Rif Hutton ပါဝင်သော ဇာတ်ကားများ

The Twits (2025) ++++++ တစ်ခါက တစ်လောကလုံးကို မုန်းပြီး ဘယ်သူနဲ့မှမတည့် အချင်းချင်းလည်း မတည့်ပြန်တဲ့ တွစ်လင်မယားနှစ်ယောက် ရှိပါတယ်။ သူတို့နှစ်ယောက်ကို သဘောထားတိုက်ဆိုင်စေပြီး သူတို့ချစ်တဲ့အရာဆိုလို့ သူတို့ခြံနောက်က တွစ်လန်းဒီးယားဆိုတဲ့ ကစားကွင်းကြီးသာ ရှိပါတယ်။ သူတို့က ဒီကစားကွင်းကြီးကို ဖွင့်ပြီး ကြီးပွားချင်တာပါ။ ဒါပေမဲ့ ကစားကွင်းကြီး မဖွင့်ရသေးခင်မှာပဲ သတ်မှတ်ချက်တွေနဲ့ မကိုက်ညီဘူး အန္တရာယ်ရှိတယ်ဆိုတဲ့အချက်နဲ့ မြို့တော်က ကစားကွင်းကို လာပိတ်သွားခဲ့ပါတယ်။ ဒါကို မကျေနပ်တဲ့ တွစ်တို့က တစ်မြို့လုံးကို ဒုက္ခပြန်ပေးဖို့ ကြံစည်ပါတော့တယ်။ ဒီမသမာမှုမှာ ဘီရှာနဲ့ဘက်စီဆိုတဲ့ မိဘမဲ့ကလေးလေးနှစ်ယောက် ပါဝင်လာပြီး သူတို့နှစ်ယောက်က တွစ်တို့ရဲ့ အကြံတွေ အထမမြောက်အောင် လိုက်လံတားဆီးပါတော့တယ်။ File Size… (2.04GB) / (1.01GB) Quality… WEB-DL 1080p HEVC /720p Format…mkv / mp4 Duration…1h 38m Genre … Adventure , Animation , Comedy , Family Subtitle….Myanmar Subtitle (Hard Sub)

Startrek Franchise ထဲက ကားကောင်းတစ်ကားထွက်လာပါတယ် မင်းသမီး မီချဲရို ဦးဆောင်ပါ၀င်ထားတဲ့ ဒီကားဟာ Star trekအကြောင်းကို သေချာနားမလည်လဲကြည့်လို့ရတဲ့အထဲမှာပါတယ် .. ဖက်ဒရေးရှင်းရဲ့ အသေခံကြေးစားအဖွဲ့လို့သတ်မှတ်လို့ရတဲ့ Section 31 အဖွဲ့ဟာ ဖက်ဒရေးရှင်း နယ်စပ်နားမှာရောက်နေတဲ့ အင်ပါယာသခင်မ ဖီလစ်ပါဂျော်ဂျာက်ုဖမ်းဆီးပြီး သူ့ဆီက စကြ၀ဠာဖျက်လက်နက်ကို အရယူဖို့ တာ၀န်ပေးလိုက်တယ် ဒါပေမယ့် ဒီအရာကိုစိတ်၀င်စားနေတာ သူတို့ချည်းမဟုတ်ဘဲ ဗော်ကန်နဲ့ တစ်ခြား ဂြိုလ်သားတွေနဲ့ပါထိပ်တိုက် ရင်ဆိုင်ဖို့ဖြစ်လာတဲ့အခါမှာတော့ Noo stop action ကြည့်ရမယ့် ကားကောင်းတစ်ကားဖြစ်ပါတယ်။ File size… (5.32GB) / (1.70GB) / (930MB) Quality… WEB-DL 1080p HEVC / 720p Format…mkv / mp4 Duration….1h 35m Genre ….. Action , Adventure , Drama , Sci-Fi Subtitle….Myanmar Subtitle (Hard Sub) Encoder….Min Wai Translated by Thiha Yan Naing

Rattled! (2024) IMDb Rating (4.6) / Rotten Tomatoes (67%) ဗေးကတ်က ရာဇဝတ်သားအုပ်စုက ပြန်ပေးဆွဲဖို့ အလုပ်ရလာခဲ့တယ်။ ဒါပေမဲ့လူမှားပြီး ပြန်ပေးဆွဲမိပြီးတော့ မှုခင်းနေရာမှာ ကျန်ရစ်ခဲ့တဲ့ သက်သေခံပစ္စည်းတွေကြောင့် တစ်အုပ်စုလုံး ဒုက္ခရောက်ပါတော့တယ်။ ဒီဇာတ်ကားလေးက comedy-drama လေးမလို့ အမှားတွေလုပ်နေရင်းနဲ့ သူတို့ ဘယ်လိုဟာသတွေ ဖြစ်ဦးမလဲဆိုတာကိုလဲ တွေ့ရဦးမှာပါ။ မှားပြီးပြန်ပေးဆွဲမိတဲ့သူက ဘယ်သူလဲ ဘာတွေဆက်ဖြစ်သွားမလဲဆိုတာကတော့ ဇာတ်ကားလေးကြည့်ရင်း မြင်တွေ့သွားရမှာပဲ ဖြစ်ပါတယ်။ (အညွှန်းနဲ့ဘာသာပြန်ကတော့ Eaint Phu Khin ဖြစ်ပါတယ်။) File size… (1.3 GB) / (620 MB) Quality…. WEB-Rip 1080p HEVC / 720p Format…. mkv/mp4 Genre…. Comedy, Crime Duration…. 01:17:15 Subtitle…. Myanmar Subtitle (Hardsub) Encoder…. Benjamin Translated by Eaint Phu Khin

ကျောင်းစရိတ်ချေးငွေ ၇၀၀၀၀ ကို မဆပ်နိုင်တဲ့ မိန်းကလေးတစ်ယောက်ဟာ ငွေရလွယ်မယ့် အလုပ်တွေကို လိုက်ရှာနေပါတယ်။ အဲဒီကနေ ခရက်ဒစ်ကတ်လိမ်လည်တဲ့ ဒုစရိုက်လောကထဲ ရောက်သွားပြီး အစက မကျွမ်းမကျင်လုပ်ခဲ့ရာက တဖြည်းဖြည်း အထာသိလာတယ်။ ဒါပေမဲ့ အလုပ်ကို ကျွမ်းလာတာနဲ့အမျှ အခက်အခဲတွေကလည်း တစ်ခုပြီးတစ်ခု ပေါ်လာပါတယ်။ ဒုစရိုက်လောကမှာ နေရာရပြီးသားသူတစ်ယောက်အကြောင်းထက် အခြေအနေအရ ဝင်ပါမိရာကနေ ကျင်လည်လာတဲ့သူအကြောင်းကို ရိုက်ထားတဲ့ မှုခင်းဒရာမာပါ။ John Patton Ford ကိုယ်တိုင် ဇာတ်ညွှန်းရေးပြီး ဒါရိုက်တာအဖြစ် ပွဲဦးထွက်ရိုက်ကူးထားတာဖြစ်ပါတယ်။ ဘတ်ဂျက်နည်းနည်းနဲ့ ရိုက်ထားပြီး နာမည်ကြီးထိပ်တန်းသရုပ်ဆောင်တွေ မပါဝင်ပေမဲ့ ဝေဖန်ရေးဆရာတွေရဲ့ အာရုံစိုက်မှုရခဲ့သလို ရုပ်ရှင်ပွဲတော်တွေမှာလည်း ဆုတွေရထားပါတယ်။

