Kevin Conroy ပါဝင်သော ဇာတ်ကားများ

Season 1 + 2 အပိုင်း ( ၁ မှ ၈ ) အထိ စ / ဆုံး ဗီဒီယိုဂိမ်းနှစ်သက်တဲ့သူတိုင်း ကစားဖူး မြင်ဖူးကြမဲ့ နာမည်ကြီး ဂိမ်းတစ်ခုကို နက်ဖလစ်ကနေ ကာတွန်းစီးရီးအနေနဲ့ တင်ဆက်ထားတာဖြစ်ပါတယ်။ အပိုင်း ၈ ပိုင်းပါဝင်ပါတယ်။ ဇာတ်လမ်းရော ရိုက်ချက်တွေရော ကောင်းပြီး ခပ်ကြမ်းကြမ်းမို့ ဂိမ်းပရိသတ်တွေရော သာမန်ပရိသတ်တွေရော အကြိုက်တွေ့ကြမှာပါ။ ဇာတ်လမ်းအကျဉ်း လူ့လောကနဲ့ ငရဲကို ကွမ်တမ်တံတိုင်းတစ်ခုနဲ့ ခြားထားတဲ့ အခြေအနေမှာ ငရဲက နတ်ဆိုးတွေဟာ အဲဒီတံတိုင်းကို ဖျက်ဆီးဖို့ ကြိုးစားလာပါတယ်။ ဒီတံတိုင်းကို ဖြိုနိုင်ဖို့အတွက် ငရဲသူရဲကောင်း စပါဒါရဲ့ဓားနဲ့ အဆောင်တစ်ခုလိုအပ်ပါတယ်။ အဲဒီမှာပဲ နတ်ဆိုးမုဆိုးဖြစ်တဲ့ ဒန်ထေဟာ အဆောင်တစ်ခြမ်းကို ပိုင်ဆိုင်ထားတဲ့သူဖြစ်တဲ့အတွက် နတ်ဆိုး‌တွေက သူ့ရဲ့အဆောင်ကို လုယူဖို့ ကြိုးစားလာပါတယ်။ ဒီတော့ နတ်ဆိုးကာကွယ်ရေး ဒါ့ကွန်အဖွဲ့နဲ့ ဒန်ထေတို့ နတ်ဆိုးတွေကို ဘယ်လိုရင်ဆိုင်ကြမလဲဆိုတာ ဒီစီးရီးမှာ မြင်ရပါလိမ့်မယ်။ အဓိကဗီလိန်ကိုရော ဒန်ထေရဲ့ နောက်ကြောင်းကိုရော ပြရင်း တဖြည်းဖြည်း အရှိန်တက်လာပါလိမ့်မယ်။ ကြည့်လိုက်ကြပါ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(670 MB) / (320 MB) Quality….WEB-DL 1080p / 720p Format…. mp4 Genre….Action & Adventure,Animation,Sci-Fi & Fantasy Duration….00:30:59 Subtitle….Myanmar Subtitle (Hardsub) Encoder….Thit San Khant Translated by Mr.Anderson

DC ရဲ့ စူပါဟီးရိုး ကာတွန်းကားအသစ်လာပါပြီ။ ဇာတ်ကောင်အစုံနဲ့ ဇာတ်လမ်းကောင်းကောင်းနဲ့မို့ ရုပ်ရှင်အစစ်ကြီးလိုပဲ ခံစားလို့ကောင်းပါတယ်။ Flash စီးရီးကြည့်ဖူးတဲ့သူတွေကတော့ ဇာတ်လမ်းကျောရိုးကို သိနေမှာပါ။ အပြိုင်စကြဝဠာအားလုံးကို ဖျက်ဆီးမဲ့ အန်တိုင်မက်တာ၊ အန်တီမက်တာဆိုတဲ့ လှိုင်းကြီးတစ်ခုပေါ်လာပြီး စကြဝဠာတွေကို တစ်ခုပြီး တစ်ခု ဖျက်ဆီးလာပါတယ်။ ဒါကိုမှ စကြဝဠာအားလုံးကို စောင့်ကြည့်ရုံပဲကြည့်ပြီး ဘာမှမလုပ်ရတဲ့ မော်နီတာက မနေနိုင်တော့ဘဲ စူပါဟီးရိုးတွေကိုစုစည်းပြီး အန်တိုင်မက်တာကို တားဖို့ ကြိုးစားပါတော့တယ်။ ဒီနေရာမှာ ထုံးစံအတိုင်း အဓိကဖြစ်လာတာကတော့ဖလက်ရှ်ပါပဲ။ အချိန်ခရီးသွားတာနဲ့ စကြဝဠာခရီးသွားတာတွေကို တစ်ယောက်တည်းလုပ်နိုင်နေတဲ့ ဖလက်ရှ်ဟာ ဒီကိစ္စရဲ့အစအလယ်အဆုံးမှာ ပတ်သတ်နေပြီး အခြားစူပါဟီးရိုးတွေနဲ့အတူ စကြာဝဠာအားလုံးကို ကယ်တင်ဖို့ ကြိုးစားရပါတော့တယ်။ စူပါဟီးရိုးတွေကတော့ ဂျက်စတစ်လိအပြင် DC ဖန်တွေကြိုက်တဲ့ အခြားကာရိုက်တာတွေပါ ပါနေသေးတာမို့ အတော်မြိုင်မြိုင်ဆိုင်ဆိုင်ကြည့်ရပါလိမ့်မယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:39:00 Genre... Animation, Science Fiction, Action  Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ကျွန်တော်တို့ ငယ်ငယ်က တီဗီမှာ စွဲစွဲလမ်းလမ်း ကြည့်ခဲ့ရတဲ့ Justice League ကာတွန်းစီးရီးတွေရဲ့ အရသာကို အပြည့်အဝ ပြန်ပေးစွမ်းနိုင်မယ့် Justice League vs. the Fatal Five (2019) အကြောင်းလေး ရွေးချယ်ပြီး တင်ဆက်ပေးချင်ပါတယ်။ ဇာတ်လမ်းက ၃၁ ရာစု အနာဂတ်ကာလကနေ စတင်ပါတယ်။ အနာဂတ်က The Fatal Five ဆိုတဲ့ ဗီလိန်အဖွဲ့ဟာ သူတို့ရဲ့ အဖွဲ့ဝင်တွေကို ကယ်ထုတ်ဖို့ ပစ္စုပ္ပန်ကာလကို အချိန်ခရီးသွားပြီး ရောက်လာကြပါတယ်။ အဲ့ဒီမှာ Superman, Batman နဲ့ Wonder Woman တို့ပါဝင်တဲ့ Justice League အဖွဲ့ကြီးက Green Lantern အသစ်လေး Jessica Cruz နဲ့ အနာဂတ်ကနေ ရောက်လာတဲ့ Star Boy တို့နဲ့ ပူးပေါင်းပြီး ဒီခြိမ်းခြောက်မှုကို ဘယ်လိုကာကွယ်ကြမလဲ ဆိုတာကို ရင်ခုန်စရာ ရိုက်ကူးထားတာပါ။ ဒီကားကို စကြည့်ကြည့်ချင်းပဲ Bruce Timm ရဲ့ နာမည်ကျော် Art Style ကြောင့် ချက်ချင်းဆိုသလို ငယ်ဘဝကို ပြန်ရောက်သွားသလို ခံစားရပါတယ်။ ဒါ့အပြင် Kevin Conroy (Batman), George Newbern (Superman) နဲ့ Susan Eisenberg (Wonder Woman) တို့ရဲ့ မူလဂန္တဝင် အသံတွေကို ပြန်ကြားရတာက Fan တွေအတွက်တော့ တကယ့်ကို ရင်ခုန်စရာပါပဲ။ ကားရဲ့ အမိုက်ဆုံးနဲ့ အလေးနက်ဆုံး အချက်က အက်ရှင်ချည်းပဲ မဟုတ်တာပါ။ အဓိက ဇာတ်ကောင်နှစ်ယောက်ဖြစ်တဲ့ Jessica Cruz ရဲ့ စိတ်ဒဏ်ရာ (PTSD) နဲ့ စိုးရိမ်ပူပန်မှု (Anxiety) တွေ၊ Star Boy ရဲ့ စိတ်ကျန်းမာရေး ပြဿနာတွေကို အတော်လေး လေးလေးနက်နက်နဲ့ လူသားဆန်ဆန် တင်ဆက်သွားတာက ဇာတ်လမ်းကို ပိုပြီး အသက်ဝင်စေပါတယ်။ : ရုပ်ထွက်က ငယ်ငယ်က ကြည့်ခဲ့ရတဲ့ ကာတွန်းကားတွေလို ဖြစ်နေပေမယ့်၊ တကယ့် Action အခန်းတွေကတော့ လူကြီးတွေအတွက်ပါ ရည်ရွယ်ထားတာမလို့ တော်တော်လေး ကြမ်းပါတယ်။ တိုက်ခိုက်မှုတွေက ပြင်းထန်ပြီး အထိအခိုက် အကျအဆုံးတွေကို လက်တွေ့ကျကျ မြင်တွေ့ရမှာပါ။ Justice League vs. the Fatal Five ဟာ သာမန် စူပါဟီးရိုး အက်ရှင်ကား တစ်ကားထက် ပိုပါတယ်။ ကိုယ့်ရဲ့ စိတ်ပိုင်းဆိုင်ရာ ကြောက်ရွံ့မှုတွေကို ဘယ်လိုကျော်ဖြတ်ပြီး ဟီးရိုးတစ်ယောက် ဖြစ်လာမလဲ ဆိုတာကို ပြသသွားတဲ့ ရင့်ကျက်တဲ့ ဇာတ်လမ်းသွားမျိုး ရှိပါတယ်။ ဂန္တဝင် Justice League ပုံစံကို လွမ်းဆွတ်နေတဲ့သူတွေ၊ Storytelling ကောင်းကောင်းနဲ့ Animation တွေကို သဘောကျတဲ့သူတွေ လုံးဝ ကြည့်သင့်တဲ့ ကားကောင်း တစ်ကားပါ။ File size…    971 MB / 469 MB Quality… Blu -Ray 1080p / 720p Format… mp4 Duration…. 1h 17m Genre ..... Animation, Adventure, SuperHeros Subtitle…. Myanmar Subtitle (Hard Sub)

