သူမ သတိထားလိုက်မိတာကတော့ ဘလင်ဒါ့သေဆုံးမှုက သွေးရိုးသားရိုး သေဆုံးမှုတစ်ခုမဟုတ်ဘဲ သူမကို ရည်ရွယ်တဲ့ လုပ်ကြံမှုတစ်ခု ဖြစ်နေတယ်ဆိုတာပါပဲ။ မတော်တဆမှုမဟုတ်ဘဲ အသတ်ခံရတာဖြစ်နိုင်ကြောင်း ရဲတွေကို ပြောပြခဲ့ပေမဲ့ ရဲတွေကတော့ သူမကို ထင်ယောင်ထင်မှားဖြစ်နေတယ်ဆိုပြီး သူမ စကားကို အကြိမ်ကြိမ် လျစ်လျူရှုခဲ့တာမို့ ကိုယ်တိုင်ပဲ လူသတ်သမားကို ရှာပုံတော်ဖွင့်ဖို့ ကြိုးစားခဲ့ပါတော့တယ်။ ရုတ်တရက်ပေါ်ပေါ်လာတဲ့ အန္တရာယ်တွေနဲ့အတူ ပဟေဠိဆန်တဲ့ ခြိမ်းခြောက်မှုတွေနဲ့ အကြိမ်ကြိမ် ရင်ဆိုင်ခဲ့ရပြီး ကူကယ်ရာမဲ့ ဖြစ်လာခဲ့ချိန်မှာတော့.. အင်ဂရစ်တစ်ယောက် ဘလင်ဒါ့အမှုရဲ့ လူသတ်သမားကို ဖော်ထုတ်နိုင်ပါ့မလား.. သူမကိုလုပ်ကြံဖို့ ကြိုးစားနေတဲ့သူကရော ဘယ်သူလဲ.. ဘာကြောင့်များ သူမကို လုပ်ကြံဖို့ကြိုးစားခဲ့တာလဲ.. သူမကိုယ်တိုင်ရော လူသတ်သမားလက်က လွတ်အောင်ပြေးနိုင်ပါ့မလား.. ဆိုတာကိုတော့ တစ်ပိုင်းပြီးတစ်ပိုင်း ထင်သလောက်မရိုးရှင်းတဲ့ လှည့်ကွက်တွေနဲ့ မာလင်မင်းသားချော Colin Morgan ရဲ့ အသည်းယားစရာ မထိတထိ သရုပ်ဆောင်မှုတွေကြား စီးမျောပြီး အဖြေရှာကြည့်လိုက်ကြပါဦးနော်။ (ဒီစီးရီးရဲ့ ဇာတ်ညွှန်းနဲ့ ဘာသာပြန်ကတော့ Emily ပါ) File size…(900 MB)/(436 MB) Quality….Webrip 1080p / 720p Format…mp4 Duration….00:49:37 Genre...Drama Subtitle….Myanmar Subtitle (Hardsub) Encoder….Mr. Anderson Translated by Emily

A Spy Among Friends(2022) IMDb rating: 7.2/10 Rotten Tomatoes: 80% Genre : Drama Cast : Damian Lewis, Guy Pearce, Lily Thomas, Roger Hollis ဒီတစ်ခါကတော့ based on true story သမားတွေ politicsကားကြိုက်တဲ့သူတွေ အကြိုက်တွေ့စေမယ့်ဇာတ်လမ်းမျိုးပါDec 8 2022 ကမှ ပူပူနွေနွေးထွက်ထားတာပါနာမည်မြင်ပြီး among us ကိုသတိရသွားကြတယ်မလားဇာတ်လမ်းလေးကို တစ်ချက်ကြည့်လိုက်ရအောင်ခဏတာသူငယ်ချင်းမျိုးတောင်မဟုတ်ဘဲ လူကြီးပိုင်းရောက်မှခင်ပြီး ၂၃ နှစ်လုံးလုံး အချစ်ဆုံးသူငယ်ချင်းဖြစ်ခဲ့တဲ့သူက သစ္စာ ဖောက်သွားမယ်ဆိုရင် လူကြီးမင်းတို့ဘယ်လိုခံစားရမလဲအချစ်ဆုံးသူငယ်ချင်းကို စစ်အေးကာလအတွင်းမှာ အကြီးဆုံးရာဇဝတ်မှု နိုင်တော်သစ္စာဖောက်မှုကို