Dominique Pinon ပါဝင်သော ဇာတ်ကားများ

Jean Valjean (2025) Victor Hugo ရဲ့ နာမည်ကြီး Les Misérables ဝတ္ထုကိုတော့ အားလုံး သိကြမှာပါ။ ဒီ ၂၀၂၆ မှာထွက်လာတဲ့ Jean Valjean ရုပ်ရှင်ကတော့ အဲဒီဝတ္ထုကြီးရဲ့ အစပိုင်း စာမျက်နှာ ၁၅၀ လောက်ကိုပဲ သီးသန့်ဆွဲထုတ်ပြီး ရိုက်ပြထားတာပါ။ အဓိကကတော့ ဇာတ်လိုက်ကြီး Jean Valjean ရဲ့ အစပိုင်း ဘဝအချိုးအကွေ့ကို သေချာလေး အသေးစိတ် ရိုက်ပြထားတဲ့ ကားလို့ ပြောလို့ရတယ်။ ဇာတ်လမ်းကတော့ ၁၈၁၅ ခုနှစ်၊ ပြင်သစ်နိုင်ငံမှာပေါ့။ Jean Valjean က ထောင်ဒဏ် ၁၉ နှစ် ကျပြီး လွတ်လာခါစအချိန်။ ထောင်ထွက်ဆိုတော့ ဘယ်သူမှ လက်မခံချင်ကြဘူး၊ နှိမ်ကြတယ်လေ။ ဒေါသတွေ၊ မကျေနပ်ချက်တွေ အပြည့်နဲ့ လူကြမ်းကြီးဖြစ်နေတဲ့ Jean ကို ဘုန်းတော်ကြီး Monseigneur Bienvenu က မထင်မှတ်ဘဲ သူ့အိမ်မှာ ညအိပ်ဖို့ ခေါ်ထားလိုက်တယ်။ ဘုန်းတော်ကြီးရဲ့ ခြွင်းချက်မရှိ မေတ္တာတရားနဲ့ ကူညီပေးမှုက Jean ရဲ့ ဘဝကို ဘယ်လိုပြောင်းလဲသွားစေလဲဆိုတာကို ဒီကားထဲမှာ အေးအေးဆေးဆေးနဲ့ သဘာဝကျကျလေး ကြည့်ရမှာပါ။ Grégory Gadebois ရဲ့ သရုပ်ဆောင်ချက်တွေက အရမ်းမိုက်တယ်။ စကားသိပ်မပြောဘဲ မျက်နှာအမူအရာ၊ လှုပ်ရှားမှုလေးတွေနဲ့တင် သူ့ရဲ့ အတွင်းစိတ်လွန်ဆွဲမှုတွေကို ပီပြင်အောင် သရုပ်ဆောင်သွားတာ တွေ့ရတယ်။ ရုပ်ရှင်က အက်ရှင်တွေ၊ ခမ်းနားတဲ့ ပြကွက်တွေ သိပ်မပါပေမယ့် လူတစ်ယောက်ရဲ့ အမှောင်ကနေ အလင်းကို ကူးပြောင်းလာတဲ့ စိတ်ခံစားချက်ကို သေသေချာချာလေး ခံစားချင်တဲ့သူတွေအတွက်တော့ တကယ် ကြည့်ကောင်းမယ့် ရုပ်ရှင်လေးပါပဲ။ ရိုက်ကူးရေးပိုင်းကလည်း ဖယောင်းတိုင်မီးရောင် အငွေ့အသက်တွေနဲ့ ၁၈၁၅ ခုနှစ်က ပတ်ဝန်းကျင်ကို သေသေချာချာ ပေးနိုင်တယ်။ ခြုံပြောရရင်တော့ ပြစ်မှုကျူးလွန်ဖူးတဲ့ လူတစ်ယောက်ကို ဒုတိယအခွင့်အရေး ပေးသင့်၊ မပေးသင့်ဆိုတာကို ပေါ့ပေါ့ပါးပါးလေး မဟုတ်ဘဲ လေးလေးနက်နက် တွေးစရာပေးထားတဲ့ ကားကောင်းလေး တစ်ကားပါ။ ထူးထူးခြားခြား ပြင်သစ်ကားလေးတွေ ကြည့်ချင်တယ်ဆိုရင်တော့ ရွေးချယ်သင့်တဲ့ ကားပါပဲ။ File size… (1.3 GB) / (700 MB) Quality…. WEB-DL 1080p HEVC / 720p Format…. mkv/mp4 Genre…. Drama, History Duration…. 01:40:00 Subtitle…. Myanmar Subtitle (Hardsub)

Australian animator နဲ့ filmmaker Adam Elliot ရဲ့ 2024 ထွက် Stop-motion animated flim လေးမို့ Stop-motion fans တွေလက်မလွှတ်သင့်ပါဘူးနော်။ Stop-motion ဆိုတဲ့အတိုင်း အသေးစိတ်အနုစိတ်တဲ့ပညာမို့ ဒီanimation လေးကို အပြီးသတ်ဖို့ရှစ်နှစ်တောင်အချိန်ယူခဲ့ရပြီး Director Adam Elliot ရဲ့ဘ၀ကိုလည်း အနည်းငယ်အခြေခံ ရိုက်ကူးထားတာပါတဲ့။ ဒီကားလေးက ထူးခြားတာက ပုံမှန် Adventure သွားတာမျိုးတွေနဲ့ Fantasy ဆန်ဆန်တွေမပါပဲ ဂရေစ့်ဆိုတဲ့ ကောင်မလေး တစ်ယောက်ရဲ့ ပုံမှန်ဘ၀လေးကို သဘာ၀ကျကျရိုက်ကူးထားတာပါ။ အမြဲတမ်းကြီးမဟုတ်ပေမယ့် တစ်ချို့လူတွေက ကံဆိုးတတ်တာများပြီး တစ်ချို့တွေကျ ကံကောင်းတတ်ကြတယ်။ ဒီဂရေ့စ်ကတော့ ပထမအတန်းစားထဲပါတယ်လို့ပြောရမယ်ပေါ့။ အမေကိုယ်၀န်ရှိခါစမှာ သူ့အဖေကားတိုက်ခံရတော့ ကိုယ်တစ်ပိုင်း သေသွားတယ်။အမေဖြစ်သူကလည်း ဂရေ့စ်နဲ့သူ့အမွှာ‌မောင်လေး ဂေးဘတ်ကို မွေးပြီး ဆုံးသွားရော။ အဆိုးတွေများနေပေမယ့်လည်း သူ့ကိုကာကွယ်ပေးမယ့် ဂေးဘတ်နဲ့အတူ ဖခင်ရှိသေးတော့ သူတို့ မိသားစုလေးက ပျော်စရာလေးတွေတော့ရှိတာပေါ့။ ပြသာနာက ဂရေ့စ်ရဲ့ဖခင်ဆုံးသွားတော့ မောင်နှမနှစ်ယောက်က မွေးစားအိမ်တစ်အိမ်စီပို့ခံလိုက်ရတယ်။ဂရေ့စ်က တဖြေးဖြေးအထီး ကျန်လာပြီး သူစုဆောင်းတတ်တဲ့ ခရုလေးတွေလိုပဲ အခွံထဲမှာ ပုန်းနေတော့တာပေါ့။ သူ့ရဲ့မျှော်လင့်ရာက ဂေးဘတ်ဆီက စာတွေနဲ့ ပင်ကီဆိုတဲ့ အဘွားကြီးတစ်ယောက်။ ပင်ကီက သွက်လက်တယ် ပျော်ပျော်နေတယ် ဂရေ့စ်ရဲ့ မီးခိုးရောင်ကမ္ဘာကြီးထဲက အရောင် လေးပေါ့။ ဒါပေမယ့် တစ်နေ့ကျ အဲ့ဒီသူ့ရဲ့ အားကိုးရာလူနှစ်ယောက်မရှိ‌ တော့တဲ့အခါမှာ ဂရေ့စ် ဘယ်လိုဆက်လုပ်မလဲ..... လူအများစုကြုံတွေ့နေရတဲ့ ပုံမှန်ဘ၀က အခက်အခဲတွေ မိသားစု ပြသာနာတွေ အထီးကျန်မှုတွေ ဘ၀ကိုရင်ဆိုင်ပုံတွေကို ဂရေ့စ်ဆိုတဲ့ ကာရိုက်တာကနေတစ်ဆင့် ပြောပြနေသလို သဘာ၀ကျကျလေးပုံဖော် ရိုက်ကူးထားတာမို့ ကြည့်ပြီးရင် အနည်းဆုံးဘ၀ဆိုတာ ဒီလိုပါလား ဆိုပြီး ဟာတာတာကြီးခံစားချင်တဲ့သူတွေအတွက်တော့ အကိုက်ပါပဲ။ ခရုတွေဆိုတာ သူတို့ရဲ့လမ်းကြောင်းကိုဘယ်တော့မှ နောက်ပြန် မသွားဘူးတဲ့။ကြုံရတာ‌‌တွေက ကောင်းတာဖြစ်ဖြစ်ဆိုးတာဖြစ်ဖြစ် လက်မလျှော့ပဲ ဆက်ရှင်သန်သွားမယ်ဆို အလှည့်အပြောင်းလေးတွေ ကြုံလာရမယ်ဆိုတာကို ရှင်းရှင်းလေးပုံဖော်ထားတဲ့ Animation လေးပါပဲ။ (  Mature themes, sexual references, nudity နှင့် suscide scene တွေကြောင့် Stop-motion animation ပေမယ့် ကလေးများကြည့်ရန် မသင့်တော်ပါ ) File size… (1.36GB) / (707MB ) Quality… WEB-DL 1080p HEVC / 720p Format…mkv / mp4 Duration….1h 35m Genre …..Animation , Drama Subtitle….Myanmar Subtitle (Hard Sub) Encoder….Min Wai Translated by Phu Thet Khin

"Apache" ဆိုတဲ့ စကားလုံးကတော့ ဇူနီဘာသာစကားမှာ ရန်သူ ဒါမှမဟုတ် လူမိုက်ဆိုတဲ့ အဓိပ္ပါယ်ရပါတယ်။ ဇာတ်ကားရဲ့ နာမည်အတိုင်း ပြင်သစ်လူမိုက်တွေအကြောင်းကို ဇာတ်အိမ်တည်ပြီးတော့ သရုပ်ဖော် ရိုက်ကူးထားတာဖြစ်ပါတယ်။ ဇာတ်လမ်းထဲမှာ အဲလစ်၊ ပေါလ်နဲ့ ထရစ်ကီဆိုတဲ့ မိဘမဲ့ကလေးသုံးယောက်ရှိပါတယ်။ ဒုတိယကမ္ဘာစစ်အပြီး တစ်ကမ္ဘာလုံးငတ်မွတ်ခေါင်းပါးပြီး ပြန်လည်ထူထောင်နေကြရတဲ့အချိန်ပေါ့။ အဲလစ်တို့ကလည်း ဒီလိုအခြေအနေတွေမှာ လစ်ရင်လစ်သလို သူများပစ္စည်းတွေကိုလိုက်သုတ်တဲ့ သူခိုးလေးတစ်ဖွဲ့ဖြစ်ပါတယ်။ သူတို့နောက်ကွယ်မှာတော့ အပါချီလို့ခေါ်တဲ့ နယ်ခံဂိုဏ်းတစ်ခုရှိပါတယ်။ သူတို့က အဲလစ်တို့သုံး​ယောက်ကို ခြိမ်းခြောက်ပြီး ပစ္စည်းတွေလိုက်ခိုးခိုင်းတာပေါ့။ တစ်နေ့မှာတော့ အဲလစ်ရဲ့အစ်ကို ပေါလ်က သူဌေးမကြီးတစ်ယောက်ဆီကနေ သူ့ညီမ ပစ္စည်းကို ဂိုဏ်းဆီသွားမပေးဘဲ မလှိမ့်တပတ်လုပ်ပြီး တခြားပွဲစားဆီမှာသွားရောင်းစားပြီးတော့ အဲဒီကာလက ရွှေသီးသီးနေတဲ့ အမေရိကားကို ထွက်ပြေးဖို့လုပ်ခဲ့တာပေါ့။ ဒါပေမဲ့ ကံဆိုးစွာနဲ့ပဲ အဲလစ်တို့သုံးယောက်ကို