Sharon Stone ပါဝင်သော ဇာတ်ကားများ

Euphoria: A Look Back (2026) IMDb Rating (7.4) မကြာခင်ကမှ ပြီးဆုံးသွားတဲ့ လူငယ်ပရိသတ်တွေရဲ့ အသည်းစွဲ Euphoria ဇာတ်လမ်းတွဲကို လွမ်းနေကြတဲ့သူအတွက် အလွမ်းပြေစေဖို့ HBO က Documentary လေးတစ်ခုကို ထုတ်ပေးခဲ့ပါတယ်။ ဒီ Documentary လေးမှာတော့ လွန်ခဲ့တဲ့ ဆယ်စုနှစ်အတွင်းမှာ ရုပ်ရှင်နယ်ပယ်အပြင် တခြားသော ယဉ်ကျေးမှုဓလေ့ နယ်ပယ်အသီးသီးကို လူငယ်ဆန်ပြီး ဆန်းသစ်တဲ့ပုံစံတွေနဲ့ မီးစတစ်ဖက် ရေမုတ်တစ်ဖက် ရိုက်ခတ်ဖောက်ထွက်လာခဲ့တဲ့ Euphoria ဇာတ်လမ်းတွဲလေးဟာ ဘယ်လိုမျိုး အစပြုခဲ့လဲဆိုတာကို မြင်တွေ့ရမှာပါ။ ဒါ့အပြင် Euphoria ဇာတ်လမ်းတွဲမှာ ပါဝင်ခဲ့တဲ့ Cast & Crew တစ်ဖွဲ့လုံးကလည်း သူတို့အတွေ့အကြုံတွေကို ပြန်လည်မျှဝေထားပြီး ဒီဇာတ်လမ်းတွဲကို ကြည့်ရင်း ကြီးပြင်းလာတဲ့၊ အတူဖြတ်သန်းလာတဲ့ပရိသတ်တွေအတွက် ဒီ Documentary လေးက အလွမ်းပြေစရာလေး ဖြစ်မှာပါ။ File size… (1.2 GB) / (630 MB) Quality…. WEB-DL 1080p HEVC / 720p Format…. mkv/mp4 Genre…. Documentary Duration…. 01:00:56 Subtitle…. Myanmar Subtitle (Hardsub)

IMDb Rating (6.7) / Rotten Tomatoes (78%) ၂၀၂၁ က ရှယ်ကြမ်းခဲ့ပြီး Box Office မှာလည်း တော်တော်ဝင်ငွေကောင်းခဲ့တဲ့ Nobody ကတော့ ယခု ( 2 ) ထပ်မံထွက်ရှိလို့ လာပါပြီ..... ပထမရုပ်ရှင်တုန်းကတော့ ဂျွန်ဝစ်ထက် ကောင်းတယ်လို့တောင် ယူဆတဲ့သူတွေရှိခဲ့ပါတယ်။ သာမန်ရိုးရိုးအေးအေး အိမ်ထောင်ရှင်တစ်ယောက်က တစ်လောကလုံးက ကြောက်ရတဲ့ အေးဂျင့်ဟောင်းကြီး ဖြစ်နေပြီး မာဖီးယားတွေကို ကျုံးတဲ့ဇာတ်လမ်းမျိုးပါ။ ပထမရုပ်ရှင်မှာ သူ့လက်က တက်တူးကိုမြင်ပြီး ကြောက်သွားကြတဲ့အခန်းတစ်ခန်းကိုလည်းတွေ့မှာပါ အဲဒီတက်တူးကတော့ စပိတ်-၇ ဖဲ နဲ့ ထောင့်-၂ ဖဲ ပုံပဲဖြစ်ပါတယ်။ အဲဒီဖဲနှစ်ချပ်ကို လူသေလက်လို့ ခေါ်ပါတယ်။ ပိုကာမှာ အညံ့ဆုံးဖဲနှစ်ချပ်ပါပဲ။ မဖြစ်နိုင်တဲ့ အသေခံစစ်ဆင်ရေးတွေကို လုပ်တဲ့လူတွေကို ထိုးပေးတဲ့ တက်တူးမျိုးပါ။ ဒါကြောင့် ဟက်ချ်ရဲ့အတိတ်ကို အကျယ်မပြပေမဲ့ ဒီတက်တူးနဲ့တင် စစ်ဆင်ရေးတွေအများကြီးမှာ အသေအကြေကျုံးခဲ့ဖူးသူမှန်းသိသာနေတာပါ။ အခု ဒုတိယရုပ်ရှင်မှာတော့ သူ့မိသားစုက သူ့အကြောင်းကို သိနေပါပြီ။ ဒါပေမဲ့ အလုပ်နဲ့ မိသားစုကို သူ သပ်သပ်ခွဲပြီးနေနေတုန်းပါပဲ။ ဒီလိုနဲ့ နွေရာသီ ပိတ်ရက်မှာ မိသားစုလိုက် အေးဆေး အမှတ်တရခရီးထွက်မယ်ဆိုပြီး မြို့လေးတစ်မြို့ကို ထွက်လာခဲ့ပါတယ်။ ဖြစ်ချင်တော့ တစ်မြို့လုံးကို နောက်ထပ် ရာဇဝတ်ဂိုဏ်းကြီးတစ်ခုက ဦးစီးနေတာဖြစ်ပြီး ပြဿနာတွေမတော်တဆကြုံရတယ်အခါ စစ်ပြန်အဖေ နဲ့ အထူးအေးဂျင့်ဟောင်း သားအဖတို့ တစ်မြို့လုံးနဲ့ တစ်ယောက် ထပ်ကျုံးရပါတော့တယ်။ File Size… (4.13GB )/(1.31GB) / (795MB) Quality… WEB-DL 4K HEVC / 1080p HEVC /720p Format…mkv / mp4 Duration…1h 29m Genre ….Action , Comedy , Crime , Thriller Subtitle….Myanmar Subtitle (Hard Sub)

2020 ခုနှစ်က ထွက်ရှိခဲ့တဲ့ Netflix ထုတ် thriller ဇာတ်လမ်းကောင်းလေးတစ်ခုကို တင်ဆက်ပေးလိုက်ပါတယ်။ ဇာတ်လမ်းတွဲထဲမှာတော့ သူနာပြု မေးရက်ဒ် ရက်ချက်ဒ်ကသွေးအေးအေးနဲ့ ဉာဏ်သုံးပြီး အားလုံးကို ကြိုးကိုင်ချယ်လှယ်သွားပုံတွေကို မြင်ရမှာဖြစ်ပါတယ်။ ဇာတ်လမ်းအစမှာ စိတ္တဇဖြစ်နေတယ်လို့ ယူဆရတဲ့ လူတစ်ယောက်က ဘုန်းတော်ကြီးတွေကို သတ်ခဲ့ပါတယ်။ သက်ဆိုင်ရာက သူ့ကိုဖမ်းပြီးတဲ့နောက်မှာ သူ့ရဲ့စိတ်ကျန်းမာရေးအခြေအနေကို စစ်ဆေးဖို့ လူစီယာမြို့နယ်စိတ်ကျန်းမာရေးဆေးရုံကို ပို့ဖို့စီစဉ်ကြပါတယ်။ အဲဒီအချိန်မှာပဲ မျက်နှာခက်ထန်၊ အဝတ်အစား ကြော့မော့နေအောင်ဝတ်စားထားပြီး ကြက်သီးထစရာကောင်းလောက်အောင် စကားပြောလိမ္မာပါးနပ်တဲ့ သူနာပြုတစ်ယောက်က လူစီယာစိတ်ကျန်းမာရေးဆေးရုံမှာ အလုပ်ဝင်နိုင်ဖို့ အစွမ်းကုန်ကြိုးစားနေပါတယ်။ ဆေးရုံအုပ်ဆီက အထင်ကြီးလေးစားမှုရဖို့ စကားနဲ့ပါးနပ်စွာ ပြောနိုင်ခဲ့ပေမဲ့ ဆေးရုံဟာ အစိုးရဆီကနေ ဘက်ဂျက်မရနိုင်လို့ သူ့ကိုအလုပ်ခန့်ဖို့ မဖြစ်နိုင်ခဲ့ပါဘူး။ ဒါပေမဲ့ သူနာပြုဆရာမကတော့ လက်မလျှော့ဘဲ အဲဒီဆေးရုံမှာ အလုပ်ဝင်နိုင်အောင်၊ ဝန်ထမ်းနေရာလွတ်မရှိရှိအောင်၊ သူ့ကို မဖြစ်မနေအလုပ်ခန့်ရမယ့် အခြေအနေရောက်အောင် ကြိုးစားခဲ့ပါတယ်။ အောင်လည်းအောင်မြင်ခဲ့ပါတယ်။ သူလည်းဆေးရုံမှာအလုပ်ရ၊ စိတ္တဇလူသတ်သမားလည်း ဆေးရုံကိုရောက်လာပါတယ်။ လူသတ်သမားနဲ့ ဆုံတွေ့နိုင်အောင် ကြိုးစားခဲ့တဲ့ သူနာပြုဆရာမနဲ့ အဲဒီလူကြားမှာ ဘယ်လိုဆက်စပ်မှုတွေရှိနေမလဲ၊ အလုပ်စမလုပ်ခင်မှာတင် လက်စွမ်းပြထားတဲ့ သူနာပြုက နောက်ပိုင်းမှာရော သူ့ကြောင့်ဆေးရုံမှာ ဘာတွေဆက်ဖြစ်လာမလဲ၊ သူလိုချင်တာရဖို့ ဘေးကလူတွေကို ဘယ်လိုပါးနပ်စွာ ကြိုးကိုင်ချယ်လှယ်သွားမလဲ စတာတွေကို ရင်ဖိုစိတ်လှုပ်ရှားဖွယ် ကြည့်ရှုရမယ့် စီးရီးကောင်းလေးတစ်ခုပဲဖြစ်ပါတယ်။ File size…430MB / 1.0Gb Quality….Webrip 720 / 1080p Format…mp4 Duration….50 Min Genre...Mystery, Drama, Crime Subtitle….Myanmar Subtitle (Hardsub) Encoder….Mr. Anderson Translated by Monica May

