Jason Cavalier ပါဝင်သော ဇာတ်ကားများ

Infiltrate (2026) ဒီတစ်ခါတော့အက်ရှင်နဲ့ သည်းထိတ်ရင်ဖို ဇာတ်ကားကြိုက်တဲ့သူတွေအတွက် မကြာသေးခင်ကမှ ထွက်ရှိထားတဲ့ Infiltrate (2026) ရုပ်ရှင်ကားလေးအကြောင်း တင်ပေးထားပါတယ်။ ဒီကားကို ဒါရိုက်တာ James Mark က ရိုက်ကူးထားပြီး မင်းသမီး Orphée Ladouceur-Nguyen၊ မင်းသား Tim Rozon နဲ့ Alain Moussi တို့ ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်း အစိုးရအေးဂျင့် လီလီချန်း ဆိုတဲ့ အမျိုးသမီးတစ်ယောက်အကြောင်းပါ။ သူက တော်တော်လေး စွမ်းဆောင်ရည်ပြည့်ဝတဲ့ အေးဂျင့်တစ်ယောက်ဖြစ်ပြီး မာဆယ် လာဖလူး ဆိုတဲ့ ရာဇဝတ်ဂိုဏ်းခေါင်းဆောင်ကြီးကို ဖြိုခွင်းဖို့ လပိုင်းလောက် အချိန်ယူပြီး ကြိုးစားနေတာပါ။ ဒါပေမဲ့ တစ်နေ့မှာတော့ သူ့ယောက်ျားဖြစ်တဲ့ ဂျွန် ပြန်ပေးဆွဲခံလိုက်ရပါတယ်။ အဲဒီအချိန်မှာ သူ့ဆီကို အမည်မသိဖုန်းတစ်ကောလ် ဝင်လာပြီး သူ့ယောက်ျားကို အသက်ရှင်လျက် လိုချင်ရင် သူတို့ခိုင်းတဲ့ ရာဇဝတ်ကောင်တွေကို လိုက်သတ်ပေးဖို့ ခြိမ်းခြောက်ပါတော့တယ်။ ဒီလိုနဲ့ လီလီချန်း တစ်ယောက် သူ့ယောက်ျားကို ကယ်ဖို့အတွက် တာဝန်နဲ့ မိသားစုကြား ဗျာများရပြီး မလုပ်ချင်ဘဲနဲ့ မြေအောက်ရာဇဝတ်လောကထဲကို ဝင်ရောက်သွားရပါတော့တယ်။ သူ့ယောက်ျားကိုရော အချိန်မီ ကယ်တင်နိုင်မလား၊ သူ့ကို ခိုင်းစေနေတဲ့ နောက်ကွယ်က လူတွေကရော ဘယ်သူတွေလဲ၊ သူ ဖြိုခွင်းချင်နေတဲ့ မာဆယ် လာဖလူး နဲ့ရော ဘယ်လိုတွေ ထိပ်တိုက်တွေ့မလဲ ဆိုတာကို အက်ရှင်ခန်း ခပ်ကြမ်းကြမ်းတွေနဲ့ ကြည့်ရှုရမယ့် ကားကောင်းလေး တစ်ကားဖြစ်ပါတယ်။ မင်းသမီး Orphée Ladouceur-Nguyen က စတန့်မင်းသမီးဖြစ်တဲ့အတွက် အက်ရှင်ဖိုက်တင်ခန်းတွေကတော့ တော်တော်လေးကို ကြည့်ကောင်းပါတယ်။ File size… (950 MB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Action,Thriller Duration…. 01:33:27 Subtitle…. Myanmar Subtitle (Hardsub)

နှစ်သစ်ကူးည ဘော်လ်တီမောမြို့မှာ လူတွေ ပျော်ပါးကခုန်နေကြတုန်း ဘယ်ကလာမှန်းမသိတဲ့ ကျည်ဆန်တွေကြောင့် လူအများအပြား အသက်ဆုံးရှုံးသွားပါတယ်။ ဒီအစုလိုက်အပြုံလိုက် လူသတ်မှုကို စုံစမ်းဖို့ စုံထောက်လမာ့ခ် တာဝန်ပေးခံရပြီး သာမန်ရဲတပ်သား အယ်လနောကို သူ့ဘေးမှာ လူယုံတော်အဖြစ် ခေါ်ထားလိုက်တယ်။ အယ်လနောဟာ မူးယစ်ဆေးသုံးစွဲမှုကြောင့် FBI ရဲ့ ပယ်ချမှုကို ခံထားရပေမယ့် လမာ့ခ်ကတော့ သူ့မှာရှိတဲ့ ပါရမီကို မြင်ထားပါတယ်။ သေနတ်သမားက ပစ်မှတ်တစ်ယောက်ကို ကျည်တစ်ချက်နဲ့ အပြတ်ရှင်းနိုင်တဲ့သူဖြစ်ပြီး ခြေရာလည်း ဖျောက်တတ်တယ်။ သေဆုံးသူတွေက လူမျိုးဘာသာ မရွေးဖြစ်နေတာကြောင့် ဘာရည်ရွယ်ချက်နဲ့ ပစ်သလဲဆိုတာလည်း မသိရဘူး။ ကျူးလွန်သူ ဘယ်သူလဲ၊ တစ်ယောက်တည်း လုပ်တာလား၊ အဖွဲ့လိုက်လားဆိုတာ မရှင်းနိုင်သေးခင်မှာပဲ ကုန်တိုက်တစ်ခုမှာ ထပ်ပစ်ခတ်ခံရပါတယ်။ အရင်အမှုက သေနတ်သမားပဲဖြစ်ပြီး ဒီတစ်ကြိမ်မှာလည်း လူအများအပြားကို သတ်ပြီး လွတ်သွားပြန်တယ်။ ကျူးလွန်သူကို