Jason Alexander ပါဝင်သော ဇာတ်ကားများ

Pulp Fiction ရုပ်ရှင်ကို အရူးအမူးနှစ်သက်သော အဖွဲ့တစ်ဖွဲ့ရဲ့ ဟာသဆန်ဆန် လုယက်မှုအကြောင်းကို ပုံဖော်ရိုက်ကူးထားတဲ့ဇာတ်လမ်းတစ်ပုဒ်ဖြစ်ပါတယ်....... ဂျော်နသန်၊ စတိဗ်နဲ့ အဲလိဇဘတ်တို့ သုံးယောက်ပေါင်းပြီး Quentin Tarantino ၏ မူလလက်ရာ အခွေများကို ခိုးယူဖို့ စီစဉ်ခဲ့ကြတယ်။ ဒီလိုလုယက်ဖို့အတွက် အစမ်းလေ့ကျင့်ချိန်မှာ သူတို့ရဲ့ ဆရာဝန်ဒေါက်တာ အန်ဒါဘယ်နဲ့ တွေ့ဆုံခဲ့ကြတယ်..... အိမ်ထောင်ရေးပြဿနာတွေနဲ့ ကြုံတွေ့နေရတဲ့ ဒေါက်တာအန်ဒါဘယ်ကပါ သူတို့အဖွဲ့နဲ့ပူးပေါင်းပြီး ဒီရုပ်ရှင်ကို ခိုးယူဖို့ စီစဉ်ခဲ့ကြတယ်.... စီစဉ်ထားသလို မဖြစ်လာဘဲ ဘယ်လိုအလွဲတွေနဲ့ ကြုံတွေ့ရမလဲဆိုတာကို ဒီဇာတ်ကားကြီးမှာ ကြည့်ရှုပေးကြပါအုံး .......... File size…(903 MB)/(417 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Su Mon

The Electric State (2025) IMDb Rating (6.2) နာမည်ကျော်မင်းသာ Christ Pratt နဲ့ Stranger Things မင်းသမီး Millie Bobby Brown တို့ အဓိကပါဝင် သရုပ်ဆောင်ထားတဲ့ Sci-Fi/ Adventure ရုပ်ရှင်တစ်ကားထွက်ရှိလာပါတယ်။ ဇာတ်လမ်းအကျဉ်း လူတွေနဲ့ စက်ရုပ်တွေရဲ့ စစ်ပွဲမှာလူတွေက နိုင်သွားပြီး စက်ရုပ်တွေကို တားမြစ်ဇုန်ဆိုတဲ့ကန္တာရထဲက အကျဉ်းထောင်ကြီးထဲမှာ အကျဉ်းချခဲ့ကြတယ်။ စက်ရုပ်တွေကို လက်ခံထားတဲ့ ဘယ်နိုင်ငံသားမဆိုထောင်ကျမယ်ဆိုတဲ့ ဥပဒေကို အစိုးရက သတ်မှတ်ထားတယ်။ မီရှဲဆိုတဲ့ ကောင်မလေးဟာ မိဘနှစ်ပါးရော မောင်လေးဖြစ်သူကိုပါ ဆုံးရှုံးလိုက်ရလို့ ပထွေးနဲ့အတူ နေထိုင်ရတယ်။ တစ်နေ့မှာ သူတို့အိမ်ကို စက်ရုပ်တစ်ရုပ်ရောက်လာပြီး ပထွေးဖြစ်သူက မီရှဲနဲ့စက်ရုပ်က သူ့ကို လုပ်ကြံတယ်လို့အထင်လွဲသွားတာကြောင့် စက်ရုပ်နဲ့အတူ ထွက်ပြေးခဲ့ရတယ်။ နောက်မှသိလိုက်ရတာက သူ့ဆီရောက်လာတဲ့ စက်ရုပ်ဟာသေသွားပြီလို့ ထင်ထားတဲ့ သူ့ရဲ့ မောင်လေးဖြစ်နေပြီး သူ့ရဲ့ပုံစံအစစ်ကလည်း ရှိနေသေးတယ်လို့ ဆိုလာချိန်မှာတော့မီရှဲဟာ စက်ရုပ်နဲ့အတူ မောင်ရှာပုံတော်ဖွင့်ဖို့ ခရီးဆက်ခဲ့ပါတော့တယ်။ File size… (5.2 GB) / (1.75 GB) / (1.00 GB) Quality… WEB-DL 4K HEVC / 1080p HEVC / 720p Format…mkv / mp4 Duration….2h 8m Genre …..Action , Adventure , Comedy Subtitle….Myanmar Subtitle (Hard Sub) Encoder….Min Wai Translated by Act Molemy, Thiha Yan Naing