၂၀၁၆လောက်တုန်းကလို့ထင်တယ် ပနားမားစာတမ်းဆိုပြီး စာရင်းရှင်းတမ်းတွေထွက်ပေါ်လာခဲ့ပါသေးတယ် မြန်မာတောင်မှပါပါသေးတယ်။ ဒီကားကပနားမားစာတမ်းထဲကအကြောင်းအရာတစ်ချို့ကို ရိုက်ပြထားတာပါ။ စီးပွားရေးပိုင်းဆိုင်ရာတွေ တရားဥပဒေပိုင်းဆိုင်ရာတွေ ငွေကြေးခဝါချတာတွေ ငွေဖြုငွေမည်းကိစ္စတွေ များစွာပါဝင်နေပါတယ်။ ချမ်းသာတဲ့သူတွေ သူတို့ရဲ့ပိုင်ဆိုင်မှုစာရင်းဇယားတွေကိုသာအမှန်တိုင်းပြထားမယ်ဆိုရင် တကယ်တမ်းပေးရမဲ့အခွန်တွေကမနည်းမနောပဲလေ ။ဒါကိုသူတို့ကိုတိမ်းရှောင်ချင်ကြတယ်။ ၏ဒီတော့ ဒီလိုတိမ်းရှောင်ဖို့ဘယ်လိုလုပ်ရင်ဖြစ်နိုင်မလဲ?? ခင်ပွန်းသည်ကို မတော်တဆမှုမှာ ဆုံးရှုံးလိုက်ရတဲ့အယ်လင်ရယ် မတော်တဆမှှုဖြစ်ပွားတဲ့သဘောၤပိုင်ရှင်ရယ် သူတို့တွေကရောဘယ်လိုဆက်စပ်နေလဲဆိုတာကို ကြည့်ရှုရမှာပါဗျ။ Netflixမှာအခုရက်ပိုင်းတော်တော်လေးလူကြိုက်များနေတဲ့ဇာတ်ကားတစ်ကားလဲဖြစ်ပါတယ်။

IMDb - 7.4/10 Rotten - 91% နိုင်ငံတိုင်းမှာ ရုပ်ရှင်လောကတိုင်းမှာ ပေါကားဆိုတာရှိစမြဲပါ။ ပေါတဲ့ခံယူချက်ကတော့ တူကြမှာမဟုတ်ပါဘူး။ သရုပ်ဆောင်မကောင်းလို့၊ ဇာတ်အိမ်မကောင်းလို့၊ ကိုယ့်အနုပညာကို ပရိသတ်မြင်လာအောင်မချပြနိုင်လို့ပေါကားဖြစ်သွားကြတာတွေရှိသလို သူများနဲ့မတူအောင် ရိုက်ရာကနေ ပေါသွားတာမျိုး၊ ပိုက်ဆံရရင်ပြီးရော ပရိသတ်ကိုနားလည်ပါးရိုက်လုပ်နေတဲ့ ပေါကားတွေလဲ ဒုနဲ့ဒေးပါပဲ။ ဒီ Disaster Artist ဆိုတဲ့ရုပ်ရှင်ကားကတော့၂၀၀၃ ခုနှစ်မှာထွက်ရှိခဲ့တဲ့ ကမ္ဘာ့အဆိုးဆုံးရုပ်ရှင်၊ အပေါဆုံးရုပ်ရှင်ဆိုတဲ့ ဂုဏ်ပုဒ်တွေရယူထားနိုင်တဲ့ The Room ဇာတ်ကားရဲ့ပဲ့ကိုင်ရှင် Tommy Wiseau အကြောင်းကို ရိုက်ကူးပြထားတာပဲဖြစ်ပါတယ်။ ဘယ်ကလာတယ်၊ အသက်ဘယ်နှနှစ်လဲ၊ ဘယ်မှာမွေးတာလဲ၊ ပိုက်ဆံတွေဘယ်လိုရလာသလဲဆိုတဲ့ နောက်ကြောင်းရာဇဝင် ဘာဆိုဘာမှမသိရတဲ့ Tommy Wiseau နဲ့ သရုပ်ဆောင်ဖြစ်ရရင်၊ အောင်မြင်ရရင် ကျေနပ်ပါပြီဆိုတဲ့ Greg။ သူတို့နှစ်ယောက် လော့အိန်ဂျလိစ်ရဲ့လမ်းမထက်မှာ အိပ်မက်ကိုယ်စီမက်ခဲ့ကြတယ်။ တစ်ယောက်ကိုတစ်ယောက် အားပေးဖို့၊ ကိုယ့်အိပ်မက်ကို ဘယ်တော့မှလက်မလျှော့ဖို့ ကတိပေးခဲ့ကြတယ်။ ဟောလိဝုဒ်မှာ နေရာတစ်နေရာရလာဖို့ အမျိုးစုံကြိုးစားခဲ့ပေမယ့် ဟောလိဝုဒ်က သူတို့ကိုငြင်းပယ်လာတဲ့အခါ..... သူတို့နှစ်ယောက်မှာ ကမ္ဘာ့အဆိုးဆုံးရုပ်ရှင်တစ်ကားဖြစ်လာဖို့ ကမ္ဘာ့အကောင်းဆုံးအကြံတစ်ခုထွက်လာကြပါတယ်။ အဲ့ဒါကတော့ ကိုယ့်ပိုက်ဆံနဲ့ကိုယ် ရုပ်ရှင်တစ်ကားရိုက်ဖို့ပါတဲ့။ ပိုက်ဆံနဲ့လုပ်ချင်စိတ်ကလွဲပြီး ဘာဆို ဘာမှမသိနားမလည်ပေမယ့် Tommy Wiseau နဲ့ Greg တို့ The Room ရုပ်ရှင်ကို အခက်အခဲပေါင်းများစွာကြားထဲကနေ မရရအောင် ဖန်တီးကြပါတော့တယ်။ Shakespeare, Tennessee Williams တို့ခေတ်နောက်ပိုင်း အကောင်းဆုံးဒရမ်မာရုပ်ရှင်လို့တောင် ကြွေးကြော်ခဲ့တဲ့ Tommy Wiseau နဲ့ Greg တို့ ဒီရုပ်ရှင်ကို ဘယ်လိုဖန်တီးရိုက်ကူးခဲ့ကြသလဲ၊ ရုပ်ရှင်ပရိသတ်တွေကရော ဘယ်လိုထင်မြင်ကြသလဲ။ ဒါတွေကိုတော့ The Disaster Artist ရုပ်ရှင်ထဲမှာအဖြေပေးသွားပါလိမ့်မယ်။ ဒီရုပ်ရှင်ကိုတော့ Spiderman 1,2,3 , 127 Hours ဇာတ်ကားတွေနဲ့လူသိများတဲ့ James Franco က ဒါရိုက်တာအဖြစ်၊ Tommy Wiseau အဖြစ်ပါဝင်သရုပ်ဆောင်ထားပြီး Now You See Me ကားထဲက မင်းသားချောလဲဖြစ်၊ James Franco ရဲ့ ညီအရင်းလဲဖြစ်တဲ့ Dave Franco က Greg အဖြစ် ပါဝင်ထားပါတယ်။ ပေါလှပါတယ်ဆိုတဲ့ကားက ဘာကြောင့်များ အတ္ထုပတ္တိရုပ်ရှင်တစ်ကားအဖြစ် ပြန်ရိုက်ရလောက်အောင် အောင်မြင်သွားတာပါလဲ၊ The Disaster Artist ရုပ်ရှင်ထွက်လာအပြီးမှာ The Room ရုပ်ရှင်ကို လူတွေက ဘာကြောင့်သဘောကျသွားကြတာပါလဲ။ အဖြေကတော့ ရှင်းပါတယ်။ Tommy Wiseau ဟာ အနုပညာချစ်စိတ်အပြည့်အဝနဲ့ စိတ်ရောကိုယ်ပါနှစ်ပြီး ပေါကားတစ်ကားကို ရိုက်မှန်းမသိ ရိုက်ခဲ့တာပါ။ ဒါကို ဘယ်လောက်ပဲ ဆိုးဝါးတဲ့ရုပ်ရှင်လို့ပြောပြော Tommy Wiseau ရဲ့လက်ရာ The Room ရုပ်ရှင်ဟာ အခုခေတ် မင်းသား၊မင်းသမီးဗန်းပြပြီး အောက်လုံးတွေနဲ့ပြက်လုံးထုတ်နေ၊ ပရိသတ်ကို ကလိထိုးရယ်ခိုင်းပြီး ပိုက်ဆံညာယူနေတဲ့ရုပ်ရှင်ကားတွေထက်စာရင် အပုံကြီးသာပါတယ်။ The Disaster Artist ရုပ်ရှင်ဟာ ဒီအချက်ကို ကောင်းကောင်း မီးမောင်းထိုးပြသွားနိုင်ခဲ့ပါတယ်။ ယခုနှစ် အော်စကာ အကောင်းဆုံးရုပ်ရှင်ဆုအတွက်လဲ ဆန်ကာတင်စာရင်းမှာ ရွေးချယ်ခံထားရတဲ့ရုပ်ရှင်ကားဖြစ်ပြီး ဆုပေါင်းများစွာလဲ ဆွတ်ခူးထားပါတယ်။ အနုပညာပါတဲ့ရုပ်ရှင်နဲ့ ပိုက်ဆံရရုံရိုက်တဲ့ရုပ်ရှင်ရဲ့ ကွာခြားချက်ကို သိလာဖို့၊ပေါကားနွံနစ်နေတဲ့ ရုပ်ရှင်ချစ်ပရိသတ်တွေ ပေါတာနဲ့အနုပညာရူးသွပ်တာကို ခွဲခြားလာတတ်ဖို့၊ အသိပညာပေးနိုင်ဖို့ ဒီကားဟာ ကြည့်ကိုကြည့်သင့်တဲ့ကားတစ်ကားဖြစ်ပါတယ်။ မကြာခင်မှာလဲ CM က Tommy Wiseau ရဲ့ ကမ္ဘာ့အဆိုးဝါးဆုံးရုပ်ရှင် "The Room" ကို ဘာသာပြန်တင်ဆက်ပေးသွားမှာဖြစ်ပါတယ် (ဇာတ်လမ်းးအညွှန်းနဲ့ဘာသာပြန်သူက ကွီးအာကာဖြိုးပါ) File Size : (900 MB) Quality : WEB-DL 720p Running Time : 1hr 44min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.X264.AC3-EVO[EtHD] Translated by Arkar Phyo Encoded by Thanhtike Zaw

