Dylan Baker ပါဝင်သော ဇာတ်ကားများ

Teenage Sex and Death at Camp Miasma (2026) +++++++++++++++++++++++ Jane Schoenbrun ရိုက်ကူးထားတဲ့ surreal slasher horror + dark comedy + psychological drama ဇာတ်ကားပါ။ Hannah Einbinder က Kris အဖြစ် Gillian Anderson က Billy အဖြစ် သရုပ်ဆောင်ထားပါတယ်။ Kris က filmmaker တစ်ယောက်ဖြစ်ပြီး Camp Miasma ဆိုတဲ့ 1980s slasher franchise ကို ပြန်လည်ရိုက်ကူးဖို့ တာဝန်ရလာပါတယ်။ အဲဒီ franchise ရဲ့ ပထမဆုံးကားမှာ “final girl” အဖြစ် သရုပ်ဆောင်ခဲ့တဲ့ Billy Presley ကို Kris က အရမ်းစိတ်ဝင်စားနေပါတယ်။ Billy ကတော့ အခုအချိန်မှာ လူတွေနဲ့ဝေးရာအရပ်မှာ တစ်ယောက်တည်းနေနေတဲ့ အမျိုးသမီးတစ်ယောက်ဖြစ်ပြီး Kris ဟာ သူ့ရဲ့ ဇာတ်လမ်းအတွက် Billy ကို ချဉ်းကပ်ဖို့သွားခဲ့ပါတယ်။ ရောက်ပြီးမကြာဘူး Kris တစ်ယောက် ထူးဆန်းတဲ့ဖြစ်ရပ်တွေကို စတင်ကြုံရပြီး Billy ကိုယ်တိုင်ကလည်း Camp Miasma ရုပ်ရှင်တွေရဲ့ killer ဖြစ်တဲ့ Little Death ဟာ fictional character သက်သက်မဟုတ်ဘဲ ရေကန်အောက်မှာ တကယ်ရှိတယ်လို့ Kris ကို ပြောလာပါတယ်။ ဒီလိုနဲ့ Kris တစ်ယောက် သူ့ရဲ့စိတ်ကူးယဉ်မှု၊ လက်တွေ့ဘဝနဲ့ ရုပ်ရှင်ထဲက အရာတွေဟာ ရောထွေးမှုတွေ ဖြစ်ကုန်ပါတော့တယ်။ File Size… (2.12GB) / (997MB) Quality… WEB-DL 1080p HEVC / 720p Format…mkv / mp4 Duration…1h 52m Genre …Comedy, Horror, and Romance Subtitle….Myanmar Subtitle (Hard Sub)

On a String (2026) +++++++ ဒီကားလေးက နယူးယောက်မြို့က ဂီတလောကအကြောင်းကို ဟာသနှောပြီး ရိုက်ထားတဲ့ Indie ရုပ်ရှင်ကားလေးပါ။ နာမည်ကြီး Tribeca Film Festival မှာတောင် အကောင်းဆုံးဇာတ်ညွှန်းဆု ရထားတာပါ။ အစ္စဘဲလ် (Isabel) ဆိုတဲ့မိန်းကလေးက ဗီယိုလာ (Viola) တီးတဲ့သူပါ။ ကျောင်းပြီးသွားပေမယ့် အလုပ်က အတည်တကျမရှိသေးပါဘူး။ ပိုက်ဆံကမရှိတော့ အိမ်ကစရိုက်ဆန်းတဲ့မိဘတွေနဲ့ ပြန်နေရတယ်။ ပြီးတော့ ပိုက်ဆံရဖို့ ကြုံရာကျပန်း ဂီတဝိုင်းလေးတွေမှာ (သူစိမ်းအိမ်တွေထဲအထိ သွားတီးပေးရတာမျိုး) လိုက်တီးနေရတာပါ။ အဲဒီလိုရုန်းကန်နေတုန်းမှာ... ကြည့်ရတာအဆင်ပြေပေမယ့် တကယ်တမ်း Toxic ဖြစ်တဲ့ သူ့ရည်းစားဟောင်းက နာမည်ကြီး ဖီးလ်ဟာမိုးနစ် (Philharmonic) ဝိုင်းမှာ နေရာရပြီး ပြန်ပေါ်လာပါတယ်။ ပြီးတော့ အစ္စဘဲလ်ကို ဘဝပြောင်းသွားစေမယ့် Audition (လူရွေးပွဲ) အခွင့်အရေးတစ်ခု ပေးခဲ့တယ်။ အဲဒီမှာတင် အချစ်ဟောင်းကိစ္စ၊ စင်ပေါ်တက်ရင် ကြောက်တဲ့စိတ်နဲ့ လူလားမြောက်စအရွယ် ကြုံရတဲ့ ဘဝအကြပ်အတည်းတွေ အကုန်လုံး ရှုပ်ထွေးကုန်တာပေါ့။ ခေါင်းဆောင်မင်းသမီး Isabel Hagen က အပြင်မှာလည်း တကယ် ဂျူလီယတ် (Juilliard) ကျောင်းဆင်း ဗီယိုလာသမားဖြစ်သလို ဟာသပညာရှင်လည်း ဖြစ်ပါတယ်။ ဒီကားကို သူကိုယ်တိုင် ဇာတ်ညွှန်းရေး၊ ဒါရိုက်တာလုပ်ပြီး မင်းသမီးပါ လုပ်ထားတာပါ။ ကြည့်ရတာ ပေါ့ပေါ့ပါးပါးနဲ့ ခနဲ့တဲ့တဲ့ ဟာသလေးတွေ ပါဝင်ပါတယ်။ ဂီတသမားတွေအချင်းချင်းမှ နားလည်မယ့် အတွင်းပြက်လုံးလေးတွေပါ။ မင်းသားကြီး Dylan Baker က အစ္စဘဲလ်ရဲ့ အဖေအဖြစ် ပါဝင်ထားပြီး Eric Bogosian လည်း ပါဝင်အားဖြည့်ထားပါသေးတယ်။ File Size… (1.21GB) / (530MB) Quality… WEB-DL 1080p HEVC / 720p Format…mkv / mp4 Duration…1h 18m Genre ….Comedy , Drama , Music Subtitle….Myanmar Subtitle (Hard Sub)

LaRoy, Texas [2024] (IMDb 6.4/10, RT 100%) ရေးဟာ တချိန်က အလှမယ်သရဖူ ဆွတ်ခူးဖူးတဲ့ ဇနီးလေး စတေစီလင်းနဲ့အတူ နေထိုင်ရင်း သူတို့ညီအစ်ကိုနှစ်ယောက်ဦးစီးနေတဲ့ အိမ်ဆောက်ပစ္စည်းအရောင်းဆိုင်မှာ အလုပ်လုပ်ပြီး ဘဝကို ဖြတ်သန်းနေပါတယ်... တနေ့မှာ အစ်ကိုရဲ့ အသိမိတ်ဆွေဖြစ်ဖူးသူ အလွတ်တမ်းစုံထောက် စကစ်က ရေးကို ကော်ဖီဆိုင်တစ်ဆိုင်မှာ ဆုံဖို့ ချိန်းလိုက်ပါတယ်... ပြီးနောက်မှာ ရေးရဲ့ ဇနီးဖြစ်သူ မိုတယ်တစ်ခုထဲ ဝင်သွားတဲ့ ဓာတ်ပုံတွေကို ပြလိုက်ပါတယ်... ဒီနောက်မှာတော့ စတေစီတစ်ယောက် ဖောက်ပြန်နေပေမယ့် ရေးကတော့ တဲ့တိုးဖြေရှင်းမယ့်အစား သူ့ကိုသူ သတ်သေဖို့ ရွေးချယ်လိုက်ပါတယ်... ဒီအတွက် သေနတ်ဆိုင်တစ်ဆိုင်ကို သွား၊ သေနတ်ဝယ် ပြီးတော့ သူ့ကိုသူ သတ်သေဖို့ ကြံတော့မယ့်အချိန်မှာပဲ လူတစ်ယောက်ကားထဲ ဝင်လာပြီး ရေးကို ကြေးစားလူသတ်သမားလို့ ထင်မှတ်ပြီး သတ်ရမယ့် လူကိုပြပါတော့တယ်... စိတ်ဓာတ်ကျနေတဲ့ ရေးလည်း ကိစ္စအသစ်အဆန်းကို လုပ်ကိုင်လိုတာကြောင့် လက်ခံလိုက်ပါတော့တယ်... သူသတ်ရမယ့် ဂျိမ်းစ်ဘာလိုကို သူသတ်ခဲ့ပေမယ့် ကိစ္စတွေဟာ ထင်သလောက် မရိုးရှင်းတော့ဘဲ တကယ့်ကြေးစားသမားအစစ်ကပါ ပါဝင်ပက်သက်လာတဲ့အပြင် အတွေ့အကြုံနုတဲ့ ရေးတစ်ယောက် သူ့ဇနီးဓာတ်ပုံကို အခင်းဖြစ်နေရာမှာ ကျကျန်ခဲ့တာကြောင့် သူ့ဇနီးလည်း သံသယရှိသူစာရင်းထဲ ဝင်လာပါတော့တယ်.. .ဒီလိုအရှုပ်အထွေးတွေကြားမှာ အကွက်မြင်တဲ့ စကစ်က ရေးကိုလည်း ကူညီရင်း သူလည်း ရဲတံဆိပ်ရနိုင်ရေးအတွက် ဝင်ရောကူညီပါတော့တယ်... ဇာတ်လမ်းလေးက အင်မတန်ကြည့်ကောင်းတာမို့ ပရိတ်သက်တို့ကိုယ်တိုင် ဘာဆက်ဖြစ်မလဲ ကြည့်ရှုလိုက်ကြပါဦးနော် အညွှန်း နဲ့ ဘာသာပြန်ကတော့ Tun Aung Kyaw ပဲ ဖြစ်ပါတယ်။ Genre..... Crime, Comedy, Thriller Quality…. 1080p | 720p File size… 1.3GB | 551MB Format… mp4 Duration…. 1h 50min Subtitle…. Myanmar Subtitle (Hardsub) Translator ..... Tun Aung Kyaw Encoder ..... Aaron

IMDb Rating - 7.2/10 ဇာတ်လမ်းအဆန်းအကောင်းတွေကို ထုတ်လုပ်နေကျ A24 ရဲ့ Dark Comedy ရုပ်ရှင် အသစ်လာပါပြီ။ A24 ရဲ့ Nick Cage နဲ့ ပထမဆုံး တွဲလုပ်တဲ့ရုပ်ရှင်ပါပဲ။ ဒါရိုက်တာ Ari Aster က အစမှာ Adam Sandler နဲ့ ဒီရုပ်ရှင်ကို ရိုက်မလို့ပေမဲ့ နောက်ပိုင်းမှာ ပရို ဂျူဆာအဖြစ်ပါ ပါဝင်ခဲ့ပြီး ဒါရိုက်တာ Kristoffer Borgli ကို စိတ်ကြိုက်ရိုက်ကူးစေခဲ့ တာပါ။ Kristoffer Borgli ရဲ့ အကြံပြုချက်အတိုင်း Nick Cage နဲ့ ရိုက်ခဲ့ပြီး အခုလိုပဲ ရုပ်ရှင်ကောင်းတစ်ခု ဖြစ်လာခဲ့ပါတယ်။ Dark Comedy တွေရဲ့ထုံးစံအတိုင်း သူများ ဒုက္ခရောက်နေတာတွေ ငိုရခက် ရယ်ရခက် ကြည့်ရဦးမှာပါပဲ။ A24 ရဲ့ ထုံးစံအတိုင်း ရုပ်ရှင်ဟာ အဓိပ္ပါယ်တစ်ခု၊ လမ်းတစ်ခုတည်းကို ပြနေတာမဟုတ်ဘဲ၊ ကြည့်ရှုသူတွေ စိတ်ကြိုက်တွေးစရာ ချန်ထားခဲ့တာတွေ၊ ဥပမာပြ နိမိတ်ပြပုံတွေနဲ့ ရိုက်ကူးထားတာပဲ ဖြစ်ပါတယ်။ မင်းသားကြီး Nick Cage ကလည်း သူ့ရဲ့ သရုပ်ဆောင်ဘဝကို PIG (2021) The Unbearable Weight Of Massive Talent (2022) နဲ့ Dream Scenario (2023) တို့လို ရုပ်ရှင်ကားကောင်း ၃ ကားနဲ့ ပိတ်ပြီး အနားယူချင်ကြောင်းပါ ပြောခဲ့ပါတယ်။ ဒီရုပ်ရှင်ရဲ့ ကျောရိုးကိုတော့ စိတ်ပညာရှင် Carl Jung ရဲ့ Collective Unconscious သီ ဝရီကို အခြေခံထားပါတယ်။ လူသားတွေဟာ မိမိကိုယ်ပိုင်အတွေ့အကြုံသိစိတ်မသိစိတ် ကနေမဟုတ်ဘဲ၊ တစ်ကမ္ဘာလုံးရဲ့ လူသားမျိုးစိတ် အစဉ်အဆက် လက်ဆင့်ကမ်းလာတဲ့ ဘုံမသိစိတ်တွေ ရှိနေတယ်ဆိုတဲ့အယူအဆပါ။ ဒီဘုံမသိစိတ်ကြောင့်ပဲ ဘာသာရေးတွေရဲ့ အခြေခံအယူအဆတွေ ဆင်ဆင်တူတာတွေ၊ အိပ်မက်တွေရဲ့ ဖြစ်ပျက်တတ်ပုံတွေတူတာ တွေ၊ လူတွေ ‌အမှောင်ကြောက်တာ အမြင့်ကြောက်တာ စတဲ့အချက်မျိုးတွေ တူတာတွေ ဖြစ်လာတယ်ဆိုပါတယ်။ ဒီရုပ်ရှင်ဟာ နာမည်နဲ့လိုက်အောင် အိပ်မက်ကို အခြေခံထားတာဖြစ်ပါတယ်။ အဓိကဇာတ် ကောင် ပေါမက်သရူး (နစ်ကေ့) ဟာ ထူးခြားချက်ဘာမှမရှိတဲ့ ပျှမ်းမျှသာမန်လူစစ်စစ်တစ် ယောက်ပါ။ ဆင့်ကဲပြောင်းလဲမှုဗေဒကို သင်နေတဲ့ ပါမောက္ခတစ်ယောက်ဖြစ်ပြီး မိန်းမနဲ့ ကလေးတွေနဲ့ အေးအေးဆေးဆေးပဲ‌ နေထိုင်ပါတယ်။ ဒါပေမဲ့ သူ့စိတ်ထဲမှာတတော့ အသိ အမှတ်အပြုခံချင်စိတ် သူ့နယ်ပယ်မှာ အောင်မြင်ကျော်ကြားချင်စိတ်တွေရှိနေပါတယ်။ ဒီ သာမန်လူတစ်ယောက်ဟာ ရုတ်တရက်ကြီး လူပေါင်းများစွာရဲ့ အိပ်မက်ထဲမှာ ပါလာလို့ဆို ပြီးနာမည်ကြီးလာပါတယ်။ ဘာကြောင့်လဲဆိုတာ ဘယ်သူမှ ရှင်းမပြတတ်ပါဘူး။ အိပ်မက် တွေထဲမှာလည်း သူက ဘာမှမလုပ်ဘဲ ရပ်နေရုံ ဖြတ်လျှောက်ရုံဖြစ်နေတာကြောင့် လူတွေက သူ့ကို ရယ်စရာတစ်ခုလို၊ လူထူးဆန်းတစ်ယောက်လို ပေါ့ပေါ့ပါးပါး ချစ်ခင်ကြရုံနဲ့ နာမည်ကြီး လာပါတယ်။ လူစိတ်ဝင်စားခံလာရပါတယ်။ ရုပ်ရှင်နာမည် Dream Scenario ဆိုတဲ့အတိုင်း "မယုံနိုင်စရာကောင်းလိုက်အောင် အိပ်မက်ဆန်တဲ့ အောင်မြင်မှုမျိုး" ရလာတာပေါ့။ ဒါပေမဲ နောက်တော့ လူတွေရဲ့ အိပ်မက်တွေထဲမှာ ရုတ်တရက် ပေါဟာ အရမ်းအကြမ်းဖက်လာပါ တယ်။ အိပ်မက်မက်တဲ့လူတွေလည်း သူ့ကိုကြောက်လာကြပြီး အပြင်က သူ့ကိုပါ မုန်းတီးခံ လာရပါတယ်။ လူချစ်လူခင်များတဲ့ ဆယ်လီဘဝကို ဘာမှမလုပ်ရပါဘဲ ရောက်လာပြီး တစ် လောကလုံးဝိုင်းမုန်းတဲ့ ဆယ်လီဘဝကိုလည်း သူဘာမှ မလုပ်ရဘဲ ရောက်သွားတဲ့ကိစ္စကြီးက တကယ်ကို စားပါတယ်။ ရယ်ရခက် ငိုရခက်ကြီးကို ထိုင်ကြည့်နေရတာပါ။ ဒါကို သူဖြေရှင်း ဖို့ကြိုးစားရင်း ပိုပိုဆိုးလာတဲ့ဇာတ်ကြောင်းကို မြင်ရပါလိမ့်မယ်။ ဇာတ်လမ်းထဲမှာတော့ ဆိုရှယ်မီဒီယာရဲ့ နာမည်ကြီးလွယ် နာမည်ပျက်လွယ်ပုံသဘောတရား တွေ၊ နာမည်ကြီးလာတဲ့အချက်မှာ ကောင်းကျိုးရော ဆိုးကျိုးရောရှိပုံတွေ၊ လက်ရှိခေတ်ရဲ့ cancel culture လို့ခေါ်တဲ့ လူအများစု နေရာစုံမှာ ဝိုင်းကျဉ်တာကိုခံရရင် ဖြစ်တတ်တဲ့ပုံတွေကို သရော်ထားပုံ ရိုက်ကူးထားတာပါပဲ။ ကျန်တဲ့ ဇာတ်ဝင်ခန်းတစ်ခန်းချင်းကို ခံစားပုံကတော့ ကြည့်တဲ့သူရဲ့ ကိုယ်ပိုင်အတွေးအမြင်နဲ့ အယူအဆအပေါ်မူတည်တာမို့ ကိုယ်တိုင်ပဲကြည့် ကြည့်လိုက်ပါတော့။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(7.09 GB) / (4.85 GB) / (761 MB) Quality............WEB-DL 4K / 1080p / 720p Duration.........1Hr 42Min Subtitle...........Myanmar Hardsub Format............MP4 Genre..............Comedy, Horror Translator.......Mr.Anderson Encoder..........SWM / Ka Naung

