Justin Long ပါဝင်သော ဇာတ်ကားများ

Stranglehold (2026) +++++++ သေနတ်တွေ အက်ရှင်တွေလည်းပါရမယ်၊ ဇာတ်လမ်းကလည်း စိတ်ဝင်စားစရာလည်းကောင်းရမယ်၊ ရယ်လည်းရယ်ရမယ် ဆိုတဲ့ ဇာတ်ကားသစ်မျိုးကိုရှာနေရင်တော့ ဒီရုပ်ရှင်သစ်ကိုမလွတ်တမ်းကြည့်လိုက်ကြဖို့ အကြံပေးချင်ပါတယ်။ ဇာတ်လမ်းအကျဉ်းကတော့ ငွေကြေးကျပ်တည်းနေတဲ့ လင်မယားနှစ်ယောက်ဟာ သမီးလေးအတွက် ခရစ္စမတ်လက်ဆောင်ဝယ်ဖို့အရေး ဇနီးဖြစ်သူအလုပ်လုပ်တဲ့ အဖော်အချွတ်ကလပ်ကို ဓားပြတိုက်ဖို့ ကြံစည်ကြပါတယ်။ သူတို့ ဓားပြတိုက်ဖို့ ကြံစည်ထားတဲ့ နေ့ကလည်း သာမန်နေ့တစ်နေ့မဟုတ်ဘဲ အနယ်နယ်အရပ်ရပ်က ဂိုဏ်းခေါင်းဆောင်တွေ မူးယစ်ရာဇာ‌ေတွ စုဝေးပြီး အဲဒီ အဖော်အချွတ်ကလပ်မှာ ခရစ္စမတ်ပါတီလုပ်မဲ့‌ နေ့ပဲဖြစ်ပါတယ်။ တစ်ကားလုံးမှာ အမိုက်စား အက်ရှင်ခန်းတွေ၊ သွေးသံရဲရဲ ပစ်ခတ်မှုတွေနဲ့အတူ မမျှော်လင့်ထားတဲ့ ဟာသတွေကြောင့် ရယ်နေရမှာဖြစ်ပြီး လူ့လောကရဲ့ ငွေကြေးအခက်အခဲနဲ့ မိသားစုသံယောဇဉ်ကိုလည်း Dark Comedy ဆန်ဆန် သရော်ထားတာကို တွေ့ရမှာပါ။ မင်းသမီး Ashley Benson နဲ့ မင်းသား Jake Lacy တို့ရဲ့ အပေးအယူမျှမျှ သရုပ်ဆောင်မှုတွေအပြင်၊ Ron Perlman တို့လို ဝါရင့်သရုပ်ဆောင်တွေလည်း ပါဝင်ထားလို့ ဇာတ်ရှိန်ကျသွားတာမျိုးမရှိဘဲ ဇာတ်လမ်းအဆုံးထိ တောက်လျှောက်ကို ‌ဆွဲ‌ခေါ်သွားနိုင်ခဲ့ပါတယ်။ အလှည့်အပြောင်းတွေနဲ့ စိတ်လှုပ်ရှားဖို့ကောင်းပြီး ပေါ့ပေါ့ပါးပါးနဲ့ အပန်းဖြေကြည့်ရှုနိုင်မယ့် Crime Comedy ဇာတ်ကားကောင်းတစ်ကားမို့ ရုပ်ရှင်ချစ်ပရိသတ်တွေ လက်မလွတ်တမ်း ကြည့်ရှုသင့်တဲ့ ကားကောင်းလေးအဖြစ် ညွှန်းဆိုပေးလိုက်ချင်ပါတယ်။ File Size… (1.82GB) / (860MB) Quality… WEB-DL 1080p HEVC / 720p Format…mkv / mp4 Duration…1h 45m Genre …Action , Comedy , Crime Subtitle….Myanmar Subtitle (Hard Sub)

Night Patrol (2025) IMDb Rating (4.9) / Rotten Tomatoes (59%) သွေးစုတ်စုပ်ကောင်ရဲတွေနဲ့ လူမည်း Crip ဂိုဏ်းချကြတယ်ဆိုတာ မသိရင် Sinner ကိုဒီဘက်ခေတ်မှာပြန်ရိုက်ထားသလိုပဲအတော်လေးကြမ်းပါတယ်။ တစ်နေ့ ဝါဇီဆိုတဲ့ လူမည်းရပ်ကွက်ကကောင်လေးက သူ့ GF နဲ့ ကားထဲမှာ အတူနေရင်း ညကင်းလှည့်တဲ့ရဲတွေဖမ်းစစ်တာခံလိုက်ရပါတယ်။ သာမန်ဖမ်းရုံတင်မဟုတ်ဘဲ ကောင်မလေးကို သတ်ဖြတ်ပြီးလည်ပင်းသွေးပါစုပ်ပစ်လိုက်လို့ ဝါဇီပါကြက်သေသေသွားပါတယ်။ နောက်နေ့ သူ့ဂိုဏ်းက လူမိုက်တွေကိုပြန်ပြောပေမယ့်ဘယ်သူမှမယုံကြပါဘူး။ တကယ်တော့ တဖက်မှာလည်း LAPD ရဲစခန်းက ရဲတွေကြားမှာ သေသွားပြီလို့ထင်ကြတဲ့ ရဲအရာရှိတစ်ယောက်ကဖုတ်ကောင်သွေးကိုရသွားပြီး ဖုတ်ကောင်ဖြစ်သွားတာပါ။ သူဩဇာညောင်းတဲ့ လက်အောက်ခံရဲတွေကိုလည်း ဖုတ်ကောင်အသွင်ပြောင်းပေးလိုက်ပြီး ညဘက် လူမည်းတွေကိုဝင်ဖမ်းသလိုနဲ့ ခပ်တည်တည် သွေးလိုက်စုပ်သ-တ်ဖြတ်ကြတာပါ။ ဒါကိုမခံနိုင်တော့တဲ့ လူမည်းရပ်ကွက်က Crip ဂိုဏ်းနဲ့ သွေးစုတ်ဖုတ်ကောင်ရဲတွေကြားက ခပ်ကြမ်းကြမ်းဇာတ်လမ်းတစ်ပုဒ်ကိုကြည့်ရမှာပါ။ File size… (2.9 GB) / (1.8 GB) Quality…. WEB-DL 1080p HEVC / 720p Format…. mkv/mp4 Genre…. Horror,Mystery Duration…. 01:43:39 Subtitle…. Myanmar Subtitle (Hardsub)

Coyotes (2025) IMDb Rating (4.9) / Rotten Tomatoes (59%) ဟော်ရာကားတွေမှာ ဒီဘဲပါရင် သူ့အတွက်အခြေအနေမကောင်းလောက်ဘူးလို့ ပြောစမှတ်တွင်ကြတဲ့အထိ ဟော်ရာကားတွေမှာကံဆိုးလေ့ရှိတဲ့ Justin Long ရဲ့ဇာတ်ကားသစ်ဖြစ်ပါတယ်။ ဇာတ်လမ်းကတော့ ဟောလိဝုဒ်တောင်ကုန်းတွေပေါ်က လူကုံထံ မိသားစုတစ်စု၊ တောမီးအကြီးအကျယ်လောင်ကျွမ်းပြီး၊ လေပြင်းမုန်တိုင်းလည်းရှိတဲ့အတွက် လျှပ်စစ်မီးပြတ်တောက်လမ်းတွေပိတ်ပြီးဘယ်ကိုမှ သွားမရလာမရဖြစ်သွားတဲ့ အခြေအနေတစ်ခုနဲ့စပါတယ်။ အဲ့ဒီအချိန်ဟာ လူတွေရဲ့နယ်မြေချဲ့ထွင်မှုတွေ၊တောမီးတွေကြောင့်ကိုင်းယိုးတီး(ဝံပုလွေငယ်တစ်မျိုး)တွေဟာ မြို့ပေါ်အထိစားကျက်ချဲ့ထွင်လာကြပြီး လူတွေ အိမ်မွေးတိရိစ္ဆာန်တွေကို တိုက်ခိုက်မှုတွေမကြာခဏဖြစ်ပေါ်နေတဲ့အချိန်လည်းဖြစ်ပါတယ်။ အဲ့ဒီအခြေအနေတွေကြားကနေလူပေါ်ကြော့ သူဌေး၊ သွေးမြင်ရင်မူးတတ်သူ စကော့( Justin Long) အနေနဲ့ သူ့မိသားစုကို ဒီအန္တရာယ်အသွယ်သွယ်ကြားကနေ ဘယ်လိုကြိုးစားကာကွယ်မလဲဆိုတာကိုဟာသနှောပြီးတင်ဆက်ထားတာဖြစ်ပါတယ်။ ဝံပုလွေတွေရဲ့တိုက်ခိုက်ခန်းတွေ သတ်ဖြတ်ခန်းတွေက Rate R ယူထားတဲ့ကားပီပီကြမ်းတမ်းပီပြင်သလို ဖောက်ထားတဲ့ဟာသတွေကလည်း ကလိထိုးဟာသတွေမဟုတ်တဲ့အတွက် ဖျော်ဖြေရေးအပြည့်အ၀ပေးနိုင်တဲ့ဇာတ်ကားတစ်ကားဖြစ်ပါတယ်။ File size… (1.3 GB) / (800 MB) Quality…. WEB-Rip 1080p HEVC / 720p Format…. mkv/mp4 Genre…. Comedy,Horror Duration…. 01:32:08 Subtitle…. Myanmar Subtitle (Hardsub)

IMDb Rating (7.8) / Rotten Tomatoes (94%) 2025 ရဲ့ နာမည်အကြီးဆုံး ဟော်ရာရုပ်ရှင်ထဲကတစ်ခုဖြစ်သွားတဲ့ Weapons လာပါပြီ။ ဟော်ရာရုပ်ရှင် အများစုဟာ IMDB 6 ကျော်ရင်ကို ဘောင်ဝင်တန်းဝင်ဖြစ်တာများပါတယ်။ ဒီရုပ်ရှင်ကတော့ IMDb 7.8 ဆိုတာ အတော်မြင့်လွန်းတယ်လို့ပြောလို့ရပါတယ်။ ဒါရိုက်တာ Zach Cregger ဆိုတာ ၂၀၂၂ တုန်းကလည်း Barbarian ဟော်ရာကားကို Rating 7 အထိ ရအောင်လက်စွမ်းပြထားတဲ့ ဒါရိုက်တာပါ။ သရုပ်ဆောင်တွေကတော့ Ozark စီးရီးနဲ့ နာမည်ကြီးလာပြီး နောက်ဆုံးထွက် Fantastic Fours ထဲမှာ Silver Surfer အဖြစ် အစွမ်းပြထားတဲ့ Julia Garner နဲ့ Thanso မင်းသားကြီး Josh Brolin တို့ပါပဲ။ ဇာတ်လမ်းအကျဉ်း မြို့လေးတစ်မြို့ရဲ့ ညတစ်ညမှာ မူလတန်းကျောင်းတစ်ခုရဲ့ အတန်းတစ်ခုထဲမှာရှိတဲ့ ကလေးတွေအားလုံးဟာ တပြိုင်တည်း အိမ်ထဲကနေ ထူးထူးဆန်းဆန်ပြေးထွက်သွားကြပြီး ပျောက်ဆုံးသွားပါတော့တယ်။ အဲဒီအတန်းတစ်တန်းလုံးမှာ ကလေးတစ်ယောက်ပဲ ကျန်နေခဲ့တာပါ။ အခြားအတန်းက ကလေးတွေမှာလည်း ဘာမှထူးထူးခြားခြားမဖြစ်ပါဘူး။ ဒီတော့ အတန်းပိုင်ဆရာမ ဂျက်စတင်းကို တစ်မြို့လုံးက မသင်္ကာဖြစ်ပြီး မကျေနပ်ကြပါဘူး။ ဒါပေမဲ့ ဂျက်စတင်းကလည်း ဒီအဖြစ်အပျက်ကို အဖြေသိချင်လို့ လိုက်စုံစမ်းနေတဲ့သူတွေထဲက တစ်ယောက်ပါပဲ။ ဒီလိုနဲ့ မြို့သူမြို့သားတွေ၊ ရဲတွေ နဲ့ ဆရာမတို့ အဖြေရှာဖို့ ကြိုးစားနေတဲ့အထဲကနေ ကြောက်စရာအဖြစ်အပျက်တွေ တစ်ခုခုဖြစ်လာတဲ့အခါ... File Size… (6.52GB)/(1.54GB) / (883 MB) Quality… WEB-DL 4K HEVC/1080p HEVC /720p Format…mkv / mp4 Duration…2h 8m Genre ….Horror , Mystery Subtitle….Myanmar Subtitle (Hard Sub)

A married couple travel from Chicago to spend Christmas with the wife's family in a small town in Ireland. This is a holiday which will test their patience—and their marriage.

