Pritt Timothy ပါဝင်သော ဇာတ်ကားများ

Danur: The Last Chapter (2026) ၂၀၁၇ မှာ စတင်ခဲ့တဲ့ အင်ဒိုနီးရှားရဲ့ လူကြိုက်အများဆုံး Danur သရဲရုပ်ရှင်စီးရီး၏ အဆုံးသတ်ဖြစ်ပြီး ကျိန်စာသင့်နေတဲ့ပြဇာတ်ရုံဟောင်းကြီးအကြောင်းကိုဦးတည်ပြီးရိုက်ထားပါတယ် ဇာတ်လမ်းကတော့ မမြင်နိုင်သော ဝိညာဉ်သူငယ်ချင်း ကလေးတွေနဲ့ ခွဲခွာခဲ့ရပြီးတဲ့နောက်...မကောင်းဆိုးဝါး ဝိညာဉ်ကမ္ဘာနဲ့ အဆက်အသွယ် လုံးဝဖြတ်ကာ ပုံမှန် လူတစ်ယောက်လို အေးချမ်းစွာ နေထိုင်နေတဲ့ရီဆာအကြောင်းကနေ စတင်ထားပါတယ်။ ရီဆာဟာ နာကျင်စရာ အတိတ်တွေကို မေ့ပျောက်ပြီး ငြိမ်းချမ်းတဲ့ ဘဝသစ်ကို တည်ဆောက်နေတာပါ။ ဒါပေမဲ့ အဆိုပါ ငြိမ်းချမ်းမှုဟာ သူမရဲ့ ညီမလေး ရီရီဟာ ရှေးဟောင်း ပြဇာတ်ရုံကြီးတစ်ခုအတွင်းမှာ မထင်မှတ်ဘဲ စေ့စပ်ကြောင်းလမ်းမှု ပြုလုပ်လိုက်တဲ့အခါမှာတော့ လုံးဝ ပျက်စီးသွားခဲ့ရပါတော့တယ်။ အဆိုပါ ပြဇာတ်ရုံဟောင်းကြီးအတွင်းမှာ ကိန်းဝပ်နေတဲ့ ရှေးနတ်ဆိုးဝိညာဉ်ဆိုးကြီးက ရီရီနဲ့ သူမရဲ့ မိသားစုပေါ်ကို ကျိန်စာတိုက်လိုက်တဲ့အခါ... ရီဆာဟာ သူမရဲ့ ကိန်းအောင်းနေတဲ့ "တတိယမျက်လုံး" (Danur ability) ကို ပြန်လည်ဖွင့်ပြီး ညီမဖြစ်သူကို ကယ်တင်ဖို့အတွက် အတိတ်က ဝိညာဉ်သူငယ်ချင်းများတွေ အကူညီနဲ့့ နောက်ဆုံးအကြိမ် အသက်လုစွန့်စားရပုံကို ရင်တထိတ်ထိတ်နဲ့ ကြည့်ရမှာ ဖြစ်ပါတယ်။

Alas Roban (2026) IMDb Rating (6.0) ဒီတစ်ခါတော့ ၂၀၂၆ ခုနှစ် ဇန်နဝါရီလထဲမှာ ရုံတင်ထားတဲ့ အင်ဒိုနီးရှား သရဲကားအသစ်လေး Alas Roban တင်ပေးထားပါတယ်။ အင်ဒိုနီးရှား သရဲကားတွေကတော့ သိတဲ့အတိုင်းပဲ သူတို့ရဲ့ ရိုးရာယုံကြည်မှုတွေ၊ ပယောဂတွေနဲ့ဆိုတော့ တော်တော်လေး ကြည့်လို့ကောင်းတယ်။ ဒီကားကလည်း အင်ဒိုနီးရှား ဂျာဗားကျွန်းအလယ်ပိုင်းက နာမည်ကြီး သရဲခြောက်တဲ့ တောလမ်းကြီးဖြစ်တဲ့ Alas Roban ကို အခြေခံပြီး ရိုက်ထားတာပါ။ ဇာတ်လမ်းအကျဉ်း ဆီတာ ဆိုတဲ့ မိခင်တစ်ယောက်နဲ့ သမီးလေး ဂျန်ဒစ် တို့ သားအမိနှစ်ယောက် Alas Roban လမ်းမကြီးပေါ်မှာ ကားပျက်ပြီး သောင်တင်သွားရာကနေ ဇာတ်လမ်းစထားတယ်။ အဲဒီလို သောင်တင်နေရင်း ညဘက်ကြီးမှာ ထိတ်လန့်စရာကောင်းတဲ့ ခြောက်လှန့်မှုတွေ အများကြီးနဲ့ ကြုံလာရတာပေါ့။နောက်ပိုင်းကျမှ ဘာသွားသိရလဲဆိုတော့ သမီးလေးဟာ အရင်က မေ့လျော့နေခဲ့တဲ့ ရိုးရာပူဇော်ပသမှု ကတိတစ်ခုကြောင့် ဒေဝီရာရက်စ် ဆိုတဲ့ နာမ်လောကသားတစ်ယောက်ရဲ့ ပစ်မှတ်ထားတာကို ခံနေရတာ ဖြစ်နေတယ်။ ဒါနဲ့ပဲ သမီးလေးကို ကယ်ဖို့အတွက် ဆီတာ တစ်ယောက် သူ့ရဲ့ ဝမ်းကွဲညီမ တီကာ၊ Alas Roban တောလမ်းရဲ့ အကြောင်းတွေကို ကောင်းကောင်းသိတဲ့ လူနာတင်ယာဉ်မောင်း အန်တို နဲ့ လောကီပညာရှင် အန်တီကြီး ဘူအီမာ တို့နဲ့ ပူးပေါင်းပြီး အဲဒီတောကြီးထဲကို ပြန်သွားရပါတော့တယ်။ သမီးလေးကို ကယ်ဖို့ သတ်မှတ်ထားတဲ့ ညမတိုင်ခင် နောက်ဆုံးပူဇော်ပသမှုကို လုပ်နိုင်ပါ့မလားဆိုတာ ရင်တမမနဲ့ ဆက်ကြည့်ရမယ့် ကားလေးပါ။ Alas Roban တောလမ်းကြီးရဲ့ ကျောချမ်းစရာ တကယ့်ဖြစ်ရပ်မှန်များ ကိုလိုနီခေတ်က သွေးစွန်းခဲ့တဲ့ လမ်းမကြီး: Alas Roban လမ်းမကြီးကို နယ်သာလန် (ဒတ်ချ်) ကိုလိုနီခေတ်က ဖောက်လုပ်ခဲ့တာပါ။ အဲဒီအချိန်က ဒေသခံ အင်ဒိုနီးရှားလူမျိုးတွေကို အတင်းအကျပ် လုပ်အားပေးခိုင်းစေခဲ့တယ်။ အလုပ်ကြမ်းဒဏ်၊ ငတ်မွတ်မှုနဲ့ ရောဂါဘယတွေကြောင့် အလုပ်သမား ထောင်ပေါင်းများစွာ သေဆုံးခဲ့ရပြီး သူတို့ရဲ့ အလောင်းတွေကို ဒီတောကြီးထဲမှာပဲ ဒီအတိုင်း ပစ်ထားခဲ့ကြတယ်လို့ သမိုင်းမှတ်တမ်းတွေက ဆိုပါတယ်။ ဒါကြောင့် ဒီနေရာမှာ အစိမ်းသေ သေခဲ့ရသူတွေရဲ့ ဝိညာဉ်တွေ ကျက်စားနေတယ်လို့ ယုံကြည်ကြတာပေါ့။ ၁၉၈၀ ပြည့်လွန်နှစ်များက အလောင်းစွန့်ပစ်ရာ နေရာ: အင်ဒိုနီးရှားမှာ ၁၉၈၀ ပြည့်လွန်နှစ်တွေတုန်းက ရာဇဝတ်ကောင်တွေကို လျှို့ဝှက်သတ်ဖြတ်တဲ့ စစ်ဆင်ရေး (Petrus လို့ခေါ်တယ်) တစ်ခု ရှိခဲ့ဖူးတယ်။ အဲဒီတုန်းက အသတ်ခံရတဲ့ လူမိုက်တွေ၊ ရာဇဝတ်ကောင်တွေရဲ့ အလောင်းတွေကို ဒီ Alas Roban တောကြီးထဲမှာ လာလာပစ်လေ့ရှိတယ်လို့ နာမည်ကြီးတယ်။ မကြာခဏဖြစ်လေ့ရှိတဲ့ ယာဉ်တိုက်မှုများ: လမ်းက တောင်တက်တောင်ဆင်း ကြမ်းတမ်းပြီး အကွေ့အကောက်များတဲ့အပြင် ဘေးဘက်မှာလည်း ကျွန်းတောကြီးက အုပ်ဆိုင်းနေတော့ နေ့လယ်ဘက်တောင် မှောင်မိုက်နေတတ်ပါတယ်။ ယာဉ်တိုက်မှုတွေ မကြာခဏ ဖြစ်တတ်ပြီး ဒေသခံတွေကတော့ ဒါဟာ လမ်းမှာရှိတဲ့ နာမ်လောကသားတွေက အသက်တောင်းတာ (သို့) ပူဇော်ပသမှု တောင်းတာလို့ ယုံကြည်ကြတယ်။ ယာဉ်မောင်းတွေရဲ့ ခြောက်လှန့်ခံရမှု အတွေ့အကြုံများ: ညဘက် ဒီလမ်းကို ဖြတ်မောင်းတဲ့ ယာဉ်မောင်းတော်တော်များများက ထူးဆန်းတဲ့ အရာတွေ ကြုံရလေ့ရှိတယ်လို့ ပြောကြတယ်။ ဥပမာ - ကားလမ်းကြုံလိုက်စီးချင်တဲ့ သရဲတွေ၊ ဖြတ်လျှောက်သွားတဲ့ အရိပ်မည်းကြီးတွေ၊ ဘာအကြောင်းမှမရှိဘဲ ကားရုတ်တရက် ထိုးရပ်သွားတာမျိုးတွေ မကြာခဏ ကြုံရတတ်ပါတယ်။ ဒီလိုမျိုး သွေးစွန်းခဲ့တဲ့ သမိုင်းကြောင်းတွေ၊ ဖြေရှင်းမရတဲ့ လျှို့ဝှက်ချက်တွေနဲ့ ဒေသခံတွေရဲ့ ပယောဂယုံကြည်မှုတွေကို အခြေခံပြီး ရိုက်ကူးထားတာမို့ Alas Roban ရုပ်ရှင်က ကြည့်ရတာ ပိုပြီး အသက်ဝင်နေတာပါ။ မင်းသမီး မီရှဲ ဇီယူဒစ် နဲ့ မင်းသား ရီယို ဒီဝမ်တို တို့ အဓိက ပါဝင်သရုပ်ဆောင်ထားပြီး ဒါရိုက်တာ Hadrah Daeng Ratu က ရိုက်ကူးထားတာပါ။ မိသားစု ဒရာမာလေးနဲ့ သရဲခြောက်လှန့်မှုတွေကို သေသေချာချာလေး ပေါင်းစပ်ထားလို့ ဇာတ်လမ်းက ကြည့်ရတာ မပျင်းဘူး။ အင်ဒိုနီးရှား သရဲကားအငွေ့အသက်တွေအတိုင်း လျှို့ဝှက်သည်းဖိုနဲ့ လန့်စရာကောင်းတဲ့ ကားမျိုးကိုမှ သဘောကျတဲ့ သူတွေဆိုရင်တော့ သေချာပေါက် ကြည့်ကြည့်ဖို့ တိုက်တွန်းချင်ပါတယ်။ File size… (940 MB) / (630 MB) Quality…. WEB-DL 1080p HEVC / 720p Format…. mkv/mp4 Genre…. Drama,Horror,Mystery Duration…. 01:50:54 Subtitle…. Myanmar Subtitle (Hardsub)