Games of Thorne , Sherlock Holmes စတဲ့ အကောင်းဆုံး ဇာတ်လမ်း တွဲတွေကို ထုတ်လွှင့်ခဲ့တဲ့ BBC ကနေ တာဝန်ယူထုတ်လွှင့်ထားတဲ့ စုံထောက် လူသတ်ဇာတ်လမ်းတွဲလေးပါ။ ဇာတ်လမ်းတွဲ ဆိုပေမယ့် ၄ ပိုင်းထဲပါပြီး ၄ နာရီကြာဇာတ်ကားတစ်ခုလို အတော်လေးကြည့်ကောင်းတဲ့ ဇာတ်လမ်းတွဲ တစ်ခုဖြစ်ပါတယ်။ နာမည်ကြီး British မင်းသား David Tennat နဲ့ ရာဇ ဝတ်ကားတွေဆို နောက်ကွယ်ကဉာဏ်ကြီးရှင် Master mind နေရာမှာပါဝင် နေကြ Stanley Tucci တို့က ပါဝင်အားဖြည်ထားပါတယ်။ ဇာတ်လမ်းအကျဉ်းကိုပြောရရင် ရာဇဝတ်မှုပိုင်းဆိုင်ရာပညာနဲ့ ပါရဂူဘွဲ့ရခဲ့ပြီး မှုခင်းလောကရဲ့ နာမည်ကြီးစုံထောက်ကြီး...ဂျက်ဖာဆင်ဟာ ကိုယ့်မိန်းမကို သတ်မှုနဲ့ ထောင်ကျနေခဲ့တာ ၁၀ နှစ်ရှိပါပြီ။ ရိုးရိုးသတ်တာမဟုတ်ဘဲ ခေါင်းပါ ဖြတ်ခဲ့လို့ သေမိန့်ကျထားခံရသူဖြစ်ပါတယ်။ ဒါပေမယ့် သူ့ရဲ့ပညာဟာ ထောင် ထဲရောက်သွားတောင် အကျိုးပေးနေပါသေးတယ်။ အပြင်လောကက မနိုင် တော့တဲ့ အမှုမှန်သမျှကို ရဲ, စုံထောက်တွေက ဆရာကြီးဂျက်ဖာဆင်ဆီ လာပြီး ထောင်ထဲထိ ဖြေရှင်းခိုင်းရပါတယ်။ သူကလည်း သာမန်အမှုမျိုးဆို ကိုင်တတ် သူမဟုတ်ဘဲ၊ သူ့ရဲ့သတ်မှတ်စံနှုန်းပြည့်မှီတဲ့ အမှုကိုမှ ကိုင်ပါတယ်။ အမှုတွေဖြေရှင်းလာရင်း သူသေမိန့်နီးလာတဲ့ ၂ ပတ်အလိုမှာ အင်္ဂလန်က ဘုန်း ကြီးလူသတ်မှုကို ဖြေရှင်းဖို့ အကြောင်းဖန်လာပါတော့တယ်။ သာမန်ဆို ခရစ် ယာန်ဘုန်းတော်ကြီး ဟယ်ရီဟာ လူသတ်ဖို့မပြောနဲ့ တစ်မြို့လုံးကချစ်ကြတဲ့ လူကောင်း ဘုန်းတော်ကြီးတစ်ယောက်ဖြစ်ပါတယ်။ ဒါပေမယ့် ဟယ်ရီရဲ့ ရှုပ် ထွေးလှတဲ့အမှုကို ဖြေရှင်းဖို့ ဂျက်ဖာဆင်ဆီ ရောက်လာတဲ့ အခါမှာတော့ . . . မသေခင် နောက်ဆုံးအမှုတစ်ခုကို ကိုင်တွယ်ဖို့ဆုံးဖြတ်လိုက်တဲ့ ဂျက်ဖာဆင်နဲ့ ဟယ်ရီတို့ရဲ့ အမှုကိုစိတ်ဝင်တစားကြည့်ရှုရမှာဖြစ်ပါတယ်။ စုံထောက်ဇာတ် လမ်းတွဲတွေ ကြိုက်သူအနေနဲ့ ကြည့်ကိုကြည့်သင့်တဲ့ ဇာတ်လမ်းတွဲလို့ အကြံ ပြုချင်ပါတယ်။ ဂျက်ဖာဆင်အဖြစ် သရုပ်ဆောင်ထားသူက Stanley Tucci ပဲ ဖြစ်ပါတယ်။ (ဒီစီးရီးရဲ့ အညွှန်းနဲ့ဘာသာပြန်ရေးသားပေးသူကတော့ Thiha Yan Naing ဖြစ်ပါတယ်။) File Size.............(400 Mb) / (1.0 GB) Quality...............WEB-DL 720p / 1080p Duration............60Mins(@Episode) Subtitle..............Myanmar Hardsub Format...............MP4 Genre.................Drama, Mystery, Sci-Fi Translator..........Thiha Yan Naing Encoder..............SWM

၁၉၇၁ ခုနှစ်၊ လူမျိုးရေးတင်းမာမှုနဲ့ အသားအရောင်ခွဲခြားမှုတွေကြားမှာ ချာလီဝေါ်ကာဆိုတဲ့ လူမည်းကုန်တင်ကားသမားတစ်ယောက်ဟာ ရလာတဲ့အခွင့်အရေးကို အသုံးချပြီး ဘဝတိုးတက်ဖို့ ကြိုးစားနေပါတယ်။ ဆင်းရဲတဲ့ ကုန်တင်ကားသမားဘဝကနေ ဆောက်လုပ်ရေးလုပ်ငန်းရှင် ဖြစ်လာတဲ့ သူ့ဘဝအကြောင်းကို ဖြစ်ရပ်မှန်အခြေခံ ရိုက်ကူးထားတာပါ။ ချာလီအတွက် စီးပွားရေးလောကထဲမှာ တက်လှမ်းဖို့ဆိုတာ မလွယ်လှဘူး။ အသားအရောင်ကြောင့် ကြုံရတဲ့ အခက်အခဲတွေရှိသလို ရေနံသူဌေးတွေရဲ့ ရှုပ်ထွေးတဲ့ စီးပွားရေးလှည့်ကွက်တွေနဲ့ နောက်ကွယ်က သစ္စာဖောက်မှုတွေကိုလည်း ရင်ဆိုင်ရတယ်။ ဒီအခြေအနေတွေကို သူဘယ်လိုဖြေရှင်းမလဲ၊ စီးပွားရေးအခွင့်အလမ်းတွေကို သူများထက် ဘယ်လိုကြိုမြင်တတ်သလဲဆိုတာကို ဇာတ်လမ်းထဲမှာ ပြထားပါတယ်။ ချာလီဝေါ်ကာအဖြစ် Mike Colter က သရုပ်ဆောင်ထားပါတယ်။

အမေရိက သမိုင်းရဲ့ အချောဆုံး အခန့်ညားဆုံး လူသတ်ကောင် . . (သို့မဟုတ်) Ted Bundy ဆိုတဲ့ စိတ္တဇ လူသတ်သမားတစ်ယောက်ရဲ့ အကြောင်း . . ဖြစ်ရပ်မှန် အဖြစ်အပျက်ပါ။ ၁၉၇၀ ဝန်းကျင်တုန်းက အမေရိက မှာ Ted Bundy ဆိုတဲ့ လူတစ်ယောက် ရှိဖူးခဲ့တယ်။ သူက ရုပ်ချောတယ်။ တဖက်သားကို အရမ်း လွမ်းမိုးနိုင်တယ်။ သူ့ကိုမြင်တဲ့ ကောင်မလေးတိုင်း တဖြုတ်ဖြုတ် ကြွေကြတယ်။ စကားပြောညက်တယ်။ လူကြီးလူကောင်း ပီပီသသ နဲ့ တကယ့် ယောကျာ်းဖြောင့်ကြီး တစ်ယောက်လို နေတတ်တယ်။ ဒါပေမယ့် . . သူက လူ သတ်သမား တဲ့။ သတ်တာမှ ကောင်မလေးတွေ အမျိုးသမီးတွေကို သတ်တာ။ ပိုးစိုးပက်စက် ကို သတ်တာ။ လွှနဲ့ ခေါင်းဖြတ်သတ်တယ်။ မျက်နှာတစ်ခုလုံး ကြေမွသွားအောင် တုတ်နဲ့ ရိုက်တယ်။ မုဒိန်းကျင့်တယ်။ ဘာအကြောင်းမှ မရှိပဲကို သတ်တဲ့ စိတ်ရောဂါရှင်ဆန်ဆန် sociopath လူသတ်သမားကြီး။ နောက်တော့ အဖမ်းခံရတယ်။ ရုံးတင် စစ်တာ ခံရတယ်။ Ted Bundy ဟာ ဥပဒေ ကျောင်းသားလည်း ဖြစ်နေပါသေးတယ်။ ဒါကြောင့် သူ့အမှုကို သူကိုယ်တိုင် ရှေ့နေအဖြစ် ကိုင်တွယ်တယ်။ သူ အမှု မကျူးလွန်ကြောင်း ငြင်းဆိုတယ်။ တဖြည်းဖြည်းနဲ့ သူ့ အမှု တွေက နာမည်ကြီးလာပြီး အမေရိက သမိုင်းမှာ ပထမဆုံး ရုပ်သံ Live ထုတ်လွှင့်ခြင်းခံရတဲ့ အမှုသည် ဖြစ်လာတယ်။ သူ့ကို ရုံးထုတ် စစ်ဆေးပြီဆိုရင် ကောင်မလေးတွေ အများကြီး လာ နားထောင်ကြတယ်။ တရားသူကြီးရှေ့မှာ သူ ပြောသမျှ ဟုတ်ဟုတ် မဟုတ်ဟုတ် ယုံကြတယ်။ မင်းသားတစ်ယောက်ရဲ့ ရိုက်ကွင်းကို လာအားပေးသလိုမျိုး သူ့ကို လာအားပေးကြတယ်။ ဒီလိုနဲ့ ငြင်းလိုက်ခုံလိုက် ပယ်ချလိုက် ကာကွယ်လိုက် နဲ့ ဆယ်နှစ်ကျော်ကြာအောင် အမှု ရှည်ကြီးကို Ted Bundy တစ်ယောက် ဖြတ်သန်းပြီးချိန်မှာတော့ . . . . . Extremely Wicked, Shockingly Evil and Vile IMDB - 6.7/10 Rotten Tomatoes - 56% MKWah - 3.8/5 ဒီ ရုပ်ရှင်က ကျွန်တော် ပြောခဲ့သလိုပဲ ဖြစ်ရပ်မှန် ပါ။ Ted Bundy ဆိုတဲ့ တစ်ကယ်ရှိခဲ့တဲ့ လူတစ်ယောက် အကြောင်းကို ပြန်ရိုက်ထားတဲ့ ရုပ်ရှင်။ Ted ရဲ့ character ကို ကျွန်တော် documentary တွေ သတင်းဟောင်းတွေ ဓာတ်ပုံတွေကနေတစ်ဆင့် အနည်းငယ် တီးခေါက်ကြည့်လိုက်တော့ ဒီ ရုပ်ရှင်ထဲမှာ ဖော်ပြထားတဲ့ Ted အတိုင်းပါပဲ။ တကယ့်အပြင်က Ted ကလည်း ကိုယ့်ကိုယ် ယုံကြည်မှု အပြည့်ရှိတယ်။ သူ အပြစ်ကင်းကြောင်းကို ပြုံးပြီး သတ္တိရှိရှိ အမြဲပြောတယ်။ တစ်ခါ နှစ်ခါတည်း စကားပြောကြည့်ရင် အင်မတန် ချစ်တတ်ပြီး နူးညံ့သိမ်မွေ့ပြီး အားကိုးချင်စရာကောင်းတဲ့ ယောကျာ်းကောင်းတစ်ယောက် ရဲ့ အသွင်အပြင်ကို မြင်ရမယ်။ စကားပြောကောင်းတယ်။ အရမ်းတော်တယ်။ အဝတ်အစား ဝတ်စားတာကအစ မင်းသားရှုံးတယ်။ ပျင်းစရာကောင်းတဲ့ တရားခွင်ထဲကို ကောင်မလေး ချောချောလေးတွေ အများကြီး လာထိုင် နားထောင်ရင်း သူ့ကို ငေးကြည့်ရသည်အထိ ဆွဲဆောင်မှု ရှိတယ်။ တစ်ဖက်မှာတော့ အမျိုုးသမီးတွေကို မညာမတာ ရက်ရက်စက်စက် နည်းလမ်းတွေနဲ့ လူမသိ သူမသိ သတ်ဖြတ်လေ့ရှိတဲ့ လူသတ်သမားကြီး။ အဲ့ဒီ ၁၉၇၀ - ၁၉၈၀ ဝန်းကျင်တုန်းက လူသတ်သမားတွေ အများကြီးထဲမှာမှ တော်တော် သောင်းကျန်းပြီး ကြောက်ဖို့ကောင်းတဲ့ လူသတ်သမား။ FBI က အလိုချင်ဆုံး ရာဇဝတ်သား ၁၀ ယောက် ထဲ မှာ ပါတယ်။ တစ်ခုတော့ ရှိတယ်။ Ted ဘဝမှာ ဘယ်တော့မှ မသတ်ရက်ခဲ့တဲ့ သိပ်ချစ်ရတဲ့ အမျိုးသမီး တစ်ယောက် ရှိတယ်။ သူ့နာမည်က Liz တဲ့။ ဒီဇာတ်လမ်းတစ်ခုလုံးရဲ့ အသက်သွေးကြောက Ted ရဲ့ ဘဝ ဆိုရင် Ted နဲ့ Liz ရဲ့ အချစ်ဇာတ်လမ်းဟာ ဒီဇာတ်လမ်းရဲ့ နှလုံးသားပဲ။ သိပ် ရက်စက်တဲ့ လူသတ်သမားကြီးဆီမှာ သိပ်ချစ်ရတဲ့ ချစ်သူ တစ်ယောက် ရှိခဲ့တယ်။ . . . . Ted Bundy အဖြစ် သရုပ်ဆောင်တဲ့သူကတော့ Zac Efron ပါ။ Zac ကို သိတဲ့သူတွေ သိကြပါတယ်။ ဒီ နိုင်ငံက ပရိတ်သတ်တွေနဲ့လည်း သိပ် မစိမ်းပါဘူး။ အထူးသဖြင့် comedy films တွေမှာ တွေ့ရတယ်။ တစ်ခါတစ်လေ romance films တွေမှာ တွေ့ရတယ်။ သူ့ acting က တခြား ဟောလီးဝုတ်မင်းသားတွေနဲ့ယှဉ်ရင် ရုပ်ရှင်ကြည့် ပရိတ်သတ်တွေရဲ့ ရင်ထဲ သိပ်မရောက်ခဲ့ဘူး။ သူ့ character တွေကလည်း သိပ်ပြီး strong မဖြစ်ခဲ့ဘူး။ ဒါပေမယ့် ဒီကားမှာတော့ Ted Bundy အဖြစ် Zac ဟာ အပြည့်အဝ စိတ်နှစ်ကိုယ်နှစ် သရုပ်ဆောင်သွားနိုင်ခဲ့ပါပြီ။ Zac ဟာ သူ့ အရည်အချင်းကို အားလုံး အံ့သြသွားတဲ့အထိ ပြနိုင်ခဲ့ပါပြီ။ ဒီကားကို ကြည့်ပြီးချိန်မှာတော့ ရုပ်ရှင်ဝေဖန်ရေးဆရာများ Zac ကို ချီးကျုးကြတယ်။ 2020 ရဲ့ Oscar ဇကာတင်တောင် ဝင်သွားနိုင်ကြောင်း ကောင်းချီးပေးကြတယ်။ တကယ်ပဲ Zac ရဲ့ သရုပ်ဆောင်မှုတွေက အရမ်း ခွန်အားရှိပြီး သူ ဘယ်လောက် ပြင်ဆင်ကြိုးစားထားတယ်ဆိုတာ ရုပ်ရှင်ကြည့်သူတွေ မြင်နိုင်ပါတယ်။ တခြား supporting actors များ ဖြစ်ကြတဲ့ Lily Collins တို့ Kaya Scoelario တို့ Jim Persons တို့လည်း Zac ကို အကောင်းဆုံး ဝိုင်းပံ့ပိုးပေးနိုင်တယ်။ Biopic ဖြစ်တဲ့အလျောက် character များက လက်တွေ့ကျတယ်။ ခိုင်မာတယ်။ Lily Collins က Ted သိပ်ချစ်ရတဲ့ Liz အဖြစ် သရုပ်ဆောင်ထားတယ်။ နောက်တစ်ခု ထပ်ပြီး သဘောကျမိတာက editing ပါ။ တကယ်တော့ Ted Bundy ဆိုတဲ့သူက လူတွေ သတ်တယ်။ နောက်တော့ အဖမ်းခံရတယ်။ တရားရုံး တက်ရတယ်။ ဒီလောက် ဇာတ်လမ်းကတော့ တကယ်ဆို ရိုးပါတယ်။ ဒီထက် စိတ်ဝင်စားဖို့ကောင်းတဲ့ ဇာတ်လမ်းတွေ အများကြီး ရှိသေးတယ်။ ဒါကို ဘာကြောင့် ကြည့်မှာလဲ ဆိုတဲ့ မေးခွန်းရှိတယ်။ ဒါပေမယ့် ဒီကားကို မျက်လုံးက မဖယ်ခွါနိုင်လောက်အောင် ကြည့်ချင်စရာဖြစ်အောင်ဖြစ်စေတာကတော့ Editing ရဲ့ ပညာကြောင့် အများကြီး ဆိုင်ပါတယ်။ ဇာတ်လမ်း အစ မှာတင် Ted နဲ့ သူ သိပ်ချစ်တဲ့ Liz တို့ စ ပြီး ဆုံတွေ့ကြတဲ့ ညလေး နဲ့ စ တယ်။ အဲ့ဒီ အဖြစ်အပျက်ရယ် Ted အဖမ်းခံရပြီး ၁၉၈၀ ဝန်းကျင် မှာ Liz က Ted ကို ထောင်ဝင်စာ လာတွေ့တဲ့ နေ့ရယ်ကို တစ်လှည့်စီ ပြတယ်။ ဒီကားရဲ့ တည်းဖြတ် (editing) ပညာရှင်များဟာ ကျွန်တော်တို့ ရုပ်ရှင်ကြည့် ပရိတ်သတ်တွေကို Ted ရဲ့ မိန်းမ Liz ရဲ့ အမြင်ကနေ ခံစား စေတယ်။ ဒါကြောင့်လည်း ဒီဇာတ်ကားကို ကြည့်တဲ့တစ်လျှောက်လုံးမှာ Ted က တကယ်ပဲ ဒီ အမှုတွေကို ကျူးလွန်ခဲ့တာလား ဆိုတာကို သံသယ ပါ ဝင်လာတဲ့ အထိပဲ။ အစမှာ သိပ် နူးညံ့သိမ်မွေ့ပြီး သူ့ကို လက်နဲ့တောင် မရွယ်တဲ့ ယောကျာ်းက မိန်းမ ၁၅ ယောက်လောက်ကို ပိုးစိုးပက်စက် သတ်တယ်ဆိုတာ လုံးဝ မဖြစ်နိုင်ဘူး ဆိုတဲ့ အတွေးမျိုး . . ဇာတ်ကား တစ်ဝက်လောက်မှာတော့ ငါ့ယောကျ်ား သတ်တာ ဖြစ်နိုင်တယ်။ ဒါပေမယ့် မသေချာသေးပါဘူးလေ . . ဆိုတဲ့ အတွေးမျိုး . . . ယောကျာ်းဖြစ်သူကို အပြစ်မမြင်တဲ့ မိန်းမတစ်ယောက်ရဲ့ အတွေးတွေ ကျွန်တော်တို့ ခေါင်းတွေထဲ ကူးစက်လာပါတော့တယ်။ ဒါတွေကို editing ပညာရှင်များက အောင်မြင်စွာ ပြသွားနိုင်ခဲ့တယ်။ နောက်တစ်ချက် သဘောကျသေးတာက cinematographer ကို ပါ။ Birdman တို့ La La Land တို့လို ထူးဆန်းတဲ့ စတိုင်မျိုး မဟုတ်ပဲ ရိုးစင်းပေမယ့် ရုပ်ရှင်နဲ့ လိုက်ဖက်တဲ့ cinematography စတိုင်ကို ဖန်တီးပေးနိုင်တယ်။ ရင်ထဲ ရောက်တယ်။ camera movement တွေ focus in / out တွေကို ကောင်းကောင်းအသုံးပြုပြီး Ted ဘယ်လိုတွေးနေသလဲ Liz ဘယ်လို တွေးနေသလဲ director က ဘာကိုပြချင်သလဲ ဆိုတဲ့ အပြတွေကို ထိ ထိ ရောက် ရောက် ပြ ပေးန်ုင်တယ်။ ဒီဇာတ်ကား အကြောင်းပြောရင် ဇာတ်ညွှန်းကိုလည်း ချန်ခဲ့လို့ မဖြစ်ဘူး။ editing ကောင်းတယ် cinematography ကောင်းတယ်ဆိုတာ ဇာတ်ညွှန်းရဲ့ လမ်းညွှန်မှုတွေနဲ့လည်း ဆိုင်တယ်။ ဇာတ်ညွှန်းကို သက်ဆိုင်ရာ ရုပ်ရှု်ပညာရှင်တွေအားလုံးက သဘောကောင်းကောင်းပေါက် မှလည်း သူတို့ ဖန်တီးမှုတွေ ကောင်းကောင်းလုပ်နိုင်မှာ။ ဒီဇာတ်ညွှန်းရဲ့ အားအကောင်းဆုံးအချက် ကတော့ ဇာတ်လမ်းတစ်ခုလုံးရဲ့ ၉၇% လောက်က Bundy တစ်ယောက် ဒုတ် ဓားတွေနဲ့ သတ်ဖြတ် ပြနေတာတွေ တစ်ခုမှ မပြဘူး။ ဒါပေမယ့် အဲ့ဒါတွေ မပါပဲ ကျောချမ်းစရာကောင်းတဲ့ ဇာတ်ရုပ်ဖြစ်တဲ့အထိ လုပ်ပြသွားတယ်။ ဇာတ်ညွှန်းရှင်ရဲ့ ပညာပေါ့။ နောက်ဆုံး အလေးပြု ရမှာကတော့ ဒါရိုက်တာ ပါပဲ။ ဒါရိုက်တာဖြစ်သူ Joe Burlington ဟာ crime film နဲ့ crime documentary တွေကို စိတ်ဝင်စားတဲ့သူ။ Ted ရဲ့ အမှုကိုလည်း တော်တော် စိတ်ဝင်စားပြီး တော်တော်လေ့လာထားပုံ ရတယ်။ Ted ရဲ့ audio tape တွေကို အခြေခံပြီး " Conversation with a killer: the Ted Bundy tape " ဆိုတဲ့ documentary တစ်ခုကိုလည်း ဖန်တီးထားခဲ့သေးတယ်။ Ted ရဲ့အကြောင်းကို ဒါရိုက်တာတွေ အများကြီး ရိုက်ဖူးတယ်။ ဒီကားက ပထမဆုံး မဟုတ်ဘူး။ ဒါပေမယ့် Joe ရိုက်တဲ့ ဒီကားမှာတော့ Ted နဲ့ Liz ရဲ့ ကြီးမားတဲ့ chemistry ကိုလည်း လှလှပပ ပုံဖော်ပေးနိုင်သလို အမေရိက မှုခင်းသမိုင်းရဲ့ ထူးခြားတဲ့ မှုခင်း ဖြစ်ကြောင်းလည်း artistic ဖြစ်ဖြစ် တင်ပြနိုင်ခဲ့တယ်။ Ted အမှု နာမည်ကြီးနေချိန်တုန်းက အမေရိက သတင်းစာ ဆရာတွေက သူ့ကို နာမည်အမျိုးမျိုးပေးကြတယ်။ အဲ့ထဲမှာမှ တစ်ယောက်က Ted ကို . . " Handsome Evil " လို့ ခေါ်သတဲ့။ Ted နဲ့ သိပ် လိုက်ဖက်တဲ့ စကားလုံးပေါ့။ Extremely Wicked, Shockingly Evil and Vile ရဲ့ cast & crew တစ်ဖွဲ့လုံးကို ကျေးဇူးတင်ပါတယ်။ ၂၀၁၉ ရဲ့ one of the best films ဖြစ်မယ်လို့လည်း ယုံကြည်တယ်။ နာမည်ကိုက Extremely Wicked, Shockingly Evil and Vile တဲ့ . . . ။ မောက်ခမ်းဝါ #MKWah_film_review (ရုပ်ရှင်အညွှန်းကို DatShin Facebook Page မှ ကူးယူဖော်ပြပါသည်။) File size…(999 MB) Quality….WEB-DL 720p Format…mp4 Duration….01:50:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