ကျူးလွန်သွားတဲ့ကောင်ဆိုပြီးတစ်နိုင်ငံလုံးက မြေလှန်ရှာနေကြတယ်ဆိုရင်ရောနီကိုလတ်စ်အယ်လီယော့ရဲ့ခံစားချက်ကတော့ အဲဒီအတိုင်းပါပဲအယ်လီယော့က MI5 ကအရာရှ်ိနင်ငံ့လျှို့ဝှက်ချက်တွေ ထိန်းသိမ်းရတဲ့ထဲမှာပါတယ်   ကင်မ်ဖေလ်ဘီက ဗြိတိန်ထောက်လှမ်းရေးအရာရှိဒါပေမယ့် ရုရှားတွေရဲ့သူလျှို  ပြောရရင်တော့ double agent ပေါ့ဗျာနှစ်ယောက်သားက ၂၃ နှစ်လုံးလုံး အရမ်းခင်လာပေမယ့် ကင်မ်ဖေလ်ဘီသစ္စာဖောက်မယ်ဆိုတာကို အယ်လီယော့ခမျာ မသိရှာပါဘူးအလုပ်လည်းပြုတ်ပြီး စစ်ကြောရေးမမည်သာတဲ့ စစ်ဆေးရေးတွေအ‌မေးခံရတော့လည်း အယ်လီယော့ကတော့ သူ့ဘော်ဒါကြီးကင်မ်ဖေလ်ဘီကို ယုံကြည်နေဆဲပါပဲ၂၃ နှစ်ဆိုတာ နည်းတဲ့ သံယောဇဉ်မလို့လားကွယ် ကင်မ်ဘက်ကရောတကယ်လုပ်ရက်နိုင်မှာမလို့လား  ဒါပေမယ့် တကယ်ကြီး နိုင်ငံကိုသစ္စာဖောက်ပြီး ဆိုဗီယက်ဘက်ပြေးသွားတဲ့သူတွေလည်းရှိနေ..နောက်အချစ်ဆုံးသူငယ်ချင်းဖြစ်တဲ့ ဘာသာရေးသမားဂျိမ်းစ်ကလည်းကင်မ်ကို ခါးခါးသီးသီးမုန်းသွားတော့ အယ်လီယော့တစ်ယောက်ယုံကြည်နေဖို့ ဖြစ်နိုင်ပါဦးမလား.. ကင်မ်ဖေလ်ဘီကရော တကယ်ပဲရုရှားတွေဘက်ပါသွားတာလား ဗြိတိသျှဘက်မှာရှိနေတုန်းလား ခေါင်းစားရင်း တဝဲလည်လည်ဖြစ်ကျန်ရစ်စေမှာပါခြောက်ပိုင်းပဲပါပေမယ့် စစ်အေးခေတ်ရဲ့ လှည့်ကွက်တွေ သစ္စာဖောက်မှုတွေကိုရှယ်မြင်ရမှာမလို့ ကြည့်ရတာ တန်ရပါစေမယ်ဗျာ.. Review by Mayphoo pone Translated by ...Jane , Hein That Naing , Mayphoo pone Episodes: 6 File Size: 647MB (1 episodes) Quality :Web-DL 1080p Genres: War & Politics , Drama Translated by Jane , Hein That Naing , Mayphoo pone Encoded by  Min Wai

ဒုတိယကမ္ဘာစစ်အတွင်း မဟာမိတ်တပ်တွေက ဥရောပစစ်မြေပြင်မှာ အရေးပါတဲ့ စစ္စလီကို ထိုးစစ်ကြီးတစ်ခု ဆင်နွှဲဖို့ စီစဉ်ထားပါတယ်။ ဒါပေမယ့် စစ္စလီရဲ့ ဗျူဟာအရ အရေးပါပုံကို ဟစ်တလာကလည်း သိထားတဲ့အတွက် ခံစစ်ကို အကြီးအကျယ် ပြင်ဆင်နေပြီ။ ဒီခံစစ်ကို ထိုးဖောက်ဖို့ဆို မဟာမိတ်တပ်တွေအတွက် အကျအဆုံးများနိုင်တာကြောင့် ထောက်လှမ်းရေးဘက်က အကြံတစ်ခု ထုတ်လာပါတယ်။ မဟာမိတ်တွေ တကယ်တိုက်မယ့်နေရာဟာ ဂရိလို့ ဟစ်တလာယုံသွားပြီး စစ္စလီကတပ်တွေကို