နောက်ဆုံးအသစ်ထွက်ရှိလာပြီး တောင်းဆိုမှုများနေတဲ့ Animation ကား ကောင်းလေးတစ်ကားကို တင်ဆက်ပေးလိုက်ပါပြီ။ ဒီဇာတ်ကားမှာတော့ လီယိုဆိုတဲ့ ကျောင်းမွေးတိကလေးက အဓိက ဇာတ်ဆောင်အနေနဲ့ ပါဝင် ထားပါတယ်။ လီယိုဆိုတဲ့ ဖွတ်ကြီးနဲ့ စကွစ်တယ်ဆိုတဲ့ လိပ်ကြီးတို့က အလယ်တန်းကျောင်း တစ်ခုမှာ ကလေးတွေအတွက် သင်ထောက်ကူအနေနဲ့ မွေးထားတဲ့ တိကလေး တွေပါ။ ငါးတန်းအခန်းကို ကြီးစိုးထားကြပြီး ခေတ်အဆက်ဆက်က ကလေး တွေမျိုးစုံနဲ့ ကြုံတွေ့ခဲ့ရတဲ့သူတွေပေါ့။ တစ်ရက်မှာတော့ လီယိုတစ်ယောက် သူ့ရဲ့သက်တမ်းက တစ်နှစ်ပဲ ကျန်တော့တဲ့အကြောင်းကို မမျှော်လင့်ဘဲ သိခဲ့ လိုက်ရတယ်။ မွေးကတည်းက ဖန်ကန်ထဲမှာပဲ နေလာခဲ့ရတဲ့သူ့အဖို့ ပြင်ပကမ္ဘာကြီးနဲ့ ထိတွေ့ ဆက်ဆံသွားချင်တာ သူ့ရဲ့ နောက်ဆုံးဆန္ဒပါပဲ။ ဒီလိုနဲ့ အခန်းထဲက စရိုက်မျိုးစုံနဲ့ ကလေးတွေဆီကနေ ကပ်ပြီး ပြင်ပကမ္ဘာကို ရောက်ဖို့ ကြိုးစားပါတော့တယ်။ မနိုင်စိန်ငါးတန်းကလေးတွေနဲ့ အဘိုးကြီးလီယိုတို့ ဘယ်လိုတွေနှစ်ပါးသွားကြမလဲ၊ သူ့ရဲ့နောက်ဆုံးဆန္ဒလေး ပြည့်ဝသွားနိုင်မလား ဆိုတာကိုတော့ ကိုယ်တိုင်ပဲ ခံစား ကြည့်လိုက်ရအောင်ပါ။ Child psychology အကြောင်းကိုလည်း သီချင်းလေး တွေနဲ့ တင်ဆက်ပေးသွားတာမို့ ခံစားမှုရသအစုံအလင်ပေးနိုင်မဲ့ ဇာတ်လမ်းကောင်း တစ်ပုဒ်လို့ပဲ ဆိုချင်ပါတယ်။ (ဒီဇာတ်လမ်းရဲ့အညွှန်းကို May Thet Khine Soe မှရေးသားပေးပြီး၊ ဘာသာပြန် ရေးသားပေးသူများကတော့ May Thet Khine Soe, Ngwe Zin တို့ ဖြစ်ပါတယ်) File Size..........(1.73 GB) / (758 MB) Quality............WEB-DL 1080p / 720p Duration.........1Hr 42Min Subtitle...........Myanmar Hardsub Format............MP4 Genre..............Animation, Comedy, Family Translator.......May Thet Khine Soe, Ngwe Zin Encoder..........SWM

