Ramzan Miah ပါဝင်သော ဇာတ်ကားများ

Lady Bird ရဲ့ ဒါရိုက်တာနဲ့ဇာတ်ညွှန်းဆရာဖြစ်တဲ့ Greta Gerwig ရဲ့ လက်ရာပဲဖြစ်ပါတယ်။ မာဂေါ့ရော့ဘီနဲ့ ရိုင်ယန်ဂို့စလင်းတို့ ပါဝင်ထားပါတယ်။ ဒေါ်လာ ၁.၃ ဘီလီယံအထိ ရရှိနေပြီး IMDb 7.3 နဲ့ လူကြိုက်များနေပါတယ်။ ဒီရုပ်ရှင်ဟာ အဓိကအားဖြင့် လူ့အသိုင်းအဝိုင်းနဲ့ ကျားဝါဒီ မဝါဒီတွေကို အခြေပြုတဲ့ ဟာသကားအနေနဲ့ ရိုက်ထားတာပါ။ ဖိုကြီးစိုးရေးဝါဒကိုအံတုနေရတဲ့ မိန်းမသားတွေ၊ မဝါဒီအားကောင်းလာချိန်မှာ ရုန်းကန်လာရတဲ့ ယောကျ်ားတွေ စသဖြင့်ပေါ့။ ဇာတ်လမ်းအကျဉ်း ဘာဘီတွေနဲ့ ကန်တွေဟာ သီးသန့်ကမ္ဘာတစ်ခုမှာနေထိုင်ကြပါတယ်။ အဲဒီကမ္ဘာမှာ ဘာဘီတွေ ကြီးစိုးနေပြီ သမ္မတ၊ သိပ္ပံပညာရှင်၊ တရားသူကြီး၊ နိုဘယ်ဆုရှင်အားလုံးက ဘာဘီချည်းပါပဲ။ ကန်ဆိုတဲ့ ယောကျာ်းတွေကတော့ ဘာဘီတွေကို မှီခိုနေရတဲ့ ဖျော်ဖြေနေရတဲ့သူတွေပေါ့။ ဘာဘီတွေဟာ လူသားကမ္ဘာကြီးကိုလည်း သူတို့တွေရဲ့ ဘာဘီအရုပ်တွေက ပိုကောင်းအောင်ပြောင်းလဲပြီး မိန်းမတွေကြီးစိုးနေပြီလို့ပဲ ထင်ထားခဲ့တာပါ။ ဘာဘီအမျိုးမျိုးရှိတဲ့အထဲမှာမှ မာဂေါ့ရဲ့ ဘာဘီကတော့ သမားရိုးကျဘာဘီ တစ်ယောက်ပဲဖြစ်ပါတယ်။ ဘယ်နေရာမှာ ထူးချွန်နေတာမဟုတ်တဲ့ ဘာဘီသက်သက်ပါပဲ။ တစ်နေ့မှာတော့ ဘာဘီဟာ သေခြင်းတရားအကြောင်းကိုတွေးမိရာကနေ ဘာဘီလောကနဲ့ အံမဝင်တော့ဘူး ဘာဘီအစွမ်းတွေပျောက်လာပြီး ဖြစ်တည်မှုသံသယတွေပွားလာပါတော့တယ်။ အဲဒါကို ကုသဖို့ နည်းကတော့ သူ့ကိုဒီလိုဖြစ်လာအောင်လုပ်နေတဲ့ ဘာဘီအရုပ်ပိုင်ရှင် ကလေးမတစ်ယောက်ကို လူသားကမ္ဘာထဲမှာ သွားရှာပြီး ပြန်ပြင်ဖို့ပါပဲ။ အဲဒီမှာ သူနဲ့အတူ ကန်လည်းလိုက်လာပါတယ်။ ဒါပေမဲ့ လူသားကမ္ဘာအရောက်မှာတော့ သူထင်သလိုမဟုတ်ဘဲ ယောကျာ်းတွေက မဝါဒီယောင်ပြရင်း ဖိုကြီးစိုးရေးကို မသိသာမြှပ်နှံအသုံးချဆဲဆိုတာ သိလာရသလို၊ မိန်းကလေးတွေကလည်း ဘာဘီရဲ့ အလှအပစံနှုန်းတွေကြောင့် မဝါဒီတိုးတက်ရေးနှစ် ၅၀ လောက် နောက်ကျသွားတယ်၊ မိန်းကလေးတွေရဲ့ ကိုယ့်ကိုယ်ကိုယ်တန်ဖိုးထားတဲ့ အတွင်းစိတ်ကို ဖျက်ဆီးပြီး