Konco-Konco Edan (2025) Konco-Konco Edan ဟာ အင်ဒိုနီးရှားနိုင်ငံရဲ့ ဂန္ဓဝင်ဟာသအဖွဲ့Warkop DKI နဲ့ရုပ်ချင်းဆင်လို့နာမည်ကြီးလာကြတဲ့ Trio Makuboyz အဖွဲ့ရဲ့ပွဲဦးထွက်ဇာတ်ကားဖြစ်ပါတယ်။ ဒီကားမှာတော့ သူတို့အဖွဲ့ကို ရတနာဆိုင်ပိုင်ရှင် ဂွကျကျ စစ်ပြန်အဘိုးကြီး ကာတိုလိုရဲ့မြေးနဲ့သူငယ်ချင်းတွေအဖြစ်တွေ့မြင်ကြရမှာပါ။ သူတို့ကိုစစ်တပ်ထဲမှာလိုတင်းတင်းကျပ်ကျပ်အုပ်ချုပ်ပြီး ကပ်စေးလည်းနည်းတဲ့အဘိုးကြီးက တစ်နေ့တော့အပန်းဖြေခရီးထွက်ဖို့ဆိုပြီး သူတို့အားလုံးကိုခေါ်လာပါတယ်။ ပထမဆုံးနေရာကိုရောက်တဲ့နေ့မှာပဲ အဘိုးကြီးဟာနှလုံးရပ်သေဆုံးသွားခဲ့ပြီး မသေခင်မှာ သေတမ်းစာ နှစ်စောင်ကိုမြေးဖြစ်သူ မာမက်ဆီကိုပေးခဲ့ပါတယ်။ ပထမ သေတမ်းစာအရသူတို့အဖွဲ့ဟာ အဘိုးကြီးရဲ့ငယ်ချစ်ဦး ဘီယာ့ဆိုတဲ့ အမျိုးသမီးဆီကို အရောက်ပို့ပေးရမှာဖြစ်ပြီး အဲ့ဒီကိုရောက်ရင် သူတို့တာဝန်ကျေပြီဖြစ်တဲ့အတွက် ပထမသေတမ်းစာကိုပယ်ဖျက်ပြီး အမွေအားလုံးကို သူတို့အဖွဲ့က ရမှာဖြစ်ပါတယ်။ အဲ့ဒါနဲ့ပဲသူတို့အဖွဲ့ဟာ အငှားကားပိုင်ရှင် မိန်းမလှလေးကီးနဲ့အတူ အဘိုးကြီးရဲ့အလောင်းကိုတင်ပြီး သူ့ငယ်ချစ်ဦးဆီ အရောက်ပို့ဖို့အခက်အခဲပေါင်းစုံကြားက ခရီးနှင်ကြပါတော့တယ်။ ဒါပေမယ့်လည်း လမ်းကြုံလိုက်ချင်တဲ့ အမျိုးသမီးသရဲ၊ လမ်းပြကောင်မလေးနဲ့ဆက်စပ်နေတဲ့ ဒုစရိုက်သမားတွေရဲ့အနှောင့်အယှက်တွေနဲ့အလွဲလွဲအချော်ချော်ပြဿနာတွေကြားက ခရီးဆုံးကို အချိန်မှီရောက်နိုင်ပါ့မလား? သူတို့မျှော်မှန်းတဲ့ အမွေတွေကရော တကယ်ရနိုင်ပါ့မလား? အဘိုးကြီးရဲ့ အချစ်ဦးဆိုတဲ့ အမျိုးသမီးကရော သူတို့သွားလိုရာမှာရှိနေပါ့မလား? ဆက်လက်ရှုစားကြပါ။ File size… (800 MB) / (570 MB) Quality…. WEB-DL 1080p HEVC / 720p Format…. mkv/mp4 Genre…. Adventure,Comedy,Horror Duration…. 01:15:09 Subtitle…. Myanmar Subtitle (Hardsub)

Dosa Musyrik (2024) အင်ဒိုနီးရှား သရဲကားတွေရဲ့ ထုံးစံအတိုင်း... အစ္စလာမ်ဘာသာရေး ရှုထောင့်ကနေ တားမြစ်ထားတဲ့ "မိစ္ဆာတွေကို ကိုးကွယ်ခြင်း၊ ကဝေအတတ်နဲ့ အောက်လမ်းနည်းလမ်းတွေ သုံးစွဲခြင်း" ရဲ့ ဆိုးကျိုးတွေကို ဘာသာရေးနောက်ခံနဲ့ ထိထိမိမိ ရိုက်ပြထားလို့ ပရိသတ်တွေအတွက် အထူးအကြိုက်တွေ့စေမှာပါ။ ဇာတ်လမ်းကတော့ အကြွေးတွေ အဆမတန် ဝိုင်းဝိုင်းလည်နေပြီး အသည်းအသန် ငွေလိုနေတဲ့ Nugie ဆိုတဲ့ လူငယ်တစ်ယောက်အကြောင်းကနေ စတင်ထားပါတယ်။ သူ့မှာ ရောဂါဝေဒနာကို အပြင်းအထန် ခံစားနေရပြီး ကာလရှည်ကြာ အိပ်ရာထဲလဲနေတဲ့ မိခင်အိုကြီးလည်း ရှိနေတာကြောင့် စိတ်သောကတွေရောက်နေသူဖြစ်ပါတယ်။ နောက်ဆုံးမှာတော့ နူဂီဟာ သူ့အမေရဲ့ ရောဂါကို ကုသပေးနိုင်ဖို့နဲ့ လမ်းစရှာဖို့အတွက် ကျေးရွာတွေကြားမှာ တန်ခိုးကြီးတယ်လို့ နာမည်ကြီးတဲ့ စုန်းကဝေ၊ အောက်လမ်းဆရာကြီး Mbah Narto ဆီကို သွားရောက်ခဲ့ပါတယ်။ ဒါပေမဲ့ အောက်လမ်းဆရာကြီးရဲ့ အိမ်ကို ရောက်တဲ့အခါမှာတော့ နူဂီဟာ ဆရာကြီးရဲ့ စည်းစိမ်ဥစ္စာတွေကို မြင်ပြီး လောဘဇော တက်လာပါတော့တယ်။ သူဟာ ဆရာကြီးဆီကနေ ငွေတွေကို ခိုးယူဖို့ ကြိုးစားခဲ့ပေမဲ့ အခွင့်မသာဘဲ... ဆရာကြီးရဲ့ သဘာဝလွန်လျှို့ဝှက် ဓားမြှောင်ကျောက်ရုပ်ကို ခိုးယူပြီး ပြန်လည်ရောင်းချဖို့ ဆုံးဖြတ်လိုက်ပါတော့တယ်။ ဒါပေမဲ့ အဲဒီလို ခိုးယူမိလိုက်တာဟာ ဘာသာရေးအရ ကြီးမားတဲ့ အပြစ်ကို ကျူးလွန်မိသလို ဖြစ်သွားပြီး... အဲ့ဒီရှေးဟောင်းဓားမြှောင်ထဲမှာ ရာစုနှစ်ချီ ပိတ်လှောင်ခံထားရတဲ့ မိစ္ဆာနတ်ဆိုး "Ni Larapati" ကို မသိလိုက်ဘဲ လွတ်မြောက်သွားစေခဲ့ပါတယ်။ အဲဒီအချိန်ကစပြီး နူဂီရဲ့ ဘဝထဲကို သွေးပျက်စရာ ကောင်းလှတဲ့ သဘာဝလွန် ခြောက်လှန့်မှုတွေ အစီအရီ ရောက်ရှိလာပါတော့တယ်။ ပိုပြီးဆိုးဝါးတာကတော့ နူဂီတစ်ယောက်တည်း ခြောက်လှန့်ခံရရုံတင်မကဘဲ... သူ့ရဲ့ မိသားစုနဲ့ သူ့ပတ်ဝန်းကျင်က အပြစ်မဲ့လူတွေပါ တစ်ယောက်ပြီးတစ်ယောက် သွေးပျက်စရာ ကောင်းလောက်အောင် အသက်ဆုံးရှုံးရပါတော့တယ်။ နူဂီတစ်ယောက် ဒီမိစ္ဆာမကြီးရဲ့ ရက်စက်လှတဲ့ ကျိန်စာတိုက်ပွဲကနေ ဘယ်လိုမျိုး ဘာသာရေး၊ တရားဓမ္မတွေနဲ့ ပြန်လည်တိုက်ဖျက်ပြီး အသက်ရှင်အောင် ရုန်းကန်မလဲဆိုတာကို ကြည့်ရှုရမှာ ဖြစ်ပါတယ်။