ဒီဇာတ်လမ်းလေးကတော့ နာမည်ကျော် Ozဇာတ်လမ်းကို Referenceယူပြီး ရိုက်ထားတဲ့ Tom & Jerry ဇာတ်လမ်းပဲဖြစ်ပါတယ်။ ဒီဇာတ်လမ်းရဲ့ အဓိက‌‌ဇာတ်ဆောင်ဖြစ်တဲ့ ဒိုရိုသီတစ်‌ယောက် အော့ဇ်တိုင်းပြည်ရဲ့ မြစိမ်းမြို့တော်ကနေ သူ့ဇာတိကန်းဆက်မြို့တော်ကို ပြန်ရောက်လာချိန်အဒေါ်နဲ့ ဦးလေးဖြစ်သူတို့ရဲ့ မွေးမြူရေးခြံက အကြွေးနဲ့ တိရစ္ဆာန်တွေသိမ်းခံရမယ့် အခြေအနေနဲ့ ကြုံနေရတာပါ။ ဒါကြောင့် သူ့အဒေါ်ရဲ့ခြံကိုကာကွယ်ဖို့ မြစိမ်းမြို့တော်ကိုပြန်သွားဖို့ အကြောင်းဖန်လာပါတယ်။ အဲဒီအပြင် အော့ဇ် တိုင်းပြည်ရဲ့မဟာရန်သူတော် နုမ်းဘုရင်ရဲ့ အန္တရာယ်ပါကျရောက်လာတဲ့အခါ ဒိုရိုသီနဲ့ တွမ်၊ဂျယ်ရီနဲ့ တွဲဖက်တွေဖြစ်တဲ့ စာခြောက်ရုပ် ခြင်္သေ့ကြီးနဲ့ သံပုံးလူသားတို့အဖွဲ့ မြစိမ်းမြို့တော်ကို ကယ်တင်ဖို့ အကြောင်းဖန်လာပါတယ် File size…    1.5 GB /  791 MB Quality… BluRay 1080p / 720p Format… mp4 Duration…. 1h 21m Genre ..... Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated... by JimX

နစ်ဝိုင်းလ်ဟာ လပ်စ်ဗီးဂတ်ကနေ ထွက်သွားချင်ပေမယ့် မထွက်နိုင်သေးသူပါ။ ဒေါ်လာငါးသိန်းရရင် ငါးနှစ်လောက် လွတ်လွတ်လပ်လပ် ပျော်ပျော်ရွှင်ရွှင်နေဖို့ ဒီမြို့ကို စွန့်ခွာမယ်လို့ အမြဲပြောနေတတ်တယ်။ ဒါပေမယ့် လောင်းကစားထဲက မရုန်းထွက်နိုင်ဘဲ အလွတ်တမ်းသက်တော်စောင့် လုပ်လိုက်၊ လောင်းကစားလုပ်လိုက်နဲ့ ငွေကြေးမပြေလည်တဲ့ဘဝကို ဖြတ်သန်းနေရပါတယ်။ သူက အထူးအေးဂျင့်ဟောင်းတစ်ယောက်ဖြစ်ပြီး တိုက်ခိုက်ရေးမှာတော့ ကျွမ်းကျင်သူပါ။ တစ်နေ့မှာ သူ့သူငယ်ချင်း ဟော်လီဟာ ဂန်းစတားတစ်ယောက်ရဲ့ မုဒိမ်းကျင့်မှုနဲ့ ရိုက်နှက်နှိပ်စက်မှုကို ခံလိုက်ရတယ်။ ဟော်လီက လက်စားချေဖို့ နစ်ဆီ အကူအညီတောင်းလာပါတယ်။ Jason Statham သရုပ်ဆောင်ထားတဲ့ ဒီအက်ရှင်ကားမှာ နစ်တစ်ယောက် အဲဒီအကူအညီတောင်းခံမှုကို ဘယ်လိုတုံ့ပြန်မလဲဆိုတာ ဆက်ပြထားပါတယ်။

The Borderlands (2013) IMDb Rating (5.8) / Rotten Tomatoes (83%) ဗာတီကန်ကနေ စေလွှတ်လိုက်တဲ့ စုံစမ်းစစ်ဆေးရေးအဖွဲ့တစ်ဖွဲ့ဟာ အင်္ဂလန်နိုင်ငံ ဒေဗွန်နယ်ဘက်အစွန်အဖျားရွာလေးတစ်ရွာက ရှေးဟောင်းဘုရားကျောင်းတစ်ခုဆီကို ရောက်လာကြပါတယ်။ အဲ့ဒီဘုရားကျောင်းမှာအံ့ဖွယ်တန်ခိုးတွေဖြစ်နေတယ်ဆိုတဲ့ သတင်းတွေအရ အထက်အမိန့်နဲ့လာရောက်စုံစမ်းကြတာပါ။ အဖွဲ့သားတွေကတော့အယူသီးမှုတွေကိုအယုံအကြည်မရှိတဲ့ နည်းပညာသမား ဂရေး၊ စိတ်ဒဏ်ရာရှိပြီး အရက်စွဲနေတဲ့ ဘုန်းတော်ကြီး