အယ်လီဇဘတ် ဆလွန်းဟာ အောင်မြင်တဲ့ မဲဆွယ်သူတစ်ယောက်ဖြစ်ပြီး အလုပ်ကို အလွန်အလေးထားသူပါ။ စိတ်ဓာတ်မာကြောသလို ကိုယ်အောင်မြင်ဖို့ဆို ဘယ်သူ့ကိုမှ မငဲ့ညှာတတ်တာကြောင့် နိုင်ငံရေးနယ်ပယ်မှာ သူ့ကို မုန်းတီးသူတွေလည်း မနည်းပါဘူး။ သေနတ်ပစ်ခတ်မှုတွေကို တားဆီးဖို့ သေနတ်ဝယ်ယူခွင့်ကို ထိန်းချုပ်သင့်တယ်လို့ လူအများ ယူဆနေချိန်မှာ ဝယ်သူရဲ့ နောက်ခံအချက်အလက်ကို စိစစ်ပြီး မှတ်တမ်းတင်ထားဖို့ ဥပဒေတစ်ရပ်ကို အမေရိကန်လွှတ်တော်ဆီ တင်သွင်းလာပါတယ်။ ဆလွန်းက အဲဒီဥပဒေကို ထောက်ခံမဲရအောင် မဲဆွယ်ပေးဖို့ တာဝန်ယူလိုက်တယ်။ ဒါပေမဲ့ ဥပဒေကို ဆန့်ကျင်သူတွေက ဆလွန်းရဲ့ ကိုယ်ရေးကိုယ်တာအချက်အလက်တွေကိုပါ အသုံးချပြီး တိုက်ခိုက်လာကြပါတယ်။ ထက်မြက်တဲ့ ဆလွန်းဟာ ဒီတိုက်ခိုက်မှုတွေကို ဘယ်လိုလှည့်ကွက်တွေနဲ့ ပြန်ကိုင်တွယ်မလဲဆိုတာ ဆက်ကြည့်ရမှာပါ။

၂၀ ရာစုရဲ့တစ်ဝက်ရောက်တဲ့အထိ လူမည်းတွေဖြစ်တဲ့ အာဖရိကန်အမေရိကန်တွေဟာ အဆင့်အတန်း​ခွဲခြား​မှုနဲ့ ဖိနှိပ်​ချုပ်ချယ်မှုအမျိုးမျိုးကို ရင်ဆိုင်​ခဲ့ရပါတယ်။ အထူးသဖြင့်​တောင်​ပိုင်းပြည်နယ်တွေမှာ လူမည်း သီးသန့်​ရပ်ကွက်​တွေ လူမည်းမဝင်ရတဲ့ စားသောက်​ဆိုင် ဘားနဲ့ကလပ်တွေကနေစပြီး ရေကူး​ကန် စာသင်​ကျောင်း​နဲ့ ဘတ်စ်ကားတွေအထိ လူဖြူ​တွေနဲ့အတူသုံးစွဲခွင့်မရှိပါဘူး၊ တစ်နေ့မှာတော့ အလုပ်​ကပင်ပန်းနွမ်းနယ်လာတဲ့ Rosa Parks ဆိုတဲ့လူမည်းအမျိုးသမီးဟာ ဘတ်စ်ကား​ပေါ်က​လူမည်းသီးသန့်ခုံတန်းမှာထိုင်ရင်း အိမ်​ပြန်လာခဲ့ပါတယ်။ အဲဒီအချိန်မှာ​ လူဖြူ​သီးသန့်​ခုံများပြည့်နေတဲ့အတွက် ဘတ်စ်ကား​ရဲ့အနောက်ဘက်က Rosa Park ထိုင်နေတဲ့ခုံတန်းကို လူဖြူတစ်ယောက်ထိုင်ဖို့ ကား​ဒရိုင်ဘာက ဖယ်ခိုင်းခဲ့ပါတယ်။ Rosa​ Park​ က ဖယ်ပေးဖို့ငြင်းဆန်ခဲ့လို့ ရဲက​ဖမ်းဆီး​ခဲ့ရာမှ Montogomery​ ဘတ်စ်ကား​သပိတ်​ကြီးပေါ်ပေါက်လာပြီး သမိုင်း​ဝင် အရပ်​ဘက်အခွင့်အရေး​လှုပ်ရှား​မှုကြီး (Civil Rights​ Movement) ပေါ်ပေါက်​လာပါတော့တယ်။ ဒီလှုပ်ရှားမှု​ကြီးရဲ့ အဓိက​ခေါင်း​ဆောင်​ကတော့ ဒေါက်တာ​မာတင်လူသာကင်းဂျူနီယာပဲဖြစ်ပါတယ်။ Selma ရုပ်ရှင်​က Civil Rights Movement ရဲ့နောက်ဆုံးနှစ်ကာလတွေကို အခြေတည်ထားတာဖြစ်ပြီး ဆယ်လ်မာမြို့နေ လူမည်းဒေသခံတွေ မဲပေးခွင့်ရဖို့တောင်းဆိုတဲ့ သမိုင်း​ဝင်ဖြစ်ရပ်ကိုတင်ဆက်ထားတာဖြစ်ပါတယ်။ ဇာတ်လမ်း​အစကို ဒေါက်တာ​မာတင်​လူသာကင်း ငြိမ်း​ချမ်း​ရေး​နိုဘယ်ဆုကိုလက်ခံရယူနေတဲ့အခန်းနဲ့စဖွင့်ထားပါတယ်။ မကြာ​ခင်မှာပဲ ဒေါက်တာ​ကင်းက လူမည်း​ခွဲခြားရေးစနစ်အရှိန်မကုန်သေးတဲ့ အလာဘားမားပြည်နယ် ဆယ်လ်မာမြို့ကို သူ့အဖွဲ့ SCLC နဲ့အတူရောက်ရှိလာပြီး လူမည်းမဲပေးခွင့်အတွက် လှုံ့ဆော်​ရင်း လူမည်း​မုန်း​တီးသူ ဆယ်လ်​မာ​မြို့​အာဏာပိုင်​တွေ လူဖြူ​ဒေသခံတွေနဲ့ ထိပ်​တိုက်​ရင်ဆိုင်​ရပါတော့တယ်။ အာဏာ​ပိုင်​တွေက နည်း​အမျိုး​မျိုး​နဲ့ အင်​အားသုံးပြီးဖြိုခွဲဖို့ကြိုးစားတာကို ကင်းနဲ့ဒေသခံလူမည်းတွေက အကြမ်းမဖက်​ဘဲကြံ့ကြံခံရင်း မဲပေးခွင့်​ရရှိဖို့ကြိုးစားပုံကို စိတ်ဝင်စား​ဖွယ်ကြည့်ရှုရမှာပါ။ ဇာတ်လမ်း​အမျိုးအစားက​ Drama/Documentary အမျိုးအစားဖြစ်ပြီး ၂၀၁၄ ခုနှစ်​ကထွက်ရှိခဲ့တာဖြစ်ပါတယ်။ အကောင်း​ဆုံး​ရုပ်ရှင်​အော်စကာဆုအတွက် ဆန်ကာတင်ဝင်ခဲ့ပြီး Best Original Song နဲ့ အော်စကာရခဲ့ပါတယ်။ ၂၀၁၄ ခုနှစ်​ရဲ့အကောင်းဆုံးရုပ်ရှင်တွေထဲကတစ်ခုဖြစ်ပြီး Documentary​ ထက်​ Drama​ ကိုအလေးကဲထားပြီး ဒေါက်တာ​မာတင်လူသာကင်းရဲ့ အထ္တုပ္ပတိအပိုင်းအစတစ်ခုအဖြစ်ကို ပိုဇောင်းပေးထားပါတယ်။ ဒေါက်​တာကင်းနဲ့ သူ့ဇနီးတို့အကြား ဆက်​ဆံရေး၊ သူ့ရဲ့​လုပ်​ဖော်​ကိုင်​ဖက်တွေအကြား ပဋိပက္ခ​တွေ ဆက်ဆံ​ရေးအနိမ့်အမြင့်အတက်အကျတွေကိုလည်း​ထည့်သွင်း​ပုံဖော်ထားပါတယ်။ဒီရုပ်ရှင်​မှာ ဒေါက်​တာ​ကင်းနဲ့ ခေတ်​ပြိုင်​ပုဂ္ဂိုလ်​တွေဖြစ်တဲ့ နာမည်​ကျော် အမေရိကန်နီဂရိုးခေါင်းဆောင် Malcom ​X နဲ့ အမေရိကန်​သမ္မတ​ Lyndon Johnson အက်ဖ်​ဘီအိုင်တည်ထောင်သူ J Edgar Hoover အလာဘားမားပြည်နယ်​အုပ်ချုပ်​ရေးမှူး Jim Wallace စတဲ့​သမိုင်း​ဝင်ပုဂ္ဂိုလ်များကိုလည်းတွေ့ရမှာပါ။ နိုင်ငံ​ရေး Drama​ ကားမျိုးနဲ့ အထ္တုပ္ပတိ​ရုပ်ရှင်​မျိုးနှစ်သက်သူတွေ အကြိုက်တွေ့မဲ့ဇာတ်ကားဖြစ်ပြီး သမိုင်း​ကိုစိတ်ဝင်စားသူတိုင်း ကြည့်ရှုသင့်တဲ့ဇာတ်ကားပါ။ ဖြစ်​ရပ်​မှန်​ကိုအခြေခံထားပေမဲ့ စကား​ချည်း​ထိုင်ပြောနေတာမဟုတ်လို့ ပျင်း​ရိစရာမကောင်းဘဲ သာမန်​ရုပ်ရှင်​ပရိသတ်​တွေ​လည်း ကြည့်ရှုလို့အဆင်ပြေမဲ့ဇာတ်ကားကောင်းတစ်ကားဖြစ်ပါတယ်။ File size…(1.7 GB)/(1 GB) Quality….Webrip 1080p / 720p Format…mp4 Duration….02:04:00 Genre...Drama, Biography, History Subtitle….Myanmar Subtitle (Hardsub) Encoder….Garfield Translated by Wolfenheim