Janur Ireng (2025) သည်းထိတ်ရင်ဖို Horror ကိုမှ တမ်းတမ်းစွဲ ကြည့်ချင်ကြသူတွေအတွက် IMDb rating 7.2/10 ရရှိထားတဲ့ အင်ဒိုနီးရှားဇာတ်ကားသစ်လေးကို တင်ဆက်ပေးလိုက်ပါပြီ။ အောက်လမ်းပညာဇာတ်ကားတွေဆို ဆရာတစ်ဆူလို့ တင်စားရတဲ့ ဒါရိုက်တာ Kimo Stamboel ရဲ့လက်ရာဖြစ်ပြီး Rio Dewanto ၊ Marthino Lio နဲ့ Nyimas Ratu Rafa တို့ အဓိက ပါဝင်ထားကြပါတယ်။ အင်အားကြီးတဲ့ ကွန်ချိုရိုမိသားစုနဲ့ သူတို့ရဲ့ ပြိုင်ဘက်တွေကြားက ရက်စက်ကြမ်းကြုတ်တဲ့ အောက်လမ်းပညာတိုက်ပွဲကြားထဲမှာ ရိုးသားတဲ့ကလေးနှစ်ယောက် ဘယ်လိုလက်လျှိုမိပြီး ဘယ်သူတွေ ရှင်သန်ကျန်ရစ်မလဲဆိုတာ ခြောက်ခြားဖွယ် ရှုစားကြရမှာဖြစ်ပါတယ်။ ဇာတ်လမ်းအကျဉ်း မိဘနှစ်ပါး ကွယ်လွန်သွားပြီးနောက် ဆက်ဒိုနဲ့အင်တန်တို့ မောင်နှမနှစ်ယောက်ဟာ အရှေ့ဂျာဗားက နယ်မြို့လေးမှာ ဘဝရှေ့ဆက်နိုင်ဖို့ အနိုင်နိုင် ကြိုးစားရုန်းကန်နေကြရသူတွေပါ။ တစ်ညမှာတော့ အဖေ့ရဲ့နောက်ဆုံးအမွေဖြစ်တဲ့ သူတို့ရဲ့ အိမ်လေးကတော့ ပြာကျသွားခဲ့ပါတယ်။ နောက်မနက်မှာ အဖေ့အစ်ကိုဆိုတဲ့ ဦးကြီးကွန်ချိုရို သူတို့ဆီ ရောက်လာခဲ့အတွက် ခိုကိုးရာမဲ့နေတဲ့ ဆက်ဒိုတို့မောင်နှမဟာ ဦးကြီးရဲ့အိမ်ကို လိုက်သွားခဲ့ကြပါတယ်။ ခမ်းနားလှတဲ့ အိမ်ကြီးမှာ ညအချိန် ထူးဆန်းတဲ့ကိစ္စတွေနဲ့ ခြောက်ခြားစရာအသံတွေကိုလည်း ကြားနေကြရပါတယ်။ နောက်တစ်ညမှာ ဦးကြီးက ဆက်ဒိုကို ရိုးရာဓလေ့အစီအရင်တစ်ခု လုပ်ခိုင်းခဲ့ပါတယ်။ အဲဒီနောက်မှာတော့ ဦးကြီးကွန်ချိုရိုဟာ ဆက်ဒိုကို ကွန်ချိုရိုမိသားစုနွယ်ဝင် စီးပွားရေးအင်အားကြီးမားတဲ့ ပြိုင်ဘက်တွေနဲ့ မိတ်ဆက်ပေးခဲ့ပါတယ်။ ပြိုင်ဘက်စီးပွားရေးသမားတွေကြားထဲမှာ အင်အားအကြီးဆုံးဖြစ်လာဖို့အတွက် အောက်လမ်းပညာတွေပါ သုံးလာကြတဲ့အခါ ဆက်ဒိုတို့ မောင်နှမ အသက်ရှင်လွတ်မြောက်ကြပါ့မလားဆိုတာကိုတော့ ... File size…1.65GB / 840MB Quality… WEB-DL 1080p/ 720p Format…mp4 Duration….1h 34m Genre ….. Horror, Thriller, Drama Subtitle….Myanmar Subtitle (Hard Sub)

Puang Bos (2025) IMDb Rating (8.4) ဇာတ်လမ်းအကျဉ်း ပွမ်ဘော့စ်ပေါ့ ဆိုတဲ့ လူငယ်ဟာ သင်္ဘောဆောက်လုပ်ရေး ကုမ္ပဏီပိုင်ရှင်ရဲ့ သားဖြစ်ပြီး မိခင်ကို ဆုံးရှုးပြီးတဲ့နောက်မှာတော့ အလုပ်နဲ့လုံးပန်းနေတဲ့ ဖခင်ကို အပြစ်တင်နေခဲ့သူပါ။ ဒီလိုနဲ့ ဘော့စ် ဟာ အချိန်အတော်ကြာ လမ်းပျောက်နေခဲ့ပြီး မိသားစု စီးပွားရေးကိုလည်း လုံးဝ စိတ်မဝင်စားခဲ့ပါဘူး။ ဘွဲ့ရပြီး ရွာကို ပြန်လာတဲ့အခါမှာတော့ သူ့ရဲ့ အထက်တန်းကျောင်းသားဘဝက ရည်းစားဟောင်းဖြစ်သူ တီဝီဆိုတဲ့ မိန်းကလေးနဲ့ ပြန်ဆုံခဲ့ပါတယ်။ ဘော့စ် ရဲ့ ဖခင်ဟာလည်း သားဖြစ်သူကို အမွေဆက်ခံဖိုနဲ့ အိမ်ထောင်ပြုဖို အတင်းအကျပ် လုပ်ယူနေတဲ့အခါမှာတော့ ဘော့စ် တစ်ယောက် ရည်းစားဟောင်းကောင်မလေး တီဝီနဲ့ အဆင်ပြေသွားမလား? သူ့အဖေရဲ့ လုပ်ငန်းကိုရော ဆက်ခံဖို ကြိုးစားပါ့မလား? အဖေ ဖြစ်သူကိုရော ခွင့်လွှတ် နိုင်မလား? ဆိုတာကိုတော့ အခုပဲ ကြည့်လိုက်ရအောင်။ File size… (1.1 GB) / (630 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 01:40:44 Subtitle…. Myanmar Subtitle (Hardsub)

Panji Tengkorak (2025) IMDb Rating (5.9) ပန်ဂျီတန်ဂိုရတ်ခ်ဟာ အင်ဒိုနီးရှားနိုင်ငံရဲ့နာမည်ကျော်လူကြိုက်အများဆုံး၀တ္ထုနဲ့ကောမစ်ဇာတ်ကောင်တစ်ဦးဖြစ်ပြီး ရုပ်ရှင်နဲ့တီဗွီဇာတ်လမ်းတွဲတွေအဖြစ်လည်းအကြိမ်ကြိမ်အသက်သွင်းခဲ့ဖူးပါတယ်။ သူ့ထူးခြားချက်ကတော့မျက်နှာမှာ လူဦးခေါင်းခွံတစ်ခုကိုတပ်ဆင်ထားပြီးအထီးကျန်သမား၊ လျှို့ဝှက်ချက်တွေများစွာနဲ့သိုင်းသမားတစ်ယောက်ပါ။ မူလက သဘောကောင်းကြင်နာတတ်တဲ့သူတစ်ဦးဖြစ်ပေမယ့် ချစ်သူ မူရ်နီတစ်ယောက် လူဆိုးတွေရဲ့လက်ချက်နဲ့ သေဆုံးခဲ့ပြီးနောက်မှာတော့ ကလဲ့စားက မောင်းနှင်နေတဲ့ ရက်စက်ကြမ်းကြုတ်တဲ့ သိုင်းသမားတစ်ယောက်ဖြစ်လာခဲ့ပါတယ်။ ဒီဇာတ်ကားမှာတော့ ပန်ဂျီရဲ့နောက်ခံသမိုင်းကြောင်းနဲ့anti-hero တစ်ဦးအဖြစ် မြစ်ဖျားခံရာကိုတွေ့မြင်ရမှာဖြစ်ပါတယ်။ File size… (1 GB) / (660 MB) Quality…. WEB-DL 1080p HEVC / 720p Format…. mkv/mp4 Genre…. Action,Adventure,Animation,Fantasy,Thriller Duration…. 01:34:18 Subtitle…. Myanmar Subtitle (Hardsub)

Child of Kuntilanak (2025) IMDb Rating (5.0) ကွန်တီလာနပ်ခ်ဆိုတာ အင်ဒိုနီးရှားနဲ့မလေးရှားဒေသတွေရဲ့ ရိုးရာပုံပြင်တွေထဲမှာ နာမည်အကြီးဆုံးလို့ ဆိုရလောက်တဲ့သရဲမျိုးဖြစ်ပါတယ်။ များသောအားဖြင့် သူတို့တွေဟာ ကလေးမွေးရင်းသေဆုံးသွားတဲ့ အမျိုးသမီးတစ်ဦးရဲ့ဝိဉာဉ်ဖြစ်လေ့ရှိပြီးသူတို့ဘ၀နောက်ခံဇာတ်ကြောင်းနဲ့လက်စားချေလိုစိတ်တွေဒွန်တွဲပါနေတတ်ပါတယ်။ သူ့ကိုအခြေခံတဲ့ နာမည်ကျော် ရုပ်ရှင်တွေဇာတ်လမ်းတွေအများကြီးရှိပြီးတော့ နာမည်အကြီးဆုံး Kuntilanak Triology (2018-22) ကိုတော့အများသိကြမှာပါ။ ဒီဇာတ်ကားမှာတော့ ဘော်ဒါဆောင်တစ်ခုမှာ မှီခိုနေတဲ့ မိဘမဲ့ကျောင်းသူလေးတစ်ယောက်၊ ကျောင်းမှာတစ်ယောက်တည်းကျန်နေခဲ့ချိန်မှာ ထူးထူးခြားခြားခြောက်လှန့်မှုတွေစတင်တွေ့ကြုံလာခဲ့ပြီး သူ့မိဘတွေရဲ့ ဇစ်မြစ်ကိုရှာဖို့ရွာကိုအပြန်မှာ သူရောက်လာတဲ့တစ်ချိန်တည်းမှာပဲ ကွန်တီလာနပ်ခ်တစ်ကောင်ထကြွသောင်းကျန်းလာတာကိုကြုံရပါတယ်။ အဲ့ဒီရွာကလူတွေကလည်း ဘုရားကိုစွန့်ပယ်ပြီးအောက်လမ်းအယူသန်ကြတဲ့သူတွေပါ။ အဲ့ဒါကိုမှ သူ့ကို ကွန်တီလာနပ်ခ်ရဲ့မျိုးဆက်အဖြစ် စွပ်စွဲပြီး ရွာကနှင်ထုတ်ဖို့ကြိုးစားကြတဲ့အချိန်မှာသူနဲ့ ကွန်တီလာနပ်ခ်တို့ကြားက ဆက်စပ်မှုနဲ့နောက်ခံဇာတ်ကြောင်းတွေကိုရှာဖွေရမှာပဲဖြစ်ပါတယ်။ File size… (790 MB) / (500 MB) Quality…. WEB-DL 1080p HEVC / 720p Format…. mkv/mp4 Genre…. Horror,Thriller Duration…. 01:37::31 Subtitle…. Myanmar Subtitle (Hardsub)

