Kim Coates ပါဝင်သော ဇာတ်ကားများ

Solo Mio (2026) IMDb Rating (7.0) / Rotten Tomatoes (83%) ဟာသသရုပ်ဆောင် Kevin James ပါဝင်ပြီး သူ့ရဲ့ထုံးစံအတိုင်းပေါ့ပေါ့ပါးပါးနဲ့ ကြည့်ရမယ့် Romantic Comedy ကားလေးဖြစ်ပြီး အီတလီနိုင်ငံ၊ ရောမမြို့မှာ ရိုက်ကူးထားတာပါ။ ဇာတ်လမ်းကတော့ မင်္ဂလာဆောင်ဖို့ ရောမမြို့ကို ရောက်လာတဲ့ သတို့သားလောင်းတစ်ယောက် (Kevin James) က မင်္ဂလာပွဲမှာတင် အကြီးအကျယ် ကွဲပြဲပြီး အသည်းကွဲကာတစ်ယောက်တည်း သောင်တင်ကျန်ရစ်ခဲ့ပုံကနေ စပါတယ်။ စီစဉ်ထားသမျှ ဟန်းနီးမွန်းအစီအစဉ်တွေ အကုန်ပျက်စီးပြီး စိတ်ဓာတ်ကျနေတဲ့ သူ့ဘဝထဲကို ဒေသခံအမျိုးသမီးတစ်ဦးနဲ့ ခရီးသွားအဖွဲ့တစ်စုက ဝင်လာပါတော့တယ်။ တစ်ယောက်တည်း ဖြစ်ရမှာထက်စာရင် အဲဒီလူတွေနဲ့အတူ ရောမမြို့အနှံ့ လျှောက်သွားရင်း၊ အလွဲတွေကြုံရင်းနဲ့ ဘဝရဲ့ အသည်းကွဲဒဏ်ရာကတကယ်တော့ အဆုံးသတ်မဟုတ်ဘဲ အစပြုခြင်းတစ်ခုသာဖြစ်ကြောင်း သူဘယ်လို ရှာဖွေတွေ့ရှိသွားမလဲဆိုတာကို ရိုက်ပြထားတဲ့ Rom-com ကားကောင်းလေးဖြစ်ပါတယ်။ File size… (4.6 GB) / (1.2 GB) / (820 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Romance Duration…. 01:36:54 Subtitle…. Myanmar Subtitle (Hardsub)

တရားမဝင်လောင်းကြေးမြင့် ဘိလိယက်လောင်းကစားအိမ်ကို ဒိုင်ယာနာဆိုတဲ့အမျိုးသမီးငယ်လေးတစ်ယောက် ဘိလိယက်ထိုးဖို့ ရောက်လာရာမှ သူမရဲ့အရည်အချင်းကို ဘိလိယက်ခုံပိုင်ရှင်ဖြစ်သူ နစ်ခ်မှ သဘောကျကာ သူ့အတွက်လောင်းကြေးမြင့် ဘိလိယက်ကစားပေးပြီး အကျိုးအမြတ်ခွဲယူကြရန် ကမ်းလှမ်းပါတော့တယ်။ ဒိုင်ယာနာတစ်ယောက် ကမ်းလှမ်းချက်ကို လက်ခံပြီးနောက် သူမမျှော်လင့်ထားသလို အကျိုးအမြတ်ရလာမလား။နစ်ခ်ရဲ့ နိုင်ထက်စီးနင်းပြုမှုတွေ လောင်းကစားရဲ့မထင်မှတ်ထားတဲ့အချိုးအကွေ့ နဲ့ ဇာတ်လမ်းရဲ့မြှုပ်ကွက်တွေကို စိတ်ဝင်စားဖွယ်ကြည့်ရှုရမယ့် ဇာတ်လမ်းတစ်ပုဒ်ဖြစ်ပါတယ်။ File size…(1.8 GB)/(890 Mb) Quality….Webrip 1080p / 720p Format…mp4 Duration….02:00:00 Genre...Drama, Thriller Subtitle….Myanmar Subtitle (Hardsub) Encoder….Mr. Anderson Translated by Eunice