ဂိုဏ်းကမိသွားပြီး ပေါလ်ကအသတ်ခံရ၊ အဲလစ်လည်း ထောင်ထဲမှာတိုက်ပိတ်ခံလိုက်ရပါတယ်။ အဲလစ်ဟာ ထောင်ထဲနေခဲ့ရတဲ့တစ်လျှောက်လုံး သူ့အစ်ကိုကို့လက်စားချေဖို့ ငြိုးတေးထားခဲ့ပါတယ်။ ၁၅ နှစ်အကြာ အဲလစ်တစ်ယောက် ထောင်ထဲကအထွက်မှာ သူ့အစ်ကိုသတ်ခဲ့တဲ့ "အပါချီ"လို့ခေါ်တဲ့ လူမိုက်ဂိုဏ်းကို အမြစ်ဖြုတ်လက်စားချေဖို့ သူတို့နေခဲ့တဲ့မြို့လေးကို ပြန်လာခဲ့ပါတော့တယ်။ အဲလစ်တစ်ယောက် အပါချီဂိုဏ်းကို ဘယ်လိုလက်စားပြန်ချေမလဲ... သူ့ရဲ့ပျောက်သွားတဲ့ညီ ပေါလ်ကရော ဘယ်တွေရောက်နေလဲ... နောက်ဆုံးမှာ ဘယ်လိုရလဒ်တွေထွက်လာမလဲ... ဆိုတာကို ဒီဇာတ်ကားထဲမှာ ရှုမြင်ခံစားရမှာပဲဖြစ်ပါတယ်။ ဒီဇာတ်ကားမှာဆိုရင်တော့ အမျိုးသမီးဇာတ်ကောင်ကို ဇာတ်အိမ်တည်ရိုက်ကူးထားတာဖြစ်လို့ သမားရိုးကျ မင်းသမီးမင်းသားဇာတ်ကားတွေလို အီဆိမ့်နေမှာမဟုတ်ပါဘူး။ ဒါ့အပြင် စာရိတ္တပိုင်းဆိုင်ရာသင်ခန်းစာတွေကို များစွာထည့်သွင်းပေးထားတာဖြစ်လို့ ယူရင်ယူတတ်သလို သုတကော ရသပါပေးစွမ်းနိုင်တဲ့ အက်ရှင်၊ ဒရာမာဇာတ်ကားကောင်း တစ်ကားဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 1.8GB, 751MB Quality - 1080p, 720p IMDb Rating - 5.4/10 Format - mp4 Duration - 1H 33Min Genre - Action, Drama, History Subtitle - Myanmar Subtitle (Hardsub) Translated by Mark Encoded by Y

ဒီတစ်ခါမှာတော့ Netflix က ထွက်ရှိထားတဲ့ Sci Fi Comedy ဇာတ်ကားလေးနဲ့ မိတ်ဆက်ပေးချင်ပါတယ် နည်းပညာတိုးတက်လာတာနဲ့အမျှ ဟင်းချက် သန့်ရှင်း ရေးလုပ်တာကအစ အိမ်တံခါးဖွင့်ပေးတာ အိမ်ထဲပစ္စည်းပျောက်ရှာတာအဆုံး လူတွေဟာ ကိုယ့်ကိုကိုယ်အားမကိုးတော့ဘဲ စက်ရုပ်တွေကို အသုံးချလာကြပါတယ်။ စက်ရုပ်မရှိတဲ့အိမ်ဆိုတာ မရှိသလောက်ပါပဲ။ ဒီလိုနဲ့ တနေ့မှာ အဲလစ်တို့အိမ်မှာရှိတဲ့ စက်ရုပ်တွေက ရုတ်တရက်အပြင်မှာ ဘေးအန္တရာယ်ရှိပါတယ်ဆိုပြီး အဲလစ်တို့ကို အပြင်ထွက်ခွင့် ပိတ်လိုက်ပါတော့တယ်။ စက်ရုပ်တွေကတော့ သူတို့ဘေးကင်းဖို့အတွက်ကြောင့် ပိတ်ချလိုက်တာဖြစ်ပေမဲ့ လူသားတွေရဲ့အတွေးက သူတို့နဲ့ မတူဘဲ တစ်မျိုးဖြစ်တဲ့အခါ.... ဒီအထင်လွဲမှုကို ​ လူသားတွေက နားလည်နိုင်မှာလား သူတို့ကိုစောင့်ကြိုနေတဲ့ အန္တရာယ်ကကော ဘာဖြစ်မလဲဆိုတာ ဆက်လက်စောင့်ကြည့်ပေးကြပါဦး။ (ဒီဇာတ်လမ်းရဲ့အညွှန်းကို Shwe Pyae မှရေးသားပေးပြီး၊ ဘာသာပြန်ပေးသူများကတော့ CM Team မှဖြစ်ပါတယ်) File Size - (1.98 GB) /(940 MB) / (580 MB) Quality – WebDL 1080p / 720p/480p Duration - 1h 51mins Subtitle – Myanmar Hardsub Format – MP4 Genre : Comedy, Sci-Fi Translator – CM Team Encoder – SWM

