TJ ပါဝင်သော ဇာတ်ကားများ

Perjanjian Setan (2025) IMDb Rating (3.4) ဒီဇာတ်ကားကတော့ Supernatural Horror, Mystery နဲ့ Psychological Thriller အမျိုးအစား အင်ဒိုနီးရှား ထိတ်လန့်သည်းဖို ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ Farid Dermawan က ရိုက်ကူးတင်ဆက်ထားပြီး သရုပ်ဆောင်တွေအဖြစ် Callista Arum, Kenny Austin, Jessica Shaina နဲ့ TJ Ruth တို့က အဓိက ပါဝင်သရုပ်ဆောင်ထားကြပါတယ်။ ဇာတ်လမ်းကတော့ ဂျာကာတာမြို့တော်ကြီးမှာ တက္ကသိုလ်တက်ဖို့အတွက် နယ်မြို့လေးကနေ ရောက်ရှိလာတဲ့ Kartini ဆိုတဲ့ ကောင်မလေးဆီကနေ စတာပါ။ ငွေကြေး မပြည့်စုံတဲ့အတွက် ဈေးနှုန်းအရမ်းသက်သာတဲ့ အဆောင်ဟောင်းကြီးတစ်ခုမှာ နေထိုင်ဖို့ ရွေးချယ်ခဲ့ပါတယ်။ ဒါပေမဲ့ အဲဒီအဆောင်ကို စရောက်ကတည်းက ထူးဆန်းတဲ့ စည်းကမ်းချက်တွေ၊ မသင်္ကာစရာ အဆောင်ပိုင်ရှင်နဲ့အတူ တစ်ဖက်အခန်းတွေကနေ ကြောက်မက်ဖွယ်ရာ အသံဆန်းတွေကို စတင်ကြုံတွေ့လာရပါတော့တယ်။ ရက်တွေကြာလာတာနဲ့အမျှ Kartini ဟာ ညစဉ်ညတိုင်း စိတ်ခြောက်ခြားစရာ အိပ်မက်ဆိုးတွေ၊ သွေးသံရဲရဲ ရူပါရုံတွေနဲ့ နှိပ်စက်ခံရပြီးနောက် အဆောင်မှာ အရင်က နေထိုင်ခဲ့တဲ့ ကျောင်းသူတွေဟာ မကြာခဏ အစအနမကျန် ပျောက်ဆုံးသွားခဲ့ရတယ်ဆိုတဲ့ အမှောင်ထု လျှို့ဝှက်ချက်ကို စုံစမ်းသိရှိသွားပါတယ်။ အမှန်တော့ အဲဒီအဆောင်ဟာ စည်းစိမ်ဥစ္စာနဲ့ အသက်ရှည်ဖို့အတွက် မိစ္ဆာမာရ်နတ်နဲ့ လူသားယဇ်ပူဇော် ပဋိညာဉ်ပြုထားတဲ့နေရာဖြစ်နေပြီး၊ Kartini ကိုယ်တိုင် နောက်ထပ် ယဇ်ကောင်အဖြစ် ပစ်မှတ်ထားခံလိုက်ရတဲ့အခါ ပိတ်လှောင်ထားတဲ့ အဆောင်ဟောင်းကြီးထဲကနေ အသက်ရှင်လွတ်မြောက်ဖို့ အသည်းအသန် ရုန်းကန်ရမယ့် သည်းထိတ်ရင်ဖို ဇာတ်လမ်းကောင်းတစ်ခု ဖြစ်ပါတယ်။ ဒီဇာတ်ကားဟာ အင်ဒိုနီးရှားနိုင်ငံရဲ့ နာမည်ကျော် လူငယ်မင်းသမီး Callista Arum ရဲ့ ပထမဆုံး Horror ရုပ်ရှင်ခေါင်းဆောင် သရုပ်ဆောင်ချက်အဖြစ် လူကြိုက်များခဲ့ပြီး အဆောင်နေ ကျောင်းသားဘဝ အခက်အခဲတွေကြားက မကောင်းဆိုးဝါး ယဇ်ပူဇော်မှု ပဋိညာဉ်ကို ထိထိမိမိ ပုံဖော်ထားတာပါ။ အထူးသဖြင့် မွန်းကြပ်စရာ အဆောင်အခန်းကျဉ်းတွေထဲက သည်းထိတ်ရင်ဖို Jumpscare တွေနဲ့ သဘာဝလွန် ထိတ်လန့်မှုတွေကို အပြည့်အဝ ပေးစွမ်းနိုင်တာကြောင့် အရှေ့တောင်အာရှ သရဲကား ပရိသတ်တွေ အကြိုက်တွေ့စေမယ့် ရုပ်ရှင်ကောင်းတစ်ကားပဲ ဖြစ်ပါတယ်။ File size… (590 MB) / (410 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:15:46 Subtitle…. Myanmar Subtitle (Hardsub)

Dilanjutkan Salah Disudahi Perih (2025) ၂၀၂၅ ခုနှစ်၊ စက်တင်ဘာလကမှ ထွက်ရှိထားတဲ့ အင်ဒိုနီးရှား Rom-Com (အချစ်ဟာသ) နဲ့ ဒရမ်မာ ဇာတ်ကားကောင်းလေးဖြစ်တဲ့ "Dilanjutkan Salah Disudahi Perih" (ဆက်သွားရင်လည်း မှား၊ ရပ်လိုက်ရင်လည်း နာ) ဆိုတဲ့ကားမှာ နာမည်ကြီး သရုပ်ဆောင်တွေဖြစ်တဲ့ Mikha Tambayong၊ Kevin Ardilova၊ Ibrahim Risyad နဲ့ Tissa Biani တို့က အဓိက ပါဝင်သရုပ်ဆောင်ထားပြီး အိမ်ထောင်ရေး အရှုပ်အထွေးလေးကို ပေါ့ပေါ့ပါးပါးနဲ့ ရယ်ရမလို ငိုရမလို ရိုက်ကူးထားတာပါ။ ဇာတ်လမ်းက Alfa နဲ့ Darian ဆိုတဲ့ လူငယ်ဇနီးမောင်နှံနှစ်ယောက်ကနေ စတင်ထားပါတယ်။ သူတို့နှစ်ယောက်က တစ်ယောက်ကိုတစ်ယောက် ချစ်တော့ ချစ်ကြပေမယ့်၊ အိမ်ထောင်သည်ဘဝမှာ အတ္တတွေ ကြီးလာပြီး ပြဿနာပေါင်းစုံ တက်ကြပါတယ်။ နောက်ဆုံးမှာတော့ Darian က စိတ်လိုက်မာန်ပါနဲ့ "Talak 3" (အစ္စလာမ်ဘာသာရေးအရ အပြတ်အသတ် ကွာရှင်းခြင်း) လို့ ပြောပြီး ကွာရှင်းလိုက်ကြပါတော့တယ်။ တကယ်တမ်း ကွာရှင်းပြီးသွားတဲ့အခါမှ နှစ်ယောက်လုံးက နောင်တရပြီး ပြန်ပေါင်းချင်လာကြပါတယ်။ နှစ်ဖက်မိသားစုတွေကလည်း သူတို့ကို ပြန်အဆင်ပြေစေချင်ကြပါတယ်။ ဒါပေမဲ့ ပြဿနာက "Talak 3" နဲ့ ပြတ်စဲထားတာဖြစ်လို့ ဘာသာရေးစည်းမျဉ်းအရ သူတို့နှစ်ယောက် ချက်ချင်း ပြန်လက်ထပ်လို့ မရတော့ပါဘူး။ စည်းမျဉ်းအရဆိုရင် ဇနီးဖြစ်သူ Alfa ဟာ တခြားယောကျ်ားတစ်ယောက်နဲ့ အရင်လက်ထပ်ပြီးမှ၊ အဲဒီယောကျ်ားနဲ့ ပြန်ကွာရှင်းမှသာ ခင်ပွန်းဟောင်း Darian နဲ့ ပြန်ပေါင်းလို့ရမယ့် ခေါင်းခဲစရာ အခြေအနေ ဆိုက်သွားပါတယ်။ ဒီလိုနဲ့ ပြန်ပေါင်းဖို့အရေး Zainun ဆိုတဲ့ အမျိုးသားတစ်ယောက်က Alfa ရဲ့ "ယာယီခင်ပွန်း" အဖြစ် ရောက်လာပါတယ်။ ယာယီဆိုပေမယ့် တကယ့်လက်တွေ့မှာတော့ ဇာတ်လမ်းက စိတ်ကူးထားသလို လွယ်မနေပါဘူး။ Darian တစ်ယောက် သူ့ရဲ့ ဇနီးဟောင်းကို တခြားတစ်ယောက်နဲ့ အတူရှိနေတာ မြင်ရတဲ့အခါ အရမ်းကို သဝန်တိုပြီး ဝင်ပါလွန်းတာကြောင့် ပြဿနာတွေက ပိုရှုပ်ကုန်ပါတယ်။ တစ်ချိန်တည်းမှာပဲ Darian ရဲ့ အနီးအနားကို Intan ဆိုတဲ့ ကောင်မလေးတစ်ယောက်ရောက်လာပြန်တော့ သူတို့ရဲ့ ပြန်လည်ပေါင်းထုတ်ရေး ခရီးစဉ်က ပိုပြီး ကမောက်ကမတွေ ဖြစ်လာပါတော့တယ်။ ဒီကားက ဒေါသအလျောက် စကားလွန်မိရင် နောက်ကနေ လိုက်ရှင်းရတဲ့ ပြဿနာတွေက ဘယ်လောက်တောင် ခေါင်းကိုက်စရာ ကောင်းလဲဆိုတာကို သရော်တဲ့ပုံစံလေးနဲ့ ရိုက်ပြထားတာပါ။ ရယ်စရာ အခန်းတွေ ပါသလို၊ ကိုယ့်ရဲ့ အတ္တကြောင့် ဆုံးရှုံးသွားတဲ့ အချစ်ကို ပြန်ရဖို့ ဘယ်လောက်ထိ ရုန်းကန်ရမလဲဆိုတဲ့ ရင်ထဲထိစရာ အခန်းတွေလည်း ပါဝင်ပါတယ်။ အချစ်ရေး၊ အိမ်ထောင်ရေးမှာ ဒေါသကို ရှေ့တန်းမတင်ဘဲ သေချာ စဉ်းစားဆုံးဖြတ်ဖို့ ပညာပေးထားတဲ့ ကားလေးဖြစ်လို့ ရယ်မောရင်း၊ ရင်ခုန်ရင်း ကြည့်ရမယ့် ဇာတ်ကားကောင်း တစ်ကားအဖြစ် ညွှန်းပေးလိုက်ပါတယ်နော်။ File Size - 1.8 GB/ 804 MB Quality - WEB-DL 1080p/ 720p Duration - 1h 55m Format - mp4 Genre - Comedy, Romance Subtitle - Myanmar Subtitle (Hard Sub)

Pangku aka On Your Lap (2025) ၂၀၂၅ ခုနှစ်မှာ ထွက်ရှိထားတဲ့ အင်ဒိုနီးရှား ရုပ်ရှင်ကားကြီး Pangku (သို့မဟုတ်) On Your Lap က နာမည်ကြီး မင်းသား Reza Rahadian ရဲ့ ပထမဆုံး ဒါရိုက်တာအဖြစ် ရိုက်ကူးတဲ့ လက်ရာဖြစ်ပြီး အင်ဒိုနီးရှားရဲ့ လူမှုဘဝ အခြေအနေမှန်တွေကို ရဲရဲဝံ့ဝံ့ ပုံဖော်ထားတဲ့ ဒရာမာကားကောင်းတစ်ကားပါ။ ဇာတ်လမ်းက ၁၉၉၈ ခုနှစ်၊ အင်ဒိုနီးရှားနိုင်ငံရဲ့ စီးပွားရေးအကြပ်အတည်းကာလကို နောက်ခံထားတာပါ။ ဇာတ်လိုက်ဖြစ်သူ Sartika (Claresta Taufan) က ကိုယ်ဝန်အရင့်အမာနဲ့ သူ့နေရပ်ကမ်းခြေရွာလေးကနေ အခွင့်အလမ်းသစ်တွေရှာဖို့ ထွက်ခွာလာတဲ့ အမျိုးသမီးငယ်တစ်ယောက်ပါ။ သူဟာ လမ်းဘေးကဖေးဆိုင်ပိုင်ရှင် Maya နဲ့ ဆုံတွေ့ပြီး အကူအညီရခဲ့ပါတယ်။ ဒါပေမဲ့ ကလေးမွေးပြီးတဲ့နောက်မှာတော့ ဆင်းရဲမွဲတေမှုရဲ့ ဒဏ်ကြောင့် သူဟာ "Kopi Pangku" လို့ခေါ်တဲ့ (အမျိုးသားတွေရဲ့ ပေါင်ပေါ်မှာ ထိုင်ပြီး ကော်ဖီဖျော်ပေးရတဲ့) အလုပ်ကို မဖြစ်မနေ လုပ်ကိုင်ခဲ့ရပါတယ်။ သူ့ရဲ့ တစ်ဦးတည်းသောသားလေး Bayu ကို ကျွေးမွေးစောင့်ရှောက်ဖို့အတွက် လူမှုပတ်ဝန်းကျင်ရဲ့ အနှိမ်ခံ၊ အရှက်တရားတွေကို ဘေးဖယ်ပြီး မိခင်တစ်ယောက်ရဲ့ အနစ်နာခံမှုကို ဒီကားမှာ စိတ်မကောင်းစရာ မြင်တွေ့ရမှာပါ။ ဆင်းရဲမွဲတေမှုကြောင့် ရွေးချယ်စရာ လမ်းစမရှိတော့တဲ့ အမျိုးသမီးတွေရဲ့ ဘဝကို ရိုးရိုးသားသားနဲ့ ထိထိမိမိ ရိုက်ပြထားပါတယ်။ ဝါရင့်မင်းသမီးကြီး Christine Hakim နဲ့ Fedi Nuril တို့လို နာမည်ကြီးတွေ ပါဝင်သရုပ်ဆောင်ထားတာမို့ သရုပ်ဆောင်ပိုင်းကတော့ လုံးဝ အပြစ်ပြောစရာ မရှိပါဘူး။ ဒီကားမှာပါတဲ့ တချို့အခန်းတွေက အရမ်းကို လက်တွေ့ဆန်လွန်းလို့ ရုံတင်တဲ့အချိန်မှာ ပရိသတ်တချို့တောင် ရုံထဲကနေ ထွက်သွားရတဲ့အထိ ပြင်းထန်တဲ့ ခံစားချက်တွေကို ပေးနိုင်ပါတယ်။ ဒီကားက ဆုတွေ တော်တော်များများ ရထားပါတယ်။ ၂၀၂၅ Citra Awards (အင်ဒိုနီးရှား ရုပ်ရှင်ထူးချွန်ဆု) မှာ "အကောင်းဆုံး ရုပ်ရှင်ကားဆု (Best Feature Film)" အပါအဝင် ဆုကြီး ၄ ဆုကို သိမ်းပိုက်ခဲ့ပါတယ်။ မင်းသမီးကြီး Christine Hakim က ဒီကားနဲ့ အကောင်းဆုံးဇာတ်ပို့မင်းသမီးဆုရရှိခဲ့ပြီး Reza Rahadian နဲ့ Felix K. Nesi တို့က ဇာတ်ညွှန်းဆုကို ရရှိခဲ့ပါတယ်။ ဒါ့အပြင် ၂၀၂၅ Busan International Film Festival မှာလည်း ပြသခွင့်ရခဲ့ပြီး ချီးကျူးမှုတွေ အများကြီး ရခဲ့တဲ့ကားပါ။ ဒီကားက "မိခင်တစ်ယောက်ရဲ့ မေတ္တာက ဘယ်လောက်အထိ အနစ်နာခံနိုင်သလဲ" ဆိုတာကို ပြထားတာမို့ ဒရာမာကားကောင်းတွေ ကြိုက်တတ်ရင်တော့ လုံးဝ လက်မလွှတ်သင့်တဲ့ ကားတစ်ကားပါပဲ။ File Size - 1.8 GB/ 860 MB Quality - NF WEB-DL 1080p/ 720p Duration - 1h 43m Format - mp4 Genre - Drama Subtitle - Myanmar Subtitle (Hard Sub)

Agape: The Unconditional Love (2025) ဇာတ်လမ်းအကျဉ်း ၂၀၂၅ ခုနှစ်မှာ ထွက်ရှိထားတဲ့ အင်ဒိုနီးရှားရုပ်ရှင် Agape: The Unconditional Love ကားက နာမည်အတိုင်းပဲ "Agape" ဆိုတဲ့ အနှိုင်းမဲ့မေတ္တာ၊ အနစ်နာခံတဲ့ ချစ်ခြင်းတရားတွေအကြောင်းကို ရိုက်ကူးထားတဲ့ မျက်ရည်ချူကား (Tearjerker) လေးပါ။ ဒီဇာတ်လမ်းက ဆေးရုံတစ်ခုထဲမှာ ဆုံတွေ့ကြတဲ့ လူလေးစုရဲ့ ဘဝအခြေအနေတွေကို "Multi-plot" ပုံစံနဲ့ ယှက်နွယ်ပြီး တင်ပြထားတာပါ။ Kira က သွေးကင်ဆာ (Leukemia) ခံစားနေရတဲ့ ကလေးမလေးပါ။ သူ့အမေ Sania ကတော့ သမီးရဲ့ ဆေးကုသစရိတ်အတွက် မနက်ပိုင်းမှာ ဆိုင်ကယ်တက္ကစီ မောင်း၊ ညပိုင်းမှာ ကာရာအိုကေမှာ အလုပ်လုပ်ရင်း အစွမ်းကုန် ကြိုးစားနေသူပါ။ Gigi က မွေးရာပါ နှလုံးရောဂါရှင်ပါ။ သူ့မောင်လေး Gino ကတော့ အဆိုတော်ဖြစ်ချင်တဲ့ သူ့ အိပ်မက်တွေကို စွန့်လွှတ်ပြီး အစ်မကို ပြုစုစောင့်ရှောက်ပေးနေတဲ့ Caregiver တစ်ယောက်ပေါ့။ ကဖေးဆိုင်ပိုင်ရှင် Daffa က ကျောက်ကပ်ရောဂါ ပြင်းထန်စွာ ခံစားနေရပြီး သူ့သူငယ်ချင်းအရင်းခေါက်ခပ် Bimo က ဘေးနားကနေ အားပေးကူညီပေးနေပါတယ်။ ဆီးချိုရောဂါကြောင့် စိတ်ဓာတ်ကျပြီး လူအများအပေါ် ရိုင်းစိုင်းခတ်ထန်နေတဲ့ Joshua ကို သူ့ဇနီး Martha က သည်းခံပြီး မေတ္တာမပျက် ပြုစုပေးပုံကို တွေ့ရမှာပါ။ ဒီလိုမတူညီတဲ့ ဘဝတွေက ဆေးရုံမှာ ဆုံကြရင်းနဲ့ ရောဂါဝေဒနာတွေကြားထဲမှာ "မျှော်လင့်ချက်" နဲ့ "ချစ်ခြင်းတရား" က ဘယ်လောက်အရေးကြီးလဲဆိုတာကို ဒီကားက ဖော်ပြသွားပါတယ်။ လူနာတွေထက်စာရင် သူတို့ကို ပြုစုစောင့်ရှောက်ရတဲ့ မိသားစုဝင်တွေရဲ့ ပင်ပန်းဆင်းရဲမှုနဲ့ အနစ်နာခံမှုကို ပိုပြီး မီးမောင်းထိုးပြထားတာက တော်တော်လေး ထိမိပါတယ်။ အင်ဒိုနီးရှားရဲ့ ဝါရင့်သရုပ်ဆောင်တွေဖြစ်တဲ့ Maudy Koesnaedi နဲ့ Meriam Bellina တို့ ပါဝင်ထားတာကြောင့် သရုပ်ဆောင်ပိုင်းကတော့ စိတ်ချရပါတယ်။ "Agape" ဆိုတာ ဂရိဘာသာစကားမှာ ဘာကိုမှ ပြန်မမျှော်လင့်ဘဲ ပေးဆပ်တဲ့ အမြင့်မြတ်ဆုံး ချစ်ခြင်းတရားကို ဆိုလိုတာဖြစ်လို့ ဇာတ်လမ်းနဲ့ လုံးဝကို လိုက်ဖက်ပါတယ်။ File Size - 1 GB/ 479 MB Quality - NF WEB-DL 1080p/ 720p Duration - 1h 47m Format - mp4 Genre - Drama, Romance Subtitle - Myanmar Subtitle (Hard Sub)

