Phil Proctor ပါဝင်သော ဇာတ်ကားများ

ဒီဇာတ်ကားလေးက ၂၀၀၆ခုနှစ်ကထွက်ခဲ့တဲ့ animationဇာတ်ကားလေးဖြစ်ပြီး DVDခေတ်တုန်းက လေးကားတွဲ၊ရှစ်ကားတွဲ အခွေတွေမှာ အမြဲတမ်းလိုလိုပါခဲ့တာ‌ကြောင့် မကြည့်ဖူးရင်တောင် လူတိုင်းသိနေမယ့် ကာတွန်းကားပဲဖြစ်ပါတယ်။ IMDbကလည်း 5.6 ရထားတာပါ။ အညွန်းကတော့ Banyardလို့ ခေါ်တဲ့ မွေးမြူရေးခြံကြီးမှာ နေတဲ့ အိုတစ်ဆိုတဲ့ နွားလေးတစ်ကာင်က ခြံထဲနေရတဲ့ဘဝကိုငြီးငွေ့နေပြီး အမြဲလိုလို စွန့်စားခန်းနဲ့ ပျော်စရာတွေ ရှာဖို့ကြိုးစားနေတတ်သူပါ။ သူ့ရဲ့အဲဒီလိုနေထိုင်ပုံကို အားမရ ဖြစ်နေသူက သူ့အဖေဖြစ်တဲ့ ခြံရဲ့တိရစ္ဆာန်ခေါင်းဆောင် ဘန်ပဲ ဖြစ်ပါတယ်။ ဘန်က အိုတစ်ကို သူ့လိုဦးဆောင်နိုင်သူတစ်ယောက် ဖြစ်လာစေချင်နေတာပါ။ ဒီလိုနဲ့ တစ်နေ့ မမျှော်လင့်ထားတဲ့ ဘေးအန္တရာယ်တစ်ခု‌ကြောင့် ဘန်ကအသက်ဆုံးရှုံးသွားတဲ့အခါ ခြံကြီးထဲက တိရစ္ဆာန်တွေကိုဦးဆောင်ပြီး အဲဒီဘေးအန္တရာယ်ကို ကာကွယ်ဖို့တာဝန်က အိုတစ်ဆီကို ရောက်လာခဲ့ပါတယ်။ အဲဒီလိုတာဝန်တွေကိုအိုတစ်တစ်ယောက် လက်ခံပြီး သူ့အဖေဖြစ်စေချင်ခဲ့တဲ့ ခေါင်းဆောင်ကောင်းတစ်ယောက် ဖြစ်လာမလားဆိုတာကြည့်ရှုရမယ့် Animationလေးပဲ ဖြစ်ပါတယ်။ File size…    1.74 GB /800 MB Quality… Blu-ray 1080p / 720p Format… mp4 Duration…. 1h 30m Genre ..... Animation, Comedy Subtitle…. Myanmar Subtitle (Hard Sub)

~ IMDb Rating - 6.4/10 ~ စားပွဲထိုးလေးတွေ ဆူညံပြေးလွှားနေတဲ့ လက်ဖက်ရည်‌ဆိုင်လေးတစ်ခုမှာ လယ်ရီ ဒဲလ်လေ နဲ့ ကျွန်တော်ဆုံတယ်။ ကိုယ်စီပြောစကားတွေနဲ့ အသက်ဝင်နေတဲ့ ပတ်ဝန်းကျင်လေးမှာ နံရံကပ်တီဗွီပေါ်က သူတို့ရဲ့ အမူအယာတွေ၊ စကားသံတွေ၊ လှုပ်ရှားသက်ဝင်မှုတွေကို အရမ်းအာရုံစိုက်ပြီး ကြည့်ခဲ့ရတယ်ပေါ့ဗျာ။ ဘာသာပြန်စာတန်းကလည်း သူစိတ်ပါတဲ့နေရာမှ ထ ထ ပေါ်လာတာဆိုတော့ ဟိုတစ်စ ဒီတစ်စ ပါပဲ။ IMDb 6.4 ရယ်၊ Rotten Tomato 44% ရရှိထားပါတယ်။ ဟာသမင်းသားကြီး Ben Stiller က အဓိကသရုပ်ဆောင်ထားပါတယ်။ Box Office မှာ ၅၇၄.၅ သန်းပြန်လည်ရရှိပြီး ၂၀၀၆ ခုနှစ်ရဲ့ ဝင်ငွေအကောင်းဆုံး ဇာတ်ကားဖြစ်လာခဲ့ပါတယ်။ ဒီဇာတ်ကားလေးကတော့ မိသားစု အပျော်ကြည့်လေးပေါ့။ အလုပ်လက်မဲ့တစ်‌ေယာက်၊ တီထွင်သူလိုလိုနဲ့ အိမ်ထောင်ကွဲ၊ သားတစ်ယောက်ကို ဇနီးသည်‌ေဟာင်းနဲ့ တစ်လှည့်စီ အုပ်ထိန်းနေရတဲ့ လယ်ရီ။ ကွင်းစ် ကို မပြောင်းရွှေ့ရဖို့အတွက် အလုပ်တစ်ခုကို အသည်းအသန်လိုအပ်နေတဲ့ လယ်ရီ။ အရှုံးသမား လယ်ရီ။ အလုပ်အကိုင်ရှာဖွေရေး အေဂျင်စီတစ်ခုမှာ စုံစမ်းရင်း မေးမြန်းရင်း သဘာဝသမိုင်းပြတိုက်ဟောင်းလေးတစ်ခုကို အလုပ်ရဖို့မျှော်လင့်ချက်နဲ့ ရောက်လာခဲ့တယ်။ ရမယ့်အလုပ်က ညစောင့်ဆိုတော့ မလုပ်ချင်ပေမယ့် သားလေးမျက်နှာကို ထောက်ထားပြီး ဝင်လုပ်ခဲ့ရ။ ဒါပေမဲ့ ကံကြမ္မာနတ်ဘုရားက သူ့‌အပေါ် အကျီစားသန်ခဲ့တယ်ပေါ့လေ။ အလုပ်ရဲ့ ပထမဆုံးည၊ နဖူးတွေ့ ဒူးတွေ့ လုပ်ငန်းခွင် အတွေ့အကြုံတစ်ခု။ ပြတိုက်ထဲက လူ၊ တိရစ္ဆာန်၊ ရုပ်တုမှန်သမျှက နေဝင်ချိန်မှာ အသက်ဝင်လာကြသတဲ့။ လှုပ်ရှား သွားလာ စကားတွေပြော၊ ဖြစ်ချင်တာတွေဖြစ် ပရမ်းပတာ အဖြစ်ကြီးထဲမှာ လယ်ရီ တစ်ယောက် စိတ်ရူးပေါက်မတတ်ပါပဲ။ ဒီကြားထဲ သူ့ကို အစိမ်းလိုက်ဝါးစားချင်တဲ့သူရယ်၊ သူ့ ခြေလက်တွေကို ဆွဲဖြုတ်ချင်တဲ့သူရယ်၊ သူ့သော့တွေကိုခိုး ပြတိုက်ထဲကအရာတွေကို အပြင်လွှတ်ပေးချင်တဲ့သူရယ်။ မြတ်စွာဘုရား ဆိုးလိုက်တဲ့ အဖြစ်ပါပဲလား။ သူတစ်ခုခု အမှားလုပ်တာနဲ့ သူ့ကို အလုပ်ဖြုတ်ပစ်ဖို့ မွေးဖွားလာတဲ့ ပြတိုက်ဒါရိုက်တာကြီးမျက်နှာကို မြင်ယောင်ရင်း သပွတ်အူကိစ္စကြီးထဲ ညပ်ပါသွားရှာတဲ့ လယ်ရီ ပေါ့။ နေထွက်ချိန်မှာ အပြင်ရောက်နေတဲ့ ပြတိုက်ထဲက ပစ္စည်းဆိုရင် ချက်ချင်းအမှုန့်ဖြစ်သွားတဲ့ အဖြစ်ကလည်းရှိသေး။ အဲဒီလို ဆပ်ပြာသည်လင်ပျောက်ရတဲ့ အချိန်မှာ အရင်ညစောင့်အဘိုးကြီးသုံးယောက်က သူ့ကိုချောက်ချပြီး ပြတိုက်ထဲက ပစ္စည်းတွေ ခိုးချင်ကြသေးသတဲ့။ သူတို့ခိုးချင်တာက ရွှေကျောက်စာ တစ်ချပ်ပါ။ အီဂျစ်ဖာရို ဘုရင်တွေရဲ့ လက်ဆင့်ကမ်းရတနာ တစ်ပါးပေါ့။ အင်မတန်အစွမ်းထက်တဲ့ မှော်တန်ခိုးတွေ ပိုင်ဆိုင်ထားတဲ့ မှော်ကျောက်စာချပ်ပါပဲ။ သူ့ကြောင့်ပဲ ပြတိုက်ထဲက အရုပ်တွေ အသက်ဝင်လာတာပါ။ လယ်ရီတစ်ယောက် ပြတိုက်ထဲက သက်ဝင်အရုပ်များနဲ့ အဆင်ပြေအောင်နေရင်း တစ်ဖက်မှာ အဘိုးကြီးသုံးယောက်ရဲ့ ယုတ်ပတ်တဲ့အကြံအစည်ကို ဘယ်လိုကာကွယ်ရမလဲဆိုတာ တဝါးဝါး တဟားဟား ကြည့်ရှုရမယ်ပေါ့ဗျာ။ (ဇာတ်ကားနဲ့အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2GB, 1GB Quality - Blu-ray 1080p, 720p IMDb Rating - 6.4/10 Format - mp4 Duration - 1H 48Min Genre - Adventure, Comedy, Family Subtitle - Myanmar Subtitle (Hardsub) Translated by Arr Khun Winchester Encoded by Y

