Tim Rozon ပါဝင်သော ဇာတ်ကားများ

Infiltrate (2026) ဒီတစ်ခါတော့အက်ရှင်နဲ့ သည်းထိတ်ရင်ဖို ဇာတ်ကားကြိုက်တဲ့သူတွေအတွက် မကြာသေးခင်ကမှ ထွက်ရှိထားတဲ့ Infiltrate (2026) ရုပ်ရှင်ကားလေးအကြောင်း တင်ပေးထားပါတယ်။ ဒီကားကို ဒါရိုက်တာ James Mark က ရိုက်ကူးထားပြီး မင်းသမီး Orphée Ladouceur-Nguyen၊ မင်းသား Tim Rozon နဲ့ Alain Moussi တို့ ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်း အစိုးရအေးဂျင့် လီလီချန်း ဆိုတဲ့ အမျိုးသမီးတစ်ယောက်အကြောင်းပါ။ သူက တော်တော်လေး စွမ်းဆောင်ရည်ပြည့်ဝတဲ့ အေးဂျင့်တစ်ယောက်ဖြစ်ပြီး မာဆယ် လာဖလူး ဆိုတဲ့ ရာဇဝတ်ဂိုဏ်းခေါင်းဆောင်ကြီးကို ဖြိုခွင်းဖို့ လပိုင်းလောက် အချိန်ယူပြီး ကြိုးစားနေတာပါ။ ဒါပေမဲ့ တစ်နေ့မှာတော့ သူ့ယောက်ျားဖြစ်တဲ့ ဂျွန် ပြန်ပေးဆွဲခံလိုက်ရပါတယ်။ အဲဒီအချိန်မှာ သူ့ဆီကို အမည်မသိဖုန်းတစ်ကောလ် ဝင်လာပြီး သူ့ယောက်ျားကို အသက်ရှင်လျက် လိုချင်ရင် သူတို့ခိုင်းတဲ့ ရာဇဝတ်ကောင်တွေကို လိုက်သတ်ပေးဖို့ ခြိမ်းခြောက်ပါတော့တယ်။ ဒီလိုနဲ့ လီလီချန်း တစ်ယောက် သူ့ယောက်ျားကို ကယ်ဖို့အတွက် တာဝန်နဲ့ မိသားစုကြား ဗျာများရပြီး မလုပ်ချင်ဘဲနဲ့ မြေအောက်ရာဇဝတ်လောကထဲကို ဝင်ရောက်သွားရပါတော့တယ်။ သူ့ယောက်ျားကိုရော အချိန်မီ ကယ်တင်နိုင်မလား၊ သူ့ကို ခိုင်းစေနေတဲ့ နောက်ကွယ်က လူတွေကရော ဘယ်သူတွေလဲ၊ သူ ဖြိုခွင်းချင်နေတဲ့ မာဆယ် လာဖလူး နဲ့ရော ဘယ်လိုတွေ ထိပ်တိုက်တွေ့မလဲ ဆိုတာကို အက်ရှင်ခန်း ခပ်ကြမ်းကြမ်းတွေနဲ့ ကြည့်ရှုရမယ့် ကားကောင်းလေး တစ်ကားဖြစ်ပါတယ်။ မင်းသမီး Orphée Ladouceur-Nguyen က စတန့်မင်းသမီးဖြစ်တဲ့အတွက် အက်ရှင်ဖိုက်တင်ခန်းတွေကတော့ တော်တော်လေးကို ကြည့်ကောင်းပါတယ်။ File size… (950 MB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Action,Thriller Duration…. 01:33:27 Subtitle…. Myanmar Subtitle (Hardsub)

ဒီတစ်ခေါက်တင်ဆက်ပေးမယ့် ဇာတ်ကားလေးကတော့ Action/Thriller အမျိုးအစားဇာတ်ကားလေးပဲဖြစ်ပါတယ်.. ဒီဇာတ်ကားလေးမှာဆိုရင် ဒုစရိုက်သမားဖြစ်သူလင်ယောက်ျားဆီမှ ထွက်ပြေးကာ ဘဝသစ်တစ်ခုစဖို့ ကြိုးစားသူ အမျိုးသမီးတစ်ယောက်ရဲ့ လမ်းတစ်ထောက်မှာ ကြုံတွေ့ရတဲ့ အခက်အခဲများ ပြဿနာများကို သွေးထွက်သံယို သတ်ပုတ်ခန်းများဖြင့် တင်ဆက်ရိုက်ကူးထားတာပဲဖြစ်ပါတယ်.. ဒုစရိုက်ခေါင်းဆောင်ဖြစ်သူရဲ့ အမျိုးသမီး Chloe ဟာ ကလေး ၂ ယောက်ရဲ့ မိခင်ဖြစ်ပါတယ် ယောက်ျားဖြစ်သူရဲ့ မကောင်းမှုနယ်ပယ်ထဲကနေ ထွက်ပြေးလွတ်မြောက်ဖို့ ကြိုးစားသူ Chloe ဟာ ဖယ်ဒရယ်အေးဂျင့်တစ်ယောက်နဲ့ ချိတ်ဆက်ကာ ဒုစရိုက်လောကက ထွက်ပြေးလွတ်မြောက်ဖို့ ကြိုးစားပေမယ့် အချိတ်အဆက်များပြားလှတဲ့ ယောက်ျားဖြစ်သူ Jake လက်မှ မလွတ်နိုင်ခဲ့ပါဘူး.. Chloe တစ်ယောက် ဖယ်ဒရယ်အေးဂျင့်နဲ့ ဆုံမယ့်နေရာမှာပဲ Jake လက်အောက်ခံ လူမိုက်များရောက်ရှိလာကာ Chloe နဲ့ ကလေးများကို ပြန်လည်ခေါ်ဆောင်ဖို့ ကြိုးစားပါတော့တယ်.. ထိုသို့နှင့် ဖမ်းဆီးခေါ်ဆောင်ရာလမ်းတွင် Chloe တစ်ယောက် တောထဲသို့ ထွက်ပြေးလွတ်မြောက်သွားရာ သေနတ်ပစ်ကျွမ်းကျင်သူ မုဆိုးတစ်ယောက်အကူအညီနဲ့ Jake လက်အောက်ခံများဘေးမှ ခဏတာလွတ်မြောက်ခဲ့ပါတယ်.. Jake လက်အောက်ခံများမှာ မကျွမ်းကျင်သည့်တောအတွင်း ဝင်ရောက်ဖမ်းဆီးဖို့ တွန့်ဆုတ်တွန့်ဆုတ်ဖြစ်နေစဉ်မှာပင် တောလိုက်မုဆိုးကားကို တွေ့ရှိသွားကာ ကားမောင်းလို့မရအောင် ဖျက်ဆီးပစ်ခဲ့ကြပါတယ်.. ထိုလုပ်ရပ်ကို တောထဲမှမြင်နေရသည့် Chloe နဲ့ မုဆိုးဟာ ၎င်းတို့ထံသို့ ဖုန်းဆက်ပြီး အလွတ်ပေးဖို့ ညှိနှိုင်းသော်လည်း မအောင်မြင်ခဲ့တဲ့နောက်မှာတော့ Jake လက်အောက်ခံများနှင့် မုဆိုးတို့နှစ်ဖွဲ့ကြား ပွတ်တိုက်မှုများ ဖြစ်လာရပါတော့တယ်.. ဒီကားလေးဟာဆိုရင် အက်ရှင်ကားကြိုက်နှစ်သက်သူ ပရိသတ်များအတွက် စိတ်အဆာပြေစေနိုင်တဲ့ ဇာတ်ကားလေးဖြစ်ပြီး ဇာတ်လမ်းဇာတ်ကွက်လည်း ကောင်းမွန်တဲ့ ကားလေးဖြစ်လို့ ရွေးချယ်ခံစားနိုင်ရန် ညွှန်းဆိုပေးလိုက်ရပါတယ်ခင်ဗျာ.. File Size… (1.25 GB) / (790 MB) Quality… WEB-DL 1080p HEVC /720p Format…mkv / mp4 Duration…1h 29m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Ye Thiha Htet

IMDb Rating (6.6) / Rotten Tomatoes (59%) ( WEB-DL ,4K ကြည်တောက်ရှင်း Update ) ဂျက်ကီချန်းပါဝင်တဲ့ ကရာတေးကောင်လေး ဒုတိယရုပ်ရှင်ဖြစ်ပါတယ်။ ဒီရုပ်ရှင်မှာတော့ ကရာတေးမင်းသားအသစ်အဖြစ် Ben Wang က ပါဝင်ထားပြီး ဂျက်ကီချန်း အပြင် မူရင်းကရာတေးကစ်မင်းသား Ralph Macchio လည်း ပါဝင်ထားပါတယ်။ Karate ရုပ်ရှင်တွေဟာ 1984 မှာပထမဆုံးစတင်ခဲ့ကတည်းက သိုင်းရုပ်ရှင်တွေရဲ့ icon တစ်ခုဖြစ်ခဲ့ပြီး ဆန်ဆေး မီယာဂီဟာလည်း ကမ္ဘာကျော်ဇာတ်ကောင်တစ်ဦးဖြစ်ခဲ့ပါတယ်။ ဒီရုပ်ရှင်တွေကို အစဉ်လိုက် ကြည့်မယ်ဆိုရင် The Karate Kid (1984) The Karate Kid Part II (1986) The Karate Kid Part III (1989) The Next Karate Kid (1994) The Karate Kid (2010) Cobra Kai Series (2018 - 2025) စဆုံး The Karate Kid (2025) အဖြစ် ကြည့်နိုင်ပါတယ်။ အားလုံး ချန်နယ်မြန်မာ CM website နဲ့ App မှာ ရှိပါတယ်။ ဇာတ်လမ်းအကျဉ်း ++++++++++ လီဖောင်ဆိုတဲ့ ကွန်ဖူးသမားလေးဟာ မိခင်နဲ့အတူ နယူးယောက်ကို ပြောင်းလာရပါတယ်။ လီဖောင်ရဲ့ဆရာ ဟန်ရှီးဖူးကတော့ ဘေဂျင်းမှာ ကျန်ခဲ့တာပါ။ လီတစ်ယောက် မိန်းမလေးတစ်ယောက်နဲ့ ရင်းနှီးရာကနေ သူ့အဖေကို လက်ဝှေ့ပြန်ထိုးဖြစ်အောင် ကူညီလိုက်မိပါတယ်။ ဒါပေမဲ့ လက်ဝှေ့ပွဲမှာ ဒဏ်ရာရသွားပြီး သူတို့ရဲ့ ပီဇာဆိုင်ပါ ပိတ်ရမလို ဖြစ်တဲ့အခါ လီလည်း သိုင်းပြိုင်ပွဲကနေ ငွေရှာဖို့ ကြိုးစားရပါတော့တယ်။ ဒါပေမဲ့ နယူးယောက်ရဲ့ အကြမ်းဆုံးကရာတေးပွဲမှာ နိုင်ဖို့ ဆရာဟန်က လိုက်လာကူပေမဲ့ မလုံလောက်မှန်းသိတာမလို့ မိတ်ဆွေဟောင်းကြီး မီယာဂီရဲ့ တပည့်ရင်း လာရူဆိုကို ကရာတေးသင်ပေးဖို့ အကူအညီတောင်းရပါတော့တယ်။ ကွန်ဖူးနဲ့ကရာတေး ပေါင်းစပ်ပြီးတော့ နယူးယောက်ရဲ့ အကြမ်းဆုံးကရာတေးသမားကို ဘယ်လို ရင်ဆိုင်မလဲဆိုတာ ကြည့်ရပါလိမ့်မယ်။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… ( 7.42 GB) / (2.74 GB) / (1.11 GB) Quality…. WEB-DL 4K HEVC /1080p HEVC / 720p Format…. mkv/mp4 Genre…. Action, Drama, Family, Sport Duration…. 01:28:15 Subtitle…. Myanmar Subtitle (Hardsub) Encoder…. Min Wai , Double K Translated by Mr. Anderson

Wynonna Earp: Vengeance (2024) IMDb Rating (5.6) ဝိုင်နုန်နားအာ့ပ် - နာမည်ကျော် ဥပဒေဘက်တော်သားကြီးဝိုင်းယက်အာ့ပ်၊ ကနေဒါ ရော့ကီးတောင်တွေနားက ပါဂတိုရီဆိုတဲ့ မြို့လေးက သူ့ဇာတိ။ မှော်အစွမ်းရှိတဲ့ ငြိမ်းချမ်းချင်သူကြီးဆိုတဲ့ သေနတ်ကိုကိုင်ပြီး နတ်ဆိုးတွေကို ငရဲပြည်ပြန်ပို့ပေးသူ။ ဝေဗာလီဆိုတဲ့ ဘာလာလာအကုန်ဒေါင်းတဲ့ အထန်ညီမတစ်ယောက်နဲ့ အသက်ရာချီရှည်တဲ့ ဒေါက် ဟော်လီဒေးဆိုတဲ့ ချစ်သူရှိတယ်။ ဒါတွေ အားလုံးဟာ Beau Smith ရဲ့ comic book series ကို အခြေခံရိုက်ကူးထားတဲ့ Wynonna Earp ဆိုတဲ့ Supernatural Western ရုပ်ရှင်စီးရီးထဲကပါ။ ၂၀၁၆ ကနေ ၂၀၂၁ ခုနှစ်အထိ season ၄ခုထွက်ထားပါတယ်။ ဆုတွေလဲ အတော်ရဖူးပါတယ်။ ခုရုပ်ရှင်ကတော့ အဆိုပါစီးရီးကို ပြန်အသက်သွင်းတဲ့အနေနဲ့ မူရင်းဇာတ်ကောင်တွေကို အသုံးပြုပြီး ရုပ်ရှင်အဖြစ်ရိုက်ကူးထားတာပါ။ ကြိုပြီးသတိပေးထားချင်တာ တစ်ကားလုံးမှာ ပက်ပက်စက်စက်ကို ဆဲပါတယ်။ စကား ၁၀ခွန်းမှာ ၇ခွန်းခွဲလောက်က Slang တွေ Idiom တွေပါ (ဘာသာပြန်သူ စိတ်အတော်လေရပါတယ် - အမေရိကန်အစစ်တွေတောင် အလုံးစုံနားလည်ရဲ့လား မသိပါ) Straight ‌ရော LGBTရော အခန်းလေးတွေပါပါတယ်။ Horror အဆင့်လောက်တော့ ကြောက်စရာမပါပါဘူး။ စီးရီးကြည့်ဖူးသူတွေကတော့ ပြဿနာမရှိနိုင်ပေမယ့် ခုမှကြည့်ဖူးသူတွေကတော့ အတော်တိုင်ပတ်ပါလိမ့်မယ်။ ဇာတ်လမ်းအကျဉ်း ပါဂတိုရီဆိုတဲ့ မြို့လေးမှာ ဝိုင်နုန်နားအာ့ပ် ရဲ့ အချစ်ဆုံးသူငယ်ချင်းတစစီဖြတ်ပြီး အသတ်ခံလိုက်ရပါတယ်။ ဝိုင်နုန်နားလဲ ဒီကိစ္စကို