Dhanush ပါဝင်သော ဇာတ်ကားများ

Kara (2026) ဒီတစ်ခါ တင်ဆက်‌ပေးလိုက်တဲ့ မင်းသားကြီးဒနွတ်ရှ်ရဲ့ဇာတ်ကားက‌တော့၂၀၂၆ ခုနှစ် ဧပြီလ ၃၀ ရက်နေ့မှာ ကမ္ဘာတစ်ဝှမ်းလုံးရှိ ရုပ်ရှင်ရုံတွေမှာ ရုံတင်ပြသခဲ့ပြီး အိန္ဒိယရူပီး၅၀ ကု‌ဋေ(အမေရိကန်ဒေါ်လာ ၅.၂ သန်းခန့်) ရရှိခဲ့ပါတယ်။ ဒုစရိုက်လောကကနေ အနားယူပြီး ချစ်ရသူနဲ့ဘ၀ကို အေးအေးချမ်းချမ်း ဖြတ်သန်းချင်တဲ့ ဖောက်ထွင်းရေးသမား ကာရာဆာမီဟာ သူရဲ့နောက်ဆုံးဖောက်ထွင်းမှုကို ကျူးလွန်နေရင်း မထင်မှတ်ဘဲ အဖမ်းခံလိုက်ရပါတော့တယ်။ အကျဉ်းထောင်က လွတ်မြောက်လာပြီးနောက် ဘဝသစ်စတင်ဖို့ ကြိုးစားပေမဲ့ ဆင်းရဲမွဲတေမှုနဲ့ မတရားတဲ့ ဘဏ်စနစ်ရဲ့ ဖိနှိပ်မှုတွေက သူ့ကို အနားမပေးခဲ့ပါဘူး။ မရိုးသားတဲ့ ဘဏ်မန်နေဂျာကြောင့် ဖခင်ဖြစ်သူက ဘဝပျက်ပြီး ဘိုးဘွားပိုင်မြေကို ဆုံးရှုံးလိုက်ရတဲ့အခါမှာတော့ ကာရာဟာ သူစွန့်လွှတ်ခဲ့တဲ့ "ဖောက်ထွင်းရေး အတတ်" ကို ပြန်လည်အသုံးချဖို့ ဆုံးဖြတ်လိုက်ပါတယ်။ ဒါပေမဲ့ ဒီတစ်ကြိမ်မှာတော့ သူဟာ ကိုယ်ကျိုးအတွက်မဟုတ်ဘဲ စနစ်ဆိုးရဲ့ထောင်ချောက်ထဲမှာ ဘဝပျက်နေရတဲ့ လယ်သမားတွေနဲ့ ရွာသားတွေအတွက် ဘဏ်တွေကို ပြန်လည်ပစ်မှတ်ထား တိုက်ခိုက်ပါတော့တယ်။ ရဲအရာရှိတွေရဲ့ လိုက်လံဖမ်းဆီးမှု၊ ဘဏ်မန်နေဂျာရဲ့ ယုတ်မာမှုတွေကြားထဲမှာ ကာရာ တစ်ယောက် ရွာသားတွေရဲ့ မြေစာချုပ်တွေကို ဘယ်လိုပြန်လည်ရယူပေးမလဲ။ သူကိုယ်တိုင်ရော အေးချမ်းတဲ့ ဘဝကို ပိုင်ဆိုင်ခွင့်ရပါ့မလားဆိုတာကို ရင်သပ်ရှုမောဖွယ်ကြည့်ရှုခံစားကြရမယ့် ဇာတ်ကားကောင်းတစ်ကားပဲဖြစ်ပါတယ်။ File size… 8.8 GB / 2.5 GB / 1.3 GB Quality…WEB DL 4k HEVC / WEB DL 1080p HEVC/ 720p Format…mkv/ mp4 Duration….2h 39m Subtitle….Myanmar Subtitle (Hard Sub)

Tere Ishk Mein (2025) အချစ်နဲ့အမုန်း ၂၀၁၃ ခုနှစ်ကထွက်ရှိခဲ့တဲ့ Raanjhanaa ရုပ်ရှင်ရဲ့ အဆက်မဟုတ်တဲ့အဆက်လို့ပြောလို့ရတဲ့ ဒနွတ်ရှ်နဲ့ ကရီတီဆန်နွန်တို့ရဲ့ အချစ်ဒရာမာရုပ်ရှင်လေးကို တင်ဆက်ပေးလိုက်ပါတယ်။ ဒီရုပ်ရှင်ဟာ ရုံတင်ငွေ ၁၆၅ ကုဋေထိရရှိခဲ့ပြီး ဝင်ငွေပိုင်းအရလည်းအောင်မြင်ခဲ့ပါတယ်။ ဇာတ်လမ်းကတော့ ရှန်ကာဟာ ဒေါသကြီးပြီး ကြမ်းတမ်းတဲ့ ကျောင်းသားခေါင်းဆောင် တစ်ယောက် ဖြစ်ပါတယ်။ မူတီကတော့စိတ္တဗေဒသုတေသနပညာရှင်တစ်ယောက်ဖြစ်ပြီး လူတစ်ယောက်ရဲ့ ကြမ်းတမ်းတဲ့ စိတ်ကို မေတ္တာနဲ့ ပြုပြင်ပြောင်းလဲလို့ရတယ်ဆိုတဲ့ သူ့ရဲ့ PhD ကျမ်းအတွက် ရှန်ကာကို လေ့လာ စရာအဖြစ် ရွေးချယ်ခဲ့ရာကနေ သူတို့နှစ်ဦး ပတ်သက်ခဲ့ကြပါတယ်။ ဒါပေမဲ့ ဒီပတ်သက်မှုဟာ ရိုးရှင်းတဲ့ အချစ်ဇာတ်လမ်းသက်သက်မဟုတ်ဘဲ လူတန်းစားကွာဟမှု၊ မိသားစုပဋိပက္ခနဲ့ နက်ရှိုင်းတဲ့ စိတ်ဒဏ်ရာတွေကြားမှာ အဆိပ်အတောက်ဖြစ်စေတဲ့ ဆက်ဆံရေး တစ်ခု ဖြစ်လာပါတယ်။ နောင်နှစ်အနည်းငယ်အကြာမှာတော့ရှန်ကာ ဟာ လေတပ်လေယာဉ်မှူးတစ်ယောက် ဖြစ်လာပြီး မူတီ နဲ့ စစ်မြေပြင်တစ်ခုမှာ ကံကြမ္မာအလှည့်အပြောင်းအရ ပြန်လည်ဆုံတွေ့ကြတဲ့အခါမှာတော့ သူတို့ရဲ့ မပြီးဆုံးသေးတဲ့ အမုန်းနဲ့ အချစ်ဇာတ်လမ်းက ဘယ်လိုအဆုံးသတ်မလဲဆိုတာကို စိတ်လှုပ် ရှားဖွယ်ဖြစ်အောင် ရိုက်ကူးထားပါတယ်။ File size… 6.64 GB / 2.2 GB / 1.2 GB Quality…WEB DL 4K / 1080p HEVC/ 720p Format…mkv/ mp4 Duration….2hr 45 mins Subtitle….Myanmar Subtitle (Hard Sub)

Idli Kadai (2025) "အဖေ့အီဒလီဆိုင်ကလေး" IMDb - 6.8/10 ဒီနှစ်ထဲမှာပဲ ထွက်ရှိခဲ့တဲ့ Kuberaa (2025)မှာ သူတောင်းစားနေရာက အပီအပြင်သရုပ်ဆောင်သွားတဲ့ ဂရုဏာသက်ဖွယ်မျက်နှာပိုင်ရှင် မင်းသား ဒနုရှ်ရဲ့ အသစ်ထွက်ရုပ်ရှင်ကို တင်ဆက်ပေးလိုက်ပါတယ်။ ကျေးလက်နဲ့ ရိုးရာဓလေ့တွေကို ဖန်တီးပုံဖော်ထားပေမဲ့ Box Officeမှာ ရူပီးသန်းခုနစ်ရာကျော်ပြန်လည်ရရှိခဲ့ပါတယ်။ မူရူဂန်ဆိုတာ ရွာလေးတစ်ရွာက လမ်းဘေးအီဒလီဆိုင်ပိုင်ရှင်ရဲ့သားတစ်ယောက်ပေါ့။ မူရူဂန်ကတော့အိပ်မက်အကြီးကြီးရှိတဲ့သူ။ အရွယ်ရောက်လာတာနဲ့ မန်ဒရာ့စ်မြို့ကြီးဆီထွက်ခွာပြီး ပိုကောင်းတဲ့အလုပ်အကိုင်အခွင့်အလမ်းတွေကို ရှာဖွေခဲ့ပါတယ်။ သူ့အိပ်မက်တွေအတိုင်းချန်နိုင်းမြို့ကနေ ဘန်ကောက်ကိုရောက်ရှိပြီး ကမ္ဘာအဆင့်မီစာဖိုမှူးဖြစ်လာခဲ့ပါတယ်။ " ကျွန်တော်တို့ဟာ တစ်နေရာမှာ မွေးဖွားလာပြီး တစ်ခုခုကိုရှာဖွေစူးစမ်းဖို့အတွက် တစ်ခြားတစ်နေရာကိုထွက်သွားရတာပဲ" ဆိုတဲ့ အတွေးအခေါ်ကိုလက်ခံထားတဲ့ မူရူဂန်တစ်ယောက် အောင်မြင်မှုအထွတ်အထိပ်ရောက်တဲ့အခါ ဘဝရဲ့အရသာကို ဘယ်လိုတွေ့ရှိခံစားမလဲဆိုတာ ကြည့်ရှုရမှာဖြစ်သလို ဖခင်တစ်ဦးရဲ့ဖြောင့်မတ်တဲ့စိတ်နေစိတ်ထား၊ သားသမီးအပေါ်ထားတဲ့ ဖခင်မေတ္တာရဲ့တန်ဖိုးတွေကိုပါ ဖော်ညွှန်ထားတဲ့ ဇာတ်ကားကောင်းဖြစ်လို့ ကြည့်ရှုခံစားသင့်တဲ့ ရုပ်ရှင်ဖြစ်ကြောင်း ညွှန်းဆိုလိုက်ရပါတယ်။ File size…2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 28m Subtitle….Myanmar Subtitle (Hard Sub)