မူရီဆိုတဲ့လူကြီးဟာ မျိုးရိုးအလိုက် အမွေလက်ဆင့်ကမ်းရခဲ့တဲ့ စာအုပ်ဆိုင်လေးကို ပိတ်လိုက်ရပါပြီ။ သူ့ဆီမှာ ပိုက်ဆံလိုပြီး အလုပ်ပေါင်းစုံလုပ်ပြီး ရုပ်အဖြောင့်အတောင့်ကြီး မဟုတ်ပေမဲ့ လူကြီးလူကောင်းဆန်ပြီး မိန်းမကျောနပ်တဲ့ ဖီရိုရာဗန်တေးဆိုတဲ့ မိတ်ဆွေလည်း ရှိပါတယ်။ တစ်ရက်ကျ သူ ပြနေကြ အရေပြားဆရာဝန်မဆီကနေ ထူးခြားတဲ့ ဖိတ်ကြားချက်ကို သိလိုက်ရပါတယ် အဲဒါကတော့ သူ့ သူငယ်ချင်းမ တစ်ယောက်နဲ့ သုံးပါးသွားကဖို့ မင်းသားတစ်ပါး လိုအပ်နေတာပါတဲ့။ အဲဒါ မူရီဆိုတဲ့ ဘဲကြီးက အသိရှိတယ်ပေါ့ ဒီတိုင်းတော့ မရနိုင်ဘူး အခကြေးငွေတော့ ပေးရလောက်မယ်ဆိုပြီး ဖီရိုရာဗန်တေးကို မင်းလုပ်ပါလား မင်းဆို ဖြစ်နိုင်တယ်ဆိုပြီး ယောက်ျားဖျာသည်လိုင်းသွင်းပါတော့တယ်။ အစပိုင်းတော့ ဆရာသမားလည်း ငြင်းတာပေါ့ နောက်ကျ စမ်းကြည့်မယ်ဆိုပြီး လုပ်ရာကနေ ဘယ်လိုတွေဆက်ဖြစ်ကြမလဲ ကြည့်ရမှာပါ။ ဂျူးလူမျိုးတွေနဲ့ လူမျိုးရေး ဘာသာရေး စည်းကမ်းတင်းကြပ်ပုံတွေလည်း ဗဟုသုတရပါတယ်။ မင်းသားနေရာကတော့ Transformer ကားတွေထဲက ရယ်ရတဲ့ Agent Simmon ကြီး သရုပ်ဆောင်ပေးထားပြီး Sexy သိပ်ဆန်တဲ့ မင်းသမီးကြီး Sharon Stone နဲ့ အကိတ်မင်းသမီး Sofia Vergara တို့လည်း ဆက်ဆီကျကျ ပါဝင်ထားပေးပါသေးတယ်။ ယောက်ျားဖျာခေါင်း/ဖျာ ကားဖြစ်တဲ့အတွက် အိပ်ရာပေါ်ကအခန်းတချို့ ပါဝင်ပြီး သတိထား ကြည့်ရှုစေလိုပါတယ်ဗျ။

လင်ဒါရဲ့ မွေးနာမည်က အဖေ့မျိုးရိုးနာမည်ကို ယူထားတဲ့ လင်ဒါဘိုးမန်းပါ။ ချက်ထရေနာနဲ့ အိမ်ထောင်ကျတော့ လင်ဒါထရေနာ ဖြစ်လာပြီး အရွယ်ရောက်သူများအတွက် ရုပ်ရှင်တွေမှာ သရုပ်ဆောင်လာချိန်မှာတော့ လင်ဒါလက်ဗလေ့စ်ဆိုတဲ့ နာမည်နဲ့ လူသိများလာပါတယ်။ လက်ဗလေ့စ်က မျိုးရိုးနာမည်မဟုတ်ဘဲ ရုပ်ရှင်ထွက်ခါနီးမှာ ထုတ်လုပ်သူက ပေးလိုက်တဲ့ အနုပညာနာမည်ပါ။ သူ့ရဲ့ပထမဆုံး အပြာရုပ်ရှင် Deep Throat အပြီးမှာ အဲဒီနာမည်နဲ့ အောင်မြင်ကျော်ကြားလာတယ်။ ရုပ်ရှင်ကလည်း ရုံမှာ အချိန်ကြာကြာ ပြသရတဲ့အထိ အောင်မြင်ခဲ့ပြီး အဲဒီလောကရဲ့ Gone with the Wind လို့တောင် တင်စားခံခဲ့ရပါတယ်။ ဒါပေမယ့် လူတွေမြင်နေကြတဲ့ ကျော်ကြားမှုနောက်မှာတော့ မသိခဲ့ကြတဲ့ အဖြစ်ဆိုးတွေ ရှိနေခဲ့တယ်။ Lovelace ဟာ ၁၉၇၀ ဝန်းကျင်က အောင်မြင်ခဲ့တဲ့ Linda Lovelace ရဲ့ဘဝကို ရိုက်ကူးထားတဲ့ အတ္ထုပ္ပတ္တိဒရမ်မာပါ။ ဘာသာရေးကိုင်းရှိုင်းတဲ့ ရှေးရိုးစွဲမိသားစုမှာ ကြီးပြင်းလာပြီး အရှက်အကြောက်ကြီးတဲ့ လင်ဒါဟာ အပြာရုပ်ရှင်လောကထဲ ဘယ်လိုရောက်လာခဲ့သလဲ၊ အဲဒီဘဝကို ရွေးချယ်ဖို့ ဘယ်လိုအခြေအနေတွေက တွန်းပို့ခဲ့သလဲဆိုတာကို ပြထားပါတယ်။