စုံစမ်းဖို့ ပြန်လာရင်း တရားခံဟာ လွန်ခဲ့တဲ့ အနှစ် ၂၀လောက်တုန်းက သူနဲ့ ပတ်သတ်ခဲ့ဖူးတဲ့ လူတစ်ယောက်ဖြစ်နေတာကို သိလိုက်ရပါတယ်။ အဲဒီလူက ဘာအကြောင်းကြောင့် သူ့ကို ဦးတည်ပြီး တိုက်ခိုက်နေတာလဲ ဆိုတာကတော့ ဆက်လက်ရှုစားကြပါ။ ဇာတ်ဆောင်တွေအနေနဲ့ Melanie Scrofano, Tim Rozon, Dominique Provost-Chalkley နဲ့ Katherine Barrell တို့က ဦးဆောင်ပါဝင်ထားပါတယ်။ (အညွှန်းနဲ့ဘာသာပြန်ကတော့ TLone ဖြစ်ပါတယ်။) File size…(1.6 GB) / (950 MB) Quality….WEB-Rip 1080p HEVC / 720p Format…. mkv/mp4 Genre….Action, Thriller, Drama, Fantasy, Horror Duration….01:36:22 Subtitle….Myanmar Subtitle (Hardsub) Encoder….Benjamin Translated by TLone

ရှေးခေတ်ကောင်းဘွိုင်ကားတွေကြည့်လိုက်ရင် Cowboy ဆိုတဲ့ အတိုင်း အမျိုးသားတွေကပဲကြမ်းပြနေပြီး အမျိုးသမီးတွေ ကြမ်းပြတယ်ဆိုတာ ခပ်ရှားရှားပါပဲ။ အဲ့ဒါကြောင့် သာမန်ကောင်းဘွိုင်ကားတွေနဲ့မတူပဲ အမျိုးသမီး တစ်ယောက် ကြမ်းပြတဲ့ကားကိုကြည့်ချင်ရင်တော့ အခုတင်ဆက်ပေးမဲ့ Calamity Jane ဆိုတဲ့ ကားက ရှယ်ပဲ ဖြစ်ပါလိမ့်မယ်။ဘာလို့လဲဆိုတော့ ဇာတ်ကားနာမည်ထဲက ကလမ်မတီဂျိန်းဆိုတာက ကောင်းဘွိုင်သမိုင်းကြောင်းမှာ တကယ် ရှိခဲ့တဲ့ ခပ်ကြမ်းကြမ်းအမျိုးသမီးတစ်ယောက်ဖြစ်နေလို့ပါပဲ။ သေနတ်ပစ်ရာမှာ ယောက်ျားတွေထက်ပိုကြမ်းသလို လုပ်ခဲ့တဲ့ ရာဇဝတ်မှုတွေကြောင့် သူ့နာမည်ကြားရုံနဲ့ကို ရှိန်နေရတဲ့ အမျိုးသမီး တစ်ယောက်ဖြစ်ခဲ့ပါတယ်။၁၉၅၃ ခုနှစ်တုန်းကလည်း ဒီနာမည်နဲ့ပဲ ဇာတ်ကားတစ်ကားထွက်ခဲ့ပြီး အခုကတော့ခေတ်သစ်မှာပြန်လည် ဆန်းသစ်ရိုက်ကူးထားတယ်လို့ပြောရမှာပါပဲ။အထက်မှာပြောခဲ့တဲ့ အတိုင်းပဲ အဲ့လိုကြမ်းပေ့ရမ်းပေ့ဆိုတဲ့ ကလမ်မတီဂျိန်းဆိုတဲ့ အမျိုးသမီးရဲ့ ယောက်ျားကို ဖဲဝိုင်းတစ်ဝိုင်းမှာစကားများပြီး လူတစ်ယောက်က သတ်လိုက်တာကိုသိလိုက်ရတဲ့အခါမှာတော့ ရေဆုံးမြေဆုံးထိ လိုက်ပြီးပြန်လည်လက်စားချေပုံတွေ သူ့ဘ၀ရဲ့ ဘ၀ဇာတ်ကြောင်းအစုံအလင်ကို သေနတ်ပစ်ခန်းတွေအများအပြားနဲ့ ကြည့်ရှုရမဲ့အက်ရှင်ဖြစ်ရပ်မှန်ဇာတ်ကားကောင်းလေးပဲဖြစ်ပါတယ်။ File size…1.69GB / 716 MB Quality…WEB-DL 1080p / 720p Format…mp4 Duration….1h 35m Genre ….. Western Subtitle….Myanmar Subtitle (Hard Sub) Encoder….Min Wai Translated by Saw Lay