ကြောင်အမတ်ကြီး အစ်ကချူဟာ ရှိုးဂန်းကြောင်ကြီးကို မျက်နှာလုပ်ဖို့ နန်းတော်ကြီးတစ်ခု ဆောက်နေပါတယ်။ ဒါပေမယ့် နန်းတော်ကနေ မြင်ရမယ့် ရှုခင်းကို ရှေးဟောင်းကြောင်မြို့လေး ကာကာမူချိုက ပိတ်နေတယ်။ ဒါကြောင့် မြို့ကို ရှင်းပစ်ဖို့ ကြောင်နင်ဂျာတွေကို တိတ်တဆိတ် လွှတ်ပြီး ဖျက်ဆီးခိုင်းလိုက်ပါတယ်။ မြို့သားတွေက သူတို့ကို ကာကွယ်ပေးမယ့် ဆာမူရိုင်းတစ်ယောက် ပို့ပေးဖို့ ရှိုးဂန်းဆီမှာ တောင်းဆိုကြတယ်။ ရှိုးဂန်းက အဲဒီတာဝန်ကို အစ်ကချူဆီပဲ ပြန်အပ်လိုက်တဲ့အခါ သူ့အတွက် အခက်တွေ့သွားပါတယ်။ ဒါပေမယ့် အစ်ကချူက အကြံတစ်ခု ထုတ်လိုက်တယ်။ ဆာမူရိုင်းဖြစ်ချင်လွန်းလို့ ကြောင်တိုင်းပြည်ထဲ ခိုးဝင်လာရာက အဖမ်းခံထားရတဲ့ ခွေး ဟန့်ခ်ကို လွှတ်ပေးပြီး ဆာမူရိုင်းဘွဲ့ပေးကာ ကာကာမူချိုကို စောင့်ရှောက်ဖို့ လွှတ်လိုက်ပါတယ်။ သူ့အကြံက ခွေးမုန်းတဲ့ မြို့သားကြောင်တွေ ဟန့်ခ်ကို သတ်လိုက်ရင် အဲဒါကို အကြောင်းပြပြီး မြို့ကို အရေးယူဖို့ပါ။ ဒါပေမယ့် ကြောင်တွေနဲ့ ခွေးဆာမူရိုင်းက အတွဲညီသွားပြီး သူ့နင်ဂျာတွေကို ပြန်တိုက်ခိုက်လာကြတဲ့အခါ အစ်ကချူရဲ့ အကြံအတိုင်း ဖြစ်မလာတော့ဘူး။ ဒီအက်ရှင်ဟာသကာတွန်းမှာ ဆမ်မြူရယ် ဂျက်ဆန်က ဆာမူရိုင်းတစ်ယောက်အဖြစ် အသံသရုပ်ဆောင်ထားပါတယ်။

၁၉၉၅ ခုနှစ်မှာ အန်ဒီဆိုတဲ့ကောင်လေးဟာ ဘက်ဇ်လိုက်ရီးယားအရုပ်ကို မွေးနေ့လက်ဆောင်ရခဲ့ပါတယ်။ အဲဒီအရုပ်က အန်ဒီအရမ်းကြိုက်တဲ့ ရုပ်ရှင်ထဲက ဇာတ်ကောင်ကို ပုံစံယူထားတာပါ။ Lightyear ကတော့ Toy Story ထဲက အရုပ်တွေရဲ့အကြောင်းကို ဆက်ပြတာမဟုတ်ဘဲ အန်ဒီကြိုက်ခဲ့တဲ့ အဲဒီရုပ်ရှင်ရဲ့ဇာတ်လမ်းကို ပြထားတာဖြစ်ပါတယ်။ ဘက်ဇ်လိုက်ရီးယားဟာ ကြယ်တာရာစခန်းကြီးရဲ့ လေ့လာရေးအဖွဲ့မှာ ပါဝင်တဲ့ ကပ္ပတိန်အဆင့် အာကာသရိန်းဂျားတစ်ဦးပါ။ ထူးဆန်းတဲ့ ဂြိုဟ်တစ်ခုပေါ်ကို သွားလေ့လာရင်း ဂြိုဟ်သားတွေနဲ့ တိုက်ပွဲဖြစ်ကြရာက သူတို့ရဲ့ယာဉ် ပျက်ကျသွားပြီး အလင်းအလျင်နဲ့ မောင်းနှင်နိုင်တဲ့စနစ်ပါ ပျက်စီးသွားပါတယ်။ အိမ်ပြန်လို့ မရတော့တဲ့အတွက် အဖွဲ့သားတွေဟာ အဲဒီဂြိုဟ်ပေါ်မှာ အသက်ရှင်နေထိုင်နိုင်ဖို့ ကြိုးစားကြရပါတယ်။ ဘက်ဇ်ကတော့ ယာဉ်ကို အလင်းအလျင်နဲ့ ပြန်မောင်းနိုင်အောင် ပြုပြင်ပြီး အားလုံးကို အိမ်ပြန်ပို့ပေးဖို့ စွန့်စားရပါတော့တယ်။

ဒီကားက အပိုင်း (၁) ထက် အများကြီး ပိုမိုက်ပါတယ်! ဂိမ်းကစားဖူးမှ ကြည့်လို့ရတာမျိုးမဟုတ်ဘဲ ဘာမှမသိဘဲ ဝင်ကြည့်ရင်တောင် အူတက်အောင် ရယ်နေရမယ့် ကားမျိုးပါ။အရင်က မတည့်ကြတဲ့ ငှက် (Birds) တွေနဲ့ ဝက် (Pigs) တွေက ဒီတစ်ခါမှာတော့ "ရန်သူ့ရန်သူဟာ မိတ်ဆွေ" ဆိုပြီး မဖြစ်မနေ လက်တွဲလိုက်ကြရရော။ ဘာလို့လဲဆိုတော့ ရေခဲကျွန်းက Zeta ဆိုတဲ့ အန်တီကြီးက သူတို့ကျွန်းတွေကို ဖျက်ဆီးမယ်လို့ ခြိမ်းခြောက်လာလို့လေ။ အဲ့ဒီမှာ Red တို့အဖွဲ့နဲ့ ဝက်ဘုရင် Leonard တို့ မတည့်အတူနေပြီး ကမ္ဘာကြီးကို ကယ်ဖို့ လွဲကြချော်ကြတာတွေကို ကြည့်ရမှာပါ။ ငှက်နဲ့ ဝက် ပေါင်းလုပ်တော့ အဆင်ပြေမယ်ထင်လား? လုံးဝပဲ။ တစ်ယောက်တစ်ပေါက်နဲ့ ဖြစ်နေတာက တကယ်ရယ်ရတယ်။ အထူးသဖြင့် ဝက်ဘုရင် Leonard ရဲ့ အပေါက်တွေက တော်တော်ဆိုးပါတယ်။ Chuck ရဲ့ ညီမလေး Silver ပါလာတာ ဒီကားရဲ့ အသက်ပဲ။ ဉာဏ်ကြီးရှင်မလေးဆိုတော့ Red ကို ပါးပါးလေးနဲ့ ပြန်ပညာပေးတာတွေက ကြည့်လို့ကောင်းတယ်။ငှက်ပေါက်စလေး ၃ ကောင် ဥပြန်လိုက်ကောက်တဲ့ ဇာတ်လမ်းတိုလေးတွေ ကြားညှပ်ပါလာတာရှိတယ်။ အဲ့ဒါလေးတွေက အရမ်း Cute ဖြစ်သလို ရယ်လည်းရယ်ရတယ်။90s သီချင်းဟောင်းလေးတွေနဲ့ တခြား နာမည်ကြီး Pop သီချင်းတွေကို ကွက်တိနေရာတွေမှာ ထည့်သုံးထားတာမို့ vibe က တော်တော်ကောင်းတယ်။ Weekend မှာ ခေါင်းရှုပ်မခံချင်ဘဲ အေးဆေးရယ်မောချင်တယ်ဆိုရင်တော့ Angry Birds 2 က အသင့်တော်ဆုံးပါပဲ။ မုန့်စားပြီး မိသားစုနဲ့ပဲကြည့်ကြည့်၊ သူငယ်ချင်းတွေနဲ့ပဲကြည့်ကြည့် ရှယ်ပျော်ဖို့ကောင်းတဲ့ ကားလေးပါ။ File size… 6 GB/ 2.6 GB / 1.2 GB Quality… Blu - Ray 4K/ 1080p / 720p Format… mp4 Duration…. 1h 37m Genre .....Animation / Comedy / Adventure Subtitle…. Myanmar Subtitle (Hard Sub)

