Bruce Timm ပါဝင်သော ဇာတ်ကားများ

ကျွန်တော်တို့ ငယ်ငယ်က တီဗီမှာ စွဲစွဲလမ်းလမ်း ကြည့်ခဲ့ရတဲ့ Justice League ကာတွန်းစီးရီးတွေရဲ့ အရသာကို အပြည့်အဝ ပြန်ပေးစွမ်းနိုင်မယ့် Justice League vs. the Fatal Five (2019) အကြောင်းလေး ရွေးချယ်ပြီး တင်ဆက်ပေးချင်ပါတယ်။ ဇာတ်လမ်းက ၃၁ ရာစု အနာဂတ်ကာလကနေ စတင်ပါတယ်။ အနာဂတ်က The Fatal Five ဆိုတဲ့ ဗီလိန်အဖွဲ့ဟာ သူတို့ရဲ့ အဖွဲ့ဝင်တွေကို ကယ်ထုတ်ဖို့ ပစ္စုပ္ပန်ကာလကို အချိန်ခရီးသွားပြီး ရောက်လာကြပါတယ်။ အဲ့ဒီမှာ Superman, Batman နဲ့ Wonder Woman တို့ပါဝင်တဲ့ Justice League အဖွဲ့ကြီးက Green Lantern အသစ်လေး Jessica Cruz နဲ့ အနာဂတ်ကနေ ရောက်လာတဲ့ Star Boy တို့နဲ့ ပူးပေါင်းပြီး ဒီခြိမ်းခြောက်မှုကို ဘယ်လိုကာကွယ်ကြမလဲ ဆိုတာကို ရင်ခုန်စရာ ရိုက်ကူးထားတာပါ။ ဒီကားကို စကြည့်ကြည့်ချင်းပဲ Bruce Timm ရဲ့ နာမည်ကျော် Art Style ကြောင့် ချက်ချင်းဆိုသလို ငယ်ဘဝကို ပြန်ရောက်သွားသလို ခံစားရပါတယ်။ ဒါ့အပြင် Kevin Conroy (Batman), George Newbern (Superman) နဲ့ Susan Eisenberg (Wonder Woman) တို့ရဲ့ မူလဂန္တဝင် အသံတွေကို ပြန်ကြားရတာက Fan တွေအတွက်တော့ တကယ့်ကို ရင်ခုန်စရာပါပဲ။ ကားရဲ့ အမိုက်ဆုံးနဲ့ အလေးနက်ဆုံး အချက်က အက်ရှင်ချည်းပဲ မဟုတ်တာပါ။ အဓိက ဇာတ်ကောင်နှစ်ယောက်ဖြစ်တဲ့ Jessica Cruz ရဲ့ စိတ်ဒဏ်ရာ (PTSD) နဲ့ စိုးရိမ်ပူပန်မှု (Anxiety) တွေ၊ Star Boy ရဲ့ စိတ်ကျန်းမာရေး ပြဿနာတွေကို အတော်လေး လေးလေးနက်နက်နဲ့ လူသားဆန်ဆန် တင်ဆက်သွားတာက ဇာတ်လမ်းကို ပိုပြီး အသက်ဝင်စေပါတယ်။ : ရုပ်ထွက်က ငယ်ငယ်က ကြည့်ခဲ့ရတဲ့ ကာတွန်းကားတွေလို ဖြစ်နေပေမယ့်၊ တကယ့် Action အခန်းတွေကတော့ လူကြီးတွေအတွက်ပါ ရည်ရွယ်ထားတာမလို့ တော်တော်လေး ကြမ်းပါတယ်။ တိုက်ခိုက်မှုတွေက ပြင်းထန်ပြီး အထိအခိုက် အကျအဆုံးတွေကို လက်တွေ့ကျကျ မြင်တွေ့ရမှာပါ။ Justice League vs. the Fatal Five ဟာ သာမန် စူပါဟီးရိုး အက်ရှင်ကား တစ်ကားထက် ပိုပါတယ်။ ကိုယ့်ရဲ့ စိတ်ပိုင်းဆိုင်ရာ ကြောက်ရွံ့မှုတွေကို ဘယ်လိုကျော်ဖြတ်ပြီး ဟီးရိုးတစ်ယောက် ဖြစ်လာမလဲ ဆိုတာကို ပြသသွားတဲ့ ရင့်ကျက်တဲ့ ဇာတ်လမ်းသွားမျိုး ရှိပါတယ်။ ဂန္တဝင် Justice League ပုံစံကို လွမ်းဆွတ်နေတဲ့သူတွေ၊ Storytelling ကောင်းကောင်းနဲ့ Animation တွေကို သဘောကျတဲ့သူတွေ လုံးဝ ကြည့်သင့်တဲ့ ကားကောင်း တစ်ကားပါ။ File size…    971 MB / 469 MB Quality… Blu -Ray 1080p / 720p Format… mp4 Duration…. 1h 17m Genre ..... Animation, Adventure, SuperHeros Subtitle…. Myanmar Subtitle (Hard Sub)

ဒီဇာတ်ကားကတော့ တခြား Batman Animated Live Action ကားတွေနဲ့ယှဉ်ရင် နည်းနည်းထူးခြားပါတယ်။ စူပါဟီးရိုးသိုင်းလောကလေသံနဲ့ ပြောရမယ်ဆိုရင်တော့ နည်းနည်း Deep ပြီး Dark တဲ့ကားမျိုးထဲမှာပါပါတယ်။ Gotham by Gaslight Comic ကို အခြေခံရိုက်ကူးထားတာဖြစ်ပါတယ်။ ဒီဇာတ်လမ်းကတော့ ၁၉ ရာစု Victorian Era ကိုအခြေခံထားပြီး ဘယ်သူနဲ့ချချ နိုင်တယ်ဆိုတဲ့ Batman ပုံစံမျိုးမဟုတ်ပဲ Detective Batman တစ်ယောက်ကို အပြည့်အဝခံစားမိစေမှာပါ။ ဂေါ်သမ်မြို့က အပျော်မယ်တွေ ပြည့်တန်ဆာတွေကိုပဲ ပစ်မှတ်ထားသတ်ဖြတ်နေတဲ့ Jack the Ripper ကြောင့် ဂေါ်သမ်မြို့က အမျိုးသမီးတွေဟာ ထိတ်လန့်နေကြပါတယ်။ အောက်ခြေလူတန်းစားတွေ သတ်ဖြတ်ခံရတာဖြစ်တဲ့အတွက် ရဲတပ်ဖွဲ့ကလဲ လူသတ်သမားကို သိပ်ပြီးအရေးတယူမလုပ်ကြပါဘူး။ အဲ့အချိန်မှာ Jack the Ripper အကြောင်း လိုက်စုံစမ်းနေတဲ့ Bruce Wayne နဲ့ Selina Kyle တို့ ဆုံမိပြီး ရန်သူကို အတူရှာဖွေကြပါတယ်။ ဂေါ်သမ်မြို့နေသူအားလုံးကလဲ တစ်ယောက်နဲ့တစ်ယောက် အယုံအကြည် မရှိကြတဲ့အချိန်မှာ Bruce Wayen, Selina Kyle, Commisioner Gordon, Harvey Dent, Dr. Hugo Strange တို့ထဲက ဘယ်သူက ဘယ်သူ့ကို ချောက်ချမလဲ။ ဘယ်သူက ဘယ်သူ့ကိုယုံကြည်သလဲ။ Jack the Ripper ကြီးကရော ဘယ်သူဖြစ်နေမလဲဆိုတာ ဇာတ်ကားထဲမှာ ဆက်လက်ကြည့်ရှူကြပါလို့ပဲ တိုက်တွန်းလိုက်ပါတယ် အသတ်အပုတ် အက်ရှင်တွေကြီးပဲ ငြီးငွေ့လာတဲ့သူတွေအတွက်တော့ ပရိယာယ်လှည့်ကွက်လေးတွေနဲ့ စုံထောက်ဆန်ဆန် ဇာတ်လမ်းဆင်ထားတဲ့ ဒီဇာတ်ကားက ကြည့်ကို ကြည့်သင့်တဲ့ကားကောင်းတစ်ကားဖြစ်ပါတယ်။ Jack the Ripper က ဘာကြောင့် အပျော်မယ်၊ ပြည့်တန်ဆာတွေကိုပဲ ရွေးပြီး သတ်ဖြတ်တာလဲ၊ ဘာအတွက် သတ်နေတာလဲ ဆိုတဲ့မြုပ်ကွက်လေးတွေအပြင် Bruce Wayne နဲ့ အချစ်တော် Selina Kyle ကိုလဲ အမြင်သစ်နဲ့ ရှူစားရမှာဖြစ်တဲ့ပါတယ်။ (ဇာတ်လမ်းအညွှန်းနဲ့ ဘာသာပြန်သူကတော့ ကွီးအာပါ) File Size : (700 MB) and (214 MB) Quality : Blu-Ray 720p Running Time : 1hr 18min Format : Mp4 Genre :Animation, Action, Adventure Subtitle : Myanmar Subtitle (Hard Sub) Source : 720p.BluRay.x264.DTS-MT Translated by Arkar Phyo Encoded by Thanhtike Zaw