Disney ရဲ့ ဇာတ်​ကား​ဟောင်း​လေး တစ်ကားဖြစ်တဲ့ Home​on the Range ဆိုတဲ့​ ဟာသ animation ရုပ်ရှင်​လေးဖြစ်ပါတယ်။ ၂၀၀၄ ခုနှစ်​က ထွက်ရှိ​ခဲ့တဲ့ old but gold ဇာတ်​ကား​ဖြစ်​ပြီး ရုပ်ရှင်​ရဲ့​အမည်​Home​ on the Range​ က အမေရိကန်​တောင်​ပိုင်း​ဒေသ​ရဲ့ ဂန္တဝင်​သီချင်း​ကနေ ယူထားတာဖြစ်ပါတယ်။ အမေရိကရဲ့ Wild Wild West လို့ခေါ်တဲ့ အနောက်​ဘက်​ဒေသ​ရဲ့ ကောင်း​ဘွိုင်​ခေတ်​မှာ အခြေ​ပြု​ထားတာဖြစ်ပေမဲ့ အဓိက​ဇာတ်​ကောင်​တွေက ကောင်း​ဘွိုင်​တွေ မဟုတ်​ဘဲ နွား​မတွေပါ။ ဇာတ်လမ်း​အကျဥ်း​ကတော့ နီဘရာစကားပြည်နယ်တစ်နေရာမှာ ကောင်း​ကင်​ဘုံ​စား​ကျက်​မြေ ဆိုတဲ့ ယာတောလေးတစ်ခုရှိပြီး အဲဒီခြံမှာနေတဲ့ တိရစ္ဆာန်​တွေ​ကို ခြံရှင်ဖြစ်သူ မစ္စ​ပါးလ်က မိသားစု​ဝင်တွေလို သဘော​ထား​ပြီး အတူပျော်ရွှင်စွာ နေထိုင်​ကြပါ​တယ်။ ဒါပေမဲ့​ ပြည်နယ်​တဝိုက်မှာ အလာမီဒါဆလင်း ဆိုတဲ့​ နာမည်​ကျော်​နွားခိုးသမား လက်​ချက်​ကြောင့် ခြံရှင်လယ်သမား အတော်များများ​ ဒုက္ခ​ရောက်​နေကြ​ပါတယ်။ အလာမီဒါဆလင်း​ရဲ့ ပယောဂ​ကြောင့်​ မစ္စ​ပါး​လ်ရဲ့ ကောင်း​ကင်ဘုံ​စား​ကျက်မြေ ခြံ​လေးလည်း ဘဏ်ကြွေးနဲ့ အသိမ်း​ခံရတော့မှာဖြစ်ပါတယ်။ ဒါကြောင့်​ ခြံထဲက နွား​မသုံးကောင်ဖြစ်တဲ့ မက်​ဂီ၊ ဂရေ့စ်နဲ့ ကယ်​လို​ဝေး တို့​သုံး​ကောင်​က လူဆိုး​ကြီးဆလင်းကို ဖမ်းဆီး​ပြီး ရတဲ့​ဆုငွေ​နဲ့ ခြံ​ကိုပြန်ရွေးမယ်လို့ ဆုံးဖြတ်​လိုက်ပြီး သုံးကောင်သား ဗရုတ်သုတ်ခ​ စွန့်​စား​ခန်း​တွေဖွင့်ကြပုံကို ကြည့်​ရှု​ရမှာပါ။ ပျော်ရွှင်​ကြည်​နူး​စရာ​ကောင်း​သလို မိသားစု၊ မိတ်ဆွေ​တို့အကြား သံယောဇဉ်​တွေကိုလည်း ဟာသ​ရုပ်ရှင်​ဖြစ်ပေမဲ့ လှလှ​ပပ ထည့်သွင်းပေးထားတဲ့အပြင် ဒစ္စနေထုံးစံအတိုင်း happy ending လည်း​ဖြစ်တာမလို့ rating နည်း​တာတွေခဏမေ့ထားပြီး အချိန်​တစ်နာရီ စွန်းစွန်းပဲ ကြာတဲ့ ဒီဇာတ်ကားလေးကို ကြည့်ရှုလိုက်လို့ နောင်​တရမယ်လို့ မထင်​ပါဘူး။ File size…(1.7 GB)/(915 MB) Quality….Webrip 1080p / 720p Format…mp4 Duration….01:16:00 Genre... Animation, Family  Subtitle….Myanmar Subtitle (Hardsub) Encoder….Mr. Anderson Translated by Wolfenheim

အသစ်ဘယ်လောက်ကောင်းကောင်း အဟောင်းလေးကို မမှီဘူးဆိုတဲ့ စကားလေးအတိုင်းပါပဲ ဒီတစ်ခါတော့ CM ပရိတ်သတ်ကြီးအတွက် အဟောင်းထဲက အကောင်းလေး တစ်ကားကို ပြန်လည် တင်ဆက်လိုက်ပါတယ် ... နီမို (Nemo) ဆိုရင် မသိသူမရှိသလောက်ပါပဲ ... အောင်မြင်မှုများစွာကိုလည်း ရရှိခဲ့တဲ့ ရုပ်ရှင်ကားကောင်းတစ်ကားဖြစ်ခဲ့ပါတယ် ... ဇတ်လမ်းအကျဉ်းလေးကတော့ Clown fish လေး ဖြစ်တဲ့ မိတဆိုးသားလေး နီမိုတစ်ကောင် သူနေထိုင်ရာ သမုဒ္ဒရာကြီးထဲကနေ လူတစ်ချို့ဖမ်းဆီးခေါ်ဆောင်သွားခြင်းခံလိုက်ရတဲ့အခါ ဖခင်ဖြစ်သူက လိုက်လံရှာဖွေတဲ့ ဇာတ်လမ်းပဲဖြစ်ပါတယ်... ဒီသားပျောက်ရှာပုံတော်မှာ စွန့်စားခန်းတွေ တစ်လှေကြီးပါဝင်ပြီး ဇာတ်လမ်း ဇာတ်အိမ်ကောင်းကောင်းနဲ့ စိတ်ဝင်စားစရာလည်းကောင်းတာမို့ ပရိတ်သတ်တွေ သဘောကျနှစ်ခြိုက်ကြမှာ အသေအချာပါပဲ ... ဒီတော့ အားပေးကြပါဦး.. ဘာသာပြန်သူနဲ့အညွှန်းရေးသူကတော့ ရဲကျော်ထက်ဖြစ်ပါတယ် File size…  6.5 GB / 2.7 GB / 1.3 GB Quality… BluRay 4k / 1080p / 720p Format… mp4 , mkv Duration…. 1h 40m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Ye Kyaw Htet