ဒီကွန်နဲ့စာအုပ်ကြီးအတိုင်း ဘုန်းတော်ကြီး မာ့ခ် တို့ ပါဝင်ပါတယ်။ သူတို့ဟာ ဘုရားကျောင်းဟောင်းထဲမှာ ကင်မရာတွေအသံဖမ်းစက်တွေတပ်ဆင်ပြီး စစ်ဆေးတဲ့အခါမှာတော့ သူတို့ထင်ထားတာထက် ပိုနက်နဲပြီး ရှေးကျတဲ့ ကြောက်မက်ဖွယ်ကောင်းတဲ့ အမှောင်လောကနဲ့ ရင်ဆိုင်ရပါတော့တယ်။ Found footage ပုံစံနဲ့တင်ဆက်ထားတာဖြစ်ပြီး RT ကဝေဖန်ရေးဆရာတွေက 82% အထိပေးထားခဲ့ပါတယ်။ Jump scare တွေကို အားမကိုးပဲ ဖြစ်စဉ်တွေရဲ့ အငွေ့အသက်၊ ဇာတ်ကောင်တွေရဲ့ခံစားချက်ကနေ ကြောက်စိတ်ကိုဖြည်းဖြည်းချင်းလှုံ့ဆော်ပေးသွားတဲ့ ဇာတ်ကားမျိုး ဖြစ်ပြီး ဇာတ်သိမ်းခန်းဟာ ကြက်သီးထလောက်အောင်ခြောက်ခြားဖို့ကောင်းသလို မျှော်လင့်မထားတဲ့ ကြောက်စရာ အကောင်းဆုံး ဇာတ်သိမ်းတွေထဲက တစ်ခုအဖြစ် မှတ်ချက်ပြုထားကြပါတယ်။ File size… (2.3 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Horror Duration…. 01:33:33 Subtitle…. Myanmar Subtitle (Hardsub)

ခွေးတစ်ကောင်ရဲ့ သစ္စာတရားကို ဖော်ကျူးတဲ့ Hachi: A Dog's Tale (2009) Hachi: A Dog's Tale ဆိုတဲ့ ရုပ်ရှင်ကတော့ ဂျပန်နိုင်ငံမှာ တကယ်ဖြစ်ပွားခဲ့တဲ့ သခင်နဲ့ခွေးလေးတစ်ကောင်ရဲ့ သံယောဇဉ်ကို အခြေခံပြီး ရိုက်ကူးထားတဲ့ နာမည်ကြီးဇာတ်ကားတစ်ကား ဖြစ်ပါတယ်။ ဒီရုပ်ရှင်ကို ကြည့်ပြီး မျက်ရည်မကျတဲ့သူဆိုတာ တော်တော်ရှားပါလိမ့်မယ်။ ဇာတ်လမ်းအကျဉ်းကတော့ ပါမောက္ခ ပါကာ ဝီလ်ဆင် (ရစ်ချက်ဂီယာ) ဟာ တစ်နေ့မှာ ဘူတာရုံတစ်ခုမှာ သခင်ပျောက်နေတဲ့ ဂျပန်အကီတာခွေးလေးတစ်ကောင်ကို မထင်မှတ်ဘဲ ကောက်ရခဲ့ပါတယ်။ သူ့ဇနီးက အစပိုင်းမှာ သဘောမတူပေမယ့် နောက်ပိုင်းမှာတော့ ခွေးလေးကို "ဟချီ" လို့ နာမည်ပေးပြီး မွေးစားဖို့ သဘောတူလိုက်ပါတယ်။ အချိန်တွေကြာလာတာနဲ့အမျှ ပါမောက္ခနဲ့ ဟချီကြားက သံယောဇဉ်က အရမ်းကို နက်ရှိုင်းလာခဲ့ပါတယ်။ ဟချီဟာ နေ့တိုင်းမနက်ဆိုရင် သခင်ဖြစ်သူကို ဘူတာရုံအထိ လိုက်ပို့ပြီး ညနေတိုင်း သခင်ပြန်လာမယ့်အချိန်ကို ဘူတာရုံမှာ သစ္စာရှိရှိ စောင့်မျှော်နေခဲ့ပါတယ်။ သူတို့ရဲ့ နေ့စဉ်ဘဝလေးက အရမ်းကို ကြည်နူးဖို့ကောင်းပါတယ်။ ဒါပေမဲ့ တစ်နေ့မှာတော့ ကံကြမ္မာဆိုးက ဝင်ရောက်လာခဲ့ပါတယ်။ ပါမောက္ခဟာ စာသင်နေရင်း ရုတ်တရက်ဆုံးပါးသွားခဲ့ပါတယ်။ သူ့သခင် ဘယ်တော့မှ ပြန်မလာတော့ဘူးဆိုတာကို မသိတဲ့ ဟချီကတော့ နေ့စဉ်နေ့တိုင်း၊ မိုးရွာရွာ နှင်းကျကျ၊ နွေပူပူ ဆောင်းချမ်းချမ်း ဘယ်လိုရာသီဥတုမျိုးမှာမဆို ဘူတာရုံက သူ့နေရာလေးမှာ သခင်ပြန်အလာကို ၁၀ နှစ်တာကာလပတ်လုံး မျှော်လင့်တကြီးနဲ့ စောင့်နေခဲ့ရှာပါတယ်။ ဒီရုပ်ရှင်က လူနဲ့ တိရစ္ဆာန်ကြားက ချွင်းချက်မရှိတဲ့ အချစ်၊ သစ္စာတရားနဲ့ သံယောဇဉ်ဆိုတာ ဘယ်လောက်တောင် နက်ရှိုင်းပြီး တန်ဖိုးရှိတယ်ဆိုတာကို အဓိကဖော်ကျူးထားပါတယ်။ ဟချီရဲ့ ဇွဲလုံ့လနဲ့ သစ္စာတရားက ကြည့်ရှုသူတိုင်းရဲ့ နှလုံးသားကို အရည်ပျော်စေပြီး မျက်ရည်မဆည်နိုင်အောင် ခံစားရစေမှာပါ။ တကယ်လို့ သင်ဟာ တိရစ္ဆာန်လေးတွေကို ချစ်တတ်တဲ့သူ၊ သံယောဇဉ်ကြီးမားတဲ့ ဇာတ်လမ်းတွေကို ကြိုက်နှစ်သက်တဲ့သူဆိုရင်တော့ Hachi: A Dog's Tale ဟာ မဖြစ်မနေကြည့်သင့်တဲ့ ရုပ်ရှင်ကောင်းတစ်ကားဖြစ်ကြောင်း ညွှန်းဆိုလိုက်ပါတယ်။ တစ်ခုတော့ ကြိုတင်သတိပေးချင်တာက ဒီကားကြည့်မယ်ဆိုရင် တစ်ရှူးတော့ အဆင်သင့်ဆောင်ထားဖို့ လိုပါလိမ့်မယ်။ File size…    1.85 GB /  887 MB Quality… BluRay 1080p / 720p Format… mp4 Duration…. 1h 40m Genre ..... Biography / Drama / Family Subtitle…. Myanmar Subtitle (Hard Sub)

IMDb rating - 6/10 Awards - 3 Nominations အခုတင်ဆက်ပေးမယ့်ဇာတ်ကားလေးကတော့ 2001 ခုနှစ်ထွက် romance ဇာတ်ကားလေးဖြစ်ပါတယ် အားလုံးသိတဲ့ Jack Black မင်းသားနဲ့ Iron manရဲ့အချစ်တော်​လေး Gwyneth Paltrow မင်းသမီးတို့ သရုပ်ဆောင်ထားတဲ့နာမည်​​ကြီးဇာတ်ကားလေးပဲဖြစ်ပါတယ် ဒီကားထဲမှာဆိုရင် အဖေ့ရဲ့နောက်ဆုံးစကားအတိုင်း ငယ်ရွယ်ပြီးလှပတဲ့မိန်းကလေးတွေနဲ့တွဲပြီး လူတိုင်းကိုရုပ်ရည်​ပေါ်မှာပဲကြည့်ပြီး ဆုံးဖြတ်တတ်တဲ့ ဟဲလ်ဆိုတဲ့သူတစ်ယောက်ရှိပါတယ် အဲဒီလိုနဲ့တိုနီရောဘင်ဆိုတဲ့သူနဲ့ ဆုံပြီးနောက်မှာ လူတွေနဲ့တွေ့တဲ့အခါမှာ သူတို့ရဲ့အတွင်းစိတ်အတိုင်းပဲ​မြင်ရပါတော့တယ် အဲဒီလိုနဲ့ ရိုစ့်မယ်ရီဆိုတဲ့ စိတ်ထားလှတဲ့​ကောင်မ​လေး သူ့မျက်စိထဲမှာ သူမြင်ဖူးသမျှထဲမှာ အလှဆုံးမိန်းကလေးတစ်ယောက်ဖြစ်နေပါတယ် တကယ်တော့ဒီမိန်းကလေးကပြည့်ပြည့်ဖြိုးဖြိုးကောင်မလေးဖြစ်နေတာပါပဲ အဲဒါဆိုရင်တော့ ဟဲလ်တစ်ယောက် တကယ့်ပဲ ရိုစ့်မယ်ရီကိုချစ်လာနိုင်ပါ့မလား