ရွန်ဘွန်ဂနီပြန်လာပါပြီ ဒီအပိုင်း၂မှာတော့ ရွန်ဟာ ဗရိုနီကာနဲ့အိမ်ထောင်ကျပြီး သားလေးတစ်ယောက်ပါ ရထားပါပြီ မိန်းမဖြစ်သူနဲ့ အတူတူတကွ သတင်းတင်ဆက်သူအဖြစ် လုပ်ကိုင်နေရင်းမှ အထက်လူကြီးက ဝန်ထမ်းလျှော့တဲ့ ကာလမှာ သူ့မိန်းမကို ရာထူးတိုးပေးပြီး သူ့ကိုတော့ အလုပ်ဖြုတ်လိုက်ပါတော့တယ် ဒီမှာတင် မိန်းမဖြစ်သူနဲ့ အချေအတင်စကားများကြပြီး ရွန်တစ်ယောက် အိမ်ပေါ်ကဆင်းကာယစ်ထုပ်ကြီးတစ်ယောက်ဖြစ်လာပါတော့တယ် အဏ္ဏဝါပြတိုက်တစ်ခုမှာ တင်ဆက်သူလုပ်နေတဲ့ယစ်ထုပ်ကြီး ရွန် အဲ့အလုပ်ကပါ အလုပ်ပြုတ်ပြီးသူ့ဘာသာသူသတ်သေဖို့ကြံတဲ့အထိ ဘဝကို အရှုံးပေးလိုက်ပါတယ် သို့သော်လဲ တစ်မိုးအောက်တစ်ယောက်ရွန်ကို လူတစ်ယောက်က သတင်းကြေငြာဖို့လာခေါ်ပါတယ် အဲ့ခေတ်အခါက၂၄ နာရီလုံး သတင်းကြေငြာတဲ့ ရုပ်သံလိုင်းတွေကမရှိသေးဘဲ စွန့်ဦးထုတ်လွှင့်ဖို့ ရွန်ကိုလာငှါးတာပါ အဲ့မှာတင်ပဲရွန်တစ်ယောက် ထိုအလုပ်ကိုလက်ခံပြီး သူ့ရဲ့ တစ်ကွဲတစ်ပြားစီဖြစ်နေတဲ့ သူငယ်ချင်း၃ယောက်ကိုပါပြန်ခေါ်လို့ နယူးယော့မြို့ကြီးမှာ သတင်းတင်ဆက်သူအဖြစ် ပြန်လာရောက်ရှိလာပါပြီ အလွဲတွေနဲ့ ရွန်တစ်ယောက် နယူးယော့မှာ ဘယ်လိုတွေတွေ့ကြုံဦးမလဲ ဆိုတာကို ဆက်လက်ကြည့်ရှူခံစားရယ်မောလိုက်ပါဦး... Translated by Waizin Wayne Encoded by sithu

တစ်ချိန်က ပြိုင်မြင်းလောကရဲ့ အမြန်ဆုံးမြင်းဖြစ်ခဲ့တဲ့ စက်ကပ်ထရီးရက် 25 နှစ်ကြာစံချိန်ကိုချိုးဖျက်ပြီးတော့ triple crownကိုဆွတ်ခူးနိုင်ခဲ့တဲ့ ပြိုင်မြင်းကြီး ဘစ်ရက်ဒ် အကြောင်း ရိုက်ကူးထားတဲ့ biography sport drama ကောင်းလေးကို တင်ဆက်ပေးချင်ပါတယ်။ မြင်းပြိုင်ပွဲ‌ ခေတ်စားတဲ့နိုင်ငံတွေမှာတော့ Secretriatကို မသိသူမရှိကြပေမဲ့ ဒီမှာလည်း ပြိုင်မြင်းအကြောင်း စိတ်ဝင်စား သူတွေရှိရင်တော့ ကြည့်ဖူးထားသင့်တဲ့ရုပ်ရှင်‌လေးပါပဲ။ ဒန်ဗာမှာ အိမ်ရှင်မလုပ်နေတဲ့ ပန်နီချနရီတစ်ယောက် အမေဆုံး သွားတဲ့အကြောင်း ကြားလိုက်ရချိန်မှာတော့ ရုတ်တရက် သူ့ရဲ့ မွေးရပ်မြေကို ပြန်လာဖို့ဖြစ်လာပါတယ်။ အဲဒီမှာပဲ အဖေလည်း သတိမေ့ရောဂါအခြေအနေဆိုးနေပြီ မိသားစုလုပ်ငန်းဖြစ်တဲ့ မြင်းမွေးခြံလုပ်ငန်းကြီးကလည်း အုပ်ထိန်းသူမရှိတော့ ဖရိုဖရဲပေါ့။ ဒီလို အမျိုးသားတွေကြီးစိုးတဲ့ ပြိုင်မြင်းလောကထဲကို မိဘအမွေမို့ ထိန်းဖို့ ဖြစ်လာတဲ့ လူသစ်အမျိုးသမီးပန်နီချနရီ၊ လူတွေရဲ့ အထင် သေးမှု လှောင်ပြောင်မှုတွေကြားက သူယုံကြည်ရတဲ့ မြင်းမွေးခြံက လူတွေနဲ့ သူရွေးချယ်ထားတဲ့ သူ့ကိုသိပ်ချစ်တဲ့ မြင်းနီကြီး Secretriatနဲ့ အတူ ယောက်ျားကအစ အစ်ကိုအဆုံး တစ်လောကလုံးနဲ့ ဘယ်လို ဆန့်ကျင်ရင်း triple crownဆုကို ဘယ်လိုယူပြမလဲဆိုတာ ရှုစားကြရအောင်ပါ။ File size…2.22GB / 1.1GB Quality…Blu-Ray 1080p / 720p Format…mp4 Duration….2h 3m Genre ….. Biography , Drama , Family Subtitle….Myanmar Subtitle (Hard Sub) Encoder….Min Wai Translated by Darcy

Revolutionary Road (2008) IMDb - 7.3/10 Rotten - 67% Titanic စုံတွဲ လီယိုနာဒိုနဲ့ကိတ်ဝင်းစလတ်တို့ကို ပူးတွဲပြီး ထပ်မံမြင်တွေ့ရမယ့်ဇာတ်ကားပါ။ ဒီဇာတ်ကားနဲ့ မင်းသမီးကိတ်ဝင်းစလတ်ဟာ Golden Globe Awards ဆုကိုရရှိခဲ့ပါတယ်...ရုပ်ရှင်အညွှန်းကိုတော့ ကိုဝဏ္ဏသန်းထွန်းရဲ့ ခံစားမှုဆောင်းပါးနဲ့ မိတ်ဆက်ပေးပါရစေ။ Revolutionary Road အား ဆင့်ပွားခံစားခြင်း ပထမဆုံး မိတ်ဆက်ပေးချင်တာတော့ ဒီ ဇာတ်လမ်းကို ရေးသားခဲ့သူ စာရေးဆရာ Richard Yates နဲ့ သူ့ ဝတ္တုအကြောင်းပါ။ ဒီ ဝတ္တုဟာ ရစ်ချက် ရဲ့ ပထမဆုံး ဖန်တီးမှု တစ်ခုဖြစ်ခဲ့ပြီး (၁၉၆၂) ခုနှစ်ရဲ့ National Book Award မှာ နောက်ဆုံး စကာတင် သုံးဆုထဲ ပါခဲ့ပါတယ်။ ပရိသတ်အကြိုက်ဖြစ်ခဲ့ပြီး (၂၀၀၅) ခုနှစ်မှာ Time မဂ္ဂဇင်းက ရွေးချယ်တဲ့ (၁၉၂၃) ခုနှစ်ကနေ လက်ရှိအချိန်ထိ အကောင်းဆုံး အင်္ဂလိပ်ဘာသာနဲ့ ရေးသားတဲ့ စာအုပ်တစ်ရာ အတွင်း ပါဝင်ခဲ့တယ်လို့ အင်တာနက် မှတ်တမ်းများအရ သိရပါတယ်။ ဒီ Revoultionary road နဲ့ ပါတ်သတ်ပြီး ရစ်ချက်က အင်တာဗျူး တစ်ခုမှာ … “ကျွန်တော် ဒါကို ရေးခဲ့တာ (၁၉၅၀) ခုနှစ်များဆီက အမေရိကန်တွေရဲ့ ဘဝတွေကို ပုံဖော်ပြချင်တာထက် ပိုပါတယ်။ ခင်ဗျားတို့လည်း သိမှာပါ။ အဲဒီကာလတွေ တုန်းက ဆင်ခြေဖုန်းရပ်ကွက်တွေမှာ နေတဲ့ သာမန် လူတန်းစား အလွှာ တစ်ခုတင် မကပါဘူး။ တစ်နိုင်ငံလုံးမှာ ကြပ်တည်းမှုတွေ၊ ရုန်းကန်ရပ်တည်ရတာတွေ၊ ဘဝအာမခံချက်မရှိ၊ လုံခြုံမှု မရှိတဲ့ အခြေအနေတွေကို ကျနော်တို့ ရင်ဆိုင်ခဲ့ရတာ မှတ်လား” ဆိုပြီး ဖြေကြားသွားပါတယ်။ အဲဒီခေတ်ကာလ က လူနေမှုပုံစံတွေကို ထင်ဟပ်ပြတဲ့ အိမ်ထောင်ရေး ဇာတ်လမ်းတစ်ခုပေါ့။ (၁၉၅၀) နှစ်များဆီက အမေရိကန် တောင်ပိုင်းပြည်နယ် တစ်ခုရဲ့ မြို့ တစ်မြို့မှာ Frank နဲ့ April တို့ နှစ်ဦးက Bar တစ်ခုမှာ တွေ့ဆုံပြီး ချစ်ကြိုက်ခဲ့တယ်။ အဲဒီ အချိန်မှာ ဖရန့်ခ် က အလုပ်ကိုင် မယ်မယ်ရရမရှိ ကြုံရာကျပန်း လုပ်နေရသလို၊ အေပရယ်ကလည်း မင်းသမီးဖြစ်ချင်လို့ ကြိုးစားနေဆဲ ကာလ၊ အေပရယ်ကို လက်ထပ်ပြီး ဖရန့်က ကုမ္ပဏီ တစ်ခုမှာ အရောင်းစာရေးနေရာက ဝင်လုပ်တယ်။ နောက်ပိုင်း အေပရယ် ကိုယ်ဝန်ရလာတဲ့ အချိန်ကျမှ ဆင်ချေဖုန်းရပ်ကွက် တစ်ခု ရဲ့ Revolutionary road လို့ အမည်ရတဲ့ လမ်းက နေအိမ်ကို ပြောင်းရွှေ့ပြီး နေထိုင်ခဲ့ကြပါတယ်။ (သူတို့နဲ့ တစ်ရပ်ကွက်တည်း နေတဲ့အိမ်နီးချင်းတွေကတော့ ရုန်းကန်ရပ်တည်ရမှုတွေနဲ့ အသားကျနေတဲ့ Revolutionary လမ်း က မိသားစုတွေထဲ မှာ သူတို့ ဇနီးမောင်နှံက အဒီ အခြေအနေတွေကို တော်လှန်ပြီး ပျော်ရွှင်တဲ့ အိမ်ထောင်သည် ဘ၀ တွေကို ထူထောင်နိုင်သူများ အဖြစ် သတ်မှတ်ခဲ့ပါတယ်။) အများရဲ့ အမြင်မှာ သာယာချမ်းမြေ့တဲ့ လူငယ်စုံတွဲ အိမ်ထောင်သည် ဘဝကို ဖရန့်ခ် နဲ့ အေပရယ် တို့က ပိုင်ဆိုင်ထားတယ်လို့ ဆိုနိုင်ပေမယ့် တကယ့် လက်တွေ့ဘဝမှာ တော့ သူတို့ နှစ်ဦးအိမ်ထောင်ရေးက အဆင်မပြေလှပါဘူး။ သားသမီးတွေရလာချိန်မှာ အေပရယ်က ဘဝနောင်ရေးအတွက် ခိုင်မာချင်လာတယ်။ ခင်ပွန်းဖရန့်ခ် ကိုလည်း သူ ဝါသနာဗီဇ နဲ့ ကိုက်ညီတဲ့ အလုပ်တစ်ခု လုပ်စေချင်တယ်။ ဒါကတော့ မထူးဆန်းပါဘူး။ မိခင်ကောင်း၊ အိမ်ထောင်ရှင်မတိုင်း ဖြစ်ချင်ကြတဲ့ စိတ် ဆန္ဒမျိုးပါပဲ။ ဖရန်ခ့်ဘက်က ကြည့်တော့လည်း သူ ဝါသနာမပါလှတဲ့ အလုပ်ထဲမှာ တစ်နေ့ (၁၀) နာရီ အချိန်ပေးပြီး အလုပ် လုပ်နေတယ်။ သားသမီးတွေကို အဆင်ပြေအောင် ကျွေးမွေးနိုင်တယ်။ ဒါပေမယ့် သူ အိမ်ထောင်ရေးဘဝက အဆင်မပြေလှဘူး။ ဇနီးဘက်က Demanding တွေ များလွန်းတယ်ပေါ့။ မပျော်ရွှင်တဲ့ အိမ်ထောင်သည် ဘဝကို ဖြေရှင်းဖို့ အမျိုးမျိုး ကြိုးစားနေပေမယ့် မအောင်မြင်၊ ဒါကိုပဲ ဖုံးကွယ်ဖို့ ကြိုးစားရင်း နဲ့ လုံးခြာလိုက်နေတော့တာပဲ။ ဧပရယ်က ပြင်သစ်မှာ အခြေကျဖို့ စီစဉ်တယ်။ ဖရန့်ခ်ကလည်း သဘောတူပြီးကာမှ ဧပရယ် မှာ တတိယ ကိုယ်ဝန်လွယ်လာရချိန်၊ ဖရန့်ခ် အလုပ်ကလည်း လခ ကောင်းကောင်းနဲ့ ရာထူးတိုးပေးလို့ တိုင်ပင်ထားတဲ့ အစီအစဉ်က ပျက်၊ အဲဒီ မလိုချင်တဲ့ ကိုယ်ဝန်ကို ဧပရယ်က ဖျက်ချပစ်ချင်၊ ယောက်ကျားလုပ်သူက သဘောမတူ၊ အခြေအနေရ ဒီမှာပဲ ဆက်နေဖို့ လက်ခံလိုက်ရပေမယ့် ဇနီးဖြစ်သူရဲ့ စိတ်ထဲမှာတော့ ပဲရစ် အစီအစဉ် အကောင်အထည် ဖော်ခွင့်မရလိုက်တာ ကြီးမားတဲ့ မကျေနပ်မှု အစိုင်အခဲပဲ။ သူ့ရဲ့ မျှော်လင့်ချက်ကို ခင်ပွန်းဖြစ်သူက ရိုက်ချိုးခဲ့တယ်လို့ပဲ ထင်နေတယ်။ အဲဒီ နောက်ပိုင်းမှာ သူတို့ လင်မယား နှစ်ယောက် ရဲ့ ကြားက ဆက်ဆံရေးက အရမ်း အေးခဲသွားခဲ့ပြီ။ အဲဒီ အခြေအနေကြားမှာ ဖရန့်ခ် က သူ့ အလုပ်ထဲက အမျိုးသမီး မော်ရင်း နဲ့ ဖောက်ပြန်ခဲ့သလို၊ အေပရယ်ကလည်း အိမ်နီးချင်း ကလေးအဖေ တစ်ဦးနဲ့ ငြိစွန်းသွားခဲ့တယ်။ ဒါက ဘယ်လိုမှ လက်သင့်ခံစရာ မရှိတဲ့ အမည်းစက်ပါ။ ဒါပေမယ့် ... လူတွေရဲ့ အပြုအမူကို ခေတ်ကြောင့်လို့ အတိအကျ လက်ညိုးထိုးလို့ မရပေမယ့် ဒီ scene တွေကို ထည့်ရိုက်ပြထားတာဟာ အိမ်တွင်းရေးမပြေလည်တဲ့ ဘဝတွေနဲ့ The age of anxiety လို့ သုံးနှုန်းရလောက်တဲ့ အဲဒီခေတ်မှာ စိတ်ညစ်ညူးမှုတွေကို ပုံစံအမျိုးမျိုး နဲ့ ထွက်ပေါက်ရှာတတ်တဲ့ အနေအထားမျိုးလို့ပဲ တွေးယူမိပါတယ်။ ဖရန့်ခ်က သူ ဖောက်ပြန်ခဲ့တဲ့ အကြောင်း ဇနီးဖြစ်သူကို ပြန်ပြောပြတဲ့ အချိန်မှာတောင် ဧပရယ်ဘက်က တုန်လှုပ်မှု မရှိတော့ဘူး။ သူ တို့ နှစ်ယောက်ကြားက အမုန်း အစိုင်အခဲ က ထုထည်ကြီးမားနေခဲ့ပြီ။ အဲဒီ အစိုင်အခဲ ပေါက်ကွဲတဲ့ အချိန်မှာ၊ သူတို့ မိသားစုရဲ့ domestic violence က မီးတောင် တစ်ခုပေါက်ကွဲသလို ရန်ဖြစ်စကားများမှုတွေ ခဏခဏ ဖြစ်လာရတဲ့ အဆုံးမှာတော့ ….. ဒီရုပ်ရှင်ကနေ ပျော်ရွှင်မှုတွေ၊ စိတ်ကြည်နူးစရာ romance လေးတွေကို ခံစားရမှာ မဟုတ်ပါဘူး။ ဒေါသတကြီး ပေါက်ကွဲ အော်ဟစ်သံတွေ၊ ဆဲဆို ရန်ဖြစ်သံတွေ နဲ့ ပြည့်နှက်နေတဲ့ မပြေလည်တဲ့ အိမ်ထောင်သည် လင်မယားကို ပဲ မြင်ရမှာပါ။ အပေါ်ယံပဲ ကြည့်ရင်တော့ ခေတ်တစ်ခေတ် ရဲ့ နောက်ခံ အိမ်ထောင်ရေး ဇာတ်လမ်းပေါ့။ မပြေလည်တာတွေကို fix မလုပ်နိုင်ဘဲ အပေါ်ယံဟန်ဆောင်မှုတွေနဲ့ ပြေလည်သယောက် ဖုံးကွယ်ထားတဲ့ အခါ ကြာလာလေလေ၊ အနာယဉ်းလာလေလေ နဲ့ အဆုံးသတ် မကောင်းတဲ့ ဖြစ်စဉ်မျိုးပါပဲ။ အဲဒါကြောင့်ပဲ သူတို့ နိုင်ငံတွေမှာ Marriage ဆိုတာကို အယုံမကြည် မရှိသူတွေ များလာပြီး လက်မထက်ခင် အတူနေ၊ သဘောထားချင်း မတိုက်ဆိုင်ရင် လွယ်လွယ်လေး ကွဲ လိုက်ကြ၊ နောက် တစ်ယောက်နဲ့ ပြန် တွဲ လိုက်ကျ နဲ့ .. complicated relationships တွေကို ပိုင်ဆိုင်နေကြသလား မသိပါ။ ဒီ ဇာတ်ကားထဲမှာ သတိပြုမိတာ တစ်ခုရှိတယ်။ အဲဒါက အိမ်ထောင်မပြုခင်မှာ ကိုယ်စီ စိတ်ကူးတွေ၊ အိပ်မက်တွေ ရှိတယ်။ ဥပမာ - ဧပရယ် ဆိုရင် မင်းသမီး ဖြစ်ချင်နေတယ်။ တကယ်တမ်း အိမ်ထောင်ပြုလိုက်တဲ့ အချိန်မှာ အဲဒီ စိတ်ကူးတွေ အကောင်အထည်ဖော်ခွင့်မရှိတော့ဘူး။ မိသားစုဘဝထဲ မြုပ်နှံလိုက်ရတယ်။ သားသမီး ရလာတဲ့အချိန်မှာ ပို လို့တောင် မဖြစ်နိုင်တော့တယ်။ အဲဒီ အချိန် အိမ်ထောင်ရေးမှာ အဆင်မပြေတာလည်း ကြုံရော .. ကိုယ်ဖြစ်ချင်တာတွေ မဖြစ်ခဲ့တဲ့ ဒါဏ်ရာဟောင်းက ပြန် ပေါ်လာတယ်။ အဲဒါ ပြသနာ အစ ပဲ။ ယောက်ကျားတွေရဲ့ ဗီဇကို မသိမသာလေး ပြသွားတဲ့ ဇာတ်ကွက်လေးတွေ ရှိတယ်။ ဥပမာ ဧပရယ် (Kate) နဲ့ ဖောက်ပြန်ခဲ့တဲ့ Shep ဟာ သူတို့ရဲ့ အိမ်နီးချင်း၊ ဧပရယ်ရဲ့ အချစ်ဆုံး သူငယ်ချင်း မီလီ ရဲ့ ခင်ပွန်း။ မီလီက အိမ်ထောင်ရှင်မကောင်း တစ်ယောက်၊ ယောက်ကျားက ရှင်ဆိုရှင်၊ သေဆိုသေ၊ ဒါကို သူ့ယောက်ကျား လုပ်တဲ့သူက ဖောက်ပြန်တယ်။ နောက်ဆုံးခန်းမှာ မီလီက ဖရန့် နဲ့ ဧပရယ်အကြောင်း ခင်ပွန်းဖြစ်သူကို ပြောပြချင်တယ်ဆိုတော့ “သူတို့ အကြောင်းတွေ ငါဘာမှ မကြားချင်တော့ဘူးကွာ” ဆိုပြီး ထွက်သွားပါလေရော ..။ အဲဒါက တစ်ချက်။ ဖရန့် တို့ရဲ့ နောက်ထပ် အိမ်းနီးခြင်း ဟဲလင် ဆိုလည်း သူ့ သား စိတ္တဇ ဝေဒနာသည်အတွက် တစ်ယောက်တည်း ရုန်းကန်နေရတာ။ ခင်ပွန်းလုပ်တဲ့သူက ဟောင်းဝဒ်က ဇနီး အပေါ် ထောက်ခံတဲ့ အပြုအမူမျိုးတစ်ခါမှ မပြခဲ့ဘူး။ တစ်ခုခု တိုင်ပင်ချင်တဲ့အချိန်တောင် နားမှာတပ်ထားတဲ့ ear phone ကို အသံမြင့်ပစ်လိုက်တယ်။ အဲဒီ အချက်တွေကို ကြည့်ချင်းအားဖြင့် ခင်ပွန်းတွေဟာ ဇနီးဖြစ်သူရဲ့ ဖွင့်ဟတိုင်ပင်တာမျိုးကို နားထောင်ချင်တဲ့ ဆန္ဒမရှိဘူး ဆိုတဲ့ သဘောမျိုး ဖြစ်နေတယ်။ နှစ်ယောက်ကြားက ထိတွေ့မှု နဲ့ ဝေမျှခံစားမှု အားနည်းခြင်း (lack of communication and sharing) က အိမ်ထောင်တစ်ခု ကျိုးပျက်စေနိုင်ဖို့ လုံလောက်တဲ့ အကြောင်းရင်းတစ်ခု ဖြစ်နေပြီ မဟုတ်လား။ ဒီ ဇာတ်လမ်းရဲ့ နောက်ထပ် စိတ်ဝင်စားစရာ အချက်တစ်ခုက ဒီ ရုပ်ရှင်ကို ပုံဖော်ခဲ့သူ American Beauty တို့ Skyfall တို့လို နာမယ်ကြီး ရုပ်ရှင်တွေရဲ့ ဒါရိုက်တာ Sam Mendes က အဲဒီ ဇာတ်ကားရိုက်တဲ့ အချိန် ကိတ် ရဲ့ ခင်ပွန်းဖြစ်ပြီးတော့ အဲဒီ ဇာတ်ကားထွက်ပြီး နှစ်နှစ်အကြာ (၂၀၁၀) မှာ သူတို့ နှစ်ဦး လမ်းခွဲလိုက်ကြပါတယ်။ ဇာတ်ဝင်ခန်းတွေမှာ လင်မယားစရိုက် အနမ်းအရှုပ်၊ အပွေ့အဖက်တွေကို ပီပြင်အောင် ရိုက်ကူးရတာနဲ့ ပါတ်သတ်လို့ ဇနီး ဖြစ်သူ ကိတ် နဲ့ လီယို တို့ သရုပ်ဆောင်တဲ့ အပေါ် ကြီးကြပ်ရတာကို သူအနေနဲ့ စိတ်ထဲ ဘာမှ မရှိလှပါဘူးလို့ ဆန် က အင်တာဗျူး တစ်ခုမှာ ဖြေခဲ့ပါသေးတယ်။ ထူးချွန်ဆုတွေနဲ့ ပါတ်သတ်ပြီး ပြောရရင် ရွှေကမ္ဘာလုံးဆု (Golden Globe) အတွက် စံကာတင် သုံးဆု ပါခဲ့ပြီး ကိတ် က အကောင်းဆုံး အမျိုးသမီးထူးခွန်ဆု ဆွတ်ခူးခဲ့ပါတယ်။ Silver Lingings Playbook က ဂျနီဖာ လောရင့်စ် ကို ကြည့်ပြီး ဒီ သူငယ်မ အတော် သရုပ်ဆောင်ကောင်းတာပဲလို့ တွေးခဲ့မိတာ။ ဒီ ဇာတ်ကားထဲက ကိတ် ကို ဘယ်မှီမလည်း။ (အသက်အရွယ်နဲ့ သဘာ ကတော့ အတော်ကွာပါတယ်။) အထူးသဖြင့် သူ စိတ်တွေအရမ်းလှုပ်ရှားနေလို့ စီးကရက် သောက်ပြီး စိတ်ထိမ်းရတဲ့ အခန်းတွေ၊ လင် ဖြစ်သူကို အားမလို အားမရ ဖြစ်နေလို့ .. “ဘာမှ အားကိုးလို့ မရဘူး။ ဘယ်လို ယောက်ကျားမျိုးလည်း” ဆိုပြီး လက်ညိုးငေါက်ငေါက်ထိုးပြီး ရန်တွေ့တဲ အခန်းတွေနဲ့၊ ယောက်ကျားလုပ်သူက တခြား မိန်းမတစ်ယောက်နဲ့ ဖောက်ပြန်ခဲ့တယ်ဆိုတာ ပြန်ပြောတဲ့အချိန်မှာတောင် မျက်နှာ တစ်ချက်ကလေး မပျက်ဘဲနဲ့ “ အခုချိန်မှ ဘာရည်ရွယ်ချက်နဲ့ ဒါတွေ လာပြောနေတာလည်း၊ ရှင် အပေါ် ကျွန်မ ဘာ ခံစားချက်မှ မရှိတော့ဘူး” ဆိုပြီး သွေးအေးအေး ပြန်ပြောနေတဲ့ အခန်းတွေက အတော် သရုပ်ပါ ပါတယ်။ ဒီ ဇာတ်လမ်းကနေ တွေးမိတာတော့ အိမ်ထောင်မှု တစ်ခုဆိုတာ ဘက်ပေါင်းစုံက ရှု့ထောင့်အမျိုးမျိုးနဲ့ ချဉ်းကပ်စဉ်းစားရတဲ့ ကျုယ်ပြန့်တဲ့ ဘာသာရပ်တစ်ခုပါပဲဗျာ။ ဘ၀ ခရီးရှည်ကြီးကို မသေမချင်း အတူတူ လျှောက်လှမ်းရတဲ့ အချိန်မှာ သူ့ ဆီမှာ ကိုယ် လက်မခံနိုင်စရာ ဘယ်လိုအချက်တွေ ပါလာနိုင်လည်း ဆိုတာလည်း ကြို မသိနိုင်ဘူးလေ။ အဲဒါကြောင့် လက်ထပ်ပြီးစ စုံတွဲတွေကို Honeymoon ပျားရည်ဆမ်းခရီး ထွက်ခိုင်းကြတာ။ အဲလို သွားတယ်ဆိုတဲ့ သဘောကလည်း ခရီးရှည်ကြီးကို နှစ်ယောက်အတူ မသွားခင် ခရီးတို တစ်ခုကို နှစ်ယောက်အတူ သွားကြည့်တာ။ လူ တစ်ယောက်အကြောင်းဆိုတာ ခရီးအတူ ထွက်ရင်ကို ဘယ်လို စရိုက်တွေ ရှိလည်း သိနိုင်တာမျိုးတဲ့။ အဲလို ခရီးတိုလေး ထွက်တဲ့အချိန် ကိုယ် မကြိုက်တဲ့ အမူအကျင့်တွေ ကိုယ့် ဘဝခရီးဖော်ဆီက တွေ့လာခဲ့ရင် သည်းခံစိတ်ရှည် နားလည်နိုင်အောင်လို့တဲ့ဗျာ။ စာလည်း အတော်ရှည်သွားပြီ။ စဉ်းစားစရာ ကောင်းတဲ့ အချက်လေး နှစ်ချက်နဲ့ ဒီ အညွန်းကို ပိတ် ပါရစေ … A man is incomplete until he is married. After that, he is finished. ယောက်ျားတစ်ယောက်ဟာ အိမ်ထောင်မပြုသေးမချင်း မပြီးပြည့်စုံဘူး။ အိမ်ထောင်ပြုပြီးသွားရင်တော့ နိတ္ထိတံ သွားပြီ။ Zsa Zsa Gabor [from MKS group] အိမ်ထောင်ပြုခြင်းဟာ ကြိုး တစ်ချောင်း နဲ့ ချည်နှောင်လိုက်တာဆိုရင် အဲဒီ ကြိုးဟာ ယောက်ကျား ဖြစ်သူကို ချည် တဲ့ ကြိုး မဟုတ်ပါဘူး။ မိန်းမသားဖြစ်သူကို ချည်တဲ့ကြိုးပါ။ (ဂျူး) ဝဏ္ဏသန်းထွန်း (၂၁၊ ဂျွန်၊ ၂၀၁၃) (ရုပ်ရှင်အညွှန်းကို Than Htun Wunna Facebook မှကူးယူဖော်ပြပါသည်။) File size…(1 GB) Quality…BluRay Rip 720p Format…mp4 Duration….01:59:00 Subtitle….Myanmar Subtitle (Hardsub) Encoder….Nyeinsaeya Aung Translated by Naw Lydia

ဒီတခေါက်တင်ဆက်ပေးမှာကတော့ The Beatles အဖွဲ့ရဲ့ သီချင်းတွေကို အခြေပြုပြီးရိုက်ကူးထားတဲ့ Across the Universe ဆိုတဲ့ Musical/Romance အမျိုးအစား ကားလေးပါ ဇာတ်ကားနာမည်ကိုကပဲ The Beatles အဖွဲ့ရဲ့သီချင်း John Lennon နဲ့ Paul McCartney တို့ ရေးထားတာကို ယူထားတာပါ တကားလုံးရဲ့ ဇာတ်လမ်းအပြ ဇာတ်ကောင်တွေရဲ့ ခံစားချက်ကို The Beatles သီချင်းတွေနဲ့ ဖော်ကြူးသွားမဲ့ Musical film ငြိမ့်ငြိမ့်လေးပါ The Beatles အဖွဲ့ကျော်ကြားခဲ့စဉ်အခါက ခေတ်ကာလ ၁၉၆၀ ကျော် ခုနှစ်တွေကို တည်ထားပါတယ် ၁၉၆၀ ကျော်ဝန်းကျင်ဆိုတော့ အမေရိကန်က ဗီယက်နမ်စစ်ပွဲတိုက်နေတဲ့အချိန်ကာလ၊ အဲ့ကာလရဲ့ ပြည်သူလူထုတွေရဲ့ သဘောထား အခြေအနေကိုလည်း ထင်ဟပ်ထားပါတယ် The Beatles ရဲ့ဖန်တွေဆိုရင် ဇာတ်ကားနဲ့ relate နိုင်ပြီး သီချင်းတွေကို ခံစားစီးမျောနိုင်မှာပါ IMDB rating ကလည်း 7.3 တောင် ရထားတာမို့ ကြည့်ရှုကြည့်စေချင်ပါတယ် ဇာတ်လမ်းအကျဉ်းလေးကတော့ ... လီဗာပူးမြို့က ဆင်းရဲသားကောင်လေးတယောက်ဟာ သူ့နေ့စဉ်လုပ်နေကျ သင်္ဘောဝင်းထဲ ကျောက်မီးသွေးကော်ရတဲ့အလုပ်ကို စိတ်ကုန်လာပြီး စိတ်အနားပေးချင်တဲ့အတွက် သူ့အဖေကို ရှာဖို့ဆိုပြီး အမေရိကန်ကို သင်္ဘောနဲ့ တရားမဝင်ခိုးလိုက်လာခဲ့ပါတယ် ဟိုရောက်တော့ သူ့အဖေကိုရှာရင်း တက္ကသိုလ်ကျောင်းသားတယောက်နဲ့ သိရာကနေ ဘော်ဒါတွေဖြစ်သွားကြပြီး သူ့ညီမဖြစ်သူ Lucy နဲ့တွေ့ပါတယ် ဒီကောင်မလေးကို သူသဘောကျမိသွားပြီး အမေရိကန်မှာပဲ ဆက်နေဖြစ်ရင်း သူတို့တတွေ ဘယ်လိုကျော်ဖြတ်ကြသလဲ ဆိုတာကို The Beatles ရဲ့ တေးသီချင်းတွေနဲ့အတူ ခံစားကြည့်ရှုလိုက်ကြပါဦးခင်ဗျ File size…    6.4 GB / 2.9 GB / 1.5 GB Quality… BluRay  4K / 1080p / 720p Format… mp4 Duration…. 2h 13m Genre ..... Music/Drama Subtitle…. Myanmar Subtitle (Hard Sub) Encoder…. Thit San Khant Translated by Fio

ပထမဆုံး စပိုက်ဒါမန်း ဇာတ်လမ်းရဲ့ 2007 မှာထွက်ရှိခဲ့တဲ့ သုံးကားမြောက်ဇာတ်ကားဖြစ်သလို..သုံးကားထဲမှာအကောင်းဆုံးနဲ့နောက်ဆုံးကားလို့ ပြောရမှာဖြစ်ပါတယ်..ဇာတ်လမ်းအညွှန်းကိုတော့မပေးတော့ဘူးနော်... အရင် ကား ၂ ကားလည်း တင်ပြီးသားမို့ ဒီဇာတ်ကားကိုသာဆက်လက်ကြည့်ရှုကြပါ... မင်သား Tobey Maguire ရဲ့ အော်ရဂျင်နယ် Spider Man ဇာတ်ကားတွေကို DS4K 1080p BluRay Quality နဲ့တင်ဆက်လိုက်ပါတယ်...1080p ဆိုပေမယ့် 4K ရုပ်ထွက်ထက် ပိုကောင်းတဲ့ Regrade Version မို့ DS4K Version ကိုသာ တင်ဆက်လိုက်ပါတယ်။ ဘာသာပြန်လိုအပ်ချက်တွေရော သတ်ပုံတွေရော တတ်နိုင်သမျှပြန်ပြင်ထားတာမို့ အခု Version ကို ပြန်ဒေါင်းသိမ်းသင့်ပါတယ်။ File size…(2.8 GB)/(1.1 GB) Quality….BluRay DS4K HEVC 1080p / 720p Format…mkv/mp4 Duration….02:19:10 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

ဒီဇာတ်လမ်းကတော့ မိန်းမဖြစ်သူ ကိုယ့်ကိုယ်ကိုယ်သတ်သေပြီးတဲ့နောက်မှာ David တစ်ယောက် သူ့သမီးလေး Emily နဲ့ New York မြို့ကနေ စိတ်အပန်းဖြေဖို့ နယ်ဘက်ကို ရွှေ့ပြောင်းနေခဲ့တယ်။ ဒါပေမဲ့ သူ့သမီးလေး Emily မှာ Charlie လို့ခေါ်တဲ့ စိတ်ကူးယဥ်သူငယ်ချင်းတစ်ယောက် ပေါ်လာချိန်မှာတော့ ဖြေရှင်းလို့မရတဲ့ အဆန်းတကြယ်အဖြစ်အပျက်တွေ ပေါ်လာပါတော့တယ်။ Charlie ဆိုတဲ့ စိတ်ကူးယဥ်သူငယ်ချင်းက Emily ရဲ့ စိတ်ရောဂါသက်သက်လား တကယ်ရှိနေတာလား၊ အံ့ဩစရာအဖြစ်အပျက်တွေရဲ့နောက်ကွယ်က Emily ကြောင့်ပဲလားဆိုတာကို ဇာတ်အိမ်လှည့်ကွက်တွေမျိုးစုံနဲ့ ရင်ဖိုစိတ်လှုပ်ရှားဖွယ်ရာကြည့်ရမဲ့ Mystery ဇာတ်လမ်းကောင်းတစ်ပုဒ်ပဲ ဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Thwal Htoo Zin ပါ ) File size_(1.4GB)/(700MB) Quality_Blu-Ray 1080p / 720p Format_mp4 Duration_01:41:00 Genre_Horror, Mystery Subtitle_Myanmar Subtitle (Hardsub) Encoder_a hao Translated by Thwal Htoo Zin

The Matador(2005) လူ့ဘဝမှာ သူငယ်ချင်းတွေ၊ ဘော်ဒါတွေ အများကြီးရှိကြပေမယ့်လည်း မိတ်ဆွေကောင်း/ သူငယ်ချင်းကောင်းတစ်ယောက် ဟုတ်/မဟုတ် ဆိုတာ လွယ်လွယ်ကူကူဆုံးဖြတ်လို့မရပါဘူး။ နောက်ပြီး မိတ်ဆွေကောင်းတန်ဖိုးဟာ ဘယ်လောက်ထိရှိလဲဆိုတာ မသိတဲ့သူတွေ အများကြီးပါ။ ဒီကားလေးကို ကြည့်ရင်း မိတ်ဆွေကောင်းတွေကို တန်ဖိုးထားနိုင်ကြပါစေ။ ဂျူလီယန်ဟာ ကြေးစားလူသတ်သမားဖြစ်ပြီး ငွေအများကြီးပေးတဲ့အလုပ်ကိစ္စမျိုးကိုသာ လုပ် ကိုင်ပေးလေ့ရှိပါတယ်။ အိမ်ထောင်မရှိ၊ သားသမီးမရှိ၊ ဘာအနှောင်အဖွဲ့မှမရှိဘဲ ဘဝကို ပျော်ပျော်ကြီး ဖြတ်သန်းနေသူဖြစ်ပါတယ်။ ဒါပေမယ့် တစ်ရက်မှာတော့ သူ့မွေးနေ့မှာ သူ့ကို ဘယ်သူကမှ အမှတ်တရ လက်ဆောင်ပေးတာတွေ၊ နှုတ်ဆက်စကားလှမ်းပြောတာတွေမရှိတဲ့အပြင် သူဖုန်းဆက်သမျှ လူတိုင်းက လည်း သူ့ကိုအရေးတယူ ပြန်မဆက်ဆံတဲ့အတွက် အဖော်မဲ့၊ မိတ်ဆွေမဲ့တဲ့သူ့ရဲ့ဘဝကို စိတ်အပျက်ကြီး ပျက်မိသွားပါတော့တယ်။ တစ်ရက်မှာ အရောင်းကိုယ်စားလှယ်တစ်ယောက်နဲ့ သောက်ရင်းစားရင်း မိတ်ဆွေဖြစ်သွားပါတယ်။ အဲ့ဒိလူက သူ့ကိုစကားရောဖောရောလောက်ဆက်ဆံပေမယ့် မိတ်ဆွေ အရမ်း လိုချင်နေတဲ့ ဂျူလီယန်က အတင်းလိုက်ကပ်ပါတော့တယ်။ လူသတ်သမားတစ်ယောက်ဖြစ်နေကြောင့် မိတ်ဆွေ သူငယ်ချင်းမလုပ်ချင်တဲ့သူများနေတဲ့ ဂျူလီယန်ခမျာ လိုချင်နေတဲ့ မိတ်ဆွေစစ်စစ်ကို တကယ် ရနိုင်ပါ့မလားဆိုတာ ဇာတ်ကားလေးထဲမှာ ခံစားကြည့်လိုက်ပါဗျာ။ ဒီဇာတ်ကားမှာ ပါဝင်သရုပ်ဆောင်တဲ့ ဂျိမ်းစ်ဘွန်းမင်းသားကြီး ပီယာ့စ်ဘရွန်နန်ဟာ ၂၀၀၅ ခုနှစ် ရွှေကမ္ဘာလုံးဆုအတွက် စကာတင်အမည်စာရင်းမှာပါဝင်ခဲ့ပါတယ်။ ဒါကြောင့် ဇာတ်ကားကောင်း ဟုတ်/ မဟုတ် လက်တို့ပြောဖို့ လိုမယ်မထင်ပါဘူးဗျာ။ File Size :(1.9GB)(and (758MB) Quality :Blu-Ray 1080P, 720p Format…mp4 Duration…01:36:00 Genre : Comedy, Crime, Thriller Subtitle : Myanmar Subtitle (Hard Sub) Translated by Ko Myo(Kop) Encoded by Phyo Pyae

Kinsey ကတော့ ၂၀၀၄ ခုနှစ်မှာထွက်ရှိထားတဲ့ Alfred Charles Kinsey အကြောင်းရိုက်ထားတဲ့ အတ္ထုပ္ပတ္တိရုပ်ရှင်ပဲဖြစ်ပါတယ်။ အတ္ထုပ္ပတ္တိရုပ်ရှင် ဖြစ်တဲ့အတွက် ဒေါက်တာ kinsey ရဲ့အကြောင်းကိုပဲ သေချာ မီးမောင်းထိုးပြီး ရိုက်ပြထားတာမျိုးဖြစ်ပါတယ်။ အတ္ထုပ္ပတ္တိဆိုပေမဲ့ ပျင်းစရာကောင်းတဲ့ရုပ်ရှင်မျိုး မဟုတ်ပဲ စိတ်ဝင်စားစရာကောင်းကောင်းနဲ့ ကြည့်ရမှာပါ Kinsey ကတော့ ၂၀ ရာစုအလယ်ပိုင်းလောက်က အမေရိကန်လူမျိူးတွေရဲ့ လိင်မှုကိစ္စတွေနဲ့ လိင်ပိုင်းဆိုင်ရာ အချက်အလက်တွေကို စမ်းသပ်နေတဲ့ ဇီဝဗေဒသုတေသနပညာရှင်တစ်ယောက်ပါ။ ဒီဇာတ်ကားမှာဆိုရင် kinsey ရဲ့အံ့ဩလောက်စရာ သုတေသနစာတမ်းတွေ စစ်တမ်းကောက်ယူချက်တွေ သူရုန်းကန်ခဲ့တာတွေ လူထုရဲ့အမြင်တွေနဲ့ အခက်အခဲတွေ နဲ့ကြုံလာရချိန်မှာ kinsey တစ်ယောက်ဘာတွေဆက်လုပ်မလဲ ဘယ်လိုတွေဖြစ်သွားမလဲဆိုတာကို ကြည့်ရမှာပါ လိင်ကိစ္စတွေမှာ သိပ်ပြီးပွင့်လင်းမြင်သာမှု မရှိသေးတဲ့ရာစုနှစ်တွေမှာ လူတွေရဲ့ လိင်ပိုင်းဆိုင်ရာအသိဉာဏ် နည်းပါးတဲ့အတွက်ကြောင့် ဆက်ဆံပုံတွေမှာ ပုံသေတစ်ခုထဲသတ်မှတ်ထားတာမျိုးတွေက အဆင်မပြေနိုင်ပုံတွေ စိတ်ကျေနပ်မှုရအောင် ဘယ်လိုမျိုးတွေရှိသင့်တယ်ဆိုတောတွေကို ဒေါက်တာ kinsey ကစစ်တမ်းတွေ ကောက်ယူပြီး သူ့ရဲ့စာအုပ်တွေထုတ်နိုင်ဖို့အတွက် ကြိုးစားနေတာတွေကိုတွေ့ရမှာပါ။ ပွင့်လင်းမြင်သာမှုမရှိတဲ့အတွက်ကြောင့်မို့ လိင်ကိစ္စကိုအဲ့လိုမျိုးပြောနေတဲ့ kinsey ကိုလူတွေရဲ့ အထင်အမြင်တွေစောင်းလာချိန်မှာရော ဘယ်လိုတွေဆက်ဖြစ်မလဲဆိုတာ စိတ်ဝင်စားဖွယ်ဆက်ကြည့် ရမှာပါ File size…(2 GB)/(1 GB) Quality….Webrip 1080p / 720p Format…mp4 Duration….01:58:00 Genre... Drama  Subtitle….Myanmar Subtitle (Hardsub) Encoder….Mr. Anderson Translated by Kaung Myat

Spider Man 2 က ပထမဇာတ်ကားရဲ့ အဆက်အနေနဲ့ ထွက်ရှိခဲ့တာပါ။ ဒီဇာတ်လမ်းမှာတော့ စမိုက်ဒါမန်းဟာ မပျော်မရွင်ဖြစ်နေရပါတယ်... သူချစ်ရတဲ့ကောင်မလေး မေရီဂျိန်းဝမ်ဆန်ကို စွန့်လွှတ်ပြီးတဲ့နောက်မှာတော့ သူ့ဘဝကို ရာဇဝတ်မှုတွေကိုတိုက်ဖျက်နေရင်းနဲ့ဖြတ်သန်း နေရပါတယ်.. မေရီဂျိန်းဟာလည်း သူဌေးတစ်ယောက်နဲ့စေ့စပ်ထားလိုက်ပါပြီ ... သူ့သူငယ်ချင်း ဟယ်ရီကလည်း သူ့အဖေကိုသတ်သွားတဲ့စပိုက်ဒါမန်းကို ပြန်သတ်ချင်လို့ အသည်းအသန်စုံစမ်းနေပါ သလို မြို့ကိုဒုက္ခပေးမယ့် အန္တရာယ်တွေလည်းတိုးလာပါတယ်.. ဒီလိုပြသနာတွေကြားမှာ ပီတာပါကားတစ်ယောက် ဘယ်လိုခွန်အားနဲ့ ဆက်လက်အသက်ရှင်ပြီး ပြသနာတွေကို ဘယ်လိုဖြေရှင်းသွားမလဲဆိုတာ...။ မင်သား Tobey Maguire ရဲ့ အော်ရဂျင်နယ် Spider Man ဇာတ်ကားတွေကို DS4K 1080p BluRay Quality နဲ့တင်ဆက်လိုက်ပါတယ်...1080p ဆိုပေမယ့် 4K ရုပ်ထွက်ထက် ပိုကောင်းတဲ့ Regrade Version မို့ DS4K Version ကိုသာ တင်ဆက်လိုက်ပါတယ်။ ဘာသာပြန်လိုအပ်ချက်တွေရော သတ်ပုံတွေရော တတ်နိုင်သမျှပြန်ပြင်ထားတာမို့ အခု Version ကို ပြန်ဒေါင်းသိမ်းသင့်ပါတယ်။ File size…(2.3 GB)/(1 GB) Quality….BluRay DS4K HEVC 1080p / 720p Format…mkv/mp4 Duration….02:07:27 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

Road to Perdition (2002) IMDb Rating - 7.7/10 Directed By Sam Mendes ဟိုးတစ်နှစ်က1917နဲ့ အ‌တော်အောင်မြင်ခဲ့တဲ့၊ 2000ခုနှစ်မှာ American Beautyနဲ့ Best Directorဆုရခဲ့တဲ့၊ လက်ရှိဂျိမ်းစ်ဘွန်း ကားတွေရဲ့ ဒါရိုက်တာဖြစ်တဲ့ ရိုက်သမျှ အကုန်အောင်မြင်ခဲ့တဲ့ Sam Mendesကြီးရဲ့ လက်ရာဟောင်းပါပဲ။ Castတွေနဲ့က Tom Hanks,JuDe Law, လက်ရှိဂျိမ်းစ်ဘွန်းမင်းသား Daniel Craigနဲ့ တစ်ချိန်က မင်းသားကြီး Paul Newmanတို့ပါပဲ။ ဇာတ်ကြောင်းကတော့ 1930၀န်းကျင်က အမေရိကန်ဂန်းစတားတွေ အကြောင်း သူတို့ရဲ့ အရှုပ်တော်ပုံတွေအကြောင်းပါပဲ။ ဖြစ်ရပ်မှန်ကို မြစ်ဖျားခံထားပြီး နာမည်ကျော်ဂန်းစတားကြီး အယ်ကပုန်းနဲ့တောင် နည်းနည်း ချိတ်ဆက်နေတယ်။ Sam Mendesကားကို စီနီမာတိုရပ်ဖီ အတော်လှပါတယ်လို့ ပြောရမှာက မိ‌ကျောင်းမင်းရေခင်းပြသလိုပါပဲ။ အစကနေ အဆုံး ရုပ်ရှင်ဓာတ်ပုံပညာသုံးထားတာ တွေဟာ ပစ်ကြွေချင်စရာကောင်းအောင် လှတယ်။ ဒီရုပ်ရှင်က အဖေနဲ့သားဆက်ဆံရေးကြောင့် သူ့ခေတ်သူ့အခါက တစ်ချို့က Godfatherနဲ့ နှိုင်းခဲ့ကြပါတယ်။ နှိုင်းရလောက်အောင် မဟုတ်ပေမဲ့ သူ့နည်းသူ့ဟန်နဲ့ မှတ်ကျောက်တင် နိုင်ခဲ့တဲ့ ဂန်းရုပ်ရှင်ကားတစ်ကားလို့ဆိုနိုင်တယ်။ ဂန်းကားကောင်းကောင်းတွေ မထွက်တဲ့ ဒီဘက်နှစ်တွေအတွက် အဆာပြေစေနိုင်မယ့် ကားဟောင်းတစ်ကားပါပဲ။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ WiRa Aung မှဖြစ်ပါတယ်။) A fantastic read File Size - (1.9 GB / 1 GB / 700 MB) Quality – BluRay 1080p, 720p, 480p Duration - 1hr 57min Subtitle – Myanmar Hardsub Format – MP4 Genre : Crime, Drama, Thriller Translator – WiRa Aung Encoder – San Win Maung

The Tailor of Panama(2001) James Bond မင်းသားကြီး Pierce Brosnan အပြင် Geoffrey Rush,Jamie Curtis တို့လိုနာမည်ကြီး သရုပ်ဆောင်များနဲ့ ဟယ်ရီပေါ်တာမင်းသားလေး Daniel Radcliffe ကကလေးသရုပ်ဆောင်အဖြစ် ပါဝင်သရုပ်ဆောင်ထားတဲ့ နိုင်ငံရေးလှည့်ကွက်တွေအကြောင်း ရိုက်ကူးထားတဲ့ ဇာတ်ကားကောင်းတစ်ကားပဲဖြစ်ပါတယ်။ နိုင်ငံခြားရေးဝန်ကြီးရဲ့ အပျော်မယားနဲ့ကိစ္စတွေရှုပ်ခဲ့လို့ ပန်နမာကိုစေလွှတ်ခံရတဲ့ စစ်တပ်သတင်းဌာနက အန်ဒီအော့စ်နာဟာ ပန်နမာမှာဖြစ်နေတဲ့ အကျင့်ပျက်ခြစားမှုတွေနဲ့ မကောင်းမှုဒုစရိုက်တွေကိုစုံစမ်းဖို့ ပုံပြောကောင်းတဲ့ အပ်ချုပ်သမား ဟယ်ရီပန်ဒယ်ကိုအကြပ်ကိုင်ခိုင်းစေပါတယ်။ ဟယ်ရီအနေနဲ့ သူ့ရဲ့အတိတ်ကအကြောင်းတွေကို မပေါ်စေချင်တဲ့အတွက်ကြောင့်ပဲ အန်ဒီခိုင်းသမျှကိုလိုက်လုပ်ပေးရာကနေ ဘယ်လောက်အထိဆိုးဝါးသွားမလဲ... သူ့ရဲ့ပုံပြောကောင်းတဲ့အရည်အချင်းနဲ့ ဘယ်လိုဇာတ်လမ်းတွေဖန်တီးခဲ့တာလဲဆိုတာကို လှည့်ကွက်ပေါင်းများစွာနဲ့ ကြည့်ရှုခံစားကြရမှာပဲဖြစ်ပါတယ်..... File Size :(3.4GB) (0.9GB) and (472MB) Quality : Blu-Ray1080p5.1Ch, 720p Format…mp4 Duration…01:49:00 Genre : Drama , Thriller Subtitle : Myanmar Subtitle (Hard Sub) Translated by APP Encoded by Phyo Pyae

စိတ်ပညာရှင်လည်းဖြစ်၊ စုံထောက်လည်းဖြစ်တဲ့ ဒေါက်တာအဲလက်စ်ခရော့စ်ဟာ စစ်ဆင်ရေးတစ်ခုမှာ တွဲဖက်ကို ဆုံးရှုံးခဲ့ရပြီးနောက် ကိုယ့်ကိုယ်ကိုယ် ခွင့်မလွှတ်နိုင် ဖြစ်နေပါတယ်။ အဲဒီကတည်းက ဘဝကို ရည်ရွယ်ချက်မရှိဘဲ ဖြတ်သန်းနေခဲ့တာပါ။ ရှစ်လအကြာမှာတော့ ပြည်နယ်လွှတ်တော်အမတ် ဟန့်ခ်ရို့စ်ရဲ့ သမီးလေးရို့စ် ပြန်ပေးဆွဲခံလိုက်ရတယ်။ ကိုယ်ပိုင်ကျောင်းတစ်ခုမှာ ကျောင်းတက်နေတဲ့ ကလေးမလေးဟာ Secret Service ရဲ့ စောင့်ရှောက်မှုအောက်မှာ ရှိနေရင်းနဲ့ပဲ ပြန်ပေးဆွဲခံခဲ့ရတာ ဖြစ်ပါတယ်။ ပြန်ပေးသမားက အဲလက်စ်ဆီ ဖုန်းဆက်ပြီး သူ့ကစားပွဲထဲ ဝင်ပါဖို့ ခေါ်လာတော့တယ်။ အဲလက်စ်အနေနဲ့ ပြန်ပေးသမားရဲ့ ကစားပွဲကို အနိုင်ယူနိုင်မလား၊ ရို့စ်ကိုရော ကယ်ထုတ်နိုင်ပါ့မလား၊ အမှုနောက်လိုက်ရင်း ဘယ်လိုအန္တရာယ်နဲ့ အလှည့်အပြောင်းတွေ ကြုံရမလဲဆိုတာ ဆက်တွေ့ရမှာပါ။ ၂၀၀၁ ခုနှစ်မှာ ထွက်ရှိခဲ့ပြီး မော်ဂန်ဖရီးမန်းက အဲလက်စ်ခရော့စ်အဖြစ် သရုပ်ဆောင်ထားပါတယ်။

Thirteen Days (2000) IMDb Rating (7.3) / Rotten Tomatoes (83%) ဒီရုပ်ရှင်ကားလေးကတော့ ၁၉၆၂ ခုနှစ် သမ္မတကနေဒီလက်ထက်တုန်းက အမေရိကန်နဲ့ ဆိုဗီယက်ပြည်ထောင်စုအကြား နျူးကလီးယားစစ်ပွဲဖြစ်လုနီးနီးဖြစ်ပျက်သွားတဲ့ သမိုင်းကိုစိတ်ဝင်စားတဲ့သူတွေအတွက် ကျူးဘားဒုံးကျည်အရေးအခင်းဆို လူတိုင်းသိကြမှာဖြစ်တဲ့ အဖြစ်အပျက်ကို ရိုက်ကူးထားတာပါ။ နိုင်ငံကြီးနှစ်နိုင်ငံအကြား အားပြိုင်ကြတာကို ကမ္ဘာက စောင့်ကြည့်ရင်း ရင်တမမနဲ့ ဘယ်တော့ အန်ကယ်ဆမ်နဲ့ ဆိုဗီယက်ခရူးရှက်တို့ ထိပ်တိုက်တွေ့မလဲဆိုတာ သည်းထိတ်ရင်ဖို ဖြစ်ရတဲ့အကြောင်းကို ရိုက်ကူးထားတာပါ။ ကိုယ်တွေ မြန်မာနိုင်ငံက အတွင်းရေးမှူးချုပ်ဦးသန့်က ကမ္ဘာ့ကုလသမ္မဂမှာ တာဝန်ထမ်းဆောင်နေတဲ့အချိန်ဆိုတော့ သူ့နာမည်တောင် ရုပ်ရှင်ထဲမှာပါသေးတယ်။ တကယ့်ကို သရုပ်ဆောင်ကောင်းတဲ့သူတွေနဲ့ သမိုင်းရဲ့ တကယ့်အဖြစ်အပျက်တစ်ခုကို အကောင်းဆုံးသရုပ်ဖော်သွားနိုင်တဲ့ ရုပ်ရှင်ကားလေးပါ။ (အညွှန်းနဲ့ဘာသာပြန်ကတော့ Bunny ဖြစ်ပါတယ်။) File size…(2.9 GB) / (1.4 GB) Quality….Blu-Ray 1080p HEVC / 720p Format…. mkv/mp4 Genre….Drama, History, Thriller Duration….02:26:03 Subtitle….Myanmar Subtitle (Hardsub) Encoder….Benjamin Translated by Bunny

Requiem for a Dream (2000) IMDb - 8.3/10, RT - 79% တစ်ချို့က Requiem For A Dream ကို ကြည့်ရအခက်ဆုံးရုပ်ရှင်တစ်ကားလို့ ဆိုကြတယ်။ တခြားတော့မဟုတ်ပါဘူး။ စိတ်ညစ်စရာတော်တော်ကောင်းတဲ့ ဇာတ်ဝင်ခန်းတွေကြောင့်ပါပဲ။ နာမည်ကျော်ဝေဖန်ရေးဆရာ ရော်ဂျာအတ်ဘတ်ကတော့ ဒီလိုပြောထားတယ်။ " Requiem for a Dream ဟာ အတော်လေးလက်တွေ့ကျတဲ့ စိတ်ဓာတ်ကျစရာအတော်ကောင်းတဲ့ ဇာတ်လမ်းတစ်ပုဒ်ဆိုလည်း မမှားပါဘူး။ Requiem for a Dream နဲ့ ပတ်သက်ပြီး စွဲမက်စရာကောင်းတဲ့အချက်က... ဒါရိုက်တာက ဆေးစွဲနေတဲ့ဇာတ်ကောင်တွေရဲ့ စိတ်ပိုင်းဆိုင်ရာအခြေအနေကို ပြောင်ပြောင်မြောက်မြောက် ပုံဖော်သွားတဲ့အချက်ပါပဲ။ ဆေးသုံးနေတဲ့အချိန်မှာ... ဆေးဟာ ဘာမဆိုဖြစ်နိုင်တဲ့ ကမ္ဘာတစ်ခုထဲကို ပြတင်းတံခါးခဏဖွင့်ပြပေးပြီး... အဲဒီတံခါးပိတ်ကျသွားတဲ့အခါမှာ... ဘဝက အဲဒီပြတင်းတံခါးကိုပြန်ဖွင့်ဖို့ ငွေနဲ့ဆေးကိုရှာဖို့ ကြံမိကြံရာရှာနေရတဲ့ အခြေအနေကို ဆိုက်ရောက်သွားတော့တယ်" တဲ့။ ဒီရုပ်ရှင်ဟာ ဆေးစွဲနေတဲ့သူရဲ့ စိတ္တဗေဒကို အစစ်အမှန်ပြသထားတဲ့ ရုပ်ရှင်တစ်ကားပါ။ ဒီရုပ်ရှင်က အဓိကဇာတ်ကောင်တွေက အားလုံးက ဆေးစွဲနေတဲ့သူတွေပါပဲ။ အမျိုးအစားကိုက Psychological Thriller ဆိုတော့ ဒီကားရဲ့ စိတ်ညစ်ညူးစရာကောင်းမှုကို မှန်းဆမိလောက်ကြမှာပါ။ သို့ပေမဲ့ ဒါရိုက်တာဟာ ဆေးသုံးနေတဲ့သူတွေနဲ့ ကြည့်ရှုသူကို တစ်ထပ်တည်းနီးပါး ခံစားရအောင် လုပ်နိုင်စွမ်းရှိတယ်လို့ ဆိုရပါမယ်။ ကနဦးမှာ ကိုယ်ပါရုပ်ရှင်ထဲပြေးဝင်ချင်စရာ ကောင်းလောက်တဲ့ ဘယ်လိုပြန်ပြောပြရမှန်းမသိတဲ့ ဇာတ်ဝင်ခန်းတွေကို တီးလုံးသံဆန်းဆန်းနဲ့ လိုက်ဖက်ညီညီပြသွားတယ်။ နောက် အဆုံးအစမဲ့တဲ့ ကောင်းကင်ကျယ်ပြာကြီးကို စီနီမာတိုဂရပ်ဖီလှလှနဲ့ ပြသွားတယ်။ ပြီးကျ ပရိသတ်ကို အနက်ရှိုင်းဆုံး လောကငရဲကို ဆွဲခေါ်သွားတယ်။ သူ့ရဲ့ ရှုပ်ထွေးပြီး လျှပ်တပြက်ဆန်တဲ့ တင်ဆက်ပြသပုံကြောင့်ရော အပြနဲ့ပနံသင့်တဲ့ ဂီတသံကြောင့်ရော ကြည့်ရှုသူကိုပါ ဆေးလိုက်သုံးနေရသလို ခံစားမှုမျိုးပေးနိုင်တယ်။ ရုပ်ရှင်ကြည့်ပြီး ဆေးသုံးနေရသလို ခံစားရစေမယ့်ရုပ်ရှင်ပါပဲ။ Requiem For A Dream ရဲ့ ဒါရိုက်တာ Darren Aronofsky ဟာ Black Swan, Mother, Pi, The Fountain, The Wrestler တို့လို နာမည်ကျော်ရုပ်ရှင်တွေကို ရိုက်ထားတဲ့သူပါ။ ဒီရုပ်ရှင်ရဲ့ အဓိကသရုပ်ဆောင်တွေကတော့ Jared Leto, မမ Jennifer Connelly နဲ့ Ellen Burstynတို့ပါပဲ။ Jared Letoကတော့ ဒီရုပ်ရှင်အတွက် ဝိတ်တွေကြိုးစားချခဲ့ပြီး ချစ်စရာဆေးသမား ငပိန်လေးရုပ်နဲ့ အံကိုက်ဖြစ်နေတယ်။ သူ့ကာရိုက်တာဖြစ်တဲ့ ဟယ်ရီက အမေတစ်ခု သားတစ်ခုဘ၀မှာ အမေရဲ့ တစ်ခုတည်းသော အဖော်ဖြစ်တဲ့ တီဗီကိုပါ ဗြောင်ခိုးရောင်းပြီး ဆေးချဖို့ငွေရှာရှာနေတတ်တဲ့ ဆေးသမားလေး။ သူက သူ့အမေကိုတော့ သူချစ်တယ်။ သို့ပေမဲ့ ယင်းထလာရင်တော့ ဘာမှကိုမမြင်တော့တဲ့ ကောင်မျိုးပေါ့။ အစမှာ အမြင်ကတ်စရာ ပုံစံနဲ့ ပုံဖော်သွားပေမဲ့ ကြာလာလေ သနားစရာကောင်းလေပါပဲ။ ဆေးသမားတွေရဲ့ တခြားဖက်ကို ပုံဖော်ထားတယ်ဆိုရမယ်။ တစ်ချို့ဒါရိုက်တာကြီးတွေပြောကြတာတော့ ရုပ်ရှင်တစ်ကားရိုက်ဖို့ဆို မိန်းမတစ်ယောက်နဲ့ သေနတ်တစ်လက်ပဲလိုတယ်တဲ့။ ဆွဲဆောင်မှုနဲ့ သဲထိတ်ရင်ဖိုကို ဆိုလိုတာနေမှာပါ။ Jennifer Connelly ရဲ့ ဇာတ်ကောင် မာရီယွန်က ဒီရုပ်ရှင်ရဲ့ ဆွဲဆောင်မှုပါပဲ။ အပြောင်မြောက်ဆုံး စွဲဆောင်မှုပေါ့။ သူ့ဇာတ်ကောင်က ဆေးစွဲနေတဲ့ ဒီဇိုင်နာမလေး။ သူချုပ်ထားတဲ့ စကတ်အဆန်းကြီးက ခုနပြောတဲ့ ဘယ်လိုပြောရမှန်းမသိတဲ့ ဇာတ်၀င်ခန်းရဲ့ ပါ၀င်ပစ္စည်းတစ်ခုလို့ဆိုရမယ်။ အ၀တ်တစ်ထည်က ဇာတ်၀င်ခန်းကို အရောင်ပိုတောက်စေခဲ့တဲ့ အခန်းပေါ့။ သူ့ဇာတ်ကောင်က သနားစရာထက် ရင်နာစရာအတော်‌ကောင်းတဲ့ ဇာတ်ကောင်ပါပဲ။ မမဂျနီဖာကွန်နယ်လီက မမြင်အပ်နေရာတွေကို တစ်ပိုင်းတစ်စပြတဲ့အထိကို ရဲတင်းထားတာကို တွေ့ရမှာပါ။ သို့ပေမဲ့ ငမ်းချင်စိတ်ပျောက်ပြီး သူ့ကို ကရုဏာသာသက်မိစေတဲ့ဘက်ပဲ ပိုသွားပါလိမ့်မယ်။ နောက်ဒီရုပ်ရှင်ရဲ့ အပြောင်မြောင်ဆုံးဇာတ်ကောင်က Jared Letoရဲ့ဇာတ်ကောင် ဟယ်ရီရဲ့အမေ ဆာရာ။ Ellen ဟာ Academy Award, Emmy Award နဲ့ Tony Award ဆိုတဲ့ ထိပ်တန်းဆုသုံးရထားတဲ့သူပါ။ ဒီလိုဆုရထားတဲ့သူကို Triple Crown of Acting လို့ခေါ်ပါတယ်။ 2021ထိမှ လူ၂၄ယောက်ပဲ ရဖူးသေးပါတယ်။ Ellenဟာ ဒီရုပ်ရှင်ထဲက သူ့ရဲ့ပြောင်မြောက်တဲ့ သရုပ်ဆောင်မှုတွေကြောင့်လည်း ဒီတစ်ကားထဲနဲ့ အမျိုးသမီးသရုပ်ဆောင်ဆု ဆယ်ခုရခဲ့ပါတယ်။ သရုပ်ဆောင်ပိုင်း အတော်ပိုင်နိုင်တဲ့ အမျိုးသမီးကြီးပါ။ ဒီရုပ်ရှင်ထဲက သူ့ဇာတ်ကောင်က ပြောရရင် 12 Angry Menထဲက " ဘာမှအရေးမပါတဲ့ သူတစ်ယောက်ဖြစ်ရတာ အင်မတန်၀မ်းနည်းဖို့ကောင်းတဲ့ အရာပါပဲ "ဆိုတဲ့ ဒိုင်ယာလော့ကို သတိရစေတယ်။ သူရဲ့ အဓိပ္ပာယ်မရှိတဲ့ ဘ၀ကြီးမှာ အဓိပ္ပာယ်ကိုရှာဖို့ ကြိုးစားရင်း ‌ဆေးကို ဘူမသိကိုးမသိ သုံးမိရာက ပိုသနားဖို့ကောင်းသွားတဲ့ အဘွားကြီးပေါ့။ ဒီရုပ်ရှင်မှာ သူက သနားဖို့အကောင်းဆုံးနဲ့ ဓားစာခံသက်သက် ဖြစ်ခဲ့တဲ့ဇာတ်ကောင်ပါပဲ။ ဇာတ်ကောင်တွေအားလုံးရဲ့ ဆေးရှိန်တက်ခန်း ယင်းထခန်းတွေဟာ ဒါရိုက်တာရဲ့ ရှုပ်ထွေးလှပတဲ့ တင်ဆက်ပုံထက် မလျော့ရအောင် သရုပ်ဆောင်ကောင်းခဲ့ကြပါတယ်။ ဒီရုပ်ရှင်ဟာ Adult ကားတွေထက်‌တောင် ပိုဆိုးတဲ့ ၂၁နှစ်အောက်ဘယ်လိုမှမကြည့်သင့်တဲ့ ရုပ်ရှင်ဆိုတာကိုတော့ သတိချပ်စေချင်ပါတယ်။ လိင်ပိုင်းဆိုင်ရာအပြခန်းတွေလည်း ကြမ်းပေမဲ့ အဓိကက အဲဒီအချက်ကြောင့်မဟုတ်ဘဲ ဆေးသုံးတာကို ပုံဖော်ထားတာတွေဟာ ပီပြင်လွန်း စိတ်ဝင်စားစရာကောင်းလွန်းနေတာကြောင့် လူငယ်တွေလက်တည့်စမ်းမိကြမှာ စိုးလို့ပါလို့ ဆိုပါတယ်။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.63GB, 1GB Quality - 1080p, 720p IMDb Rating - 8.3/10 Format - mp4 Duration - 1H 42Min Type - Drama, Psychological Thriller Subtitle - Myanmar Subtitle (Hardsub) Translated by WiRa Aung Encoded by Y

ဒီရုပ်ရှင်လေးက ၂၀၀၀ခုနှစ်ထွက် Sci-Fi Horrorကားလေးပါ...။ သရုပ်ဆောင်တွေအနေနဲ့က Jennifer Lopez၊ Vince Vaughnတို့ ပါဝင်ပြီး ဆုတံဆိပ်တွေအများကြီးရရှိခဲ့သလို Makeupနဲ့ Hairstyleပိုင်းမှာ အော်စကာဇကာတင်အဖြစ်ပါခဲ့ပါသေးတယ်။ ရုံဝင်ငွေကလည်း ဘတ်ဂျက်၃၃မီလီယံမှာ ၁၀၄မီလီယံအထိရရှိခဲ့တဲ့ ကားလေးဖြစ်ပြီး အဲ့ဒီခေတ်အဲ့ဒီအခါက ဒီလိုဇာတ်အိမ်မျိုးကို ဒီလိုရိုက်ပြ ခဲ့ပါလားဆိုပြီး မြင်တွေ့ရမယ့်ကားလေးလည်းဖြစ်ပါတယ်...။ ဇာတ်လမ်းအကြောင်းလေးကလည်း ခပ်ဆန်းဆန်း၊ တိုတိုရှင်းရှင်းပြောရရင် ကိုမာဝင်နေတဲ့လူရဲ့စိတ်ထဲကဝင်ပြီး ကိုယ်သိချင်တဲ့အချက်အလက်တွေဝင်ရှာပြီး ရာဇဝတ်အမှုလိုက်သွားတဲ့ကားလေးပါ...။ Inceptionလို မူဗီမျိုးကိုကြိုက်တတ်ရင်တော့ ဒီကားလေးကလည်း အရသာတစ်မျိုးတွေ့ဦးမှာပါ၊ ထပ်ပြီးထူးတာက ဒီကားထဲမှာhorror vibe ကိုလည်းခံစားရဦးမှာပါ....၊ ဇာတ်လမ်းအကျဥ်းလေးက ကွင်းဆက်လူသတ်သမားတစ်ယောက်ရှိတယ်... သူ့သတ်ဖြတ်နည်းက ခပ်ဆန်းဆန်း၊အမျိုးသမီးတွေကိုပဲ ပြန်ပေးဆွဲကာ တစ်နေရာမှာဖွက်ထားပြီး ရေနှစ်သေအောင်လုပ်တယ် ပြီးမှ အရုပ်မဖြစ်အောင် အရောင်ချွတ်ဆေးတွေနဲ့မွမ်းမံပြီး ရဲတွေတွေ့အောင်ပစ်သွားတာ...။ ရဲတွေကသူ့ကိုတော်တော်နဲ့မဖမ်းနိုင်ခဲ့ဘူး...။ဘယ်အချိန်မှ ဖမ်းမိသွားလဲဆိုတော အဲ့ဒီလူသတ်သမားကိုမာဝင်သွားမှ ဖမ်းမိတယ်...။ အဖမ်းခံရတဲ့အချိန်မှာလည်း အမျိုးသမီးတစ်ယောက်ကို ပြန်ပေးဆွဲပြီးသား...၊ ဒီတော့ ပြန်ပေးဆွဲခံတဲ့အမျိုးသမီးရဲ့တည်နေရာကို သူ့ကိုမေးဖို့အတွက် ခုနကပြောတဲ့ တစ်ဖက်လူရဲ့စိတ်ထဲဝင်လို့ရတဲ့နည်းပညာတွေလိုလာပြီပေါ့။ အဲ့ဒီနည်းပညာတွေနဲ့ လူသတ်သမားရဲ့စိတ်ထဲကိုဝင်ကြည့်မိတဲ့အခါမှာတော့....။ အဲ့ဒီခေတ်အခါက ဇာတ်အိမ်ဆန်းဆန်းနဲ့ ရိုက်ကွင်းရိုက်ကွက်တွေကို တစ်ဖန်ပြန်ခံစားချင်တဲ့သူတွေအတွက်တော့ ဇာတ်ကားကောင်းလေးဖြစ်မှာပါ။ File size…1.90 GB / 840 MB Quality…Blu-Ray 1080p 5.1CH  / 720p Format…mp4 Duration….1h 47m Genre ….. Crime , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Themes

Simply Irresistible (1999) IMDb Rating (5.5) Simply Irresistible (1999) ဆိုတဲ့ ဇာတ်ကားလေးကတော့ ဟာသ၊ အချစ်နဲ့ စိတ်ကူးယဉ်ဆန်ဆန် ဇာတ်လမ်းမျိုးကြိုက်သူတွေအတွက် Romance, Comedy,Fantasy ဇာတ်ကားကောင်းလေးတစ်ကား ဖြစ်ပါတယ်။ ဒီကားက အစားအသောက်နဲ့ အချစ်ကို မှော်ဆန်ဆန်ပေါင်းစပ်ထားပြီး ကြည့်နေရင်းနဲ့ ဗိုက်ဆာလာစေမဲ့အပြင် ရင်ခုန်စရာကောင်းတဲ့အချစ်ဇာတ်လမ်းလေးမလို့ ပေါ့ပေါ့ပါးပါးလေးနဲ့ ကြည်နူးချင်သူတွေ လက်မလွှတ်သင့်တဲ့ ဇာတ်ကားလေးပါ။ ဇာတ်လမ်းအကျဉ်း---------- တောင်ပိုင်းခရော့စ်လို့ခေါ်တဲ့ စားသောက်ဆိုင်လေးကို အမွေရထားတဲ့ အမန်ဒါဟာ သူ့အမေက ဟင်းချက်တော်တဲ့ စားဖိုမှူးဖြစ်ခဲ့ပေမဲ့ သူကတော့ အချက်အပြုတ် ညံ့တဲ့အတွက် ဆိုင်က ပိတ်ရတော့မလို ဖြစ်နေပါတယ်။ အဲဒီလိုနဲ့ တစ်မနက်မှာတော့ ထူးဆန်းတဲ့လူတစ်ယောက်ဆီကနေ ကဏန်းတွေကို ဝယ်လိုက်မိပြီး အဲဒီထဲက တစ်ကောင်ကလွတ်သွားပြီး ကုန်တိုက်တစ်ခုရဲ့ မန်နေဂျာဖြစ်တဲ့ တွမ်ရဲ့ခြေထောက်ကို သွားညှပ်တာကြောင့် တွမ်နဲ့ဆုံတွေ့ဖို့ အကြောင်းဖန်လာပါတော့တယ်။ အဲဒီလိုနဲ့နောက်တစ်နေ့မှာ တွမ်နဲ့ သူ့ရည်စားနဲ့ဟာ အမန်ဒါကိုအ မှတ်မထင်တွေ့ကြပြီး အမန်ဒါဆိုင်မှာ စားဖို့ ဆုံးဖြတ်လိုက်ပါတော့တယ်။ လူထူးဆန်းဆီက ကဏန်းကို ဝယ်ပြီးကတည်းက အမန်ဒါ ကိုယ်တိုင်တောင် မသိဘဲ သူ့ခံစားချက်တွေကို ဟင်းပွဲထဲ ထည့်ချက်နိုင်ပြီး စားတဲ့သူတွေကလည်း သူ့ခံစားချက်အတိုင်း စီးမျောခံစားစေရတဲ့ စွမ်းရည်ကြောင့် သူ့ဟင်းပွဲတွေက ဘယ်လိုတွေ ပြုစားပြီး ဘာတွေဆက်ဖြစ်ကြမလဲဆိုတာကတော့ ဆက်လက်ကြည့်ရှုခံစားလိုက်ကြပါဗျာ။ File Size : 1.50GB/ 680MB Quality : BluRay 1080p 5.1CH/ 720p Format…mp4 Duration… 1hr 36m Genre : Romance, Drama, Fantasy and Comedy Subtitle : Myanmar Subtitle (Hard Sub)

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

တွမ်ဟန်းဒါးစ်ဟာ နည်းပညာကုမ္ပဏီတစ်ခုက မန်နေဂျာတစ်ယောက်ပါ။ အလုပ်ကို ကြိုးကြိုးစားစားလုပ်သလို ဇနီးနဲ့ သားသမီးတွေကိုလည်း ချစ်တဲ့သူဖြစ်ပါတယ်။ နှစ်ပေါင်းများစွာ မျှော်လင့်ထားတဲ့ ရာထူးတိုးကိစ္စ အကောင်အထည်ပေါ်လာတော့မယ့်အချိန်မှာ သူ့ရည်းစားဟောင်း မဲရီဒစ်ဂျွန်ဆန် ရောက်လာပါတယ်။ ဆွဲဆောင်မှုရှိပြီး ထက်မြက်တဲ့ မဲရီဒစ်က သူနဲ့မသက်ဆိုင်တဲ့ တွမ်ရဲ့ဌာနမှာ ရာထူးတိုးသွားတာပါ။ တွမ်ကတော့ ကိုယ်လုပ်ခဲ့တာမဟုတ်တဲ့ ဌာနတွင်းထုတ်လုပ်ရေးပြဿနာတစ်ခုကို အဖြေရှာနေရတယ်။ ရည်းစားဟောင်းနဲ့ အလုပ်မှာ ပြန်ဆုံရတဲ့နောက် သူရင်ဆိုင်ရမယ့် ပြဿနာတွေက ဒီလောက်နဲ့ မပြီးသေးပါဘူး။ Michael Douglas နဲ့ Demi Moore တို့ ပါဝင်ထားတဲ့ ဒရာမာ၊ သည်းထိတ်ရင်ဖိုဇာတ်ကားဖြစ်ပြီး အဖော်အချွတ်ခန်းအချို့ ပါဝင်ပါတယ်။

Love Potion No. 9 (1992) IMDb Rating (5.7) / Rotten Tomatoes (25%) သိပ္ပံပညာရှင် နှစ်ယောက်က အချစ်ကို သိပ္ပံနည်းကျ စမ်းသပ်လုပ်ယူဖို့ ကြိုးစားရာကနေ တကယ့်အချစ်ဆိုတာ ဖော်မြူလာတွေနဲ့ တိုင်းတာဖန်တီးလို့ မရဘူးဆိုတာကို ရိုက်ပြထားပြီး မင်းသမီးကြီး Sandra Bullock ရဲ့ နုပျိုစဉ်က အလှအပနဲ့ သရုပ်ဆောင်ချက်တွေကို မြင်တွေ့ရမယ့် Fantasy Romantic Comedy ကားလေးတစ်ကား ဖြစ်ပါတယ်။ ဇာတ်လမ်းကတော့ ဆန့်ကျင်ဘက်လိင်တွေနဲ့ ဆက်ဆံရေးမှာ အမြဲတမ်း အဆင်မပြေဖြစ်ပြီး ညံ့ဖျင်းလွန်းတဲ့ ဇီဝဗေဒပညာရှင် Paul Matthews အကြောင်းပါ။ သူဟာ ကံကောင်းချင်တော့ ဗေဒင်ဆရာမတစ်ယောက်ဆီကနေ "Love Potion No. 8" ဆိုတဲ့ ဆန်းကြယ်တဲ့ ဆေးရည်တစ်မျိုးကို ရရှိခဲ့ပါတယ်။ ဒီဆေးရည်ကို သုံးစွဲထားသူဟာ စကားပြောလိုက်တာနဲ့ တစ်ဖက်လူက သူ့အပေါ် အရူးအမူး ဖြစ်သွားစေမဲ့ ပီယရွှင်ဆေးပါ။ Paul ဟာ သူ့ရဲ့ လုပ်ဖော်ကိုင်ဖက် စာဂျပိုးမလေး Diane Farrow (Sandra Bullock) နဲ့အတူ ဒီဆေးရည်ကို ကိုယ်တိုင်စမ်းသပ်ရင်း သူတို့နှစ်ယောက်စလုံးဟာ အရင်က မရရှိခဲ့ဖူးတဲ့ ဆွဲဆောင်မှုတွေကို ပိုင်ဆိုင်လာကြပါတယ်။ ဒါပေမဲ့ ဒီဆေးရည်ကြောင့် ရလာတဲ့ အချစ်တွေက တကယ့်အစစ်အမှန်လား၊ ပြီးတော့ ဒီဆေးရည်ကြောင့်ပဲ သူတို့နှစ်ယောက်ကြားက ဆက်ဆံရေး ဘယ်လိုရှုပ်ထွေးကုန်မလဲဆိုတာကို ပေါ့ပေါ့ပါးပါးနဲ့ အပန်းဖြေရင်းကြည့်ရှုဖို့အကောင်းဆုံး စိတ်ကူးယဉ်ဒရမ်မာရုပ်ရှင်လေးဖြစ်ပါတယ်။ File size… (3.7 GB) / (1.9 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Fantasy,Romance Duration…. 01:36:46 Subtitle…. Myanmar Subtitle (Hardsub)

Won 1 Oscar, Another 6 wins & 17 nominations အကောင်းဆုံးဇာတ်ကားတွေထဲက တစ်ကားဖြစ်တဲ့ ဒီဇာတ်ကားဟာတော့ ၁၇ ရာစုက Red Indian လူမျိုးတွေနဲ့ ဗြိတိသျှနယ်ချဲ့တွေအကြောင်းကို အခြေခံပြီး ရိုက်ကူးထားတာပါ။ မင်းသားကြီး Daniel Day‑Lewis ကို မှတ်မှတ်ထင်ထင်ဖြစ်စေခဲ့တဲ့ ဇာတ်ကားဆိုလဲမမှားပါဘူး။ Rating တွေကြည့်တာနဲ့တင် ဘယ်လောက်ကောင်းတဲ့ဇာတ်ကားဆိုတာ အထူးတလည် ညွှန်းပြစရာမလိုတဲ့အတွက် ကိုယ်တိုင်ပဲ ခံစားကြည့်ရှုဖို့ဖိတ်ခေါ်ပါရစေ။ File size…(1.7 GB)/(850 Mb) Quality….Blu-Ray 1080p / 720p Format… mp4 Duration…. 01:52:00 Genre... Action, Adventure, Drama, Romance Subtitle….Myanmar Subtitle (Hardsub) Encoder….Garfield Translated by Myo Min Aung

Planes Trains and Automobiles (1987) IMDB : 7.6 Rotten Tomatoes : 93% Genre : Comedy / Drama Comedy ရုပ်ရှင်တစ်ကားအနေနဲ့ IMDB မှာ 7.6 Rotten Tomatoes မှာ 93% ဆိုတာ တော်တော်လေးကို မလွယ်လှပါဘူး။ ဒါဆို ဒီကားရဲ့ အတိမ်အနက်ကို သိလောက်မှာပါ။ ဒီရုပ်ရှင်က ဝေဖန်ရေးသမားတွေကြားမှာရော ပရိတ်သတ်တွေကြားမှာပါ တော်တော်လေးကို Positive ပြခဲ့တဲ့ ရုပ်ရှင်လည်းဖြစ်ပါတယ်။ ဇာတ်ညွှန်း နီးလ်ပေ့ဂျ်ဟာ ကျေးဇူးတော်နေ့ပိတ်ရက်အတွက် သူ့မိသားစုရှိတဲ့ ချီကာဂိုမြို့ကို အလုပ်ကနေပြန်ဖို့အတွက် လေယာဉ်လက်မှတ်တစ်စောင်ဝယ်ခဲ့ပါတယ်။ ဒါပေမဲ့ ကံဆိုးချင်တော့ နှင်းမုန်တိုင်းကြောင့် သူစီးမယ့်လေယာဉ်က ဖျက်သိမ်းခံလိုက်ရပါတော့တယ်။ ကျေးဇူးတော်နေ့ပိတ်ရက်ကလည်းဖြစ်၊ မုန်တိုင်းကလည်းရှိတော့ လေယာဉ်အစီအစဉ်တွေရော တခြား ခရီးသွားပလန်တွေအကုန်လုံး၊ ဟိုတယ်တွေက အစ ပြည့်နေခဲ့ပါတယ်။ အဲထက်ဆိုးတာက စကားကများ၊ အလိုက်ကမသိတဲ့ ဒဲလ်ဂရစ်ဖင်ဆိုတဲ့လူနဲ့ လေယာဉ်ပေါ်မှာစုံခဲ့တာပါပဲ။ အဲကစလို့ သူတို့နှစ်ယောက်ရဲ့ အလွဲတွေ ချီကာဂိုကို ဘယ်လိုရှေ့ဆက်မလဲဆိုတာကို ဟာသနှောပြီး ရိုက်ကူးထားတဲ့ Comedy / Drama ရုပ်ရှင်တစ်ကားဖြစ်တာကြောင့် တော်တော်လေးကို ကြည့်ရတန်ပါတယ်။ File size…    1 GB / 1 GB Quality… WEB-DL 1080p / 720p Format… mp4 Duration…. 1h 33m Genre ..... Comedy / Drama Subtitle…. Myanmar Subtitle (Hard Sub)