ဒီဇာတ်လမ်းလေးဟာ 2002 ခုနှစ်မှာ ထွက်ရှိခဲ့တာဖြစ်ပြီး Disney ရဲ့ အသပ်ရပ်ဆုံးသော Animation တွေထဲက တစ်ကားလို့ တင်စားခံထားရပါတယ် မူရင်းဇာတ်လမ်းကတော့ "Treasure Island" တဲ့ခင်ဗျ... ဒီမှာ ထူးခြားသွားတာက ဇာတ်ကွက်တွေကို အာကာသထဲ ပြောင်းလိုက်ပြီး ဂြိုဟ်သားတွေ၊ နဂါးငွေ့တန်းတွေနဲ့ အသက်သွင်းထားတာပါ အဲ့လိုနဲ့ ဇာတ်လမ်းလေးက "Treasure Planet" ဆိုပြီး ဖြစ်သွားတယ်ပေါ့ဗျာ Rating တွေအနေနဲ့ကြည့်ရင်လည်း IMDb 7.1 Tomatoes 69% နဲ့ခင်ဗျ ဝေဖန်သူတော်တော်များများရဲ့ Positive Review တွေ ရထားတဲ့ ဇာတ်လမ်းလေး ဆိုပါတော့... ကလေးဘဝက အိပ်ရာဝင်ပုံပြင်တွေ၊ အာကာသ စွန့်စားခန်းတွေ၊ ဒရာမာကို ခုံမင်သူတွေအတွက်လက်မလွှတ်သင့်တဲ့ ဇာတ်လမ်းလေး တစ်ပုဒ်ပါ အသက် ၁၅ နှစ်အရွယ် ချာတိတ်ကလေး ဂျင်မ်ဟော့ကင်းန်စ်ရဲ့ မဟာစွန့်စားခန်းကြီးတစ်ခု... ငယ်ငယ်ကတည်းက အာကာသ ခရီးသွားတစ်ယောက် အရမ်းဖြစ်ချင်ခဲ့သူ ကိုယ့်နည်းကိုယ့်ဟန်နဲ့ ကြံဖန်ပြီး ကောင်းကင်ပျံဝဲလေ့ရှိတဲ့ ချာတိတ်ကလေး ယာဉ်စည်းကမ်းတွေကို (တမင်မဟုတ်တောင်) ကျူးလွန်လေ့ရှိတာကြောင့် အမြဲတမ်း ပီကယ်တွေနဲ့ ငြိနေတဲ့ ချာတိတ် မိသားစုစားဝတ်နေရေးအတွက် ပင်ပင်ပန်းပန်း ရုန်းကန်နေရတဲ့မိခင်ကို အမြဲတမ်း ဒုက္ခပေးနေမိသလို ဖြစ်နေတာကြောင့် မိမိကိုယ်ကိုယ် အားမလိုအားမရ ဖြစ်နေတဲ့ ချာတိတ်ကလေး ဒီလိုနဲ့ တစ်နေ့မှာတော့ မမျှော်လင့်ပဲ သူအလွန်ကိုမှ သွားချင်နေတဲ့ အာကာသဟင်းလင်ပြင်ကြီးထဲကို ရွက်လွှင့်ဖို့အကြောင်းဖန်လာပါတော့တယ် အဲ့ခရီးစဉ်မှာ ကောင်းတဲ့သူတွေနဲ့ ဆုံခဲ့သလို လူဆိုးတွေနဲ့လည်း ကြုံခဲ့ရပြီး ဘဝသင်ခန်းစာတွေ အများကြီး ရသွားခဲ့ပါတယ် ကိုယ့်ခံယူချက်နဲ့ကိုယ် သွားနေတဲ့ လူဆိုးမဟုတ် လူကောင်းမဟုတ်တဲ့သူလည်း ပါသေးတာပေါ့ သူငယ်ငယ်က စိတ်ဝင်တစား ဖတ်ခဲ့ရတဲ့ အိပ်ရာဝင်ဇာတ်လမ်းတစ်ပုဒ် အပြင်လောကမှာ ဖြစ်ခဲ့တဲ့ ဖြစ်ရပ်မှန်တစ်ခုဆိုတာ သိလိုက်ရပြီးတဲ့နောက်... ဘာတွေ ဘယ်လိုဆက်ဖြစ်မယ်၊ ဘယ်လိုစွန့်စားခန်းတွေ ဖွင့်သွားမယ် ဆိုတာကတော့ ကြည့်ရှုခံစားလိုက်ကြပါဦး CM Fan တို့ရေ... *ဇာတ်ဝင်ခန်းသီချင်းလေးကလည်း အတော်ကောင်းဗျ... File size…(2 GB)/(1 GBB) Quality….Webrip 1080p / 720p Format…mp4 Duration….01:58:00 Genre... Adventure, Animation, Family, Fantasy, Science Fiction  Subtitle….Myanmar Subtitle (Hardsub) Encoder….Mr. Anderson Translated by Wai Yan Maung

ဒီကားဟာ Ice Age franchiseရဲ့ ပထမဆုံးဇာတ်ကား ဖြစ်သလို ကျွန်​တော်တို့ ချစ်ရတဲ့ ဇာတ်​ကောင်​တွေကို ပထမဆုံး မြင်ဖူးခဲ့တဲ့ Animationလည်း ဖြစ်ပါတယ်။ မန်နီ၊ ဒီ​ယေဂို၊ ဆစ်ဒ​နေ ​ဘော်ဒါ သုံး​​ယောက်ဟာ အဖွဲ့မဖြစ်သေးပါဘူး။ သူတို့ကိုဆုံ​စေခဲ့တဲ့ အဓိကအ​ကြောင်းရင်းက​တော့ က​လေးတစ်​ယောက်ပါပဲ။ ဒီ​ယေဂိုရဲ့ ကျားအုပ်က လူ​သားတွေကို တိုက်ခိုက်ရင်း ထွက်​ပြေး လွတ်​မြောက်လာတဲ့ မိခင်တစ်​ယောက်နဲ့ က​​လေးတစ်​ယောက်က ဆစ်ဒ် မန်နီတို့နဲ့ တိုက်တိုက်ဆိုင်ဆိုင်တွေ့ခဲ့ပြီး မိခင်ဆုံးပြီး​နောက် ကျန်ခဲ့တဲ့ လူမမယ်က​လေး​​လေးကို သူ့ဖခင်လူသား​တွေဆီ ပြန်ပို့ ​ပေးဖို့က မန်နီတို့ရဲ့တာဝန် ဖြစ်လာခဲ့ပါတယ်။ တစ်ဖက်မှာလည်း ဒီ​ယေဂိုရဲ့ခေါင်း​ဆောင်ကျားက အဲဒီက​လေးကို အရှင်လတ်လတ် ပြန်ဖမ်း​ခေါ်လာဖို့ အမိန့်​ပေးထားလို့ ဒီ​ယေဂိုအ​နေနဲ့ မန်နီနဲ့ ဆစ်ဒနီ ၂​​ကောင်ကြား ဝင်​ရောဖို့ ကြိုးစားရင်း အလွဲလွဲအ​ချော်​ချော်​​တွေ၊ ပဋိပက္ခ​တွေ ​ပေါင်းစုံနဲ့ ဗရုတ်သုက်ခအဖွဲ့ကြီးရဲ့ မဟာစွန့်စားခန်း စတင်ခဲ့ပါ​တော့တယ်။ File size…  4.2 GB / 1.6 GB /  837 MB Quality… Web-DL  4K HDR /  1080p / 720p Format… mp4 Duration…. 1h 21m Genre .....  Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by JimX

၂၀၀၂ ခုနှစ်ထွက် Cinderella II မှာတော့ ကြွက်ကလေးတွေက ပုံပြင်သုံးပုဒ်ကို ပြောပြကြပါတယ်။ ပထမပုံပြင်က မင်းသမီးဖြစ်လာပြီးနောက် ရဲတိုက်ကို ပထမဆုံးရောက်လာတဲ့ စင်ဒရဲလားအကြောင်းပါ။ ဘဝသစ်မှာ အခက်အခဲလေးတွေ ကြုံရသလို ရဲတိုက်ရဲ့ အစဉ်အလာနဲ့ ဓလေ့ထုံးတမ်းတွေကိုလည်း လိုက်နာရပါတယ်။ အဲဒီထုံးတမ်းတွေကို စင်ဒရဲလားက သူ့ကိုယ်ပိုင်ပုံစံနဲ့ ဘယ်လိုပြောင်းလဲသွားသလဲဆိုတာ ပြောပြထားတယ်။ ဒုတိယပုံပြင်မှာတော့ ဂျက်ခ်ဂျက်ခ်လေးရဲ့ လူသားဖြစ်ချင်တဲ့ဆန္ဒ ပြည့်သွားပါတယ်။ ဒါပေမယ့် လူဖြစ်လာတဲ့နောက်မှာ သူမထင်ထားတဲ့ အလွဲတွေနဲ့ ကြုံရတော့တယ်။ ကြွက်တစ်ကောင်အဖြစ် နေရတာနဲ့ လူတစ်ယောက်အဖြစ် နေရတာ ဘယ်ဘဝက သူ့အတွက် ပိုကောင်းမလဲဆိုတာကို အဲဒီအတွေ့အကြုံတွေကနေ သိလာရမှာပါ။ နောက်ဆုံးပုံပြင်ကတော့ အန်နာစတေးရှားရဲ့ အချစ်ရေးအကြောင်း ဖြစ်ပါတယ်။ အချစ်စစ်ကို တွေ့ပြီး ပျော်ရွှင်ရဖို့ဆိုတဲ့ သူ့အိပ်မက် အကောင်အထည်ပေါ်လာအောင် စင်ဒရဲလားနဲ့ ကြွက်ကလေးတွေ ဘယ်လိုကူညီကြမလဲဆိုတာ ဆက်ပြောပြထားပါတယ်။