မဖမ်းနိုင်တာကြောင့် လမာ့ခ်နဲ့ အယ်လနောတို့ နှစ်ယောက်စလုံး အဖြုတ်ခံလိုက်ရပါတယ်။ ဒါပေမယ့် သူတို့က အမှုကို မလွှတ်ဘဲ နှစ်ယောက်တည်း ဆက်လိုက်ကြတယ်။ သဲလွန်စဆိုလို့ ဘာမှမရှိသလို ထင်ရပေမယ့် တကယ်တော့ အပိုင်းအစတွေက ဟိုတစ်စ ဒီတစ်စ ပြန့်ကျဲနေတာပါ။ အဲဒီအပိုင်းအစတွေကို ဘယ်လိုပြန်ချိတ်ကြမလဲ၊ သေနတ်သမားက ဘယ်သူလဲ၊ နောက်ဆုံးမှာ ဖမ်းမိနိုင်ပါ့မလားဆိုတဲ့ မေးခွန်းတွေ ကျန်နေပါတယ်။ Damián Szifron ရဲ့ ပထမဆုံး အင်္ဂလိပ်စကားပြောရုပ်ရှင်ဖြစ်ပြီး Shailene Woodley နဲ့ Ben Mendelsohn တို့ အဓိက ပါဝင်သရုပ်ဆောင်ထားပါတယ်။

ဝုစ်ဘရိုမှာ ဖြစ်ခဲ့တဲ့ လူသတ်မှုတွေကနေ အသက်ရှင်ကျန်ခဲ့သူတွေဟာ ဒီတစ်ခေါက်ဇာတ်လမ်းရဲ့ အဓိကဇာတ်ကောင်တွေပါ။ ဆမ်နဲ့ တာရာ ညီအစ်မနှစ်ယောက်လည်း အခြားမြို့တစ်မြို့ကို ပြောင်းရွှေ့လာကြပါတယ်။ သရဲမျက်နှာဖုံးနဲ့ လူသတ်သမားတစ်ယောက်ရဲ့ သမီးဖြစ်တဲ့ ဆမ်က ဝုစ်ဘရိုမှာ လူသတ်သမားနှစ်ယောက်ကို သတ်နိုင်ခဲ့ပေမယ့် အင်တာနက်ပေါ်မှာတော့ သူ့အကြောင်း ကောလဟာလတွေ ပြန့်နေတယ်။ သူကသာ လူသတ်သမားအစစ်ဖြစ်ပြီး တခြားသူတွေကို ချောက်ချခဲ့တာဆိုတဲ့ စွပ်စွဲချက်တွေကြောင့် နာမည်ပျက်နေရပါတယ်။ အဲဒီလူသတ်သမားတွေကို အားကျနေသူတွေကလည်း ဆမ်ကို သတ်ဖို့ ကြိုးစားနေကြတယ်။ ဒီကြားထဲ သူတို့အနားက လူတွေ တစ်ယောက်ပြီးတစ်ယောက် အသတ်ခံလာရတဲ့အခါ ဘယ်သူ့လက်ချက်လဲဆိုတာ ရှာဖွေရပြန်ပါတယ်။ အရင်ရုပ်ရှင်တွေမှာ ပါဝင်ခဲ့တဲ့ သရဲမျက်နှာဖုံးလူသတ်သမား ကိုးယောက်အကြောင်းကိုလည်း ဒီကားမှာ အမှတ်တရထည့်သွင်းထားပါတယ်။ ဆမ်နဲ့ တာရာအဖြစ် Melissa Barrera နဲ့ Jenna Ortega တို့ ပြန်လည်ပါဝင်ထားပြီး Courtney Cox လည်း ဆက်လက်သရုပ်ဆောင်ထားပါတယ်။

Crisis (2021) IMDb Rating - 6.1/10 ဘိန်း စကားလုံးတစ်လုံးလေးပေမယ့် တစ်လောကလုံးကို ချုပ်ကိုင်ပစ်နိုင်တယ်။ ဒီဘိန်းကြောင့် အမေရိကန်ပြည်ထောင်စု ဒေသတစ်ခုမှာနေထိုင်သူ မိခင်တစ်ယောက် သူချစ်ရတဲ့ သားကို ရုတ်တရက်ဆုံးရှုံးလိုက်ရတယ်၊ ဒီဘိန်းကြောင့် တက္ကသိုလ်က ဇီဝဗေဒပညာရှင်တစ်ယောက် ရာထူးပြုတ်ပြီး အလုပ်လက်မဲ့ဖြစ်လုနီးပါး အခြေအနေကို ကြုံနေရတယ်၊ ဒီဘိန်းကြောင့် လူဆိုးဖမ်းချင်တဲ့ အက်ဖ်ဘီအိုင်အေးဂျင့်တစ်ယောက် ဘိန်းကုန်သည်ယောင်ဆောင်ပြီး အသက် အန္တရာယ်ရှိတဲ့ဘ၀ကို နေထိုင်နေရတယ်၊ ဒီဘိန်းကြောင့် မိန်းကလေးတစ်ယောက်ရဲ့ ဘ၀ဟာ လမ်းပျောက်လုနီးပါးဖြစ်နေရတယ်၊ ဒီဘိန်းကြောင့် လောဘသားတွေ အတောမသတ်နိုင်သလို အပြစ်မရှိတဲ့သူတွေပါ သေဆုံးနေရတယ်၊ ဒီအကြောင်းအရာတွေအားလုံးရဲ့ တစ်ခုတည်းသော တရားခံက ဘိန်းပဲ . . . ဒီတော့ ဒီပြဿနာကို ဘယ်လိုဖြေရှင်းကြမလဲ လူ ၃ ယောက် ကြုံရတဲ့ မတူညီတဲ့ အခြေအနေတွေကို ချိတ်ဆက်ရိုက်ပြထားပြီး အင်မတန်မှ စိတ်၀င်စားဖို့ ကောင်းပါတယ်။ − မင်းသားကြီး Gary Oldman − Social Network , Call Me by Your Name တို့နဲ့ လူသိများတဲ့ Armie Hammer − မင်းသမီးကြီး Evangeline Lilly တို့က အဓိကပါ၀င်သရုပ်ဆောင်ထားပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Yoon Sandi Aung ပဲဖြစ်ပါတယ်။) Quality – 1080p, 720p WebRip Duration - 1h 58min Subtitle – Myanmar Hardsub Format – Mp4 Genre : Drama, Thriller Source : 1080p.WebRip Translator – Yoon Sandi Aung Encoder – SWM

