Dustin Hoffman ပါဝင်သော ဇာတ်ကားများ

Tuner (2026) ++++++++ IMDb Rating (7.5) / Rotten Tomatoes (94%) ဒါရိုက်တာ Daniel Roher ရိုက်ကူးပြီး မင်းသားချော Leo Woodall နဲ့ ဝါရင့်မင်းသားကြီး Dustin Hoffman တို့ ပါဝင်ထားတဲ့ ရုပ်ရှင်ကားကောင်းတစ်ကားကို တင်ဆက်ပေးလိုက်ချင်ပါတယ် ။ Rotten Tomatoes မှာလည်း Rating 94% အထိ ရရှိထားလို့ လက်လွတ်မခံသင့်တဲ့ ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအကျဉ်းကတော့ နီကီ (Niki)က နားအကြားအာရုံ အလွန်အမင်း ထက်မြက်လွန်းတဲ့ ဝေဒနာ (Hyperacusis) ခံစားနေရတဲ့ စန္ဒရားတီးပါရမီရှင်လူငယ်လေးတစ်ဦးပါ ။ သူဟာ ပတ်ဝန်းကျင်က ဆူညံသံတွေကို မခံနိုင်လို့ နားကြပ်အမြဲတပ်ထားရပြီး သူ့ဆရာကြီး ဟယ်ရီ (Harry) နဲ့အတူ စန္ဒရားတွေကို အသံညှိပေးတဲ့အလုပ် လုပ်နေသူပါ။ ဒါပေမဲ့ သူ့ရဲ့ ဒီထူးခြားတဲ့ အကြားအာရုံဟာ မီးခံသေတ္တာတွေရဲ့ စက်သွားလှည့်သံတွေကိုပါ အသေးစိတ် ကြားနိုင်နေမှန်း သိသွားတဲ့အခါမှာတော့...။ ဒီပါရမီကြောင့်ပဲ သူဟာ ဒုစရိုက်လောကရဲ့ မီးခံသေတ္တာဖောက်တဲ့နေရာမှာ ဆရာတစ်ဆူ ဖြစ်လာပြီး အန္တရာယ်များတဲ့ ရာဇဝတ်မှုတွေထဲ ကျွံဝင်သွားပါတော့တယ်။ သာမန် ဓားပြတိုက်၊ ဘဏ်ဖောက်ဇာတ်လမ်းတွေနဲ့မတူဘဲ "အသံ" ကို အခြေခံပြီး ရင်တထိတ်ထိတ်နဲ့ ဆွဲခေါ်သွားမယ့် ဇာတ်အိမ်မျိုးပါ။ မင်းသားနှစ်ယောက်ရဲ့ သရုပ်ဆောင်ချက်တွေကလည်း တကယ့်ကို အပေးအယူမျှလွန်းလို့ ကြည့်ရတာ တကယ်ကို အသက်ဝင်လှပါတယ်။ နီကီတစ်ယောက် ဒုစရိုက်လောကထဲကနေ ဘယ်လိုရုန်းထွက်မလဲ... ဘယ်လို အကျိုးဆက်တွေနဲ့ ကြုံလာရမလဲဆိုတာကိုတော့ ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ File Size… (1.34GB) / (830MB) Quality… WEB-DL 1080p HEVC / 720p Format…mkv / mp4 Duration…1h 47m Genre ….Crime , Drama , Music, Romance , Thriller Subtitle….Myanmar Subtitle (Hard Sub)

Megadoc (2025) Francis Ford Coppola ရဲ့ သူကိုယ်တိုင် ငွေထုတ်ပြီးရိုက်တဲ့ Megalopolis (2024) ဇာတ်လမ်းကြီးကို ဖန်တီးဖို့အတွက် ဆယ်စုနှစ်ချီ သူ စီစဉ်ထားတဲ့ ခရီးစဉ်ကို အစစ်အမှန်အတိုင်း မှတ်တမ်းတင်ထားတဲ့ documentary တစ်ပုဒ်ပဲ ဖြစ်ပါတယ်။ Megalopolis ဆိုတဲ့ ကမ္ဘာကြီးကို ဖန်တီးဖို့ ရောမ သမိုင်းကြောင်း၊ နိုင်ငံရေးဥပစာနဲ့ သူ့ရဲ့ကိုယ်ပိုင်အမြင်တွေကတစ်ဆင့် ပုံဖော်ပြီး ရိုက်ကူးရေးအတွင်းမှာ ဖြစ်ပျက်နေတဲ့ cast တွေနဲ့ director တွေ အဖွဲ့သားတွေကြားက ဆက်ဆံရေး၊ အငြင်းပွားတာတွေကအစ အရှိကိုအရှိတိုင်းချပြထားတဲ့ production မှတ်တမ်းအစား ကိုယ်ရေးကိုယ်တာအမှတ်တရတစ်ခုအ‌ဖြစ်နဲ့ ကြည့်ရှုရမဲ့ memoir တစ်ပုဒ်ပဲ ဖြစ်ပါတယ်။ File size… (2.6 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Documentary Duration…. 01:47:00 Subtitle…. Myanmar Subtitle (Hardsub)

ကွန်ဖူးပန်ဒါ ၄ ကားမြောက်ရုပ်ရှင်ထွက်လာပါပြီ မင်းသား ဂျက်ဘလက်ပဲ အသံသရုပ်ဆောင်ထားပြီး မင်းသမီး Awkwafina က ကျန်းအဖြစ် သရုပ်ဆောင်ပေးထားပါတယ်။ အရင်ထွက်ခဲ့တဲ့ ၃ ကားလုံးကိုလည်း ချန်နယ်မြန်မာ web နဲ့ app တွေမှာ ကြည့်နိုင်ပြီဖြစ်ပါတယ်။ ဇာတ်လမ်းအကျဉ်း ဒီ ၄ ကားမြောက်မှာတော့ ပိုဟာ ရန်သူပေါင်းစုံကိုနိုင်ပြီး နဂါးစစ်သည်တော်လည်းဖြစ်နေတာကြာပြီဆိုတော့ ပိုခက်တဲ့ ရန်သူနဲ့ တာဝန်တွေ ပေါ်လာပါပြီ။ ပိုဟာ ဆရာအူးဂွေးရဲ့ ပညာရှိခေါင်းဆောင်နေရာကို ဆက်ခံရတော့မှာဖြစ်ပြီး သူ့ရဲ့ နဂါးစစ်သည်တော်နေရာမှာ ဆက်ခံဖို့လည်း လူသစ်ရွေးရတော့မှာဖြစ်ပါတယ်။ အပြောင်းအလဲတွေမလုပ်ချင်တဲ့ ပိုအတွက်တော့ တကယ့် ပြဿနာကြီးပါပဲ။ အဲဒီအချိန်မှာပဲ ခမီလီရန် ဆိုတဲ့ မှော်ဆရာမကလည်း ပိုရဲ့ ရန်သူအားလုံးပေါင်းထားတဲ့အစွမ်းတွေကို ရအောင်ကြိုးစားပြီး ကမ္ဘာကြီးကို သိမ်းပိုက်ဖို့ ကြိုးစားလာပါတယ်။ ခမီလီရန် နဲ့ ရင်ဆိုင်ရင်း ပိုတစ်ယောက် ဘယ်လိုထပ်ပြီး အလင်းတွေရအဆင့်တွေမြင့်လာမလဲ ကြည့်ရမှာပဲ ဖြစ်ပါတယ်။ File size…    3.4GB /1.8 GB /    874 MB Quality… Web-Rip 4K/1080p / 720p Format… mp4 Duration…. 1h 34m Genre ..... Comedy/Animation Subtitle…. Myanmar Subtitle (Hard Sub) Encoder…. Thit San Khant Translated by Thiha Yan Naing

IMDb Rating - 7.8/10 Elvis Presley ဆိုတာနဲ့ King of Rock and Roll ကြီးပဲလို့ တန်းမြင် မိကြမှာပါ။ 1950 ဝန်းကျင်ကာလတွေရဲ့ Best seller American Artist တစ်ယောက်ဖြစ်တဲ့အပြင် အောင်မြင်ကျော်ကြားတဲ့ ရုပ်ရှင်ပေါင်းများစွာ ကိုလည်း ရိုက်ကူးခဲ့ပါသေးတယ်။ ဒါပေမဲ့ အမေရိကန်သမိုင်းရဲ့ 1960 ခုနှစ်ကာလတွေကတော့ အဆိုးရွားဆုံး ကပ်ဆိုက်ခဲ့တဲ့ကာလတွေလို့ ဆို ရလိမ့်မယ်။ Robert F. Kennedy, Martin Luther King အစရှိတဲ့ နာမည်ကျော်ပုဂ္ဂိုလ်တွေ လုပ်ကြံခံရတဲ့သတင်းတွေကြောင့်လည်း အမေရိ ကန်ရဲ့ သမိုင်းကို အကျည်းတန်ဆုံးဖြစ်စေခဲ့တဲ့ ကာလတွေပါ။ ဖြစ်ချင်တော့ အဲဒီ 1968 ခုနှစ်က Elvis အတွက် Special Comeback Show ကို စီစဉ် နေတဲ့ အချိန်ပါပဲ။ စစ်ထဲဝင်ပြီး အနုပညာလောကကနေ နှစ်ချီကွယ်ပျောက်သွားပြီးတဲ့နောက် ပရိသတ်မြင်ကွင်းပေါ်ကို ပြန်လည်ထွက်ပေါ်လာမဲ့ Elvis အတွက် စိတ်ထိ ခိုက်စရာသတင်းတွေကပဲ စောင့်ကြိုလို့နေခဲ့ပါတယ်။ ဒါ့အပြင် သူ့ရဲ့ အနု ပညာအရည်အချင်းတွေကို ချိုးနှိမ်ထားတဲ့ မန်နေဂျာဖြစ်သူ Colonel Tom Parker ကြောင့်လည်း ခေတ်ပြိုင်ပေါ်လာတဲ့ The Beatles အဖွဲ့နဲ့ နှိုင်းယှဉ် ခံရမှုတွေက ဒုနဲ့ဒေးပါ။ ပြောရရင် ဒီ Elvis's 1968 Comeback Special က အခုလိုကမောက်ကမတွေဖြစ်နေတဲ့ သူ့ရဲ့ အနုပညာဘဝကို တစ်ဆစ်ချိုး ထပ်မံပြောင်းလဲသွားစေခဲ့တဲ့ TV show တစ်ခုပါပဲ။ လူငယ်ပရိုဂျူဆာဒါရိုက်တာ Steve Binder နဲ့ Elvis တို့ရဲ့ အတွဲညီညီပေါင်း စပ်မှုကြောင့် Elvis အတွက် ရွှေခေတ်ကို ပြန်ရောက်ရှိသွားနိုင်ခဲ့ပါတယ်။ ဒီ movie မှာတော့ Elvis's 1968 Comeback Special ရဲ့ နောက်ကွယ်က ကြုံတွေ့ခဲ့ရတဲ့ struggles တွေနဲ့ အမေရိကန်ရဲ့ ကပ်ဆိုက်ကာလအကြောင်း တွေကို တင်ဆက်ပြသပေးထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ May Thet Kine Soe ဖြစ်ပါတယ်) File Size..........(2.62 GB) / (878 MB) Quality............WEB-DL 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Documentary, Music Translator......May Thet Kine Soe Encoder..........Zin Phyo Aung

ကွန်ဖူးပန်ဒါ ကာတွန်းစီးရီးထွက်လာပါပြီ။ ကာတွန်းရုပ်ရှင်လိုပဲ ရုပ်ထွက်ကောင်းကောင်း ဇာတ်လမ်းကောင်းကောင်းနဲ့ ရိုက်ကူးထားတာဖြစ်လို့ တဝကြီးကြည့်ရမှာပါ။ ဇာတ်လမ်းအစမှာတော့ ကလောက်စ်နဲ့ ဗရူကာဆိုတဲ့ ဖျံလူဆိုးနှစ်ကောင်ဟာ တရုတ်ပြည်ရဲ့ အစွမ်းထက်တဲ့ ရှေးဟောင်းလက်နက် ဝူကောင်းလက်အိတ်ကို လာလုပါတယ်။ အဲဒါကို နဂါးဆရာသခင် ပိုက တားဆီးရင်နဲ့ ထုံးစံအတိုင်း တလွဲတွေဖြစ် ရွာပါပျက်စီးပြီး လက်အိတ်လည်းပါသွားပါတယ်။ ဒါကြောင့် မင်းကြီးက ပို့ဆီက နဂါးဆရာသခင်ဘွဲ့ကို ရုတ်သိမ်းတော့မှာပဲ ဖြစ်ပါတယ်။ အဲဒီအချိန်မှာပဲ အဲဒီဖျံနှစ်ကောင်နောက်ကို လိုက်ဖမ်းနေတဲ့ အင်္ဂလန်သူရဲကောင်း လေလွင့်ဓားမိမယ် လူသယ်ရာနဲ့အတူ ပေါင်းမိပြီး တလွဲတွေ စွန့်စားခန့်ဖွင့်ကြတဲ့အခါ ..... စုစုပေါင်း ၁၁ ပိုင်း ထုတ်လွှင့်သွားမှာပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ Genre..... Action & Adventure, Animation, Comedy Quality…. 1080p | 720p File size… 600MB | 300MB Format… mp4 Duration…. 24min Subtitle…. Myanmar Subtitle (Hardsub) Translator ..... Mr.Anderson Encoder ..... August