IMDb - 6.3/10 Rotten - 62% သွေးစုပ်ဖုတ်ကောင်ကြီး ဒရက်ကူလာခေါ် ဒရက်ဟာ မုဆိုးဖို ဖြစ်ပြီး နောက်ပိုင်းမှာ အထီးကျန်  ဝေဒနာ ခံစားနေရတာကြောင့် သူ့ သမီးမေးဗစ္စက သူ့အတွက် ချစ်သူအသစ် ရှာပေးရင်း ပင်လယ်ကူး အပျော်စီးသင်္ဘောကြီးနဲ့ အပန်းဖြေခရီးထွက်ဖို့ စီစဉ်ပေးပါတယ်။ ဒရက်၊မေးဗစ္စနဲ့ သူမခင်ပွန်းဂျော်နီတို့ ဦးဆောင်ပြီး ဒရက်မိသားစုပိုင် ဟိုတယ်မှာ လာတည်းတဲ့ ဧည့်သည်တွေအားလုံး ဂယ်လက်ဇီသင်္ဘောကြီးနဲ့ ခရီးထွက်ကြတော့  ချောမောလှပတဲ့ လူသားရေယာဉ်မှူး အဲရစ်ကာကို ဒရက်က မြင်မြင်ချင်း ချစ်မိသွားတယ်။ ဒရက်အလစ်မှာ  အဲရစ်ကာက သင်္ဘောအောက်ထပ်မှ ာ ပုန်းပြီး လိုက်ပါလာတဲ့ သူမအဘိုး ဗင်ဟဲလ်ဆင်းနဲ့ သွားတွေ့တယ်။ ဗင်ဟာ သွေးစုပ်ဖုတ်ကောင်နဲ့ တ ခြား ကြောက်စရာ သတ္တဝါကောင်တွေ အားလုံးကို မျိုးဖြုတ်သုတ် သင်ဖို့ အမြဲကြိုးစားနေသူ ဖြစ်တယ်။ သည်တစ်ခါတော့ ရှေးဟောင်းရေ အောက်မြို့တော် အက်လန်းတစ် မှာ ရှိတဲ့ အဖျက်လက်နက်ကို ရယူပြီးရင် သတ္တဝါကောင်အားလုံးသတ်ဖို့ အကြံဖြင့် အဲရစ်ကာကို အဲဒါသွားယူခိုင်းပါတယ်။ ဒရက်ကို အလျင်စလိုမ သတ်ဖြတ်ဖို့ ဗင်က မှာတာ အဲရစ်ကာက မလိုက်နာဘဲ ၎င်းကို နည်းမျိုးစုံနဲ့သတ်ဖို့ အကြိမ်ကြိမ် ကြိုးစားပေမဲ့ မအောင်မြင်ဘူး။ ဒရက်က ကျွန်းလေးပေါ်မှာ နှစ်ယောက်အတူချိန်းတွေ့ဖို့ ပြောတော့ အဲရစ်ကာက ၎င်းကို သတ်ခွင့်ရမယ်ထင်ပြီး လက်ခံကာ ညစာစားကြတယ်။ သိပ်မကြာခင်မှာ အဲရစ်ကာကို မေးဗစ္စက သံသယဝင်စပြုလာတယ်။ အက်လန်းတစ်မြို့ဟောင်း ကြီးဆီမှာ ဂယ်လက်ဇီသင်္ဘောဆိုက်တော့ အဲဒါကြီးကို ကာဆီနိုအသွင်ပြောင်းထားပုံတွေ့ကြရပြီး အဲရစ်ကာက မြေအောက်အုတ်ဂူ ထဲက အဖျက်လက်နက်ကို ရှာဖွေရယူတယ်။ သူမနောက် လိုက်ချောင်းတဲ့ မေးဗစ္စကိုတော့ ဘိုးဘွားအမွေပစ္စည်းပါလို့ လိမ်ပြောတယ်။ အဲရစ်ကာက အဖျက်လက် နက်ကို အဘိုးဖြစ်သူ ဗင့်လက်ထဲ ပေးအပ်ပြီး ဗင်က သီချင်းဖွင့်တဲ့ ဒီဂျေကို ဖယ်ရှားကာ အဖျက်လက် နက်ကို ဖွင့်လိုက်တဲ့အခါ သတ္တဝါ အားလုံးကို တိုက်ခိုက်သတ်ဖြတ်မယ့် ရေအောက်သတ္တဝါကောင် ကြီး ခရာကင်လည်း နှစ်ပေါင်းများစွာအိပ်ပျော်နေရာက နိုးလာပြီး ရေ ပြင်အထက် ဘွားခနဲ ပေါ်လာတဲ့ အခါမှာတော့ ဂျင်နဒီတာတာကော့ဗ်စကီးနဲ့ မိုက်ကယ်မက်ကူးလားတို့ရဲ့ ဇာတ် ညွှန်းကို ဂျင်နဒီက စီစဉ်ရိုက်ကူးပြီး အာဒမ်ဆင်းဒလား၊ ဆဲလီးနားဂိုး မက်ဇ်၊ကက်သရင်းဟန်းနဲ့ အင်ဒီဆင်းဘာ့ဂ်တို့က အသံဖြင့် သရုပ် ဆောင်ပေးထားကြတဲ့ သည်ဇာတ်ကားဟာ ၂၀၁၁ ခုနှစ်က စတင်အောင်မြင်မှုရခဲ့တဲ့ သရီးဒီကာ တွန်းဇာတ်ကားတွေရဲ့ အဆက် တတိယမြောက် ဇာတ်ကားဖြစ်ပြီး IMdb အဆင့် ၆.၃/၁၀ ရရှိကာ ဝေဖန်ရေးဆရာတချို့သာ ချီးမွမ်းထားပေမဲ့ ကာတွန်းရုပ်ရှင်ချစ်သူ အားလုံး နှစ်သက်မယ့် ကာတွန်း ဇာတ်ကားဖြစ်ပါတယ်။ (ဇာတ်လမ်းအညွှန်းကိုတော့ kumudranews မှကူးယူဖော်ပြထားတာဖြစ်ပြီး ဘာသာပြန်သူကတော့ ကိုဇွဲခန့်သွင်ပါ) File Size : (750 MB) (1.5 GB) Quality : Blu-Ray 720p and 1080p Running Time : 1hr 37min Format : Mp4 Genre : Adventure, Animation, Comedy, Family Subtitle : Myanmar Subtitle (Hard Sub) Source : 720p.BluRay.x264-BLOW Translated by Zuel Khant Twin Encoded by Thanhtike Zaw

ကြီးမားတဲ့စွမ်းအားမှာကြီးမားတဲ့ဝတ္တရားရှိတယ်ဒီစကားပုံလေးကိုမြင်တာနဲ့long long ago Spider man movie ထဲကUncle Ben ပြောတာကို ပြန်မြင်ယောင်မိကြမှာပါ Spider man ဆိုတဲ့ comic characterကို Tobey Magurie နဲ့ triologyရိုက်ခဲ့သလို Andrew Garfield နဲ့လဲ၂ ကားထပ်ရိုက်ခဲ့ပါတယ် Tobey ရော Andrew ရော အတော်အောင်မြင်ခဲ့တယ်ပြောရမှာပါ အခု Into the spiderverse ဆိုပြီး Animation တစ်ကားထပ်ထွက်လာပါတယ် ဒီ Spiderverse မှာ ကျွန်တော်တို့အချစ်တော် ပီတာပါကာ အပါဝင် မိုင်းစ်မိုရဲလတ်စ် ဆိုတဲ့ လူမဲ စပိုက်ဒါမန်းလေး ပါမြင်ရမှာပါ အခုကားက Comic timeline နဲ့လုံးဝကွဲထွက်ပါတယ် အခြား comic game reference တွေယူပြီး သူ့ဘာသူတည်ဆောက်သွားတယ် spider man 6 ယောက်ထည့်သွင်းထားတယ် spiderverse ဆိုတဲ့အတိုင်း multiverse တွေကလာတဲ့ အခြားspider man တွေပါလာတယ် ဇာတ်လမ်းအကျဉ်းကတော့ villain ဖြစ်တဲ့ ကင်းပင်က အမှုန်အရှိန်ပေးစက်သုံးပြီး portal တွေဖွင့် အခြားuniverse က သူ့မိသားစုကိုပြန်ခေါ်ဖို့လုပ်ပါတော့တယ် ဒါပေမယ့် အမှုန်အရှိန်ပေးစက်ရဲ့ side effect ကြောင့် reality တွေပျက်စီးပြီး မြို့ပျက်တော့မှာသိလို့ ပီတာပါကာက ဝင်တားတယ် အဲ့အချိန်မှာပဲ မိုင်းစ်မိုရဲလတ်စ်က ပင့်ကူကိုက်ခံရပြီး spider man အစွမ်းတွေရခါစ ဒီလိုနဲ့ multiverse တွေက portal တွေပွင့်ပြီး မိုင်းစ်မိုရဲလတ်စ် တို့ universe ကို အခြား universe တွေက Peter Parker, Spider Gwen, Peni Parker, Spider man Noir နဲ့ PeterPorker တို့ရောက်လာပါတယ် အတော်လေးကိုပြီးပြည့်စုံတဲ့ story lineလို့မြင်မိပါတယ် Animationပိုင်းတွေကတော့ပြောစရာကိုမလိုဘူးPeni Parker တို့ Peter Porker (SpiderHam) တို့ပါထည့်ထားတာ စိတ်ဝင်စားဖို့ကောင်းတယ် အကောင်းဆုံးလို့ဆိုရမှာက theme song နဲ့ background music ပဲ theme song တွေက unique ဖြစ်တယ် ဥပမာ Prowler လာတဲ့အခန်းတွေမှာဆို သူလာမှန်းသိရတဲ့ theme song မျိုးတွေ Spider man ဇာတ်ရုပ်တိုင်းမြူ းမြူ းကြွကြွ theme song တွေက ကြည့်ရတာ တကယ်မိုက်တယ် အားတက်စရာကောင်းတယ် plot ကလဲအတော်လေးကိုကွဲထွက်တယ် ပြီးတော့အခြား spider man game တွေ ထဲက villain တွေပါတွဲမြင်ရတာအားရစရာပါ ကျွန်တော် Marvel ရော DC fan ပါ ဒါပေမယ့်အဲ့ထဲမှာ အသနားမိဆုံးက spider man ပဲ အခြား superhero တွေလိုမချမ်းသာဘူး နာမည်မကြီးဘူး သာမန်ဓာတ်ပုံဆရာလေးတစ်ယောက် နေ့စဉ်အလုပ်တွေနဲ့ ရုန်းကန်နေတဲ့ကြားက အသက်ကယ်ဖို့ နှစ်ခါပြန်မစဉ်းစားတဲ့ Super strength နဲ့သာမညလူသား သူ့အတွေးကရိုးစင်းတယ်ဒါပေမယ့် သူ့အပြုအမူနဲ့ဆုံးဖြတ်ချက်ကအောချရတယ် ဘယ်အခြေနေမှာဖြစ်ဖြစ် spider manဆိုတာစိတ်ဓာတ်ကျတတ်တဲ့ hero မဟုတ်ဘူး သူ့ကြည့်လိုက်ရင်အမြဲပျော်ရွှင်နေတတ်တဲ့ကျွန်တော်တို့ရဲ့ friendly neighbourhood spider man Animation ကားလို့ဆိုပေမယ့် Tobey ရဲ့ spider man တုန်းကလိုဖီလ်းမျိုးအငွေ့အသက်မျိုး ပြန်ခံစားလိုက်ရတယ် ကြည့်ရတာတော်တော်တန်ပါတယ် Spider man ကို ကလေးဘဝကတည်းကကြိုက်ခဲ့တာခုချိန်ထိပဲ

Wow… လို့ အရင်ပြောပါရစေ… Resident Evil: The Final Chapter နဲ့ ဂျင်းသိပ်ခံရတာတွေ ဒီ Animation Movie နဲ့ ပြန်ဖြေသိမ့်လိုက်ရတယ်… IMDb 7.1/10 ထိရထားတယ် ဆိုရင် သိလိုက်တော့… ကိုယ်တွေ လွမ်းနေတဲ့ ခရစ် ပါမယ် ရေဗက္ကာ ပါမယ် လီယွန် ပါတယ် ဇတ်လမ်းက နည်းနည်းတော့ Game ဆန်မယ် ကိုယ်တွေက Game အဆော့များလို့လား မပြောတက်ပေမယ့် Game Story နဲ့ နဲနဲသွားဆင်နေတယ် သိပ်မကြာသေးခင်က ထွက်ရှိထားတဲ့  Resident Evil 7: Biohazard (Game) လိုမျိုး ဇတ်လမ်း ကြိုမသိနိုင်တဲ့ပုံစံမျိုး နဲ့ ဇတ်သိမ်းသွားတယ်… အမှန်အတိုင်းပြောရရင် ရမယ်ရှာပြီး ဆွဲဆန့်ထားတဲ့ Resident Evil ဇတ်လမ်းတွေဟာ တစ်ဖြေးဖြေး ချာလာပေမယ့် ခုနောက်ပိုင်း Japan က Game နဲ့ Animation တွေဟာ ဖန်တရာတေနေတဲ့ Umbrella Corporation ကို တစ်ဖြေးဖြေး ကျနော်တို့ဆီကနေ အစဖျောက် ဆွဲထုတ်သွားခဲ့ပါပြီ…. အရင်က umbrella ရဲ့ ဖော်မြူလာက တစ်ဦး ကနေ တစ်ဦး ကိုက်ပြီး သတ်ဖြတ်ပြီး ကူးမယ် အသိဉာဏ်မဲ့ပြီး သွေးနံ့ရသမျှ ကိုက်မယ် ဆိုတာတွေ  အခု ဗီလိန် အသစ် အေရိစ် ရဲ့ လက်ထပ် မှာ တစ်မျိုးပြောင်းလဲလိုက်ပါပြီ သူကမှ တကယ့်စစ်တပ်တစ်ခုကို ဖန်တီးလိုက်နိုင်ပါတယ်… အေရိစ် ဟာ ဗိုင်းရပ်စ် ဖော်မြူလာ ကို ထပ်ပြီး ဆန်းသစ်ကာ Zombie တွေကို ထိန်းချူပ်နိုင်တဲ့ ဖော်မြူလာ အဖြစ်ပြောင်းလဲခဲ့ပါတယ်.. အသိဉာဏ်ရှိတဲ့ တကယ့် Zombie တပ်ဖွဲ့ကို ဖန်ဆင်းနိုင်ခဲ့တာပါ…. ဇတ်လမ်းကို ဘယ်နည်းနဲ့မှ အမြည်းအဖြစ် မပေးနိုင်တာကိုတော့ ခွင့်လွှတ်ပေးပါ ကျနော့် လက် နဲ့ ရေးမပြနိုင်ချင်လောက်အောင် ကျနော့် ရဲ့ ဝါသနာတူ Resident Evil Fan တွေကို ခံစားစေချင်လို့ မြန်မာစာတန်းထိုး နဲ့ တင်ပေးလိုက်ပါပြီ  Download ဆွဲကြည့်လိုက်ပါခင်ဗျာ… ပြီးရင် ကျနော် ညွှန်းထားသလို ဟုတ်မဟုတ် ဆိုတာ ကြည့်လိုက်ပေါ့ဗျာ… File Size : 1 GB Quality : WEB-DL Running Time :  1h 37min Format : Mp4 Genre : Animation, Action, Adventure Translator : Tariq L Walker Encoder : ThitSanKhant

ဒီဇာတ်ကားက Ice age franchiseရဲ့ ပဥ္ဇမဇာတ်ကား ဖြစ်သလို ​နောက်ဆုံးဇာတ်ကားလည်း ဖြစ်ပြီး ၂၀၁၆နှစ်မှာ ထွက်ခဲ့ပါတယ်။ ဒီဇာတ်ကားရဲ့ အဓိကလက်သည်ကလည်း ထုံးစံအတိုင်း ရှဉ့်​​လေး ဖြစ်ခဲ့ပြီး ဝက်သစ်ချသီးကို လိုက်ဖမ်းရင်း ပန်းကန်ပြားပျံတစ်စင်း ​တွေ့ကာ အာကာသထဲ​ရောက်သွားရမှတဆင့် ဒီဇာတ်လမ်း စခဲ့ပါ တယ်။ သူ့ရဲ့ဂယက်​တွေ​ကြောင့်ပဲ ကမ္ဘာ​ပေါ်ကို ဥက္ကာခဲကြီးတစ်ခု ပြုတ်ကျလာပြီး အဲဒီဥက္ကာခဲက​နေတဆင့် ​​နောက်ထပ်ဥက္ကာခဲ​​တွေ တစ်လုံးပြီး တစ်လုံး ဆင့်ကျလာရင်း ကမ္ဘာပျက်မယ့်အ​ရေးအထိ ကြုံလာရပါ​တော့တယ်။ ဒါ​ကြောင့် မန်နီ ဆစ် ဒီ​ယေဂိုတို့ သူငယ်ချင်း​တွေနဲ့ မိသားစုဝင်​တွေ Ice Age 3မှာ ပါဝင်ခဲ့တဲ့ ဘက်ခ်တို့ပါ ပြန်လည်ပါဝင်လာပြီး ကမ္ဘာ ပျက်မယ့်အ​ရေးကို ကာကွယ်ဖို့ ဖြစ်လာပါတယ်။ တစ်ဖက်မှာလည်း မန်နီရဲ့သမီး​လေးပိချက်စ်မှာ ချစ်ရတဲ့သူရှိလာပြီး တစ်အိုးတစ်အိမ် ​ထူ​ထောင်ဖို့ ကြိုးစားလာတာ​ကြောင့် သမီးကို တုန်​နေ​အောင်ချစ်တဲ့ ဆင်ကြီးမန်နီခမျာ သမီးကိုလက်မလွှတ်နိုင်၊ နှ​မြောလည်းနှ​မြောပြီး သမီးဖြစ်သူရဲ့ ချစ်သူ သမက်​လောင်းကို ဘုကလန့်တိုက်ပုံ​တွေက အ​တော်​လေးရယ်ရပါတယ်။ ငယ်စဉ်ကတည်းက ကြည့်လာခဲ့ရတဲ့ Ice ageဆိုတဲ့အရသာကို sequel​တွေရဲ့ထုံးစံအတိုင်း အပြည့်အဝ မရနိုင်​ပေမဲ့ franchiseကြီးတစ်ခုလုံးကို အ​ကောင်းဆုံး ပိတ်သိမ်း ​ပေးနိုင်ခဲ့တဲ့၊ ကျွန်​တော်တို့ချစ်ခဲ့ရတဲ့ ဇာတ်​ကောင်​တွေကို မိသားစု ကိုယ်စီနဲ့ နှုတ်ဆက်နိုင်ခဲ့တဲ့ ဇာတ်လမ်း​ကောင်း ဖြစ်ခဲ့ပါတယ်။ File size…      6 GB /     2.3 GB /     1.2 GB Quality… Web-DL  4K HDR /  1080p / 720p Format… mp4 Duration…. 1h 34m Genre .....  Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by JimX

1959 မှထွက်ခဲ့တဲ့ The Adventures of Rocky and Bullwinkle ကာတွန်းကာထဲက Peabody ဆိုတဲ့ ဉာဏ်ကြီးရှင် ခွေးလေးအကြောင်းကိုရိုက်ထားတာပါ။ ဒီကားရဲ့ Director က Lion King animation ရဲ့ Director လည်းဖြစ်ပါတယ်။ ဇာတ်လမ်းကတော့ Peabody ဆိုတဲ့ မွေးရာပါဉာဏ်ကြီးရှင် ခွေးလေးက ဉာဏ်ကြီးရှင် တစ်ယောက်ဖြစ်တဲ့အလျှောက် နေရာတိုင်းမှာတော်ပါတယ် ။ သူက Sharman ဆိုတဲ့ ကလေးလေးကို သားအရင်းအဖြစ်မွေးစားပြီးတော့ တတ်သမျှပညာတွေကိုသင်ပေးပါတယ် ။ သူ့မှာ WABAC ဆိုတဲ့ အချိန်ခရီးသွားတဲ့ စက်ကြီးရှိပြီးတော့ ရှာမန်ကို သမိုင်းထဲက အထင်ကရ အကြောင်းအရာတွေကိုသင်ပေးပါတယ်။ တစ်နေ့မှာ ရှာမန်က ကျောင်းမှာ ရန်ဖြစ်ပြီး အတန်းဖော် ပန်နီနဲ့ ဒီအချိန်ခရီးသွား စက်ကြီးကို သုံးမိပြီး ဘယ်လိုအလွှဲတွေဖြစ်မလဲ ပီးပေါ်ဒီ ကရောဘယ်လိုတွေကယ်ရမလဲကို သိပ္ပံအကြောင်းအရာတွေ သမိုင်းအချက်အလက်တွေ ဟာသလေးတွေ နှောပြီးတော့ ကြည်ရမှာဖြစ်ပါတယ်။ File Size :  2.15 GB, 1.1 GB Quality : WEB-DL 1080p / 720p Running Time : 1hr 40min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Translated by : Nikobaby Encode by : Thit San Khant

IMDb - 6.3/10 Rio 2 (2014) အညွှန်း Rio 2 မှာတော့ အရှေ့ကားထက်ပိုကောင်းအောင် ရုပ်ပိုင်းရော အသံ‌ပိုင်းမှာပါ အဆင့်မြှင့်ထားပါတယ်။ သီချင်းတွေလည်းကောင်းတဲ့အပြင် အသံသရုပ်ဆောင်အသစ်တွေကိုလည်း ဂရမ်မီဆုရ အဆိုတော်တွေကို ခေါ်ထားပါတယ်။ ဒီကားမှာ ဘလူး ဟာ ကလေး ၃ ယောက်အဖေ ဖြစ်နေပြီးတော့ သူတို့မိသားစုက အမေဇုန်တောထဲကို စွန့်စားပြီး ခရီးထွက်ကြမှာပါ။ ပိုလှပတဲ့ရှုခင်းတွေ၊ ပိုစုံလင်တဲ့တိရစ္ဆာန်တွေနဲ့ သီချင်းအသစ်တွေလည်း အများကြီးပါလာမှာ ဖြစ်ပါတယ်။ ရုပ်ရှင်ကားကို Htet Wai Lwin က ဘာသာပြန်ပေးထားပြီး Thit San Khant မှ တင်ဆက်ပေးထားပါတယ်

မယ်ရီကက်သရင်းဟာ အမေဆုံးပါးသွားတဲ့နောက် တောထဲမှာ သုတေသနလုပ်နေတဲ့ အဖေနဲ့အတူ နေဖို့ ရောက်လာပါတယ်။ သူ့အဖေက အဲဒီတောထဲမှာ လူအသေးလေးတွေ ရှိတယ်လို့ အခိုင်အမာယုံကြည်နေပြီး သူ့အယူအဆ မှန်ကြောင်း သက်သေပြဖို့လည်း ကြိုးစားနေသူပါ။ မယ်ရီကတော့ အဖေ့စကားကို အဓိပ္ပါယ်မရှိဘူးလို့ ထင်ပြီး မယုံကြည်ခဲ့ပါဘူး။ ဒါပေမယ့် တစ်နေ့မှာ သူကိုယ်တိုင် အဲဒီလူအသေးလေးတွေနဲ့ တွေ့လိုက်ရပါတယ်။ အဖေ ယုံကြည်နေတဲ့အရာကို ကိုယ်တိုင်တွေ့ရတဲ့အခါ မယ်ရီ ဘယ်လိုစွန့်စားခန်းတွေနဲ့ ကြုံရမလဲ။ လူအသေးလေးတွေက ဘာလုပ်နေကြတာလဲ၊ မယ်ရီနဲ့ သူတို့ကြား ဘယ်လိုဆက်စပ်မှု ရှိလာမလဲ၊ ဘယ်လိုပြဿနာတွေကို ရင်ဆိုင်ကြရမလဲဆိုတာကို ၂၀၁၃ ခုနှစ်ထွက် ဒီအန်နီမေးရှင်းကားမှာ ဆက်ပြထားပါတယ်။

Hotel Transylvania (2012) IMDb - 7.1/10 Rotten - 45% ဒီတစ်ခါတော့ စိတ်အပန်းဖြေအနေနဲ့ကြည့်လို့တော်တော်လေးကောင်းတဲ့ ကာတွန်းကားလေး တစ်ကားနဲ့မိတ်ဆက်ပေးလိုက်ပါတယ်... Count Dracula ဟာသူ့ရဲ့ ဇနီး Martha သေဆုံးပြီး နောက်ပိုင်းမှာ သူ့မိန်းကို ကတိ ပေးထား ခဲ့တဲ့အတိုင်း သူတို့ ၂ ယောက်ရဲ့ သမီးလေး Mavis ကို မျက်စိ အောက်က အပျောက် မခံပဲ ထိန်းသိမ်း စောင့်ရှောက် ခဲ့ပါတယ်။ Count Dracula ဟာ Transylvania လို့ခေါ်တဲ့ Five Star အဆင့်ရှိ Hotel တစ်ခု တည်ဆောက် ခဲ့ပြီး သူ့ရဲ့ သူငယ်ချင်းတွေ ဖြစ်တဲ့ Frank နဲ့ သူ့ဇနီး Eunice, Wayne, Wanda နဲ့ သူတို့ရဲ့ မြေခွေး သားသမီး တစ်ဖွဲ့, Griffin ဆိုတဲ့ ကိုယ်ပျောက် လူသား, Murray ဆိုတဲ့ Mummy အစရှိတဲ့ နာမည်ကြီး Zombie တွေနဲ့ အတူ Human Free Zone ဆိုပြီး Mavis ရဲ့ 118 နှစ်ပြည့် မွေးနေ့ပွဲ ကျင်းပဖို့ ပြင်ဆင် ကြပါတယ်။ Count Dracula ဟာ Mavis ကို အပြင်ထွက်လည် ခွင့်မပေး ချင်ပေမယ့် Mavis ရဲ့ 118 နှစ်ပြည့် မွေးနေ့မှာ Mavis ကို အပြင် ထွက်လည် ခွင့်ပေးခဲ့ပြီး အပြင် လောက လူသားတွေဟာ ကြောက်ဖို့ ကောင်းကြောင်း ရွာတုတစ်ခု တည်ဆောက်ပြီး Mavis ကိုခြောက်လှန့် ခဲ့ပါတယ်။ Mavis ဟာလဲ ဒီခြောက်လှန့် မှုကို တကယ်ထင် သွားပြီး အပြင်လောကကို ဘယ်တော့မှ မထွက်လို တော့ကြောင်း သူ့အဖေကို ပြောခဲ့ပါတယ်။ ဒါပေမယ့် မမျှော်လင့်ပဲ ဟန်ဆောင် ခြောက်လှန့်မှု ပြုလုပ်ပြီး ပြန်လာတဲ့ Zombie တွေရဲ့ နောက်ကနေ 21 နှစ်အရွယ် Jonathan ဆိုတဲ့ လူသား တစ်ယောက်ပါ Hotel ကို ရောက်ရှိ လာခဲ့ပါတယ်။ Jonathan ဟာ Hotel ကိုရောက်စမှာ မကောင်းဆိုးဝါးလို ဝတ်ဆင်ပြီး ပြုလုပ် နေတဲ့ Party ပွဲလို့ ထင်ခဲ့ပြီး လိုက်ကြည့် နေတဲ့ အချိန်မှာ Count Dracula က ဖမ်းစည်း ခေါ်ယူ သွားပြီး ဒီ Hotel ကို ဘယ်လို ရောက်လာကြောင်း မေးမြန်း ခဲ့လို့ အဖြစ်စုံကို Jonathan က ရှင်းပြ ခဲ့ပါတယ်။ Jonathan ကို ပြန်ပို့ဖို့ ကြိုးစား ခဲ့ပေမယ့် Count Dracula ရဲ့ သူငယ်ချင်းတွေ တွေ့သွားတာကြောင့် Human Free Zone လို့ကြွေးကြော် ထားတဲ့ သူ့ရဲ့ Hotel သိက္ခာ ထိခိုက်မှာ ဆိုးတဲ့အတွက် Jonathan ကို Zombie အဖြစ်ဟန်ဆောင် ခိုင်းခဲ့ရာမှ Count Dracula ရဲ့ သမီး Mavis နဲ့ Jonathan တို့ သံယောဇဉ် ဖြစ်မိပြီး….ဘာတွေဆက်ဖြစ်မလဲဆိုတာ ဆက်လက်ကြည့်ရှုကြပါ.. ဒါရိုက်တာ Genndy Tartakovsky ရဲ့ 91 မိနစ် ရှည်တဲ့ Animated Comedy ဇာတ်ကား ဖြစ်ပါတယ်။ အသံ သရုပ်ဆောင်တွေ အဖြစ် Dracula (voice of Adam Sandler), Jonathan (voice of Andy Samberg), Mavis (voice of Selena Gomez) တို့က အဓိက ပါဝင် သရုပ်ဆောင် ထားပါတယ်။ (အညွှန်းကိုတော့ moviereview.ygn.me မှ ပြန်လည်ကူးယူဖေါ်ပြပါသည်) File Size : (700 MB) Quality : Blu-Ray 720p Running Time : 1hr 31min Format : Mp4 Genre : Animation, Comedy, Family Subtitle : Myanmar Subtitle (Hard Sub) Source : 1080p.BluRay.x264-SPARKS Translated by kokolatt Encoded by Thanhtike Zaw

အဖေနဲ့ နှစ်ပေါင်းများစွာ အဆက်အသွယ်ဖြတ်ထားတဲ့ Sam ဟာ အဖေရဲ့ဈာပနအတွက် ဇာတိမြို့ကို ပြန်လာခဲ့ပါတယ်။ အဲဒီမှာ အဖေရဲ့ရှေ့နေဆီကနေ ထူးဆန်းတဲ့အမွေကိစ္စတစ်ခုကို သိလိုက်ရတယ်။ အဖေက Sam တစ်ခါမှတောင် မကြားဖူးတဲ့လူတစ်ယောက်ကို အမွေပေးထားပြီး အဲဒီအမွေပိုက်ဆံကို သူကိုယ်တိုင် သွားပေးဖို့လည်း မှာထားခဲ့တာပါ။ အမွေရမယ့်သူဟာ အဖေရဲ့တိတ်တိတ်ပုန်းသမီးဖြစ်နေမှန်း သိလိုက်ရတဲ့အခါ Sam ဘာဆက်လုပ်မလဲ။ Star Trek နဲ့ Wonder Woman တို့မှာ ပါဝင်ခဲ့တဲ့ Chris Pine သရုပ်ဆောင်ထားတဲ့ ဒရာမာဇာတ်ကားပါ။