Monsters, Inc. (2001) IMDb Rating (8.1) / Rotten Tomatoes (96%) ဒီကား​လေးကတော့ Animation ကြိုက်သူတွေ ကြည့်ဖူးကြမယ်လို့ထင်ပါတယ်။ ဒါရိုက်တာ Pete Docter က ရိုက်ကူးတင်ဆက်ထားပြီး Rating (8.1/10) ထိ ရရှိထားတဲ့ မွန်းစတား ကာတွန်းကားလေးဖြစ်ပါတယ်။ ဇာတ်လမ်းအကျဥ်း Monstropolis ဟုခေါ်သော ဒဏ္ဍာရီမြို့ကြီးဟာ မွန်းစတားလေးတွေ အတူတကွနေထိုင်နေကြသော အရပ်ဖြစ်ပါတယ်။ ဒီ မွန်းစတားလေးတွေဟာ ကလေးသူငယ်တွေရဲ့အသံစွမ်းအင်ပေါ်မှီခိုပြီး အသက်ရှင်နေထိုင်ကြရတာပါ။ မွန်စတားလေးတွေက ကလေးသူငယ်တွေနဲ့ ထိမိတာနဲ့သေတတ်ပါတယ်။ တနေ့သူတို့မွန်းစတားကမ္ဘာလေးထဲကို Boo ဆိုတဲ့ ကလေးမလေး ရောက်ရှိလာတဲ့အခါမှာတော့ ဘာတွေဆက်ဖြစ်မလဲဆိုတာ ဇာတ်လမ်းလေးထဲ ခံစားကြည့်ရှုလိုက်ကြပါဦး။ File size…(4.8 GB) / (2.2 GB) / (1.1 GB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Adventure, Animation, Comedy, Family, Fantasy Duration….01:33:07 Subtitle….Myanmar Subtitle (Hardsub) Encoder….Benjamin Translated by Khin Pyae Sone Kyaw

The Adventures of Rocky & Bullwinkle (2000) IMDb Rating (4.3) / Rotten Tomatoes (42%) "The Adventures of Rocky & Bullwinkle" သည် ၁၉၆၀ ဝန်းကျင်က လူကြိုက်များခဲ့သော ကာတွန်းဇာတ်လမ်းအား အသက်သွင်းထားသော ရုပ်ရှင်ဖြစ်ပါသည်။ ဤရုပ်ရှင်တွင် အနေထားခက်ခဲသော ရော့ကီနှင့် ဘူးလင်ကယ်တို့သည် ကာတွန်းကမ္ဘာမှ လက်တွေ့ကမ္ဘာသို့ ရောက်ရှိလာကာ မိုးရွေး၊ ဘိုရစ်နှင့် နတ်တာရှာတို့၏ အမေရိကန်နိုင်ငံအား ထိန်းချုပ်ရန် ကြံစည်မှုကို တားဆီးရန် ရဲအရာရှိကလေးတစ်ဦးနှင့် ပူးပေါင်းလုပ်ဆောင်ရသော ဇာတ်လမ်းဖြစ်ပါသည်။ (အညွှန်းနဲ့ဘာသာပြန်ကတော့ N Ⓞ NE ဖြစ်ပါတယ်။) File size…(3 GB) / (1.2 GB) Quality….Blu-Ray 1080p / 720p Format…. mp4 Genre….Adventure,Animation,Comedy,Family,fantasy Duration….01:32:12 Subtitle….Myanmar Subtitle (Hardsub) Encoder….Thit San Khant Translated by N Ⓞ NE

IMDb...7.3 ,,,,,Rotten 85 ဘုရင်တစ်ပါး. ရှိတယ်.. သူဟာ လက်ဖြောက်တစ်ချက်တီးလိုက်ရုံနဲ့လိုရာအကုန်ရတယ်..လက်ညှိုးညွှန်ရာရေဖြစ်တဲ့သူ.. အရာအားလုံးဟာ သူလိုချင်တဲ့အတိုင်းဖြစ်နေတော့ ဘုရာဟာ အောက်ခြေလွပ်သလိုဖြစ်နေတယ်.. သူဟာ ဘယ်သူ့ကိုမှလည်း အထင်မကြီးဘူး... သူသည်သာ အတော်ဆုံး အတတ်ဆုံးဆိုတဲ့ ဝါဒလက်ကိုင်ထားတယ်.. ဒီလို အပြုအမူတွေကြောင့်ပဲ သူ့ရဲ့ရွှေရောင်နေ့ရာက်တွေဟာ သိပ်ကြာကြာမခံပါဘူး... တစ်နေ့မှာတော့ သူဟာ သူ့လူယုံတော်တွေရဲ့လုပ်ကြံမှုကြောင့် လူစင်စစ်ကနေ လားမားတစ်ကောင်ဘဝကိုရောက်သွားပါတော့တယ်။ အဲဒီအခြေအနေကိုသူဘယ်လိုကိုင်တွယ်မလဲ။အပေါင်းအသင်းယုံကြည်စရာတစ်ယောက်မှမရှိတဲ့ သူ့ဘဝထဲမှာ သူဘာဆက်လုပ်မလဲ။ လူ့ဘဝကိုပြန်ရောက်ဖို့ သူဘယ်လိုကြိုးစားမှာလဲ...ဇာတ်လမ်းကောင်းကောင်း Rating မြင့်မြင့် ကြည့်ရှုခံစားရမယ့် Animation ကားလေးပါ။ Imdb 7.3 Rotten Tomatoes 85% ရထားပြီး ဆုပေါင်းများစွာလည်း ရရှိထားလေတော့ Classic ကားကောင်းတစ်ကားလို့တောင်ပြောလို့ရပါတယ်။ ကိုင်း ခံစားကြည့်လိုက်ပါဦး...ဇာတ်လမ်းအညွှန်းနဲ့ ဘာသာပြန်သူကတော့ Aye Mon Kyaw ဖြစ်ပါတယ်။ File Size : 1.30GB & 560MB Quality : Blu-Ray 1080p 5.1 CH, Blu-Ray 720p Format…mp4 Duration…01:20:00 Genre : Animation, Adventure, Comedy Subtitle : Myanmar Subtitle (Hard Sub) Translated by Aye Mon Kyaw Encoded by Phyo Pyae

IMDB Rating* - "6.4/10" နာမည်ကြီး Muppets Collections တွေထဲကမှ "Muppets from Space (1999) ဆိုတဲ့ ဇာတ်ကားလေးဟာ လူကြီး‌တွေရော ကလေးတွေအတွက်ပါ ကြည့်လို့ကောင်းမယ့် ကားလေးတစ်ကားဖြစ်ပါတယ်။ ဟာသနဲ့ စွန့်စားခန်းတွေ ပေါင်းစပ်ထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်းလေးကတော့ ဂွန်ဇိုဟာ သူ့ကိုယ်သူ ကမ္ဘာမြေပေါ်က တစ်ဦးတည်းသော ဂြိုလ်သားလို့ ယုံကြည်လာပြီး သူ့မိသားစုကို ရှာဖွေဖို့ စွန့်စားခန်းထွက်တဲ့ အကြောင်းကိုအဓိက ရိုက်ပြထားတာပါ။ Muppets တို့ရဲ့ ထုံးစံအတိုင်း စတူဒီယိုကျတဲ့ ဇာတ်ရုပ်တွေဖြစ်တဲ့ မစ္စစ် ပစ်ဂီ၊ ကာမစ် စသဖြင့်နာမည်ကြီး ဇာတ်ကောင်တွေလဲ ပါဝင်ပါတယ်။ သိပ္ပံစိတ်ကူးယဉ်ဇာတ်ကားဖြစ်သည့်တိုင်အောင် Muppets တို့ရဲ့ ရိုးရှင်းပြီး နှလုံးသားကို ထိမိစေတဲ့ သံယောဇဉ်က ဒီဇာတ်ကားကို မိသားစုနဲ့အတူ ပြန်လည်ကြည့်ရှုဖို့ အကောင်းဆုံး ရွေးချယ်စရာတစ်ခုအဖြစ် ထင်ရှားစေပါတယ်။ Muppets မကြည့်ဖူးသူတွေ ဒီကားလေးကို ကြည့်ရှုဖို့ အကြံပေးပါ‌ရစေ.... File size… (2.3 GB) / (1.2 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Family, Science Fiction, Comedy, Fantasy  Subtitle….Myanmar Subtitle (Hardsub) Encoder….Swan Min Htet Translated by Ivy Noe