၁၉၇၄ ခုနှစ်မှာ အမေရိကန်သမ္မတ ရစ်ချက်နစ်ဆင် နှုတ်ထွက်ပေးလိုက်ရတဲ့အထိ ဖြစ်စေခဲ့တဲ့ ဖြစ်ရပ်မှန်ဝါးတားဂိတ်အရှုပ်တော်ပုံကို အခြေခံပြီး ရိုက်ကူးထားတဲ့ ဇာတ်လမ်းလေးပဲဖြစ်ပါတယ်။ သမ္မတ ရစ်ချက်နစ်ဆင်ဟာ ၁၉၆၉ ခုနှစ် ကနေ ၁၉၇၂ ခုနှစ်ထိ သမ္မတရာထူးတစ်ဆက် တာဝန်ထမ်းဆောင်ခဲ့ပြီးတဲ့နောက် နောက်ထပ်တစ်ကြိမ် ပြန်အရွေးခံရဖို့အတွက် ကြိုးပမ်းရင်း ဒီဝါးတားဂိတ်အရှုပ်တော်ပုံဆိုတာ ပေါ်လာခဲ့ရခြင်းပဲဖြစ်ပါတယ်။ နစ်ဆင်အနိုင်ရဖို့ သမ္မတပြန်လည်ရွေးကောက်ရေးကော်မတီပါဖွဲ့ခဲ့ပြီး ပြိုင်ဘက်အမတ်လောင်းရဲ့ ဒီမိုကရက်တစ်ပါတီ နေရှင်နယ်ဌာနချုပ်ဖြစ်တဲ့ ဝါးတားဂိတ်အဆောက်အအုံကို ဖောက်ထွင်းဝင်ပြီး အသံဖမ်းစက်တွေတပ်ဖို့ကြိုးစားခဲ့ကြပါတယ်။ ဒီဇာတ်လမ်းထဲမှာတော့ နစ်ဆင်ထောက်ခံသူ မျိုးချစ်နှစ်ယောက်ဖြစ်တဲ့ အက်ဖ်ဘီအိုင်အေးဂျင့်ဟောင်းဂေါ်ဒန်လစ်ဒီနဲ့ စီအိုင်အေအေးဂျင့်ဟောင်း ဟားဝပ်ဒ်ဟန့်တ်တို့က အဲဒီဖောက်ထွင်းမှုတွေကို ဦးဆောင်ခဲ့ပုံတွေအကြောင်း တင်ဆက်ထားပါတယ်။ နိုင်ငံရေးဖြစ်ရပ်မှန်ဇာတ်လမ်းကို အခြေခံထားပေမဲ့ စိတ်လှုပ်ရှားစရာအက်ရှင်ကားမျိုးအနေနဲ့ ကြည့်ရမှာမဟုတ်ဘဲ အေးဂျင့်၂ ယောက် ဝါးတားဂိတ်ရုံးခန်းထဲဝင်ရဖို့ အကြိမ်ကြိမ်ကျရှုံးပုံတွေကို ပြုံးချင်စရာကောင်းအောင်တင်ဆက်ထားတဲ့ သရော်ဇာတ်လမ်းမျိုး (Political Satire) ဖြစ်ပါတယ်။ HBO ကထုတ်ထားတာဖြစ်ပြီး Cast တွေကလည်း Now you see me and True detective duo ထဲက star, WOODY HARRELSON နဲ့ The Leftovers ထဲက JUSTIN THEROUX တို့က chaotic duo အဖြစ် အကောင်းဆုံးပုံဖော်သရုပ်ဆောင်ထားတာကြောင့် ကောင်းမကောင်းပြောနေဖို့တောင်လိုမယ်မထင်တော့ပါဘူး။ အားပေးကြည့်ရှုလိုက်ကြပါဦး‌။ File size…(830 MB)/(440 Mb) Quality….Webrip 1080p / 720p Format…mp4 Duration….00:56:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Monica May