~ Rotten Tomatoes - 81% ~ မင်းသားကြီး Dustin Hoffman ရဲ့ ဇာတ်ကားအသစ်ဖြစ်ပြီး သူ့အပြင် The Big Bang Theory ထဲက Howard အနေနဲ့ လူသိများခဲ့တဲ့ မင်းသား Simon Helberg ရဲ့ TBBT အလွန် Acting Skill တွေကိုပါ ရှုစားကြရပါလိမ့်မယ်။ ဒီကားကိုကြည့်ရင်းတွေးမိတာက အဘီဂေးရဲ့မိသားစုလိုမျိုးက လက်တွေ့မှာ လက်ညှိုးထိုးမလွဲများလွန်းတယ်လို့ပါပဲ။ မိဘတွေက သားသမီးကိုရွေးလို့ရတယ် သားသမီးကမိဘကိုရွေးလို့မရဘူး ဆိုတဲ့စကားအတိုင်းပါပဲ။ အဘီဂေးတို့မောင်နှမက မွန်းကြပ်ဖို့ကောင်းတဲ့မိဘတွေ ပိုင်ဆိုင်ထားတဲ့သူပါ။ ဒါပေမဲ့ အစ်ကိုဖြစ်သူက ကိုယ်လွတ်ရုန်းသွားတဲ့အချိန်မှာ ကိစ္စတွေက အကုန် အဘီဂေးခေါင်းပေါ်ကျလာပါတော့တယ်။ ကိုယ်ကလည်း ကလေးနှစ်ယောက်နဲ့ တစ်ခုလပ်ဖြစ်နေတဲ့အပြင် အဖေကလည်းနာမကျန်းဖြစ် အမေကလည်းတစ်မျိုးနဲ့ အဘီဂေးရဲ့ဘဝကို စိတ်၀င်တစားကြည့်ရမှာပါ။ အားလုံးပဲ ကြည့်ရှုခံစားလိုက်ကြပါဦး။ (ဒီကားလေးက ရိုးရှင်းပေမဲ့ ငယ်ဘ၀ Trauma ရှိတဲ့သူတွေ၊ ပုံစံတူတဲ့မိသားစုကို ပိုင်ဆိုင်ထားတဲ့သူတွေအတွက်တော့ မျက်ရည်ဖြိုင်ဖြိုင်ကျအောင်လုပ်နိုင်ပါလိမ့်မယ်။ လူတိုင်းနီးပါးကတော့ အဖေနဲ့အမေစကားများရင် ချောင်တစ်ချောင်မှာကပ်ပြီး ခိုးငိုဖူးကြတဲ့သူတွေပဲမလား...) (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 1.9GB, 790MB Quality - 1080p, 720p Format - mp4 Duration - 1H 40Min Genre - Drama Subtitle - Myanmar Subtitle (Hardsub) Translated by Soe Thiri Swe Encoded by Y

ကိတ်ထ်က နယ်မြို့လေးတစ်မြို့မှာ စာအုပ်ဆိုင်ဖွင့်ထားပြီး အေးအေးဆေးဆေး နေတတ်တဲ့ မိန်းကလေးတစ်ယောက်ပါ။ ဆွေမျိုးရယ်လို့ မိခင်တီနာတစ်ယောက်ပဲ ရှိပြီး ရုပ်ရည်ရော အရည်အချင်းပါ ပြည့်စုံပေမယ့် ချစ်သူမရှိဘဲ နေနေသူဖြစ်ပါတယ်။ ဆမ်ကတော့ ပန်းချီပညာမှာ ပါရမီရှိပေမယ့် ဖခင်ရဲ့ကျန်းမာရေး တစ်နေ့တခြား ဆိုးလာတာကြောင့် ကိုယ့်အိပ်မက်တွေကို စွန့်လွှတ်ပြီး ဖခင်ရှိရာ ဒီမြို့လေးကို ရောက်လာခဲ့သူပါ။ ဆမ်ဟာ ချောကလက်စက်ရုံမှာ ရရာအလုပ်လုပ်ရင်း ဂွကျတဲ့ဖခင်ကို စောင့်ရှောက်နေတယ်။ တစ်နေ့ စာအုပ်ဆိုင်ထဲက ကိတ်ထ်ကို မြင်လိုက်တဲ့အခါ မြင်မြင်ချင်း သဘောကျသွားပါတယ်။ အောင်မြင်မှုနဲ့ ဂုဏ်ဒြပ်တွေ မရှိသေးတဲ့ ဆမ်က ကိတ်ထ်ရဲ့အချစ်ကိုရဖို့ ဘယ်လိုကြိုးစားမလဲ၊ သူတို့ကြားမှာ ဘယ်လိုအခက်အခဲတွေ ရှိလာမလဲဆိုတာကို ပြထားတဲ့ အချစ်ဟာသဒရာမာပါ။ ဝါရင့်သရုပ်ဆောင်တွေဖြစ်တဲ့ Dustin Hoffman နဲ့ Sissy Spacek တို့လည်း ဇာတ်ပို့အဖြစ် ပါဝင်ထားပါတယ်။ ဆမ်အဖြစ် သရုပ်ဆောင်သူက Dustin Hoffman ရဲ့ သားအရင်းဖြစ်လို့ သူတို့နှစ်ယောက်ဟာ အပြင်မှာရော ဇာတ်ကားထဲမှာပါ သားအဖအဖြစ် တွဲမြင်ရမှာပါ။

မာယာဝစ်မောင်နှမတွေရဲ့အဖေဟာ အရည်အချင်းရှိတဲ့ ပန်းပုဆရာတစ်ယောက် ဖြစ်ပေမဲ့ အပြစ်အနာအဆာတွေလည်း ရှိနေသူပါ။ The Meyerowitz Stories က သားသမီးတွေဟာ အဲဒီအဖေအပေါ် ဘယ်လိုခံစားကြသလဲဆိုတာကနေ မိဘနဲ့သားသမီးကြားက ဆက်ဆံရေးကို စူးစမ်းထားပါတယ်။ မိသားစုတစ်စုအတွင်းက အတက်အကျတွေကို ဟာသနဲ့ ရောယှက်ဖော်ပြရင်း မိသားစုရဲ့နွေးထွေးမှု၊ အနုပညာနဲ့ လူ့ဘဝရဲ့ရှုပ်ထွေးမှုတွေအကြောင်း ပြောပြထားတဲ့ ဇာတ်ကားပါ။

IMDb - 7.1/10 ဒီ ၂၃ မိနစ်စာပဲရှိတဲ့ ကွန်ဖူး ပန်ဒါကားလေးက ပန်ဒါဇာတ်ကားအားလုံးရဲ့အနှစ်ချုပ်ပါပဲ IMdb rating 7.1 ရထားပြီး Animation ကြိုက်သူတွေလက်မလွှတ်သင့်ပါဘူး ဒီဇာတ်လမ်းလေးက ညီနောင်ငါးဦး ဘယ်လိုဖြစ်ပေါ်လာသလဲဆိုတာ ဖေါ်ညွှန်းထားတာပါ ကွန်ဖူး ပန်ဒါဆိုရင် ကလေးလူကြီးသိနေကြပြီးဖြစ်လို့ အထွေအထူး မညွှန်းတော့ပါဘူး ကွန်ဖူး ပန်ဒါ သုံးကားစလုံးကြည့်ဖူးတယ်ဆိုရင်တော့ဒီကားလေးက မဖြစ်မနေကြည့်ရမဲ့ ကားထဲပါသွားပါပြီ..... (ဘာသာပြန်သူ Aye Min Oo ပါ) File Size - 134 MB Quality - 1080p Duration - 23 min Translator - Aye Min Oo Encoder - Littleneo

Kung Fu Panda ဆိုရင် မသိတဲ့လူမရှိသလောက်ပဲ ကမ္ဘာမှာအောင်မြင်ခဲ့တဲ့ဒီ Animation ကားလေးဟာ Movie လောကမှာသာမက Game လောကမှာရော ဒိတ်ဒိတ်ကြဲကိုအောင်မြင်ခဲ့ပါတယ်။ 1 နဲ့ 2 ကို ကြည့်ရှုခဲ့ကြပြီး ဇာတ်လမ်းဆုံးသွားပြီထင်နေခဲ့တုန်းမှာပဲ 2015 ခုနှစ်ရဲ့ Movie review တွေမှာ စတင်ကြော်ငြာပါလာခဲ့တော့ အရမ်းကိုမျှော်လင့်ပျော်ရွှင်စောင့်စားခဲ့ရတယ်။ အခုတော့ ကျွန်တော်တို့အချိန် CM အချိန်ရောက်ခဲ့ပြီ။ ဒီဇာတ်ကားဟာ အရင်ကားတွေထက်ပိုအောင်မြင်ခဲ့ပြီး IMDb rating 7.1/10 ထိရရှိအောင်မြင်ခဲ့ပါတယ်။ ဇာတ်လမ်းအကျဉ်းလေးကိုအနည်းငယ်ပဲပြောပြချင်ပါတယ်။ ပိုရဲ့ ဆရာဖိုးဖိုးလိပ် ရဲ့ တိုက်ဖော်တိုက်ဖက် ကိုင် ဟာ ဝိညာဉ်ကမ္ဘာက သိုင်းဆရာတွေအားလုံးရဲ့ စွမ်းအင်တွေကို သိမ်းပိုက်ပြီး လူ့ပြည်ကိုပြန်ဝင်ရောက်လာပါတယ်။ ပြီးတော့ လူ့ပြည်က ဆရာတွေအားလုံးရဲ့ စွမ်းအင် ချီ တွေကိုပါ သိမ်းပိုက်လိုက်ပါတယ်။ ဒါကို တားဆီးနိုင်ဖို့အတွက် ပို တစ်ယောက်လက်ရှိအင်အားနဲ့မဖြစ်နိုင်တော့ပါဘူး။ သူကိုယ်တိုင် ချီရဲ့ အရှင်သခင် ဖြစ်အောင်လုပ်ရပါတော့မယ်။ ဒီအဆင့်ကိုရောက်ဖို့ ဆရာလိပ်က နှစ် ၃၀ လောက် တရားထိုင်ခဲ့ရပြီး ဆရာရှီဖူမှာလဲ အဲ့အစွမ်းတောင် မရှိသေးတဲ့အတွက် ပိုတစ်ယောက် လမ်းစပျောက်နေချိန်မှာ သူ့ရဲ့ပျောက်ဆုံးနေတဲ့ ဖခင်က သူ့ကို ချီရဲ့လျို့ဝှက်ချက်တွေ သင်ပေးဖို့ဆိုပြီး ပန်ဒါရွာကို ပြန်ခေါ်သွားပါတော့တယ်။ ဘာတွေဆက်ဖြစ်လဲဆိုတာတော့ဒီMovie ကို Download ဆွဲပြီးသာဆက်ကြည့်ကြပါတော့။ File size…   5 GB / 1.7 GB / 1.1 GB Quality… WEB-DL 4K HEVC / 1080p / 720p Format… mp4 & mkv Audio ... AAC Duration…. 1h 35m Genre ..... Adventure, Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by Kyaw Ye Aung

ဒီဇာတ်လမ်းလေးကတော့ စိတ်ပျော်စရာကောင်းမယ့် ဟာသကားတစ်ကား ဖြစ်ပါတယ်။ ဒီဇာတ်ကားက ၂၀၁၄ ကတည်းက ထွက်ထားတာဖြစ်ပေမယ့် ဆိုင်တွေပေါ်မှာတော့ အခုမှ ပြန်တင်လာတာကြောင့် ရွေးချယ်ပေးလိုက်ပါတယ်။ ကမ္ဘာကျော် ဟာသသရုပ်ဆောင် အဒမ်ဆန်ဒလာ (Adam Sandler) ရဲ့ နောက်ထပ် ထူးဆန်းထွေလာ ဟာသကားလေးပဲဖြစ်ပါတယ်။ နယူးယောက်မြို့မှာ မက်စ်ဆိုတဲ့ ဖိနပ်ချုပ်သမားတစ်ဦး ရှိတယ်။ မက်စ် (Max) က အိမ်ထောင်မရှိသေးတဲ့ လူပျိုကြီး တစ်ယောက်ဖြစ်ပြီး မျိုးဆက်လေးဆက်လောက် လုပ်ကိုင်လာတဲ့ ဖိနပ်ဆိုင်ကို ဆက်ပြီး အမွေခံထားတယ်။  သ့ူဆိုင်လေးက ခပ်သေးသေးဖြစ်ပေမယ့် လူတော်တော်များများက အားကိုးတကြီး လာကြတယ်။ တစ်ရက်တော့ သူ့ဆိုင်ကို ခပ်ရင့်ရင့် လူမိုက် ကပ္ပလီတစ်ယောက် သူ့ဖိနပ်ကို ခွာလဲဖို့လာအပ်တယ်။ ညနေ ၆ နာရီလောက်မှာ အပြီးလိုချင်တယ်ဆိုပြီး ပြောတာနဲ့ သူဖိနပ်ကို အပြီးသတ်နေတုန်း ဖိနပ်ချုပ်စက်က ရှော့ခ်ဖြစ်ပြီး ပျက်သွားတယ်။ ကြံရာမရတဲ့ မက်စ်က အဲဒီဖိနပ်ပြီးဖို့ မြေအောက်ခန်းထဲ ဝင်၊ သူ့အဘိုးတွေ လက်ထက်ကတည်းက သုံးတဲ့ ချုပ်စက်အဟောင်းကြီး နဲ့ အပြီး သတ်လိုက်တယ်။ အဲဒီနောက် လာရွေးမယ့် လူကို အဆင်သင့် စောင့်နေရင်း သူပြင်ထားတဲ့ဖိနပ်က သူ့ဆိုဒ် နဲ့ တစ်ထပ်တည်းဖြစ်နေတော့ စမ်းဝတ်ကြည့်ပါလေရော။ (ဒီနေရာမှာ တစ်ခု ဖြတ်မေးချင်တာက တကယ်လို့များ ကျွန်တော်တို့တွေ သူများဖိနပ်ကို စီးကြည့်ရုံ နဲ့ ရုပ် ပြောင်း ရုပ်လွဲလုပ်နိုင်မယ်ဆိုရင် ဘာလုပ်ကြမလဲ) ဟုတ်ပါတယ်။ မက်စ်တစ်ယောက် ဖိနပ်စီးပြီး မှန်ထဲကြည့်လိုက်တဲ့ အချိန် မှာ သူ့ရုပ်က ဖိနပ်ပိုင်ရှင်ကပ္ပလီ ရုပ်ပြောင်းသွားပါတယ်။ အံ့သြ ထိတ်လန့်သွားတဲ့ မက်စ်က ဆိုင်မှာအပ်ထားတဲ့ တခြားသူတွေရဲ့ ဖိနပ်တွေကို တစ်ရံပြီး တစ်ရံ လျှောက်စီးတယ်။ ဘာမှမထူးပါဘူး။ နောက်ဆုံး အဖြေကတော့ သူတို့ ဘိုးဘေးတွေ သုံးလာတဲ့ မြေတိုက်ခန်းထဲက ချုပ်စက်အ ဟောင်းကြီးက ဒီထူးဆန်းတဲ့ အဖြစ်တွေကို ဖြစ်စေတာပါ။ ဒီလျှို့ ဝှက်ချက်ကို သိသွားတဲ့မက်စ်က ဆိုင်မှာရှိတဲ့ ဖိနပ်ဟောင်းတွေကို သူ့စက်ကြီး နဲ့ တစ်ရံပြီးတစ်ရံပြင်၊ ရုပ်အမျိုးမျိုးပြောင်းပေါ့။ နောက်ရက် နောက်ရက် တွေမှာတော့ ဖိနပ်သမား မက်စ် တစ်ယောက် ဖိနပ်တွေအများကြီး ထည့်ထားတဲ့ အိတ်တစ်လုံးလွယ်၊ ရုပ်ပြောင်း ရုပ်လွဲတွေ လုပ်ပြီး တစ်မြို့လုံးပတ်လို့ စိတ်ကူးတည့်ရာ လုပ်ပါတယ်။ ဒီနေ့တော့ ဖိနပ် သမား မက်စ်ရဲ့ ဇာတ်လမ်းက စိတ်ဝင်စားစရာ ဖြစ်ပါလိမ့်မယ်။ပြီးတော့ မက်စ် တစ်ယောက် ဘာတွေ ဆက်ဖြစ်မလဲဆိုတာတော့ ဆက်လက်ကြည့်ရှုပါဦး ။ (ဇာတ်ကားအညွန်းကိုတော့ Ohn Phwa Pageမှ ကူးယူဖော်ပြသည်) @joker