ငယ်ရွယ်တဲ့အချစ်ရဲ့ ရင်ကိုခုန်စေတဲ့ခံစားချက်၊ လူငယ်ဘဝရဲ့ အပူအပင်ကင်းလွတ်လပ်ပေါ့ပါးမှု၊ ချစ်ရတဲ့သူလေးနဲ့ ချိန်းတွေ့ရတဲ့ အခိုက်အတန့်၊ နွေရာသီတစ်ခုရဲ့ အချစ်ဇာတ်လမ်းလေး။ ဇာတ်လမ်းအညွှန်း ရုပ်ရှင်ဝါသနာအိုး ဘရိုင်ရန်ဒေးဗစ် နဲ့ သူ့သူငယ်ချင်းနှစ်ယောက်တို့က အမေရိကန်က အထက်တန်းကျောင်းသားလေးတွေပါ။ ဘရိုင်ရန်ဒေးဗစ်ကတော့ ရုပ်ရှင်တွေကို အရမ်းဝါသနာပါသူဖြစ်ပြီး သူ့မှာ ကြိတ်သဘောကျရတဲ့ မယ်လိုဒီဘားနီးဂတ် ဆိုတဲ့ ခပ်ချောချော ကောင်မလေးတစ်ယောက်ရှိတယ်။ ဇာတ်လမ်းဇာတ်အိမ်ကိုတော့ နွေရာသီအားလပ်ရက် မြို့ငယ်လေးတစ်ခုမှာ ဇာတ်အိမ်တည်ထားပြီး ပေါ့ပေါ့ပါးပါးလေးပဲ ရိုက်ကူးတင်ဆက်ထားပါတယ်။ ဘရိုင်ရန်ဒေးဗစ်က သူကြိတ်သဘောကျရတဲ့ ‌မယ်လိုဒီဘားနီးဂတ် ကို ရုပ်ရှင်အတူတူကြည့်ရင်း ချိန်းတွေ့ဖို့ ဖိတ်ခေါ်တာကနေ ဇာတ်လမ်းလေးကို အစပျိုးထားပါတယ်။ ဒီဇာတ်လမ်းလေးမှာတော့ လူငယ်ဘဝရဲ့ ပေါ့ပါးတဲ့ခံစားချက်၊ သူငယ်ချင်းဆက်ဆံရေးရဲ့ ပျော်ရွှင်စရာအနှစ်သာရတွေ၊ တိတ်တခိုး သဘောကျရသူလေးကြောင့် ခံစားရတဲ့ရင်ခုန်စိတ်လှုပ်ရှားမှုတွေကို ခံစားသက်ဝင်ရင်း အပူအပင်ကင်းပြီး လွတ်လပ်တဲ့ လူငယ်ဘဝကို တစ်ဖန်ပြန်လည်ခံစားကြရမှာပါ။ File size…2.44GB / 937MB Quality…WEB-DL 1080p HEVC / 720p Format…mkv / mp4 Duration….1h 27m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Wil

Horror ပရိသတ်ကြီးအတွက် အခုလတ်တလောကမှ ပူပူနွေးနွေး ထွက်ထားတဲ့ ဇာတ်ကားကောင်းလေး တစ်ခုနဲ့ မိတ်ဆက်ပေးပါရစေ။ ဇာတ်လမ်းကတော့ သူငယ်ချင်းတစ်ဖွဲ့က မြေတိုက်ခန်း တစ်ခုထဲမှာ ပုလင်းလှည့်တဲ့ ကစားနည်း ကစားတာနဲ့ အစပျိုးထားပါတယ်။ အုပ်စုထဲက ဝိုင်းပြီး အနိုင်ကျင့်နေကျ ကောင်မလေးရဲ့ အိမ်မှာ လူကြီးတွေ မရှိချိန်ကို အဖွဲ့လိုက် လာကစားကြတာပါ။ ကောင်မလေးရဲ့ အဖေက နတ်ဆိုးတွေကို ကိုးကွယ်ပူဇော်တယ်ဆိုပြီး သတင်းကြောင့် မယုံကြည်ကြတဲ့ သူငယ်ချင်းတွေက လူကြီးတွေ မရှိချိန်ကို ပူဇော်တဲ့အခန်းထဲကို လာပြီး ဝင်ကြည့်ကြတာ ဖြစ်ပါတယ်။ ပုလင်းလှည့်ကစားရင်း သူတို့ ဝိုင်းအနိုင်ကျင့်တဲ့ ကောင်မလေး အလှည့်ရောက်တဲ့ အချိန်မှာတော့....။ ပုံမှန် Horror ကားတွေလိုပဲ plot က အရမ်းကြီး ကွဲထွက်နေတာမျိုး မရှိပေမယ့် အပျင်းပြေ ကြည့်ပျော်တဲ့ ဇာတ်ကားလေး တစ်ခုပါ။ Jump Scare လေးတွေ ကောင်းသလို သရုပ်ဆောင်တွေကလည်း ပီပြင်အောင် သရုပ်ဆောင်နိုင်ကြပါတယ်။ Horror Fan တွေဇာတ်ကားကောင်းတစ်ခုလို့ ညွှန်းချင်ပါတယ်။ File size…1.01GB / 688MB Quality…WEB-DL 1080p HEVC / 720p Format…mkv / mp4 Duration….2h 4m Genre ….. Horror Subtitle….Myanmar Subtitle (Hard Sub) Encoder….Min Wai Translated by Aoi

IMDb Rating - 6.3/10 Adventure, Comedy, Fantasy ဟောလိုးဝင်းကာလ နီးလာပြီဆိုတော့ Disney နဲ့ Hulu တို့ရဲ့ ဇာတ်လမ်း တွဲ ဇာတ်လမ်းကောင်းတစ်ခုကလည်း ထွက်ရှိလို့လာပါပြီ။ Stranger Things, Lock & Keys တို့ကို ကြိုက်တဲ့ Horror fan တွေအတွက်တော့ လုံးဝအကြိုက်တွေ့စေမယ့် ဇာတ်လမ်းကောင်းဖြစ်ပြီး Rating ကောင်းတွေ လည်းရရှိထားပါတယ်။ ပေါ့လောရန့်စ်ဆိုတဲ့ မြို့လေးတစ်မြို့မှာ သရဲခြောက်တယ်ဆိုပြီး နာမည်ကြီး နေတဲ့ ဘစ်ဒယ်ဆိုတဲ့ အိမ်တစ်လုံးရှိပါတယ်။ အမေအဖေနဲ့ သားတစ်ယောက် နေတဲ့အိမ်မှာ အိမ်မီးလောင်နေတုန်း သားဖြစ်သူက မြေအောက်ခန်းမှာ ပိတ်မိ သွားရင်း သေဆုံးခဲ့ရပါတယ်။ အဲ့ဒီထဲက မိဘနှစ်ပါးလည်း ပျောက်ဆုံးသွားခဲ့တာ ယနေ့အချိန်ထိပါပဲ။ လူသူမနေတာလည်း တော်တော်ကြာခဲ့ပါပြီ။ နှစ်တွေကြာ လာတော့ အိုင်ဇယ်ယာရဲ့ အဖေဖြစ်သူ ဘန်က ဒီအိမ်ကြီးကို ထိန်းသိမ်းပြုပြင် ပေးခဲ့ရင်း ပိုင်ရှင်အသစ်ဖြစ်တဲ့ အမွေဆက်ခံသူ ဘရက်ထံကိုလက်လွှဲလိုက်ပါ တယ်။ ဘရက်လည်း ရောက်ရောက်ချင်းဆိုသလို မြေအောက်တံခါးကိုဖွင့်ရာ ကနေ မတော်တဆမှုအချို့ကြောင့် သွေးထွက်ပြီး ငြိမ်သက်နေတဲ့ နတ်ဆိုးကို လှုပ်နှိုးသလိုဖြစ်သွားပါတယ်။ အိုင်ဇယ်ယာတို့ လူငယ်တစ်သိုက်ကလည်း ဟောလိုးဝင်းပါတီကို အိမ်ပိုင်ရှင် အသစ် မရောက်ခင် ဘစ်ဒယ်အိမ်ကြီးမှာ ကျင်းပမယ်ဆိုပြီး စူးစမ်းကြရင်း အဖြစ် ဆိုးတွေတစ်ခုပြီးတစ်ခုဖြစ်လာပါတော့တယ်။ ဝိဉာဉ်စွဲကပ်နေတဲ့ ကင်မရာတွေ ကျိန်စာတွေနဲ့ အိုင်ဇယ်ယာတို့ သူငယ်ချင်းတစ်သိုက်တို့ ကောင်းကောင်းကြီး ဒုက္ခ တွေကြုံရတော့တာပေါ့။ တစ်ပိုင်းနဲ့တစ်ပိုင်းမပျင်းရအောင်ကြည့်ရမယ့် လူငယ်ကြိုက် Horror ဇာတ်လမ်း ကောင်းဖြစ်ပါတယ်။ စုစုပေါင်း(၁၀)ပိုင်းထွက်မှာဖြစ်ပြီး ကနဦး(၅)ပိုင်းတစ်ပြိုင် တည်းထွက်ရှိလာကာ ကျန်အပိုင်းများက တစ်ပတ်တစ်ပိုင်းနှုန်းနဲ့ ဆက်တိုက်ထွက် ရှိမှာဖြစ်ပါတယ်။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Thiha Yan Naing ဖြစ်ပါတယ်။) File Size.............(300 MB) / (700 MB) Quality...............WEB-DL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Adventure, Comedy, Fantasy Translator..........Thiha Yan Naing Encoder..............Zin Phyo Aung

Winnie's life is less than wonderful one year after saving her town from a psychotic killer on Christmas Eve. When she wishes she was never born, she finds herself magically transported to a nightmarish parallel universe. With the murderous maniac now back, she must team up with a misfit to identify the culprit and get back to her own reality.

ဟက်ဟာ ဘားတစ်ခုမှာ မီနာဆိုတဲ့ အမျိုးသမီးငယ်နဲ့ တွေ့ပြီး သူ့ကို အိမ်ပြန်ပို့ပေးခဲ့ပါတယ်။ မီနာနေတဲ့အိမ်က သာမန်အိမ်မျိုးမဟုတ်ဘဲ ရဲတိုက်ကြီးတစ်ခု ဖြစ်နေတယ်။ ရဲတိုက်ကို ရောက်သွားတဲ့အခါ ဟက်က မီနာနဲ့ နီးစပ်ခွင့်ရဖို့ နည်းအမျိုးမျိုးနဲ့ ကြိုးစားပါတော့တယ်။ သူ့အကြံ အောင်မြင်ပါ့မလား၊ မီနာကရော သူ့ကို ဘယ်လိုခေါင်းစားအောင် လုပ်မလဲဆိုတာနဲ့အတူ ရဲတိုက်ကြီးမှာ ဘာလျှို့ဝှက်ချက်ရှိနေလဲဆိုတဲ့ မေးခွန်းကလည်း ရှိနေပါတယ်။ အဓိကသရုပ်ဆောင်နှစ်ယောက်နဲ့ အရန်မင်းသမီးနှစ်ယောက်သာ ပါဝင်တဲ့ ဒီဇာတ်ကားမှာ ထိတ်လန့်မှု၊ လျှို့ဝှက်ဆန်းကြယ်မှုနဲ့ ဟာသတို့ကို ရောစပ်ထားပါတယ်။

တက်စ်ဟာ အလုပ်အင်တာဗျူးအတွက် မြို့လေးတစ်မြို့ကို လာရင်း ယာယီတည်းဖို့ အိမ်လေးတစ်လုံး ငှားထားပါတယ်။ မိုးထဲလေထဲ အဲဒီအိမ်ကို ရောက်သွားတော့ အထဲမှာ အမျိုးသားတစ်ယောက် ရောက်နှင့်နေတာကို တွေ့လိုက်ရတယ်။ နှစ်ယောက်သား ဝဘ်ဆိုက်တစ်ခုစီကနေ အိမ်တစ်လုံးတည်းကို မှားပြီး တစ်ချိန်တည်း ငှားထားမိကြတာပါ။ ညနက်နေပြီဖြစ်သလို မိုးကလည်း ရွာနေတော့ တခြားနည်းလမ်းမရှိဘဲ အဲဒီအိမ်မှာပဲ အတူတည်းဖို့ ဖြစ်လာပါတယ်။ အဲဒီနောက်မှာတော့ ကြောက်စရာဖြစ်ရပ်တွေ စကြုံလာရတယ်။ ပဟေဠိဆန်တဲ့ ဒီဟော်ရာရုပ်ရှင်မှာ Georgina Campbell က အဓိကပါဝင်ပြီး Bill Skarsgård လည်း သရုပ်ဆောင်ထားပါတယ်။

အခု ၂၀၁၇ ကထွက်ရှိခဲ့တဲ့ And Then I Go ဆိုတဲ့ကားလေးကိုမိတ်ဆက်ပေးပါမယ် ဒီကားလေးဟာ Good Reads မှာ Rating ကောင်းကောင်းရထားတဲ့ စာအုပ်ကောင်းတစ်အုပ်ဖြစ်တဲ့ စာရေးဆရာ Jim Shepperd ရဲ့ Project X ဆိုတဲ့စာအုပ်ကို ရိုက်ကူးထားတာဖြစ်ပါတယ် ပျော်ရွှင်စရာကောင်းတဲ့ မိသားစုလေးနဲ့ ချစ်စရာညီလေးကိုပိုင်ဆိုင်ထားပေမယ့် ကိုယ့်ကို နားလည်တဲ့သူမရှိတဲ့ခံစားချက်တွေနဲ့ အထီးကျန်နေတဲ့ Anti social အလယ်တန်းကျောင်းသားလေး အက်ဝင် သူ့တစ်ဦးတည်းအချစ်ဆုံးသူငယ်ချင်း ရော့ဒီ တစ်ဖြစ်လဲ သူချစ်စနိုးခေါ်တဲ့ ဖလိက်ကလည်း သူ့လိုပဲ ဘောင်မဝင်ဘူးလို့ ပတ်ဝန်းကျင်ကသတ်မှတ်ခံထားရတဲ့သ သူတို့နှစ်ယောက် ပတ်ဝန်းကျင်ရဲ့ အထင်မှားခံရမှုတွေ မိသားစုရဲ့အထင်လွဲခြင်းတွေ ခံရပါများလာတဲ့အခါ ကြံမိရာကြံမိကြတဲ့အခါမှာတော့.. (ဇာတ်လမ်းအညွှန်းနဲ့ဘာသာပြန်သူကတော့ မေမြတ်သူပါ) File Size : (750 MB) and (329 MB) Quality : WEB-DL 720p Running Time : 1hr 39min Format : Mp4 Genre : Drama Subtitle : Myanmar Subtitle (Hard Sub) Source : 1080p WEB-DL DD5 1 H264-CMRG Translated by May Myat Thu Encoded by Thanhtike Zaw