စိတ်ပညာရှင် ပါမောက္ခ ဒေါက်တာ မာဂရက် မက်သီဆန်နဲ့ ရူပဗေဒပညာရှင် တွမ် ဘတ်ကလီတို့ဟာ သဘာဝလွန်အစွမ်းရှိတယ်လို့ လိမ်လည်နေသူတွေကို ဖော်ထုတ်ကြပါတယ်။ အောက်လမ်း၊ အထက်လမ်း၊ မှော်ဆရာ၊ တန်ခိုးရှင်ဆိုတဲ့ အမည်တွေအောက်မှာ မဟုတ်မမှန် လုပ်ကြံပြနေကြတာတွေကို သူတို့က စစ်ဆေးဖော်ထုတ်နေတာပါ။ ဒီလို လိုက်ဖော်ထုတ်ရင်း ကမ္ဘာကျော် အကြားအမြင်ဆရာ ဆိုင်မွန် ဆေးလ်ဗားကိုလည်း စစ်ဆေးဖို့ ဖြစ်လာတယ်။ သူ့အစွမ်းတွေက တကယ်လား၊ အတုအယောင်လားဆိုတာ သိဖို့ ကြိုးစားကြရင်း ကြောက်စရာအမှန်တရားတွေကို ဖော်ထုတ်မိလာကြပါတယ်။ Cillian Murphy၊ Elizabeth Olsen၊ Sigourney Weaver နဲ့ Robert De Niro တို့ ပါဝင်သရုပ်ဆောင်ထားတဲ့ လျှို့ဝှက်ဆန်းကြယ်ဒရမ်မာဇာတ်ကားပါ။

Rio (2011) IMDb - 6.9/10 Rotten - 72% ဘလူးလို့ခေါ်တဲ့ အပြာရောင် ကြက်တူရွေးငှက်ကလေးဟာ သူ့သခင် လင်ဒါ ဆိုတဲ့ အမျိုးသမီးနဲ့အတူ မင်နီဆိုဒါ ပြည်နယ်မှာ အေးချမ်းစွာ နေထိုင်ပါတယ်။ လင်ဒါက ဘလူးကို အပြာရောင် မက်ကော်မျိုးစိတ်ရဲ့ နောက်ကျန်တဲ့အကောင်လို့ သိထားပါတယ်။ ဒါပေမယ့် နောက်ထပ်မက်ကော်ငှက်မလေးတစ်ကောင်ကို ရီယိုမြို့မှာ ရှာတွေ့ထားတယ်လို့ သိလိုက်ရချိန်မှာတော့... ဘာသာပြန်ပေးထားတာကတော့ Htet Wai Lwin ဖြစ်ပြီး Thit San Khant မှ တင်ဆက်ပေးထားပါတယ်

ဒီနေ့တော့ CM ပရိတ်သတ်တွေအတွက် IMDb Rate မှာ 6.4 ရရှိထားတဲ့ Astro Boy လို့ခေါ်တဲ့ Animation ဇာတ်ကားလေးတစ်ကားနဲ့မိတ်ဆက်ပေးချင်ပါတယ်... ဘယ်လိုသဘောမျိုးနဲ့နေနေကြည့်သင့် တဲ့ Animation ကားကောင်းလေးဖြစ်ကြောင်းတော့အသိပေးပါရစေ Dr. Tenma ဆိုတာ Toby ကို သိပ်ချစ်တဲ့ ဖခင်ကောင်း တစ်ယောက် ဖြစ်သလို Robot တည်ထွင် ရာမှာလဲ နာမည်ကြီးတဲ့ သိပ္ပံ ပညာ ရှင်တစ်ယောက် ဖြစ်ပါတယ်။ Dr. Tenma ရဲ့ သားပီပီ သိပ္ပံပညာ တွေကို စိတ်ဝင်စားတဲ့ Toby ဟာ Dr. Tenma ရဲ့ ခွင့်ပြုချက် မပါပဲ နည်းပညာသစ် Red Core နဲ့ Blue Core တို့ စမ်းသပ်တဲ့ ပြပွဲကို ခိုးပြီး သွားရောက် ခဲ့ပါတယ်။ Red Core ထဲ့သွင်း စမ်းသပ်တဲ့ စက်ရုပ်ဟာ ထိန်းချုပ်မှု လွတ်ထွက်သွားပြီး ပုံကန်တဲ့ အချိန်မှာ မထင်မှတ်ပဲ Toby တစ်ယောက် ပိတ်မိပြီး Red Core ထဲ့သွင်း ထားတဲ့ စက်ရုပ် ရဲ့ လက်နက် စမ်းကြောင့် သေဆုံးသွား ခဲ့ပါတယ်။ သားကို သိပ်ချစ်တဲ့ အဖေ Dr. Tenma တစ်ယောက် ရူးသွပ် မတတ် ခံစား ရပြီ း Toby နဲ့ တူတဲ့ စက်ရုပ် တစ်ရုပ်ကို တည်ဆောက်ပြီး Toby ရဲ့ DNA က တဆင့် မှတ်ဉာဏ်တွေ ထဲ့သွင်း ပေးခဲ့ပါတယ်။ လူသား တစ်ယောက် ကဲ့သို အသိဉာဏ်တွေ ရှိဖိုနဲ့ ပိုမို အစွမ်း ထပ်စေဖို့ ကျန်ရှိနေတဲ့ Blue Core ကို Toby နဲ့ တူတဲ့ စက်ရုပ် Astro Boy ထဲမှာ ထည့်သွင်း အသုံးပြု ခဲ့ပါတယ်။ စစချင်းမှာ သားရဲ့ နေရာအကို အစားထိုး နိုင်မယ်လို့ မျှော်လင့် ထားပေမယ့် အသိစိတ်က သားအရင်း မဟုတ်ပဲ စက်ရုပ် တစ်ရုပ် ဖြစ်တယ်ဆိုတာ အသိပေး နေတော့ သားအရင်း တစ်ယောက်လို ချစ်လို့ မရခဲ့ပါဘူး။ ထို့အတူ Toby ရဲ့ အသိဉာဏ်တွေ ရောက်နေတဲ့ Astro Boy ဟာလဲ သူ့ကိုယ့်သူ Toby လို့ပဲ ထင်မှတ်ပြီး ဖခင်ရဲ့ မေတ္တာ ငတ်နေသလို ခံစား ခဲ့ရပါတယ်။ မထင်မှတ်ပဲ Red Core အသုံးပြုခဲ့တဲ့ စက်ရုပ်ကို အသက်သွင်းချင်း ခံရတော့ Dr. Tenma တို့ရဲ့ မြို့ဖြစ်တဲ့ Metro City မှာ Red Core စက်ရုပ်ရဲ့ ဖြတ်စီးမှုတွေကို တားစီး နိုင်မယ့် လူမရှိခဲ့ပါဘူး။ ဒီအချိန်မှာ Blue Core ထည့်သွင်းပြီး တည်ထွင်ထားတဲ့ Astro Boy ဟာ သူ့ကိုယ်သူ စက်ရုပ်လို့ သိသွား ပြီး ရန်သူတော် Red Core ကို ဘယ်လို နှိပ်နင်းမလဲ ဆိုတာ….. ဒါရိုက်တာ David Bowers ရဲ့ 94 မိနစ် ရှည်တဲ့ Animated Comedy ဇာတ်ကား ဖြစ်ပါတယ်။ အသံ သရုပ်ဆောင်တွေ အဖြစ် Dr. Tenma (voice of Nicolas Cage), Toby & Astro Boy (voice of Freddie Highmore) တို့က အဓိက ပါဝင် သရုပ်ဆောင် ထားပါတယ်။ ရုပ်ရှင်အညွှန်းကိုတော့ moviereview ygn မှ ကူးယူဖေါ်ပြပါတယ် Encoded by sithu

ဟောလီ နဲ့ ဂျန် တို့ဟာ နယူးယောက်မြို့မှာ အတူတူနေထိုင်ကြတဲ့ အရင်းနှီးဆုံး သူငယ်ချင်းတွေဖြစ်ပြီး ကြော်ငြာလုပ်ငန်းခွင်မှာလည်း အောင်မြင်နေသူတွေပါ။ ဒါပေမဲ့ လူမှုရေးကိစ္စတွေကြောင့် သူတို့နှစ်ဦးကြားမှာ နားလည်မှုလွဲပြီး ရန်ဖြစ်ခဲ့ကြရာကနေ သူတို့ရဲ့ သူငယ်ချင်းသံယောဇဉ်ဟာ စတင်ပျက်စီးလာခဲ့ပါတယ်။ ဟောလီ တစ်ယောက် တိုက်ခန်းကနေ ထွက်သွားပြီးနောက်မှာတော့ တက်စ် ဆိုတဲ့ မိန်းကလေးနဲ့ အခန်းဖော်အသစ်ဖြစ်လာခဲ့ပါတယ်။ တက်စ် ဟာ အစပိုင်းမှာတော့ အလွန်ဖော်ရွေပြီး အားကိုးရသူတစ်ယောက်လို့ ထင်ရပေမဲ့ တဖြည်းဖြည်းနဲ့ သူမရဲ့ တကယ့်ရုပ်မှန်က ပေါ်လာပါတော့တယ်။ တက်စ် ဟာ ဟောလီ ရဲ့ ပုံစံကို တုပလာရုံတင်မကဘဲ ဟောလီ ဘဝထဲက လူတွေကိုပါ တစ်ယောက်ပြီးတစ်ယောက် ဖယ်ရှားဖို့ ကြိုးစားလာပါတယ်။ စိတ်ဝေဒနာ ခံစားနေရတဲ့ အခန်းဖော်အသစ် တက်စ် ကရော ဂျေးန် ရဲ့ ဘဝကို ဘယ်လိုမျိုး အပိုင်စီးဖို့ ကြိုးစားဦးမလဲ?ဂျေးန် တစ်ယောက် သူမရဲ့ အသက်အန္တရာယ်ကို ခြိမ်းခြောက်လာတဲ့ ဒီမိန်းကလေးလက်ထဲကနေ လွတ်မြောက်နိုင်ပါ့မလား? သူတိုကြားက ကြောက်မက်ဖွယ်ကောင်းတဲ့ အားပြိုင်မှုတွေက ဘယ်လိုအဆုံးသတ်သွားမလဲ? ဆိုတာကိုတော့ အခုပဲ ကြည့်ရှုလိုက်ရအောင်။

ဒီကားကတော့ သိပ္ပံအက်ရှင် ကိုမှ ဒရာမာနဲ့မှုခင်း ခပ်ပါးပါးထည့်ထားတဲ့ဇာတ်လမ်းမျိုးဖြစ်ပြီး အစကနေအဆုံးထိ ဘာဖြစ်မလဲရင်တစ်ထိတ်ထိတ်နဲ့ ကြည့်ရမယ့်ကားမျိုးပါ။ ဇာတ်လမ်းအကျဉ်း.... ဒေါက်ဂလပ်စ်ဟောဆိုတဲ့ လူငယ်နည်းပညာသမားတစ်ယောက်ဟာ ဟနွန်ဖူလာ ဆိုတဲ့အဖိုးကြီးပိုင်တဲ့ ဒေါ်လာသန်းပေါင်းများစွာတန်ကြေးရှိတဲ့ နည်းပညာကုမ္ပဏီကြီးမှာ အလုပ်လုပ်ပါတယ်။ ဒီနည်းပညာကုမ္ပဏီကြီးက လူသားတွေရဲ့စိတ်နဲ့ သူတို့ပရိုဂရမ်သွင်း ဖန်တီးထားတဲ့ဇာတ်ကောင်ပုံရိပ်တွေရဲ့ ပရိုဂရမ်လင့်ခ်ကို ချိတ်ဆက်ဝင်ရောက်ပြီးတော့ လူသားတွေလုပ်တာမှန်သမျှ အကုန်လုပ်လို့ရတဲ့ ပုံရိပ်ယောင်ကမ္ဘာကြီး(simulation)ကို စမ်းသပ်တီထွင်နေတာဖြစ်ပြီး အောင်မြင်လုဆဲဖြစ်နေပါပြီ။ တစ်နေ့မှာတော့ ဒီကုမ္ပဏီကြီးရဲ့ပိုင်ရှင် အဘိုးကြီးဟနွန်ဖူလာဟာ အသတ်ခံလိုက်ရပါတယ်။ ဒါပေမယ့် အဖိုးကြီးက သူအသတ်ခံရမှာကို ထူးဆန်းစွာ ကြိုသိနေခဲ့ပြီး သူဘာကြောင့်အသတ်ခံရလဲဆိုတဲ့ အကြောင်းအရာကို စာတစ်စောင်ရေးပြီး သူဖန်တီးထားတဲ့ ပုံရိပ်ယောင်ကမ္ဘာ(simulation)ထဲမှာ ထားခဲ့တဲ့အကြောင်း သူ့တပည့် ဒေါက်ဂလပ်စ်ဟောကို voice messageပို့ထားခဲ့ပါတယ်။ ထူးဆန်းတာက ဒေါက်ဂလပ်စ်ဟော ကိုယ်တိုင်ကလဲ အဖိုးကြီး အသတ်ခံခဲ့ရတဲ့ည ရဲ့နောက်တစ်မနက်မှာပဲ သွေးတွေပေနဲ့တဲ့ သူ့အင်္ကျီကို တွေ့ရပြီး ညကဖြစ်ခဲ့တဲ့အဖြစ်အပျက်တွေကို လုံးဝမမှတ်မိတော့ပါဘူး။ ရဲတွေကလဲ ဒေါက်ဂလပ်စ်ဟာ ကုမ္ပဏီကိုဦးစီးချင်လို့ အဖိုးကြီးကိုသတ်လိုက်တာလို့သံသယဝင်လာကြတာကြောင့် သူကိုယ်တိုင်လဲဇဝေဇဝာဖြစ်နေတဲ့ ဒေါက်ဂလပ်စ်ဟာ အကြောင်းရင်းအမှန်ကိုသိရဖို့ ပုံရိပ်ယောင်ကမ္ဘာထဲကိုဝင်ပြီး အဖိုးကြီးထားခဲ့တဲ့ စာကိုရှာဖို့ ဆုံးဖြတ်လိုက်ပါတယ်။ အဲဒီ့အချိန်မှာပဲ အရင်ကတစ်ခါမှ ရှိတယ်လို့မကြားဖူးတဲ့ အဖိုးကြီးရဲ့ သမီးဂျိန်းဖူလာကလဲ ပြင်သစ်ကနေရောက်လာတဲ့အခါ...... ဒါကတော့ ဒီဇာတ်လမ်းရဲ့ အစပိုင်းအကျဉ်းဖြစ်ပြီးတော့ အဘိုးကြီးကို ဘယ်သူသတ်တာလဲ ဘာကြောင့်သတ်ရတာလဲဆိုတာတွေကို တွေးထင်မထားတဲ့ရှုထောင့်တွေကနေ ကြည့်ရမှာပါ။ ဇာတ်အိမ်က တော်တော်လေးကို ကျယ်ပြန့်ကောင်းမွန်ပြီး spoilသလိုဖြစ်မှာစိုးလို့ အများကြီးမပြောတော့ပါဘူး။ science fiction, crime thriller ဇာတ်လမ်းအမျိုးစားကိုကြိုက်တတ်သူတွေ, ဇာတ်လမ်းအမျိုးအစားမရွေးပဲ ဇာတ်အိမ်ကောင်းရင် ကြည့်တတ်တဲ့လူတွေအတွက်တော့ downမိလို့နောင်တမရစေမယ့် ကားမျိုးဖြစ်ပါတယ်။ Translated By : Kaung Khant Win Encoded By : XCode