မလိုအပ်တာတွအရူးအမူးဝယ်ယူချင်စိတ်တွေဖြစ်လာအောင်လုပ်တဲ့သူ၊ ဖက်ဆစ်မဆိုပြီးပါ စွပ်စွဲတာတွေရှိလာပါတယ်။ ဒီလို ကမ္ဘာကြီးနဲ့ ဘာဘီမြေမှာ ဆက်ဖြစ်လာတဲ့ ပြဿနာတွေကို ဘာဘီတစ်ယောက် ဘယ်လို ဆက်ဖြေရှင်းမလဲဆိုတာ ကြည့်ရမှာပါပဲ။ File Size : (1GB) / (2.4GB) / (4.50GB) Quality : WEB-DL 4K / 720p / 1080p Format…mp4 Duration…01:54:00 Genre : Adventure  ,Comedy,  Fantasy Subtitle : Myanmar Subtitle (Hard Sub) Translated by Mr.Anderson Encoded by Phyo Pyae , Thit San Khant

မိခင်ပျောက်ဆုံးမှုနဲ့ တုစ်ဘူရီရဲ့အမှုတို့ကို ဖြေရှင်းနိုင်ခဲ့ပြီးတဲ့နောက် အနိုလာဟုမ်းစ်က ကိုယ့်အစွမ်းကို ယုံကြည်လာပြီး ကိုယ်ပိုင်စုံထောက်လုပ်ငန်းတစ်ခု ဖွင့်လိုက်ပါတယ်။ ဒါပေမယ့် ငယ်ရွယ်တဲ့မိန်းကလေးတစ်ယောက်ကို ယုံယုံကြည်ကြည် အမှုလာအပ်မယ့်သူ မရှိတော့ လုပ်ငန်းက အရှုံးပေါ်ပြီး ရုံးခန်းပိတ်ဖို့တောင် စီစဉ်လာရတယ်။ အဲဒီအချိန်မှာ မီးခြစ်ဆံစက်ရုံအလုပ်သမ ကောင်မလေးတစ်ယောက်က ပျောက်နေတဲ့အစ်မကို ရှာပေးဖို့ ရောက်လာပါတယ်။ အနိုလာက လူပျောက်ကို လိုက်ရှာရင်း ဒီအမှုဟာ ထင်ထားသလို ရိုးရိုးလူပျောက်မှုမဟုတ်ဘဲ မသမာမှုတွေ၊ လာဘ်စားမှုတွေနဲ့ လူသတ်မှုတွေပါ ရောယှက်နေမှန်း တွေ့လာတယ်။ စုံစမ်းလေလေ သူကိုယ်တိုင်လည်း အန္တရာယ်တွေနဲ့ ရင်ဆိုင်လာရပါတယ်။ နက်ဖလစ်ရဲ့ ဒီဒုတိယကားမှာ မီလီ ဘော်ဘီ ဘရောင်းက အနိုလာအဖြစ်၊ ဟင်နရီ ကာဗယ်က အစ်ကိုဖြစ်သူ ရှားလော့ခ်ဟုမ်းစ်အဖြစ် ပြန်ပါဝင်ထားပါတယ်။ အစ်ကိုကြီး မိုက်ခရော့ဖ်တော့ ပြန်မပါလာပေမယ့် အနိုလာနဲ့ လော့ဒ်တုစ်ဘူရီတို့ရဲ့ အချစ်ဇာတ်လမ်းကို ဆက်ပြထားပါတယ်။

စကြဝဠာကြီး မဖန်ဆင်းရသေးခင်ကတည်းက ဖန်ဆင်းရှင်တွေ ရှိနေခဲ့ပါတယ်။ မဟာဖန်ဆင်းရှင် အာရစ်ရှမ်က ပထမဆုံးနေကို ဖန်ဆင်းပြီး စကြဝဠာကို အလင်းပေးခဲ့ရာက သက်ရှိတွေ စတင်ပေါ်ပေါက်လာကြတယ်။ အစပိုင်းမှာတော့ အရာအားလုံး ဟန်ချက်ညီညီနဲ့ သာယာနေခဲ့ပါတယ်။ ဒါပေမဲ့ အာကာသရဲ့ နက်ရှိုင်းတဲ့နေရာတွေမှာ ဒီးဗီးယန့်ဆိုတဲ့ မျိုးစိတ်တွေ ပေါ်လာပြီး အသိဉာဏ်ရှိတဲ့ သက်ရှိတွေကို