ဒီဇာတ်ကားက Chipmunk​တွေရဲ့ ​နောက်ဆုံးထွက်ရှိထားခဲ့တဲ့ ဇာတ်ကားပဲ ဖြစ်ပါတယ်။ ချစ်ပက်တ်​​​တွေက ဂီတ​​လောကမှာနေရာရ​နေပြီဖြစ်သလို ​ ဒေ့ဗ်ကလည်း ဆမန်သာဆိုတဲ့ ဆရာဝန် တစ်​ယောက်နဲ့ နီးစပ်​နေတဲ့အချိန်ဖြစ်လို့ အယ်ဗင်တို့သုံး​ကောင် အထီးကျန်​နေရတဲ့ ကာလ​တွေ​ပေါ့။ ဆမန်သာမှာ မိုင်းစ်ဆိုတဲ့သားတစ်​ယောက်ရှိပြီး သူတို့နဲ့စ​တွေ့ကတည်းက ကမ္ဘာ့ရန်​တွေဖြစ်​နေခဲ့တာပါ။ အဲဒီလိုနဲ့ ​ဒေ့ဗ်နဲ့ ဆမန်သာတို့ နှစ်​ယောက်တည်း မိုင်ယာမီကို ခရီးထွက်ဖို့ဖြစ်လာတဲ့အခါ ​ဒေ့ဗ်တစ်​ယောက် လက်ထပ်ခွင့် ​တောင်း​တော့မယ်လို့ ထင်သွားကြပြီး ကိုယ့်ရန်သူနဲ့ မိသားစု မဖြစ််ချင်တဲ့ မိုင်းစ်နဲ့ ရှဉ့်သုံး​ကောင်တို့ ပန်းတိုင်တူ မိတ်​ဆွေ ​တွေအ​နေနဲ့ ​ဟောလီးဝုဒ်က​နေ မိုင်ယာမီအထိ လိုက်သွားပြီး ​ဒေ့ဗ် လက်ထပ်ခွင့်​တောင်းမယ့် အစီအစဉ်ကို လိုက်ဖျက်ဖို့ ကြိုးစားပါ​တော့တယ်။ သူတို့ရဲ့ ဖျက်လိုဖျက်ဆီး ခရီးစဉ်မှာ ဘယ်လိုတလွဲ​တွေ လုပ်ဦးမလဲ၊ သူတို့ရဲ့ရည်မှန်းချက်ကြီးကို ​အောင်မြင်စွာ အ​ကောင်အထည် ဖော်နိုင်မလား၊ ဒါမှမဟုတ် ကျရှုံးသွားမလားဆိုတာ ကြည့်ရှုရမှာပါ။ File size…   2.6 GB /  665 MB Quality… BluRay 1080p / 720p Format… mp4 Duration…. 1h 32m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by JimX

Tusk (2014) Tusk ဟာ နာမည်ကျော် A24 ကနေ ၂၀၁၄က ထွက်ခဲ့တဲ့ကားပေမဲ့ A24 ပရိသတ်တွေကြား အခုထိ တခုတ်တရထည့်ထည့်ပြောနေရတဲ့ ကားပါ။ A24 က ဒီလိုကား အခုထိ ဒီတစ်ကားပဲရှိနေတော့ သူ့ဖန်တွေအတွက် ဒီကားက အမြဲအမှတ်တရလို ဖြစ်နေမယ့်ကားလည်းဖြစ်နေပါတယ်။ A24 က ဒီလိုကားတွေလည်း ဖြန့်တာလားဟလို့လည်း ပြောချင်ပြောလို့ရသလို တကယ်တမ်းပြောကြတာကတော့ ဒီကားရဲ့ စိတ်ညစ်ညူးအောင်လုပ်နိုင်စွမ်းကို ပြောကြတာက ပိုများတာပေါ့။ ဟာသမင်းသား ကီဗင်စမစ်က ရိုက်ထားတာမို့လို့လည်း ဒီကားက Comedy Horror ကားဖြစ်နေတယ်။ ဒီကားရဲ့ Horror ကတော့ Body Horror ပါ။ အားလုံးလည်းသိကြတဲ့အတိုင်း Body Horror ဆိုတာမျိုးက ကြည့်ရတဲ့သူတင်မဟုတ် တစ်ခါတလေကျ ဘာသာပြန်တဲ့လူကိုပါ တော်တော်စိတ်ထဲစွဲပြီး စိတ်ညစ်အောင်လုပ်နိုင်တယ်။ သေချာတာကတော့ ဒီဇာတ်ကားရဲ့ အကြောင်းအရာနဲ့ အပြတွေဟာ ထူးထူးခြားခြားနဲ့ ရှားပါးပါတယ်။ ဘယ်လိုပဲဖြစ်ဖြစ်ပါ ဒါမျိုးမကြိုက်ရင် စိတ်ညစ်မခံနိုင်ရင်တော့ မကြည့်သင့်ပါဘူး။ Body Horror ကို မြည်းစမ်းကြည့်ချင်ပါတယ်ဆိုတဲ့သူတွေနဲ့ နှစ်ခြိုက်ပါတယ်ဆိုတဲ့သူတွေကိုပဲ ကြည့်ဖို့ညွှန်းချင်ပါတယ်။ ~ ဇာတ်လမ်းအကျဉ်း ~ ဝေါလေ့စ်က ဟာသပေါ့ကတ်စ်ချန်နယ်တစ်ခုကိုလုပ်နေတာဖြစ်ပြီး အင်တာဗျူးလုပ်ဖို့ လော့စ်အိန်ဂျလိစ့်ကနေ ကနေဒါကိုခရီးထွက်ခဲ့ပါတယ်။ ဒါပေမဲ့ အင်တာဗျူးလုပ်မယ့်သူက သေနေပြီဖြစ်လို့ ဘုံဆိုင်မှာထိုင်ညစ်နေတုန်း "အခန်းလည်းငှားမယ် အတွေ့အကြုံ‌တွေကိုမျှဝေမယ်ဆိုတဲ့" ကြော်ငြာစာတစ်ခုတွေ့ပြီး လိပ်စာအတိုင်းသွားပါတယ်။ ကံဆိုးချင်တော့ သူသွားတွေ့တဲ့သူက ကွင်းဆက်လူသတ်သမားဖြစ်နေတဲ့အပြင် ဆိုက်ကိုပါ ၀င်နေတဲ့သူကြီးဖြစ်နေတော့ အရှင်လတ်လတ် လူဘ၀ကနေ ဖျံဘ၀ကို အပြောင်းခံလိုက်ရပါတော့တယ်။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 1.35GB, 565MB Quality - BluRay 1080p, 720p IMDb Rating - 5.3/10 Format - mp4 Duration - 1H 42Min Genre -Comedy, Horror Subtitle - Myanmar Subtitle (Hardsub) Translated by Soe Thiri Swe Encoded by Y

Rating လဲမကောင်း.. 18+ တွေလဲပါတဲ့ ဇာတ်ကားကို ဘာလို့တင်တာလဲလို့ မေးစရာရှိပါတယ်... တစ်ခါတစ်လေမှာ စိတ်ရှုပ်ထွေးစရာတွေအပြင်လောကမှာကြုံဆုံနေတဲ့အခါမျိုးမှာ.. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းတဲ့ ဒီလိုဇာတ်ကားမျိုးကြည့်ခြင်းက သင့်ဦးနှောက်ကို အသစ်အဆန်းတစ်မျိုးနဲ့ မိတ်ဆက်ပေးရာရောက်လိမ့်မယ်လို့ ထင်မိလို့ပါ... ဒီဇာတ်ကားကို နာမည်ကြီးသရုပ်ဆောင်ပေါင်းများစွာနဲ့ ဒါရိုက်တာပေါင်းများစွာက ဆယ်စုနှစ်တစ်ခုစာလောက်ကြာအောင် ရိုက်ကူးထုတ်လုပ်ခဲ့ပါတယ်။ ကဲ… rating ကတော့မြင်တဲ့အတိုင်းပဲ (Rating- IMDb : 4.3/10 , RT:4 , Matacritis : 18%) ဖြစ်ပါတယ်… အဲ့ဒီရုပ်ရှင်ထဲက Cast တွေအနေနဲ့ကတော့….… Kate Winslet , Emma Stone , Naomi Watts , Kate Bosworth , Chloe Grace Moretz , Helle Berry , Anna Faris (Scary Movie) , Elizabeth Banks , Uma Thurman , Kristen Bell , Leslie Bibb အစရှိတဲ့ နာမည်ကြီး အမျိုးသမီးသရုပ်ဆောင်တွေအပြင် Richard Gere , Gerard Butler , Hugh Jackman , Chris Pratt , Terrence Howard , Josh Duhamel , Dannis Quaid ,Gerg Kinner , Jeremy Allen , Stephen merchant , Christopher Mintz-Plasse , Justin Long , Kieran Culkin , Jason Sudeikis , Jimmy Bennet စတဲ့နာမည်ကြီး အမျိုးသားသရုပ်ဆောင်တွေပါဝင်ထားပါတယ်။ ဒါတင်မကသေးပါဘူး ၊ ဒါရိုက်တာအနေနဲ့လည်း Steven Brill, Peter Farrelly, Elizabeth Banks စသည်တို့အပါအဝင် စုစုပေါင်းဒါရိုက်တာ 13ဦးရိုက်ကူးပြီး ဇာတ်ညွှန်းပိုင်းမှာလဲ ဇာတ်ညွှန်းရေးဆရာ အယောက် 20အထိပါဝင်ထားတဲ့ဒီရုပ်ရှင်ကိုရိုက်ကူးထုတ်လုပ်ရာမှာ အစောကပြောခဲ့သလို ဆယ်စုနှစ်တစ်ခုစာလောက်ကြာမြင့်ခဲ့ပါတယ်။ ဇာတ်ညွှန်းကိုထုတ်ဝေသူအများစုကငြင်းပယ်ခြင်း၊ ကမ်းလှမ်းတဲ့သရုပ်ဆောင်တွေကသရုပ်ဆောင်ရန် ငြင်းဆန်ခြင်း ၊ ရိုက်လက်စသူအချို့ကလဲ ဆက်မရိုက်တော့ဘူးဆိုကာ ရိုက်ကူးရေးမှထွက်ချင်ခြင်း စတဲ့အခက်အခဲပေါင်းများစွာရင်ဆိုင်ခဲ့ပြီးနောက် 2013 Junuary 25 မှာထွက်လာခဲ့တဲ့ Movie 43 ဟာ 34ကြိမ်မြောက် Golden Raspberry ဆုပေးပွဲမှာ Worst Picture, Worst Director, Worst Screenplay စတဲ့ဆုသုံးဆုကိုဆွတ်ခူးရရှိခဲ့ပါတယ်။ ထို့အပြင် one of the worst films of all time ရဲ့စာရင်းထဲကိုလဲဝင်သွားခဲ့ပါသေးတယ်။ ကြာမြင့်ချိန် 98 မိနစ်ရှိပြီး Indie / Comedy အမျိုးအစားဖြစ်တဲ့ ဒီရုပ်ရှင်ရဲ့ထူးခြားချက်ကတော့ ရိုက်ကူးရေးအတွက် စုစုပေါင်းကန်ဒေါ်လာ 6 မီလီယံ ကုန်ကျခဲ့ပြီး Box office မှာ 32.4 မီလီယံဒေါ်လာထိပြန်ရခဲ့ပါတယ်။ ဇာတ်လမ်းလေးကတော့ …… Calvin Culter နဲ့သူ့သူငယ်ချင်း JJ တို့ဟာ သူတို့ရိုက်ကူးထားတဲ့ပေါကြောင်ကြောင် Video တစ်ခုကို Youtube မှာ တင်လိုက်ပြီး မိနစ်ပိုင်းတွင်းမှာပဲ သူတို့ရဲ့ Video ဟာ 1,000,000 view ရသွားတဲ့အခါ အကြီးအကျယ်ပျော်ရွှင်နေကြပါတယ်။ ဒါပေမဲ့ သူတို့ရဲ့အပျော်ဟာကြာကြာမခံလိုက်ပါဘူး…ဘာဖြစ်လို့ဆိုတော့ အဲ့ဒိ့viewer အများကြီးတိုးလာတာက Calvin ရဲ့ညီ ကွန်ပျူတာကျွမ်းကျင် Baxter ရဲ့ April Fool’s Prank ဖြစ်နေလို့ပါ…အရမ်းစိတ်ဆိုးသွားတဲ့ Calvin Culter နဲ့ JJတို့ဟာ Baxter ကိုပြန်ကလဲ့စားချေဖို့ကြံစည်ပါတော့တယ်။ သူတို့ရဲ့အကြံအစည်က Baxter ရဲ့ laptop ထဲကို Virus တွေထည့်ဖို့ပါပဲ….. သူတို့လက်စားချေခြင်းရဲ့ပထမအဆင့်အနေနဲ့ကတော့ Baxter ရဲ့ Laptop ကိုခိုးဖို့ပါ..အဲ့လိုခိုးဖို့အတွက် Baxter ကိုသူ့အခန်းထဲကနေအောင် Movie 43 အကြောင်းလုပ်ကြံပြီးပြောရာကနေပြီး ဇာတ်လမ်းလေးဖြစ်လာခဲ့တာပါ…. ဒီရုပ်ရှင်ကိုကြည့်ချင်မိသွားတာက 24 Bad Movies You Forgot Starred Some of Today’s Greatest Actors ဆိုတဲ့ ဆောင်းပါးကိုစဖတ်မိရကပါ။ အဲ့ဒိဆောင်းပါးမှာ moviefone က အဲ့ဒီရုပ်ရှင်အတွက် အားနာမိတဲ့သရုပ်ဆောင်တွေကို ဖော်ပြရမှာ “Kate Winslet & Everyone else” လို့ဖော်ပြခဲ့လို့ပါ။ Rating နည်းနည်းလေးပဲရထားပြီး နာမည်ကြီးသရုပ်ဆောင်ပေါင်းများစွာ ပါဝင်ထားတဲ့ဒီရုပ်ရှင်ဟာ စကြည့်လိုက်တာနဲ့ဆက်ကြည့်ချင်သွားအောင်ဆွဲဆောင်နိုင်ပါတယ်…. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းပါတယ်။ (ကျနော်ဆို ကြည့်နေရင်းနဲ့ပါးစပ်အဟောင်းသားဖြစ်မိပါတယ်… သူ့ဇာတ်လမ်းတွေက အံ့သြသင့်စရာကောင်းလွန်းလို့ပါ).. ဘယ်လိုပဲဖြစ်ဖြစ် သင်ဟာ ရုပ်ရှင်ဝါသနာအိုးတစ်ယောက်ဆိုရင်တော့ ဒီကားလေးကိုလက်လွတ်မခံပဲကြည့်ဖို့တိုက်တွန်းပါရစေ….။ #Nucleon_Review #Admin_T (ရုပ်ရှင်အညွှန်းကို Nucleon's FB Page မှကူးယူဖော်ပြပါသည်။) File size…(700MB) Quality…Blu-Ray Rip 720p Format…mp4 Duration….01:38:01 Subtitle….Myanmar Subtitle (Hardsub) Encoder….Nyeinsaeya Aung