အဲဒီဘက် ရွှေ့လိုက်မယ်ဆိုရင် စစ္စလီကို အကျအဆုံးနည်းနည်းနဲ့ သိမ်းနိုင်မယ်ဆိုတဲ့ အကြံပါ။ ခက်တာက ဂျာမနီဘက်ကလည်း လှည့်စားခံရနိုင်တာကို ကြိုတွက်ထားပြီးသားဖြစ်နေတယ်။ ဒါကြောင့် သတင်းအမှားတစ်ခုကို တမင်ပို့လိုက်မှန်း မသိစေဘဲ ယုံအောင်လုပ်ဖို့ လိုလာပါတယ်။ ဗြိတိန်ထောက်လှမ်းရေးအဖွဲ့ခွဲက စဉ်းစားလိုက်တာကတော့ ဗြိတိန်တပ်သားအလောင်းတစ်လောင်းကို စပိန်ကမ်းခြေဆီ မျောရောက်သွားအောင် လုပ်ဖို့ပါ။ စပိန်ဟာ ကြားနေနိုင်ငံဖြစ်ပေမယ့် ဂျာမန်သူလျှိုတွေ အများကြီးရှိတဲ့အတွက် အလောင်းနဲ့အတူ ဂရိကိုတိုက်မယ့် အစီအစဉ်မှတ်တမ်းအတုတွေ ထည့်ပေးလိုက်ဖို့ ရည်ရွယ်ထားတယ်။ ဒီအစီအစဉ်ကို Operation Mincemeat လို့ အမည်ပေးထားပါတယ်။ ဘယ်လိုအလောင်းကို အသုံးပြုရမလဲ၊ ရင်ခွဲစစ်ဆေးခံရရင် အလိမ်မပေါ်ဖို့ ဘာတွေပြင်ဆင်ရမလဲ၊ အလောင်းပိုင်ရှင်ရဲ့နောက်ကြောင်းကို စုံစမ်းလာရင် ဘယ်လိုခိုင်လုံအောင် လုပ်ထားမလဲဆိုတာတွေကို အသေးစိတ် စီစဉ်ကြရတယ်။ ပါသွားတဲ့မှတ်တမ်းတွေကိုလည်း အစစ်လို့ ယုံသွားအောင် ပြင်ဆင်ရပါတယ်။ ကိုလင်ဖာ့သ်နဲ့ မက်သရူး မစ်ဖက်ဒီရန်တို့ ပါဝင်ထားတဲ့ ဒီဖြစ်ရပ်မှန်အခြေခံရုပ်ရှင်က ရှေ့တန်းတိုက်ပွဲနောက်ကွယ်မှာ ထောက်လှမ်းရေးသမားတွေ ဒီလှည့်ကွက်ကို အကောင်အထည်ဖော်ကြပုံကို ပြထားတာပါ။

ရှိတ်စပီးယားရဲ့ ရိုမီယိုနဲ့ ဂျူးလိယက်အကြောင်းကို ဒီတစ်ခါ ရိုမီယိုရဲ့ ရည်းစားဟောင်း ရိုဆာလင်းဘက်ကနေ ပြောပြထားပါတယ်။ ရိုမီယိုက ရိုဆာလင်းကို ချစ်လှပါချည်ရဲ့ဆိုပြီး ကဗျာတွေ၊ စာတွေနဲ့ ပိုးပန်းခဲ့ပေမယ့် တစ်နေ့မှာတော့ ရုတ်တရက် ပျောက်သွားတယ်။ ရိုဆာလင်းက သူ့နောက်ကို လိုက်ချောင်းကြည့်တော့ ကိုယ့်ကိုပိုးပန်းခဲ့တဲ့ နည်းတွေအတိုင်း နောက်တစ်ယောက်ကို ပိုးပန်းနေတာ တွေ့လိုက်ရပါတယ်။ ပိုဆိုးတာက ရိုမီယိုရဲ့ ချစ်သူအသစ်ဟာ ရိုဆာလင်းရဲ့ ဝမ်းကွဲညီမ ဂျူးလိယက် ဖြစ်နေတာပါ။ မခံချိမခံသာဖြစ်နေတဲ့ ရိုဆာလင်းက ရိုမီယိုကို ပြန်ရဖို့ အကြံတွေထုတ်တော့တယ်။ တစ်ဖက်မှာလည်း ဝမ်းကွဲညီမကို ရိုမီယိုနဲ့ ဝေးသွားအောင် ကြိုးစားပါတယ်။ ဟာသနှောထားတဲ့ ဒီအချစ်ဇာတ်လမ်းမှာ ရိုဆာလင်းရဲ့ အကြံတွေ အောင်မြင်မလား၊ ရိုမီယိုတို့ရဲ့ ဇာတ်လမ်းက မူရင်းအတိုင်းပဲ အဆုံးသတ်သွားမလားဆိုတာ စောင့်ကြည့်ရမှာပါ။