ဒီကာတွန်းကား ထွက်လာမယ်ဆိုတုန်းက ဂန္ထဝင် Batman: The Animated Series (BTAS) ကို လွမ်းနေတဲ့ ပရိသတ်တွေအတွက်တော့ တကယ့်ကို ရင်ခုန်စရာ သတင်းကောင်းပါပဲ။ ပုံဆွဲဟန် (Art style) ကအစ ငယ်ငယ်က တီဗီမှာ ကြည့်ခဲ့ရတဲ့ ကာတွန်းကားစတိုင်အတိုင်း ပြန်လုပ်ထားတာကိုး။ ဇာတ်လမ်းက ပွိုက်ဇင်အိုင်ဗွီ (Poison Ivy) နဲ့ ဖလိုရိုနစ်မန်း (Floronic Man) တို့ပေါင်းပြီး ကမ္ဘာပေါ်က လူသားတွေအားလုံးကို သစ်ပင်/လူစပ် သတ္တဝါတွေအဖြစ် ပြောင်းလဲပစ်ဖို့ ကြိုးစားတာကို တားဆီးရမယ့် ဇာတ်လမ်းပါ။ ဒီလိုတားဆီးဖို့အတွက် ဘက်တ်မန်း (Batman) နဲ့ နိုက်ဝင်း (Nightwing) တို့ဟာ အိုင်ဗွီရဲ့ သူငယ်ချင်းဟောင်း ဖြစ်ခဲ့ဖူးတဲ့ ဟာလေကွင်း (Harley Quinn) ရဲ့ အကူအညီကို မဖြစ်မနေ ရယူပြီး လိုက်လံရှာဖွေကြတဲ့ Road Trip စွန့်စားခန်းလေး တစ်ခုပါပဲ။ ဒီကားရဲ့ အကောင်းဆုံးအချက်ကတော့ ငယ်ဘဝကို ပြန်ရောက်သွားသလို ခံစားရတာပါပဲ။ ကွယ်လွန်သူ ဂန္ထဝင်မင်းသားကြီး Kevin Conroy နဲ့ Loren Lester တို့ကပဲ Batman နဲ့ Nightwing အသံတွေကို ပြန်လည်သရုပ်ဆောင်ပေးထားတာမို့ အသံကြားတာနဲ့တင် ရင်းနှီးပြီးသား ခံစားချက်ကို အပြည့်အဝ ရရှိစေပါတယ်။ ဟာလေကွင်း အဖြစ် အသံသရုပ်ဆောင်ထားတဲ့ Melissa Rauch (The Big Bang Theory မင်းသမီး) ကလည်း တော်တော်လေး အသံပီပြင်ပြီး ဟာသမြောက်အောင် သရုပ်ဆောင်သွားနိုင်ပါတယ်။ Batman Animated Series ရဲ့ ပုံဆွဲဟန်နဲ့ အသံတွေကို လွမ်းဆွတ်တမ်းတနေတဲ့ ပရိသတ်တစ်ယောက်ဆိုရင်တော့ ဒီကားက ကြည့်ပျော်ပါတယ်။ ဒါပေမယ့် စိတ်ထဲမှာ ဘာမှ သိပ်မမျှော်လင့်ထားဘဲ ဟာလေကွင်းရဲ့ ပေါက်ကရလုပ်ရပ်တွေနဲ့ တလွဲဟာသတွေကို ဦးနှောက်စားသက်သာစွာနဲ့ ပေါ့ပေါ့ပါးပါး ကြည့်မယ်ဆိုရင်တော့ ပိတ်ရက်မှာ အချိန်ဖြုန်းဖို့ မဆိုးလှတဲ့ ဇာတ်ကားတစ်ကား ဖြစ်ပါတယ်။ File size…   786 MB / 360 MB Quality… Blu -Ray 1080p / 720p Format… mp4 Duration…. 1h 35m Genre ..... Animation, Adventure, Comedy Subtitle…. Myanmar Subtitle (Hard Sub)

