Rory Cochrane ပါဝင်သော ဇာတ်ကားများ

၂၀၂၄ ခုနှစ်တုန်းက ထွက်ရှိခဲ့တဲ့ ဒီဇာတ်ကားဟာ အမေရိကန် Crime thriller ဇာတ်ကားတစ်ကားဖြစ်ပြီးတော့ ဒါရိုက်တာ John Swab က ရိုက်ကူးထားပါတယ်။ အဓိကဇာတ်ကောင်တွေအဖြစ် James Badge Dale, Michael Mando, George Carroll, Ben Foster စတဲ့ သရုပ်ဆောင်ပေါင်းများစွာ ပါဝင်ထားပါတယ်။ အမေရိကန်နိုင်ငံရဲ့ ဖန်တနောလ်မူးယစ်ဆေးအကျပ်အတည်းကို ကြမ်းကြမ်းတမ်းတမ်း documentary စတိုင်လ် ရိုက်ကူးထားတာပါ။ ဇာတ်လမ်းအကျဉ်းကို ပြောပြရရင် မူးယစ်ဆေးဂိုဏ်းတွေအခြေစိုက်ရာမြို့ထဲက ဒုစရိုက်မှုတွေ ဆေးလွန်မှုတွေကို မြို့နယ်ရဲဌာနအနေနဲ့ ကိုင်တွယ်ဖြေရှင်းဖို့ကြိုးစားရင်း ဇာတ်ရှိန်မြင့်လာပြီးတော့ နောက်ကွယ်က လျှို့ဝှက်ချက်တွေ ပါဝင်ပတ်သတ်နေတဲ့သူတွေကို ဖော်ထုတ်ကြပုံကို ကြည့်ရှုကြရမှာပါ။ ဇာတ်လမ်းတစ်ခုတည်းကို ရှုထောင့်ပေါင်းစုံကနေ ခံစားချက်မျိုးစုံရအောင် ရိုက်ကူးပြသထားပြီးတော့ ကြည့်ရှုသူတွေကို အမျိုးမျိုးသောဇာတ်ကောင်တွေနေရာကနေ ဝင်ရောက်ခံစားရစေပါတယ်။ IMDb မှာလည်း rating ကောင်းတစ်ခုကို ရရှိထားပါတယ်။ File Size… (2.45GB) / (1.23GB) Quality… WEB-DL 1080p HEVC /720p Format…mkv / mp4 Duration…2h 10m Genre ….Crime , Drama , Thriller Subtitle….Myanmar Subtitle (Hard Sub)

Boston Strangler 2023 ( ဘော်စတွန် လည်ပင်းညှစ်လူသတ်သမား ) IMDb - 6.5/10, RT - 63% Pirates of the Caribbeanရုပ်ရှင်တွေ၊ Star War Episode 1နဲ့ IV၊ The Imitation Game၊ Begin Againနဲ့ Jack Ryanတို့လို ရုပ်ရှင်ကားကောင်းတွေပါ ပါဝင်သရုပ်ဆောင်ထားဖူးတဲ့ ဝါရင့်မင်းသမီးKeira Knightleyနဲ့အတူ Avenger infinity war, Avenger end gameနဲ့ Animated series What ifတို့မှာ ပါဝင်သရုပ်ဆောင်ထားဖူးတဲ့ Carrie Coonတို့က ဇာတ်လမ်းကို ဦးဆောင်ပြီး ဇာတ်ဆောင်အဖြစ်ပါဝင်သရုပ်ဆောင်ထားပါတယ်။ ဇာတ်လမ်းကတော့ 1960ခုနှစ်အစပိုင်း 1962ခုနှစ်က ဖြစ်ရပ်မှန်ကွင်းဆက်လူသတ်မှုအပေါ် အခြေခံထားပါတယ်။ လိုရက်တာမက်လောက်လင်က Record Americaသတင်းဌာနက သာမည သတင်းထောက်မလေးပါ၊ သူက မှုခင်းအမှုတွေကို လုပ်ဆောင်ချင်တာဖြစ်ပြီးတော့ စိတ်ကူးနဲ့လက်တွေ့အကောင်ထည်မဖော်နိုင်သေးသူတစ်ယောက်ဖြစ်ပါတယ်။ ဒါပေမဲ့ လိုရက်တာတစ်ယောက် ကွင်းဆက်လူသတ်မှု ဖြစ်နိုင်တဲ့ အမျိုးသမီးတွေကို လည်ပင်းညှစ်ပြီး လိုက်လံသတ်ဖြတ်နေတဲ့အမှုတစ်ခုကို လမ်းစဖော်လိုက်မိပါတယ်။ သူဒီအမှုကိုစုံစမ်းရင်း စုံစမ်းရင်းနဲ့ အမှုဟာ ဘယ်လိုဖြစ်သွားမလဲ၊ ဒီမိန်းမတွေကို လိုက်သတ်နေတဲ့လူကဘယ်သူလဲ၊ ဘာလို့ လည်ပင်းညှစ်ပြီးပဲသတ်ရတာလဲ၊ လူသတ်မှုတွေရဲ့နောက်ကွယ်မှာ ဘယ်လိုလူတွေရှိနေကြလဲဆိုတာကို ဒီကားထဲမှာ စုံထောက်တစ်ယောက်လို သတင်းထောက်သလောက်လိုPOVနဲ့ကြည့်ရှု့သွားရမှာဖြစ်ပါတယ်။ Disney+ထုတ်ထာမို့လို့ ဇာတ်လမ်းက တစ်ဝက်လောက်မှာ နည်းနည်းလေးအီသလိုဖြစ်ပင်မယ့် အမှုအတွက် လမ်းစခင်းနေတာမို့လို့ နောက်ဆုံးကြမှ အော် အဲလိုလား ဆိုပြီး ဖြစ်မယ့်ရုပ်ရှင်မျိုးပါ။ လူသတ်ကားတွေကြိုက်တဲ့Tasteမျိုးလည်းရှိတယ် စုံထောက်ပုံစံ သတင်းထောက်တွေအလုပ်လုပ်တဲ့ပုံစံမျိုးလည်းကြိုက်တတ်တဲ့tasteရှိတယ်လို့ ဒီကားက အင်မတန်မှ ကြည့်လို့ကောင်းမယ့် " ဖြစ်ရပ်မှန်ပေါ် အခြေခံရိုက်ကူးထားတဲ့ရုပ်ရှင် " တစ်ကားဖြစ်ပါကြောင်း သုံးသပ်ရင်း နိဂုံးချုပ်အိပ်ပါတယ်။ File size…(1 GB)/(600 MB )/(260 Mb) Quality….Webrip 1080p / 720p / 480p Format…mp4 Duration….01:51:00 Genre...Crime, Thriller, Drama Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

စတန်းဘရေ့ချ်မြို့က ဘော်ဘီဟိုလာမန်းဟာ မြို့ခံတွေ လေးစားကြတဲ့ ဘောလုံးနည်းပြတစ်ယောက်ပါ။ သူနည်းပြလုပ်နေတဲ့ ဂရေးဟောင်းအထက်တန်းကျောင်းအသင်းက ခုနစ်နှစ်ဆက်တိုက် ရှုံးပွဲမရှိခဲ့သလို ပြည်နယ်ကိုယ်စားပြုချန်ပီယံဆုကိုလည်း ငါးနှစ်ဆက်တိုက် ရယူနိုင်ခဲ့ပါတယ်။ သူ့မှာ အော်တစ်ဇင်ရှိတဲ့ အသက် ၁၅ နှစ်အရွယ် သားလေးတိုင်ဆန် ရှိပြီး တိုင်ဆန်ကလည်း အဖေဂုဏ်ယူရတဲ့သူ ဖြစ်ချင်နေတယ်။ တစ်နေ့မှာ သူတို့မြို့မှာ မာရသွန်အပြေးပြိုင်ပွဲ ကျင်းပတော့မယ်လို့ သိရတဲ့အခါ တိုင်ဆန်က ဝင်ပြိုင်ချင်ကြောင်း မိဘတွေကို ပူဆာပါတယ်။ မိခင်က စိတ်ပူလို့ တားသလို ဖခင်ကလည်း သူမလုပ်နိုင်ဘူးလို့ ထင်နေတယ်။ ဒါပေမယ့် တိုင်ဆန်ကတော့ အလွယ်တကူ လက်မလျှော့ချင်ပါဘူး။ ဒီလိုနဲ့ တိုင်ဆန်ဟာ ချန်ပီယံဟောင်း အာခလိလုနဲ့ အမှတ်မထင် ခင်မင်ရင်းနှီးသွားပါတယ်။ မိဘတွေတားနေတဲ့ကြားက မာရသွန်ပြိုင်ပွဲ ဝင်ချင်တဲ့ သူ့အိပ်မက်ကို အကောင်အထည်ဖော်နိုင်ပါ့မလား။