Kuberaa (2025) "လောဘဇော" IMDb - 7.2/10 တောင်ပိုင်းက ထိပ်တန်းမင်းသားကြီးတွေဖြစ်တဲ့ ဒနုရှ်နဲ့ နာဂါဂျူနာတို့အပြင် အချောလေး ရက်ရှ်မီးကားပါဝင်ထားတဲ့ရုပ်ရှင်ကားကြီး။ ရိုးသားဖြောင့်မတ်ပါတယ်ဆိုတဲ့ စီဘီအိုင်အရာရှိ ဒီပက်ခ်၊ ပိုက်ဆံနဲ့အာဏာကပဲ မောင်းနှင်နေတဲ့ လောကကြီးမှာ အရာရှိဟောင်းဒီပက်ခ် သူ့စိတ်ဓာတ်ကိုချိုးနှိမ်ပြီး ခရိုနီကြီးတွေဆီမှာ မသမာတဲ့အလုပ်တွေလုပ်ပေးဖို့ဖြစ်လာခဲ့တယ်။ ဘင်္ဂလားပင်လယ်အော်ကနေ ကမ္ဘာ့အသန့်စင်ဆုံးဓာတ်ငွေ့တူးဖော်တွေ့ရှိပေမဲ့ အာဏာရပါတီနဲ့ ခရိုနီကြီးတွေပေါင်းပြီး ပြည်သူတွေကို ဂျင်းထည့်ဖို့လုပ်တဲ့ကြားမှာ ဒီပက်ခ်တစ်ယောက် ဝင်ပါခဲ့ရတာပေါ့။ အာဏာရပါတီကဝန်ကြီးတွေ မီဒီယာတွေ အတိုက်အခံပါတီတွေဆီ ကုဋေတစ်သိန်းကို ငွေဖြူတစ်ဝက် ငွေမည်းတစ်ဝက်နဲ့ လာဘ်ထိုးဖို့က ဒီပက်ခ်တာဝန်ဖြစ်လာတော့ အမည်လွှဲတွေနဲ့လွှဲဖို့သူတောင်းစားလေးယောက်ကို နာမည်ခံဖို့ခေါ်ခဲ့တယ်။ သူတောင်းစားလေးယောက်ထဲက တစ်ယောက်ကတော့ ဒေဗာ။ ဒါပေမဲ့ သူတောင်းစားတွေကိုအသုံးချပြီးရင် ရှင်းပစ်ဖို့အတွက် ဒီပက်ခ်ရဲ့အလုပ်ရှင်တွေက ကြံစည်ထားတာကို သိသွားချိန်မှာတော့...။ (အညွှန်းနဲ့ဘာသာပြန်ကတော့ V ~ Zwe Yan ~ KKKZ ~ ToMo ~ Alex ~ Cherryတို့ပဲဖြစ်ပါတယ်) File size…10.8 GB / 3 GB / 1.5 GB Quality…WEB DL 4K HEVC / 1080p HEVC/ 720p Format…mkv/mp4 Duration….3h 1min Subtitle….Myanmar Subtitle (Hard Sub) Encoder….YK Translated by V ~ Zwe Yan ~ KKKZ ~ ToMo ~ Alex ~ Cherry

Nilavuku Enmel Ennadi Kobam (2025)"လမင်းလေးရယ် ဘာကြောင့်ထားခဲ့" တမီလ်မင်းသားကြီး ဒနွတ်ရှ် ဒါရိုက်တာလုပ် ရိုက်ကူးထားတဲ့ တမီလ်စကားပြော အချစ်ဟာသရုပ်ရှင်ကောင်းလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ ဒီနှစ်တွေထဲမှာ အိန္ဒိယ အချစ်ဟာသ ရုပ်ရှင်တွေ အများကြီးထွက်ထားပေမဲ့ ဒီရုပ်ရှင်လေးကတော့ တစ်ခါကြည့်ရုပ်ရှင်မျိုးမဟုတ်ဘဲ အချိန်ပေးရကြိုး သေချာပေါက်နပ်စေမယ့် ရုပ်ရှင်ကောင်းလေးပါ။ ဇာတ်လမ်းကတော့ ပရာဘူဆိုတဲ့ စားဖိုမှူးလေးဟာ မိန်းကလေးတစ်ယောက်ကြောင့် အသည်းကွဲပြီး ဘဝကို ရေစုန်မျှောနေပါတယ်။ သားဖြစ်သူ လနဲ့ချီပြီး အဲဒီလို မသာမယာဖြစ်နေတာကို ကြည့်မနေနိုင်တဲ့ မိဘနှစ်ပါးက ပရာဘူကို အတင်းအကျပ် မိန်းမပေးစားဖို့စီစဉ်ပါတယ်။ အဲဒီလိုနဲ့ အိမ်ထောင်ဖက်သွားတွေ့တဲ့အချိန် တွေ့ရတဲ့မိန်းကလေးက ပရာဘူရဲ့ ငယ်ငယ်တုန်းက သူငယ်ချင်းကောင်မလေးတစ်ယောက် ဖြစ်နေပါတယ်။ ခင်မင်စ ရှိတဲ့အတွက် ပရာဘူနဲ့ အဲဒီသူငယ်ချင်းမလေး ရင်းနှီးစပြုနေတုန်းမှာပဲ ပရာဘူရဲ့ ရည်းစားဟောင်း အချစ်ဦးဆီကနေ မမျှော်လင့်ထားတဲ့ ပါဆယ်တစ်ခု ရောက်လာပါတယ်။ ပရာဘူတစ်ယောက် သူငယ်ချင်းမလေး အဆင်ပြေသွားမှာလား၊ ရည်းစားဟောင်း ပို့လိုက်တဲ့ပစ္စည်းက ဘာလဲ၊ ဘယ်လိုအကြောင်းတွေအကြောင့် ပရာဘူ ရှေ့မဆက်နိုင်ဖြစ်နေရလဲဆိုတာတွေကို မင်းသားကြီး ဒနွတ်ရှ်ရဲ့လက်ရာ ဒီရုပ်ရှင်လေးထဲမှာ မြင်တွေ့ခံစားကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ Zwe Yan ~ KKKZ ~ Cym ~ Julien နဲ့ Yunni တို့ပါ။) File size…1.8 GB / 944 MB Quality…WEB DL 1080p HEVC / 720p Format…mkv/mp4 Duration….2h 16min Subtitle….Myanmar Subtitle (Hard Sub) Encoder….YK Translated by Zwe Yan ~ KKKZ ~ Cym ~ Julien ~Yunni

Raayan (2024) "ရာယန်" IMDb 6.9 CM ပရိသတ်ကြီးအတွက် အသစ်ထွက်ရှိလာတဲ့ တမီးလ် action ဇာတ်ကြမ်း ရုံကားအသစ်လေးကို မိုးလင်းလင်းချင်း မနှေး/အမြန် တင်ဆက်ပေးလိုက်ပါတယ် နာမည်ကျော် မင်းသား Dhanush ရဲ့ ကားငါးဆယ်ပြည့်ရုပ်ရှင်ဖြစ်ပြီး သူကိုယ်တိုင် ဇာတ်ညွှန်းရေးကာ ဒါရိုက်တာလုပ် အစွမ်းပြထားတဲ့ ဒီရုပ်ရှင်ဟာ ရုံတင်ငွေ ၁၅၈ ကုဋေ ရရှိထားပါတယ် ဇာတ်လမ်းအကျဥ်းကိုပြောရရင် ရာယန်ဟာ ညီငယ်နှစ်ယောက်ဖြစ်သူ မူတူးနဲ့ မာနီကမ်၊ အချစ်ဆုံး ညီမလေး ဒူရ်ဂါတို့ရဲ့ အစ်ကိုကြီးဖြစ်ပြီး အဖေအမေတို့စွန့်ပစ်သွားကတည်းက ရွာကနေမြို့ကို ညီလေးညီမလေးတွေ လက်ဆွဲခေါ်လာကာ ကြုံရာစား ရရာလုပ်ရင်း လူစည်ကားတဲ့ မုန့်ဆိုင်တစ်ဆိုင်ဖွင့်နိုင်တဲ့ ဘဝရောက်လာပါတယ် ညီလတ်ဖြစ်သူ မူတူးက အရက်မူး သွေးဆိုးကာ ပြဿနာရှာတတ်သူဖြစ်ပြီး ညီငယ် မာနီကမ်ကတော့ လိမ္မာတဲ့ ကောလိပ်ကျောင်းသားလေးပါ တုန်နေအောင်ချစ်ရတဲ့ ညီမအငယ်ဆုံးလေးကို လက်ထပ်ပေးနိုင်ဖို့နဲ့ မူတူးစရိုက်ကို ပြုပြင်ပေးနိုင်ဖို့ပဲ ပဓာနထားတဲ့ ရာယန်... တစ်နေ့မှာတော့ ဒူရိုင်နဲ့ ဆီသူ ဆိုတဲ့ လူမိုက်ဂိုဏ်းခေါင်းဆောင်နှစ်ယောက်နဲ့ ပတ်သက်မိရာမှ ဖြူစင်ရိုးသားတဲ့ သူတို့ဘဝတွေ အကျင့်ပျက် ဒုစရိုက်ပတ်ဝန်းကျင်ကြောင့် အရောင်နွမ်းမယ့်အရေး... အစ်ကိုကြီးတစ်ယောက်အနေနဲ့ ဘယ်လိုကယ်ထုတ်သွားနိုင်မလဲ ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 6.9GB / 2.5GB / 1.1GB Quality…4k HEVC WEB DL / WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