Imdb rating - 6/10 ဒီကားလေးကတော့ ပေါ့ပေါ့ပါးပါးရိုမန့်စ်ကားလေးတွေ ကြည့်ချင်သူတွေအတွက် ရွေးချယ်သင့်တဲ့ကားလေးပါပဲ။ ဇာတ်လမ်းအကျဉ်းကတော့ ဆမ်နဲ့ဆန်နီ ညီအမနှစ်ယောက်က Wolf Creekမြို့လေးမှာ တိရစ္ဆာန်ကယ်ဆယ်ရေးစခန်းဖွင့်ထားတဲ့သူတွေပါ။ အော်စတင်ကတော့ အဖွားဖြစ်သူကိုကူညီဖို့ မွေးမြူရေးခြံကနေ မြို့ကိုခဏရောက်နေတဲ့သူဖြစ်ပါတယ်။ တစ်ရက်ကျတော့ အလှူရှင်လာဖို့ရှိလို့ ပြင်ဆင်မှုလုပ်နေတုန်း တောအုပ်ထဲမှာ ဒဏ်ရာရနေတဲ့ ဝံပုလွေတစ်ကောင်ကိုရှာပြီး ကယ်ဆယ်ရေးလုပ်ဖို့အကြောင်းဖန်လာပါတယ်။ ခြေရာကောက်ကျွမ်းတဲ့အော်စတင်က ဆမ်ကိုကူညီ‌ပြီးလိုက်ရှာကူပါတယ်။ တစ်ဖက်မှာလည်း ဝံပုလွေကို အရေခွံအတွက် လိုက်ဖမ်းနေတဲ့မှောင်ခိုသမားကိုလည်း ရင်ဆိုင်ရတဲ့ အော်စတင်နဲ့ဆမ်တို့ကြား အချစ်တွေ ဘယ်လိုပေါက်ဖွားလာမလဲဆိုတာ ပေါ့ပါးပါးပါးကြည့်ရှုရမှာပါ။ File size…(1.9 GB)/(1.1 GB) Quality….Webrip 1080p / 720p Format…mp4 Duration….01:30:00 Genre... Tv Movie, Romance Subtitle….Myanmar Subtitle (Hardsub) Encoder….Mr. Anderson Translated by Soe Thiri Nwe

ခင်ပွန်းဖြစ်သူကို ရှေ့တန်းမှာ မကြာသေးခင်ကမှ ဆုံးရှုံးထားရတဲ့ ကိတ်စလင်ဒါဟာ သမီးလေး အဲလက်စ်နဲ့အတူ ဂျော်ဂျီယာပြည်နယ်က မိသားစုပိုင် မွေးမြူရေးခြံမှာ နေထိုင်ပါတယ်။ ခြံအလုပ်တွေ လုပ်ရင်း မီးသတ်တပ်ဖွဲ့မှာလည်း စေတနာ့ဝန်ထမ်းအဖြစ် ဝင်ကူနေသူပါ။ မြို့က နယ်ထိန်းရဲ ဂျက်ကတော့ သူတို့ခြံရဲ့ လျှို့ဝှက်ချက်ကို သိထားပြီး အဖိုးတန်တဲ့ ဒီမြေကို အပိုင်ရဖို့ ကြိုးစားနေပါတယ်။ အဲဒီအချိန်မှာ ကိတ်ရဲ့ခင်ပွန်းနဲ့ ရှေ့တန်းမှာ အတူတာဝန်ထမ်းဆောင်ခဲ့တဲ့ စီဂျေက ဒါကိုတာဆိုတဲ့ ခွေးလေးကို ခေါ်ပြီး ရောက်လာတယ်။ အဲလက်စ်နဲ့ ရှေ့တန်းပြန်ခွေးလေး ဒါကိုတာတို့ ခြံရဲ့လျှို့ဝှက်ချက်ကို ဘယ်လိုဖော်ထုတ်ကြမလဲ၊ သူတို့မြေကို လိုချင်နေတဲ့ နယ်ထိန်းရဲကိုရော ဘယ်လိုပညာပေးကြမလဲဆိုတာ ဆက်ပြထားတဲ့ ၂၀၂၂ ခုနှစ်ထွက် မိသားစုဇာတ်ကားပါ။

ကျောင်းသားအဖွဲ့အစည်းတစ်ခုမှာ အသစ်ဝင်လာသူတွေဟာ အဖွဲ့ဝင်ဖြစ်ဖို့ အရင်လူတွေရဲ့ နောက်ပြောင်မှုနဲ့ စမ်းသပ်မှုတွေကို ဖြတ်သန်းရလေ့ရှိပါတယ်။ နှစ်ပေါင်းများစွာ ဒီလိုပဲ ပျော်စရာသဘောနဲ့ လုပ်လာခဲ့ကြပေမယ့် Kenny နဲ့ Alana ဆိုတဲ့ ကျောင်းသားသစ်နှစ်ယောက်ကို အဖွဲ့ထဲလက်ခံမယ့်အချိန်မှာတော့ အမှားတစ်ခု ဖြစ်သွားတယ်။ နောက်ပြောင်မှုက လွန်လွန်ကျူးကျူးဖြစ်သွားပြီး Kenny ဟာ စိတ်ကျန်းမာရေးဆေးရုံအထိ ရောက်သွားရပါတယ်။ Alana က သူ့ကြောင့် ဒီလိုဖြစ်ရတာကို စိတ်မကောင်းဖြစ်နေပေမယ့် အဖွဲ့ဥက္ကဋ္ဌ Doc နဲ့ အတန်းကြီးကျောင်းသားတွေကြောင့် ဘာမှမလုပ်နိုင်ဘဲ ကြည့်နေခဲ့ရတယ်။ သုံးနှစ်ကြာပြီး အဲဒီကိစ္စကို မေ့လျော့စပြုလာတဲ့အချိန်မှာ သူတို့ကျောင်းသားတစ်စုက Halloween ညအတွက် အပျော်စီးရထားခရီးတစ်ခု စီစဉ်ကြပါတယ်။ ဒါပေမယ့် ပျော်ဖို့ထွက်လာတဲ့ ခရီးမှာ အသက်အန္တရာယ်နဲ့ ရင်ဆိုင်လာရတယ်။ ဘယ်သူက ဘာကြောင့် သူတို့ကို ပစ်မှတ်ထားနေတာလဲ၊ အရင်တုန်းက Kenny နဲ့များ ပတ်သက်နေမလားဆိုတာ မသိရဘဲ ရထားပေါ်က လူတိုင်းကို သံသယဝင်စရာ ဖြစ်လာပါတယ်။ Terror Train (1980) ကို ပြန်လည်ရိုက်ကူးထားတဲ့ ထိတ်လန့်သည်းဖို၊ လျှို့ဝှက်ဆန်းကြယ်ဇာတ်ကားပါ။