မရိန်းအထူးတပ်ဖွဲ့ဝင် မလိခ်ခမ်ဟာ အထက်အရာရှိကိုရိုက်နှက်မှုနဲ့ ရာထူးချပြီး ထောင်သွင်းအကျဉ်းချခံရပါတယ်။ စိတ်ဆရာဝန်ရဲ့ အာမခံမှုနဲ့ ပြန်လွတ်လာခဲ့ပြီး အရှုံးသမားလုံးလုံးတစ်ယောက်ဖြစ်နေခဲ့ပါတယ် ဂျေနဲ့ဘော်ဘီ ဆိုတဲ့သားနှစ်ယောက်ရှိပေမယ့် သူ့ရဲ့ဆိုးသွမ်းမှုကြောင့် ဇနီးဖြစ်သူက အုပ်ထိန်းခွင့်ကိုအရယူထားပြီး ကလေးတွေနဲ့အတွေ့မခံပါဘူး.... တစ်နေ့မှာ မလိခ်ဟာ ကမ္ဘာပေါ်ကို ဂြိုလ်သားကပ်ပါးကောင်တွေ ရောက်လာပြီး လူဦးရေတစ်ဝက်လောက် ကူးစက်ခံနေရပြီ...သူ့ဇနီးဟောင်းပါ ကူးစက်နေပြီဆိုပြီး ကလေးတွေ ၂ ယောက်ကို ကယ်ထုတ်သွားခဲ့ပါတယ်... သူ့အမြင်မှာ ကယ်တယ်ဆိုပေမယ့်..တရားဉပဒေအရ ပြန်ပေးမှုမြောက်နေတာကြောင့် ရဲ FBI အားလုံးသူ့နောက်ကိုလိုက်လာကြပါပြီ ဒါတွေကိုလည်း တိမ်းရှောင်ရင်း....ဂြိုလ်သားတွေဆီကလည်း လွတ်အောင်ပြေးဖို့ မလိခ်တစ်ယောက် ရုန်းကန်ရပါတော့တယ်... ကလေး ၂ ယောက်နဲ့ မလိခ် ဘယ်လိုခရီးဆက်သွားမလဲဆိုတာ ကြည့်ရင်းနဲ့ နောက်ဆုံးမိနစ်အထိ သို့လောသို့လောပေါင်းမျာစွာနဲ့ အဖြေရှာသွားရမယ့် ကားကောင်းတစ်ကားဖြစ်ပါတယ် File size…(1.8 GB) / (1 Gb) / (500 Mb) Quality….Webrip 1080p / 720p / 480p Format…mp4 Duration….01:48:00 Genre...Sci-fi, Thriller Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing and Chuck Chuck

Story telling ဆိုတာ ​​ရှေးလူကြီး​တွေရဲ့ ဓ​လေ့​တွေ ယဥ်​ကျေးမှု​တွေ ဖြတ်သန်းခဲ့ရတဲ့ အ​တွေ့အကြုံ​တွေကို ​ နောင်လာ​နောက်သား​တွေဆီ ​ပြောပြတဲ့ နည်းလမ်းတစ်ခုပါ။ Storytelling လို့​ပြောတဲ့​နေရာမှာ တကယ့်သမိုင်း​ တွေသာမက fairytale ​တွေ၊ ဒဏ္ဍာရီ​တွေလည်း ပါဝင်တယ်။အဲ့လိုနဲ့ အော်​ရေဂန်​ဒေသက ​ရှေးတိုင်းရင်း အ​မေရိကန်လူမျိုး​တွေရဲ့ ယုံတမ်းပုံပြင်​တွေ အစပျိုးခဲ့တယ်။ ဇာတ်လမ်းအကျဥ◌်းလေးပြောရရင် . . . ဂျူလီရဲ့ အတန်းထဲမှာ ထူးဆန်းတဲ့ လူးကတ်လို့​ခေါ်တဲ့ ခပ်ပိန်ပိန်​ကောင်​လေးတစ်​ယောက်ရှိတယ်။ ဘယ်သူနဲ့မှလည်း အ​ပေါင်းအသင်းမလုပ်သလို အနိုင်ကျင့်တာလည်း ခံ​နေရတယ်။ တစ်​နေ့​ ဂျူလီက ပုံပြင်​ပြောပြဖို့ ​ရေးခဲ့ပါဆိုပြီး အိမ်စာ​ပေးလိုက်တယ်။ တခြားက​လေး​တွေက သာမန် နတ်သမီးပုံပြင်​တွေ ​ပြော​ပေမယ့် အဲ့ကောင်လေးက​တော့ မတူထူးဆန်း​နေတယ်။ "ဝက်ဝံ၃​ကောင်ဟာ ​တောင်​ပေါ်က ​အေးစက်တဲ့ ဂူမှာ​နေတယ် ဝက်ဝံကြီးရယ် ဝက်ဝံ​လေးရယ် ဝက်ဝံ​ပေါက်​လေးရယ်​ပေါ့ ဝက်ဝံကြီးက အားလုံးကို ​စောင့်​ရှောက်ရတာ​ပေါ့ တစ်​နေ့ဝက်ဝံ​လေးပြန်လာ​တော့ ဝက်ဝံကြီးနဲ့ ဝက်ဝံ​ပေါက်​လေးက ထူးဆန်း​နေတယ် ဝက်ဝံကြီးက ​နေမ​ကောင်းဖြစ်​နေပြီး စားစရာ အသားလည်းမရှိ​တော့ဘူး" လူးကတ်​ပြောပြတဲ့ ပုံပြင်ကို ဂျူလီကြားပြီး​နောက် အိမ်တွင်းအကြမ်းဖက်ခံ​နေရတယ် အထင်နဲ့ စိုးရိမ်ပြီး ကိစ္စ​တွေကို စုံစမ်း​ဖော်ထုတ်ရင်း လူသား​တွေရဲ့ ပုံမှန် ပြသာနာ မဟုတ်ဘူးဆိုတာ သိလိုက်ရတဲ့အခါ ဘာ​တွေဆက်ဖြစ်လာမလဲဆို တာကို ရင်ခုန် စိတ်လှုပ်ရှားဖွယ် ကြည့်ရှုရမှာပါ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Oleander ဖြစ်ပါတယ်။ File Size - (950 MB)/(520 MB) Quality – WebDL - (720p) / (480p) Duration - 1hr 39min Subtitle – Myanmar Hardsub Format – MP4 Genre :  Drama, Horror, Mystery Translator – Oleander Encoder – SWM

The Outsider (2018) IMDb Rating (6.3) / Rotten Tomatoes (13%) ဒုတိယကမ္ဘာစစ်အပြီး နစ်ခ်ဆိုတဲ့အမေရိကန်စစ်သားဟောင်းတစ်ဦးဟာ ဂျပန်အကျဉ်းထောင်တစ်ခုမှာထောင်ကျနေတာကနေ ဇာတ်လမ်းကိုစတင်ထားပါတယ်။ အကျဉ်းထောင်ထဲမှာသူဟာ ယာကူဇာအဖွဲ့ကအဖွဲ့ဝင်တစ်ယောက်နဲ့ သိကျွမ်းခဲ့ပြီး ထောင်ကထွက်တဲ့အခါ ဒီအမေရိကန်ဟာ ယာကူဇာအဖွဲ့ထဲဝင်လိုက်တဲ့နောက် ယာကူဇာတစ်ယောက်အဖြစ်နေထိုင်ကျက်စားပုံကိုရိုက်ပြထားတဲ့အတွက် ကမ္ဘာစစ်ပြီးကာစ ဂျပန်နိုင်ငံက ယာကူဇာတွေရဲ့ပတ်ဝန်းကျင်ကိုကြည့်ရှူရမယ့် ကားတစ်ကားပဲဖြစ်ပါတယ်။ ဒီကားထဲမှာ Sucide Squad ထဲ ဂျော်ကာအဖြစ်သရုပ်ဆောင်ခဲ့တဲ့ Thirty Seconds to Mars တီးဝိုင်းကအဆိုတော်မင်းသား Jared Leto က သွေးအေးအေး မျက်နှာပေးနဲ့အမေရိကန်စစ်သားဟောင်း ယာကူဇာတစ်ယောက်အဖြစ်သရုပ်ဆောင်ထားတာကို မြင်တွေ့ရမှာပါ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1 GB) / (770 MB) Quality…. WEB-DL 1080p HEVC / 720p Format…. mkv/mp4 Genre…. Crime,Drama,Mystery Duration…. 02:01:32 Subtitle…. Myanmar Subtitle (Hardsub)