Captain Miller (2024) "ကပ္ပတိန် မီလာ" IMDb 7.2 ရထားတဲ့ တမီးလ်စကားပြော ဗြတိသျှခေတ် နောက်ခံကားတစ်ကား တင်ဆက်ပေးလိုက်ပါတယ် ဝါရင့်မင်းသား ဒနွတ်ရှ်နဲ့အတူ Shiva Rajkumar နဲ့ မင်းသမီး Priyanka Mohan တို့ ပါဝင်သရုပ်ဆောင်ထားကြပြီး ရီဗျူးကောင်းတွေရထားရုံမက ရုံတင်ငွေ ၁၀၄ ကုဋေ ရထားတဲ့ ကားလေး ဖြစ်ပါတယ် ဇာတ်လမ်းအကျဥ်းကတော့ ၁၉၃၀ ဗြိတိသျှခေတ်မှာ အီဆာဆိုတဲ့ ခပ်ဆိုးဆိုးရွာသားတစ်ယောက်က မျိုးရိုးဇာတ်နိမ့်ဇာတ်မြင့် ကွာခြားမှုတွေကို မနှစ်မြို့သူဖြစ်ပြီး လူလေးစားခံရမှုလိုချင်တာကြောင့် အိန္ဒိယ-ဗြိတိသျှ စစ်တပ်ကို ဝင်နေချင်ပါတယ် ဒါပေမဲ့ ဗြိတိသျှကို တော်လှန်ပုန်ကန်နေတဲ့ သူ့အစ်ကိုကတော့ ဒါကို သဘောမတူပါဘူး တစ်နေ့ ဗယ်လာမီဆိုတဲ့ ဇာတ်မြင့်မိန်းကလေးတစ်ယောက်ကို ချစ်ကြိုက်မိပြီး သူနဲ့အဆင်ပြေရင် ဗြိတိသျှစစ်တပ်ထဲ မဝင်ဘူးလို့ ဆုံးဖြတ်ခဲ့ပေမဲ့ ကောင်မလေးမှာ ပိုင်ရှင်ရှိနေတာကြောင့် ကောင်မလေးကို မေ့ပစ်ပြီး ဗြိတိသျှစစ်တပ်ထဲ ဝင်သွားပါတယ် အီဆာတစ်ယောက် "ကပ္ပတိန်မီလာ" ဆိုတဲ့ နာမည်နဲ့ သူ့သူငယ်ချင်း ရာဖစ် စတီဖင်တို့နဲ့အတူ သောင်းကျန်းပါတော့တယ် ဗြိတိသျှဗိုလ်ချုပ်က သူတို့ကို ပုန်ကန်သူတွေမဟုတ်တဲ့ လူသာမန်တွေကိုပါ သုတ်သင်ခိုင်းတာကြောင့် အပြစ်ရှိစိတ်နဲ့ ကိုယ့်ကိုယ့်ကို သတ်သေဖို့ ကြိုးစားပြီး... ရာဖစ်က တားလို့ ဗြိတိသျှ စစ်တပ်ကထွက်လာပြီး ရွာကိုပြန်လာခဲ့တဲ့အခါမှာ သူ့အစ်ကို  သေပြီလို့ သိလိုက်ရတဲ့နောက်ပိုင်း အဖိနှိပ်ခံအိန္ဒိယပြည်သူတွေဘက်ကနေ ရပ်တည်လို့ နယ်ချဲ့တွေကို ဘယ်လိုပြန်တွန်းလှန်မလဲ ဘယ်လို စစ်ဆင်ရေးတွေ ဆောင်ရွက်မလဲဆိုတာကိုတော့... နောက်ခံ ခေတ်အပြင်အဆင် အဝတ်အစားဒီဇိုင်းကအစ ပီပြင်အောင် သေချာရိုက်ကူးထားတဲ့ ဇာတ်ကားသစ်လေးမှာ ပရိသတ်ကြီးကပဲ တစ်ဝကြီး ဆက်လက်ကြည့်ရှုပေးကြပါဦး အညွှန်းနဲ့ဘာသာပြန်ကတော့ CM Bollywood Team က ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3GB / 1.5GB Quality…WEB DL 1080p / 720p Format…mp4 Duration….2h 37m Subtitle….Myanmar Subtitle (Hard Sub) Encoder….YK Translated by  CM Bollywood Team

Vaathi (2023) IMDb-7.6/10 သရုပ်ဆောင် ဒါရိုက်တာ ပရိုဂျူဆာ တေးရေး ဇာတ်ဝင်တေးသီချင်းအဆိုတော် စွယ်စုံရမင်းသား Dhanush နဲ့ မင်းသမီးချောလေး Samyuktha Menon တို့ အဓိကပါ၀င်သရုပ်ဆောင်ထားတဲ့ Rating လည်းကောင်း ကြည်နူးမှုကြောင့်လည်းမျက်ရည်စို့ရမဲ့ အိန္ဒိယဇာတ်ကားသစ်လေးနဲ့မိတ်ဆက်ပေးပါရစေ ဇာတ်ကားအစမှာကျောင်းသားသုံးယောက်ဟာသူတို့အဘိုးပိုင်ခဲ့တဲ့ ဗီဒီယိုခွေဆိုင်အဟောင်းလေးကို ရှင်းလင်းရင်းနဲ့ ဗီဒီယိုတိတ်ခွေဟောင်းတွေကို ဖွင့်ကြည့်လိုက်တဲ့အချိန်မှာ သူတို့မနက်တုန်းမှာ ကျောင်းမှာသင်ခဲ့တဲ့ သင်္ချာပုစ္ဆာကို ဆရာငယ်ငယ်တစ်ယောက်က သင်ပေးနေတဲ့ ဗီဒီယိုမှတ်တမ်းကိုတွေ့လိုက်ပါတယ် အဲဒါနဲ့ သူတို့ကစာမလိုက်နိုင်တော့ အဲဒီဆရာဆီမှာကျူရှင်သင်မယ်ဆိုပြီး အဲ့တိတ်ခွေအဖုံးပေါ်မှာပါတဲ့ နာမည်နဲ့လိပ်စာအတိုင်းလိုက်ရှာကြည့်တော့ သူတို့တွေ့လိုက်ရတာ အဲဒီဆရာရဲ့တပည့်ဖြစ်တဲ့သူကိုပါ အဲဒီကနေတစ်ဆင့် ဆရာ့ရဲ့နာမည်က ဘာလာဖြစ်ပြီး ဆရာဘာလာရဲ့အကြောင်းတွေကို နောက်ကြောင်းပြန်ပြောပြလိုက်တဲ့အခါမှာတော့..... ဇာတ်ကားကကြည့်လို့ကောင်းတယ်ဆိုတာ ဒီနေရာမှာတင်ရပါပြီ ဇာတ်လမ်းဇာတ်ကွက်ကောင်း ပေးချင်တဲ့ message ကောင်းတဲ့အပြင် cast ကလဲကောင်း အချစ်ဒရာမာအက်ရှင် အစုံပါဝင်တာမို့ ပေးတဲ့ rating နဲ့လဲထိုက်တန်ပါတယ် အောက်ကစာကတော့ ကျွန်တော် အာချောင်ထားတာပါ ဒီဇာတ်လမ်းလေးကို မချီးကျူးခင်မှာ နယ်ဆင်မင်ဒဲလားပြောခဲ့တဲ့ စကားလေးတစ်ခုရှိပါတယ် Education is the only weapon that can change the world တဲ့ ကမ္ဘာကြီးကိုပြောင်းလဲနိုင်တဲ့တစ်ခုတည်းသောလက်နက်ဟာ ပညာရေးပါတဲ့ ၁၉၉၀ ပြည့်နှစ်တွေမှာ အိန္ဒိယမှာ စီးပွားရေးတိုးတက်လာတာနဲ့အမျှ အသိပညာရှင် အတတ်ပညာရှင်တွေ လိုအပ်လာပြီး ပညာရေးက အားလုံးအတွက် အဓိကလိုဖြစ်လာပါတယ် အဲ့ပညာရေးနဲ့အတူ ခါတော်မီ ပညာရေးကိုအမှီပြုစီးပွားရှာမဲ့လူတွေလည်း ပေါ်ပေါက်လာပါတယ် ဘော်ဒါဆောင်တွေဖွင့် ကိုယ်ပိုင်ကျောင်းတွေဖွင့်နဲ့ ပညာရေးကိုအမှီပြုစီးပွားရေးသောင်းကျန်းကြနဲ့ အကွက်ပေါင်းစုံ လှည့်ကွက်ပေါင်းစုံ လူ့သဘာဝပေါင်းစုံနဲ့ ဇာတ်လမ်းက သူပေးချင်တဲ့ Message ကို ရှုထောင့်ပေါင်းစုံကနေ ထောက်ပြသွားတာကိုတွေ့ရမှာပါ ဒီဇာတ်ကားလေးမှာ ဆရာဘာလာရဲ့နေရာကနေ သူပြချင်သွားတာက ပညာရေးဆိုတာ ဆရာတွေက စေတနာမေတ္တာတွေနဲ့ ပြည့်စုံရုံတင်မကဘဲနဲ့ စနစ်ကလည်း ပညာရေးကို အလေးပေးဖို့လိုအပ်ကြောင်းကို တစ်ခေတ်တုန်းကဖြစ်ခဲ့တဲ့အမှန်တရားတွေနဲ့ ထောက်ပြပြီး တင်ဆက်ပေးထားတာကို တွေ့ရမှာပါ ဒီအညွှန်းကို အဆုံးသတ်တဲ့အနေနဲ့ ပရိသတ်ကြီးတွေလည်း ကမ္ဘာကြီးရဲ့အစွမ်းအထက်ဆုံးလက်နက်တစ်ခုဖြစ်တဲ့ ပညာရေးဆိုတာကို တခြားနိုင်ငံတွေက ဘယ်လိုရရှိဖို့ကြိုးစားတယ် အနုပညာရှင်တွေကလည်း အခုလိုမျိုး ဝေဖန်ထောက်ပြမှုတွေဘယ်လိုလုပ်လဲဆိုတာ ပရိသတ်ကြီးတို့ ဇာတ်လမ်းလေးနဲ့အတူ ခံစားကြည့်ရှုနိုင်ကြဖို့အတွက်တင်ဆက်ပေးလိုက်ရပါတယ် File size…2.7GB / 1.2GB Quality…1080p WEB DL / 720p Format…mp4 Duration….2h 19m Subtitle….Myanmar Subtitle (Hard Sub) Encoder….YK Translated by BpL~Sai~Khin~Yunni