ဇာတ်လမ်းလေးကတော့ Brittany Jeanette နဲ့ Eleanor တို့ကိုပါ Ian လက်ကနေကယ်ပြီး Alvin တို့တစ်မိသားစုလုံး အပျော်စီးသ င်္ဘောနဲ့ အပန်းဖြေခရီးထွက်တဲ့အချိန်မှာစပါတယ်။ ထိန်းရမယ့်လူ ပိုများလာလို့ Dave တစ်ယောက် လက်မလည်ဖြစ်နေချိန်မှာ Alvin ဆိုတာကတော့ သိတဲ့အတိုင်း တောင်ဆို မြောက်ရောက်နေပါပြီ။ အပျော်ကနေ အပျက်ဖြစ်လွန်းတဲ့ Alvin ကို ကပ္ပတိန်ဆီပြန်ချွန်ဖို့ သင်္ဘောဝန်ထမ်းအနေနဲ့ပါလာတဲ့ Ian ကလည်း မျက်စိဒေါက်ထောက် ကြည့်နေပါပြီ။ Ian အကြံအောင်မြင်သွားတဲ့အခါမှာတော့ ဆော့လွန်းပါတယ်ဆိုတဲ့ Alvin တို့တစ်သိုက်ခမျာ ဆော့နည်းပေါင်းစုံပိတ်ပင်ခံလိုက်ရပါတော့ တယ်။ မခေသူလေးကလည်း " Alvin တဲ့ကွ ထိန်းလို့မရစေရဘူး " ဆိုတဲ့အကွက်နဲ့ ကစားစရာစွန်ကိုပါစီးပြီး ဆော့ရာကနေ စီးတဲ့လူရော ကြိုးဆွဲပေးတဲ့ ကျန် ၅ ယောက်ပါ လေလွင့်သူတစ်သိုက်အဖြစ် .... ကိုယ်ထိန်းတဲ့ကလေးတစ်သိုက် လေထဲပါသွားတာတွေ့မှ Dave လည်း နောက်ကလိုက်ဖို့ပြင်ပါတော့တယ်။ ဒါပေမယ့် Dave အဖြစ်က Alvin တို့ထက်တောင် ပိုဆိုးတယ်လို့ ပြောလို့ရပါတယ်။ Ian လည်း Dave နဲ့ အတူ သင်္ဘောပေါ်ကပြုတ်ကျပြီး ဇနကဇာတ်ကို ဖရီးကရလိမ့်မယ်လို့ ထင်ထားမှာမဟုတ်ပါဘူး။ ဒီလိုနဲ့ ..... ပင်လယ်ထဲအထိ ကြိုးစားပမ်းစား လိုက်ရှာပြီးလို့ မိသားစုတွေ ပြန်ဆုံမိတဲ့အချိန်မှာမှ မထင်မှတ်ထားတဲ့ ဗီလိန်က ထွက်ပေါ်လာခဲ့ပါတော့တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size..........(2.03 GB) / (1.06 GB) Quality............WEB-RIP 1080p / 720p Duration.........1Hr 27Min Subtitle...........Myanmar Hardsub Format............MP4 Genre..............Animation, Adventure, Comedy, Family Translator.......Hnin Wut Yi Encoder..........SWM

He’s Just Not That Into You ဒီဇာတ်လမ်းကတော့ ၂၀၀၉ တုန်းက ထွက်ထားတဲ့ အချစ်ဒရမ်မာဇာတ်မြူးလေးပါ။ ဒီကားမှာ လူငယ် ၉ ယောက်ရဲ့ အချစ်ရေးပြသနာတွေကို ပုံဖော်ထားတာကြောင့် မင်းသား မင်းသမီးတွေ စုံစုံလင်လင် တွေ့ရမှာပါ (ဆာဘတ်တောင် ပါသေးတယ် ?)။ ဇာတ်လမ်းမှာ အဓိကဇာတ်ကောင်တွေအဖြစ် Ben Affleck, Jennifer Aniston, Bradley Cooper, Jennifer Goodwin, Drew Barrymore, Scarlett Johanssဝn နဲ့ Justin Long တို့လို့ နာမည်ကြီး သရုပ်ဆောင်တွေ ပါဝင်ထားတာမို့ လက်လွတ်မခံသင့်တဲ့ဇာတ်ကားပါ။ လက်တွေ့ဘဝမှာ လူငယ်တွေကြားဖြစ်ပျက်နေတဲ့ အချစ်ရေးပြသနာတွေကို ရိုက်ကူးထားတာမို့ relationship နဲ့ မကင်းနိုင်သူတိုင်း ကြည့်သင့်ပါတယ်။ မိန်းကလေးအတွေးနဲ့ ယောကျာ်းလေးဘက်က အတွေး မတူတာလေးတွေ၊ ဆောရန် ရှောင်ရန် လေးတွေပေါ့ ?? ? အချစ်စစ်ကိုလိုချင်ပေမဲ့ လူမှန်မတွေ့နိုင်ဘဲ အမြဲလွဲနေတဲ့ ကောင်မလေး၊ အဲဒီကောင်မလေးကို အကြံတွေ ပေးတတ်တဲ့၊ စော်တွေထည်လဲတွဲတတ်တဲ့ ဘားဆိုင်ပိုင်ရှင် လူငယ်တစ်ယောက်။ ? ခုနစ်နှစ်လောက်တွဲနေပြီး တကယ်လည်း ချစ်ပေမဲ့ လက်ထပ်ခြင်းကို မယုံကြည့်တဲ့လူငယ်နဲ့ တခြားမိန်ကလေးတွေနည်းတူ ချစ်သူနဲ့ လက်ထပ်ပွဲဆင်နွှချင်တဲ့ မိန်းကလေးတစ်ယောက်။ ? အချစ်တစ်ခုတည်းနဲ့ လက်ထပ်ဖို့ အဆင်သင့်မဖြစ်သေးခင်မှာ မိန်ကလေးရဲ့ အတင်းအကြပ်တောင်းဆိုမှုနဲ့ လက်ထပ်လိုက်တဲ့ စုံတွဲ။ ? မိမိကို အသည်းအသန်ကြွေနေတဲ့သူ ရှိပါရက်နဲ့ အိမ်ထောင်သည်ကိုမှ ကြိုက်မိတဲ့ အလန်းစားကောင်မလေး။ ? မိမိအပေါ် လိုသုံးလိုသဘောထားမှန်းသိရက်နဲ့ အဲဒီမိန်းကလေးကိုမှ တန်းတန်းစွဲချစ်နေတဲ့ လူငယ်။ ? ရည်းစားရဖို့အရေး အွန်လိုင်းမှာ အကောင့်ပေါင်းစုံနဲ့ ကြူ ပြီး အမြဲအညာမိနေတဲ့ ကောင်မလေး။ သူတို့.. သူတို့တွေ ဘယ်လိုတွေရှေ့ဆက် ဖြစ်ကြမလဲဆိုတာကို စိတ်ဝင်စားစရာ ကြည့်ကြရမှာပါ။ (ရုပ်ရှင်အညွှန်းနဲ့ ဘာသာပြန်တင်ဆက်ထားသူကတော့ Cherry Mon ဖြစ်ပါတယ်။) File size…(1.2 GB) Quality…Blu-Ray Rip 720p DTS 5.1 CH Format…mkv Duration….02:09:00 Subtitle….Myanmar Subtitle (Hardsub) Encoder….Nyeinsaeya Aung Translated by Cherry Mon

Planet 51(2009) IMDb......6.1 ဆရာကြီးချစ်ဦးညိုစာအုပ်တွေကို အတော်များများဖတ်ဖူးကြမယ်ထင်ပါရဲ့.... ကျွန်တော်တို့ရင်းနှီးခဲ့တဲ့ ဗီလိန်တွေအတော်များများကို ဆရာကြီးဟာ အဓိက ဇာတ်လိုက်မင်းသားအဖြစ် ပြန်လည်အသက်သွင်းတယ်... ဒီတော့ ဆရာကြီးရေးသားထားတဲ့ ဒီလိုဇာတ်ကောင်မျိုးစာအုပ်တွေမှာ ဆို ဇာတ်လမ်းကြီးကိုပြောင်းရသလိုဖြစ်နေတယ်... ဆိုပေမယ့် ကျွန်တော်တို့ အားလုံးဆရာကြီးရေးတဲ့စာအုပ်တွေဖတ်ပြီး အရမ်းနှစ်ခြိုက်ကြသလို တခြားရှုထောင့်တစ်ခုလည်းရှိပါသေးလားဆိုတဲ့ အသိလည်းရသွားတယ်..... ဒီကာတွန်းကားလေးကလည်း ဒီလိုပါပဲ..... အစိမ်းရောင်ဂြိုလ်သားတွေဘက်ကနေရိုက်ကူးထားတာပါ... သူတို့အနေနဲ့ကြည့်ရင် ကျွန်တော်တို့ဟာ ပြောလို့တောင်မရနိုင်တဲ့ အန္တရယ်ရှိဆုံးဂြိုလ်သားတွေပေါ့လေ..... ဒီတော့ အစိမ်းရောင်ဂြိုလ်သားတွေဟာ ထင်မြင်ချက်ပေါင်းများစွာနဲ့ ကြိုတင်ကာကွယ်မှုတွေပေါင်းစုံလုပ်သလို စောင့်ကြည့်ရေးတပ်ဖွဲ့ပေါင်းများစွာနဲ့လည်း သူတို့ဂြိုလ်ကို ကာကွယ်ထားတယ်.... သို့ပေမယ့် တစ်နေ့တော့ သူတို့ဂြိုလ်ကို အမေရိကန်အလံကြီးကိုင်ပြီး အာကာသယာဉ်မှုးကမ္ဘာဂြိုလ်သားတစ်ယောက်ဆင်းချလာပါလေရော.... အစိမ်းရောင်ဂြိုလ်အတွက် တကယ့်ကိုသွေးပျက်ဖွယ်ရာအဖြစ်ပါပဲ.... ကိုင်း ဘာတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဦး..... ဇာတ်လမ်းအညွှန်းနဲ့ ဘာသာပြန်သူကတော့ Cynthia ပဲဖြစ်ပါတယ်... File Size : (957 MB) and (419 MB) Quality : Blu-Ray 720p Format…mp4 Duration…01:31:00 Genre :  Animation, Adventure, Comedy Subtitle : Myanmar Subtitle (Hard Sub) Translated by Cynthia Encoded by Phyo Pyae

Still waiting (2009) အနည်းငယ်အမြင်ရိုင်းတဲ့ ဇာတ်ဝင်ခန်းနဲ့ စကားအသုံးအနှုန်းလေးတွေပါတဲ့အတွက် အသက်မပြည့်သေးသူများနဲ့ မကြည့်သင့်သလို မိသားစုနဲ့အတူကြည့်ရှုလို့မသင့်ကြောင်းတော့ သတိပေးပါရစေနော်။ ပိတ်ရက်မှာပေါ့ပေါ့ပါးပါးလေးကြည့်ဖို့ ဇာတ်ကားလေးတစ်ကားနဲ့ မိတ်ဆက်ပေးပါရစေ။ ဒီကားလေးမှာတော့ ဆိုင်မန်နေဂျာလေဖြန်းသွားလို့ သောင်ပြင်မှာလွတ်ကျန်ခဲ့တဲ့ ယဉ်ကျေးလိမ္မာကျောင်းဆင်းဝန်ထမ်းတစ်သိုက်ကို တွေ့ရမှာပဲဖြစ်ပါတယ်။ ငါ့လူထိရင် ငြိမယ်ဆိုပြီး ဖောက်သည်တွေကို Lesson ပေးလွှတ်တတ်တဲ့ပွကြီးတို့တစ်သိုက်ရဲ့ အကွက်ဆန်းတွေနဲ့အတူ စတိုမန်နေဂျာနေရာကနေ ဆိုင်မန်နေဂျာနေရာတတ်ဖို့ ရှယ်ပလန်နဲ့ချောင်းနေတဲ့ FA အကြီးစားတို့စုနေတဲ့ ဂယက်တစ်သိန်းနဲ့ ဆိုင်ပါပဲ။ ရှေ့လူပြုတ် နောက်လူတက်မယ်လို့ လွယ်လွယ်မှန်းထားခဲ့ပေမဲ့လည်း လက်တွေ့မှာတော့ လွယ်မနေခဲ့ပါဘူး။ ဘာဖြစ်လို့လဲဆိုတော့ Target ဒေါ်လာ ၉၀၀၀ မှ ပြည့်အောင် မရောင်းနိုင်ခဲ့ရင် ဆိုင်ပိတ်ရတော့မှာမို့လို့ပါပဲ။ ဒါပေမဲ့ ပွကြီးဟာကံကောင်းပါတယ်။ တားဂတ်ပြည့်ဖို့လိုခါမှ သူတို့ရဲ့ဆိုင်ရှေ့တည့်တည့်မှာ ဆိုင်အပြိုင်ပေါ်လာတော့တာပါပဲ။ အဝတ်ပါရုံဝတ်ထားတဲ့ စားပွဲထိုးမအလန်းလေးတွေနဲ့ ညတိုင်းအပန်းဝင်ဖြေချင်စရာ Vibe လေးနဲ့ ပုရိသအကြိုက် Performance လေးတွေနဲ့ပေါ့လေ။ ဒီဆိုင်‌ရောက်လာတဲ့ကျေးဇူးကြောင့် သူတို့ဆိုင်က စကီအလန်းလေးတွေကလည်း ကိုင်းကူးချင်ချင်တွေဖြစ်လို့ပေါ့။ ဆိုင်အတွက် အာရုံစိုက်နေရပါတယ်ဆိုမှ ပွကြီးဟာ အားတဲ့အချိန်လေးတွေဆို စတိုထဲကသူ့အခန်းကျဉ်းလေးထဲမှာ စော်လိုက်နည်း Video လေးတွေလည်း အပြေးအလွှားကြည့်ပြီး ပညာယူရရှာသေးတာပါ။ သေချာကြိုးစားပြီး ဆိုင်ကို ဦးဆောင်ကြည့်ဖို့လုပ်ပေမဲ့ ကံကြမ္မာက မျက်နှာသာပေးမခံရတဲ့ ပွကြီးတစ်ယောက် အဆုံးမှာ ဆိုင်ပဲပိတ်ခံရပြီး လူပျိုသိုးကြီးအဖြစ် အရိုးထုတ်သွားရမလား။ Target ပြည့်ပြီး စော်ကြည်၊ ထီပေါက်၊ နိဗ္ဗာန်ရောက်သွားမလားဆိုတာကိုတော့ ဆက်လက်ကြည့်ရှုအားပေးကြပါဦးနော်။ အညွှန်းနဲ့ ဘာသာပြန်ကတော့ CM မှ Aditi ပဲဖြစ်ပါတယ်။ File size…    1.9 GB /  983 MB Quality… BluRay 1080p / 720p Format… mp4 Duration…. 1h 28m Genre ..... Comedy Subtitle…. Myanmar Subtitle (Hard Sub) Encoder…. LegoHeart Translated by Aditi