Death Wish (2018) IMDb - 6.4/10 2018 ခုနှစ်ထွက် အက်ရှင်ဇာတ်ကားသစ် Death Wish ကိုတော့အထူးတလည်မိတ်ဆက်ပေးနေစရာ မလိုဘူးလို့ထင်ပါတယ်။ ဒီဇာတ်ကားကို1972 ခုနှစ်မှာထွက်ရှိခဲ့တဲ့ စာရေးဆရာ Brian Garfield ရဲ့စာအုပ်ကိုအခြေခံပြီးရိုက်ကူးထားတာပဲဖြစ်ပါတယ်။ ဒါရိုက်တာကတော့ Eli Roth ဖြစ်ပြီး၊Die Hard Franchise မှာဇာတ်ဆောင်အဖြစ်သရုပ်ဆောင်ခဲ့သူ ဖြစ်ပြီး အက်ရှင်မင်းသားတစ်ဦးအဖြစ် လူအများသိကြတဲ့ မင်းသားကြီး Bruce Willis က ခေါင်းဆောင်မင်းသားနေရာကနေ ပါဝင်သရုပ်ဆောင်ထားပါတယ်။ ဒီဇာတ်ကားဟာ Box Office မှာ ထင်သလောက် မအောင်မြင်ခဲ့ပေမယ့်လည်း IMDb rating 6.4 ရှိတာကြောင့် တော်တော်ကြည့်လို့ကောင်းတဲ့ အက်ရှင်ကားတစ်ကားလို့ဆိုရမှာပဲဖြစ်ပါတယ်။ ဇာတ်လမ်းအကျဉ်း ပေါလ်ကာစီဟာ ခွဲစိတ်ဆရာဝန်တစ်ဦးဖြစ်ပြီး ဇနီးဖြစ်သူ လူစီသမီးဖြစ်သူ ဂျော်ဒန်တို့နဲ့အတူ မိသားစုဘဝလေးကိုပျော်ရွှင်စွာဖြတ်သန်းနေတဲ့လူအေးကြီးတစ်ယောက်လည်းဖြစ်ပါတယ်။ တစ်ရက်မှာတော့ သူတို့မိသားစုအပေါ်ကံဆိုးမိုးမှောင်ကျရောက်ခဲ့ရပါတော့တယ်။ ဓားပြတွေရဲ့လက်ချက်နဲ့ ဇနီးဖြစ်သူ လူစီသေဆုံးပြီး သမီးဖြစ်သူဂျော်ဒန်ဟာမသေရုံတမယ်ဘဝမျိုးကိုရောက်ရှိသွားပါတော့တယ်။ အဆိုပါမှုခင်းဖြစ်ပြီး ရက်အတော်ကြာတဲ့အထိ ဘာသတင်းမှမထူးတာကြောင့် ရဲတွေကို အားကိုးလို့မရဘူးဆိုတာကို ဒေါက်တာကာစီတစ်ယောက် သဘောပေါက်သွားပြီး သူ့မိသားစုအတွက် တရားမျှတမှုကို သူကိုယ်တိုင်ဆောင်ကြဉ်းဖို့ ကြိုးစားပါတော့တယ်........။ မင်းသားကြီး ဘရုစ်ဝီလီရဲ့အက်ရှင်ဇာတ်ကားကောင်းဖြစ်တဲ့အတွက် လက်မလွှတ်တမ်းကြည့်ရှုသင့်တဲ့ဇာတ်ကားတစ်ကားလည်းဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုမျိုးသန့်ပါ) File Size :(1.6GB) (900 MB) Quality : Blu-Ray( 1080p)( 720p) Running Time : 1hr 47min Format : Mp4 Genre : Action, Crime, Drama Subtitle : Myanmar Subtitle (Hard Sub) Translated by Myo Thant Kyaw Encoded by Thanhtike Zaw

ဒီတစ်ခါမှာတော့ ကြည့်ရှုသူပရိတ်သတ်ကြီးကို ၂၀၀၃ခုနှစ်ကထွက်ရှိခဲ့တဲ့ Bad Santa 2003 ရဲ့အဆက်ဖြစ်တဲ့ Bad Santa 20016ဆိုတဲ့ ဒုတိယမြောက် ဇာတ်ကားလေးနဲ့ မိတ်ဆက်ပေးပါရစေ ဒီဇာတ်ကားကိုတော့ဒါရိုက်တာ Mark Waters က ရိုက်ကူးပုံဖော်ထားပြီး မင်းသားWilly Bob Thornton,Tony Cox နှင့် မင်းသမီး Kathy Batesတို့ကပါဝင်အားဖြည့်သရုပ်ဆောင်ထားပါတယ် ဒီဇာတ်ကားမှာလည်း ဝီလီ အဖြစ်သရုပ်ဆောင်ထားတဲ့ မင်းသား Willy Bob Thornton က ဇာတ်ကားနာမည်အတိုင်း အရင်လိုဆိုးပေနေတဲ့ ဆန်တာကလော့စ်ဖြစ်နေသေးတုန်းပဲဆိုတာကို မြင်တွေ့ရမှာဖြစ်ပါတယ် ဒီဇာတ်လမ်းက ထောင်ကထွက်လာတဲ့ သူငယ်ချင်းဖြစ်သူ မားကတ်နဲ့ ဝီလီတို့ ပရဟိတအဖွဲ့အစည်းတစ်ခုရဲ့ မီးခံသေတ္တာကို ဖောက်ထွင်းဖို့ ကြိုးစားကြပုံကို ကြည်နူးပျော်ရွှင်ဖွယ် ကြည့်ရှုရမှာဖြစ်ပါတယ် ဝီလီတို့သူငယ်ချင်းနှစ်ယောက် မီးခံသေတ္တာကိုဖောက်ထွင်းဖို့အတွက် ချီကာဂိုမြို့ကိုရောက်တဲ့အခါမှာတော့ ဝီလီ မျှော်လင့်မထားတဲ့ လုပ်ငန်းစပ်တူလုပ်ကိုင်ရမည့် ပါတနာတစ်ယောက်ပါလာပါတယ် အဲ့တာကတော့ ဝီလီကိုငယ်ငယ်လေးကတည်းက ပစ်သွားတဲ့ ဝီလီရဲ့ အမေ ဆန်နီဆုတ်ပဲ ဖြစ်ပါတယ် နှစ်ပေါင်းများစွာဝေးကွာ သွားပြီးနောက် သားမိနှစ်ယောက်ပြန်လည်ဆုံတွေ့တဲ့ အခါမှာကော ဘယ်လိုတွေဆက်ဖြစ်ကြမလဲ ဝီလီအမေကရော ဘာလို့ ငယ်ငယ်ရွယ်ရွယ်နဲ့ ဝီလီကိုပစ်သွားရတာလဲ သူတို့တွေအောင်မြင်အောင်ကော လုပ်ဆောင်နိုင်ကြပါ့မလား ဒီဇာတ်ကားမှာ ဝီလီရဲ့စိတ်ကိုနူးညံ့ပျော့ပြောင်းသွားစေတဲ့ ဇာတ်ကောင်တစ်ယောက်လည်း ရှိပါသေးတယ် အဲတာကတော့ ဝီလီကိုငယ်ငယ်လေးကတည်းက အခုချိန်ထိကပ်တွယ်နေတဲ့ သားမန်းဆိုတဲ့ကောင်လေးဖြစ်ပါတယ် ငယ်ငယ်ကတည်းကမိဘမေတ္တာငတ်မွတ်ခဲ့တဲ့ သားမန်းဆိုတဲ့ကောင်လေးကရော ဘာလို့ဝီလီက ဆန်တာကလော့စ်အစစ်မဟုတ်မှန်း သိတာတောင် တကောက်ကောက်လိုက်နေရသေးတာလဲ သားမန်းတစ်ယောက်ဝီလီတို့ တစ်တွေ နေထိုင်တဲ့ချီကာဂိုမြို့အထိလိုက်လာခဲ့ရာမှာတော့ ဘယ်လိုတွေဆက်ဖြစ်ကြမလဲ သူကရော ဝီလီရဲ့စိတ်ကိုဘယ်လိုမျိုးနူးညံ့ပျော့ပြောင်းသွားစေမလဲ ဆိုတာ ဒီဇာတ်ကားလေးထဲမှာ စီးမျောကြည့်ရှုလိုက်ပါဦး ဒီဇာတ်ကားဟာ Comedy,Crime&Dramaအမျိုးအစားကိုမှ ကြည့်ရှုရတာကြိုက်နှစ်သက်သူတွေ မလွတ်စတမ်းကြည့်ရှုသင့်တဲ့ ဇာတ်ကားကောင်းလေးတစ်ကား ဖြစ်ပါတယ်... File size…1.45GB / 712MB Quality…Blu-Ray 1080p / 720p Format…mp4 Duration….1h 32m Genre ….. Comedy , Crime , Drama Subtitle….Myanmar Subtitle (Hard Sub) Encoder….Min Wai Translated by Eh Phaw

Stonewall (2015) ၂၀၁၅ ခုနှစ်က ထွက်ရှိခဲ့တဲ့ Stonewall ရုပ်ရှင်ဟာ ၁၉၆၉ ခုနှစ်၊ နယူးယောက်မြိုမှာ ဖြစ်ပွားခဲ့ပြီး ကမ္ဘာ့ LGBTQ+ အခွင့်အရေးလှုပ်ရှားမှုရဲ့ သမိုင်းဝင်အချိုးအကွေ့တစ်ခုဖြစ်တဲ့ "Stonewall Riots"အဓိကရုဏ်းကို အခြေခံပြီး ရိုက်ကူးထားတဲ့ သမိုင်းကြောင်းဖြစ်ရပ်မှန် ရုပ်ရှင်ကားတစ်ကား ဖြစ်ပါတယ် " ​ဒန်နီ "ဆိုတာ တောမြိုလေးတစ်မြိုက လူငယ်လေးတစ်ယောက်ပါ သူဟာ လိင်တူချစ်သူတစ်ယောက်ဖြစ်တာကို မိသားစုနဲ့ ပတ်ဝန်းကျင်က သိသွားပြီးနောက်မှာ ဖခင်ဖြစ်သူရဲ့ ငြင်းပယ်မှုကို ခံရပြီး နောက်အိမ်ကနေ မောင်းထုတ်ခြင်း ခံခဲ့ရပါတယ် အဲဒါကြောင့် ဒန်နီဟာ ဘဝသစ်စဖိုအတွက် နယူးယောက်မြို ဂရင်းနစ်ရွာဆီ ထွက်ပြေးတိမ်းရှောင်လာခဲ့ပါတယ် ​နယူးယောက်ကို ရောက်တဲ့အခါ ဒန်နီဟာ အိုးမဲ့အိမ်မဲ့ဖြစ်နေပြီး လမ်းဘေးမှာ ခိုလှုနေရတဲ့ အခြား LGBTQ+ လူငယ်တွေနဲ့ ဆုံတွေ့ခဲ့ပါတယ်။ သူ့ကို ကူညီစောင့်ရှောက်ပေးမယ့်" ရေး"ဆိုတဲ့ Transgenderအမျိုးသမီးနဲ့ လည်းခင်မင်သွားပြီး Mafia တွေပိုင်တဲ့ လိင်တူချစ်သူတွေ အဓိကစုဝေးရာ " Stonewall Inn "ဆိုတဲ့ Barကို