ဒီကာတွန်းကား ထွက်လာမယ်ဆိုတုန်းက ဂန္ထဝင် Batman: The Animated Series (BTAS) ကို လွမ်းနေတဲ့ ပရိသတ်တွေအတွက်တော့ တကယ့်ကို ရင်ခုန်စရာ သတင်းကောင်းပါပဲ။ ပုံဆွဲဟန် (Art style) ကအစ ငယ်ငယ်က တီဗီမှာ ကြည့်ခဲ့ရတဲ့ ကာတွန်းကားစတိုင်အတိုင်း ပြန်လုပ်ထားတာကိုး။ ဇာတ်လမ်းက ပွိုက်ဇင်အိုင်ဗွီ (Poison Ivy) နဲ့ ဖလိုရိုနစ်မန်း (Floronic Man) တို့ပေါင်းပြီး ကမ္ဘာပေါ်က လူသားတွေအားလုံးကို သစ်ပင်/လူစပ် သတ္တဝါတွေအဖြစ် ပြောင်းလဲပစ်ဖို့ ကြိုးစားတာကို တားဆီးရမယ့် ဇာတ်လမ်းပါ။ ဒီလိုတားဆီးဖို့အတွက် ဘက်တ်မန်း (Batman) နဲ့ နိုက်ဝင်း (Nightwing) တို့ဟာ အိုင်ဗွီရဲ့ သူငယ်ချင်းဟောင်း ဖြစ်ခဲ့ဖူးတဲ့ ဟာလေကွင်း (Harley Quinn) ရဲ့ အကူအညီကို မဖြစ်မနေ ရယူပြီး လိုက်လံရှာဖွေကြတဲ့ Road Trip စွန့်စားခန်းလေး တစ်ခုပါပဲ။ ဒီကားရဲ့ အကောင်းဆုံးအချက်ကတော့ ငယ်ဘဝကို ပြန်ရောက်သွားသလို ခံစားရတာပါပဲ။ ကွယ်လွန်သူ ဂန္ထဝင်မင်းသားကြီး Kevin Conroy နဲ့ Loren Lester တို့ကပဲ Batman နဲ့ Nightwing အသံတွေကို ပြန်လည်သရုပ်ဆောင်ပေးထားတာမို့ အသံကြားတာနဲ့တင် ရင်းနှီးပြီးသား ခံစားချက်ကို အပြည့်အဝ ရရှိစေပါတယ်။ ဟာလေကွင်း အဖြစ် အသံသရုပ်ဆောင်ထားတဲ့ Melissa Rauch (The Big Bang Theory မင်းသမီး) ကလည်း တော်တော်လေး အသံပီပြင်ပြီး ဟာသမြောက်အောင် သရုပ်ဆောင်သွားနိုင်ပါတယ်။ Batman Animated Series ရဲ့ ပုံဆွဲဟန်နဲ့ အသံတွေကို လွမ်းဆွတ်တမ်းတနေတဲ့ ပရိသတ်တစ်ယောက်ဆိုရင်တော့ ဒီကားက ကြည့်ပျော်ပါတယ်။ ဒါပေမယ့် စိတ်ထဲမှာ ဘာမှ သိပ်မမျှော်လင့်ထားဘဲ ဟာလေကွင်းရဲ့ ပေါက်ကရလုပ်ရပ်တွေနဲ့ တလွဲဟာသတွေကို ဦးနှောက်စားသက်သာစွာနဲ့ ပေါ့ပေါ့ပါးပါး ကြည့်မယ်ဆိုရင်တော့ ပိတ်ရက်မှာ အချိန်ဖြုန်းဖို့ မဆိုးလှတဲ့ ဇာတ်ကားတစ်ကား ဖြစ်ပါတယ်။ File size…   786 MB / 360 MB Quality… Blu -Ray 1080p / 720p Format… mp4 Duration…. 1h 35m Genre ..... Animation, Adventure, Comedy Subtitle…. Myanmar Subtitle (Hard Sub)