အန်နာဟာ မိုးသည်းထန်တဲ့ညတညမှာ ကားအက်စီးဒင့်ဖြစ်ခဲ့ပါတယ်။ သူနိုးလာတဲ့အချိန်မှာတော့ သူဟာ အီလီယက်ဒီကန်လို့အမည်ရတဲ့ အလောင်းပြင်ပေးတဲ့လူကြီးနေတဲ့ စံအိမ်ရဲ့ အောက်ထပ်ကိုရောက်ရှိနေတာကို သတိထားမိလိုက်ပါတယ်။ အီလီယက်က အန်နာကို သူ(မ)ရဲ့သေလက်မှတ်ကိုပြလိုက်ပါတယ်။ ဒါပေမဲ့ အန်နာဟာ အသက်ရှူနေသေးပြီး သာမန်လူတယောက်လို လှုပ်ရှားသွားလာလို့ရနေသေးတာကို သတိထားမိလိုက်တဲ့နောက်မှာတော့ အီလီယက်အပေါ် စပြီးသံသယ၀င်လာပါတယ်။ တချိန်တည်းမှာပဲ အန်နာရဲ့ စေ့စပ်ထားတဲ့ခင်ပွန်းဖြစ်သူ ပေါလ်ကိုးလ်မန်းဟာလည်း အန်နာသေဆုံးသွားတာကိုမယုံကြည်ဘဲ အန်နာကို အပူတပြင်းလိုက်ရှာနေပါတယ်။ ဒီလိုနဲ့ အန်နာဟာ တကယ်သေဆုံးသွားခဲ့တာလား အန်နာသေဆုံးသွားတာမှန်ရင်တောင် အီလီယက်ဒီကန်ဆိုတဲ့လူကြီးကရော ဘာလို့ အန်နာနဲ့ စကားပြောနေနိုင်‌တာလဲ အန်နာရဲ့ခင်ပွန်း ပေါလ်ကရော အန်နာကို လိုက်ရှာလို့တွေ့သွားပါ့မလား နောက်ဆုံးမှာ အန်နာက သေဆုံးသွားခဲ့တာလား မသေဆုံးသွားခဲ့ဘူးလား ဒီဖြစ်ရပ်ဆန်းကြယ်ကိစ္စတွေရဲ့ အဖြေကဘာများလဲဆိုတာ စိတ်၀င်စားဖွယ် ရိုက်ကူးတင်ဆက်ထားတာမလို့ ဆက်လက်ကြည့်ရှုလိုက်ကြပါဦး။ File size…(1.3 GB)/(616 MB) Quality….Webrip 1080p / 720p Format…mp4 Duration….01:44:00 Genre...Drama, Horror, Mystery, Thriller Subtitle….Myanmar Subtitle (Hardsub) Encoder….Mr. Anderson Translated by Steven Khant

ဒီဇာတ်ကားက Alvinတို့ ရှဉ့်​လေးသုံး​ကောင်ရဲ့ ဒုတိယ​မြောက် ဇာတ်ကား ဖြစ်ပါတယ်။ ​​​​ ဒေ့ဗ်နဲ့တူတူ နယ်လှည့်​ဖျော်​ဖြေပွဲ​တွေလုပ်​နေရင်း ထုံးစံအတိုင်း အယ်ဗင်​ကြောင့်ပဲ ​ဒေ့ဗ်တစ်​ယောက် မ​တော်တဆဖြစ်ပြီး ​ဆေးရုံရက်ရှည် တက်လိုက်ရတာ​ကြောင့် ​အယ်ဗင်တို့သုံး​ကောင် ဒေ့ဗ်ရဲ့အ​ဒေါ်အိမ်မှာ သွား​နေဖို့ ဖြစ်လာပါတယ်။ ဖြစ်ချင်​တော့ အဲဒီအိမ်မှာ ​ဒေ့ဗ်ရဲ့တူ​တော်​မောင်လည်း ရှိ​နေပြီး သူ့​ကြောင့်ပဲ အဲဒီအ​ဒေါ်ပါ ​ဆေးရုံတက်လိုက်ရချိန်မှာ အယ်ဗင်တို့ဟာ ​ဒေ့ဗ်ရဲ့တူဖြစ်သူနဲ့ တူတူ​နေဖို့ ဖြစ်လာပါတယ်။ ​ဒေ့ဗ်​တောင် ထိန်းမနိုင်တဲ့ ရှဉ့်သုံး​​ကောင်ကို တူ​​ဖြစ်သူကလည်း ထိန်းဖို့ အစီအစဉ်မရှိဘဲ ရှဉ့်သုံး​ကောင်ကို ​ကျောင်းတက်ဖို့ဆိုပြီး အထက်တန်း​ကျောင်းကို သွားတက်ခိုင်းလိုက်ပါတယ်။ ​ကျောင်းမှာလည်း ပြဿနာ​တွေ ရှာခဲ့တာ​ကြောင့် အယ်ဗင်တို့ သုံး​ကောင်သား ​ကျောင်းနားမလား၊ ​ကျောင်းဂီတဌာန ရန်ပုံ​​ငွေ ရဖို့ ​ကျောင်း​​ပေါင်းစုံ အဆိုပြိုင်ပွဲမှာ ဝင်ပြိုင်​ပေးမလားဆိုပြီး အ​ပေးအယူ လုပ်ရတဲ့ အ​ခြေအ​​နေ​တွေ ​ရောက်ကုန်ပါတယ်။ တစ်ဖက်မှာလည်း အယ်ဗင်တို့​ကြောင့် မွဲသွားတဲ့ producer ကြီးက အခွင့်သာတိုင်း အယ်ဗင်တို့ကို လက်​စား​ချေဖို့အတွက် စောင့်​နေရင်း အယ်ဗင်တို့လိုပဲ သီချင်းဆိုတတ်တဲ့ ရှဉ့်မ​လေး သုံး​ကောင်က သူ့ဆီ​ရောက်လာခဲ့ပါတယ်။ သူတို့အဖွဲ့ကို​တော့ချစ်ပက်တ်​လို့ ​ခေါ်ပါတယ်။ Producerကြီး အီယန်က အဲဒီရှဉ့်မ​လေး​တွေကို အသုံးချပြီး အဆိုပြိုင်ပွဲမှာ အယ်ဗင်တို့ကို အနိုင်ရ​ဖို့ ကြံဖန်ပါ​တော့တယ်။ သူကပဲ ပြန်လက်စား​ချေသွားနိုင်မလား၊ အယ်ဗင်တို့ကပဲ အ​ကြွေးထပ်ယူသွားမလားဆိုတာ ကြည့်ရှုရမှာပါ။ File size…   2.6 GB /  621 MB Quality… BluRay 1080p / 720p Format… mp4 Duration…. 1h 32m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by JimX

ဂျော့ခ်ျဆင်မွန်ဟာ ပရိသတ်ကြားမှာ နာမည်ရနေတဲ့ တစ်ဦးတည်းစင်ပေါ်တက်ဖျော်ဖြေသူ လူရွှင်တော်တစ်ယောက်ပါ။ တီဗီဇာတ်လမ်းတွေနဲ့ ဟာသရှိုးတွေမှာ အလုပ်မပြတ်ရသလို သူ့ပြက်လုံးတွေကိုလည်း လူကြိုက်များကြတယ်။ ကိုယ်ပိုင်အိမ်နဲ့ ခြံဝန်းမှာ သက်သောင့်သက်သာနေနိုင်ပြီး ကိုယ်ပိုင်ဂျက်လေယာဉ် ဝယ်စီးနိုင်လောက်အောင် ဝင်ငွေကောင်းသူပါ။ အဲဒီလို အောင်မြင်နေချိန်မှာပဲ ပြင်းထန်တဲ့ရောဂါတစ်ခု ခံစားနေရကြောင်း သိလိုက်ရပါတယ်။ ဘဝကို လက်လျှော့ရတော့မလားလို့ ခံစားနေရချိန်မှာ သူ့ကို အထင်ကြီးအားကျနေတဲ့ လူရွှင်တော်ပေါက်စ အိုင်ရာရိုက်နဲ့ ဆုံမိသွားတယ်။ လူတွေကို ရယ်မောအောင်လုပ်ပေးနေသူတွေရဲ့ဘဝမှာလည်း စိုးရိမ်ပူပန်မှုနဲ့ အခက်အခဲတွေ ရှိတတ်ပုံကို တင်ပြထားတဲ့ ဟာသဒရာမာဖြစ်ပြီး အဒမ်ဆန်ဒလာ၊ ဆာ့သ်ရော်ဂန်နဲ့ လက်စ်လီမန်းတို့ ပါဝင်ထားပါတယ်။

အတ္တုပတ္တိ( Biopic) ရုပ်ရှင်တွေ အထူးသဖြင့် ဂီတလို့ ပြောလိုက်တာနဲ့ ကြည့်ရှုသူ အများစုကတော့ သိကြမှာပါပဲ။ အဆိုတော် ဒါမှမဟုတ် ဂီတလောကရဲ့ အနပညာရှင် တစ်ယောက်ယောက်ဖြစ်မယ်။ လူဖြူလည်းဖြစ်မယ် လူမည်းလည်း ဖြစ်ရင်ဖြစ်မယ်။ သူတို့ရဲ့ ဘ၀ခရီးလမ်း အခက်အခဲတွေ ဘယ်လိုမျိုး ကျော်ဖြတ်လာရမလဲဆိုတာကို ဝေဆာနေအောင် ကွန့်မြူးပြီး ပြောကြမယ်။ ဒါပေမဲ့ ဒီကားကတော့ ဒီလိုမဟုတ်ဘူး။ ဖန်တရာတေဒီဇာတ်ကြောင်းတွေပဲ ထပ်နေတဲ့ ဒီရုပ်ရှင် အမျိုးအစားထဲကကိုမှ တကယ်မရှိတဲ့ ဒူဝီ ကော့စ် ဆိုတဲ့ အဆိုတော်ကို ဖန်တီးပြီး ဒီရုပ်ရှင်တွေကိုပဲ အကြီးအကျယ် ပြန်ဖဲ့သွားတာမျိုးဗျ။ ဥပမာ ပြောရရင် ဒီအဆိုတော်က ငယ်ငယ်က တခုခုကြောင့် စိတ်ဒဏ်ရာရပြီး တစ်ခုခုဖြစ်နေရမယ်။ ဒီကားမှာကတော့ ဘာမဆိုင် ညာမဆိုင် တောခုတ်ဓားတစ်ချောင်းကြောင့် မင်းသားအကိုသေပြီး မင်းသားက စိတ်ဒဏ်ရာ ရသွားတာမျိုးက စလှော်တော့တာပါပဲ။ ဂီတ အကျော်အမော်ကြီးတွေဖြစ်ကြတဲ့Bob Dylan, The Beatles, Elvisက အစ လူပေါင်းစုံရဲ့ စတိုင်တွေ အကုန်ပြောင်။ အဲဒါမှ အားကိုမရသေးရင် အဓိပ္ပါယ်နှစ်ခွနဲ့ အောက်လုံး သီချင်းတွေကို မင်းသားကဆိုပြလိုက်ရမှ။ မကျေနပ်သေးဘူးလား။ ဒါဆိုရင်လည်း ထုံးစံအတိုင်း ဆေးစွဲ မိန်းမရှုပ်တဲ့အခန်းတွေလာမယ်။ ဒါပေမဲ့ ဒိုင်ယာလော့တွေနဲ့ မြင်တွေ့နေကျ ဇာတ်၀င်ခန်းတွေကို လှော်ချက်တွေက တခွီးခွီးရယ်နေရမှာမျိုးတွေပေါ့။ Biopic ကိုမှ ကြိုက်နှစ်သက်ကြတဲ့CMပရိတ်သတ်ကြီးအတွက် နောက်နောင် Biopic တွေကြည့်တိုင်း အမှတ်ရနေမယ့် ကားကောင်းလေး တစ်ခုဖြစ်တဲ့အတွက် ကြည့်ရှုအားပေးကြပါဦးခင်ဗျ။ File size…      2.2 GB /   921 MB Quality… BluRay Extended 1080p / 720p Format… mp4 Duration…. 1h 36m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by Brackman