ရောက်ရှိသွားပါတယ် ​အဲဒီခေတ်ကာလက အမေရိကန်မှာ လိင်တူချစ်သူဖြစ်ခြင်းဟာ တရားမဝင်သလို ရဲတပ်ဖွဲရဲ့ မတရားဖမ်းဆီးခြင်း၊ နှိပ်စက်ညှဉ်းပန်းခြင်းနဲ့ လူ့အဖွဲအစည်းရဲ့ ခွဲခြားဆက်ဆံမှုတွေကို အပြင်းအထန် ခံနေရတဲ့ အချိန်ဖြစ်ပါတယ် ရဲတွေက Stonewall Inn ဘားကို ခဏခဏ ဝင်ရောက်စီးနင်းပြီး နှောင့်ယှက်လေ့ရှိပါတယ် ​နောက်ဆုံးမှာတော့ ရဲတပ်ဖွဲရဲ့ ရိုင်းစိုင်းတဲ့ ဖိနှိပ်ချုပ်ချယ်မှုတွေ မတရားမှုတွေကို ဒန်နီနဲ့ သူ့ရဲ့သူငယ်ချင်းတွေအပါအဝင် အဲဒီက LGBTQ+ အသိုက်အဝန်းက သည်းမခံနိုင်တော့ပဲပြန်လည်တော်လှန်ဖို ဆုံးဖြတ်ခဲ့ကြပါတယ် ဒါဟာ အမေရိကန်သမိုင်းမှာ ထင်ရှားတဲ့ ရဲတပ်ဖွဲနဲ့ အရပ်သားတွေကြား ၆ ရက်ကြာ ဖြစ်ပွားခဲ့တဲ့ အဓိကရုဏ်းကြီးကို စတင်စေခဲ့ပြီး ကမ္ဘာတစ်ဝန်းက လိင်တူချစ်သူများ အခွင့်အရေး လှုပ်ရှားမှုကြီးကို အရှိန်အဟုန်ပြင်းစွာ ပေါက်ကွဲထွက်ပေါ်လာစေခဲ့တဲ့ လှုပ်ရှားမှုကြီးကို ပုံဖော်ပြသထားတဲ့ ဇာတ်ကားတစ်ကား ဖြစ်ပါတယ်

2012 ခုနှစ်ထွက် crime/thriller ရုပ်ရှင်ဖြစ်တဲ့ Deadfall ရုပ်ရှင်ကို Eric Bana, Olivia Wilde, Kate Mara တို့ ဦးဆောင်ပါဝင်ထားပါတယ်။ Don't Worry Darling တို့ Booksmart တို့လို နာမည်ကြီးကားတွေရဲ့ ဒါရိုက်တာ Olivia Wilde မင်းသမီးလုပ်ထားတဲ့ကားတွေထဲက တစ်ကားပါ။ မိဘတွေ သေဆုံးသွားကြပြီဖြစ်တဲ့ Addison နဲ့ Lizaတို့ မောင်နှမ နှစ်ယောက်က ကာစီနို တစ်ခုကို ဝင်လုပြီး နယ်စပ်ကိုကျော်ကာ ကနေဒါထိ ပြေးဖို့ စီစဥ်ထားကြပါတယ်။ ကံဆိုးချင်တော့ နှင်းတောထဲမှာ ကားအက်စီးဒင့်ဖြစ်ပြီး ရဲတစ်ယောက်နဲ့ တိုးပါတယ်။ အဲ့ဒီ ရဲကို Addisonက သတ်လိုက်ပြီး နောက်မှာ ပြည်နယ်ရဲတွေက သူ့ကို ပိုက်စိပ်တိုက်ရှာကြပါတော့တယ်။ တစ်ဖက်မှာလည်း Jayက ထောင်ထဲက ပူပူနွေးနွေးလွတ်လာခါစ ကျေးဇူးတော်နေ့အတွက် အိမ်ပြန်လာနေတဲ့ လက်ဝှေ့သမားတစ်ယောက်ပါ။ Hanna Beckerကတော့ သူ့အဖေရဲအုပ်ဆီက အသိအမှတ်ပြုခံချင်နေတဲ့ ရဲအရာရှိတစ်ယောက်ဖြစ်ပါတယ်။ သူတို့တွေ ဘယ်လိုဆုံတွေ့ကြမလဲ ဘာဆက်ဖြစ်မလဲကတော့ ရုပ်ရှင်ထဲမှာ ဆက်လက်ကြည့်ရှုရမှာပဲဖြစ်ပါတယ်။ File size…(1.3 GB)/(740 Mb) Quality….Webrip 1080p / 720p Format…mp4 Duration….01:35:00 Genre...Action, Adventure, Crime Subtitle….Myanmar Subtitle (Hardsub) Encoder….Garfield Translated by Leonie

Mirror Mirror 2012 The Ant Bully, Smurfs, Michael Collins အစရှိတဲ့ ရုပ်ရှင်တွေမှာ ပါဝင်ခဲ့ဖူးတဲ့ မင်းသမီးကောင်း Julia Robertsနဲ့ Emily in Paris, Abduction, Tarzan, The Mortal Instruments: City of Bones အစရှိတဲ့ ရုပ်ရှင်ကောင်းတွေ များစွာမှာ သရုပ်ဆောင်ခဲ့ဖူးတဲ့ မင်းသမီးချောလေး Lily Collinsတို့ အတွဲညီညီ သရုပ်ဆောင်ထားတဲ့ ရုပ်ရှင်လေး လာပါပြီ။ ဇာတ်လမ်းက ​စနိုးဝှိုက် remakeပါ။ ဒါပေမယ့် ဒီဇာတ်လမ်းက တခြားကြည့်ဖူးနေကြ ရိုးအီနေပြီဖြစ်တဲ့ စနိုးဝှိုက် ဇာတ်လမ်မျိုး မဟုတ်တော့ပါဘူး။ ဒီဇာတ်လမ်းက ဇာတ်ညွှန်းကို ဆန်းသစ်ထားတဲ့ စနိုးဝှိုက်လေးပဲဖြစ်ပါတယ်။ စနိုးဝှိုက်ဆိုတော့ သိကြတဲ့အတိုင်း ဘုရင်မ စုန်းမကြီးရယ် စနိုးဝှိုက်တို့ရဲ့ ပြိုင်ဆိုင်မှုဇာတ်လမ်းပေါ့။ ဒါပေမယ့့် မတူတာက အရင်င်စနိုးဝှိုက်တွေက အားနွဲ့တဲ့မိန်းမသားလေးတွေ ဖြစ်ကြတယ်။ ဘုရင်မကြီးက အဆိပ်ပန်းသီး​ကျွေး၊ စနိုးဝှိုက်က အဆိပ်မိ၊ မင်းသားလေးက ရောက်လာပြီး ကယ်နဲ့ မင်းသားဦးစားပေးဇာတ်လမ်းမျိုး များပါတယ်။ ဒါပေမယ့် ဒီMirror Mirrorမှာတော့ စနိုးဝှိုက်လေးက အကုန်လုံးနဲ့ ရင်ဘောင်တန်းပြီး ဘုရင်မကြီးနဲ့ ပြိုင်ဆိုင်ကြတာပါ။ စနိုးဝှိုက်တစ်ယောက် ဘုရင်မကြီးနဲ့ ဘယ်လိုရင်ဆိုင်သွားမလဲဆိုတာကို ရင်သပ်ရှုမော့စွာနဲ့ out of the boxကနေ ကြည့်ရှု့လိုက်ကြပါစို့ပြောရင်း နိဂုန်းချုပ်အပ်ပါတယ်။ အညွှန်းနဲ့ ဘာသာပြန်ကတော့ Minn Khant Kyi Winဖြစ်ပါတယ်။

Immortals (2011) IMDb Rating - 6.0/10 #Unicode ဂရိသူရဲကောင်း သီးစီးယက်စ်ကို အားလုံးပဲသိကြမှာပါ။ သူက ဟာဂျူလီတို့လို အင်အားကြီးမားတဲ့ သူရဲကောင်းမျိုး မဟုတ်ပေမယ့် ဥာဏ်ပညာကြီးမားပြီး တိုက်ရည်ခိုက်ရည်ကောင်းတဲ့ သူရဲကောင်း တစ်ယောက်ပါပဲ။ ဒီကားဟာ ဂရိဒဏ္ဍာရီတွေပေါ် မှီငြမ်းရိုက်ကူးထားတဲ့ Fantasy အမျိုးအစားပဲ ဖြစ်ပါတယ်။ သို့ပေမယ့် ဇာတ်လမ်းကြောရိုးသာတူပြီး ငယ်ငယ်တုန်းကဖတ်ခဲ့ဖူးတဲ့ ပုံပြင်တွေနဲ့တော့ ကွဲထွက်နေမှာ အမှန်ပါပဲ။ ဇာတ်လမ်းကတော့ လူသားမျိုးနွယ်ကို ဖျက်စီးဖို့ ဘုရင်ဟစ်ပီးရီးယန်းက အစ်ပိုင်းရပ်စ်လေးတော်ကို လိုက်ရှာနေတာနဲ့ အစပြု့ထားပါတယ်။ လူသားတို့ရဲ့ အရေးကိစ္စတွေထဲ ပါဝင်ပတ်သက်ခြင်းမပြု့ရလို့ ဇူးစ်ကိုယ်တိုင်က ဥပဒေချမှတ်ထားတာကြောင့် နတ်ဘုရားတွေကိုယ်တိုင် ကလည်း ဝင်ကူညီရခက်နေကြပါတယ်။ ဒါကြောင့် ဘုရင်ကြီးဟစ်ပီးရီးယန်းကို တားဆီးနိုင်ဖို့အတွက် သီးစီးယက်စ်ရဲ့ အကူအညီကို ရယူရပါတော့တယ်...။  ဒီကားရဲ့ တင်ဆက်ပုံဟာ 300 Spartans ကားနဲ့ အတော်လေးတူညီနေတာကို သတိထားမိတယ်။ နောက်ခံတွေ တိုက်ပွဲတွေဟာ 300 ကားကိုပြန်ကြည့် နေရသလိုပါပဲ။ Fan တွေကတော့ ဂရိဒဏ္ဍာရီတွေနဲ့ အတော်လေးကွဲထွက်နေတာကို သိပ်သဘောမကျ ကြပုံပါပဲ။  ဒါပေမယ့် ကျွန်တော်တို့ရဲ့ စူပါမင်း(Man of Steel) တစ်ဖြစ်လဲ Witcher မင်းသားကြီး Henry Cavill သရုပ်ဆောင်ထားတာကြောင့် ကြည့်ရှု့သင့်တဲ့ ဇာတ်ကားစာရင်းထဲကို ထည့်ထားလိုက်ဖို့တော့ သင့်ပါတယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Kiwi ပဲဖြစ်ပါတယ်။) Quality – 1080p, 720p  BluRay Duration - 1 hr 50 min Subtitle – Myanmar Hardsub Format – Mp4 Genre : Action, Drama, Fantasy Source : 1080p.BluRay Translator – Kiwi Encoder – SWM