ကင်ဆာရောဂါခံစားနေရတဲ့ ဖခင်မှာ သမီးနှစ်ယောက်နဲ့ သားနှစ်ယောက် ရှိပါတယ်။ သမီးဖြစ်သူ မိုနာကတော့ အဖေနဲ့အတူနေပြီး အနီးကပ် ပြုစုပေးနေသူပါ။ ကျန်တဲ့မောင်နှမတွေက အလုပ်အကိုင်အတည်တကျနဲ့ ကိုယ့်ဘဝကိုယ် ထူထောင်နေကြပေမယ့် မိုနာကတော့ စာရေးဆရာမဖြစ်ချင်တဲ့ ဆန္ဒကို အကောင်အထည်မဖော်နိုင်သေးဘူး။ သူ့စိတ်ထဲမှာ ဇာတ်လမ်းရှိတယ်လို့ ပြောနေပေမယ့် စာအုပ်တစ်အုပ်ကိုတောင် မယ်မယ်ရရ မရေးဖြစ်သေးပါဘူး။ တစ်နေ့မှာ အဖေ ကိုမာဝင်သွားတဲ့အတွက် မိုနာက တစ်နေရာစီမှာ နေထိုင်နေတဲ့ မောင်နှမတွေကို လှမ်းခေါ်လိုက်ပါတယ်။ အဖေ့အကြောင်းနဲ့ ပြန်ဆုံကြတဲ့အချိန်မှာတော့ မောင်နှမတွေကြား ကတောက်ကဆဖြစ်လာပြီး တစ်ယောက်ရဲ့အားနည်းချက်ကို တစ်ယောက်က ထိုးနှက်ပြောဆိုကြတယ်။ အဖေ့ကျန်းမာရေးအတွက် အတူရှိနေရချိန်မှာပဲ ကိုယ်စီရဲ့ မတူညီတဲ့အမြင်တွေနဲ့ မိသားစုတွင်းက အဆင်မပြေမှုတွေကို ရင်ဆိုင်ကြရပါတယ်။

မျက်မမြင် နှင်းလျှောစီးအားကစားသမား ဆိုဖီဟာ အိုလံပစ်ပြိုင်ပွဲကို လွဲချော်သွားပြီးနောက် သူဌေးအိမ်တွေမှာ အိမ်မွေးတိရစ္ဆာန်တွေကို စောင့်ရှောက်ပေးရင်း ဝင်ငွေရှာနေပါတယ်။ သူ့ကို စိတ်ပူတဲ့အမေက မျက်မမြင်တွေအတွက် ထုတ်ထားတဲ့ See For Me ဆိုတဲ့ အက်ပ်တစ်ခုကို သုံးကြည့်ဖို့ ညွှန်ပေးတယ်။ အကူအညီလိုသူက ဖုန်းနဲ့ ဗီဒီယိုခေါ်ပြီး ပတ်ဝန်းကျင်ကို ပြပေးရင် စေတနာ့ဝန်ထမ်းတစ်ယောက်က ဖုန်းကနေ ကြည့်ပြီး လိုအပ်တာတွေ ရှာပေးတာ၊ လမ်းညွှန်ပေးတာမျိုး လုပ်ပေးတဲ့ အက်ပ်ပါ။ ဆိုဖီလည်း အဲဒီအက်ပ်ကတစ်ဆင့် မိန်းကလေးတစ်ယောက်နဲ့ ခင်မင်သွားပါတယ်။ တစ်ညမှာတော့ သူစောင့်ပေးနေတဲ့အိမ်ကို ဖောက်ထွင်းသမားတွေ ဝင်လာကြတယ်။ အကူအညီပေးနိုင်သူက ဖုန်းတစ်ဖက်မှာပဲ ရှိနေတာမို့ ဆိုဖီဟာ အဲဒီသူငယ်ချင်းရဲ့ လမ်းညွှန်မှုကို အားကိုးပြီး ရင်ဆိုင်ရတော့တာပါ။ သေနတ်တစ်လက်နဲ့ မမြင်ရတဲ့ ဖောက်ထွင်းသမားတွေကို ရင်ဆိုင်နေရတဲ့ ဆိုဖီကို သူငယ်ချင်းဖြစ်သူက ဖုန်းကနေ ဘယ်လိုလှုပ်ရှားရမလဲဆိုတာ ညွှန်ပေးနေပါတယ်။

Clay ဟာ ကျန်းမာရေးစောင့်ရှောက်မှုနယ်ပယ်ကို ပြောင်းလဲပေးနိုင်တဲ့ နည်းပညာကို တီထွင်ခဲ့သူပါ။ ဉာဏ်ထက်မြက်တဲ့ နည်းပညာရှင်တစ်ယောက်ဖြစ်ပေမယ့် သူ့မှတ်ဉာဏ်တွေထဲမှာ သူကိုယ်တိုင် ပိတ်မိနေသလို ခံစားရတဲ့ စိတ်ရောဂါတစ်မျိုးကို ခံစားနေရပါတယ်။ သူ့ကို ဒီအခြေအနေရောက်စေခဲ့တာ ဘယ်လိုစိတ်ဒဏ်ရာတွေလဲ၊ ဘယ်သူကြောင့် ဒီလိုဖြစ်ခဲ့ရတာလဲဆိုတာ မေးစရာတွေ ရှိနေတယ်။ Clay နောက်ထပ် ဘာတွေကြုံရဦးမလဲ၊ ကိုယ့်စိတ်ထဲမှာကိုယ် ပိတ်မိနေတဲ့ဘဝကနေ လွတ်မြောက်နိုင်မလားဆိုတာကို ဆက်ပြထားတဲ့ ၂၀၂၂ ခုနှစ်ထွက် သည်းထိတ်ရင်ဖိုဇာတ်ကားပါ။

