Simon Baker ပါဝင်သော ဇာတ်ကားများ

Scarpetta (2026) S01 +++++++++++++ အပိုင်းသစ် ( ၁ မှ ၈ ) အထိ စ / ဆုံး IMDb Rating (6.0) / Rotten Tomatoes (79%) Prime Video ကနေ ၂၀၂၆ မတ်လ ၁၁ ရက်နေ့ကမှ အသစ်စက်စက် ထွက်ရှိထားတဲ့ Scarpetta (2026) ဇာတ်လမ်းတွဲ အသစ်လေးတင်ပေးထားပါတယ်။ ဒီကားက Forensic Crime Thriller နဲ့ Mystery အမျိုးအစားပါ။ မှုခင်းဆေးပညာသုံးပြီး အလောင်းတွေကို စစ်ဆေးတာတွေ၊ မှုခင်းစုံစမ်းထောက်လှမ်းတာတွေနဲ့ ကွင်းဆက်လူ-တ်ကောင်တွေကို လိုက်ဖမ်းတဲ့ ဇာတ်လမ်းမျိုး ကြိုက်တတ်ရင်တော့ တကယ်ကို စိတ်ဝင်စားဖို့ကောင်းမယ့် ကားပါပဲ။ နာမည်ကြီး စာရေးဆရာမ Patricia Cornwell ရဲ့ အရောင်းရဆုံး ဝတ္ထုတွဲတွေကို အသက်သွင်းရိုက်ကူးထားတာဖြစ်လို့ ဇာတ်အိမ်က တော်တော်လေး ခိုင်မာပါတယ်။ အော်စကာဆုရှင် မင်းသမီးကြီးတွေဖြစ်တဲ့ နီကိုးလ် ကစ်ဒ်မန်း နဲ့ ဂျေမီ လီး ကာတစ် တို့ အဓိကပါဝင်ထားပါတယ်။ နောက်ပြီး The Mentalist ထဲက မင်းသား ဆိုင်မွန် ဘေကာ၊ ဘော်ဘီ ကန်နာဗေး နဲ့ အာရီယာနာ ဒီဘို့စ် တို့လို နာမည်ကြီး သရုပ်ဆောင်တွေ အများကြီး ပါဝင်အားဖြည့်ထားပါတယ်။ ဒါရိုက်တာတွေအနေနဲ့ကတော့ ဒေးဗစ် ဂေါ်ဒွန် ဂရင်း နဲ့ ချာလော့တ် ဘရန်းစထရွမ် တို့က ရိုက်ကူးပေးထားပြီး၊ နာမည်ကြီး စီးရီးတွေဖြစ်တဲ့ Lost တို့၊ Barry တို့ကို ဖန်တီးခဲ့တဲ့ လစ်ဇ် ဆာနော့ဖ် က Showrunner အဖြစ် တာဝန်ယူဖန်တီးထားပါတယ်။ ဇာတ်လမ်းက ထက်မြက်တဲ့ မှုခင်းဆေးပညာရှင် ဒေါက်တာ ကေး စကာပက်တာ ကို အဓိကထား ရိုက်ကူးထားတာပါ။ သူက ဗာဂျီးနီးယားက သူ့ရဲ့ ဇာတိမြို့ကို ပြန်လာပြီး အရင်က သူလုပ်ခဲ့တဲ့ မှုခင်းဆေးပညာရှင်ရာထူးကို ပြန်ယူရင်းနဲ့ ကြောက်စရာကောင်းတဲ့ လူ-တ်မှုတစ်ခုကို စစ်ဆေးရပါတယ်။ အဲဒီမှာ စိတ်ဝင်စားစရာကောင်းတာက အခုပေါ်လာတဲ့ ကွင်းဆက်လူ-တ်ကောင်ရဲ့ လက်ရာတွေက လွန်ခဲ့တဲ့ ၂၈ နှစ် (၁၉၉၈ ခုနှစ်) တုန်းက ဒေါက်တာ စကားပက်တာ ကိုယ်တိုင် ကိုင်တွယ်ခဲ့ပြီး သူ့ကို နာမည်ကြီးစေခဲ့တဲ့ ပထမဆုံးအမှုက လူ-တ်ကောင်ရဲ့ လက်ရာတွေနဲ့ တစ်ထပ်တည်းဖြစ်နေတာပါပဲ။ အဲဒီတော့ အခု-တ်နေတာက အရင်လူ-တ်ကောင်ကို အတုခိုးပြီး သတ်နေတာလား၊ ဒါမှမဟုတ် လွန်ခဲ့တဲ့ ၂၈ နှစ်တုန်းက သူတို့တွေ လူမှားဖမ်းမိခဲ့တာလား ဆိုတာကို ခေတ်မီ မှုခင်းဆေးပညာတွေသုံးပြီး အဖြေရှာရမယ့် ဇာတ်လမ်းပါ။ ဇာတ်လမ်းက ပစ္စုပ္ပန်နဲ့ အတိတ် ၁၉၉၈ ကို အချိတ်အဆက်မိမိ ကူးလူးပြီး ပြသသွားမှာပါ။ နီကိုးလ် ကစ်ဒ်မန်း နဲ့ ဂျေမီ လီး ကာတစ် တို့ ညီအစ်မနှစ်ယောက် ဇာတ်လမ်းထဲမှာ အပြန်အလှန် အားပြိုင်ကြ၊ ဖဲ့ကြတဲ့ အခန်းတွေက တကယ်ကို ကြည့်ကောင်းပါတယ်။ ၉၀ ပြည့်လွန်နှစ်တွေက စုံစမ်းထောက်လှမ်းရတဲ့ ပုံစံတွေနဲ့ လက်ရှိခေတ်ရဲ့ အဆင့်မြင့် မှုခင်းနည်းပညာတွေကို နှိုင်းယှဉ်ကြည့်ရမှာမို့ ရိုးအီမသွားပါဘူး။ သာမန် မှုခင်းလိုက်တဲ့ ကားမျိုးလောက်တင် မဟုတ်ဘဲ၊ လူ-တ်ကောင်တွေရဲ့ စိတ်နေစိတ်ထားနဲ့ အမှုလိုက်ရတဲ့ သူတွေရဲ့ စိတ်ပိုင်းဆိုင်ရာ ထိခိုက်မှု၊ မိသားစု ပြဿနာတွေကိုပါ သေချာလေး ပုံဖော်ထားပါတယ်။ ကြည့်လိုက်ကြပါဦး Size – 851MB / 474MB Quality –WEB-DL1080p HEVC / 720p Episodes -  8 Eps Duration -  50m Subtitle – Myanmar Hardsub Format – mkv /mp4 Genre :  Crime , Drama , Mystery , Thriller

