Seth MacFarlane ပါဝင်သော ဇာတ်ကားများ

Ted (2024-2026) Season 01/02 (စ/ဆုံး) ရုပ်ရှင်လောကရဲ့ အရယ်ရဆုံးကားတွေထဲက တစ်ခုဖြစ်တဲ့ Ted Season 02 ထွက်လာပြီဖြစ်ပါတယ်။ ( 8 )ပိုင်းပါဝင်ပြီး တစ်ရက်တစ်ပိုင်းတင်ပေးသွားမှာပါ။ ရုပ်ရှင်ကို မီတဲ့ဟာသတွေနဲ့ အသံသရုပ်ဆောင်မူရင်းဖြစ်တဲ့ Seth MacFarlane ပဲ ပြန်ပါဝင်ထားတာမို့ တခွီးခွီးနဲ့နေအောင်ကြည့်ရမှာပါ။ ဝက်ဝံရုပ်လေးနဲ့ဆိုပြီး ကလေးတွေကိုတော့ သွားမပြပါနဲ့ အယုတ္တအနတ္တအစုံ ဆဲဆိုထားလို့ပါ။ ခေတ်ကိုတော့ ၁၉၉၀ ခုနှစ်ကို အခြေတည်ထားတာမို့ အဲဒီတုန်းက ထရန်းတွေနဲ့ ဓလေ့တွေကိုသိရင်ပိုပြီးတော့ ရယ်ရပါတယ်။ သူတို့ ၁၉၉၀ ကိုရွေးပြီး ရိုက်တာလည်းမှန်တယ်ပြောရမှာပါပဲ။ အဲဒီကာလက ခေတ်ဟောင်းက လူမျိုးရေးခွဲတာတွေ၊ အမျိုးသမီးဖိနှပ်တာတွေနဲ့ လက်ရှိခေတ်လို့ အသားကုန် မ woke သေးပဲ အသုံးအနှုန်းတွေ လူ့အခွင့်အရေးတွေ ဟိုနည်းနည်းဒီနည်းနည်းပါနေတဲ့ကာလမို့ ခွီလို့လှောင်လို့ အတော်ကိုကောင်းပါတယ်။ ဖာသာတွေက ကလေးတဏှာရူးတာတွေကို ဖဲ့တာတွေ၊ စတားလုံးတို့လို နာမည်ကျော်တွေကိုဖဲ့တာတွေ၊ အီတလီတွေကို လူမျိုးရေးလိုက်ခွီတာတွေ စတဲ့ အကြောင်းအရာအစုံကို ခွီထားတာမို့ ဖင်နာတတ်ရင်လည်း မကြည့်သင့်ပါဘူး။ ဒီရုပ်ရှင်မှာတော့ တက်ဒ်ပါမယ်၊ ဂျွန်နီ နဲ့ သူ့အဖေနဲ့အမေ မတ်တီ နဲ့ ဆန်ဇန်၊ သူ့အစ်မဝမ်းကွဲဘလဲရားတို့အဓိက ပါဝင်ထားပါတယ်။ ဇာတ်လမ်းကတော့ တက်ဒ်တစ်ယောက်အိမ်မှာ အလုပ်မရှိအကိုင်မရှိသောင်းကျန်းနေလို့ လိမ္မာအောင်ဆိုပြီး ဂျွန်နီနဲ့အတူ ကျောင်းတက်ခိုင်းလိုက်မိပါတယ်။ ကျောင်းက မြန်မြန်ထွက်ရပြီး အိမ်မှာပဲ တီဗီပြန်ကြည့်ချင်နေတဲ့ တက်ဒ်က ကျောင်းမှာ ပြဿနာမျိုးစုံရှာပေမဲ့ ကျောင်းထုတ်မခံရဘဲ ဆက်တိုက်ကံကောင်းနေတဲ့အခါ... ဘာတွေဆက်ဖြစ်မလဲ ကြည့်ရဦးပါလိမ့်မယ်။ FFile size… (2 GB) / (800 MB) / (350 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Sitcom, Comedy Duration…. 30min Subtitle…. Myanmar Subtitle (Hardsub)

Pencils Vs Pixels (2023) ~ IMDb - 6.7/10, Rotten Tomatoes - 100% ~ ဒီမှတ်တမ်းရုပ်ရှင်လေးမှာတော့ ကျွန်တော်တို့တွေ အခု​ခေတ် ကြည့်ရှု​နေရတဲ့ ကာတွန်းကား​တွေဖြစ်​ပေါ်လာပုံအဆင့်ဆင့်နဲ့ အဲဒီကာတွန်း​တွေရဲ့​နောက်ကွယ်က လူ​တွေအ​ကြောင်း​ကို Detail ကျကျဖော်ပြထားပြီး ကာတွန်းရုပ်ရှင်လောကရဲ့ နာမည်ကျော် ဂန္ထဝင်ပုဂ္ဂိုလ်တွေပါ ပါဝင်ထားပါတယ်။ ဒီ Documentary ​လေးကိုကြည့်လိုက်တာနဲ့ ကာတွန်းဘယ်လိုဖြစ်​​ပေါ်လာလဲက​နေစပြီး ဒီ​ဘက်ခေတ်ကာတွန်းတွေရဲ့ အရည်​အ​သွေးရောက်အောင်ထိဘယ်လိုကြိုးစားလာရလဲဆိုတာ​တွေကို ​​​အလုံးစုံသိသွား​စေရုံတင်မကဘဲ နည်းပညာ​​တွေမတိုးတက်​သေး ကာတွန်းကိုလက်နဲ့သာ​ရေးပြီး ထုတ်လုပ်ရတဲ့​ခေတ်မှာ ကြုံ​တွေ့ရတဲ့ အခက်အခဲ​တွေ၊ ငယ်ငယ်က​ခေတ်စားခဲ့တဲ့ ဂန္ထဝင်ကာတွန်းကားကြီး​တွေဘယ်လိုဖြစ်တည်လာလဲ အဲ့ဒီ​နောက်ကွယ်ကလူ​တွေရဲ့ကြိုးစားမှု​တွေကိုသိရှိရပါလိမ့်မယ်။ အဲဒီလိုကနေ ​နောက်ပိုင်း​ခေတ် ကွန်ပြူ​တာဖန်တီးမှု​တွေဝင်​ရောက်လာတဲ့အခါ ကာတွန်း​လောကကြီး​ပြောင်းလဲသွားပုံ၊ သုံးဖက်မြင်(3D)ကာတွန်း​တွေ ထွက်လာ​တော့ လက်​ရေးနှစ်ဖက်မြင်(2D) ကာတွန်း​လောကလူ​တွေ ဘယ်​​လောက်​တောင်ရုန်းကန်ခဲ့ရလဲ... ​ခေတ်ကြီးက​ရော နှစ်ဖက်မြင်ကာတွန်းဘက်ကိုဘယ်လို​ပြန်ပြောင်း​ရွှေ့သွားလဲ... ဆိုတာ​တွေကို ကာတွန်း​လောကရဲ့ အ​တောက်ပဆုံး အချိန်​တွေပါရောစပ်ထည့်သွင်းရိုက်ပြထားတဲ့၊ ကာတွန်းပရိသတ်တို့ကြည့်ရှုသင့်တဲ့ မှတ်တမ်းရုပ်ရှင်ကား​ကောင်း​လေးပဲဖြစ်ပါတယ်။ (ဒီမှတ်တမ်းရုပ်ရှင်နဲ့အညွှန်းကို DB မှ ပြန်ဆို ရေးသားထားပါတယ်) Size - 1.65GB, 735MB Quality - 1080p, 720p IMDb Rating - 6.7/10 Format - mp4 Duration - 1H 23Min Genre - Documentary, Biography Subtitle - Myanmar Subtitle (Hardsub) Translated by DB Encoded by Y