ဒီနေ့အတွက် IMDb rating 8.0/10 ရရှိထားပြီး CM ပရိသတ်တစ်ချို့လည်းတောင်းဆိုထားတဲ့ Animation ကားလေး တင်ပေးလိုက်ပါတယ်။ အချိန်ကာလက စစ်အေးကာလ အမေရိကန်နဲ့ ဆိုဗီယက်တို့ အပြင်းအထန် အားပြိုင်နေချိန်ပေါ့။ အဲ့လိုအချိန်မှာ ဆိုဗီယက်က ကမ္ဘာ့ပထမဆုံး ဂြိုဟ်ထုဖြစ်တဲ့ Sputnik I ကြီးလွှင့်လိုက်တော့ အမေရိကန်မှာ ဆိုဗီယက် ကျူးကျော်စစ်တို့၊ ကောင်းကင်ကကျလာမယ့် ဆိုဗီယက် စစ်လက်နက်တွေတို့ အကြောင်း တွေးရင်း ပြောရင်း အရမ်း Paranoid ဖြစ်နေချိန်ပေါ့။ . အဲ့လိုအချိန်မှာ Hogarth Hughes လိုခေါ်တဲ့ ၁၂ နှစ်အရွယ်လောက်ကောင်လေး ဟာ သူ့အမေ Annie နဲ့ အမေရိကန်က ကမ်းရိုးတန်း နယ်စွန်နယ်ဖျား မြို့လေးရဲ့ အစပ်မှာ နေထိုင်ပါတယ်။ တစ်ရက်မှာတော့ Annie ဟာ အလုပ်ကနေ အိမ်ပြန်တာနောက်ကျ မှာဖြစ်လို့ (Hogarth မှာ အမေပဲရှိတော့ပါတယ်) Hogarth တစ်ယောက်ထဲ အိမ်မှာ ရှိနေချိန် တီဗွီအင်တင်နာကို တစ်ခုတစ်ခုက ချိုးယူသွားတဲ့အခါ ဇာတ်လမ်းစတော့ တာပါပဲ။ သတ္တိရှိပြီး စူးစမ်းစိတ်အပြည့်ရှိတဲ့ Hogarth လေးဟာ တောထဲအထိ သူ့ အင်တင်နာချိုးသွားတဲ့ အရာကိုလိုက်ရှာရာမှာတော့ ပေ ၁၀၀ ခန့်မြင့်တဲ့ သံမဏိ စက်ရုပ်ကြီးဟာ သူ့အင်တန်နာကို စားသွားတာဖြစ်ကြောင့် အံ့သြဖွယ်ရာ သိရှိ လိုက်တဲ့ အခါမှာတော့။ . Review ဒီ animation ဟာ 1999 မှ ထွက်ခဲ့တာဖြစ်တဲ့အတွက် အခု ၂၀၁၆ ဆို နှစ်ပေါင်း ၁၇ နှစ်လောက်ကြာပြီဖြစ်ပေမယ့် ရိုက်ထား၊ ဆွဲထားတဲ့ ပုံဟာ အရမ်းကို သပ်ရပ်လှပပြီး ဇာတ်ကောင်တွေရဲ့ action လှုပ်ရှားမှုတွေ စိတ်ခံစားမှုတွေကို ဆွဲထားရာမှာလည်း ပီပြင်ပါတယ်။ ၁၇ နှစ်ကြာသွားတဲ့အတွက် ဒီခေတ် animation တွေနဲ့ နည်းပညာ ကွာခြားမှုတွေရှိလာပေမယ့် ရေးဆွဲထားတဲ့ art ပိုင်းဆိုင်ရာမှာ ဒီခေတ်က animation ကားတော်တော်များထက်ကို သာလွန်နေသေးတယ်။ . ပြီးတော့ ဒီကားမှာပါတဲ့ character တွေဟာ အရမ်းကို sweet ဖြစ်ပြီ ချစ်ဖို့တယ်။ ဥပမာ ဗီလိန်လိုပြောလို့ရမဲ့ government agent Mr. Kent တောင်မှ သူ့ဟာသူ ချစ်ဖို့ကောင်းတယ်။ အသံသရုပ်ဆောင်ပိုင်းအရလည်း Jennifer Aniston, Van Diesel, Harry Connick Jr. တို့ဟာ ပြောစရာမရှိဘူး။ အထူးသဖြင့် Van Diesel ကြီးက မိုက်တယ် လို့ပြောရမယ်။ . Script, Screenplay အားလုံးဟာ ဒီကားရဲ့ plot နဲ့ ဇာတ်ကောင်တို ပိုမို ပေါ်လွင်စေဖို့ ကို အကောင်းဆုံးအားဖြည့်ထားပါတယ်။ စစ်အေးခေတ် နောက်ခံ theme လေးကိုလည်း တော်တော်သဘောကျမိတယ်ဗျာ။ အထူးသဖြင့် Fallout games တွေဆော့ဘူးတဲ့လူဆို ပိုကြိုက်လိမ့်မယ်။ Plot ပိုင်းအရကြည့်မယ်ဆိုလည်း တစ်ကယ့် ကို သဘာဝကျကျနဲ့ (ပေ ၁၀၀ မြင့်တဲ့ စက်ရုပ်ကြီးပါနေသည့်တိုင်အောင်) ပေးချင် ပြောချင်တဲ့ message ကိုလည်း ရင်ထဲထိရောက်အောင် ပေးနိုင်တာကို တွေ့ရတယ်။ နည်းနည်းတော့ ကလေးဆန်မှာပေါ့။ ကလေးတွေအတွက် ရိုက်ထားတာကိုး။ (ဒါပေမယ့် လူကြီးတွေလည်း ကြည့် ငို ရလောက်ပါတယ်။) အချုပ်ပြောရရင် the Iron Giant ဟာ script, screenplay, acting, animation, artwork အဘက်ဘက်က သေသပ်စွာ ပုံဖော်ထားတဲံ ဇာတ်ကားကောင်းတစ်ကား ပါ။ သူ့ရဲ့ ဇာတ်လမ်းနဲ့ ပေးချင်တဲ့ message လေးပါ ပေါင်းလိုက်တဲ့အခါကျ ကျွန်တော်ကြည့်ဖူးသမျှ animation တွေရဲ့ အကောင်းဆုံး စာရင်းဝင်ခဲ့ပါတယ်။ (movie အညွှန်းကို Dat Shin မှ ကူးယူဖော်ပြအပ်ပါသည်။) (ဒီဇာတ်ကားကို ဘာသာပြန်ရေးသားပေးသူကတော့ CM Team မှ ညီသံလွင် ဖြစ်ပါတယ်) @San Win Maung

၁၉၉၉ ခုနစ်က ကာတွန်းကားဆိုပေမယ့် ဇာတ်အိမ် ဇာတ်ကွက် ခိုင်မာပြီး ပရိတ်သတ်တွေရဲ့ရင်ထဲထိ ထိုးဖောက်နိုင်ခဲ့တဲ့ Tarzan ဆိုတဲ့ ဇာတ်ကားလေးနဲ့မိတ်ဆက်ပေးလိုက်ပါတယ်။ File size…    1.7 GB /  904 MB Quality… BluRay 1080p / 720p Format… mp4 Duration…. 1h 28m Genre ..... Animation / Adventure / Comdey Subtitle…. Myanmar Subtitle (Hard Sub) Encoder…. LegoHeart

ဒီဇာတ်လမ်းက ၁၉၉၉ခုနှစ်မှာ ထွက်ရှိခဲ့တာဖြစ်ပြီး ဂျက်စီဆိုတဲ့ ကောင်းဘွိုင်မလေးနဲ့ ဝူဒီရဲ့မြင်းလေး ဘူးလ်အိုင်းစ်တို့ စပါလာတဲ့ ဇာတ်ကားလေးပါ။ အန်ဒီတစ်ယောက်ဆော့နေရင်း ဝူဒီရဲ့လက်က မတော်တဆပြဲသွားတာကြောင့် နောက်မှပြန်ချုပ်ဖို့ သိမ်းထားချိန် အန်ဒီ့အမေရဲ့ နားလည်မှုလွဲမှုကြောင့် အိမ်ပစ္စည်းအဟောင်းတွေ ရောင်းမယ့်ပုံးထဲ ဝူဒီတစ်ယောက်ပါသွားခဲ့ပါတယ်။ အဲဒီအချိန်မှာ မြို့ထဲက အရုပ်ဆိုင်ပိုင်ရှင်က မြင်သွားပြီး ဝူဒီကို ရှားပါးအရုပ်မှန်း သိနေတာကြောင့် ပစ္စည်းပုံးထဲက ခိုးသွားခဲ့ပါတယ်။ အရုပ်သည်ရဲ့ ဆိုင်မှာ ဝူဒီရဲ့လူဆိုးဖမ်းဂိုဏ်းလို့ ပြောရမယ့် ဂျက်စီနဲ့ဘူးလ်အိုင်းစ် နှစ်ယောက်နဲ့ စဆုံခဲ့ပါတယ်။ အရုပ်သည်ရဲ့အကြံက ရှားပါးအရုပ် ဖြစ်တဲ့ ဝူဒီတို့ကို ဂျပန်ကအရုပ်ပြတိုက်ကို ရောင်းပစ်လိုက်ဖို့ပါပဲ။ အစပိုင်းမှာ ဝူဒီက အိမ်ပြန်ဖို့ကြိုးစားခဲ့ပေမဲ့ ဂျက်စီတို့အဖွဲ့ နားချ တာကြောင့် သူတို့နဲ့ပဲအတူနေဖို့ ဆုံးဖြတ်ခဲ့ပါတယ်။ အဲဒီအချိန်မှာ အရုပ်သည်လက်ထဲပါသွားတဲ့ ဝူဒီနောက်ကို ဘတ်ဇ်တို့တစ်သိုက် လိုက်ကယ်ဖို့ ကြိုးစားရင်းနဲ့ အရုပ်ဆိုင်ထိ ရောက်လာခဲ့ပါတယ်။ တစ်ချိန်ကျရင် အန်ဒီစွန့်ပစ်သွားမှာစိုးလို့ ပြန်မလိုက်ချင်တော့တဲ့ ဝူဒီကို ဘတ်ဇ်တို့အဖွဲ့ ပြန်ခေါ်နိုင်မှာလား၊ ဘယ်လိုအခက်အခဲတွေ ကြုံရဦးမလဲဆိုတာ ကြည့်ရှုရမှာပါ။ File size…4.8GB / 2.1GB / 1GB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by JimX