White Boy ဆိုတဲ့အသံကြားလိုက်တာနဲ့ အမေရိကရဲ့လူဖြူလူမည်းပရိပက္ခတွေကို အနည်းငယ်တီးမိခေါက်မိရှိတဲ့သူတွေက ဇာတ်လိုက်ဖြစ်သူ Rick ရောက်ရှိနေတဲ့ ပတ်ဝန်းကျင်အခြေအနေကိုခန့်မှန်းမိကြမှာပါ။ Rick ဆိုတာက Richard Wershe Jr. လို့ခေါ်တဲ့ ၁၄ နှစ်သားကောင်လေးတစ်ယောက်။ မိဘဖြစ်သူတွေက တရားဝင်ကွာရှင်းထားပြီးသားဖြစ်တဲ့အတွက် အဖေ့စောင့်ရှောက်မှုအောက်မှာ အစ်မဖြစ်သူနဲ့အတူနေထိုင်တယ်။ သူတို့နေထိုင်တဲ့နေရာက Detroit လို့ခေါ်တဲ့ နယ်စပ်မြို့၊ လူမည်းအများစုနေထိုင်ပြီး ဒုစရိုက်မှုတွေမှိုလိုပေါတဲ့မြို့တစ်မြို့ပေါ့ဗျာ။ Rick Jr. ရဲ့အဖေဖြစ်သူက လိုင်စင်ရသေနတ်ရောင်းဝယ်ရေးသမားဖြစ်တာနဲ့အညီ ဂိုဏ်းစတားတွေ၊ဒုစရိုက်သမားတွေနဲ့ အမြဲမပြတ်ဆက်ဆံနေရတဲ့သူပေမယ့် ဗီဒီယိုစတိုးလေးဖွင့်ပြီး မိသားစုနဲ့အတူအေးအေးဆေးဆေးဘဝကိုဖြတ်သန်းချင်တဲ့သူ။ တစ်ရက်မှာ Rick Jr. တစ်ယောက် သူ့အဖေသေနတ်ပြပွဲကနေ အောက်ကြေးနှိုက်လာတဲ့ AK47 နှစ်လက်ကို Johnny လို့ခေါ်တဲ့ လူမည်းတစ်ယောက်ဆီသွားရောင်းရာကနေ သူတို့အဖွဲ့နဲ့ဓာတ်ကျပြီး ဘော်ဒါတွေဖြစ်သွားကြတယ်။ Johnny တို့အဖွဲ့က အားလုံးလူမည်းတွေချည်းဖြစ်တဲ့အတွက် သူတစ်ဦးတည်းသာလူဖြူဖြစ်နေတဲ့ Rick Jr. တစ်ယောက် White Boy Rick ဆိုတဲ့ နာမည်ပြောင်ရပြီး အဖွဲ့ဝင်တစ်ယောက်လိုဖြစ်လာတယ်။ အဲဒီလိုရက်သတ္တပတ်တွေဖြတ်သန်းပြီးတဲ့အခါမှာတော့ Rick Jr. ရဲ့အဖေ လိုင်စင်မရှိပဲ Silencer ( သေနတ်နဲ့တွဲသုံးတဲ့ အသံတိတ်ပြောင်း ) ထုတ်လုပ်ရောင်းချပါတယ်ဆိုပြီး ပြဿနာတက်တယ်။ ဒါတင်မကသေးဘူး ပစ်ခတ်မှုတစ်ခုမှာသုံးတဲ့သေနတ်က သူသေနတ်အရောင်းပြပွဲတုန်းက ဝယ်သွားတဲ့သေနတ်ဖြစ်နေတယ်ဆိုတဲ့ ပြဿနာပါထက်တက်ရော။ ဒါပေမယ့် မူးယစ်ဆေးဝါးဖြန့်ချိမှုကြီးတွေကိုသာ နှိမ်နှင်းချင်တာကြောင့် သူတို့အတွက် Informant ( သတင်းပေး ) လုပ်ပေးမယ်ဆိုရင် အဖေဖြစ်သူရဲ့အမှုတွေကိုလျှော်ပေးမယ်ဆိုပြီး FBI အေးဂျင့်တွေက Rick Jr. ကိုညှိတယ်ပေါ့ဗျာ။ အဲဒီမှာပဲ ၁၄နှစ်သား Rick Jr. တစ်ယောက် ဒုစရိုက်ဂိုဏ်းဝင်အဖြစ်ကနေ ရဲဘက်သတင်းပေးဘဝကိုရောက်သွားပြီး အဖေဖြစ်သူကိုကယ်တင်ဖို့ကြိုးစားရတော့တယ်။ ဒီဇာတ်လမ်းရဲ့ဇာတ်ဆောင် Rick Wershe Jr. အဖြစ် တက်သစ်စမင်းသား Richie Merritt အဖြစ်သရုပ်ဆောင်ထားပြီး အဖေဖြစ်သူရဲ့နေရာမှာ မင်းသားကြီး Matthew McConaughey ကပါဝင်သရုပ်ဆောင်ထားပါတယ်။ Sony ကဖြန့်ချိပြီး ဒါရိုက်တာ Yann Demange ရိုက်ကူးတဲ့ ဒီရုပ်ရှင်ဟာ 1980 ခုနှစ်တုန်းက ဖြစ်ပျက်ခဲ့တဲ့တကယ့်အဖြစ်အပျက်ကို ပြန်လည်ရိုက်ကူးထားတဲ့ Biological, Crime, Drama အမျိုးအစား ရုပ်ရှင်ကားကောင်းတစ်ကားပဲဖြစ်တာကြောင့် Crime Drama ရုပ်ရှင်တွေကိုကြိုက်နှစ်သက်တဲ့သူတွေအနေနဲ့တော့ ကြည့်ရှုသင့်တဲ့ရုပ်ရှင်တစ်ကားလို့ ညွှန်းဆိုချင်ပါတယ်။ (ဇာတ်လမ်းအညွှန်း နဲ့ ဘာသာပြန်သူကတော့ Myo Thant Kyaw ပါ) File Size : (850 MB) and (380 MB) Quality : Blu-Ray 720p Running Time : 1hr 51min Format : Mp4 Genre : Crime, Drama Subtitle : Myanmar Subtitle (Hard Sub) Source : 720p.BluRay.x264-DRONES Translated by Myo Thant Kyaw Encoded by Thanhtike Zaw

Hostiles (2017) IMDb Rating (7.2) / Rotten Tomatoes (70%) အခုတစ်ခါမှာတော့ ကမ္ဘာကျော်မင်းသားကြီး Christian Bale ရဲ့ Western Film တစ်ကားတင်ဆက်ပေးပါမယ်။ Western ဇာတ်ကားအမျိုးအစားကိုတော့ မြန်မာမှာ ကောင်းဘွိုင်ဇာတ်ကားအမျိုးအစားအဖြစ် လူသိများပါတယ်။ ဒီဇာတ်ကားကိုတော့ ဒါရိုက်တာ Scott Copper ကရိုက်ကူးထားပါတယ်။ ခေါင်းဆောင်မင်းသားကတော့ American Psycho, The Machinist, Batman Trilogy ဇာတ်ကားတွေနဲ့အတူနာမည်ကျော်ကြားလာတဲ့ မင်းသား Christian Bale ဖြစ်ပြီးတော့ဇာတ်ဆောင်မင်းသမီးနေရာမှာ 2002 ခုနှစ်ထွက် James Bond ဇာတ်ကားတစ်ကားဖြစ်တဲ့ Die Another Day မှာ Bond Girl အဖြစ်သရုပ်ဆောင်ခဲ့ပြီးတော့ နာမည်ကျော်ဇာတ်ကားတစ်ကားဖြစ်တဲ့ Gone Girl မှာခေါင်းဆောင်မင်းသမီးအဖြစ် ပါဝင်သရုပ်ဆောင်ခဲ့တဲ့မင်းသမီးချောကြီး Rosamund Pike ပဲဖြစ်ပါတယ်။ ဇာတ်လမ်းအကျဉ်းအရတော့ ဂျိုးဘလော့ကာဟာစစ်တပ်မှာ ကပ္ပတိန်အဖြစ်တာဝန်ထမ်းဆောင်နေတဲ့သူတစ်ဦးဖြစ်ပြီးတော့အင်ဒီယန်းတွေကို လွန်စွာမုန်းတီးသူဖြစ်ပါတယ်။ တစ်နေ့မှာ သူ့ရဲ့ရဲဘော်ရဲဘက်တွေကို သတ်ဖြတ်ခဲ့တဲ့ သူမုန်းတီးရတဲ့ ရှိုင်ယန်းအကြီးအကဲတစ်ဦးကို မွေးရပ်မြေအရောက်ပြန်ပို့ပေးဖို့အတွက်သမ္မတကိုယ်တိုင်ကခိုင်းစေလာတာကြောင့် အဆိုပါတာဝန်ကိုမဖြစ်မနေထမ်းဆောင်ရမယ့် အခြေအနေကိုကျရောက်လာပါတော့တယ်။ သူမုန်းတီးတဲ့အင်ဒီးယန်းလူမျိုးကြီးကို နေရပ်ဆီအရောက်ပို့ပေးနိုင်မလား။ လမ်းခရီးမှာရော ဘယ်လိုအခက်အခဲတွေကြုံတွေ့ရဦးမလဲဆိုတာကိုတော့ ကိုယ်တိုင်ပဲဆက်လက်ကြည့်ရှုလိုက်ပါ။ နာမည်ကျော်မင်းသားကြီးနဲ့ မင်းသမီးကြီးပါဝင်ထားတဲ့ဇာတ်ကားဖြစ်တာကြောင့် လက်လွတ်မခံသင့်တဲ့ ဇာတ်ကားတစ်ကားဖြစ်ပါတယ်။ File size…(7.1 GB)/ (2 GB ) / (1 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:15:00 Subtitle….Myanmar Subtitle (Hardsub) Encoder….Ka Naung Translated by Myo Thant Kyaw

Black Mass(2015)အညွှန်း (အလန်းစားကားမို့ 1080p5.1ch ပါပြုလုပ်ပေးထားပါတယ်....) IMDb...7.0,,,,Rottten...73% ဘော်စတွန်မှာနေတဲ့သူတွေဆိုရင် ဂျိမ်းစ်ဘော်လ်ဂျာကို မသိတဲ့လူမရှိဘူးတဲ့... သူဟာဘော်စတွန်မြို့တောင်ပိုင်းမှာ ကြီးပြင်းတယ် သူ့မှာ ဘီလီဆိုတဲ့ညီတစ်ယောက်ရှိတယ် သူ့ကို ဘော်စတွန်မြို့တောင်ပိုင်းက လူတွေတော်တော်များများချစ်ကြတယ် ဒါပေမဲ့ ဒီကောင်ကလူဆိုး လူမိုက် လူပေ လူတေ သူ့ဘဝရဲ့အရေးအကြီးဆုံး တန်ဖိုးအထားဆုံးက သစ္စာတရားပဲ ငယ်ငယ်တုန်းက ခင်ဗျားတို့တွေ ကိုယ့်ကို နာမည်ပြောင်လာခေါ်ရင် စိတ်ဆိုးရန်ဖြစ်တတ်ကြတယ်မလား.. .ပြောင်ကြီးတို့ ခေါလေးတို့... ဒီဘော်လ်ဂျာဆိုတဲ့ဘဲလည်း သူ့ကိုနာမည်ပြောင်လာခေါ်ရင် မကြိုက်ဘူး... ဒါပေမဲ့ သူက ရန်တော့မဖြစ်ဘူး... သတ်တာ... ဇာတ်ကားက အရမ်းကြမ်းပါတယ်..ကလေးသူငယ်နဲ့ သွေးသံရဲရဲကြောက်တတ်တဲ့သူတွေမကြည့်သင့်ပါဘူး.. ဖြစ်ရပ်မှန်ဇာတ်ကားဖြစ်တဲ့အပြင် Johnny Depp နဲ့ Benedict Cumberbatch အဓိကသရုပ်ဆောင်ထားလေတော့ ဒီကားကိုနင်းကန်ကြည့်သင့်ပါတယ်..စပွိုင်လာလုပ်လို့မကောင်းတဲ့ကားမျိုးမို့ ဒီလောက်ပဲပြောပါရစေ.... ဇာတ်ကားတစ်ကားလုံး အစကနေအဆုံးထိ ဘာတွေဖြစ်မလဲ စိုးတထိတ်ထိတ်နဲ့ ကြည့်ရတဲ့ကားမို့ လူမိုက်အကြမ်းစားကားတွေသဘောကျတဲ့သူတွေအဖို့လက်မလွှတ်သင့်ပါကြောင်း... File Size :(2.16GB)(1.04GB) Quality :Blu-Ray 1080p 5.1 CH, Blu-Ray 720p Format…mp4 Duration…02:02:00 Genre : Biography, Crime, Drama Subtitle : Myanmar Subtitle (Hard Sub) Translated by Paing Encoded by Phyo Pyae

လက်မလွှတ်သင့်တဲ့HorrorMovieထဲမှာOcculusကတစ်ကားအပါအဝင်ဖြစ်ပါတယ်။ကြည့်ရင်းကြည့်ရင်းနဲံ့ကြောက်သထက်ကြောက်လာရမယ့်ဇာတ်လမ်းပါ။ထင်ယောင်ထင်မှားဖြစ်တာလား?သရဲတကယ်ခြောက်တာလား?ဆိုတာကိုဇာတ်လမ်းကြည့်ရင်းအဖြေရှာရမယ့်ကားပါ။ကြောက်စိတ်ဆိုတာ.....ထင်ယောင်ထင်မှားဖြစ်တာကနေအစပြုတာများပါတယ်။ မှန်ထဲမှာရှိတဲ့ ပုံရိပ်ဟာ ပုံရိပ်ယောင်ပါ။ပုံရိပ်ယောင်ကနေမှန်ကြည့်နေတဲ့လူကိုပူးကပ်လာလေမလားလို့ စိတ်ကူးယဉ်ဖူးပါသလားတကယ်ကို ပူးကပ်လာခဲ့တဲ့အခါဘာတွေဆက်ဖြစ်လာမှာလဲ? သရဲပူးကပ်နေတဲ့မှန်ကလူကိုဘယ်လိုများခြောက်လှန့်မယ်လို့ထင်ပါသလဲ?သရဲပူးကပ်နေတဲ့မှန်ကိုသိပ္ပံနည်းကျနဲ့ ဖြေရှင်နိုင်မယ်လို့ ထင်ပါသလား?