Kung Fu Panda 2 မှာတော့ ‘ပို’ ရဲ့ ဘဝဇာတ်ကြောင်းကို ကြည့်ရှုရမှာပါ…. ‘ပို’ ရဲ့အဖေဖြစ်သူဟာ မွေးစားအဖေဖြစ်နေပါတယ်… ‘ပို’ လသားအရွယ်မှာ သူတို့ရဲ့ရွာလေးကို တပ်ဖွဲ့တစ်ခုက ဝင်ရောက်တိုက်ခိုက်ဖျက်စီးတာကို ခံလိုက်ရပါတယ်… ပို ရဲ့မိဘတွေဟာ ထွက်ပြေးရင်းနဲ့ ပို့ ကို စွန့်ပစ်ခဲ့ရပါတော့တယ်… ဒါက ပို ရဲ့ ဘသ ဇာတ်ကြောင်းပါ… အခုချိန်မှာတော့ ဒေါင်းမင်းသားတစ်ယောက်ဟာ လက်နက်ဆန်းတစ်ခုကို တီထွင်ပြီးတော့ တရုတ်ပြည်ကြီးကို သိမ်းပိုက်ဖို့ ကြံစည်နေပါပြီ… ဒါကို ပို နဲ့ သူ့အဖွဲ့က တားဆီးဖို့အတွက် တာဝန်ကျလာပါပြီ… ဒီတော့ ပို တို့တွေ ဒေါင်းမင်းသားကို ဘယ်လိုတားဆီးကြမှာလဲ ဘာတွေဆက်ဖြစ်ကြဦးမလဲ ဆိုတာကိုတော့ ထုံးစံအတိုင်း ကြည့်ရှုခံစားပေးကြပါဦး ဒီဇာတ်ကားဟာလည်း ပထမကားလိုပဲ rating ကောင်းကောင်းရထားတဲ့ကားတစ်ကားဖြစ်ပါတယ် File size…   4 GB / 1.5 GB / 913 MB Quality… WEB-DL 4K HEVC 1080p / 720p Format… mp4 & mkv Audio ... AAC Duration…. 1h 30m Genre ..... Adventure, Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by Min Thway

Little Fockers (2010) ရုပ်ရှင်အညွှန်း သားမက် နဲ့ ယောက္ခထီးဆိုတာ များသောအားဖြင့်မတည့်ကြတာ များပါတယ် တည့်ပြန်ရင်လည်း သားမက်ဘက်ကနေ သည်းခံရတဲ့အပိုင်း‌တွေ ယောက္ခထီး အထင်ကြီးအောင်လို့လုပ်ယူနေရတဲ့အပိုင်းတွေရှိတာပါပဲ ဒီဇာတ်လမ်းကလည်း သားမက်နဲ့ ယောက္ခမ ကြားက အလွဲအချော်တွေ အထင်လွဲတာတွေကိုမှ အတည်ပေါက်ဟာသလေးတွေနှောပြီး ရိုက်ထားတဲ့ Meet The Parents trilogy ရဲ့ နောက်ဆုံး ရုပ်ရှင်ပဲဖြစ်ပါတယ် နောက်ဆုံး ရုပ်ရှင်ဖြစ်သလို အခွီရဆုံးလည်းဖြစ်မှာပါ မင်းသားကြီး Robert De Niro နဲ့ Ben Stiller တို့ရဲ့ bromance တွေ Dramatic moments တွေကို ပိုမြင်ရမယ့် အပိုင်းဆိုလည်း မမှားပါဘူး အဲ ယောက္ခထီးနဲ့ သားမက်ရဲ့ လက်ရုံးရည်ချင်းယှဉ်ကြတဲ့ အခန်းတွေလည်းပါသေးတယ်နော် ဇာတ်လမ်းကတော့ ဂရက်နဲ့ ပမ်နဲ့ လက်ထပ်ပြီးတဲ့ နောက် သားလေးတစ်ယောက် သမီးလေးတစ်ယောက် ဆိုပြီး အမြွှာနှစ်ယောက်ရခဲ့ပါတယ် ကလေးရပြီးတဲ့နောက်ပိုင်းမှာ သူတို့ အိမ်ထောင်ရေးအခြေအနေက အရင်လိုသာယာနိုင်ဦးမလား ဘယ်လိုအနှောင့်အယှက်တွေရှိလာဦးမလဲ ဂျက် ကလည်း သူတို့‌မြေးလေးနှစ်ယောက်ရဲ့ ငါးနှစ်ပြည့်မွေးနေ့ပါတီအတွက်အိမ်အလည်လာရင်းနဲ့ ဂရက်ရဲ့ တလွဲတချော်တွေကို ဘယ်လိုအထင်လွဲမိပြီး ဘယ်လို ပြန်အဆင်ပြေသွားမလဲ ဆိုတာ ကြည့်ရှုခံစားရမှာပါ (ဘာသာပြန်ပြီး အညွှန်းရေးသားထားသူကတော့ Thura Heinပဲ ဖြစ်ပါတယ်) File Size__(1.75GB) / (950MB) Quality__1080p, 720p IMDb Rating__5.5/10 Format__mp4 Duration__01:38:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

DreamWorks ရဲ့ အအောင်မြင်ဆုံးရုပ်ရှင်ကားတွေထဲက တစ်ကားဖြစ်တဲ့ ရုပ်ရှင်ကားလေးနဲ့ မိတ်ဆက်ပေးပါရစေ… လူကြီးလူငယ်မရွေး အားပေးခဲ့ကြတဲ့ ရုပ်ရှင်ကားကောင်းတစ်ကားပါ… ဆုပေါင်းများစွာကိုလည်းရယူထားနိုင်ခဲ့ပါတယ်… ဇာတ်လမ်းအကျဉ်းလေးဆီသွားကြရအောင် တစ်ခါတုန်းက အေးချမ်းတဲ့မြို့လေးတစ်မြို့မှာ အပျင်းကြီးပြီး အစားပုတ်တဲ့ ပန်ဒါဝက်ဝံလေးတစ်ကောင်ရှိပါတယ်… သူ့နာမည်ကတော့ ‘ပို’ လို့ခေါ်ပြီး ဝတုတ်ကြီးဖြစ်နေပါတယ်.. အဖေဖြစ်သူနဲ့ ခေါက်ဆွဲရောင်းနေရတဲ့သူလည်းဖြစ်ပါတယ်… ဒါပေမယ့် သူဟာ ကွန်ဖူးသိုင်းပညာရှင်အရမ်းဖြစ်ချင်နေပြီး ကွန်းဖူးသိုင်းသမားတွေကိုလည်း အားကျနေသူတစ်ယောက်ဖြစ်ပါတယ်… သူတို့မြို့လေးမှာ ကွန်ဖူးသိုင်းသင်တန်းကျောင်းတစ်ခုရှိပြီး သင်တန်းသားတွေ ဖြစ်တဲ့ နာမည်ကြီး ကွန်ဖူးသိုင်းသမား ငါးယောက်လည်းရှိပါတယ်… သူတို့ကတော့ Tigress, Crane, Mantis, Viper နဲ့ Monkey တို့ပဲဖြစ်ပါတယ်…. တစ်နေ့မှာတော့ သင်တန်းကျောင်းကနေ နဂါးသူရဲကောင်းရွေးချယ်ပွဲကြီး ကျင်းပပါတော့တယ်… ဒီရွေးချယ်ပွဲကြီးဟာ သင်တန်းသားတွေထဲကအတော်ဆုံးတစ်ယောက်ကို ရွေးချယ်မှာဖြစ်ပါတယ်… ‘ပို’ တစ်ယောက်လည်း ရွေးချယ်ပွဲကြီးကို အရမ်းကြည့်ချင်နေခဲ့ပေမယ့် သူ့အဖေကတော့ ပွဲမှာ ခေါက်သာဆွဲရောင်းခိုင်းပါတယ်… ‘ပို’ တစ်ယောက် ပွဲကိုရောက်အောင်သွားခဲ့ပေမယ့် နောက်ကျသွားတဲ့အတွက် ဂိတ်တံခါးပိတ်နေတာကို တွေ့လိုက်ရပါတယ်… ဒီအချိန်မှာ ရွေးချယ်ပွဲလည်း စနေပါပြီ… ‘ပို’ လည်း အရမ်းကြည့်ချင်နေတာနဲ့ အထဲဝင်လို့ရအောင် ကြံစည်ပါတော့တယ်… ဒီလိုနဲ့ ရွေးချယ်ပွဲဟာ နဂါးသူရဲကောင်းကို ကြေငြာမယ့်အချိန်ကိုရောက်လာပါပြီ… ဒီအချိန်မှာ ‘ပို’ ဟာ အထဲဝင်ဖို့ကြိုးစားရင်းနဲ့ အလွဲလွဲအချော်ေျချာ်တွေဖြစ်ပြီး မမျှော်လင့်ပဲ နဂါးသူရဲကောင်းအဖြစ် ရွေးချယ်ခြင်းခံလိုက်ရတဲ့ အခါမှာတော့….. ဇာတ်လမ်းရဲ့အရသာကို အပြည့်အဝခံစားနိုင်ဖို့အတွက် ဒီလောက်ပဲညွှန်းလိုက်ပါတော့တယ်… ‘ပို’ တစ်ယောက်ဘာတွေဆက်ဖြစ်ဦးမှာလဲ ဆိုတာကိုတော့ ကြည့်ရှုခံစားပေးကြပါဦး….. IMDb rating 7.5/10 အထိရထားတဲ့ ကားကောင်းတစ်ကားဖြစ်ပြီး အသံသရုပ်ဆောင်သူများထဲမှာလည်း နာမည်ကြီး သရုပ်ဆောင်များဖြစ်ကြတဲ့ ဂျက်ကီချန်း ၊ အင်ဂျလီနာဂျိုလီ စသဖြင့် ပါဝင်သရုပ်ဆောင်ထားပါတယ်… မလွတ်တမ်းကြည့်ရှုသင့်တဲ့ ရုပ်ရှင်တစ်ကားဖြစ်ပါကြောင်း ပြောကြားရင်းနဲ့ ခံစားကြည့်ရှုပေးကြပါဦးလို့….. File size…(1.5 GB)/(738 MB) Quality….BluRay 1080p/720p Format…mp4 Duration….01:32:00 Subtitle….Myanmar Subtitle (Hardsub) Encoder…. Thit San Khant Translated by... Nyi Than Lwin

ဟိုးရှေးတုန်းက Dor ဆိုတဲ့ တိုင်းပြည်မှာ တစ်နှစ်တစ်ခါ ကျင်းပတဲ့ Soup Day စွပ်ပြုတ်ပွဲတော် ရှိပါတယ်။ အဲဒီနေ့ရောက်တိုင်း ဘုရင့်မိသားစုကအစ ပြည်သူတွေအဆုံး နန်းတော်စားဖိုမှူးကြီး အန်ဒရေးရဲ့ စွပ်ပြုတ်အသစ်ကို မျှော်နေကြတယ်။ စားဖိုမှူးကြီးကလည်း တစ်နှစ်နဲ့တစ်နှစ် မရိုးရအောင် စွပ်ပြုတ်အမျိုးမျိုး ချက်ပေးလေ့ရှိပါတယ်။ စွပ်ပြုတ်ကို စောင့်မျှော်နေသူတွေထဲမှာ လူတွေတင်မက တိရစ္ဆာန်တွေလည်း ပါကြပြီး ရော့စကူတိုဆိုတဲ့ မြေကြွက်တစ်ကောင်လည်း အပါအဝင်ပါ။ တစ်ရက်မှာတော့ စားဖိုမှူးကြီးရဲ့ စွပ်ပြုတ်ကို သိပ်စားချင်နေတဲ့ ရော့စကူတိုကြောင့် မတော်တဆမှုတစ်ခု ဖြစ်သွားတယ်။ အဲဒီကစတဲ့ ပြဿနာတွေကြောင့် တိုင်းပြည်တစ်ခုလုံး နေရောင်ပျောက်ပြီး အမှောင်ကျသွားတဲ့အခါ ဘယ်လိုသူရဲကောင်းတွေ ပေါ်လာကြမလဲ၊ ဒီအဖြစ်ကို တစ်ယောက်ချင်းစီက ဘယ်လိုတုံ့ပြန်ကြမလဲ။