Logan Lucky (2017) အက်ရှင်နဲ့ ဟာသကိုမှ တစ်မျိုးလေး ကြည့်ချင်တယ်ဆိုရင်တော့ ဒါရိုက်တာ Steven Soderbergh ရိုက်ထားတဲ့ Logan Lucky ကို ညွှန်းရလိမ့်မယ်ဗျ။ ဒီကားက တခြား ဓားပြတိုက်တဲ့ကားတွေလို အဆင့်မြင့်နည်းပညာတွေ၊ ဝတ်စုံပြည့်တွေနဲ့ ဟိတ်ဟန်ထုတ်တာမျိုး မဟုတ်ဘဲ သာမန်အရပ်သားစတိုင် ဂယက်တစ်သိန်းနဲ့ ခိုးပြသွားတဲ့ကားမျိုးပေါ့။ ဇာတ်လမ်းကတော့... ကံဆိုးလွန်းလို့ အလုပ်ပြုတ်သွားတဲ့ ခြေထောက်မသန်တဲ့ အစ်ကိုကြီးရယ်၊ စစ်ပြန်လက်တစ်ဖက်ပြတ် ညီလေးရယ်က သူတို့ရဲ့ ကံဆိုးမှုတွေကို အဆုံးသတ်ဖို့ဆိုပြီး NASCAR ကားပြိုင်ပွဲက ရရှိတဲ့ သန်းပေါင်းများစွာသော ငွေတွေကို မြေအောက်ပိုက်လိုင်းထဲကနေ ခိုးဖို့ ကြံစည်ကြတာ။ သူတို့ အစီစဉ်အောင်မြင်ဖို့ ဂျိုးဘန်းဆိုတဲ့ ဖောက်ခွဲ ဝိဇ္ဇာကြီးတစ်ဦးနဲ့ သူ့ရဲ့ အူကြောင်ကြောင် ညီလေးနှစ်ယောက်ကိုပါ လိုက်ပြီး သိမ်းသွင်းရတာပေါ့ဗျာ။ ဒီလိုနဲ့ သူတို့တွေပေါင်းပြီး ငွေတွေကို ဘယ်လိုဖောက်ကြမလဲ။ ဘယ်လိုအလွဲတွေ ဖြစ်မလဲ။ အောင်ရော အောင်မြင်ပါ့မလားဆိုတာကို ရင်တထိတ်ထိတ်နဲ့ ကြည့်ရမှာဖြစ်သလို သူတို့ရဲ့ အလွဲလေးတွေကိုပါ မနားတမ်း ရယ်နေရမှာပါ။ ဒီကားမှာ အထူးခြားဆုံးကတော့ Daniel Craig ပဲ၊ သူက ဂျိမ်းစ်ဘွန်းစတိုင်ကို လုံးဝဖျောက်ပြီး ဆံပင်အဖြူရောင်နဲ့ ဗုံးဖောက်ကျွမ်းကျင်တဲ့ ထောင်ထွက်လူမိုက်အဖြစ် တော်တော်လေး ဟာသမြောက်အောင် သရုပ်ဆောင်ထားတာ။ ကြည့်နေရင်းနဲ့ 'ဒီလို လူအူကြောင်ကြောင်တွေနဲ့တော့ တကယ်ပဲ အောင်မြင်ပါ့မလား' ဆိုပြီး စိတ်ပူနေရပေမဲ့ နောက်ဆုံးမှာတော့ တကယ့်ကို မမျှော်လင့်ထားတဲ့ အကွက်တွေနဲ့ ဇာတ်ရှိန်တက်သွားတာမို့ ပေါ့ပေါ့ပါးပါးနဲ့ ရင်ခုန်ရယ်မောချင်သူတွေအတွက် တကယ်ကို လက်မလွှတ်သင့်တဲ့ ကားကောင်းတစ်ကားပါပဲဗျာ။ File Size - 2 GB/ 1 GB Quality - BluRay 1080p/ 720p Duration - 1h 59m Format - mp4 Genre - Action, Comedy, Crime, Drama Subtitle - Myanmar Subtitle (Hard Sub)

၂၀၁၆ ရဲ့ အကျော်ကြားဆုံး Animation တွေထဲက တစ်ခု တင်ပေးထားပါတယ်။ Box Office ရဲ့ ထိပ်ပိုင်းမှာနေရာယူခဲ့ပြီး Golden Globe ဆန်ကာတင်ခဲ့တဲ့ ကားပါ။ IMDb 7.2 နဲ့ ဝေဖန်ရေးဆရာတွေရဲ့ ချီးကျူးမှုတွေလည်း ရထားခဲ့ပါပြီ။ နာမည်ကြီး အဆိုတော်တွေ ဂန္ဓာဝင်သီချင်းတွေ၊ ကျော်ကြားတဲ့သီချင်းတွေနဲ့ ကောင်းမွန်တဲ့ ဇာတ်အိမ်တစ်ခုကြောင့်ပဲ ဖြစ်ပါလိမ့်မယ်။ ဇာတ်လမ်းအကျဉ်းမှာတော့ ဒေဝါလီခံရခါနီး ဇာတ်ရုံပိုင်ရှင် မွန်းဟာ သူ့ရဲ့ မအောင်မြင်တဲ့ ရှိုးတွေကနေ ဖောက်ထွက်ပြီး ဇာတ်ရုံကို ပြန်အဖတ်ဆယ်ဖို့ အဆိုပြိုင်ပွဲတစ်ခု လုပ်ဖို့စတင်ပါတော့တယ်။ သူပိုင်ဆိုင်သမျှဒေါ်လာ တစ်ထောင်ကို ဆုကြေးအဖြစ်ကြေညာမလို့လုပ်ပေမယ့် စာရိုက်အမှားကြောင့် ဒေါ်လာတစ်သိန်းအဖြစ်ကြေညာမိပြီး တစ်မြို့လုံးက လာရောက် အရွေးခံကြတဲ့အခါ..... သီချင်းကိုရူးသွပ်တဲ့ အိပ်မက်ကိုယ်စီနဲ့ ဝါသနာရှင်တွေ ထွက်ပေါ်လာပါတော့တယ်.....ကလေး ၂၅ ယောက်အမေ အိမ်ထောင်ရှင် ရိုစီတာ...လူဆိုးဂိုဏ်းခေါင်းဆောင်ရဲ့သားပေမယ့် အဆိုတော်ပဲလုပ်ချင်တဲ့ ဂျွန်နီ.....လူလည်အဆိုတော် မိုက်....အသဲကွဲရော့ကာလေး အက်ရှ်...နဲ့ လူအရမ်းကြောက်တဲ့ မီနာတို့ပါပဲ...ဒါပေမယ့် တကယ်မရှိတဲ့ ဆုကြေးအတွက် မွန်းဘယ်လိုဖြေရှင်းမှာလဲ....ဘာမျှော်လင့်ချက်မှ မရှိတဲ့ ရှိုးပွဲမှာ သူတို့ဘဝတွေကရော သီချင်းတွေအတွက် ဘယ်လောက်ပေးဆပ်နိုင်မလဲဆိုတာ..... File Size       :   700 MB Duration      :   1: 47: 54 Quality         :   Webrip 720p and HEVC 5.1 CH Translator   :   Littleneo Encoder       :   Littleneo