ဒီလောကကြီးထဲမှာ လူရယ်လို့ဖြစ်လာခဲ့ပြီဆိုရင် လောကဓံရဲ့ရိုက်ချက်တွေကံတရားရဲ့ ကစားကွက်တွေ ချစ်ရသူတွေကို ဆုံးရှုံးခဲ့ရတဲ့ခံစားမှုရဲ့ ဒဏ်တွေကို တစ်ခုမဟုတ်တစ်ခုကတော့ အလူးအလဲခံစားကြဖူးကြမှာပါပဲ ဒီလို နာကျင်မှုတွေ ထိုးနှက်ချက်တွေကြားမှာ လူသားတစ်ယောက်အနေနဲ့ ကြံ့ကြံ့ခံ ရပ်တည်နေနိုင်ပါ့မလား ဒါမှမဟုတ်အရှုံးပေး လက်မြှောက်လိုက်မလား...? ဒါမှမဟုတ် အရာအားလုံးကို နာကျည်းမုန်းတီးသွားမလား…? ဒီဇာတ်ကားထဲမှာတော့ Batman ရဲ့ အဓိကရန်သူတော် Villain ကြီး Joker ဟာ သူဖြတ်သန်းခဲ့ရတဲ့ လောကဓံရဲ့ ရိုက်ချက်တွေ သူ့အပေါ် ပြင်းထန်ခဲ့တဲ့ အခါမှာ သူ့ရဲ့ကျရှုံးမှုတွေ နာကျင်မှုတွေ ကနေ အရာအားလုံးကို နာကျည်း မုန်းတီးသွားခဲ့ပြီး ရူးသွပ်စွာ ရက်စက်တတ်တဲ့ သူတစ်ယောက်အဖြစ်ကို အသွင်ပြောင်းသွားခဲ့ပါတယ် နောက်ပြီး Joker ဟာ သူ့လိုပဲ လူတိုင်းဟာ စိတ်ဒါဏ်ရာ ပြင်းပြင်းထန်ထန် ရသွားခဲ့ ရင် ရူးသွပ်သွားမှာပဲဆိုတဲ့ အချက်ကို သက်သေပြဖို့အတွက် ဘယ်လို ဘယ်ပုံတွေ ရက်စက် အကွက်ချ လုပ်ပြမလဲဆိုတာကတော့ ဒီဇာတ်ကားရဲ့အဓိက ဇာတ်အိမ်ပဲဖြစ်ပါတယ် မြင်ရခဲတဲ့ Jokerရဲ့နောက်ကြောင်းရာဇဝင်ကို ဒီကားထဲ မှာမြင်တွေ့ရမှာဖြစ်ပြီး Batman နဲ့ Joker ရဲ့ကြားထဲက relationship ကို လေးလေးနက်နက်ပုံဖော်ပြထားပါတယ် 1988 ခုနှစ်ကထွက်ရှိခဲ့တဲ့The Killing Joke comicကိုအခြေခံပြီးရိုက်ကူး ထားတဲ့ဒီဇာတ်ကား ဟာ အချိန်ကန့်သတ်ပြသပေမယ့်လဲ ပြသခဲ့တဲ့ နှစ်ရက်အတွင်းမှ3.8သန်းအထိဝင်ငွေရရှိခဲ့ပြီး Box-Office ရဲ့ တတိယနေရာမှာ ခေတ္တရပ်တည်နိုင်ခဲ့ပါတယ် IMDb rating အနေနဲ့ 6.4/10ရရှိထားလို့ ဇာတ်ကားကောင်းတစ်ကားအနေနဲ့ညွှန်းပေးပါရစေ ဇာတ်ကားကို အသေအချာ ဘာသာပြန်ပေးထားပြီး (အထူးသဖြင့် Joker ရဲ့ ဒဿန ဆန်ဆန်ဒိုင်ယာလော့ခ် တွေ) အညွှန်းရေးပေးသူကတော့ ကိုHan Htoo Zaw ပဲ ဖြစ်ပါတယ်။ File Size : 575 MB Quality : Blu-Ray 720p Running Time : 1h 16min Format : Mp4 Genre : Animation, Action, Crime Subtitle : Myanmar Subtitle (Hard Sub) Translated by Han Htoo Zaw Encoded by Kaung Myat Thu

IMDB 7 နဲ့ Rotten Tomatoes 88% ရထားတဲ့ ဒီဇာတ်ကားကတော့ ကျွန်တော်တို့မြင်တွေ့နေကျ Justice League မဟုတ်ဘဲ တခြားစကြာဝဠာက Justice League အကြောင်းကို ရိုက်ကူးထားတဲ့ ရုပ်ရှင်ဖြစ်ပါတယ်။ ဇာတ်လမ်းအကျဉ်းကတော့ ဒီစကြာဝဠာမှာ Superman က Jor-El နဲ့ Lara တို့ရဲ့သားမဟုတ်ဘဲ General Zod က အဖေဖြစ်နေပါတယ်။ Batman ဟာလည်း လမ်းကြားထဲမှာအသတ်ခံလိုက်ရတဲ့ မိဘနှစ်ပါးရဲ့သားမဟုတ်ဘဲ သွေးစုပ်ဖုတ်ကောင်ဆရာဝန်ဖြစ်နေသလို Wonder Woman ဟာလည်း အမေဇုန်ကျွန်းပေါ်က စစ်သည်တစ်ယောက်မဟုတ်ဘဲ မုဆိုးမဘုရင်မတစ်ယောက်ဖြစ်နေပါတယ်။ Lex Luthor ကလည်း Justice League ကိုအမြဲဒုက္ခပေးဖို့ ကြိုးစားနေတဲ့လူတစ်ယောက်မဟုတ်တာကြောင့် တစ်ယောက်ချင်းစီမှာ မတူညီတဲ့စရိုက်နဲ့ နောက်ခံဇာတ်လမ်းတွေရှိနေပါတယ်။ Superman, Batman နဲ့ Wonder Woman ဟာ Luthor နဲ့ပြည်သူတွေဆန္ဒပြနေတဲ့ကြားက Justice League ကိုဖွဲ့လိုက်ကြပြီး စစ်ဆင်ရေးလုပ်တဲ့အခါမှာ တရားဥပဒေဘောင်ကိုကျော်ပြီး လူဆိုးတွေကို သတ်ပစ်ကြတတ်တယ်ဆိုပေမဲ့ သူတို့တွေက ပြည်သူတွေကို မသတ်ကြတာကြောင့် အမေရိကန်အစိုးရက သတင်းဖုံးပေးခဲ့တယ်။ ဒါပေမဲ့ သူတို့ရဲ့လုပ်ထုံးလုပ်နည်းကိုသဘောမကျလို့ ဆန္ဒပြတာတွေများလာသလို ပိုဆိုးချင်တော့ အစိုးရအတွက် အလုပ်လုပ်ပေးနေတဲ့ အတော်ဆုံးသိပ္ပံပညာရှင်တွေကို သတ်တာကို Justice League ကလုပ်တယ်ဆိုပြီး ချောက်ချခံရပါတယ်။ ဒါကြောင့်ပဲ သမ္မတကြီးက သူတို့ကိုဖမ်းဖို့အမိန့်ချမှတ်လိုက်တဲ့အချိန်မှာ သူတို့သုံးယောက်က အဖမ်းမခံရအောင်ကြိုးစားကြရင်း တရားခံအစစ်ကိုဖော်ထုတ်ကြတာကို တခြား Justice League ဇာတ်ကားတွေနဲ့မတူတဲ့ အရသာနဲ့ကြည့်ရှုရမှာဖြစ်ပါတယ်။ File size…    1  GB /  508 MB Quality… BluRay 1080p / 720p Format… mp4 Duration…. 1h 16m Genre ..... Action/Adventure Subtitle…. Myanmar Subtitle (Hard Sub) Encoder…. Thit San Khant Translated by Kasashi