Mr. Magorium's Wonder Emporium(2007) အညွှန်း မမNatalieရဲ့ တစ်ခါကအလှတရားလေးကို ပြန်လည်ခံစားနိုင်ဖို့ တင်ဆက်ပေးလိုက်ရပါတယ်။ ဇာတ်လမ်းကတော့ မမက မှော်ဝင်နေတဲ့ကစားစရာအရုပ်တွေရောင်းတဲ့ မစ္စတာမဂေါ်ရီယမ်မှော်အရုပ်ဆိုင်ကြီးမှာ Family typeအနေနဲ့ မန်နေဂျာရော cashierရောဝင်လုပ်နေတဲ့ ဂီတပါရမီပါတဲ့သူပါ။ အသက်20ကျော်တဲ့သူတော်တော်များများဖြစ်သလိုပဲ .... ငယ်ငယ်ကတော့ ထူးချွန်သယောင်ယောင်ရှိပေမယ့် အရွယ်နည်းနည်းရောက်လာတော့ ဘာလုပ်ရမလဲဆိုတာ လမ်းပျောက်ရင်း ကိုယ့်ကိုယ်ကိုယုံကြည်မှုတွေပါလျော့နည်းလာပါတယ်။ အဲ့လိုနဲ့ မမအလုပ်ကထွက်ပြီး ဂီတလမ်းကြောင်းပေါ်လျှောက်မယ်လို့ကြံတုန်းမှာ မှော်အရုပ်ဆိုင်ပိုင်ရှင်လူထူးဆန်းအဖိုးကြီးက မမကို သူထွက်သွားတော့မှာဖြစ်တဲ့အတွက် ဆိုင်ကိုအပိုင်ပေးပြီးဦးစီးခိုင်းတဲ့အခါ ဘာတွေဆက်ဖြစ်မလဲဆိုတာတော့ ကိုယ်တိုင်ပဲကြည့်ရှုလိုက်ပါ။ File Size :(1.77GB) (883 MB) and (330 MB) Quality : Blu-Ray 1080p5.1ch,720p Format…mp4 Duration…01:33:00 Genre : Comedy ,Fantasy  ,Family Subtitle : Myanmar Subtitle (Hard Sub) Translated by Moe Lay Encoded by Phyo Pyae

Perfume: The Story of a Murderer 2006 ‧ Thriller/Fantasy ‧ 2h 27m Paddington၊ Skyfall၊ No time to die၊ Layler Cake၊The Hollow Crown၊ In the Heart of the Seaတို့ရဲ့မင်းသား Ben Whishaw ကို main character ထားပြီး ဇာတ်လမ်းကို Thriller/Fantasy ပုံစံလေး သွားထားပါတယ်။ ဒါ့အပြင် Harry Potterထဲက Professor Severus Snape ဖြစ်တဲ့ Alan Rickman ကပါ ဇာတ်လမ်းကို ပဲ့ထိန်းမောင်းနှင်ထားပါတယ်။ ဒါတင်မကသေးပါဘူး Dustin Hoffmanနဲ့ Karoline Herfurthတို့နှင့် တခြားသော သရုပ်ဆောင်ပေါင်းများစွာနဲ့ ဇာတ်ကောင်တွေဖြင့် ပြည့်ပြည့်စုံစုံ ဇာတ်အိမ်တည်ထားပါတယ်။ ကျွန်တော်တို့ Horror ရုပ်ရှင်တွေကို ကြည့်ကြည့်မယ်ဆိုရင် လူတွေကို သတ်ပြီး ဖယောင်းသွင်းတာ ရှိမယ်၊လူ ၃ယောက်ကို ဆက်ပြီး ကင်းခြေများ လုပ်တာ ရှိတယ်၊ လူသားကို ပေါက်စီထဲ ထည့်ပြီး စားတာ ရှိမယ်၊ steak အဖြစ်နဲ့ medium rare လေး ချက်စားကြတာမျိုး ရုပ်ရှင်တွေ ရှိပါတယ်။ ဒါပေမယ့် လူတွေကိုသတ်ဖြတ်ပြီး ရေမွှေးလုပ်တာတော့ မရှိသေးပါဘူး။ ဒီအတွက်ကြောင့် ဦးဦးဖျားဖျားလေးဖြစ်အောင် လူသတ်ပြီး ရေမွှေးလုပ်ဆွတ်တဲ့ရုပ်ရှင်ကို တင်ဆက်ပေးလိုက်ပါတယ်။ ဇာတ်လမ်းလေးကို ပဲရစ်မြို့ ၁၇၃၈-၁၇၆၇ ကာလကို ဇာတ်အိမ်တည်ထားပါတယ်။ ဂျင်းဗတ္တိစ်ဂရန်နျူရီက ပဲရစ်မြို့ ငါးစိမ်းတန်းမှာ မွေးဖွားခဲ့တဲ့ အနံ့ခံကောင်းတဲ့ ပါရမီရှင်လေးပါ။ သူ့ရဲ့ပါရမီက ဘုရားက အပ်နှင်းတဲ့ လက်ဆောင်လို့ပဲဆိုရမလား ကျိန်စာလို့ပဲဆိုရမလား၊ သူရဲ့ အနံ့ခံပါရမီကြောင့် မွေးမွေးချင်းမှာတင် သူ့အမေက ကြိုးစင်ပေါ်တက်လိုက်ရပါတယ်။ ဒီလိုနဲ့ မိဘမဲ့ဂေဟာ ရောက်သွားပြီး ထိုကနေမှတဆင့် စက်ရုံတစ်ခုမှာ ကျွန်အဖြစ်ရောင်းစားခံလိုက်ရပါတယ်။ ဂရင်းမဲ သားရေသန့်စင်စက်ရုံမှာ အလုပ်လုပ်ရင်း မြို့ထဲမှာ ပစ္စည်းသွားပို့နေတုန်း အလွန်တရာကို ထူးခြားတဲ့ အနံတစ်ခုကို ရလိုက်ပါတော့တယ်။ ထိုအနံ့ကတော့ မိန်းကလေး တစ်ယောက်ကို သတ်လိုက်ပြီး ထွက်ပေါ်လာတဲ့ အနံ့ပဲဖြစ်ပါတယ်။ ဒီလိုနဲ့ မိန်းကလေးတွေကို သတ်ပြီး ရတဲ့အနံ့ကို အလွန်စွဲလန်းသွားပြီး ရေမွှေးလုပ်ဆွတ်ဖို့အတွက် ကြိုးစားပါတော့တယ်။ သူ ဘယ်လို မိန်းကလေးတွေကို သတ်မလဲ၊ ရေမွှေးကို ဘယ်လိုဖန်တီးမလဲ၊ သူရဲ့ ရက်စက်လှတဲ့ လူသတ်မှုတွေကနေ မိန်းကလေးတွေ လွတ်မြောက်နိုင်ပါ့မလား၊ သူရဲ့လုပ်ရပ်အတွက်ရော သူအပြစ်ပေးခံရမှာလားဆိုတာကို ရင်တထိပ်ထိပ်နဲ့ ဇာတ်လမ်းဦးစားပေးအနေနဲ့ကြည့်ရှု့ရမှာ ဖြစ်ပါတယ်။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။

The Holiday (2006) အခုတလော အချစ်ကားလေးလည်းကြည့်ချင်တယ် drama တွေခင်းနေတာလည်းမကြိုက်ဘူး ဟာသလေးရော ပါချင်တယ် entertained လည်းဖြစ်ချင်တယ်ဆိုရင်တော့ ဒီကားလေးကို ကြည့်ဖို့ ညွှန်းလိုက်ပါတယ်... British flim ဖြစ်ပြီး အချိန်အားဖြင့် christmas ကာလကိုနောက်ခံထားရိုက်ကူးထားတာဖြစ်ပါတယ် ဇာတ်လမ်းအကျဉ်းကတော့ ၃ နှစ်လောက်တစ်ဖက်သတ်ကြိုက်ခဲ့ရတဲ့ကောင်လေးက စေ့စပ်သွားလို့ ပူဆွေးဝမ်းနည်းနေတဲ့ အင်္ဂလန်နိုင်ငံ surray မြို့က Irish ဆိုတဲ့ကောင်မလေးနဲ့... နှလုံးသားရေးရာမှာအဆင်မပြေ ရည်းစားနဲ့ပြတ်ပြီး အသည်းကွဲနေတဲ့ LA က Amanda ဆိုတဲ့ကောင်မလေးတို့ ခရစ္စမက်အားလပ်ရက်အပန်းဖြေခရီးအတွက် အိမ်ငှားတဲ့website တစ်ခုမှာ တွေ့ကြပါတော့တယ်... သူတို့ရဲ့ အချစ်ရေးပြဿနာတွေကနေလွတ်မြောက်အောင် မရောက်ဖူးတဲ့နေရာကိုသွားမယ်ဆိုပြီး တစ်ယောက်နဲ့တစ်ယောက်အိမ်ချင်းလဲပြီးနေမယ်လို့ သဘောတူလိုက်ပါတော့တယ် မမျှော်လင့်ပဲ local ကောင်လေးတွေနဲ့တွေ့ပြီး... သူ့တို့အတွက် တကယ်မှန်ကန်တဲ့လက်တွဲဖော် ရှာတွေ့သွားမလားဆိုတာကတော့ ဇာတ်လမ်းထဲမှာပဲ ကြည့်ရှုရမှာဖြစ်ပါတယ် သရုပ်ဆောင်တွေကလည်း ငြင်းရက်စရာမရှိတဲ့အပြင် စိတ်အပန်းပြေစေတဲ့ကားကောင်းလေးမို့ တင်ဆက်ပေးလိုက်ရပါတယ် ။ ( အညွှန်းရေးသားထားသူကတော့ Thinzar Oo ဖြစ်ပါတယ် ) Quality__1080p IMDb Rating__6.9/10 Format__mp4 Duration__02:16:00 Type__Comedy , Romance Subtitle__Myanmar Subtitle (Hardsub) Translated by Thinzar Oo Encoded by Naing Aung Latt

ဟာရိုးခရစ်ခ်ဟာ IRS က စာရင်းစစ်တစ်ယောက်ပါ။ သူ့ဘဝက နေ့တိုင်း ပုံသေစည်းချက်အတိုင်း လည်ပတ်နေပြီး ထူးခြားတာဆိုလို့ ဘာမှမရှိဘူး။ ဒါပေမဲ့ တစ်နေ့မှာ သူလုပ်သမျှကို ဇာတ်ကြောင်းပြန်ပြောနေတဲ့ အသံတစ်သံ ကြားလာရပါတယ်။ ပိုတုန်လှုပ်စရာက အဲဒီအသံဟာ သူ မကြာခင် သေတော့မယ်လို့ ပြောလိုက်တာပါပဲ။ ဟာရိုးက သူဟာ ဇာတ်လမ်းတစ်ပုဒ်ထဲ ရောက်နေပြီဆိုတာ သဘောပေါက်သွားတယ်။ ဒါက ဟာသဇာတ်လမ်းလား၊ အလွမ်းဇာတ်လမ်းလားဆိုတာတော့ မသိသေးဘူး။ ဘယ်လိုဇာတ်လမ်းပဲဖြစ်ဖြစ် သူ့ကို သေစေမယ့် ဇာတ်သိမ်းကို ပြောင်းနိုင်ဖို့ စာရေးဆရာကို ရှာရတော့မှာပါ။ ဒါပေမဲ့ သူ့အကြောင်း ရေးနေသူက အဓိကဇာတ်ကောင်တွေကို သေဆုံးခြင်းနဲ့ အဆုံးသတ်ပေးလေ့ရှိတဲ့ ကာရန်အိုက်ဖယ်လ် ဖြစ်နေပါတယ်။ သူ့ဘဝလည်း အလွမ်းဇာတ်ဖြစ်တော့မယ်လို့ ယူဆထားတဲ့ ဟာရိုးက ကျန်တဲ့အချိန်တွေမှာ ကိုယ်ရှင်သန်ချင်သလို အတတ်နိုင်ဆုံး နေထိုင်ဖို့ ဆုံးဖြတ်လိုက်တယ်။ သူ ဘယ်လောက်ကြိုးစားကြိုးစား ကြားထားရတဲ့ ဇာတ်သိမ်းအတိုင်းပဲ ဖြစ်လာမှာလား။ စာရေးဆရာက စိတ်ပြောင်းပြီး သူ့ကို အသက်ရှင်ခွင့်ပေးပါ့မလား။