ဘယ်လိုတွေအလွဲလွဲအချော်ချော်ဖြစ်မလဲ ဆိုတာ ဇတ်ကားလေးကြည့်ရင်း အပန်းဖြေလိုက်ကြပါဦး ဒီဇာတ်ကားလေးကတော့ တကယ့် အလှတရားဆိုတာ စိတ်ထားကောင်းတာက အဓိကပဲလို့ ပြသသွားတဲ့ကားကောင်းလေးဖြစ်လို့ အားလုံးပဲ အားပေးကြပါဦး File size…(2.1 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Romance  Subtitle….Myanmar Subtitle (Hardsub) Encoder….Swan Min Htet Translated by Kyawt Hay Thar

The Adventures of Rocky & Bullwinkle (2000) IMDb Rating (4.3) / Rotten Tomatoes (42%) "The Adventures of Rocky & Bullwinkle" သည် ၁၉၆၀ ဝန်းကျင်က လူကြိုက်များခဲ့သော ကာတွန်းဇာတ်လမ်းအား အသက်သွင်းထားသော ရုပ်ရှင်ဖြစ်ပါသည်။ ဤရုပ်ရှင်တွင် အနေထားခက်ခဲသော ရော့ကီနှင့် ဘူးလင်ကယ်တို့သည် ကာတွန်းကမ္ဘာမှ လက်တွေ့ကမ္ဘာသို့ ရောက်ရှိလာကာ မိုးရွေး၊ ဘိုရစ်နှင့် နတ်တာရှာတို့၏ အမေရိကန်နိုင်ငံအား ထိန်းချုပ်ရန် ကြံစည်မှုကို တားဆီးရန် ရဲအရာရှိကလေးတစ်ဦးနှင့် ပူးပေါင်းလုပ်ဆောင်ရသော ဇာတ်လမ်းဖြစ်ပါသည်။ (အညွှန်းနဲ့ဘာသာပြန်ကတော့ N Ⓞ NE ဖြစ်ပါတယ်။) File size…(3 GB) / (1.2 GB) Quality….Blu-Ray 1080p / 720p Format…. mp4 Genre….Adventure,Animation,Comedy,Family,fantasy Duration….01:32:12 Subtitle….Myanmar Subtitle (Hardsub) Encoder….Thit San Khant Translated by N Ⓞ NE

Dunston Checks In (1996) IMDB : 5.4 Rotten Tomatoes: 17% Genre :Family/Comedy Dunston Checks In (1996) ကတော့ ဘဝအမောကိုခဏလောက်ပြေပျောက်သွားစေမယ့် ဟာသဇာတ်လမ်းလေးတစ်ခုဖြစ်ပါတယ်။ ဟာသဇာတ်မြူးလေးမလို့ မိသားစုနှင့်ဖြစ်စေ တစ်ဦးတည်းဖြစ်စေ ကြည့်ရှုလို့ရမှာဖြစ်ပါတယ်။ ဇာတ်ညွှန်း ရော်ဘတ်ဆိုတာကတော့ Majestic ကြယ်ငါးပွင့်ဟိုတယ်ကြီးရဲ့ မန်နေဂျာတစ်ယောက်ဖြစ်ပါတယ်။ သူ့မှာ သားနှစ်ယောက်ရှိပြီး အဆိုပါဟိုတယ်ထဲမှာပဲ အတူတူနေထိုင်ကြတာဖြစ်ပါတယ်။ သားနှစ်ယောက်ကလည်း အတော်မွှေတယ်ဆိုပါတော့။ La Monde ခရီးသွားအဖွဲ့အစည်းကနေပြီး ကိုယ်စားလှယ်တစ်ယောက် လျှို့ဝှက်စေလွှတ်ကာ ကြယ်ငါးပွင့်ဟိုတယ်တိုင်းကို ကြယ် ၆ ပွင့် တိုးပေးမယ်ဆိုပြီး ဟိုတယ်ပိုင်ရှင်က မန်နေဂျာ ရော်ဘတ်ကိုပြောခဲ့ပါတယ်။ ဖြစ်ချင်တော့တစ်ရက်မှာ မျောက်တစ်ကောင်နဲ့ လူတစ်ယောက်ရောက်လာခဲ့ပါတယ်။ ရည်ရွယ်ချက်ကတော့ မျောက်ကိုခိုင်းပြီး လက်ဝတ်လက်စားတွေခိုးယူဖို့ဖြစ်ပါတယ်။ သူဟာမျောက်ကိုလူမသိအောင်ခိုးသယ်လာခဲ့ပေမယ့် သတိထားမိသူတစ်ယောက်ရှိနေခဲ့ပါတယ်။ အဲဒါကတော့ ရော်ဘတ်ရဲ့ သားအငယ်ကောင်ဖြစ်ပါတယ်။ ဒီလိုနဲ့ La Monde က ကိုယ်စားလှယ်ရောက်လာချိန်မှာ မျောက်ကလည်း ဟိုတယ်ထဲပတ်မွှေနေပါပြီ။ ဘယ်လိုအလွဲတွေဖြစ်မလည်းဆိုတာကိုတော့ ဆက်လက်ရှုစားလိုက်ကြပါခင်ဗျာ။ File size…    3.7 GB /  1.3 MB Quality… BluRay 1080p / 720p Format… mp4 Duration…. 1h 29m Genre ..... Family / Comdey Subtitle…. Myanmar Subtitle (Hard Sub) Encoder…. Thit San Khant Translated... by Lucifer Maximoff

Jacob's Ladder (1990) IMDb Rating (7.4) / Rotten Tomatoes (71%) Shawshank မင်းသားကြီး Tim Robbins ရဲ့ Psychological Horror/Thriller လောကမှာ စံပြအဖြစ် သတ်မှတ်ခံထားရတဲ့ ဂန္ထဝင်ဇာတ်ကား ဖြစ်ပါတယ်။ ဒီဇာတ်ကားဟာ ကြောက်စရာကောင်းရုံတင်မကဘဲ လူ့စိတ်ရဲ့ နက်နဲမှုနဲ့ ဝိညာဉ်ရေးရာဆိုင်ရာတွေကိုပါ မေးခွန်းထုတ်သွားတာပါ။ ဗီယက်နမ်စစ်ပြန် Jacob Singer (Tim Robbins) ဟာ စစ်ပွဲအတွင်းက ဒဏ်ရာတွေနဲ့ သေဆုံးသွားတဲ့ သူ့သားလေးရဲ့ အမှတ်တရတွေကြားမှာ ရုန်းကန်နေရသူပါ။ ဒါပေမဲ့ သူ့ရဲ့ဘဝဟာ တဖြည်းဖြည်းနဲ့ ပုံမှန်မဟုတ်တော့ဘဲ ထူးဆန်းတဲ့ မကောင်းဆိုးဝါးတွေကို မြင်လာရတာ၊ သူ့ကို တစ်ယောက်ယောက်က လိုက်လံသတ်ဖြတ်ဖို့ ကြိုးစားနေတာမျိုးတွေကို ခံစားလာရပါတယ်။ Jacob ဟာ သူမြင်နေရတဲ့အရာတွေက တကယ့်လက်တွေ့လား၊ ဒါမှမဟုတ် စိတ်ချောက်ချားမှု တွေလားဆိုတာကို ခွဲခြားဖို့ ကြိုးစားရင်း... ဗီယက်နမ်စစ်ပွဲတုန်းက သူ့အပေါ်မှာ စမ်းသပ်ခဲ့တဲ့ အစိုးရရဲ့လျှို့ဝှက်ချက်တွေကို ဖော်ထုတ်ဖို့ ကြိုးစားပါတော့တယ်။ ဇာတ်လမ်းက တဖြည်းဖြည်းနဲ့ သေခြင်းနဲ့ ရှင်ခြင်း၊ ကောင်းကင်နဲ့ငရဲတို့ရဲ့ နယ်နိမိတ်တွေကြားမှာ ပရိသတ်ကိုပါ ဝေခွဲရခက်အောင် ခေါ်ဆောင်စီးမျောသွားမယ့် Thriller ဇာတ်လမ်းကောင်းတစ်ပုဒ်ပါ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2.7 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Drama,Horror,Mystery Duration…. 01:55:18 Subtitle…. Myanmar Subtitle (Hardsub)