ဒီလောကကြီးထဲမှာ လူရယ်လို့ဖြစ်လာခဲ့ပြီဆိုရင် လောကဓံရဲ့ရိုက်ချက်တွေကံတရားရဲ့ ကစားကွက်တွေ ချစ်ရသူတွေကို ဆုံးရှုံးခဲ့ရတဲ့ခံစားမှုရဲ့ ဒဏ်တွေကို တစ်ခုမဟုတ်တစ်ခုကတော့ အလူးအလဲခံစားကြဖူးကြမှာပါပဲ ဒီလို နာကျင်မှုတွေ ထိုးနှက်ချက်တွေကြားမှာ လူသားတစ်ယောက်အနေနဲ့ ကြံ့ကြံ့ခံ ရပ်တည်နေနိုင်ပါ့မလား ဒါမှမဟုတ်အရှုံးပေး လက်မြှောက်လိုက်မလား...? ဒါမှမဟုတ် အရာအားလုံးကို နာကျည်းမုန်းတီးသွားမလား…? ဒီဇာတ်ကားထဲမှာတော့ Batman ရဲ့ အဓိကရန်သူတော် Villain ကြီး Joker ဟာ သူဖြတ်သန်းခဲ့ရတဲ့ လောကဓံရဲ့ ရိုက်ချက်တွေ သူ့အပေါ် ပြင်းထန်ခဲ့တဲ့ အခါမှာ သူ့ရဲ့ကျရှုံးမှုတွေ နာကျင်မှုတွေ ကနေ အရာအားလုံးကို နာကျည်း မုန်းတီးသွားခဲ့ပြီး ရူးသွပ်စွာ ရက်စက်တတ်တဲ့ သူတစ်ယောက်အဖြစ်ကို အသွင်ပြောင်းသွားခဲ့ပါတယ် နောက်ပြီး Joker ဟာ သူ့လိုပဲ လူတိုင်းဟာ စိတ်ဒါဏ်ရာ ပြင်းပြင်းထန်ထန် ရသွားခဲ့ ရင် ရူးသွပ်သွားမှာပဲဆိုတဲ့ အချက်ကို သက်သေပြဖို့အတွက် ဘယ်လို ဘယ်ပုံတွေ ရက်စက် အကွက်ချ လုပ်ပြမလဲဆိုတာကတော့ ဒီဇာတ်ကားရဲ့အဓိက ဇာတ်အိမ်ပဲဖြစ်ပါတယ် မြင်ရခဲတဲ့ Jokerရဲ့နောက်ကြောင်းရာဇဝင်ကို ဒီကားထဲ မှာမြင်တွေ့ရမှာဖြစ်ပြီး Batman နဲ့ Joker ရဲ့ကြားထဲက relationship ကို လေးလေးနက်နက်ပုံဖော်ပြထားပါတယ် 1988 ခုနှစ်ကထွက်ရှိခဲ့တဲ့The Killing Joke comicကိုအခြေခံပြီးရိုက်ကူး ထားတဲ့ဒီဇာတ်ကား ဟာ အချိန်ကန့်သတ်ပြသပေမယ့်လဲ ပြသခဲ့တဲ့ နှစ်ရက်အတွင်းမှ3.8သန်းအထိဝင်ငွေရရှိခဲ့ပြီး Box-Office ရဲ့ တတိယနေရာမှာ ခေတ္တရပ်တည်နိုင်ခဲ့ပါတယ် IMDb rating အနေနဲ့ 6.4/10ရရှိထားလို့ ဇာတ်ကားကောင်းတစ်ကားအနေနဲ့ညွှန်းပေးပါရစေ ဇာတ်ကားကို အသေအချာ ဘာသာပြန်ပေးထားပြီး (အထူးသဖြင့် Joker ရဲ့ ဒဿန ဆန်ဆန်ဒိုင်ယာလော့ခ် တွေ) အညွှန်းရေးပေးသူကတော့ ကိုHan Htoo Zaw ပဲ ဖြစ်ပါတယ်။ File Size : 575 MB Quality : Blu-Ray 720p Running Time : 1h 16min Format : Mp4 Genre : Animation, Action, Crime Subtitle : Myanmar Subtitle (Hard Sub) Translated by Han Htoo Zaw Encoded by Kaung Myat Thu

Batman Vs Robin (2015) IMDb: 7.1/10 Rotten Tomatoes: 100% Genre: Animation/Action/Adventure Batman Vs Robin ဟာ "Batman: The Court of Owls" ကိုအသက်သွင်းထားတဲ့ DC Universe Animated Original Movies ရဲ့ ၂၃ ခုမြောက်ရုပ်ရှင်ဖြစ်ပါတယ်။ DC Animation ထဲက အတော်လေးလူသိများတဲ့ ရုပ်ရှင်ဆိုလည်းမမှားပါဘူး။ ပြောရရင်တော့ အဇာတသတ် လက်သစ်လေးအကြောင်းပေါ့ဗျာ။ ဇာတ်ညွှန်း အတိတ်မှာ ဘရုစ်ဝန်းသိခဲ့တာတစ်ခုရှိတယ်။ အဲဒါကတော့ဂေါ့သမ်မြို့မှာ လူချမ်းသာတွေနဲ့ အာဏာရှိတဲ့လူတွေစုပြီးဖွဲ့ထားတဲ့ ဇီးကွက်အဖွဲ့အစည်းဆိုတာရှိခဲ့တယ်။ ဒါပေမယ့် ဘယ်သူမှမမြင်ဖူးတော့ ပုံပြင်သာသာပဲဖြစ်နေပါတယ်။ ကြီးလာတော့ဒေမီယမ်ဝန်းဟာ ရော်ဘင်အဖြစ် ဘတ်မန်းဘေးကနေ အမှုတွေကိုကူလိုက်နေခဲ့ပါတယ်။ ဒါပေမယ့် ဒေမီယမ်ဟာအတော်လေးငယ်သေးတဲ့အတွက် ဒစ်ဂရေဆန်(Nightwing) လိုမျိုး မရင့်ကျက်သေးပါဘူး။ အားလုံးသိတဲ့အတိုင်း ဂေါ့သမ်မြို့ကြီး ကအရမ်းကိုအန္တရာယ်များလှပါတယ်။ မဖြစ်သင့်တာတွေမဖြစ်ရအောင် ကာကွယ်တဲ့အနေနဲ့ ဒေမီယမ်ကို အိမ်ထဲကနေအိမ်ပြင်မထွက်ခိုင်းခဲ့ပါဘူး။ ဒါပေမယ့်လည်းခိုးထွက်ခဲ့တာပါပဲ။ ထွက်ရင်းနဲ့မှ ဇီးကွက်အဖွဲ့အစည်းက တာလွန်တစ်ယောက်နဲ့သွားတွေ့ခဲ့ပါတယ်။ ငယ်သေးတဲ့ ရော်ဘင်လေးဟာအမှန်နဲ့အမှားကိုဆင်ခြင်နိုင်စွမ်းနည်းပါးပြီး ဘက်မှားခဲ့ပါတယ်။ ဘယ်လိုတွေဆက်ဖြစ်လာမလဲဆိုတာကိုတော့ဆက်ပြီးကြည့်လိုက်ကြပါ။ အချိန်ပေးကြည့်ရတာ တန်မယ့်ရုပ်ရှင်ကားကောင်းတစ်ခုဖြစ်ပါတယ်။ File size…    1 GB /  440 MB Quality… BluRay 1080p / 720p Format… mp4 Duration…. 1h 20m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Lucifer Maxmimoff