Finding Neverland(2004) IMDb...7.7,,,,Rotten...88% (အတော်ကြီးလန်းတဲ့ကားမို့ Blu-Ray 1080p 5.1 CH, Blu-Ray 720p တို့ဖြင့်တင်ဆက်ပေးထားပါသည်...) ဒီတစ်ခေါက်မှာတော့ ကားကောင်းကားဟောင်းတစ်ခုဖြစ်တဲ့ Johnny Depp နဲ့ Kate Winslet တို့ရဲ့ Finding Neverland ဆိုတဲ့ ဇာတ်ကားနဲ့ မိတ်ဆက်ပေးပါရစေ။ Finding Neverlandဟာ ပြဇာတ်ရေးဆရာ J.M Barrie (Johnny Depp) နှင့် Peter Pan ဆိုတဲ့ ဇာတ်ကောင်ကို ဖန်တီးဖြစ်စေခဲ့တဲ့ မိသားစုတစ်ခုကြားက ဆက်နွယ်မှုကို ရိုက်ကူး‌ပုံဖော်ထားတာဖြစ်ပြီး ဆုပေါင်းများစွာ Oscar Nomination ဝင်ခဲ့တဲ့ ဇာတ်ကားလည်းဖြစ်ပါတယ်။ ဒီဇာတ်ကားဟာ သာမာန်ကြည့်နေကြ စိတ်အပန်းဖြေစရာ မိသားစုအပျော်ကြည့် ဇာတ်ကားတစ်ကားတော့မဟုတ်ပါဘူး။ . ရိုးရှင်းသလိုနဲ့ ရှုပ်ထွေးလှတဲ့ မေတ္တာတရားတွေ ဒီဇာတ်လမ်းထဲပါဝင်ပါတယ်။ Neverland ဘယ်မှာရှိတယ်ဆိုတာကို ရှာဖွေတဲ့ ဇာတ်ကားလည်းမဟုတ်ပြန်ပါဘူး။ တစ်နေရာမှာ သေချာပေါက်ရှိနေပြီး ပျောက်ဆုံးနေတယ်လို့ တွေးမိနေတဲ့ ပျော်ရွှင်မှုအစစ်အမှန်ကို ကျွန်တော်တို့လို သာမာန်လူတစ်ယောက်က ရှာဖွေတွေ့ရှိသွားတဲ့အကြောင်းပါပဲ။ ကျွန်တော်တို့တတွေလည်း ယနေ့အထိ ပျော်ရွှင်မှုအစစ်အမှန်ကို ရှာဖွေနေရဆဲပဲမဟုတ်လား။ ဇာတ်လမ်းအကျဉ်းကတော့... ပျင်းရိဖွယ်ပြဇာတ်တွေကိုသာ ဖန်တီး‌မိနေတဲ့ ပြဇာတ်ရေးဆရာ J.M Barrie ဟာ တရက်မှာတော့ ပန်းခြံထဲသွားရင်း ကလေးလေးယောက်မိခင် မုဆိုးမ Sylvia နဲ့ တွေ့ဆုံခဲ့ပါတယ်။ တရက်ထက်တရက် ခင်မင်ရင်းနှီးမှုတွေ တိုးပွားလာပြီး ကလေးလေးယောက်ရဲ့ ဖခင်တစ်ယောက်ပမာ သူ့ရဲ့ အချိန်အများစုကို ကလေးတွေနဲ့ပဲ အချိန်ဖြုန်းဖြစ်နေပါတယ်။ J.M Barrie ရဲ့ဇနီးဖြစ်တဲ့ Mary ဟာ အဲဒီလို အခြားမိသားစုတစ်စုနဲ့ ချည်းအချိန်ဖြန်းနေခြင်းကို မကြည်လင်ဖြစ်ကာ သူမနဲ့ အဲဒီမိသားစု တစ်ခုခုကို ရွေးချယ်ခိုင်းလိုက်တာကစပြီး J.M Barrie ရဲ့ နာမည်ကြီးဇာတ်ကောင် တစ်ခုစတင်ဖို့အကြောင်းဖန်လာပါတော့တယ်...ဘာတွေဖြစ်မလဲဆိုတာကိုတော့ခံစားကြည့်ကြပါဉီး.... ဇာတ်လမ်းအညွှန်းနဲ့ဘာသာပြန်သူကတော့ Thit Htoo Zaw ပဲဖြစ်ပါတယ်.... File Size : (1.92GB)(900 MB) and (378 MB) Quality :Blu-Ray 1080p 5.1 CH, Blu-Ray 720p Format…mp4 Duration…01:46:00 Genre :  Biography, Drama, Family Subtitle : Myanmar Subtitle (Hard Sub) Translated by Thit Htoo Zaw Encoded by Phyo Pyae

ကဲကဲ Meet The Parents ကြည့်ပြီးတဲ့နောက် အများစု မျှော်လင့်နေကြလောက်မယ့် Meet The Fockers လေး လာပါပြီဗျ ။ ပထမတစ်ကားမှာ အလွဲလွဲအချော်ချော်ဖြစ်ပြီး ရယ်ခဲ့ရသလိုမျိုးပဲ အခုကားကလည်း အဲ့ဒီထက် နှစ်ဆ လောက် ထပ်ပြီး ပါးစပ်မပိတ်နိုင်ဘဲ ရယ်နေရမယ် ဆိုတာ အာမခံပါတယ်ဗျာ ဇာတ်လမ်းကတော့ Meet The Parents မှာ ဂျက်ရဲ့ ယုံကြည်မှုစည်းဝိုင်းထဲကို ပြန်ရောက်ခဲ့တဲ့ ဂေး လော့ဒ် တစ်ယောက် ဂျက်ကို သူ့မိဘတွေနဲ့ တွေ့ဆုံဖို့ မိုင်ယာမီအထိ ခေါ်သွားရပါတေါ့တယ် အဲ့လိုနဲ့ နှစ်ဘက်မိဘတွေ အချင်းချင်း တွေ့ဆုံကြရင်းနဲ့ ဘယ်လို အလွဲလေးတွေ ဖြစ်ပြီး ရယ်နေရမလဲ ဂျက် အနေနဲ့ ဖော်ကာတို့မိသားစုကို နှစ်သက်မလား ဂရက်ကို သူ့သမီးနဲ့ သဘောတူလိုက်မလား ဆိုတာကို ကြည့်ရှု ခံစားလိုက်ကြပါ ။ ( ဘာသာပြန်ပြီး အညွှန်း ရေးသာထားသူကတော့ Thura Heinပဲ ဖြစ်ပါတယ် ) File Size__2 GB, 1 GB Quality__1080p, 720p IMDb Rating__6.3/10 Format__mp4 Duration__01:55:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

Runaway Jury(2003) အညွှန်း IMDb - 7.1 / Rotten 🍅 - 75% Money cannot buy everything လို့ ကျွန်တော်တို့ဘယ်လောက်ပဲ အပြိုင်အဆိုင်ငြင်းခုန်နေကြပါစေ ပိုက်ဆံဟာ လူသားတွေကိုလိုရာခိုင်းစေနိုင်တဲ့ Mighty Godတစ်ပါး ဖြစ်နေဆဲပါပဲ။ ရေများရေနိုင်သလို ငွေများငွေနိုင်တဲ့လောကကြီးမှာ ဓနရှင်တွေရဲ့လွှမ်းမိုးနိုင်မှုဟာလည်း ပြောစရာမလိုတဲ့အရာတစ်ခုပါဘဲ။ အခုဒီရုပ်ရှင်လေးကတော့ သာမန်မုဆိုးမတစ်ယောက်နဲ့ သေနတ်ကုမ္ပဏီသူဌေးကြီးတွေကြားက အားပြိုင်မှုကို ရိုက်ကူးထားတဲ့ ပုံမှန်နဲ့မတူ တမူထူးခြားတဲ့ ဇာတ်ကားပါ.. မျက်စိမပါတဲ့သေနတ်တစ်လက် နှလုံးသားမရှိတဲ့လူတစ်ယောက်လက်ထဲ ကျရောက်သွားချိန်ဟာ အဆုံးမဲ့ဝမ်းနည်းကြေကွဲမှုတွေရဲ့ကနဦးအစပါပဲ။ ဒါပေမဲ့ သေနတ်လုပ်ငန်းတွေကတော့ ဘယ်သူသေသေ ငတေမာရင်ပြီးရောဆိုတဲ့မူကို ဆက်လက်ကျင့်သုံးပြီး သေနတ်တွေကို အလွယ်တကူထုတ်ရောင်းလို့ ဥပဒေနဲ့အညီရောင်းချပါသည်ဆိုတဲ့ ငွေနဲ့ဖန်တီးထားတဲ့ဒိုင်းကာနဲ့ ကာထားကြပါတယ်။ ခေတ်အဆက်ဆက် တရားစီရင်မှုတွေမှာလည်း ဂျူရီအဖွဲ့ဝင်တွေဟာ ငွေရဲ့ကျေးကျွန်ဖြစ်နေတာကြောင့် သေနတ်လုပ်ငန်းတွေကို မတွန်းလှန်နိုင်ခဲ့တဲ့အပြင် ဖရန်ကင်ဖစ်ခ်ျလို ငွေမျက်နှာတစ်ခုပဲကြည့်တဲ့ ဂျူရီအတိုင်ပင်ခံ ဒါမှမဟုတ် ဂျူရီတွေရဲ့အားနည်းချက်ကိုကိုင်လှုပ်ပြီး ကြိုးဆွဲရာကခိုင်းမယ့်ဇာတ်ဆရာတွေကြောင့် သေနတ်လုပ်ငန်းဟာ အဘက်ဘက်က အသာစီးရပါတယ်။ သေနတ်ပစ်ခတ်မှုမှာ ခင်ပွန်းဖြစ်သူကို ဆုံးရှုံးလိုက်ရတဲ့ လူမမယ်ကလေးတစ်ယောက်နဲ့ ကျန်ရစ်ခဲ့တဲ့ ဆလက်စ်ဝုဒ်ဆိုတဲ့အမျိုးသမီးဟာ ရှေ့နေဖြစ်သူဝမ်‌ဒေါလ်ရိုဟာနဲ့ပေါင်းပြီး တိုက်ခိုက်ဖို့ကြိုးစားပါတော့တယ်..အဘက်ဘက်ကသာလွန်တဲ့ ဒီအင်အားကြီးတဲ့သူတွေကို ဘယ်လိုတိုက်ခိုက်ကြမလဲ..ဘယ်လိုအကွက်ဆင်ကြမလဲဆိုတာကိုတော့.. John Grishamရဲ့ Runaway Juryဝတ္ထုကိုအခြေခံထားတဲ့အပြင် Gene Hackmanနဲ့ Dustin Hoffmanတို့လို Legend ကြီးတွေရဲ့ သရုပ်ဆောင်ချက်၊ Plot twistအစုံနဲ့ ခန့်မှန်းမရအောင် ဆွဲခေါ်သွားမယ့် ဇာတ်လမ်းကောင်းဖြစ်တာမလို့ မကြည့်ရသေးဘူးဆိုရင်တော့ ခုပဲကြည့်ရှုခံစားကြည့်ဖို့ လက်တို့လိုက်ပါတယ်နော်။ ဇာတ်လမ်းအညွှန်းနဲ့ ဘာသာပြန်သူကတော့ Jane ပဲဖြစ်ပါတယ်.. File Size :(1.9GB) (897MB) and (375MB) Quality : Blu-Ray1080P, 720p Format…mp4 Duration…02:07:00 Genre : Crime , Drama, Thriller Subtitle : Myanmar Subtitle (Hard Sub) Translated by Jane Encoded by Phyo Pyae

ဂျိတ်ခ်ဗစ် - လူတိုင်းမျက်ခုံးပေါ်စင်္ကြံလျှောက်ခဲ့တဲ့ ယုံကြည်မှုအပြည်နဲ့ဂွင်သမားလူလိမ်။ အခုချိန်မှာတော့ လူတစ်ယောက်ရဲ့သေနတ်အောက်ကိုရောက်နေပြီး သေရတော့မယ်။ သူသေရမှာက အနားမှာရပ်နေတဲ့ ဆံနီမလေးကြောင်တဲ့။ သေခါနီး တဘ၀လုံးလုပ်ခဲ့တာတွေကို မြင်မိလားမေးတော့ လွန်ခဲ့တဲ့ ၃ ပတ်စာကိုပဲ မြင်မိတယ်တဲ့။ လွန်ခဲ့တဲ့ ၃ ပတ်က ဂျိတ်ခ်တို့အဖွဲဟာ ထုံးစံအတိုင်းဂွင်ဖန်ပြီး ငွေညှစ်ယူလိုက်တာ ဒီတစ်ခါတော့ သွားမထိသင့်တဲ့ ဘုရင်ကြီးဆိုသူကိုမှ သွားထိမိတော့ ဘုရင်ကြီးနဲ့ညှိနှိင်းရပြီး ဘုရင်ကြီးအတွက် ဂွင်ကြီးတစ်ဂွင်ဖန်ပေးဖို့ဖြစ်လာခဲ့တယ်။ ဘုရင်ကြီးဖန်ခိုင်းတဲ့ဂွင်ကလည်း အကောင်ကြီးကြီးအမြှီးရှည်ရှည်ဖြစ်နေလေတော့ ယုံကြည်မှုရှိတဲ့ဗစ်တစ်ယောက် ဘယ်လုပ်ဖြစ်ပြီး သူများရဲ့သေနတ်အောက်ကို ရောက်သွားဖို့ ဖြစ်သွားတာလဲဆိုတာ ကြည့်ရှုလိုက်ကြပါဦး File size…(1.5 GB)/(680 Mb) Quality….Webrip 1080p / 720p Format… mp4 Duration…. 01:37:00 Genre... Crime, Thriller Subtitle….Myanmar Subtitle (Hardsub) Encoder….Garfield Translated by Su