လာဂိုဝင့်ချ် ... ကမ္ဘာ့ ပါဝါအကြီးလုပ်ငန်းစုကြီးတစ်ခုဖြစ်တဲ့ W လုပ်ငန်းစုကြီးရဲ့ အမွေဆက်ခံသူ .... သူအမွေဆက်ခံပြီးနောက် W လုပ်ငန်းစုကြီးကို ရောင်းချပြီး လူသားချင်းညှာတာထောက်ထားမှုဆိုင်ရာဖောင်ဒေးရှင်းတည်ထောင်မယ်လို့ဆုံးဖြတ်ခဲ့သူ ... ဒါပေမယ့် W လုပ်ငန်းစုကြီးဟာ မြန်မာနိုင်ငံအတွင်းက ကယန်းလူမျိုးစုတွေကို ရက်ရက်စက်စက်သတ်ဖြတ်တဲ့ လူသတ်ပွဲနဲ့ ပတ်သက်ဆက်နွယ်နေတယ်လို့ သံသယရှိပြီး စုံစမ်းစစ်ဆေးခံရတဲ့အခါ ... လာဂိုဝင့်ချ်ဟာ W လုပ်ငန်းစုကြီးရဲ့နာမည်ကို ဘယ်လိုပြန်ပြီးအဖက်ဆယ်မလဲဆိုတာကို စိတ်ဝင်စားဖွယ်ရာရိုက်ပြထားတဲ့ ရုပ်ရှင်ကားကောင်းတစ်ကားပါ ... 2011 ခုနှစ်က ထွက်ရှိခဲ့ပြီး IMDb rating - 6.2 ရရှိထားတဲ့ မြန်မာနိုင်ငံနဲ့ပတ်သက်တဲ့ဇာတ်ကားတစ်ကားလည်းဖြစ်ပါတယ်။ ဂျာမန်မင်းသား Tomer Sisley နဲ့ နာမည်ကြီးမင်းသမီး Sharon Stone တို့ပါဝင်ပါတယ်။ ဒီကားဟာ လာဂိုဝင့်ချ် ဇာတ်ကောင်အတွက်တော့ ဒုတိယမြောက်ကားပါ။ တစ်ဖက်မှာက စီးပွားရေးလုပ်ငန်းရှင်ကြီးတွေရဲ့ ညစ်ကွက် လှည့်ကွက်တွေ .. တစ်ဘက်မှာက ကယန်းလူမျိုးဒုက္ခသည်တွေနဲ့အကျင့်ပျက်အာဏာရှင်ဗိုလ်ချုပ်တစ်ဦးတို့ရဲ့ အခြေအနေတွေကို ယှဉ်ထိုးရိုက်ကူးထားတဲ့ ဇာတ်လမ်းကောင်းလေးတစ်ပုဒ်ကိုလက်လွတ်မခံဘဲ ကြည့်ဖြစ်အောင်ကြည့်ဖို့ တိုက်တွန်းလိုက်ပါရစေ... File size…(590MB)  Format…mp4 Duration….01:58:00 Subtitle….Myanmar Subtitle (Hardsub) Translator…Phyo Thu Kyaw Encoder….Moe Myint Lwin

(18+ Erotic  အမျိုးအစားဖြစ်လို့ မိသားစုနဲ့အတူမကြည့်သင့်ပါ.) စုံထောက်ကားဆန်ဆန် သည်းထိတ်ရင်ဖိုဇာတ်ကားတွေကို နှစ်သက်တဲ့သူတွေအတွက် ဒီဇာတ်လမ်းလေးကို တင်ဆက်ပေးလိုက်ပါတယ်....တင်ပါးလွှဲထိုင်ချက်နဲ့ ကမ္ဘာလောကြီးက ပုရိသအပေါင်းကို ဆွဲလှုပ်ခဲ့ဖူးတာကို အားလုံးသိကြမယ်ထင်ပါတယ်.. အဲဒီ အထဲ မြန်မာက လူငယ်တွေပါ မပါတော့ ကျွန်တော်လည်းမပြောတတ်.. မင်းသမီးကတော့ 90s kid တို့အသဲစွဲ Sharon Stone ပါ.. သူ့ဇာတ်ကားတွေကြည့်ဖူးတဲ့လူတွေကတော့ သူ့ရဲ့အကြည့် သူ့ရဲ့အသံနဲ့တင် ရင်ဖိုလှိုက်မောခဲ့ရတာတွေကို ပြန်အမှတ်ရပါလိမ့်မယ် ဒီဇာတ်ကားထဲမှာလည်း သူဟာ ဆွဲ‌ဆောင်မှုရှိတဲ့ ရွှေရောင်ဆံပင်ပိုင်ရှင်ကောင်မလေးတစ်ယောက်အဖြစ် ပါဝင်သရုပ်ဆောင်ထားပါတယ်... စကားလုံးအသုံးအနှုန်းတွေဟာ မိသားစုနဲ့အတူကြည့်ရှုဖို့တော့ သင့်တော်မှာမဟုတ်ပါဘူး ဇာတ်လမ်းအညွှန်း ကက်သရင်းထရာမယ်ဆိုတဲ့အမျိုးသမီးဟာ စွန့်စားရတာကိုစွဲလမ်းနေ‌တဲ့ စိတ်ရောဂါတစ်မျိုးကို ခံစားနေရတဲ့လူတစ်ယောက်ပါ... သူ့ရဲ့စွန့်စားမှုတွေကြောင့် သူ့ကိုယ်သူတင်မကဘဲ သူတစ်ပါးကိုပါ အသက်သေစေတဲ့အထိဖြစ်လာတဲ့အခါမှာ သူဟာ လူသတ်မှုနဲ့ တရားစွဲခံခဲ့ရပါတယ်... အဲဒီအချိန်မှာ သူ့ရဲ့စိတ်အခြေအနေကို အကဲဖြတ်သုံးသပ်ဖို့အတွက် မိုက်ကယ်ဆိုတဲ့ စိတ်ရောဂါကုဆရာဝန်ဆီမှာ သူကုသခဲ့ပါတယ် ဒီလိုကု‌သနေတဲ့အချိန်အတောအတွင်းမှာလည်း သူ့အနီးအနားကလူတွေဟာ တစ်ယောက်ပြီးတစ်ယောက် အသတ်ခံလာကြရပါတယ်... ဒီတော့ ဒီအမှုကို သေသေချာချာလိုက်လံစုံစမ်းပြီး ရှာဖွေဖော်ထုတ်ရတဲ့အကြောင်းကို ရိုက်ကူးထားတာပါ ကြည့်ရှုသူအားလုံးစိတ်ထဲမှာ သို့လောသို့လောနဲ့ ရင်တမမကြည့်ရှုရမယ့်ဇာတ်ကားဖြစ်တဲ့အကြောင်းကတော့ အာမခံလိုက်ပါရစေ.... File Size :(3.08GB)(0.9GB) and (338MB) Quality : Blu-Ray 1080p5.1Ch,720p Format…mp4 Duration…01:54:00 Genre : Mystery , Drama ,Thriller Subtitle : Myanmar Subtitle (Hard Sub) Translated by  Paing Encoded by Phyo Pyae