စားသုံးလာကြတယ်။ စကြဝဠာထဲမှာ ကစဉ့်ကလျားဖြစ်လာတဲ့အခါ အာရစ်ရှမ်က အိုလမ်ပီယာဂြိုဟ်က မသေမျိုးသူရဲကောင်း အီတာနယ်တွေကို စေလွှတ်ပြီး ဒီးဗီးယန့်တွေကို ရှင်းလင်းခိုင်းခဲ့ပါတယ်။ အာဂျက်ဦးဆောင်တဲ့ အီတာနယ်တွေဟာ အာရစ်ရှမ်အပေါ် အမြဲသစ္စာရှိခဲ့ကြသူတွေပါ။ ဒါပေမဲ့ တာဝန်တစ်ခုနဲ့ ကြုံလာရတဲ့အခါ သူတို့အတွက် အရာရာ ပြောင်းလဲလာပါတော့တယ်။

ဒီရုပ်ရှင်ကတော့ Bohemian Rhapsody လိုပဲ ကမ္ဘာကျော် အဆိုတော်တစ်ယောက်ရဲ့ ဘဝဇာတ်ကြောင်းကို ရိုက်ကူးထားတာဖြစ်မှာပါ။ သရုပ်ဆောင်ကတော့ Kingsman ရဲ့ မင်းသားTaron Egerton ဖြစ်နေတာ တိုက်ဆိုင်တာပါပဲ။ Kingsman ရုပ်ရှင်ထဲမှာ အယ်လ်တန်ဂျွန်ပါခဲ့တာကိုး။ သူ့နာမည်ကတော့ အယ်လ်တန် ဂျွန်ပါ။ လူအများကြားဖူးကြမယ်ထင်ပါတယ်။ အပြည့်အစုံဆိုရင်တော့ ဆာ အယ်လ်တန် ဟာကျူလီ ဂျွန် ဖြစ်ပါတယ်။ သူဟာ အမေရိကရဲ့ ရော့ခ်ဂီတသမိုင်းမှာ အအောင်မြင်ဆုံး တစ်ကိုယ်တော်ဂီတသမားဖြစ်ပြီး ကမ္ဘာ့ဂီတသမိုင်းမှာ တတိယမြောက် အအောင်မြင်ဆုံး ဖြစ်ပါတယ်။ သူ့ရှေ့မှာ မက်ဒေါနား နဲ့ ဘီတယ်စ် ပဲ ရှိပါတော့တယ်။ (မကြာခင် ဘီတယ်စ်ရဲ့အကြောင်းဖြစ်တဲ့ Yesterday ရုပ်ရှင်လည်း ရုံတင်တော့မှာပါ) အယ်လ်တန်ဟာ ဂရမ်မီဆု 5ကြိမ်ရရှိခဲ့ပြီး အခြားသော ဆုကြီးတွေလည်း အများအပြားကို ရရှိခဲ့တာပါ။ Gold album 26 ခု၊ ပလက်တီနမ် နဲ့ မာလ်တိုင်ပလက်တီနမ် ၃၈ ခု၊ ဒိုင်းမွန်း တစ်ခု ရရှိဖူးပြီး ကမ္ဘာ့အခွေရောင်းရမှုအရေအတွက် သန်း ၃၀၀ ကျော်ရှိပါတယ်။ ဒီရုပ်ရှင်မှာတော့ သူ့ရဲ့ ငယ်ဘဝ၊ အောင်မြင်အောင် ရုန်းကန်ရပုံ၊ အောင်မြင်ပြီးနောက် ထုံးစံအတိုင်းခံစားရတဲ့ အောင်မြင်မှုဒဏ်တွေ၊ အထီးကျန်မှုတွေ၊ ဆေးနဲ့အရက်ပြဿနာတွေ၊ လိင်ကိစ္စအရှုပ်အရှင်းတွေ ကနေ ရုန်းထွက်ပြီး သာယာတဲ့ ဘဝကို တည်ဆောက်နိုင်ခဲ့ပုံအထိ ပြထားတာပါပဲ။ သူက ဖရက်ဒီမာကျူရီထက်တော့ ကံကောင်းခဲ့တယ်ပဲ ပြောလို့ရမလား မသိပါဘူး။ ဂီတရုပ်ရှင် ကြိုက်သူတွေအတွက်တော့ သီချင်းတွေနဲ့တင် တန်လှပါပြီလို့ ပြောရမှာပါပဲ။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်...