Moonlight Mile(2002) Roadhouse နဲ့ Southpaw မှာ ပွဲကြမ်းခဲ့တဲ့ မင်းသား Jake Gyllenhaal   ရဲ့  ဒွမ်မာကားကောင်းလေးပါ... လူတိုင်းရဲ့ ဘဝနဲ့အချစ်ဇာတ်လမ်းမှာ ကိုယ်ဖြစ်ချင်တာတွေ၊ မျှော်လင့်ထားရတာတွေ ကိုယ်စီကိုယ်စီရှိတတ်ကြပါတယ်....။ မျှော်လင့်ထားသလိုဖြစ်မလာခဲ့ဘူးဆိုရင်ရော ဘယ်လိုဆက်ရင်ဆိုင်မလဲ...။ လက်တွေ့ဘဝကို ဘယ်လိုရင်ဆိုင်ဖြေရှင်းရမလဲ ဆိုတာကို ဒီဇာတ်လမ်းလေးကိုကြည့်ရှုရင်း အဖြေရှာနိုင်ပါတယ်...။ ဂျိုး နဲ့ မကြာခင်လက်ထပ်ရတော့မယ့် ဇနီးလောင်းဖြစ်သူဟာ သေနတ်ပစ်ခတ်မှု မတော်တဆဖြစ်မှုတစ်ခုမှာ သေဆုံးသွားရပါတယ်... ဒါကြောင့်ဂျိုးဟာ ဇနီးလောင်းဖြစ်သူရဲ့မိဘတွေ ပူဆွေးနေတာတွေသက်သာစေဖို့ ယောက္ခမအိမ်မှာ သွားနေပေးဖြစ်ပါတယ်...။ ယောက္ခမတွေကလည်း သမီးဖြစ်သူသေဆုံးသွားတော့ သမက်ဖြစ်သူကိုသာအားကိုးရင်း နေ့စဥ်ပူဆွေးစရာတွေကျော်ဖြတ်ရင်းပေါ့....။ ဒီလိုနေထိုင်နေရတာကြာလာတော့...ဂျိုးဟာ သူ့ဘဝရဲ့အနှစ်သာရကိုမေ့လျော့လာခဲ့ရပါတယ်... ဘာလို့ဆို ချစ်သူကလည်းသေဆုံးသွား... ဘဝကလည်း သူများတွေအတွက်သာ နှစ်မြုပ်ရင်းအချိန်ကုန်လွန်လာခဲ့လေတော့ အဓိပ္ပာယ်မရှိဖြစ်လာတယ်ပေါ့.... ဒီတော့ ဂျိုးဟာ အဓိပ္ပာယ်မဲ့နေတဲ့ သူ့ဘဝကို ဘယ်လိုမှန်မှန်ကန်ကန်ဖြစ်အောင်ပြန်ရွေးချယ်မလဲ....။ လူတိုင်းမှာ ကိုယ့်နားခိုရာအိမ်ရှိပြီးသားပါ...။ ဂျိုးကရော သူ့ဘဝရဲ့နားခိုးရာအိမ်ကို ဘယ်လိုတွေ့အောင်ရှာမလဲဆိုတာကို ဒီဇာတ်လမ်းလေးထဲမှာကြည့်ရှုရင်း... ဘဝနဲ့ အချစ်ရဲ့ အဓိပ္ပာယ်ကို ရှာဖွေကြည့်လို့ရပါပြီဗျာ...။၊ File size…1.7GB / 544MB Quality…WEB-DL 1080p 5.1CH / 720p Format…mp4 Duration….1hr 57min Genre ….. Drama,  Romance Subtitle….Myanmar Subtitle (Hard Sub) Encoder…. Phyo Pyae Translated by Themes

The Messenger: The Story of Joan of Arc (1999) ဒီကားလေးဟာ ပြင်သစ်တော်လှန်ရေးကားလို့ပြောလို့ရသလို ဘာသာရေးအစွန်းရောက်သူတွေ အစွန်းရောက်မှုတွေကို ပြသတဲ့ကားလို့လဲ ​ပြောလို့ရပါလိမ့်မယ်။ နန်းတွင်းကား၊ ရှေးခေတ်စစ်ကားတို့ရဲ့ ထုံးစံအတိုင်း တိုက်ပွဲတွေကို ကြည့်ရမှာဖြစ်သလို ပိုပြီးထူးဆန်းတာက ဒါဟာ သမိုင်းဝင်ဖြစ်ရပ်ကို အခြေပြုပြီး ရိုက်ကူးထားတာပဲဖြစ်ပါတယ်။ မင်းသမီးဂျန်းဟာ ဘုရားသခင်ရဲ့ တမန်တော်လို့ဆိုပြီး ပြင်သစ်အတွက် အင်္ဂလန်ကနေ လွတ်လပ်ရေး တိုက်ပွဲတွေ အနိုင်ဆောင်ကျဉ်းပေးခဲ့သူဖြစ်ပါတယ်။ သူဟာ တကယ်ပဲ ဘုရားသခင်ရဲ့ တမန်တော်လား၊ တိုက်ရည်ခိုက်ရည်ကျွမ်းကျင်လို့ပဲလား၊ ဒါမှမဟုတ် ကံကောင်းလို့ပဲ တိုက်ပွဲတွေနိုင်ခဲ့တာလားဆိုတာကိုတော့ ဘယ်သူမှ အသေအချာမသိခဲ့ကြပါဘူး။ ဒါပေမယ့်လည်း တိုက်ပွဲတွေကြားထဲ သစ္စာဖောက်မှုတွေ၊ ဘာသာရေးအစွန်းရောက်မှုတွေ လွှမ်းမိုးလာတဲ့အချိန်မှာတော့ ဘုရားသခင်ရဲ့ တမန်တော်၊ သူတော်စင်ဂျန်းဟာလည်း လူတွေရဲ့ ဓါးစာခံဖြစ်သွားရရှာပါတယ်။ မင်းသမီး Milla Jovovich ဦးဆောင်ပါဝင်တဲ့ ဇာတ်ကားဟာ စိတ်လှုပ်ရှားစရာအပြည့်နဲ့ အပီအပြင်ခံစားလို့ရမယ့်ကား​လေးဖြစ်တာမို့ အား​​ပေးကြည့်ရှုလိုက်ကြပါဦး... (ဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 2.21GB, 1.6GB Quality - 1080p, 720p IMDb Rating - 6.4/10 Format - mp4 Duration - 2H 40Min Type - Adventure, War Subtitle - Myanmar Subtitle (Hardsub) Translated by Mugiwara Ya Encoded by Y

Sphere (1998) IMDb Rating (6.1) / Rotten Tomatoes (13%) Rotten Tomatotesအနေနဲ့ 13%ရာခိုင်နှုန်းသာရရှိထားပြီး IMDBအနေနဲ့ ၆.၁သာရထားခဲ့လို့ Underrated Gem တစ်ခုအနေနဲ့သတ်မှတ်ထားကြပါတယ်။ 1998 တုန်းက တစ်နှစ်တည်းထွက်ခဲ့တဲ့ Titanic နဲ့အပြိုင်မချဲနိုင်ခဲ့သလို Box-Office အရလည်း အခြေအနေမဟန်ခဲ့လှပါဘူး။ စာအုပ်ကို ရုပ်ရှင်အဖြစ်အသက်သွင်းရတဲ့အခါမှာ အရမ်းကိုတာဝန်ကြီးသလို စာအုပ်ဖန်တွေရဲ့သပိတ်မှောက်ခြင်းကိုပါခံလိုက်ရလို့ပါပဲ။ စာအုပ်ဖန်များရဲ့ပြောစကားအရ စာအုပ်ထဲကအရေးကြီးတဲ့အပိုင်းတွေကို ဖြတ်တောက်ခဲ့တာကြောင့် ကြည့်ရတာအားမရဘူးလို့ဆိုကြပါတယ်။ သို့သောလည်း Science – Fiction ကောင်းကောင်းငတ်နေသူများအဖို့ မိုးအေးအေးနဲ့ ကြည့်ရတာ ခေါင်းစားစားဖြစ်နေစေမှာပါ။ 1987နှစ်ခုမှာထွက်ရှိခဲ့တဲ့ “ Sphere “ ဆိုတဲ့ဝတ္ထုကို “ Sphere “ ဆိုတဲ့နာမည်အတိုင်းပဲ အပြောင်းမလဲမရှိရိုက်ကူးခဲ့တာဖြစ်ပါတယ်။ စာအုပ်ကိုရေးသူ စာရေးဆရာ Michael Crichton ဟာလည်း နာမည်ကျော် ဂန္တဝင် ဝတ္ထုများဖြစ်ကြတဲ့ “ Jurassic Park “ “ Disclosure “ စတဲ့လက်ရာမြောက်ဝတ္ထုပေါင်းများစွာကို ရေးသားခဲ့သူတစ်ယောက်လည်းဖြစ်ပါတယ်။ ရုပ်ရှင်ရဲ့အဓိကဇာတ်ဆောင် ဇာတ်ပို့များဟာလည်း ခေသူတွေမဟုတ်ကြပြန်ပါဘူး။ ဂန္တဝင်မင်းသားကြီးမင်းသမီးကြီးတွေဖြစ်ကြတဲ့ Dustin Hoffman တို့ Sharon Stone တို့  Samuel L . Jackson တို့ Queen Latifah တို့စတဲ့ အရည်အချင်းရှိသရုပ်ဆောင်များစွာနဲ့ မြိုင်မြိုင်ဆိုင်ဆိုင် ရေအောက်ပြကွက်များစွာကို သည်းထိတ်ရင်ဖိုတင်ဆက်ထားတာမို့ ဒီလိုမိုးဝသုန်လေတရှဲရှဲကာလမှာ ရေအောက်သမုဒ္ဒရာကြမ်းပြင်အောက်ကို တစ်ခေါက်လောက်အလည်သွားကြည့်လိုက်ရအောင်ပါ။ (အညွှန်းနဲ့ဘာသာပြန်ကတော့ Myat Noe Yamone ဖြစ်ပါတယ်။) File size…(2.3 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Horror,Mystery,Science Fiction,Thriller Duration….02:14:28 Subtitle….Myanmar Subtitle (Hardsub) Encoder….Double K Translated by Myat Noe Yamone

ဘာလင်နိုင်ငံတကာရုပ်ရှင်ပွဲတော်မှာ Special Jury Prize ဆုကို ရရှိထားတဲ့ နာမည်ကျော် ဒါရိုက်တာ ဘယ်ရီလီဗစ်ဆန် ရိုက်ကူးထားတဲ့ နိုင်ငံရေးဟာသရုပ်ရှင် Wag the dog… ရွေးကောက်ပွဲမတိုင်မီ နှစ်ပတ်အလိုမှာ ထွက်ရှိလာခဲ့တဲ့ အမေရိကန်သမ္မတရဲ့ လိင်အကြမ်းဖက်မှု သတင်းတစ်ခု ဒီသတင်းကို တားဆီးဖို့ သမ္မတရဲ့ လက်ထောက် ဝင်နီဖရတ်အေမီနဲ့ နိုင်ငံရေးကျွမ်းကျင်သူ ကောနတ်ဘာရန်တို့ ပူးပေါင်းပြီး စစ်ပွဲအတုတစ်ခု ဖန်တီးဖို့ ဆုံးဖြတ်ခဲ့ရာကနေ ဟောလိဝုဒ်ပရိုဂျူဆာ စတန်လေမို့စ်နဲ့ တွေ့ဆုံပြီး အယ်ဘေးနီးယားမှာ စစ်ပွဲတစ်ခုဖန်တီးခဲ့ရာ ဘယ်လိုအလွဲတွေဖြစ်ပြီး ဘာတွေဆက်ဖြစ်ကြမလဲဆိုတာကို ကြည့်ရှုရမယ့် စိတ်ဝင်စားစရာဇာတ်လမ်းကောင်းတစ်ပုဒ်ပဲဖြစ်ပါတယ် File size…(1.8 GB)/(1 GB) Quality….Web-Brip 1080p / 720p Format… mp4 Duration…. 01:57:00 Genre... Dark Comedy, Satire, Comedy, Drama Subtitle….Myanmar Subtitle (Hardsub) Encoder….Garfield Translated by Su Mon

နယူးယောက်မြို့က ရွှေ့ပြောင်းလုပ်သားတွေ နေထိုင်ရာ Hell's Kitchen ဆင်းရဲသားရပ်ကွက်မှာ သူငယ်ချင်းလေးယောက် ကြီးပြင်းလာကြပါတယ်။ ရပ်ကွက်ထဲမှာ ဆော့ကစား၊ ဘုရားကျောင်းတက်ပြီး အားရင် ဘုန်းတော်ကြီးအကူအဖြစ် ဝင်လုပ်ပေးကြတယ်။ ပိုက်ဆံရနိုင်တဲ့အခါ နာရေးတွေမှာလည်း ဝင်ကူကြပါတယ်။ ဆင်းရဲပေမယ့် ရှိတာလေးနဲ့ ပျော်ပျော်နေတတ်ကြပြီး သူငယ်ချင်းချင်း အလှည့်ကျ နောက်ပြောင်ကျီစယ်လေ့လည်း ရှိကြတယ်။ တစ်ခါမှာတော့ သူတို့အဖွဲ့လိုက် နောက်ပြောင်လိုက်တာကြောင့် မရည်ရွယ်ဘဲ လူတစ်ယောက် ပြင်းပြင်းထန်ထန် ဒဏ်ရာရသွားပါတယ်။ လေးယောက်လုံး လူငယ်ထိန်းသိမ်းရေးစခန်းကို အပို့ခံလိုက်ရပြီး အဲဒီမှာ အစောင့်တွေရဲ့ ညှဉ်းပန်းနှိပ်စက်မှုနဲ့ လိင်ပိုင်းဆိုင်ရာ အမြတ်ထုတ်မှုတွေကို ခံစားကြရတယ်။ စိတ်ရောကိုယ်ပါ ရခဲ့တဲ့ဒဏ်ရာတွေက သူတို့ကို နှစ်ရှည်လများ ခြောက်လှန့်နေပြီး ညဘက် မီးပိတ်အိပ်ဖို့တောင် မရဲကြတော့ပါဘူး။ နောက် ၁၃ နှစ်ကြာတဲ့အခါမှာတော့ သူတို့အတွက် လက်စားချေဖို့ အခွင့်အရေးတစ်ခု ပေါ်လာပါတယ်။ Robert De Niro၊ Kevin Bacon နဲ့ Brad Pitt တို့ အဓိကပါဝင်ထားပြီး Lorenzo Carcaterra ရဲ့ အရောင်းရဝတ္ထုကို အခြေခံထားပါတယ်။ စာအုပ်ထွက်စဉ်ကတည်းက ဇာတ်လမ်းဟာ အဖြစ်မှန်ဟုတ်မဟုတ် ဝေဖန်သူတွေနဲ့ သတင်းရေးသူတွေကြား အငြင်းပွားခဲ့ပြီး ရုပ်ရှင်ဖြစ်လာချိန်မှာလည်း ဆက်လက်ဂယက်ရိုက်ခဲ့တယ်။ စာရေးဆရာက အဖြစ်မှန်လို့ အတည်ပြုခဲ့ဖူးပေမယ့် သက်ဆိုင်ရာအဖွဲ့အစည်းတွေကတော့ ဒီလိုဖြစ်ရပ်မျိုး မရှိခဲ့ဘူးလို့ ငြင်းဆိုထားပါတယ်။