Catwoman (2004) Genre - Action,Crime,Fantasy ဒီတစ်ခါမှာတော့ အားလုံးနဲ့မစိမ်းတဲ့ မင်းသမီးကြီး Halle Berry ပါဝင်သရုပ်ဆောင်ထားတဲ့ Catwoman နဲ့မိတ်ဆက်ပေးပါမယ်။ Patience ဟာ Hadre အလှကုန်ကုမ္ပဏီမှာ ဒီဇိုင်းဆွဲတဲ့အလုပ်လုပ်နေတဲ့ကောင်မလေးပါ။ တစ်နေ့မှာတော့ သူ့တိုက်ခန်းမှာဒီဇိုင်းဆွဲနေတုန်း ကြောင်လေးတစ်ကောင်ခေါင်မိုးပေါ်ရောက်နေတာတွေ့တာနဲ့ ပြတင်းပေါက်ကထွက်ပြီးကယ်ဖို့လုပ်ပါ‌တော့တယ်။ အဲဒီလိုကယ်နေတဲ့အချိန်မှာပဲ လမ်းကဖြတ်သွားတဲ့ စုံထောက်ကြီးတစ်ယောက်က ခုန်ချမယ်ထင်ပြီး လာကယ်ရင်းနဲ့ပဲ Patience နဲ့ စုံထောက်ကြီးတို့ခင်မင်သွားပါတော့တယ်။ တစ်နေ့ Patience တစ်ယောက် ကုမ္ပဏီကခိုင်းထားတဲ့ဒီဇိုင်းကိုစက်ရုံအထိသွားပေးရပါတယ်။ စက်ရုံကလျှို့ဝှက်ချက်တစ်ခုကိုမထင်မှတ်ပဲ သိသွားတာကြောင့် ကံဆိုးမိုးမှောင်ကျပြီး အသတ်ခံလိုက်ရပါတယ်။ Patience တစ်ယောက်သေသွားတယ်ဆိုပေမဲ့ သူကယ်ခဲ့တဲအီဂျစ်နတ်ဘုရားမရဲ့တမန်တော်ကြောင်လေးရဲ့ အစွမ်းနဲ့ အသက်ပြန်ရှင်သန်လာခဲ့ပါတယ်။ ပြန်ရှင်သန်လာတဲ့အခါမှာ Patience တစ်ယောက် အရင်လိုမဟုတ်တော့ပါဘူး။ အထိအတွေ့၊ အနံ့ အာရုံခံမှုတွေဟာ လူသားတစ်ယောက်နဲ့မတူတော့ဘဲ ထူးခြားနေပါတယ်။ အဲဒီညကကိစ္စကိုလည်း မမှတ်မိပါဘူး။ ဒီလိုနဲ့‌‌ ကြောင်အစွမ်းတွေရပြီး ကြောင်လူသားဖြစ်သွားတဲ့ Patience ဟာ သူ့စိတ်ထင်ရာလျှောက်သွားလိုက်၊ လူဆိုးတွေကိုဝင်ဖမ်းလိုက်နဲ့ သတင်းတွေမှာနာမည်ကြီးလာပါတယ်။ နောက်ပိုင်းမှာ သူအသတ်ခံခဲ့ရတဲ့အဖြစ်မှန်ကိုသိပြီး သတ်ခဲ့တဲ့လူနဲ့ သတ်ခဲ့တဲ့အကြောင်းအရင်းကိုရှာပုံတော်ဖွင့်ပါတော့တယ်။ Catwoman တစ်ယောက် ကုမ္ပဏီရဲ့လျှို့ဝှက်ချက်ကိုဖော်ထုတ်နိုင်ပြီး တရားမျှတမှုကိုရှာဖွေနိုင်မလားဆိုတာကို မမရဲ့ အမိုက်စားတိုက်ခိုက်မှုပြကွက်တွေနဲ့တင်ဆက်ပေးထားတာကြောင့်ကြည့်ရှုခံစားလိုက်ပါဦး။ File size…    2.1 GB /  971 MB Quality… BluRay 1080p / 720p Format… mp4 Duration…. 1h 44m Genre ..... Action/Crime/Fantasy Subtitle…. Myanmar Subtitle (Hard Sub) Encoder…. LegoHeart Translated by Jia

IMDb Rating 7.2/10 Rotten Tomatoes 75% ဘတ်ဂျက် ဒေါ်လာ တစ်သိန်းသာကုန်ကျခဲ့ပြီး အမြတ်ငွေ ဒေါ်လာ ၆.၁ သန်း ရရှိခဲ့တဲ့ The Mighty ရုပ်ရှင်ဇာတ်ကားကြီး……………… The Mighty ဆိုတာ အားနည်းချက်တွေကို အားသာချက်အဖြစ် ပြောင်းလဲနိုင်တဲ့ မိတ်ဆွေစစ် မိတ်ဆွေမှန်တွေရဲ့ အရေးပါမှုကို ပြသပေးမယ့် IMDb Rating 7.2/10 အထိရရှိထားတဲ့ ရုပ်ရှင်ကားကောင်းတစ်ကား ဖြစ်ပါတယ်။ ရုပ်ပိုင်းဆိုင်ရာ ချို့ယွင်းချက်ရှိသော Kevin (ဉာဏ်ရည်ထက်မြက်သော်လည်း ခန္ဓာကိုယ်အားနည်းသူ) နှင့် Max (ကိုယ်ခန္ဓာကြီးမားသော်လည်း စာဖတ်ရန် အခက်အခဲရှိသူ) တို့ နှစ်ယောက်ကြားက မိတ်ဖွဲ့မှုနဲ့ သံယောဇဉ်တွေကို ပုံဖော်ရိုက်ကူးထားပါတယ်။ ဉာဏ်ကောင်းပေမယ့် ခန္ဓာကိုယ်အားနည်းသူ Kevin က တုံးအတဲ့ Max ကို စာသင်ကြားပေးဖို့ ဖြစ်လာကြရင်း ရင်းနှီးသွားခဲ့ကြတယ်... မီးရူးမီးပန်းပွဲတော်ကိုသွားရောက်ကြရင်း လူငယ်တစ်ချို့နဲ့ပြဿနာတက်ကာ အတူတူထွက်ပြေးကြရင်း သူတို့နှစ်ဦးကြားက ရင်းနှီးမှုတွေ ပိုတိုးလာခဲ့တယ်....... Max က Kevin အတွက် ခြေထောက်ဖြစ်ပေးကာ Kevin က Max အတွက် "ဦးနှောက်" ဖြစ်လာခဲ့ပြီး ဘယ်လိုစွန့်စားခရီးတွေကို အတူတူလုပ်ဆောင်ခဲ့ကြမလဲဆိုတာကို စိတ်ဝင်စားဖွယ်တွေ့ရှိရမှာဖြစ်လို့ ကြည့်ရှုလိုက်ကြပါအုံး.............. File size…(1.9 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Su Mon

Sphere (1998) IMDb Rating (6.1) / Rotten Tomatoes (13%) Rotten Tomatotesအနေနဲ့ 13%ရာခိုင်နှုန်းသာရရှိထားပြီး IMDBအနေနဲ့ ၆.၁သာရထားခဲ့လို့ Underrated Gem တစ်ခုအနေနဲ့သတ်မှတ်ထားကြပါတယ်။ 1998 တုန်းက တစ်နှစ်တည်းထွက်ခဲ့တဲ့ Titanic နဲ့အပြိုင်မချဲနိုင်ခဲ့သလို Box-Office အရလည်း အခြေအနေမဟန်ခဲ့လှပါဘူး။ စာအုပ်ကို ရုပ်ရှင်အဖြစ်အသက်သွင်းရတဲ့အခါမှာ အရမ်းကိုတာဝန်ကြီးသလို စာအုပ်ဖန်တွေရဲ့သပိတ်မှောက်ခြင်းကိုပါခံလိုက်ရလို့ပါပဲ။ စာအုပ်ဖန်များရဲ့ပြောစကားအရ စာအုပ်ထဲကအရေးကြီးတဲ့အပိုင်းတွေကို ဖြတ်တောက်ခဲ့တာကြောင့် ကြည့်ရတာအားမရဘူးလို့ဆိုကြပါတယ်။ သို့သောလည်း Science – Fiction ကောင်းကောင်းငတ်နေသူများအဖို့ မိုးအေးအေးနဲ့ ကြည့်ရတာ ခေါင်းစားစားဖြစ်နေစေမှာပါ။ 1987နှစ်ခုမှာထွက်ရှိခဲ့တဲ့ “ Sphere “ ဆိုတဲ့ဝတ္ထုကို “ Sphere “ ဆိုတဲ့နာမည်အတိုင်းပဲ အပြောင်းမလဲမရှိရိုက်ကူးခဲ့တာဖြစ်ပါတယ်။ စာအုပ်ကိုရေးသူ စာရေးဆရာ Michael Crichton ဟာလည်း နာမည်ကျော် ဂန္တဝင် ဝတ္ထုများဖြစ်ကြတဲ့ “ Jurassic Park “ “ Disclosure “ စတဲ့လက်ရာမြောက်ဝတ္ထုပေါင်းများစွာကို ရေးသားခဲ့သူတစ်ယောက်လည်းဖြစ်ပါတယ်။ ရုပ်ရှင်ရဲ့အဓိကဇာတ်ဆောင် ဇာတ်ပို့များဟာလည်း ခေသူတွေမဟုတ်ကြပြန်ပါဘူး။ ဂန္တဝင်မင်းသားကြီးမင်းသမီးကြီးတွေဖြစ်ကြတဲ့ Dustin Hoffman တို့ Sharon Stone တို့  Samuel L . Jackson တို့ Queen Latifah တို့စတဲ့ အရည်အချင်းရှိသရုပ်ဆောင်များစွာနဲ့ မြိုင်မြိုင်ဆိုင်ဆိုင် ရေအောက်ပြကွက်များစွာကို သည်းထိတ်ရင်ဖိုတင်ဆက်ထားတာမို့ ဒီလိုမိုးဝသုန်လေတရှဲရှဲကာလမှာ ရေအောက်သမုဒ္ဒရာကြမ်းပြင်အောက်ကို တစ်ခေါက်လောက်အလည်သွားကြည့်လိုက်ရအောင်ပါ။ (အညွှန်းနဲ့ဘာသာပြန်ကတော့ Myat Noe Yamone ဖြစ်ပါတယ်။) File size…(2.3 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Horror,Mystery,Science Fiction,Thriller Duration….02:14:28 Subtitle….Myanmar Subtitle (Hardsub) Encoder….Double K Translated by Myat Noe Yamone