အရင်တစ်ခေါက် Part 1 အပြီးမှာတော့ ၁၀ နှစ်တာ အနားယူနေတဲ့ ဘတ်မန်းက ပြန်ပေါ်လာပြီး Mutant gang အဖွဲ့ခေါင်းဆောင်ကို အသေဆော်ပြီး ဂိုဏ်းကို ဖြိူခွင်းလိုက်ပါတယ်။ ဒါပေမဲ့ဒီဂိုဏ်း ကွဲပြီးဒီဂိုဏ်းထဲက လူတွေက Batman နာမည်ခံပြီး Son of the Batman ဆိုပြီးထပ်သောင်းကျန်းပါတယ်။ ဂေါ်သမ်မြို့မှာကလည်း Batman ပြန်လာတာကို ကောင်းတယ် မကောင်းဘူး စသင့်ဖြင့် အငြင်းပွားနေဆဲပါ။ ဒီထဲမှာ Batman ပြန်လာတာကို သူ့ရဲ့ Nemesis ဖြစ်တဲ့ Joker ကကြားသွားပြီ Joker ဇာတ်လမ်းပါ ထပ်စလာပြန်ပါတယ်။ နောက်ပြီး အစိုးရကလည်း Batman ပြန်လာတာကို မကြိုက်တဲ့အတွက် Superman ကိုလွှတ်ပြီး ဆရာဘတ်ကို ပြောခိုင်းပါတယ်။ ဒီလိုအရှုပ်ထုတ်တွေနဲ့ ပြန်လာရတဲ့ အသက်ကြီးနေပြီဖြစ်တဲ့ ဆရာဘတ်က ဘယ်လိုတွေ ဉာဏ်တွေသုံးပြီး ဖြေရှင်းမလဲဆိုတာကို ဒီကားထဲမှာ ကြည့်ရှူ့လိုက်ပါ။ File Size :  1.2 GB, 628 MB Quality : WEB-DL 1080p / 720p Running Time : 1hr 16min Format : Mp4 Genre : Animation, Action, Crime Subtitle : Myanmar Subtitle (Hard Sub) Translated by : Nikobaby Encode by : Thit San Khant

စူပါမင်းဟာ ခေတ်မမီတော့ဘူးလား ဆိုတဲ့ မေးခွန်းကို အကောင်းဆုံး ဖြေရှင်းပြသွားတဲ့ ဇာတ်ကား Action Comics #775 (What's So Funny About Truth, Justice, and the American Way?) ဆိုတဲ့ နာမည်ကျော် Comic ကို အသက်သွင်းထားတဲ့ Superman vs. The Elite (2012) အကြောင်း ပြောပြချင်ပါတယ်။ ဒီကားဟာ "စူပါမင်းက အရမ်းဖြူစင်လွန်းလို့ ကြည့်ရတာ ပျင်းစရာကောင်းတယ်" လို့ ထင်နေတဲ့ သူတွေကို အကောင်းဆုံး ချေပသွားတဲ့ ဇာတ်ကားဆိုရင်လည်း မမှားပါဘူး။ ဇာတ်လမ်းကတော့ ကမ္ဘာကြီးမှာ ဗီလိန်တွေကို ဖမ်းဆီးရုံပဲလုပ်တဲ့ စူပါမင်းရဲ့ နည်းလမ်းဟောင်းကို မကြိုက်တော့ဘဲ၊ ပြစ်မှုကျူးလွန်သူတွေကို နေရာတင် သတ်ပစ်လေ့ရှိတဲ့ "The Elite" ဆိုတဲ့ ဟီးရိုးအဖွဲ့သစ် (Anti-heroes) ပေါ်လာတဲ့အခါမှာ စတင်ပါတယ်။ အဖွဲ့ခေါင်းဆောင် Manchester Black ရဲ့ အကြမ်းဖက်နည်းလမ်းတွေကို ပြည်သူတွေကပါ ထောက်ခံအားပေးလာတဲ့အခါ၊ စူပါမင်းတစ်ယောက် သူ့ရဲ့ ကိုယ်ကျင့်တရား (No-kill rule) ဟာ ဒီခေတ်ကြီးမှာ တကယ်ပဲ အသုံးမဝင်တော့ဘူးလား ဆိုပြီး ကိုယ့်ကိုယ်ကိုယ် ပြန်မေးခွန်းထုတ်ရတဲ့ အခြေအနေကို ရောက်လာတာပါ။ ဇာတ်ကားက Action ထက်စာရင် "လူဆိုးတွေကို သတ်ပစ်တာက တကယ့်အဖြေလား" ဆိုတဲ့ မေးခွန်းကို အဓိကထား ဆွေးနွေးသွားတာပါ။ 90s နဲ့ 2000s ဝန်းကျင်က အကြမ်းဖက်တဲ့ Anti-hero တွေကို ပိုပြီး သဘောကျလာတဲ့ Comic လောကကို ပြန်ပြီး သရော်ထားတာက အရမ်းမိုက်ပါတယ်။ ဗီလိန်/Anti-hero နေရာက Manchester Black ရဲ့ Character က တော်တော်လေး ပီပြင်ပါတယ်။ ဗြိတိသျှလေသံနဲ့ စူပါမင်းရဲ့ စံနှုန်းတွေကို လှောင်ပြောင်ပြောဆိုတဲ့ ဒိုင်ယာလော့ခ်တွေ၊ သူတို့ရဲ့ စိတ်ပိုင်းဆိုင်ရာ ကစားကွက်တွေက ရုပ်ရှင်ကို ပိုပြီး အသက်ဝင်စေပါတယ်။ ဇာတ်ကားရဲ့ အမိုက်ဆုံး အပိုင်းပါပဲ။ စူပါမင်း တစ်ယောက် သူ့ရဲ့ နိယာမတွေကို စွန့်လွှတ်လိုက်ပြီး တကယ် ဒေါသထွက်သွားရင် (Cut loose လုပ်လိုက်ရင်) ဘယ်လောက်တောင် ကြောက်စရာကောင်းလဲ ဆိုတာကို The Elite အဖွဲ့ကို သင်ခန်းစာပေးတဲ့ အခန်းက ကြက်သီးထစရာပါပဲ။ Justice League စီးရီးတွေမှာ အသံသရုပ်ဆောင်ခဲ့တဲ့ George Newbern ရဲ့ အသံက အဲ့ဒီအခန်းမှာ လုံးဝ အထွတ်အထိပ် ရောက်သွားပါတယ်။ Superman vs. The Elite ဟာ ဟီးရိုးတစ်ယောက်ရဲ့ အစစ်မှန်ဆုံး စွမ်းအားဟာ ပါဝါတွေထက် သူ့ရဲ့ ကိုယ်ကျင့်တရား စည်းမျဉ်းတွေပဲ ဖြစ်တယ်ဆိုတာကို သက်သေပြသွားတဲ့ ဇာတ်ကားပါ။ Comic Book တွေရဲ့ အနှစ်သာရကို တကယ်နားလည်တဲ့ ဖန်တီးမှုမျိုး ဖြစ်တာမလို့ စူပါမင်း Fan တွေသာမက၊ Superhero ကားကောင်း တစ်ကားကို ရှာကြည့်ချင်တဲ့ Geek တွေတိုင်း လုံးဝ လက်မလွှတ်သင့်တဲ့ Masterpiece တစ်ခုလို့ပဲ ပြောချင်ပါတယ်။ File size…    1.22 GB / 600 MB Quality… Blu-Ray 1080p / 720p Format… mp4 Duration…. 1h 16m Genre ..... Animation, Adventure, Superhero , Sci -Fi Subtitle…. Myanmar Subtitle (Hard Sub)