Fantasy Island (2020) Maggie Q , Lucy Hale , Michael Peña , Michael Rooker စတဲ့ နာမည်ရှိသရုပ်ဆောင်တွေများစွာပါဝင်ထားတဲ့ စိတ်ကူးယဉ် Horror ရုပ်ရှင်ကားကြီးဖြစ်ပါတယ်။ Rating နည်းပေမယ့် အတော်ကြည့်လို့ကောင်းတဲ့ ရုပ်ရှင်ဖြစ်နေတာ အံ့သြစရာပါပဲ။ ဒီရုပ်ရှင်ကတော့ ၁၉၇၇ လောက်က နာမည်ကျော်ခဲ့တဲ့ Fantasy Island ဆိုတဲ့ စီးရီးရဲ့ Prequel ဇာတ်လမ်းအနေနဲ့ ရေးသားရိုက်ကူးထားတာပါ။ ဇာတ်လမ်းအကျဉ်းကတော့...ဇာတ်လမ်းနာမည်အတိုင်းပဲ ကျွန်းကြီးတစ်ကြီးရှိပါတယ်။ အဲဒီကျွန်းရဲ့ ပိုင်ရှင် မစ္စတာ ရို့ခ် ဟာ ကျွန်းပေါ်ကို ရောက်လာသမျှ လူတိုင်းရဲ့ စိတ်ကူးယဉ်အိပ်မက် (သို့မဟုတ်) အလိုချင်ဆုံး ဆန္ဒ တစ်ခုစီကို ပြည့်စေရမယ် ကြေညာခဲ့ပါတယ်။ အဲဒီကျွန်းပေါ်ကို ဖိတ်ခေါ်ခံရတဲ့ ကံထူးရှင်တွေကတော့ သူတို့လိုချင်တာတွေကို ဘယ်လိုဖြည့်ပေးမလဲဆိုပြီး သိချင်စိတ်တွေ၊ မျှော်လင့်ချက်တွေနဲ့ ရောက်လာကြတာပါပဲ။ သူတို့ထင်တာတော့ ကစားနည်းလေးတွေ၊ ဆင်ဆင်တူ နေရာလေးတွေ၊ ပုံရိပ်ယောင်ပြစက်လေးတွေနဲ့ လုပ်ပေးမယ် ထင်ခဲ့တာပါ။ ဒါပေမယ့် တကယ်တမ်းကျွန်းပေါ်ကို ရောက်လာတဲ့အခါ မဖြစ်နိုင်တဲ့ ဆန္ဒတွေကအစ အားလုံးသော ဆန္ဒတွေကို ဖြည့်ပေးနိုင်စွမ်းရှိတာကိုတွေ့ရပြီး ထီပေါက်သလိုကို ပျော်ကြရပါတော့တယ်။ ပြီးတော့ အဲဒီကျွန်းဟာ သူတို့တောင်းဆိုတဲ့ဆန္ဒထက် တကယ့် အတွင်းစိတ်ထဲက ဆန္ဒကိုသိမြင်နေပြီး ဖြည့်ပေးနိုင်တာကိုပါတွေ့လာရတယ်။ ဒါပေမယ့် ဒီအပျော်တွေကနေ လူတိုင်းရဲ့ ဆန္ဒတွေဟာ ကြောက်စရာအဖြစ်တွေဆီကို တဖြည်းဖြည်းကူးပြောင်းသွားတဲ့အခါမှာတေ့ာ…။ File size…(5.6 GB)/(1.9 GB )/(1.3 GB) Quality….WEB-DL Unrated 4K HEVC/ 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Translated by Littleneo

Ghost Wars (2017) ရိုမန် မာဆာလို့ ခေါ်တဲ့ လူတစ်ယောက်က သဘာဝလွန်စွမ်းအားတွေကို ပိုင်ဆိုင်ထားပါတယ်။ သူက သရဲတွေကို မြင်နိုင်စွမ်းရှိတာပါ။ တစ်နေ့ သူ့ရဲံ ပေါ့မိုးမြို့လေးကနေ ထွက်လာတဲ့ အချိန်မှာ ငလျင်လှုပ်ပြီး ကားမှောက်ခဲ့ပါတယ်။ အဲဒါရဲ့နောက်ဆက်တွဲတွေကတော့ သရဲတွေ အဆက်မပြတ် ထွက်လာတာပါပဲ။ အစမှာတော့ တစ်မြို့လုံးက သူ့ကြောင့် ဖြစ်ရတယ်ဆိုပြီး စွပ်စွဲရာက ရင်ဆိုင်ရတဲ့ ပြဿနာတွေကို သူ့ရဲ့အစွမ်းနဲံ ဖြေရှင်းရတဲ့အချိန်မှာတော့ အားလုံးဟာ သူ့အပေါ် ယုံကြည်အားကိုးလာကြပါတော့တယ် Horror ဇာတ်လမ်းတွဲ ကောင်းကောင်းကြိုက်သူများ လက်မလွှတ်သင့်တဲ့ ဇာတ်လမ်းတွဲတစ်ခုပါပဲ။ Netflix က ထုတ်လွှင့်ထားတာမို့ ထပ်ညွန်းမနေတော့ပါဘူးနော့။ IMDb ကတော့ 6.3/10 ရထားပါတယ်။ Quality : WEB-DL 720p ( Netflix ) Subtitle : Myanmar Subtitle ( Hardsub ) Translated By Little Neo , August , Zuel Khant Thwin Reviewed By August Encoded By LK

ဆမ်က ကြေးစားလူသတ်သမားတစ်ယောက်ရဲ့ ကိုယ်တွေ့အတွေ့အကြုံပုံစံနဲ့ ဝတ္ထုရေးထားပြီး စာအုပ်ထုတ်ဝေခွင့်ရဖို့ ကြိုးစားနေတဲ့ စာရေးဆရာတစ်ယောက်ပါ။ ကြေးစားလူသတ်သမားတွေအကြောင်း အသေးစိတ်လေ့လာပြီး သဘာဝကျကျ ရေးထားတဲ့ သူ့ဝတ္ထုကို အင်တာနက်ပေါ်မှာ ဖြစ်ရပ်မှန်အဖြစ် မှားယွင်းတင်မိသွားပါတယ်။ အဲဒီကနေ ဗင်နီဇွဲလားနိုင်ငံက တော်လှန်ရေးအဖွဲ့တွေရဲ့ ပြန်ပေးဆွဲခြင်းကို ခံရပြီး ဗင်နီဇွဲလားသမ္မတကို လုပ်ကြံဖို့ စေခိုင်းခံရတော့တယ်။ စစ်အာဏာရှင်တွေ၊ မူးယစ်လုပ်ငန်းရှင်တွေနဲ့ အကျင့်ပျက်ခြစားမှုတွေ ပြည့်နေတဲ့ နိုင်ငံမှာ ဆမ်က အသက်ရှင်လျက် အိမ်ပြန်ရဖို့ ကြိုးစားရပါတယ်။ Kevin James အဓိကပါဝင်ထားတဲ့ အက်ရှင်ဟာသကားဖြစ်ပြီး စစ်အာဏာရှင်တွေကို လှောင်ပြောင်သရော်ထားတာပါ။

ရူဖက်စ်ဆိုတဲ့ ကောင်လေးတစ်ယောက်ဟာ အဘွားကြီးတစ်ယောက်နဲ့အတူ နယ်မြို့လေးတစ်မြို့ကို ရောက်လာပါတယ်။ အဘွားကြီးက ဒီထက်ဝေးဝေး မသွားနိုင်တော့ဘူးလို့ ပြောပြီး ကားရှေ့ထွက်ကာ ကိုယ့်အသက်ကိုယ် အဆုံးစီရင်သွားတယ်။ ထူးဆန်းတာက အဘွားကြီးရဲ့အသက်ဟာ ၁၀၇ နှစ်ရှိနေပြီဖြစ်ပြီး ကောင်လေးရူဖက်စ်က သူ့ထက်တောင် အသက်ပိုကြီးနေတာပါ။ ရူဖက်စ်မှာ သွေးစုပ်ဖုတ်ကောင်လို အသွေးအသားကြိုက်တဲ့ အမူအကျင့်နဲ့ မအိုမင်းတဲ့ခန္ဓာကိုယ် ရှိပေမယ့် နေရောင်ထဲကိုတော့ သွားလာနိုင်တယ်။ သူဟာ ဘယ်လိုသတ္တဝါမျိုးလဲဆိုတာ မေးခွန်းဖြစ်နေပါတယ်။ အသိမရှိ၊ အဖော်မရှိတော့တဲ့ သူ့ကို မြို့ကရဲမှူးက ခေါ်ယူစောင့်ရှောက်ထားလိုက်တယ်။ ဒီကောင်လေး ရောက်လာပြီးနောက် မြို့ငယ်လေးမှာ ဘာတွေဖြစ်လာမလဲဆိုတာကနေ ဇာတ်လမ်းဆက်ထားပါတယ်။ ထိတ်လန့်စရာတွေထက် လူငယ်အချစ်နဲ့ မိသားစုမေတ္တာကို ပိုအလေးပေးထားတဲ့ ဒရာမာ၊ ထိတ်လန့်ဇာတ်ကားပါ။