Pembantaian Dukun Santet (2025) +++++++++++++++ ဟောလိုဝင်း ပွဲတော် နီးလာပြီမို့ Horror vibe ကောင်းကောင်းပေးနိုင်မယ့် ဇာတ်ကားကောင်းလေး တစ်ခုနဲ့ မိတ်ဆက်ပေးချင်ပါတယ်။ အင်ဒိုကားမို့လို့ ကြောက်စရာ မကောင်းမှာကိုတော့ ပူစရာ မလိုသလို Jump scare, Gore စုံစုံလင်လင်မြင်ရ ခံစားရမှာပါ။ ဒီဇာတ်ကားဟာ အပြင်မှာ အမှန်တကယ် ဖြစ်ပျက်ခဲ့တဲ့ အင်ဒိုနီးရှားနိုင်ငံ အရှေ့ဂျာဗား နယ်စပ်နယ်မြေတစ်ခုရဲ့ သမိုင်းဝင် အမည်းစက် ထင်ခဲ့တဲ့ ဖြစ်ရပ်ကို မှီငြမ်းပြီး ရိုက်ကူးထားတာလည်း ဖြစ်ပါတယ်။ ၁၉၉၀ ဝန်းကျင် သမ္မတ ဆူဟာရ်တို လက်ထက် နိုင်ငံတစ်ဝှမ်း စီးပွားပျက်ကပ် ဆိုက်ပြီး ကုန်ဈေးနှုန်း အဆမတန် မြင့်တက်မှုတွေ အလုပ်အကိုင်အခွင့်အလမ်း ယိုယွင်းမှုတွေနဲ့ နိုင်ငံရေး မတည်ငြိမ်မှုတွေ ဖြစ်ခဲ့တဲ့ အချိန်ကာလ အရှေ့ဂျာဗား ဘန်ယူဝန်ဂီဒေသဘက်မှာ လူအစုံလိုက် အပြုံလိုက် သတ်ဖြတ်မှုတွေ ဥပဒေမဲ့စွာ ဖြစ်ပျက်ခဲ့ပါတယ်။ သတ်ဖြတ်ခံရသူတွေဟာ ဒေသမှာ ပယောဂဆရာ ဒါမှမဟုတ် ရိုးရာတိုင်းရင်းဆေးကုသသူတွေ ဖြစ်ပြီးတော့ အောက်လမ်းပယောဂနဲ့ လူတွေကို ဒုက္ခရောက်အောင် လုပ်တယ်စွပ်စွဲခံရသူတွေ ဖြစ်ပါတယ်။ အဲဒီ ကျူးလွန်သတ်ဖြတ်မှုတွေဟာ ယနေ့ထိတိုင် ဘယ်သူမှ တာဝန်ယူဖြေရှင်းတာ မရှိခဲ့သလို အဲဒီအချိန်က နိုင်ငံရေးအာရုံ ပြောင်းလွှဲမှုအဖြစ်လည်း တစ်ချို့တွေက ရှုမြင်ကြဆဲ ဖြစ်ပါတယ်။ ဒီဇာတ်ကားအကျဉ်းပြောရရင် အစ္စလာမ်ဘာသာရေး ကျောင်းတစ်ခုမှာ အလုပ်လုပ်နေ တက်ရောက်နေကြတဲ့ ဘာသာရေးဆရာတွေနဲ့ ကျောင်းသားကျောင်းသူတွေ ထူးဆန်းစွာနဲ့ သေဆုံးမှုတွေ ဖြစ်လာပါတယ်။ အဲဒီထဲက ကျောင်းသားတစ်ယောက်ဖြစ်တဲ့ ဆန်ထရီယိုဟာ ဘာကြောင့် ဒီလိုတွေ ဖြစ်နေတာလဲဆိုတာ ဖော်ထုတ်ဖို့ ကြိုးစားနေချိန် တစ်ဖက်မှာ နေအိမ်က သူ့ရဲ့ ဖခင်ကပါ ပယောဂ စွပ်စွဲခံရပြီး သတ်ဖြတ်ခံလိုက်ရပါတယ်။ ကျောင်းမှာလည်း အခြေအနေတွေက ပိုပိုပြီး ဆိုးဝါးလာချိန်မှာ ဆန်ထရီယိုနဲ့ သူ့သူငယ်ချင်းတွေ ဘယ်လိုတားဆီးရပ်တန့်ဖို့ ကြိုးစားကြမလဲ ဆိုတာ……။ File Size… (886MB) / (588MB) Quality… WEB-DL 1080p HEVC /720p Format…mkv / mp4 Duration…1h 32m Genre … Horror , Thriller Subtitle….Myanmar Subtitle (Hard Sub)

Qodrat 2 (2025) +++++++++ သည်းထိတ်ရင်ဖိုဇာတ်လမ်းမျိုးကို နှစ်ခြိုက်တဲ့ပရိသတ်များအတွက် Supernatural/ Horror ကို ခံစားနိုင်စေဖို အင်ဒိုနီးရှားနိုင်ငံရဲ့ နာမည်ကြီး Qodrat 2 ဇာတ်ကားကို တင်ဆက်ပေးလိုက်ပါတယ်။ ဒီ Qodrat ဇာတ်ကားရဲ့ နတ်ဆိုးက ဘယ်လောက်ကြမ်းမလဲ.... နတ်ဆရာကလည်း သူ့ကို ဖြေရှင်းနိုင်ပါ့မလားဆိုတာ ရှုစားလိုက်ကြရအောင်ပါ။ ဇာတ်လမ်းအကျဉ်း သားဖြစ်သူ အလိဖ်ဆီမှာ စွဲကပ်နေတဲ့ နတ်ဆိုးကို နှင်ဖို ကြိုးစားရင်း အလိဖ်သေဆုံးသွားတဲ့အတွက် ထောင်ကျသွားတဲ့ နတ်ဆရာ ကွာဒ်ရတ်၊ သူ့ဆီ ထောင်ဝင်စာအကြိမ်ကြိမ်လာတွေ့ရင်းက နတ်ဆိုးကြောင့် ကွာဒ်ရတ်သေဆုံးတာကို မြင်ခဲ့ပြီး သွေးပျက်သွားရသူ အဇီဇာ၊ ဆေးကုသမှု ခံယူပြီး အဇီဇာတစ်ယောက် အထည်စက်ရုံမှာ လုပ်ကိုင်နေခဲ့ရင်း တစ်နေ့ သူ့သူငယ်ချင်း မူရ်နီပါ မတော်တဆဖြစ်ပြီး သေဆုံးသွားခဲ့ရာက စက်ရုံမှာ ထူးဆန်းတဲ့အဖြစ်အပျက်တွေ ပေါ်လာခဲ့ပါတယ်။ နတ်ဆိုးကြောင့် သေပြီဟု သိထားခဲ့သူ ကွာဒ်ရတ်ဟာ ထောင်ထဲမှာ ကံကောင်းစွာ ပြန်ရှင်လာခဲ့ပြီး ထောင်မှ ထွက်ချိန်မှာ သူပညာသင်ခဲ့တဲ့ ဇာတိကို ပြန်သွားခဲ့ပါတယ်။ သူ့ဇာတိကို ပြန်ရောက်ချိန်မှာ မထင်မှတ်တဲ့အနှောင့်အယှက်များစွာနဲ့ ရှင်းပြရန်ခက်ခဲ့တဲ့ကိစ္စတွေ ကြုံနေကြတဲ့ဒေသခံတွေအပေါ် ဘယ်လိုတွေ ဖြေရှင်းပေးသွားမလဲဆိုတာ... File Size… (1.61GB) / (807 MB) Quality… WEB-DL 1080p HEVC /720p Format…mkv / mp4 Duration…1h 29m Genre ….Drama , Action , Horror Subtitle….Myanmar Subtitle (Hard Sub)

The Mediterranean (2024) IMDb Rating (7.4) Haia ဆိုတဲ့ အမျိုးသမီး လေး တစ်ယောက်ဟာ ကိုရီးယားနိုင်ငံကို သွားရောက်ပြီးတော့ မာစတာဘွဲ့ ယူဖို့ စကောလားရှစ် လျောက်ထားပြီး အိပ်မက် မက်နေတဲ့ကောင်မလေး တစ်ယောက် ဖြစ်ပါတယ်။ တနေ့မှာတော့ ကံဆိုးမိုးမှောင် ကျမှုတွေဟာ ဆက်တိုက် ဆိုသလို ဖြစ်လာပြီး သူမရဲ့ အဖေကို ဆုံးရှုံးလိုက်ရရုံသာမက သူမရဲ့ ကိုရီးယား စကောလားရှစ် လျှောက်လွှာဟာ ပယ်ချခံလိုက်ရပါတော့တယ်။ အဖေ အမေ မရှိတော့တဲ့ Haia လေး ဟာမကောင်းတဲ့ မိန်းမ အဖြစ်နဲ့ အသက်မွေးဝမ်းကြောင်း ပြုနေတဲ့ သူမရဲ့ ‌အဒေါ်နဲ့ အတူတူ နေရဖို့ အကြောင်းဖန်လာပါတော့တယ်။ သူမ အနေနဲ့ သူ့ အဒေါ်ရဲ့ လွှမ်းမိုးမှု အောက်ကနေ ရုန်းထွက်ပြီး ကိုရီးယားမှာ မာစတာ ဘွဲ့ ယူချင်တဲ့ အိပ်မက်ကကော ဖြစ်လာပါ့မလားဆိုတာ  ဇာတ်လမ်းထဲမှာ ခံစားကြည့်ရှု့ လိုက်ပါခင်ဗျ။ (အညွှန်းနဲ့ဘာသာပြန်ကတော့ Thet Naing ဖြစ်ပါတယ်။) File size…(1.5 GB) / (770 MB) Quality….WEB-DL 1080p HEVC / 720p Format…. mkv/mp4 Genre….Drama,Romance Duration….01:48:58 Subtitle….Myanmar Subtitle (Hardsub) Encoder….Double K Translated by Thet Naing

Indo horroပရိသတ်တို အကြိုက်တွေ့စေမယ့် အသစ်ထွက် ဇာတ်ကားသစ်လေးကို တင်ဆက်ပေးလိုက်ပါပြီ။ အခုနှစ်ပိုင်းတွေမှာ အင်ဒိုဟော်ရာလောကလည်း အဆင့်မြင့်လာပြီး လူကြိုက်များလာကြပြီဆိုတော့ ဒီကားလေးရော ဘယ်လိုလာမလဲ ရှုစားကြပါဦး။ ပါကူတာနာဂျဝါလိုခေါ်တဲ့ တောတွေတောင်တွေ ဝန်းရံနေတဲ့ မြိုငယ်လေးမှာ ဟာဒီနီလိုခေါ်တဲ့ ဆွန်ဒန်ကချေသည်တစ်ယောက် ရှိပါတယ်။ ဒါပေမဲ့ ရိုးရာကချေသည်ဖြစ်တဲ့ဟာဒီနီက နာမည် ဂုဏ်သတင်းတော့ မကောင်းလှပါဘူး။ ဟာဒီနီက ယောက်ျားတွေနဲ့ ပတ်အိပ်နေသလိုလို ပြည့်တန်ဆာပဲ လုပ်စားနေသလိုလို သတင်းတွေထွက်နေပြီး မကြာသေးခင်ကပဲ ဟာဒီနီဆီကပြန်လာပြီး ရုတ်တရက် နှလုံးဖောက်ပြီးသေသွားတဲ့ ကူစ်နိုဆိုသူကလည်းရှိနေတော့ သွားပုပ်လေလွင့်ပြောသူတွေ အတွက် ပြောစရာကြီးဖြစ်နေတာပေါ့။ အမေ့ရဲ့မကောင်းသတင်းတွေကြောင့် နင်ရမ်တစ်ယောက်လည်း အမေနဲ့ မကြာခဏပြဿနာတက်ရပေမဲ့ အမေဖြစ်သူရဲ့ ထူးဆန်းတဲ့ အပြုအမူတွေ လုပ်ရပ်တွေကို နင်ရမ်တစ်ယောက်လည်း နားမလည်နိုင်သလို မေးတော့လည်းဟာဒီနီကမဖြေပြန်ပါဘူး။ ဒီလိုနဲ့ သူတိုသားအမိနှစ်ယောက်ရဲ့ဘဝထဲကို ဂျာလူဆိုတဲ့ လူတစ်ယောက် ဝင်လာချိန်မှာတော့.... File size… (1.01GB) / (438MB ) Quality… WEB-DL 1080p HEVC / 720p Format…mkv / mp4 Duration….1h 40m Genre …..Horror Subtitle….Myanmar Subtitle (Hard Sub) Encoder….Min Wai Translated by Mary