Batman: Assault on Arkham (2014) IMDb: 7.4/10 Assault On Arkham အတွက် အညွှန်းအနေနဲ့ကတော့ Suicide Squad ဇာတ်ကားမှာတုန်းကAmanda Waller ကို သိခဲ့ကြမှာပါ အဲ့ဒီ့ Amanda Waller ဟာ ဒီကားမှာလည်း Mission တစ်ခုအတွက်Suicide Squad အဖွဲ့သားတွေကို စုဆောင်းပါတယ် အဖွဲ့ဝင်အဟောင်းတွေ ပါသလိုအဖွဲ့ဝင် အသစ်တွေလဲ ပါဝင်ပါတယ်။ Amanda ဟာ ပစ္စည်း တစ်ခု အတွက်Gotham မြို့မှာ ရှိတဲ့ Arkham စိတ္တဇအကျဉ်းထောင်ကို သူ့ရဲ့ Suicide Squad အဖွဲ့သားတွေကို ချိုးဖောက်ဝင်ရောက်စေပါတယ် ဒါပေမယ့် သူတို့အတွက် ခက်ခဲတဲ့ အဟန့်အတားတစ်ခုကတော့ Gotham မြို့ဆိုတာကအားလုံးသိတဲ့ အတိုင်းပဲ Batman ရဲ့ မြို့တော်ဖြစ်တဲ့အတွက် သူတို့လို Villianတွေခြေရှုပ်ဖို့သိပ်မလွယ်ကူပါဘူး ဒီလို စိတ်လှုပ်ရှား စရာတွေ နဲ့ ပြည့်နေတဲ့ ဒီဇာတ်ကားမှာAmanda ဟာ Arkham မှာ ဘာပစ္စည်းကိုယူခိုင်းတာလဲဘာအကြံအစည် တွေရှိလဲ SS အဖွဲ့သားတွေကရော missionကိုအောင်မြင်အောင်စွမ်းဆောင် နိုင်ပါ့မလား SSရဲ့ထုံးစံအတိုင်း Mission အပြီးမှာ ဘယ်သူတွေက အသက်ပေးလိုက်ရမလဲဆိုတာကိုတော့ ဇာတ်ကားလေးထဲမှာပဲ ဆက်လက်ရှုစားပေးပါခင်ဗျာ……… File size…    1 GB /  480 MB Quality… BluRay 1080p / 720p Format… mp4 Duration…. 1h 16m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Jack Senpai

Flash စီးရီး နဲ့ မစိမ်းတဲ့ CM ပရိတ်သတ်ကြီးအတွက် Justice league:Flashpoint paradox ဟာကားကောင်းတစ်ကားဖြစ်မှာပါ flash ရဲ့ရန်သူတော် eobard thawne တစ်ဖြစ်လဲ reverse flash နဲ့တစ်ဖန်ရင်ဆိုင်ရပါပြီ တစ်ည flash museum မှာ reverse flash ဟာ captain cold တို့ပါတဲ့ the rouges တွေနဲ့ flash ကိုထောင်ချောက်ဆင်ပါတယ် ဒါပေမဲ့လည်း justice league နဲ့အတူ flash ဟာ ဒီအခြေအနေကနေလွတ်မြောက်နိုင်ခဲ့ပါတယ် သို့ပေမဲ့လည်းreverse flash က flash ကို သူ့အမေကိုတော ဘယ်တော့မှကယ်နိုင်မှာမဟုတ်ဘူးဆိုတဲ့စကားတခွန်းကြောင့် flash ဟာ time travel လုပ်ပြီး သူ့အမေကိုပြန်သွားကယ်ခဲ့ပေမဲ့လည်း ဒီအကြောင်းကြောင့် ကမ္ဘ္ဘာကြီးဘယ်လိုပြောင်းလဲသွားလဲ flash ကဒီအခြေအနေတွေကိုဘယ်လိုပြောင်းလဲနိုင်မလဲဆိုတာကြည့်ရှုရမှာဖြစ်ပါတယ် (အညွန်းကိုတော့ Swam Htet Nyunt ကရေးသားပေးခဲ့တာပါ) File Size : (870 MB) and (260 MB) Quality : 720p Bluray Running Time : 1h 15min Format : Mp4 Genre :  Animation, Action, Adventure  Subtitle : Myanmar Subtitle (Hard Sub) Translated by Han Htoo Zaw Encoded by Ka Ywa