သရဲပုံပြင်လေးတွေနားထောင်လိုက်ရအောင်ဗျာ။ Andy Nyman အဓိကပါဝင်သရုပ်ဆောင်ထားပြီး Martin Freeman လည်းအားဖြည့်ထားပါတယ်။ IMDB Rating 6.7 နဲ့ Rotten tomatoes 82% ရရှိထားတဲ့ Horror,Drama ကားလေးပါ။ ကြောက်စရာလည်းကောင်းသလို စိတ်ဝင်စားဖို့လည်းကောင်းပါတယ်။ ကိုယ့်ဘဝအတွက်ကိုယ် အပြန်အပြန်အလှန်လှန် မေးခွန်းထုတ်စရာ မေးခွန်းတွေလည်းအများကြီးပါပါတယ်။ ကိုယ်ဘာတွေလိုချင်တာလဲ။ ဘာတွေဖြစ်ချင်တာလဲ။ ဘာတွေလုပ်နေတာလဲ။ ထိုက်တန်ရဲ့လား။ ဘယ်နေရာတွေကပုန်းကွယ် ထွက်ပြေးနေမိလည်း ကိုယ့်ကိုကိုယ် ပြန်ပြီးမေးခွန်းတွေထုတ်ချင်လာမှာသေချာပါတယ်။ အဓိပါ္ပယ်ရှိသလို Horror ကားပီပီသသကြောက်ရလန့်ရအောင် တင်ဆက်ပြထားပါတယ်။ ဇာတ်လမ်းအကျဉ်းကတော့ သဘာဝလွန်ဖြစ်ရပ်အတုတွေကိုဖော်ထုတ်နေတဲ့ Professor Goodman တစ်ယောက်သူရဲ့ Idol တစ်ယောက်ဖြစ်ပြီး နှစ်ပေါင်းများစွာထူးဆန်းစွာပျောက်သွားတဲ့ Professor Cameron ဆီက အဆက်အသွယ်ရပြီး သဘာဝလွန်ဖြစ်ရပ် ၃ခုကို အတုလားအစစ်လားဆိုတာ ဖော်ထုတ်ရင်း နောက်ဆုံးမှာ သဘာဝလွန်ဖြစ်ရပ်တွေက အစစ်အမှန်တွေလား အတုတွေလားဆိုတာ ကြည့်ရမှာပါ။ နောက်ဆုံးပိုင်းမှာ မမျှော်လင့်ထားတဲ့ပုံစံနဲ့ ထူးထူးဆန်းဆန်းဇာတ်သိမ်းထားတာကိုလည်းတွေ့ရမှာပါ။ ဒီကားမှာ ကြောက်ရမှာတွေ တွေးရမှာတွေအများကြီးပါပဲ။ (ဇာတ်လမ်းအညွှန်းနဲ့ဘာသာပြန်သူကတော့  d3mon ပါ) File Size : (750 MB) and (330 MB) Quality : WEB-DL 720p Running Time : 1hr 38min Format : Mp4 Genre : Drama, Horror Subtitle : Myanmar Subtitle (Hard Sub) Source : 720p WEB-DL DD5.1 H264-CMRG Translated by d3mon Encoded by Thanhtike Zaw