ARGO ARGO ရုပ်ရှင်ဟာ ၁၉၇၉-၈၀ မှာဖြစ်ခဲ့တဲ့ အီရန်တော်လှန်ရေးအတွင်း သံရုံးက လွတ်မြောက်အမေရိကန်သံရုံးဝန်ထမ်း ၆ ယောက်ကို ကယ်ထုတ်တဲ့အကြောင်းကိုရိုက်ပြထားတဲ့ဇတ်ကားပါ။ ၁၉၇၉ မှာ အီရန်နိုင်ငံတွင်းတော်လှန်ရေးဖြစ်ခဲ့ပါတယ် တော်လှန်ရေးအတွင်းမှာ အမေရိကန်သံရုံးကိုသိမ်းပြီး အီရန်ဘုရင်ဟောင်း ရှားကိုနိုင်ငံခိုလှုံခွင့်ပေးထားရာကနေပြန်လွဲပေးဖို့ တောင်းဆိုလာခဲ့ပါတယ်။ အဲ့ဒီသံရုံးအသိမ်းခံရချိန်မှာ လွတ်သွားတဲ့ သံရုံးဝန်ထမ်း ၆ ယောက်ကိုကယ်ဖို့ စီအိုင်အေကလူတွေ ကြိုးစားကြပုံကိုရိုက်ကူးထားတာဖြစ်ပါတယ်။ ARGO ကို အောက်တိုဘာ ၁၂ ရက် ၂၀၁၂ ခုနှစ်မှာထွက်ခဲ့ပြီးတော့ ဇတ်လိုက်မင်းသား Ben Affleck ကိုယ်တိုင်ရိုက်ကူးထားပြီး ထုတ်လုပ်သူကလဲ Ben Affleck နဲ့ George Clooney ကြီးတို့ပါပဲ။ ဒီဇတ်ကားဟာ ၈၅ ကြိမ်မြောက်အကယ်ဒမီမှာ nominations ၇ ခုဝင်ပြီး ဆု သုံးခုရခဲ့ပါတယ် (Best Picture, Best Adapted Screenplay, and Best Film Editing) အဲ့နောက် Golden Globe Award မှာလဲ Best Motion Picture – Drama နဲ့ Best Director ဆုထပ်ရခဲ့ပါသေးတယ်။ ဗြိတိန်အကယ်ဒမီနဲ့ 37th Hochi Film Award မှာလဲ ဇတ်ကားဆု တည်းဖြတ်နဲ့ ဒါရိုက်တာဆုတွေထပ်ရခဲ့ပါသေးတယ်တဲ့။ ဒီအကြောင်းကို စာအုပ်တွေလဲအများကြီးထုတ်ဝေခဲ့ကြပါတယ်။ စာဖတ်ရတာမပျင်းရင်တော့ အောက်ကသမိုင်းကြောင်းတွေဆက်ဖတ်ပါဗျ။ ဇတ်ကားကြည့်ရတာ ပိုအရသာရှိသွားအောင် သမိုင်းကြောင်းလေးနဲနဲလှန်ထားပါတယ် အောက်မှာတော့ facts လေးတွေပါပါတယ်။ (ထွက်တာလဲကြာပြီမို့ Spoil သတိမပေးတော့ပါဘူး) အီရန်မှာနိုင်ငံရေးတော်တော်ရှုတ်ပါတယ် အီရန်နိုင်ငံကို ရှားဘုရင်အဆက်ဆက်ကအုပ်ချုပ်ခဲ့ပြီး ၁၉၅၀ မှာ မိုဟာမက် မိုဆာဒက်ကို ဝန်ကြီးချုပ်ခန့်ခဲ့ကြပါတယ် သူက အီရန်ရေနံကို နိုင်ငံပိုင်ဖြစ်အောင်ပြန်လုပ်ပေးခဲ့ပါတယ်။ သုံးနှစ်အကြာမှာ ရေနံကုမ္ပဏီတွေကပေါင်းပြီး သူတို့နဲ့ပနံသင့်တဲ့ ရှားဘုရင်တစ်ယောက်ကိုပြန်နန်းတင်ပေးခဲ့ပါတယ် ရှားဘုရင်က သူ့ပြည်သူတွေကို ဂုတ်သွေးပြန်စုတ်တော့ ၂၆ နှစ်အကြာ (၁၉၇၉) မှာ ပြည်သူတွေကတစ်ခါ တော်လှန်ကြပြန်ပါတယ်။ အဲ့ဒီနောက် ရှားဘုရင် ဟာ ၁၉၇၉ ခုနှစ်မှာပဲ နန်းစွန့်ခဲ့ကာ အီရန်ကနေ ကင်ဆာကုသဖို့ နိုင်ငံရေးခိုလှုံခွင့်နဲ့ အမေရိကားသို့ထွက်ခွာသွားခဲ့ပါတယ်။ (၁၉၇၉ ဒီဇင်ဘာမှာ အီဂျစ်မှာ အမြဲတမ်းနိုင်ငံရေးခိုလှုံခွင့်စရခဲ့ပြီး အဲ့ဒီမှာပဲ ၁၉၈၀ (အသက် ၆၀) မှာသေဆုံးသွားခဲ့ပါတယ်။) နိုင်ငံကိုတော့ ယာယီအစိုးရဖွဲ့ပြီး အတိုက်အခံ ဝန်ကြီးချုပ် Mehdi Bazargan ဆီမှာထားခဲ့ပါတယ်။ (ယာယီအစိုးရလဲ ဝန်ကြီးချုပ်အစိုးရအဖွဲ့နှုတ်ထွက်ပြီးမကြာခင်မှာပဲဖြုတ်ချခံခဲ့ရပါတယ်) အဲ့ဒီမှာ တော်လှန်ရေးကိုထောက်ခံတဲ့ Muslim Student Followers of the Imam's Line အဖွဲ့ရဲ့နောက်လိုက် ကောလိပ်ကျောင်းသားတွေက အမေရိကန်သံရုံးကိုသိမ်းပိုက်ပြီး တော့ အမေရိကန် ၅၂ ယောက်ကို ဓါးစားခံအနေနဲ့ဖမ်းပြီး ရှားကိုရုံးတင်စစ်ဆေးဖို့အတွက် အီရန်ဆီပြန်လွှဲပေးဖို့တောင်းဆိုပါတယ်။ (အီရန်အစိုးရဘက်က ထုတ်ပြန်ချက်တွေမှာ ကျောင်းသားလို့ဆိုထားပေမဲ့ ကျောင်းမတက်ဘဲ တော်လှန်ရေးလုပ်ဖို့အဖွဲ့လိုက်ဖွဲ့နေတဲ့လူလတ်ပိုင်းတွေလို့ အမေရိကန်ဘက်ကပြောကြပါတယ်) သံရုံးအသိမ်းခံလိုက်ရချိန်မှာပဲ အမေရိကန်သံရုံးက ၆ ယောက်နောက်ဖေးပေါက်ကနေ ထွက်ပြေးလွတ်မြောက်သွားခဲ့ပြီးတော့ ဒီကိစ္စကိုစီအိုင်အေကသိသွားတဲ့နောက် ကယ်ထုတ်ဖို့ကြိုးစားကြပါတယ်။ (ဇတ်ကားထဲမှာ ဗြိတိန်နဲ့ နယူးဇီလန် ကလက်မခံဘဲ သံရုံးကနေ ကနေဒါသံအမတ်အိမ်ကိုရောက်သွားတယ်လို့ပဲပါပါတယ်။ တကယ်မှာတော့ ဗြိတိန်သံရုံးမှာ တစ်ညနေခဲ့ကြပြီး လိုက်ရှာနေတဲ့စစ်သွေးကြွတွေက ဗြိတိန်သံရုံးကို သင်္ကာမကင်းဖြစ်လာတဲ့အတွက် အားလုံးက ကနေဒါသံအမတ်အိမ်ကအလုံခြုံဆုံးလို့ ယူဆတဲ့အတွက် ရောဘတ်အန်ဒရာ (၆ယောက်ထဲကတစ်ယောက်)ရဲ့အသိ လူဝင်မှုကြီးကြပ်ရေးအရာရှိအဆက်အသွယ်နဲ့ သူတို့အားလုံးကနေဒါသံအမတ်အိမ်ကိုရောက်သွားခဲ့ကြတာပါ။ ဇတ်ကားထဲမှာအဲ့ဒီအရာရှိအကြောင်းကို ချန်ခဲ့ပါတယ်တဲ့) တိုနီ မန်ဒက်ဇ်ဟာ သူကယ်ရမယ့် သံရုံးကလူခြောက်ယောက်ကို ကိုယ်စားပြုတဲ့အနေနဲ့ "Studio Six Productions" ဆိုတဲ့ နာမည်ပေးခဲ့တာဖြစ်ပါတယ်တဲ့။ အဲ့ဒီနောက် စီအိုင်အေက တိုနီ မန်ဒက်ဇ် (Tony Mendez) / AKA-Ben Affleck ကိုကယ်ထုတ်ဖို့ တာဝန်ပေးလိုက်ရာကနေဒီဇတ်ကားဖြစ်လာပါတော့တယ်။ ၁၉၈၀ ဇန်နဝါရီ ၂၇ ရက်နေ့မှာ တော့ အမေရိကန်ခြောက်ယောက်နဲ့အတူ Tony Mendez တစ်ယောက် နယူးဇီလန်တောင်ပိုင်း ဇူးရစ်ကိုလွတ်မြောက်လာခဲ့ကြပါတယ်။ အမေရိကန်နိုင်ငံသားခြောက်ယောက်ကို တောင်တစ်လုံးမှာရှိတဲ့ စီအိုင်အေရဲ့ယာယီလုံခြုံရေးအိမ်ကို စီအိုင်အေကပဲ ခေါ်ဆောင်သွားပြီး သူတို့ကို သတင်းစာတွေကိုပြောခွင့်မရှိကြောင်းပြောခဲ့ပြီးနောက် ဖလောရီဒါကလျှို့ဝှက်နေရာတစ်ခုမှာ ဓါးစားခံကိစ္စ ရှင်းပြီးတဲ့အထိဖွတ်ထားဖို့စီစဉ်ခဲ့ကြပါတယ်။ ဒါပေမဲ့ အနံ့ခံကောင်းတဲ့သတင်းသမားတွေက သိသွားခဲ့ပြီး ဓါးစားခံတွေအန္တရာယ်ကင်းကြောင်းသိတာနဲ့ နောက်တစ်နေ့မှာပဲ ကနေဒါသီတင်းစာ ခေါင်းကြီးပိုင်းမှာပါလာခဲ့ပါတယ်။ နိုင်ငံတကာသတင်းစာတွေကလဲ ချက်ချင်းဆိုသလိုဒီအကြောင်းကိုသိသွားခဲ့ပြီးနောက်မှာ မထူးတဲ့အဆုံး စီအိုင်အေက ခြောက်ယောက်လုံးကို အမေရိကားကိုလေယာဉ်နဲ့ပြန်တင်လွှတ်လိုက်ကြပါတယ်။ အမေရိကန်သံရုံးက လူခြောက်ယောက်ဟာ အမေရိကားကို ဇန်နဝါရီ ၃၀ မှာပြန်ရောက်ခဲ့ကြပါတယ်။ အဲ့ဒီအတွက် အမေရိကန်နိုင်ငံတစ်ဝှမ်းနေရာအတော်များများမှာ ကနေဒါအလံကိုလွှင့်ထူခဲ့ကြပြီး ကျေးဇူးတင်ကြောင်း ဆိုင်းဘုတ်တွေစိုက်ထူခဲ့ကြပါတယ်။ သမ္မတကာတာက အထိန်းသိမ်းခံထားရတဲ့ဓါးစာခံ ၅၂ ယောက်ကို သိန်းငှက်လက်သည်းစစ်ဆင်ရေး (Operation Eagle Claw-ဇတ်ကားလား Documentry လားမသိဘူးရှိတယ်)နဲ့ ကယ်ထုတ်ဖို့လုပ်ခဲ့ပါသေးတယ် ဒါပေမဲ့ ပျက်သွားခဲ့ပြီးအဲ့ဒီဟာကြောင့်ပဲ ၁၉၈၀ သမ္မတရွေးကောက်ပွဲမှာ အရေးနိမ့်ခဲ့ပြီး Ronald Reagan ကအနိုင်ရခဲ့ပါတယ်။ စက်တင်ဘာ ၁၉၈၀ မှာတော့ အီရပ်တပ်တွေက အီရန်ကိုဝင်လာတာကစလို့ အီရန်-အီရပ် စစ်ပွဲစခဲ့ပါတယ်။ အဲ့ဒီကိစ္စတွေကြောင့် အီရန်အစိုးရက အမေရိကန်နဲ့ ညှိနှိုင်းခဲ့ဖို့ဖြစ်လာခဲ့ပါတယ်။ ဂျင်မီကာတာနောက်တက်လာတဲ့ သမ္မတအသစ် (ရော်နယ် ဂရေဟင်)အာဏာရပြီးနောက်မှာပဲ စစ်ပွဲကြောင့်အကျပ်ရိုက်နေတဲ့ အီရန်က အမေရိကန်နဲ့ဆွေးနွေးညှိနှိုင်းခဲ့ပြီး သမ္မတသစ်က Algiers Accords မှာ လက်မှတ်ထိုးပြီးနောက် ဓါးစားခံများအားလုံးကိုပြန်လွှတ်ပေးခဲ့ပါတယ်။ အဓိကဇတ်ဆောင်ဖြစ်တဲ့ တိုနီ မန်ဒက်ဇ် (Tony Mendez)က တော့ ၂၀၁၉ ဇန်နဝါရီ ၁၉ မှာဆုံးပါးသွားခဲ့ပြီး သူသေဆုံးချိန်မှာ ၇၈ နှစ်ရှိပါပြီ။ Quality – 720p  Bluray Rip Duration - 2 hr Subtitle – Myanmar Hardsub Format – Mp4 Genre : Biography, Drama, Thriller Translator – idiot Encoder – idiot