IMDB 7.4 နဲ့ Rotten Tomatoes 87% ရရှိထားတဲ့ ဇာတ်ကားတစ်ကားပါ။ Justice League ရဲ့ လူဆိုးငါးယောက်ဖြစ်ကြတဲ့ ဘိန်း (Bane)၊ စတားဆက်ဖိုင်းယား (Star Sapphire)၊ ချီတာ (Cheetah)၊ မတ်တယ်လို (Metallo) နဲ့ မယ်လာဖတ်အက်ခ် (Ma'alefa'ak) တို့ဟာ ဗန်ဒယ်လ်ဆဲဗေ့ဂျ် (Vandal Savage) ဆိုတဲ့ လူတစ်ယောက်ရဲ့ ဖိတ်ခေါ်မှုကြောင့် ခေါ်တဲ့နေရာကို ရောက်လာကြတယ်။ သူက Justice League ကိုသတ်ဖို့ စရိတ်၊ တစ်ယောက်သတ်နိုင်ရင် ဒေါ်လာသန်းတစ်ရာအပြင် Justice League အဖွဲ့ဝင်တစ်ယောက်ချင်းစီရဲ့ ကိုယ်နဲ့စိတ်ပိုင်းဆိုင်ရာ ပျော့ကွက်တွေကို အသုံးချပြီး အကွက်ကျကျသတ်ဖို့ နည်းလမ်းတွေကိုပါ ပေးမယ်ဆိုပြီး ကမ်းလှမ်းခဲ့တယ်။ ဒါပေမဲ့ ဒါတွေက သူ့ရဲ့ပိုကြီးမားတဲ့ အကြံအစည်ကြီးတစ်ခုရဲ့ ပထမဆုံးအဆင့်ပဲရှိပါသေးတယ်။ အဲဒီအကြံအစည်က ဘာလဲ၊ ဗန်ဒယ်လ်ဆဲဗေ့ဂျ်ဆိုတာ ဘယ်သူလဲ၊ Justice League က သူ့ရဲ့နည်းလမ်းတွေကို အသုံးချပြီး သတ်တာကို ရှောင်လွှဲနိုင်မှာလား၊ သူ့ရဲ့အကြံအစည်ကိုရော တားနိုင်မှာလား ဆိုတာတွေကတော့... File size…    1  GB /  501 MB Quality… BluRay 1080p / 720p Format… mp4 Duration…. 1h 15m Genre ..... Action/Animation Subtitle…. Myanmar Subtitle (Hard Sub) Encoder…. Thit San Khant Translated by Kasashi

Superman Batman: Apocalypse 2010 ကမို့ ကြာခဲ့ပါပြီ... သို့သော် Superman နဲ့ Supergirl ရဲ့ Super Action တွေဟာ ခုအချိန်ထိ မဟောင်းသေးပါဘူး။ Sir Bat က Action နည်းတယ်လို့ပြောလို့ရပေမယ့် သူ့လုပ်ကွက်တွေကလဲ ခုချိန်ထိ အရမ်းကို Batman ဆန်နေဆဲပါ။ Batman ဆန်နေမှတော့ ကြည့်လို့ကောင်းပြီရယ်ပေါ့။ အကောင်းဆုံး ဇာတ်ကားတစ်ကားလို့မပြောပေမယ့် အစကနေ ပြီး အဆုံးထိ ပေါ့ပေါ့ပါးပါးလေး သူခေါ်သွားပါလိမ့်မယ်။ DC Trinity ရဲ့ ချစ်စရာ အမူအကျင့်လေးတွေကို Supergirl ရဲ့ အပြစ်ကင်းစစ် ချစ်စရာကောင်းမှု နဲ့ အတူ ကြည့်ရမှာပါ။ BatFan တွေ ကြိုက်ကြသလို Superman Fan တွေလဲ အားရကြပါတယ်... DC ဟာ Animation မှာ နာမည်ရှိပါတယ်.... အဲ့လိုဖြစ်စေတဲ့ Animations များစွာထဲမှာ ဒီ Animation လေး အပါအဝင်ပါပဲ... ဒီ Animation Movie လေးကို ဘာသာပြန်ပေးထားတာကတော့ Han Minn ဖြစ်ပြီး Review ကိုလဲ ကိုယ်တိုင်ရေးပေးထားပါတယ်။ File size…    1.6 GB /  701 MB Quality… WEB-DL 1080p / 720p Format… mp4 Duration…. 1h 18m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Han Minn

Superman/Batman: Public Enemies(2009) IMDb: 7.1/10 Rotten Tomatoes: 67% Superman/Batman: Public Enemies(2009) ဟာ DC Universe Animated Original Movies ရဲ့ ခြောက်ကားမြောက်ရုပ်ရှင်ဖြစ်ပါတယ်။ စူပါမန်းနဲ့ဘတ်မန်းတို့ နှစ်ယောက်ရဲ့လက်တွဲညီမှုကိုတွေ့ရမှာဖြစ်ပါတယ်။ အတော်လေးလည်းကောင်းမွန်လှတဲ့ ရုပ်ရှင်တစ်ခုဖြစ်ပါတယ်။ ဇာတ်ညွှန်း ဥက္ကာခဲ ကြီးတစ်ခု ကမ္ဘာကိုတည့်တည့်ကြီးဝင်လာနေပါတယ်။ ဂေါ့သမ်တစ်မြို့လုံးလည်း ကဗြောင်းကိုသတ်နေပါတယ်။ အားလုံးထဲမှာအဆိုးဆုံးကတော့ လက်စ်လူသာတစ်ယောက် အမေရိကန်ပြည်ထောင်စုရဲ့ သမ္မတဖြစ်လာတာပါပဲ။ စူပါဟီးရိုးဆိုရင်ကြည့်မရတဲ့ လက်စ်လူသာတစ်ယောက် စူပါဟီးရိုးတွေကို လိုက်လံဖမ်းဆီးပါတော့တယ်။ လူသာဟာစူပါမန်းကိုလူသတ်ကောင်လို့ အကွက်ဆင်ပြီး လူထုနဲ့သွေးခွဲလိုက်ပါတော့တယ်။ တစ်ဖက်မှာက ဥက္ကာခဲ၊ တစ်ဖက်မှာက အာဏာရော ဉာဏ်ရည်ရောပြည့်စုံတဲ့ လက်စ်လူသာ၊ အဲဒီလူနှစ်ယောက်ကို စူပါမန်းနဲ့ဘတ်မန်းတို့နှစ်ယောက်ဘယ်လိုများ ရင်ဆိုင်သွားမှာလဲ။ File size…    1.2 GB /  577 MB Quality… BluRay 1080p / 720p Format… mp4 Duration…. 1h 7m Genre ..... Animation/Action/Drama Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