ဒီတစ်ခါမှာတော့ လတ်တလော ဖြစ်ပွားနေတဲ့ Covid 19 လိုမျိုး ဗိုင်းရပ်စ်တစ်မျိုးကြောင့် လူတွေ ဘယ်လိုဒုက္ခရောက်ရလဲဆိုတာကို ရိုက်ကူးပြထားတဲ့ ရုပ်ရှင်တစ်ကားနဲ့ မိတ်ဆက်ပေးချင်ပါတယ် 1995 ခုနှစ်မှာ ထွက်ခဲ့တဲ့ Outbreak ဆိုတဲ့ အမေရိကန်ကားလေးပါ ဒီဇာတ်ကားထဲက ဇာတ်လိုက်ကျော်ဗိုင်းရပ်စ်ကတော့ အာဖရိကမှာ စတင်ပေါ်ပေါက်လာခဲ့တဲ့ Motaba ဗိုင်းရပ်စ်ပါ ဘီလီဖော့ဒ်နဲ့ သူ့အထက်အရာရှိ မက်ကလင်တော့တို့ဟာ အာဖရိကကို ကူညီဖို့ သွားခဲ့ပေမဲ့ ပြင်းထန်လွန်းပီး ကူးစက်မြန်တဲ့ ရောဂါ ဖြစ်နေတဲ့အတွက် မတတ်သာဘဲ စခန်းကို အပျောက်ရှင်းခဲ့လိုက်ကြပါတယ် ဒီဗိုင်းရပ်စ်အတွက် ကုသဆေးကိုတော့ အမေရိကမှာ စမ်းသပ်ထုတ်ဖော်ခဲ့ကြပီး လျှို့ဝှက်လက်နက်တစ်ခုအနေနဲ့ သိမ်းထားခဲ့ကြပါတယ် တစ်နေ့မှာ အာဖရိကမှ မျောက်တစ်ကောင်ကို ဂျင်ဘိုဆိုတဲ့ကောင်လေးက ဖမ်းလာခဲ့မိပါတယ် အဲဒီမျောက်မှာ Motaba virus ပါလာပြီး ဂျင်ဘိုကတစ်ဆင့် ကူးစက်ပါတော့တယ် ဂျင်ဘိုက မျောက်ကို လွှတ်ပေးလိုက်တဲ့အခါ အစရှာမရဖြစ်ပီး ရောဂါဟာ ကယ်လီဖိုးနီးယားက မြို့တစ်မြို့လုံးနီးပါး ကူးစက်ခံခဲ့ရပါတော့တယ် ဒီလိုနဲ့ မြို့ကို ကန့်သတ်စောင့်ကြည့်ရင်း စစ်ဆရာဝန် ဗိုလ်မှူးကြီး ဆမ်ဒန်နီယယ်တို့အဖွဲ့ ကုသနည်းကို ရှာဖွေကြပုံတွေကို ရိုက်ကူးပြထားပါတယ် ကုသနည်းရှာဖွေနေစဉ်အတွင်း ဆရာဝန်တွေကို ကူးစက်သွားလို့ ဆုံးရှုံးရပုံတွေ ကူးစက်ခံလူနာတွေဟာ မိသားစုဝင်တွေနဲ့ ထိတွေ့ခွင့်မရတာ‌ေတွ ရောဂါဒဏ်ကို အလူးအလဲ ခံစားရပုံတွေ သေဆုံးချိန်မှာလည်း လူမသိသူမသိ မီးသဂြိုလ်ပြီး လူ့လောကကို နှုတ်ဆက်သွားကြရပုံတွေဟာ ယခုလက်ရှိအနေအထားနဲ့ အရမ်းကို တိုက်ဆိုင်နေတော့ ဒီလိုအချိန်မျိုးမှာ ကြည့်ရတာ ခံစားသက်ဝင်လို့ကောင်းမယ့် ဒရမ်မာ ကားကောင်း တစ်ကားပါ IMDB rating 6.6 ထိလည်း ရထားပါတယ် နောက်ဆုံးမှာ ကုသဖို့ ဆေးဖော်စပ်တာ အောင်မြင်သွားမလား ကူးစက်ခံမြို့သူမြို့သား‌ေတွဟာ နိုင်ငံအတွက်နဲ့ လူမသိသူမသိ အစဖျောက်ခံရမလားဆိုတာတော့ အသည်းတထိတ်ထိတ်နဲ့ ကြည့်ရှုရမှာဖြစ်လို့ လက်မလွတ်တမ်း ကြည့်ရှုသင့်တဲ့ ဇာတ်ကားလေးပါလို့ ညွှန်းပေးပါရစေ (ဇာတ်လမ်းအညွှန်းနဲ့ဘာသာပြန်သူကတော့ May Tharaphi Lwin ပါ) File Size : (1.99 GB),(900 MB) And (480 MB) Quality : Blu-Ray (1080p 5.1,720p,480p) Running Time : 2hr 07min Format : Mp4 Genre : Action, Drama, Thriller Subtitle : Myanmar Subtitle (Hard Sub) Source : 1080p.BluRay.x264-TiMELORDS Translated by May Tharaphi Lwin Encoded by Thanhtike Zaw

Hero (1992) Super Hero ဇာတ်လမ်းမဟုတ်တဲ့ လက်တွေ့ဘဝထဲက လူသားဆန်တဲ့ သူရဲကောင်း ၂ ယောက်အကြောင်း ရိုက်ကူးထားတဲ့ Hero (1992) ကတော့ ဟာသ ဒရမ်မာဇာတ်ကားကောင်း တစ်ကားဖြစ်ပါတယ်။ ⸻ 🏆 ရရှိခဲ့သောဆုများ Outstanding Television Movie recognition at (the Satellite Awards) ⸻ 🎭 သရုပ်ဆောင်များ • Andy Garcia (Bernie LaPlante အဖြစ်) • Geena Davis (Gale Gayley အဖြစ်) • Dustin Hoffman (John Bubber အဖြစ်) • Joan Cusack (Evelyn အဖြစ်) • Maury Chaykin (Winston အဖြစ်) ⸻ 📖 ဇာတ်လမ်းအကျဉ်း Hero ဇာတ်ကားဟာ Bernie LaPlante ဆိုတဲ့ ချို့ယွင်းချက်တွေအများကြီးရှိတဲ့ သာမန်လူတစ်ယောက်ရဲ့ ဇာတ်လမ်းဖြစ်ပါတယ်။ လေယာဉ်ပျက်ကျတဲ့ ခရီးသည်တွေကို မတော်တဆ ကယ်တင်လိုက်ရာကနေ ဇာတ်လိုက်တစ်ယောက်ဖြစ်လာရပေမယ့်၊ အခြားလူတစ်ယောက်ဆီက ဒီဂုဏ်ပုဒ်ကို လုယူခံလိုက်ရပါတယ်။ Bernie ဟာ အမှန်တရား၊ ပင်ကိုယ်ရိုက်နဲ့ ဇာတ်လိုက်စစ်စစ်ဖြစ်ခြင်းရဲ့ အဓိပ္ပာယ်ကို ပြန်လည်ရှာဖွေရင်း ရုန်းကန်ရတဲ့ ဇာတ်လမ်းဖြစ်ပါတယ်။ စွမ်းရည်ပြည့် သရုပ်ဆောင်မှုတွေ၊ ဟာသ၊ ရင်သပ်ရှုမောဖွယ်နဲ့ စိတ်ထိခိုက်ဖွယ်အခြေအနေတွေ ရောစပ်ထားတဲ့ ဒီဇာတ်ကားထဲကနေ လူသားပီပီ သူရဲကောင်းဆန်တတ်စေဖို့ သင်ယူမိစေမှာလည်း ဖြစ်ပါတယ်။ File Size - 2.54 GB/ 1.05 GB Quality - WEB-DL 1080p/ 720p Duration - 2h Format - mp4 Genre - Comedy, Drama Subtitle - Myanmar Subtitle (Hard Sub)

ပီတာပန် ကြီးပြင်းလာပြီး ပီတာဘန်းနင်းဆိုတဲ့အမည်နဲ့ အိမ်ထောင်ကျကာ သားသမီးတွေ ရှိလာတဲ့အချိန်ကနေ ဇာတ်လမ်းစပါတယ်။ သူက ပီတာပန်ဖြစ်ခဲ့တဲ့ ဘဝဟောင်းနဲ့ နဲဗားလန်းကို မေ့နေပြီ။ အခုတော့ အလုပ်ကိုပဲ ဦးစားပေးလွန်းလို့ ဇနီးနဲ့သားသမီးတွေအပေါ် ပျက်ကွက်မှုတွေရှိနေတဲ့ ဖခင်တစ်ယောက် ဖြစ်လာပါတယ်။ မိသားစုအတွက် အချိန်မပေးနိုင်ဖြစ်နေချိန်မှာပဲ မေ့ထားတဲ့အတိတ်ကို မမျှော်လင့်ဘဲ ပြန်ရင်ဆိုင်ရတော့တယ်။ သူ့ရဲ့ပျောက်ဆုံးနေတဲ့ ဘဝဟောင်းကို ပြန်ရှာတွေ့နိုင်ပါ့မလား။ သားသမီးတွေအတွက်ဆို ဘယ်အထိမဆို လိုက်သွားမယ့် မိဘမေတ္တာကိုရော ဘယ်လိုသက်သေပြနိုင်မလဲဆိုတာ စွန့်စားခန်းတွေကြားမှာ ဆက်တွေ့ရမှာပါ။ Robin Williams ပါဝင်သရုပ်ဆောင်ထားပြီး ပီတာပန်ပုံပြင်ထဲက ဗီလိန် Captain Hook ရဲ့အမည်ကို ယူထားတဲ့ ဒီဇာတ်ကားမှာ မိသားစုနဲ့ ချစ်ခြင်းမေတ္တာအကြောင်းကို ဖော်ပြထားပါတယ်။

Rain Man Rain Man ဆိုတာနဲ့ ရုပ်ဖြောင့်ဖြောင့် ခတ်ထက်ထက် လူငယ်တစ်ယောက်နဲ့ Autistic ဖြစ်နေတဲ့ သက်လတ်ပိုင်းလူတစ်ယောက် သူတို့နှစ်ယောက်ကိုပဲကျွန်တော့် မျက်စိထဲ ပြေးမြင်မိပါတယ်။ ဒီကားက 1988 ခုနှစ်မှာထွက်ခဲ့တာပါ။ အခုအချိန်နဲ့ဆို ဇတ်ကားတေထွက်ခဲ့တာ ၃၁ နှစ်ရှိပြီပေါ့ဗျာ။ ဝင်ငွေပိုင်းအရ ၂၅ Million ရင်းပြီး Worldwide ၃၅၄ အထိပြန်ရခဲ့ပါတယ်။ ကျွန်တော် သိသလောက် ပြေးပြေး ဖောရက်စ့် ဆိုတဲ့ Tom Hanks ကားထွက်လာမှပဲ ထိပ်ကနေ အောက်ဆင်းပေးရတဲ့အထိ အောင်မြင်ခဲ့တဲ့ ဇတ်ကားတစ်ခုဖြစ်ပါတယ်။ (1988 ) မှာတုန်းက Rank 1 ချိတ်ခဲ့တဲ့ကားပါ။ Run Time က 133 Mins ရှိပြီးတော့ Tom Cruise နဲ့ သူ့ခေတ်သူ့အခါက Greatest Actor တွေထဲကတစ်ယောက် လို့ပြောကြတဲ့ မင်းသားကြီး Dustin Hoffman ရယ် မင်းသမီး Valeria Golino တို့အဓိကပါဝင်ထားတဲ့ Genre အနေနဲ့ Comedy-Drama ကားတစ်ကားပါ ။ အော်စကာမှာ Best Picture ၊ Best Original Screenplay ၊ Best Director၊ ၊ Best Actor တွေအပြင် စတာတင် လေးဆုအထိဝင်ခဲ့ပါသေးတယ်။ နောက် ဘလင် နိုင်ငံတကာ ရုပ်ရှင်ပွဲတော်မှာ Golden Bear ဆုလဲရခဲ့တယ်လို့ဆိုပါတယ်။ မင်းသားကြီး Dustin Hoffman က လက်ရှိ ၈၂ နှစ်ရှိပါပြီ နောက်ပြီး ဒီကားနဲ့ပဲ Dustin Hoffman ဟာ 1989 မှာ Best Actor ဆုရခဲ့ပါတယ်။ သူဆုရခဲ့တဲ့ ကားတွေ စကာတင်ပါခဲ့တာတွေကတော့ Google ခေါက်လိုက်လို့ပေါ်လာတာတွေနဲ့တင် Screen မဆန့်ပါဘူး ခင်ဗျ အဲ့သလိုမင်းသားကြီးပါ။ သူဘာလို့ရခဲ့တယ်ဆိုတာကိုတော့ ဒီကားကြည့်ဖူးသူတိုင်းနားလည်ကြမှာပါ။ နောက်ထပ် Tom Cruise ၊ သူ့အကြောင်းကတော့ သိပ်ပြောစရာမလိုအောင်သိနေကြပီးသားပါပဲ။ ဇတ်လမ်းအကျဉ်းပြောရရင်တော့ အဲ့ဒီခေတ်အခါက ခေတ်စားလှတဲ့ လန်ဘိုဂီနီတွေကို LA ထဲသွင်းပြီး စီးပွားရှာနေတဲ့ ကားဝယ်ရောင်းသမားလေး ချာလီ (တွမ်) တစ်ယောက် ကြိုပွိုင်နဲ့ကားရောင်းရာမှာ ကားမရောက်လာတဲ့အတွက် အလုပ်ကိစ္စခေါင်းကိုက်နေတုန်းမှာ သူနဲ့တစ်လျှောက်လုံးခပ်တန်းတန်းဖြစ်နေခဲ့တဲ့ သူ့အဖေဆုံးကြောင်း သိလိုက်ရပါတယ်။ ဒါနဲ့ သူ့ကောင်မလေး ဆူဆန် (Valeria ) နဲ့အတူ အိုဟိုင်းယိုးကိုလိုက်သွားပါတယ်။ နောက် သူ့အဖေက ဒေါ်လာသန်းနဲ့ချီတဲ့ အမွေကျန်ရစ်ငွေတွေကို သူ့ကိုမလွှဲပေးခဲ့ဘဲ တွမ် ကိုယ်တိုင်က ရှိမှန်းတောင်မသိခဲ့ရတဲ့ သူ့အစ်ကိုဖြစ်သူဆီကို လွှဲပေးခဲ့ပါတယ်လို့ သိလိုက်ရပါတယ်။ သူ့အစ်ကိုဖြစ်သူ ရေမွန် (ဒက်စတင်) က ဂေဟာတစ်ခုမှာနေနေရတဲ့ Autism ဖြစ်နေသူတစ်ယောာက်ပါ။ အဲ့ဒါအပြင် သူ့မွေးသားဖခင်က သူ့အတွက် သားအဖစကားများခဲ့ရတဲ့ အဓိကအကြောင်းရင်းဖြစ်တဲ့ 1949 ထုတ် Roadmaster ကားတစ်စီးကိုပဲချန်ခဲ့တာကိုပါ သိလိုက်ရတဲ့အခါမှာ သူ့အစ်ကို ကိုစောင့်ရှောက်ခွင့်နဲ့ အမွေတစ်ဝက်ကိုလဲယူဖို့ ဂေဟာက ဆရာနဲ့ညှိပါတယ် အဆင်မပြေခဲ့ပါဘူး။ အခြေအနေအရ ရေမွန်ကို သူတစ်ညခေါ်သိပ်ရတုန်းမှာ ချာလီ ရဲ့ ရေမွန် အပေါ်ဆက်ဆံပုံကို သဘောမကျလို့စကားများကြရင်း ဆူဆန်ထွက်သွားပါတယ်။ နောက်တော့ သူ့အစ်ကိုဖြစ်သူညဏ်ရည်ချို့တဲ့နေတာကို အသုံးချပြီး ငွေတွေကိုသူအပိုင်ရဖို့ ကြံပါတော့တယ်။ ဒီကားမှာကတော့ ရေမွန်နဲ့ ချာလီဆက်ဆံရေးကို ဒရမ်မာကားပီပီ ချပြထားပါတယ်။ နောက် Autism တစ်ယောက် ပေမဲ့ မှတ်ညဏ်ကောင်းလွန်းတဲ့ ရေမွန်ကြောင့် ကြုံရတာလေးတွေက ကျွန်တော့်အတွက် ဒီဇတ်ကားရဲ့ တကယ့်မှတ်မိစရာတွေပါပဲ။ ဒီဇတ်ကားကို စကြည့်ဖူးချိန်က 2000 ပြည့်နှစ် လောက်တုန်းကပါ ဒီဇတ်ကားမှာ တွမ်ခရုစ့် ကိုလုံးဝကြိုက်သွားတာပါပဲ The Last Samurai နဲ့ MI တို့က နောက်မှ ကြည့်ဖြစ်ခဲ့တာပါ ။ နောက်သူတို့ညီအစ်ကိုနှစ်ယောက် ကြားဆက်ဆံရေးကို ပြသွားတာတွေ သွေးသားသံယောဇဉ်တွေကိုထုတ်ပြတာတွေက အဲ့ဒီအချိန်ကြည့်တုန်းမှာတော့ လုံးဝကြည်နူးစရာတွေပါပဲ။ ထပ်ညွှန်းရရင်တော့ဖြင့် သိတဲ့သူတိုင်းက ခဏခဏ တောင်းကြပါတယ်။ ကျွန်တော်လဲကြိုက်ပါတယ်။ ကြည့်ဖူးသူတိုင်းလဲ ကြိုက်ကြပါတယ်။ မကြည့်ရသေးတဲ့လူတွေလဲ မကြည့်ခင်တည်းကကြိုက်ကြမှာပါ။ အဟောင်းထဲက အကောင်းတွေထုတ်ပြရင် တွမ်ဟန့်ကားတွေလိုပဲတန်းဝင်ပါတယ်ခင်ဗျ။ မသေခင်ကြည့်သွားသင့်တဲ့ကားတွေထဲမှာ ဒီကားကိုကျွန်တော် ထည့်ချင်ပါတယ်ခင်ဗျ။ (ဇာတ်လမ်းကို ဘာသာပြန်ပေးထားသူကတော့ ကို ဟေးဒိ့ ဖြစ်ပြီး ငတုံးမျိုးကို မှအညွှန်းရေးပေးထားပါတယ်။ Encoded ပေးထားတာကတော့ ကျနော် Arkar Phyo ပါ။) File Size : (1 GB) Quality : .1080p.BluRay Running Time :2hr  13min Format : Mp4 Genre    : Drama Subtitle : Myanmar Subtitle (Hard Sub) Translated by ဟေးဒိ့ Encoded by Arkar Phyo (Yrfatt)