The Narrow Road to The Deep North ကတော့ ဒုတိယကမ္ဘာစစ်အတွင်းက စစ်ဆေးဆရာဝန်အဖြစ်တာဝန်ထမ်းဆောင်ရင်း ဂျပန်စစ်တပ်ရဲ့ စစ်သုံ့ပန်းအဖြစ်ဖမ်းဆီးခေါ်ဆောင်ခံခဲ့ရတဲ့ ဩစတြေးလျလူမျိူး ဒိုရီဂိုဆိုတဲ့ကောင်လေးတစ်ယောက်ရဲ့ဘဝပေါ်အခြေခံထားတဲ့ ဒရာမာဇာတ်ကားကောင်းလေးတစ်ကားပဲဖြစ်ပါတယ်။ ၁၉၄၃ ခုနှစ်ဝန်းကျင်က ဂျပန်စစ်တပ်ရိက္ခာသယ်ယူပို့ဆောင်ရေးအတွက်ဖောက်လုပ်ခဲ့တဲ့ ထိုင်း-မြန်မာရထားလမ်းဟာ Death Railway လို့လဲနာမည်တွင်ခဲ့တဲ့ထိရက်စက်ကြမ်းကြုတ်မှုတွေ ခက်ခဲကြမ်းတမ်းမှုတွေ မနှစ်မြို့ဖွယ်ပုံရိပ်တွေနဲ့ပြည့်နှက်နေခဲ့တာပါ။ အဲ့ဒီနေရာကိုမှပို့ဆောင်ခြင်းခံခဲ့ရတဲ့ ဒိုရီဂိုတို့အဖွဲ့ဟာ အဆာရေစာချို့တဲ့မှု မတန်တဆခိုင်းစေမှုတွေနဲ့ တောတွင်းမိုးရာသီရဲ့ခက်ခဲကြမ်းတမ်းတဲ့ရာသီဥတုဒါဏ်တွေကို မနိုင်မနင်းရင်ဆိုင်ကြရပါတော့တယ်။ သူတို့လူငယ်လေးတွေဟာ အနာဂတ်အိမ်မက်ကိုယ်စီကိုထမ်းပိုးထားကြရင်း တစ်ချိန်တော့လွတ်မြောက်မှာပါဆိုတဲ့မျှော်လင့်ချက်ကိုယ်စီနဲ့ တစ်ရက်ပြီးတစ်ရက်ဖြတ်သန်းနေကြတဲ့ပုံရိပ်တွေကို ရင်သပ်ရှူမောဖွယ်မြင်တွေ့ကြရမှာဖြစ်ပါတယ်။ ဒါ့အပြင် စစ်ပွဲနဲ့အတူအဆုံးသတ်ခဲ့ရတဲ့ လှပတဲ့ချစ်ပုံပြင်လေးတွေများစွာထဲကမှ ဒိုရီဂိုတစ်ယောက်ရဲ့ မဖြစ်နိုင်တဲ့ စိတ်ကူးယဉ်ဆန်ဆန် အချစ်ဇာတ်လမ်းလေးတစ်ပုဒ်ကိုပါ ကြည့်ရှုခံစားရမှာပဲဖြစ်ပါတယ်။ စစ်ပွဲရဲ့ရက်စက်ကြမ်းကြုတ်မှု အနိဠာရုံမြင်ကွင်းတွေနဲ့အတူ လူသားတွေရဲ့စိတ်ကူးယဉ်ဆန်မှုနဲ့ရက်စက်ကြမ်းကြုတ်မှု ချစ်ခြင်းမေတ္တာနဲ့ ဖောက်ပြားလှည့်စားမှု ငွေကြေးနဲ့ပျော်ရွှင်မှု အသက်ရှင်ကျန်ခဲ့သူတစ်ယောက်ရဲ့ကံကောင်းခြင်းနဲ့ စိတ်ဒဏ်ရာ စတာတွေကို လှလှပပဖော်ကြူးပြသထားတဲ့ IMDb rating 7.1 ရထားတဲ့ဇာတ်ကားကောင်းတစ်ကားဖြစ်ပါတယ်။ File size…(593 MB )/(269 MB) Quality….HEVC 1080p / 720p Format…mp4 Duration….01:10:00 Genre...Drama Subtitle….Myanmar Subtitle (Hardsub) Encoder….Swan Min Htet Translated by Senju

Limbo (2023) IMDb Rating 6.3, Rotten Tomatoes 96% ရရှိထားတဲ့ စုံထောက်ဇာတ်ကားကောင်းလေး တင်ဆက်ပေးလိုက်ပါတယ်။ Australia နိုင်ငံက ရိုက်ကူးထုတ်လုပ်တာမို့ မြင်နေကြ Hollywood ရုပ်ရှင်တွေနဲ့ ကွဲပြားပါတယ်။ ထို့အပြင် အဖြူအမည်းနဲ့ပဲ တင်ဆက် ထားတဲ့အတွက် အမြင်ထူးခြားနေပါတယ်။ ကိုယ့်အကြိုက်ပေါ် မူတည်ပြီး ‌ကောင်းတယ် မကောင်းဘူး ဖြစ်သွားနိုင်တဲ့ ဇာတ်ကား လို့ပဲညွှန်းဆိုချင်ပါတယ်။ တကယ်လို့ Slow burn ဖြစ်တဲ့ Crime/ Drama/Mystery ရုပ်ရှင်မျိုးကြိုက်တယ်ဆိုရင် ကြည့်လိုက်ပါလို့ပဲ ပြောချင်ပါတယ်။ လွန်ခဲ့တဲ့ နှစ် ၂၀ က ပျောက်ဆုံးသွားတဲ့ ရှားလက် ဆိုတဲ့ လူမည်း ကောင်မလေးအမှုကို ပြန်လည်စုံစမ်းသုံးသပ်ဖို့ မြို့ငယ်လေးကို ထရာဗစ်ဟာလီဆိုတဲ့ စုံထောက်တစ်ယောက် ရောက်လာပါတယ်။ မြို့လေးကိုလာရောက်စုံစမ်းရင်း ကားထဲက ပစ္စည်းတွေ အခိုးခံရကာ မြို့ကို မပြန်နိုင်ဘဲသောင်တင်သွားပါတော့တယ်။ ဒီလိုနဲ့ ထရာဗစ် တစ်ယောက် အမှုကို ပြန်လည်သုံးသပ်ဖို့အချိန်ရသွားပါတော့တယ်။ ဒီမှာသူတွေ့လိုက်ရတာက လူမျိုးရေးခွဲခြားမှုတွေ ကြားမှာ ဘယ်လို တွေဖြစ်ခဲ့တယ်ဆိုတာကိုပါပဲ . ကျန်တာတော့ဇာတ်ကားထဲမှာ ဆက် လက်ကြည့်ရှု့ခံစားလိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Leonard Lin မှဖြစ်ပါတယ်) File Size..........(1.37 GB) / (515 MB) Quality............WEB-DL 1080p / 720p Duration.........1Hr 48Min Subtitle...........Myanmar Hardsub Format............MP4 Genre..............Crime, Drama, Mystery Translator.......Leonard Lin Encoder..........SWM

