Pat Flaherty ပါဝင်သော ဇာတ်ကားများ

Casablanca မင်းသားကြီး Humphrey Bogart မဆုံးခင် ၂ နှစ်အလိုမှာ ရိုက်ကူးထားခဲ့တဲ့ ဇာတ်ကားကောင်းတစ်ကားကို တင်ဆက်ပေးလိုက်ပါတယ်။ ဂလန်းဂရစ်ဖင်ဆိုသူ ထောင်သားဟာ လွန်ခဲ့တဲ့ ၄ နှစ်က အဖမ်းခံရချိန် သူ့မေးရိုးကို ချိုးခဲ့တဲ့ရဲကို လက်စားပြန်ချေမယ်လို့ ကြိမ်းဝါးသွားခဲ့တာ သူဟာ သူ့ညီရယ် နောက်ထပ်ထောင်သားတစ်ယောက်ရယ်နဲ့ ထောင်ဖောက်ပြေးလွတ်မြောက်လာချိန် သူ့အကြံ‌စည်တွေအကောင်အထည်ဖော်ဖို့ အဆင်သင့်ဖြစ်ချိန်ထိ ပုန်းနေလိုရမယ့် အိမ်တစ်အိမ်ကို ရွေးလိုက်တယ်။ မိသားစု ၄ ‌ယောက်ရှိတဲ့ ဟီလီယတ်မိသားစုကိုပါပဲ။ သူတို့ ၃ ယောက်ဟာ တစ်မိသားစုလုံးကို သေနတ်ကိုင်ခြိမ်းခြောက်ထားပြီး သူ့အကြံအစည်တွေကို အကောင်အထည်ဖော်နေချိန် တချိန်က ဂရစ်ဖင်ကိုဖမ်းခဲ့တဲ့ ရဲသားကြီးကလည်း အပူတပြင်းလိုက်ရှာနေတယ်။ ဟီလီယတ်တို့ မိသားစုဟာလည်း သူတိုတွေလက်ထဲ ပြုသမျှနုနေရပေမဲ့ ခေသူတွေမဟုတ်ကြလေတော့ ..... File size…(3 GB)/(1.2 GB) Quality….Blu-Ray 1080p / 720p Format… mp4 Duration…. 01:52:00 Genre... Crime, Drama, Thriller Subtitle….Myanmar Subtitle (Hardsub) Encoder….Garfield Translated by Su

Harvey (1950) Classic Comedy ရုပ်ရှင်အမျိုးအစားတစ်ခုဖြစ်တဲ့ Harvey ကို ၁၉၅၀ ခုနှစ်မှာ Henry Koster က ရိုက်ကူးပြီး Mary Chase ရဲ့ ၁၉၄၄ ခုနှစ် ပူလစ်ဇာဆုရပြဇာတ်ကို မှီငြမ်းထားတာဖြစ်ပါတယ်။ ရုပ်ရှင်အနေနဲ့ကတော့ Fantasy နဲ့ Psychological Comedy ကို ရောနှောတင်ဆက်ထားတာဖြစ်ပါတယ်။ အဓိကဇာတ်ကောင် အဲဝုဒ်ဒေါက်ဟာ သူ့အစ်မဖြစ်သူ ဗီတာလူးဝိစ် နဲ့ တူမဖြစ်သူ မာတယ်မေတို့နဲ့အတူ အမေချန်ထားခဲ့တဲ့ အိမ်ကြီးမှာ အတူနေနေတာလည်း ဖြစ်ပါတယ်။ အဲဝုဒ်က ပတ်ဝန်းကျင်မှာ လူချစ်လူခင်များတဲ့သူ ဖြစ်ပေမယ့် သူတစ်ယောက်တည်းသာ မြင်ရတဲ့ ၆ ပေ အမြင့်ရှိတဲ့ ယုန်ဖြူကြီးတစ်ကောင်ကို သူငယ်ချင်းလုပ်ပေါင်းသင်းနေတဲ့ သူဖြစ်ပါတယ်။ သူ့ရဲ့ ယုန်ဖြူကြီး"Harvey" ကို တွေ့တဲ့သူတိုင်းနဲ့ မိတ်ဆက်၊ အရက်အတူတူသောက်ကြ၊ စကားဖောင်ဖွဲ့ကြ လုပ်နေပေမယ့် အများအမြင်မှာတော့ အဲဝုဒ်ဟာ တစ်ယောက်တည်းစကားပြောဆိုနေတတ်တဲ့ ယဉ်ယဉ်လေး ရူးသွပ်သွားသူတစ်ယောက် ဖြစ်နေပါတော့တယ်။ အဲဝုဒ်ရဲ့အကြောင်းကို ဖုံးဖိလေလေ၊ အလွဲလွဲအချော်ချော်တွေဖြစ်ပြီး သတင်းတွေသာပိုပြန့်လာတဲ့အတွက် ဗီတာလူးဝီစ်ဟာ မိသားစုရှေ့နေ ဂတ်ဖနီနဲ့ပူးပေါင်းပြီး အဲဝုဒ်ကို စိတ္တဇဆေးရုံပို့ဖို့ ကြံပါတော့တယ်။ အဲဝုဒ်ကလည်း ယုန်ဖြူကြီးကို မြင်နေရတာကလွဲရင် ပေါင်းတတ်သင်းတတ်ပြီး သိမ်မွေ့တဲ့ အမူအယာ၊ အပြောအဆိုတွေကြောင့် ရူးလို့ရူးနေမှန်းမသိကြဘဲ ဗီတာလူးဝိစ်သာ စိတ္တဇဆေးရုံမှာ သောင်တင်ခဲ့ပါတော့တယ်။ အဲဝုဒ်ကို ချောက်ချလေလေ၊ လုပ်တဲ့သူ ခံရလေလေ ဖြစ်ပြီးနောက်ပိုင်းမှာ သူ့ကိုပဲ "Harvey" ဆိုတဲ့ယုန်ဖြူကြီးက စောင့်ရှောက်နေသလား၊ သူပြောတဲ့ "Harvey" ကပဲ အဲဝုဒ်စိတ်ထင်တာသက်သက်မဟုတ်ဘဲ တကယ်ရှိနေတဲ့ ပုဂ္ဂိုလ်လားဆိုတဲ့ မေးခွန်းတွေက ဇာတ်လမ်းရှေ့ဆက်လာလေလေ ပရိသတ်စိတ်ထဲ ရောက်လာလေလေ ဖြစ်လာပါတယ်။ Comedy အမျိုးအစားဖြစ်ပေမယ့် ဇာတ်လမ်းရဲ့ Pacing ကငြိမ်ငြိမ့်လေးနဲ့ ပရိသတ်ကို ဆွဲဆောင်နိုင်တာမို့ Calming & Soothing Vibe ကို ပေးစွမ်းနိုင်တဲ့အဖြူအမည်းရုပ်ရှင်တစ်ကားကို ရှာဖွေနေသူများအတွက် "Harvey" ကို တင်ဆက်ပေးလိုက်ရပါတယ်။

ဟန်ဒလေဟာ ထောင်ထွက်တစ်ယောက်ပါ။ အရင်က သူတို့မိသားစုပိုင်ဆိုင်ခဲ့တဲ့ မွေးမြူရေးခြံတွေစိုက်ပျိုးမြေတွေကို ဆုံးရှုံးလိုက်ရတာကြောင့် သူ့ရဲ့တစ်ခုတည်းသောအိပ်မက်က အိမ်ပြန်ပြီး ဆုံးရှုံးခဲ့တာတွေပြန်ယူဖို့ဖြစ်လာခဲ့တယ်။ အခုတော့ သူဟာ ရှိသမျှကိုမြင်းပွဲလောင်းနေတဲ့ တေလေဂျပိုးတစ်ယောက်ဖြစ်ခဲ့လေပြီ။ တစ်နေ့မှာတော့ ထောင်ထွက်ဝိဇ္ဇာကြီးတစ်ယောက်ဦးဆောင်တဲ့ရတနာဖောက်ထွင်းမှုတစ်ခုမှာပါဖို့ ဖြစ်သွားခဲ့ပြီး အောင်အောင်မြင်မြင်နဲ့ဖောက်ထွင်းနိုင်ခဲ့ကြပေမဲ့ ရာဇ၀တ်ဘေးပြေးမလွတ်ဆိုတဲ့အတိုင်း ဟန်ဒလေတစ်ယောက် ပြဿနာတွေကိုကျော်လွှားနိုင်ပြီး အိမ်ပြန်ရောက်နိုင်ပါ့မလား...။( မင်းသမီးချောကြီး Marilyn Monroe လည်းပါ၀င်ပါတယ်) File size…(1.8 GB)/(1.4 GB) Quality….Blu-Ray 1080p / 720p Format… mp4 Duration…. 01:52:00 Genre... Film Noir, Heist, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Su

၁၉၄၈ ခုနှစ်ဆိုတဲ့အတိုင်းအတာမှာ အတော်ကို ကောင်းမွန်တဲ့ဇာတ်ကားဖြစ်ပြီး ဒီနေ့ခေတ် ဇာတ်ကားတော်တော်များများနဲ့ ရင်ဘောင်တန်းနိုင်တဲ့ ဇာတ်အိမ်မျိုးပဲ ဖြစ်ပါတယ်။ အင်တာနေရှင်နယ်ဆု ၉ ဆုအထိ ရရှိထားပြီး Oscar သမိုင်းတလျှောက် သားအဖနှစ်ယောက်လုံး Oscar ဆု ဆွတ်ခူးနိုင်ခဲ့တဲ့ ဇာတ်ကားဖြစ်ပါတယ်။ အဖေဖြစ်တဲ့ John Huston က ဒါရိုက်တာဆုနဲ့ သားဖြစ်တဲ့ Walter Huston က ဇာတ်ပို့ဆု ရရှိခဲ့တာပါ။ ခရမ်းချဉ်သီးလေးကလည်း နီရဲလုံးပြည့်တင်းနေတဲ့ 100% ပဲ ဖြစ်ပါတယ်။ IMDb 8.2 ဆိုတာထက်ပိုရခဲ့သင့်ပြီး အဓိက ဇာတ်ဆောင်သုံးယောက်လုံး သူ့တာဝန် သူကျေပွန်အောင် သရုပ်ဆောင်ပြခဲ့တာ အားရစရာ သိပ်ကောင်းပါတယ်။ ဇာတ်အိမ်ခိုင်ခန့်ပြီး Adventure ဆိုတာထက် Thrill Vibe ရောက်အောင် အကောင်းဆုံး ရိုက်ပြနိုင်ခဲ့ပါတယ်။ ဇာတ်လမ်းအကျဉ်း အမေရိကန်နိုင်ငံသား ဒေါ့ပ်ဟာ မက္ကဆီကိုနိုင်ငံမှာ အလုပ်လက်မဲ့ဘဝနဲ့ တောင်းစားနေရပြီး ကြုံရာကျပန်း ဝင်လုပ်နေရပါတယ်။ ဘဝကို ခက်ခက်ခဲခဲ ဖြတ်သန်းရင်း ကာတင်ဆိုတဲ့ ဘဝတူ မိတ်ဆွေတစ်ဦးကို ရခဲ့ပါတယ်။ နှစ်ယောက်သား အလုပ်အတူကြိုးစားရင်း ငွေလေးတချို့ စုဆောင်းမိလာပေမယ့် ဘာဆက်လုပ်ရမှန်းမသိတာကြောင့် ရွှေတူးတဲ့အကြောင်း ပြောပြဖူးတဲ့ အဘိုးကြီးတစ်ယောက်ဆီ ရောက်သွားခဲ့ပါတယ်။ အဘိုးကြီးနဲ့အတူ မက္ကဆီကိုတောတန်းတစ်နေရာကို သွားပြီး ရွှေရှာဖို့အကြောင်းဖန်လာခဲ့ပါတယ်။ လူဆိုတဲ့အမျိုးဟာ ရလေလိုလေ အိုတစ္ဆေဆိုတဲ့အတိုင်း ရွှေတွေများလာတဲ့အခါမှာတော့ အချင်းချင်း မသင့်မြတ်မှုတွေ မယုံကြည်မှုတွေ ကြီးထွားလာခဲ့ပါတယ်။ အဘိုးကြီးနဲ့ ကာတင်က လောဘမတက်ကြပေမယ့် ဒေါ့ပ်ကတော့ လောဘရဲ့သားကောင် ဖြစ်လာခဲ့ပါတယ်။ အဲဒီကနေ ဒေါ့ပ်ဟာ မကောင်းမှုတွေ တဖြည်းဖြည်း ကြီးထွားလာခဲ့ပြီး နောက်ဆုံးရွှေတွေကို ဘယ်သူအပိုင်ရသွားမလဲဆိုတာ ရင်တထိတ်ထိတ်နဲ့ ကြည့်ရမယ့် ဇာတ်ကားကောင်းလေးပဲ ဖြစ်ပါတယ်။ ကြည့်တဲ့သူတွေ လုံးဝမထင်ထားတဲ့ Ending ဖြစ်မှာ အာမခံပါတယ်။ ခံစားကြည့်ရှုကြပါခင်ဗျာ။ Quality.....Blu-Ray 1080p / 720p File Size.....(3 GB) / (2 GB) Genre.....Tragedy, Adventure, Drama, Western Duration.....02:06:00

မြန်မာနိုင်ငံ လွတ်လပ်ရေးမရခင်ကာလကတည်းက ဇာတ်ကားဆိုပေမယ့် အင်မတန်ကိုမှ Romantic ဆန်ပြီး အဲဒီခေတ် ကောင်းဘွိုင် ဇာတ်လမ်းကောင်းလေးတစ်ပုဒ်ကို ပိတ်ကားပေါ်မှာ အကောင်းဆုံးပြသနိုင်တယ်လို့ ဆိုရမှာပါ။ အမျိုးသမီးလေးတွေရဲ့ ဆယ်ကျော်သက်အရွယ် ရင်ခုန်ခြင်းတွေ၊ ကောင်းဘွိုင်ခေတ်မှာ ယောက်ျားတွေ အချင်းချင်း ဘယ်နည်းဘယ်ပုံ စီးချင်းထိုးကြတာတွေ၊ လယ်ယာလုပ်သမားတွေရဲ့ ဘဝတွေကို ရိုးရိုးရှင်းရှင်း လှလှပပ ပုံဖော်ထားတဲ့ ဇာတ်လမ်းကောင်းလေးပဲ ဖြစ်ပါတယ်။ Nostalgia ကိုမှ ကြိုက်ပါတယ်ဆိုတဲ့သူတွေ လုံးဝလက်မလွှတ်သင့်ဘဲ အချစ်ဇာတ်လမ်းတစ်ခုထက်ပိုတဲ့ ဇာတ်ကားတစ်ကားလိုပဲ ဆိုချင်ပါတယ်။ ဇာတ်လမ်းအကျဉ်း ကွာ့ဒ်အီဗန်ဆိုတဲ့ နာမည်ကျော် ကောင်းဘွိုင်တစ်ယောက်ဟာ ဒဏ်ရာရပြီး အိမ်တစ်အိမ်မှာ သတိမေ့မျောနေခဲ့ပါတယ်။ ဘာသာတရားကိုင်းရှိင်းပြီး အကြင်နာတရားပြည့်ဝတဲ့ မိသားစုတစ်ခုက ပြုစုထားပြီး အဲဒီမိသားစုမှာ သမီးလေး ပန်နီဆိုသူလည်း ရှိပါတယ်။ ကွာ့ဒ်အီဗန်နိုးလာချိန် ပန်နီနဲ့ ကွာ့အီဗန်တိုရဲ့ အချစ်ဇာတ်လမ်းလေး အစပျိုးလာခဲ့ပါတယ်။ အဲဒီအချိန်မှာ ကွာ့ဒ်အီဗန်ရဲ့ ရန်သူကြီးတွေ ပေါ်လာခဲ့ပြီးတဲ့အချိန်မှာတော့...... ဘာတွေဆက်ဖြစ်မလဲဆိုတာကို ပေါ့ပေါ့ပါးပါး ခံစားကြည့်ရှုနိုင်ပါတယ်။ Quality.....Blu-Ray 1080p / 720p File Size.....(2.1GB) / (1.9 GB) Genre.....Drama, Romance, Western Duration.....01:40:00

His Girl Friday (1940) IMDB : 7.8 Rotten Tomatoes : 99% Genre : Romance / Comedy ဒီရုပ်ရှင်အကြောင်းမပြောခင် Rom / Com ဆိုတဲ့ Sub-Genre ကြီးပေါ်ပေါက်လာပုံကိုအရင်ပြန်ပြောကြရအောင်။ 1930၊ 1940 အရှေ့ပိုင်းမှာ Rom / Com ဆိုတဲ့ Genre မရှိခဲ့ဘူး။ အဲဒီမှာ American Screwball Comedy ဆိုတဲ့ ဟာသနဲ့ ရိုမန့်ပေါင်းထားတဲ့ Genre အသစ်တစ်ခုပေါ်လာတယ်။ Rom / Com တွေရဲ့အစပေါ့။ His Girl Friday (1940) လည်းတစ်ကားအပါအဝင်ပဲ။ ဒီရုပ်ရှင်ကိုကြည့်ရတာ တော်တော်လေးကိုပေါ့ပါးတယ်။ တော်တော်လေးလည်းရယ်ရတယ်။ အစပ်အဟပ်တဲ့လိုက်ပုံများ အားနေအငေါ်တူးနေတဲ့ အတွဲတစ်တွဲကို ဖန်သားပြင်ကနေမဟုတ်ပဲ ဘေးကနေ ကိုယ်တိုင်ကြည့်လိုက်ရသလိုပဲ။ Rom / Com စစ်စစ်ဆိုတာ ဒါမျိုးလို့ပြောရလောက်အောင် အရမ်းကိုကောင်းတဲ့ရုပ်ရှင်မျိုးပါ။ လိင်အသားပေးမဟုတ်ဘူး၊ မင်းသမီးရဲ့ ကိုယ်တစ်ဝက်လောက်ကို မဖော်ပြထားဘူး။ ဟာသစစ်စစ်ကြားမှာ ရိုမန့်ကိုပေါင်းထည့်သွားတယ်။ မင်းသားက Cary Grant မင်းသမီးက Rosalind Russell နှစ်ယောက်လုံးက သရုပ်ဆောင်လောကမှာ စံပြုလောက်တဲ့နှစ်ယောက်။ သူတို့နှစ်ယောက်ရဲ့ အပေးအယူလေးတွေနဲ့ ရုပ်ရှင်ပြီးတဲ့နောက်ဆုံး စာသားအထိဆွဲဆောင်သွားပုံက တော်တော်လေးကို ဆွဲဆောင်မှုရှိပါတယ်။ ဇာတ်ညွှန်း ဝေါ်တာဆိုတာ “မနက်ခင်း သတင်းစာတိုက်” ပိုင်ရှင်။ အင်တာနက်မရှိတဲ့ခေတ်၊ ကြိုးဖုန်းတွေနဲ့ဆက်သွယ်ရတဲ့ခေတ်ကြီးမှာ သတင်းစာတိုက်တစ်ခုအောင်မြင်ဖို့က သတင်းထောက်ကောင်းကောင်းရှိမှရမယ်။ မနက်ခင်းသတင်းစာတိုက်မှာ အရမ်းကိုတော်တဲ့ သတင်းထောက်မလေးတစ်ယောက်ရှိတယ်။ ရှိခဲ့တာပေါ့လေ။ သူ့နာမည်က ဟေလ်ဒီဂျွန်ဆင်။ ဟေလ်ဒီက သတင်းစာတိုက်ရဲ့ သတင်းထောက်မလည်းဟုတ်သလို ဝေါ်တာရဲ့ အမျိုးသမီးဆိုလည်းဟုတ်တယ်။ ဟုတ်ခဲ့တာပေါ့လေ။ ဘာလို့ဆို သူတို့နှစ်ယောက်ကွာရှင်းလိုက်ပြီ။ ဟေလ်ဒီကလည်း ဘရုစ်ဆိုတဲ့ယောကျ်ားတစ်ယောက်နဲ့လက်ထပ်တော့မယ်။ လက်ထပ်မှာကလည်း မနက်ဖြန်။ ဆိုတော့ “ကျွန်မလက်ထပ်ပြီး ရှင်တို့ သတင်းလောကကိုစွန့်ခွာတော့မယ်” လို့အသိလာပေးတဲ့အချိန်မှာ ဝေါ်တာတစ်ယောက် ကျွဲမြီးတိုရပြီ။ ဟေလ်ဒီ သတင်းစာတိုက်ကိုလာပြီး လာပြောတဲ့အချိန်မှာ သပွတ်အူထက်ရှုပ်တဲ့ အမှုတစ်ခုကဖြစ်နေပြန်တယ်။ ဒီသတင်းကိုဦးနိုင်တဲ့ သတင်းစာတိုက်က မိုးပေါ်ကိုထိုးထောင်သွားမှာပဲ။ နိုင်ငံရေးပါတီတွေ၊ လူသတ်မှု၊ ဘုရင်ခံတွေအထိပတ်သက်နေတဲ့အမှုမျိုး။ ဝေါ်တာက သတင်းကိုလည်းလိုချင်တယ်၊ ဟေလ်ဒီကိုလည်းပြန်လိုချင်တယ်။ ဆိုတော့ ဟေလ်ဒီနဲ့ ဘရုစ်ကို သတင်းသမား ဉာဏ်တွေသုံးပြီး ကလိတော့တယ်။ မုဆိုးနားနီးလည်း တံငါက တံငါ။ တံငါနားနီးလည်း တံငါက မုဆိုးဖြစ်မသွားဘူးဆိုတဲ့အတိုင်း ဟေလ်ဒီကလည်း သတင်းရေးချင်စိတ်တွေ ပြန်ပေါ်လာတဲ့အခါမှာ…. ဘာတွေဆက်ဖြစ်မှာလဲဆိုတာကိုတော့ ခံစားကြည့်လိုက်ကြပါခင်ဗျာ။ File size… 2 GB / 1.3GB Quality… WEB-DL 1080p / 720p Format… mp4 Duration…. 1h 32m Genre ..... Romance / Comedy Subtitle…. Myanmar Subtitle (Hard Sub)

The Grapes of Wrath (1940) IMDb Rating (8.1) / Rotten Tomatoes (100%) ဂျွန်စတိုင်းဘတ်ရဲ့ ၁၉၃၉ထွက် The Grapes of Wrathဝတ္တုကို ဂျွန်ဖို့ဒ်ရိုက်ထားတဲ့ The Grapes of Wrath ( 1940 )ဟာ အော်စကာ၆ဆု ဆန်ခါတင်ဝင်ခဲ့ပြီး ဂျွန်ဖို့ဒ်က ဒါရိုက်တာဆု , ဇာတ်ဆောင်ရဲ့အမေနေရာက သရုပ်ဆောင်ခဲ့တဲ့ Jane Darwellက ဇာတ်ပို့မင်းသမီးဆု ရခဲ့တယ်။ ဟင်နရီဖွန်ဒါလည်း မင်းသားဆု ဆန်ခါတင် ဝင်ခဲ့ပေမဲ့ ရတော့မရခဲ့ဘူး။ ဒီရုပ်ရှင်ကို one of the greatest films of all timeလို့တော့ သတ်မှတ်ထားကြတယ်။ ဒါပေမဲ့ သိပ်မကြိုက်လှတဲ့လူတွေလည်းရှိပါတယ်။ စာအုပ်ကို အရင်သွားဖတ်မိတဲ့လူတွေပေါ့။ ဒီစာအုပ်ကို မောင်ထွန်းသူက ဒေါသမာန်ဆိုတဲ့ နာမည်နဲ့ ဘာသာပြန်ပေးထားတယ်။ ဇာတ်လမ်းကတော့ ၁၉၃၀မှာ ဇာတ်အိမ်တည်ထားတယ်။ တစ်ကမ္ဘာလုံး စီးပွားပျက်ကပ်နဲ့ ကြုံနေရတဲ့ကာလ Great Depression ကာလပေါ့။ အဲဒီကာလမှာ အိုကလာဟိုမာက လယ်သမားတွေဟာ လူအားနဲ့ လယ်ထွန်ယက်စိုက်ပျိုးနေတဲ့ လူတွေနေရာမှာ ထွန်စက်တွေကို အစားထိုးခံလိုက်ရလို့ အိုးမဲ့အိမ်မဲ့ဖြစ်ကြရင်း ဘဝတွေပျက်ကြတာကို ပုံဖော်ထားတယ်။ အိုကလာဟိုမာမှာ အိမ်အဖျက်ခံရမယ့် ညမှာ အလုပ်တွေပေါတယ်ဆိုတဲ့ ကယ်လီဖိုးနီးယားအထိ ကားစုတ်ကြီးနဲ့ မိသားစုလုံးကျွတ် ခရီးနှင်လာခဲ့ပြီးတဲ့နောက် အိမ်ပျက်ရာကနေ အိပ်မက်တွေဆက်ပျက်ရတဲ့အကြောင်းတွေပေါ့။ အဆိုးတွေကြားမှာ ဇာတ်အိမ်ကို သရုပ်ဖော်ထားပေမဲ့ အကောင်းတွေလည်း ရောပြွန်းနေတဲ့ ဇာတ်လမ်းလို့ပြောလို့ရတယ်။ ရုပ်ရှင်ကတော့ အဆုံးနားကို နည်းနည်းလှည့်လိုက်ပြီး ဝတ္တုရဲ့မာစတာပိစ်ဖြစ်လှတဲ့ ဇာတ်သိမ်းခန်းအထိ မပြခဲ့တာကလွဲ စတိုင်းဘတ်ရဲ့ ဝတ္တုအတိုင်းပဲ အတိအကျ ပုံဖော်ထားတယ်။ ခုနပြောခဲ့သလို စာအုပ်ကို အရင်ဖတ်မိတဲ့လူတွေ ဒီကားကို အားမရတဲ့ပြဿနာတော့ရှိတယ်။ ဘာလို့ဆို ဂျွန်စတိုင်းဘတ်ရဲ့ အရေးအသားက‌ တော်တော်လေး အသေးစိတ်ကျတဲ့ အရေးအသားဖြစ်နေလို့ပဲ။ သူ့ အဓိကဇာတ်အိမ်က ခုနမိသားစုရဲ့ခရီးရှည်ကြီးသက်သက်ပဲ ပြောရရင် ဒီကားမှာပြထားသမျှက အဓိကကျောရိုးအကုန်ပဲ။ ပြောရရင် ကာလတောင် အဲဒီလောက်မရှည်လှတဲ့အချိန်မှာပဲ ဇာတ်အိမ်တည်ထားတာ။ ဒါပေမဲ့ စတိုင်းဘတ်က ဇာတ်အိမ်ထက် ပုံဖော်မှုကို ပိုအသားပေးထားတယ်။ သူက ဇာတ်ကောင်တစ်ကောင်ရဲ့ ဒီကာလအတွင်းက အတွေ့အကြုံ လုပ်ရပ်တွေကို သေးသေးလေးကအစ သေချာထင်ရှားအောင်ပုံဖော်ထားသလို အဓိကကျောရိုးကို တစ်ခန်းနှစ်ခန်းရေးပြီးတာနဲ့ သူဇာတ်အိမ်တည်ထားတဲ့ ခေတ်ကြီးတစ်ခုလုံး စာဖတ်သူမျက်စိထဲ ကွက်ကွက်ကွင်းကွင်းပေါ်လာအောင် ကြားဖြတ်အခန်းလေးတွေလည်း အဆုံးအထိ ဖြတ်ဖြတ်ရေးသွားတယ်။ ဒါတွေကို ဂျွန်ဝိန်းက မထည့်သွားသလောက်ပဲ သူထိသွားပုံရတဲ့တစ်ခုတော့ ထည့်ထားတယ်။ ပြောရရင် ထည့်လို့လည်းမပြေပါဘူး။ ခေတ်ကြီးတစ်ခုလုံးကို ထင်ဟပ်နေတဲ့ ဇာတ်လမ်းတစ်ပုဒ်ကို ၂နာရီစာ ဇာတ်ကားထဲထည့်ဖို့ဆို မဖြစ်နိုင်ဘူး။ ဒါပေမဲ့ ဂျွန်ဝိန်းက သူရတဲ့၂နာရီစာဆိုတဲ့ အချိန်အတွင်းတော့ ဖြုတ်သင့်ဖြုတ် ပေါင်းသင့်တာပေါင်းပြီး အသပ်ရပ်ဆုံး ပုံဖော်သွားခဲ့တာကိုတော့ အာမခံလို့ရတယ်။ ဒီကားရဲ့ အဓိကပြဿနာက Run Time အရမ်းနည်းနေတာပါပဲ။ အဲဒီခေတ်ပရိသတ်ကလည်း ဒီ၂နာရီစာဆိုတဲ့ အချိန်လောက်ကိုပဲ လက်သင့်ခံကြတာကလည်း တစ်ပိုင်းပါတယ်။ ဒီလိုဆိုလို့ သူ့အရင် ထွက်တဲ့ Gone With The Windကျ ၄နာရီစာဖြစ်နေတဲ့အချက်ကိုတော့ ထောက်ပြစရာရှိမယ်။ လေရူးသုန်သုန်ရုပ်ရှင်က ၄နာရီကြာတာမှန်သလို အဲဒီခေတ်ပရိသတ်က ၂နာရီပဲ အများစုလက်ခံကြတာလည်းအမှန်ပါပဲ။ လေရူးသုန်သုန်က Civil War-era epic ဇာတ်အိမ်မျိုးရှိပေမဲ့ ဒေါသမာန်ကတော့ သူ့မျက်မှောက်ခေတ်နဲ့ သိပ်မကွာလှတာလည်းပါလိမ့်မယ်။ စတိုင်းဘတ်ကိုယ်တိုင် စာအုပ်မှာ တစ်ချို့လူတွေ ဖောင်းထုတာ ခံခဲ့ရတဲ့အပိုင်းကြောင့်လည်း ပါကောင်းပါမယ်။ ထုတ်လုပ်ရေးပိုင်းကြောင်းလည်းပါတယ်။ ဒေါသမာန်ကိုတော့ စတူဒီယိုက သာမန်လျှံကာပဲ ထုတ်ခဲ့ပေမဲ့ လေရူးသုန်သုန်ကိုတော့ စတူဒီယိုက prestige blockbuster ဖြစ်လာဖို့ ရည်ရွယ်ပြီး ထုတ်ခဲ့တယ်။ ဆိုတော့ ခေတ်အရရော ရုပ်ရှင်နဲ့စာအုပ်ရဲ့ ကွာခြားချက်အရရောကြောင့် ဒီကားကို အားမရတဲ့လူတွေ အားမရပေမဲ့လည်း ရုပ်ရှင်ကောင်းတော့ ဖြစ်နေတုန်းပါပဲ။ ဇာတ်ဝင်ခန်းတစ်ခန်းမှာပေါ့။ အဘိုးကြီးတစ်ယောက်က ကားလမ်းဘေးက စားသောက်ဆိုင်ကလေးထဲ ဝင်လာတယ်။ ဆိုင်ထဲမှာ ကားဒရိုင်ဘာတစ်ယောက်နဲ့ စကားပြောနေတဲ့ စားပွဲထိုးမကတော့ ဒီအဆင် ဒီအဆင်တွေဟာ အကျိုးပေးမယ်မှန်းမသိတော့ ခပ်ချေချေပေါ့။ အဘိုးကြီးက ဝင်လာတာနဲ့ " ကျုပ်တို့ကို ပေါင်မုန့်လေးတစ်လုံးလောက် ရောင်းပေးနိုင်မလား"လို့ပြောတော့ စားပွဲထိုးမက ငါထင်သလိုပဲဆိုတဲ့ မျက်နှာပေးမျိုးနဲ့ " ဒါကုန်စုံဆိုင်မဟုတ်ဘူး ကျွန်မတို့မှာ ဆန်းဒဝစ်လုပ်ဖို့ပဲ ရှိတယ်"လို့ ပြန်ပြောတာပေါ့။ အဘိုးကြီးက မျက်နှာလေးအိုအိုနဲ့ " သိပါတယ် မဒမ်ရာ အမေကြီးအတွက်မို့ပါ။ သူကသွားမရှိဘူးလေ ရေနဲ့နှူးပြီး ကျွေးမှ ဝါးနိုင်တာ သူဗိုက်ဆာနေလို့ပါ"လို့ပါ တောင်းပန်တယ်။ မလျှော့တဲ့ စားပွဲထိုးမက "ဆန်းဒဝစ်ပဲဝယ်လိုက်ပါလား ကျွန်မတို့ဆီက ဆန်းဒဝစ်တွေက သိပ်ကောင်းတာ"လို့ ခွန်းတုံ့ပြန်ပြန်ရော။ ဇီးရွက်လောက်ပဲ ကျန်တော့တဲ့ မျက်နှာနဲ့ အဘိုးကြီးကတော့ ထပ်ရှင်းပြရှာတယ်။ "ဟုတ်ကဲ့ ကျွန်တော်လည်း ဝယ်ချင်ပေမဲ့ မဒမ်ရယ်... ကျွန်တော်တို့မှာ ပေါင်မုန့်ဖိုးက၁၀ဆင့်ပဲရှိတာ အဲဒါမှခရီးအတွက်လောက်မှာမို့ပါ"လို့ပေါ့။ ဒါပေမဲ့လည်း စားပွဲထိုးမက မလျှော့ပြန်ပါဘူး "၁၀ဆင့်နဲ့ ဘာပေါင်မုန့်မှမရဘူး ပေါင်မုန့်တစ်လုံးကို အနည်းဆုံး၁၅ဆင့်တန်ပဲရှိတယ်"လို့ ပြောပြန်တယ်။ စားဖိုမှူးက ပေးလိုက်စမ်းပါကွာလို့ပြောတော့လည်း စားပွဲထိုးမက ပေါင်မုန့်ကားမလာခင် ပေါင်မုန့်ကုန်သွားရင် ဘယ်လိုလုပ်ကြမလဲလို့ စောဒကတက်ပြန်တာပါပဲ။ စိတ်မရှည်တော့တဲ့ စားဖိုမှူးက " အေး ကုန်တော့လည်းကုန်ပါစေ ကုန်ပါစေပေါ့"လို့ပြောပြီး ဘုတောလိုက်မှ စားပွဲထိုးမက ပေါင်မုန့်သွားယူလာပြီး အဘိုးကြီးကို ရောင်းပေးတော့တယ်။ ဒါလည်း ချိုချိုသာသာမဟုတ်ပါဘူး။ ဆောင့်ကြီးအောင့်ကြီးနဲ့ပဲ။ စားပွဲထိုးမပေါင်မုန့်သွားယူနေတဲ့အချိန်မှာ ကလေးလေး၂ယောက်က အဘိုးကြီးနောက်ကို လိုက်လာပြီး ဆိုင်ထဲဝင်လာခဲ့တယ်။ ငွေရှင်းတဲ့ကောင်တာနားက ချိုချဉ်တွေကို တွေ့သွားတဲ့အချိန် သူတို့အခြေအနေကိုလည်း သူတို့သိနေတော့ ဘာမှမပူဆာဘဲ မျက်လုံးအဝိုင်းသားလေးနဲ့ ကြည့်နေခဲ့ကြတယ်။ အဘိုးကြီးလည်း မနေသာတော့ " ဟိုးက ချိုချဉ်တွေက တစ်ဆင့်တန်တွေလား"လို့ စားပွဲမကိုမေးလိုက်တယ်။ စားပွဲထိုးမက..." မဟုတ်ဘူး"လို့ ပြောပြီးမှ သူ့ကောင်တာရှေ့တည့်တည့်က ကလေးလေး၂ယောက်ရဲ့ မျက်လုံးကို မြင်သွားပြီး ဆောင့်ကြီးအောင့်ကြီးဖြစ်နေခဲ့တဲ့ သူ့မျက်နှာပေါ်ဝမ်းနည်းရိပ်သန်းလာခဲ့တယ်။ " အာ မဟုတ်ဘူး ၂ချောင်းတစ်ဆင့်"လို့ ပြာပြာသလဲဖြေလိုက်တယ်။ အဘိုးကြီးကလည်း တစ်ဆင့်ပေးပြီး ကလေးနှစ်ယောက်ကို ချိုချဉ်တစ်ယောက်တစ်ခု ဝယ်ကျွေးနိုင်ခဲ့တယ်။ အဘိုးကြီးတို့ ထွက်သွားပြီးတော့ ခုန စားပွဲထိုးမနဲ့ စကားပြောနေတဲ့ ကားဒရိုင်ဘာက " အဲဒါတွေက နှစ်ချောင်းတစ်ဆင့်တန်မဟုတ်ဘူးလေ တစ်ခုကို ၅ဆင့်မလား"လို့ မချိုမချဉ်မျက်နှာပေးနဲ့ စားပွဲထိုးမကို လှမ်းပြောလိုက်တာပေါ့။ စားပွဲထိုးမကတော့ " ရှင့်အပူပါလို့လား"လို့ပဲ ပြန်ပြောခဲ့တယ်။ ခဏနေတော့ ကားဒရိုင်ဘာ ငွေရှင်းဖို့ ထလာတယ်။ ပိုက်ဆံပေးပြီးတဲ့နောက် တံခါးဝဆီတန်းသွားခဲ့တယ်။ စားပွဲထိုးမက " နေပါဦး ပြန်အမ်းငွေယူသွားဦးလေ"လို့ ပြောတော့ ဒရိုင်ဘာကလည်း တစ်ခွန်းပဲ ပြန်ပြောခဲ့တယ်။ " မင်းအပူပါလို့လား"တဲ့။ ဂျွန်ဖို့ဒ် နည်းနည်းပြင်ရိုက်ထားတဲ့ ဒီဇာတ်ဝင်ခန်းလေးကိုပဲ ဂျွန်စတိုင်းဘတ်က သူ့စာအုပ်ထဲ ပုံဖော်ထားတာက စာမျက်နှာ၂၀နီးနီးရှိတယ်။ စတိုင်းဘတ်က အဲဒီလောက် အသေးစိတ်ကျကျ ရေးတဲ့လူဆိုတော့ ဂျွန်ဖို့ဒ် ဒီလောက်ထိလုပ်ပြနိုင်တာပဲ ဟုတ်တော့ဟုတ်နေတဲ့ သဘောပါပဲ။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(3.8 GB) / (2.3 GB) Quality….Blu-Ray 1080p HEVC / 720p Format…. mkv/mp4 Genre….Drama Duration….02:09:50 Subtitle….Myanmar Subtitle (Hardsub) Encoder….Double K Translated by WiRa Aung

The Great Dictator မှာ ချာလီချက်ပလင်က စစ်မှုထမ်းဟောင်း သာမန်ဆံသဆရာတစ်ယောက်အဖြစ်လည်းကောင်း၊ ကမ္ဘာကို လက်ဝါးကြီးအုပ်ချင်တဲ့ စစ်အာဏာရှင် ဟင်ကယ်အဖြစ်လည်းကောင်း နှစ်ကိုယ်ခွဲ သရုပ်ဆောင်ထားပါတယ်။ သူကိုယ်တိုင် ရိုက်ကူးထုတ်လုပ်ထားတဲ့ စကားပြောရုပ်ရှင်ဖြစ်ပြီး ဟစ်တလာ၊ နာဇီနဲ့ ဖက်ဆစ်စနစ်တို့ကို သရော်ကာ ဂျူးမုန်းတီးရေးဝါဒကို ရှုတ်ချထားတာပါ။ အာဏာရှင်လက်အောက်မှာ နေထိုင်ရတဲ့ နိုင်ငံသားတွေဟာ ပြောပိုင်ခွင့်၊ လုပ်ပိုင်ခွင့်မရှိဘဲ ကျီးလန့်စာစား နေကြရတယ်။ အမိန့်အတိုင်းသာ လုပ်တတ်အောင် ပုံသွင်းခံထားရတဲ့ စစ်သားတွေက ရပ်ကွက်တွေထဲမှာ နိုင်ထက်စီးနင်း ပြုမူကြသလို အာဏာရှင်တွေကလည်း တခြားသူတွေ ဘာဖြစ်ဖြစ် ကိုယ့်အကျိုးကိုသာ ကြည့်ကြပါတယ်။ ဒီလို အုပ်ချုပ်မှုအောက်က ဘဝတွေကို ဟာသနဲ့ ရောစပ်တင်ပြထားပြီး ပုံမှန်ရယ်ရွှင်စရာဟန်ကနေ ကွဲထွက်သွားတဲ့ ချာလီရဲ့ ငါးမိနစ်ခန့် မိန့်ခွန်းလည်း ပါဝင်ပါတယ်။

အသံတိတ်ရုပ်ရှင်တွေဘက်ကို ခဏလောက် ပြန်လှည့်ရအောင်ပါ CM ပရိသတ်ကြီးရေ... အသံတိတ်ရုပ်ရှင်ဆိုတာနဲ့ ကျွန်တော်တို့ မျက်လုံးထဲမှာ အရင်ဆုံး ပြေးမြင်မိတာ အင်္ဂလိပ်လူမျိုး ဟာသဇာတ်ဆောင်နဲ့ ရုပ်ရှင်ဖန်တီးသူ Charlie Chaplin ပါပဲ။ ဘာစကားမှ မပြောဘဲ လူတွေကို ရယ်အောင်လုပ်နိုင်တဲ့ အရည်အချင်းဆိုတာ တော်ရုံ ပါရမီရှိရုံနဲ့ မရပါဘူး။ ဒါပေမဲ့ ဂုရုကြီး Charlie Chaplin ကိုတော့ မြင်လိုက်တာနဲ့ အလိုလိုရယ်ချင်ပြီး သဘောကျကြပါတယ်။ ဒါကြောင့်လည်း အခုချိန်ထိတိုင် ပရိသတ်ရင်ထဲမှာ စွဲကျန်နေဆဲဖြစ်နေခြင်းပါ။ ဒီတော့ ကျွန်တော်တို့ CM ကနေ တစ်ခါက နာမည်ကြီးခဲ့တဲ့ The Kid, Modern Times နဲ့ City Lights အသံတိတ်ရုပ်ရှင် သုံးကားကို Charlie Chaplin အလွမ်းပြေအနေနဲ့ရော ပရိသတ်ကြီးလည်း ရယ်‌မောပျော်ရွှင် စိတ်အပန်းပြေနိုင်စေဖို့ တင်ဆက်ပေးလိုက်ရပါတယ် File size…2.19GB / 1.9 GB Quality…1080p  BluRay / 720p Format…mp4 Duration….1h 27mins Subtitle….Myanmar Subtitle (hard sub) Encoder….YK Translated by Yoon Sandi Aung

တီထွင်သူတစ်ယောက်ဖြစ်ပြီး စီးပွားရေးရှင်ဖြစ်တဲ့ ကလိုက်ဒ်ဝိုင်နန့်ဟာ သူ့ရဲ့သမီးဖြစ်သူ ဒိုရသီရဲ့ မင်္လာဆောင်မတိုင်ခင် အလုပ်ကိစ္စတွေကို လုပ်ဖို့ ခရီးထွက်စရာပေါ်လာခဲ့ပါတယ် အဲဒီမှာ သူ့သမီးအတွက် ဟိုးအရင်တည်းက ဝယ်စုထားတဲ့ အစိုးရဘွန်းတွေကို လာယူတဲ့အခါမှာ ပျောက်နေတာကိုတွေ့ရခဲ့ပါတယ် အဲဒီမှာ သူ့ရဲ့ စက္ကထရီ ဂျူလီယာနဲ့ သွားပြီး ထိပ်တိုက်ရင်ဆိုင်ခဲ့ပါတယ် ဒီလိုနဲ့ သူတို့နှစ်ယောက် စကားများခဲ့ပြီး ထွက်လာခဲ့ပါတယ် ဒီလိုနဲ့ နောက်သုံးလအကြာမှာတော့ ဂျူလီယာ အသတ်ခံလိုက်ရပါတယ် အဲဒီတော့ ဂျူလီယာကို ဘယ်သူသတ်တာလဲ ဝိုင်နန့်ကရော ဘယ်ကိုရောက်နေတာလဲဆိုတာ ကြည့်ရှုခံစားရမှာဖြစ်ပါတယ်