A Perfect Enemy (2020) “ပြီးပြည့်စုံမှုဆိုတာ ဘာမှထပ်ဖြည့်ဆွက်စရာမလိုတော့တဲ့အချိန်မှာမဟုတ်ဘဲ ဘာမှထပ်ပြီး ထုတ်ယူလို့မရတော့တဲ့အချိန်မှာ ဖြစ်တည်လာတဲ့အရာ”တဲ့ ဒီစကားကို လက်ကိုင်ထားထားတဲ့ Jeremiasz Angust ဆိုတာ တကယ်ကို အောင်မြင်ကျော်ကြားတဲ့ဗိသုကာပညာရှင်တစ်ယောက်ပါ။ တစ်ရက်မှာတော့ ပဲရစ်စ်ကို အလုပ်ကိစ္စနဲ့ခရီးသွားပြီးအပြန် မိန်းကလေးတစ်ယောက်နဲ့တွေ့ဆုံခဲ့တယ်။ အစပိုင်းတော့ ဒီတိုင်းအမှတ်မထင် တွေ့ဆုံခဲ့တယ်လို့ ထင်မှတ်ရင်းက တစ်စတစ်စနဲ့ စကားတွေဖောင်ဖွဲ့မိတဲ့အခါ.... မိန်းကလေးတဲ့ အတိတ်ကကိစ္စတွေက သူ့အတွက်ယုံကြည်ဖို့ခက်ခဲပေမဲ့ တဖြည်းဖြည်းချင်း မယုံလို့မရတော့တဲ့အခါ.... တစ်ထိုင်တည်းနဲ့ စီးမြောခံစားလို့ရမယ့် ရုပ်ရှင်ကားဖြစ်တဲ့အပြင် သမားရိုးကျမသွားတဲ့ ဇာတ်လမ်းဇာတ်ကွက်တွေနဲ့မလို့ သိပ်မဆိုးလှတဲ့ Thriller ဇာတ်ကားမျိုးပါပဲ ကြည့်ရှုလိုက်ကြပါဦး။ (ဒီဇာတ်လမ်းရဲ့ အညွှန်းကို Ameliaမှရေးသားပေးပြီး၊ ဘာသာပြန်ရေးသားပေးသူများကတော့ Amelia, Thet Hnin Hsu တို့ပဲဖြစ်ပါတယ်။ File Size - (950 MB)/(520 MB) Quality – WebDL - (720p) / (480p) Duration - 1hr 29min Subtitle – Myanmar Hardsub Format – MP4 Genre :  Adventure, Drama, Thriller Translator – Amelia, Thet Hnin Hsu Encoder – SWM

အခုမိတ်ဆက်ပေးချင်တဲ့ဇာတ်ကားကတော့ အဟောင်းထဲက အကောင်းလေးတစ်ကားဖြစ်တဲ့၂၀၁၃ ကထွက်ခဲ့တဲ့ The Young and Prodigious T.S.Spivet ဆိုတဲ့ကားလေးပါ IMDb 7.1 ထိရထားပါတယ် ဒီထဲမှာ မွန်တာနာက ကော်ပါတော့ခြံလေးမှာနေထိုင်တဲ့ မိသားစုလေးအကြောင်းပါဒီမိသားစုမှာ ကောင်းဘွိုင်အလုပ်ကိုရူးသွပ်တဲ့အဖေဖြစ်သူရယ် အင်းဆက်တွေကို လေ့လာဖို့ ရူးသွပ်တဲ့အမေဖြစ်သူရယ် မစ်ယူအက်စ်အေဖြစ်ဖို့ ရူးသွပ်တဲ့ အစ်မဖြစ်သူရယ် ကာရိုက်တာချင်းလုံးဝမတူကြတဲ့အမြွာညီအစ်ကို ၂ ယောက်ရယ်ရှိကြပါတယ် တီအက်စ်စပစ်ဘက်ကတော့ သိပ္ပံပညာရှာဖွေမှုတွေကို အရမ်းရူးသွပ်ပြီး သူ့အစ်ကို လေတန်ကတော့ သူ့အဖေလိုကောင်းဘွိုင်ဖြစ်ချင်သူပါ သူတို့မိသားစုမှာ ကိုယ်စီရူးသွပ်မှုတွေနဲ့ နေထိုင်ရင်း မတော်တဆမှုနဲ့ လေတန်သေဆုံးသွားပါတယ် တီအက်စ်ကတော့ ၁၀ နှစ်အရွယ်မှာပဲ တီထွင်ဆန်းသစ်မှုတစ်ခုကို လုပ်နိုင်ခဲ့ပါတယ် သူ့ရဲ့တီထွင်မှုကို စမစ်ဆိုနီယမ်ကပေးတဲ့ ဆုကိုရတာကနေစပြီး တီအက်စ်ရဲ့ နေ့စဉ်လည်ပတ်နေတာဟာ စွန့်စားခန်းတစ်ခုဖြစ်လာခဲ့ပါတယ် သူဘာတွေလုပ်မလဲဆိုတာကိုတော့ ကြည့်ရှုအားပေးကြပါလို့ ဇာတ်ကားတစ်ကားလုံးမှာ ငိုက်နေစရာအကွက်မရှိအောင် စိတ်ဝင်စားစရာကောင်းတဲ့ ဇာတ်ကားလေးပါ တကယ်ကိုကြည့်သင့်တဲ့ကားလို့ ညွှန်းပေးပါရစေ Qty - Blu ray 720p Duration -1hr 45min Gern - Fantasy/ Drama Subtitle - Myanmar Hardsub Translator - May Tharaphi Lwin Review -  May Tharaphi Lwin Encoder - Kyaw Ye Aung

Micmacs (2009) ဘာဇီးလ် ဆိုတဲ့ကောင်လေးရဲ့ ဖခင်စစ်သားဟာ မြေမြှုပ်မိုင်းကြောင့်သေဆုံးသွားပြီး ဘာဇီးလ်ရဲ့အမေလည်း ခင်ပွန်းဖြစ်သူကိုဆုံးရှုံးရတဲ့သောကကြောင့် စိတ်ကျန်းမာရေးဆေးရုံကိုရောက်သွားပါတယ်။ ဘာဇီးလ်ဟာ မိဘမဲ့ဂေဟာရောက်သွားပြီး တစ်နေ့မှာတော့ ဂေဟာကထွက်ပြေးသွားပါတယ်။ နှစ်၃၀အကြာမှာ ဗီဒီယိုအခွေဆိုင်တစ်ဆိုင်မှာအလုပ်လုပ်​နေရင်း လမ်းပေါ်မှာ သေနတ်ပစ်ခတ်သံတွေကြားပြီး ဆိုင်ကိုလာမှန်လို့ ထွက်ကြည့်ရာကနေ ခေါင်းကိုကျည်ဆန်မှန်သွားပါတယ်။ ဒါပေမယ့် ကံကောင်းထောက်မစွာနဲ့ အသက်မသေဘဲ ခေါင်းထဲမှာကျည်ဆန်ကျန်နေခဲ့ပြီး ဆေးရုံကဆင်းလာတဲ့အချိန်မှာတော့ သူ့ရဲ့အလုပ်နေရာကိုအစားထိုးခံလိုက်ရပါတယ်။ သူ့အစားဝင်လုပ်နေတဲ့မိန်းကလေးက ဆိုင်နားမှာပစ်ခတ်မှုဖြစ်တုန်းက ကျည်ဆန်တစ်တောင့်ကို ရထားကြောင်း ပြောပြီး ဘာဇီးလ်ကိုပေးလိုက်ပါတယ်။ နေစရာမရှိတော့တဲ့ဘာဇီးလ်ဟာ လမ်းပေါ်မှာလှည့်လည်ဖျော်ဖြေရင်း ပိုက်ဆံရှာနေခဲ့ရာက အဖိုးကြီးတစ်ယောက်နဲ့တွေ့ခဲ့ပြီး ဘာဇီးကို သူ့ရဲ့မိသားစုဆီခေါ်သွားခဲ့ပါတယ်။ အဖိုးကြီးရဲ့မိသားစုဟာ ကားသင်္ချိုင်းအပျက်အစီးတွေထဲ အိမ်ဖြစ်အောင်ဖန်တီးပြီး နေထိုင်နေကြတဲ့ အိမ်ခြေရာမဲ့တွဖြစ်ကြပေမယ့် သာမန်လူတွေမဟုတ်ဘဲ ပစ္စည်းအပျက်တွေသုံးပြီးစက်ပစ္စည်းတွေတီထွင်နိုင်သူ၊ ဘယ်အတိုင်းအတာပမာဏကိုမဆို မျက်လုံးနဲ့ကြည့်ရုံနဲ့တိုင်းထွာတတ်သူ၊ ခန္ဓာကိုယ်ကို ကောက်ကွေးနိုင်သူ စတဲ့ စွမ်းရည်ကိုယ်စီနဲ့ လူထူးဆန်းတွေစုနေကြတာဖြစ်ပါတယ်။ ဘာဇီးဟာ အဲ့မိသားစုနဲ့အတူနေထိုင်ပြီး တွေပစ္စည်းအပျက်လိုက်ကောက်တဲ့အလုပ်ကိုလုပ်ရင်း လမ်းပေါ်မှာ သူရင်းနှီးနေတဲ့တံဆိပ်နှစ်ခုကိုတွေ့လိုက်ရပါတယ်။ သူ့အဖေကိုသေစေခဲ့တဲ့မြေမြှုပ်မိုင်းပေါ်က တံဆိပ်နဲ့၊ သူ့ခေါင်းထဲမှာဝင်နေတဲ့ ကျည်ဆန်ရဲ့ တံဆိပ်တွေကိုယ်စီနဲ့ မျက်နှာချင်းဆိုင်ရှိနေကြတဲ့ ကမ္ဘာ့ထိပ်တန်းလက်နက်ကုမ္ပဏီကြီးနှစ်ခုဖြစ်နေပါတယ်။ အဲ့လက်နက်ကုမ္ပဏီတစ်ခုထဲကိုခိုးဝင်ခဲ့ပြီးနောက် သူတို့ဖြန့်ချီနေတဲ့လက်နက်တွေကြောင့် လူတွေသေကြေဒုက္ခရောက်နေကြတာကို သိသွားရတဲ့ဘာဇီးလ်ဟာ သူ့ရဲ့လူထူးဆန်းမိသားစုကိုအကူအညီတောင်းပြီး လက်နက်ကုမ္ပဏီနှစ်ခုရဲ့ပိုင်ရှင်နှစ်ယောက်ကို သင်ခန်းစာပေးနိုင်ဖို့ အစီအစဥ်ဆွဲပါတော့တယ်။ ဒီကားကတော့ ပြင်သစ်ဇာတ်ကားဖြစ်ပြီး၊ Comedy အမျိုးအစားဖြစ်တာမို့ ဟာသလေးတွေနဲ့ ဇာတ်လမ်းပုံစံ သွက်သွက်လက်လက်ပေါ့ပေါ့ပါးပါးဖြစ်ပါတယ်။ Hugo ဇာတ်ကားလို fantasy ဆန်ဆန်ကားမျိုး၊ Tim Burton ရဲ့ဇာတ်ကားတွေလို ကာတွန်းဆန်သလိုလို ထူးထူးဆန်းဆန်းကားမျိုးကြိုက်တဲ့သူတွေ သဘောကျမယ့်ဇာတ်ကားတစ်ကားဖြစ်ပါတယ်။ File size… 2.9GB and 753MB Quality…. 1080p  HEVC 5.1CH and 720p Format…mp4 Duration….  1h4 45min Subtitle….Myanmar Subtitle (Hardsub) Translator ..... Pyi T Nyein Encoder ..... August

The Oxford Murders (2008) IMDb Rating (6.0) / Rotten Tomatoes (23%) Lord of the Rings မင်းသား Elijah Wood နဲ့ ဝါရင့်မင်းသားကြီး John Hurt တို့ရဲ့ ဆရာတပည့် အတွဲညီညီ သရုပ်ဆောင်ထားတဲ့ ဂဏန်းသင်္ချာအမှတ်အသားတွေနောက်ကွယ်က လူသတ်သမားကို ရှာဖွေတဲ့ဇာတ်လမ်းကောင်းတစ်ပုဒ်ပါ။ သင်္ချာပညာရပ်နဲ့ လူသတ်မှုပဟေဠိတွေကို အချိုးကျကျ ပေါင်းစပ်ထားတဲ့ Mystery / Thriller ကားကောင်းတစ်ကားဖြစ်ပြီး အာဂျင်တီးနားစာရေးဆရာ Guillermo Martínez ရဲ့ နာမည်ကြီး ဝတ္ထုကို အခြေခံပြီး ရိုက်ကူးထားတာ ဖြစ်ပါတယ်။ ဇာတ်လမ်းကတော့ အောက်စ်ဖို့ဒ်တက္ကသိုလ်ကို ပညာတော်သင်ရောက်လာတဲ့ အမေရိကန်ကျောင်းသား Martin (Elijah Wood) အကြောင်းပါ။ သူဟာ နာမည်ကြီး သင်္ချာပညာရှင်ကြီး Arthur Seldom (John Hurt) ဆီမှာ ပညာသင်ကြားဖို့ ရည်မှန်းထားသူပါ။ ဒါပေမဲ့ Martin ရောက်ပြီး မကြာခင်မှာပဲ သူနေထိုင်တဲ့ အိမ်ရှင်ကတော်ကြီးဟာ ရက်ရက်စက်စက် သတ်ဖြတ်ခံလိုက်ရပါတယ်။ ထူးခြားတာက လူသတ်သမားဟာ အခင်းဖြစ်ပွားတဲ့နေရာမှာ "သင်္ချာအမှတ်အသား" (Mathematical Symbol) တစ်ခုကို ချန်ထားခဲ့တာပါ။ ဆရာဖြစ်သူ Seldom က ဒါဟာကွင်းဆက်လူသတ်မှုတွေရဲ့ အစဖြစ်နိုင်ကြောင်း သတိပြုမိသွားပြီး Martin နဲ့အတူတူ ဒီသင်္ချာပုစ္ဆာလို ရှုပ်ထွေးလှတဲ့ လူသတ်မှုတွေကို တားဆီးဖို့ ကြိုးစားကြပါတယ်။ လူသတ်သမားက သင်္ချာနည်းကျကျနဲ့ သူတို့ကို စိန်ခေါ်နေတာလား၊ ဒါမှမဟုတ် တခြားလျှို့ဝှက်ချက်တွေ ရှိနေတာလားဆိုတာကို ရင်ခုန်စရာ တွေ့မြင်ရမယ့် စုံထောက်ရုပ်ရှင်တစ်ခုပါ။ File size… (2 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Crime,Mystery,Thriller Duration…. 01:49:19 Subtitle…. Myanmar Subtitle (Hardsub)

၁၉၁၉ ခုနှစ် သြဂုတ်လမှာ မာသိဒ်ဟာ သီလရှင်တစ်ပါးဆီက စာတစ်စောင်ရလာပါတယ်။ အဲဒီစာက ပထမကမ္ဘာစစ်မှာ သေဆုံးသွားပြီလို့ သိထားရတဲ့ သူ့ခင်ပွန်းလောင်းရဲ့ ရဲဘော်တစ်ဦးဆီကပါ။ အဲဒီနောက် ခင်ပွန်းလောင်းအပါအဝင် စစ်သားငါးယောက် သေမိန့်ချခံခဲ့ရတဲ့အကြောင်း ကြားသိရပြီး မာသိဒ်တစ်ယောက် ခင်ပွန်းလောင်းကို လိုက်ရှာဖို့ ဆုံးဖြတ်လိုက်တယ်။ ပထမဆုံး ပဲရစ်ကိုသွားပြီး စုံထောက်တစ်ယောက် ငှားပါတယ်။ ပတ်ဝန်းကျင်ကတော့ သူ့ကို ပိုက်ဆံတွေ အလဟဿဖြုန်းနေတယ်လို့ ပြောကြသလို ဦးလေးနဲ့အဒေါ်ကလည်း အတိတ်ကိုမေ့ပြီး သင့်တော်တဲ့သူတစ်ယောက် ရှာစေချင်ကြတယ်။ ဒါပေမယ့် မာသိဒ်ကတော့ ခင်ပွန်းလောင်း အသက်ရှင်နေသေးတယ်ဆိုတဲ့ ယုံကြည်ချက်ကို မစွန့်လွှတ်ဘဲ ရသမျှသတင်းအချက်အလက်တွေကို တစ်ခုချင်း လိုက်ချိတ်ဆက်နေပါတယ်။ သူရှာနေတဲ့သူကို ပြန်တွေ့နိုင်ပါ့မလား။ ခင်ပွန်းလောင်းက တကယ်ပဲ အသက်ရှင်နေသေးတာလား၊ အသက်ရှင်နေရင်ရော ဘာကြောင့် ပြန်မလာနိုင်တာလဲ။

IMDb Rating- 8.3/10 Rotten Tomatoes- 89% "အဲ့ကောင်မလေးက သူများရဲ့ ကမောက်ကမ ဘ၀တွေကို ကူပြင်ပေးဖို့ ကြိုးစားတာလည်း ဖြစ်နိုင်တယ်လေ" "ကိုယ့်ဘ၀ကိုယ်ကျတော့ရော မပြင်ဘူးလား? ကိုယ်ရဲ့ ကမောက်ကမဖြစ်နေတဲ့ ဘ၀ကို မပြင်ဘူးလား? ကိုယ်မှ မပြင်ရင် ဘယ်သူက လာပြီး ကူပြင်ပေးမှာလဲ? " -Amélie(2001) ကျောင်းတက်ဖို့အရွယ်ရောက်လာတဲ့Amélie Poulainကို သူ့အဖေက နှလုံးရောဂါရှိတယ်လို့ အမှတ်မှားပြီး ကျောင်းမထားပါဘူး ဒီတော့ သူ့အမေက သူ့ကို အိမ်မှာပဲ ထားပြီး ကိုယ်တိုင် စာသင်ပေးပါတယ် အဲ့အချိန်ကစပြီး Amélieက အထီးကျန်တဲ့လူတစ်‌ယောက်ဖြစ်လာပြီး သူ့အထီးကျန်မှု‌တွေကို စိတ်ကူးယဉ်မှု‌တွေနဲ့ပဲ အဖော်ပြုခဲ့ပါတယ် ဒါကြောင့် အရွယ်ရောက် အလုပ်လုပ်နေတဲ့အချိန်မှာ ကိစ္စတိုင်းကို သူမတူတဲ့အမြင်နဲ့ ရှုမြင်တတ်တဲ့လူတစ်ယောက်ဖြစ်လာပါတယ် မင်းသမီး ဒိုင်ယာနာဆုံးတဲ့ ၁၉၉၇ခုနှစ် ဩဂုတ်လ ၃၁ရက်မှာ သူ့ကံကြမ္မာပြောင်းဖို့ ဖြစ်လာပါတယ် အဲ့နေမှာ Amélieက သူ့တိုက်ခန်းထဲကနေ ဘူးတစ်ဘူးရှာတွေ့ပါတယ် အဲ့ဘူးက တခြားတော့ မဟုတ်ပါဘူး လွန်ခဲ့တဲ့ နှစ်လေးဆယ်က သူ့တိုက်ခန်းမှာနေခဲ့တဲ့ ကောင်လေးတစ်ယောက်ရဲ့ ပစ္စည်းပါ အဲ့ဘူးလည်း