ဆက်သီမိုသီက အမှန်တရားကို ဖော်ထုတ်ရေးသားတဲ့ ရိုးသားတဲ့ မှုခင်းသတင်းသမားတစ်ယောက်ပါ။ သူဖော်ထုတ်ခဲ့တဲ့ အမှန်တရားကြောင့် လုပ်ကြံခံရသလို အဲဒီအချိန်မှာပဲ သူ့ဇနီးကလည်း ဆေးရုံမှာ သမီးလေးကို မီးဖွားရင်း ဆုံးပါးသွားပါတယ်။ မိဘနှစ်ပါးစလုံး မရှိတော့တဲ့နောက် သားအကြီးဖြစ်တဲ့ မတ်သီမာရန်က ညီမလေးကို အုပ်ထိန်းပျိုးထောင်ပေးရတော့တယ်။ အရွယ်ရောက်လာတဲ့ မတ်သီမာရန်ဟာလည်း ဖခင်လိုပဲ သတင်းသမားတစ်ယောက် ဖြစ်လာပါတယ်။ ဖခင်ကြုံခဲ့ရတဲ့ အန္တရာယ်မျိုး ရှိနေပေမယ့် အမှန်တရားတွေကို ဖော်ထုတ်ဖို့ သူကြိုးစားတဲ့အခါ ဘာတွေရင်ဆိုင်ရဦးမလဲ။ ယနေ့ခေတ် သတင်းမီဒီယာလောကကို သရော်ထားတဲ့ အိန္ဒိယတောင်ပိုင်း အက်ရှင်ဒရာမာဇာတ်ကားဖြစ်ပြီး ကြာချိန်က နှစ်နာရီကျော်ရှိပါတယ်။

သီရူချီထရမ်ဘာလမ်ဟာ အမေနဲ့ ညီမကို ဆုံးရှုံးလိုက်ရပြီးနောက် ဘဝမှာ ပျော်စရာတွေပါ ပျောက်သွားသလို ခံစားနေရသူပါ။ သူ့ကို သားလို့ သတ်မှတ်ရမှာ ရှက်နေတဲ့အဖေနဲ့ စကားမပြောဖြစ်တာလည်း နှစ်နဲ့ချီနေပြီ။ အဖေ၊ အဘိုးတို့နဲ့ တစ်အိမ်တည်း နေပေမယ့် သူ့အတွက် အိမ်လို မခံစားရဘဲ စကားပြောဖော်ဆိုလို့ အဘိုးပဲ ရှိနေပါတယ်။ ပါဆယ်ပို့သမားအဖြစ် ရိုးရိုးရှင်းရှင်း လုပ်ကိုင်နေတုန်း ကျောင်းသားဘဝက ကြိတ်ကြိုက်ခဲ့တဲ့ ကောင်မလေးနဲ့ ပြန်ဆုံလာတယ်။ သူတို့နှစ်ယောက်ရဲ့ ဘဝအခြေအနေကတော့ အတော်ကွာခြားနေပါပြီ။ ကောင်မလေးက သူ့ကို တကယ်ခင်လို့ အဲဒီလို ဆက်ဆံနေတာလား၊ အထင်သေးပြီး နှိမ်နေတာလားဆိုတာ သူ မခွဲခြားတတ်ဘူး။ ဒါကို ခွဲခြားသိနေသူကတော့ သူ့ရဲ့ အခင်ဆုံးသူငယ်ချင်း ကောင်မလေးပါ။ ကောင်မလေးနှစ်ယောက်နဲ့အတူ သူ့ဘဝမှာ ဘယ်လို အရှုပ်အထွေးတွေ၊ စိတ်လှုပ်ရှားစရာတွေနဲ့ အလှည့်အပြောင်းတွေ ကြုံလာရမလဲဆိုတာကို ဆက်ပြထားပါတယ်။ Karnan နဲ့ လူသိများတဲ့ Dhanush က သီရူချီထရမ်ဘာလမ်အဖြစ် သရုပ်ဆောင်ထားတဲ့ အချစ်ဒရမ်မာပါ။

ကော့ထ်ဂျန်ထရီဟာ လူသတ်မှုနဲ့ နှစ်ရှည်ထောင်ဒဏ်ကျနေသူပါ။ တစ်နေ့မှာ စီအိုင်အေရဲ့ လျှို့ဝှက်တရားမဝင် စစ်ဆင်ရေးတွေမှာ အလုပ်လုပ်ပေးဖို့ အပေးအယူရပြီး ထောင်က လွတ်လာခဲ့တယ်။ အဲဒီနောက် အေးဂျင့်လောကမှာ Six ဆိုတဲ့နာမည်နဲ့ လူသိများလာပါတယ်။ တစ်ရက်မှာတော့ သူလုပ်ကြံရတဲ့ ပစ်မှတ်ဆီက မရသင့်တဲ့အချက်အလက်တွေ ရသွားခဲ့တယ်။ အဲဒီအခါ ကိုယ့်အဖွဲ့အစည်းကပါ သူ့ကို ပြန်လိုက်သတ်လာလို့ ထွက်ပြေးရတော့တာပါ။ သူ့နောက်ကို တရားမဝင် လိုက်သတ်ဖို့ အေဂျင်စီက ငှားလိုက်သူက နာမည်ဆိုးနဲ့ကျော်ကြားတဲ့ ကြေးစား လွိုက်ဟန်ဆန် ဖြစ်ပါတယ်။ Six အဖြစ် ရိုင်ယန်ဂို့စလင်းနဲ့ လွိုက်ဟန်ဆန်အဖြစ် ခရစ်စ် အီဗန်တို့ သရုပ်ဆောင်ထားပြီး နှစ်ယောက်ကြား အပြန်အလှန် လိုက်လံတိုက်ခိုက်ကြတဲ့ အက်ရှင်ဇာတ်လမ်းပါ။ နက်ဖလစ်ရဲ့ ဒီရုပ်ရှင်ကို ရက်ဆိုညီအစ်ကိုက ရိုက်ကူးထားပြီး အဗန်ဂျာဇာတ်ကားတွေရဲ့ ဇာတ်ညွှန်းဆရာတွေက ရေးသားထားပါတယ်။ အန်နာ ဒီအာမက်စ်၊ ဂျက်ဆီကာဟန်းဝစ်နဲ့ တမီးလ်သရုပ်ဆောင် Dhanush တို့လည်း ပါဝင်ထားပါတယ်။

ပရာဘူနဲ့ ကာသီရ်တို့က အမွှာညီအစ်ကိုတွေဖြစ်ပေမယ့် စိတ်နေစိတ်ထားတော့ မတူကြပါဘူး။ ပရာဘူက နူးညံ့သလောက် ကာသီရ်က ဆိုးသွမ်းတဲ့ကလေးတစ်ယောက်ဖြစ်နေတော့ သူ့အပြုအမူတွေ ပရာဘူ့အပေါ် လွှမ်းမိုးလာမှာကို ဖခင်ဖြစ်သူက စိုးရိမ်နေခဲ့တယ်။ သူတော်စင်တစ်ပါးကလည်း ညီအစ်ကိုနှစ်ယောက် အတူမနေသင့်ဘူးလို့ ပြောလာတဲ့အခါ မိခင်က ကာသီရ်ကို ဘုရားကျောင်းမှာ စွန့်ပစ်ပြီး ပရာဘူနဲ့အတူ ထွက်ပြေးသွားပါတယ်။ နှစ်တွေကြာလာတော့ ပရာဘူဟာ အိမ်ထောင်ကျပြီး သမီးတစ်ယောက် ရလာတယ်။ တစ်ဦးတည်းသော သမီးလေးကို အချစ်ပိုပြီး ဂရုစိုက်နေခဲ့ပေမယ့် တစ်နေ့မှာတော့ ကလေးရဲ့ ထူးဆန်းတဲ့အပြုအမူတွေကို သတိထားမိလာပါတယ်။ သမီးက တစ်ယောက်ယောက်နဲ့ စကားပြောနေသလို တစ်ယောက်တည်း ပြောဆိုနေတာပါ။ သမီးလေး ဘာကြောင့် ဒီလိုဖြစ်နေတာလဲ၊ သူစကားပြောနေတဲ့သူက ဘယ်သူလဲ၊ ဒီအဖြစ်တွေရဲ့ နောက်ကွယ်မှာ ဘာရှိနေလဲဆိုတဲ့ မေးခွန်းတွေ ပရာဘူ့ရှေ့ ရောက်လာပါတော့တယ်။

IMDb Rating (8.6) ၁၉၉၇ ခုနှစ်မတိုင်ခင်က ပိုဒီရန်ကုလမ် ဆိုတဲ့ ရွာလေးမှာ ကာနန်ဆိုတဲ့ ‌ဂျစ်ကန်ကန်လူငယ်လေးတစ်ယောက်ရှိတယ်... သူက မတရားမှုဆို ငြိမ်ခံမနေဘဲ ဒေါသကိုရှေ့တန်းတင်တက်တာကြောင့် ပြဿနာကောင်ဆိုပြီး နာမည်ကြီးနေရော.. ပိုဒီရန်ကုလမ်ရွာလေးက ဝေးလံတဲ့အရပ်မှာရှိပြီး ဘတ်စ်ကားမှတ်တိုင်တောင်မရှိလို့ ရွာသားတွေက အနီးနားက မေလာရွာလေးမှာ ကားသွားစီးကြရတယ်... ဒါတွေကြောင့်လဲ ပိုဒီရန်ကုလမ်ရွာသားတွေက နေရာတကာမှာ အဖိနှိပ်ခံ အောက်ကျို့ခံပြီးနေနေကြရတယ်.. တစ်နေ့ ရွာလမ်းဆုံမှာ ဘတ်စ်ကားမရပ်ပေးလို့ ခဲနဲ့ထုရာကနေ ပြသနာစပြီး ကာနန်က ကားတစ်စီးလုံး ရိုက်ခွဲလိုက်တာကြောင့် ရွာသားတွေအားလုံး ရဲနဲ့အမှုရင်ဆိုင်ရပါတော့တယ်... ရဲတွေကထုံးစံအတိုင်း အမှုနဲ့မဆိုင်တဲ့ ရွာသားတွေကိုပါ တမင်အနိုင်ကျင့်ရိုက်နှက်တာကြောင့် ဖိနှိပ်ခံလူတန်းစားတော်လှန်ရေးပေါ်ပေါက်လာပါတယ်... မျိုးချစ်ကောင်လေး ကာနန် ဦးဆောင်ပြီးရွာသား‌တွေနဲ့အတူ အဖိနှိပ်ခံဘဝ‌ကနေလွတ်အောင်ဘယ်လိုကြိုးစားကြမလဲ ဆိုတာကို စိတ်ဝင်စားဖွယ် ကြည့်ရှုရမှာဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Sein Lae မှ တင်ဆက်ထားတာပါ။) File size…(3 GB) and (1.9 GB) Quality….WEB-DL 1080p and 720p 5.1CH Format…mp4 Duration….02:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Sein Lae