Sampai Titik Terakhirmu (2025) Till Your Last Point +++++++++++ ၂၀၂၅ မှာ ထွက်ရှိထားတဲ့ အင်ဒိုနီးရှား ရုပ်ရှင်သစ်လေး "Sampai Titik Terakhirmu" (မင်းရဲ့ နောက်ဆုံးအချိန်အထိ) က TikTok နဲ့ Social Media ပေါ်မှာ တကယ့်ကို နာမည်ကြီးခဲ့တဲ့ Shella Selpi Lizah နဲ့ သူ့ရဲ့ အမျိုးသား Albi Dwizky တို့ရဲ့ ဖြစ်ရပ်မှန်အချစ်ဇာတ်လမ်းကို ပြန်ရိုက်ထားတာပါ။ ရင်ဘတ်ထဲ တကယ်ထိရှစေမယ့် Drama ကားကောင်းလေးတစ်ကားပေါ့။ ဇာတ်လမ်းကတော့ အလုပ်ကြိုးစားပြီး အေးအေးဆေးဆေး နေတတ်တဲ့ လူငယ်လေး Albi နဲ့ တက်ကြွလန်းဆန်းတဲ့ အားကစားမယ်လေး Shella တို့ တွေ့ဆုံရာကနေ စတာပါ။ သူတို့နှစ်ယောက် ချစ်သူတွေဖြစ်သွားပြီး သာယာတဲ့ အနာဂတ်ကို အတူတူ ပုံဖော်နေကြတုန်းမှာပဲ Shella ဆီမှာ သားဥအိမ်ကင်ဆာ (Ovarian Cancer) ရှိနေတာကို သိလိုက်ရပါတယ်။ Shella ရဲ့ ကျန်းမာရေးက တဖြည်းဖြည်း ဆိုးရွားလာပေမယ့် Albi ကတော့ ဘယ်တော့မှ လက်မလျှော့ခဲ့ပါဘူး။ သူ့ရဲ့ ဝေဒနာတွေကို အတူတူ ခံစားပေးတယ်၊ ဆေးရုံတက်ရတဲ့ အချိန်တွေမှာလည်း အရိပ်တကြည့်ကြည့်နဲ့ ဘေးနားမှာ အမြဲရှိနေပေးခဲ့တယ်။ တကယ်ကို "သေခြင်းတရားကလွဲလို့ ဘာကမှ မခွဲနိုင်ဘူး" ဆိုတဲ့ စိတ်နဲ့ သူ့ရဲ့ နောက်ဆုံးအချိန်အထိ လက်ထပ်ပြီး စောင့်ရှောက်သွားတဲ့ သူတို့ရဲ့ ခိုင်မြဲတဲ့ အချစ်ကို မြင်ရမှာပါ။ Shella အဖြစ် Mawar de Jongh က ကင်ဆာဝေဒနာရှင်ရဲ့ ခံစားချက်ကို အရမ်းပီပြင်အောင် သရုပ်ဆောင်ထားပါတယ်။ Arbani Yasiz က Albi အဖြစ် ဇနီးအပေါ် သစ္စာရှိတဲ့ ခင်ပွန်းနေရာကနေ သရုပ်ဆောင်ထားတာပါ။ Social Media မှာ လူအများ မျက်ရည်ကျခဲ့ရတဲ့ ဖြစ်ရပ်မှန်ကို အခြေခံထားလို့ ရင်ထဲကို တိုက်ရိုက် ရောက်ပါတယ်။ အကောင်းဆုံးအချိန်မှာတင်မကဘဲ အဆိုးဆုံးအချိန်တွေမှာပါ တစ်ယောက်ကိုတစ်ယောက် ဘယ်လို ဖေးမရမလဲဆိုတာ သင်ခန်းစာပေးနိုင်ပါတယ်။ ဒီကားကတော့ ရှုးရှုးရှဲရှဲ ငိုရမယ့်ကားမျိုးမို့လို့ တစ်ရှူးတော့ ဆောင်ထားဖို့ လိုပါမယ်။ File Size… (1.66GB) / (0.97GB) Quality… WEB-DL 1080p HEVC /720p Format…mkv / mp4 Duration…1h 54m Genre ….Biography , Drama , Romance Subtitle….Myanmar Subtitle (Hard Sub)

Jangan Panggil Mama Kafir (2025) IMDb Rating (6.2) ခရစ်စမတ်အကြိုညတစ်ညမှာ ဘုရားကျောင်းတစ်ခုထဲ မာရီယာနဲ့ဖာဖတ်တို့တွေ့ဆုံခဲ့ခြင်းဟာ သူတို့နှစ်ယောက်ရဲ့ကံကြမ္မာကိုအကြီးအကျယ်ပြောင်းလဲစေခဲ့ပါတယ်။ မာရီယာဟာ ဖာဖတ်နဲ့သူ့ရဲ့ဆက်ဆံရေးကနေ ဘာသာကွဲအချစ်ဇာတ်လမ်းတစ်ခုဖြစ်လာလိမ့်မယ်လို့ တစ်ခါမှ မမျှော်လင့်ခဲ့ဖူးပါဘူး။ ဒါပေမယ့်သူတို့နှစ်ဦးဟာ အသည်းအသန်ချစ်မိသွားပြီးအားလုံးကိုဆန့်ကျင်လက်ထပ်ဖို့ဆုံးဖြတ်ခဲ့ကြပါတယ်။ သူတို့သမီးလေးမွေးပြီးလို့ တစ်နှစ်မပြည့်တတ်သေးခင် ဖာဖတ်ဟာမတော်တဆမှုတစ်ခုနဲ့ဆုံးပါးသွားပြီးနောက် မာရီယာဟာ ကွယ်လွန်သူခင်ပွန်းကိုပေးထားတဲ့ကတိအတိုင်း သမီးလေးလိုင်လာကို အစ္စလာမ်ဘာသာဝင်တစ်ဦးအဖြစ် ဘာသာရေးသွန်သင်ချက်တွေနဲ့အညီစိတ်ရှည်လက်ရှည်ပျိုးထောင်ပေးခဲ့တယ်။ ဒါပေမယ့်လည်း