တွေ့တော့ Amélieက ဘယ်လိုပဲဖြစ်ဖြစ် ဘူးပိုင်ရှင်ကို ရအောင် ပြန်ပေးမယ်လို့ စီစဉ်လိုက်တယ် အကယ်လို့ ဘူးပိုင်ရှင်က ဘူးပြန်ရလို့ ပျော်သွားရင် လူတိုင်းကို အမြဲ ကူညီတော့မယ်လို့ သူဆုံးဖြတ်လိုက်တယ် ဘူးပိုင်ရှင်လည်း ဘူးပြန်ရတော့ အရမ်းပျော်သွားတယ် အဲ့အချိန်ကစပြီး Amélieလည်း လူတိုင်းကို တတ်နိုင်သလောက် လိုက်ကူညီနေတယ် ကူညီပြီးတိုင်းလည်း ပျော်နေတာပေါ့ ဒါပေမယ့် တစ်ရက်မှာတော့ ဟိုဘက်တိုက်ခန်းက အဖိုးကြီး Dufayelရဲ့စကားကြောင့် သူတွေးမိတယ် သူက သူများကို လိုက်ကူနေပေမယ့် ဘယ်သူကတော့ သူ့ကို ပြန်ကူမှာလဲ Amélieကို ပြန်ကူညီမယ့်လူ ရှာတွေ့နိုင်မလား....... Amélieလို့ ပြောလိုက်တာနဲ့ criticတိုင်းကOne of the best movies of all timeလို့ ပြောကြလိမ့်မယ် ကျွန်တော့်အတွက် တစ်သက်မမေ့နိုင်မယ့်ကားလို့ပဲ ပြောပါရစေ Amelieက 'Taxi Driver'ထဲက Travis Bickleလို 'Her'ထဲက Theodoreလို Lonerဖြစ်ပေမယ့် ဇာတ်ကောင်ကိုက တစ်မူထူးခြားနေတယ် ဇာတ်ကားတစ်ကားလုံးကို Amelieရဲ့ စိတ်ကူး‌အတိုင်း မြင်ရတာကြောင့် Amelieရဲ့ loner characterပိုပေါ်လာတယ် Lonerဇာတ်ကောင်ပီပီ သနားစရာကောင်းတဲ့ အချိန်လေးတွေရှိပေမယ့် သူများကိုအောင်‌အောင်မြင်မြင် ကူညီ‌ပေးနိုင်လိုက်တဲ့ အချိန်တွေမှာဆို လူပါ အလိုလို ပျော်လာတယ် ကြည်နူးလာတယ် ဇာတ်ကား စလယ်ဆုံး ပျင်းစရာတစ်ကွက်မှမရှိဘူး ဇာတ်ကားထဲက colour usageကလည်း ကြည့်နေရင်းနဲ့တင် ဇာတ်ကားနဲ့ ပိုပိုလိုက်လာတယ် ဒီဇာတ်ကားနဲ့ပတ်သက်ပြီး ချီးကျူးရမယ်ဆိုရင် ဒါရိုက်တာဖြစ်တဲ့ Jean-Pierre Jeunetကို မေ့ထားလို့မရပါဘူး Amelieအဖြစ် Audrey Tautouက အပိုအလိုမရှိ သရုပ်ဆောင်နိုင်ထားပါတယ် ဒီဇာတ်ကောင်နေရာမှာ သူကလွဲပြီး တခြားလူ သရုပ်ဆောင်နိုင်မယ် မထင်ပါဘူး ဒီဇာတ်ကားဟာ အော်စကာဆုငါးဆုလည်း ဆန်ကာတင်၀င်ခဲ့ပါ‌သေးတယ် Just try it. It's worth watching. Reviewed and Translated by Daniel Lawwai. Encoded by  : YK Quaity : 1080p Blu-Ray and 720p Blu-Ray File Size :  2.1GB and 1.7GB  Duration : 2h 2mins

Alien ဆိုတာ ၈၀ပြည့်နှစ်ကျော် ၉၀ဖွားတွေအတွက်တော့ စွဲလန်းခဲ့ရတဲ့ ဂြိုလ်သားကားတွေပါပဲ.....အဲဒီခေတ်အခါတုန်းကတော့ တော်တော်လေးကို လူကြိုက်များခဲ့ပြီး အခုထိလည်းအောင်မြင်နေတုန်းပါ အားလုံးပေါင်း ၆ကားထွက်ရှိထားပြီး ၇ကားမြောက်ကတော့ အခုထိကြည်လင်ပြတ်သားတဲ့ Version မထွက်သေးတာကြောင့် အရင်ထွက်ပြီးသး ၆ကားကို ကြည်လင်ပြတ်သားပြီး စာတန်းထိုးမှန်မှန်နဲ့ ပြန်လည်ပြင်ဆင် တင်ဆက်ပေးလိုက်ပါတယ်.....ထွက်ရှိပြီးသားကားတွေကတော့...... (1) Alien (1979) (2) Aliens (1986) (3) Alien³ (1992) (4) Alien: Resurrection (1997) (5) Prometheus (2012) (6) Alien: Covenant (2017) (7) Alien: Romulus (2024) - အကြည်မထွက်ရှိသေး..... တို့ဖြစ်ပါတယ်......Alien: Romulus (2024) ကလွဲပြီး ကျန်၆ကားလုံးကို CM မှာတင်ဆက်ထားပြီးဖြစ်လို့ ကြည့်ရှုအားပေးနိုင်ပါပြီ..... Alien 3- 1992 ရဲ့ဖြစ်စဉ်အပြီးနှစ်ပေါင်း ၂၀၀ အကြာမှာ စစ်သိပ္ပံပညာရှင်တွေဟာ သေဆုံးသူ Ripley ရဲ့ DNA နမူနာနဲ့ ကိုယ်ပွား Ripley ကိုဖန်တီးခဲ့ပြီး အဲ့ဒီ DNA ထဲမှာ ဂြိုဟ်သားလောင်းလည်းရောပါလာပါတယ်။ သူတို့ရောက်နေတဲ့ Betty စစ်လွန်းပျံပေါ်က အစမ်းသပ်ခံ ဂြိုဟ်မျိုးစိတ်တွေ သောင်းကျန်လာတဲ့အခါ ထွက်ပြေးဖို့ကြိုးစားရင်းနဲ့ ဘာတွေဆက်ဖြစ်မလဲဆိုတာ ဒီရုပ်ရှင်ထဲမှာ ရူစားကြပါ။ ရုပ်ရှင်ကားကို Archi Thang Gyi မှ ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။ File size…(2.9 GB)/(1.2 GB) Quality….Webrip 1080p / 720p Format… mp4 Duration…. 01:49:00 Genre... Monster Horror, Sci-fi Epic, Space Sci-fi, Horror, Sci-fi, Thriller Subtitle….Myanmar Subtitle (Hardsub) Encoder….Garfield Translated by Archi Thang Gyi

ကမ္ဘာပျက်ကပ်ကြီးအပြီး ပြင်သစ်နိုင်ငံမှာ သားသတ်သမား Clapet က တိုက်ဟောင်းတစ်လုံးကို ပိုင်ဆိုင်ပြီး အခန်းငှားစားနေပါတယ်။ သူက တိုက်မှာ တောက်တိုမည်ရလုပ်ဖို့ အလုပ်သမား အမြဲလိုနေတာပါ။ တိုက်ဟောင်းကြီးကို ပြုပြင်စရာတွေ များနေလို့လည်းဖြစ်သလို လာလုပ်တဲ့အလုပ်သမားတွေကို သူကိုယ်တိုင် ခုတ်ထစ်ရောင်းစားနေလို့လည်း ဖြစ်နေတယ်။ ဒီအကြောင်းကိုမသိတဲ့ ဆပ်ကပ်သမားဟောင်း Louison ဟာ အလုပ်အရမ်းလိုနေတာနဲ့ အလုပ်ခေါ်စာကိုတွေ့ပြီး ရောက်လာပါတယ်။ နှစ်လိုဖွယ်ကောင်းတဲ့ သူ့ကို Clapet ရဲ့သမီးက သဘောကျသွားတဲ့အခါမှာတော့ ချစ်ရသူတစ်ယောက် ဟင်းတစ်ခွက်ဖြစ်မသွားခင် ကယ်တင်ဖို့ ကြိုးစားရတော့တယ်။ ၁၉၉၁ ခုနှစ်က ထွက်ရှိခဲ့တဲ့ Delicatessen ဟာ ထိတ်လန့်စရာနဲ့ စိတ်မသက်မသာဖြစ်စရာတွေကို ဟာသအမည်းနဲ့ တွဲဖက်ထားတဲ့ရုပ်ရှင်ပါ။ သာမန်လူသတ်ကားတွေလို အကြမ်းဖက်လှုပ်ရှားခန်းတွေကိုပဲ အားပြုထားတာမျိုးတော့ မဟုတ်ပါဘူး။ မသေခင်ကြည့်သင့်တဲ့ ရုပ်ရှင် ၁၀၀၁ ကားစာရင်းမှာလည်း ပါဝင်ပါတယ်။

နေသာတဲ့နေ့တစ်နေ့မှာ ဘက်တီဆိုတဲ့ အမျိုးသမီးလေးက Zorg ဆီ ရောက်လာခဲ့ပါတယ်။ ဘက်တီဟာ မတရားဘူးလို့ ခံစားရတာကို ငြိမ်ခံမနေတတ်ဘဲ ပြင်းပြင်းထန်ထန် တုံ့ပြန်တတ်သူပါ။ သူ့ကို ချစ်မိတဲ့ Zorg ကလည်း သူ့အတွက် အရာရာ လုပ်ပေးချင်နေသူ ဖြစ်ပါတယ်။ သူတို့နှစ်ယောက် အတူရှိနေတဲ့အကြောင်း Zorg ရဲ့အလုပ်ရှင် သိသွားတော့ သူနေတဲ့တဲကို ရောက်လာတယ်။ ဘက်တီ့ကို နှင်မထုတ်စေချင်ရင် ဘန်ဂလိုငါးရာကို အခမဲ့ ဆေးသုတ်ပေးရမယ်လို့ ခိုင်းလိုက်ပါတယ်။ အလုပ်ရှင်ရဲ့ ခိုင်းစေမှုကို Zorg က ငြိမ်ခံနေပေမယ့် ဘက်တီကတော့ လက်မခံနိုင်ဘူး။ အဲဒီကနေ ထိပ်တိုက်တွေ့ပြီး ရန်ဖြစ်ကြရပါတယ်။ ပစ္စည်းတွေ ပစ်ပေါက်နေကြရင်း ဘက်တီဟာ Zorg ရေးထားတဲ့ လက်ရေးမူဝတ္ထုတစ်ပုဒ်ကို မတော်တဆ တွေ့သွားတယ်။ အဲဒီနောက် သူ့ကို စာရေးဆရာဖြစ်စေချင်တဲ့ စိတ်ဆန္ဒနဲ့ အားထုတ်လာပါတော့တယ်။ ဘက်တီရဲ့ စိတ်အားထက်သန်မှု၊ သူတို့နှစ်ယောက်ရဲ့ ချစ်ခြင်းနဲ့ ဘဝအလှည့်အပြောင်းတွေကြားမှာ မျှော်လင့်သလို ဖြစ်မလာတဲ့အခါ ဘယ်လိုရင်ဆိုင်ကြမလဲဆိုတာ ဆက်ပြထားပါတယ်။ လိင်အင်္ဂါတွေကို အထင်အရှား ဖော်ပြထားတဲ့ ဇာတ်ဝင်ခန်းတွေ ပါဝင်တာကြောင့် မိသားစုနဲ့အတူ ကြည့်ဖို့ မသင့်ပါဘူး။