ဇီဆိုတဲ့ ပုရွက်ဆိတ်လေးက သူ့ကိုလိုနီထဲက တခြားပုရွက်ဆိတ်တွေနဲ့ အတွေးအမြင်မတူသူပါ။ လက်ရှိနေရတဲ့နေရာမှာ မပျော်ဘဲ တခြားနေရာသစ်တစ်ခု ရှိလိမ့်မယ်လို့ ယုံကြည်နေတယ်။ သူငယ်ချင်းတွေနဲ့ စကားပြောရင်လည်း ဒီနေရာက သူနဲ့မကိုက်တဲ့အကြောင်း ညည်းတွားနေတတ်ပါတယ်။ တစ်နေ့ ဘယ်လာဆိုတဲ့ ပုရွက်ဆိတ်မင်းသမီးလေးနဲ့ တွေ့ဆုံပြီးနောက် ဇီရဲ့ဘဝ ပြောင်းလဲလာတယ်။ သူချစ်တဲ့ မင်းသမီးလေးနဲ့ နီးစပ်ဖို့ ဘယ်လိုကြိုးစားမလဲ၊ လမ်းမှာကြုံလာတဲ့ ပြဿနာတွေကို ရင်ဆိုင်နိုင်ပါ့မလား၊ သူတို့နှစ်ယောက် နီးစပ်ခွင့်ရပါ့မလားဆိုတာကို ဇာတ်လမ်းက ဆက်ပြထားပါတယ်။ ၁၉၉၀ ပြည့်နှစ်များက ထွက်ရှိခဲ့တဲ့ ဒီအန်နီမေးရှင်းကို Tim Johnson နဲ့ Eric Darnell တို့ ပူးတွဲရိုက်ကူးထားပြီး Sylvester Stallone နဲ့ Jennifer Lopez တို့ အသံသရုပ်ဆောင်အဖြစ် ပါဝင်ထားပါတယ်။

Casino (1995) IMDb..... 8.2/ Rotten....80 HEAT,THE SCORE,THE INTERN,GOODFELLAS စတဲ့ ကားတွေကြည့်ပြီး Robert De Niro ကိုသတိထားမိသွားတယ်... ဒီဘိုးတော်ကြီးကားတော်တော်များများ ဟာ ခမ်းနားထည်ဝါလွန်းတယ်.... ဒါကြောင့် casino (1995)ကားကို စူးစမ်းကြည့်မိတယ် .... Top Rated Movies #145 ထဲမှာပါသလို ဆုပေါင်းများစွာလည်း ရရှိထားတယ်... Sam Ace Rothestein အဖြစ် Robert De Niro ကသရုပ်ဆောင်ထားတယ်... သူဟာ လောင်းကစားတွေနဲ့ပတ်သက်လို့ထက်မြက်တယ်... သူ့မျက်လုံးတစ်စုံဟာ ၃၆ဝဒီဂရီပတ်ကြည့်ပြီးတာနဲ့ ဘယ်ဝိုင်းက ထိုးသားအခြေအနေ လောင်းကြေးတွေက ဘယ်သူ့ဘက်အလေးသာနေတယ် ဘယ်သူတွေက မသာမာမှုတွေလုပ်နေတယ်ဆိုတာကို အကဲဖြတ်စွမ်းနိုင်စွမ်းရှိတယ်..  တစ်ဆက်တည်း သူလိုချင်တဲ့အနေအထားကိုလည်း ပြောင်းလဲနိုင်စွမ်းရှိတယ်.. ဒါကြောင့် ကာစီနိုတွေကိုချုုပ်ကိုင်နေတဲ့သူတွေက သူ့ကို ကာစီနိုဝိုင်းတွေကိုကွပ်ကဲပေးဖို့ငှားခဲ့တယ်....သူကလည်းလက်ခံခဲ့တယ်... သူ့ကိုလက်ဖျားနဲ့မပြောနဲ့ စကားကြမ်းပြောတဲ့သူတောင် အနားမှာမရှိအောင် လူမိုက်အကြီးအစားတစ်ယောက်ကို သူ့အနားမှာထားပေးတယ်... အဲဒီအလုပ်ကို သူလက်ခံပြီးတဲ့နောက်မှာ အပြောင်းအလဲတွေ အများကြီးသူကြုံရတော့တာပဲ....လူမိုက်တွေ...ရဲတွေ.....အစိုးရအကြီးအကဲတွေ.... ဥပဒေကိုလက်တစ်လုံးခြားလုပ်နေတဲ့သူတွေ..... ဒီကားမျိုးက ကြည့်ပြီးတွေးမြင်ခံစားလို့ကောင်းတဲ့ကားမျိုးဆိုတော့ ဆက်မပြောတော့ပါဘူး...... ဒီကားက တချို့သူတွေအတွက်တော့ ဂျင်းပေါ့ဗျာ.အယ်..တချို့သူတွေအတွက်တော့ (gem)ဖြစ်သွားလိမ့်မယ်.... File Size : 5.19GB/ 1.67GB Quality : Blu-Ray 1080p 5.1 CH/ 720p Format…mp4 Duration…02:58:50 Genre : Crime , Drama Subtitle : Myanmar Subtitle (Hard Sub) Translated by Theint Yadanar Oo Encoded by Tiff

The Quick and the Dead (1995) IMDb Rating (6.5) မင်းသားကြီး Russell Crowe , မင်းသားချော Leonardo DiCaprio , မင်းသမီးချော Sharon Stone တို့ပါဝင်ထားတဲ့ ကောင်းဘွိုင်အက်ရှင်ဇာတ်ကားပါ။ ကြမ်းကြမ်းရမ်းရမ်း မိုက်မိုက်ကန်းကန်း မြင်းတွေစီးပြီး သေနတ်တွေနဲ့ ပစ်ကြခတ်ကြ တဲ့ အနောက်ပိုင်းရုပ်ရှင်တွေကို ကြည့်ချင်သူများအတွက် ၁၉၉၅ ခုနှစ်ထွက်ရှိထားတဲ့ The Quick and the Dead ဆိုတဲ့ဇာတ်ကားလေး တင်ဆက်ပေးလိုက်ပါတယ် ဇာတ်လမ်းကတော့... အစိုးရရဲ့ ဥပဒေမစိုးမိုးဘဲ လူမိုက်တွေ ကိုသာ ဆက်ကြေးပေးနေရတဲ့ မြို့လေးတစ်မြို့မှာ သေနတ်ယှဉ်ပစ်တဲ့ ပွဲကို နှစ်စဉ်ကျင်းပလေ့ရှိပါတယ် … အနိုင်ရရှိတဲ့သူဟာ ဒေါ်လာ ၁၂၃၀၀၀ ကိုပိုင်ဆိုင်ရမှာဖြစ်တဲ့အတွက် အနယ်နယ်အရပ်ရပ်က သေနတ်သမားတွေ လာရောက်လက်စွမ်းပြလေ့ရှိတာပေါ့ တစ်ရက်မှာ အဲ့ဒီကစားပွဲကို မိန်းကလေးတစ်ယောက်ရောက်ရှိလာခဲ့ပုံက ကျားတောထဲရောက်လာတဲ့ သမင်မလေး တစ်ကောင်လိုပါပဲ … သို့သော် မိန်းကလေးဟာ သမင်မလေးဖြစ်မလား ကျားသစ်မလေးဖြစ်မလားဆိုတာ.....။ File size…(5.9 GB)/ (2 GB )/(1.1 GB) Quality…BluRay 4K HEVC/1080p HEVC / 720p Format…mkv/mp4 Duration….01:46:00 Subtitle….Myanmar Subtitle (Hardsub) Encoder….Ka Naung Translated by Zuel Khant Thwin

ဒန်နီမက်တီဂန်က ဂျက်စလေ့တာဆိုတဲ့ ရုပ်ရှင်ဟီးရိုးကို အရူးအမူး ကြိုက်တဲ့ကောင်လေးပါ။ တစ်နေ့မှာ သူသွားနေကျ ရုပ်ရှင်ရုံက ရုံပိုင်ရှင်နစ်ခ်ဟာ သူ့ကို မှော်လက်မှတ်တစ်စောင် ပေးလိုက်ပါတယ်။ အဲဒီလက်မှတ်ကြောင့် ဒန်နီဟာ ဘုမသိဘမသိနဲ့ ဂျက်စလေ့တာရဲ့ အသစ်ထွက်ရုပ်ရှင်ထဲ ရောက်သွားပြီး သူကြိုက်တဲ့ဟီးရိုးရဲ့ စွန့်စားခန်းတွေထဲ ပါဝင်သွားပါတော့တယ်။ ဒါပေမဲ့ မှော်လက်မှတ်က ဗီလိန်ဘန်နက်ဒစ်တ်လက်ထဲ ရောက်သွားတဲ့အခါ အခြေအနေ ပြောင်းသွားပါတယ်။ လက်မှတ်ကို ဘယ်လိုသုံးရမလဲ သိသွားတဲ့ ဘန်နက်ဒစ်တ်ဟာ ရုပ်ရှင်လောကနဲ့ အပြင်လောကကြား ကူးသန်းရင်း ရုပ်ရှင်တွေထဲက ဗီလိန်တွေကို ခေါ်ထုတ်ဖို့ ကြိုးစားလာတယ်။ ဒန်နီနဲ့ ဂျက်တို့ သူ့ကို ဘယ်လိုတားကြမလဲ၊ ရုပ်ရှင်ထဲမှာ ဘယ်လိုသတ်သတ် မသေတဲ့ဟီးရိုးက အပြင်လောကကို ရောက်လာရင်ရော အဲဒီလိုပဲ ဆက်ဖြစ်နိုင်ဦးမလားဆိုတဲ့ မေးခွန်းတွေ ပေါ်လာပါတယ်။ Arnold Schwarzenegger ပါဝင်ထားတဲ့ ၁၉၉၃ ခုနှစ်ထွက် အက်ရှင်၊ စိတ်ကူးယဉ်နဲ့ ဟာသ ရောစပ်ထားတဲ့ ဇာတ်ကားပါ။ ဒန်နီက ရုပ်ရှင်ထဲမှာ တွေ့ရတဲ့ သရုပ်ဆောင်တွေကို တခြားဇာတ်ကားတွေထဲက ဇာတ်ကောင်တွေအဖြစ် မှတ်မိပြီး ပြန်ပြောနေတဲ့ ဟာသခန်းတွေလည်း ပါဝင်ပါတယ်။