မိုက်ကယ် ဒေါ်ဆီ ဆိုတာက အနုပညာကို အရမ်းအလေးထားတဲ့ သရုပ်ဆောင်မင်းသားတစ်ယောက်ပေါ့။ ဒီလိုနဲ့ပဲ သူ့အမြင်မှာ မကောင်းဘူးလို့ ယူဆတဲ့ ဇာတ်ဝင်ခန်းတွေနဲ့ ကြုံလာရင် ငြင်းတတ် ခုန်တတ် အလုပ်ထွက်သွားတတ်လို့ နောက်ပိုင်းမှာ သူ့ကို ဘယ်သူမှ အလုပ်မခေါ်ချင်ဖြစ်လာခဲ့တယ်။ ဒီလိုနဲ့ သူနဲ့ သူ့သူငယ်ချင်းတို့ရဲ့ ကိုယ်ပိုင် ပြဇာတ်ကို ကပြချင်လာတော့ ပိုက်ဆံက လိုလာတယ်။ အဲဒါနဲ့ပဲ အလုပ်ရအောင် ဆိုပြီး ရှိုးတစ်ခုမှာ မိန်းမ ပုံစံနဲ့ သွားပြီး ဝင်အရွေးခံတော့တယ်။ အဲဒီမှာ အရွေးခံလိုက်ရပြီး သူဟာ ယောင်္ကျားလေးတစ်ယောက်ဆိုတာကို ဘယ်သူမှမသိအောင်နေရင်း အလုပ်လုပ်တဲ့ပုံကို ဟာသစွက်ပြီး ဒီဇာတ်ကားထဲမှာ တွေ့မြင်ရမှာပါ။ အလုပ်လုပ်ရင်းကနေ လုပ်ဖော်ကိုင်ဖက် ကောင်မလေး ကိုလည်း ကြိုက်သွားမိပြီး မိုက်ကယ်တစ်ယောက် မိန်းမဘဝနဲ့ နေရတာကို ဘယ်လို ကိုင်တွယ်သွားမလဲဆိုတာ ကြည့်ရှုပေးကြပါဦး။ File size…(5.8 GB)/(2.5 GB)/(950 Mb) Quality….Blu-Ray 4KHEVC/1080p / 720p Format… mp4 Duration…. 01:56:00 Genre... Comedy, Drama, Romance Subtitle….Myanmar Subtitle (Hardsub) Encoder….Garfield Translated by Alvaro

Agatha (1979) IMDb Rating (6.2) / Rotten Tomatoes (67%) Agatha Christie ဆိုတာ Death on the Nile တို့လိုနာမည်ကြီးစုံထောက်ဝတ္ထုကြီးတွေရေးခဲ့တဲ့ စာရေးဆရာမကြီးဖြစ်ပါတယ်။ ဒီကားက ကမ္ဘာကျော် စုံထောက်စာရေးဆရာမကြီး Agatha Christie ရဲ့ ဘဝမှာ တကယ်ဖြစ်ပျက်ခဲ့တဲ့ အထူးဆန်းဆုံး ပဟေဠိတစ်ခုကို အခြေခံပြီး ရိုက်ကူးထားတဲ့ ၁၉၇၉ ခုနှစ်ထွက် "Agatha" ဇာတ်ကားပဲ ဖြစ်ပါတယ်။ အော်စကာဆုရ မင်းသားကြီး Dustin Hoffman နဲ့ မင်းသမီးကြီး Vanessa Redgrave တို့ရဲ့ အားပြိုင်မှုကို ကြည့်ရမှာတင် တန်နေပါပြီ။ Agatha Christie ရဲ့ ပရိသတ်တွေနဲ့ ဝါရင့်သရုပ်ဆောင်ကြီးတွေရဲ့ အနုပညာကို ခံစားချင်သူတွေအတွက် လက်မလွှတ်သင့်တဲ့ Classic ကားတစ်ကားပါ။ ၁၉၂၆ ခုနှစ်မှာ Agatha Christie (Vanessa Redgrave)ဟာ သူမရဲ့ ခင်ပွန်းဖြစ်သူက တခြားအမျိုးသမီးတစ်ဦးနဲ့ ဖောက်ပြန်နေပြီး ကွာရှင်းခွင့်တောင်းတာကို ခံလိုက်ရပါတယ်။ စိတ်ထိခိုက်သွားတဲ့ Agatha ဟာ တစ်ညမှာ အိမ်ကနေထွက်သွားခဲ့ပြီး ၁၁ ရက်တိုင်တိုင် သတင်းအစအနမရဘဲ ပျောက်ဆုံးသွားခဲ့ပါတယ်။ တစ်နိုင်ငံလုံးက သူမကို လိုက်ရှာနေချိန်မှာတော့ အမေရိကန် သတင်းထောက်တစ်ဦးဖြစ်သူ Wally Stanton (Dustin Hoffman) က သူမကို ဟိုတယ်တစ်ခုမှာ နာမည်အတုနဲ့ တည်းခိုနေတာကို ရှာဖွေတွေ့ရှိသွားပါတယ်။ ဒီဇာတ်ကားဟာ အဲဒီ ၁၁ ရက်အတွင်း Agatha Christie ဘာတွေလုပ်ခဲ့သလဲ၊ သူမ ဘာကြောင့် ပျောက်ဆုံးသွားတာလဲဆိုတာကို စိတ်ကူးယဉ်ဆန်ဆန်နဲ့ လျှို့ဝှက်ချက်တွေထည့်ပြီး ပုံဖော်ထားတာပါ။ သူမဟာ တကယ်ပဲ စိတ်ဓာတ်ကျလို့ ပုန်းနေခဲ့တာလား? ဒါမှမဟုတ် သူမရဲ့ ခင်ပွန်းကို လက်စားချေဖို့အတွက် သူမကိုယ်တိုင် ရေးနေကျ စုံထောက်ဝတ္ထုတွေထဲကလို အစီအစဉ်တစ်ခုကို အကောင်အထည်ဖော်နေတာလား? ဆိုတာကို စိတ်ဝင်စားစရာကြည့်ရှုရမယ့်ကားကောင်းတစ်ကားပါ။ File size… (2.8 GB) / (1.3 GB) Quality…. WEB-DL 1080p HEVC / 720p Format…. mkv/mp4 Genre…. Drama,Mystery,Thriller Duration…. 01:38:27 Subtitle…. Myanmar Subtitle (Hardsub)

၁၉၇၄ ခုန‌စ်မှာ ၃၇ ယောက်အမေရိကန်သမ္မတ Richard Nixon ကို ရာထူးမှနှုတ်ထွက်စေခဲ့ရတဲ့ scandal တစ်ခုက ၁၉၇၂ ခုနှစ်မှာ ဖြစ်ပွားခဲ့ပါတယ်။ ဝါရှင်တန်မြိုက ဝါးတားဂိတ်ဟိုတယ်မှာရှိတဲ့ ဒီမိုကရက်တစ်ဌာနချုပ်ကို လူ ၅ ယောက်ကဖောက်ထွင်းခဲ့တဲ့ Watergate Scandal ပါ။ ဖောက်ထွင်းမှုနဲ့စွဲချက်တင်ခံထားရလို့ ဖုန်းဆက်ခွင့်တောင်မရတဲ့ ဖောက်ထွင်းသူတွေမှာ ကိုယ်ပိုင်ရှေ့နေခေါ်ထားပြီးဖြစ်နေတာကနေစပြီး မသင်္ကာစရာ‌တွေကို ဝါရှင်တန်ပိုစ်သတင်းစာတိုက်က သတင်းထောက်နှစ်ဦးဖြစ်တဲ့ Carl Bernstein နဲ့ Bob Woodward တို့က ဆက်လက်စုံစမ်းရာကနေ ဘယ်သူမှမထိရဲတဲ့ကိစ္စတစ်ခုကို ရေမြေအဆုံးထိလိုက်ဖို့ ဖြစ်သွားတယ်။ ဇာတ်ကြောင်းက နိုင်ငံအရေးအတိဆိုပေမဲ့ Thriller, Mystery ပုံစံမျိုးနဲ့တင်ဆက်ထားတာပါ။ File size…(2.2 GB)/(1.1 GB) Quality….Blu-Ray 1080p / 720p Format… mp4 Duration…. 02:18:00 Genre... Drama, History, Thirller Subtitle….Myanmar Subtitle (Hardsub) Encoder….Garfield Translated by Su

တက်လမ်းတွေနဲ့ လူငယ်တစ်ဦး သို့မဟုတ် အဖေ့ရဲ့ နာမည်ဆိုးကို ချေဖြတ်ပေးချင်တဲ့ ကောင်လေး... ချစ်လို့ ကောင်းတုန်း အရွယ် ... တက်သစ်စအရွယ်... အဖေ့အကြောင်း ကို ‌အပြောမခံတဲ့ စီးပွားရေးလုပ်ငန်းရှင် အကိုကြီး... နာဇီ လူသတ်ကောင် ဆေးလ်... ကောင်လေးရဲ့ တစ်ဦးတည်းသော အစ်ကို ယူလာတဲ့ ပြဿနာတွေက သူ့ရဲ့ ဘဝကို ဘယ်လို တစ်ဆစ်ချိုး ပြောင်းလဲ သွားစေမှာလည်း ဆိုတာတော့ ဒီဇာတ်လမ်းလေးကို စောင့်ကြည့်ပေးပါ File size…(1.7 GB)/(1 GB) Quality….Blu-Ray 1080p / 720p Format… mp4 Duration…. 02:05:00 Genre... Crime, Drama, Thriller Subtitle….Myanmar Subtitle (Hardsub) Encoder….Garfield Translated by YDN