အတိတ်က လုပ်ခဲ့မိတဲ့အရာတွေအတွက် အပြစ်ရှိစိတ်နဲ့ နေနေရတဲ့ စီအိုင်အေအေးဂျင့်ဟောင်း ဂျက်ဘီဂိုစီယန်ဟာ အလုပ်ကနေ အနားယူထားပါတယ်။ လက်ရှိမှာ ရေဒီယိုနိုင်ငံရေးစကားဝိုင်း အစီအစဉ်မှူးလုပ်ရင်း မိသားစုနဲ့ အေးအေးချမ်းချမ်း ဘဝဖြတ်သန်းနိုင်ဖို့ ကြိုးစားနေသူပါ။ ဒါပေမယ့် ကလီယာဘက်ခ်ရေကုမ္ပဏီရဲ့ ထိပ်တန်းရှယ်ယာရှင်တစ်ယောက်က အလုပ်တစ်ခု လာအပ်တဲ့အခါ သူရှောင်ထားတဲ့အရာတွေနဲ့ ပြန်ရင်ဆိုင်ရတော့တယ်။ ကုမ္ပဏီရဲ့ လောဘကြောင့် အီကွေဒေါနိုင်ငံမှာ ဖြစ်ပွားခဲ့တဲ့ ဆိုးရွားတဲ့ဖြစ်ရပ်တွေကို သွားရောက်စုံစမ်းပေးဖို့ပါ။ ဂျက်ဟာ အဲဒီဖြစ်ရပ်တွေရဲ့ နောက်ကွယ်က အမှန်တရားကို လိုက်ရှာရင်း အတားအဆီးတွေနဲ့ ရင်ဆိုင်လာရပါတယ်။ မိသားစုနဲ့ ဘဝသစ်စဖို့ ကြိုးစားနေတဲ့ အေးဂျင့်ဟောင်းတစ်ယောက်က ဒီအမှုကို ဘယ်အထိ ဖော်ထုတ်နိုင်မလဲဆိုတဲ့ အက်ရှင်နဲ့ သည်းထိတ်ရင်ဖိုဇာတ်လမ်းပါ။

ဒီဇာတ်ကားက REရဲ့စတုတ္ထဇာတ်ကားဖြစ်ပြီး တတိယကားအဆုံး ဇာတ်လမ်းဆင်ခဲ့သလို အဲလစ်နဲ့ သူ့ရဲ့ကိုယ်ပွား​တွေဟာ ဂျပန်မှာ ရှိတဲ့ အမ်ဘရဲလားဌာနကို ဝင်စီးနင်းကား အဲလ်ဘတ်ဝက်စ်ကာကို သတ်ဖို့ ကြိုးစားခဲ့​ပေမဲ့ မ​အောင်မြင်ခဲ့ပုံနဲ့ ဇာတ်ကိုစထားပါတယ်။ အဲဒီ​နောက် ၆လအ​ကြာမှာ တတိယ​မြောက်REဇာတ်ကားမှာ ပါဝင် ခဲ့တဲ့ အလက်စကာက အာ​ကေးဒီးယားဆိုတဲ့ လွတ်​မြောက်ရာ​ဟာ တကယ်မဟုတ်မှန်း သိသွားတဲ့​အခါ အဲလစ်နဲ့ ကလဲရာ ၂ယောက် ရဟတ်ယာဉ်တစ်စီးနဲ့ ​လျှောက်သွား​ရင်း အယ်အေကို​အ​ရောက်မှာ အကူအညီလိုအပ်​နေတဲ့ လူတစ်စုကို သွား​တွေ့ခဲ့ပါတယ်။ အဲဒီလူစုကို ဇွန်ဘီ​တွေလက်ကလွတ်​အောင် ကူညီ​ပေးရင်း သူတို့ သိထားတဲ့ အာ​ကေးဒီးယားဆိုတဲ့​ နေရာက အလက်စကာမှာရှိတာ မဟုတ်ဘဲ အယ်​အေနားက သင်္ဘောကြီးတစ်စီး​ပေါ်က ထုတ်လွှင့် ​နေမှန်း သိသွားတဲ့အခါ အဲဒီသင်္ဘောကြီးပေါ် သွားဖို့ ကြိုးစားရပါ ​တော့တယ်။ အဲဒီသင်္ဘော​ပေါ်ကိုရောက်မှ ​အဲလ်ဘတ်ဝက်စ်ကာရဲ့ ​ထောင်​ချောက်ဖြစ်​နေမှန်း သိသွားတဲ့အခါ ဝက်စ်ကာကိုသတ်ပြီး သင်္ဘော​ပေါ်မှာ ဖမ်းခံထားတဲ့လူ​တွေကို ကယ်တင်ရပါ​တော့တယ်။ File size…     3.8 GB / 1.5 GB /   710 MB Quality… BluRay 4K / 1080p / 720p Format… mp4,mkv Duration…. 1h 40m Genre ..... Action/Horror Subtitle…. Myanmar Subtitle (Hard Sub) Encoder…. Thit San Khant Translated by JimX