ငယ်ဘဝတုန်းက တိရစ္ဆာန်​လေး​တွေနဲ့ လူ​တွေ တွဲဖက်ရိုက်ခဲ့ကြတဲ့ ရုပ်ရှင်​တွေ အများကြီးကြည့်ဖူးခဲ့မှာပါ။ အဲဒီတုန်းက​ 3D effectဘာညာလည်း မသိနားမလည်​သေးတဲ့ အရွယ်ဆို​တော့ တိရစ္ဆာန် အစစ်​လေး​​တွေကို သေချာသင်​ပေးပြီး ရိုက်ထားသလို ထင်ခဲ့ရတဲ့ အကြိမ်​ရေလည်း မနည်းပါဘူး။ ဒီလိုဇာတ်ကား​​တွေထဲမှာ Alvinတို့ ရှဉ့်​လေးသုံး​ကောင်ရဲ့ ဇာတ်ကား​တွေလည်း အပါအဝင်ပါပဲ။ သူတို့ရဲ့ င​မွှေထိုးလုပ်ပုံ​၊ ဗရုတ်ကျပုံ​တွေ၊ သူတို့အသံနဲ့ ဆိုထားတဲ့ သီချင်း​တွေက ငယ်ဘဝရဲ့အမှတ်တရ ဖြစ်ခဲ့သလို ​နောက်ပိုင်းမှာ နာမည်ကြီးသီချင်းအ​များစုကို Chipmunks versionလို့ ပြန်ပြီး ဖန်တီးလာတဲ့အထိ ဒီရှဉ့်​လေး​တွေရဲ့ လွှမ်းမိုးမှုက တစ်ကမ္ဘာလုံး အတိုင်းအတာထိ ရှိခဲ့တာပါ။ ဒီဇာတ်ကားက Alvin, Simonနဲ့ Theodoreဆိုတဲ့ chipmunk ရှဉ့်​လေးသုံး​ကောင်ကို စတင်မိတ်ဆက်​ပေးခဲ့တဲ့ ဇာတ်ကားပါ။ မ​အောင်မြင်တဲ့ ​တေး​ရေးဆရာ ​​ဒေးဗစ်ဆီဗီးလ်ဆီကို ဒီရှဉ့်​လေး သုံး​​ကောင်က ဆိုက်ဆိုက်မြိုက်မြိုက်ရောက်လာခဲ့တာပါ။ ဖိအားများ​နေတဲ့ ​ဒေ့ဗ်တစ်​ယောက် ရှဉ့်​လေး​တွေနဲ့ စ​တွေ့ချိန် သူတို့ရဲ့ ​သောင်းကျန်းမှုကို မခံနိုင်လို့ ​မောင်းထုတ်ခဲ့​ပေမဲ့ မထင်မှတ်ဘဲ သူတို့ရဲ့ talentဖြစ်တဲ့ သီချင်းဆိုတာကို ကြားလိုက်ရပြီး​နောက် Chipmunkတွေအတွက် ပင်တိုင်သီချင်း​ရေး​​ပေးသူ ဖြစ်လာပြီး ​အောင်မြင်မှု​တွေ ရလာခဲ့ပါတယ်။ ဒါကိုမနာလိုတဲ့ ​တေးသံသွင်းပိုင်ရှင်က ​ဒေ့ဗ်ဆီက​နေ ရှဉ့်​တွေကို လုယူဖို့ အမျိုးမျိုးအဖုံဖုံကြိုးစားခဲ့ပြီး သူ့​ရဲ့ကိုယ်ကျိုးအတွက်ပဲ ကြည့်ကာ ရှဉ့်​လေး​တွေကို အသုံးချဖို့ ကြိုးစားခဲ့ပါတယ်။ သူနဲ့ရှဉ့်​လေး​တွေကြားက အထင်လွဲမှု​​တွေကို ​ဖြေရှင်းဖို့ကြိုးစားရင်း ​​ဒေ့ဗ်အ​နေနဲ့ လောဘအိုး producerရဲ့လက်​က​နေ ရှဉ့်​လေး​တွေ လွတ်​မြောက်နိုင်​အောင် ဘယ်လိုကယ်တင်မလဲဆိုတာ သီချင်း မြူးမြူး​လေး​တွေ၊ chipmunk​​လေးတွေရဲ့ချစ်စရာ​ကောင်းတဲ့ သီဆိုပုံ​တွေနဲ့အတူ ခံစားရမှာပါ။ File size…   2.2 GB /  665 MB Quality… BluRay 1080p / 720p Format… mp4 Duration…. 1h 32m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by JimX

ခရစ်စမတ်နဲ့ နယူးရီးယားပိတ်ရက်တွေမှာ အက်ရှင်ပရိတ်သတ်တွေ ဘာရုပ်ရှင်ကြည့်ကြမလဲဆိုရင် မင်းသားကြီး Bruce Willis ရဲ့  John McClane ဇာတ်ကောင်ပါဝင်တဲ့ Die Hard ဇာတ်ကားတွေကိုပဲ အားလုံးကတော့ ညွှန်းကြမှာပါ။ Die Hard ရုပ်ရှင်က စုစုပေါင်း ၅ ကားထွက်ရှိခဲ့ပြီး ဇာတ်ကားအားလုံးကို ဒီမှာ https://channelmyanmar.org/?s=die+hard ကြည့်ပါ။ Die Hard 1 နဲ့ 2 မှာတော့ John McClane တစ်ယောက် ခရစ်စမတ်ပိတ်ရက်လေးမှာ ဇနီးသည်လေး Holly Gennaro နဲ့ Chill ဖို့ တက်ကြွစွာ ဇနီးသည်ကိုလာတွေ့ပေမယ့် ပြသနာပေါင်းသောင်းခြောက်ထောင်နဲ့ကြုံရပြီး သူမပါလို့မရတော့တဲ့ပြသနာတွေမလို့ ကိုယ်တိုင်ပါဝင် ကယ်တင်ရပုံတွေကို ကြည့်ရှုရမှာပါ။ Die Hard 3,4,5 တွေကတော့ ခရစ်စမတ်ပိတ်ရက်နဲ့ သူ့ရဲ့ဇနီး Holly Gennaro တို့နဲ့ တိုက်ရိုက်မပတ်သက်တော့ပေမယ့် သူတို့ရဲ့ သားနဲ့သမီးနဲ့ဆက်စပ်တာတွေ ဗီလိန်တွေက ဆက်စပ်နေတာတွေနဲ့ ရှေ့ကရုပ်ရှင်ကားတွေနဲ့ဆက်စပ်မှုတော့ရှိနေပါတယ်။ Die Hard နဲ့ပတ်သက်ရင်တော့ John McClane ဇာတ်ကောင်ရဲ့ တုံးတိုက်တိုက် ကျားကိုက်ကိုက် စိတ်ဓာတ်နဲ့ ပြသနာကို မရှိရှိရာနဲ့ ရသလိုဖြေရှင်းတတ်တဲ့ အကြောက်အလန့်ကင်းတဲ့စရိုက်က ပြောစမှတ်ပါပဲ။ John McClane ကိုလဲ ပြသနာတွေကကြိုက်ကြပြီး သူ့ဖာသာနေရင်းထိုင်ရင်း သူ့မိသားစုကိုကယ်တင်ရင်း ပြသနာတွေထဲကို သူ့ခမျာ လုံးလုံးလျားလျားရောက်သွားရတာပါ။ Die Hard 4 ထဲက Dialouge တစ်ခုကတော့ John McClane ဇာတ်ကောင်ကိုပိုထင်ရှားစေပါမယ်။ " သူရဲကောင်းဆိုတာ မျက်စိရှေ့မှာ မကယ်လို့ မရတာကို ကယ်ရင်းကယ်ရင်း နေသာသလို မနေလိုက်ဘဲ ပြသနာကိုဖြေရှင်းရင်းဖြေရှင်းရင်း ဒီလိုလူဖြစ်လာတာပါပဲ။ " မိသားစုအတွက် မျက်စိရှေ့ကပြသနာတွေအတွက် နေသာသလိုမနေလိုက်ဘဲ ငါကတော့ ရအောင်ဖြေရှင်းမှာပဲဆိုတဲ့ မင်းသားကြီး Bruce Willis ရဲ့  John McClane ဇာတ်ကောင်ကို ပြန်လည်ခံစားကြည့်ကြပါစို့။ Live Free or Die Hard (2007) Die hard 4 IMDb Rating (7.1) / Rotten Tomatoes (82%) File size…(9 GB)/(2.5 GB)/(1.5 GB) Quality…WEB-DL 4K HEVC/1080p/720p Format…mkv/mp4 Duration….02:08:42 Subtitle….Myanmar Subtitle (Hardsub) Encoder….Ka Naung Translated by Ashley

The Break-Up (2006) IMDb Rating (5.8) / Rotten Tomatoes (34%) ဒီဇာတ်ကားလေးကတော့ ကျနော်တို့ငယ်ငယ်ကတည်းက ရင်းနှီးလာခဲ့တဲ့ သရုပ်ဆောင်တွေဖြစ်တဲ့ မင်းသမီးကြီး ဂျနီဖာ အန်နီစတန်အပြင် တခြားသရုပ်ဆောင်တွေနဲ့အတူ ၂၀ ရာစုအစောပိုင်းက အမေရိကန် ချီကာဂိုမြို့ကြီးရဲ့ ခံစားချက်နဲ့အတူ Romance Comedy ကားလေးကို ကြည့်ရှုရမှာ ဖြစ်ပါတယ်။ ဇာတ်လမ်းအကျဉ်းကတော့ ဂယ်ရီနှင့် ဘရွတ်ခ်ဟာ ဘေ့စ်ဘောပွဲမှာ ပထမဆုံး တွေ့ဖူးခဲ့ကြပြီး စကားပြောဖြစ်ရာကနေ သမီးရည်းစားဖြစ်သွားကြပြီး နှစ်ယောက်တစ်အိပ်မက်မက်တာ ဈေးမြောက်တဲ့ကွန်ဒိုတိုက်ခန်းတစ်ခုကိုတောင် အတူတူစပ်ပြီး အရစ်ကျ ငွေသွင်းကာ ဘဝကို အတူတူ ဖြတ်သန်းခဲ့ကြပါတယ်။ ဒါပေမယ့် အချစ်ခရီးလမ်းက မဖြောင့်ဖြူးဘူးဆိုတဲ့အတိုင်း ချီကာဂိုမြို့ကြီးကို လှည့်လည်ပြသရတဲ့ ဧည့်လမ်းညွှန်လုပ်တဲ့ ဂယ်ရီက အိမ်ပြန်လာရင် ဂိမ်းလေးဆော့၊ နားအေးပါအေး အနားယူချင်သူပါ။ တစ်ဖက်မှာတော့ ပန်းချီပြခန်းမှာ အလုပ်လုပ်တဲ့ဘရွတ်ခ်ကလည်း အိမ်ပြန်လာရင် နှစ်ယောက်စာ စားဖို့သောက်ဖို့ ချက်ပြုတ်၊ ဂယ်ရီချွတ်ထားတဲ့ဘောင်းဘီတွေ ခြေအိတ်တွေ လိုက်သိမ်းရ၊ ဂယ်ရီကလည်း ကူဖော်လောင်ဖက်မရတော့ စိတ်ချဉ်ပေါက်လာပါတယ်။ ဒီလိုနဲ့ တစ်နေ့မှာတော့ သူတို့နှစ်ယောက်ဟာ အကြီးအကျယ် ရန်ဖြစ်ပေါက်ကွဲကြပြီး လမ်းခွဲလိုက်ကြပေမဲ့ ကွန်ဒိုက တူတူစပ်ဝယ်နေတာဖြစ်လို့ နှစ်ယောက်ကလည်း တခြားသွားစရာနေရာမရှိပဲ အတူတူ ဆက်နေရဖို့ ဖြစ်လာပါတယ်။ ဒီတော့ သူတို့နှစ်ယောက် တိုက်ခန်းတစ်ခုကို အတူစပ်နေရင်း ဘယ်လိုတွေနှစ်ပါးသွားကြမလဲ၊ သူတို့တွေ ကွဲကွာသွားကြမလား၊ ပြန်ပေါင်းထုပ်သွားမလားဆိုတာ စိတ်ဝင်တစား ကြည့်ရှုရမှာဖြစ်ပါတယ်။ File size… (2.2 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Romance Duration…. 01:46:41 Subtitle…. Myanmar Subtitle (Hardsub)

2006 ခုနှစ်ကထွက်ရှိခဲ့ပီး IMDb rating 6.4 ရရှိထားတဲ့ ​ကျောင်းသားကား​လေးကိုခံစားကြည့်ကြရ​အောင်ပါ။ ​ကောလိပ်​ကျောင်းတွေဟာ အထက်တန်း​ကျောင်းသားဘဝ က​နေ အမှီအခိုကင်းကင်းရပ်တည်နိုင်တဲ့ ဘဝ​တွေဆီ​ရောက်​အောင်သွားကြရာမှာ မဖြစ်မ​နေဖြတ်​ကျော်ကြရတဲ့အရာပါ။ ဒါ​​တွေကြောင့်ပဲ ​ကောလိပ်ဝင်ခွင့်​တွေဟာ နိုင်ငံ​တော်​တော်များများမှာ​တော့ လူငယ်​တွေအတွက်အိပ်မက်ဆိုးလိုဖြစ်​​နေတာပါပဲ။ society က သတ်မှတ်ထားတဲ့စံညွှန်း​တွေ​ကလည်း ​ကောလိပ်​​ကျောင်း​ကောင်း​ကောင်းတက်​ရောက်​ရေးဖိအား​တွေ​ပေးကြပါတယ်။ ဒီဇာတ်ကားထဲမှာလည်း ​ကျောင်းဝင်ခွင့်​တွေ အကြိမ်ကြိမ်ပယ်ခံရတဲ့ လူငယ်​လေး​တွေ ဟာ ကြံမိကြံရာကြံကြရင်း သတ်မှတ်ချက်​ဘောင်​တွေကို ချိုးဖြတ်ဖို့ဖြစ်လာကြပါတယ်။ လူငယ်​တွေကို အကန့်အသတ်မဲ့ ပျံသန်းခွင့်​ပေးလိုက်ရင် အံ့အားသင့်စရာ​တွေဖြစ်လာနိုင်တယ်ဆိုတာပြထားတာပါ။ ​ ပညာ​ရေးစနစ်ကြီးရဲ့အလွဲ​တွေကို​ထောက်ပြထားပြီး မူဝါဒ​တွေကိုလည်းသ​ရော်ထားပါ​သေးတယ်။ ဒါ့အပြင် ​နောက်ခံသီချင်း​လေး​တွေကလည်း အမိုက်စား​လေး​တွေဖြစ်တဲ့အတွက် အဲ့ဒီခုနှစ်ဝန်းကျင်က ​ကျောင်းတက်ကြသူ​တွေဆို အတိတ်ကို ပြန်လွမ်းမိသွားနိုင်သလို Gossip girls တို့ Age of Adaline တို့ထဲက မင်းသမီး​ချော Blake Lively ရဲ့ နုနုနယ်နယ်တက်ကြွတဲ့ အလှ​ကိုလည်းခံစားနိုင်ပါတယ်။ ဒါ​​ကြောင့် ကြည့်သင့်တဲ့ကား​လေးဖြစ်လို့ ခံစားကြည့်ကြပါဦး။ File size…  2.1 GB /  840 MB Quality… BluRay 1080p / 720p Format… mp4 Duration…. 1h 33m Genre .....  Comedy Subtitle…. Myanmar Subtitle (Hard Sub) Encoder…. Thit San Khant Translated by Sophie