Basic Instinct (1992) IMDb Rating (7.0) ဒီဇာတ်ကားကို ယောက်ျားလေးပရိသတ်ထဲက မသိတဲ့သူ ရှားမယ်ထင်ပါတယ်။ မင်းသမီး ရှာရွန်စတုန်း ခြေထောက်ကို ဘယ်ညာပြောင်းချိတ်ပြတဲ့အခန်းကို သုံးလေးခါလောက် ရှေ့နောက်ရစ်လိုက်၊ ရပ်လိုက်၊ Slow နဲ့ ကြည့်လိုက် ကြည့်ဖူးတဲ့သူတွေထဲမှာ ကျွန်တော်လည်း ပါပါတယ်...ခင်ဗျားတို့လဲပါပါလိမ့်မယ်...မပူပါနဲ့...တစ်ကမ္ဘာလုံးလဲ ခုထိ အဲ့လိုပဲကြည့်နေကြတုန်းပါပဲ။ဘာလို့ဆို Pause ခလုတ်နှိပ်ပြီးရပ်ကြည့်ရတဲ့ ရုပ်ရှင်စာရင်းတွေထဲမှာ ဒီရုပ်ရှင်က ထိပ်ဆုံးမှာ ရပ်တည်နေလို့ပါပဲ။ အခုပြန်ကြည့်မိတော့မှ ဒီဇာတ်ကားက မင်းသမီးကို ငမ်းရတာထက် အများကြီးအနှစ်ရှိပြီး အရမ်းကောင်းတဲ့ Psychological, Crime, Drama ဇာတ်ကားလေးဆိုတာ သိရတော့တာပါပဲ။ ဇာတ်လမ်းအလှည့်အပြောင်းလေးတွေက အရမ်းလှတယ်။ ကြည့်နေရင်း မင်းသားစုံထောက်နဲ့တူတူ ခေါင်းတွေလည်သွားမှာသေချာပါတယ်။ အမှုတစ်မှုကနေ စပြီး တခြားအမှုတွေ တစ်သီတတန်းကြီး ထွက်လာတယ်။ အဲဒီအမှုတွေ အကုန်လုံးကလည်း လူတစ်ယောက်တည်းနဲ့ ဆက်စပ်နေတယ်။ ဒါပေမဲ့လည်း အဲဒီလူက အမှုကျူးလွန်ပါတယ်ဆိုတာကို သက်သေမပြနိုင်ဘူး။ တော်တော်လေးကို အကွက်ရွှေ့တာတွေလှပြီး စိတ်ဝင်စားဖို့ကောင်းတဲ့ ခပ်ရှုပ်ရှုပ် စုံထောက်ဇာတ်ကားလေးပါ။ မင်းသမီး Sharon Stone နဲ့ Jeanne Tripplehorn တို့ရဲ့ အလှအပတွေကိုလည်း ခံစားနိုင်သေးတော့ ကြည့်ဖူးပြီးသားလူတွေလည်း ပြန်ကြည့်သင့်ကြောင်း ညွှန်းလိုက်ပါတယ်။ ရှရွန်စတုန်းကလဲ တကယ့်အဟော့ဆုံးအချိန်ဗျာ...ရိုက်ထားတာကလဲ အကုန်ရှင်းရှင်းလင်းလင်း...ဇာတ်လမ်းကလဲ ရမ္မက်တွေနဲ့ပြစ်မှုတွေအကြောင်းဆိုတော့ ဘာမှဖြတ်တောက်ထားခြင်းမရှိတဲ့ Unrated Version ကိုမှ ကာလာအစုံနဲ့အလန်းဆုံးကြည့်ရှုရမယ့် 4K HDR Quality နဲ့ ထပ်မံတင်ဆက်လိုက်ပါတယ်။ မိသားစုနဲ့တော့ကြည့်ရှုလို့မရပါခင်ဗျာ။ 4K ဖိုင်ကို HDR Version နဲ့တင်ဆက်ထားတာကြောင့် မိမိကြည့်ရှုမယ့် Player မှာ HDR Setting တွေ On ထားပြီးကြည့်ရှုမှသာ ကာလာစုံမြင်ရမှာဖြစ်ပြီး 1080p/720p ကတော့ ရိုးရိုးတမ်းတမ်းကြည့်ရှုလို့ရပါတယ်။ File size…(8.5 GB)/(1.8 GB)/(1 GB) Quality…BluRay Unrated 4K HDR/1080p HEVC/720p Format…mkv/mp4 Duration….02:08:13 Subtitle….Myanmar Subtitle (Hardsub) Encoder….Ka Naung Translated by 666

Action Jackson (1988)(1080p) IMDB : 5.6 Rotten Tomatoes : 24% Genre : Action / Comedy / Crime ၈၀ ပြည့်လွန်နှစ်တွေက ထွက်ရှိခဲ့တဲ့ အက်ရှင်ဇာတ်ကားဟောင်းလေးတွေကို လွမ်းဆွတ်နေတဲ့သူတွေအတွက်တော့ Carl Weathers (Rocky ဇာတ်ကားမှာ Apollo Creed အဖြစ် လူသိများတဲ့) ပါဝင်ထားတဲ့ "Action Jackson" ဆိုတဲ့ အမေရိကန် အက်ရှင်ကားဟောင်းလေးနဲ့ မိတ်ဆက်ပေးပါရစေ။ ဒီကားကတော့ 1988 ခုနှစ်မှာ ထွက်ရှိခဲ့တာဖြစ်ပြီး ဒါရိုက်တာ Craig R. Baxley က ရိုက်ကူးပုံဖော်ထားပါတယ်။ ဇာတ်ညွှန်း ဒီထရွိုက် (Detroit) မြို့က ရဲအရာရှိတစ်ယောက်ဖြစ်တဲ့ ဂျယ်ရီကို ဂျက်ဆင် (Jericho "Action" Jackson) ဟာ အရင်က အရမ်းကြမ်းတမ်းပြီး ပြဿနာရှာတတ်တာကြောင့် ရာထူးချခံထားရသူဖြစ်ပါတယ်။ တစ်ဖက်မှာလည်း အာဏာနဲ့ နိုင်ငံရေး သြဇာလွှမ်းမိုးမှုကို လိုချင်နေတဲ့ ကားကုမ္ပဏီသူဌေးကြီး ပီတာ ဒဲလာပလိန်း (Peter Dellaplane) ဟာ သူ့ရဲ့ လုပ်ငန်းတွေမှာ ဝင်စွက်ဖက်နေတဲ့ အလုပ်သမားသမဂ္ဂ ခေါင်းဆောင်တွေကို ကြေးစားတွေလွှတ်ပြီး လိုက်လံလုပ်ကြံ သတ်ဖြတ်နေပါတယ်။ ဂျက်ဆင်က ဒီအမှုတွေကို စုံစမ်းဖို့ ကြိုးစားတဲ့အခါ ပီတာရဲ့ ဇနီးဖြစ်သူ ပက်ထရစ် (Patrice) နဲ့ ပီတာရဲ့ တရားမဝင် မယားငယ်ဖြစ်သူ မူးယစ်ဆေးစွဲနေတဲ့ အဆိုတော် ဆစ်ဒနီ (Sydney) တို့နဲ့ ပတ်သက်မိပါတော့တယ်။ ပီတာက သူ့ရဲ့လျှို့ဝှက်ချက်တွေကို သိသွားတဲ့ သူ့ဇနီးကိုပါ လုပ်ကြံပြီး ဂျက်ဆင်ကို လူသတ်မှုနဲ့ အမှုဆင်ဖမ်းဆီးဖို့ ကြိုးစားလာတဲ့အခါ ဂျက်ဆင်တစ်ယောက် ထွက်ပြေးရင်း အမှန်တရားကို ဘယ်လိုဖော်ထုတ်မလဲဆိုတာ စိတ်ဝင်စားဖွယ် ကြည့်ရှုရမှာပါ။ File size…    2.7 GB / 1.5 GB Quality… WEB-DL 1080p / 720p Format… mp4 Duration…. 1h 35m Genre ..... Action Subtitle…. Myanmar Subtitle (Hard Sub)