IMDB 7.4 နဲ့ Rotten Tomatoes 87% ရရှိထားတဲ့ ဇာတ်ကားတစ်ကားပါ။ Justice League ရဲ့ လူဆိုးငါးယောက်ဖြစ်ကြတဲ့ ဘိန်း (Bane)၊ စတားဆက်ဖိုင်းယား (Star Sapphire)၊ ချီတာ (Cheetah)၊ မတ်တယ်လို (Metallo) နဲ့ မယ်လာဖတ်အက်ခ် (Ma'alefa'ak) တို့ဟာ ဗန်ဒယ်လ်ဆဲဗေ့ဂျ် (Vandal Savage) ဆိုတဲ့ လူတစ်ယောက်ရဲ့ ဖိတ်ခေါ်မှုကြောင့် ခေါ်တဲ့နေရာကို ရောက်လာကြတယ်။ သူက Justice League ကိုသတ်ဖို့ စရိတ်၊ တစ်ယောက်သတ်နိုင်ရင် ဒေါ်လာသန်းတစ်ရာအပြင် Justice League အဖွဲ့ဝင်တစ်ယောက်ချင်းစီရဲ့ ကိုယ်နဲ့စိတ်ပိုင်းဆိုင်ရာ ပျော့ကွက်တွေကို အသုံးချပြီး အကွက်ကျကျသတ်ဖို့ နည်းလမ်းတွေကိုပါ ပေးမယ်ဆိုပြီး ကမ်းလှမ်းခဲ့တယ်။ ဒါပေမဲ့ ဒါတွေက သူ့ရဲ့ပိုကြီးမားတဲ့ အကြံအစည်ကြီးတစ်ခုရဲ့ ပထမဆုံးအဆင့်ပဲရှိပါသေးတယ်။ အဲဒီအကြံအစည်က ဘာလဲ၊ ဗန်ဒယ်လ်ဆဲဗေ့ဂျ်ဆိုတာ ဘယ်သူလဲ၊ Justice League က သူ့ရဲ့နည်းလမ်းတွေကို အသုံးချပြီး သတ်တာကို ရှောင်လွှဲနိုင်မှာလား၊ သူ့ရဲ့အကြံအစည်ကိုရော တားနိုင်မှာလား ဆိုတာတွေကတော့... File size…    1  GB /  501 MB Quality… BluRay 1080p / 720p Format… mp4 Duration…. 1h 15m Genre ..... Action/Animation Subtitle…. Myanmar Subtitle (Hard Sub) Encoder…. Thit San Khant Translated by Kasashi

Frank Miller ရဲ့ အရမ်းDeep Dark ဖြစ်ပြီးအောင်မြင်ခဲ့တဲ့ The Dark Knight return Comic ကို Animation ပြန်ရိုက်ထားတဲ့ကားလေးပါ ။ ဒီဇာတ်လမ်းကို DC ရဲ့ Snyder verses လုပ်ခဲ့တဲ့ Zack Snyder ကိုယ်တိုင်က Batman Live action ရိုက်ရရင် ဒီဇာတ်လမ်းကို ရိုက်ချင်တယ် ပြောတဲ့အထိပါ။ ဒီ animation က Part 1 နဲ့ Part 2 ဆိုပြီး နှစ်ပိုင်းထွက်ထားပါတယ် ။ Part 1 ထဲမှာတော့ ဘရုစ်ဝိန်းဟာ Batman လုပ်တဲ့ဆီကနေ အနားယူထားတ ဆယ်စုနှစ်တစ်ခုကြာခဲ့ပါပြီ။ ဂေါ်သမ်မြို့မှာလည်း Batman မရှိတော့ ကြောင်မရှိကြွက်သောင်းကျန်း ဆိုသလို ဒုစရိုက်မှုတွေ ကများပြားနေပါတယ်။ ရဲမင်းကြီးဂျိန်းဂေါ်ဒွန် ကလည်း အငြိမ်းစားယူဖို့ တစ်လ အလိုမှာပဲ Mutant လို့ခေါ်တဲ့ ဒုစရိုက်ဂိုဏ်းတစ်ခုကပေါ်လာပြီး ဂေါ်သမ် မြို့မှာ သောင်းကျန်းပါတော့တယ် ။ ဒီလိုနဲ့ပဲ Batman ပြန်ပေါ်လာဖို့အကြောင်းဖန်လာတဲ့အခါ အသက်ကြီးပြီး ကာယပိုင်းမှာ အားနည်းနေပေမယ့် အရင်ကထက် ဉာဏပိုအားကောင်းလာပြီး ဉာဏ်နီဉာဏ်နက်ပိုသုံးလာတဲ့ ဆရာဘတ်ကို မြင်ရမှာပါ။ ငါမအိုသေးဆိုပြီး Mutant ဂိုဏ်းကိုဘယ်လိုဆော်မလဲဆိုတာ ဒီ ဇာတ်လမ်းထဲမှာဆက်လက် ကြည့်ရှူလိုက်ပါ။ File Size :  1 GB, 422 MB Quality : WEB-DL 1080p / 720p Running Time : 1hr 16min Format : Mp4 Genre : Animation, Action, Crime Subtitle : Myanmar Subtitle (Hard Sub) Translated by : Nikobaby Encode by : Thit San Khant

Frank Miller နဲ့ David Mazzucchelli တို့ ဖန်တီးခဲ့တဲ့ ဂန္တဝင် Comic ကြီးကို အသက်သွင်းထားတာဆိုတော့ Bat-Fan တွေအတွက်ကတော့ ရင်ခုန်စရာ အကောင်းဆုံးနဲ့ အကြိုက်တွေ့စေမယ့် ဇာတ်ကားကောင်း တစ်ကားပါပဲ။ ဒီကားက Bruce Wayne တစ်ယောက် ကမ္ဘာပတ်ပြီး ပညာတွေသင်ယူရာကနေ ၁၂ နှစ်အကြာမှာ Gotham မြို့ကို ပြန်ရောက်လာတဲ့ အချိန်နဲ့၊ ရိုးသားတဲ့ ရဲအရာရှိ Jim Gordon တစ်ယောက် အဂတိလိုက်စားမှုတွေ ပြည့်နှက်နေတဲ့ Gotham မြို့ရဲတပ်ဖွဲ့ (GCPD) ကို ပြောင်းရွှေ့လာတဲ့ အချိန်ကို ပြိုင်တူပြသထားတာပါ။ Bruce က လင်းနို့လူသား (Batman) အဖြစ် ခံယူပြီး ပြစ်မှုကျူးလွန်သူတွေကို နှိမ်နင်းဖို့ ကြိုးစားသလို၊ Gordon ကလည်း ဥပဒေဘောင်ထဲကနေ အကျင့်ပျက် ရဲတွေနဲ့ မာဖီယာတွေကို ရှင်းလင်းဖို့ ကြိုးစားပုံတွေကို ရင်ခုန်စိတ်လှုပ်ရှားဖွယ် ရိုက်ကူးထားပါတယ်။ ဒီကားရဲ့ အမိုက်ဆုံးအချက်က Comic ထဲက အကွက်တွေ (Panels) ကို Screen ပေါ်မှာ 1:1 နီးပါး အတိအကျ ပုံဖော်ထားတာပါပဲ။ Frank Miller ရဲ့ Dark & Gritty ဖြစ်တဲ့ အငွေ့အသက်နဲ့ မူရင်း Comic ရဲ့ Art Style ကို အပြည့်အဝ ခံစားရပါတယ်။ ခေါင်းစဉ်ကသာ Batman လို့ ပါပေမယ့်၊ တကယ်တမ်း ဇာတ်လမ်းရဲ့ တစ်ဝက်လောက်က Jim Gordon ရဲ့ ရုန်းကန်မှုတွေပါ။ အကျင့်ပျက်ခြစားနေတဲ့ ရဲတွေကြားမှာ မှန်ကန်တဲ့ ရဲတစ်ယောက်အဖြစ် ရပ်တည်ရတဲ့ Gordon ရဲ့ Character Arc က တကယ့်ကို Masterclass ပါပဲ။ Action အခန်းတွေက အရမ်းမကြမ်းပေမယ့် လက်တွေ့ကျကျ (Grounded) ဖြစ်တယ်။ ဂြိုဟ်သားတွေ၊ စူပါပါဝါတွေ မပါဘဲ Gotham မြို့ကြီးရဲ့ အမှောင်ထု၊ မိုးရွာနေတဲ့ လမ်းမတွေ၊ လူဆိုးဂိုဏ်းတွေရဲ့ လွှမ်းမိုးမှုတွေကို Noir ဆန်ဆန် အမိုက်စား တင်ဆက်ထားပါတယ်။ Jim Gordon နေရာမှာ အသံသရုပ်ဆောင်ပေးထားတဲ့ Bryan Cranston (Breaking Bad က Walter White လေ) ရဲ့ Voice Acting က လုံးဝ Perfect ပါပဲ။ Gordon ရဲ့ ပင်ပန်းနွမ်းနယ်မှု၊ ဒေါသနဲ့ ပြတ်သားမှုကို အသံမှာတင် အပြည့်အဝ ကြားနေရပါတယ်။ Batman: Year One ဟာ Batman ရဲ့ အစပိုင်း သမိုင်းကြောင်း (Origin Story) တွေကို သိချင်တဲ့သူတိုင်း မဖြစ်မနေ ကြည့်သင့်တဲ့ ကားပါ။ Superpower တွေ အများကြီးပါတဲ့ Action ကားမျိုးမဟုတ်ဘဲ၊ Crime Thriller/Noir ဆန်ဆန် ခံစားကြည့်ရှုရမယ့် လက်ရာမြောက် Animation ကောင်း တစ်ကားဖြစ်ပါတယ်။ File size… 800 MB / 400 MB Quality… Blu - Ray 1080p/ 720p Format… mp4 Duration…. 1h 14m Genre ..... Animation, Adventure, Action , Noir Subtitle…. Myanmar Subtitle (Hard Sub)

