Sue Ramirez ပါဝင်သော ဇာတ်ကားများ

Project Baby (2026) ၂၀၂၆ ခုနှစ်မှာ ထွက်ရှိထားတဲ့ Regal Entertainment ရဲ့ "Project Baby" ဇာတ်ကားလေးကို တင်ဆက်ပေးလိုက်ပါတယ် ​ ​"ဆန်ဒီ"ကတော့ အလုပ်အကိုင်မှာ အောင်မြင်နေတဲ့ ကြော်ငြာလုပ်ငန်း အမှုဆောင်တစ်ယောက်ပါ ဒါပေမဲ့ သူ့ရဲ့ ဘဝမှာ အိမ်ထောင်မပြုဘဲ ကလေးလိုချင်နေပြီး အ​မေတစ်ယောက် ဖြစ်ချင်တဲ့ဆန္ဒ ပြင်းပြနေတာပါ သူ့ဆန္ဒ ဖြစ်လာဖိုအတွက် အသက် ၃၂ပြည့်မွေးနေ့မှာ ပရောဂျက်တစ်ခု ကိုယ်တိုင်ရေးဆွဲထားခဲ့ပါတယ် ​ဒီလိုနဲ့ သူ့ရဲ့ ပရောဂျက် အကောင်အထည်ပေါ်လာဖိုအတွက် အကောင်းဆုံးနဲ့ သင့်တော်မယ့် လူတစ်ယောက်ကို ရှာဖွေတဲ့အခါမှာတော့ ထူးဆန်းတဲ့ ကံကြမ္မာအလှည့်အပြောင်းနဲ့အတူ "မီဂို" ဆိုတဲ့ ပန်းချီဆရာ တစ်ယောက်နဲ့ ဆုံတွေ့လာခဲ့ပါတယ် မီဂို မှာလည်း သူ့ရဲ့ ကိုယ်ပိုင်ခံစားချက်၊ စိတ် ဒဏ်ရာတွေနဲ့ ရှုပ်ထွေးတဲ့ အတိတ်တွေ ရှိနေသူတစ်ယောက် ဖြစ်ပြီး အချစ်နဲ့ မိသားစုဘဝအပေါ် မတူညီတဲ့ အမြင်တွေ ရှိထားသူပါ ​တစ်ဖက်မှာ ကလေးလိုချင်ပေမယ့် အိမ်ထောင်ရေးပုံစံကို မလိုလားတဲ့ ဆန်ဒီ နဲ့ တစ်ဖက်မှာလည်း မမျှော်လင့်ထားတဲ့ ခံစားချက်တွေ ဝင်ရောက်လာတဲ့အခါ.... သူတိုနှစ်​ယောက်ရဲ့ ရည်ရွယ်ချက်တွေ ဘယ်လို လွဲချော်လာမလဲ... ဆန်ဒီရဲ့ ကလေးလိုချင်တဲ့ ပရောဂျက်က တကယ်ဖြစ်လာမှာလား... အချစ်နဲ့ တာဝန်ဝတ္တရားတွေကြားမှာ ဘယ်လို ရင်ဆိုင်ဖြတ်သန်းကြမလဲဆိုတာကို နှလုံးသားကို ထိရှစေမယ့် အလှည့်အပြောင်းတွေနဲ့ ဟာသနှောပြီး ရိုက်ကူးတင်ဆက်ထားတာပါ ​ပေါ့ပေါ့ပါးပါးနဲ့ အဓိပ္ပာယ်ရှိတဲ့ အချစ်ဟာသဇာတ်ကားကောင်း တစ်ကားကို ရှာနေတယ်ဆိုရင်တော့ ဒီဇာတ်ကားလေးကို ကြည့်ရှုဖို လက်မလွှတ်သင့်ပါဘူးနော်

Lasting Moments (2025) ++++++++++++ Lasting Moments ကတော့ အချစ်နဲ့ဘဝတာဝန်ကြားမှာ ရုန်းကန်ရတဲ့ဇာတ်လမ်းကို ရိုက်ကူးထားတဲ့ ဖိလစ်ပိုင်ဇာတ်ကားဖြစ်ပြီး Fifth Solomon က ဒါရိုက်တာလုပ်ရိုက်ကူးပေးထားပါတယ်။ Aki (JM de Guzman) နဲ့ Pia (Sue Ramirez) တို့အတူနေချစ်သူနှစ်ဦးရဲ့ဘဝဇာတ်လမ်းကို ပုံဖော်ပြသထားပါတယ်။ ဇာတ်လမ်းအစမှာ Aki နဲ့ Pia ဟာ အိမ်ထောင်ပြုဖို့အိပ်မက်မက်နေတဲ့ ချစ်သူနှစ်ဦးဖြစ်ပါတယ်။ Pia က ဆင်းရဲတဲ့ဘဝက လွတ်မြောက်လိုတဲ့ ဆန္ဒကြောင့် စီးပွားရေးလုပ်ငန်းတစ်ခုမှာ အလုပ်လုပ်ကိုင်နေသူဖြစ်ပြီး သမိုင်းဆရာတစ်ဦးဖြစ်တဲ့ Aki ကတော့ အတိတ်ကိုတန်ဖိုးထားတာကြောင့် သူတို့ရဲ့နေ့စဉ်ဘဝတွေကို ကင်မရာနဲ့ မှတ်တမ်းတင်လေ့ရှိပါတယ်။ ဒါပေမဲ့ Pia ရဲ့အလုပ်ရှင်ဖြစ်သူ Carlo ဟာ Singapore ကအလုပ်တစ်ခုကို ကမ်းလှမ်းလိုက်တဲ့အခါ Pia က သူ့အလုပ်အကိုင်တိုးတက်မှုအတွက် အဲဒီအခွင့်အရေးကို အမိအရယူခဲ့ပါတယ်။ တစ်ချိန်တည်းမှာပဲ Aki ရဲ့ဘဝက တဖြည်းဖြည်းယိုယွင်းလာပြီး သူ့အလုပ်ကိုဆုံးရှုံးရတဲ့ထိဖြစ်လာခဲ့ပါတယ်။ Aki ရဲ့ပြုမူနေထိုင်မှုတွေကလည်း ထူးဆန်းလာပြီး စိတ်တိုလွယ်သလို မကြာခဏမေ့လျော့တတ်လာပါတယ်။ ဒီအခြေအနေတွေကြောင့် သူတို့ဆက်ဆံရေးက ပြိုကွဲသွားခဲ့ပြီး Pia က Aki ကိုစွန့်ခွာကာ Singapore ကို အလုပ်လုပ်ကိုင်ဖို့ ပြောင်းရွှေ့သွားခဲ့ပါတယ်။ ငါးနှစ်ကြာတဲ့နောက် Pia က Singapore မှာ Carlo နဲ့အတူနေထိုင်နေပေမယ့်လည်း ပျော်ရွှင်မှုကို မရရှိခဲ့ပါဘူး။ ဖိလစ်ပိုင်နိုင်ငံကိုပြန်လာပြီး Carlo လက်ထပ်ခွင့်တောင်းတာကိုလည်း ငြင်းဆန်ခဲ့ပါတယ်။ အဲဒီနောက် Aki ကို ပြန်လည်ရှာဖွေတဲ့အခါ Aki က အရင်လိုမဟုတ်တော့ဘဲ Pia ကိုတောင် မမှတ်မိတော့ပါဘူး။ Aki ဟာ Alzheimer ရောဂါခံစားနေရကြောင်း Pia သိရှိလိုက်ရပြီးတဲ့နောက် Aki ကို ပြန်လည် ကူညီစောင့်ရှောက်ပေးဖို့ ဆုံးဖြတ်လိုက်ပါတယ်။ ဒီဇာတ်ကားဟာ အချစ်၊ ဝတ္တရားနဲ့ ရွေးချယ်မှုတွေရဲ့ နက်ရှိုင်းတဲ့အဓိပ္ပာယ်တွေကို ထိုးထွင်းသိမြင်စေတဲ့ ဇာတ်လမ်းကောင်းတစ်ပုဒ်ဖြစ်ပါတယ်။ File Size… (1.39GB) / (763MB) Quality… WEB-DL 1080p HEVC /720p Format…mkv / mp4 Duration…1h 56m Genre … Drama , Romance Subtitle….Myanmar Subtitle (Hard Sub)

In Between (2025) IMDb Rating (7.2) Shane နဲ့ Gaila တိုနှစ်ယောက်က သူတိုတွေရဲ့အချစ်စစ်ကို မတွေ့မချင်း ကြားကာလမှာ ဘာနှောင်ကြိုးမှမပါတဲ့ အတူအိပ်တဲ့ဆက်ဆံရေးတစ်ခုအဖြစ် အချင်းချင်းသဘောတူခဲ့ကြတယ်။ အပျော် အတူအိပ်စက်ရုံမဟုတ်ဘဲ သူတိုနှစ်ယောက်က သူငယ်ချင်းတွေလို အချင်းချင်းရဲ့ အချစ်ရေး၊ အလုပ်နဲ့ လူမှုရေးဘဝတွေကို ပြင်ဆင်တိုးတက်ဖို ကူညီပေးကြရင်း နောက်မှာတော့ သူတိုနှစ်ယောက်ရဲ့ဆက်ဆံရေးကြမှာ မထင်မှတ်ထားတဲ့ အတည်ပေါက် ခံစားချက်တွေပေါ်ပေါက်လာတော့တယ်။ ဒါပေမဲ့ Shane ရဲ့ အတိတ်ကမိန်းကလေးတစ်ယောက် ပြန်ရောက်လာချိန်မှာတော့ သူတိုနှစ်ယောက်ရဲ့ပျော်ရွှင်မှုတွေက အနှောင့်အယှက်ခံလိုက်ရပြီး ဘယ်လိုတွေဆက်ဖြစ်မလဲဆိုတာကို ဒီဇာတ်လမ်းထဲမှာ ဆက်လက်ကြည့်ရှုလိုရပါတယ်။ File size… (2.5 GB) / (1.2 GB) Quality…. WEB-DL 1080p HEVC / 720p Format…. mkv/mp4 Genre…. Drama,Romance Duration…. 01:59:05 Subtitle…. Myanmar Subtitle (Hardsub)

One Hit Wonder (2025) ++++++++++++++ One Hit Wonder ကတော့ ၂၀၂၅ ခုနှစ်မှာ Netflix ကပြသတဲ့ဖိလစ်ပိုင်ဇာတ်ကားတစ်ကားဖြစ်ပြီး ၁၉၉၀ ခုနှစ်တွေက ဖိလစ်ပိုင်ဂီတလောကရဲ့နောက်ခံနဲ့ အချစ်ဇာတ်လမ်းကို ရိုက်ကူးထားပါတယ်။ ၁၉၈၄ ခုနှစ်က လိုရီနာဟာ အဆိုတော်ဖြစ်ဖို့အိပ်မက်ကို စွန့်လွှတ်ခဲ့ရသူဖြစ်ပါတယ်။ ပြိုင်ပွဲတစ်ခုမှာ အဆိုပြိုင်တဲ့အခါ စိတ်လှုပ်ရှားတာကြောင့် ကျရှုံးခဲ့ပြီး ဆယ်စုနှစ်တစ်ခုကြာပြီးတဲ့နောက် ၁၉၉၀ ခုနှစ်တွေမှာ နေ့ခင်းဘက်ဆိုရင် အခွေဆိုင်မှာနဲ့ ညဘက်ဆိုရင် ညီမဖြစ်သူ Lyn-Lyn ရဲ့လက်ထောက်အဖြစ် အလုပ်လုပ်နေခဲ့ပါတယ်။ အန်တွိုင်းကတော့ ဂီတသမားတစ်ဦးဖြစ်ပြီး သူ့တီးဝိုင်းနာမည်ကြီးလာဖို့ ရည်မှန်းထားသူဖြစ်ပါတယ်။ အန်တွိုင်းနဲ့တီးဝိုင်းသားတွေက လိုရီနာရဲ့သီချင်းဆိုသံကို ကြားရပြီးတဲ့နောက် တီးဝိုင်းထဲဝင်ဖို့ ဖိတ်ခေါ်ခဲ့ကြပါတယ်။ အဲဒီနောက် လိုရီနာနှင့်အန်တွိုင်းတို့ဟာ အတူတကွ ဂီတခရီးကို စတင်ခဲ့ကြပြီး သူတို့ရဲ့ခံစားချက်တွေလည်း ချစ်ခြင်းမေတ္တာအဖြစ်ပုံစံပြောင်းလဲလာခဲ့ကြပါတော့တယ်။ One Hit Wonder ဟာ ၁၉၉၀ ခုနှစ် တစ်ခေတ်ဖြစ်ခဲ့တဲ့ဖိလစ်ပိုင်ဂီတနဲ့ယဉ်ကျေးမှုကို ပြန်လည်ပုံဖော်ထားတဲ့ ရုပ်ရှင်ဖြစ်ပြီး ဂီတနဲ့ ၁၉၉၀ ခုနှစ်နောက်ခံဇာတ်လမ်းကို ကြိုက်နှစ်သက်သူတွေအတွက် စိတ်ဝင်စားစရာ ရုပ်ရှင်တစ်ကားဖြစ်ပါတယ်။ File Size… (1.67GB) / (892MB) Quality… WEB-DL 1080p HEVC /720p Format…mkv / mp4 Duration…1h 52m Genre ….Drama , Music , Romance Subtitle….Myanmar Subtitle (Hard Sub)