Batman Gotham knight ‐----------------------------------- ဒီmovie ဟာ batman animated movie ​တွေထဲက ထူးခြားတဲ့ movieတစ်ခုဖြစ်ပါတယ်။ အပိုင်းငယ် ၆ ပိုင်းပါရှိပြီး animation style ၊ story နဲ့ plot မတူညီကြပါဘူး။ အပိုင်းတစ်ပိုင်းစီက ဆာဘတ်တစ်​ယောက် Gotham ရဲ့ protector အ​နေနဲ့ ဘယ်လို​​လေ့ကျင့်ခဲ့တယ် ဘယ်လို အခက်အခဲ​တွေ ​ကိုရင်ဆိုင်လွှားရတယ်ဆိုတာကို မတူညီတဲ့ animation style​တွေနဲ့ပြသ​ပေးသွားမှာဖြစ်တဲ့အတွက် ရှု့စားကြည့်ကြပါဦးခင်ဗျာ... Batman assault on arkham ဒီဇာတ်လမ်းက​တော့ Batman ဆို​ပေမဲ့ suicide squad အဖွဲ့ဝင်​တွေဖြစ်တဲ့ Harley Quinn , Deadshot စတဲ့ Batman villain ​တွေကိုအသား​ပေးပြသထားတာဖြစ်ပါတယ်။ storyက​တော့ Riddler ခိုးယူသွားတဲ့ ပစ္စည်းတစ်ခုကိုပြန်ယူဖို့ Amanda Wallerဟာ Suicide squad ကိုထပ်ဖွဲ့စည်းပြီး စိတ္တဇအကျဥ်း​ထောင် Arkhamကို ဝင်​ဖောက်​စေခဲ့ပါတယ်။ အားလုံးသိကြတဲ့အတိုင်း Arkham ​က အဓိက villain ​တွေကို ဖမ်းထားတဲ့​နေရာဖြစ်တဲ့အတွက် လုံခြုံ​ရေးကအရမ်းတင်းကြပ်ပါတယ်။ အဲ့ဒါအပြင် ဆာဘတ် ရဲ့ရန်ကိုလဲ ​ကြောက်ကြရတဲ့ suicide squad အဖွဲ့ဝင်​တွေက သူ​တို့ရဲ့ missionကိုဘယ်လိုလုပ်သွားကြမလဲ.... ထုံးစံအတိုင်း mission အပြီး ဘယ်သူ​တွေအသက်ဆက်ရှင်ကြမလဲဆိုတာကို​တော့ ဇာတ်လမ်းထဲမှာပဲ ဆက်လက်ရှု့စားလိုက်ကြပါဦးခင်ဗျာ... File size…    1.7 GB /  667 MB Quality… BluRay 1080p / 720p Format… mp4 Duration…. 1h 40m Genre ..... Animation/Action/Crime Subtitle…. Myanmar Subtitle (Hard Sub) Encoder…. LegoHeart Translated by Jack Senpai

Batman: Mystery of Batwoman(2003) IMDb: 6.6/10 Rotten Tomatoes: 60% Genre: Animation/Action/Crime Batman: Mystery of Batwoman ဟာ ၂၀၀၃ခုနှစ်ထွက် ရုပ်ရှင်ဇာတ်လမ်းတစ်ခုဖြစ်ပါတယ်။ ဇာတ်ညွှန်း ဘတ်မန်းနဲ့ ရော်ဘင်တို့နှစ်ယောက် ပြဿနာတစ်ခုကြုံနေရပါတယ်။ အဲဒါကတော့ စူပါဟီးရိုးအသစ် ဘတ်ဝူးမန်းပေါ်လာတာဖြစ်ပါတယ်။ သူ(မ)ဟာ ဘာဘရာ(ဘတ်ဂဲလ်) မဟုတ်သလို အရင်ကရှိခဲ့ဖူးတဲ့လူလည်းမဟုတ်ပါဘူး။ လုံးဝကိုအသစ်ဖြစ်ပါတယ်။ နာမည်ကျော်လူဆိုး ပင်ဂွင်း၊ ဒစ်ကမ့်နဲ့ ရူးပတ်သွန်းတို့သုံးယောက်ဟာ ကက်ရှ်နီးယားဒေသအတွက် တရားမဝင်လက်နက်များကိုထုတ်ပေးနေခဲ့ပါတယ်။ ဒါပေမယ့်လည်းတင်ပို့ခါနီးမှာ အမျိုးသမီး စူပါဟီးရိုးအသစ်တစ်ယောက်က သူတို့ကိုလာတားခဲ့ပါတယ်။ ဒါပေမယ့် ဒီတစ်ခါပေါ်လာတဲ့ တစ်ယောက်ကဘယ်သူမှမမြင်ဖူးတဲ့ ဟီးရိုးအသစ်ဖြစ်ပါတယ်။ ဘတ်မန်းနဲ့ရော်ဘင်တို့နှစ်ယောက်တောင် ဘယ်သူမှန်းမသိခဲ့ပါဘူး။ တစ်ဖက်မှာက ပင်ဂွင်းတို့အုပ်စု... တစ်ဖက်မှာက ဘတ်ဝူးမန်း... ဘတ်မန်းတစ်ယောက်ဘယ်လိုမျိုးကိုင်တွယ်ဖြေရှင်းသွားမှာလဲ။ File size…    1.2 GB /  573 MB Quality… BluRay 1080p / 720p Format… mp4 Duration…. 1h 15m Genre ..... Animation/Action/Crime Subtitle…. Myanmar Subtitle (Hard Sub) Encoder…. LegoHeart Translated by LuciferMaximoff

DC ရဲ့ စူပါဟီးရိုးတွေ အကြောင်း သေချာသိချင်ရင်Justice League ကို ကြည့်ရမှာပါ Justice League မှာတော့ ဘတ်မန်း နဲ့ စူပါမန်းဦးဆောင် တဲ့ စူပါဟီးရိုး အဖွဲ့ရယ် ဗီလိန်တွေ အကြောင်းရယ် သေချာပြည့်စုံတဲ့ ဒီ Animated Series ကို တင်ပေးချင်နေတာ အတော်ကြာပါပြီ ခုတော့ DC Fan တွေ အတွက် တင်ပေးလိုက်ပါပြီ တစ်လ မှာ အပိုင်း ၂၀ လောက်စီ တင်ပေးနိုင်အောင် ကြိုးစားမှာဖြစ်လို့ CM Fan များ တစ်ဝကြီး ကြည့်ရှုနိုင်ပါပြီ File Size – 325MB@Episode Quality – 1080p Blu Ray Duration – 22 minute (@Episode) Total Episodes: 52 Subtitle – Myanmar Hardsub Format – Mp4 Genre : Animation & Action & Adventure Translator – CM Team Encoder – Thit San Khant