I’m Not There (2007) Biography, Drama, Music 6.8 IMDB: 6.8/10 votes တကယ့်ဟောလီးဝုဒ် ဒိတ်ဒိတ်ကြဲတွေဖြစ်တဲ့ Heath Ledger, Christian Bale, Cate Blanchett နှင့် အခြားသောနာမည်ကြီးသရုပ်ဆောင်များ မြိုင်မြိုင်ဆိုင်ဆိုင်ပါဝင်ထားပြီး အမေရိကန်သီချင်းရေးဆရာ အဆိုတော် Bob Dylan အကြောင်းကို ကျောရိုးယူရိုက်ကူးထားတဲ့ ဒါရိုက်တာ Todd Haynes ရဲ့ Experimental Biographical Film လေးဖြစ်ပြီး IMDb Rating 6.8/10 ရရှိထားပါတယ်။ ဒီဇာတ်ကားကို ကြည့်ရင်းနဲ့ အမေရိကန်ပြည်ထောင်စုရဲ့အလှကို ရင်သပ်ရှုမောဖွယ်ကြည့်ရတဲ့ Nomadland ဆိုတဲ့ဇာတ်ကားလေးကို သွားပြန်သတိရပြီး တော်တော်လေး melancholy ဖြစ်တဲ့ဇာတ်ကားလေးမို့ Filmphile တို့ကို မဖြစ်မနေ ကြည့်စေချင်ပါတယ်။ ဇာတ်လမ်းအကျဉ်း ———————– အမေရိကန် ဖောခ့်တေးဂီတအဆိုတော် ဂျက်ရိုလန်ရဲ့ ဘဝအကြောင်း၊ အနုပညာလမ်းကြောင်းတစ်လျှောက် အနိမ့်အမြင့်ဘဝဇာတ်ခုံအကြောင်းကို ဂျက်ရိုလန်အကြောင်းကို ပြန်ရိုက်ထားတဲ့ရုပ်ရှင်မှာပါဝင်ထားတဲ့ ရော်ဘီကလာခ့်၊ နာမည်တစ်လုံးနဲ့ လက်ဦးဖော့ခ်ဂီတအဆိုတော် ဂျုဒ်ကွင်းန်၊ ရစ်ဒယ်ဆိုတဲ့မြို့ငယ်လေးမှာ လာရောက်ပုန်းခိုနေတဲ့ ဝရမ်းပြေး ဘီလီမက်ကာတီ၊ ဂီတာလေးတစ်လက်နဲ့ အမေရိကန်ပြည်ထောင်စုကို ကြုံသလိုလေလွင့်နေတဲ့ ဝူဒီဂတ်သရီဆိုတဲ့ ကောင်လေး အစရှိတဲ့ ဇာတ်ကောင်ငါးကောင်ကို အလှည့်ကျစီ ရှုထောင့်အမျိုးမျိုးက အချိတ်အဆက်မိမိ ရိုက်ကူးတင်ဆက်ထားတဲ့ Musical Drama Film လေးဖြစ်ပါတယ်။ File size…(3 GB)/(1.6 GB) Quality… 1080p / 720p Format…mp4 Duration….02:15:00 Genre…Drama, Biography, Music Subtitle….Myanmar Subtitle (Hardsub) Encoder….Garfield Translated by Matteo

The Aviator ဇာတ်ကားကတော့ ၂၀၀၄ခုနှစ်မှာ Director : Martin Scorsese ရိုက်ကူးခဲ့တဲ့ Biographical, Drama ရုပ်ရှင်ဇာတ်ကားကောင်းတစ်ကားဖြစ်ပါတယ်။ American Box Office အဖြစ် American $213.7 million အထိ ရရှိထားတဲ့ ဇာတ်ကားလည်းဖြစ်ပါတယ်။ ဒီဇာတ်ကားထဲမှာဆိုရင်တော့ မင်းသားကြီး Leonardo DiCaprioက Howard Hughes အဖြစ်အဓိက ပါဝင်သရုပ်ဆောင်ထားပါတယ်။ ဇာတ်လမ်းကတော့ ၁၉၃၅ခုနှစ်မှာ Hughesတစ်ယောက် H1 Racerဆိုတဲ့ လေယာဉ်ကိုမောင်းပြီး ကမ္ဘာ့စံချိန်တင်ဖို့ကြိုးစားခဲ့ပါတယ်။ ၃နှစ်ကြာပြီးတဲ့နောက်မှာတော့ သူဟာ လေးရက်ဆက်တိုက် လေယာဉ်မောင်းပြီး စံချိန်ချိုးပြခဲ့ပါတယ်။ သိပ်မကြာသေးခင်မှာပဲ သူဟာ TWA ဆိုတဲ့ လေယာဉ်ကုမ္ပဏီနဲ့ ချိတ်ဆက်မိပြီး Army Air Forces မှာ Spy Aircraft ဆိုတဲ့ project ကို လုပ်ဖို့ စာချုပ်ချုပ်ခဲ့ပါတယ်။ အဲ့ဒီ့နောက်မှာတော့ ဘယ်လိုတွေဆက်ဖြစ်သွားမလဲဆိုတာကိုတော့ ဇာတ်လမ်းထဲမှာ ဆက်လက်ရှု့စာကြပါတော့။ File size…(1.4GB) Quality…BR-Rip 1080p Format…mp4 Duration….02:50:06 Subtitle….Myanmar Subtitle (Hardsub) Translated by Edrea Rae Encoded by Naing Aung Latt