လောကကြီးမှာ လူတန်းစားနှစ်မျိုးနှစ်စားရှိပါတယ်။အဲ့ဒီနှစ်မျိုးကတော့ အပြစ်သားတွေနဲ့ သူတော်စင်တွေပဲဖြစ်ပါတယ်။သင်ကရောဘယ်လို လူတန်းစားထဲမှာပါပါသလဲ။ အခုတင်ဆက်ပေးမဲ့ Sinners And Saints ဆိုတဲ့ ဇာတ်ကားထဲမှာလည်း  အဲ့ဒီလူတန်းစားနှစ်မျိုးကို အဓိကတွေ့ရမှာဖြစ်ပြီး အဲ့ဒါကိုပုံဖော်ဖို့အတွက် အကောင်းဆုံးဇာတ်ကောင်တွေဖြစ်တဲ့ ရဲနဲ့လူဆိုးတို့နဲ့ ပုံဖော်ထားတာကိုတွေ့ရမှာဖြစ်ပါတယ်။ရဲနဲ့ လူဆိုးဆိုပေမဲ့ ပျင်းစရာကောင်း လောက်အောင်လိုက်စုံစမ်းနေတာတွေ လိုက်ဖမ်းနေတာတွေပဲ တွေ့ရမှာမဟုတ်ဘဲ ဟိုဘက် ဒီဘက်သေနတ်တွေနဲ့အပြန်အလှန်ရှယ်ပစ်တဲ့ အက်ရှင်အကြမ်းကြီးတွေကို အဓိကထားရိုက်ကူးထားတာပါ။ IMDb မှာ Rating 6.1 အထိရရှိထားပြီး အက်ရှင်ဇာတ်ကြမ်းကြိုက်တဲ့ သူတွေ အတွက်တော့ အံကိုက်ပါပဲ။ရှောင်ရိုင်လေဆိုတဲ့ ရဲစုံထောက်ကစစ်ဆင်ရေးတစ်ခုမှာ တွဲဖက်ကိုဆုံးရှုံးခဲ့ရပြီးနောက်ပိုင်း တစ်ကိုယ်တည်းလှုပ်ရှားနေသူတစ်ယောက် ဖြစ်ပါတယ်။ဒီလိုနဲ့ တစ်နေ့မှာတော့ သူတို့မြို့မှာအလောင်းတွေကို ရက်ရက်စက်စက် မီးရှို့ထားတဲ့ အမှုနဲ့ကြုံတွေ့လာရပါတော့တယ်။အဲ့ဒီမှာ တခြားရဲဌာနကစုံထောက် ဝေလ်ဂန့်ဇ်ဆိုသူနဲ့ တွေ့ခဲ့ကြပြီး ဒီအမှုကိုအတူတူလိုက်ဖို့ဖြစ်လာပါတော့တယ်။ အမှုကိုလိုက်နေတဲ့ကြားက မီးရှို့ခံထားရတဲ့အလောင်းတွေကို ထပ်တွေ့လာရတဲ့အခါမှာ ဒီအမှုက သွေးရိုးသားရိုးမဟုတ်ဘဲ ဒုစရိုက်အဖွဲ့အစည်းတစ်ခုခုနဲ့သက်ဆိုင်နေမယ် ဆိုတာကို သိခဲ့ရပါတော့တယ်။ပိုထူးဆန်းတာက အဲ့ဒီအမှုကရှောင်ရဲ့ အချစ်ဆုံး သူငယ်ချင်းနဲ့ ပတ်သတ်နေတဲ့အခါမှာတော့ ဘယ်လိုအရှုပ်အထွေးတွေကိုကြုံတွေ့လာရပြီး လျှို့ဝှက်နက်နဲပြီး သေသပ်တဲ့ဒီအမှုကို စုံထောက်ရှောင်နဲ့ ဝေလ်တို့ ဘယ်လိုအတူဖြေရှင်း ကြမယ်ဆိုတာကိုကြည့်ရမှာပဲဖြစ်ပါတယ် File size…2.01 GB / 0.98GB Quality…Blu-Ray 1080p  / 720p Format…mp4 Duration….1h 44m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