Jagame Thandhiram(2021) အညွှန်း IMDb...7.0 အခုတင်ဆက်ပေးမဲ့ဇာတ်ကားလေးကတော့ ၂၀၂၁ ခုနှစ်ထွက် အမိုက်စား အိန္ဒိယ Action/Drama ကားလေးပဲဖြစ်ပါတယ်.... ဒီဇာတ်ကားထဲမှာ ဇာတ်လိုက်မင်းသား ဆူရီလီ ဟာ အိန္ဒိယနိုင်ငံ  တမေးလ်နာဒူ ဒေသက သာမာန်စားသောက်ဆိုင်တစ်ခုမှာ အလုပ်လုပ်တဲ့ လူငယ်တစ်ယောက်ဖြစ်ပါတယ်.. ဒါ့အပြင် ကြံ့ခိုင်ထက်မြတ်တဲ့သူတစ်ယောက်ဖြစ်တဲ့ ဆူရီလီ ဟာ ဒေသတွင်းက ပြဿနာတွေကို အကြမ်းနည်းနဲ့ ကိုင်တွယ်ဖြေရှင်းလေ့ရှိတဲ့အတွက် ဂိုဏ်းစတားတစ်ယောက်အဖြစ် နာမည်ကျော်ကြားတဲ့ သူလည်းဖြစ်ပါတယ်  .... တစ်နေ့မှာတော့ ဗြိတိန်နိုင်ငံက နာမည်ကြီး ဂိုဏ်းတစ်ခုဟာ လန်ဒန်မှာ သောင်းကျန်းနေတဲ့… .သူတို့ရဲ့ပြိုင်ဖက် အိန္ဒိယလူမျိုးဂိုဏ်းတစ်ခုကို ချေမှုန်းဖို့အတွက် ကူညီပေးဖို့ တမေးလ်နာဒူဒေသရဲ့ နာမည်ကျော် ဆူရီလီ ကို ကမ်းလှမ်းလာပါတော့တယ်... အဲ့ဒီနောက်ဘာတွေဆက်ဖြစ် ဆက်ကြမ်းမလဲဆိုတာကိုတော့..... ဇာတ်လမ်းအညွှန်းနဲ့ဘာသာပြန်သူတွေကတော့ Thar Htet & Thaik San တို့ပဲဖြစ်ပါတယ်... File Size :1.4GB and 3GB Quality : WEB-DL 720p and 1080p Format…mp4 Duration…02:37:00 Genre :  Action, Comedy, Crime Subtitle : Myanmar Subtitle (Hard Sub) Translated by Thar Htet & Thaik San Encoded by Phyo Pyae

Atrangi Re (2021) ရင်ကူး(Sara Ali Khan) ဟာ သူ့ချစ်သူမျက်လှည့်ဆရာလေး ဆာဂျတ်ဒ်အလီ (Akshay Kumar) ကိုအရူးအမူးချစ်ခင်စွဲလန်းသူဖြစ်ပါတယ်။ မတူညီတဲ့ ဘာသာရေးနောက်ခံတွေကြောင့် ရင်ကူးရဲ့အယူအစွဲကြီးတဲ့အသိုင်းအ၀ိုင်းဟာ သူခိုးရာလိုက်ပြေးတိုင်း မရရအောင်လိုက်ခွဲလေ့ရှိပြီး နောက်ဆုံးတစ်ကြိမ်မှာတော့ ဆာဂျတ်ဒ် မဟုတ်ရင်ပြီးရောဆိုပြီး လူတစ်ယောက်ကိုပြန်ပေးဆွဲခေါ်လာပြီး အတင်းအကျပ်လက်ထပ်ပေးလိုက်ပါတော့တယ်၊ အဲ့ဒီလူကတော့ တမီလ်နာဒူးပြည်နယ်ကလာတဲ့ ဆရာဝန်လောင်းလေးဖြစ်တဲ့ ဗီရှူး (Dhanush) ပါပဲ။ ပြဿနာက ဗီရှူးမှာလဲ မကြာခင်စေ့စပ်တော့မယ့်သတို့သမီးလောင်းရှိနှင့်နေပြီးဖြစ်နေတာပါ။ မိဘသဘောတူရုံသက်သက် အချစ်ဆိုတာ ဘာမှန်းမသိဘဲ လက်ထပ်လုဆဲဆဲ ဗီရှူးဟာ တစ်ပါးသူကိုအရူးအမူးချစ်နေတဲ့ ရင်ကူးကိုစွဲလန်းစပြုလာရာကနေ သုံးပွင့်ဆိုင်ဇာတ်လမ်းတစ်ခုအဖြစ်အသက်ဝင်လာပါတော့တယ်။ Dhanush ရဲ့နာမည်ကျော် hindi ဇာတ်ကား Raanjhanaa ရဲ့ဖန်တီးရှင် ဒါရိုက်တာကြီး Aanand L. Rai ရဲ့လက်ရာဖြစ်ပြီး ဂီတပိုင်းကိုတာဝန်ယူထားတဲ့သူက A R Rahman ဖြစ်နေတဲ့အတွက် သီချင်းကောင်းကောင်းလေးတွေ လှပတဲ့ရှုမျှော်ခင်းတွေ ရိုက်ကွင်းရိုက်ကွက်တွေကို ရိုးရာဟန်မပျောက်ဘဲ တွဲဖက်မြင်တွေ့ရမှာပါ။ ဇာတ်လမ်းကိုယ်တိုင်ကလဲ ထွေလာထဲကနဲ့မတူပဲ ထူးခြားတဲ့အချိုးအကွေ့အလှည့်အပြောင်းတွေကိုမြင်တွေ့ရပါလိမ့်မယ်။ အညွှန်းကိုတော့ Alias က ရေးထားပေးပြီးတော့ ဘာသာပြန်ထားတာကတော့ Alias, Pyi Ti Nyein နဲ့ Chit Tee တို့ပဲ ဖြစ်ပါတယ်။ Genre..... Comedy, Drama, Romance Quality….4K HEVC 1080P, WEB-DL 1080p and 720p and 360p File size…4.67VB, 1.94GB and 1.1GB and 300MB Format…mp4 Duration….2h 18min Subtitle….Myanmar Subtitle (Hardsub) Translator ..... Alias, Pyi Ti Nyein, Chit Tee Encoder ..... August

Genre : Drama/Action IMDb ratings : 8.9/10 ဒီတစ်ခါတင်ဆက်ပေးလိုက်တဲ့ ဇာတ်ကားကတော့ သုံးဘဝဇာတ်ကား (Anegan), VIP 1+2 တို့နဲ့ မြန်မာပြည်က အိန္ဒိယပရိတ်သတ်တွေကို ညှို့ယူဖမ်းစားနိုင်ခဲ့တဲ့ Tamil မင်းသား Dhanush ရဲ့ ဇာတ်ကား ဖြစ်ပါတယ်။ ယောက္ခမဖြစ်သူ Rajinikanth ရဲ့ ခြေရာကို နင်းတယ်လို့ ဆိုရအောင် Dhanush ဟာလည်း အောင်မြင်မှုတွေ ရရှိနေတဲ့ Tamil မင်းသားပါ။ # အညွှန်း အိန္ဒိယနိုင်ငံဟာ ဗြိတိသျှလက်အောက်မှာ အချိန်ကြာမြင့်စွာ ရှိတဲ့ဖူးတဲ့အတွက် ဗြိတိသျှတွေ ထွက်ခွာသွားပြီးနောက်ပိုင်း ဆိုးမွေအဖြစ်နဲ့ ပြဿနာပေါင်း သောင်းခြောက်ထောင် ကျန်ရစ် ခံစားခဲ့ရတဲ့ နိုင်ငံလည်း ဖြစ်ပါတယ်။ ဒီလိုပြဿနာတွေကြားမှာမှ မြေရှင် ၊ အလုပ်သမားပြသနာတွေကလည်း ဖွံဖြိုးမှု နောက်ကျကျန်ရစ်တဲ့ ဒေသတွေမှာ အမြစ်စွဲနေပါတော့တယ်။ ငွေကြေးဥစ္စာ ကြွယ်ဝသူက မရှိဆင်းရဲသားတွေကို ကျွန်တွေ ၊ အခိုင်းအစေတွေလို့ သဘောထားတယ်။ ဇာတ်နိမ့်သူတွေအဖြစ် လူရာမသွင်းကြပါဘူး။ ဒီဇာတ်ကားမှာလည်း မြေယာပြဿနာကို အခြေခံပြီး ရွာတစ်ရွာမှာရှိတဲ့ မိသားစု နှစ်ခုကြားက ကြီးမားတဲ့ လက်စားချေ ရန်ညှိုးဖွဲ့ သတ်ဖြတ်ကြပုံတွေကို တင်ဆက်ထားပါတယ်။ အိုဗာ အက်ရှင်တွေ မပါပါဘူး။ ဓားချင်းယှဉ်ခုတ်တာ ၊ လှံချင်းယှဉ်ထိုးတာတွေဟာ အသည်းယားစရာ ကောင်းလှတာကြောင့် သွေးထွက်သံယိုပြကွက်တွေ ပေါပေါသီသီ ပါဝင်နေပါတယ်။ အရွယ်မရောက်သေးသူများ ၊ ကလေးသူငယ်များ အုပ်ထိန်းသူနှင့်အတူ (သို့မဟုတ်) အုပ်ထိန်းသူ ခွင့်ပြုချက် ရမှ ကြည့်သင့်ပါတယ်။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File Size : (1.30 GB ) and (650 MB) Quality : WEB-DL 720p Running Time : 2hr 21min Format : Mp4 Genre : Action, Drama Subtitle : Myanmar Subtitle (Hard Sub) Source : TRUE WEB-DL - 1080p  Translated by Nyi Koe And Myint Thu Encoded by Thanhtike Zaw