ရုပ်ရှင်ကို ဖြစ်ရပ်မှန်အပေါ် အခြေခံပြီး ရိုက်ကူးခဲ့ပါတယ်။ ၂၀၁၃ ခုနှစ်က လူတိုင်းပါးစပ်ဖျားမှာ ရေပန်းစားခဲ့တဲ့ စနိုးဒင် ဆိုတဲ့နာမည်ကို မှတ်မိကြဦးမယ် ထင်ပါတယ်။ အမေရိကန် အမျိုးသားလုံခြုံရေးအေဂျင်စီ(NSA) ကနေ တကမ္ဘာလုံးက ဆဲဖုန်းလ်တွေကို ထောက်လှမ်းဖို့ကြိုးစားနေမှုတွေ၊ နိုင်ငံအတွင်းက မက်ဆေ့တွေ အီးမေးလ်တွေကို တရားမဝင်စောင့်ကြည့်နေမှုတွေကို ဖွင့်ချပြီး ထွက်ပြေးသွားခဲ့တဲ့ CIA ဝန်ထမ်းဟောင်းတစ်ယောက်ပါ။ ဒီဇာတ်ကားဟာ ၂ နာရီကျော်ကြာတာတောင်မှ ခိုင်ခန့်တဲ့ ဇာတ်အိမ်၊ စပိုင်အေဂျင်စီတွေရဲ့ သဘောတရားတွေ၊ ခံစားချက်ပါတဲ့ စကားလုံးတွေ နဲ့ အချိန်ကိုမေ့သွားအောင် ဆွဲဆောင်သွားပါလိမ့်မယ်။ မထွက်ခင်က စိတ်ပူခဲ့သလို romance တွေ action တွေ လိုအပ်တာထက် ပိုနေတာကိုလည်း မတွေ့ရပါဘူး။ လူတိုင်းကြည့်ဖို့ ထိုက်တန်တဲ့ကားထဲမှာ ပါမှာပါ။ ထူးခြားချက်အနေနဲ့ နောက်ဆုံးခန်းမှာ စနိုးဒင်ကိုယ်တိုင် ဧည်သည်သရုပ်ဆောင်အနေနဲ့ မော်စကိုကနေ အပိတ်စကားပြောကြားသွားတာကို ကြည့်ရပါလိမ့်မယ်ခင်ဗျာ။ နောက်ပြီးတော့ စာတန်းထိုးပြီးချိန်မှာ သမိုင်းအချက်အလက်တွေကို မြန်မာပြန်ပေးထားတာမို့ အဆုံးထိကြည့်ဖို့လည်း မမေ့ပါနဲ့လို့။ ဘာသာပြန်သူဟာ နိုင်ငံရေးနယ်ပယ်ကမဟုတ်လို့ official အသုံးအနှုန်းများနဲ့ ကွဲလွဲသည်များရှိသော် နားလည်ပေးကြဦး ခင်ဗျ။ File size…(3.2 GB)/(1.4 GB) Quality….Blu-Ray 1080p / 720p Format…mp4 Duration….02:14:00 Genre... Biography, Crime, Drama Subtitle….Myanmar Subtitle (Hardsub) Encoded & Translated by Mr. Anderson

Mr. Holmes(2015) IMDb....6.9 ရာစုနှစ်တစ်စုနီးပါး အချိန်ကာလကိုဖြတ်သန်းလာခဲ့ရ၍ အသက်အရွယ်ကြီးရင့်လာသော ကျွနု်ပ်တို့မိတ်ဆွေကြီး မစ္စတာဟုမ်းစ်သည်လည်း ဇရာ၏နှိပ်စက်မှုဒဏ်ကို ကောင်းကောင်းကြီးခံစား နေရပြီဖြစ်သည်။ သို့သော်လည်း သူ့၏ ထက်မြက်မှုကိုကား ဇရာက အနိုင်မတိုက်နိုင်သေးသည်မှာထင်ရှားသည်။ သို့သော် မစ္စတာ ဟုမ်းစ် စုံထောက်အလုပ်မှအနားယူလိုက်ရသည် အထိ စိတ်ဆင်းရဲကိုယ်ဆင်းရဲဖြစ်စေရသော အကြောင်းမှာ မည်သို့မည်ပုံဖြစ်သည်ကို IMDB Rating 6.9 ရရှိထားသော Mr.Holmes(2015) တွင် ဖော်ပြထားလေသည်။ အကျဉ်းမှာ ကျွနု်ပ်တို့မိတ်ဆွေကြီး မစ္စတာ ဟုမ်းစ်တစ်ယောက် သတိမေ့ရောဂါစွဲကပ်လာ၍ မိမိ၏နောက်ဆုံးအမှုမှ အဘယ်ကြောင့်အနားယူခဲ့သည်ကို မမှတ်မိသည်ကို ပြန်လည် အမှတ်ရအောင် ကြိုးစားရင်း နောက်ဆုံးမှာ မစ္စတာဟုမ်းစ်၏ အမှန်စင်စစ် နောက်ဆုံးအမှုကို မည်သို့မည်ပုံဖြေရှင်းခဲ့သည်ကို မိတ်ဆွေတို့ စိတ်ပါဝင်စားစွာနဲ့ ကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Ko D3monပဲဖြစ်ပါတယ်... File Size : (900 MB) and (325 MB) Quality : Blu-Ray 720p Format…mp4 Duration…01:44:00 Genre :  Drama , Mystery Subtitle : Myanmar Subtitle (Hard Sub) Translated by D3mon Encoded by Phyo Pyae

2004 ခုနှစ်ကထွက်ခဲ့တဲ့ကားဖြစ်ပါတယ်.. ဒီကားမှာ Chucky နဲ့ Tiffany တို့ရဲ့မျိုးဆက်လေးပါဝင်လာမှာပါ... File Size : (862 MB) and (274MB) Quality : 720p Bluray Running Time : 1hr 27min Format : Mp4 Genre :Comedy , Fantasy , Horror Subtitle : Myanmar Subtitle (Hard Sub) Translated by Pyay Hlwan Aye  Encode by Moe Myint Lwin

အင်္ဂလိပ် စာရေးဆရာကြီး Charles Dicken ရဲ့ ဝတ္ထုကို ပြန်လည်ရိုက်ကူးထားတဲ့ period comedy-dramaဖြစ်ပြီး နာမည်ကြီးတွေ ဖြစ်တဲ့ Christopher Plummer,Jamie Bell, Anne Hathaway, Charlie Hunnam တို့က အဓိကဇာတ်ဆောင်များအဖြစ် ပါဝင်ထားကြပါတယ်။ ဇာတ်လမ်းက သူ့နာမည်အတိုင်းပဲ Nicholas Nickleby ဆိုတဲ့ လူငယ်လေးရဲ့ ဘဝကို ဖွဲ့နွဲ့ပြီး တင်ဆက်ထားတာပါ။ Nicholas တစ်ယောက်သူ့အဖေသေဆုံးပြီး နောက်ပိုင်းမှာ မိခင်နဲ့ ညီမ ဖြစ်သူကိုခေါ်ပြီး သူတို့ဦးလေးရှိတဲ့ London မြို့ကို အကူအညီရလိုရငြား လာခဲ့ကြပါတယ်။ မောင်နှမ နှစ်ယောက်လုံး ဦးလေးရဲ့အကူအညီနဲ့ အလုပ်ကိုယ်စီ ရသွားကြပါတယ်။ Nicholasဟာ Squeers ဆိုတဲ့ ကျောင်းအုပ်ရဲ့ ကျောင်းမှာ ဆရာအဖြစ် လုပ်ကိုင်ရင်း Squeers မိသားစုရဲ့ ကျောင်းသားကလေးသူငယ်တွေအပေါ် ညှင်းပန်းနှိပ်စက်မှုတွေ၊ Smike ဆိုတဲ့ မသန်စွမ်းကောင်လေးကို ဆိုးဆိုးဝါးဝါး ရိုက်နှက်မှုတွေကို ကိုယ်တွေ့မြင်လာရပါတယ်။ ဒီလိုနဲ့ တစ်နေ့မှာ သူတို့နှစ်ဦးSqueers မိသားစုကျောင်းကနေ ထွက်ပြေးလာကြပြီးနောက်မှာ စွန့်စားမှုမျိုးစုံနဲ့ ကြုံလာကြရပါတယ်။ File size…(2.1 GB)/(1 GB) Quality….Blu-Ray 1080p / 720p Format…mp4 Duration….02:12:00 Genre...Adventure, Drama, Romance Subtitle….Myanmar Subtitle (Hardsub) Encoder….Garfield Translated by Leonie