Flower Girl (2025) IMDb Rating (4.5) အီနာက တီဗွီကြော်ငြာမော်ဒယ်တစ်ယောက်ဖြစ်ပြီး အောင်မြင်တဲ့အလုပ်အကိုင် ပြည့်စုံတဲ့ချစ်သူကိုပါ ပိုင်ဆိုင်ခွင့်ရထားလို့ သူ့ဘ၀ဟာအပေါ်ယံအားဖြင့်ပြီးပြည့်စုံတယ်လို့ဆိုနိုင်ပါတယ်။ သူ့ရဲ့အတွင်းစိတ်ခံယူချက်အရ Trans အမျိုးသမီးတွေဟာ သူတို့လို မိန်းမဘ၀ဖြစ်တည်မှုရဲ့အခက်အခဲတွေရုန်းကန်မှုတွေကိုရင်မဆိုင်ရပဲ အဆင်သင့် မိန်းမဘ၀ကိုဝင်ယူလိုက်ကြတာကြောင့် အမျိုးသမီးအစစ်တွေနစ်နာတယ်လို့သတ်မှတ်ထားပြီးအမြင်မကြည်လင်ပါဘူး။ အဲ့ဒီခံယူချက်ကြောင့်ပဲ တစ်နေ့ ဓာတ်ဆီဆိုင်အိမ်သာခန်းထဲကအမျိုးသမီးခန်းထဲကိုဝင်နေတဲ့ ထရန်စ်အမျိုးသမီးတစ်ယောက်ကိုစော်ကားပြောဆိုမိတဲ့အတွက် LGBT စောင့်နတ်တစ်ဦးရဲ့ကျိန်စာသင့်ပြီးသူ့ရဲ့ပူချီလေးဟာ ပျောက်ဆုံးမလှပျောက်ဆုံးသွားပါတော့တယ်။ အဲ့ဒါလေးကို ပြန်ရချင်တယ်ဆိုရင်တော့ ပူချီမပါလည်း သူ့ကိုအကြွင်းမဲ့မေတ္တာစစ်နဲ့ချစ်နိုင်သူတစ်ဦးကိုအချိန်မှီရှာတွေ့ရမှာဖြစ်ပါတယ်။ အီနာတစ်ယောက်ကတော့ မူလမိန်းမစစ်စစ်တစ်ယောက်ထက်ပိုတဲ့ အခက်အခဲတွေ စိန်ခေါ်မှုတွေကိုရင်ဆိုင်ရမှာဖြစ်ပြီး အချစ်စစ်ကိုအချိန်မှီရှာဖွေနိုင်ပါ့မလား၊ သူ့ပူချီလေးကို ပြန်လည်ရရှိနိုင်ပါ့မလားဆိုတာကိုဆက်လက်ရှူစားကြပါ။ ဒီရုပ်ရှင်ဟာ ဟာသကားသက်သက်ဆိုတာထက် အမျိုးသမီးတွေရင်ဆိုင်ရတဲ့ အခက်အခဲတွေ၊ ဖျော်ဖြေရေးလောကရဲ့အပေါ်ယံဆန်မှု၊ မဖြစ်နိုင်တဲ့တောင်းဆိုမှုတွေကို ထိပါးသရော်ထားပြီး လူမှုရေးစံနှုန်းတွေ၊အစဉ်အလာတွေကိုပါ စိန်ခေါ်သွားတဲ့ အစဉ်အလာက ကွဲထွက်နေတဲ့ ဇာတ်ကားကောင်းတစ်ကား၊ Social commentary တစ်ခုဖြစ်ပါတယ်။ File size… (3.3 GB) / (900 MB) / (560 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Fantasy Duration…. 01:14:33 Subtitle…. Myanmar Subtitle (Hardsub)