ယောက္ခမဖြစ်သူ ဟာဘီဘာရဲ့အမြင်မှာတော့ မာရီယာရဲ့ပျိုးထောင်မှုတွေဟာဘာသာရေးအရလိုအပ်ချက်တွေရှိနေသေးတယ်လို့ အမြင်နဲ့အားမလိုအားမရဖြစ်ပြီး ကလေးကိုအုပ်ထိန်းခွင့်ရဖို့တရားရုံးမှာ ဦးတိုက်လျှောက်ထားပါတော့တယ်။ ခင်ပွန်းသည်ကိုဆုံးရှုံးရပြီးတဲ့နောက် မာရီယာဟာ သူ့သမီးလေးကိုပါဆက်ပြီးဆုံးရှုံးရဦးမလား? ခံယူချက်ချင်း၊ မေတ္တာချင်း ယုံကြည်ချက်ချင်း အပြိုင်အဆိုင်အနိုင်ကြဲကြရမယ့် တိုက်ပွဲကို ဆက်လက်ရှုစားကြပါ။ File size… (950 MB) / (630 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:50:38 Subtitle…. Myanmar Subtitle (Hardsub)

Perayaan Mati Rasa (2025) IMDb Rating (7.1) ဘဝရဲ့အချိူးအကွေ့တခုမှာ မိသားစုတခုရဲ့ အကြီးဆုံးသားဖြစ်သူက မိသားစုကိစ္စတွေကို ဖြေရှင်းသွားတာကို ပြထားတဲ့ကားလေးပါ။ သူရဲ့ခံစားချက်တွေကို ပင်လယ်အနက် level တွေနဲ့ နှိုင်းပြထားပြီး သူ့အဖေအမှတ်မထင်ဆုံးပါးသွားတဲ့အခါ အကြီးတယောက်အနေနဲ့ အီရန်ဟာရော့ခ်စတားဖြစ်ချင်တာကတဖက် အငယ်ကိုရော အမေကိုရော ဂရုစိုက်ရတာက တဖက်ဖြစ်သွားပါတယ်။ အင်ဒိုနီးရှားမိသားစုကားလေးလည်းဖြစ်ပြီး emotional လည်းအရမ်းဖြစ်ရတဲ့ကားပါ။ Honestly, This is such a beautiful movieပါ။ Plotရော actingပိုင်းရော ပြောစရာမလိုတဲ့ကားပါ။ (အညွှန်းနဲ့ဘာသာပြန်ကတော့ Phyu Thwe Zaw ဖြစ်ပါတယ်။) File size…(2 GB) / (980 MB) Quality….WEB-DL 1080p HEVC / 720p Format…. mkv/mp4 Genre….Drama,Family,Music Duration….02:05:19 Subtitle….Myanmar Subtitle (Hardsub) Encoder….Double K Translated by Phyu Thwe Zaw

Guna Guna Istri Muda (2024) အိန်ဂျယ်ဟာ ငယ်စဉ်ကတည်းက မိဘမဲ့ဖြစ်ခဲ့ရပြီး သူ့အမေဖြစ်သူ ဆုံးပါးကာနီးမှာသွားတဲ့ ''လိုချင်တာတစ်ခုကို ဖြစ်တဲ့နည်းနဲ့ရအောင်ယူရမယ်'' ဆိုတဲ့ဆောင်ပုဒ်ကိုဆွဲကိုင်ကြိးပြင်းလာသူဖြစ်ပါတယ်။ အရွယ်ရောက်လာချိန်မှာတော့ ချစ်သူ ရွိုင်းကို ပစ်ပြီး အိမ်ထောင်သည်ရှူးဂါးဒက်ဒီကြီးဖြစ်တဲ့ ဘာဟန်ကိုအရရယူပြီး မယားပြိုင်အဖြစ်ခံယူခဲ့သလို ဘာဟန်ရဲ့တူဖြစ်တဲ့ လီယိုကိုလည်း သွေးသားဆန္ဒအတွက် တပ်မက်ပြီး အရယူဖို့ကြံပါတော့တယ်။ သူစွန့်ပစ်ခဲ့တဲ့ ချစ်သူဟောင်း ရွိုင်းရဲ့မိခင်က အစွမ်းထက်အောက်လမ်းဆရာမတစ်ဦးဖြစ်ပြီး သူ့သားအတွက် ကလဲ့စားချေဖို့ကြိုးစားချိန်မှာ အိန်ဂျယ်က အဘွားကြီးရဲ့ပျော့ကွက်ဖြစ်တဲ့ ရွိုင်းကိုချုပ်ကိုင်ပြီး လီယိုကို အရယူဖို့ကြိုးစားသလို ဘာဟန့်မယားကြိးဖြစ်တဲ့ ဗီဗီယန်ကိုပါ အောက်လမ်းအတတ်တွေနဲ့ဒုက္ခပေးဖို့ကြံစည်ပါတော့တယ်။ လတ်တလောခေတ်စားနေတဲ့ အလောင်ဇာတ်လမ်းတွေလို ဇာတ်အိမ်မျိုးကိုမှ အောက်လမ်းအတတ်တွေ မှော်ပညာပြိုင်ခန်းတွေနဲ့ထူးထူးခြားခြားရှူစားရမယ့် ဇာတ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (1 GB) / (680 MB) Quality….WEB-DL 1080p HEVC / 720p Format…. mkv/mp4 Genre….Drama, Horror, Thriller Duration….01:37:53 Subtitle….Myanmar Subtitle (Hardsub) Encoder….Benjamin Translated by Alias