SurrealEstate (2021 + 2023 + 2025 ) Season 1 + 2 + 3 [ Complete ] ~ IMDb - 7.1/10, Rotten Tomatoes - 79% ~ 2021 မှာ စထုတ်လွှင့်ခဲ့ပြီး ဒီနှစ်မှာလည်း Season 2 ပြသနေဆဲ ဇာတ်လမ်းတွဲကောင်းပါပဲ။ ကောင်းတယ်ဆိုတာက ခင်ဗျား ဘယ်လိုအမျိုးအစားနဲ့ ယှဉ်လဲအပေါ်မူတည်ပါတယ်။ Sherlock တို့၊ Breaking Bad တို့လို တကယ့်ပါဖက်ရှင်နစ်ဖြစ်နေတဲ့ စီးရီးတွေနဲ့ ယှဉ်ရင်တော့ကောင်းတယ်ပြောဖို့ခက်ပါလိမ့်မယ်။ ဒါပေမဲ့ Supernatural တို့လို စီးရီးတွေနဲ့ ယှဉ်ရင်တော့ ကောင်းတယ်ပြောရပါမယ်။ Supernaturalကို ထည့်ပြောရတဲ့အကြောင်းရင်းကလည်း ဒီစီးရီးက Supernaturalဆန်နေလို့ပါပဲ။ သရဲလိုက်ရှာ သရဲဇစ်မြစ်ရှာ သရဲသတ် ဒါတွေပေါ့။ သရဲသတ်တယ်ဆိုတာထက် သရဲရဲ့မပြီးသတ်သေးတဲ့ကိစ္စတွေကို ရှင်းပေးပြီး နောက်ဘဝကူးနိုင်အောင် ကူညီပေးတယ်လို့ပါပြောရမလားပဲ။ ဒါပေမဲ့ မတူတာက သူက ပလိန်းကြီး လိုက်ရှာလိုက်ဖမ်း လိုက်သတ်နေတာတော့မဟုတ်ဘူး။ မင်းသားအလုပ်က အိမ်ပွဲစား။ အိမ်ပွဲစားဆိုပေမဲ့ သူတို့က သရဲခြောက်တဲ့အိမ်တွေနဲ့ မကင်းတဲ့အလုပ်တွေလုပ်တာ။ သူတို့က သရဲခြောက်တဲ့အိမ်တွေကို သရဲခြောက်တဲ့အိမ်တွေလို့မသုံးဘူး၊ SurrealEstateလို့ သုံးတယ်။ သရဲခြောက်တဲ့အိမ်ဆို အိမ်ဈေးကျသွားမှာကိုး။ သဘာဝလွန်အိမ်ခြံမြေ‌ပဲ ထားပါတော့။ ဒီဘဲက အဲဒီလိုအိမ်တွေကို သရဲရှင်းပေးပြီး ဈေးကောင်းကောင်းနဲ့ရောင်းလို့ရအောင် လုပ်ပေးတာ။ အများအကျိုးလည်းဆောင် ကိုယ်ကျိုးလည်း‌အောင်ပေါ့။ သူ့မှာလည်း ထူးခြားတဲ့ ဘဝပေးအခြေအနေရှိတယ်။ သူ့အမေကလည်း အဲဒီလို သရဲခြောက်တဲ့အိမ်တစ်လုံးထဲ ထူးထူးဆန်းဆန်းပဲ ဝင်ပြီး ပျောက်သွားသလို သေသွားတဲ့သူ့အဖေကိုလည်း သူတစ်ခါတလေဆို စကားတွေပြောဖြစ်တယ်။ သရဲခြောက်တဲ့အိမ်တွေကို သူတို့ဖြေရှင်းပုံတွေကလည်း ဆန်းတော့ဆန်းတယ်။ များသောအားဖြင့်တော့ သရဲခြောက်ခံရတဲ့အိမ်တွေရဲ့ပိုင်ရှင်တွေက သရဲရှိလို့ရှိမှန်းတောင် မသိလိုက်တာတွေရှိတယ်။ ပြောရရင် သူတို့က ဒီအဖြစ်တွေကို သာမန်လူတွေနဲ့ကင်းကွာနိုင်သလောက် ကင်းကွာနိုင်အောင်ထားပြီး သူတို့ဘာသာဖြေရှင်းလိုက်တာကများတယ်။ အိမ်ရဲ့သမိုင်းကြောင်း နောက်ခံဘာညာ သရဲရဲ့စွမ်းအား အမျိုးအစား ဘာညာကို ဒေတာဘေ့စ်တွေကိုအသုံးချ သေချာသုတေသနလုပ်ပြီးမှ ဖြေရှင်းကြတာ လက်နက်တွေဘာတွေရယ်လို့လည်း မရှိ‌ပေမဲ့ Ghostbusters ဆန်ဆန် Gadgets အဆန်းတွေတော့သုံးတယ်။ နာမည်ကြီး စကားတွေ နာမည်ကြီးရုပ်ရှင်တွေကိုလည်း Ref ထားတယ်။ သူ့အမျိုးအစားထဲမှာမှ နာမည်ကြီးဖြစ်တဲ့ The Exorcist ကိုတောင် ref သွားပါသေးတယ်။ Supernatural ဆန်ဆန် သရဲဖမ်းတဲ့ဇာတ်ကိုမှ အင်းနားလော့ဂျစ်ကောင်းကောင်းလေးနဲ့ သေသေသပ်သပ်ရိုက်ကူးထားတဲ့ စီးရီးကိုကြည့်ချင်ရင်တော့ ဒီစီးရီးကို လက်မလွှတ်သင့်ပါဘူး။ (ဒီစီဆင်အတွက် အညွှန်းရေးသား ဘာသာပြန်ပေးသူတွေကတော့ 666 နဲ့ W တို့ပဲဖြစ်ပါတယ်) Size ~ 600MB+ Total - 10 Episodes Quality – 1080p Duration ~ 44min (@Episode) Subtitle – Myanmar Hardsub Format – Mp4 Genre : Drama, Fantasy, Mystery Source : SYFY.Web-dl.1080p Translator – 666, W Encoder – Y SurrealEstate (2023) Season 02 Complete လုခ်ရိုမန်က သူ့ရဲ့ တခြားတစ်ဖက်ကို ဆက်သွယ်နိုင်တဲ့ အစွမ်းတွေ ပျောက်သွားပါပြီ။ သူမကြိုက်ဘူးလို့ ပြောတတ်ပေမဲ့ အရင်းနှီးဆုံးဖွားဖက်တော်သူငယ်ချင်းကို ဆုံးရှုံးလိုက်ရသလို ခံစားနေရပြီး အခြေအနေက မဟာဒုက္ခတွင်းဆုံးကျသလို ဖြစ်နေပါတယ်။ သူ့အဖေနဲ့လည်း စကားပြောလို့မရတာလည်း အကြောင်းအရင်းတွေထဲကတစ်ခုပေါ့။ သူ့ကောင်မလေး မီဂန်နဲ့လည်း ပြတ်သွားပါတယ်။ လုခ်မရှိတော့ ကျန်ခဲ့တဲ့ ဆူဆန်ကပဲ လုပ်ငန်းကို ဦးစီးပြီး ဆက်လည်ပတ်နေရပါတယ်။ အလုပ်သရဲပီပီ နဂိုကတည်းက ကြမ်းတဲ့ ဆူဆန်က Telekinesis အစွမ်းကိုပါ အသုံးချပြီးတော့ သဘာဝလွန် အိမ်ထိန်းသိမ်းရေးတွေကိုလည်းလုပ်နေတာပေါ့။ ကျန်တဲ့နှစ်ယောက်ကတော့ သိပ်အပြောင်းအလဲမရှိပေမဲ့ အော်ဂတ်ကတော့ သရဲနဲ့စကားပြောနိုင်တဲ့ လုခ်မရှိတော့ ဆက်သွယ်လို့ရမယ့်နည်းလမ်းရှာဖို့ကို တိုင်ပတ်နေပါတယ်။ လုခ် အလုပ်ကိုပြန်လာတဲ့အချိန်မှာတော့ အရင်ကလို အစွမ်းမရှိတော့ဘဲ ကျွတ်ဆတ်ဆတ်ဖြစ်လာပြီး ဆူဆန်နဲ့ ကတောက်ကဆတွေ ဖြစ်လာပါတယ်။ သူ့ရဲ့ တခြားတစ်ဖက်ကို ဆက်သွယ်နိုင်တဲ့ လိုင်းပျောက်သွားတော့ သူ ဒီ သဘာဝလွန်အိမ်ခြံမြေရောင်းဝယ်ရေးကို ဘယ်လိုဆက်လုပ်သွားမလဲဆိုတာကို ဆက်ကြည့်ရမှာပါ။ (ဒီစီဆင်အတွက် အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 600MB+ Total - 10 Episodes Quality – 1080p Duration ~ 44min (@Episode) Subtitle – Myanmar Hardsub Format – Mp4 Genre : Drama, Fantasy, Mystery Source : SYFY.Web-dl.1080p Translator – 666 Encoder – Y