Vada Chennai (2018) ချန်နိုင်းမြောက်ပိုင်းကဂယက်များ IMDb 8.4/10 Tamilမင်းသားကြီး Dhanushပါဝင်သရုပ်‌ဆောင်ထားတဲ့ crime drama ကောင်းတွေကို မျှော်နေသူတွေအတွက် တစ်ချိန်က မန်ဒရာလို့ခေါ်တဲ့ချန်နိုင်းမြို့ရဲ့ ကမ်းရိုးတန်းတစ်လျှောက်မှာ ကြီးစိုးနေတဲ့ လူမိုက်ဂိုဏ်းတွေအကြောင်း ရိုက်ကူးထားတဲ့ ဇာတ်လမ်းကောင်းလေး‌ကို တင်ဆက်ပေးချင်ပါတယ်။ ချန်နိုင်းမြောက်ပိုင်းမှာအုပ်စိုးနေတဲ့လူမိုက်ခေါင်းဆောင်ကြီးကို ဂုန ပါဇနီ ဆန်သီ ဗယ်လူ တို့သူငယ်ချင်း‌လေးယောက်က သတ်ပြီး သူ့နေရာကိုဝင်လုဖို့ကြိုးစားရင်း ပြစ်ဒဏ်ခံယူဖို့ကို ရှောင်လွှဲလို့မရတော့တဲ့အခါမှာတော့ သူငယ်ချင်းယောက်နှစ်ယောက် ဂုနနဲ့ ဗယ်ရူကို ထောင်ထဲဝင်ခိုင်းဖို့စည်းရုံးပြီး ဆန်သီက မြေပြင်အခြေအနေကိုထိန်းလို့ သိပ်မကြာခင်မှာ ထောင်ထဲကသူငယ်ချင်းနှစ်ယောက်ကိုအာမခံနဲ့ပြန်လွှတ်ပေးမယ်ဆိုပြီး ကတိပေးထားခဲ့ကြပေမဲ့ ကတိမတည်ကြတော့တဲ့အခါ ပြဿနာတွေပိုပြီးကြီးထွားလာပါတော့တယ် လူမိုက်ပီပီ ထောင်နှုတ်ခမ်းဝနားမှာ လမ်းလျှောက်နေရတဲ့ ဂုနနဲ့ဆန်သီတို့ရဲ့ အတွင်းလူထိုးတဲ့နောက်ကျောဓားနက်နက်ရန်ငြိုးက ထောင်ထဲမှာပါ ဘယ်လိုဆက်ဖြစ်မလဲ။ တစ်ဖက်မှာလဲ စားပွဲဇယ်တောက်ကျွမ်းတဲ့ကောင်လေး အန်ဘူးဟာ သူ့ရဲ့နုံချာတဲ့ပတ်ဝန်းကျင်ကနေ နိုင်ငံအဆင့်ဝင်အောင်လေ့ကျင့်ပြီး တစ်ချိန်မှာ အစိုးရဝန်ထမ်းတစ်ယောက်ဖြစ်အောင်ကြိုးစားနေရင်း အကြောင်းမလှစွာဘဲ ပါဇနီကိုသတ်မိတာ‌ကြောင့်နဲ့ ဒီဂိုဏ်းရာဇာနှစ်ယောက်ရဲ့ ရန်ငြိုးကြားထဲ ပါဝင်ပတ်သက်မိဖို့ ဖြစ်လာချိန်မှာတော့... ချမယ် ကြမ်းမယ် ရမ်းမယ်ဆိုတဲ့ တမီလ်ကားလေးတွေ သဘောကျသူတွေတော့ အကြိုက်တွေ့မှာဖြစ်လို့ အခုပဲ ရှုစားလိုက်ရအောင်ပါ။ (အညွှန်းနဲ့ ဘာသာပြန်ကတော့ LinnLunn ~ Bluuri ~ Alex ~ ToMo တို့ပဲဖြစ်ပါတယ်) File size… 2.8GB / 1.3GB Quality…WEB DL 1080p / 720p Format… mp4 Duration….2h 44m Subtitle….Myanmar Subtitle (Hard Sub) Encoder….YK Translated by LinnLunn ~ Bluuri ~ Alex ~ ToMo

The Extraordinary Journey of the Fakir (2018) IMDb Rating (6.8) ဒီရုပ်ရှင်ကားကတော့ The Boys ထဲက Starlight အဖြစ် လူသိများတဲ့ မင်းသမီး Erin Moriarty နဲ့ အိန္ဒိယတောင်ပိုင်းမင်းသား Dhanush တို့ပါဝင်ထားတာကြောင့် ထူးခြားတဲ့ အတွဲအဖက်နဲ့ Adventure Comedy Drama ရုပ်ရှင်ကားဖြစ်ပါတယ်။ အာဂျာအဖြစ် ဒနွတ်ရှ်ဟာ ငယ်စဉ်ကတည်းက ဆင်းရဲလို့ အမေဖြစ်သူရဲ့ လိုအင်နဲ့ ဆန့်ကျင်ဖက်အဖြစ် ခါးပိုက်နှိုက်တလှည့် မျက်လှည့်ဆရာတလှည့်ဘဝနဲ့  မွေးရပ်ဇာတိ အိန္ဒိယနိုင်ငံမှာပဲ အချိန်ကုန်ကြီးပြင်းခဲ့ရပါတယ်။ ဒါပေမယ့်သူ့မှာ ပြင်သစ်ကိုသွားဖို့ အိမ်မက်တစ်ခုရှိပါတယ်... ဘာလို့လဲဆိုတော့ အဖေဖြစ်သူကို ရှာဖွေဖို့ပါ.... ဒါကြောင့်မလို့ အမေဖြစ်သူဆုံးသွားတဲ့နောက်မှာတော့ သူ့အိမ်မက်ကိုအကောင်အထည်ဖော်ဖို့ ပဲရစ်မြို့ကို ချီတက်လာခဲ့ပါတော့တယ်။ ပဲရစ်က အီဖယ်တာဝါမှာ ချစ်စရာကောင်းတဲ့ Starlight မလေး မေရီနဲ့ တွေ့ဆုံပြီး မြင်မြင်ချင်းချစ်မိသွားခဲ့ပေမယ့် အိန္ဒိယနိုင်ငံသား တစ်ယောက် ကမ္ဘာတခွင်မှာ ဘယ်လိုတွေအလွဲလွဲအချော်ချော် ဖြစ်မလဲဆိုတာ....။ File size…(1.7 GB )/(1 GB) Quality….BluRay 1080p HEVC / 720p Format…mkv/mp4 Duration….01:35:52 Subtitle….Myanmar Subtitle (Hardsub) Encoder….Ka Naung Translated by Zuel Zan Aung

၂၀၁၅ ခုနှစ်က ထွက်ရှိခဲ့တဲ့ Maari ရဲ့အဆက်မှာလည်း လူမိုက်မာရီကို အက်ရှင်ခန်းတွေနဲ့အတူ ပြန်တွေ့ရပါတယ်။ မာရီနဲ့ သူ့သူငယ်ချင်း ကာလိုင်တို့ဟာ တမီးလ်နာဒူးပြည်နယ်တစ်ခုလုံးမှာ နာမည်ကြီးတဲ့ လူမိုက်နှစ်ယောက်ပါ။ ပွဲပေါင်းများစွာ နွှဲခဲ့ကြပြီး သူတို့လက်ချက်နဲ့ အရိုက်ခံခဲ့ရသူတွေလည်း မနည်းတော့ဘူး။ ကာလိုင့်မှာ ဗာလာဝမ်ဆိုတဲ့ ညီတစ်ယောက်ရှိပြီး မာရီကိုတော့ အာနန်ဒီဆိုတဲ့ ခပ်ဆိုးဆိုးကောင်မလေးက အသည်းအသန် လိုက်နေပါတယ်။ သူတို့ရဲ့ပြိုင်ဘက်က ကိုကင်းမှောင်ခိုလုပ်ငန်းနဲ့ ရပ်တည်နေတဲ့ လူမိုက်ကြီး ဆင်ဂါယာပါ။ လူမိုက်ဘဝမှာ ရန်သူတွေ များနေတဲ့အပြင် ကိုယ်ရိုက်ခဲ့ဖူးသူတွေကလည်း အငြိုးမပြေဘဲ ရှိနေနိုင်တယ်။ ကိုယ်လုပ်ခဲ့တဲ့အမှားတွေကို မေ့သွားတတ်ပေမယ့် အကျိုးဆက်တွေက ပြန်ရောက်လာနိုင်သလို သွေးရင်းသားရင်းကြားက သစ္စာဖောက်မှုမျိုးလည်း ရှိနိုင်ပါတယ်။ မာရီရဲ့ဘဝထဲကို အာနန်ဒီ ဝင်ခွင့်ရလာမလား။ မာရီကရော နောက်ကွယ်က တိုက်ခိုက်မှုတွေနဲ့ လက်စားချေလိုသူတွေရဲ့ ကြိုးပမ်းမှုတွေကို ရှောင်နိုင်ပါ့မလား၊ သူလုပ်ခဲ့တဲ့ မိုက်ပြစ်တွေကို ပြန်ဆေးကြောနိုင်ဦးမလားဆိုတာ ဆက်တွေ့ရမှာပါ။