ဒုတိယကမ္ဘာစစ်အတွင်း နာဇီဂျာမန်တွေရဲ့ ယူ-ဘုတ်ရေငုပ်သင်္ဘောတွေဟာ နေရာအနှံ့က ပေါ်လာပြီး အင်္ဂလန်ကို ထောက်ပံ့မယ့် လက်နက်ခဲယမ်းနဲ့ ရိက္ခာတင်သင်္ဘောတွေကို တိုက်ခိုက်ဖျက်ဆီးနေပါတယ်။ အဲဒီတိုက်ခိုက်မှုတွေကြောင့် အင်္ဂလန်ဟာ အကြီးအကျယ် အကျပ်ရိုက်နေရတယ်။ ရေငုပ်သင်္ဘောတွေကို ရှောင်နိုင်ဖို့နဲ့ ပြန်လည်တိုက်ခိုက်နိုင်ဖို့အတွက် ဂျာမန်တွေ ဆက်သွယ်ရာမှာသုံးတဲ့ Enigma စက်ရဲ့ ဝှက်စာအသံလွှင့်ချက်တွေကို ဖော်ထုတ်နိုင်ဖို့ လိုနေပါတယ်။ ဒီအခြေအနေထဲမှာ သင်္ချာပညာရှင်တစ်ယောက်၊ ပျောက်ဆုံးနေတဲ့ သူ့ချစ်သူ၊ စုံထောက်အရာရှိတစ်ယောက်နဲ့ သူလျှိုတစ်ယောက်တို့ ပါဝင်လာကြတယ်။ သူတို့ကြားက လှည့်ကွက်တွေ၊ အားပြိုင်မှုတွေ၊ အတ္တနဲ့ ချစ်ခြင်းမေတ္တာတွေဟာ စစ်ပွဲရဲ့ အနိုင်အရှုံးအထိ သက်ရောက်နိုင်မလားဆိုတာကို ဆက်ပြထားပါတယ်။ Dougray Scott နဲ့ Kate Winslet တို့ အဓိကပါဝင်သရုပ်ဆောင်ထားတဲ့ စစ်ပွဲနောက်ခံ အချစ်ဒရာမာပါ။

Eddy၊ Tom၊ Bacon နဲ့ Soap ဆိုတဲ့ သူငယ်ချင်းလေးယောက်ဟာ မြို့ထဲက ရာဇဝတ်ဂိုဏ်းခေါင်းဆောင်တစ်ယောက်နဲ့ ဖဲကစားရာကနေ ပေါင်ငါးသိန်း အကြွေးတင်သွားကြပါတယ်။ ဒီအကြွေးကို ခုနစ်ရက်အတွင်း ပြန်ဆပ်ရမှာမို့ ပိုက်ဆံအလွယ်ရနိုင်မယ့် နည်းလမ်းကို လိုက်ရှာနေကြတယ်။ အဲဒီအချိန်မှာပဲ ဘေးအခန်းက Dog တို့လူမိုက်အဖွဲ့ ဓားပြတိုက်ဖို့ တိုင်ပင်နေတာကို ကြားမိသွားပါတယ်။ သူတို့က ကိုယ်တိုင်ဓားပြသွားတိုက်မယ့်အစား Dog တို့ လုလာမယ့်ပစ္စည်းတွေကို ထပ်လုဖို့ ကြံကြတော့တယ်။ ငွေရှာဖို့ ကြံလိုက်တဲ့ ဒီအစီအစဉ်ကနေ ဘယ်လိုအရှုပ်အထွေးတွေထဲ ရောက်သွားကြမလဲ၊ သတ်မှတ်ရက်အတွင်း အကြွေးပြန်ဆပ်နိုင်ပါ့မလားဆိုတာ ဆက်တွေ့ရမှာပါ။ ဒါရိုက်တာ Guy Richie ရဲ့ ရာဇဝတ်မှုနောက်ခံ ဟာသအက်ရှင်ကားဖြစ်ပြီး ရုပ်တည်ကြီးနဲ့ လွဲကြတဲ့အဖြစ်တွေအပြင် သွေးထွက်သံယိုနဲ့ ကြမ်းတမ်းတဲ့စကားအသုံးအနှုန်းတွေလည်း ပါဝင်ပါတယ်။