Green Lantern: Emerald Knights (2011) IMDb - 6.7/10 2011 မှာ ထွက်ခဲ့တဲ့ Green Lantern animation ရုပ်ရှင်ပါ။ ပထမပိုင်းနဲ့ ဇာတ်အိမ်အနည်းငယ် သွေဖီသွားပြီး ဆင်နက်စ်ထရိုကို ဒီကားမှာ လူကောင်းအဖြစ် ပြန်တွေ့ရမှာဖြစ်သလို "First Flight" မှာ သေသွားတဲ့ တိုးမားရီးလဲ ပြန်ပါလာပါတယ်။ ဇာတ်လမ်းကတော့ အိုအာကို ဖျက်ဆီးဖို့ သံန္နိဌာန်ချထားတဲ့ ခရိုနာရဲ့ ရန်ကို တားဆီးဖို့ မီးအိမ်စိမ်းတို့ ကြိုးစားကြမှာပါ။ ဇာတ်လမ်းထဲမှာ အယ်ဘင်ဆော်ရ်ရဲ့ ဇာတ်ကြောင်း၊ ကီလိုဝေါ့ဂ်ရဲ့ ဇာတ်ကြောင်း၊ လိုင်ယာရဲ့ ဇာတ်ကြောင်းနဲ့ မိုဂိုရဲ့ ဇာတ်ကြောင်းတို့ကိုလည်း သီးသန့်ပုံစံနဲ့ ပြောပြသွားပါလိမ့်မယ် File size…    1.7 GB /  842 MB Quality… BluRay 1080p / 720p Format… mp4 Duration…. 1h 24m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Boomer

ဒီကားလေးကတော့ DC ရဲ့ နာမည် ကျော် Animation တွေထဲက တစ်ကားဖြစ်ပါတယ်။ ဒီကားထဲမှာတော့ Batman ရဲ့ နာမည်ကျော် ဗီလိန်တွေဖြစ်တဲ့ ဂျိုကာ ရာအယ်ဂူး Red Hood အစရှိတဲ့ သူတွေပါဝင်တဲ့ဇာတ်လမ်းကောင်းတစ်ကားဖြစ်ပါတယ်။ဇာတ်လမ်း အကျဉ်းကို ပြောရရင်တော့ ဂျိုကာ ရဲ့ လက်ချက်နဲ့ Second Robin ဖြစ်တဲ့ Jason Todd သေဆုံးသွားပြီးနဲ့နောက်မှာ Batman ဟာ ဆိုရင် ဘယ်သူ့ အကူအညီမှ မယူပဲတစ်ယောက်ထဲ လှုပ်ရှား နေပါတော့တယ်။အဲ့အချိန်မှာပဲ Gotham မှာ Joker က Arkham Asylum ထဲမှာ အဖမ်းခံနေရပြီး ရာဇဝတ်လုပ်ငန်းတွေကို Black Mask က ချုပ်ကိုင် နေတဲ့ အချိန်ပေါ့။ အဲ့အချိန်မှာပဲ Red Hood လို့အမည်ရတဲ့ အနီရောင် မျက်နှာဖုံးစွပ် ဗီလိန်တစ်ဦး ပေါ်ထွက်လာခဲ့ပါတယ်။သူကတော့ Black Mask တို့လို မူးယစ်ဆေး အရောင်း အဝယ်လုပ်ဖို့ ဆိုးသွမ်း ဖို့ မဟုတ်ပဲ Gotham မြို့ ကို သန့်ရှင်းမယ်ဆိုတဲ့ ရည်ရွယ်ချက်နဲ့ စတင် ထိန်းချုပ်ပါတော့တယ်။ Black Mask ရဲ့ နယ်မြေတွေကို လုယူ ပြီး မူးယစ်ဆေးအရောင်းအဝယ်တွေကို ကန့်သတ်ထိန်းချုပ်ပြီး ရက်စက် စွာသတ်ဖြတ်ပါတော့တယ်။ ဒီလို နဲ့ Arkham Asylum က ဂျိုကာ ကို Black Mask က အကူအညီတောင်း ရာက Joker လွတ်မြောက် လာခဲ့ပြီး ဂေါ်သမ် မြို့ ကို ထိန်းချုပ် သန့်စင်ဖို့ ွကြိုးစားနေတဲ့ Red Hood နဲ့ သူ့ကို တားဆီး စုံစမ်းနေတဲ့ Batman တို့ရဲ့ ကြားကို Joker ပါ ရောက်လာတဲ့ အချိန်မှာတော့ မထင်မှတ်ထားတဲ့ နာကြည်းစရာ အတိတ် တွေ ပြန်ပေါ်လာခဲ့ပါတော့တယ်။ ဘယ်လို အတိတ် တွေလည်း ဘယ်လို ဆက်ဖြစ်ကြမလဲ ဆိုတာကို စိတ်ဝင်စားဖွယ် ကြည့်ရှု့ရမှာပါ။ File Size : (800 MB) and (340 MB) Quality : Blu-Ray 720p Running Time : 1h 15min Format : Mp4 Genre :Animation, Comedy, Family Subtitle : Myanmar Subtitle (Hard Sub) Source : 1080p BRrip x264 Encoded by A_Z

DC Universe ကနေ ၂၀၀၉ ခုနှစ်မှာ ထွက်ရှိခဲ့တဲ့ "Wonder Woman" အန်နီမေးရှင်းရုပ်ရှင်ဟာ လက်ရှိအချိန်ထိ DC ရဲ့ အကောင်းဆုံး Standalone အန်နီမေးရှင်းကားတွေထဲက တစ်ကားအဖြစ် ရပ်တည်နေဆဲပါ။ စူပါဟီးရိုးဇာတ်လမ်းကြိုက်သူတွေနဲ့ Wonder Woman ပရိသတ်တွေအတွက်တော့ မဖြစ်မနေ ကြည့်သင့်တဲ့ ကားတစ်ကား ဖြစ်ပါတယ်။ ဇာတ်လမ်းက အမေဇုန် (Amazon) အမျိုးသမီးစစ်သည်တော်တွေ နေထိုင်တဲ့ သီမစ်စကီရာ (Themyscira) ကျွန်းမှာ စတင်ပါတယ်။ အမေရိကန်လေယာဉ်မှူး စတိဗ်ထရီဗာ (Steve Trevor) ရဲ့ လေယာဉ်ဟာ အဲဒီကျွန်းကို မတော်တဆ ပျက်ကျလာပါတယ်။ အဲဒီအချိန်မှာပဲ အမေဇုန်တွေ နှစ်ပေါင်းများစွာ ဖမ်းဆီးချုပ်နှောင်ထားတဲ့ စစ်နတ်ဘုရား အေရီစ် (Ares) ကလည်း အကျဉ်းထောင်ကနေ လွတ်မြောက်သွားပါတယ်။ မင်းသမီး ဒိုင်ယာနာ (Diana) ဟာ စတိဗ်ကို လူသားတွေရဲ့ကမ္ဘာ (Man's World) သို့ လုံခြုံစွာ ပြန်ပို့ပေးဖို့နဲ့၊ ကမ္ဘာကြီးကို ဖျက်ဆီးဖို့ ကြံစည်နေတဲ့ အေရီစ်ကို တားဆီးဖို့အတွက် အမေဇုန်တွေရဲ့ ပြိုင်ပွဲမှာ အနိုင်ယူပြီး "Wonder Woman" အဖြစ် တာဝန်ယူထွက်ခွာလာတဲ့ မူလဇာတ်ကြောင်း (Origin Story) ကို ရိုက်ကူးထားတာ ဖြစ်ပါတယ်။ ဒီကားက ကလေးတွေအတွက်သက်သက် ဖန်တီးထားတဲ့ ကာတွန်းကားမျိုး မဟုတ်ပါဘူး။ PG-13 Rating ရထားတဲ့အတိုင်း အက်ရှင်အခန်းတွေက သွေးထွက်သံယိုရှိပြီး တကယ့်ကို ကြမ်းကြမ်းရမ်းရမ်းနဲ့ အသက်ဝင်ပါတယ်။ အမေဇုန်စစ်သည်တွေနဲ့ ဘီလူးတွေ တိုက်ခိုက်တဲ့ ပြကွက်တွေက တော်တော်လေး ကြည့်ကောင်းပါတယ်။ Diana ရဲ့ ရဲရင့်ပြတ်သားတဲ့ စစ်သည်တော်ပုံစံကို သေချာပေါ်လွင်အောင် ရိုက်ကူးထားပါတယ်။ ဒါ့အပြင် Steve Trevor ရဲ့ ဟာသနှောပြီး ပေါ့ပေါ့ပါးပါး နေတတ်တဲ့ပုံစံနဲ့ Diana တို့နှစ်ယောက်ကြားက အမြင်မတူမှုတွေကနေ ဖြစ်လာတဲ့ အပြန်အလှန် ဆက်ဆံရေး (Chemistry) က ဇာတ်လမ်းကို ပိုပြီး အရသာရှိစေပါတယ်။ Keri Russell (Diana) နဲ့ Nathan Fillion (Steve Trevor) တို့ရဲ့ အသံသရုပ်ဆောင်မှုတွေက ဇာတ်ကောင်တွေရဲ့ စရိုက်လက္ခဏာကို အကောင်းဆုံး ပုံဖော်ပေးနိုင်ခဲ့ပါတယ်။ ဗီလိန်ဖြစ်တဲ့ Ares နေရာမှာ အသံသွင်းပေးတဲ့ Alfred Molina ကလည်း ကြောက်မက်ဖွယ်ကောင်းတဲ့ စစ်နတ်ဘုရားတစ်ပါးရဲ့ အငွေ့အသက်ကို အပြည့်အဝ ပေးစွမ်းနိုင်ပါတယ်။ "Wonder Woman (2009)" ဟာ Diana Prince ဆိုတဲ့ ဇာတ်ကောင် ဘယ်လို ပေါ်ပေါက်လာသလဲဆိုတာကို အကောင်းဆုံးနဲ့ အကျစ်လျစ်ဆုံး တင်ဆက်ပြသထားတဲ့ အန်နီမေးရှင်းရုပ်ရှင်ပါ။ အက်ရှင်၊ ဟာသ နဲ့ ဂရိဒဏ္ဍာရီဆန်ဆန် ဇာတ်ကွက်တွေကို အချိုးကျကျ ပေါင်းစပ်ထားတာမို့ Live-action ရုပ်ရှင်တွေကို ကြိုက်နှစ်သက်သူတွေရော၊ အန်နီမေးရှင်း ပရိသတ်တွေပါ အချိန်ပေးကြည့်ရတာ တန်မယ့် ကားကောင်းတစ်ကား ဖြစ်ပါတယ်။ File size…    1.39 GB / 600 MB Quality… Blu - Ray 1080p / 720p Format… mp4 Duration…. 1h 14h Genre ..... Action , Adventure , Animation Subtitle…. Myanmar Subtitle (Hard Sub)

Superman/Batman: Public Enemies(2009) IMDb: 7.1/10 Rotten Tomatoes: 67% Superman/Batman: Public Enemies(2009) ဟာ DC Universe Animated Original Movies ရဲ့ ခြောက်ကားမြောက်ရုပ်ရှင်ဖြစ်ပါတယ်။ စူပါမန်းနဲ့ဘတ်မန်းတို့ နှစ်ယောက်ရဲ့လက်တွဲညီမှုကိုတွေ့ရမှာဖြစ်ပါတယ်။ အတော်လေးလည်းကောင်းမွန်လှတဲ့ ရုပ်ရှင်တစ်ခုဖြစ်ပါတယ်။ ဇာတ်ညွှန်း ဥက္ကာခဲ ကြီးတစ်ခု ကမ္ဘာကိုတည့်တည့်ကြီးဝင်လာနေပါတယ်။ ဂေါ့သမ်တစ်မြို့လုံးလည်း ကဗြောင်းကိုသတ်နေပါတယ်။ အားလုံးထဲမှာအဆိုးဆုံးကတော့ လက်စ်လူသာတစ်ယောက် အမေရိကန်ပြည်ထောင်စုရဲ့ သမ္မတဖြစ်လာတာပါပဲ။ စူပါဟီးရိုးဆိုရင်ကြည့်မရတဲ့ လက်စ်လူသာတစ်ယောက် စူပါဟီးရိုးတွေကို လိုက်လံဖမ်းဆီးပါတော့တယ်။ လူသာဟာစူပါမန်းကိုလူသတ်ကောင်လို့ အကွက်ဆင်ပြီး လူထုနဲ့သွေးခွဲလိုက်ပါတော့တယ်။ တစ်ဖက်မှာက ဥက္ကာခဲ၊ တစ်ဖက်မှာက အာဏာရော ဉာဏ်ရည်ရောပြည့်စုံတဲ့ လက်စ်လူသာ၊ အဲဒီလူနှစ်ယောက်ကို စူပါမန်းနဲ့ဘတ်မန်းတို့နှစ်ယောက်ဘယ်လိုများ ရင်ဆိုင်သွားမှာလဲ။ File size…    1.2 GB /  577 MB Quality… BluRay 1080p / 720p Format… mp4 Duration…. 1h 7m Genre ..... Animation/Action/Drama Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