Gothika (2003) ဒီတစ်ခေါက် CM ပရိတ်သတ်တွေကို ၂၀၀၃တုန်းက ထွက်ရှိထားတဲ့ Gothika ဆိုတဲ့ သည်းထိပ်ရင်ဖိုသဘာ၀လွန်ရုပ်ရှင်ကားတစ်ကားနဲ့မိတ်ဆက်ပေးချင်ပါတယ် R Rated လဲရထားပြီး ဆု၆ခုထိရထားတဲ့ Horrorကားတကားမလို့ အတော်လေး ကောင်းတဲ့ထဲပါပါတယ် Castပိုင်းမှာဆိုရင်လဲ Robert Downey Jrလို သရုပ်ဆောင်ကောင်းတစ်ယောက်ပါ ပါဝင်ထားတာမလို့ ရုပ်ရှင်ကားကောင်းတခုဆိုတာ ညွှန်းလိုပါတယ်..... ဇာတ်လမ်းအကျဉ်းလေးကတော့ Miranda ဆိုတဲ့ စိတ်ရောဂါအထူးကုဆရာ၀န်တစ်ယောက်ဟာ မိုးရွာတဲ့ညတစ်ညမှာ အိမ်ပြန်ရင်း လမ်းမှာ မိန်းကလေးတစ်ယောက်ကိုတိုက်မိမလိုဖြစ်ရာကနေရှောင်ရင်း ယာဉ်တိုက်မှုဖြစ်သွားခဲ့ရပါတယ်။ နောက်တစ်နေ့ သူပြန်နိုးလာတဲ့အချိန်မှာတော့ သူအလုပ်လုပ်ရာအကျဉ်းထောင်ရဲ့အကျဉ်းခန်းကို ရောက်နေပြီး ယောက်ျားဖြစ်သူက ရက်ရက်စက်စက်အသတ်ခံခဲ့ရကြောင်းနဲ့ သူကသံသယရှိသူဖြစ်နေကြောင်းကိုသိလိုက်ရတော့ Miranda တစ်ယောက်တုန်လှုပ်သွားခဲ့ရပြန်ပါတယ်။ သူမြင်နေတဲ့မိန်းကလေးကလည်းသေပြီးသားသူဖြစ်နေတဲ့အပြင် ယောက်ျားဖြစ်သူကို မသတ်ကြောင်း အဲမိန်းကလေးကိုမြင်မြင်နေရကြောင်းပြောတော့လည်း ဘယ်သူကမှသူ့ကိုမယုံကြဘဲ စိတ်ရောဂါသည်ကြီးလို့ထင်ကုန်ကြတဲ့အချိန်မှာ Miranda တစ်ယောက် မရူးကြောင်းဘယ်လိုသက်သေပြမလဲ ထောင်ထဲရောက်နေရတဲ့ပြဿနာကို တစ်ယောက်တည်းဘယ်လိုဖြေရှင်းသွားမလဲဆိုတာကို သည်းထိပ်ရင်ဖိုကြည့်ရမယ့် ဇာတ်ကားလေးတစ်ကားမို့ ကြည့်ရှုအားပေးကြပါဦး File size…2GB / 900MB Quality…1080p BluRay AAC 5.1CH / 720p Format…mp4 Duration….1h 38m Subtitle….Myanmar Subtitle (hard sub) Encoder….YK Translated by Allena

Screamers (1995) IMDb Rating (6.3) / Rotten Tomatoes (29%) အနာဂတ်ကာလ ၂၀၇၈ မှာဆီးရီးယပ်စ် ၆ ဘီ ဆိုတဲ့ အဆိပ်သင့်သတ္တုတွင်း ဂြိုဟ်ပေါ်မှာ နယူးအီကိုနောမစ်ဘလော့ခ် (NEB) ကော်ပိုရေးရှင်းနဲ့ "အာလီယန့်စ် " တပ်ဖွဲ့တို့အကြား ပြင်းထန်တဲ့ ပြည်တွင်းစစ်ပွဲ ဖြစ်ပွားနေပါတယ်။အာလီယန့်စ် ဘက်က သိပ္ပံပညာရှင်တွေဟာရန်သူ့စစ်သားတွေကို နှလုံးခုန်သံအတိုင်း လိုက်လံခြေရာခံ သုတ်သင်နိုင်တဲ့ Screamers လို့ ခေါ်တဲ့ မြေအောက်လှိုဏ်ခေါင်းတူး အလိုအလျောက် ပွားများနိုင်တဲ့ စက်ရုပ်လက်နက်တွေကို ဖန်တီးခဲ့ကြပါတယ်။ ဒါပေမဲ့ ပြဿနာက ကမ္ဘာမြေကြီးက စစ်သားတွေကို စွန့်ပစ်လိုက်ချိန်မှာ ထိုစက်ရုပ်တွေဟာ မူလပရိုဂရမ်ထက် ဗီဇပြောင်းလဲကာ ကိုယ်ပိုင်စက်ရုံများ တည်ဆောက်ပြီး လူသားတွေကို သုတ်သင်ဖို့ လူသဏ္ဌာန်တူ စက်ရုပ်များအဖြစ် ဆန်းသစ်လာကြခြင်းပါပဲ။ အာလီယန့်စ် တပ်မှူး ဂျိုးဇက် ဟဲန်းဒရစ်ဆန်ဟာရန်သူ့ဘက်က ငြိမ်းချမ်းရေးကမ်းလှမ်းချက်ကြောင့် ရန်သူစခန်းဆီ တပ်သားသစ်တစ်ယောက်နဲ့ဦးတည်ခရီးထွက်လာချိန်မှာ Screamers အမျိုးမျိုးရဲ့နှောင့်ယှက်သတ်ဖြတ်မှုတွေကို ရင်ဆိုင်ကျော်ဖြတ်ရပါတော့တယ်။ ၉၀ ခုနှစ်အငွေ့အသက်တွေကို ခံစားရမယ့် science fiction horror ဇာတ်ကားကောင်းတစ်ကားဖြစ်ပြီး CGI ခေတ်မစားခင်ကာလကမို့ Stop-Motion Animation တွေ Practical Effects တွေကိုထိထိရောက်ရောက်ပေါင်းစပ်အသုံးပြုထားတဲ့ အမိုက်စား အထူးပြုလုပ်ချက်တွေကိုတွေ့မြင်ရပါလိမ့်မယ်။ File size… (3.6 GB) / (1.6 GB) Quality…. Blu-Ray 1080p HEVC / 720p Format…. mkv/mp4 Genre…. Horror,Science Fiction,War Duration…. 01:48:35 Subtitle…. Myanmar Subtitle (Hardsub)