အသက် ၁၂ နှစ်အရွယ် ဘလေ့ဇ်ဟာ ကျောင်းကအပြန် လမ်းကြားတစ်ခုမှာ ဟန်နာဆိုတဲ့ အမျိုးသမီးတစ်ယောက် မုဒိမ်းကျင့်သတ်ဖြတ်ခံရတာကို မျက်မြင်တွေ့လိုက်ရပါတယ်။ အိမ်ပြန်ရောက်တော့ အဖေဖြစ်သူ လုခ်ကို ပြောပြပြီး ရဲဆီ ဖုန်းဆက်အကြောင်းကြားလိုက်ကြတယ်။ ဘလေ့ဇ်ပြောတဲ့နေရာကို ရဲတွေ သွားကြည့်တဲ့အခါ ဟန်နာရဲ့ရုပ်အလောင်းကို တွေ့ခဲ့ပါတယ်။ ကျူးလွန်သူ ဂျိတ်ကတော့ ချမ်းသာတဲ့အသိုင်းအဝိုင်းကဖြစ်ပြီး ရှေ့နေကောင်းတွေ ငှားကာ တရားရင်ဆိုင်ဖို့ ပြင်ဆင်ထားတယ်။ သူ့ရှေ့နေဘက်က ဘလေ့ဇ်မှာ စိတ်မတည်ငြိမ်တဲ့ ရောဂါအခြေအနေရှိတယ်ဆိုပြီး ကလေးမလေးရဲ့ ထွက်ဆိုချက်ကို ချေပလာတဲ့အတွက် ဂျိတ်ဟာ အပြစ်ဒဏ်ကနေ လွတ်နေဆဲပါ။ ဘလေ့ဇ်ကတော့ စိတ်ကုထုံးတွေ ခံယူရင်း ကြောက်ရွံ့မှုတွေကို ရင်ဆိုင်ဖို့ ခွန်အားယူလာတယ်။ သူ့ရဲ့စိတ်ကူးယဉ်အတွေးတွေနဲ့အတူ ဒီမှုခင်းကို ဘယ်လိုရင်ဆိုင်မလဲ၊ ဂျိတ်ကို ဖမ်းဆီးနိုင်ဖို့ ဘယ်လိုဆက်ကြိုးစားမလဲဆိုတာ ဇာတ်လမ်းက ဆက်ပြထားပါတယ်။

ဒီရုပ်ရှင်လေးကတော့ သြစတြေးလျနိုင်ငံမြောက်ပိုင်းမှာ သွားရောက်ရိုက်ကူးထားပြီး ပထမကမ္ဘာစစ်နှောင်းပိုင်း ကာလမှာအခြေတည်ထားပါတယ်....။ သြစတြေးလျဒေသခံလူမည်းမျိုးနွယ်တစ်ခုဖြစ်တဲ့ Aboriginal Australiansလူမျိုးတို့ရဲ့ယဥ်ကျေးမှုတွေ ဓလေ့တွေကိုလည်း မြင်တွေ့ရဦးမှာပါ...။ ရိုက်ကွင်းတွေ ရှုခင်းတွေက လှပအရိုင်းဆန်လွန်းပြီး သရုပ်ဆောင်ပီပြင်တာကြောင့် ဆုတံဆိပ်တွေလည်းရရှိ ထားတဲ့ဇာတ်ကားပါ...။ ဇာတ်လမ်းအကြောင်းလေးကိုပြောရရင် လူဖြူတွေကြီးစိုးပြီးနောက် မိသားစုတစ်ကွဲတပြားဖြစ်သွားရတဲ့ Aboriginalမျိူးနွယ် လူမည်းလေး ဂူဂျူရဲ့ဘဝကို အခြေခံရိုက်ကူးထားပါတယ်။ လူဖြူတွေရဲ့ကျူးကျော်မှုကြောင့် ငယ်ဘဝမိသားစုအသိုက်အမြုံလေး ပြိုကွဲခဲ့ရပြီးနောက် ဂူဂျူကိုယ်တိုင်လည်း လူဖြူတွေရဲ့စခန်းမှာ ငယ်ကျွန်သာသာဘဝကိုရောက်ရှိသွားပါတယ်။ ၁၂နှစ်တာကာလကုန်လွန်သွားပြီးနောက် ဂူဂျူရဲ့ဦးလေးဖြစ်သူဟာ သူတို့မိသားစုအတွက် လူဖြူတွေကို လက်စားပြန်ချေပါတော့တယ်...။ လူဖြူတွေနဲ့ရင်းနီးပြီးသားဖြစ်တဲ့ လူမည်းလေးတစ်ယောက်အနေနဲ့ မိသားစုအတွက်ပဲလက်စားပြန်ချေမလား လက်နက်အင်အား အရာရာသာလွန်တဲ့ လူဖြူတွေကို ဘယ်လိုပြန်ရင်ဆိုင်သွားမလဲဆိုတာကို ဇာတ်လမ်းလေးထဲမှာ ဆက်လက်ကြည့်ရှုနိုင်ပါပြီ။ File size…2.29GB / 1.43GB Quality…Blu-Ray 1080p  / 720p Format…mp4 Duration….1h 44m Genre ….. Action , Thriller , Drama Subtitle….Myanmar Subtitle (Hard Sub) Encoder….Min Wai Translated by Themes

အိမ်ထောင်သက် ကိုးလရှိလာတဲ့ နတ်နဲ့ ဂျော့ရှ်တို့က သူတို့နှစ်ယောက်ကြားမှာ ဘာမှန်းတိတိကျကျ ပြောမပြနိုင်တဲ့ အဟန့်အတားတစ်ခု ရှိနေပြီလို့ ခံစားလာကြပါတယ်။ ဒါကြောင့် အိမ်ထောင်ရေးအကြံပေးတစ်ယောက်ဆီမှာ စုံတွဲစိတ်ကုထုံးခံယူဖို့ နှစ်ဦးသဘောတူ ဆုံးဖြတ်လိုက်ကြတယ်။ ဆွေးနွေးနေကြရင်း အိမ်ထောင်သက်အတွင်း ကြုံခဲ့တဲ့ မတူညီမှုတွေ၊ သဘောထားမတိုက်ဆိုင်တာတွေနဲ့ အခက်အခဲတွေကို နောက်ကြောင်းပြန်ပြကွက်တွေနဲ့ ဟာသနှောပြီး ပြထားပါတယ်။ အဲဒီအချိန်မှာ ကိုယ့်အတွက် ပိုသင့်တော်တဲ့သူတစ်ယောက် ရှိနေနိုင်မလားဆိုတဲ့ အတွေးတွေလည်း ဝင်လာကြတယ်။ နတ်က သူ့ကို အလုပ်အပ်မယ့် အမေရိကန်လုပ်ငန်းရှင် ဂိုင်းဟားရပ်အပေါ် စိတ်တိမ်းညွတ်လာသလို ဂျော့ရှ်ကလည်း တရားဝင်မပြတ်စဲခဲ့တဲ့ ရည်းစားဟောင်း ကလိုဝီကို ပြန်ချစ်လာပါတယ်။ အိမ်ထောင်ရေးမှာ အဆင်မပြေတာတွေ ရှိနေချိန် တခြားသူတွေအပေါ်ပါ စိတ်ယိုင်လာကြတဲ့ နတ်နဲ့ ဂျော့ရှ်တို့ ဘယ်လိုဆက်လုပ်ကြမလဲ။