ဒီကားလေးကတော့နာမည်ကြီးမင်းသားကြီး Steven Seagal ပါဝင်သရုပ်ဆောင်ထားတဲ့ ၁၉၈၈ ကထွက်ထားတဲ့ action/thriller ကားလေးဖြစ်ပါတယ် ဒီရုပ်ရှင်ကို Steven Seagal ကိုယ်တိုင် produce လုပ်ထားတာဖြစ်ပြီးတော့သူရဲ့ပထမဆုံးပွဲဦးထွက်ပါဝင်သရုပ်ဆောင်တဲ့ရုပ်ရှင်လေးပဲဖြစ်ပါတယ် ဇာတ်လမ်းလေးကတော့... သိုင်းပညာမှာတော်တဲ့ CIA အေးဂျင့်ဟောင်းဖြစ်တဲ့ Nico Toscani ကသူ့ပါတနာ Delores နဲ့ရဲအရာရှိအဖြစ်တာဝန်ထမ်းဆောင်နေချိန်မှာအန္တရာယ်ရှိတဲ့မှောင်ခိုကူးမှူတစ်ခုကိုစုံစမ်းခဲ့မိကြပါတယ် ဒါပေမဲ့အထက်ကလူကြီးတွေကအဲ့ဒီအမှုကိုဆက်မစုံစမ်းဖို့အမိန့်ပေးတာကို Nico တစ်ယောက်လက်မလျှော့ဘဲအမှန်တရားကိုဆက်လက်ရှာဖွေတာကို action scenes တွေနဲ့ကြည့်လို့ကောင်းအောင်ရိုက်ကူးထားတဲ့ဇာတ်ကားလေးဖြစ်ပါတယ် File size…(2.1 GB)/(1.2 GB) Quality….Blu-Ray 1080p / 720p Format…mp4 Duration….01:39:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by Shin

A new batch of recruits arrives at Police Academy, this time a group of civilian volunteers who have joined Commandant Lassard's new Citizens on Patrol program. Although the community relations project has strong governmental support, a disgusted Captain Harris is determined to see it fail.

King Solomon's Mines ရုပ်ရှင်ရဲ့နောက်ဆက်တွဲဖြစ်ပြီး H. Rider Haggard ရဲ့ဝတ္တုကို အခြေခံကာ ရိုက်ကူးထားတဲ့ မုဆိုးကျော်အလန်ကွာတာမိန်းရဲ့ စွန့်စားခန်းနောက်တစ်ကားဖြစ်ပါတယ်။ ထွေထွေထူးထူး ညွှန်းဖို့လိုမယ်တော့မထင်ပါဘူး။ ဇာတ်လမ်းရဲ့အစကတော့ ဆော်လမွန်သိုက်ကိုရှာတွေ့ပြီးတဲ့နောက်ပိုင်း ကွာတာမိန်းနဲ့ ဂျက်စီတို့ဟာ အာဖရိကမှာ ဆက်နေခဲ့ပါတယ်။ ထို့နောက် အမေရိကားကိုပြန်ကာ မင်္ဂလာဆောင်ဖို့ နှစ်ဦးသား စီစဉ်ခဲ့ကြပါတယ်။ သို့သော် ကွာတာမိန်းရဲ့ သူငယ်ချင်းဖြစ်တဲ့ ဒူမောင့်ဟာ ကွာတာမိန်းဆီကို ဆိုးဝါးတဲ့အနေအထားနဲ့ရောက်လာခဲ့ပါတယ်။ ဒူမောင့်ဟာ ပြင်းထန်တဲ့အဖျားရောဂါရနေပြီး အဖျားတက်ကာ ကွာတာမိန်းရဲ့ညီဖြစ်သူ ရော်ဘင်ဆန်ရဲ့နာမည်ကိုရေရွတ်ပြီးတော့ ရွှေတွေအကြောင်း ကယောင်ကတမ်းနဲ့ပြောပါတယ်။ ကွာတာမိန်းလည်း သူ့ညီကို စိတ်ပူပြီး သေချာစုံစမ်းတဲ့အခါမှာတော့ ဒဏ္ဏာရီထဲက ပျောက်ဆုံးနေတဲ့ရွှေမြို့တော်ကို ရော်ဘင်ဆန်တို့အဖွဲ့ သွားရှာကြောင်းသိရပါတော့တယ်။ အဲဒီတော့ ကွာတာမိန်းဟာ သူ့ညီကိုရှာဖို့ သူကိုယ်တိုင် ပျောက်ဆုံးနေတဲ့ရွှေမြို့တော်ဆီသွားဖို့လုပ်ပါတော့တယ်။ ထို့နောက်မှာတော့.... အလန်ကွာတာမိန်းဇာတ်ကားများကို ဒီလင့်မှာ https://channelmyanmar.org/?s=allan+quatermain   ကြည့်ပါ။ File size…(2.1 GB) / (1 GB) Quality….BluRay 1080p / 720p Format…mp4 Duration….01:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Sir H. Rider Haggard ရဲ့ King Solomon's Mines ဝတ္တုကို လူအတော်များများသိကြမှာပါ။ စာရေးဆရာကြီးရွှေဥဒေါင်းကလည်း ဆော်လမွန်သိုက်ဆိုတဲ့နာမည်နဲ့ ဘာသာပြန်ခဲ့ဖူးပြီး စာရေးဆရာအတော်များများလည်း ဒီဝတ္တုကို မြန်မာဘာသာနဲ့ပြန်ဆိုထုတ်ဝေခဲ့ဖူးပါတယ်။ အခု ဒီဇာတ်ကားဟာလည်း King Solomon's Mines ကို မှီငြမ်းရိုက်ကူးထားတဲ့ကားပါ။ စာအုပ်ထဲကအတိုင်း တစ်ထပ်တည်းကျအောင်ရိုက်ကူးထားတာမျိုးမဟုတ်ဘဲ ဇာတ်လမ်းပြန်ပြင်ထားတာဖြစ်လို့ စာအုပ်ဖတ်ဖူးတဲ့သူတွေအဖို့ နည်းနည်းစိတ်ကသိကအောင့်တော့ဖြစ်မိကြမှာပါ။ ဒါပေမဲ့ ဇာတ်လမ်းလေးက ခပ်မြူးမြူးလေးမို့ ကြည့်ရတာအတော်လေးအဆင်ပြေပါတယ်။ မင်းသားကြီး ရစ်ချက်ချိန်ဘာလိန်းရဲ့  အလန်ကွာတာမိန်းဇာတ်ရုပ်က သူနဲ့လိုက်ဖက်သလို မင်းသမီးချော ရှရွန်စတုန်းကလဲ ဇာတ်ကိုကြွလာအောင် ထပ်မံဖြည့်တင်းထားနိုင်တာမို့ ဘယ်အချိန်ကြည့်ကြည့် အကြည့်ခံတဲ့ဇာတ်ကားလေးပါပဲ။ အင်ဒီယာနာဂျုံးကြိုက်သူတွေ အလန်ကွာတာမိန်းကိုလည်း သဘောကျနှစ်ခြိုက်ကြမှာပါ။ ထိုခေတ်ထိုအခါက CGI တွေခေတ်မစားလေတော့ ရိုက်ကွင်းဆက်တင်တွေကို အဓိကအားကိုးပြီး အာဖရိကအထိသွားပြီး လူရိုင်းတွေနဲ့ အပင်ပန်းခံသွားရိုက်ထားတာပါ။ ဇာတ်လမ်းဇာတ်ညွှန်းကို သိနေရင်တောင်မှ အက်ရှင်စွန့်စားခန်းအပြည့်နဲ့ Adventure Vibe အပြည့်ရစေတာမို့ မိတ်ဆွေတို့ကို မပျင်းစေဘဲ အဆုံးထိဆွဲခေါ်သွားမယ့်ဇာတ်ကားပါ။ မိတ်ဆွေတို့နှစ်ခြိုက်တယ်ဆိုရင် ကျန်ရှိတဲ့ အလန်ကွာတာမိန်းဇာတ်ကားတွေကိုလဲ ထပ်မံတင်ဆက်သွားပါ့မယ်။ ပုံ - Alias Quatermain File size…(2 GB) / (1 GB) Quality….BluRay HEVC 1080p / 720p Format…mkv/mp4 Duration….01:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias