Frances Conroy ပါဝင်သော ဇာတ်ကားများ

Joker: Folie à Deux (2024) IMDb Rating (5.3) 2019 တုန်းက မင်းသားကြီးဝါကင်းဖီးနစ်ကို အော်စကာ ရစေခဲ့တဲ့ Joker ရုပ်ရှင်ရဲ့ နောက်ဆက်တွဲအဖြစ် ထွက်ရှိလာတဲ့ရုပ်ရှင်ဖြစ်ပါတယ်။ Folie à Deux ဆိုတာကတော့ ပြင်သစ်ဘာသာဖြစ်ပြီး "နှစ်ယောက်တွဲ ရူးသွပ်မှု" လို့ အဓိပ္ပါယ်ရပါတယ်။ ရူးသွပ်မှုတစ်ခုခုကို လူတစ်ယောက်ထက်ပိုပြီး ခံစားရတဲ့အခါ ဒီရောဂါ နာမည်ကို သုံးလေ့ရှိပါတယ်။ ဒီဂျိုကာရုပ်ရှင်ကတော့ DC ရဲ့ မူရင်း စကြဝဠာမှာ မပါပါဘူး။ "DC Elseworlds" လို့ခေါ်တဲ့ အခြားစကြဝဠာ တစ်ခုမှာ ဖြစ်ပျက်နေတာတွေကို ပြသထားတာ ဖြစ်ပါတယ်။ မူရင်းဒါရိုက်တာ Todd Phillips ပဲ ရိုက်ကူးထားပြီး ဟာလီကွင်း နေရာမှာတော့ လေဒီဂါဂါက ပါဝင်ထားပါတယ်။ ရုပ်ရှင်ကတော့ မှုခင်း ဆိုက်ကို ဒရာမာကိုမှ musical နဲ့ ရောထားတာပါ။ ဒါကြောင့် Greatest Showman တို့ Les Misérables တို့လို သီချင်းဆိုတာ ကတာတွေ ပါဝင်နေပါလိမ့်မယ်။ ဇာတ်လမ်းအကျဉ်း အာသာဖလက် ခေါ် ဂျိုကာဟာ လူ ငါးယောက်ကို သတ်မှုနဲ့ စွဲချက် တင်ခံထားရပါတယ်။ စိတ်ရောဂါအကျဉ်းထောင်ထဲမှာ တရားခွင်အတွက် စောင့်ဆိုင်းရင်း လီဆိုတဲ့မိန်းကလေးနဲ့ ချစ်မိသွားကြပါတယ်။ ဒီရုပ်ရှင်အစအဆုံးကတော့ တရားခွင်မှာ ဂျိုကာနဲ့ သူ့ကို သေဒဏ်ပေးချင်တဲ့ ရှေ့နေ ဟာဗေးဒန့်တို့ အပြန်အလှန် ချေပပုံတွေရယ် ဂျိုကာနဲ့ ဟာလီကွင်း ကြားထဲက စိတ္တဇအချစ်ရယ်ကိုပဲ ပုံဖော်ပေးထားပါတယ်။ စီးရီးသဘောအရ ဆိုရင် အဓိကဇာတ်လမ်းပါတဲ့အပိုင်းမဟုတ်ဘဲ အဖြည့်ခံအပိုင်းလောက်ပဲ ရှိတာမို့ အားပေးမှုနည်းပြီး rating နည်းနေတာလည်း ဖြစ်ပါလိမ့်မယ်။ ဇာတ်အိမ်ကြီးကျယ်မှုဆီ မသွားဘဲ ဖျော်ဖြေရေးသက်သက်သာ ဖန်တီး ထားတာမို့ ရိုက်ချက်တွေ သီချင်းတွေ ခံစားဖို့သက်သက်ပဲ ကြည့်တာ အကောင်းဆုံးပါပဲ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(8.3 GB) / (2.9 GB) / (1.1 GB) Quality…WEB-DL 4K HEVC / 1080p HEVC / 720p Format…mkv / mp4 Duration….02:18:29 Genre ….. Crime , Drama , Musicl ,  Thriller Subtitle….Myanmar Subtitle (Hard Sub) Encoder….Benjamin, Ka Naung Translated by Mr.Anderson

မင်းသားကြီးဘန်နီဒစ် ကမ်းဘာဘက်ချ်ရဲ့ ရုပ်ရှင်အသစ်လေးကို ကြည့်လိုက်ရအောင်။ ဒီရုပ်ရှင်ဟာ Drama, Romance, Western အမျိုးအစားဖြစ်ပြီး ခေါင်းစဉ်ဖြစ်တဲ့ Power of the dog ဆိုတာ ခွေးအကြောင်း မဟုတ်ပါဘူး။ ခွေးမပါပါဘူး။ သမ္မာကျမ်းစာထဲက Deliver my soul from the sword; my darling from the power of the dog. ဆိုတဲ့စာလေးကို တင်စားပြီး သုံးစွဲထားတာပါပဲ။ နားလည်သလို ဘာသာပြန်ရရင် ကျွနု်ပ်ရဲ့ဝိညာဉ်ကို ဓားသွားဆီကနေ ကယ်တင်တော်မူပါ၊ ကျွန်ုပ်ရဲ့ ဘဝကို လူယုတ်မာများဆီကနေ ကယ်တင်တော်မူပါလို့ ပြောရမယ်ထင်ပါတယ်။ ခွေးဆိုတာ သစ္စာရှိခြင်းကို ရည်ညွှန်းသလို တစ်ခါတရံမှာလည်း ယုတ်မာတာကို ရည်ညွှန်းတတ်ပါတယ်။ တစ်ခါတလေမှာ ကြမ်းတမ်းသလို တစ်ခါတလေမှာ သိမ်မွေ့တတ်ပါတယ် ဘာကြောင့်လဲဆိုတာတော့ ရုပ်ရှင်ကိုကြည့်ပြီး စဉ်းစားကြတာပေါ့။ ဒီကားကတော့ award သုံးခုနဲ့ norminee ခြောက်ခုထိ ဝင်ထားနိုင်ပြီး၊ နိုင်ငံတကာမှာပြသနေဆဲကားပါ. ကျွန်တော်တို့ရဲ့ သခွားသီး Benedict Cumberbatch သရုပ်ဆောင်ထားပြီးတော့ နယူးဇီလန်မှာ ရိုက်ထားတဲ့ကားဖြစ်လေတော့ သခွားသီးရဲ့ ခန္ဓာကိုယ်နောက်ပိုင်းအလှတွေအပြင် နယူးဇီလန်ရဲ့ ရင်သပ်ရှူမောလောက်တဲ့ ရှုခင်းတွေကိုပါ ခံစားရဦးမှာပဲဖြစ်ပါတယ်။ ဖေးလ်နဲ့ ဂျော့တို့က မိဘရဲ့လက်ငုပ်လက်ရင်း မွေးမြူရေးခြံကြီးကိုပိုင်ထားပြီးတော့ အင်မတန်မှလည်းအောင်မြင်ပါတယ်။ ဖေးလ်ကိုယ်တိုင်ကလည်း သန်မာပြီးတော့ သူကဒါကိုဂုဏ်ယူလေ့ရှိပါတယ်။ တွယ်တာစရာ ညီအစ်ကို နှစ်ယောက်တည်းရှိလေတော့ တစ်ကုတင်တည်းတောင် အိပ်ကြပါတယ်။ ရိုစ့်ကတော့ စားသောက်ဆိုင်နဲ့တည်းခိုခန်းတွဲရက်ဖွင့်ထားတဲ့ ဆိုင်လေးတစ်ဆိုက်ကို ပိုင်ပြီး ပီတာဆိုတဲ့ သားလေးတစ်ယောက်လည်းရှိပါတယ်၊ ရိုစ့်ရဲ့ယောက်ျားတော့ဆွဲကြိုးချသေသွားသူပါ။ ဒီလိုနဲ့ ဖေးလ်အစ်ကို ဂျော့တို့နဲ့ ဆုံမိကြပြီး ဂျော့က ချစ်သွားတဲ့အတွက်မင်္ဂလာဆောင်လိုက်ပါရော။ ဖေးလ်ကတော့ လုံးဝအမြင်မကြည်တော့ပါဘူး၊ ရိုစ့်ရဲ့သား ပီတာကို အခြောက်ကလေးလို့ခေါ်နေကျဖြစ်ပြီး တူတော်လာရလေတော့ တော်တော်လည်းစိတ်ပျက်နေတဲ့ပုံပါ။ သို့ပေမဲ့ ဖေးလ်က အရမ်းလျို့ဝှက်လွန်းပြီး သူ့လျို့ဝှက်ချက်တွေကို ပီတာသိသွားတဲ့အခါမှာတော့ ဖေးလ်နဲ့ ပီတာရဲ့ ဆက်ဆံရေးကအရင်လိုမဟုတ်တော့ပါဘူး။ သောမတ်စ် ဆားဗေစ့်ရဲ့ ဝတ္ထုကို ပြန်လည်ရိုက်ကူးထားတာဖြစ်တဲ့အတွက် ဂန္တဝင်တွေကို သဘောကျတဲ့သူတွေ နှစ်ခြိုက်စေမယ့် ဇာတ်လမ်းတစ်ပုဒ်ပါပဲ။ ဇာတ်ရဲ့ အလှည့်အပြောင်းတွေမှာမှ ဪဒီလူက ဒီလိုပါလားလို့သိလာရမှာမို့ သေချာလေး စီးမြောစေချင်ပါတယ်။ ဇာတ်လမ်းရဲ့ နာမည်လေးကိုလည်း ဇာတ်လမ်းထဲမှာ အဖြေရှာကြည့်ကြပါဦး။ File size…(2.4 GB) / (1.2 Gb) Quality….Webrip 1080p / 720p  Format…mp4 Duration….02:06:00 Genre...Drama, Romance, Western  Subtitle….Myanmar Subtitle (Hardsub) Encoder….Mr. Anderson Translated by Murphy

Joker (2019) IMDb - (8.5/10) RT - 68% Won 2 Oscars. Another 92 wins & 199 nominations DC comic တွေထဲက ဇာတ်ကောင်တစ်ကောင်ကို အခြေခံထားတဲ့ ရုပ်ရှင်ပါ။ ဂျိုကာကိုဆို စူပါဟီးရိုး ဖန်တိုင်း သိကြမှာပါ။ ခေတ်အဆက်ဆက် လင်းနို့လူသား ရုပ်ရှင်တွေမှာအကောင်းဆုံးဗီလိန်တွေထဲက တစ်ယောက်အဖြစ် ပါနေကျပါပဲ။ ဒီကားကတော့ အရင်ဂျိုကာတွေ လင်းနို့လူသားတွေရဲ့ ဇာတ်လမ်းနဲ့ မဆက်စပ်ပါဘူး။ အာသာဖလက်ဆိုတဲ့ သာမန်လူတစ်ယောက်ကနေ ဂျိုကာဆိုပြီးဘယ်လိုဖြစ်လာလဲ ဆိုတာကို ဇာတ်ညွှန်းအသစ်နဲ့ ပြသထားတာပါ။ လက်ရှိ အအောင်မြင်ဆုံးနဲ့ ဝင်ငွေအကြမ်းဆုံး R rated ရုပ်ရှင်ပါ။ သရုပ်ဆောင်၊ ဒါရိုက်တာ အကုန်ကောင်းမွန်တဲ့အရှိန်ရယ်၊ ခေတ်အဆက်ဆက် ရှိလာခဲ့တဲ့ ပရိသတ်တွေရဲ့ အရှိန် ၂ ခုလုံးပေါင်းမိသွားတာပါပဲ။ စူပါဟီးရိုးဖန်တွေရော ရုပ်ရှင်ကောင်းကြိုက်တတ်တဲ့ သူတွေရော သဘောကျကြမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်.... File Size : (6.7 GB) /(2.0 GB) /(950 MB) Quality : BluRay 4K HEVC / 1080p/720p Running Time : 2hr 02min Format : Mp4 Genre : Crime, Drama, Thriller Subtitle : Myanmar Subtitle (Hard Sub) Source : 1080p.BluRay.x264-AAA Translated by Littleneo Encoded by Thanhtike Zaw,Ka Naung

ဒီဇာတ်လမ်းလေးကတော့ နာမည်ကျော် Ozဇာတ်လမ်းကို Referenceယူပြီး ရိုက်ထားတဲ့ Tom & Jerry ဇာတ်လမ်းပဲဖြစ်ပါတယ်။ ဒီဇာတ်လမ်းရဲ့ အဓိက‌‌ဇာတ်ဆောင်ဖြစ်တဲ့ ဒိုရိုသီတစ်‌ယောက် အော့ဇ်တိုင်းပြည်ရဲ့ မြစိမ်းမြို့တော်ကနေ သူ့ဇာတိကန်းဆက်မြို့တော်ကို ပြန်ရောက်လာချိန်အဒေါ်နဲ့ ဦးလေးဖြစ်သူတို့ရဲ့ မွေးမြူရေးခြံက အကြွေးနဲ့ တိရစ္ဆာန်တွေသိမ်းခံရမယ့် အခြေအနေနဲ့ ကြုံနေရတာပါ။ ဒါကြောင့် သူ့အဒေါ်ရဲ့ခြံကိုကာကွယ်ဖို့ မြစိမ်းမြို့တော်ကိုပြန်သွားဖို့ အကြောင်းဖန်လာပါတယ်။ အဲဒီအပြင် အော့ဇ် တိုင်းပြည်ရဲ့မဟာရန်သူတော် နုမ်းဘုရင်ရဲ့ အန္တရာယ်ပါကျရောက်လာတဲ့အခါ ဒိုရိုသီနဲ့ တွမ်၊ဂျယ်ရီနဲ့ တွဲဖက်တွေဖြစ်တဲ့ စာခြောက်ရုပ် ခြင်္သေ့ကြီးနဲ့ သံပုံးလူသားတို့အဖွဲ့ မြစိမ်းမြို့တော်ကို ကယ်တင်ဖို့ အကြောင်းဖန်လာပါတယ် File size…    1.5 GB /  791 MB Quality… BluRay 1080p / 720p Format… mp4 Duration…. 1h 21m Genre ..... Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated... by JimX

Superman Unbound (2013) IMDb: 6.5/10 Rotten Tomatoes: 100% Superman Unbound ဟာ ၂၀၁၃ ခုနှစ်ထွက် DC Animation ရုပ်ရှင်တစ်ခုဖြစ်ပါတယ်။ ဇာတ်ညွှန်း ကာရာ(စူပါဂဲလ်) ဟာကမ္ဘာမြေက်ိုရောက်ကာစအချိန်ဖြစ်ပါတယ်။ လိုးဝစ်စ်ကို လူဆိုးတွေဖမ်းသွားလို့ ကယ်လ်(စူပါမန်း) နဲ့ ကာရာလို့လိုက်ကယ်ကြပါတယ်။ ကာရာဟာ ကမ္ဘာကိုရောက်လာတာအကြောင်းရှိပါတယ်။ ဘရိန်းနီးရာ့ခ် လို့ခေါ်တဲ့ အရာဟာ ဂြိုလ်တိုင်းမှာရှိတဲ့ အဓိကမြို့တွေကိုဖမ်းယူပြီး အသိပညာဉာဏ်ရည်တွေကို စုပ်ယူထားတဲ့ ဉာဏ်ရည်မြင့်သတ္တဝါဖြစ်ပါတယ်။ ကာရာ ကမ္ဘာကိုရောက်လာတာကလည်း ကန်ဒေါလို့ခေါ်တဲ့ ခရစ်ပတွန်က မြို့တော် ဘရိန်းနီးရာ့ခ်လက်အောက်ကို ရောက်သွားတာကြောင့် ကာရာရဲ့မိဘ ကယ်လ်ရဲ့ဦးလေးတွေက စိတ်ပူပြီး ကမ္ဘာကိုလွှတ်လိုက်တာဖြစ်ပါတယ်။ အကြောင်းဖန်လာတော့ ဘရိန်းနီးရာခ့်ဟာ ကမ္ဘာကိုဦးတည်လာခဲ့ပါတယ်။ ကာရာနဲ့ကယ်လ် တို့နှစ်ယောက်ဘယ်လိုမျိုး ဉာဏ်ကြီးရှင် ဘရိန်းနီးရာခ့်ရန်ကနေ ကမ္ဘာကိုကာကွယ်ပေးမှာလဲ။ File size…    1 GB /  515 MB Quality… BluRay 1080p / 720p Format… mp4 Duration…. 1h 15m Genre ..... Animation / Action / Adventure Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

ဒီဇာတ်လမ်းက နာမည်ကျော် The Wizard of Oz ပုံပြင်ကို အခြေခံထားတဲ့ Tom&Jerryဇာတ်ကားလေးပဲ ဖြစ်ပါတယ်။ မူရင်းဇာတ်လမ်းထဲကလိုပဲ ကန်းဆတ်နယ်က ဒိုရိုသီဆိုတဲ့ ကလေးမလေးဟာ လေဆင်နှာ‌မောင်းကြီး တစ်ခုကြောင့် အော့ဇ်ဆိုတဲ့ မှော်တိုင်းပြည်ကြီးတစ်ခုကို ရောက်သွားပြီး စာ‌ခြောက်ရုပ် ခြင်္သေ့နဲ့ သံပုံးလူသားဆိုတဲ့ မိတ်ဆွေသစ်သုံးယောက်နဲ့ တွေ့ဆုံခဲ့ပါတယ်။ တွမ်နဲ့ ဂျယ်ရီတို့ကတော့ ဒိုရိုသီရဲ့အဖော်လေး နှစ်ကောင်ပေါ့။ အော့ဇ်တိုင်းပြည်ကိုရောက်တဲ့အချိန် စွမ်းအားကြီးတဲ့ စုန်းမကြီးရဲ့ အန္တရာယ်ကို အော့ဇ်နိုင်ငံသားတွေ ကြုံနေရတဲ့ အချိန် ဖြစ်နေခဲ့တာပါ။ သူ့အန္တရာယ်ကို ကာကွယ်ဖို့ မှော်နတ်သမီးလေး ဂလင်ဒါက ဒိုရိုသီကို ပတ္တမြားဖိနပ်တစ်ရံပေးလိုက်ပြီး မြမြို့တော်က မှော်ဆရာကြီး အော့ဇ်ဆီကို စေလွှတ်လိုက်ပါတယ်။ အဲဒီမြို့တော်ကိုအသွား ဘယ်လိုအခက်အခဲတွေ ကြုံရမလဲ၊ စုန်းမကြီးက ဘယ်လိုတွေတားဆီးပြီး ဒိုရိုသီတို့ ဘယ်လို ကျော်ဖြတ်ကြမလဲဆိုတာ ကြည့်ရှုရမှာပါ။ File size…   1.2 GB / 624 MB Quality… BluRay 1080p / 720p Format… mp4 Duration…. 56m Genre ..... Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated... by JimX

DC Universe Animated Original Movies တွေထဲကမှ ဂန္တဝင်အတွင်ဆုံးနဲ့ အကောင်းဆုံးလို့ သတ်မှတ်လို့ရတဲ့ All-Star Superman (2011) အကြောင်း နည်းနည်းလောက် ပြောပြချင်ပါတယ်။ Grant Morrison နဲ့ Frank Quitely တို့ ဖန်တီးခဲ့တဲ့ နာမည်ကျော် Comic ကို အသက်သွင်းထားတာမလို့ DC Fan စစ်စစ်တစ်ယောက်အနေနဲ့ကတော့ ဒီကားကို တော်တော်သဘောကျမိပါတယ်။ ဇာတ်လမ်းစစချင်းမှာပဲ Lex Luthor ရဲ့ ထောင်ချောက်ကြောင့် Superman ဟာ နေရောင်ခြည်စွမ်းအင် (Solar Radiation) တွေကို အလွန်အကျွံ စုပ်ယူမိသွားပါတယ်။ စွမ်းအားတွေ အဆမတန် တိုးလာပေမယ့် ဆိုးကျိုးအနေနဲ့ သူ့ရဲ့ ဆဲလ်တွေက တဖြည်းဖြည်း ပျက်စီးလာပြီး သူသေဖို့ တစ်နှစ်ပဲ အချိန်ကျန်တော့တဲ့ အခြေအနေ ကို ရောက်သွားပါတယ်။ နတ်ဘုရားတစ်ပါးလို စွမ်းအားရှင်တစ်ယောက် သေဆုံးခါနီးအချိန်မှာ သူ့ရဲ့ နောက်ဆုံးနေ့ရက်တွေကို ဘယ်လိုဖြတ်သန်းမလဲ၊ သူချစ်တဲ့ Lois Lane အတွက် ဘာတွေလုပ်ပေးခဲ့မလဲ ဆိုတာကို အရမ်းလှပစွာ ရိုက်ကူးပြသထားတာပါ။ ကွယ်လွန်သူ စာရေးဆရာ Dwayne McDuffie ရဲ့ ဇာတ်ညွှန်းက တကယ့်ကို အမိုက်စားပါ။ Issue ၁၂ အုပ်တောင်ရှိတဲ့ Comic ကြီးကို မိနစ် ၇၀ ကျော် Animation ရုပ်ရှင်တစ်ခုအနေနဲ့ အဆီအနှစ်မပျက်အောင် ချုံ့နိုင်ခဲ့တာက တကယ့်ကို ချီးကျူးစရာပါ။ တချို့လူတွေက Superman ကို "အရမ်းစွမ်းလွန်းလို့ ပျင်းစရာကောင်းတယ်" လို့ ထင်ကြတယ်။ ဒါပေမယ့် ဒီကားက Superman ဆိုတာ အက်ရှင်ကြမ်းကြမ်းတွေ၊ ဗီလိန်တွေကို ထိုးကြိတ်နေရုံတင် မဟုတ်ဘဲ၊ သူ့ရဲ့ "မျှော်လင့်ချက် (Hope)၊ ကြင်နာမှုနဲ့ လူသားဆန်မှု" တွေကသာ သူ့ကို အကြီးကျယ်ဆုံး ဟီးရိုးတစ်ယောက် ဖြစ်စေတာဆိုတာကို သက်သေပြသွားပါတယ်။ ဇာတ်ကောင်တွေရဲ့ အသံသရုပ်ဆောင်မှုတွေကလည်း မိုက်တယ်။ James Denton (Superman)၊ Christina Hendricks (Lois) နဲ့ Anthony LaPaglia (Lex) တို့က ဇာတ်ကောင်တွေရဲ့ Character ကို ပီပြင်အောင် အသံနဲ့ ကောင်းကောင်း ပုံဖော်သွားနိုင်ကြတယ်။ All-Star Superman ဟာ ရိုးရှင်းတဲ့ Superhero ကားတစ်ကားမဟုတ်ပါဘူး။ Superman ရဲ့ ဒဏ္ဍာရီကို ဂုဏ်ပြုထားတဲ့၊ ကြည့်ပြီးရင် ရင်ထဲမှာ လေးနက်တဲ့ ခံစားချက်တစ်ခုခု ကျန်ခဲ့စေမယ့် ဇာတ်ကားကောင်း တစ်ကားပါ။ Action တွေထက် Story နဲ့ Character Development ကို ပိုကြိုက်တဲ့ Comic Book Geek တွေအတွက်တော့ လုံးဝ Must-watch ပါပဲ။ File size… 1.15 GB / 500 MB Quality… Blu -Ray 1080p/ 720p Format… mp4 Duration…. 1h 16m Genre ..... Animation, Adventure, Action Subtitle…. Myanmar Subtitle (Hard Sub)

ဟိုးရှေးတုန်းက Dor ဆိုတဲ့ တိုင်းပြည်မှာ တစ်နှစ်တစ်ခါ ကျင်းပတဲ့ Soup Day စွပ်ပြုတ်ပွဲတော် ရှိပါတယ်။ အဲဒီနေ့ရောက်တိုင်း ဘုရင့်မိသားစုကအစ ပြည်သူတွေအဆုံး နန်းတော်စားဖိုမှူးကြီး အန်ဒရေးရဲ့ စွပ်ပြုတ်အသစ်ကို မျှော်နေကြတယ်။ စားဖိုမှူးကြီးကလည်း တစ်နှစ်နဲ့တစ်နှစ် မရိုးရအောင် စွပ်ပြုတ်အမျိုးမျိုး ချက်ပေးလေ့ရှိပါတယ်။ စွပ်ပြုတ်ကို စောင့်မျှော်နေသူတွေထဲမှာ လူတွေတင်မက တိရစ္ဆာန်တွေလည်း ပါကြပြီး ရော့စကူတိုဆိုတဲ့ မြေကြွက်တစ်ကောင်လည်း အပါအဝင်ပါ။ တစ်ရက်မှာတော့ စားဖိုမှူးကြီးရဲ့ စွပ်ပြုတ်ကို သိပ်စားချင်နေတဲ့ ရော့စကူတိုကြောင့် မတော်တဆမှုတစ်ခု ဖြစ်သွားတယ်။ အဲဒီကစတဲ့ ပြဿနာတွေကြောင့် တိုင်းပြည်တစ်ခုလုံး နေရောင်ပျောက်ပြီး အမှောင်ကျသွားတဲ့အခါ ဘယ်လိုသူရဲကောင်းတွေ ပေါ်လာကြမလဲ၊ ဒီအဖြစ်ကို တစ်ယောက်ချင်းစီက ဘယ်လိုတုံ့ပြန်ကြမလဲ။

ဘဝကို ခက်ခဲစွာရုန်းကန်နေရတဲ့ အရောင်းဝန်ထမ်းမိန်းကလေး စီးပွားရေးသမားတစ်ဦးနဲ့ ရည်မှန်းချက်မရှိတဲ့ လူငယ်...သူတို့သုံးယောက်ကြားက ရှုပ်ထွေးတဲ့ သုံးပွင့်ဆိုင်အချစ်ဇာတ်လမ်းကို ပုံဖော်ထားတာပါ။ မစ်ရာဘယ်က လက်အိတ်ဆိုင်မှာ အရောင်းဝန်ထမ်းလုပ်ပြီး တစ်ခါတလေ ပန်းချီကားလေးတွေ ဆွဲရောင်းပါတယ်။ သူ့ကျောင်းသားချေးငွေတွေကိုလည်း ခက်ခက်ခဲခဲ ပြန်ဆပ်နေရပြီး ကြပ်တည်းနေပါတယ်။ အထီးကျန်ပြီး အချစ်ခံချင်တဲ့ မစ်ရာဘယ်က ဂျယ်ရမီဆိုတဲ့ ကောင်လေးနဲ့ ဆုံမိပြီး တွဲဖြစ်သွားပါတယ်။ ဒါမဲ့ ဂျယ်ရမီကလည်း ချို့တဲ့ပြီး မစ်ရာဘယ်လိုချင်တာတွေ မဖြည့်ဆည်းနိုင်တဲ့အခါ နှစ်ယောက်သားဆက်ဆံရေးက သွေးအေးသွားပါတယ်။ အဲ့မှာပဲ ရေးပေါ်တာဆိုတဲ့ 50 ကျော်အရွယ်စီးပွားရေးသမား ပေါ်လာပါတယ်။ ရေးက မစ်ရာဘယ်အလိုရှိတာတွေ အကြိုက်ဆောင် လုပ်ပေးနိုင်ပေမယ့် သူမလိုချင်တဲ့အချစ်ကိုတော့ မပေးနိုင်ဘဲ စည်းခြားထားပါတယ်။ ပြည့်စုံလာတဲ့ဘဝမှာ အချစ်စစ်ကိုတောင့်တလာတဲ့ မစ်ရာဘယ်နဲ့ ရေရှည်ပတ်သက်မှုမျိုးမလိုချင်တဲ့ ရေး...မစ်ရာဘယ်ကြောင့် ဘဝရည်မှန်းချက်တွေ့သွားတဲ့ ဂျယရမီတို့ သုံးဦးကြားက အချစ်ဇာတ်လမ်းက ဘယ်လိုဇာတ်သိမ်းမလဲဆိုတာ ခံစားကြည့်ရှုလို့ရပါပြီ။

Catwoman (2004) Genre - Action,Crime,Fantasy ဒီတစ်ခါမှာတော့ အားလုံးနဲ့မစိမ်းတဲ့ မင်းသမီးကြီး Halle Berry ပါဝင်သရုပ်ဆောင်ထားတဲ့ Catwoman နဲ့မိတ်ဆက်ပေးပါမယ်။ Patience ဟာ Hadre အလှကုန်ကုမ္ပဏီမှာ ဒီဇိုင်းဆွဲတဲ့အလုပ်လုပ်နေတဲ့ကောင်မလေးပါ။ တစ်နေ့မှာတော့ သူ့တိုက်ခန်းမှာဒီဇိုင်းဆွဲနေတုန်း ကြောင်လေးတစ်ကောင်ခေါင်မိုးပေါ်ရောက်နေတာတွေ့တာနဲ့ ပြတင်းပေါက်ကထွက်ပြီးကယ်ဖို့လုပ်ပါ‌တော့တယ်။ အဲဒီလိုကယ်နေတဲ့အချိန်မှာပဲ လမ်းကဖြတ်သွားတဲ့ စုံထောက်ကြီးတစ်ယောက်က ခုန်ချမယ်ထင်ပြီး လာကယ်ရင်းနဲ့ပဲ Patience နဲ့ စုံထောက်ကြီးတို့ခင်မင်သွားပါတော့တယ်။ တစ်နေ့ Patience တစ်ယောက် ကုမ္ပဏီကခိုင်းထားတဲ့ဒီဇိုင်းကိုစက်ရုံအထိသွားပေးရပါတယ်။ စက်ရုံကလျှို့ဝှက်ချက်တစ်ခုကိုမထင်မှတ်ပဲ သိသွားတာကြောင့် ကံဆိုးမိုးမှောင်ကျပြီး အသတ်ခံလိုက်ရပါတယ်။ Patience တစ်ယောက်သေသွားတယ်ဆိုပေမဲ့ သူကယ်ခဲ့တဲအီဂျစ်နတ်ဘုရားမရဲ့တမန်တော်ကြောင်လေးရဲ့ အစွမ်းနဲ့ အသက်ပြန်ရှင်သန်လာခဲ့ပါတယ်။ ပြန်ရှင်သန်လာတဲ့အခါမှာ Patience တစ်ယောက် အရင်လိုမဟုတ်တော့ပါဘူး။ အထိအတွေ့၊ အနံ့ အာရုံခံမှုတွေဟာ လူသားတစ်ယောက်နဲ့မတူတော့ဘဲ ထူးခြားနေပါတယ်။ အဲဒီညကကိစ္စကိုလည်း မမှတ်မိပါဘူး။ ဒီလိုနဲ့‌‌ ကြောင်အစွမ်းတွေရပြီး ကြောင်လူသားဖြစ်သွားတဲ့ Patience ဟာ သူ့စိတ်ထင်ရာလျှောက်သွားလိုက်၊ လူဆိုးတွေကိုဝင်ဖမ်းလိုက်နဲ့ သတင်းတွေမှာနာမည်ကြီးလာပါတယ်။ နောက်ပိုင်းမှာ သူအသတ်ခံခဲ့ရတဲ့အဖြစ်မှန်ကိုသိပြီး သတ်ခဲ့တဲ့လူနဲ့ သတ်ခဲ့တဲ့အကြောင်းအရင်းကိုရှာပုံတော်ဖွင့်ပါတော့တယ်။ Catwoman တစ်ယောက် ကုမ္ပဏီရဲ့လျှို့ဝှက်ချက်ကိုဖော်ထုတ်နိုင်ပြီး တရားမျှတမှုကိုရှာဖွေနိုင်မလားဆိုတာကို မမရဲ့ အမိုက်စားတိုက်ခိုက်မှုပြကွက်တွေနဲ့တင်ဆက်ပေးထားတာကြောင့်ကြည့်ရှုခံစားလိုက်ပါဦး။ File size…    2.1 GB /  971 MB Quality… BluRay 1080p / 720p Format… mp4 Duration…. 1h 44m Genre ..... Action/Crime/Fantasy Subtitle…. Myanmar Subtitle (Hard Sub) Encoder…. LegoHeart Translated by Jia

The Aviator ဇာတ်ကားကတော့ ၂၀၀၄ခုနှစ်မှာ Director : Martin Scorsese ရိုက်ကူးခဲ့တဲ့ Biographical, Drama ရုပ်ရှင်ဇာတ်ကားကောင်းတစ်ကားဖြစ်ပါတယ်။ American Box Office အဖြစ် American $213.7 million အထိ ရရှိထားတဲ့ ဇာတ်ကားလည်းဖြစ်ပါတယ်။ ဒီဇာတ်ကားထဲမှာဆိုရင်တော့ မင်းသားကြီး Leonardo DiCaprioက Howard Hughes အဖြစ်အဓိက ပါဝင်သရုပ်ဆောင်ထားပါတယ်။ ဇာတ်လမ်းကတော့ ၁၉၃၅ခုနှစ်မှာ Hughesတစ်ယောက် H1 Racerဆိုတဲ့ လေယာဉ်ကိုမောင်းပြီး ကမ္ဘာ့စံချိန်တင်ဖို့ကြိုးစားခဲ့ပါတယ်။ ၃နှစ်ကြာပြီးတဲ့နောက်မှာတော့ သူဟာ လေးရက်ဆက်တိုက် လေယာဉ်မောင်းပြီး စံချိန်ချိုးပြခဲ့ပါတယ်။ သိပ်မကြာသေးခင်မှာပဲ သူဟာ TWA ဆိုတဲ့ လေယာဉ်ကုမ္ပဏီနဲ့ ချိတ်ဆက်မိပြီး Army Air Forces မှာ Spy Aircraft ဆိုတဲ့ project ကို လုပ်ဖို့ စာချုပ်ချုပ်ခဲ့ပါတယ်။ အဲ့ဒီ့နောက်မှာတော့ ဘယ်လိုတွေဆက်ဖြစ်သွားမလဲဆိုတာကိုတော့ ဇာတ်လမ်းထဲမှာ ဆက်လက်ရှု့စာကြပါတော့။ File size…(1.4GB) Quality…BR-Rip 1080p Format…mp4 Duration….02:50:06 Subtitle….Myanmar Subtitle (Hardsub) Translated by Edrea Rae Encoded by Naing Aung Latt

ဒီဇာတ်ကားလေးကတော့ 2002 ခုနှစ်ကထွက်ရှိထားတဲ့ Romance Drama အချစ်ဇာတ်လမ်းကောင်းလေးတစ်ပုဒ်ဖြစ်ပါတယ်။ ဒီဇာတ်ကားမှာ Jennifer Lopez, Ralph Fiennes စတဲ့ နာမည်‌ကျော်သရုပ်ဆောင်တွေ ပါဝင်သရုပ်ဆောင်ထားပါတယ်။ ဇာတ်လမ်း‌လေးကတော့ ဟိုတယ်အကူအမျိုးသမီးလေးတစ်ယောက်ကို လွှတ်တော်အမတ်လောင်းတစ်ယောက်က ချစ်ကြိုက်မိသွားတဲ့ ခေတ်သစ်စင်ဒရဲလားကားလို့ပြောရပါလိမ့်မယ်။ မာရီဆာဗန်တျူရာဆိုတဲ့ Single Mom တစ်ယောက်ဟာ နယူးရော့ခ်မြို့ရဲ့ဆင်ခြေဖုံးရပ်ကွက်မှာနေထိုင်ပြီး အဆင့်မြင့်ဟိုတယ်တစ်ခုမှာ အကူလုပ်တဲ့အမျိုးသမီးတစ်ယောက်ဖြစ်ပါတယ်။ တစ်နေ့မှာတော့ ခရစ်မာရှယ်လို့ခေါ်တဲ့ ဆွေကြီးမျိုးကြီး နိုင်ငံရေးသမားတစ်ယောက်ဟာ ဟိုတယ်မှာအလုပ်လုပ်‌နေတဲ့မာရီဆာကို ဧည့်သည်အမှတ်နဲ့ သဘောကျနှစ်သက်သွားပါတယ်။ အဲဒီနောက်ပိုင်းမှာတော့ သူတို့နှစ်ယောက်ရဲ့ ရင်ခုံစရာအချစ်ဇာတ်လမ်းကို ကြည်နူးဆွတ်ပျံ့ဖွယ် တင်ဆက်ပြသထားပါတယ်။ Romance ချစ်သူတို့အနေနဲ့ ကြည့်သင့်တဲ့ဇာတ်လမ်းကောင်းတစ်ပုဒ်ဖြစ်ပါတယ်။ File size…(1.7 GB)/(919 MB) Quality….Webrip 1080p / 720p Format…mp4 Duration….01:39:00 Genre... Comedy, Drama, Romance  Subtitle….Myanmar Subtitle (Hardsub) Encoder….Mr. Anderson Translated by Moon

အက်ဘီဂေးဝီလီယမ်နဲ့ မိန်းကလေးတစ်စုဟာ ကိုယ်တစ်ဖက်သတ်ချစ်နေတဲ့ ယောက်ျားတွေရဲ့အချစ်ကို ရချင်လို့ တောထဲမှာ ဂါထာရွတ်ပြီး ကခုန်နေကြပါတယ်။ အဲဒီအချိန် ခရစ်ယာန်ဘုန်းတော်ကြီး ပါးရစ်က သူ့တူမ အက်ဘီဂေးနဲ့ သမီး ဘတ်တီတို့ကို တွေ့သွားတယ်။ အသက်ငယ်သေးတဲ့ ဘတ်တီက ကြောက်လန့်ပြီး မေ့လဲသွားရာကနေ စုန်းပြုစားခံရတယ်ဆိုတဲ့ သတင်း တစ်ရွာလုံး ပျံ့သွားပါတော့တယ်။ အက်ဘီဂေးက ဒီအခြေအနေကို အခွင့်ကောင်းယူပြီး အိမ်ထောင်သည် ဂျွန်ပရော့တာနဲ့ ပေါင်းဖက်ရဖို့ ကြိုးစားလာတယ်။ သူနဲ့ တခြားမိန်းကလေးတွေက စေတန်လက်က လွတ်လာသူတွေဖြစ်လို့ စေတန်နဲ့ ပတ်သက်နေသူတွေကို သိတယ်လို့ ပြောကြတဲ့အခါ ဆေလန်က လူတွေလည်း အက်ဘီဂေးရဲ့ စကားတွေနောက် ပါသွားကြပါတယ်။ စုန်းအတတ်ကျင့်သုံးတယ်ဆိုတဲ့ စွပ်စွဲမှုတွေ ဖြစ်ခဲ့တဲ့ ဆေလန်ဖြစ်ရပ်ကို ကျောရိုးယူပြီး အယူသီးမှုရဲ့ အကျိုးဆက်တွေကို တင်ဆက်ထားတာပါ။ Arthur Miller က ၁၉၅၃ ခုနှစ်မှာ ရေးသားခဲ့တဲ့ The Crucible ပြဇာတ်ကို ဒါရိုက်တာ Nicholas Hytner က ၁၉၉၆ ခုနှစ်မှာ ရုပ်ရှင်အဖြစ် ပြန်လည်ရိုက်ကူးထားပါတယ်။

ဆမ်ဟာ ချစ်ရတဲ့ဇနီး ဆုံးပါးသွားပြီးနောက် သားလေး ဂျိုနာနဲ့အတူ ကျန်ရစ်ခဲ့သူပါ။ နေထိုင်ရာ ချီကာဂိုမြို့မှာ ဘယ်နေရာသွားသွား ဇနီးကိုပဲ သတိရနေမိတာကြောင့် အဲဒီအတွေးတွေကနေ ဝေးနိုင်ဖို့ ဆီယာတယ်မြို့ကို ပြောင်းလာခဲ့တယ်။ ဒါပေမယ့် မြို့သစ်ရောက်လာလည်း ဆမ်ရဲ့ပူဆွေးမှုက မလျော့သွားပါဘူး။ အဖေ့ကို ဒီလိုမြင်နေရတဲ့ ဂျိုနာက စိတ်ပညာအကြံပေး ရေဒီယိုအစီအစဉ်တစ်ခုဆီ ဖုန်းဆက်လိုက်ပါတယ်။ သူတောင်းတဲ့အကူအညီကတော့ အဖေ့အတွက် ဇနီးအသစ် ရှာပေးဖို့ပါ။ အစီအစဉ်မှာ ဖုန်းဖြေကြားပေးနေတဲ့ ဆရာဝန်က ဂျိုနာကို အဖေ့ဆီ ဖုန်းပေးခိုင်းပြီး ဆမ်နဲ့ ဆွေးနွေးစကားပြောဖြစ်သွားတယ်။ Tom Hanks အဓိကပါဝင်ထားတဲ့ အချစ်၊ ဒရာမာနဲ့ ဟာသရောစပ်ထားတဲ့ ဇာတ်ကားဖြစ်ပြီး အော်စကာဆုနှစ်ဆုအတွက် ဆန်ကာတင်စာရင်း ဝင်ခဲ့သလို တခြားဆုတွေလည်း ရရှိခဲ့ပါတယ်။ မူရင်းအညွှန်းမှာ ဇာတ်ကားထဲက သီချင်းတွေကိုလည်း ထည့်သွင်းဖော်ပြထားပါတယ်။

Scent of a Woman (1992) IMDb (8.0) / Rotten Tomatoes (88 %) Won 1 Oscar. Another 5 wins & 14 nominations ဒီတစ်ခါ Old But Goldတွေထဲကပဲ ကျွန်တော်တို့သရုပ်ဆောင်အကောင်းဆုံး မင်းသားလို့သိကြတဲ့ Godfatherကြီး Alpacinoရဲ့ Leding Roleကနေအော်စကာရခဲ့တဲ့ ကားလေးနဲ့ မိတ်ဆက်ပေးပါရစေ။ ဒီကားထဲက Alpacinoနဲ့ အတူသရုပ်ဆောင်ရမဲ့နေရာအတွက် Matt Damon, Braden Fraser, Ben Affleck တို့ Audience ဝင်ခဲ့ကြပေမဲ့ Chris O'Donnell က ရသွားခဲ့ပါတယ်။ ဒီ ရုပ်ရှင်ရဲ့ နာမည်ကိုကအတော်လေး ဆွဲဆောင်မှု ရှိပါတယ်... "Scent Of A Woman မိန်းမတစ်ယောက်ရဲ့ ကိုယ်သင်းရနံ့" ဇာတ်ကြောင်းအကျဉ်းကတော့အထက်တန်းကျောင်းမှာ ပညာသင်ဆုနဲ့ ကျောင်းတက်နေရတဲ့ ကောင်လေးတစ်ယောက်ဟာခရစ္စမတ်ပိတ်ရက်အိမ်ပြန်စရိတ်ရှာဖို့ ခရစ္စမတ်မတိုင်ခင် ကျေးဇူးတော်နေ့ပိတ်ရက်မှာ အချိန်ပိုအလုပ်တစ်ခု လက်ခံခဲ့ပါတယ်။ သူ လုပ်ရမဲ့အလုပ်ကတော့ မျက်စိကွယ်နေတဲ့အငြိမ်းစားဒုဗိုလ်မှူးကြီးတစ်ဦးကို စောင့်ရှောက်ရမှာပါ။ သူစောင့်ရှောက်ရမဲ့လူကလည်း တော်ပြီး အရည်အချင်းရှိသလောက် ဒေါသကြီးပြီး အရာရာကို စိတ်တိုင်းမကျဖြစ်နေတက်တဲ့ လူ့ဂွစာပါ။ ဒီ ဇာတ်ရုပ်ကိုလည်း ကျွန်တော်တို့်ရဲ့Godfaherကြီး Alpacinoက ခပ်ကြမ်းကြမ်းဟောက်ချက်တွေOver မဖြစ်တဲ့ တိုက်ခိုက်မှုတွေနဲ့ ဖော်ပြခဲ့သလို Oscar ဆုရခဲ့တဲ့အထိအပီပြင်ဆုံး သရုပ်ဆောင်ခဲ့ပါတယ်။ Godfather ထွက်ပြီး ၂နှစ်အကြာထွက်ခဲ့တဲ့ကားဆိုတော့ကာ သူတို့၂ယောက်စတွေ့တဲ့အခန်းမှာGodfatherဟန်မပျောက်သေးဘူး မှတ်ရလောက်အောင် ဂေါ်တဲ့စတိုင်ကို မြင်ရဦးမှာပါ။ လူ့ဂွစာတွေ စရိုက်အတိုင်း သူတို့၂ယောက်ဟာသဟဇာတမဖြစ်တာတွေကြုံရပေမဲ့ တစ်ယောက်သဘော တစ်ယောက်နားလည်လာတဲ့အခါ လူသားပီပီသသ တစ်ယောက်နဲ့တစ်ယောက်ဘယ်ရွေ့ ဘယ်မျှအထိ နှလုံးသားချင်း နီးစပ်သွားကြမလဲဆိုတာကို...ကျွန်တော်တို့ တငွေ့ငွေ့ ခံစားရမှာပါ။ ဒီဇာတ်လမ်းနဲ့"Scent Of A Woman မိန်းမတစ်ယောက်ရဲ့ ကိုယ်သင်းရနံ့"ဆိုတဲ့ခေါင်းစဉ် ဘယ်လို ပက်သက်သွားလဲဆိုတဲ့ အမေးတော့ ရှိမှာပါ။ "ကိုယ်သင်းနံ့ဟာ ဆွဲဆောင်မှုဆိုတာရဲ့ အပြင်းဆုံး လက်နက်တစ်မျိုးပဲ ဒီလက်နက်ကို ကောင်းကောင်းအသုံးချတက်တဲ့မိန်းမတစ်ယောက်ဟာ တခြားသော လက်နက်တွေကို မလိုတော့ဘူး "ဆိုတဲ့စကားလေးနဲ့ ချိတ်သွားသလို ဒီကားရဲ့ အဓိကဇာတ်ဆောင်ဟာ မျက်မမြင် တစ်ယောက်ပါ။ မထိမကိုင်ရပဲမျက်မမြင်တစ်ယောက် ခံစားနိုင်မဲ့ အမြင့်ဆုံးလိင်အာရုံ အရသာက ကိုယ်သင်းရနံ့ပါပဲ.။ Oscar သုံးနေရာအတွက် ရာထားခံရပြီး Oscar တစ်ခုရခဲ့တဲ့ ဒီရုပ်ရှင်ဟာ နာမည်ပေးအရမ်းလှသလို ရသလည်းမနုံနဲ့ခဲ့ပါဘူး...ရုပ်ရှင်တစ်ကားကြည့်ပြီး တစ်စုံတစ်ရာသော ခံစားချက်ရယူချင်တယ်ဆိုပါစို့... ဒီကားဟာ ခင်ဗျား ခံစားကြည့်သင့်တဲ့ကားတစ်ကားပါပဲ။ (ရုပ်ရှင်အညွှန်းကို Wira Aung မှရေးသားပေးပြီး ဘာသာပြန်သူကတော့ ညီမငယ် Tinnilar Lwin ပဲဖြစ်ပါတယ်...) File size…(5.2 GB )/(2.1 GB)  Quality….BluRay 1080p HEVC / 720p Format…mkv/mp4 Duration….02:37:00 Subtitle….Myanmar Subtitle (Hardsub) Encoder….Ka Naung Trasnlated by Tinnilar Lwin

Crimes and Misdemeanors (1989 ) နယူးယောက်ကာမှာ ဘုရားသခင်ကိုရှာဖို့ အလွတ်စုံထောက်ငှားတဲ့အကြောင်း ဝူဒီအယ်လန်က ဝတ္ထုတိုတစ်ပုဒ်ရေးဖူးတယ်။ အဲဒီဇာတ်မှာ စုံထောက်က ဘုရားသခင်ကိုရှာမတွေ့ဘဲ ဘုရားသခင်ကို ဖြစ်တည်မှုပဓာနဝါဒီတစ်ယောက်က သတ်လိုက်ပြီဆိုတာကိုပဲ သိခဲ့ရတယ်။ အင်ဂမာဘာ့ခ်မန်းက ဝူဒီအယ်လန်ကို လွှမ်းမိုးမှုအရှိဆုံး ဒါရိုက်တာလို့ အယ်လန်ကိုယ်တိုင်ပြောခဲ့ဖူးတယ်။ အယ်လန်က ဘာ့ခ်မန်းက သူကြည့်ဖူးသမျှထဲ အကြီးကျယ်ဆုံးရုပ်ရှင်ဖန်တီးသူလို့မြင်ခဲ့တယ်။ ဒါကြောင့်မို့လည်း နေမယ် အယ်လန်ရဲ့တစ်ချို့ရုပ်ရှင်တွေက တစ်ခုခုကို ချပြတာမဟုတ်ဘဲ မေးခွန်းတစ်ခုခုထုတ်နေသလိုဖြစ်နေတာတွေလည်းရှိတယ်။ ဘာ့ခ်မန်းကတော့ အမြဲအဲဒီအလုပ်ကိုပဲ လုပ်ခဲ့တာပါ။ ဘာ့ခ်မန်းဟာ ဘုရားသခင်ကို ရှာတယ်။ ဖြစ်တည်မှုကို ရှာတယ်။ ဒါပေမဲ့ ဘာ့ခ်မန်းက ယုံကြည်သူတစ်ယောက်ရဲ့ ရှာနည်းမျိုးနဲ့ရှာတာ။ အယ်လန်ကတော့ Absurdityနဲ့ Existentialismတို့ဘက် ပိုရောက်တယ်ဆိုတော့ သူက မယုံကြည်သူတစ်ယောက်ရဲ့ ရှာနည်းမျိုးနဲ့ရှာတယ်။ သူ့Idolနဲ့ ဝူဒီအယ်လန်က ဆုံဖူးရင်းနှီးဖူးခဲ့တုန်းကတော့ ဘယ်လိုများအပေါက်အလမ်းတည့်ကြသလဲ မသိဘူးပေါ့။ Crimes and Misdemeanorsက ဝူဒီအယ်လန်ရဲ့ ဘုရားသခင်နဲ့ ဖြစ်တည်မှုကို မေးခွန်းထုတ်တဲ့ရုပ်ရှင်လို့ ပြောရမလားတော့မသိဘူး။ ဒါပေမဲ့ သူရိုက်နေကျအတိုင်း သူ့ပုံစံနဲ့ပဲ မေးခွန်းထုတ်ထားတာပါပဲ။ ဒီရုပ်ရှင်ကို တစ်ချို့ဝေဖန်ရေးသမားတွေကတော့ ဝူဒီအယ်လန်ရဲ့ အကောင်းဆုံးကားလို့‌ ပြောကြတာတွေလည်းရှိတယ်။ ဝူဒီအယ်လန်ရုပ်ရှင်ပီသစွာပဲ ဇာတ်ညွှန်းဆုတော့ မလွတ်ခဲ့တဲ့ရုပ်ရှင်လည်းဟုတ်တယ်။ အကြောင်းအရာကတော့ လူသတ်မှုတစ်ခုအကြောင်းလိုလို၊ စုံထောက်ကားလိုလို ဆန်တယ်။ ဒါကလည်း ဝူဒီအယ်လန်က Comedyအားသန်တဲ့လူပေမဲ့ သူက တခြားလုပ်ကြည့်ချင်တာတွေလည်းရှိတယ်။ သူက ဒရာမာသမားဖြစ်ချင်တာလို့တောင် ပြောတယ်။ ဒရာမာက ပိုခက်တယ်တဲ့။ မူရင်းစိတ်ကူးမှာ သူ ဒရာမာလို Thirllerလို ရိုက်ချင်ပေမဲ့ ထွက်လာမှ တစ်မျိုးဖြစ်သွားတဲ့ကားတွေမနည်းဘူး။ ဒီအလုပ်ကို သူကောင်းကောင်းအောင်မြင်ခဲ့တာတော့ Match Point လို့ ဆိုတယ်။ ဟုတ်လည်းဟုတ်မယ်။ ဒီကားတောင် ဝူဒီအလန်ဆန်သေးပေမဲ့ Match Pointကတော့ ဝူဒီအယ်လန်မဆန်ဆုံးကားဖြစ်ခဲ့တယ်။ ဒီကားမှာ အဓိကဇာတ်ကောင်၂ကောင်ပါတယ်။ အဲဒီဇာတ်ကောင်၂ကောင်က မဆက်စပ်နေသလိုပဲ။ ဇာတ်ကောင်တစ်ကောင်ကို ဘုရားသခင်ကို မေးခွန်းထုတ်ဖို့နဲ့ ပြစ်မှုနဲ့ပြစ်ဒဏ်ကို မေးခွန်းထုတ်ဖို့သုံးထားတယ်။ ဒီဇာတ်ကောင်ကို အယ်လန်က ဒေါ့စတိုယက်စကီးရဲ့ Crime and Punishmentကို မှီးထားတယ်။ ဇာတ်ကားနာမည်ပါ Crimes and Misdemeanors ဖြစ်သွားတယ်ကိုး။ နောက်ဇာတ်ကောင်တစ်ကောင်ကိုကတော့ အချစ်နဲ့ ဖြစ်တည်မှုကို မေးခွန်းထုတ်ဖို့ သုံးထားတယ်။ ပြောရရင် ဇာတ်ကောင်တစ်ကောင်တည်းမှာ သူမေးခွန်းထုတ်ချင်တဲ့အရာ၂ခုလုံး ထည့်လိုက်ရင် မပေါ်လွင်သလို ရှုပ်ထွေးသွားနိုင်တယ်။ ဒါကြောင့် ဒီဇာတ်ကောင်၂ကောင်ကို သီခြားစီခွဲထားတာလို့ ပြောရမယ်။ ဒါပေမဲ့ ဒီတိုင်း၂ပုဒ်မဟုတ်သွားအောင် ဒီဇာတ်ကောင်၂ကောင်ကြားမှာ ကွင်းဆက်ဇာတ်ကောင်တစ်ကောင်သုံးထားတယ်။ စားတာက ဒီမယုံကြည်သူနှစ်ယောက်ကြား ကွင်းဆက်လုပ်ပေးနေတဲ့ အဲဒီဇာတ်ကောင်က ရဟူဒီတရားဟောဆရာ။ ဆိုတော့ ဝူဒီအယ်လန်က သူမေးခွန်းထုတ်ချင်တဲ့အရာတွေကို ဘယ်ပွိုင့်မှာစပြီး ဘယ်ဆုံမှတ်မှာ ဆုံစေပြီး ဘယ်နေရာမှာ အဆုံးသတ်မလဲ ကြည့်ရမယ့်ရုပ်ရှင်လို့ပြောရမှာပဲ။ ဘယ်လောက်ပဲကြီးကျယ်တဲ့ မေးခွန်းတွေရှိရှိ အဆုံးသတ်မှာတော့ ဘာအတွက်ဘယ်လိုဆက်ရှင်သန်မလဲဆိုတဲ့ဆီကို ပြန်သွားကြရမှာပဲ။ ဒီထက်အရေးပါတဲ့မေးခွန်းလည်း မရှိတော့ပါဘူး။ အယ်လန်က ပြောဖူးတယ်။ ကဗျာဆရာတွေ မှန်ကောင်းမှန်လောက်ပါတယ်။ အချစ်က တစ်ခုတည်းသောအဖြေ ဖြစ်ကောင်းဖြစ်နိုင်ပါတယ်တဲ့။ ပျင်းစရာကောင်းတဲ့ စကြဝဠာကြီးမှာ ကျွန်တော်တို့ဘဝတွေကို အဓိပ္ပာယ်ရှိစေတာက ကျွန်တော်တို့အချစ်နဲ့ ကျွန်တော်တို့ရွေးချယ်မှုတွေပဲမို့လား။ ဘယ်လိုပုံစံနဲ့ ချစ်သည်ဖြစ်စေပေါ့။ မိသားစု အလုပ်အကိုင် မျှော်လင့်ချက် ဘာမှမဟုတ်တာလေးတွေပါပဲ။ ဘယ်လောက်ပဲခက်ခဲခက်ခဲ လူသားဟာ ဒီမဆန်းပြားတဲ့အရာလေးတွေကနေ ပျော်ရွှင်မှုကိုရှာဖွေရင်းနဲ့ အသက်ရှင်ပျော်နိုင်ခဲ့တယ်။ File size…  4.86 GB / 1.14 GB Quality… Blu-ray 1080p / 720p Format… mp4 Duration…. 1h 40m Genre ..... Comedy , Drama Subtitle…. Myanmar Subtitle (Hard Sub)

Dirty Rotten Scoundrels (1988) IMDB : 7.4 Rotten Tomatoes : 89% Genre : Comedy / Crime Dirty Rotten Scoundrels ကတော့ ၁၉၆၄ ခုနှစ်ထွက် Marlon Brando ပါဝင်သရုပ်ဆောင်ထားတဲ့ Bedtime Story ကို Remake ပုံစံမဟုတ်တဲ့ “ပြန်လည်ဖြည့်စွက် ပိုဟာသမြောက်အောင်” ရိုက်ကူးထားတာဖြစ်ပါတယ်။ ဒီရုပ်ရှင်ရဲ့ ထူးခြာချက်ကတော့ ဟာသမင်းသားကြီး Steve Martin နဲ့ မင်းသားကြီး Michael Caine တို့နှစ်ယောက် အပေးအယူမျှမျှနဲ့ အပြိုင်သရုပ်ဆောင်ထားပြီး ဇာတ်ကို မပျင်းရအောင် ဆွဲဆောင်သွားတာပဲဖြစ်ပါတယ်။ Comedy ရုပ်ရှင်တစ်ကားက IMDB 7 အကျော် Rotten Tomatoes 70 ကျော်ရင် တော်တော်ကို ကောင်းတယ်လို့ သတ်မှတ်လို့ရနေပါပြီ။ ပိုပြီးဆန်းတာက Steve Martin က အမေရိကန်စတိုင် ပေါ့ပေါ့ပါးပါးသရုပ်ဆောင်ပြီး Michael Caine ကတော့ ဗြိတိသျှစတိုင် ခပ်အေးအေးသရုပ်ဆောင်တတ်တဲ့လူဖြစ်ပါတယ်။ ဒီလူနှစ်ယောက်ကို အပြိုင်မြင်ရတာ တော်တော်လေးကို ဆန်းပြီး တော်တော်လေးလည်း သဘောကျဖို့ကောင်းပါတယ်။ ဇာတ်ညွှန်း ဂျေမီဆင်ဆိုတာ အဖွဲ့နဲ့ လိမ်တဲ့ လူလိမ်အကြီးစားဖြစ်ပါတယ်။ သာမန်လူတွေကိုလိမ်တာမဟုတ်ပဲ အိမ်ထောင်ရေးမှာ မသာယာတဲ့အမျိုးသမီးတွေ၊ ဖောက်ပြန်ဖို့ဝန်မလေးနဲ့ အမျိုးသမီးတွေကို ရွေးကာလိမ်လည်လှည့်ဖျားတဲ့လူတွေဖြစ်ပါတယ်။ တစ်ရက် ရထားပေါ်မှာ လူလိမ်ပေါက်စ ဖရက်ဒီနဲ့တွေ့ခဲ့ပါတယ်။ ဒီလိုနဲ့ သူတို့လည်း ရထားပေါ်ကနေခွဲပြီး ကိုယ်အလိုရှိရာ အရပ်ကိုဆက်သွားခဲ့ပါတယ်။ ဂျေမီဆင်ကတော့ ပြစ်သစ်ရာဗီယာမြို့ကိုသွားရမှာပေါ့လေ။ အဲဒီမှာက တခုလပ်တွေ၊ အိမ်ထောင်ရေးမသာယာတဲ့အမျိုးသမီးတွေ အများကြီးရှိနေတာမလို့ လိမ်လို့ကောင်းမယ့် နေရာကြီးတစ်ခုဖြစ်ခဲ့ပါတယ်။ ဒီလိုနဲ့ ဂျေမီဆင်တို့အဖွဲ့လည်း ပထမဦးဆုံးသားကောင်ကို ရွေးချယ်ကာ လာမယ့်လမ်းမှာ ထိုင်စောင့်နေခဲ့ပါတယ်။ ဒါပေမဲ့ တကယ်တမ်း ရောက်လာတော့ ဂျေမီဆင်တစ်ယောက် တော်တော်လေးကို အံ့အားသင့်သွားပါတယ်။ ဘာလို့လဲဆိုတော့ သူရထားပေါ်မှာ မြင်လိုက်ရတဲ့ လူလိမ်ပေါက်စ ဖရက်ဒီက သူတို့လိမ်မယ့် အမျိုးသမီးရဲ့ ကားပေါ်မှာပါလာတာပါပဲ။ ကဲ ဒီလိုနဲ့ ဘာဆက်ဖြစ်မလဲဆိုတာ ခံစားကြည့်လိုက်ကြပါခင်ဗျာ။ File size…    3 GB/ 2 GB Quality… Blu-ray 1080p / 720p Format… mp4 Duration…. 1h 45m Genre ..... Crime / Comedy Subtitle…. Myanmar Subtitle (Hard Sub)

Manhattan (1979 ) မန်ဟက်တန်ရုပ်ရှင်က နယူးယောက်ကို ဝူဒီအယ်လန် ပေးခဲ့တဲ့ အလှဆုံး ရည်းစားစာတစ်ပုဒ်ပဲ။ ဒီလိုပြောရတဲ့ အကြောင်းရင်းက တစ်ခုတည်းတော့ မဟုတ်ဘူး။ မန်ဟက်တန်ရုပ်ရှင်က နယူးယောက်ရဲ့ အစိတ်အပိုင်းတစ်ခုဖြစ်တဲ့ မန်ဟက်တန်က လူနေမှုဘဝကို အခြေခံထားရော။ မန်ဟက်တန်က လူတွေရဲ့ ဘဝကို ပြထားတာရော။ နောက် မက်ဟက်တန်မြို့ရဲ့ မြင်ကွင်းတွေကို အလှဆုံး ပုံဖော်ထားတာကြောင့်ရောပေါ့။ သူ့အဖွင့်က Midnight in Paris နဲ့ အတူတူပဲလို့ ပြောလို့ရတယ်။ Midnight in Parisကလည်း ပါရီအတွက် သူ့ရည်းစားစာ ဖြစ်နေခဲ့တယ်ကိုး။ ထူးတာက ဒီမန်ဟက်တန် ရုပ်ရှင်ထဲက နယူးယောက်ရဲ့ လှပခြင်းမျိုးကို ဘယ်ရုပ်ရှင်မှာမှ ကျွန်တော် မတွေ့ဖူးဘူး။ ဝူဒီအယ်လန် ကိုယ်တိုင်ဆီမှာတောင် မမြင်ဖူးဘူး။ အဖြူအမည်းပဲ သုံးပြီး ပုံဖော်ထားတာပေမဲ့ အဲဒီအဖြူအမဲနဲ့ ပုံဖော်ထားတာကိုက အများကြီး ပိုအသက်ဝင်နေတယ်။ အထူးသဖြင့် မန်ဟက်တန်ညတွေ အဖြူအမည်းနဲ့ ပုံဖော်ထားတာက မတရားလှတယ်။ ညကလည်း မည်းနေတယ်။ မိုးထိတိုက်ကြီးတွေကလည်း မည်းနေတယ်။ အမည်းရောင် ပြင်ကြီးပေါ့။ အဲဒီပြင်ကြီးပေါ်မှာ ကျွန်တော်တို့ မြင်ရတဲ့ အဖြူပျပျက သူ့မြို့ပြက ညမီးတွေရဲ့ အလင်းပဲရှိတယ်။ သူလည်း ကြိုက်လို့ ထင်ပါတယ်။ ညတွေကို ဒီလိုပုံဖော်ထားတဲ့ အခန်းမျိုး အများကြီး ထည့်ထားတယ်။ မြို့ပြတစ်ခုကို ပုံဖော်ရာမှာ ညတွေမပါဘဲ အလကားပဲမလား။ လူတွေ လမ်းမီးအဝါတွေ လမ်းမတွေ တကယ်လို့ ရှိခဲ့ရင် မိုးစက်တွေ.. ရေစိုနေတဲ့ လမ်းတွေနဲ့မှ အသက်ဝင်လိမ့်မယ်။ ကျွန်တော့် အမြင်တော့ မြို့ကြီးပြကြီးတွေဟာ ညတွေမှာပဲ အသက်ဝင်တဲ့ နေရာမျိုးပဲ။ ညတွေ အသက်မဝင်တဲ့ မြို့ပြတွေဟာ သေနေတဲ့ မြို့ပျက်တွေပါပဲ။ မန်ဟက်တန်ရဲ့ ဒီလိုညတွေကို အသက်သွင်းနိုင်ခဲ့တဲ့ အပိုင်းကိုတော့ အယ်လန်ထက် Gordon Willisကို ပို အမွှမ်းတင် ရလိမ့်မယ်။ အယ်လန်ရဲ့ တခြားနာမည်ကြီး ဖလင်ဖြစ်တဲ့ Annie Hall ကိုရော အလန်ရဲ့ All the Presidentကိုရော ကော်ပိုလာရဲ့ The Godfather သုံးကားလုံးကိုရော စီနီမာတိုဂရပ်ဖာ လုပ်ခဲ့တဲ့ သူပေါ့။ Honorary Academy Award တောင် ရထားသေးတယ်။ သူ့လိုက်တင်စကေးကြောင့် မဟုတ်ရင် ဒီကားက ဒီလောက်မလှဘူးလို့တောင် ချီးကျူးထားကြတာတွေ ရှိတယ်။ ဇာတ်ကြောင်းကတော့ မန်ဟက်တန်က ရှုပ်ထွေးတဲ့ လူနေမှု ရှုပ်ထွေးတဲ့ အချစ်ဘဝတွေအကြောင်းဆိုတော့ ဒီထက် ပိုကောင်းတဲ့ ရည်းစားစာတော့ နယူးယောက် အနေနဲ့ ရဖို့ရှိမယ် မထင်ဘူး။ မန်ဟက်တန်ရဲ့ ဇာတ်လမ်းက မန်ဟက်တန်ကလွဲ တခြား ဘယ်နေရာမှာမှ အသက်မရှင်နိုင်တဲ့ လူတစ်ယောက်အကြောင်းလို့လည်း ပြောလို့ရတယ်။ အိုင်းဆက်စ်ဆိုတဲ့လူပေါ့။ ဝူဒီအယ်လန် ကိုယ်တိုင် သရုပ်ဆောင်ထားတယ်။ ဇာတ်ကောင်ကလည်း သူ့ကို တော်တော် ထင်ဟပ်တဲ့ ဇာတ်ကောင်ပါပဲ။ ဒါကလည်း ဥရောပနယူးဝေ့အလွန်မှာ အမေရိကန်ဘက် ကိုယ့်ကိုယ်ကိုယ် ထင်ဟပ်တဲ့ ဇာတ်လမ်းတွေ အရိုက်များလာကြတဲ့ အရှိန်ကြောင့် Annie Hallက စပြီး ဝူဒီအယ်လန် ဒီလိုပုံပြောင်းရိုက်ခဲ့လို့လည်း ပါတယ်။ အိုင်းဆက် ဇာတ်ကောင်ရဲ့ အရာရာတိုင်းက ဝူဒီအယ်လန်ကို ထင်ဟပ်နေတယ်။ ဥပမာဆို - ဟာသရှိုးတွေ ရေးတဲ့ စာရေးဆရာ ဖြစ်နေတာတို့, အရာရာကို အမြဲ သရော်တတ်တာတို့ အနုပညာပစ္စည်းကို ပညာရှင်ယောင်ယောင် အမြင်နဲ့ သုံးသပ်ကြတာကို ငေါ့တာတို့ သူ့ဘဝရဲ့ ဖလော်ဆော်ဖီဖြစ်တဲ့ သေခြင်းတရားကို တွေးပူတာတို့ ရေးရင်တော့ ကုန်မှာ မဟုတ်ဘူး။ သူ့မှာ ဘော်ဒါတစ်ကောင်ရှိတယ်။ တစ်ကောင်ပဲနော်။ သူ့ဘော်ဒါနဲ့ သူက ဖလော်ဆော်ဖီပိုင်း အမြဲငြင်းရတယ်။ နောက် သူ့မှာ သူဘာလုပ်လုပ် အကုန်ကောင်းနေတဲ့ ရည်းစားတစ်ယောက် ရှိတယ်။ အဲဒီကောင်မလေးက ၁၇နှစ်ပဲ ရှိသေးတယ်။ ဝူဒီအယ်လန့် ဇာတ်ကောင် အိုင်းဆက် အသက်က ၃၆။ ကြည့် အပြင်က ဝူဒီအယ်လန်ကို ထင်ဟပ်ချက်ပဲ။ တစ်ချို့ဆို ဝူဒီအယ်လန်က အစကတည်းက သူ့ရုပ်ရှင်တွေမှာ သူ့ပုံစံအစစ်ကို ပြထားပြီးသားလို့ ပြောကြတယ်။ ဟုတ်ချင်လည်း ဟုတ်မှာပါ။ ဒီမှာတော့ ကျွန်တော့်မှာ ဒွိဟ တစ်ခုရှိတယ်။ သူ့အတွေးအခေါ်အတိုင်း အတိအကျပဲ သူ့ဇာတ်ကောင်ကို သူ ဖန်တီးခဲ့တာလား။ သူဖန်တီးတဲ့ ဇာတ်ကောင်ကပဲ သူဒွိဟဖြစ်နေခဲ့တဲ့ သူ့အတွေးအခေါ်တစ်ချို့ကို ပြောင်းလဲပစ်လိုက်သလား ဆိုတာပေါ့။ ရုပ်ရှင်ရဲ့ အဆုံးသတ်မှာ ဒီကိစ္စကို ကျွန်တော် မသည်းကွဲတော့ဘူး။ အိုင်းဆက်ရည်းစား ကောင်မလေး နေရာက သရုပ်ဆောင်တာက အားနက်စ်ဟဲမင်းဝေးရဲ့ သားအကြီးဆုံးကမွေးတဲ့ ဟဲမင်းဝေး မြေး မာရီရယ် ဟဲမင်းဝေး။ သူ့ဇာတ်ကောင်က ညီမလေး အချစ်ကို ကိုးကွယ်သတဲ့လား ဆိုတဲ့ ဇာတ်ကောင်မျိုးလို့ ပြောရမယ်။ အိုင်းဆက်က အသက်မပြည့်သေးတဲ့ ကလေးမလေးကို တွဲနေပေမဲ့ တွဲတောင်တွဲပြီးမှပဲ သူတော်ကောင်းယောင် အမြဲဆောင်တယ်။ ငါ့ကို မတွယ်တာနဲ့တို့။ ငါနဲ့က ခဏပဲ ပြီးရင် မင်းဘဝ မင်းဆက်လျှောက်ရမှာ။ ဒီအချစ်ထက် ပိုလေးနက်တဲ့ အချစ်တွေ အများကြီး ကြုံရဦးမှာတို့ပေါ့။ ဒါပေမဲ့ ကလေးမလေးက သူ့ကိုပဲ အရမ်း တွယ်တာ နေခဲ့တယ်။ အရင်က ကြည့်ခဲ့တဲ့ လူတွေတော့ ဒီလိုလူတွေကို သရော်ထားတာလို့ ထင်ခဲ့ကြပေမဲ့ အခုကျ သရော်ထားတာထက် သူ့ကိုယ်သူ ပြန်သရုပ်ဖော်ထားတယ်လို့ မြင်ကြတယ်။ ကျွန်တော်တို့လည်း သူ့ကိစ္စကို မသိခဲ့ရင် ဒီလိုပဲထင်မှာပါပဲ။ ဒါပေမဲ့ ဒီလိုဇာတ်ကောင်တောင် ရိုက်ပြီးမှတော့ တွဲလည်းတွဲ သူတော်ကောင်းယောင်လည်း ဆောင်မယ်လို့တော့ မထင်လှဘူး။ ပြောရရင် အိုင်းဆက်ရယ် သူ့ကောင်မလေးထရေစီရယ် သူ့ဘော်ဒါယေးလ်ရယ် သူ့ဘော်ဒါမိန်းမ အမ်မလီရယ် ဆိုင်တစ်ဆိုင်ထိုင်ရာကနေ ဇာတ်ကစတယ်။ အပြန်မှာ ယေးလ်က အိုင်းဆက်ကို သူ့အငယ်အနှောင်းအကြောင်း ပြောပြတယ်။ အဲဒီအငယ်အနှောင်းနာမည်က မေရီ။ Diane Keatonက သရုပ်ဆောင်ထားတယ်။ တစ်နေ့ပြပွဲတစ်ခုက အပြန်မှာ အိုင်းဆက်တို့ အတွဲနဲ့ ယေးလ်နဲ့ သူ့အငယ်အတွဲ တွေ့တယ်။ သူ့အငယ်ဇာတ်ကောင်က ဝူဒီအယ်လန် မုန်းတဲ့ စရိုက်မျိုးပဲ။ သူ့အငယ် လက်ချာတွေ ရိုက်နေတဲ့ ဇာတ်ဝင်ခန်းက Midnight In Parisထဲ ဗာဆိုင်းနန်းတော်ထဲက ဇာတ်ဝင်ခန်းနဲ့ အတူတူလိုပါပဲ။ ပြောရရင် ဒီမှာ အိုင်းဆက်က မေရီကို သူ့စကားလုံးတွေ နားထောင်ပြီး တော်တော်အမြင်ကတ်နေတာ။ ါပေမဲ့ နောက်ကျ ယေးလ်က မေရီ့ကို ဖြတ်သွားတော့ အိုင်းဆက်လည်း ထရေစီကို ဖြတ်ပြီး သူနဲ့တွဲဖြစ်သွားတယ်။ ကိုယ်အမြင်ကတ်တယ်ပြောခဲ့တဲ့ လူနဲ့တွဲပြီး ကိုယ့်ကိုချစ်တဲ့လူကို ကောင်းစားဖို့ စွန့်လွှတ်တာပါဆိုပြီး အကြောင်းပြချက်ပေးပြီး ဖြတ်တဲ့ တကယ့် မထော်မနန်းကောင်ပါပဲ။ တကယ်တမ်း အဲဒီရှေ့က ဆက်ဆံရေးတွေမှာလည်း အဆင်မပြေခဲ့ပါဘူး။ Meryl Streepက သူ့ဇနီးဟောင်းနေရာက သရုပ်ဆောင်ထားသေးတယ်။ သူ့ကာရိုက်တာအကြောင်း ဆက်ပြောရင်လည်း ဇာတ်က ကုန်မှာဆို‌တော့ ဒီမှာပဲ ရပ်လိုက်ပါမယ်။ အတိုချုံးဆို နယူးယောက်ကို ပုံဖော်ရင်း အိုင်းဆက်ရယ် သူ့ရည်းစားရယ် သူ့ဘော်ဒါအငယ်အနှောင်းရယ် သူ့အရင်မိန်းမရယ် စသဖြင့် အိုင်းဆက်စ်ရဲ့ အချစ်ဘဝကို တွဲဖက် ပုံဖော်ထားတယ်။ ဆိုတော့ နယူးယောက်က မခွာနိုင်တဲ့ လူတစ်ယောက်ရဲ့ နယူးယောက်က အချစ်ဇာတ်လမ်းတွေအကြောင်းပေါ့။ နယူးယောက်က မခွာနိုင်တဲ့ အချက်က သူ့အချစ်ဇာတ်တွေကို တော်တော်သက်ရောက်မှုရှိလို့ ထည့်ထည့်ပြောနေရတာပါ။ ဒီဇာတ်လမ်းမှာ ရိုမန့်တစ်တော်တော်ဆန်တဲ့ ဇာတ်ဝင်ခန်းတစ်ခုပါတယ်။ ရိုမန့်တစ်ဆန်တယ်လို့ ပြောလို့ရလားတောင် မသိပါဘူး။ တော်တော် အတ္တကြီးတယ်လို့တောင် ပြောလို့ရတဲ့ ဇာတ်ဝင်ခန်းလည်း ဖြစ်နေတယ်။ တကယ်လို့ လူတွေဟာ အတ္တကြီးတာကလည်း လိုအပ်သလို ရိုမန့်ကို လိုအပ်တယ်ဆိုတဲ့ ဒွိဆန်တဲ့ အခြေအနေတစ်ခုက မှန်တယ်ဆိုရင်တော့ ဒီအခန်းက တော်တော် လက်တွေ့ကျတယ်။ ဆိုဖာပေါ် ထိုင်နေရင်း အိုင်းဆက်က တစ်ယောက်တည်း စကားတွေ ပြောနေတယ်။ " ဘဝက ဘာလို့ ရှင်သန်ဖို့ တန်တာလဲ။ သိပ်ကောင်းတဲ့ မေးခွန်းပဲ။ တန်အောင် လုပ်ပေးထားတဲ့ အရာတစ်ချို့တော့ ရှိတယ် ထင်တာပဲ။ ငါ့အတွက်ဆို... ဂါရူချိုမာ့စ်ကလည်း အကြောင်းရင်း တစ်ခုပဲ။ ဝီလီ မေရောပေါ့။ ပြီးတော့ ဂျူပီတာဆင်ဖိုနီရဲ့ ဒုတိယတေးသွား။ နောက် လူးဝစ်အမ်းစတောင်းရဲ့ Potato Head Blues ဓာတ်ပြား။ ဆွီဒင်ရုပ်ရှင်တွေရောပေါ့။ မာလွန်ဘရန်ဒို ဖရန့်စင်နာထရာ။ ပြီးတော့ Cézanne ပန်းချီကားထဲက သိပ်လှတဲ့ ပန်းသီးနဲ့ သစ်တော်သီးတွေ။ ဆမ်ဝိုဆိုင်က ဂဏန်း။ ထရေစီ့ မျက်နှာ။" ဒါတွေ ပြောပြီးတော့ တစ်စုံတရာကို သတိရသွားပြီး ထရေစီ့ကို သူဖုန်းဆက်ကြည့်လိုက်တယ်။ မအားဘူး။ မန်ဟက်တန်ရဲ့ လမ်းမပေါ် ပြေးထွက်လာတယ်။ တက္ကစီငှားဖို့ လုပ်လိုက်သေးတယ်။ မန်ဟက်တန်မလား ကားလမ်းက ပိတ်နေတယ်။ ဒီတော့ မန်ဟက်တန်ရဲ့ လမ်းတွေပေါ် သူ‌ ပြေးထွက်လာတယ်။ လမ်းမှာ ပီစီအိုရုံကနေ သူ ဖုန်းတစ်ခါ ထပ်ဆက် ကြည့်သေးတယ်။ မအားဘူး။ သူ ဆက်ပြေးလာတယ်။ ၂နာရီခရီးလို့ ပြောတာပဲ။ ထရေစီနေတဲ့ နေရာကို‌ ရောက်လာတယ်။ ဘာလာလုပ်တာလဲလို့ ထရေစီက မေးတော့ ဖုန်းဆက်မရလို့ ၂နာရီခရီးကို သူပြေးလာခဲ့တဲ့အကြောင်းပြောတယ်။ လန်ဒန်ကို သွားတော့မယ် ထရေစီကို မသွားဖို့ တောင်းပန်တယ်။ ဒီအခန်းက သိပ်ရိုမန့်တစ် ဆန်တဲ့ ဇာတ်ဝင်ခန်း ဖြစ်သွားရမှာပါ။ ဒါပေမဲ့ မဖြစ်သွားခဲ့ပါဘူး။ ရှေ့က ပြလာတဲ့အရာအားလုံးမှာ ဒီဇာတ်ဝင်ခန်းကို တန်ပြန်ချေဖျက်နိုင်တဲ့ အရာတွေ ပါလာပြီးသား ဖြစ်နေလို့ပါပဲ။ ရှေ့ကဟာတွေအကုန် မေ့ပြီး သူ့ချည်းဆိုရင်တော့ ရိုမန့်တစ် ဆန်ချင် ဆန်ပါလိမ့်မယ်။ ဒါပေမဲ့ ရှေ့က သူလုပ်ခဲ့တာတွေနဲ့ ပြန်ပေါင်းစပ်လိုက်တဲ့အခါမှာတော့ ဒီဇာတ်ဝင်ခန်းက သူ့အတ္တကို မီးမောင်းထပ်ထိုးပြဖို့ ဖြစ်သွားသလိုပါပဲ။ အိုင်းဆက်လိုမျိုး အစွန်းတစ်ဖက် မရောက်လွန်းရင်တောင် ကျွန်တော်တို့ပြောတဲ့ အချစ်တွေမှာလည်း တစ်စိတ်တစ်ဒေသတော့ ဒီလို ပါကောင်းပါမှာပါ။ ကျွန်တော့်အမြင်ကတော့ ပါတယ်။ စိတ်ပျက်စရာကောင်းလောက်တဲ့ ဒီလိုကာရိုက်တာမျိုးနဲ့ ဒီအခြေအနေကို ပုံဖော်နိုင်တာကတော့ ဝူဒီအယ်လန်ရဲ့ သမ္မာပေါ့။ ကျွန်တော် တော်တော်မှန်တယ်လို့ ထင်တဲ့ ကဗျာဆရာ နေမျိုးရဲ့စာသားတစ်ခုရှိတယ်။ "လူတစ်ယောက်ဟာ ဘဝတစ်လျှောက်လုံးမှာ အလုပ်၂ခုပဲလုပ်တယ်။ ကိုယ် လိုချင်တာကို ရအောင် လုပ်တာ။ ကိုယ် မလိုချင်တာကို မရအောင် လုပ်တာ"တဲ့။ မန်ဟက်တန်ဟာ ကိုယ် လိုချင်တာကို ရအောင်လုပ်ဖို့ ကြိုးစားရင်း ကိုယ် မလိုချင်တာကို မရအောင်လုပ်ဖို့ ကြိုးစားရင်း မလိုချင်တာတွေလည်းရ လိုချင်တာတွေလည်း မရတော့တဲ့ လူတစ်ချို့အကြောင်းဆိုလည်း မမှားပါဘူး။ File size…    3.7 GB /  1.1 GB Quality… BluRay 1080p / 720p Format… mp4 Duration…. 1h 40m Genre ..... Romance / Drama Subtitle…. Myanmar Subtitle (Hard Sub)