Pretty Woman (1990) Review | ပြည့်တန်ဆာနဲ့ ဘီလီယံနာကြားက ရိုမီယို ဂျူးလိယက်ဇာတ်လမ်း ပိုက်ဆံသာရှိရင် လူတွေရဲ့အတွေးအမြင်တွေကို လှည့်စားပစ်နိုင်တယ် – ပြည့်တန်ဆာတစ်ယောက်တောင် ပိုက်ဆံရှိရင် လူတိုင်းကို ဘာမှမပြောနိုင်အောင် လုပ်လို့ရတယ်။ ကျွန်တော် ဒီရုပ်ရှင်ကို Facebook page တစ်ခုက အပိုင်းအတိုလေးတစ်ခု ကြည့်မိရင်း စိတ်ဝင်စားသွားပြီး အစအဆုံးရှာကြည့်ဖြစ်ခဲ့တယ်။ ပထမဆုံးပြောချင်တာကတော့ ကြည့်ရတာတော်တော်လေးတန်တယ်။ ကိုယ်တွေးရင် တွေးသလောက် အဓိပ္ပါယ်ရှိတဲ့ရုပ်ရှင်တစ်ခုပါ။ ဇာတ်လမ်းအမြည်းပြောရရင် ဥစ္စာပေါရုပ်ချော ဘီလီယံနာတစ်ယောက်က Edward က ပြည့်တန်ဆာမလေး Vivian နဲ့ ခင်သွားပြီး၊ ဒေါ်လာ ၃၀၀၀ နဲ့ တစ်ပတ်တိတိသူနဲ့ အချိန်ဖြုန်းပေးဖို့ကမ်းလှမ်းတယ်။ Edward က professional ဆန်တဲ့သူတစ်ယောက်ဖြစ်ပြီး Vivian ကို သေချာလေးဂရုစိုက်တယ်။ ကြာလာတော့ သူတို့နှစ်ယောက်ကြားက မေတ္တာဓာတ်က အချစ်အသွင်သို့ ပြောင်းလဲလာခဲ့ပါတယ်။ ဇာတ်လမ်းထဲမှာ သဘောကျဖို့ကောင်းတာက လူတွေရဲ့ ဆက်ဆံပုံတွေပါ။ Vivian ပြည့်တန်ဆာလိုဝတ်စားပြီး shopping ထွက်တဲ့အခါ ဘယ်သူမှသူ့ကို ဝယ်နိုင်တယ်လို့မထင်ကြဘူး။ နောက်ရက် Edward က သူကိုယ်တိုင်လိုက်ဝယ်ပေးပြီး သူပြောခဲ့တဲ့စကားတစ်ခုက "ဆိုင်တွေက customers တွေကို ဘယ်တော့မှ ကောင်းကောင်းမဆက်ဆံဘူး၊ သူတို့ ကောင်းကောင်းဆက်ဆံတာ credit card ပဲရှိတယ်။" ကျွန်တော်ကတော့ ကြည့်ရတာ သဘောကျမိတယ်။ 90s vibe ကိုလည်း ကောင်းကောင်းကြီးခံစားရသလို၊ old money အသိုင်းအဝိုင်းကိုလည်း သေချာမြင်ခဲ့ရတယ်။ Romance/Comedy genre ထဲက တကယ်ကိုကြည့်သင့်တဲ့ ရုပ်ရှင်တစ်ခုပါ။ AnemoiVerse Rating: 4/5 Author: Anemoi (ရုပ်ရှင်အညွှန်းကို AnemoiVerse FB Page မှ ကူးယူဖော်ပြပါသည်။) မင်းသမီး Julia Roberts နဲ့  မင်းသားကြီး Richard Gere တို့ရဲ့ နာမည်ကျော် ရိုမန့်ဒရမ်မာရုပ်ရှင်ကားလေးဖြစ်ပြီး IMDb Rating (7.1) ထိ ရရှိထားပါတယ်။ File size…(13 GB)/(3.1 GB ) / (1.2 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:59:37 Subtitle….Myanmar Subtitle (Hardsub) Encoder….Ka Naung