A Bug's Life ဆိုတဲ့ Animation ,နဲ့ မိတ်ဆက်ပေးချင်ပါတယ်။ IMDb မှာလည်း 7.2 ရရှိထားတဲ့ ဇာတ်လမ်းလေးဖြစ်ပါတယ်။ ဒီကားက ထွက်ခဲ့တဲ့ခုနှစ်က မြင်တဲ့အတိုင်းပါပဲ..ကြာခဲ့ပြီဖြစ်ပါတယ်...သို့ပေမယ့် ကြည့်ဖူးတဲ့သူတွေအတော်များများက ကောင်းတယ်လို့ညွှန်းတာရော IMDb..နဲ့ Rotten ကလည်း ဖျားချင်လောက်စရာကြီးဆိုတော့ ဘာသာပြန်တင်ဆက်ပေးလိုက်ပါတယ်... ဇာတ်လမ်းလေးကတော့ ပုရွက်ဆိတ်များရဲ့ အချိန်တော်တော်များများဟာ အစာရှာနေရတာပါပဲ..အဓိက အစာရှာပေးရတာက နှံကောင်တွေအတွက်ပါပဲ.. အစဉ်အလာလိုဖြစ်နေတဲ့အပြင် နှံကောင်တွေကိုလည်း မတွန်းလှန်နိုင်တော့ ပုရွက်ဆိတ်အားလုံးဟာ အစာရှာပေးနေဆဲပါပဲ..။ .အစာကို နွှင်ရ သယ်ရ ဆိုတော့ အချိန်တွေလည်းအတော်ကုန်တယ်.. ဒါကို အသစ်အဆန်းတွေ တီထွင်ရတာကို ဝါသနာပါတဲ့ Flik ဆိုတဲ့ ပုရွက်ဆိတ်က ဖြေရှင်းဖို့ကြိုးစားတယ်... သို့ပေမယ့် သူဘာလုပ်လုပ် အကောင်းမမြင်ကြသလို သူလုပ်တာတွေကလည်း အလွဲလွဲအချော်ချော်တွေကြီးပဲ... တနေ့မှာတော့ Flik ကြောင့် ပုရွက်ဆိတ်တွေ ကမ္ဘာပျက်သလိုဖြစ်ကုန်တယ်.. နှံကောင်တွေအတွက် ပေးရမယ့်အစာပမဏအတော်များများဟာ Flik ကြောင့်ပျောက်သွားလို့ပါ... ကိုင်း Flik တို့ ပုရွက်ဆိတ်တွေ ဘယ်လိုဖြေရှင်းမလဲဆိုတာကိုတော့ ခံစားကြည့်လိုက်ပါဦးဗျို့... File Size : (884 MB) Quality : Blu-Ray 720p Format…mp4 Duration…01:35:00 Genre : Animation , Adventure , Comedy  Subtitle : Myanmar Subtitle (Hard Sub) Translated by Megumi Encoded by Phyo Pyae

Mulan 1998 IMDb: 7.7/10 ဒီကာတွန်းရုပ်ရှင်လေးဟာ တရုတ်ပြည်ကြီးမှာ တကယ်ဖြစ်ပျက်ခဲ့တဲ့ဖြစ်ရပ်မှန် ကို ပြန်လည်ပြီး ဇာတ်လမ်းဖွဲ့ ရေးဆွဲခဲ့တယ်လို့ သိရပါတယ်…တိုင်းပြည် စစ်ဖြစ်နေချိန်မှာ ယခင် တာဝန်ထမ်းဆောင်ခဲ့သော သက်ကြီးစစ်သားဟောင်းများကိုပြန်လည် ဆင့်ခေါ်ခဲ့ပါတယ် အကယ်၍ သက်ကြီးစစ်သားနှင့်အရာရှိများက စစ်ထဲ မလိုက်နိုင်အောင်ကျန်းမာရေး ဆိုးဝါးနေခဲ့ရင် အိမ်တွင်ရှိသော သား တူ မြေး ယောင်္ကျားသား တစ်ဦးစီကိုစစ်ထဲသို့ ပို့ပေးပါရန် ဘုရင်မင်းမြတ်က အမိန့်ထုတ်ပြန်ထားပါတယ်… အဲ့ဒီအချိန်မှာပဲ မုလန် ရဲ့ အဖေဆီသို့ ထိုစာချွန်လွှာ ရောက်လာတဲ့အချိန်ကျန်းမာရေး မကောင်းတော့တဲ့ အဖေကို ကြည့်ရင်း တစ်ဦးထဲသော သမီးဖြစ်သူမုလန် ဟာ ကွယ်လွန်ပြီးသော ဘိုးဘွားတွေ ရဲ့ မှတ်တိုင်များ ရှေ့တွင် ဆုတောင်းပြီးဖခင် မသိအောင် ဖခင်စစ်ဝန်တန်ဆာတွေ ခိုးဝတ်ကာ ထွက်ခွာသွားပါတော့တယ်… ယောင်္ကျားလေးကဲ့သို့ ပြင်ဆင်ပြီး စစ်မြေပြင်ကို ထွက်ခွာသွားသော ဖခင်ချစ်တဲ့မုလန် လေးကို မြင်တဲ့ ကွယ်လွန်ပြီးတဲ့ ဘိုးဘွားများဟာ အရေးပေါ် အစည်းဝေးခေါ်ပြီးမုလန် အား စောင့်ရှောက်ရန် အိမ်စောင့်ထားသော နဂါးလေး မူရှုး ကို မုလန် အနားတွင်နေစေရန် စေလွှတ်ခဲ့ပါတော့တယ်… စစ်တပ်ထဲတွင် မိန်းကလေးမှန်း မသိအောင် ဟန်ဆောင်နေရပြီး အခက်အခဲများစွာတွေ့ရမယ့် မုလန် တစ်ယောက် စစ်ပွဲကြီးတွင် အောင်နိုင်ပါ့မလားအိမ်ပြန် ဖခင်ကြီးနဲ့မိခင်ကြီး တို့ကို တွေ့နိုင်ပါအုံးမလား ဆိုတာ ဟာသ ရသ စုံလင်လှတဲ့ Mulan ကာတွန်းရုပ်ရှင်လေးကို ကြည့်ပြီးအဖြေရှာကြည့်လိုက်ကြပါ… (သစ်ဆန်းခန့်) File size…    1.4 GB / 729 MB Quality… BluRay 1080p / 720p Format… mp4 Duration…. 1h 27m Genre ..... Animation/Adventure/Comedy Subtitle…. Myanmar Subtitle (Hard Sub) Encoder…. Thit San Khant Translated by Aye Mon Kyaw