Cigarette Girl (2023) Ep 1 to 5 (complete) IMDb Rating (8.1) / Rotten Tomatoes (96%) ဒီဇာတ်လမ်းတွဲလေးကတော့ 2023 ခုနှစ်က ထွက်ရှိခဲ့တဲ့ အင်ဒိုနီးရှား ဒရာမာ ဇာတ်လမ်းလေးဖြစ်ပါတယ်။ IMDb rating 8.1 ထိရထားတဲ့ Netflix Serie လေးလည်းဖြစ်ပါတယ်။ သရုပ်ဆောင်တွေအနေနဲ့ Dian Sastrowahdoyo , Ario Bayu, Arya Saloka တို့ကအဓိက ပါဝင်ထားပြီးတော့ Sashi Nandani ဖန်တီးထားပါတယ်။ ဇာတ်လမ်းအကျဉ်း Soeraja ဆိုတဲ့ Djagad Raya ဆိုတဲ့ တိမ်မြှုပ်တော့မယ့် ဆေးလိပ်စက်ရုံရဲ့ပိုင်ရှင်ဟာ သူမသေဆုံးခင် နောက်ဆုံးဆန္ဒအဖြစ် Jeng Yah ဆိုတဲ့ မိန်းကလေးကို သူ့ရဲ့အငယ်ဆုံးသားဖြစ်သူ Lebas ကို ရှာခိုင်းလိုက်ပါတယ်။ Lebas ကလည်း သူ့အစ်ကိုတွေဖြစ်တဲ့ Karim နဲ့ Tegar တို့အကူအညီနဲ့ Java ကျွန်းဆွယ်တစ်လျှောက်လိုက်ရှာပါတော့တယ်။ Djagad Raya ဆေးလိပ်တွေ အင်ဒိုနီးရှားရဲ့ နံပါတ်တစ်ဖြစ်လာတဲ့အကြောင်းနဲ့ သူတို့ဖခင်နဲ့ Jeng Yah ဆိုတဲ့ အမျိုးသမီးရဲ့ အချစ်ဇာတ်လမ်းတွေကို စိတ်ဝင်စားဖွယ်ကြည့်ရှုရမှာပဲဖြစ်ပါတယ်။ Rating ကောင်းကောင်း Asia Series တွေကြိုက်တဲ့ သူတွေအနေနဲ့ကတော့ လုံးဝကို လက်လွှတ်မခံသင့်တဲ့ ဇာတ်လမ်းတွဲလေးဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size… (700 MB) / (400 MB) Quality….WEB-DL 1080p HEVC / 720p Format…. mkv/mp4 Genre….Drama, History, Romance Duration….01:00:00 Subtitle….Myanmar Subtitle (Hardsub) Encoder….Benjamin Translated by Nay

I Know When You Dead: Suicide Village (2023) IMDb Rating (6.8) 2020 တုန်းကလူကြိုက်များခဲ့တဲ့ I Know When You Dead ရဲ့ sequel ဖြစ်ပါတယ်။ sequel ဆိုပေမယ့် ဆီယန်နာတစ်ယောက် သေခြင်းနိမိတ်ကိုမြင်နိုင်တာကလွဲလို့ အဆက်အစပ်မရှိတဲ့အတွက် ပထမကားမကြည့်ဖူးလည်းကြည့်လို့ရတဲ့ကားပါပဲ။ ဒီကားမှာတော့ လူတစ်ယောက်သေဆုံးကာနီးပြီဆိုရင် သူတို့အနားက သေခြင်းနိမိတ်တွေကိုမြင်နိုင်တဲ့ ဆီယန်နာဆိုတဲ့ကောင်မလေးဟာ အဲ့ဒီအစွမ်းကြောင့် စိတ်ဖိစီးအိမ်မက်ဆိုးတွေမက်ပြီး ဆေးတွေပါသောက်နေရပါတယ်။ တစ်နေ့တော့ သူတို့ကျောင်းဝင်းထဲမှာဖြစ်ပေါ်ခဲ့တဲ့ သေဆုံးမှုတစ်ခုမှာ အဲ့ဒီလူမသေခင်သေခြင်းနိမိတ်ကို သူမမြင်ခဲ့တဲ့အတွက် အံ့ဩခဲ့ရပြီး သူစုံစမ်းကြည့်မိချိန်မှာတော့ အဲ့ဒီလူဟာ သူနဲ့ရင်းနှီးချစ်ခင်တဲ့ ဆရာမ နာယာနဲ့ဆက်စပ်နေတာကိုသိခဲ့ရပါတယ်။ ဆရာမ နာယာဟာ အဲ့ဒီလူအလောင်းနဲ့အတူ သူတို့ရွာ ရယ်မတွတ်ခ်ကိုပြန်သွားပြီဆိုတာကိုပါ သိလိုက်ရချိန်မှာတော့ ဆီယန်နာနဲ့သူ့သူငယ်ချင်းနှစ်ယောက်ဟာ ဆရာမဆီကိုလိုက်သွားခဲ့ကြပါတယ်။ အဲ့ဒီရွာကိုရောက်ရောက်ခြင်းမှာပဲ ထူးခြားထိတ်လန့်ဖွယ်အဖြစ်အပျက်တွေ အံ့ဩစရာတွေကိုသူတို့သုံးယောက်ဆက်တိုက်ဆိုသလိုကြုံဆုံခဲ့ရပြီး သူတို့ရောက်နေချိန်မှာပဲ ရွာသားတွေတစ်ယောက်ပြီးတစ်ယောက်ကိုယ့်ကိုယ်ကိုသတ်သေကြတာတွေနဲ့ကြုံလာရချိန်မှာတော့..။ ဒီဖြစ်ရပ်ဆိုးတွေက ဘယ်အကြောင်းကြောင့်စတင်ခဲ့တာလဲ?  သူတို့ဆရာမ နာယာကိုယ်တိုင်ရော ဘယ်လိုပတ်သက်နေမလဲ? အဲ့ဒီကျိန်စာကနေ သူတို့ရောလွတ်မြောက်နိုင်ပါ့မလား ဆိုတာတွေကိုဆက်လက်ရှုစားကြပါ။ Jump scare တွေရောဇာတ်လမ်းနဲ့လှည့်ကွက်တွေပါကောင်းတဲ့ဇာတ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.6 GB) / (860 MB) Quality….WEB-DL 1080p HEVC / 720p Format…. mkv/mp4 Genre….Horror, Mystery, Thriller Duration….01:46:36 Subtitle….Myanmar Subtitle (Hardsub) Encoder….Benjamin Translated by Alias

ဒီဇာတ်ကားကတော့ ကျောတချမ်းချမ်းနဲ့ စိတ်ဝင်စားဖွယ်ရာ ကြည့်ရှုရမယ့် အင်ဒိုနီးရှားနိုင်ငံသရဲကားဖြစ်ပါတယ်။ ဇာတ်လမ်းကတော့ ခေတ်နောက်ပြန်ဆွဲနိုင်စွမ်းရှိပြီး အတိတ်ကို အချိန်ခရီးသွားရင်း အဖြစ်အပျက်တွေကို မြင်နိုင်စွမ်းရှိတဲ့ Hao ဟာ မထင်မှတ်ဘဲ ပျောက်ဆုံးသွားတဲ့ ကျောင်းသူလေး Sari ကို ပြန်လည်ရှာတွေ့အောင် ကြိုးစားခဲ့ပါတယ်။ ကျောင်းတက်ရင်း ရုတ်တရက် ကျောင်းဝန်းထဲမှာ ပျောက်ဆုံး သွားတဲ့ Sari ကို ဟောင်က သူ့အစွမ်းအစနဲ့ရှာဖွေတဲ့အခါ ကျောင်းသူလေးကို ပြန်ပေးဆွဲသွားခဲ့တဲ့ သင်္ချိုင်းဖုံးမှာ ရစ်ပတ်နေတဲ့ ခေါင်းပြောင်တစ္ဆေကြီးပိုချောင်နဲ့ ထိပ်တိုက် တွေ့ခဲ့ပါတယ်။ ဟောင်ရဲ့လုပ်ရပ်တွေကို မနှစ်မြို့တဲ့ ခေါင်းပြောင်တစ္ဆေကြီး ပိုချောင်ဟာ ဟောင်နောက်ကိုလိုက်လာပြီး ဒုက္ခပေးဖို့ ကြိုးစားပါတော့တယ်။ ဒီအခါမှာတော့ ဟောင်နဲ့သူ့ကောင်မလေး ရီဒါတို့ကြားမှာ ရင်တုန်စရာ အဖြစ်အပျက်တွေက ဆက်တိုက် ဖြစ်ပျက်လာခဲ့ပြီး ဟောင်က ပိုချောင်ရဲ့အတိတ်ကို စူးစူးစိုက်စိုက် ကြည့်ရင်း သူ့ရဲ့ဇစ်မြစ်နဲ့ လျှို့ဝှက်ချက်တွေကို ရှာဖွေဖော်ထုတ် သွားမှာဖြစ်ပါတယ်။ ဆယ်နှစ်တကြိမ် လူတွေကိုဒုက္ခပေးနေတဲ့ ခေါင်းပြောင်တစ္ဆေကြီးကို ဟောင်တယောက် ဘယ်လိုပညာပေး သွားနိုင်မလဲဆိုတာ သဘာဝလွန်ဖြစ်ရပ်တွေ၊ သည်းထိတ် ရင်ဖိုစရာတွေနဲ့ အင်ဒိုနီးရှားရိုးရာပုံပြင်တွေကို ပေါင်းစပ်ပြီး ကြည့်ရှုခံစားကြရမှာဖြစ်ပါတယ်။ File size…1.26 GB / 487MB Quality…WEB-DL 1080p 5.1CH / 720p Format…mp4 Duration….1h 47m Genre ….. Horror Subtitle….Myanmar Subtitle (Hard Sub) Encoder….Min Wai Translated by Zaw Myint

Layar (  2023 ) အန်နီဆိုတဲ့ ကောင်မလေးတစ်ယောက်ရှိတယ်။ သူ့အမေ သူ့ကိုမွေးတဲ့ အချိန်မှာ ရုပ်ရှင်ကြမ်းပိုး သူ့အဖေက သူ့အမေနားမရှိနေဘဲ ရုပ်ရှင်ရုံကိုသွားနေခဲ့တာကြောင့် သူဟာ မွေးကတည်းက ရုပ်ရှင်တွေကို မုန်းတဲ့လူအဖြစ် မွေးလာတယ်။ ရုပ်ရှင်တွေကိုချစ်တဲ့ သူ့အဖေက သူ့ကို ရုပ်ရှင်ရုံကို လိုက်ခဲ့ဖို ခေါ်ပေမဲ့ သူက တစ်ခါမှ မလိုက်ခဲ့ဘူး။ တီဗီမြင်ရင် တီဗီကို တုတ်နဲ့ရိုက်ချင်တဲ့အထိ ရုပ်ရှင်ကို မုန်းတဲ့ပိုးက သူ့မှာပါလာခဲ့တယ်။ ဒါက သူ့အဖေမဆုံးခင်အထိပေါ့။ သူ့အဖေဆုံးသွားတဲ့နောက် သူ့အဖေချစ်တဲ့ ရုပ်ရှင်တွေကို သူ့အဖေ ဘာလို ဒီလောက်ချစ်နေလဲသိရအောင် အဖြေရှာဖိုလုပ်ရင်း  ရုပ်ရှင်တွေသွားသွားကြည့်ရာက ရုပ်ရှင်တွေချည်းဆက်တိုက်ကြည့်နေမိပြီး သူလည်း ရုပ်ရှင်ကြမ်းပိုဖြစ်လာခဲ့တယ်။ နောက်ဆုံး ရုပ်ရှင်အမြဲကြည့်နေရအောင် ရုပ်ရှင်ရုံမှာ အလုပ်လုပ်ခဲ့တဲ့အထိ သူက ရုပ်ရှင်တွေကိုချစ်ခဲ့တယ်။ ဒီလိုနဲ့ ကိုဗစ်ကာလရောက်လာတဲ့အချိန် ရုပ်ရှင်ရုံတွေ အားလုံးပိတ်လိုက်ရတယ်။ ရုပ်ရှင်ရုံမှာ အလုပ်လုပ်နေတဲ့သူတွေ ရုပ်ရှင်ရုံကို အမီပြုပြီးနေနေရသူတွေလည်း အခက်တွေ့ကုန်ကြတယ်။ အန်နီတိုရဲ့ နယ်ဘက်ကျေးဘက်က ရုပ်ရှင်ရုံလေးဆို အရှုးပေါ်နေတာလည်း ကြာပြီဆိုတော့ ပိုင်ရှင်က ချောလဲရောထိုင် တစ်ခါတည်းရောင်းပစ်ဖိုလုပ်လာတယ်။ အန်နီကတော့ သူချစ်တဲ့ရုပ်ရှင်ရုံမပိတ်သွားဖိုအတွက် ပိုင်ရှင်နဲ့ညှိပြီး သူဦးစီးပြီး ရုပ်ရှင်ရုံကို အမြတ်အစွန်းထွက်အောင် လုပ်ပါ့မယ်လို အာမခံပြီး လက်လွှယူခဲ့တယ်။ ဒီလိုနဲ့ အန်နီနဲ့ သူ့မိတ်ဆွေတွေဟာ ဒီရုပ်ရှင်ရုံကြီး ဆက်လက်ရှင်သန်နိုင်အောင် လုပ်နိုင်ပါ့မာလး ဒီရုပ်ရှင်မှာ ကျွန်တော်တိုကြည့်ရလိမ့်မယ်။ ကိုဗစ်ကာလ ရုပ်ရှင်ရုံတွေရဲ့အခက်အခဲနဲ့ ရုပ်ရှင်ကို ချစ်တဲ့လူတွေအကြောင်းကို ပေါင်းစပ်ရိုက်ပြထားတဲ့ အင်ဒိုနီးရှားကားလိုပဲပြောရပါမယ်။ ဇာတ်က အရမ်းကြီးလည်းမကောင်းနေသလို စုတ်လည်းစုတ်မနေဘူး။ ဒါပေမဲ့လည်းရုပ်ရှင်ကို ချစ်လို ကြည့်ကြတဲ့လူတွေဆိုတော့ ရုပ်ရှင်ကိုချစ်လို ရုပ်ရှင်ရုံပိတ်မသွားအောင် ကြိုးစားကြတဲ့လူတွေ ရုပ်ရှင်ကိုချစ်ကြတဲ့သူတွေအကြောင်းရိုက်ထားတဲ့ ဒီရုပ်ရှင်ကို သဘောကျကြမှာပါပဲ။ အရမ်းကြီးမကောင်းနေဘူးဆိုပေမဲ့ အင်ဒိုးနီးရှားကားအနေနဲ့တော့ တော်တော်လေးကောင်းတဲ့ အနေအထားလိုပြောရမယ်ထင်ပါတယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File size_(800MB)/(400MB) Quality_Blu-Ray 1080p / 720p Format_mp4 Duration_01:10:00 Genre_Drama Subtitle_Myanmar Subtitle (Hardsub) Encoder_a hao Translated by WiRa Aung

မျှော်လင့်စောင့်စားနေခဲ့တဲ့ မှန်သရဲကတော့ ၂အနေနဲ့ ထွက်ရှိလို့လာခဲ့ပါပြီ အရင်က ၁ ကို ပြန်လည်အစဖော်ပေးရမယ်ဆိုရင် စုန်းမအဖြစ် သမုတ်ပြီး လူတောမတိုးအောင်အခန်းထဲပိတ်ခံရပြီး နတ်ဆိုးသားကောင်ဖြစ်ခဲ့ရတဲ့ ကွန်တီနဲ့ အမေ့အတွက်လက်စားချေခဲ့တဲ့ သူ့သမီးလေးအူမာ.. အူမာရဲ့သဘာဝလွန်စွမ်းအားကတော့ ဒေါသထွက်ပြီဆိုတာနဲ့ လူစိတ်ပျောက်ပြီး ခွန်အားတွေအဆမတန်ကြီးထွားလာတာပါပဲ ဒါကို သူ့အမေက ဝင်ကူညီပေးတယ်လို့မှတ်ယူထားသူပေါ့ ပထမပိုင်းမှာ ပြီးဆုံးသွားတဲ့ နတ်ဆိုးရိုးရာတွေကို ဒုတိယပိုင်းမှာ ဘယ်သူတွေက ထပ်မံပြီးလှုပ်နှိုးအသက်သွင်းကြမလဲ ဒီမှာ ထပ်မံပေါ်ပေါက်လာမဲ့ လူစွမ်းကောင်းကတော့ ရင်ဘာ .. ၆နှစ်တစ်ခါပူဇော်လေ့ရှိတဲ့ယဇ်ပူဇော်ပွဲထဲ အဖေဖြစ်သူပါ ပါဝင်ခဲ့ရလို့ ကလဲ့စားချေဖို့အတွက် လိုက်လံရှာဖွေရင်း အူမာနဲ့တွေ့ဆုံဖို့ အကြောင်းဖန်လာတယ် ဝိညာဉ်တွေကိုမြင်ရတဲ့အူမာနဲ့ ခေတ်ပညာတတ် သိပ္ပံဆန်ဆန်တွေးတတ်တဲ့ ရင်ဘာတို့၂ယောက် ဘယ်လိုပူးပေါင်းသွားကြမလဲ အူမာ့ဘဝရဲ့ဇာတ်လမ်းမှန်ကို စုံစမ်းရင်းသိလာရတဲ့ အမှန်တရားတွေနဲ့ သူတို့ထိန်းသိမ်းရမဲ့ ပရလောကနဲ့ မျက်မှောက်ခေတ်ကိုဆက်စပ်နေတဲ့ ဒီမန်ကူဂျီဝိုမှန်ကြီးကို သူတို့ကာကွယ်နိုင်ပါ့မလား အဖေ့အတွက်လက်စားချေမှုကိုရော အောင်မြင်နိုင်ပါ့မလားဆိုတာတော့ ဇာတ်ကားထဲမှာ ဆက်လက်ရှုစားကြပါ။ (အညွှန်းနဲ့ဘာသာပြန်ကတော့ Yunni ပဲဖြစ်ပါတယ် ) Genre..... Horror Quality…. 1080p | 720p File size… 1.7GB | 734MB Format… mp4 Duration…. 2h Subtitle…. Myanmar Subtitle (Hardsub) Translator ..... Yunni Encoder ..... Aaron

IMDb 6.6 ရထားတဲ့ အင်ဒိုနီးရှား Horror ဇာတ်ကားလေးတစ်ကားကို တင်ဆက်ပေးပါ့မယ်။ Sri က ဆင်းရဲတဲ့ မိသားစုက ကောင်မလေးဖြစ်ပြီးတော့ အဖေဆေးကုဖို့အတွက် ပိုက်ဆံလိုနေလို့ Atmojo မိသားစုက လစာအများကြီးပေးပြီး အမျိုးသမီးအိမ်အကူတွေ ခေါ်တဲ့အလုပ်ကို လျှောက်လိုက်မိပါတယ်။ ကံကောင်းချင်တော့ အလုပ်ရသွားပေမယ့် သူအလုပ်လုပ်ရမယ့်နေရာကို ခေါ်သွားတော့မှ လူသေကို ရေချိုးပေးရတဲ့ အလုပ်ဖြစ်နေမှန်း သိလိုက်ရတယ်။ အဲဒီရိုးရာကို ညနေ နေဝင်ရီတရောအချိန်မှာ ညွှန်ကြားထားတဲ့အတိုင်း လုပ်ပေးရမှာဖြစ်ပြီးတော့ ရက် ၁၀၀၀ ပြည့်တဲ့အထိ လုပ်ပေးရမှာပါ။ သူတို့ရေချိုးပေးရမယ့်သူကတော့ Atmojo မိသားစုရဲ့ မြေးဖြစ်တဲ့ Della ကိုပါ။ Della ရဲ့ကိုယ်ထဲမှာ မကောင်းဆိုးဝါး ဝင်ပူးနေပြီးတော့ အဲဒီမကောင်းဆိုးဝါးက ရက် ၁၀၀၀ အတွင်း အပြင်ထွက်ခွင့်ရဖို့ အမျိုးမျိုးကြိုးစားတဲ့အခါမှာ Sri တို့တွေ ရက် ၁၀၀၀ ပြည့်တဲ့အထိ နေနိုင်ပါ့မလားဆိုတာကို ဇာတ်လမ်းထဲမှာပဲ ဆက်ကြည့်လိုက်ရအောင်နော်။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတယ်။ Genre..... Horror Quality…. 1080p | 720p File size… 1.2GB | 537MB Format… mp4 Duration…. 2h 1min Subtitle…. Myanmar Subtitle (Hardsub) Translator ..... Moh Moh Encoder ..... Aaron

Balada Si Roy (2022) File Size :(2.2GB)& (912MB) Quality :WEB-DL1080P,720p Format…mp4 Duration…01:24:00 Genre : Action, Romance , Drama Subtitle : Myanmar Subtitle (Hard Sub) Translated by Ko Myo Encoded by Phyo Pyae

Qodrat (2022) ဇာတ်ကားနာမည် ကွတ်ဒ်ရတ်က ပယောဂနှင်ပေးတဲ့ဆရာရဲ့နာမည်ပါ။ ကွတ်ဒ်ရတ်က အစ္စလာမ်ဘာသာဝင်ဆရာတစ်ယောက်ဖြစ်ပြီး ရှိုင်သာန် ဂျင်န် စတာတွေကိုနှင်ထုတ်ပေးသူဖြစ်ပါတယ်။ ဒါကြောင့်ဇာတ်လမ်းအတွက်အခြေခံဖြစ်တဲ့ ရှိုင်သာန်ဂျင်န် အကြောင်းကိုအနည်းငယ်ပြောပရစေ။ အစ္စလာမ်ဘာသာအရ လူတွေကိုမဖန်ဆင်းခင်မှာ မျိုးနွယ်တစ်စုကိုမီးနဲ့ဖန်တီးခဲ့ပြီး သူတို့ကိုဂျင်န်တွေလို့ခေါ်ပါတယ်။ နောက်ပိုင်းမှာဂျင်န်တွေရဲ့ သောင်းကျန်းမနာခံမှုတွေကြောင့် သူတို့ကိုတောတောင်တွေဘက်မှာသာနေထိုင်ဖို့မောင်းထုတ်လိုက်ပါတယ်။ ဒါပေမဲ့ဂျင်န်အားလုံးကဆိုးတာမဟုတ်ပဲ ကောင်းတဲ့ဂျင်န်တွေလဲရှိပါတယ်။ ဂျင်န်ထဲကတစ်ယောက်ဖြစ်တဲ့ အေဗလိစ်ဆိုရင် အလ္လာ့အမိန့်ကိုနာခံလွန်းလို့ ကောင်းကင်ဘုံထိပါတက်ခွင့်ရထားတယ်။ ဒါပေမဲ့ အလ္လာက လူသားကိုဖန်ဆင်းအပြီးမှာ လူသားကိုဦးချဖို့ အေဗလိစ်ကိုစေခိုင်းတော့ အေဗလိစ်က လူသားဟာ သူ့ထက်နိမ့်ကျတယ်ဆိုတဲ့မာနထားပြီး အလ္လာ့အမိန့်ကိုဖီဆန်လိုက်တာကြောင့် ကောင်းကင်ဘုံကနေနှင်ထုတ်ခံလိုက်ရပါတယ်။ သူ့ကို ရှိုင်သာန်မိစ္ဆာလို့ခေါ်ပါတယ်။ ရှိုင်သာန်က လူသားတွေကို လမ်းမှားဆီနည်းမျိုးစုံနဲ့ခေါ်သွားမယ်လို့ အလ္လာ့ကိုကတိပေးခဲ့သလို အလ္လာကလဲသူ့ရဲ့ဖန်ဆင်းခံလူသားတွေ ဘယ်လောက်လမ်းမှားမှား သူတို့အပြစ်တွေကိုသိနားလည်ပြီးဝန်ချတောင်းပန်သရွေ့ခွင့်လွှတ်မယ်လို့ကတိပေးထားပါတယ်။ အခုနပြောတဲ့ ဂျင်န်တွေထဲကဆိုးတဲ့ဂျင်န်တွေကလဲ ဒီရှိုင်သာန်ရဲ့နောက်လိုက်အပေါင်းအပါတွေဖြစ်ပြီး လူသားတွေကိုနှောင့်ယှက်ကြတယ်ပေါ့။ ဒီဇာတ်လမ်းမှာတော့ အာဆူအာလာဆိုတဲ့ဂျင်န်က ကွတ်ဒ်ရတ်ရဲ့သားလေးအလစ်ဖ်ကို ဝင်စီးပါတယ်။ ကွတ်ဒ်ရတ်ကလဲ ဒီဂျင်န်ကိုနှင်ပေမယ့် အာဆူအာလာကပိုစွမ်းအားကြီးနေပြီး ကွတ်ဒ်ရတ်သားလေးကိုလည်ပင်းချိုးသတ်ခဲ့ပါတယ်။ ကွတ်ဒ်ရတ်လဲ လက်လွတ်စပယ်မှုကြောင့်ထောင်ကျခဲ့ပါတယ်။ ထောင်ကလွတ်တော့ သူပညာဆည်းပူးခဲ့တဲ့ရွာလေးကိုပြန်သွားချိန်မှာ ရွာရဲ့အခြေအနေကတော်တော်ဆိုးနေပြီး ဂျင်န်ဝင်စီးခံရတဲ့သူတွေဆိုတာလဲအများကြီးပါ။ ကွတ်ဒ်ရတ်က ဒီဂျင်န်နှင်တာတွေကိုမလုပ်တော့ပေမယ့် သူ့သားလေးနဲ့နာမည်တူ အလစ်ဖ်ဆိုတဲ့ကလေးတစ်ယောက်လဲ ဂျင်န်ဝင်စီးခံရချိန်မှာတော့ ဒီကလေးကိုကုသပေးရင်း ရွာကဘာကြောင့်ဒီလိုတွေဖြစ်နေရလဲဆိုတာ မဖြစ်မနေအဖြေရှာရမယ့်အပြင် ရန်သူတော် အာဆူအာလာနဲ့လဲ ထပ်တွေ့ပြီးသူတို့အားပြိုင်မှုတွေကို ကြောက်ကြောက်နဲ့ပဲကြည့်လိုက်ကြပါဦး အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre..... Action, Drama, Fantasy Quality…. 1080p | 720p | 480p File size… 1.3GB | 615MB | 308MB Format… mp4 Duration…. 1h 42min Subtitle…. Myanmar Subtitle (Hardsub) Translator ..... Rashida Encoder ..... Aaron

Check the Store Next Door 2 (2022) Comedy, Drama, Romance ရုပ်ရှင်ကောင်းကောင်းလေးနဲ့ chill ချင်တယ်ဆိုရင်တော့ ဒီကားလေးကို ကြည့်လိုက်ပါ။ IMDb rating 7.6 ရရှိထားတဲ့ အင်ဒိုနီးရှား ရုပ်ရှင်တစ်ကားဖြစ်ပါတယ်။ ဇာတ်လမ်းအကျဉ်းကတော့ နာတာလီဆိုတဲ့ ကောင်မလေးဟာ ဘာလီမှာ ကားဘီးပေါက်နေရင်း အာဝင်ဆိုတဲ့ ကောင်လေးတစ်ယောက်နဲ့ ဆုံဖြစ်ပါတယ်။ အာဝင်လည်း ဘီးပေါက်နေတဲ့ နာတာလီ့ကို ကူညီပေးရင်း သူတို့ နှစ်ယောက် ရင်းနှီးသွားခဲ့ပါတယ်။ ဒီလိုကနေ သူတို့ ချစ်သူတွေဖြစ်သွားကြပြီး ၂ နှစ်လောက် လက်တွဲလာခဲ့ကြပါတယ်။ အဲဒီနောက် သူတို့လည်း လက်ထပ်ပြီးကြတော့ ဘဝတစ်ခုကို ထူထောင်ဖို့ လုပ်ကြပါတယ်။ သို့သော် သာမန်လူတန်းစား အာဝင်တို့မိသားစုနဲ့ လူချမ်းသာ နာတာလီတို့ မိသားစုကြား မတူညီတာတွေ များကြသလို၊ စိတ်ဒဏ်ရာကိုယ်စီတွေနဲ့မို့ အချစ်တစ်ခု ဆက်ပြီး ရှင်သန်ဖို့ရာ ရုန်းကန်ကြရပါတော့တယ်။ Drama အမျိုးအစားဖြစ်တာမို့ အများကြီး ညွှန်းမနေတော့ပါဘူး။ ဇာတ်လမ်းအချိုးအကွေ့တွေကို ဝမ်းသာတစ်လှည့် ဝမ်းနည်း တစ်လှည့်နဲ့ ကြည့်ရှုလိုက်ပါဦး။ အညွှန်းနဲ့ဘာသာပြန်ကတော့ Leonard Lin ပဲဖြစ်ပါတယ် Genre..... Comedy, Drama, Family Quality…. 1080p | 720p File size… 1.11GB | 620MB Format… mp4 Duration…. 1h Subtitle…. Myanmar Subtitle (Hardsub) Translator ..... Leonard Lin Encoder ..... Aaron

ကောင်မလေးတစ်ယောက်ဟာ ချစ်သူနဲ့အတူနေပြီးနောက် ကိုယ်ဝန်ရှိလာပါတယ်။ ကောင်လေးကတော့ ကလေးယူဖို့ အချိန်မတန်သေးဘူးလို့ ယူဆပြီး ကိုယ်ဝန်ဖျက်ချဖို့ ပြောတယ်။ ဒါပေမယ့် ကောင်မလေးက ကိုယ်ဝန်ကို ဆက်ထားဖို့ ဆုံးဖြတ်လိုက်ပါတယ်။ အဖွဲ့အစည်းတစ်ခုရဲ့ အကူအညီနဲ့ မိသားစုတစ်စုရဲ့အိမ်မှာ သွားနေပြီး ကလေးမွေးဖို့ ကြိုးစားတယ်။ အစပိုင်းမှာ အိမ်ရှင်တွေက သဘောကောင်းပုံရပေမယ့် အဲဒီအိမ်မှာ နေထိုင်လာရင်း ပြဿနာမျိုးစုံနဲ့ ကြုံလာရတော့တာပါ။

ဘာသာရေးကိုင်းရှိုင်းဖို့၊ ပညာတတ်ဖို့နဲ့ အချင်းချင်း လေးစားတတ်ဖို့ သင်ကြားပေးတဲ့ အစ္စလာမ်ဘာသာ အမျိုးသမီးအဆောင်တစ်ခုမှာ အူစတက်ဂျယ်လနီဆိုတဲ့ ဆရာတစ်ယောက် ရှိပါတယ်။ အဲဒီနေရာမှာ အမျိုးသားဆိုလို့ သူတစ်ယောက်ပဲ ရှိတာပါ။ တစ်နေ့မှာတော့ ဆရာက ကျောင်းသူတွေနဲ့အတူ တားမြစ်ထားတဲ့ မကောင်းဆိုးဝါး “ကွာရင်းဂျင်းန်” ကို ဆင့်ခေါ်ဖို့ ကြိုးစားလာတယ်။ တားမြစ်ထားတဲ့ ကျမ်းစာနဲ့ လုပ်ရတဲ့ မကောင်းတဲ့ကိစ္စဆိုတာ ကျောင်းသူတွေ သိကြပေမယ့် မလိုက်နာရင် စာမေးပွဲမအောင်မှာကို ကြောက်နေကြပါတယ်။ ဒါကြောင့် ဆရာခိုင်းတဲ့အတိုင်း လုပ်ပေးလိုက်ကြပြီး ဆင့်ခေါ်မှုအပြီးမှာတော့ မူမမှန်တဲ့ အဖြစ်အပျက်တွေကို ကြုံလာကြရတော့တယ်။