Passion Play (2010) အရင်က နာမည်ကြီး trumpet player ဖြစ်ခဲ့တဲ့ Nate Poole က လူဆိုးဂိုဏ်းခေါင်းဆောင်တစ်ယောက်ရဲ့ ဇနီးကို မသိဘဲအိပ်မိရာကနေ လူဆိုးဂိုဏ်းခေါင်းဆောင်က လိုက်သတ်လို ကန္တာရထဲ ထွက်ပြေးခဲ့ရတယ်။ အဲဒီမှာသူ ဆပ်ကပ်ပွဲတစ်ခုဆီရောက်သွားပြီး မထင်မှတ်ဘဲ အတောင်ပံတွေရှိတဲ့ မိန်းမလှလေးကို တွေ့ခဲ့ချိန်မှာတော့ သူ့ဘဝကြီးရော ငှက်အတောင်ပံတွေနဲ့ မိန်းမပျိုလေးရဲ့ဘဝရော ဘယ်လိုတွေပြောင်းလဲသွားမလဲဆိုတာကိုတော့ ဒီဇာတ်လမ်းမှာ ဆက်လက်ကြည့်ရှုလိုရပါတယ်။ နာမည်ကြီး မင်းသားမင်းသမီးကြီးတွေဖြစ်တဲ့ Mickey Rourke၊ Megan fox၊ Bill Murray၊ Rhys Ifans နဲ့ Kelly Lynch တိုအကုန် ပါဝင်တာမို မလွတ်တမ်းကြည့်ရှုသင့်ပါတယ်နော်။ ( ဘာသာပြန်ပြီး အညွှန်းရေးသားထားသူကတော့ Thwal Htoo Zin ပါ ) File size_(1.5GB)/(700MB) Quality_Blu-Ray 1080p / 720p Format_mp4 Duration_01:30:00 Genre_Drama, Fantasy, Romance Subtitle_Myanmar Subtitle (Hardsub) Encoder_a hao Translated by Thwal Htoo Zin

Public Enemies (2009) ဇာတ်ကားဟာ 1993 ခုနှစ်က နာမည်ကျော် ဘဏ်ဓားပြတစ်ဦးဖြစ်တဲ့ John Dillinger အကြောင်းကို ဖြစ်ရပ်မှန်ရိုက်ကူးထားတဲ့ ဇာတ်ကားတစ်ကားပဲဖြစ်ပါတယ်။ မင်းသားကြီး Johnny Depp အဓိကပါဝင်ရိုက်ကူးထားပြီး စိတ်ဝင်စားဖွယ်ကောင်းသော အက်ရှင် Crime ရုပ်ရှင်အမျိုးအစားဖြစ်ပြီး IMDB rating 7.0 ရရှိထားသော ရုပ်ရှင်ကားတစ်ကားဖြစ်ပါတယ်။ File Size : 850 MB Quality : Bluray 720P Running Time : 2hr 20minutes Format : Mp4 Genre : Biography, Crime, Drama Fixed & Synced : Wai Linn Kyaw Encoder :Thanhtike Zaw