Green Lantern: First Flight 2009 IMDb 7.0/10 Genre: Animation/Action/Adventure Green Lantern ဆိုတဲ့ Ryan Reynolds ရဲ့ ၂၀၁၁ က ရုပ်ရှင်ကို ကြည့်ဖူးကြမှာပါ။ ဒါက မူလပထမ ကာတွန်းရုပ်ရှင် Green Lantern ဖြစ်ပါတယ်။ Green Lantern တစ်ဖြစ်လဲ ဟဲလ်ဂျော်ဒန်ဟာ ကမ္ဘာမြေပေါ်မှာ လေ့ကျင့်ပျံသန်းနေတုန်း အစိမ်းရောင် ရောင်ခြည်တန်းတွေရဲ့ ခေါ်ဆောင်ရာနောက်ပါသွားပါတယ်။ ပျက်ကျလာတဲ့ ယာဥ်ပျံပေါ်မှာပါလာတာက Lantern Corps ရဲ့ ထိပ်သီးတစ်ယောက်ပါ။ သူမသေဆုံးခင် စွမ်းအင်လက်စွပ်ကို ဟဲလ်ဂျော်ဒန်ဆီ လွှဲပေးလိုက်ပြီးနောက်မှာ တာဝန်တွေ ဝတ္တရားတွေက ဟဲလ်ဂျော်ဒန်အတွက် ဖြစ်လာပါတော့တယ်။ ကစဥ့်ကလျား စကြဝဠာကြီးမှာ ဟဲလ်ဂျော်ဒန် တစ်ယောက် အသားကျပါ့မလား။ တာဝန်တွေကို ထမ်းဆောင်နိုင်ပါ့မလားဆိုတာကို စောင့်ကြည့်ရတော့မှာပါ File size…    1.4 GB /  678 MB Quality… BluRay 1080p / 720p Format… mp4 Duration…. 1h 17m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Boomer

DCAU ရဲ့ရွှေခေတ်လို့ ပြောလို့ရတဲ့ ၁၉၉၀ ကနေ ၂၀၀၀ ဝန်းကျင်လောက်မှာ Batman original Animation ကတော်တော်လေးအောင်မြင်တဲ့ခေတ်ပါ။ Batman: Mask of the Phantasm တို့ Batman original series တွေက လူတွေသည်းခြေကြိုက်ပါ ။ အခုဒီဇာတ်လမ်းကလည်း ၁၉၉၉ မှာထွက်ခဲ့တဲ့ Batman Beyond series ကနေဆက်ပြီးထွက်ထားတဲ့ Standalone Movie ပါ။ Batman Beyond ဆိုတာ အနာဂတ် ဂေါ်သမ်မှာ ဘရုစ်ဝိန်းဟာ ဇရာထောင်းလာပြီဖြစ်လို ကိုယ်တိုင် ကာယ အားကိုးပြီးတော့ Batman မလုပ်နိုင်တော့လို့ တယ်ရီမဂ္ဂင်းနစ် ဆိုတဲ့လူငယ်လေးကို ကိုယ်တိုင်သင်ကြားပြီးတော့ ဘရုစ်ကိုယ်တိုင် မော်နီတာနောက်ကနေ ကြီးကြပ်ပေးနေတာပါ။ ဒီနေရာမှာ Batman အသစ်ဟာ ဘရုစ်ရဲ့ ဘတ်မန်းလောက်မကြမ်းတော့မယ့် ဘရုစ်က ဉာဏအားနဲ့ပံ့ပိုးပေးနေတဲ့အတွက် Batman ရဲ့လုပ်ကွက်တွေကိုပိုပြီးပေါ်လွင်စေပါတယ်။ ဒီဇာတ်လမ်းမှာလည်း Batman Voice actor အနေနဲ့ Batman ဆိုရင်သူနဲ့လုံးဝခွဲ မရတဲ့ Kevin Convoy ကသရုပ်ဆောင်ထားပြီး Joker အနေနဲ့ Luke Skywalker မင်းသား Mark Hamill ပါပဲ။ Batman animation မှာ Batman animation အသံသရုပ်ဆောင်လောကမှာ လွမ်းမိုးမှုအရှိဆုံး ဘတ်မန်း နဲ့ ဂျိုကာ အသံကိုပုံဖော်ခဲ့တဲ့ သူနှစ်ယောက်က ပါဝင်ထားပါတယ်။ ဇာတ်လမ်းအကျဉ်းအနေနဲ့ အနာဂတ်ဂေါ်သမ်မှာ တယ်ရီက Batman အသစ်အဖြစ် လှုပ်ရှားနေတုန်း တစ်ချိန်က Batman ရဲ့ အဓိက ဗီလိန်တစ်ယောက်ဖြစ်တဲ့ Joker က ထူးဆန်းစွာပဲပြန်လည်ပေါ်ပေါက်လာခဲ့ပါတယ်။ ဒါကလုံးဝမဖြစ်နိုင်ဘူးဆိုပေမယ့် နောက်ကွယ်မှာဘယ်လို ဖြစ်နေလဲ အရင် Batman အဟောင်းဖြစ်တဲ့ ဘရုစ်ဝိန်းဆီမှာရော ဘာလျှို့ဝှက်ချက်တွေရှိလဲ ဆိုတာကို ဇာတ်လမ်းအလှည့်ပြောင်းကောင်းကောင်း Dark ဖြစ်တဲ့ ဇ ာတ်လမ်းသွားပုံစံမျိုးနဲ့ တင်ဆက်ပေးထားပါတယ်။ ဒီဇာတ်လမ်းက ဝေဖန်သူတွေအနေနဲ့ Batman: Mask of the Phantasm ထက်တောင်ပိုကောင်သေးတယ်ဆိုပြီး ညွှန်းလောက်တဲ့အထိကိုကောင်းတာပါ။ Rotten Tomatoes မှလည်း 100% ရရှိထားပြီး ဆရာဘတ်ဖန်ဖြစ်ပြီး ဒီ Animation ကိုမကြည့်ရသေးဘူးဆိုရင်တော့ လူဖြစ်ရကျိူးနပ်အောင်ကြည့်လိုက်ပါတော့။ File Size : 1 GB / 690 MB Quality : Bluray 1080p / 720p Running Time : 1hr 16minutes Genre : Animation, Action, Crime Translator : Nikobaby Encoder : Thit San Khant