၂၀၀၇–၂၀၀၈ ခုနှစ်ဝန်းကျင် ကမ္ဘာ့စီးပွားရေးပျက်ကပ်ကို နောက်ခံယူပြီး ရင်းနှီးမြှုပ်နှံမှုကုမ္ပဏီတစ်ခုအကြောင်း စိတ်ကူးယဉ် ရိုက်ကူးထားတဲ့ ဇာတ်ကားပါ။ စတော့ရှယ်ယာနဲ့ ငွေချေးသက်သေခံလက်မှတ်တွေလို ပိုင်ဆိုင်မှုတွေကို ရောင်းဝယ်တဲ့ ကုမ္ပဏီမှာ ဝန်ထမ်းတစ်ယောက်က အရင်ဈေးနှုန်းတွေနဲ့ အရောင်းအဝယ်မှတ်တမ်းတွေကို လေ့လာရင်း စီးပွားရေးပျက်ကပ် ဖြစ်လာနိုင်တဲ့ အရိပ်အယောင်ကို ကြိုသိလာပါတယ်။ ဖြစ်လာနိုင်တဲ့ အန္တရာယ်ကို သိလာတဲ့အခါ ကုမ္ပဏီဘက်က ဘယ်လိုရှောင်လွှဲရမလဲဆိုတာ အလျင်အမြန် စဉ်းစားကြရတယ်။ ဆုံးဖြတ်ချက် မြန်မြန်ချနိုင်လေ ဆုံးရှုံးမှု လျော့နိုင်လေလို့ ယူဆထားကြတဲ့အတွက် ညတွင်းချင်းပဲ ဆုံးဖြတ်အတည်ပြုကြပါတယ်။ ရှုပ်ထွေးတဲ့ ငွေကြေးလောကမှာ ရှင်ကျန်နိုင်ဖို့ ဉာဏ်နဲ့ အကွက်ဆင်မှုတွေကို ဘယ်လိုအသုံးချကြသလဲဆိုတာ သည်းထိတ်ရင်ဖိုပုံစံနဲ့ တင်ဆက်ထားပါတယ်။

ပရိတ်သတ်ကြီးတို့ကိုဒီတစ်ခေါက်တင်ဆက်ပေးချင်တာကတော့ Thriller ဆန်ဆန်ရိုက်ကူးထားတဲ့ crime ရုပ်ရှင်ကားလေးပါ။ ဇာတ်လမ်းရဲ့အကျဉ်းချုပ်ကတော့ တက္ကဆက်အနောက်ပိုင်း နယ်မြို့လေးမှာတာဝန်ကျနေတဲ့ ရဲအရာရှိ လုဖော့ဒ်ဟာ သူ့ရဲ့မွေး စားအစ်ကိုဖြစ်သူ မိုက် သေဆုံးမှုနဲ့ပတ်သက်ပြီး လိုက်လံစုံစမ်းခဲ့ ရာကနေ အပျက်မကလေး ဂျိုစီနဲ့ မထင်မှတ်ဘဲ တွေ့ဆုံခဲ့ပါတယ်။ ဂျိုစီဆိုတဲ့ ကောင်မလေးကို မြို့ရဲ့မျက်နှာဖုံးလို့ဆိုရမယ့် သူဋ္ဌေးကြီး ကွန်ဝေးရဲ့သားဖြစ်သူ အယ်လ်မာကွန်ဝေးက စွဲလမ်းနေခဲ့တော့ သားဖြစ်သူကို အဲဒီအပျက်မလေးနဲ့ဝေးသွားအောင်လုပ်ပေးဖို့ လုဖော့ဒ်ကို သူဋ္ဌေးကြီးက အကူအညီတောင်းခဲ့ပါတယ်။ အဲဒီလိုကနေ လုဖော့ဒ်နဲ့ ဂျိုစီကြားမှာ သံယောဇဉ်တွေငြိတွယ် သွားခဲ့ပြီးတဲ့နောက်မှာတော့...ဂျိုစီနဲ့ အယ်လ်မာကို သတ်သွား ခဲ့တဲ့ တရားခံက ဘယ်သူလဲ၊ အဲဒီအမှုရဲ့ သံသယတရားခံ ဂျွန်နီ ပါပါကိုယ်တိုင်က ထောင်ထဲမှာ ကြိုးဆွဲချသေသွားခဲ့တာ ဘာ ကြောင့်လဲ၊ တကယ့် တရားခံအစစ်က အားလုံးထင်မှတ်မထားတဲ့ လူတစ်ယောက်ဖြစ်နေမယ်ဆိုတာကို သည်းထိတ်ရင်ဖို ဇာတ်လမ်းရဲ့ အဆုံးသတ်မှာ လျှို့ဝှက်ချက်တစ်ခုအဖြစ် ရှုမြင်ခံစားရမှာပဲဖြစ် ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ June ဖြစ်ပါတယ်) File Size..........(1.75 GB) / (607 MB) Quality............BLU-RAY 1080p / 720p Duration.........1Hr 49Min Subtitle...........Myanmar Hardsub Format............MP4 Genre..............Crime, Drama, Mystery Translator.......June Encoder..........Zin Phyo Aung

The Lodger (2009) အယ်လင်ဟာ မပြေလည်တဲ့ အိမ်ထောင်ရေးနဲ့စိတ်ဒဏ်ရာတွေကြားမှာ ခက်ခက်ခဲခဲရှေ့ဆက်နေရတဲ့ အမျိုးသမီးတစ်ယောက်ဖြစ်ပါတယ်။တစ်နေ့တော့ သူတို့ခြံဝင်းထဲက ငှားစားတဲ့အိမ်အလွတ်ကို သူစိမ်းလူချောတစ်ယောက်ပြောင်းလာခဲ့ချိန်မှာတော့ ငြီးငွေ့ဖွယ် သူ့ဘ၀ထဲမှာ ရင်ခုန်စိတ်လှုပ်ရှားစရာတွေဖြစ်ပေါ်လာပါတော့တယ်။ အဲ့ဒီသူစိမ်းဟာ သူ့ကိုယ်သူ စာရေးဆရာတစ်ယောက်အဖြစ်မိတ်ဆက်ပါတယ်။ စိတ်ကူးနဲ့လုပ်ရတဲ့အလုပ်ဖြစ်တဲ့အတွက်အနှောင့်အယှက်မခံနိုင်လို့ဆိုပြီး သူငှားနေတဲ့ အိမ်ထဲကိုအယ်လင်ကိုပါအလာမခံပါဘူး။ ဒါပေမယ့် သူ့ဆင်ခြေနဲ့သူ ဟုတ်နေတဲ့အတွက်သံသယတစ်စုံတစ်ရာမရှိပဲ ပဟေဠိဆန်တဲ့လူတစ်ယောက်ကို အယ်လင့်အနေနဲ့လက်ခံထားမိရက်သားဖြစ်နေခဲ့ပါတယ်။ အဲ့ဒီအချိန်ဟာ ဝက်စ်ဟောလိ၀ုဒ်မှာ ရက်စက်ကြမ်းတမ်းလွန်းတဲ့လူသတ်မှုတွေစပြီးဖြစ်ပေါ်နေတဲ့အချိန်ပါ။ အသတ်ခံရသူတွေဟာ ပြည့်တန်ဆာတွေဖြစ်ပြီး သတ်ပုံသတ်နည်းတွေ သားကောင်ရွေးချယ်မှုတွေဟာ လွန်ခဲ့တဲ့ ၁၈၈၈ ခုနှစ်က လန်ဒန်မှာဖြစ်‌ပေါ်ခဲ့ပြီး အခုချိန်ထိတရားခံမပေါ်ခဲ့တဲ့ Jack the Ripper ကိုပုံတူကူးထားတာဖြစ်ပါတယ်။ အဲ့ဒီလိုပုံစံတူလူသတ်မှုတွေဟာ လွန်ခဲ့တဲ့ ခုနှစ်နှစ်ကလည်းဖြစ်ပွားခဲ့ဖူးပြီး အဲ့ဒီအမှုတွေရဲ့တရားခံကိုဖော်ထုတ် ကွပ်မျက်ခဲ့ပြီးပါပြီ၊ ဒါဆိုရင်အခုထပ်ဖြစ်လာတဲ့လူသတ်မှုတွေကရော ပုံတူကူးလူသတ်သမားနောက်တစ်ယောက်လား? ဖမ်းဆီးကွပ်မျက်ခံလိုက်ရတဲ့သူဟာ တရားခံအစစ်ဖြစ်နိုင်ပါ့မလား? အဲ့ဒီလူသတ်မှုတွေဟာ အယ်လင်နဲ့ ဘယ်လိုပတ်သက်လာမလဲ ဆက်လက်ရှုစားကြပါ။ ( ဘာသာပြန်ပြီး အညွှန်းရေးသားထားသူကတော့ alias ပါ ) File size_(2.1GB)/(1.1GB) Quality_Blu-Ray 1080p / 720p Format_mp4 Duration_01:35:00 Genre_Crime, Horror , Mystery Subtitle_Myanmar Subtitle (Hardsub) Encoder_a hao Translated by alias

The Mentalist (2008) Season 07 (Complete) ဒီဇာတ်လမ်းတွဲလေးကတော့ 2008 ခုနှစ်တုန်းကထွက်ရှိခဲ့တဲ့ စုံထောက် ဇာတ်လမ်းတွဲလေးဖြစ်ပါတယ်။ IMDb rating 8.2 ထိရထားတဲ့ Crime , Drama , Mystery အမျိုးအစား ဇာတ်လမ်းလေးဖြစ်ပါတယ်။ မင်းသား Simon Baker နဲ့ မင်းသမီး Robin Tunney တို့အဓိကပါဝင်သရုပ်ဆောင်ထားပြီးတော့ Bruno Heller ဖန်တီးထားပါတယ်။ ဇာတ်လမ်းအကျဉ်း….. ပက်ထရစ် ဂျိန်း ဟာ ကယ်လီဖိုးနီးယာ စုံစမ်းစစ်ဆေးရေးဌာန(CBI)မှာ မှုခင်းအကြံပေးအဖြစ်လုပ်ကိုင်နေသူတစ်ယောက်ပါ။ သူဟာ လူတွေရဲ့စိတ်ကို ကောင်းကောင်းဖတ်နိုင်ပြီးတော့ သူ့ရဲ့ထူးခြားတဲ့ စူးစမ်းလေ့လာနိုင်စွမ်းတွေကြောင့် နှစ်ပေါင်းများစွာလည်း နတ်ဆရာအဖြစ် လုပ်ကိုင်ခဲ့ပါတယ်။ ဒီစွမ်းအားတွေကို အသုံးချပြီးတော့ သူဟာ လူသတ်မှုတွေကို ထူးချွန်စွာ ဖြေရှင်းနိုင်ခဲ့ပါတယ် ဒါကြောင့်ပဲ CBI မှာ ရှိနေခဲ့ရပါတယ်။ ဒါပေမယ့်လည်း သူဒီလမ်းကြောင်းကို ရွေးချယ်ရခြင်းရဲ့ အဓိကရည်ရွယ်ချက်ကတော့ သူ့ရဲ့ ဇနီးနဲ့ သမီးကို သတ်သွားတဲ့ လူသတ်သမားကို ရှာဖွေပြီးတော့ ပြန်လက်စားချေဖို့ပဲ ဖြစ်ပါတယ်။ ဂျိန်းရဲ့ စုံထောက်စွမ်းရည်တွေကို တစ်ပိုင်းပြီးတစ်ပိုင်း တွေ့မြင်ရမယ့်အပြင် မျိုးစုံသောလူသတ်မှုများကို သူဘယ်လိုတွေဖြေရှင်းပြသွားမလဲဆိုတာ စိတ်ဝင်တစား စောင့်ကြည့်ရမှာပဲ ဖြစ်ပါတယ်။ Rating မြင့်မြင့် Old but gold စုံထောက်ကားတစ်ကားကို ရှာနေတဲ့ သူတွေအတွက်ကတော့ ဒီဇာတ်လမ်းတွဲလေးက ရွှေဖြစ်စေမယ်ဆိုတာ အသေချာပါပဲ File size…(1 GB)/(500 MB) Appox; @Ep Quality….Webrip 1080p / 720p Format… mkv / mp4 Duration….00:59:00 Appox; @Ep Genre...Crime, Drama, Mystery  Subtitle….Myanmar Subtitle (Hardsub) Encoder…. Swan Min Htet Translated by Nay

The Devil Wears Pradaဆိုတဲ့ ဇာတ်လမ်းနာမည်လေးအတိုင်းပါပဲ။ Prada‌ဒေါက်ဖိနပ်စီးပြီး ဖက်ရှင်မဂ္ဂဇင်းလောကရဲ့ ဒိတ်ဒိတ်ကြဲအမျိုးသမီးတစ်ဦးနဲ့ ကြုံဆုံခဲ့ရပုံကို ရိုက်ကူးထားတဲ့ကားလေးပါပဲ။ ပေါ့ပေါ့ပါးပါးဟာသလေးတွေနဲ့ကြည့်ကောင်းပြီး ဆုတွေအများကြီးရခဲ့တဲ့ကားပါ။ ဇာတ်လမ်းထဲက မဂ္ဂဇင်းအယ်ဒီတာချုပ် မီရန်ဒါ ပရိစ်စလီဟာဆိုရင် အလုပ်ကို အရမ်းကြိုးစားသူ၊ လက်အောက်ငယ်သားတွေက စက်စက်ယိုအောင်ကြောက်ရသူပေါ့၊ တစ်ခါတလေကျ သူ့လက်ထောက်ကို ဖြစ်နိုင်မဖြစ်နိုင်မသိ ခိုင်းချင်ရာခိုင်းပြီး ကြပ်တတ်ပါသေးတယ်။ ဘယ်လိုလဲဆိုရင်တော့ ဟယ်ရီပေါ်တာစာအုပ်ရဲ့ မထွက်သေးတဲ့ စာမူကိုရအောင်ယူခိုင်းတာမျိုးပါ။ ဒီဇာတ်ကောင်နဲ့ သူ့ရဲ့ ဟာသတချို့ဟာ အင်္ဂလန်ဘုရင်မ Queen Elizabeth IIကို ဇာတ်လမ်းထဲပုံဖော်ထားပါ။ လက်ထောက်ဖြစ်သူက ကော်ဖီလာမပို့သေးလို့ "ကော်ဖီမရောက်သေးပါလား၊ သူသေသွားပြီလား"မေးလို့မေး ဟာရီကိန်းမုန်တိုင်းတိုက်နေတာကို "မိုးဖွဲလေးကျနေတာပါ"လို့ ပြောလို့ပြော တစ်ခုခုခိုင်းပြီးရင် "ဒါပဲ"ဆိုပြီး ပြောလွှတ်တတ်တဲ့ မူဟန်လေးတွေထည့်သွင်းရိုက်ကူးထားတာပါ။ ဇာတ်လမ်းအကျဉ်းအနေနဲ့ သတင်းထောက်ဖြစ်ချင်သူ အန်ဒီဟာ အလုပ်ရှာနေရင်းနဲ့မှာ နာမည်ကြီးဖက်ရှင်အယ်ဒီတာချုပ်ရဲ့လက်ထောက်အဖြစ်အလုပ်ရသွားပါတယ်။ သူလုပ်ချင်တာတော့ စာရေးချင်တာပါ။ ဒါပေမဲ့ ဒီအလုပ်မှာတော့ ကော်ဖီယူပေး ဖုန်းကိုင်ပေးနဲ့ စာမရေးရတဲ့အပြင် အယ်ဒီတာ့စိတ်ကြိုက်အတိုင်းနေပေးရပါတယ်။ ဖက်ရှင်အယ်ဒီတာ့စိတ်ကြိုက်ဆိုတော့လည်း အဝတ်အစားအပိုင်း အပြင်အဆင်ကအစ ခန္ဓာကိုယ်အချိုးအစားပါ ဖက်ရှင်ကျအောင်နေပေးရရင်းက ကိုယ်ပိုင်ဘဝလေးကိုပါထိခိုက်လာရော။ အလုပ်ကိုအရမ်းကြိုးစားရင် ကိုယ့်ဘဝမှာအချိန်ပေးရမှာတွေကို ပေးသင့်သူတွေကို လျစ်လျူရှုမိတာ ဓမ္မတာပဲလေ၊။ ဒီတော့ အန်ဒီတစ်ယောက် အယ်ဒီတာက ခဏခဏကြပ်တဲ့အလုပ်မှာပဲ ဆက်လုပ်မလား ဘာတွေရွေးချယ်ရင်း ဘယ်လိုခရီးဆက်မယ်ဆိုတာကို ဇာတ်လမ်းလေးထဲမှာ ပျော်ပျော်လေးကြည့်ရှုနိုင်ပါပြီ။ (နာမည်ကြီး Fashion brandတွေ၊ Designer နာမည်တွေ၊ Studioနာမည်တွေအများကြီးပါတာမို့ မြန်မာလိုနာမည်ပြန်မရေးဘဲထားခဲ့တာ မျက်စိရှုပ်မသွားပါနဲ့ဦးဗျ)

ဒီတစ်ခါမှာတော့ The​ Ring ဆိုတဲ့horror ကားကောင်းလေးကို တင်ဆက်ပေးပါရစေ တစ်ချို့သဘာဝလွန်ဖြစ်ရပ်တွေက တကယ်​ရှိတယ်​ မရှိဘူးပြောလို့မရဘဲ ကိုယ်တိုင်ကြုံတွေ့မှလက်ခံလို့ရတာမျိုးဗျ ဒီဇာတ်ကားလေးထဲမှာလည်းအဲလိုပဲ ရေချယ်လ်နဲ့သားဖြစ်သူ အေဒန်တို့ကြုံတွေ့နေရတဲ့ သဘာဝလွန်ဖြစ်ရပ်က ဘေးလူတွေ အတွက်တော့​ မယုံနိုင်စရာရူးကြောင်ကြောင်ပုံပြင်လိုပါပဲ ရေချယ်လ်ရဲ့သားဖြစ်သူအေဒန်ဟာ​ ဆမာရာဆိုတဲ့သေပြီးသား ကလေးမလေးရဲ့ဝိညာဥ်ပူးကပ်ခြင်းကိုခံနေရတာပါ ဒီလိုမျိုးပူးကပ်ခံရတာမှာအေဒန်ဟာပထမဆုံးကလေးတော့မဟုတ်ပါဘူး ရှေ့မှာလည်းအေဒန့်လိုမျိုးပူးကပ်ခံရတဲ့ကလေးတွေရှိပါသေးတယ် ကလေးတွေ​ကိုပူးကပ်တတ်တဲ့ဆမာရာဟာ စိတ်ကျဝေဒနာ ခံစားနေရတဲ့မိခင်ဖြစ်သူကြောင့် သေဆုံးခဲ့ရတဲ့ကလေးလေးပါ မိခင်ကောင်းတစ်ယောက်လိုချင်တဲ့ဆမာရာတစ်ယောက် ဝိညာဉ်​ ဘဝနဲ့ကလေးတွေကိုလိုက်ပူးကပ်ရင်းမိခင်ရဖို့ကြိုးစားရင်းနဲ့ အေဒန်ဆီကိုပူးကပ်ရာကနေ အေဒန်လေးဟာ လူတစ်ကိုယ် စိတ်နှစ်မျိုးလိုဖြစ်သွားတတ်ပါတယ် ဒီလိုဖြစ်ရပ်ကနေလွတ်မြောက်ချင်လို့ မူလနေထိုင်ရာမြို့က နေထွက်ပြေးတိမ်းရှောင်လာကြပေမယ့် အေဒန်ဟာ ဆမာရာရဲ့ ပူးကပ်မှုကိုမလွတ်မြောက်နိုင်ဘဲ ဘာတွေဆက်ဖြစ်မလဲဆိုတာကို အတူတူကြည့်လိုက်ရအောင်ပါ.... File size…2.26GB / 1.12GB Quality…Blu-Ray 1080p  / 720p Format…mp4 Duration….1h 50m Genre ….. Horror , Mystery Subtitle….Myanmar Subtitle (Hard Sub) Encoder….Min Wai Translated by Thura Mg Mg

Zombies apocalypse ရုပ်ရှင်တွေ အရိုက်များလာတဲ့​နောက် Old but gold zombie ကား​​​ကောင်းတစ်ကားကို CM fan​တွေ မကြည့်ဖူးမရှိရ​​အောင် တင်​​​ဆက်​ပေးလိုက်ပါတယ် 2005ခုနှစ်ကတည်းက ထွက်ရှိခဲ့တာဖြစ်ပြီး IMDb 6.2, RT 74% rating ရထားပါတယ်။ အမျိုးအမည်မသိရတဲ့ကပ်​ဘေးတစ်ခု​ကြောင့် တစ်ကမ္ဘာလုံးက လူ​အများစု ဖုတ်​ကောင်​တွေ ဖြစ်သွားတဲ့​နောက် ​လူကုံထံ​တွေက လုံခြုံ​ရေးအထပ်ထပ်နဲ့ မြို့သစ်တွေတည်ပြီး​​​နေထိုင်ကြပါတယ်၊ ကပ်​ဘေးကလွတ်လာတဲ့ မျက်နှာမွဲလူဆင်းရဲ​တွေကို​တော့ မြို့ရဲ့အစွန်ဆုံး၊ ခြံစည်းရိုး​တွေနဲ့ အနီးဆုံးမှာပဲ ​ပေး​နေပါတယ်၊ ရိက္ခာကို​တော့ ကြေးစားလူစွန့်စား​တွေကို ငှားရမ်းပြီး ဖုတ်​​ကောင်​တွေပြည့်နေတဲ့ မြို့ပျက်ငယ်​တွေမှာ ရှာ​​ဖွေခိုင်းပြီး အသက်ဆက်​နေကြတာပါ။ ရိုင်​လေ နဲ့ ချိုလိုဒယ်မိုရာတို့က အဆိုပါ​​ ကြေးစားအဖွဲ့ဝင်​တွေပဲ ဖြစ်ပါတယ်၊ အစပိုင်းမှာ​တော့ ဖုတ်​ကောင်​တွေက လမ်း​လျှောက်တတ်တဲ့ လူ​သေ​ကောင်သာသာပဲမို့လို့ စားနပ်ရိက္ခာ ရှာ​ဖွေရာမှာ သိပ်အခက်အခဲမရှိခဲ့ပေမယ့် တစ်​​နေ့မှာ​တော့ ဆင့်ကဲ​ပြောင်းလဲတတ်တဲ့ သဘာဝအတိုင်း အချင်းချင်း ဆက်သွယ်တတ်တာကစလို့ ကမ္ဘာဦးလူသား​တွေလို အစာရှာဖို့၊ ကိုယ့်ကိုယ်ကိုယ်ခုခံဖို့ နားလည်လာပြီး ​မြို့ပျက်​တွေက​နေ လူကုံထံ မြို့သစ်​တွေဆီကို အစာရှာဖို့ တက်လာကြပါ​တော့တယ်၊ ဒီလိုနဲ့ပဲ ရိက္ခာရှာ​ပေးရတဲ့ ရိုင်​လေတို့အဖွဲ့ဟာ ဖုတ်​ကောင်​တွေရဲ့ ရန်ကိုပါ ကာကွယ်ရမယ့် တာဝန်ရှိလာပါ​တော့တယ်။ ​သွေးသံရဲရဲနဲ့ 2005ထွက် ဇာတ်ကားနဲ့ မတူ​အောင် ပြကွက်​တွေက အ​တော်​လေးကြမ်း​လို့ သွေးလန့်တတ် သူ​တွေ၊ ​ရွံစရာ​တွေကို sensitiveဖြစ်သူ​တွေ သတိထားပြီး ကြည့်ဖို့ ​ပြောချင်ပါတယ်။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (950MB) Quality__Blu-Ray_1080p, 720p IMDb Rating__6.2/10 Format__mp4 Duration__01:33:00 Type__Horror, Sci-Fi, Thriller Subtitle__Myanmar Subtitle (Hardsub) Translated by Jim X Encoded by Naing Aung Latt

AI နည်းပညာကို Phone တွေထဲ ထည့်သွင်းဖို့ ကြိုးစားနေကြတဲ့သတင်း ဖတ်မိတော့ i,Robot ဆိုတဲ့ စိတ်ကူးယဉ်သိပ္ပံဇာတ်ကားလေးကို သွားသတိရမိပါတယ် ဒီဇာတ်ကားဟာ Artificial Intelligence (ဉာဏ်ရည်တု) နည်းပညာရဲ့ ကောင်းကျိုးဆိုးကျိုးတွေကို ထည့်သွင်းရိုက်ကူးထားတာကြောင့် ပညာပေးဇာတ်ကားတစ်ကားလို့တောင် ဆိုနိုင်ပါတယ် i,Robot ကို ဒါရိုက်တာ Alex Proyas ရိုက်ကူးခဲ့ပြီး မင်းသားကြီး Will Smith နဲ့ မင်းသမီး Bridget Moynahan တို့က ဦးဆောင်ပါဝင်ထားပါတယ် IMDb 7.1 ရရှိထားတာကြောင့် ကြည့်ရှုသင့်တဲ့ဇာတ်ကားကောင်းတစ်ကားဆိုတာ သေချာပါတယ် ဒီဇာတ်ကားကို ကြည့်ရှုနေစဉ်မှာပင် ဇာတ်ဆောင်တွေ နဲ့ ဇာတ်လမ်းထဲကဇာတ်ရုပ်တွေ အလွန်လိုက်ဖက်လွန်းတာကို သတိထားမိကြပါလိမ့်မယ် ဇာတ်လမ်းအကျဉ်း 2035 ခုနှစ် ချီကာဂိုမြို့မှာ ဇာတ်အိမ်တည်ထားပါတယ် ကမ္ဘာ့အကြီးဆုံး ရိုဘော့ထုတ်လုပ်ရေးကုမ္ပဏီ USR အဆောက်အဦးမှာ ကိုယ့်ကိုယ်ကိုယ်သတ်သေမှုတစ်ခုဖြစ်ပွားခဲ့ပါတယ် သေဆုံးသူကတော့ ရိုဘော့ပညာရှင် ဒေါက်တာအဲလ်ဖရက်လန်နင် ဖြစ်ပါတယ် ထူးခြားတာာက ဒီအမှုကိုကိုင်တွယ်ဖို့ စုံထောက်တစ်ယောက်ကို သေဆုံးသူက ကြိုတင်ရွေးချယ်ထားတာပါ သူရွေးချယ်ခဲ့တဲ့စုံထောက်ကတော့ ရိုဘော့တွေကို နဂိုတည်းက မုန်းတီးရင်းစွဲစိတ်အခြေခံရှိထားတဲ့ စုံထောက်စပွန်နာ ဖြစ်ပါတယ် အခင်းဖြစ်ပွားခဲ့တဲ့နေရာမှာ ပုန်းအောင်းနေတဲ့ NS-5 ရိုဘော့တစ်ကောင်ကို စုံထောက်စပွန်နာ ရှာတွေ့ခဲ့တဲ့အခါမှာတော့..... အဲလ်ဖရက်လန်နင်က စုံထောက်စပွန်နာကို ဘာလို့ရွေးချယ်ခဲ့တာလဲ စုံထောက်စပွန်နာထင်သလို NS-5 ရိုဘော့ဟာ လူသတ်တရားခံ တကယ်ဟုတ်ရဲ့လား စုံထောက်စပွန်နာကရော ရိုဘော့တွေကို ဘာကြောင့်ကြည့်မရတာလဲ ဇာတ်လမ်းမသိထားဘဲကြည့်မှ ပိုကောင်းတာမို့ အခုပဲ ကြည့်လိုက်ကြရအောင်လား..... File Size : (1 GB) Quality : Blu Ray 720p Format…mp4 Duration…1 hr 55 min Genre : Action , Crime , Drama Subtitle : Myanmar Subtitle (Hard Sub) Translated by  Naing Win Swe Encoded by Moe Myint Lwin

Red Planet (2000) IMDb Rating (5.7) / Rotten Tomatoes (14%) 2000 ခု နှစ်မှာ ထွက်ရှိခဲ့တဲ့ Red Planet ဇာတ်ကားဖြစ်ပါတယ်။ ဒါရိုက်တာ Antony Hoffman  ကရိုက်ကူးတင်ဆက်ထားကာ IMDb Rating 5.6 ရရှိထားပါတယ်။ သိပ္ပံအက်ရှင်ဇာတ်ကားကောင်းတွေကြိုက်နှစ်သက်သူတွေအတွက် ကြည့်ဖို့သင့်တဲ့ဇာတ်လမ်းကောင်းတစ်ပုဒ်ဖြစ်ပါတယ်။ အဲ့ဇာတ်ကားဟာ Las Vegas Film Critics Society Awards ပွဲမှာ ဇာတ်ကားထဲမှာပါဝင်တဲ့ဇာတ်ဝင်တေး "The Tower That Ate People". သီချင်းအတွက် Best Song Award အတွက်လည်းလျာထားခြင်းခံခဲ့ရပါတယ်။ သရုပ်ဆောင်တွေအဖြစ်  Val Kilmer, Carrie-Anne Moss, Tom Sizemoreစတဲ့သရုပ်ဆောင်တွေက ပါဝင်ထားကြပါတယ်။ (အညွှန်းနဲ့ဘာသာပြန်ကတော့ Lotus Black ဖြစ်ပါတယ်။) File size…(1.9 GB) / (890 MB) Quality….Blu-Ray 1080p HEVC /720p Format…. mkv/mp4 Genre….Action,Science Fiction,Thriller Duration….01:47:48 Subtitle….Myanmar Subtitle (Hardsub) Encoder….Double K Translated by Lotus Black

၁၉ရာစုနှောင်းပိုင်းတုန်းက ချောင်ဝမ် ( Jackie Chan ) ဟာ အင်မတန်ကို့ရို့ကားယားနိုင်ပြီး တရုတ်နိုင်ငံရဲ့ ဘုရင့်သက်တော်စောင့်တစ်ယောက်ဖြစ်ပါတယ်… ဘုရင်ကြီးမှာ သမီးတော်တစ်ပါးရှိပြီး မင်းသမီးလေး ဖေးဖေး ( Lucy Liu) လို့ အမည်တွင်ပါတယ်… တနေ့မှာ တရုတ်ပြည်ကို ရောက်လာတဲ့ နိုင်ငံခြားသားတွေက မင်းသမီးလေးကို တစ်ဖက်လှည့်နဲ့ အမေရိကကို ပြန်ပေးဆွဲခေါ်ဆောင်သွားပါတော့တယ်…ဒီအခါမှာ ချောင်ဝမ်တို့တွေဟာ မင်းသမီးလေးကို ကယ်တင်ဖို့အတွက် တာဝန်ပေးခြင်းခံလိုက်ရပြီး အနောက်ဘက်ကိုထွက်လာခဲ့ကြပါတော့တယ်… အဲ့ဒီအချိန်မှာ မလိမ့်တပတ် လူလိမ်လုပ်စားနေတဲ့ သူခိုးတစ်ယောက်လည်းဖြစ်တဲ့ ရွိုင်းအိုဘန်နွန်နဲ့ တွေ့တဲ့ အခါမှာတော့….ချောင်ဝမ်တစ်ယောက် မင်းသမီးလေးကို ပြန်ပြီး ကယ်တင်နိုင်မှာလား ??? ဘယ်လိုပြန်ကယ်တင်မလဲ ??? ချောင်နဲ့ ရွိုင်းအိုဘန်နွန်နဲ့ရော ဘယ်လိုနှစ်ပါးသွားကြမလဲ ??? ဆိုတာတွေကိုတော့ ဆက်လက်ကြည့်ရှုခံစားပေးကြပါလို့… မင်းသားကြီးဂျက်ကီချန်းနဲ့ ဟာသသရုပ်ဆောင် အိုဝင် ဝီလ်ဆင် တို့ အတွဲညီညီ ပါဝင်သရုပ်ဆောင်ထားကြပြီး ဟာသအက်ရှင်ကားကောင်းတစ်ကားဖြစ်ပါတယ်… IMDb rating 6.6/10 ရရှိထားပြီး ဂျက်ကီချန်းပရိတ်သတ်တွေအကြိုက်တွေ့စေမယ့်ကားကောင်းတစ်ကားဖြစ်ပါကြောင်း… ကြည့်ရှုအားပေးကြပါဦး File size…(2.14 GB)/(1.27 GB) Quality….Blu-Ray 1080p / 720p Format…mp4 Duration….01:50:00 Genre... Action, Adventure, Comedy Subtitle….Myanmar Subtitle (Hardsub) Encoder….Garfield Translated by Min Khant Kyi Win

Russell Crowe၊ Kevin Spacey နဲ့ Guy Pearce တို့က စုံထောက်ရဲအရာရှိသုံးယောက်အဖြစ် ပါဝင်ထားပါတယ်။ ဇာတ်လမ်းအစမှာ သူတို့တစ်ယောက်ချင်းစီရဲ့ ခံယူချက်နဲ့ အလုပ်အပေါ်ထားတဲ့ သဘောထားကို တဖြည်းဖြည်း မိတ်ဆက်ပေးထားတယ်။ အဲဒီနောက် ဆိုင်တစ်ဆိုင်ထဲမှာ လူအများအပြား ရက်ရက်စက်စက် ပစ်သတ်ခံရတဲ့အမှုက သူတို့သုံးယောက်ဆီ ရောက်လာပါတယ်။ သေဆုံးသူတွေထဲမှာ ရဲစုံထောက်တစ်ယောက်လည်း ပါနေတယ်။ အမှုကို လိုက်ကြတဲ့ ရဲအရာရှိသုံးယောက်ရဲ့ အမြင်တွေကနေ ဖြစ်ပျက်သမျှကို သိလာရပြီး ဘယ်သူက သတ်ခဲ့တာလဲဆိုတာ လိုက်အဖြေရှာရမှာပါ။ အရေးပါတဲ့အကြောင်းအရာတွေနဲ့ ဇာတ်ကောင်တွေရဲ့အမည်တွေကို စကားပြောခန်းတွေထဲမှာ ထည့်ပြောထားတာကြောင့် နာမည်တွေကို မှတ်ထားရင် အမှုနောက်ကို လိုက်ရတာ ပိုလွယ်ပါလိမ့်မယ်။ မှုခင်း၊ ဒရာမာနဲ့ လျှို့ဝှက်ဆန်းကြယ်အမျိုးအစားဖြစ်ပြီး ဒီကားနဲ့ Kim Basinger ဟာ အော်စကာဇာတ်ပို့ဆု ရရှိခဲ့ပါတယ်။ ဇာတ်ကားကလည်း အကောင်းဆုံးရုပ်ရှင်ဇာတ်ညွှန်းဆု ရထားပါတယ်။