ကျွန်တော်တို့ ရုပ်ရှင်တွေ စာအုပ်တွေထဲမှာ အနာဂါတ်ဆိုတာကို ဉာဏ်ရည်ပိုမြင့်မားတဲ့လူတွေ တိုးတက်တဲ့ နည်းပညာတွေနဲ့ ပုံဖော်ကြတာကို တွေ့ကြမှာပါ။ ဒါပေမယ့် ဆင့်ကဲပြောင်းလဲမှုဖြစ်စဉ်က ဉာဏ်ရည်မြင့်မားမှုကို မပေးအပ်ခဲ့ရင် ဘယ်လိုဖြစ်လာမလဲ? ဒီဇာတ်လမ်းမှာ ကြည့်လိုက်ရအောင်။ ၂၀၀၅ ခုနှစ်ကာလမှာ ပညာရှင်တွေဟာ ကမ္ဘာကြီးရဲ့ မဟာပြဿနာကြီးကို သတိထားမိခဲ့ပါပြီ။ အဲဒါကတော့ လူသားတွေရဲ့ ဉာဏ်ရည်ဟာ အချိန်နဲ့အမျှ လျော့ကျလာနေကြတာပါ။ အဲဒီပြဿနာကနေ ကယ်တင်နိုင်ဖို့ သိပ္ပံပညာရှင်တွေဟာ သူတို့ခေတ်ရဲ့ အတော်ဆုံး အကောင်းဆုံးလူသားတွေကို နှစ်ပေါင်းများစွာ သိုလှောင်ထားနိုင်ဖို့ ကြံစည်ပါတော့တယ်။ ဒါပေမယ့် အဲဒီနည်းစနစ်ကို စမ်းသပ်ဖို့အတွက်ကိုတော့ ပထမဆုံးအနေနဲ့ လုံးဝမထူးခြားတဲ့ သာမာန်ဉာဏ်ရည်နဲ့ ဂျိုးဆိုတဲ့ ယောကျား်တစ်ယောက်နဲ့ ရီတာ ဆိုတဲ့ မိန်းမတစ်ယောက်ကို အရင်စမ်းသပ်ကြည့်ပါတယ်။ သူတို့၂ ယောက်ကို စမ်းသပ်ပြီးပြီးချင်းမှာပဲ အဲဒီစီမံကိန်း ရပ်ဆိုင်းသွားခဲ့ပြီး သူတို့ ၂ ယောက်ကို မေ့သွားကြပါတယ်။ သူတို့ ၂ ယောက်ပြန်နိုးလာတဲ့အချိန်ဟာ အနာဂါတ်နှစ် ၅၀၀ အကြာပဲဖြစ်ပါတယ်။ အဲဒီအချိန်မှာ ကမ္ဘာသားတွေရဲ့ ဉာဏ်ရည်ဟာ လုံးဝကို လျော့နည်းသွားကြပါပြီ။ နိုင်ငံတစ်ခုလုံးမှာ -မူလဘာသာစကားပျောက်ကွယ်သွားပြီ ဗန်းစကားတွေ အသံပျက်တွေပဲ ကျန်ပါတော့တယ် မူလစကားကိုကောင်းကောင်းပြောသူဟာ အခြောက်လိုလို ငကြောင်လိုလိုအထင်ခံရပါတယ် -ရုပ်ရှင်ဆိုရင်လည်း ဘာဇာတ်လမ်းဇာတ်ကွက်မှ မပါတဲ့ အောက်ပိုင်းကိုပဲ အကြိမ်ကြိမ်ထိခိုက်ပြတဲ့ ကားတွေကိုပဲ နှစ်နှစ်ခြိုက်ခြိုက်အားပေးကုန်ကြပါတော့တယ် -နိုင်ငံတစ်ခုလုံးရဲ့ အော်စကာ ၈ ဆုရ အကောင်းဆုံးရုပ်ရှင်ဟာ ဖင်တစ်ခုတည်းပဲ မိနစ် ၉၀ လုံးပြသွားပါတယ် - အခြားသော စီးပွားရေး ပညာရေး ဗဟုသုတ နယ်အားလုံးမှာ လည်း ကြပ်မပြည့်ကြတော့ပါဘူး - သမ္မတဟာလည်း ၅ ကြိမ်ဆက်တိုက် နဘမ်းချန်ပီယံ အပြာကားမင်းသား လိုလူတွေ ဖြစ်လာပါပြီ - သမ္မတရုံးတစ်ဖွဲ့လုံးကလည်း ကြပ်မပြည့်တဲ့ ဝန်ကြီးတွေနဲ့ သမ္မတအမျိုးတွေပဲ ကျန်ပါတော့တယ် အဲဒီလိုခေတ်မှာ မှတ်ပုံတင်မပါတဲ့ ဂျိုးတစ်တစ်ယောက်အဖမ်းခံရပြီး မှတ်ပုံတင်မှာ " မသေချာဘူး " ဆိုတာကိုနာမည်အဖြစ် မှားယွင်း မှတ်ပုံတင်ခံလိုက်ရပါတယ်။ ဒါပေမယ့် ထောင်ထဲမှာ ဉာဏ်ရည်စစ်ဆေးခံပြီးတဲ့နောက်မှာတော့ ဂျိုးဟာ တစ်ကမ္ဘာလုံးမှာ IQ အမြင့်ဆုံးလူအဖြစ် အားလုံးသိရှိသွားပါတော့တယ်။ ဒါကြောင့် ဂျိုးဟာ သမ္မတရဲ့ အနီးကပ်အကြံပေးအဖြစ် အတွင်းဝန်ရာထူးပေးအပ်ခံရပြီး တစ်နိုင်ငံလုံးရဲ့ ပြဿနာတွေကို ဖြေရှင်းပေးဖို့ ထိုးအပ်ခံရပါတော့တယ်။ ဒါမေပယ့် သူကိုယ်တိုင်လည်း သာမန်ဉာဏ်ရည်သာ ရှိတာမို့ ကောင်းနိုးရာရာလေး မှန်းဆလုပ်ကြည့်ရင်း လူတွေကလည်း သူလုပ်တာကို နားမလည်နိင်တာမို့ တစ်နိုင်ငံလုံး အလုပ်ပြုတ်ပြီး အငတ်ဘေးဆိုက်မလို ဖြစ်သွားခဲ့ပါပြီ။ ကဲဒီတော့ အတွင်းဝန် မစ္စတာ မသေချာဘူးရဲ့ နိုင်ငံကြီးကိုကယ်တင်မယ့်အစီအစဉ်တွေအောင်မြင်မလား၊ ကြပ်မပြည့်တဲ့ခေတ်ကြီးနဲ့ လူတွေနဲ့ ဘယ်လိုတွေ စခန်းသွားပြီး စွန့်စာခန်းဖွင့်မလဲဆိုတာ ဆက်ပြီး ကြည့်လိုက်ကြပါ။ File Size     :   600MB Duration    :   1 : 24: 12 Quality       :   Webrip Translator  :  Littleneo Encoder      :  Littleneo

Waiting (2005) နေ့စဉ်ဘဝရဲ့ ပုံမှန်ဆန်တဲ့တစ်နေ့တာကို ငြီးငွေ့နေတဲ့သူတွေရှိရင် ဒီကားလေးကအံကိုက်ဖြစ်မှာပါ။ ၂၀၀၅ ခုနှစ်က ထွက်ရှိထားပြီး Deadpool မင်းသား Ryan Reynolds ရဲ့ masterpiece တွေထဲက တစ်ခုလို့လည်း ပြောလို့ရတဲ့ကားလေးပဲ ဖြစ်ပါတယ်။ IMDb 6.7/10 ရရှိထားတဲ့ ဟာသကားလေးလည်း ဖြစ်ပါတယ်။ Diner တစ်ခုက စားပွဲထိုးကောင်လေးနှစ်ယောက်ကို အသားပေးရိုက်ကူးထားတာဖြစ်ပြီး။ သူတို့ရဲ့ ငြီးငွေ့စရာတစ်နေ့တာကို ပျော်စရာကောင်းအောင် ထွက်ပေါက်ရှာကြတာကို ရယ်ရယ်မောမော ပေါ့ပေါ့ပါးပါးနဲ့ ကြည့်ရှုရမှာပါ။ အညွှန်းနဲ့ ဘာသာပြန်ကတော့ CM မှ Aditi ပဲဖြစ်ပါတယ်။ File size…    1.8 GB /  900 MB Quality… BluRay 1080p / 720p Format… mp4 Duration…. 1h 34m Genre ..... Comedy Subtitle…. Myanmar Subtitle (Hard Sub) Encoder…. LegoHeart Translated by Aditi

Walt Disney ရဲ့ နာမည်ကျော် ပြိုင်ကားလေး Herbie အကြောင်းပေါ့... ဒစ်စနေထုံးစံအတိုင်း ချစ်စရာ ပြိုင်ကားလေးနဲ့ ချစ်စရာကောင်းအောင် ရိုက်ပြထားပါတယ်... အဓိက ချစ်စရာလေးကတော့ လင်ဆေးလိုဟန်လေးပေါ့...:P နာမည်ကျော် NASCAR ပြိုင်ကားမောင်းသူတွေလဲ Cameros အဖြစ်ပါဝင်ထားပါသေးတယ်... Budget $50 Million သာကုန်ကျခံရိုက်ကူးထားပေမယ့် Box Office မှာ $140 Million ကျော် ပြန်ရတဲ့ထိ စီးပွားရေးအရအောင်မြင်ကျော်ကြားခဲ့ပါတယ်...။ ဇာတ်လမ်းကတော့... မက်ဂီပေတန် ဆိုတဲ့ ကောင်မလေးတစ်ယောက်က အသက်ရှိနေတဲ့ ဘောက်ဝက်ဂွန် လိပ်ခုံးကားလေး နံပါတ် ၅၃ရဲ့ ပိုင်ရှင်ဖြစ်လာခဲ့ပါတယ်.. မက်ဂီရဲ့အဖေက ဒီကားကို ကားသင်္ချိုင်းကနေ  ယူလာပြီး သမီးဖြစ်သူကို ဘွဲ့လက်ဆောင်အဖြစ်ပေးခဲ့တာပေါ့.. မက်ဂီက ပြိုင်ကားမောင်းတဲ့ ပေတန်မျိုးရိုးက ဆင်းသက်လာသူဖြစ်တဲ့အပြင် သူကိုယ်တိုင်ကလည်း ဝါသနာပါပေမယ့် အက်စီးဒင့်တစ်ခုကြောင့် အဖေဖြစ်သူက ကားထပ်မောင်းခွင့်ပိတ်ပင်ခံထားရတာပါ... ESPN သတင်း ချန်နယ်လ်မှာ အလုပ်ရတဲ့ မက်ဂီတစ် ယောက် လိပ်ခုံးကားလေးကို စမ်းမောင်းရင်း ကားပြပွဲတစ်ခုမှာ NASCAR ချန်ပီယံဖြစ်တဲ့ ထရစ်ပ်မာဖီနဲ့ ယှဉ်ပြိုင်မောင်းရင်း အနိုင်ရသွားပါတယ်.. ချန်ပီယံထရစ်ပ်က လိပ်ခုံးလေးက အနိုင်ရရကောင်းလားဆိုပြီး မကျေပွဲနွှဲဖို့စီစဉ်တဲ့အခါ....။ File size…(1.8 GB) / (1.1 GB) / (500 MB) Quality…BluRay 1080p /720p/ 360p Format…mp4 Duration….01:41:00 Subtitle….Myanmar Subtitle (Hardsub) Encoder….Nyeinsaeya Aung Translated by Mugiwara Ya

Peter La Fleur က ရည်မှန်းချက်ကြီးကြီးမားမား မရှိဘဲ အေးအေးဆေးဆေး နေတတ်သူပါ။ Average Joe’s ဆိုတဲ့ ရပ်ကွက်အားကစားရုံလေးတစ်ရုံ ပိုင်ပြီး လာကစားနေကျ လူတစ်စုလည်း ရှိတယ်။ ဒါပေမယ့် အားကစားရုံကနေ ငွေမရတာ ၁၃ လရှိနေပါပြီ။ တစ်နေ့မှာတော့ ရက် ၃၀ အတွင်း ဒေါ်လာ ၅၀,၀၀၀ မဆပ်နိုင်ရင် အားကစားရုံကို ဘဏ်က သိမ်းတော့မယ်ဆိုတဲ့ သတင်းဆိုး ရောက်လာတယ်။ ဘေးက နာမည်ကြီး Globo Gym ကလည်း ဒီနေရာကို ကားပါကင်လုပ်ဖို့ ဝယ်မှာပါ။ ပီတာနဲ့ သူ့ဘော်ဒါတွေအတွက် Average Joe’s က အားကစားလုပ်တဲ့နေရာတစ်ခုထက် ပိုပါတယ်။ နေ့စဉ်ဘဝက အပန်းဖြေပြီး ခိုနားနိုင်တဲ့နေရာဖြစ်လို့ ဘယ်သူမှ လက်မလွှတ်ချင်ကြဘူး။ ဒီတော့ သတ်မှတ်ရက်အတွင်း လိုတဲ့ငွေရဖို့ နည်းမျိုးစုံ ဝိုင်းစဉ်းစားကြရင်း Dodgeball Championships ပြိုင်ပွဲမှာ ဝင်ပြိုင်ဖို့ ဆုံးဖြတ်လိုက်ကြပါတယ်။ ပြိုင်မယ်လို့သာ ဆုံးဖြတ်လိုက်တာ၊ သူတို့ထဲမှာ ကောင်းကောင်းကစားတတ်တဲ့သူ တစ်ယောက်မှ မရှိပါဘူး။ ကိုယ့်အားကစားရုံကို ကာကွယ်ဖို့ ဘာမဆိုလုပ်မယ့် ပီတာတို့အဖွဲ့ ပြိုင်ပွဲထဲဝင်တော့ ဘယ်လိုအလွဲတွေ ကြုံရဦးမလဲ၊ အခက်အခဲတွေကို ကျော်ဖြတ်ပြီး သူတို့မြတ်နိုးတဲ့ နေရာလေးကို ထိန်းထားနိုင်ပါ့မလား။