Rewind (2023) ယခုတစ်ခါမှာတော့ အချိန်နောက်ပြန်သွားတဲ့ ဖိလစ်ပိုင် အချစ်ရိုမန့်ကားလေးတစ်ကားနဲ့ မိတ်ဆက်ပေးချင်ပါတယ်။ မယ်ရီလို့ခေါ်တဲ့ကောင်မလေးဟာ ငယ်ငယ်လေးကတည်းက ဂျွန်ဆိုတဲ့ကောင်လေးကို ချစ်လာခဲ့ပြီး သူတို့တွေ ကြီးလာတဲ့အခါမှာလည်း အိမ်ထောင်တစ်ခုကို တည်ထောင်နိုင်ခဲ့ပါတယ်။ သူတို့နှစ်ယောက်မှာ အော်စတင်လို့ခေါ်တဲ့ သားလေးတစ်ယောက်ရှိလာတဲ့နောက်မှာ ဂျွန်ဟာလည်း အလုပ်သရဲပီပီ အလုပ်အားတဲ့အချိန်မှာတောင် အလုပ်ကိုပဲ ဘယ်လိုတွေတိုးချဲ့ရမလဲဆိုတာ တွေးတောနေသူ။ ဂျွန်ဟာ အလုပ်ရှုပ်ရင်ရှုပ် မရှုပ်ရင် ပင်ပန်း မဟုတ်ရင် စိတ်ဆိုးနေလေ့ရှိပြီး မိသားစုနဲ့လည်း‌ နွေးထွေးမှုတွေ ပျောက်ဆုံးလို့နေပါတယ်။ ဒီလိုနဲ့ တစ်ရက်မှာ ဂျွန်ဟာ သူမှန်းထားတဲ့ ရာထူးတိုးနေရာကို မရလိုက်တဲ့နောက်မှာတော့ စိတ်လိုက်မာန်ပါလုပ်ပြီး အလုပ်ကနေ ထွက်လာခဲ့ပြီးနောက်ရက်မှာ သားလေးအော်စတင်ရဲ့ ပရိုဂရမ်ကို ဂျွန်နဲ့မယ်ရီတို့အတူသွားကြရင်း ကားပေါ်မှာ ရန်ဖြစ်ရင်း ကားတိုက်မှုဖြစ်ကာ မယ်ရီဟာ သေဆုံးသွားခဲ့ရပါတယ်။ မယ်ရီသေဆုံးသွားတဲ့နောက်မှာ ဂျွန်ဟာနောင်တကြီးစွာနဲ့ အရက်သောက်နေရင်း လော့ချ်လို့ခေါ်တဲ့ ဘုရားသခင်နဲ့ဆုံတွေ့ပြီး သူ့မိန်းမမသေဆုံးခင်အချိန်ကို ပြန်သွားပြီး ကယ်တင်နိုင်မဲ့အခွင့်အရေးရလာတဲ့နောက်မှာတော့ ....... ဂျွန်ဟာ အတိတ်ကို ဘယ်လိုပြင်ဆင်သွားမလဲ ..... အရင်က အဆင်မပြေဖြစ်နေတဲ့ သူတို့မိသားစုလေးရော အဆင်ပြေသွားမလား.... ဆိုတာတွေကို ကြည့်ရှုရမဲ့ ရိုမန့်ဇာတ်လမ်းကောင်းလေးပဲဖြစ်ပါတယ်။ အညွှန်း နဲ့ ဘာသာပြန်ကတော့ Char Ou ပဲ ဖြစ်ပါတယ်။ Genre..... Drama, Romance, Sci-fi Quality…. 1080p | 720p File size… 1.3GB | 712MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Char Ou Encoder ..... Aaron

Love Lockdown (2020) ၁၆နှစ်အောက်မကြည့်သင့်တဲ့ကားဖြစ်ပါတယ် လော့ဒေါင်းထဲက အချစ် ...... လော့ဒေါင်းကာလမှာ ဖြစ်လေ့ဖြစ်ထရှိတဲ့ကိစ္စတွေကို ရိုက်ထားတဲ့ကားပါ ဇာတ်လမ်း ၃ ခုကို ချိတ်ဆက်ပြီး ရိုက်ထားတာမို့ ဇာတ်အခင်းအကျင်းကလည်း တော်တော်လေး လှပါတယ်။ ဇာတ်လမ်းအစမှာ မယားငယ်နဲ့ လော့ဒေါင်းမိတာကို မယားကြီးမသိအောင် နေနေတဲ့ ယောကျာ်းတစ်ယောက်ရဲ့ ဇာတ်လမ်းနဲ့ စတင်ထားပါတယ်။ နောက်ဇာတ်လမ်းနှစ်ခုကတော့ ဒါနဲ့ ဆက်စပ်ရင်းနဲ့ ဘာတွေဖြစ်ကြမလဲဆိုတာကို ကြည့်ရမှာပါ။ မယားကြီး မယားငယ်နဲ့ နှစ်စင်ထောင်တတ်တဲ့ ဘီးကြဲတွေအတွက်လည်း ရှောင်ရန်ဆောင်ရန် လေ့လာမှတ်သားနည်းနာအဖြာဖြာပါပါတယ် ဇာတ်လမ်းကတော့ လော့ဒေါင်းကာလမှာ လူတွေက ပထမတော့ အနားရလို့ပျော်ကြပြီး ကြာလာတဲ့အခါမှာ မွန်းကြပ်တဲ့ဒါဏ်မခံစားနိုင်တော့ လုပ်မိလုပ်ရာလုပ်ကြတဲ့အခါ ..... သန်ရာသန်ရာလုပ်ကြတဲ့အခါ ...... ဘာတွေဖြစ်လာလဲဆိုတာကိုရိုက်ပြထားတာပါ ရုပ်ရှင်ဆိုပေမယ့် အပြင်မှာဖြစ်လေ့ဖြစ်ထရှိတာတွေကိုပဲရိုက်ထားတာမို့ ဇာတ်လမ်းကို ကြည့်ရင်းနဲ့ အတူတူစီးမျောခံစားပြီး ဇာတ်နောက်ကို ပါမှန်းမသိ ပါသွားမယ့် ဇာတ်ကားမျိုးပါ။ တော်တော်လေးမိုက်ပါတယ်။ ယောင်္ကျားနဲ့မိန်းမကြားမှာရှိတဲ့ စိတ်နေစိတ်ထား ..... မေတ္တာတရား ..... လိင်စိတ်သာယာမှု ..... စိတ်အမှောင်တွေ ..... အစရှိသဖြင့်ပါတာမို့ ကြည့်ဖို့ တိုက်တွန်းချင်ပါတယ် တိုက်တွန်းရတာကတော့ ဘော်ဒါတို့အတွက် မင်းသမီးလေးတွေက အကိတ်အချောြဖစ်နေတာလည်း တစ်ကြောင်းပါ ထမင်းစားရင် အစပ်ပါမှ သဘောကျကြတာ မဟုတ်လား? အချစ်ဇာတ်လမ်းကြည့်ရင်လည်း အစပ်ကလေး နည်းနည်းပါမှ ပိုအဆင်ပြေတာမို့ ..... ကျေနပ်ကြမယ်လို့ မျှော်လင့်ရင်း File size… 781MB Quality….WEB-DL 720p Format…mp4 Duration…. 1hr 10min Subtitle….Myanmar Subtitle (Hardsub) Translated by ..... Thinzar Htet Encoded by ..... August

ကဲအမျိုးတို့ရေ ... ဒီတစ်ခါတော့ ပရိသတ်ရင်ထဲရောက်မယ့် တစ်ကားတင်ပေးလိုက်မယ်ဗျာ ... ကျွန်တော်တောင် ဘာသာပြန်နေတာကို ရပ်ပြီး ဇာတ်လမ်းဆုံးအောင် ကြည့်မိတဲ့ကားလေးပေါ့ ... Just the way you are တဲ့ .... ဇာတ်လမ်းလေးကတော့ မိသားစုကြောင့် အချစ်ကိုအယုံအကြည်မရှိတဲ့ ကောင်လေးနဲ့ ကောင်မလေးတို့ အလောင်းအစားတစ်ခုကြောင့် ဆုံတွေ့ခဲ့တဲ့အခါမှာ ဘာတွေဖြစ်ကြမလဲဆိုတာကို ကြည့်ရှုရမှာ ဖြစ်ပါတယ် ... ထုံးစံအတိုင်း Asian Romance Comedy လေးပါပဲ ... အားပေးကြပါဦးနော် File size…  2.8 GB / 1.2 GB Quality… Web-DL 1080p / 720p Format… mp4 Duration…. 1h 36m Genre .....  Drama, Comedy Subtitle…. Myanmar Subtitle (Hard Sub) Encoder…. Thit San Khant Translated by Tartee Poe