ဘောပ့်အာတာဟာ မူးယစ်ဆေးအရောင်းအဝယ်လုပ်နေတဲ့ အဖွဲ့တစ်ဖွဲ့ကို စုံစမ်းဖို့ အသွင်ယူထားတဲ့ ရဲအရာရှိတစ်ယောက်ပါ။ အသွင်ယူထားတဲ့ဘဝနဲ့ ပီပြင်အောင် နေထိုင်ရင်းက သူကိုယ်တိုင် မူးယစ်ဆေးစွဲလာပါတော့တယ်။ ရဲဖြစ်ကြောင်း မပေါ်အောင် ဖုံးကွယ်ထားရသလို ဆေးစွဲနေတဲ့အခြေအနေနဲ့ မူးယစ်ဆေးတိုက်ဖျက်ရေးအလုပ်ကို ဘယ်လိုဆက်လုပ်မလဲဆိုတဲ့ အခက်အခဲလည်း ရှိလာတယ်။ သူ့အနားက ဂျင်ဘယ်ရစ်နဲ့ အာနီလက်မန်းတို့ရဲ့ အရှုပ်အထွေးတွေကလည်း ဇာတ်လမ်းထဲမှာ ပါလာပါတယ်။ ဒီဇာတ်ကားကို ဒါရိုက်တာ Richard Linklater က ရိုက်ကူးထားပြီး ဘောပ့်အာတာအဖြစ် Keanu Reeves၊ ဂျင်ဘယ်ရစ်အဖြစ် Robert Downey Jr. နဲ့ အာနီလက်မန်းအဖြစ် Woody Harrelson တို့ ပါဝင်ထားပါတယ်။ Winona Ryder လည်း အဓိကသရုပ်ဆောင်တစ်ဦးအဖြစ် ပါဝင်ထားတဲ့ သိပ္ပံစိတ်ကူးယဉ်၊ သည်းထိတ်ရင်ဖို အန်နီမေးရှင်းကားပါ။ တင်ဆက်ပုံကတော့ လူအစစ်တွေနဲ့ ဇာတ်ကားတစ်ကားလုံးကို အရင်ရိုက်ကူးပြီးမှ Interpolated Rotoscope နည်းပညာနဲ့ မူလရုပ်ပုံတွေကို ဖရိန်တစ်ခုချင်း ခြေရာကောက်ကာ အန်နီမေးရှင်းအဖြစ် ပြောင်းထားတာဖြစ်ပါတယ်။ ကြမ်းတမ်းတဲ့အပြောအဆိုတွေ၊ မူးယစ်ဆေးသုံးစွဲသူတွေရဲ့ နေထိုင်ပုံနဲ့ လိင်ဆက်ဆံခန်း ပါဝင်တာကြောင့် R အဆင့် သတ်မှတ်ထားပါတယ်။

ဒုတိယကမ္ဘာစစ်ကာလ တပ်သားစုဆောင်းရေးမှာ ဥပဒေဒုတိယနှစ်ကျောင်းသား သောမတ်စ်ဟာ့တ်လည်း ပါဝင်သွားပါတယ်။ အဖေက တပ်ထဲမှာ ထူးချွန်တဲ့ အရာရှိကြီးတစ်ယောက်ဖြစ်ပေမယ့် ဟာ့တ်ကိုယ်တိုင်ကတော့ စစ်ပွဲနဲ့ အကျွမ်းတဝင်မရှိဘဲ လက်ဖ်တင်နင်ဘဝနဲ့ပဲ ကျေနပ်နေသူပါ။ တစ်နေ့ အထက်အရာရှိတစ်ယောက်ကို လိုက်ပို့ရင်း ဂျာမန်တွေရဲ့ ဖမ်းဆီးခြင်းကို ခံလိုက်ရတယ်။ အဲဒီနောက် ဟာ့တ်ဟာ စစ်သုံ့ပန်းစခန်းကို ရောက်သွားပြီး Bruce Willis သရုပ်ဆောင်ထားတဲ့ ဇာတ်ကောင်တို့နဲ့ ဆုံတွေ့ရပါတယ်။ အဲဒီကနေ သုံ့ပန်းဘဝမှာ သူကြုံရမယ့် ပြဿနာတွေအကြောင်း ဆက်ပြထားတယ်။ အပြင်လောကမှာတင်မက စစ်တပ်အတွင်းမှာပါ ရှိနေတဲ့ လူဖြူ၊ လူမည်း ဆက်ဆံရေးကိုလည်း ထည့်သွင်းဖော်ပြထားပါတယ်။ Bruce Willis နဲ့ Collin Ferrell တို့ ပါဝင်ထားတဲ့ စစ်ဒရာမာကားပါ။ ဖြစ်ရပ်မှန်ဇာတ်လမ်းလို့ အပြည့်အဝမဆိုနိုင်ပေမယ့် စာရေးဆရာ John Katzenbach က အဖေဖြစ်သူ Nicholas ရဲ့ စစ်တွင်းအတွေ့အကြုံတွေကို မှီငြမ်းထားပါတယ်။

Flawless ကတော့ thriller comedy ဇာတ်လမ်းအမျိုးအစားပဲဖြစ်ပါတယ်။ လုံခြုံရေးဝန်ထမ်းအဖြစ်အလုပ်လုပ်ခဲ့ဖူးတဲ့ ဝေါ့ဟာ တိုက်ထဲမှာဖြစ်ပျက်ခဲ့တဲ့ မတော်တဆမှုတစ်ခုကနေ ခန္ဓာကိုယ်တခြမ်းလေဖြတ်သွားခဲ့ပါတယ်။ သူ့ရဲ့ကျန်းမာသန်စွမ်းတဲ့ခန္ဓာကိုယ်ကိုဆုံးရှုံးခဲ့ပြီးနောက်စိတ်ဓာတ်ကျနေတဲ့ဝေါ့ဟာ စကားတောင်ပြီးပီပြင်ပြင်မပြောနိုင်တော့တာကြောင့် သူ့ရဲ့တိုက်ခန်းမှာနေတဲ့ သူနဲ့အစေးမကပ်တဲ့ drag queen တစ်ယောက်ဆီမှာ သီချင်းဆိုလေ့ကျင့်ဖို့အကြာင်းဖန်လာပါတော့တယ်။ ရှေးရိုးစွဲအမျိုးသားတစ်ဦးနဲ့ ဖျော်ဖြေရေးမိန်းမရှာတို့ရဲ့ကမောက်ကမဆက်ဆံရေးနဲ့ သူတို့တိုက်ထဲမှာဖြစ်ပျက်နေတဲ့မှုခင်းအရှုပ်ထုပ်တွေကို ရီစရာဟာသလေးတွေနဲ့ စိတ်ဝင်စားဖို့ကောင်းအောင်ရိုက်ကူးတင်ဆက်ထားတဲ့ဇာတ်လမ်းလေးပဲဖြစ်ပါတယ်။ File size…(1.3 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Drama, Crime  Subtitle….Myanmar Subtitle (Hardsub) Encoder….Swan Min Htet Translated by Senju

Empire Records ဆိုင်မှာ ဆယ်ကျော်သက်ဝန်ထမ်းတွေနဲ့ သက်လတ်ပိုင်းမန်နေဂျာ Joe Reeves တို့ ပျော်ပျော်ရွှင်ရွှင်၊ လွတ်လွတ်လပ်လပ် အလုပ်လုပ်နေကြပါတယ်။ တစ်ညမှာ Joe က Lucas ဆိုတဲ့ ကောင်လေးကို ဆိုင်ပိတ်ပေးဖို့ မှာထားခဲ့တယ်။ အဲဒီညမှာပဲ Lucas ဟာ သူတို့ဆိုင်ကို Music Town လက်အောက် လွှဲပြောင်းတော့မယ့် စာချုပ်တစ်ခုကို တွေ့သွားပါတယ်။ ဆိုင်ကို ကယ်တင်ချင်တဲ့ Lucas က ရှိတဲ့ပိုက်ဆံ ၉၀၀၀ ကို ယူပြီး ကာစီနိုမှာ သွားပွားဖို့ ကြိုးစားတော့တယ်။ ဒါပေမယ့် အကုန်ရှုံးသွားတာကြောင့် အခြေအနေက ပိုခက်ခဲသွားပါတယ်။ အုပ်ချုပ်သူအသစ်ရဲ့ တင်းကျပ်တဲ့စည်းကမ်းတွေအောက်ကို မရောက်ချင်ကြတဲ့ ဝန်ထမ်းတွေဟာ ဆိုင်ရဲ့အရေးကို ရင်ဆိုင်ရင်း ကိုယ်ရေးကိုယ်တာပြဿနာတွေနဲ့လည်း ရှုပ်ထွေးနေကြတယ်။ ဇာတ်လမ်းက သူတို့ရဲ့ ၂၄ နာရီတာကို ရိုက်ပြထားပြီး ၁၉၉၀ ဝန်းကျင် ရော့ခ်နဲ့ပေါ့ပ်ဂီတတွေလည်း ပါဝင်ပါတယ်။ Liv Tyler နဲ့ Renée Zellweger တို့ ပါဝင်သရုပ်ဆောင်ထားပါတယ်။ Liv Tyler ဟာ Aerosmith အဖွဲ့ရဲ့ အဓိကအဆိုတော် Steven Tyler ရဲ့သမီးဖြစ်ပြီး Lord of the Rings နဲ့ The Incredible Hulk တို့မှာလည်း သရုပ်ဆောင်ခဲ့သူပါ။