Dr. Dolittle (1998) နာမည်ကြီးမင်းသားကြီး Eddie Murphy ရဲ့ တော်တော်လေးကျော်ကြားခဲ့တဲ့ Dr. Dolittle ကို တင်ဆက်ပေးလိုက်ပါပြီ။ ငယ်စဉ်ကတည်းက တိရစ္ဆာန်တွေနဲ့ စကားပြောနိုင်ပြီး ထူးထူးဆန်းဆန်း ကြောင်တောင်တောင်ကလေးလေးဖြစ်နေလို့ ပယောဂပါအနှင်ခံရမလိုဖြစ်ခဲ့တဲ့ Dolittle လေးတစ်ယောက် ဆရာဝန်ဖြစ်လာ ခဲ့ပါတယ်။ လူကြီးဖြစ်လာတဲ့ကာလတစ်လျှောက်မှာတော့ တိရစ္ဆာန်တွေရဲ့အသံကို မကြားနိုင်တော့သယောင်ဖြစ်နေခဲ့တာပေါ့။ တစ်နေ့... ကိုယ့်ကားနဲ့တိုက်မိမလို ဖြစ်သွားတဲ့ လမ်းဘေးခွေးက ပြန်ဆဲသွားတာကို ခံလိုက်ရပြီးနောက်မှာတော့ Dolittle ဟာ အရင်ကလို အကောင်ပလောင်တွေပြောသမျှ ပြန်ကြားနိုင်နေ မှန်း ကိုယ့်ကိုယ်ကိုသတိထားမိလာပါတော့တယ်။ ဆရာဝန်အလုပ်စကတည်းက ပိုက်ဆံများများရှာရဖို့ကိုပဲ တစိုက်မတ်မတ်ဦး တည်ပြီး တည်တည်ကြည်ကြည် ကြိုးကြိုးစားစားအလုပ်လုပ်လာပြီးမှ ငယ် ငယ်ကလို လူထူးဆန်းဘဝပြန်ရောက်တော့မယ်ဆိုတော့ မခံချင့်မခံသာတွေ ဖြစ်ပြီး ဦးနှောက်ဓာတ်မှန်ရိုက်လိုက် ဘာလာလာမကြားယောင်ပြုလိုက်နဲ့ အရူးမီးဝိုင်းဖြစ်နေတာပေါ့။ ဒါပေမယ့် စိတ်ရင်းကောင်းတဲ့ Dolittle အတွက် တော့ အကူအညီလိုနေတဲ့ သတ္တဝါလေးတွေကို လျစ်လျူရှုဖို့က ထင်သလောက် လွယ်ကူမနေခဲ့ပါဘူး။ နယ်ရောက်တုန်း ဇီးကွက်တစ်ကောင်ကို ကူညီပေး အပြီးမှာတော့ Dr. Dolittle လည်း တစ်တောလုံးရဲ့ဆယ်လီဖြစ်သွားပါတော့ တယ်။ "ငါတို့ပြောတာတွေ နားလည်တဲ့ဆရာဝန်ဟေ့" ဆိုပြီး အိမ်တိုင်ရာ ရောက် အလုံးလိုက်အရင်းလိုက် အုပ်လိုက်ခဲလိုက်ရောက်ချလာပြီး ဆေးခန်း ထိုင်ခရော စမ်းသပ်ခပါမရတဲ့ လူနာအကောင်ပေါင်းစုံကို စေတနာ့ဆေးခန်း ထိုင်ပေးရတဲ့အထိ ရာထူးတိုးသွားပါတော့တယ်။ တစ်ဘက်မှာလည်း စပ်ပေါင်းဖွင့်ထားတဲ့ဆေးခန်းကို ကုမ္ပဏီကြီးတစ်ခုဆီ အမြတ်များများနဲ့ရောင်းပစ်ဖို့ကိစ္စရှိနေတာမို့ ငွေမျက်နှာပဲကြည့်တဲ့ လုပ်ဖော် ကိုင်ဖက်ကြောင့် အိမ်မွေးမဟုတ်လို့ ဆေးဖိုးလိုက်ပေးမယ့်ပိုင်ရှင်မရှိတဲ့ တိရစ္ဆာန်တွေကို ပရဟိတလုပ်ဖို့က မဖြစ်နိုင်ခဲ့ပါဘူး။ ကံကလည်းထပ်ဆိုး ချင်တော့ ကြွက်ကို CPR ပေးနေချိန် မိန်းမကမြင်ပြီး ရွာသာကြီးရောက် သွားရှာ၊ ရွာသာကြီးကလွတ်လာတဲ့အခါမှာတော့ ခံရတာမတန်လှလေခြင်း ဆိုတဲ့စိတ်နဲ့ ဒွိဟလွန်ဆွဲနေချိန် Dr. Dolittle တစ်ယောက် ကိုယ့်ရဲ့ တမူ ထူးတဲ့အရည်အချင်းနဲ့ အများအကျိုးဆက်ပြုသွားမှာလား၊ ပတ်ဝန်းကျင် က လက်မခံတဲ့ကိစ္စကို အရူးအဖြစ်ခံပြီး ဆက်လုပ်လေမလား ဆိုတာကို မပျင်းရလေအောင် စိတ်ဝင်တစားနဲ့ ကြည့်ရှုသွားရမယ့် Comedy ဇာတ် ကားကောင်းလေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi Myaing ဖြစ်ပါတယ်) File Size..........(1.7 GB) / (694 MB) / (446 MB) Quality............BLU-RAY 1080p / 720p / 480p Duration.........1Hr 25Min Subtitle...........Myanmar Hardsub Format............MP4 Genre..............Comedy, Family, Fantasy Translator.......Hnin Wut Yi Myaing Encoder..........SWM

Disney Princess ဆိုတာနဲ့လူတိုင်း သိကြမယ်လို့ထင်ပါတယ်။ ယခုပြောမှာကတော့ Disneyမင်းသမီးလေးတစ်ယောက် ဖြစ်တဲ့ ပိုကာဟွန်းတက်စ်(Pocahontas)ရဲ့ ဇာတ်လမ်းလေးအကြောင်းဖြစ်ပါတယ်။ ဒီကာတွန်းလေးကတော့ အော်စကာဆုနှစ်ဆုကို ထိုက်ထိုက်တန်တန်ရရှိခဲ့ပြီး အလွန်လူကြိုက်များခဲ့တဲ့ ဇာတ်လမ်းလေးဖြစ်ကာ ဇာတ်ကြောင်းတွေဟာဆိုလည်း တကယ်ရှိခဲ့တဲ့ ပိုကာဟွန်းတက်စ် မင်းသမီးလေးအပေါ် အနည်းငယ်အခြေခံထားတာတွေ့ရပါတယ်။ ဒီဇာတ်လမ်းထဲမှာလေးကတော့ အင်္ဂလန်ကနေ အမေရိကတိုက်ကို လာပြီး အခြေချကာ ရတနာတူးဖော်လိုသူတွေနဲ့ အမေရိကတိုက်ရဲ့ မူရင်းမျိုးနွယ် အင်ဒီးယန်းတွေကြားမှာ ဖြစ်ကြတဲ့ ရန်လိုစိတ်တွေကြား ရဲ့ရင်မှု၊စိတ်ထားဖြူစင်မှု၊ညဏ်ပညာအမျှော်အမြင်တွေနဲ့ ပိုကာဟွန်းတက်စ် တစ်ယောက် ဘယ်လို ငြိမ်းအေးအောင်လုပ်မလဲဆိုတဲ့အကြောင်းလေးပါပဲ။ ဒီကားလေးက စင်ဒရဲလားလိုကားလေး လုံးဝမဟုတ်တဲ့အတွက် ချိဖတို့လည်း မိန်းကလေးတွေရှေ့မှာ ရဲရဲကြည့်လို့ရတယ်နော်။ ဇာတ်လမ်းအညွှန်းနဲ့ဘာသာပြန်သူကတော့ ပဲဖြစ်ပါတယ်… File size…   1.5 GB / 666 MB Quality… BluRay 1080p / 720p Format… mp4 Duration…. 1h 21m Genre ..... Adventure / Animation / Drama Subtitle…. Myanmar Subtitle (Hard Sub) Encoder…. Thit San Khant Translated... by Ag Ko Khant

Toy story ဆိုတာ ကျွန်တော်တို့တွေငယ်ဘဝတည်းက ရင်းနှီးခဲ့တဲ့ ဇာတ်လမ်းကောင်းလေးပါ။ ဇာတ်ကြောင်းလေးကို နည်းနည်းပြန်ပြောရမယ်ဆိုရင် အရုပ်ပိုင်ရှင်တွေမရှိချိန်မှာ အသက်ဝင်လာတဲ့ အရုပ်ကလေးတွေအကြောင်းပေါ့။ အရုပ်ပိုင်ရှင်ကောင်လေးမွေးနေ့ရောက်ခါနီးလာလေ အရုပ်အသစ်တွေ ရောက်လာတတ်တာကြောင့် အရုပ်လေးတွေ ပစ်ပယ်ခံရမှာကိုစိုးထိတ်နေကြလေရဲ့။ မစိုးရိမ်တဲ့ အရုပ်ကတော့ Cowboy Woody ပဲဖြစ်ပါတယ်။ သူကအများထဲမှာ အထင်ပေါ်ဆုံး ဆိုတော့ မစိုးရိမ်ဘူးပေါ့။ ဒါပေမယ့်Buzz Lightyear ရောက်လာတဲ့အခါမှာတော့…… ဘာတွေဆက်ဖြစ်လာမလဲဆိုတာ……… File Size :640 MB Quality : Bluray 720p Running Time : 1hr 20 minute Format : Mp4 Genre :  Animation, Adventure, Comedy Translator : Hein Khant Aung Encoder : Moe Myint Lwin

The Lion King (1994) IMDb – 8.5/10 Rotten – 94% Won 2 Oscars. Another 35 wins & 34 nominations ဝေါ့ဒစ်စနေးရဲ့ မာစတာပိစ် တစ်ခုလာပါပြီဗျာ။ ကလေးတုန်းကတည်းက အသဲစွဲ ကာတွန်းလေးပါ။ IMDb 8.5 ရထားပါတယ်။ ဇာတ်လမ်းအကျဉ်းမှာတော့ တောဘုရင်ခြင်္သေကြီး မူဖာဆာ မှာ စင်ဘာဆိုတဲ့ သားလေးမွေးဖွားလာပြီး သူ့နေရာကို တစ်နေဆက်ခံခွင့်ပေးဖို့ လျာထားခဲ့ပါတယ်။ အဲဒါကို မကျေနပ်တဲ့ စင်ဘာရဲ့ ဦးလေး မူဖာဆာရဲ့ ညီက ခွေးအတွေနဲ့ ပေါင်းပြီး မူဖာဆာကို လုပ်ကြံပြီး စင်ဘာလေးကို သူ့အပြစ်လို့ထင်အောင်လုပ်ပြီးအဝေးကြီးကို ထွက်သွားစေခဲ့ပါတယ်။ အဲဒီနောက်မှာ ခွေးအတွေကို ခြင်္သေ့တွေနဲ့ပေါင်းနေစေပြီး တောအုပ်ကြီးတစ်ခုလုံး ဒုက္ခရောက်နေတဲ့အချိန်မှာ အကူညီရှာဖို့ထွက်လာတဲ့ ခြင်္သေမငယ်သူငယ်ချင်းနဲ့ အတိတ်ကနေ ထွက်ပြေးနေတဲ့ စင်ဘာတွေ့ ပြန်တွေ့ကြတဲ့အခါမှာ……. File Size : 1.13GB / 584MB Duration : 1 hr 28 min Quality : BlueRay 1080p / 720p Encoder : Thit San Khant Translater : Myo Min Thu Than Myint