DCAU ရဲ့ရွှေခေတ်လို့ ပြောလို့ရတဲ့ ၁၉၉၀ ကနေ ၂၀၀၀ ဝန်းကျင်လောက်မှာ Batman original Animation ကတော်တော်လေးအောင်မြင်တဲ့ခေတ်ပါ။ Batman: Mask of the Phantasm တို့ Batman original series တွေက လူတွေသည်းခြေကြိုက်ပါ ။ အခုဒီဇာတ်လမ်းကလည်း ၁၉၉၉ မှာထွက်ခဲ့တဲ့ Batman Beyond series ကနေဆက်ပြီးထွက်ထားတဲ့ Standalone Movie ပါ။ Batman Beyond ဆိုတာ အနာဂတ် ဂေါ်သမ်မှာ ဘရုစ်ဝိန်းဟာ ဇရာထောင်းလာပြီဖြစ်လို ကိုယ်တိုင် ကာယ အားကိုးပြီးတော့ Batman မလုပ်နိုင်တော့လို့ တယ်ရီမဂ္ဂင်းနစ် ဆိုတဲ့လူငယ်လေးကို ကိုယ်တိုင်သင်ကြားပြီးတော့ ဘရုစ်ကိုယ်တိုင် မော်နီတာနောက်ကနေ ကြီးကြပ်ပေးနေတာပါ။ ဒီနေရာမှာ Batman အသစ်ဟာ ဘရုစ်ရဲ့ ဘတ်မန်းလောက်မကြမ်းတော့မယ့် ဘရုစ်က ဉာဏအားနဲ့ပံ့ပိုးပေးနေတဲ့အတွက် Batman ရဲ့လုပ်ကွက်တွေကိုပိုပြီးပေါ်လွင်စေပါတယ်။ ဒီဇာတ်လမ်းမှာလည်း Batman Voice actor အနေနဲ့ Batman ဆိုရင်သူနဲ့လုံးဝခွဲ မရတဲ့ Kevin Convoy ကသရုပ်ဆောင်ထားပြီး Joker အနေနဲ့ Luke Skywalker မင်းသား Mark Hamill ပါပဲ။ Batman animation မှာ Batman animation အသံသရုပ်ဆောင်လောကမှာ လွမ်းမိုးမှုအရှိဆုံး ဘတ်မန်း နဲ့ ဂျိုကာ အသံကိုပုံဖော်ခဲ့တဲ့ သူနှစ်ယောက်က ပါဝင်ထားပါတယ်။ ဇာတ်လမ်းအကျဉ်းအနေနဲ့ အနာဂတ်ဂေါ်သမ်မှာ တယ်ရီက Batman အသစ်အဖြစ် လှုပ်ရှားနေတုန်း တစ်ချိန်က Batman ရဲ့ အဓိက ဗီလိန်တစ်ယောက်ဖြစ်တဲ့ Joker က ထူးဆန်းစွာပဲပြန်လည်ပေါ်ပေါက်လာခဲ့ပါတယ်။ ဒါကလုံးဝမဖြစ်နိုင်ဘူးဆိုပေမယ့် နောက်ကွယ်မှာဘယ်လို ဖြစ်နေလဲ အရင် Batman အဟောင်းဖြစ်တဲ့ ဘရုစ်ဝိန်းဆီမှာရော ဘာလျှို့ဝှက်ချက်တွေရှိလဲ ဆိုတာကို ဇာတ်လမ်းအလှည့်ပြောင်းကောင်းကောင်း Dark ဖြစ်တဲ့ ဇ ာတ်လမ်းသွားပုံစံမျိုးနဲ့ တင်ဆက်ပေးထားပါတယ်။ ဒီဇာတ်လမ်းက ဝေဖန်သူတွေအနေနဲ့ Batman: Mask of the Phantasm ထက်တောင်ပိုကောင်သေးတယ်ဆိုပြီး ညွှန်းလောက်တဲ့အထိကိုကောင်းတာပါ။ Rotten Tomatoes မှလည်း 100% ရရှိထားပြီး ဆရာဘတ်ဖန်ဖြစ်ပြီး ဒီ Animation ကိုမကြည့်ရသေးဘူးဆိုရင်တော့ လူဖြစ်ရကျိူးနပ်အောင်ကြည့်လိုက်ပါတော့။ File Size : 1 GB / 690 MB Quality : Bluray 1080p / 720p Running Time : 1hr 16minutes Genre : Animation, Action, Crime Translator : Nikobaby Encoder : Thit San Khant

1998 ခုနှစ်ကထွက်ရှိထားပြီး IMDB 7.1 နဲ့ Rotten Tomatoes 92% ရရှိထားတဲ့ ဒီဇာတ်ကားမှာတော့ ဘတ်မန်းရဲ့ အဓိကဗီလိန်တွေထဲကတစ်ယောက်ဖြစ်တဲ့ မစ္စတာဖရိဇ် (Mr. Freeze) ဟာ ဒုစရိုက်မှုတစ်ခုထပ်လုပ်ဖို့ အကြောင်းဖန်လာတယ်။ ဒါပေမဲ့ တခြားအကြောင်းကြောင့်မဟုတ်ဘဲ သေခါနီးဖြစ်နေလို့ အအေးလွန်ဖန်ပေါင်းချောင်ထဲထည့်ထားရတဲ့ သူ့ရဲ့မိန်းမဖြစ်သူ နိုရာဖရီးစ်ကို ကုသဖို့ အစားထိုးအင်္ဂါလိုအပ်နေတာကြောင့်ပါပဲ။ သူ့မိန်းမရဲ့ သွေးအမျိုးအစားက ရှားတဲ့အထဲပါသလို သေပြီးသားအင်္ဂါအလှူရှင်လည်း မရှိတဲ့အခါမှာ မစ္စတာဖရိဇ်ဟာ အသက်ရှင်နေတဲ့ အလှူရှင်တွေကို အသုံးချဖို့လုပ်လာပါတယ်။ အကိုက်ညီဆုံးအလှူရှင်ကို ရှာကြည့်တော့ ဘတ်မန်းကို Bat signal နဲ့အမြဲခေါ်နေတဲ့ ရဲဖြစ်သူ ဂျိမ်းစ်ဂေါ်ဒွန်ရဲ့ သမီးဖြစ်ပြီး ရော်ဘင်ရဲ့ရည်းစားဖြစ်သူ ဘားဘရာဂေါ်ဒွန်ဖြစ်နေတဲ့အချိန်မှာ... File size…    1.9 GB /  842 MB Quality… BluRay 1080p / 720p Format… mp4 Duration…. 1h 10m Genre ..... Action/Animation Subtitle…. Myanmar Subtitle (Hard Sub) Encoder…. Thit San Khant Translated by Kasashi

IMDB 7.8 နဲ့ Rotten Tomatoes 88% ရရှိထားတဲ့ ဘတ်မန်းကားဖြစ်ပါတယ်။ ကျွန်တော်တို့ရဲ့ အချစ်တော်ဟီးရိုးကြီး ဘတ်မန်းဟာ မိသားစုရေးမှာတင်မကဘဲ အချစ်ရေးမှာလည်း ကံမကောင်းခဲ့ပါဘူး။ သူ့မိဘတွေရဲ့ သင်္ချိုင်းမှာဆုံတွေ့ခဲ့တဲ့ သူဌေးကြီးကားလ်ဘိုးမွန့်ရဲ့သမီးဖြစ်သူ အန်ဒရေရာဘိုးမွန့်နဲ့တွေ့ပြီး ချစ်ကြိုက်သွားပြီးနောက်မှာ ဘရု(စ်)ဝိန်းက လက်ထပ်ခွင့်ပါတောင်းခဲ့ပါတယ်။ အန်ဒရေရာကလက်ခံပြီး နောက်နေ့မှာပဲ အကြောင်းအမျိုးမျိုးကြောင့် အန်ဒရေရာဟာ စာတစ်စောင်သာပေးခဲ့ပြီး ပျောက်ခြင်းမလှပျောက်သွားပါတော့တယ်။ ဒါပေမဲ့ ငါးနှစ်ကြာတဲ့အခါမှာ အန်ဒရေရာဟာ ဂေါ့သမ်မြို့ထဲကိုပြန်ရောက်လာခဲ့ပေမဲ့ ပြဿနာတွေပါ ပါလာခဲ့ပါတယ်။ အဲဒီပြဿနာတွေဟာ အန်ဒရေရာနဲ့တင်မကဘဲ ဂျိုကာနဲ့ပါဘယ်လိုဆက်စပ်နေတယ်ဆိုတာကိုတော့ CM ပရိသတ်ကြီးတို့ စောင့်မျှော်ကြည့်ရှုလိုက်ကြဖို့ တိုက်တွန်းလိုက်ပါတယ်ဗျာ။ File size…    2.8 GB /  892 MB Quality… BluRay 1080p / 720p Format… mp4 Duration…. 1h 16m Genre ..... Action/Animation Subtitle…. Myanmar Subtitle (Hard Sub) Encoder…. Thit San Khant Translated by Kasashi