Screamers: The Hunting (2009) IMDb Rating (4.7) / Rotten Tomatoes (15%) Sirius 6B ဂြိုဟ်ပေါ်က လူသတ်စက်ရုပ်တွေရဲ့ ရန်ကြောင့် လူသားတွေ သေကြေပျက်စီးခဲ့ရအပြီး ၁၃ နှစ်အကြာမှာတော့ ထူးဆန်းတဲ့ အရေးပေါ် SOS အချက်ပြမှုတစ်ခု ကမ္ဘာမြေဆီ ရောက်ရှိလာခဲ့ပါတယ်။ အဲ့ဒါကြောင့် မဟာမိတ်တပ်ဖွဲ့က စစ်ကူနဲ့ ကယ်ဆယ်ရေးအဖွဲ့တစ်ဖွဲ့ကို အဆိုပါဂြိုဟ်ဆီ စေလွှတ်လိုက်ပါတယ်။ ဒါပေမဲ့ ဂြိုဟ်ပေါ်ရောက်တဲ့အခါ Screamer တွေဟာ ပျက်စီးသွားခြင်းမရှိဘဲ ပိုမိုဆန်းသစ်ဆန်းကြယ်တဲ့ နည်းပညာတွေနဲ့ လူသားပုံစံအတိုင်း အသွင်ပြောင်းလဲတိုးတက်လာတာကို ထိတ်လန့်ဖွယ် တွေ့လိုက်ရပါတယ်။ Screamer တွေဟာ သူတို့မိတ်ဆွေတွေအဖွဲ့သားတွေကို သတ်ဖြတ်ပြီး အဲ့ဒီလူအသွင်ယူနိုင်သလို သနားစရာဒုက္ခသည်အယောင်လည်းဆောင်နိုင်ပါတယ်။ အဲ့ဒီလို မာယာများပြီး သတ်ဖြတ်စွမ်းရည်ပါတိုးတက်လာတဲ့ Screamer တွေကိုအတွေ့အကြုံမရှိတဲ့ သူတို့အဖွဲ့သားတွေဘယ်လိုရင်ဆိုင်ကျော်လွှားကြမလဲ ရှုစားရမှာဖြစ်ပါတယ်။ ဒီကားမှာတော့ အက်ရှင်ပိုင်းရော သတ်ခန်းဖြတ်ခန်းတွေပါပထမကားထက် ပိုကြမ်းတမ်းရက်စက်လာတာကိုတွေ့မြင်ရမှာပါ။ File size… (2 GB) / (1.1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Horror,Science Fiction Duration…. 01:35:19 Subtitle…. Myanmar Subtitle (Hardsub)

End of the Line (2007) IMDb Rating (5.8) / Rotten Tomatoes (49%) ညနက်သန်းခေါင်မြေအောက်ရထားစီးလာတဲ့ ခရီးသည်တစ်စုဟာ ဘူတာနှစ်ခုကြားမှာ ရထားကြီးရုတ်တရက်ရပ်တန့်သွားတဲ့အခါ ပိတ်မိသွားကြပါတယ်။ အဲ့ဒီနောက်မကြာခင်မှာပဲ သာသနာပြုဝတ်စုံတွေနဲ့ကျမ်းစာအုပ်ကိုင်ထားတဲ့ လူတစ်စုရဲ့ရက်ရက်စက်စက်လိုက်လံသတ်ဖြတ်မှုကိုခံရပါတော့တယ်။ အဲ့ဒီစိတ္တဇသမားတွေလက်ကလွတ်အောင်ပြေးရင်း တစ်ဖြည်းဖြည်း သူတို့သိလာတာကတော့ ဒီလူတွေဟာ The voice ဆိုတဲ့ ဘာသာရေးဂိုဏ်းဝင်တွေဖြစ်ပြီးကမ္ဘာပျက်တော့မှာဖြစ်တဲ့အတွက် လူတွေကိုသတ်ဖြတ်ခြင်းကသာ သူတို့ဝိဉာဉ်ကိုကယ်တင်ရာရောက်တယ်လို့ယူဆပြီးsave လုပ်တဲ့အနေနဲ့လိုက်သတ်ကြတာဖြစ်ပါတယ်။ ကယ်တင်ခြင်းမခံရတဲ့သူတွေရဲ့ခန္ဓာတွေကိုတော့ မိစ္ဆာတွေကဝင်ရောက်ပူးကပ်မှာလို့သူတို့က ယုံကြည်ထားကြပါတယ်။ End of the Line (2007) ဟာဟောလိဝုဒ် Blockbuster ကားကြီးတွေလို ဝင်ငွေအမြောက်အမြားမဝင်ခဲ့ပေမယ့် cult classic ဇာတ်ကားတစ်ကားပါ။ နိုင်ငံတကာရုပ်ရှင်ပွဲတော်တွေမှာ ပြသခွင့်ရခဲ့ပြီး ဟော်ရာပရိသတ်တွေကြားမှာ နာမည်ကြီးသွားခဲ့ပါတယ်။ CGI ထက် Practical Effects အမိုက်စားတွေသုံးထားသလိုမွန်းစတားတွေကိုဖန်တီးထားတဲ့ပုံကလည်းအတော်မိုက်ပါတယ်။ အထူးသဖြင့် ဇာတ်သိမ်းခန်းလှည့်ကွက်က wtf ဆိုပြီးဖြစ်ရလောက်တဲ့အထိ ပရိသတ်အတွက်အငြင်းပွားစရာတွေးစရာတွေ ချန်ထားနိုင်ခဲ့တဲ့ Hidden Gem နောက်တစ်ကားပါပဲ။ File size… (1.8 GB) / (920 MB) Quality…. Blu-Ray 1080p HEVC / 720p Format…. mkv/mp4 Genre…. Horror,Thriller Duration…. 01:34:57 Subtitle…. Myanmar Subtitle (Hardsub)