Alladin (1992) ပါရှန်း အာရပ် အိန္ဒိယ ဘဂ္ဂဒက်နဲ့ အိန္ဒိယပုံပြင်တွေရောနှောနေတဲ့အာရေဘီယမ် နိုက်စ် လို့ခေါ်ကြတဲ့ ပုံပြင်ထဲ ပုံပြင်ဆင့်နေတဲ့တစ်ထောင့်တစ်ညပုံပြင်တွေဟာ ၁၈ရာစုကတည်းကကျော်ကြားခဲ့ပါတယ်။ မြန်မာဘာသာပြန်ဆိုရေးသားခဲ့သူတွေကလည်း ဒေါက်တာရှိတ်အဗ္ဗဒူရာမန်ရယ်၊ သခင်ဘသောင်းရယ်ကျော်လှိုင်ဦးရယ်လို့ သုံးဦးရှိပါတယ်။ ဒီပုံပြင်တွေ ဘယ်လိုကောင်းကြောင်းကိုတော့ကျွန်တော် သခင်ဘသောင်းရဲ့ တစ်ထောင့်တစ်ညပုံပြင်များအမှာစာကိုပဲ ကိုးကားပြောချင်ပါတယ်။ "တစ်ထောင့်တစ်ညပုံပြင်များသည် ဖတ်ရသည့်ခဏ၌လောက၌ မိမိတို့လက်ငင်း ကြုံတွေ့နေရသောမသာာယာမှုအပေါင်းကို တစ်ခဏသော်မျှကင်းငြိမ်းစေနိုင်လိမ့်မည်။မသာယာသောတရားတို့ကင်းငြိမ်းသည့် ခဏသည်လောကနိဗ္ဗာန် မဟုတ်လော"လို့ရေးထားပါတယ်။ ဒီပုံပြင်တွေထဲက အာလာဒင်တို့ ဆင်းဘတ်တို့အာလီဘာဘာနဲ့ခိုးသားလေးဆယ်တို့ကိုရုပ်ရှင်ကားပေါင်းများစွာ မှီငြမ်းရိုက်ခဲ့ပြီးပါပြီ။ ဒီရုပ်ရှင်ကတော့ တစ်ထောင့်တစ်ပုဒ်သောပုံပြင်တွေထဲကတစ်ပုဒ်ဖြစ်တဲ့ အာလာဒင်ကို Disneyက versionပြောင်းပြီး သူ့ဟန်အတိုင်း ရိုက်ကူးထားတာဖြစ်ပါတယ်။ ဆိုခဲ့သလိုပဲ 1992က ထွက်ခဲ့ပြီးရော်ဘင်ဝီလီယျံ မီးခွက်စောင့်ဂျင်နီအဖြစ်အသံသရုပ်ဆောင်ခဲ့တဲ့ ဒီကာတွန်းရုပ်ရှင်မှာလည်းမူရင်းပုံပြင်ထက် မလျော့တဲ့ ရသကို ခံစားနိုင်ပါတယ်။ IMDB 8ရထားတဲ့အပြင် 1993မှာ အော်စကာ၂ဆုလည်းရထားပါတယ်။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__( 780 MB) and ( 350 MB) Quality__BR-Rip 720p IMDb Rating__8/10 Format__mp4 Duration__01:30:39 Type__Animation, Adventure, Comedy Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Beauty and Beast (1991) IMDB : 8 Rottern Tomatoes : 95% Genre : Family/Fantasy ကိုယ်တွေ ကလေးဘဝတုန်းက ဘုမသိဘမသိနဲ့ ကာတွန်းကားဆိုပြီးတော့ ကြည့်ခဲ့ကြတဲ့ ဇာတ်လမ်းလေးတွေကို အသက်အရွယ်တစ်ခုရောက်လို့ သိတတ်တွေးတတ်တဲ့ အချိန်မှာ ပြန်ကြည့်မိရင် ရတဲ့ ခံစားချက်က ကလေးဘဝတုန်းက ရိုက်ခဲ့တဲ့ ဓာတ်ပုံတွေကို အိမ်ပြန်တဲ့တစ်ရက်မှာ စိမ်ပြေနပြေ အယ်လ်ဘမ်ကို ပြန်ဖွင့်ပြီး ထိုင်ကြည့်ရတဲ့ ခံစားချက်နဲ့တောင် ခပ်ဆင်ဆင်လို့ ပြောလို့ရတယ်။ တချို့သော ကာတွန်းကားလေးတွေက ဆယ်ကျော်သက်မကလို့ နှစ်ဆယ်ကျော်သွားတောင် ကြည့်ရတဲ့ အရသာပြောင်းလဲမသွားတဲ့ ဘယ်တော့ပြန်ကြည့်ကြည့် အဓိပ္ပါယ်ရှိနေမယ့် ဇာတ်ကားလေးတွေလို့တောင် ပြောလို့ရပါတယ်။ အန်နီမေးရှင်းအရုပ်လေးတွေကို မြင်ရင်ပဲ သဘောကျနေတတ်တဲ့ ကလေးလေးတွေကနေစပြီးတော့ အသက်အရွယ်တစ်ခု ရောက်သွားတဲ့အချိန်ထိတောင် ကျွန်တော်တို့ သဘောတကျနဲ့ ပြန်ကြည့်မိမယ့် အယ်လ်ဘမ်လေးထဲက ဇာတ်ကားလေးတွေကို ရွေးကြည့်စမ်းပါလို့ဆိုရင် (၁၉၉၁)တုန်းက ထွက်ခဲ့တဲ့ “Beauty and the Beast” ဆိုတဲ့ ဒစ်စနေးရဲ့ ဇာတ်ကားလေးကလည်း မပါမဖြစ်ပါလောက်ပါတယ်။ “Beauty and the Beast”(1991)ဆိုတဲ့ ဇာတ်ကားလေးမှာတော့ မြတ်နိုးတန်ဖိုးထားခံရတဲ့ ဘဲလ်ဆိုတဲ့ ဇာတ်ကောင်နဲ့ သွင်ပြင်ဆိုးဆိုး သားရဲကောင်ကြီးတို့ကြားက (သေချာလေး ကြည့်ကြည့်မိရင် သတိထားမိရင်) အဓိပ္ပါယ်တွေများစွာရှိတဲ့ အချစ်ဇာတ်လမ်းလေးတစ်ပုဒ်ပေါ့။ စာဂျပိုးလေးလို့ ပြောလို့ရတဲ့ ဘဲလ်ဟာ သူ့မြို့ငယ်လေးမှာတော့ လူတောမတိုးတဲ့ မိန်းကလေးတစ်ယောက်လို၊ ထူးဆန်းပြီး ကြောင်တောင်တောင်လို့ ထင်မြင်ခံရတဲ့ မိန်းကလေးတစ်ယောက်လို သတ်မှတ်ခံရတဲ့ မိန်းကလေးတစ်ယောက်ပေါ့။ နိစ္စဓူဝငြီးငွေ့စရာ (အဲ့ဒီအချိန်တွေတုန်းက) သတ်မှတ်ထားတဲ့ စံဆိုတာတွေနဲ့ မကိုက်လို့ လူဝင်မဆန့်သလိုဖြစ်နေတဲ့ မိန်းမလှလေး ဘဲလ်နဲ့ လူတွေအဝေးမှာ သီးခြားပုန်းအောင်းရှင်သန်နေတဲ့ ကျိန်စာသင့် သားရဲကောင်မင်းသားလေးတို့ရဲ့ ဇာတ်လမ်းလေးကို ငယ်ဘဝတုန်းက ဇာတ်ကားတွေကို ကြည့်ချင်လာလို့ပဲဖြစ်ဖြစ်၊ စိတ်ပြေလက်ပျောက် အန်နီမေးရှင်းကားလေးတွေ ကြည့်ချင်လို့ပဲဖြစ်ဖြစ် ကြည့်ချင်တဲ့ သူတွေအတွက် CMကနေပြီးတော့ ဟောင်းပေမယ့်လည်း ကောင်းနေဆဲဖြစ်တဲ့ “Beauty and the Beast”ကို တင်ဆက်ပေးလိုက်ရပါတယ်။ File size…  5GB  / 1.8 GB /  900MB Quality… Web-DL 4K / 1080p / 720p Format… mp4, mkv Audio... AAC Duration…. 1h 27m Genre ..... Family/Musical Subtitle…. Myanmar Subtitle (Hard Sub) Encoder…. Thit San Khant Translated... by Doros