Batman လို့ပြောလိုက်ရင် မျက်လုံးထဲမှာ ဘယ် Batman ကို ပြေးမြင်မိကြလဲ။ Christain Bale ရဲ့ Batman လား , Michael Keaton ရဲ့ Batman လား ။ ကျွန်တော်ကတော့ ဒီ Batman Animatied ထဲက Batman ကိုပဲပြေးမြင်မိပါတယ်။ ကွယ်လွန်သူ Kevin Conroy ရဲ့ ဒီ Series ထဲက Batman ရဲ့အသံက အခုအချိန်ထိ ဘယ်သူ့မှ လိုက်မမိတဲ့အထိကို Iconic ဖြစ်ပြီး လိုက်လွန်းလှပါတယ် ။ သူမသေခင်ထိ Batman ကို ဘယ်သူ့ကိုမှအသံပေးမလုပ်ဘူးသူပဲ လုပ်မယ်ဆိုတဲ့အထိ သူ့ဇာတ်ကောင်ကို ချစ်ခဲ့တာပါ။ သူ့ကြောင့်လည်း ဒီ Series က Batman ရဲ့ Iconic ဖြစ်မှု Pop Culture , SuperHero Genre မှာ နေရာတခုရလာတဲ့ အထိအောင်မြင်လာတာပါ။ Mark Hamill (The Joker): ဂျိုကာ ဆိုရင် Mark Hamill ရဲ့ ရယ်သံကိုပဲ ပြေးသတိရတဲ့အထိ သူ့ရဲ့ အသံက ရူးသွပ်မှုနဲ့ ကြောက်မက်ဖွယ်ကောင်းမှုကို အကောင်းဆုံး ပေါင်းစပ်ထားပါတယ်။ သူတို့နှစ်ယောက်ရဲ့ Chemistry က တကယ့်ကို ရွှေပါပဲ။ Kevin Conroy မရှိရင် သူလည်း Joker ကို ဆက်အသံသရုပ်မဆောင်နိုင်ဘူးဆိုပြီး Mark Hamill ကိုယ်တိုင်က ပြောခဲ့တဲ့အထိကို သူတို့နှစ်ယောက်ဲရဲ့ Bond ကကောင်းပါတယ်။ 1992 ခုကထွက်ထားပေမဲ့ အခုချိန်ထိ Timeless ဖြစ်ဖြစ်ကြည့်လို့ရနေတဲ့ Series တခုပါ။ Batman ဆိုတဲ့ ဇာတ်ကောင်အကြောင်းကို ခရေစေ့တွင်းကျ သေသေချာချာပြနိုင်တဲ့ Series လည်းဖြစ်ပါတယ်။ ဘာလို့လဲဆိုတော့ ဒီ Series က အပိုင်းတွေများတဲ့ အတွက် Batman ရဲ့ Villains တွေအကုန်ရော Batman ဆိုတဲ့ Bruce Wayne ဆိုတဲ့သူက ဘယ်လိုလဲဆိုတာကိုပါ သေချာပြနိုင်တဲ့ Series ပါ။ ဒီနေ့ထိ Batman Live action တွေ Animation တွေဆို သူ့ရဲ့ ဇာတ်ကောင် ပုံစံကို ဒီကနေ မှီငြမ်းထားကြတာပါ။ Paul Dini တို့လို စာရေးဆရာတွေကြောင့် ဇာတ်ကောင်တိုင်းမှာ Depth ရှိပါတယ်။ ဗီလိန်တွေကို ရိုးရိုးရှင်းရှင်း "ကမ္ဘာကြီးကို ဖျက်ဆီးမယ်" ဆိုတဲ့ မကောင်းဆိုးဝါးတွေလို မပြဘဲ၊ သူတို့ရဲ့ စိတ်ဒဏ်ရာတွေကိုပါ ထည့်ရေးထားတာပါ။ Mr. Freeze ရဲ့ "Heart of Ice" အပိုင်းဆိုရင် တကယ့်ကို ရင်နင့်စရာကောင်းပြီး Emmy Award တောင် ရခဲ့တဲ့အထိ အောင်မြင်ခဲ့ပါတယ်။ ပြီးတော့ Harley Quinn, အခုချိန်မှာ အရမ်းနာမည်ကြီးနေတဲ့ Harley Quinn ဟာ Comic ကနေလာတာမဟုတ်ဘဲ ဒီ Animated Series ကနေမှ Paul Dini က စတင်ဖန်တီးပေးခဲ့တာပါ။ ဒီတော့ ဒီ Series ကဘယ်လောက်တောင် လွှမ်းမိုးမှုကြီးလဲ စဉ်းစားသာကြည့်လို့ရပါတယ်။ BTAS ဟာ Batman ရဲ့ Action တွေတင်မကဘဲ၊ ကမ္ဘာ့အကောင်းဆုံး စုံထောက် (World's Greatest Detective) ဆိုတဲ့ ဂုဏ်ပုဒ်နဲ့အညီ မှုခင်းစုံစမ်းတဲ့အပိုင်းတွေ၊ Bruce Wayne ရဲ့ စိတ်ပိုင်းဆိုင်ရာ ရှုပ်ထွေးမှုတွေကိုပါ အမိအရ ဖမ်းဆုပ်နိုင်ခဲ့တဲ့ အကောင်းဆုံး ဖန်တီးမှုပါပဲ။ ဒီထက် ဆက်ညွှန်းရင် ကြည့်ရမှာ အရသာပျက်မှာဆိုးလို့ ကိုယ်တိုင်သာ ကြည့်လိုက်ပါတော့။ File size… 300 MB(Appx;)@Episode Quality… Blu - Ray 1080p Format… mp4 Duration…. 20m @Episode Genre ..... Animation , Superhero , Action Subtitle…. Myanmar Subtitle (Hard Sub)