Kang Mak (2024) Pee Mak ကို remake ပြန်ရိုက်ထားတဲ့ Pee Mak အင်ဒိုနီးရှားဗာရှင်း Kang Mak ကတော့ ထွက်ရှိလို့လာခဲ့ပါပြီ... အင်ဒိုဗားရှင်းမှာရော ဘယ်လိုအခွီတွေနဲ့ ဘယ်လိုတွေ တင်ဆက်သွားဦးမှာလဲဆိုတာကို ရှုစားကြပါဦး... ဇာတ်လမ်းအကျဉ်း ကိုယ်ဝန်ကြီးနဲ့ မိန်းမကို ထားခဲ့ပြီးတော့ တိုင်းပြည်အတွက် စစ်တိုက်ဖို့ ထွက်လာခဲ့ရတဲ့ မက်မူရ်... ကိုယ်ဝန်ကြီးနဲ့ အိမ်မှာ တစ်ယောက်တည်းကျန်ခဲ့တဲ့ ဆာရီ...သူတို့နှစ်ယောက်ဟာ အရမ်းကိုချစ်ကြပြီး... ဒီလို ခွဲခွာနေရပေမယ့် စစ်ထွက်တိုက်နေရတဲ့ ယောက်ျားလုပ်သူကလည်းမိန်းမဆီကို အမြန်ပြန်လာချင်... အိမ်ကမိန်းမကလည်း နေ့တိုင်း ယောက်ျားပြန်လာမှာကို အမြဲ မျှော်နေတဲ့သူပေါ့။ ဒီလိုနဲ့နေလာရင်း... မိန်းမဖြစ်သူဟာ ကိုယ်ဝန်အရင့်အမာကြီးနဲ့ ဆုံးသွားခဲ့ရပါတော့တယ်။ ယောက်ျားဖြစ်သူကို ချစ်လွန်းအားကြီးပြီး... မကျွတ်မလွတ်ဘဝနဲ့ ယောက်ျားပြန်အလာကို စောင့်နေပြီးတော့ သူတို့ရွာမှာတော့ စေတန်ဆာရီဆိုရင်ကို... နာမည်ကြားတာနဲ့ ကြောက်နေကြပြီး ညနေဆို နေမဝင်ခင်မှာတင်ပဲ အကုန် တံခါးပိတ်ပြီး အပြင်မထွက်ရဲလောက်အောင်ထိ... ဖြစ်နေပါတယ်။ ဒီလိုနဲ့ ရက်တွေကြာလာတော့ စစ်ပွဲကြီးလည်း ပြီးဆုံးကာ ယောက်ျားဖြစ်သူ မက်မူရ်တစ်ယောက်... မိန်းမဆီကို သူ့ရဲ့ ရဲဘော်ရဲဘက်တွေနဲ့အတူတူ ပြန်လာခဲ့ပါတော့တယ်... ဘဝခြားနေကြပြီဖြစ်တဲ့ သူတို့နှစ်ယောက် ... ဘာတွေဆက်ဖြစ်ကြမလဲဆိုတာကိုတော့ ဆက်လက်ကြည့်ရှုပေးပါဦး။ ဇာတ်လမ်းအညွှန်းကို Char Ou မှ ရေးသားပေးထားပါတယ် File Size : 1.64GB / 628MB Quality : WEB-DL 1080p 5.1ch / 720p Duration : 2 hr 2min Genre : Comedy, Horror, Romance Subtitle : Myanmar Subtitle (Hard Sub) Translated by Char Ou & Mary Encoded by Heather Oo

သိပ်မကြာသေးခင်ကတင် အသစ်ထွက်ထားတဲ့ အင်ဒိုမိသားစုဟာသကားလေးနဲ့မိတ်ဆက်ပေးပါစေ. ဒီကားလေးတော့ နာမည်ကြီး webtoon တစ်ခုဖြစ်တဲ့ Pasutri Gaje ကိုဇာတ်ကားအနေနဲ့အသက်သွင်း ထားတာလည်းဖြစ်ပါတယ် ဇာတ်လမ်းပုံစံလေးကတော့ အဒီးမတ်စ်နဲ့ အဒီလီယာဆိုတဲ့ ကြင်စဦးဇနီမောင်နှံနှစ်ယောက် တစ်ဦးထံတစ်ဦးကိုချစ်ပြီး ချစ်ဇာတ်ကြောင်းတွေကို ရယ်ရမြူးရစေတဲ့ ဇာတ်လမ်းလေးပါ ဒါပေမယ့် လင်မယားနှစ်ဦးကိုပတ်ဝန်းကျင်က ကလေးယူဖို့ အတွက် ဖိအားတွေပေးလာတဲ့အချိန်မှာဖြစ်ပေါ်လာတဲ့ အခါမှာတော့……………. မိသားစု ဟာသကားလေးတင်မဟုတ်ပဲ အင်ဒိုတွေရဲ့ ယဉ်ကျေးမှုပတ်ဝန်းကျင်ကိုလည်းတွေ့မြင်ရမှာဖြစ်ပြီး မြန်မာပရိတ်သတ်တွေအကြိုက်ဆုံးပွဲတော်တစ်ခုကိုလည်း ဇာတ်ကားထဲမှာတွေ့မြင်ရမှာပါ ဒီခေတ်ကြီးထဲ အမောပြေစေတဲ့ အချစ်ရေးနဲ့ပတ်သတ်ရင် healing ဖြစ်စေမဲ့ ဇာတ်ကားလေးတစ်ကားကြည့်ချင်ရင်တော့ ဒီကားလေးကိုမလွတ်တမ်းကြည့်ဖို့ ညွန်းလိုက်ရပါတယ်.. File size…1.74GB / 898MB Quality…NF WEB-DL 1080p 5.1CH / 720p Format…mp4 Duration….1h 49m Genre ….. Comedy , Drama , Romance Subtitle….Myanmar Subtitle (Hard Sub) Encoder….Min Wai Translated by Aung Khant Paing

Melodate (2024) ကျွန်တော်တို့ ငယ်ငယ်တုန်းကတော့ အဆောင်နေဘော်ဒါ တက်တဲ့သူနဲ့ မြို့ထဲကနေ ကျုရှင်တတ်တဲ့သူဆိုပြီး ဆယ်တန်းဘဝမှာ ကျောင်းသားနှစ်မျိုးရှိခဲ့တာပေါ့။ အဆောင်နေတဲ့သူတွေကတော့ မိဘကထိန်းရတာ လက်လန်လို့ ဆရာတို့ပဲထိန်းတော့ဆိုပြီး ဘော်ဒါအပ်ခံရတဲ့သူနဲ့ နယ်ဝေးကနေလာပြီး ကျောင်းတက်ရလို့ အဆောင်နေတဲ့သူ နှစ်မျိူးကွဲတာပေါ့။ ကိုယ်တွေကတော့ ပထမတန်းစားထဲကပေါ့ အိမ်မှာလဲ မိဘကမနိုင် အဆောင်ရောက်တော့လဲ အဆောင်မှူးကို မွေလိုက် ဂိုက်ဆရာမတွေကို စလိုက်နဲ့ ဗရုတ်သုတ်ခကောင်တွေပေါ့။ ဒီလိုအဆောင်နေအဆောင်စား ကျောင်းသားဘဝလေးကလဲ တစ်မျိုးတော့ လွမ်းချင်စရာပါပဲ။ ခုဇာတ်ကားလေးကလဲ အင်ဒိုကနေ ရိုက်ထားတဲ့ Family Drama