ဒီရုပ်ရှင်က ၁၉၇၆ ခုနှစ် မေလ ၂၈ ရက်မှာ အော်စတင်၊ တက္ကဆက်ဒေက အထက်တန်းကျောင်းတစ်ခုရဲ့ ကျောင်းစာသင်နှစ် နောက်ဆုံးရက်ကို အခြေခံပြီး ရိုက်ကူးထားတဲ့ ရုပ်ရှင်ပါ။ IMDb 7.6 , Rotten Tomatoes 93% အထိရထားပါတယ်။ ဒီရုပ်ရှင်မှာ ဇာတ်လိုက်အုပ်စုတစ်ခုတည်းနဲ့ ဇာတ်လမ်းသွားတစ်ခုတည်းနဲ့မဟုတ်ဘဲ ကွဲပြားတဲ့ လူငယ်အုပ်စုတွေနဲ့ ဇာတ်ကောင်တွေရဲ့ ဆက်စပ်ထားတဲ့ ဇာတ်လမ်းတွေကို အဓိကထားပြီး ရိုက်ကူးထားတာပါ။ ဥပမာအနေနဲ့၊ နိုင်ငံတကာတန်း လူမိုက် စီနီယာကျောင်းသားတွေရဲ့ အကြမ်းဖက် သောင်းကျန်းကြတာတွေ၊ အားကစားသမားဖြစ်ပေမဲ့ ဘီယာသောက် ဝိ‌သောက် ပျော်ပါးရတာနှစ်ခြိုက်တဲ့ ဘောလုံး (ဘေ့စ်ဘော) ကစားသမားကျောင်းသားတစ်ယောက်နဲ့ အသင်းအတွက် အပျော်အပါးကိစ္စတွေကိုစွန့်လွှတ်ဖို့ရာ စာချုပ်ရေးထိုးဖို့ တိုက်တွန်းနေတဲ့ သူ့နည်းပြအကြောင်း၊ အရင်က အပျော်အပါးကိစ္စတွေကို လုပ်လေ့မရှိ‌ခဲ့ပေမဲ့ ဒီညနေရောက်တော့မှ ပါတီတစ်ခုကိုတက်ကြည့်ဖို့ ဆုံးဖြတ်လိုက်ကြတဲ့ အထက်တန်းနှစ်က သိပ္ပံစာဂျပိုး ဂိသူငယ်ချင်းတစု၊ အထက်တန်းပထမနှစ်ကို စတက်ခါစမှာပဲ စီနီယာတစ်အုပ် ပစ်မှတ်ထားတာကိုခံရပြီး သူတို့လက်ကလွတ်အောင်ပြေးနေရတဲ့ ဂျူနီယာကျောင်းသားသူငယ်ချင်းတစ်စု စသဖြင့် မတူညီတဲ့ လူငယ်အုပ်စုတွေနဲ့ ဇာတ်ကောင်တွေရဲ့ အဖြစ်အပျက်တွေကို အဓိကထားပြီး ရိုက်ကူးထားပါတယ်။ကျောင်း‌နောက်ဆုံးနေ့မှာ Lee High အထက်တန်းကျောင်းက အထက်တန်းကျောင်းသား ကျောင်းသူတွေစုပြီး ထိုခေတ်အခါက လူငယ်တွေရဲ့သင်္ကေတတွေဖြစ်တဲ့ အောက်ကဘဲလ်ဘောင်းဘီနဲ့ အပေါ်က ရှပ်လက်တို၀တ်၊ Low rider ကားကြီးတွေနဲ့ သူငယ်ချင်းတွေအုပ်လိုက် မြို့ထဲပတ်တာတွေ၊ ဘီယာ ဆေးခြောက်စုသောက်ကြတာတွေ စသဖြင့် ကျောင်းသားလူငယ်တွေတစ်ညလုံးကဲကြတဲ့အကြောင်းကို ဇာတ်အိမ်တည်ပြီး ရိုက်ကူးပြထားတာပါ။ ဒီရုပ်ရှင်ဟာ အသက် ၁၃ ကနေ ၁၈ အတွင်းက အခက်အခဲဆုံးကာလတွေကို ပြန်အမှတ်ရစေပြီး၊ ဒီကာလတွေမှာရခဲ့တဲ့ နာကျင်မှု‌တွေ၊အမှတ်တရဖြစ်စေတဲ့ ဘ၀ရဲ့ပထဆုံးအတွေ့အကြုံတွေ၊ အရသာတွေကို ပြန်အမှတ်ရစေတယ်လို့ ပြောရပါမယ်။ ဒီရုပ်ရှင်မှာ ပါဝင်ခဲ့တဲ့ ဇာတ်ကောင်တွေဟာ အနာဂတ်မှာ ကြယ်ပွင့်ဖြစ်လာမယ့် သရုပ်ဆောင်တွေဖြစ်ပြီး Jason London, Ben Affleck, Milla Jovovich, Cole Hauser, Parker Posey, Adam Goldberg, Matthew McConaughey, Nicky Katt, Joey Lauren Adams, နဲ့ Rory Cochrane တို့လို သရုပ်ဆောင်တွေပါဝင်ထားပါတယ်။ ဒါရိုက်တာ Linklater ဟာ သူ့ရဲ့ လူငယ်ဘဝကို အခြေခံပြီး ဇာတ်ညွှန်းကို ရေးသားခဲ့ပြီး၊ သူ့ရဲ့ မွေးရပ်မြေက လူတွေရဲ့ နာမည်တွေကို ဇာတ်ကောင်တွေအတွက် အသုံးပြုခဲ့ပါတယ်။ အဲဒီတုန်းက ဒါရိုက်တာ Linklater ကရုပ်ရှင်အတွက် ရွေးချယ်ခံရတဲ့ သရုပ်ဆောင်တွေကို ကိုယ့်‌ဇာတ်ကောင်ကို ကိုယ်တိုင်တည်ဆောက်ကြဖို့ တိုက်တွန်းခဲ့ပြီး အပိုဇာတ်၀င်ခန်းတွေအတွက်လည်း ဇာတ်ညွှန်းရေးပေးခိုင်းခဲ့တယ်လို့လည်းဆိုပါတယ်။ Linklater က ဒီရုပ်ရှင်နောက်ခံတေးအတွက် ၇၀ ခုနှစ်က ရော့ခ်သီချင်းတွေအများကြီးကို စုစည်းပြီး အလျှံပယ်ထည့်သွင်းခဲ့ပါတယ်။ Gramercy Pictures က ဒီရုပ်ရှင်ကို Stoner ရုပ်ရှင်ဆိုပြီး ကြော်ငြာခဲ့တာကြောင့် Linklater တစ်ယောက် လန့်ဖျပ်သွားခဲ့ရပါသေးတယ်တဲ့။ စက်တင်ဘာ ၂၄၊ ၁၉၉၃ မှာ ရုံတင်ပြသခဲ့တဲ့ ဒီရုပ်ရှင်ဟာ Box Office မှာ အရှုံးပေါ်ခဲ့ပြီး အမေရိကန်ပြည်ထောင်စုမှာ ရုံတင်ဝင်ငွေဒေါ်လာ ၈ သန်းအောက်ပဲရရှိခဲ့ပါတယ်တဲ့။ ဒီရုပ်ရှင်ဟာ နောက်ပိုင်းမှာ Home video market လို့ခေါ်တဲ့ ဗီဒီယိုရုပ်ရှင်ကား အငှားဈေးကွက်မှာမှ စအောင်မြင်သွားခဲ့ပြီး ဂန္တ၀င်လူငယ်ရုပ်ရှင်တွေထဲကတစ်ကား ဖြစ်လာခဲ့တာပါ။ Entertainment Weekly မဂ္ဂဇင်းရဲ့ အကောင်းဆုံးအထက်တန်းကျောင်းရုပ်ရှင် ၅၀ စာရင်းမှာ တတိယနေရာမှာ ရပ်တည်နိုင်ခဲ့ပြီး၊ “လွန်ခဲ့သော ၂၅ နှစ်အတွင်း ရယ်စရာအကောင်းဆုံးရုပ်ရှင်များ” စာရင်းမှာ ၁၀ နေရာမှာ ရပ်တည်နိုင်ခဲ့ပါတယ်။ ညွှန်းတာတွေလည်း များသွားပြီမလို့ ကိုယ်တိုင်ကိုယ်ကျ ကြည့်ရှုခံစားလိုက်ကြပါဦး။ File size…(2.5 GB)/(1.3 GB) Quality….Blu-Ray 1080p / 720p Format…mp4 Duration….01:43:00 Genre... Comedy Subtitle….Myanmar Subtitle (Hardsub) Encoder….Garfield Translated by Steven Khant