Anegan (2015) သို့ သံသရာတည်မဲ့ချစ်ခြင်း IMDb --- 6.7/10 ဖြစ်ရပ်မှန်ကို အခြေခံရိုက်ကူးထားတဲ့ အတိတ်ဘဝကိုပြန်မှတ်မိနိုင်စွမ်းရှိသူတစ်ယောက်အကြောင်း.. ဒီကားကိုမြန်မာနိုင်ငံမှာပါမက ဗီယက်နမ် ကမ္ဘောဒီးယား မလေးရှားတို့မှာသွားရောက်ရိုက်ကူးထားပြီး ၄ ဘဝဆက်တိုက်ချစ်ကြိုးသွယ်ခဲ့ကြတဲ့ အတွဲလေးရဲ့ဇာတ်လမ်းလေးပဲဖြစ်ပါတယ် ရုံတင်ငွေကလည်း ၅၅ကုဋေထိ ပြန်ရခဲ့တဲ့ တစ်ခေတ်တစ်ခါက နာမည်ကြီး ရုံကားတစ်ကားဆိုလည်းမမှား ဇာတ်လမ်းအစကိုက မြန်မာကစခဲ့ပြီး မြန်မာ့အလှ မြန်မာ့ယဉ်ကျေးမှုတွေ တစ်ပုံတစ်ပင်နဲ့ မြန်မာတို့မြတ်နိုးတန်ဖိုးထားကြတဲ့ ပုဂံ အင်းလေး ဦးပိန်တံတားပေါ်မှာပါ ရိုက်ကူးထားတဲ့ဇာတ်ဝင်ခန်းတွေဆိုရင်လည်း ကြည်နူးစရာအပြည့်ပါပဲ မာဒူလို့ခေါ်တဲ့ ဂိမ်းကုမ္ပဏီမှာလုပ်တဲ့ ကောင်မလေးဟာ သူ့ရဲ့ အရင်အတိတ်ဘဝတွေကို ပြန်မြင်လေ့ရှိတဲ့အတွက်ကြောင့် စိတ်ရောဂါကုဆရာဝန်နဲ့ သေချာပြကြည့်ပေမဲ့ ဆရာဝန်ကတော့ သူ့အလုပ်ရဲ့ လွှမ်းမိုးမှုဒဏ်ကြောင့် အမြင်အာရုံတွေ မှားပြီးဖြစ်တာလို့ပဲ ထင်နေပါတယ်။ ဒါပေမဲ့ အံ့ဩဖို့ကောင်းတာက မာဒူလေး သူ့ရဲ့ အတိတ်ဘဝတွေထဲမှာ တွေ့ခဲ့ရတဲ့သူတွေအကုန်လုံးကို အခုလက်ရှိဘဝမှာပါ ပြန်ပြီး တွေ့ဆုံနေရလို့ပါပဲ။ အတိတ်ဘဝတွေမှာ ချစ်သူတော်စပ်ဖူးခဲ့တဲ့ကောင်လေးနဲ့ ပြန်လည်တွေ့ဆုံပြီးနောက်ပိုင်းမှာတော့ မာဒူလေးက မှတ်မိနေပေမဲ့ ကောင်လေးကမမှတ်မိတဲ့အခါမှာ မာဒူလေးက ကောင်လေးအနားကို ချဉ်းကပ်ဖို့ ဘယ်လိုနည်းလမ်းတွေ သုံးမလဲ....... မာဒူလေးက အခုလိုမျိုး ဘာလို့ အတိတ်ဘဝအကြောင်းတွေကို မှတ်မိနေရတာလဲ ..... မာဒူလေးမှတ်မိနေတဲ့အတိတ်ဘဝအကြောင်းတွေကရော အစစ်အမှန်ပဲလား ထင်ယောင်ထင်မှားဖြစ်တာလား...... ဆိုတာတွေကို ကုလားကားပရိသတ်များအကြိုက် ဘဝပေါင်းများစွာနဲ့အတူ ကြည့်ရှူရမှာပဲ ဖြစ်ပါတယ်။ (အညွှန်းကိုတော့ Yunni ကရေးသားပြီး CM Bollywood Team က ဘာသာပြန်ဆိုထားတာပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3.2GB / 1.7GB Quality…WEB DL 1080p / 720p Format…mp4 Duration….2h 34m Subtitle….Myanmar Subtitle (Hard Sub) Encoder….YK Translated by CM Bollywood Team

Raanjhanaa (2013)( အချစ်ဆုံး မင်းတစ်ယောက်သာ) ••••••••••••••••••••••••••••••••••••••••••••••••••••••• ( Drama စစ်စစ် မှ သိပ်ကြိုက်တဲ့ သူတွေအတွက်တော့ အညွှန်း မလိုပါဘူး။ ) အဖြောင့်အတန်း မရှိလှတဲ့ မျှော်လင့်ချက်တွေကြား မွန်းကြပ်နေတဲ့ကောင်လေးတစ်ယောက်ရဲ့ ပုံပြင်လေးပေါ့ဗျာ။ ဒီဇာတ်လမ်းကို ကြားပြီးရင် မင်း ဟာ တစ်ခုခု ကို ခံစားဆုပ်ကိုင်လာမိမယ်။ ဆို့နင့်နင့် နဲ့ ဘ၀ တစ်ခုကို လက်ဝယ် ရချင်ရလာလိမ့်မယ်။ ဒါဟာ ကံ ကြမ္မာတစ်ခုရဲ့ စုတ်ချက်သီခြယ်ခြင်းတွေပါပဲ။ Zoya ဆိုတဲ့ ကောင်မလေးကို တစ်ဖက်သတ် ချစ်မိခဲ့တဲ့ ကောင်လေး Kundan ……… ပါးအချက်ပေါင်း 15 ချက်ရိုက်ခံပြီးမှ နာမည်လေးတစ်ခုကို မြတ်မြတ်နိူးနိုး သိခွင့်ရခဲ့တယ်။ ဒါပေမယ့် အကြိမ်ကြိမ် လွဲချော်နေတတ်တဲ့ ကံစီရင်ချက်က 16 ခါမြောက် ပါးတစ်ချက်ကို ထပ်မံ မိတ်ဆက်ပေးခဲ့တယ်။ ဒါဟာ လူမျိုးဘာသာ ကွဲပြားမှုကြောင့် Zoya လက်ဖဝါးနုနု နဲ့ ရိုက်ခဲ့တဲ့ တုံ့ပြန် ချက်တစ်ခု ပါပဲ။ Kundan က ဟင်ဒီ။ Zoya က မူဆလင်။ ဒါပေမယ့် တဇွတ်ထိုး ဆန်တတ်တဲ့ Kundan အတွက်တော့ ချစ်ခြင်းမေတ္တာမှာ လူမျိုးလည်းမရှိ ဘာသာ တရားလည်း မရှိခဲ့ပါဘူး။ Zoya ရှေ့ဆီကို အရောက်သွားပြီး လက်ကောက်ဝတ်ရဲ့ သွေးကြောထဲမှာ ချစ်ခြင်းတရား ရှိကြောင်း ဖော်ပြခဲ့ပါတယ်။ ဒါ့ကြောင့်မို့ Zoya ဟာ Kundan ရဲ့ အချစ်ကို လက်ခံခဲ့တယ်။ ဘ၀ ရဲ့ ပျော်ရွှင်ခြင်းဟာ အခိုက်အတန့်ပဲလို့ ဆိုရမလား။ Zoya ရည်းစား ရနေပြီအကြောင်း သူမ မိသားစုတွေက သိရှိသွားခဲ့တယ်။ အဆိုးဆုံးက လူမျိုး မတူတာပါပဲ။ ဒီတော့ သူမ မိသားစုက Zoya ကို အလီဂတ်မြို့ဆီ ပို့ ဖို့ စီစဉ်လိုက်ပါတယ်။ ရထားကြီး က တရွေ့ရွေ့ သွားရင်း ဝေးကွာခြင်းက အလွမ်းဆန်နေခဲ့တယ်။ နောက်ဆုံး နှုတ်ဆက်စကား ဆိုနေခဲ့တဲ့ Kundan အတွက်တော့ ဒီမြင်ကွင်းဟာ ၈ နှစ်တာ ကြာခဲ့ပါတော့တယ်။ အချိန်ကာလ အလီလီ။ ဒါပေမဲ့ Kundan ရဲ့ ဘယ်ဖက်ရင်အုံထဲမှာတော့ အချစ်ဦး Zoya တစ်ယောက်တည်း ။ ဒီလိုနဲ့ Zoya ပြန်လာချိန် မှာတော့ Zoya ရဲ့ ရင့်ကျက်မှုက Kundan အဖို့ ချစ်ခြင်းမရှိခဲ့တော့ဘူး။ ငယ်ငယ် က ရူးသွပ်မှု တစ်ခုလို အချစ်ကို Zoya သဘောထားလိုက်တော့တယ်။ Kundan ကိုလည်း ခင်မင်သူ တစ်ဦး အဖြစ်နဲ့ပေါ့။ Kundan ကတော့ အချစ်ကို ပြန်လည် ကြိုးစားဆဲပါ။ ဒါပေမယ့် Zoya ရဲ့ ပြောပြချက် အရ သူ သိရတာက Zoya မှာ လူမျိုးဘာသာတူ ချစ်သူ တစ်ဦး ရှိနေပြီဆိုတာပါပဲ။ သူမ ချစ်သူ ဟာလည်း အရှိန်အဝါ ကြီးတဲ့ လူငယ်ပါတီခေါင်းဆောင် တစ်ယောက် ပါ။ ဘဝဟာ ပစ်မှတ်မရှိတဲ့ လေးတင်ပွဲလို အရာ ရာ ဟာ မျှော်လင့် ကွဲကြေစရာ ဖြစ်ခဲ့ပါတယ်။ သို့ပေမဲ့ Zoya ပျော်ရွှင်စေဖို့ဆို ဘာမဆို ပေးဆပ်ဖို့ အသင့်ဖြစ်နေတဲ့ Kundan က တော့ Zoya နဲ့သူ့ ချစ်သူ ပေါင်းဖက်စေဖို့ ကူညီပေးခဲ့ပါတယ်။ ဒါပေမဲ့ ဒီလိုအချိန်လေးမှာ မမျှော်လင့်ထားတဲ့ အခြေအနေ နဲ့ ကြုံ ကြိုက် လာခဲ့တဲ့အခါမှာတော့ …………!!!!! ( အညွှန်းကို ဒီမှာတင် ရပ်ထားပါရစေ။ ဇာတ်လမ်းက အညွှန်းထက် ပို လေးနက်သည်မို့ ပေးဆပ်အချစ်ကို ပိုမို ခံစားစေချင်ပါတယ်။ တကယ့် ရသ ဆန်တဲ့ အချစ်တွေ အကြောင်း သိမြင်ဖို့ ဒီဇာတ်ကားက လမ်းခင်းစေသလိုပါပဲ။ ဒရာမာတွေ သိပ်မကြိုက်တတ်တဲ့ ကျွန်တော့်အတွက်တောင် ဒီဇာတ်ကားဟာ အရှိုက်ထိစေပါတယ်။ ပေးဆပ်ခြင်း ကြည်နူးခြင်းတွေနဲ့ မျှော်လင့်ခြင်းသဲ့သဲ့ ရှင်သန်နေတဲ့ လူတစ်ယောက်လို ဇာတ်ကားမှာ စီးမျောကြည့်ပါက ပိုအသက်ဝင်စေမှာပါ။ ဆုတွေကလည်း 7 ဆု ရထားပြီး ဇကာတင် ဆု က 32 ဆုအထိ ထင်မြင်ချက်တွေရထားတဲ့ကားပါ။ ဘ၀ ဟာ ပျော်ရွှင်စရာတွေနဲ့ ပြည့်မှာလား။ မျှော်လင့်ချက်သဲ့သဲ့လေးကို ခုခံမှုယဲ့ယဲ့လေးနဲ့ ဘယ်အချိန်ထိ ပေးဆပ်နိုင်မှာလဲ ဆိုတာ ကျွန်တော် တို့တွေးမိခဲ့ဖူးလား။ နှစ်နှစ်ကာကာနဲ့ လူတစ်ယောက်ကို ဘယ်လောက်ထိ ချစ်ခဲ့ဖူးကြပါလဲ။ ဘဝဟာ တွေးတိုင်းမရောက် ရောက်တိုင်းလည်း မပြည့်ဝနိုင်သေးပါဘူး။ ကျွန်တော် တို့ သင် တို့ ဘ၀ တွေကရော ? ဒါ့ပြင် သင်တို့ ကျွန်တော်တို့မှာရှိဖူးတဲ့ အချစ်ဆုံး တစ်ယောက်ရဲ့ ဘဝကရော …………? ပဲ့ တင်သံ က ရှိပါတယ်။ ဒါ့ထက် နှလုံးသားက ခံစားတတ်ဖို့ လို ခဲ့တာ မဟုတ်ပါ၏ လော။ #Linnkhayan ရုပ်ရှင်အညွှန်းကို Linnkhäyañ မှတင်ဆက်ပေးထားပါတယ်။ (ဘာသာပြန်သူကတော့ ကိုဇော်ထူး ပါ) File Size : (1.10 GB) Quality : Blu-Ray 720p Running Time : 2hr 20min Format : Mp4 Genre : Drama, Romance Subtitle : Myanmar Subtitle (Hard Sub) Source : 720p Blu-Ray x264 AAC 5.1-Masti Translated by Zaw Htoo Encoded by Thanhtike Zaw

3 Three (2012) အချစ်ရူးလေးရမ် IMDb - 7.4/10 ဒီတစ်ခါမှာတော့ ဆယ်ကျော်သက်အရွယ် အချစ်ဇာတ်လမ်းလေးကို ထူးဆန်းထွေလာဇာတ်ကြောင်းလေးပါဝင်တဲ့ အချစ်ဒရာမာ ဇာတ်လမ်းဟောင်းလေးတစ်ပုဒ်ကို တင်ဆက်ပေးလိုက်ပါတယ်။ ရမ်လို့ခေါ်တဲ့ ၁၂တန်းအရွယ်ကျောင်းသားလေးဟာ တစ်ရက်ကျောင်းကိုသွားရင်း မိုးရွာနေတဲ့လမ်းမပေါ်မှာ စက်ဘီးချိန်းကျပြီး ဒုက္ခရောက်နေတဲ့ ဂျာနန်နီကိုမြင်လို့ ဝင်ရောက်ကူညီပေးရင်း ချစ်မိသွားပါတော့တယ်။ အချစ်နဲ့တွေ့ရင် အရာရာကို ကြိုးစားချင်တယ်ဆိုတဲ့စိတ်တွေနဲ့ အရင်က စာကို အာရုံမစိုက်ခဲ့တဲ့ ရမ်တစ်ယောက် ချစ်ရသူကိုမြင်ခွင့်ရဖို့အတွက်နဲ့ ဂျာနန်နီတက်တဲ့ ကျူရှင်ကိုလိုက်တတ်ရင်း စာတွေကြိုးစားခဲ့တဲ့အထိပါပဲ။ ဒီလိုနဲ့ ကြိုးစားလာလိုက်တာ ဂျာနန်နီရဲ့အချစ်ကို ရရှိခဲ့ပြီး အသက်အရွယ်ရလာတဲ့အခါမှာတော့ လက်ထပ်လိုက်ကြပြီး ဘဝတစ်ခုကိုထူထောင်ခဲ့ကြပါတယ်။ အိမ်ထောင်တစ်ခုကို တည်ထောင်ပြီဆိုရင် ဖြစ်တတ်ကြတဲ့ထုံးစံအတိုင်းပဲ ပြဿနာသေးသေးလေးတွေကနေ ကြီးထွားလာခဲ့ပါတော့တယ်။ လက်ထပ်ခါစ စုံတွဲလေးဖြစ်ပေမယ့် နားလည်မှုလွဲတဲ့ကိစ္စတွေ အခက်အခဲတွေကို ရင်ဆိုင်လာရင်း တစ်ရက်မှာ မထင်မှတ်ထားပဲ ရမ်ဖြစ်သူဟာ သတ်သေသွားတဲ့ အခါမှာတော့ ..... ရမ်ဘာကြောင့် သတ်သေရလည်းဆိုတာကို ဂျာနန်နီတစ်ယောက် စုံစမ်းကြည့်တဲ့အခါမှာ ဘယ်လိုထူးဆန်းထွေလာကိစ္စတွေ ပေါ်ပေါက်လာမလဲ .... ဆိုတာကို စိတ်ဝင်တစားကြည့်ရှုရမယ့်အပြင် ရမ်နဲ့ ဂျာနန်နီတို့ရဲ့ ဆယ်ကျော်သက်အချစ်ဇာတ်လမ်းလေးကိုလည်း ရင်ခုန်စွာနဲ့ ကြည့်ရှုရမယ့် ဇာတ်လမ်းကောင်းလေးတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ V~ToMo~Alex~KKKZ~Suri တို့ပဲ ဖြစ်ပါတယ်) File size…2.8GB / 1.1GB Quality…WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK  Translated by V~ToMo~Alex~KKKZ~Suri

အိန္ဒိယတောင်ပိုင်း တမီးလ်နန်ဒူးမှာ ကြက်တိုက်တဲ့ဓလေ့ဟာ ရှေးကတည်းက ရှိခဲ့ပါတယ်။ မာဒူရိုင်နယ်က တိုက်ကြက်တွေကို လေ့ကျင့်ပေးသူ ပက်တရာကာရန်နဲ့ စုံစမ်းရေးရဲအရာရှိ ရာသင်နာဆာမီတို့ကလည်း ကြက်တိုက်ပွဲတွေမှာ အပြင်းအထန် အပြိုင်အဆိုင်ဖြစ်နေကြသူတွေပါ။ ပက်တရာကာရန်ရဲ့ ကျွမ်းကျင်မှုကြောင့် ရာသင်နာဆာမီက တစ်ခါမှ အနိုင်မရခဲ့ဘူး။ သူ့အမေ မသေခင်မှာ ပက်တရာကာရန်ကို နိုင်ချင်တဲ့ ရာသင်နာဆာမီက နည်းမျိုးစုံနဲ့ ကြိုးစားနေပါတယ်။ ပက်တရာကာရန်ရဲ့အုပ်စုထဲမှာတော့ ကာရူပူနဲ့ ဒူရေယန်က သူအနှစ်သက်ဆုံးလူတွေပါ။ ကာရူပူဟာ တိုက်ကြက်တွေ မွေးမြူထိန်းကျောင်းရာမှာ ပါရမီရှိသူဖြစ်ပြီး အီရာနီဆိုတဲ့ မိန်းကလေးကို ချစ်မိနေတယ်။ အီရာနီကတော့ သူ့ကို တကယ်ချစ်လို့မဟုတ်ဘဲ တခြားတစ်ယောက်ကို ရှင်းထုတ်ချင်တာကြောင့် ချစ်တယ်လို့ လိမ်ပြောထားပါတယ်။ ဒီအချစ်ရေးကြောင့် ကာရူပူ ရင်ကွဲရမလား၊ အီရာနီကရော နောက်ပိုင်းမှာ သူ့ကို တကယ်ချစ်လာမလားဆိုတာ မသေချာသေးပါဘူး။ တစ်ဖက်မှာလည်း ပက်တရာကာရန်နဲ့ ရာသင်နာဆာမီတို့ရဲ့ ပြိုင်ဆိုင်မှုက ဘယ်လိုဆက်ဖြစ်လာမလဲဆိုတာ ရှိနေတယ်။ ရိုးရာကြက်တိုက်ပွဲတွေကနေ လူတွေရဲ့ ရှုပ်ထွေးတဲ့ဘဝနဲ့ ဆက်ဆံရေးတွေဆီ ဇာတ်လမ်းကို ချဲ့ပြထားပါတယ်။