ဇာတ်ကားလေးဖြစ်ပြီးတော့ ဒီလိုအဆောင်နေကျောင်းသားဘဝအကြောင်းလေးကို ပျော်ရွှင်စရာ လွမ်းမောစရာကောင်းအောင် ရိုက်ကူးထားတဲ့ ဇာတ်မြူးကားလေးပဲဖြစ်ပါတယ်။ ဇာတ်လမ်းအကျဉ်းလေးကတော့ မင်းသမီးက အော်ကြောလန် အဖေဖြစ်သူက လန်ဒန်ထိပို့ထားတာတောင် အိမ်ပြန်လာပြီး သောင်းကျန်းတဲ့ကျောင်းသူ နောက်ဆုံးတော့ အဖေဖြစ်သူလဲ မနိုင်တော့တာနဲ့ ဂျာကာတာမြို့က စည်းကမ်းအကြပ်ဆုံး အဆောင်မှာနေဖို့ သမီးဖြစ်သူကိုလွှတ်လိုက်ပါတယ်။ ဒါပေမဲ့ နဂိုကတည်းက ခြေထောက်မှာဗွေပါတဲ့သူက ထိပ်တုံးခေတ်ထားရင်တောင် ထိပ်တုံးမပြီး လျှောက်လည်တဲ့သူဆိုတော့ သမီးဖြစ်သူက အဆောင်မှာပါ ဇာတိပြပါလေရော။ အဆောင်က စည်းကမ်းတွေလိုက်ဖောက်နေရာကနေ အဆောင်မှူးဆရာမကြီးရဲ့ သားဖြစ်သူနဲ့တွေ့ဆုံမိတဲ့အခါမှာတော့ ဆရာမကြီးကိုပဲ သူ့ဘက်ပါအောင် စည်းရုံးနိုင်မလား သူပဲ စည်းကမ်းတွေကို လက်လျော့ပြီး လိုက်နာနိုင်မလာဆိုတာ ဇာတ်လမ်းမြုးမြုးလေးနဲ့ ကြည့်ရှုအားပေးလိုက်ကြပါဦး .... အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre..... Comedy, Drama, Romance Quality…. 1080p | 720p File size… 1.2GB | 615MB Format… mp4 Duration…. 1h 39min Subtitle…. Myanmar Subtitle (Hardsub) Translator ..... K.Hein Encoder ..... Aaron

Why Do You Love Me (2023) "ဘာလို့ချစ်တာလဲ" IMDb - 5.8/10 လူ့အခွင့်အရေးဆိုတာ လူတိုင်းရဖို့ထိုက်တန်တယ်ဆိုရင် မသန်စွမ်းတဲ့သူတွေမှာလည်း အိမ်ထောင်ရေးသုခဆိုတဲ့အရာကိုရဖို့ ထိုက်တန်တယ်မဟုတ်ဘူးလားတဲ့။ ဒီအတွေးကို ပထမဆုံးချပြရင်း အကောင်အထည်‌ဖော်ခဲ့တဲ့သူကတော့ Asta Anthony Philpotဆိုတဲ့ အမေရိကန်နိုင်ငံသားproducerပေါ့။ ကိုယ်တိုင် physical disabilityရှိသူတစ်ယောက်အနေနဲ့ မသန်စွမ်းတွေအတွက်လည်း အခကြေးငွေပေးပြီး ပျော်ပါးတဲ့ဝန်ဆောင်မှုမျိုးရသင့်တယ်လို့ ချပြခဲ့သူပေါ့။ Asta Philpotကို အကြောင်းပြုလို့ Come as you areတို့ Hasta La Vista တို့လို ရုပ်ရှင်တွေရိုက်ဖြစ်သွားပြီး အခုတစ်ခါတင်ဆက်ပေးမှာကတော့ Hasta La Vista ရဲ့ အင်ဒိုremakeလေးပါ။ နိစ္စဓူဝ ကိစ္စအဝဝကို မိဘကိုအားကိုးရင်းနေရတဲ့ မသန်စွမ်း ၃ ယောက်ဖြစ်တဲ့ ဒန်တွန် ဘာစ်ကာရာနဲ့ မီကိုတို့အတွက်တော့ ချစ်သူဆိုတဲ့အရာက မူးလို့တောင်ရှူစရာမရှိပါဘူး။ ဒီပုံစံအတိုင်း အမေအဖေတွေနဲ့ ဆက်နေနေရင်တော့ နှစ်တစ်ထောင်အက်ဖ်အေဘဝက ကျွတ်ဖို့လွတ်ဖို့ကလည်းမရှိတဲ့ လူပျိုစစ်စစ် ရေမရောဘဝနဲ့ ငှက်ပျောတုံးဖက်သေရမယ့်ကိန်းစိုက်နေလေတော့ လူကအားမသန်ပေမဲ့ ဦးနှောက်ကတော့ အတော်လေးစွမ်းတဲ့ ဆရာသမားဘာစ်ကာရာက သူ့လိုပဲ လူပျိုသိုးနံ့ထွက်နေတဲ့ သူငယ်ချင်းနှစ်‌ယောက်ကို မဟာအကြံထူးပေးပါတော့တယ်။ ဒီအကြံကတော့ ဆူရာဘာယာမှာရှိတဲ့ ဒိုလီအာလီဆိုတဲ့ မသန်စွမ်းတွေအတွက်ပါ အထူးဝန်ဆောင်မှုပေးတဲ့ အပျော်ဂေဟာကို ဂျာဗားကနေဖြတ်ပြီး ကုန်းလမ်းခရီးနဲ့သွားဖို့ပါပဲ။ မိဘတွေကတော့ တစ်ယောက်ကဦးနှောက်အကျိတ်ကြောင့် မသွားလာနိုင်တဲ့သူ၊ တစ်ယောက်ကလည်း အကြောသေပြီး မလှုပ်ရှားနိုင်တဲ့သူ၊ တစ်ယောက်က မျက်မမြင်ဆိုတော့ စိတ်မချဖြစ်ပြီး မလွှတ်ချင်‌ပေမဲ့ တစ်ကောင့်သား ၃ ယောက်ကလည်း မိဘတွေကို အပျော်ဂေဟာပို့ပေးလို့လည်း ထုတ်ပြောမရ၊ ပါကင်ပိတ်ဘဝကကျွတ်လွတ်ရေး တို့အရေးကလည်းရှိနေတော့ လှည့်ပတ်ပြောရင်း သူတို့ကိုစောင့်ရှောက်ပေးမယ့်သူလည်းဖြစ် ယာဉ်မောင်းလည်းလုပ်မယ့်လူတစ်ယောက်နဲ့ ခရီးစထွက်ဖို့ ဖြစ်လာပါတော့တယ်။ ခရီးစဉ်တစ်လျှောက် တစ်ယောက်နဲ့တစ်ယောက်အားကိုးရင်း အခက်အခဲတွေကိုဖြတ်ကျော်လို့ သုခတွေခံစားချင်တဲ့ သူတို့ရဲ့မဟာဆန္ဒကြီး ပြည့်မြောက်နိုင်ပါ့မလားဆိုတာ အားလုံးအတူ ရှုစားကြပါဦး။ (အညွှန်းနဲ့ဘာသာပြန်ကတော့ Yunni ~ V ~ ToMo ~ Zwe ~ Alex တို့ပဲဖြစ်ပါတယ်) File size…1.1GB / 525MB Quality…WEB DL 1080p / 720p Format…mp4 Duration….1h 24m Subtitle….Myanmar Subtitle (Hard Sub) Encoder….YK Translated by Yunni ~ V ~ ToMo ~ Zwe ~ Alex

IMDb~ 6.5/10 အင်ဒိုနီးရှားနိုင်ငံရဲ့ ရိုမန့်တစ်အဆန်ဆုံး အချစ်ဇာတ်လမ်းလို့ ပြောလိုက်ရင် စာရေးဆရာ Pidi Baiq ရဲ့ Dilan စီးရီးက မပါမဖြစ်ပါ Dilan 1990(2018)၊ Dilan 1991(2019) နဲ့ Milae(2020) ဆိုပြီး ဇာတ်ကား သုံးကား ထွက်ရှိထားပါတယ် အခု တင်ဆက်ပေးမှာကတော့ 2019 မှာ ထွက်ခဲ့တဲ့ Dilan 1991 ပဲ ဖြစ်ပါတယ် (ကျန်တဲ့ နှစ်ကားကိုလည်း CM မှာ ဝင်ရောက်ကြည့်ရှူနိုင်ပါတယ်) ဒါကတော့ Dilan 1990 (2018) ပါ https://channelmyanmar.to/dilan-1990-2018/ ဒါကတော့ Milae (2020) ပါ https://channelmyanmar.to/milea-2020/ Dilan 1990(2018) မှာတုန်းက ဒီလန် နဲ့ မီလယ်ရာတို့ ချစ်သူတွေ ဖြစ်သွားခဲ့ကြပါတယ် ချစ်သူတွေဖြစ်ပြီးတဲ့နောက် ပေပေတေတေနေတတ်တဲ့ ဆိုင်ကယ်ဂန်းစတားလေး ဒီလန် နဲ့ ဆိုင်ကယ်အဖွဲ့နဲ့ မပတ်သက်စေချင်တဲ့ မီလယ်ရာတို့အကြား ပဋိပက္ခတွေ၊ အထင်အမြင်လွဲမှားမှုတွေ ပေါ်ပေါက်လာပါတော့တယ် အဲဒီပဋိပက္ခတွေ ကြားထဲမှာ ဒီလန် နဲ့ မီလယ်ရာတို့ ချစ်ခြင်းမေတ္တာကို ဆက်လက် ပုံဖော်နိုင်ပါ့မလားဆိုတာကတော့.... အချစ်ဇာတ်လမ်းကောင်းကောင်းလေးတွေကို ကြိုက်နှစ်သက်တတ်တဲ့သူဆိုရင်တော့ ဒီဇာတ်လမ်းလေးကို လက်လွတ်မခံသင့်ပါဘူး အညွှန်း နဲ့ ဘာသာပြန်ကတော့ Roman NoX ပဲ ဖြစ်ပါတယ်။ Genre..... Drama, Romance Quality…. 1080p | 720p File size…1.5GB | 841MB Format… mp4 Duration…. 2h 1min Subtitle…. Myanmar Subtitle (Hardsub) Translator ..... Roman NoX Encoder ..... August

၂၀၁၈ ထွက် အင်ဒို သရဲကားလေးပါ။ မကြည့်ခင် ကြောက်ဖို့ကောင်းတယ်လို့တော့ ပြောထားပါရစေ။ Plot Twist ကတော့ သရဲကားကြည့်နေကျသူတွေ အလွယ်တကူခန့်မှန်းနိုင်တဲ့ ပုံစံမျိုးပါပဲ။ ဒါပေမဲ့ နောက်တစ်ခါပြန်ပြောပါမယ် ကြောက်ဖို့ကောင်းတယ်ဗျ။ ဇာတ်လမ်းအကျဉ်းကတော့ မယ်လ်ဘုန်းမြို့မှာ ပညာတော်သင်သွားရာက အင်ဒိုနီးရှားကိုပြန်လာခဲ့တဲ့ ကန်နာယာတစ်ယောက် ရောက်ရောက်ချင်း စောက်နဲ့ထွင်းသလို သူ့အဖေရဲ့ နောက်အိမ်ထောင်ပြုတဲ့အကြောင်းကိုသိလိုက်ရပါတယ်။ မင်္ဂလာဆောင်ည ညစာစားပွဲမှာ သူ့ကို သုံးနှစ်ကြာအောင် စောင့်နေခဲ့တဲ့ တယ်ဒီနဲ့ ပြန်ဆုံတွေ့ခဲ့ပြီး တယ်ဒီကို သူ့ရဲ့မိထွေးက မူးမူးနဲ့ နမ်းဖို့ ကြိုးစားတဲ့အချိန်မှာ စိတ်ဆိုးပြီး ကားမောင်းထွက်လာခဲ့ပါတယ်။ လမ်းမှာ တစ်ခုခုကိုကားနဲ့တိုက်မိပြီး သစ်ပင်ကိုဝင်တိုက်ခဲ့ပါတယ်။ ဆေးရုံရောက်နေတဲ့အချိန်မှာ ထူးထူးဆန်းဆန်းတွေကို စပြီးမြင်လာရပြီး နောက်ထပ် လန့်စရာတွေ ဘာထပ်ဖြစ်မလဲဆိုတာတော့ ကြည့်လိုက်ကြပါတော့။ (ဇာတ်လမ်းအညွှန်းနဲ့ဘာသာပြန်သူကတော့  d3mon ပါ) File Size : (800 MB) and (400 MB) Quality : NF WEB-DL 720p Running Time : 1hr 42min Format : Mp4 Genre : Horror Subtitle : Myanmar Subtitle (Hard Sub) Source : 1080p.NF.DD+2.0.WEB-DL.x264-Beerus Translated by d3mon Encoded by Thanhtike Zaw