Jepper Creeper-2ဟာဆိုရင် 2003ခုနှစ်မှာထွက်ရှိခဲ့တဲ့ Horrorဇာတ်ကားမျိုးဖြစ်ပါတယ် 2001မှာ Jeeper Creeper-1ထွက်ခဲ့တာအောင်မြင်ပြီးလူကြိုက်များခဲ့လို့ ၂ဖြစ်တဲ့ဒီကားကိုဆက်လက်ရိုက်ကူးခဲ့ပါတယ်။ ဇာတ်လမ်းလေးကတော့ ပထမပိုင်းကအဆက်လိုပဲ 23ကြိမ်မြောက်နွေဦးရာသီရောက်တိုင်းရောက်တိုင်း 23ရက်ကြာအောင် လူသားတွေကိုစားပစ်တဲ့ EastNineလမ်းမကြီးပေါ်က သေမင်းတမန်တော်တစ်ကောင်ရှိပါတယ်။အဲ့ဒီချိန်မှာပဲ ကျောင်းဘတ်စကတ်ဘောအသင်းတစ်ခုဟာ EastNineလမ်းမကြီးပေါ်ကနေဖြတ်လာတဲ့အခါမှာ အဲ့ဒီသေမင်းတမန်တော်နဲ့ တည့်တည့်တိုးပါတော့တယ်။ သူကကျောင်းသားတွေထဲက အကြောက်တရားတွေထဲမှာအနံခံပြီးသူကြိုက်တဲ့လူကိုရွေးပြီးစားမလို့လုပ်ပါတယ်။အဲ့မှာတင်ပဲ ကျောင်းသားတွေဟာ သူ့ကိုရွေးသွားတယ်ငါ့ကိုမရွေးဘူး၊ ဘယ်သူ့ကြောင့်တော့ငါတို့အသေမခံနိုင်ဘူးစသဖြင့် အချင်းချင်းစိတ်ဝမ်းကွဲကုန်ကြပါတယ်၊..... အဲ့လိုအဖြစ်အပျက်လေးတွေနဲ့ ကျောင်းသားတွေအားလုံး သေမင်းတမန်တော်လက်ထဲအလွတ်ပြေးနိုင်ခဲ့ကြလား၊ဒါမှမဟုတ် သေမင်းတမန်တော်က သူရွေးချယ်ထားတဲ့သူတွေကိုပဲအမိအရဖမ်းပြီး သတ်စားနိုင်ခဲ့လားဆိုတာတော့ဒီဇာတ်လမ်းလေးမှာစိတ်ဝင်စားဖွယ်ရာကြည့်ရှု့ရမှာပဲဖစ်ပါတယ်။ Horrorကြိုက်တဲ့ ပရိတ်တွေအတွက်တော့ လက်မလွတ်သင့်တဲ့ဇာတ်ကားကောင်းဖြစ်ပါတယ်။ File size…(1.8 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller  Subtitle….Myanmar Subtitle (Hardsub) Encoder….Swan Min Htet Translated by Ye Yint

Crossroads (2002) IMDb Rating (3.9) / Rotten Tomatoes (15%) လူစီ၊ ကစ်နဲ့ မီမီတို့ဟာ ငယ်သူငယ်ချင်းသုံးယောက်ဖြစ်ပြီး သူတို့ငယ်စဉ်ညတစ်ညတုန်းက သစ်ပင်ကြီးတစ်ပင်ရဲ့အောက်မှာအမှတ်တရပစ္စည်းလေးတွေနဲ့အတူအနာဂတ်မှာဖြစ်ချင်တဲ့ဆန္ဒတွေကို ဆုတောင်းပြီး စက္ကူပုံးလေးထဲထည့်မြေမြုပ်ပစ်ခဲ့ပါတယ်။သူတို့ရဲ့ရည်ရွယ်ချက်ကတော့ အထက်တန်းကျောင်းနောက်ဆုံးနေ့မှာ ဒီပုံးလေးကိုအမှတ်တရပြန်လည်ဖော်ယူဖို့အတွက်ပါပဲ။ ဒါပေမယ့် အချိန်တွေကြာပြီး ဆယ်ကျော်သက်အရွယ်ရောက်တော့ သူတို့သုံးယောက်ဟာ အကြောင်းပြချက်လည်းမရှိတစ်ဖြည်းဖြည်းစိမ်းသွားကြပြီး ခပ်တန်းတန်းဖြစ်နေကြပါပြီ။အဲ့ဒီလိုအခြေအနေကနေ တကယ်တမ်း ကျောင်းဆင်းပွဲညမှာ ဆန္ဒပြုပုံးလေးကိုပြန်ဖော်ဖြစ်ခဲ့ပြီး သုံးယောက်လုံးအကြောင်းကိုယ်စီနဲ့ ခရီးရှည်ကြီးတစ်ခုထွက်ဖို့ဖြစ်လာခဲ့ပါတယ်။ သူတို့အတွက် ဒီခရီးစဉ်ဟာ ဆန်းသစ်တဲ့အတွေ့အကြုံတွေ၊ မိမိကိုယ်မိမိပြန်လည်ရှာဖွေခြင်းတွေနဲ့ရင့်ကျက်မှုဆီ ခြေလှမ်းတစ်လှမ်းစတင်ခြင်းပါပဲ။ လူစီအဖြစ် တစ်ခေတ်မှာတစ်ယောက် တောက်ထွန်းခဲ့တဲ့‌ပေါ့ပ်ဘုရင်မ Britney spears ပါဝင်ထားပြီး၊ Zoe Saldaña နဲ့ Taryn Manning တို့ကကစ်နဲ့မီမီအဖြစ်အားဖြည့်ထားပါတယ်။ အဲ့ဒီခေတ်အခါကဆယ်ကျော်သက်ကားတွေရဲ့ဖော်မျူလာအတိုင်းပေါ့ပေါ့ပါးပါးသွားထားတဲ့အတွက် ဝေဖန်ရေးဆရာတွေကမနှစ်သက်ခဲ့ကြပေမယ့် ဘရစ်တနီရဲ့ပရိသတ်တွေကြောင့် ငွေကြေးအရအောင်မြင်ခဲ့သလို အချိန်ကာလရွေ့လျားလာတာနဲ့အမျှ Coming of age ဇာတ်ကားကောင်းတစ်ကားအဖြစ် လက်ခံလာကြပါတယ်။ ဘယ်လိုပဲဖြစ်ဖြစ် Britney spears Fansတွေအတွက်တင်မက 90s kids တွေအတွက်ပါ ငယ်နုစဉ်ဘ၀ အမှတ်တရလေးတွေကိုပြန်အမှတ်ရမိစေမယ့် နွေးထွေးလှပတဲ့ ဇာတ်ကားလေးတစ်ကားပါပဲ။ File size… (1.8 GB) / (1.1 GB) Quality…. WEB-Rip 1080p HEVC / 720p Format…. mkv/mp4 Genre…. Comedy,Drama,Romance Duration…. 01:34:25 Subtitle…. Myanmar Subtitle (Hardsub)

Jeeper Creeper ဇတ်ကားဟာဆိုရင် 2001ခုနှစ်ကထွက်ရှိခဲ့တဲ့ အမေရိကန်Horrorဇာတ်ကားကောင်းတစ်ကားဖြစ်ပါတယ်။ 2001ခုနှစ်ကထွက်ရှိခဲ့တယ်ဆိုပေမယ့် တကယ့်ကို Horror ဆန်ပြီး ကြည့်ရှုသူတွေကို စိတ်လှုပ်ရှားမှုရသအပြည့်ပေးနိုင်တာကြောင့် အောင်မြင်လူကြိုက်များခဲ့လို့ အပိုင်း2နဲ့အပိုင်း3ကို ဆက်လက်ရိုက်ကူးခဲ့ပါတယ်။1938မှာကျော်ကြားခဲ့တဲ့ Jeeper Creeperသီချင်းကို ယူပြီးဇာတ်ကားထဲမှာ ရိုက်ကူးခဲ့ပါတယ်။ Horrorကားတွေကြိုက်တဲ့ ပရိတ်သတ်တွေတော့တကယ်ကိုကြည့်သင့်ဇာတ်လမ်းကောင်းပါ။Jeeper Creeper ဆိုတဲ့ သတ္တဝါကြီးဟာ နှစ်အပိုင်းအခြားတစ်ခုရောက်တိုင်း လူလောကကိုလာပြီး လူတွေကိုသတ်ဖြတ်စားသောက်တဲ့ သတ္တဝါကြီးတစ်ကောင်ပါ။ သူဘယ်သူလဲဆိုတာသေချာမသိရသလို သတ်ဖြတ်စားသောက်တယ်ဆိုတာလည်း သူ့ကိုယ်သူပြန်လည်လာရောက်တည်ဆောက်တဲ့သဘောပါ။သတ်တဲ့အခါမှာလည်း တွေ့သမျှ လူတိုင်းကို သတ်လေ့မရှိဘဲ လူတွေရဲ့အကြောက်တရားကိုအခြေခံထားပြီး သတ်လေ့ရှိတာပါ။ ဇာတ်ဝင်ခန်းတွေက တကယ်ကိုအသက်ပါပြီး ရင်တထိတ်ထိတ်ကြည့်ရမှာမို့လို့ Horror ပရိသတ်တွေသေချာပေါက် ကြိုက်ကြမှာပါ။အားပေးကြလွန်းလို့ နောက်ထပ် ၂ကားပါဆက်ရိုက်ထားတဲ့ဇာတ်ကားလေးလည်းဖြစ်ပါတယ်။ ဇာတ်လမ်းအကျဉ်းလေးကတော့…….. နွေရာသီအားလပ်ရက်တွေမှာ ဒယ်ရီနဲ့သရစ်ရှာတို့မောင်နှမနှစ်ယောက်ဟာ အိမ်ကိုပြန်လာခဲ့ကြပါတယ်။လမ်းမှာ ကားတစ်စီးနဲ့တိုက်မိမလိုဖြစ်ပြီး အဲ့ကားကိုမောင်းတဲ့သူက လမ်းမကြီးဘေးမှာရှိတဲ့ ဘုရားကျောင်းအိုကြီးထဲကို ပိုက်လုံးတွေထဲကနေ လူသေအလောင်းကိုပစ်ချနေတာတွေ့လိုက်ကြတယ်။ အဲ့မှာ သူတို့မောင်နှမ နှစ်ယောက်ကစိတ်ဝင်စားပြီးသွားကြည့်တဲ့အခါမှာတော့ လူသေအလောင်းတွေကိုတစ်ယောက်နဲ့တစ်ယောက်သီပြီးဘုရားကျောင်းနံရံတွေမှာချုပ်ထားတာတွေ့လိုက်ရပါတယ်။အဲ့မှာတင်ပဲ မောင်နှမနှစ်ယောက်ဟာ အနီးဆုံးမှာရှိတဲ့လမ်းဘေးစားသောက်ဆိုင်ကိုသွားပြီးရဲစခန်းကိုဖုန်းဆက်အကြောင်းကြားခဲ့ပါတယ်။ အဲ့မှာအမျိုးသမီးတစ်ယောက်ရဲ့ဖုန်းဝင်လာပြီး၊ အဲ့ဒီဘုရားကျောင်းထဲကလူဟာဆိုရင် Jeeper Creeperဖြစ်ကြောင်း၊သူဟာ 23ကြိမ်မြောက်နွေဦးရာသီရောက်တိုင်းရောက်တိုင်း 23ရက်ကြာအောင်လူတွေကိုစားပစ်ကြောင်းပြောပါတယ်။ ဘယ်လိုလူတွေကိုသူကစားလဲဆိုတော့.....လူတွေရဲ့အကြောက်တရားကိုအနံ့ခံပြီး သူကြိုက်တဲ့လူကိုစားပစ်ပါတယ်။အဲ့လိုသူကြိုက်တဲ့လူကိုစားဖို့လိုက်ဖမ်းပြီဆိုရင် ဘယ်လိုမှတားဆီးမရပါဘူး။အဲ့ဒီ သရစ်ရှာနဲ့ဒယ်ရီတို့မောင်နှမနှစ်ယောက်လည်း Jeeper Creeper-သေမင်းတမန်တော်လက်က ဘယ်လိုမျိုးလွတ်အောင်ပြေးပြီးအိမ်ကိုအရောက်ပြန်နိုင်ခဲ့မလား၊ ဒါမှမဟုတ် သေမင်းတမန်တော်လက်ထဲမှာပဲ ကျရှုံးခဲ့သလားJeeper ကြီးဟာဘယ်လိုသတ္တဝါလည်း ဘာကြောင့်လူတွေကိုသတ်စားရတာလဲ ဆိုတာကိုတော့ တကယ်ကိုသဲတထိတ်ထိတ်ရင်တဖိုဖိုနဲ့ ဒီဇာတ်ကားလေးထဲမှာပဲ ဆက်လက်ရူ့စားလိုက်ပါ........ File size…(1.7 GB)/(907 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller  Subtitle….Myanmar Subtitle (Hardsub) Encoder….Swan Min Htet Translated by Ye Yint