သားသုံးယောက်နဲ့ သမီးတစ်ယောက်ရှိတဲ့ လင်မယားနှစ်ယောက်ဟာ သားတွေကို ပညာရေးကောင်းကောင်း ရစေချင်လို့ တခြားမြို့တွေမှာ ကျောင်းထားပေးခဲ့ကြပါတယ်။ အဲဒီကနေ သားတွေက လက်တွေ့ကျကျ စဉ်းစားတတ်လာပြီး ကိုယ်ဖြစ်ချင်တာကိုပဲ လုပ်ကြရင်း မိဘအိမ်ကို ပြန်မလာကြတာ ဆယ်နှစ်နီးပါး ရှိသွားတယ်။ အဘွားဖြစ်သူရဲ့ မင်္ဂလာအခမ်းအနားကို မိသားစုစုံစုံလင်လင် ကျင်းပချင်တဲ့အခါ မိဘနှစ်ပါးက သားတွေကို အိမ်ပြန်လာအောင် လှည့်ဖြားခေါ်ဖို့ ကြံကြပါတော့တယ်။ ပြန်ရောက်လာရင်လည်း ချက်ချင်း ထွက်မသွားကြအောင် ဘယ်လိုလုပ်ကြမလဲဆိုတာ ရှိနေသေးတယ်။ ဒီမိသားစုဟာသဒရာမာမှာ သားသမီးပျော်ရွှင်စေတဲ့ ရွေးချယ်မှုနဲ့ မိဘတွေရဲ့ ဆန္ဒဟာ အမြဲတမ်း ထပ်တူမကျနိုင်တဲ့အကြောင်းကို ပြောထားပါတယ်။ သဘောထားမတိုက်ဆိုင်ကြတဲ့အခါ အလျှော့ပေးဖို့ လိုအပ်ပုံ၊ မိဘတွေက လူကြီးဆိုပြီး အာဏာမပြသင့်သလို သားသမီးတွေကလည်း ကိုယ့်ဆန္ဒတစ်ခုတည်းကို ရှေ့တန်းတင်ပြီး မိဘတွေကို လျစ်လျူမရှုသင့်ပုံတို့ကို ထည့်သွင်းထားပါတယ်။

ရင်နီဟာ ဟာဖစ်ဇ်ဆိုတဲ့ သားလေးတစ်ယောက်ရှိပြီး အမျိုးသားဆုံးပါးသွားလို့ ပူဆွေးနေရသူပါ။ ချစ်ရသူကို လွမ်းနေတုန်းမှာပဲ ဇာတိရွာက အဒေါ်ပါ ထပ်ဆုံးသွားတဲ့အတွက် သားလေးကိုခေါ်ပြီး နာရေးအတွက် ရွာပြန်လာခဲ့ရတယ်။ ရွာမှာတော့ ဗလီအသစ်ကြီးတစ်ခု ဆောက်လုပ်နေပါတယ်။ ရွာကိုရောက်ပြီးနောက် ဟာဖစ်ဇ်ဟာ ကစားနေရင်း ပျောက်သွားပြီး တောအုပ်အလယ်မှာ သတိလစ်နေတဲ့အဖြစ်နဲ့ ပြန်တွေ့ရတယ်။ ကလေးတွေ ပျောက်ဆုံးသွားတဲ့နောက် ခြောက်လှန့်မှုတွေ ပိုဆိုးလာသလို ဆောက်လက်စဗလီမှာလည်း ပြဿနာအမျိုးမျိုး ပေါ်လာပါတယ်။ ရင်နီက ဒီပြဿနာတွေကို အဖြေရှာဖို့ ကြိုးစားလာတယ်။ အဲဒီလို စုံစမ်းရင်း သူဘယ်လိုပူးကပ်မှုတွေ ကြုံရမလဲ၊ ကလေးတွေကို ဘယ်လိုကယ်တင်မလဲ၊ ရွာသားတွေကရော ဘယ်လိုခြောက်လှန့်မှုတွေ ရင်ဆိုင်ရဦးမလဲဆိုတာ ဆက်တွေ့ရမှာပါ။

ဒီကားလေးကတော့ စူပါဟီးရိုးဖန်တွေအတွက် 2019 တုန်းက ထွက်ရှိထားတဲ့ အင်ဒိုနီးရှားစူပါဟီးရိုးဇာတ်ကားလေးပါ။ BumiLangit စတူဒီယိုကနေထုတ်လုပ်တာဖြစ်ပြီး BumiLangit Cinematic Universe(BCU) ရဲ့ ပွဲဦးထွက် စူပါဟီးရိုးကားလည်းဖြစ်ပါတယ်။ ဒီနှစ်ပိုင်းအတွင်းမှာ BCU ကနေ နောပ်ထပ် Sequals တွေထပ်ထွက်ဖို့ရှိပါသေးတယ်။ ဇာတ်လမ်းအကျဉ်းကတော့.... ဆောက်လုပ်ရေးကုမ္ပဏီကြီးတစ်ခုဟာ အောက်ခြေဝန်ထမ်းတွေကို အလုပ်တွေဖိခိုင်း၊ အချိန်ပိုတွေလုပ်ခိုင်းပြီး လစာတွေကိုကျတော့မစို့မပို့သာပေးပြီး အချိန်အကြာကြီးခေါင်းပုံဖြတ်နေခဲ့ပါတယ်။ အဲဒီလို အမြတ်ကြီးစားခေါင်းပုံဖြတ်တဲ့ ဆောက်လုပ်ရေးကုမ္ပရဲ့အထက်လူကြီးတွေကို သည်းမခံနိုင်တော့တဲ့အဆုံး တစ်နေ့မှာတော့အလုပ်သမားတွေဟာစုဖွဲ့ပြီး ဆန္ဒပြဖို့လုပ်ပါတော့တယ်။ အဲဒီဆန္ဒပြတဲ့အုပ်စုထဲမှာ ဆန်ချာကာဆိုတဲ့ကောင်လေးတစ်ယောက်ရဲ့ အဖေလည်းပါပါတယ်။ ဆန်ချာကာ ဆိုတာကတော့ မွေးကတည်းက ထူးခြားတဲ့စွမ်းအားနဲ့မွေးဖွားလာတဲ့ကလေးလေးပါ။ သူဟာ မိုးကြိုးတွေကနေခွန်အားတွေပြန်ယူနိုင်ပြီး ရန်သူတွေကိုလည်း လျှပ်စီးတွေနဲ့ ပစ်နိုင်တဲ့အစွမ်းရှိပါတယ်။ ပြီးတော့ သူ့စွမ်းအားတွေထုတ်နေတုန်းမှာဆိုရင် သူ့လက်ထဲကိုင်ထားတဲ့အရာဝတ္တုနဲ့ အမျိုးအစားတူတဲ့ပစ္စည်းတွေဟာ ကွဲကြေပျက်စီးနိုင်ပါတယ်။ ဒါပေမယ့် ဆန်ချာကာလေးဟာ သူ့မှာစွမ်းအားရှိနေတာကို မသိရှာပါဘူး။ ဆန်ချာကာရဲ့အဖေတို့ဟာ ဆန္ဒပြရင်းမတော်တဆဖြစ်ပြီး ငွေနဲ့မက်လုံးအပေးခံထားရတဲ့ တခြားစက်ရုံဝန်ထမ်းတစ်ယောက်ရဲ့လက်ချက်နဲ့ သေသွားခဲ့ရပါတယ်။ အဖေမရှိတော့တဲ့နောက်ပိုင်းမှာ ငွေကြေးအခက်အခဲကြောင့် ဆန်ချာကာအမေဖြစ်သူဟာ တစ်နေ့မှာ အပြင်ထွက်အလုပ်ရှာရင်းအပြီးတိုင်ပျောက်သွားခဲ့ပါတယ်။ မိဘမဲ့ဖြစ်သွားတဲ့ဆန်ချာကာလေးဟာ အိမ်ကနေထွက်၊ ကြုံရာလိုက်တောင်းရမ်းရင်း တခြားကလေးတွေလိုက်ရိုက်တာခံခဲ့ရပါတယ်။ ဆန်ချာကာကို နောက်ထပ်မိဘမဲ့လေးတစ်ယောက်က ကယ်တင်ခဲ့ပြီး နောက်နောင်ကိုယ့်ကိုယ်ကိုကာကွယ်နိုင်အောင် သိုင်းတွေလည်း သင်ပေးခဲ့လိုက်ပါတယ်။ ဒီလိုနဲ့ သိုင်းလည်းတတ် ၊ ကိုယ်ကိုယ်၌ကမသိသေးတဲ့အစွမ်းတွေကိုလည်း ပိုင်ဆိုင်ထားတဲ့ ဆန်ချာကာလေးဟာ နောက်ထပ်ဆယ်နှစ်လောက်ကြာတဲ့အခါမှာတော့.... ဒီဇာတ်ကားလေးဟာ comic ကိုအသက်ပြန်သွင်းထားတဲ့ BumiLangit Cinematic Universe ရဲ့ ပွဲဦးထွက်ဇာတ်ကားဖြစ်တာကြောင့် Gundala စတင်ဖြစ်လာပုံတွေ၊ Hero အသစ်တွေနဲ့ သူတို့ရဲ့ ဗီလိန်တွေကို မိတ်ဆက်တဲ့ ကနဦးဇာတ်ကားအနေနဲ့ပဲရှိပါသေးတယ်။ ဒါပေမယ့် ထင်ရက်စရာမရှိတာက ဇာတ်လမ်းကို အတတ်နိုင်ဆုံးဇာတ်အိမ်ကောင်းကောင်းဖွဲ့ပြီး ဗီလိန်နဲ့ ဟီးရိုးတွေကိုမိတ်ဆက်ပေးသွားတာပါပဲ။ စူပါဟီးရိုးကားသာဆိုပေမယ့် အချိတ်အဆက်မိတဲ့ အက်ရှင်ခန်းလေးတွေကလည် း The Raid ဇာတ်ကားထက်မလျော့တဲ့ ခံစားမှုမျိုးကိုပေးစွမ်းတာမို့ အားရစရာကောင်းလှပါတယ်။ IMDB Rating ကလည်း 7/10 တောင်မှဆိုတော့ ကြည့်ဖြစ်အောင်ကြည့်ဖို့ တိုက်တွန်းချင်ပါတယ်။ ဇာတ်ကားအညွှန်းနဲ့ ဘာသာပြန်ကတော့ ကျွန်တော် သဲသွေး (နေရဲနီ)ပဲဖြစ်ပါတယ်။ File Size : (900 MB)  Quality : WEB-DL 720p Running Time : 2hr 03min Format : Mp4 Genre : Action, Adventure, Drama Subtitle : Myanmar Subtitle (Hard Sub) Source : 1080p WEB-DL AAC x264-NonDRM Translated by Nay Yell N Encoded by Thanhtike Zaw