Tim Griffin ပါဝင်သော ဇာတ်ကားများ

ဇာတ်လမ်းကို ချုပ်ပြောရရင် အမေပျောက်ရှာပုံတော်ပေါ့ဗျာ။ အဲ့ထက်နည်းနည်းလေးချဲ့ရရင်တော့ ကျွန်တော်တို့ ခေတ်ရဲ့ မြန်နှုန်းမြင့် အင်တာနက်‌တွေ၊ ဆိုရှယ်မီဒီယာတွေဟာ အသုံးပြုသူတွေအပေါ် ကောင်းကျိုးနဲ့ဆိုးကျိုး ဘယ်လိုအကျိုးသက်ရောက်မှု ရှိနေသလဲဆိုတာကို ချပြထားရင်း ဂျန်ဇီး ဇာတ်လိုက်ဟာ သူသိထားတဲ့ ဆိုရှယ်မီဒီယာတွေကိုသုံးပြီး သူ့မိခင်ကိုဘယ်လိုရှာဖွေမလဲ ကြည့်ရှုရမှာပဲဖြစ်ပါတယ်။ ဒါပေမယ့် အဲလောက်ထိတော့ မရိုးရှင်းနေပါဘူး။ သူသိသမျှမွှေနှောက်ရင်း သူ့အမေရဲ့ အတိတ်၊ သူ့ရဲ့အတိတ်၊ သူ့နားကလူတွေရဲ့အတိတ်မှာ ဘာတွေဖြစ်ခဲ့သလဲဆိုတာကို သိလာတဲ့အချိန် ဘာတွေဆက်ဖြစ်မလဲ။ ဇာတ်လမ်းကလည်း လှည့်ကွက်တွေ ပါသင့်သလောက်ပါတာကြောင့် အဆုံးအထိ မပျင်းပဲ ဆွဲခေါ်သွားနိုင်ပါတယ်။ သူတို့ချပြချင်တဲ့ အကြောင်းအရာတွေကို ၂ နာရီ မပြည့်ဘဲ အကုန်ချပြသွားနိုင်တယ်လို့ ကျွန်တော်ကတော့ ယူဆပါတယ်။ File size…(2 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:50:00 Genre...Drama , Mystery , Thriller Subtitle….Myanmar Subtitle (Hardsub) Encoder….Mr. Anderson Translated by Min Thant Bo

ခရီးသွားအစီအစဉ်တစ်ခုရဲ့ တင်ဆက်သူ Ray Marsh နဲ့ ထုတ်လုပ်သူ၊ ဒါရိုက်တာ Alan Meursault တို့ဟာ အာတိတ်ဒေသမှာ ခရီးသွားဗီဒီယိုတစ်ပုဒ် ရိုက်ကူးဖို့ Los Angeles ကနေ ထွက်လာကြပါတယ်။ သူတို့သွားမယ့်နေရာက နော်ဝေနိုင်ငံ Svalbard ကျွန်းစုထဲက Longyearbyen ပတ်ဝန်းကျင်ပါ။ Longyearbyen ကနေ အာတိတ်ရေပြင်ထဲ လေ့လာရေးခရီးထွက်မယ့် Langøysund အပျော်စီးလှေနဲ့ လိုက်ပါဖို့ စီစဉ်ထားပေမယ့် သူတို့နဲ့ အမြဲတွဲလုပ်နေကျ ကင်မရာသမားက ဗီဇာမရခဲ့ဘူး။ ဒါကြောင့် နှစ်ရက်အတွင်း ကင်မရာသမားတစ်ယောက်ကို အမြန်ငှားလိုက်ရပါတယ်။ ဒီလိုနဲ့ နိုင်ငံပေါင်းစုံက လူနှစ်ဆယ် ပါလာတဲ့ လှေလေးနဲ့အတူ ခရီးစကြတယ်။ အာတိတ်ရှုခင်းတွေကြားက ဒီခရီးမှာ သူတို့ ဘာတွေကြုံလာရမလဲဆိုတာကို အခြေခံထားတဲ့ Drama၊ Horror နဲ့ Mystery ဇာတ်လမ်းပါ။

မိသားစု တစ်စု ပင်လယ်ကမ်းခြေကို အပန်းဖြေ ခရီးထွက်ခဲ့ကြပါတယ်။ အဲနောက်မှာတော့ ကမ်းခြေကို ရောက်တဲ့အခါမှာတော့ သူတို.တည်းတဲ့ ဟိုတယ်ကနေ သင်္ဘောတွေငှားတာ တစ်စီးမှမရခဲ့ပါဖူး နောက်ဆုံးတော့ လှေတစ်စီးတော့ရခဲ့ပါတယ်။ အဆိုပါ လှေနဲ. ပင်လယ်ထဲ ခရီးထွက် ပျော်ပါးပြီးတဲ့နောက် မမျှော်လင့်စရာ ဖြစ်ရပ်တစ်ခုနဲ.ကြုံခဲ့ပြီး လှေဟာပင်လယ်ထဲမှာပျက်စီးသွားခဲ့ပါတယ်။ သူတို.မိသားစုဟာ လူသူအရောက်အပေါက်နည်းတဲ့ ကျွန်းကြီးတစ်ခုပေါ်ရောက်သွားပါတယ်။ သူတို.မိသားစုတစ်စု လူသူမရှိတဲ့ ကျွန်းကြီး တစ်ခုပေါ်မှာ ဘယ်လိုအသက်ရှင်နေထိုင် စားသောက်ကြမလဲဆိုတာ ကို ပုံဖော်ရိုက်ကူးထားတဲ့ဇာတ်ကားကောင်းတစ်ကားဖြစ်ပါတယ်။ ဘာသာပြန်သူကတော့ linnthura1988 ပဲဖြစ်ပါတယ်။ File Size : 800 MB Quality : WEB DL 720P Running Time : 1hr 48minutes Format : Mp4 Genre : Action, Adventure, Crime Translator : linnthura1988 Encoder :Thanhtike Zaw

[Unrated Version BluRay ကိုပြန်လည်တင်ဆက်ထားခြင်းဖြစ်ပါတယ်။] Datshin Review : Central Intelligence (2016) Action , Comedy , Crime . Storyline . တစ်ချိန်တုန်းက ကျောင်းမှာ Bully လုပ်ခံခဲ့ရတဲ့ Bob တစ်ယောက် ထိုအချိန်ထဲကပျောက်သွားပြီး နောက်နှစ်ပေါင်းများစွာကြာမှ ကျောင်းသားဟောင်းတွေတွေ့စုံပွဲကို CIA Agent အဖြစ်ပြန်လည်ရောက်ရှိလာပြီး ကျောင်းတုန်းကခင်ခဲ့တဲ့သူငယ်ချင်းဖြစ်သူ Calvin ကိုသူ့ရဲ့ Top Secret Case ထဲကိုအတင်းဆွဲသွင်းပြီး ထိုပြဿနာတွေကိုဖြေရှင်းကြတဲ့အကြောင်းဟာသနှောပြီးရိုက်ကူးတင်ဆက်ထားတာပါ။ . Review . Central Intelligence….. ဒီဇာတ်ကားကို Trailer တွေစပြကတည်းကကြည့်ချင်ခဲ့တာ။ အကြောင်းအမျိုးမျိုးကြောင့် ရုံမှာသွားမကြည့်ခဲ့ရပေမဲ့ အခုအခွေတွေထွက်လာတော့ကြည့်တဲ့အခါမှာ တော်တော်ရီရတဲ့ဇာတ်ကားတစ်ကားဆိုတာတွေ့ပါတယ်။ ဒီဇာတ်ကားက Comedy ကြီးသက်သက်ကို ဒီတိုင်းပြရင်တောင် ဒီလောက်ရီရမှာမဟုတ်ပဲ အခုလို CIA Agent တစ်ယောက်ကသူငယ်ငယ်တုန်းကခင်ခဲ့တဲ့ ငယ်သူငယ်ချင်းကို သူ့Case ထဲအတင်းဆွဲသွင်းပြီး ရုပ်တည်ကြီးနဲ့ ပေါက်ကရတွေပါလုပ်တာကြောင့် ကြည့်ရှုတဲ့လူကိုတော်တော် Entertain ဖြစ်စေတာအမှန်ပါပဲ။ ဒါပေမဲ့လဲ Central Intelligence မှာဇာတ်လမ်းကတော့ ဘာမှသိပ်မရှိပါဘူး။ Central Intelligence ဟာ သူ့ရဲ့ဇာတ်လမ်းအတိုလေးကိုဆွဲဆန့်ထားပြီး ဟာသတွေနဲ တွဲရိုက်ထားတဲ့ဇာတ်ကားတစ်ကားပါ။ ဒီဇာတ်ကားထဲမှာ Dwayne Johnson နဲ့ Kevin Hart တို့နှစ်ယောက်ကြားက Chemistry ကလဲတော်တော်လိုက်ဖက်ညီပါတယ်။ ဒါပေမဲ့သူတို့နှစ်ယောက်ရဲ့ Chemistry က Simon Pegg နဲ့ Nick Frost တို့နှစ်ယောက်ရဲ့ Chemistry ကိုတော့မမှီဘူးလို့ထင်တယ်။ နှစ်ယောက်စလုံးရဲ့ Acting ကတော့ဘာမှသိပ်ပြောစရာမလိုပါဘူး။ . ဒီဇာတ်ကားမှာတကယ့် Star ကတော့ Dwayne Johnson ပါပဲ။သူ့ရဲ့ ဗလကြီးကြီး Body ကြီးနဲ့ Unicorn ပုံပါတဲ့ အင်္ကျီတွေဝတ် ၊ ဖိနပ်အဝါကြီးစီးပြီး ရုပ်တည်ကြီးနဲ့ဟာသတွေလုပ်နေတာကတော့ တော်တော်ရီရပါတယ်။ Dwayne Johnson အနေနဲ့ 2016 ရဲ့ဝင်ငွေအများဆုံးမင်းသားစာရင်းထဲမှာပါခဲ့တာလဲသိပ်တော့မဆန်းဘူးလို့တွေးမိပါတယ်။ ဘာဖြစ်လို့လဲဆိုတော့ သူ့ရဲ့ Acting ကအရင်ထက်စာရင်တော်တော်ကိုကောင်းမွန်နေပြီး ဇာတ်ရုပ်တွေနဲ့လိုက်ဖက်အောင်သရုပ်ဆောင်နိုင်တာကိုတွေ့ရပါတယ်။ ဒီဇာတ်ကားရဲ့ အားနည်းချက်တွေထဲကတစ်ခုကတော့ တစ်ချို့အခန်းတွေကတော့ ဇာတ်လမ်းပိုင်းမှာယုတ်တိသိပ်မရှိတာတွေပါနေပြီး တစ်ချို့အခန်းတွေကတော့ မလိုအပ်တဲ့ နဲနဲခပ်ပေါပေါဟာသလုပ်ကွက်တွေပါနေတာတွေရှိပါတယ်။ . အချုပ်ပြောရရင်တော့ Central Intelligence ဟာကြည့်ရှုသူကိုပေါ့ပေါ့ပါးပါးနဲ့ရီစရာတွေပေးပြီး Entertain ဖြစ်စေမဲ့ဇာတ်ကားတစ်ကားထက်တော့မပိုပါဘူး။ ကြည့်နေတုန်းရီစရာတွေ ပျော်စရာတွေပေးတဲ့အတွက်ကြောင့် အလုပ်တွေပင်ပန်းလို့ ပေါ့ပေါ့ပါးပါးနဲ့ရီစရာကောင်းတဲ့ဇာတ်ကားတစ်ကားကြည့်ချင်တယ်ဆိုရင်တော့ Central Intelligence ကအချိန်ပေးရကျိုးနပ်မဲ့ဟာသကားတစ်ကားပါပဲ။ . Movie Information Director : Rawson Marshall Thurber Top Billed Cast : Dwayne Johnson , Kevin Hart , Amy Ryan , Aaron Paul Production : New Line Cinema , RatPac-Dune Entertainment Distribution : Warner Bros. Pictures Budget : $50 Million Box office : $217 Million . Rating Datshin : 3.5/5 IMDB : 6.3/10 RT : 70% . ~  TiiT ~ (ရုပ္ရွင္အညႊန္းကို Datshin Facebook Page မွ ကူးယူေဖာ္ျပပါသည္။) File size…(1.1 GB) and (460 MB) Quality…BluRay 720p Format…mkv Duration….01:56:00 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

The Gift (2015) ~ IMDb - 7/10, Rotten Tomatoes - 91% ~ ဇာတ်ကားနာမည်က "လက်ဆောင်" တဲ့။ ဘာလက်ဆောင်လဲဆိုတော့ ဇာတ်ဆောင် လင်မယားနှစ်ယောက် အိမ်အသစ်ကို ပြောင်းလာကြတယ်။ အဲဒီမှာ ယောက်ျားရဲ့ သူငယ်ချင်းဟောင်းတစ်ယောက်နဲ့တွေ့တယ်။ အဲဒီသူငယ်ချင်းက လက်ဆောင်တွေ ဇွတ်လာပေးနေတာပါပဲ။ အိမ်ကို လူမရှိတဲ့အချိန်ဝင်ပြီး လက်ဆောင်ပေးတတ်သေးတယ်။ တကယ်ကို ကြောင်တောင်တောင်ကောင်ပါပဲ။ မိန်းမဖြစ်သူကတော့ သဘောကောင်းတယ်ဆိုပြီး ခင်ပေမဲ့ ယောက်ျားဖြစ်သူကတော့ ခါးခါးသီးသီးဖြစ်နေပါတယ်။ သူတို့ငယ်သူငယ်ချင်းတွေ... ငယ်ငယ်က ဘယ်အကြောင်းတွေကြောင့် ဒီလိုတွေဖြစ်နေလဲဆိုတာ စိတ်ဝင်စားစရာကြည့်ရမှာပါ။ ဒါပေမဲ့ ဇာတ်ကားနာမည်လက်ဆောင်ဆိုတာက အဲဒီလက်ဆောင်တွေထက် ကျွန်တော်တို့ရဲ့ တီထွင်ဖန်တီးနိုင်စွမ်း စကားပြောနိုင်တဲ့ အစွမ်းကို ရည်ညွှန်းတယ်ထင်ပါတယ်။ အဲဒီလက်ဆောင်က သုံးတတ်ရင် ဆေးဖြစ်သလို မသုံးတတ်ရင် ဘေးဖြစ်တတ်တယ်ဆိုတာ ပြချင်တဲ့ စိတ်ဝင်စားစရာ Thriller, Mystery ဇာတ်ကားလေးတစ်ကားပေါ့။ ပါဝင်သရုပ်ဆောင်ထားတဲ့ မင်းသား မင်းသမီးတွေကလည်း နှယ်နှယ်ရရတွေမဟုတ်ပါဘူး။ Ozark နဲ့ ကျွန်တော်တို့သိကြမယ့် မင်းသားကြီး Jason Bateman တင်မကဘဲ The Great Gatsby က မင်းသားကြီး Joel Edgerton ကလည်း ကိုယ်တိုင်ပါဝင်သရုပ်ဆောင် ဒါရိုက်တာလုပ်ထားတာပါ။ ဂျွန်နီဒပ် ရဲ့ Transcendence မှာ ပါခဲ့တဲ့ အတော်လေးကို ကျက်သရေရှိရှိလှတဲ့ အလှတရားတစ်ခုကို ပိုင်ဆိုင်ထားတဲ့ မမ Rebecca Hall လည်း ပါသေးရုံမက Rating တွေကလည်း မြင့်နေသေးတော့ တကယ့် ရှယ်ဇာတ်ကားပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 1.8GB, 875MB Quality - 1080p, 720p IMDb Rating - 7/10 Format - mp4 Duration - 1H 48Min Genre - Drama, Mystery, Thriller Subtitle - Myanmar Subtitle (Hardsub) Translated by 666 Encoded by Y

ဂျွန်ဖာဂူဆန်ဟာ ဒန်နင်းဆိုတဲ့ ထိပ်သီးဆေးကုမ္ပဏီကြီးတစ်ခုရဲ့မသမာမှုတွေကိုဖွင့်ချခဲ့သူဖြစ်ပြီး ကုမ္ပဏီအပေါ် ထိရောက်တဲ့အရေးယူမှုတွေရှိမလာတာကြောင့် အလုပ်အမှုဆောင်တစ်ချို့ကိုပစ်သတ်ပြီး သူ့ကိုယ်သူပါ သေကြောင်းကြံသွားခဲ့ပါတယ်။ တွမ်မီလာဆိုတာကတော့ တရားရေးလက်ထောက်တစ်ယောက်ဖြစ်ပြီး ဒန်နင်းအမှုကို ကိုင်တွယ်နေတဲ့ Law Firm တစ်ခုမှာအလုပ်လုပ်နေပါတယ်။ တစ်ညနေမှာတော့ အလုပ်ကအပြန်မသင်္ကာစရာပုဂ္ဂိုလ်တစ်ချို့ကို တွေ့လို့ရုံးခန်းပေါ်ပြန်အတက်မှာ လူသတ်သမားတစ်ယောက်ဟာ သူတို့ရုံးခန်းထဲမှာအလုပ်ချိန်ကျော်လွန်ပြီး ကျန်နေသေးတဲ့ လူတွေကိုလုပ်ကြံသတ်ဖြတ်နေကြောင်းသိလိုက်ရပါတော့တယ်။ လူသတ်သမားဟာ အချိန်ပိုဆင်းတဲ့လူတွေကိုကြည့်မရတာကြောင့်လား? ဘယ်သူတွေနဲ့ရန်ညှိုးရန်စရှိနေမလဲ? ဒါမှမဟုတ် နူတ်ပိတ်သတ်ဖြတ်မှုတစ်ခုခုလား ဆိုတာဇာတ်လမ်းထဲမှာဆက်လက်ရှုစားကြပါ။ ပေါ့ပေါ့ပါးပါးနဲ့ကြည့်ရမယ့် thriller ကားတစ်ကားဖြစ်ပါတယ်။ File size_(1.3GB)/(650MB) Quality_Blu-Ray 1080p / 720p Format_mp4 Duration_0::00 Genre_Action, Thriller Subtitle_Myanmar Subtitle (Hardsub) Encoder_a hao Translated by alias

IMDb Rating (7.3) / Rotten Tomatoes (72%) အမေရိကန်သမိုင်းတစ်လျှောက် Most Deadliest Sniper အဖြစ်သတ်မှတ်ခံထားရတဲ့ SEAL စနိုက်ပါသမား Chris Kyle အကြောင်းရိုက်ကူးထားတဲ့ ဖြစ်ရပ်မှန်ရုပ်ရှင်ဇာတ်ကားတစ်ခုဖြစ်ပါတယ်။ Chris Kyle ရဲ့ ကိုယ်တိုင်ရေး အထ္ထုပတ္တိ "American Sniper: The Autobiography of The Most Lethal Sniper in US Military History" စာအုပ်ကိုအခြေခံပြီး မင်းသားကြီး Clint Eastwood က ဒါရိုက်တာအဖြစ် ရိုက်ကူးထားပြီး Bradly Cooper က အဓိကသရုပ်ဆောင် Chris Kyle အဖြစ်ပါဝင်ထားပါတယ်။ ဒီရုပ်ရှင်မှာ စစ်ပွဲကြားကအခြေအနေတွေအပြင် အိမ်မှာကျန်ခဲ့တဲ့ စစ်သားမိသားစုတွေရဲ့ ဘဝကိုလည်း ပေါ်လွင်အောင်ထည့်သွင်းရိုက်ကူးထားပါတယ်။ Chris Kyle ဟာ အစကတော့ တက္ကဆက်က သာမန်မြင်းစီးသမားလေးပေါ့။ ဒါပေမယ့် 9/11 ဖြစ်ရပ်ဆိုးကြီးအပြီး အမေရိကန်က အီရတ်ကိုစစ်ကြေငြာတဲ့အခါမှာ မျိုးချစ်ကြီးဖြစ်တဲ့ Chris ကလည်း စစ်တပ်ထဲစဝင်ပါတော့တယ်။ အမေရိကန်နဲ့ အီရတ်စစ်ပွဲဟာ လူတွေကြား ပြောစရာဖြစ်ခဲ့ပြီး အမေရိကန်ရဲ့ ကျူးကျော်စစ်အပေါ် ဝေဖန်သံတွေဆူခဲ့ပေမယ့် ဒီဇာတ်ကားက နိုင်ငံရေးကားမဟုတ်တာကြောင့် အဲဒါတွေကိုတော့ ထည့်သွင်းရိုက်ကူးထားတာမျိုးမရှိပါဘူး။ Chris Kyle ဟာ လူများများသတ်ဖို့ထက် သူ့ရဲဘော်တွေကို ပိုများများကာကွယ်ချင်တာကြောင့် တစ်ခါ နှစ်ခါ မကဘဲ လေးကြိမ်တိတိ စစ်ထွက်ခဲ့ပါတယ်။ အဆိုပါလေးကြိမ်အတွင်းမှာ သူသတ်ခဲ့တဲ့ ရန်သူပေါင်း ၁၆၀ ကျော်ရှိပါတယ်။ ဒါကြောင့်လည်း သူဟာ အမေရိကန်သမိုင်းတစ်လျှောက် သတ်အားအကောင်းဆုံး စနိုက်ပါသမားအဖြစ် ဂုဏ်ပြုခံခဲ့ရတာပါ။ စစ်ပွဲအတွင်းမှာတင် အီရတ်ဘက်က သူ့ကိုသတ်နိုင်တဲ့သူကို ဒေါ်လာ ၁သိန်း၈သောင်းပေးမယ်ဆိုပြီး ဝရမ်းထုတ်ရတဲ့အထိ ရန်သူတွေကို ဖိန့်ဖိန့်တုန်စေခဲ့ပါတယ်။ Kyle က သူ့ဘဝမှာ ရန်သူ ၁၆၀ ကျော်သတ်ခဲ့တာ နောင်တမရဘဲ သူ့ရဲ့ရဲဘော်ရဲဘက်တွေကို မကယ်နိုင်ခဲ့တာပိုနောင်တရတယ်လို့ ဆိုပါတယ်။ ဒါကြောင့်လည်း သူစစ်ထဲမှာရှိနေရင် သူ့ရဲဘော်ရဲဘက်တွေကို ပိုကယ်နိုင်မယ်ဆိုပြီး စစ်ထဲကို ၄ ကြိမ် တိုင်တိုင် ပြန်သွားခဲ့ပါတယ်။ အဲဒီလိုစစ်ထွက်တိုင်း သူ့အိမ်ကကျန်ခဲ့တဲ့ မိသားစုဝင်တွေဟာ စိတ်အပူကြီးပူကျန်ခဲ့ရပြီး စစ်မထွက်ဖို့တားတဲ့ကြားက အတိုက်အခံလုပ်ပြီး စစ်ပွဲထဲကိုဝင်ခဲ့တဲ့လူမျိုးပါ။ ဒီလို စစ်ထဲပြန်သွားရတဲ့နောက်တစ်ချက်က ပထမဆုံး အကြိမ်မှာထဲက ရန်သူ Sniper တစ်ယောက်နဲ့ ရင်ဆိုင်ခဲ့ရပြီး အဲ့ဒီ Sniper က အီရတ်အလ်ကိုင်ဒါတပ်ဖွဲ့ထဲက ဆီးရီးယားလက်ဖြောင့်သမား မူစတာဖာ ပါပဲ။ သူကလည်းခေသူတော့မဟုတ်ဘူး။ အိုလံပစ်ပြိုင်ပွဲမှာပါ စနိုက်ပါဝင်ပြိုင်ခဲ့တဲ့ ပရော်ဖက်ရှင်နယ်စနိုက်ပါသမားတစ်ယောက်ပါ။ ဒီ Sniper က သူ့လူတွေတစ်ယောက်ပြီး တစ်ယောက် သတ်နေပေမယ့် သူ ဒီကောင့်ကို မသတ်နိုင်တာကြောင့်လည်း ပြန်ပြန်သွားနေတာဖြစ်ပါတယ်။ ဒီရုပ်ရှင်ကိုကြည့်ရင် စစ်ပွဲအနိ‌ဋ္ဌာရုံတွေကြားထဲ ခဏခဏပြန်သွားတဲ့ Chris Kyle ကိုလည်းစာနာမိလာမယ်။ အိမ်မှာကျန်ခဲ့တဲ့ သူ့ဇနီးနဲ့ သားသမီးတွေကိုလည်းကိုယ်ချင်းစာမိပါလိမ့်မယ်။ စစ်ပွဲကို တစ်ကန့်၊ သူ့ရဲ့ အိမ်ပြန်ချိန်လူနေမှုဘဝကို တစ်ကန့် တစ်လှည့်စီပြထားတာကြောင့် တခြားသောစစ်ကားတွေလို "ငါလည်းစစ်တိုက်ချင်လိုက်တာ" ဆိုတဲ့ ခံစားချက်မျိုးပေးမှာမဟုတ်ဘဲ စစ်ပွဲကို မုန်းသွားစေမယ့် စစ်ကားမျိုးပါ။ ဒီရုပ်ရှင်အတွက် မင်းသားကြီး Bradley Cooper ကလည်း ဝိတ်တင်ခဲ့ပါတယ်။ လက်တွေ့ဘဝက Chris Kyle နဲ့ လေသံကအစ ဆင်တူအောင် သရုပ်ဆောင်ထားနိုင်ပါတယ်။ အဲဒါကြောင့် အော်စကာဆု‌ Nominated ဝင်ခဲ့ပြီး ဒီရုပ်ရှင်ကလည်း ဆုပေးပွဲပေါင်းစုံကနေ ဆုပေါင်းများစွာရရှိခဲ့ပါတယ်။ သေနတ်ပစ်တာတွေ၊ ပေါက်ကွဲတာတွေ စစ်ပွဲမြင်ကွင်းတွေကို ပီပီပြင်ပြင်ရိုက်ကူးထားပြီး သွေးထွက်သံယိုခန်းတွေပါဝင်တာကြောင့် အသည်းနုတဲ့သူတွေ မကြည့်ဖို့ အကြံပေးချင်ပါတယ်။ သူ့ဇာတ်လမ်းကိုမကြားဖူးတဲ့ လူတွေအတွက် ဇာတ်သိမ်းပိုင်းက အံ့အားသင့်စရာတစ်ခုဖြစ်ပါလိမ့်မယ်။ ဇာတ်လမ်း စ လယ် ဆုံး ပျင်းစရာမကောင်းအောင် ဆွဲခေါ်သွားနိုင်ပြီး အရင်ကကြည့်ဖူးတဲ့လူတွေအနေနဲ့ကော၊ စစ်ကားကြိုက်နှစ်သက်တဲ့လူတွေအနေနဲ့ပါ ကြည့်ရတာတန်မယ့် ဖြစ်ရပ်မှန်ရုပ်ရှင်ဇာတ်ကားကောင်းတစ်ခုဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(5.1 GB)/(1.8 GB)/ (1.2 GB) Quality….WEB-DL 4K HEVC/ 1080p HEVC /720p Format…mkv/mp4 Duration….02:12:38 Subtitle….Myanmar Subtitle(Hardsub) Encoder….Ka Naung Translated by Min Thant Bo

အယ်လီနာဟာ သူငယ်ချင်းတွေနဲ့အတူ ပါတီတစ်ခုကို သွားခဲ့ရာက လူအစုလိုက်အပြုံလိုက် သတ်ဖြတ်ခံရတဲ့အဖြစ်နဲ့ ကြုံလိုက်ရပါတယ်။ အဲဒီနေရာကနေ ထွက်ပြေးဖို့ ကြိုးစားပေမယ့် The Collector ရဲ့ ဖမ်းဆီးတာကို ခံလိုက်ရတယ်။ အာကင်ကတော့ The Collector ဆီကနေ လွတ်မြောက်လာခဲ့သူပါ။ တစ်နေ့မှာ အယ်လီနာရဲ့အဖေက သူ့လက်ထောက်ကို အာကင်ဆီ လွှတ်ပြီး သမီးကို ကူရှာပေးဖို့ တောင်းဆိုလာပါတယ်။ လွတ်လာခဲ့တဲ့ အာကင်တစ်ယောက် အယ်လီနာကို ဘယ်လိုကယ်ထုတ်မလဲဆိုတာ ဆက်ပြထားတဲ့ ထိတ်လန့်သည်းဖိုဇာတ်ကားပါ။ ၂၀၁၂ ခုနှစ်ထွက် ဒီကားဟာ ၂၀၀၉ ခုနှစ်က The Collector ရဲ့ အဆက်လို့လည်း ဆိုနိုင်ပါတယ်။

လူငယ်ဇာတ်ကားကောင်းဟောင်းလေးတစ်ကားတင်ပေးချင်ပါတယ်။ ၂၀၁၁ခုနှစ်ထွက် Science Fiction/Thriller ကားကောင်းလေးဖြစ်ပြီး ငွေကြေးပိုင်းဆိုင်ရာတွင်အောင်မြင်မှုများစွာရရှိခဲ့ပြီး ဒေါ်လာသန်း၂၆၀အထိ ရုံဝင်ငွေရရှိ ခဲ့ပါတယ်။ ထို့အပြင် များစွာသောဆုတွေရရှိခဲ့ပြီး အထူးသဖြင့် နည်းပညာပိုင်းဆိုင်ရာနှင့် ကွန်ပျူတာအထူးပြုလုပ်ချက်၊ ဂီတပိုင်းဆိုင်ရာနှင့် သရုပ်ဆောင်မှုများတွင် ဝေဖန်မှုကောင်းကောင်းရခဲ့တဲ့ကားလေး ဖြစ်ပါတယ်။ ဇာတ်အိမ်ကိုတော့ ၁၉၇၉ခုနှစ် နယ်မြို့လေးတစ်မြို့ကိုအခြေတည်ထားပါတယ်။ နယ်ထိန်းရဲတစ်ယောက် ဖြစ်တဲ့ဂျက်နှင့် သူ့သားဖြစ်သူ ဂျိုးတို့ဟာ စတီးမိုင်းတစ်ခုမှ မတော်တဆမှုကြောင့် မိခင်ဖြစ်သူ အယ်လီဇဘယ် သေဆုံးသွားတဲ့အတွက် ပူဆွေးဝမ်းနည်းနေခဲ့ ရပါတယ်။ ဒါတွေအားလုံးဟာ သူမရဲ့လုပ်ဖော်ကိုင်ဖက်ကြောင့်ဆိုပြီး အပြစ်တင်နေခဲ့ပါတယ်။ ဒီလိုနဲ့လေးလလောက်ကြာတဲ့အခါမှာဂျိုးရဲ့သူငယ်ချင်းဖြစ်သူချားစ်က နိုင်ငံတကာရုပ်ရှင်ပွဲတော်ပြိုင်ပွဲအတွက် ရုပ်ရှင်အတိုလေးတစ်ခုရိုက်ကူးရန် စတင်လုပ်ဆောင်ပါတော့တယ်။ ဇာတ်လမ်းကအဲဒီမှာစတာပါပဲ။ အခြားသောသူငယ်ချင်းများရဲ့အကူအညီနဲ့အတူ ချားစ်တစ်ယောက်ဇာတ်လမ်းတိုလည်းစရိုက်ပါတယ်။ တစ်နေ့ ညအချိန်ကြီး မီးရထားဘူတာအနီးတွင် ရိုက်ကွင်းတစ်ခုရိုက်ရန်လုပ်နေကြပါတယ်။ အစမ်းလေ့ကျင့်နေကြစဉ်မှာပဲ အနီးနားက ဖြတ်သွားတဲ့ရထားေ့ရှကို ပစ်ကပ်ကားအဖြူတစ်စီး ပြေးဝင်သွားရကစပြီး ရထားတွဲလည်းပြိုလဲသွားကာ ဂျိုးစ်တို့သူငယ်ချင်းတစ်စုလည်း ပေါက်ကွဲမှုအရှိန်ကြောင့်တကွဲတပြားစီဖြစ်ကုန်ပါတယ်။ အဲဒီနောက် လူတွေပြန်စုမိပြီး လူငယ်တွေသဘာဝအတိုင်းဖြစ်ပျက်ရသည့်အကြောင်းအရာကိုသွားစပ်စုကြည့်တဲ့အခါမှာတော့ ကားမောင်းသူမှ သူတို့ရဲ့ဇီဝဗေဒဆရာ ဒေါက်တာဝုဒ်ဝေါ့ဒ်ပဲဖြစ်နေပါတယ်။ အသက်မနည်းရှုနေရတဲ့ ဒေါက်တာဝုဒ်တစ်ယောက် လူငယ်တွေကိုသေနတ်တလက်နဲ့ချိန်ရင်း သူတို့မြင်ခဲ့သမျှတွေကိုဘယ်သူ့ကိုမှပြောဖို့ ပြောရင်တမိသာစုလုံး ဒုက္ခရောက်မယ်ဆိုပြီးခြိမ်းခြောက်ပါတော့တယ်။ ကံကောင်းတာကတော့ အဲဒီလိုဖြစ်သွားချိန်ကို ရုပ်ရှင်ရိုက်နေသည့် ကင်မရာမှအမှတ်မထင်မှတ်တမ်းတင်ထားပြီးဖြစ်နေပါတယ်။ ထို့နောက်အမေရိကန်စစ်တပ်ကပါဝင်ရောက်စွက်ဖက် လာပြီး အဲဒီနယ်မြေကိုအတင်းအကျပ် ချုပ်ကိုင်ဖို့ကြိုးစားပါတော့တယ်။ ရထားထဲမှာဘာတွေပါလို့လဲ။ ေ ဒါက်တာဝုဒ်ရဲ့ရောဘယ်လိုဆက်စပ်နေလဲ။ အစိုးရစစ်တပ်ကပါ ဖုံးဖုံးဖိဖိ ကြိတ်ဖြေရှင်းဖို့ကြိုးစားရလောက်အောင် နောက်ကွယ်ကဘယ်လိုကိစ္စရပ်တွေရှိနေလဲဆိုတာကတော့ စိတ်ဝင်စားစရာပါ။ Rating အနေနဲ့လည်း 7အထိရရှိ ထားတဲ့အတွက် လူငယ်ကားလေးတွေ၊ လျို့ဝှက်ဆန်းကြယ်ဇာတ်ကားတွေကိုကြိုက်နှစ်သက်သူများအတွက် ဇာတ်ကားကောင်းလေးပါပဲ။ File Size : (900 MB) and (350 MB) Quality : Blu-Ray 720p Running Time : 1hr 52min Format : Mp4 Genre : Mystery, Sci-Fi, Thriller Subtitle : Myanmar Subtitle (Hard Sub) Source : BluRay.720p.x264.DTS-HDChina Subtitle by Wai Linn Kyaw Encoded by Thanhtike Zaw

နေသန်က သူငယ်ချင်းတွေနဲ့ ပျော်လိုက်ပါးလိုက်၊ မိဘတွေဆူတာ ခံလိုက်နဲ့ ဘဝကို အေးအေးဆေးဆေး ဖြတ်သန်းနေတဲ့ အထက်တန်းကျောင်းသားတစ်ယောက်ပါ။ ကျောင်းကပေးတဲ့ ပရောဂျက်အတွက် ဝက်ဘ်ဆိုက်တွေမှာ အချက်အလက်ရှာရင်း ပျောက်ဆုံးသူတွေကို ဖော်ပြထားတဲ့ ဝက်ဘ်ဆိုက်တစ်ခုထဲ ရောက်သွားတယ်။ အဲဒီမှာ သူနဲ့တူတဲ့ ကောင်လေးတစ်ယောက်ရဲ့ ဓာတ်ပုံကို တွေ့လိုက်ရပါတယ်။ ဓာတ်ပုံကို တွေ့ပြီးနောက် နေသန်ရဲ့ဘဝဟာ ရုတ်တရက် ကမောက်ကမ ဖြစ်လာတယ်။ အရင်လို ပျော်ပျော်နေလို့ မရတော့ဘဲ သူ့နောက်ကို လိုက်နေတဲ့ လူသတ်သမားတွေလက်ကနေ ထွက်ပြေးပုန်းရှောင်ရတဲ့အထိ ဖြစ်လာပါတယ်။ နေသန်အဖြစ် Twilight ထဲက Taylor Lautner သရုပ်ဆောင်ထားပြီး မင်းသမီးအဖြစ် Emily in Paris ထဲက Lily Collins ပါဝင်ထားပါတယ်။ အက်ရှင်၊ လျှို့ဝှက်ဆန်းကြယ်နဲ့ သည်းထိတ်ရင်ဖို အမျိုးအစားဖြစ်ပြီး ကြာချိန်က ၁ နာရီ ၄၆ မိနစ်ပါ။

Star Trek (2009) IMDb - 7.9/10 Rotten - 94% Won 1 Oscar. Another 24 wins & 93 nominations နှစ်ပေါင်းများစွာတိုင်အောင် ပရိသတ်တွေကို စွဲဆောင်ခဲ့တဲ့ "Star Trek" စီးရီးရဲ့ မူလ ဇာတ်လမ်းကို အသစ်တစ်ဖန် အသက်သွင်းလိုက်တဲ့ ဒီ ၂၀၀၉ ခုနှစ် ရုပ်ရှင်ဟာ သိပ္ပံစိတ်ကူးယဉ် ရုပ်ရှင်လောကမှာ မှတ်တိုင်တစ်ခု ဖြစ်ခဲ့ပါတယ်။ အနာဂတ်ရဲ့ အကြီးကျယ်ဆုံး သူရဲကောင်း နှစ်ဦးဖြစ်တဲ့ ဂျိမ်းစ် တီ. ကာ့ခ် နဲ့ စပေ့ါခ် တို့ရဲ့ ငယ်ဘဝနဲ့ စတင်တွေ့ဆုံမှုတွေကို ပိုင်နိုင်စွာ ပုံဖော်ထားတာဟာ ဒီဇာတ်ကားရဲ့ အနှစ်သာရပါပဲ။ ဂျိမ်းစ် တီ. ကာ့ခ်ဟာ စည်းကမ်းမလိုက်နာတတ်တဲ့ ရဲစွမ်းသတ္တိရှိသူ လူငယ်တစ်ဦးဖြစ်ပြီး၊ စပေ့ါခ်ကတော့ စိတ်ခံစားမှုတွေကို ထိန်းချုပ်ကာ အမြဲတမ်း ဆင်ခြင်တုံတရားနဲ့ ဆုံးဖြတ်တတ်တဲ့ ဗာလ်ကန် လူမျိုးတစ်ပိုင်း၊ လူသားတစ်ပိုင်း သိပ္ပံပညာရှင်တစ်ဦး ဖြစ်ပါတယ်။ ဒီလို စရိုက်ချင်း ကွာခြားလွန်းလှတဲ့ လူငယ်နှစ်ဦးဟာ ကြယ်တာရာ ပျံသန်းရေး အဖွဲ့ စတားဖလီးလ် ရဲ့ သင်တန်းကျောင်းမှာ စတင် ဆုံစည်းခဲ့ကြပြီး မကြာခင်မှာပဲ ဂန္တဝင် အာကာသယာဉ် ယူအက်စ်အက်စ် အင်တာပရိုက်စ် ပေါ်မှာ အတူတကွ တာဝန်ထမ်းဆောင်ရမယ့် အဖွဲ့သားတွေ ဖြစ်လာပါတော့တယ်။ သူတို့ရဲ့ ပထမဆုံး မစ်ရှင်ဟာ ရိုးရှင်းတဲ့ အာကာသ ခရီးစဉ်တစ်ခု မဟုတ်ဘဲ၊ စကြဝဠာ တစ်ခုလုံးရဲ့ အနာဂတ်ကို ခြိမ်းခြောက်နေတဲ့ အန္တရာယ်ကြီးတစ်ခု ဖြစ်ပါတယ်။ အချိန် ခရီးသွားလာမှုကြောင့် အတိတ်ကို ရောက်ရှိလာတဲ့ နီရို လို့ခေါ်တဲ့ ရိုမြူလန် လူမျိုး ဗီလိန်ဟာ သူ့ရဲ့ လက်စားချေလိုစိတ်နဲ့ စကြဝဠာကို ဖျက်ဆီးဖို့ ကြိုးစားနေပါတယ်။ ကာ့ခ်၊ စပေ့ါခ်နဲ့ အင်တာပရိုက်စ် အဖွဲ့သားအားလုံးဟာ အန္တရာယ်၊ သစ္စာဖောက်မှု၊ မထင်မှတ်ထားတဲ့ အလှည့်အပြောင်းတွေနဲ့ ပြည့်နှက်နေတဲ့ စွန့်စားခန်းကို ရင်ဆိုင်ရင်း သူတို့ရဲ့ စစ်မှန်တဲ့ ခေါင်းဆောင်မှု စွမ်းရည်တွေကို ထုတ်ဖော်ပြသရမှာ ကို စိတ်ဝင်စားဖွယ်ကြည့်ရှုရမှာဖြစ်ပါတယ်။ File Size : 2.38 GB, 938 MB Quality : Blu-Ray 1080p, 720p Running Time : 2hr 7min Format : Mp4 Genre :Action, Adventure, Sci-Fi Subtitle : Myanmar Subtitle (Hard Sub)

Cloverfield (2008) IMDb - 7.0/10 Rotten - 77% Cloverfield (2008) အညွှန်းကိုတော့ ဒီကားကိုကြည့်ဖြစ်စေခဲ့တဲ့ Datshin Page မှ အညွှန်းနှင့်မိတ်ဆက်ပေးပါရစေ New York မြို့ရဲ့ ညတစ်ညမှာသူငယ်ချင်းတွေစုပြီး Party လုပ်နေတုန်း အကောင်ကြီးတစ်ကောင် ဘယ်က ဘယ်လိုမှန်းမသိ မြို့ပေါ်ကျလာပါတယ်။ အဲကောင်ကြီးက မြို့ မှာမြင်မြင်သမျှသောင်းကျန်းပြီး မြို့တစ်မြို့လုံးလည်း ဘာတွေဖြစ်နေမှန်းမသိရလို့ အဲသူငယ်ချင်းတစ်စုလည်း တခြားလူတွေနည်းတူ မြို့က ထွက်ပြေးဖို့လုပ်ကြရာမှာ အထဲကတစ်ယောက်က Party မှာ Video နဲ့ မှတ်တမ်းတင်ရင်း သူတို့အဖြစ်အပျက်တစ်ခုလုံးကို မှတ်တမ်းတင်ပါတော့တယ်။ — Review — ဒီဇာတ်ကားကိုစကြည့်တုန်းက သယ်ရင်းတစ်ယောက်က ညွှန်းလို့ စကြည့်ဖြစ်တာပါ။ Found Footage Film အမျိုးအစားပါ။ ဒီနေ့ခေတ်မှာ အဲလိုကားတွေခေတ်စားလာတာ ဒီကားကြောင့်ဆိုတာ အသေအချာပါပဲ။ (သူ့လောက်တော့ ကြည့်ကောင်းတဲ့ကားရှားပါတယ်)။ စကြည့်လိုက်ကတည်းက သတိထားမိတဲ့အချက်ကတော့ Perspective တွေပါပဲ။ ဒီဇာတ်ကားတစ်ကားလုံးကို လူတစ်ယောက်ထဲကကင်မရာကိုင်ပြီး မှတ်တမ်းလိုက်တင်ထားတဲ့ပုံစံမျိုးနဲ့ရိုက်ထားတာပါ။ ဇာတ်လမ်းကတော့ အပေါ်မှာပြောထားသလိုပါပဲ ဘယ်ကရောက်လာမှန်းမသိတဲ့ အကောင်ကြီးတွေက New York မြို့ကိုလာတိုက်ခိုက်တာဆိုတော့ တခြားဘာဇာတ်လမ်းမှသိပ်မရှိပေမဲ့ ဇာတ်ကားတစ်ကားလုံးက လုံးဝပျင်းဖို့မကောင်းအောင်ကြည့်တဲ့လူကိုဆွဲဆောင်ထားနိုင်တယ်။ တစ်ချို့အခန်းတွေဆိုရင် တိတ်ဆိတ်နေတဲ့ ညအမှောင်ကြီးမှာ အသံလေးသဲ့သဲ့လေးကြားရတာကိုက လန့်ဖို့ကောင်းတယ်။ ဒီဇာတ်ကားမှာသဘောကျတာက ရိုက်ကူးထားတဲ့လူကလိုက်မှတ်တမ်းတင်ထားသလိုရိုက်ထားတာကြောင့် အဲ့ဒီမြို့ထဲကို ကိုယ်တစ်ကယ်ရောက်သွားသလိုခံစားရမှာဖြစ်ပြီး သူတို့ဖြစ်နေတာလား ကိုယ်ဖြစ်နေတာလားဆိုတာတောင် ဝေခွဲရခက်လောက်အောင် ရိုက်ထားတာတော်တော်ကိုကောင်းပါတယ်။ တစ်ခုရှိတာက ဒီဇာတ်ကားက ကင်မရာကို Found Footage Film ပုံစံ လက်ကနေကိုင်ပြီးရိုက်ထားတဲ့ပုံနဲ့တင်ဆက်ထားတာဖြစ်တာကြောင့် Camera အရမ်းလှုပ်ရင် မူးတတ်တဲ့လူတွေအတွက်တော့ အဆင်ပြေမှာမဟုတ်ပါဘူး။ ဒီစာရေးတဲ့ ကျွန်တော်တောင် နှစ်ခါလောက်ခွဲကြည့်ရတယ်။ ပထမတစ်ခေါက်ကြည့်တုန်းက တစ်ဝက်လောက်ကြည့်ပြီး တော်တော်ခေါင်းမူးသွားတယ်။ အဲ့ဒါနဲ့ ဆက်မကြည့်နိုင်တော့လို့နောက်နေ့ကြမှထပ်ကြည့်တယ်။ ပြောရမယ်ဆိုရင် တစ်ကားလုံးကလှုပ်ခါနေတာကြောင့် ခေါင်းမူးလွယ်တဲ့လူတွေအနေနဲ့တော့ သိပ်အဆင်ပြေမယ်မထင်ပါဘူး။ တစ်ချို့အခန်းတွေဆိုရင်တော့ လှုပ်လွန်းအားကြီးလို့ မြင်ကွင်းတွေ မသဲကွဲတာမျိုးတွေလဲရှိပါတယ်။ ဒီကားထဲမှာပါတဲ့ သရုပ်ဆောင်တွေကလဲ တော်တော်ကောင်းပါတယ်။ အကောင်ကြီးတွေကြောင့်ဘယ်သွားလို့သွားရမှန်းမသိ ၊ ဘာလုပ်လို့လုပ်ရမှန်းမသိပဲ ကူရာကယ်ရာမဲ့ပြီး ကြောက်လန့်နေကြတာကို ကြည့်ရှုသူကိုမြင်အောင်ပုံဖော်နိုင်ပါတယ်။ အခုအချိန်က Superhero တွေခေတ်စားနေတာကြောင့် Superhero တွေကြားထဲက ခနလောက်ရုန်းထွက်ချင်တဲ့ ပိတ်သတ်တွေအတွက်ကြောင့် မပျင်းရပဲ ကြည့်လို့ကောင်းမဲ့ ဇာတ်ကားတစ်ကားပါ။ ဒီဇာတ်ကားအတွက် Budget က $25 Million အထိပဲသုံးထားပြီး $170 Million တောင်ပြန်ဝင်ထားတာဆိုတော့ နည်းနည်းရင်း များများမြတ်ပါပဲ။ ဒီဇာတ်ကားကိုရော ကြည့်ဖူးတဲ့ပိတ်သတ်တွေရှိလား။ ရှိခဲ့ရင်လည်း ဒီဇာတ်ကားအပေါ်ကိုယ့်အမြင်လေးတွေပြောသွားကြပါဦး။ (ဇာတ်လမ်းအညွှန်းကိုတော့ Datshin Page မှ ကူးယူဖော်ပြထားပြီး ဘာသာပြန်သူက မြတ်နိုးဝတ်ရည်ပါ) File Size : (700 MB) Quality : Blu-Ray 720p Running Time : 1hr 25min Format : Mp4 Genre : Action, Adventure, Horror, Sci-Fi Subtitle : Myanmar Subtitle (Hard Sub) Source : 1080p.BluRay.x264.DTS-FGT Translated by Myat Noe Wutt Yi Encoded by Thanhtike Zaw

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man (2008) IMDb Rating (7.9) / Rotten Tomatoes (94 %) MCU ရဲ့ အရေးအပါဆုံးဇာတ်ကောင်ဖြစ်တဲ့ မင်းသားကြီး Robert Downey Jr. ရဲ့  Iron Man ကို ပထမဆုံး မိတ်ဆက်ခဲ့တဲ့ ရုပ်ရှင်ဖြစ်ပါတယ်။ Budget $130–140 million ကုန်ကျခဲ့ပြီး Box office ဝင်ငွေ $585.8 million ထိပြန်လည်ရရှိခဲ့သလို အောင်မြင်မှုလဲကြီးမားခဲ့ပါတယ်။ Marvel Studios အနေနဲ့ ဒီလို Cinematic Universe ကြီး အစတည် ဖြစ်တည်လာဖို့အတွက် ၁၇ နှစ်တာအချိန်ယူပြင်ဆင်ခဲ့ရပါတယ်။ File size…(5.7 GB)/ (2 GB )/(1.3 GB) Quality…BluRay 4K HEVC/1080p HEVC / 720p Format…mkv/mp4 Duration….02:08:00 Subtitle….Myanmar Subtitle (Hardsub) Encoder….Ka Naung Translated by Phyo Pyae

The Bourne Supremacy (2004) IMDb Rating (7.7) / Rotten Tomatoes (82%) ++++++++++++ Jason Bourne ဟောလိဝုဒ် ရုပ်ရှင်နယ်မြေကနေ ခေတ်အဆက်ဆက် စုံထောက်ဇာတ်လိုက်များအား မိတ်ဆက်ခဲ့သည်ကို ကျွန်တော်တို့ပရိသတ်တွေ ခေတ်အလိုက် ကြည့်ရှုခဲ့ကြရသည်။စုံထောက်အမျိုးမျိုးအနက်က လူသိအများဆုံးမှာ ဗြိတိသျှစုံထောက်ကျော်ကြီး ကိုယ်ပိုင်အမှတ်တံဆိပ် 007 ဂျိမ်းစဘွန်းကြီး ဖြစ်လောက်မည်။ယင်းစုံထောက်ကြီး၏ ရုပ်ရှင်များဖြင့် အသားသေနေချိန်မှာ 2002ကာလလောက်တွင် Jason Bourne ဟု အမည်ရသည့် အေ့ဂျင့်ကလေးပေါ်လာလေသည်။စာရေးဆရာကြီး Robert Ludlum ၏ ဇာတ်ကောင်ဖြစ်ပါသည်။Jason Bourne ဇာတ်ကောင်သည် 1988ကတည်းက Mini Series အဖြစ်ထွက်ရှိပေမယ့် သိပ်မထင်ရှားခဲ့ပေ။ 2000ခုနှစ်လောက်မှ Bourneကိုပြန်လည်အသက်သွင်းဖို့ ကြိုးပမ်းခဲ့သည်။ဘရက်ပစ် ။စတားလုံးတို့အား လျာထားခဲ့သော်လည်း Matt Damon ကိုသာ ရွေးချယ်ဖြစ်ခဲ့သည်။အတိတ်မေ့ ဒဏ်ရာရနေသော လူတစ်ယောက်ဇာတ်ရုပ်ပီပြင်ဖို့အတွက် Matt မှာ အထူးပင် လေ့ကျင့်အားထုတ်ခဲ့ရသည်။အေ့ဂျင့်တစ်ယောက်စရိုက်နှင့် ကိုက်ညီနေစေဖို့ တိုက်ခိုက်ရေးသင်တန်းများတက်၍ ခြောက်လနီးပါး လေ့ကျင့်ခဲ့သလို..ဇာတ်ကားထဲက စတန့်အများစုကိုလည်း လူစားမထိုးပဲ သရုပ်ဆောင်ခဲ့သည်။ထိုသို့ ဇာတ်လမ်း ဇာတ်ကွက် ပြန်လည်ဖန်တီးရသည့် အခက်အခဲများ..ဘက်ဂျက်အခက်အခဲများ စတဲ့ အခက်အခဲများစွာကို ကျော်လွန်ဖြတ်သန်းပြီးမှ ထွက်ရှိလာသော The Bourne Identity (2002)ရုပ်ရှင်သည် ကြိုးစားသမျှ အရာထင်ခဲ့သည်ဟု ဆိုရပေမည်။ စပိုင်ကားအများစုအား နှစ်ရှည်လများ စိုးမိုးထားခဲ့သော ဂျိမ်းစဘွန်းများ၏ အရှိန်အဝါကို ကျော်လွန်နိုင်ခဲ့ကာ လက်တွေ့ဘဝနှင့်နီးစပ်သည့် လူသားတစ်ယောက်ကို ဖန်တီးပေးနိုင်ခဲ့သည်။ထို့အပြင် Die Hardလို ဇာတ်ကားထဲက အက်ရှင်ခန်းများကိုပါ မေ့ပစ်နိုင်လောက်သည့် တိုက်ခိုက်ခန်း အသက်လုပြေးလွှားခန်းများဖြင့် ကြည့်ရှုသူအပေါ် ဖမ်းစားခဲ့တာကို တွေ့ခဲ့ရပါမည်။ မြေထဲပင်လယ်ထဲမှာ သတိမေ့မျောပါနေတဲ့ လူတစ်ယောက်ကို တံငါလှေတစ်စီးက ကယ်တင်လိုက်ရကနေ Jason Bourne ဇာတ်လမ်းကို ပဟေဠိများဖြင့် စတင်ဖွင့်လှစ်လာခဲ့သည်။သတိပြန်ရသည့်တိုင်အောင် သူ့ကိုယ်သူ ဘယ်သူမှန်း မသိ ။ဘယ်ကလာမှန်းလည်း မသိ။ကျောမှာ သေနတ်ကျည်ဆန်နှစ်ခုက ထိုးဝင်လျက်သား။နောက် တင်ပါးမှာ ဘဏ်နံပါတ်တစ်ခု ။ သူကဘယ်သူပါလဲ။အဲဒီနံပါတ်ကလေးက သူ့ဘဝ ဖြစ်တည်ရာကို ပြန်လည်ရှာဖွေရာကနေ အသည်းထိတ်ရှု ပ်ထွေးဖွယ် ဇာတ်အိမ်ကြီးတစ်ခုကို ကျွန်တော်တို့အားလုံး ရင်မမဖြင့်စကြည့်ရတော့သည်။ သူနှင့်အတူ တစ်ဖြည်းဖြည်းသိရှိလာရသော အချက်အလက်များအရ သူက ထိပ်တန်း အေ့ဂျင့်တစ်ယောက်။အမေရိကန် CIA ဌာနက တရားမဝင် နှိမ်နင်ရေးလုပ်ငန်းတွေလုပ်ဖို့ဖွဲ့စည်းထားသည့် ထရက်စတုန်း စီမံကိန်းထဲက အဓိကကျသည့် လူတစ်ယောက်ဆိုတာ သိလာခဲ့ရသည်။ထို့အပြင် ယင်းအဖွဲ့၏ တရားမျှတမှု မရှိသော သတ်ဖြတ်လုပ်ကြံခြင်း လုပ်ငန်းများအား လုပ်ကိုင်လိုစိတ် မရှိတော့၍ ထွက်ခွာလာခဲ့သည့် လူတစ်ယောက်ဖြစ်တယ်ဆိုတာကို သိရှိလာသည့်အခါမှာ ။ထိုအဖွဲ့အစည်း၏ ခေါင်းဆောင်များ၏ နှု တ်ပိတ်ခြင်းကို တန်ပြန်ခုခံရဖို့ အကြောင်းဖန်လာရတော့သည်။ သူတို့အနေဖြင့် သူတို့ကိုယ်တိုင် စိတ်တိုင်းကျ ဖန်တီးပုံသွင်းခဲ့သော Bourneအား နှိမ်နင်းသတ်ဖြတ်ဖို့ရာ လုံးဝမလွယ်ကူလှပါ။Bourneထံတွင် ရောက်ရှိနေသည့် အချိန်ကာလနေရာမရွေး အံဝင်ဂွင်ကျ ပြောင်းလဲလှုပ်ရှားနိုင်သည့် အရည်အချင်းပေါင်းများစွာကို ပိုင်ဆိုင်ထားသည်။အထူးသဖြင့် သူတို့အားလုံး၏ အကြံအစည်များကို နောကြေအောင် သိရှိနေခြင်းကပင် တစ်လှမ်းသာနေသည်။CIAလိုမျိုး ကမ္ဘာအနှံ့အပြား ချိတ်ဆက်ထားသည့်နည်းပညာကွန်ယက်ကြားတွင် Bourne တစ်ယောက် လွတ်အောင် ရုန်းထွက်ဖို့ရာ မလွယ်ကူလှပါ။CIAကလည်း Bourne၏တည်နေရာအား ချက်ချင်းသိလိုက်တာနှင့် ကြေးစားတွေအား သတ်ဖြတ်ဖို့ လွှတ်လိုက်တာချည်းဖြစ်သည်။ Bourneထံတွင် အနီးနားမှာ စာအုပ်ထူထူ တစ်အုပ်ဖြစ်ဖြစ် ဘော့ပင်တစ်ချောင်းပဲဖြစ်ဖြစ် ရှိနေပါက ထိုအရာအား အသုံးပြုပြီး တစ်ဖက်ရန်သူအား အနိုင်ယူတိုက်ခိုက်နိုင်သည့် တိုက်ခိုက်ရေးပညာတွေရှိသည်။ဘာသာစကားမြောက်မြားစွာပြောဆိုနိုင်သည်။သူမကိုင်တတ် မသုံးစွဲတတ်သော ယာဉ်၊လက်နက်၊အီလက်ထရောနစ်ပစ္စည်းမရှိသလောက်ပင်။အားလုံးကို ရင်းနှီးကျွမ်းဝင်နေသည်။ကြောင်တစ်ကောင်လို လျင်မြန်သော အဟုန်မျိုးဖြင့် သုံးမိုင်လောက်အား မနားတမ်းပြေးနိုင်သည်။စက္ကန့်ပိုင်းလောက်ဝေ့ကြည့်လိုက်တာနှင့် ကားသုံးစီ၏ နံပါတ်များအား ချက်ချင်းအလွတ်ပြောနိုင်သည်။လူတစ်ယောက်ကိုဖျတ်ခနဲကြည့်လိုက်ရုံဖြင့် ဘယ်သန်လား ညာသန်လား သိနိုင်သည့် လေ့ကျင့်မှု စွမ်းရည်တွေ ပိုင်ဆိုင်ထားသည်။ ထိုအရည်အသွေးများအား အသုံးပြု၍သာ အင်အားကြီးမားလှသော ရန်သူတွေလက်အောက်ကနေ ရုန်းထွက်ရလေသည်။အသက်လုပြေးရလေသည်။ဒဏ်ရာဗလပွဖြင့်နာကျင်ရလေသည်။ Jason Bourne ဇာတ်ကားသုံးပိုင်းလုံးသည် ထရက်စတုန်းအဖွဲ့ကြီးနှင့် Bourneတို့ အပြန်ပြန်အလှန်လှန် ဉာဏ်ကစားပုံ ။အသက်လုထွက်ပြေးတိုက်ခိုက်ရသည့် ဇာတ်ဝင်ခဏ်းများဖြင့် ဒရစပ် တည်ဆောက်ထားသည်။(2012မှာ ထရက်စတုန်းစံမံကိန်းထဲက အခြားအေ့ဂျင်တစ်ယောက်ဇာတ်အိမ်ဖြင့် မင်းသား ဂျေမီရမ်နာအား ထည့်သွင်းကာ The Bourne Legacy အမည်ဖြင့် ရိုက်ကူးသေးသည်။Matt Damon၏ Bourneကားများကို လိုက်မမီခဲ့ချေ )။ ထရက်စတုန်းစီမံကိန်းက ခေါင်းဆောင်တွေကလည်း Bourneလိုလူမျိုးကိုတောင် ဖန်တီးနိုင်ခဲ့သူများပီပီ တကယ့်ဉာဏ်နီဉာဏ်နီသမားတွေဖြစ်ကြပြီး နည်းပညာအထောက်အကူများဖြင့် Bourneရှိရာနောက်ကို ထပ်ကြပ်မကွာ ရှာဖွေခဲ့သည်။Bourne ကိုယ်တိုင် ချစ်သူအသစ်နှင့် ဘဝသစ်တစ်ခုအား တည်ဆောက်ဖို့ ကြို းစားခဲ့သော်လည်း အတိတ်ဟောင်းက ကိစ္စရပ်များအောက်က ရုန်းထွက်ခွင့် မသာခဲ့ချေ ။သူသာ ကြေကွဲခဲ့ရတော့သည်။ထိုအခါမှာ ကျေအေးပြီးသား အတိတ်အိပ်မက်ဆိုးတွေအား အပြီးသုတ်သင်ဖို့ ဆုံးဖြတ်ပစ်ခဲ့တော့သည်။ The Bourne Identity(2002)| The Bourne Supremacy (2004)| The Bourne Ultimatum (2007) အပိုင်းသုံးပိုင်းသည် အေ့ဂျင့် Bourne၏ အတိတ်ကို ပြန်လည်စုံစမ်းပုံ |လာရောက်လုပ်ကြံသူများအား ပြန်လည်တိုက်ခိုက်ပုံ။ချစ်သူနှင့်ဘဝတစ်ခုဖန်တီးဖို့အားပြု ချိန်မှာ ထပ်မံပြီး လုပ်ကြံခံရပုံ။ထို့နောက်တွင် ထိုအဖွဲ့ကြီးအား ပြန်လည်တုံ့ပြန်ပြီး Bourneတစ်ယောက် ပျောက်ကွယ် သွားပုံတို့ဖြင့် အဆုံးသတ်ခဲ့သည်။ ဆိုရလျှင် Bourne၏ ဘဝသမိုင်း နိဂုံးကမ္ပတ်အဆုံးသတ်ပြီဟု ထင်မှတ်ခဲ့မိသည်။သို့ရာတွင်မူ Bourneသည် တစ်ဖန်ပြန်လာခဲ့ပါသည်။2016တွင် ရုံတင်လာခဲ့သော Jason Bourne ဇာတ်ကားတွင်မူ Bourneသည် ဘဝသစ်တွင် အသားကျစပြုပြီ။အတိတ်ဆိုးမဟူရာညနက်တွေအား မှတ်မိနေပြီဖြစ်သော်လည်း အဲဒီကို ပြန်မသွားတော့ ။နှစ်ကာလတွေပင် မနည်းကြာခဲ့ပြီ။သို့ဖြစ်စေကာမူ ပြန်လည်ထိတွေ့ရန် ကြမ္မာကံက ဖန်လာပြန်သည်။သူ့ကို အရေးတကြီးတွေ့လိုတဲ့ မိတ်ဆွေဟောင်းတစ်ယောက်ပေါက်လာပြန်သည်။လွန်လေပြီးခဲ့သောကာလများက အကျွမ်းတဝင် ပတ်သက်ခဲ့ဖူးသည့် သူတို့နယ်ပယ်ထဲက ဘဝတူ မိန်းခလေး Nicky Parsons ဖြစ်သည်။သူမယူဆောင်လာသည့်သတင်းက သူ၏အတိတ်နှင့်သက်ဆိုင်သော မြှု ပ်ကွက်သတင်းတစ်ခု ဖြစ်သည်။ခိုးယူလာခဲ့သော သတင်းဖြစ်သောကြောင့်ပင် သူမနောက်ကိုလည်း CIA နောက်တော်သားများက သုတ်သင်ပစ်ဖို့ လိုက်လာကြလေပြီ။ ထို့နောက်မှာ Bourne နှင့် သူတို့ပြန်လည်ဆုံတွေ့ကြသောအခါ ။ရုပ်ရှင်ပိတ်ကားပေါ်မှာသာ ဆက်လက်ကြည့်ရှုဖို့တိုက်တွန်းလိုပါသည်။ ထွက်ရှိလာသောဝေဖန်ချက်များအရ ယခုရုပ်ရှင်သည် အရင်ထွက်ရှိပြီးသား ဇာတ်ကားတွေကို လိုက်မမီဟု ဝေဖန်ကြပါသည်။ မည်သို့ပင်ဖြစ်ပါစေ အချိန်ယူ ကျကျနနပြင်ဆင်ပြီး ရိုက်ကူးထားသော ဇာတ်ကွက်များအရကြည့်ရှုရန် ထိုက်တန်သည့် ရုပ်ရှင်ကားတစ်ကားဆိုသည်ကတော့ အခိုင်အမာ ပြောလိုပါသည်။ နောက်ထပ် Bourneတွေ ထပ်ထွက်လာဦးမလား ဆိုတာတော့ ။ - ညီလင်းအိမ် (ရုပ်ရှင်အညွှန်းကို ကိုညီလင်းအိမ် Facebook မှ ကူးယူဖော်ပြပါသည်။) Bourne ရုပ်ရှင်ဇာတ်ကားအားလုံးကို ဒီမှာ https://channelmyanmar.to/?s=jason+bourne ကြည့်ပါ။ File size…(4.1 GB)/ (1.8 GB)/(1 GB) Quality….BluRay 4K HEVC/1080p /720p Format…mkv/mp4 Duration….01:48:26 Subtitle….Myanmar Subtitle(Hardsub) Encoder….Ka Naung

Boys and Girls (2000) IMDb Rating (5.4) / Rotten Tomatoes (11%) ဒီတစ်ခါမှာတော့ 2000ခုနှစ်ကထွက်ရှိထားတဲ့ Boys and Girls ဆိုတဲ့ Romance Comedy ဇာတ်ကားလေးတစ်ခုကိုတင်ဆက်ပေးချင်ပါတယ်။ ဒီဇာတ်ကားထဲမှာ နာမည်ကျော်သရုပ်ဆောင်တွေဖြစ်တဲ့ Freddie Prinze Jr. နဲ့ Claire Forlani တို့ကအဓိကပါဝင်သရုပ်ဆောင်ထားပါတယ်။ ဇာတ်လမ်းအကျဥ်း ရိုင်ယန်နဲ့ဂျန်နီဖာဟာ ငယ်ငယ်တုန်းက L.Aမြို့ကိုပျံသန်းမယ့် လေယာဥ်ပေါ်မှာ ဘေးချင်းကပ်ထိုင်စီးရာကနေ ခင်မင်ခဲ့ပါတယ် ထို့နောက် ကွဲကွာသွားပြီး နှစ်တွေကြာပြီး တက္ကသိုလ်မှာမှပြန်ဆုံတွေ့ပါတယ်။ ရိုင်ယန်က ဘယ်ကိစ္စမဆိုကိုအလေးအနက်ထားတတ်ပြီး သေချာအစီစဥ်ဆွဲပြီးမှလုပ်တတ်သူပါ။ ဂျန်နီဖာကတော့ ဘာကိုမှသိပ်မတွေးဘဲ လွတ်လွတ်လပ်လပ်ပေါ့ပေါ့ပါးပါးနေတတ်သူပါ။ ဒီလိုဆန့်ကျင်ဘက်အကျင့်စရိုက်တွေနဲ့သူတို့နှစ်ယောက်ဟာ ကောလိပ်တက်တဲ့အရွယ်မှာပြန်တွေ့တော့လည်း အရာရာတိုင်ပင်လို့ရတဲ့ သူငယ်ချင်းတွေဖြစ်လာပါတယ်။ သူတို့နှစ်ယောက်တစ်ယောက်အပေါ်တစ်ယောက် သူငယ်ချင်းထက်ပိုတဲ့ခံစားချက်တွေရှိနေပေမဲ့ သူတို့ရဲ့သူငယ်ချင်းဆက်ဆံရေးလေးပျက်စီးသွားမှာကြောက်တာကြောင့် နှစ်ယောက်စလုံးမြိုသိပ်ထားခဲ့ကြပါတယ်။ အကျင့်စရိုက်ဆန့်ကျင်ဘက်ဖြစ်နေတဲ့ သူတို့နှစ်ယောက် ဘယ်လိုအခြေအနေတွေမှာအမြင်မတူတာတွေဖြစ်မလဲ? သူတို့တွေသူငယ်ချင်းအဆင့်ထက်ကျော်သွားမလား? ဒါမှမဟုတ် တစ်သက်လုံးသူငယ်ချင်းအဖြစ်ပဲဆက်ရှိနေသွားမှာလား? (အညွှန်းနဲ့ဘာသာပြန်ကတော့ Rubyjane ဖြစ်ပါတယ်။) File size…(2.4 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Comedy,Drama,Romance Duration….01:34:34 Subtitle….Myanmar Subtitle (Hardsub) Encoder….Double K Translated by Rubyjane