IMDB: 6.3 Rotten Tomatoes:44% Genre: Comedy Ted 2 ကတော့ Ted 1 ရဲ့အဆက်ဖြစ်ပါတယ်။ Seth MacFarlane ရဲ့ထုံးစံအတိုင်း "Random" ဆန်တဲ့ဟာသတွေကိုမြင်ရမှာဖြစ်ပါတယ်။ အတော်လေးလည်း ရယ်ရပြီး အတော်လေးလည်း ကြည့်လို့ကောင်းတဲ့ ရုပ်ရှင်ဖြစ်ပါတယ်။ ဇာတ်ညွှန်း ဇာတ်လမ်းအစမှာတော့ တက်ဒ်နဲ့ တယ်မီလင်းတို့နှစ်ယောက် မင်္ဂလာဆောင်လိုက်ပါပြီ။ ဂျွန်ကလည်း အိမ်ထောင်ကွဲတစ်ယောက်ဖြစ်ပြီး အမြဲတမ်းလိုလိုမှိုင်တွေနေပါပြီ။ ခက်တာက တက်ဒ်ဟာ လူသားတစ်ယောက်စစ်စစ်မဟုတ်ဘူးဆိုပြီး မင်္ဂလာဆောင်ကိုပြန်ရုတ်သိမ်းလိုက်ပါတယ်။ သူ့ကို"ပစ္စည်း" တစ်ခုအနေနဲ့သက်မှတ်လိုက်တဲ့အတွက် ဒီကိစ္စခေါင်းငုံ့ခံလို့မဖြစ်ဘူးဆိုပြီး တရားထစွဲပါတော့တယ်။ ဒါပေမယ့် နောက်ကွယ်မှာ သူတို့မသိတဲ့ အကြောင်းအရင်းလေးတွေကရှိနေပါသေးတယ်။ ဘယ်လိုပေါက်ကရတွေလာဦးမလဲဆိုတာကိုတော့ ကြည့်လိုက်ကြပါ။ တက်ဒီအဖြစ်မင်းသား/ဒါရိုက်တာ Seth MacFarlane John အဖြစ်အချစ်တော် မင်းသား Mark Wahlberg ရှေ့နေမလေး Sam အဖြစ် မင်းသမီးချော Amanda Seyfried Morgan Freeman လည်းပါဝင်ထားပါသေးတယ်။ File Size :  2.3 GB / 1 GB Quality : Blu-Ray (Unrated) 1080p / 720p Running Time : 1h 46m Format : Mkv and Mp4 Audio : AAC Genre :  Comedy, Fantasy Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

A Million Ways to Die in The West (2014) (၁) ခင်ဗျားဟာ ၁၈၈၀ပြည့်နှစ်တွေထဲ အမေရိကန် အနောက်ပိုင်းမှာနေတဲ့ လူတစ်ယောက်ဆိုပါစို့။ ခင်ဗျား မွေးထားတဲ့သိုးက သူများခြံထဲက မြက်ကို သွားစားမိရင် ဒီပြဿနာက သေနတ်ချင်းယှဉ်ပစ်ပြီး ဖြေရှင်းရမယ့် ပြဿနာပါပဲ။ အနောက်အရပ်မှာ ခင်ဗျားခြံထဲကသိုးက သူများခြံထဲကမြက်ကို သွားစားမိရုံနဲ့လည်း နေရင်းထိုင်ရင်း ခင်ဗျားသေနိုင်ပါတယ်။ သေနတ်ချင်းယှဉ်ပစ်တာမှာ ခင်ဗျားနိုင်ပြီး ရှပ်ထိရုံလောက် ဖြစ်သွားတယ်ဆိုပါစို့။ ခင်ဗျားအနာက ပလာစတာ ကပ်ရုံနဲ့ပျောက်လောက်တဲ့အနာဆိုရင်တောင် အရီဇိုးနားက ဆရာဝန်က ရှပ်ထိထားတဲ့ကိုယ်အင်္ဂါကို ဖြတ်ပစ်ဖို့လိုတယ်လို့ ပြောမှာပါ။ အနောက်ပိုင်းမှာရှိတဲ့ တစ်ဦးတည်းသော ဆရာဝန်ဟာ အအေးမိတဲ့လူနာကို နားထဲသံရိုက်သွင်းတဲ့ နည်းနဲ့ ကုတတ်ပြီး အဖျားကြီးရင် မြင်းကန်တာခံတဲ့နည်းနဲ့ ကုပေးတတ်တဲ့ ဇီဝကလက်သစ်ပါပဲ။ အူအတက်ပေါက်လို့ လာကုတဲ့အမျိုးသမီးတော့ ခွဲစိတ်ရင်း ခဏရပ်ပြီး နောက်လူနာကိုကုနေတဲ့အချိန် အတွင်းကလီစာတွေ ကြောင်စားခံလိုက်ရဖူးပါတယ်။ (၂) ဝရမ်းပြေးတွေ၊ အမူးသမားတွေ၊ ဥညှစ်သတ်မယ့်ပြည့်တန်ဆာတွေ၊ ငတ်ပြတ်နေတဲ့ တောကောင်တွေ၊ အင်းဒီးယန်းတွေသတ်တာခံရမယ့် သေနည်းတွေအပြင် ရာသီဥတုကြောင့်လည်း သေနိုင်သလို အိမ်သာတက်ရင်း‌ မြွေပွေးနဲ့တွေ့ပြီးလည်း သေနိုင်ပါတယ်။ နောက် ကာလဝမ်းရောဂါနဲ့ သေနိုင်သေးသလို ဒါမှ မသေသေးရင်လည်း မသေသေ​အောင်ကုပေးမယ့် ဆရာဝန်က အသင့်ပါပဲ။ ယုံချင်ယုံမယုံချင်နေပါ။ အမေရိကန် အနောက်ပိုင်းမှာ ကိုယ့်အီးနံ့နဲ့ ကိုယ်သေဖူးကြတဲ့ အလုပ်သမားတွေ၊ ဓာတ်ပုံရိုက်ပေးရင်း ကင်မရာ မီးထလောင်ပြီး မာလကီးယားသွားတဲ့ ဓာတ်ပုံဆရာတွေ ၊ တစ်နေ့ လူ၁၀ယောက်အောက်ထစ်နဲ့ အိပ်ဖူးပေမဲ့ အလုပ်နားနေတုန်း မုဒိန်းကျင့်ခံရလို့ သတ်သေသွားတဲ့ ပြည့်တန်ဆာတွေက စလို့ ဒီထက်ဆန်းကြယ်တဲ့ သေနည်းပေါင်းစုံနဲ့ သေခဲ့ကြဖူးတဲ့သူတွေ ရှိဖူးပါတယ်။ အဓိကဇာတ်ကောင်ပြောခဲ့တဲ့ စကားအရဆို အနောက်ပိုင်းမှာ သေနည်းသန်းချီရှီပါတယ်။ A Million Ways To Die In the West ဟာ ဒီသေနည်းတစ်သန်းကို Theme လုပ်ပြီး ရိုက်ထားတဲ့ ရုပ်ရှင်ပါပဲ။ (၃) ကျွန်တော်ပဲ ပိန်းလို့လားတော့ မသိဘူးပေါ့။ သေပုံသေနည်းတွေကိုပဲ ပြနေတာက ဒီလောက်ကောင်းတဲ့ ဟာသအပြတစ်ခု ဖြစ်သွားမယ်လို့ မထင်ထားခဲ့ပါဘူး။ ပြောရရင် သူ့စတိုင်က ကျွန်တော်တို့ အသည်းစွဲဖြစ်ခဲ့ဖူးတဲ့ တွမ်အင်န်ဂျယ်ရီရဲ့ ရယ်ရပုံနဲ့တောင် ခပ်ဆင်ဆင်ပါပဲ။ ရေခဲတုံးကြီးသယ်နေရင်း ရေခဲတုန်းကြီး ခေါင်းပေါ်ပိကျတာတို့ ပွဲဈေးမှာ အရက်ရောင်းနေရင်း နွားသိုးက အချောင်အဝှေ့ခံရတာတို့လို ခပ်ပြောင်ပြောင် ခပ်ကြောင်ကြောင် သေနည်းတွေကိုလည်း သုံးပြီး ကြည့်ရှုသူကို ကလိထိုးသွားခဲ့တယ်။ တွမ်အန်မ်ဂျယ်ရီသာ Immortal တွေ မဟုတ်ခဲ့ရင် သူတို့လည်း ဒီထဲက ဘဲတွေလိုပဲ သေကြမှာပါပဲ။ ဒီလိုဟာသတွေချည်းလားဆိုတော့လည်း မဟုတ်သေးပါဘူး။ စကားလုံးနဲ့ လူကို ကလိတာတွေ၊ အေဘရာဟမ်လင်ကွန်းလို နာမည်ကျော်သမ္မတကို သရော်ထားတာတွေ၊ အင်းဒီးယန်းတွေနဲ့ အနောက်ပိုင်းသားတွေကြားက ပြဿနာတွေကို သရော်ထားတာတွေ အစုံ့အစုံကို သုံးပြီး ဒီရုပ်ရှင်ဟာ ကြည့်ရှုသူကို ပါးစပ်မစေ့နိုင်အောင် ဖြစ်စေခဲ့တယ်။ ၂နာရီ ၁၅မိနစ်ကြာတဲ့ရုပ်ရှင်မှာ ၂နာရီ ၁၅မိနစ်လုံး ဆက်တိုက်ရယ်နေရပါတယ်လို့တော့ မပြောချင်ပါဘူး။ မစ္စတာဘင်းတို့ ချာလီချက်ပလင်တို့ တွမ်အန်မ်ဂျယ်ရီတို့မှမဟုတ်တဲ့ ဇာတ်အိမ်တစ်ခုပေါ်တည်ထားတဲ့ ဟာသရုပ်ရှင်ကိုး။ သေချာတာကတော့ ကျွန်တော် ကြည့်ဖူးသမျှ ဟာသရုပ်ရှင်တွေထဲတော့ ဒီရုပ်ရှင်ဟာ အရယ်ရဆုံးပါပဲ။ ရုပ်ရှင်ရဲ့ အချိန် တစ်နာရီခွဲလောက်ကို ရယ်နေရတဲ့ အနောက်ပိုင်းဟာသရုပ်ရှင်ကောင်းပါ။ (၄) သရုပ်ဆောင်ပိုင်းမှာ Seth MacFarlane, Charlize Theron, Liam Neeson, Amanda Seyfried စတဲ့ နာမည်ကျော် သရုပ်ဆောင်တွေကို သုံးထားပါတယ်။ MacFarlane အနေနဲ့ သူ့ဇာတ်ကောင်နဲ့ လိုက်ဖက်နေတာဟာ ဒီရုပ်ရှင်ကို အသက်ဝင်စေတဲ့ အဓိကအချက်ပါပဲ။ Charlize Theron ရဲ့ အလှနဲ့ Badass ဆန်ဆန်ဇာတ်ကောင် လိုက်ဖက်နေချက်ကိုလည်း ဖယ်ထားလို့ မသင့်ဘူးပေါ့။ Visual အရပြောရရင်တော့ ဒီရုပ်ရှင်ထဲက Charlize Theron ဟာ ကြည့်ခဲ့ဖူးသမျှ သူ့ကားတွေထဲ အလှဆုံးပါပဲ။ Cameo တွေအဖြစ်တော့ Ryan Reynolds နဲ့ Jamie Foxx တို့က တစ်ခန်းစီ ဝင်ပြောင်ထားကြပါတယ်။ Jamie Foxx ဟာ ၂၀၁၂မှာ Quentin Tarantino ရဲ့ Django Unchained မှာ ကောင်းဘွိုင် သေနတ်သမား ဇာတ်ကောင်နေရာမှာပါဖူးထားပါတယ်။ ဒီထဲမှာလည်း Django ဇာတ်ကောင်အနေနဲ့ပဲ Credit Scene နှစ်ခန်းထည့်ထားပါတယ်။ (၅) A Million Ways To Die In The West ရဲ့ ဒါရိုက်တာရော မင်းသားရောဖြစ်တဲ့ MacFarlane ဟာ ဟာသကားတွေကို သရုပ်ဆောင်ရာမှာရော ရိုက်ကူးရာမှာရောဇာတ်ညွှန်း ရေးသားတဲ့နေရာမှာပါ တော်တဲ့ တကယ့်လူပါပဲ။ ဒါကို သူကိုယ်တိုင် ဇာတ်ညွှန်းရေး ရိုက်ကူး သရုပ်ဆောင်လုပ်ခဲ့တဲ့ အခုရုပ်ရှင်ရယ် Ted ၂ကားရယ်ကြည့်ရင် ကောင်းကောင်းကြီးသိနိုင်ပါတယ်။ နောက်ပြီးတော့ The Simspons နဲ့ ယှဉ်လို့ရနိုင်လောက်အောင်ကို နာမည်ကျော်တဲ့ Family Guys ကာတွန်း Sitcom Series ရောပေါ့။ ဒီအနောက်ပိုင်း ဟာသကားကိုလည်း နာမည်ကျော် အနောက်ပိုင်းရုပ်ရှင်တွေကို သေချာလေ့လာပြီးမှ ရိုက်ခဲ့တာပါပဲ။ Blazing Saddles, Unforgiven, 3:10 To Yuma, Dances With Wolves, The Lone Ranger, The Magnificent Seven, Django Unchained, Back To The Future Part III, Montana, The Searchers စတဲ့ Western ရုပ်ရှင်တွေကို A Million Ways To Die In The Westမှာ သူ Reference ထည့်သွင်းထားခဲ့ပါတယ်။ အဲဒါတွေထဲမှာတော့ Django Unchained နဲ့ Back To The Future III ကတော့ အသိသာဆုံး ဖြစ်ပါလိမ့်မယ်။ (ဒီဇာတ်ကားကို 666 မှ ပြန်ဆိုထားပြီး အညွှန်းကိုတော့ WiRa Aung မှ ရေးသားထားပါတယ်) Size - 2.2GB, 1.04GB, 709MB Quality - Extended 1080p, 720p, 480p IMDb Rating - 6.1/10 Format - mp4 Duration - 2h 14min Genre - Comedy, Western Subtitle - Myanmar Subtitle (Hardsub) Translated by 666 Encoded by Y

Rating လဲမကောင်း.. 18+ တွေလဲပါတဲ့ ဇာတ်ကားကို ဘာလို့တင်တာလဲလို့ မေးစရာရှိပါတယ်... တစ်ခါတစ်လေမှာ စိတ်ရှုပ်ထွေးစရာတွေအပြင်လောကမှာကြုံဆုံနေတဲ့အခါမျိုးမှာ.. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းတဲ့ ဒီလိုဇာတ်ကားမျိုးကြည့်ခြင်းက သင့်ဦးနှောက်ကို အသစ်အဆန်းတစ်မျိုးနဲ့ မိတ်ဆက်ပေးရာရောက်လိမ့်မယ်လို့ ထင်မိလို့ပါ... ဒီဇာတ်ကားကို နာမည်ကြီးသရုပ်ဆောင်ပေါင်းများစွာနဲ့ ဒါရိုက်တာပေါင်းများစွာက ဆယ်စုနှစ်တစ်ခုစာလောက်ကြာအောင် ရိုက်ကူးထုတ်လုပ်ခဲ့ပါတယ်။ ကဲ… rating ကတော့မြင်တဲ့အတိုင်းပဲ (Rating- IMDb : 4.3/10 , RT:4 , Matacritis : 18%) ဖြစ်ပါတယ်… အဲ့ဒီရုပ်ရှင်ထဲက Cast တွေအနေနဲ့ကတော့….… Kate Winslet , Emma Stone , Naomi Watts , Kate Bosworth , Chloe Grace Moretz , Helle Berry , Anna Faris (Scary Movie) , Elizabeth Banks , Uma Thurman , Kristen Bell , Leslie Bibb အစရှိတဲ့ နာမည်ကြီး အမျိုးသမီးသရုပ်ဆောင်တွေအပြင် Richard Gere , Gerard Butler , Hugh Jackman , Chris Pratt , Terrence Howard , Josh Duhamel , Dannis Quaid ,Gerg Kinner , Jeremy Allen , Stephen merchant , Christopher Mintz-Plasse , Justin Long , Kieran Culkin , Jason Sudeikis , Jimmy Bennet စတဲ့နာမည်ကြီး အမျိုးသားသရုပ်ဆောင်တွေပါဝင်ထားပါတယ်။ ဒါတင်မကသေးပါဘူး ၊ ဒါရိုက်တာအနေနဲ့လည်း Steven Brill, Peter Farrelly, Elizabeth Banks စသည်တို့အပါအဝင် စုစုပေါင်းဒါရိုက်တာ 13ဦးရိုက်ကူးပြီး ဇာတ်ညွှန်းပိုင်းမှာလဲ ဇာတ်ညွှန်းရေးဆရာ အယောက် 20အထိပါဝင်ထားတဲ့ဒီရုပ်ရှင်ကိုရိုက်ကူးထုတ်လုပ်ရာမှာ အစောကပြောခဲ့သလို ဆယ်စုနှစ်တစ်ခုစာလောက်ကြာမြင့်ခဲ့ပါတယ်။ ဇာတ်ညွှန်းကိုထုတ်ဝေသူအများစုကငြင်းပယ်ခြင်း၊ ကမ်းလှမ်းတဲ့သရုပ်ဆောင်တွေကသရုပ်ဆောင်ရန် ငြင်းဆန်ခြင်း ၊ ရိုက်လက်စသူအချို့ကလဲ ဆက်မရိုက်တော့ဘူးဆိုကာ ရိုက်ကူးရေးမှထွက်ချင်ခြင်း စတဲ့အခက်အခဲပေါင်းများစွာရင်ဆိုင်ခဲ့ပြီးနောက် 2013 Junuary 25 မှာထွက်လာခဲ့တဲ့ Movie 43 ဟာ 34ကြိမ်မြောက် Golden Raspberry ဆုပေးပွဲမှာ Worst Picture, Worst Director, Worst Screenplay စတဲ့ဆုသုံးဆုကိုဆွတ်ခူးရရှိခဲ့ပါတယ်။ ထို့အပြင် one of the worst films of all time ရဲ့စာရင်းထဲကိုလဲဝင်သွားခဲ့ပါသေးတယ်။ ကြာမြင့်ချိန် 98 မိနစ်ရှိပြီး Indie / Comedy အမျိုးအစားဖြစ်တဲ့ ဒီရုပ်ရှင်ရဲ့ထူးခြားချက်ကတော့ ရိုက်ကူးရေးအတွက် စုစုပေါင်းကန်ဒေါ်လာ 6 မီလီယံ ကုန်ကျခဲ့ပြီး Box office မှာ 32.4 မီလီယံဒေါ်လာထိပြန်ရခဲ့ပါတယ်။ ဇာတ်လမ်းလေးကတော့ …… Calvin Culter နဲ့သူ့သူငယ်ချင်း JJ တို့ဟာ သူတို့ရိုက်ကူးထားတဲ့ပေါကြောင်ကြောင် Video တစ်ခုကို Youtube မှာ တင်လိုက်ပြီး မိနစ်ပိုင်းတွင်းမှာပဲ သူတို့ရဲ့ Video ဟာ 1,000,000 view ရသွားတဲ့အခါ အကြီးအကျယ်ပျော်ရွှင်နေကြပါတယ်။ ဒါပေမဲ့ သူတို့ရဲ့အပျော်ဟာကြာကြာမခံလိုက်ပါဘူး…ဘာဖြစ်လို့ဆိုတော့ အဲ့ဒိ့viewer အများကြီးတိုးလာတာက Calvin ရဲ့ညီ ကွန်ပျူတာကျွမ်းကျင် Baxter ရဲ့ April Fool’s Prank ဖြစ်နေလို့ပါ…အရမ်းစိတ်ဆိုးသွားတဲ့ Calvin Culter နဲ့ JJတို့ဟာ Baxter ကိုပြန်ကလဲ့စားချေဖို့ကြံစည်ပါတော့တယ်။ သူတို့ရဲ့အကြံအစည်က Baxter ရဲ့ laptop ထဲကို Virus တွေထည့်ဖို့ပါပဲ….. သူတို့လက်စားချေခြင်းရဲ့ပထမအဆင့်အနေနဲ့ကတော့ Baxter ရဲ့ Laptop ကိုခိုးဖို့ပါ..အဲ့လိုခိုးဖို့အတွက် Baxter ကိုသူ့အခန်းထဲကနေအောင် Movie 43 အကြောင်းလုပ်ကြံပြီးပြောရာကနေပြီး ဇာတ်လမ်းလေးဖြစ်လာခဲ့တာပါ…. ဒီရုပ်ရှင်ကိုကြည့်ချင်မိသွားတာက 24 Bad Movies You Forgot Starred Some of Today’s Greatest Actors ဆိုတဲ့ ဆောင်းပါးကိုစဖတ်မိရကပါ။ အဲ့ဒိဆောင်းပါးမှာ moviefone က အဲ့ဒီရုပ်ရှင်အတွက် အားနာမိတဲ့သရုပ်ဆောင်တွေကို ဖော်ပြရမှာ “Kate Winslet & Everyone else” လို့ဖော်ပြခဲ့လို့ပါ။ Rating နည်းနည်းလေးပဲရထားပြီး နာမည်ကြီးသရုပ်ဆောင်ပေါင်းများစွာ ပါဝင်ထားတဲ့ဒီရုပ်ရှင်ဟာ စကြည့်လိုက်တာနဲ့ဆက်ကြည့်ချင်သွားအောင်ဆွဲဆောင်နိုင်ပါတယ်…. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းပါတယ်။ (ကျနော်ဆို ကြည့်နေရင်းနဲ့ပါးစပ်အဟောင်းသားဖြစ်မိပါတယ်… သူ့ဇာတ်လမ်းတွေက အံ့သြသင့်စရာကောင်းလွန်းလို့ပါ).. ဘယ်လိုပဲဖြစ်ဖြစ် သင်ဟာ ရုပ်ရှင်ဝါသနာအိုးတစ်ယောက်ဆိုရင်တော့ ဒီကားလေးကိုလက်လွတ်မခံပဲကြည့်ဖို့တိုက်တွန်းပါရစေ….။ #Nucleon_Review #Admin_T (ရုပ်ရှင်အညွှန်းကို Nucleon's FB Page မှကူးယူဖော်ပြပါသည်။) File size…(700MB) Quality…Blu-Ray Rip 720p Format…mp4 Duration….01:38:01 Subtitle….Myanmar Subtitle (Hardsub) Encoder….Nyeinsaeya Aung

IMDB: 6.9 Rotten Tomatoes: 69% Genre: Comedy/Fantasy Ted 1 (2012) ကိုမသိတဲ့လူမရှိလောက်ပါဘူး။ ဒီရုပ်ရှင်ကိုဖန်တီးခဲ့တာကတော့ Hollywood ဟာသရုပ်ရှင်လောကမှာ‌ တော်တော်လေးကို အရည်အချင်းရှိတဲ့ Seth MacFarlane ဖြစ်ပါတယ်။ နာမည်ကြီးတယ်သာပြောတယ် ခုမှကြားဖူးတယ်ဆိုတဲ့ လူတွေအတွက် Seth MacFarlane ကိုနည်းနည်းမိတ်ဆက်ပေးပါရစေ။ Seth MacFarlane ဆိုတာ Family Guy ကိုအသက်သွင်းခဲ့တဲ့ လူဖြစ်ပါတယ်။ အဲထက်ပိုပြီး အထင်ကြီးဖို့ကောင်းတာက Family Guy မှာပါတဲ့ Peter Griffin Stewie Brian Quagmire တို့နေရာမှာ သူတစ်ယောက်တည်း အသံသရုပ်ဆောင်ထားတာဖြစ်ပါတယ်။ ဇာတ်ညွှန်း John ဆိုတာ သူငယ်ချင်းမရှိတဲ့ ကောင်လေးတစ်ယောက်ဖြစ်ပါတယ်။ အများကဝိုင်းပယ်ခြင်းကိုခံထားရတဲ့ကောင်လေးတစ်ယောက်လည်းဖြစ်ပါတယ်။ ခရစ္စမတ်စ် ညတစ်ခုမှာ ဆုတောင်းလိုက်တဲ့ တောင်းဆုတစ်ခုကြောင့် John ရဲ့ တက်ဒီဝက်ဝံလေးအသက်ဝင်လာခဲ့ပါတယ်။ John ဟာ တက်ဒီလေးနဲ့ ထာဝရ အတူတူ သူငယ်ချင်းတွေလုပ်ကြမယ်ဆိုပြီး ကတိထားခဲ့ကြပါတယ်။ တကယ်တမ်းလည်း သူတို့နှစ်ယောက်ဟာ John ၃၅ နှစ်ရောက်တဲ့အထိ အချစ်ဆုံးသူငယ်ချင်းတွေဖြစ်လာခဲ့ပါတယ်။ ဒါပေမယ့် John မှာ Lori ဆိုတဲ့ ကောင်မလေးတစ်ယောက်ရနေပြီး အဲဒီကောင်မလေးကြောင့်ပဲ တက်ဒီနဲ့ John တို့ကြားမှာ အဖုအထစ်လေးတွေဖြစ်လာပါတော့တယ်။ Seth MacFarlane ရဲ့ထုံးစံအတိုင်း "Random Bullshit Go" ဆိုတဲ့ ပုံစံတွေလာမှာဖြစ်ပြီး "Referene" တွေကလည်းတော်တော်ကိုများပါတယ်။ တက်ဒီအဖြစ်မင်းသား/ဒါရိုက်တာ Seth MacFarlane John အဖြစ်အချစ်တော် မင်းသား Mark Wahlberg Lori အဖြစ် မင်းသမီး Mila Kunis တို့က နောက်တစ်ခုသိရမှာ က မင်းသမီး Mila Kunis က Family Guy မှာ Meg Griffin အဖြစ်သရုပ်ဆောင်ခဲ့တာဖြစ်ပါတယ်။ File Size :  2.9 GB / 1 GB Quality : Blu-Ray (Unrated) 1080p / 720p Running Time : 1h 46m Format : Mkv and Mp4 Audio : AAC Genre :  Comedy, Fantasy Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

Family Guy : It’s A Trap (2010) (Only on Bioscope) IMDB : 7.3 Rotten Tomatoes : 62% Genre : Animation / Comedy / Action Family Guy မှာ Special Standalone Episode ၆ ခုရှိပါတယ်။ ပြောရရင် ရုပ်ရှင် ၆ ကားပေါ့။ အဲဒီထဲမှာ Star Wars ကို Reference ယူ Parody လုပ်ထားတဲ့ Blue Harvest (2007) Something, Something, Dark Side (2009) It's a Trap! (2011) သုံးကားလည်းပါဝင်ပါတယ်။ It’s a Trap ကတော့ Family Guy Star Wars Standalone Parody သုံးကားရဲ့ နောက်ဆုံးကားဖြစ်ပါတယ်။ “Last but not least” ဆိုတဲ့အတိုင်း It’s a Trap က ရှေ့နှစ်ကားလိုပဲ စခွီကိုဘက်ပေါင်းစုံကနေထရမှာဖြစ်ပါတယ်။ It’s a Trap ဟာ Star Wars: Episode VI - Return of the Jedi ရဲ့ Parody ဖြစ်ပြီး Cast တွေကတော့ ရှေ့ကားကအတိုင်းမလို့ အထွေအထူးပြောနေစရာမလိုတော့ပါဘူး။ ခံစားစခွီထကြပါခင်ဗျာ။ File size…    1 GB Quality… WEB-DL 1080p Format… mp4 Duration…. 1h Genre ..... Animation / Comedy / Action Subtitle…. Myanmar Subtitle (Hard Sub)

Tooth Fairy (2010) လူသားဆန်ပစ်လိုက်ဆိုတဲ့ဘိုးတော် Viral ဖြစ်သွားတော့ ဒီဘဲ ဝါဒီကိုအတော်များများကသဘောကျကြတယ်ပေါ့ဗျာ။ သဘောလည်းကျချင်စရာပဲ လက်တွေ့ဆန်တာကိုးဗျ။ လူသားဆန်ပစ်လိုက်ဆိုတဲ့ ဘဲကဘယ်နှခုနှစ်ကပြောလဲမသိပေမဲ့ ကျွန်တော်တို့ရဲ့ ဒဝိန်းဂျွန်ဆင်ကြီးကတော့ ၂၀၁၀ ထဲက လူသားဆန်နေတာပါ။ ဒဲရစ် သွန်မဆင်ဆိုတဲ့ ဟော့ကီးသမားကတော့ ပရိသတ်တွေကြားမှာ သွားနတ်သားလို့နာမည်ပြောင်ရထားပြီး fantasy တွေကိုလည်း bullshit လို့တွေးထားသူတစ်ယောက်ပါ၊ ကလေးတွေနဲ့တွေ့ရင်လည်း ကျွန်တော်က နာမည်ကြီး ဟော့ကီးကစားသမားဖြစ်ချင်တာဗျဆိုရင် မင်းထက်တော်တဲ့ကောင်တွေအများကြီးရှိသေးတယ်၊ ဘဝမှာအများကြီးမျှော်လင့်မထားနဲ့ ဆိုပြီး ပြောတတ်တဲ့သူမျိုးပေါ့။ ဒီလို ဘုလကန့်ဂွစာလူ၊ Fantasy တွေကိုမယုံတဲ့သူကိုအပြစ်ပေးဖို့ဆိုပြီး ဆင့်ခေါ်စာရောက်လာခဲ့ပါတယ်၊ fantasy တွေကိုမယုံတဲ့သူ့ခမျာ Fantasy Land ဖြစ်တဲ့နတ်သူငယ်တိုင်းပြည်ကိုရောက်သွားပါတော့တယ်။ Family/Comedy ကားဖြစ်ပြီးတော့ အိပ်မက်တွေကိုဆက်လက်ရှင်သန်နေစေဖို့ မဖြစ်နိုင်ဘူးဆိုတာ အတွေးသပ်သပ်ဖြစ်ပြီး ဘဝမှာ မဖြစ်နိုင်တာတွေလည်း ဖြစ်လာနိုင်တယ်ဆိုတာ ပြောပြထားတဲ့ကားကောင်းလေးတစ်ကားပါ။ Keep Dreaming! လူသားဆန်ပါ။ လူသားဆိုတာ အိပ်မက်တွေနဲ့ကင်းလို့မရနိုင်ပါ...။ (ဇာတ်ကားနဲ့အညွှန်းကို ပြန်ဆိုရေးသားပေးထားသူကတော့ Murphy ပဲ ဖြစ်ပါတယ်) Size - 1.6GB, 910MB Quality - 1080p, 720p IMDb Rating - 5/10 Format - mp4 Duration - 1H 41Min Type - Family, Comedy Subtitle - Myanmar Subtitle (Hardsub) Translated by Murphy Encoded by Y

Family Guy : Something, Something, Something, Dark Side (2009) (Only On Bioscope) IMDB : 7.7 Rotten Tomatoes : 76% Genre : Animation / Comedy / Action Family Guy ရဲ့ ၂၀၀၉ ခုနှစ်ထွက် Something, Something, Something, Dark Side ကတော့ Family Guy ရဲ့ Stars Wars Parody Special Standalone ရုပ်ရှင် ၆ ကားရဲ့ ဒုတိယမြောက် ရုပ်ရှင်တစ်ခုဖြစ်ပါတယ်။ ပြောရရင် ပထမ Blue Harvest အောင်မြင်ခဲ့တာကြောင့် ဒီရုပ်ရှင်ဆက်ထွက်ခဲ့တာဖြစ်ပါတယ်။ ဒီအပိုင်းမှာလည်း Robot Chicken နဲ့ Family Guy တစ်နည်းပြောရရင် Seth MacFarlane နဲ့ Seth Green နောက်ထပ်ပြောရရင် Peter နဲ့ Chris တို့ရဲ့ အားပြိုင်မှုလေးတွေကိုလည်း မြင်ရမှာဖြစ်ပါတယ်။ ဒီရုပ်ရှင်ကတော့ Star Wars: The Empire Strikes Back ကို Parody လုပ်ထားတာဖြစ်ပြီး Star Wars ပရိသတ်မဟုတ်လည်း ကြည့်ရှုခံစားလို့ရမှာဖြစ်ပါတယ်။ ဂျေဒိုင်းနေရာမှာ တစ်မိသားစုလုံးမှာ အတုံးဆုံး ခရစ်စ်က သရုပ်ဆောင်ထားပြီး ဟန်ဆိုလိုနေရာမှာ မဟန်တဲ့ပီတာက မျက်ခွက်ဝင်ပြောင်ထားပါတယ်။ ယိုဒါကလည်း စိတ်ဓာတ်ပဲကျနေတာလား ဆေးပဲပြဲနေတာလားလို့ ထင်ရလောက်အောင် ကပေါက်တိကပေါက်ချာလေးပါ။ အညွှန်းကတော့ Star Wars: The Empire Strikes Back အတိုင်းပဲမလို့ အထွေအထူးပြောစရာမလိုတော့ပါဘူး။ ပိတ်ရက်လေးမှာ ခံစားကြည့်ကြပါ။ “ဟေ့ကောင်ရေ ငါကြိုက်တဲ့ကားကို ဒီကောင်တွေ ဘာလုပ်လိုက်တာလဲ” ဆိုပြီး စခွီထရမှာဖြစ်လို့ ကြည့်သင့်ပါကြောင်း… File size…    600 MB Quality… WEB-DL 1080pFormat… mp4 Duration…. 50 m Genre ..... Animation / Comedy / Action Subtitle…. Myanmar Subtitle (Hard Sub)

Hellboy II: The Golden Army (2008) IMDb - 7.0/10 Genre - Action/Adventure/Fantasy Hellboy ဇာတ်ကားတွေအားလုံးထဲမှာမှ IMDb Rating 7.0 အထိရထားတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားမှာတော့ အထိန်းအကွပ်မဲ့ စိတ်ထင်တိုင်းကြဲတတ်တဲ့ Hell Boy တယောက် နဲ့ အထက်က လွှတ်လို့ရောက်လာတဲ့ စနစ်တကျတာဝန်ထမ်းဆောင်တတ်သော ဂျွန်ဟန်ကရောက်စ် တို့ အဖွဲသားအဖြစ်အတူတကွ တာဝန်ထမ်းဆောင်ရင်း hellboy ငယ်ဘဝ အိပ်ယာဝင်ပုံပြင်ထဲက ရွှေရောင်စစ်တပ်နဲ့ တိုက်ခိုက်ဖို့ကြုံလာတဲ့အခါ ဘာတွေဆက်ဖြစ်မယ်ဆိုတာ ကြည့်ရှုရမှာဖြစ်ပါတယ် File size…    7.8 GB / 2.6 GB /  1.3 GB Quality… BluRay 4K / 1080p / 720p Format… mp4 Duration…. 2hrs Genre ..... Action/Adventure/Fantasy Subtitle…. Myanmar Subtitle (Hard Sub) Encoder…. LegoHeart Translated by Archi Thang Gyi

Family Guy: Blue Harvest (2007) IMDB : 8.2 Rotten Tomatoes : 82% Genre : Comedy / Action Family Guy မှာ Special Standalone Episode ၆ ခုရှိပါတယ်။ ပြောရရင် ရုပ်ရှင် ၆ ကားပေါ့။ အဲဒီထဲမှာ Star Wars ကို Reference ယူ Parody လုပ်ထားတဲ့ Blue Harvest (2007) Something, Something, Dark Side (2009) It's a Trap! (2011) သုံးကားလည်းပါဝင်ပါတယ်။ ပြောရရင် တကယ်ကို အဆင့်အတန်းရှိတဲ့ ဟာသပါပဲ။ Seth MacFarlane က ဟာသနဲ့ပတ်သက်လာရင် ပေါက်ကရအလုပ်နိုင်ဆုံး ဆုပေးရလောက်နိုင်တဲ့ ဟာသပညာရှင်လို့ဆိုရမှာပါ။ Star Wars ကို Parody မလုပ်ခင် Adult Swim ကထုတ်တဲ့ Robot Chicken က Robot Chicken : Star Wars (2007) ကိုထုတ်ပြီးသွားပြီဖြစ်ပါတယ်။ ပြောရရင် Adult Swim ဆိုတာ Warner Bros လက်အောက်ခံ Rick and Morty တို့လိုမျိုး Series တွေကို မွေးထုတ်ပေးနေတဲ့ ဒိတ်ဒိတ်ကြဲ ကုမ္ပဏီတစ်ခု။ ပြောရရင် Robot Chicken နဲ့ Family Guy က ဘာမှကိုမဆိုင်တဲ့ Series နှစ်ခု။ Crossover တွေရှိပေမဲ့ တကယ်တမ်းတိုက်ရိုက်ပတ်သက်တာမျိုးမရှိဘူး။ ဘာကသွားပတ်သက်နေလဲဆိုတော့ Chris နေရာမှာ အသံသရုပ်ဆောင်တဲ့ Seth Green က Robot Chicken ရဲ့ Creator တစ်ယောက်ဖြစ်နေတာပါပဲ။ ဆိုတော့ ဒီ Family Guy အပိုင်းတွေမှာ Seth Green ကိုရော Robot Chicken ကို ဖဲ့တာတွေပါမှာဖြစ်ပြီး Seth Green ကလည်း Seth MacFarlane ကို ပြန်ကလော်တုတ်တာမျိုးပါမှာမလို့ စခွီအသေထရမှာ ပြောစရာကိုမလိုတော့ပါဘူး။ Blue Harvest (2007) ကတော့ Star Wars: Episode IV - A New Hope ကို Parody ရိုက်ထားတာဖြစ်ပြီး Star Wars ပရိသတ်ဟုတ်ဟုတ် မဟုတ်ဟုတ် ကြည့်ပြီး စခွီထလို့ရပါကြောင်း… ဇာတ်ညွှန်း မင်းသမီးလေး လိုင်ယာ (လိုးဝစ်စ်) ရဲ့အမိဂြိုလ်ကို ဒါ့တ်ဗိတ်ဒါ (စတူးဝီ)တို့ ဦးဆောင်တဲ့ အမှောင်တပ်ဖွဲ့စုက ဖျက်ဆီးလိုက်တဲ့အခါ လိုင်ယာက အိုဘီဝမ် ကနိုဘီ (ဟားဘတ်) ဆီကို အကူအညီလှမ်းတောင်းပါတော့တယ်။ အကူအညီတောင်းတာကို သွားပြီး သတင်းပါးရတာကတော့ ဒရိုက်နှစ်ခုဖြစ်တဲ့ စီသရီးပီအို (ကွက်ဂ်မိုင်ယာ)နဲ့ အားတူးဒီတူး (ကလိဗ်လန်း) တို့ဖြစ်ပါတယ်။ လုခ်စကိုင်းဝေါ်ကာ(ခရစ်စ်) ရဲ့ ဦးလေးနဲ့ အဒေါ်က အသတ်ခံလိုက်ရပါပြီ။ ဒီလိုနဲ့ အာတူးတို့ဟာ အိုဘီဝမ်ကို အကူအညီသွားတောင်းရင်း သူခိုး ဂျပိုး ဟန်ဆိုလို (ပီတာ) နဲ့ သူ့အဖော် ချူးဘက်ကာ (ဘရိုင်ယန်) တို့ဆီကို ရောက်သွားကာ မင်းသမီးလေး လိုင်ယာကို ကယ်တင်ပုံကို ဘက်ပေါင်းစုံကနေ ခွီရအောင် တင်ဆက်ထားပါတယ်။ ထုံးစံအတိုင်း မက်ဂ်ကတော့ မပါပါဘူးခင်ဗျာ။ ခံစားကြည့်လိုက်ကြပါ။ File size…    1 600 MB Quality… WEB-DL 1080p Format… mp4 Duration…. 1h Genre ..... Animation / Action / Comedy Subtitle…. Myanmar Subtitle (Hard Sub)

" family guy အရယ်ရဆုံးအပိုင်းများ စုစည်းမှု" family guy က လက်ရှိထွက်ထားတာ ၄၂၄ ပိုင်း ရှိပါပြီ။ အကုန်လုံး ထိုင်ကြည့်နေရင်လည်း ဟုန်ပြီး ပျင်းသွားမဲ့အတူတူ အရယ်အရဆုံးအပိုင်းတွေကို သေချာ ရှာပြီးတင်ဆက်ပေးထားပါတယ်။ ဇာတ်လမ်းတွေကလည်း အဆက်အစပ် သိပ်မလိုတာကြောင့် အားတဲ့အချိန်တိုင်း ကြည့်ပြီး ခွီလို့ရပါပြီ။ Season တွေ အပြည့် အကုန်မပြန်ထားပဲ ကောင်းတဲ့ Episode တွေလောက်ပဲ ရွေးချယ်တင်ပေးထားပါတယ်။ Family Guy ကိုတော့ မသိတဲ့လူမရှိလောက်ဘူးထင်ပါတယ်။ အကုန်လုံးမကြည့်ဖူးကြရင်တောင်မှ Reels တွေမှာ Clips တွေမှာ မြင်ဖူးကြမှာပါ။ ဒီဇာတ်လမ်းတွဲကတော့ ဟာသမင်းသား၊ ဒါရိုက်တာ၊ ထုတ်လုပ်သူ ဖြစ်တဲ့ Seth MacFarlane ရဲ့ ကမ္ဘာကျော်ဇာတ်လမ်းတွဲတစ်ခုဖြစ်ပါတယ်။ ဒီဇာတ်လမ်းတွဲဟာ Reference တွေ၊ Rac!st Jokes တွေ၊ S*xual Jokes တွေတစ်ပုံတစ်ပင်နဲ့ Random Bullsh!t Go! ပုံစံရိုက်ကူးထားတာဖြစ်ပါတယ်။ တော်တော်လေးရယ်ရတဲ့ ဇာတ်လမ်းတွဲတစ်ခုဖြစ်သလို တော်တော်လေးလည်း ကြည့်လို့ကောင်းတဲ့ ဇာတ်လမ်းတွဲတစ်ခုဖြစ်ပါတယ်။ "မင်းက ဒါကို စော်ကားတယ်လို့မြင်တယ် ငါကတော့ ဟာသတစ်ခုလို့ပဲမြင်တယ်။" ဒီဇာတ်လမ်းတွဲကိုကြည့်မယ်ဆိုရင်တော့ အပေါ်ကလူလိုမကြည့်ပါနဲ့၊ အောက်ကလူလိုကြည့်ပါ။ ဘာလို့လည်းဆိုတော့ လူဖြူလူမည်း၊ အာရှ ဥရောပ၊ Straight/Gay မခွဲခြားပဲအားလုံးကို ဟာသလုပ်ထားတာကြောင့်မလို့ပါ။ တစ်ချို့သောဟာသများက ချက်ခြင်းရယ်ရမှာဖြစ်ပြီး၊ တချို့သော ဟာသတွေကတော့ တွေးကြည့်လေရယ်ရလေဖြစ်ပါတယ်။ ဒါတင်မကသေးပဲ Seth MacFarlane ဟာ ဒီဇာတ်လမ်းတွဲကို ရိုက်ကူးရုံ၊ ထုတ်လုပ်ရုံ၊ ဇာတ်ညွှန်းရေးရုံတင်မကပဲ Peter Quagmire Stewie Brian စသဖြင့် ဇာတ်ကောင်တော်တော်များများရဲ့ အသံကိုလည်း ဝင်သရုပ်ဆောင်ခဲ့ပါသေးတယ်။ ကြည့်ဖြစ်အောင်ကြည့်သင့်တဲ့ ဇာတ်လမ်းတွဲမလို့ ဘဝအမောတွေပြေအောင်ကြည့်လိုက်ကြပါ။ ကျွန်တော်ပြောတဲ့အပေါ်ကလူလိုမျိုးကြည့်ရင်တော့ ဘဝအမောတွေပါစို့သွားမှာဖြစ်လို့ မကြည့်ခင် ကိုယ်ဘယ်လိုလူလဲ သုံးသပ်ပြီးမှကြည့်ပါလို့ အကြံပေးပါတယ်ခင်ဗျာ။ File size…    300 MB Quality… WEB-DL 1080p Format… mp4 Duration…. 25m Genre ..... Animation / Comedy Subtitle…. Myanmar Subtitle (Hard Sub)