CM fan တွေ တောင်းဆိုမှု အများဆုံး rating အမြင့်ဆုံးတွေ legendary တွေထဲက စီးရီးတစ်ခု ထပ်တင်ပေးထားလိုက်ပါပြီ။ တချိန်က FX ရဲ့ ကြည့်ရှုသူ အမြင့်ဆုံး ဖြစ်ခဲ့ဖူးတဲ့ စီးရီးတစ်ခုဖြစ်ပါတယ်။ Sons of Anarchy ဆိုတာ Charming မြို့မှာ ရှိတဲ့ မော်တော်ဆိုင်ကယ်ဂိုဏ်းတစ်ဂိုဏ်းပါ။ အပေါ်ယံမှာတော့ ဒီလိုဆိုပေမဲ့ ဒီဂိုဏ်းဟာ သေနတ်တွေ မှောင်ခိုရောင်းပါတယ်။ လိုအပ်ရင် လူသတ်ရတဲ့ အပြစ်သားတွေပါပဲ။ ဒါပေမဲ့ လူမိုက်ဂိုဏ်းကြီး ဖြစ်နေလို့ ငြိမ်းချမ်းမနေပါဘူး။ အဘက်ဘက်က ရန်သူတွေက သူတို့ကို ဘက်ပေါင်းစုံကနေ တိုက်ခိုက်ချင်ကြတယ်။ SOA ဂိုဏ်းက လက်ဝါးကြီးအုပ်ထားတဲ့ လုပ်ငန်းတွေကို အပိုင်စီးပြီး Charming ကို အုပ်စိုးချင်ကြတော့ SOA မှာလည်း တစ်နေ့တစ်မျိုး မရိုးရတဲ့ ပြဿနာတွေ ကြုံရပါတယ်။ ဒီကြားထဲ ဂိုဏ်းအရေး မိသားစုအရေး လူမှုရေးတွေကပါ ရောယှက်လာတဲ့အခါ ပြဿနာတွေက ပိုရှုပ်ထွေးလာပါတော့တယ်။ အက်ရှင်တွေ Crime တွေကြား အချစ်၊ အမုန်း၊ ရန်စ၊ သစ္စာတရား ရသမျိုးစုံကို ပေးစွမ်းမဲ့ ဇာတ်လမ်းကောင်းတစ်ပုဒ်ဖြစ်လို့ မြည်းစမ်းကြည့်ကြဖို့ တိုက်တွန်းလိုက်ရပါတယ်

Silent Hill ဆိုတဲ့ နာမည်က Oldie Gamer တွေနဲ့ သိပ်မစိမ်းမှာသေချာပါတယ်။ ဘာဖြစ်လို့လဲဆိုတော့ ဒီ Silent Hill(2006) Horror ဇာတ်ကားလေးက Konami ရဲ့ ၁၉၉၉ ကထုတ်ထားတဲ့ Silent Hill ဆိုတဲ့ ဗီဒီယိုဂိမ်းကို အခြေခံပြီး ရိုက်ကူးထားတာဖြစ်လို့ပါပဲ။ ဗီဒီယိုဂိမ်းကို ဇာတ်ကားအနေနဲ့ ပြန်ဖန်တီးထားလို့ စကားပြောတွေမကောင်းဘူး၊ ဇာတ်အိမ်ပရမ်းပတာဖြစ်တယ်၊ ပြသချိန်ကြာလွန်းတယ်လို့ ဝေဖန်မှုတွေဖြစ်ခဲ့ပါသေးတယ်။ ဘယ်လိုပဲဝေဖန်ဝေဖန် ကြည့်လို့ကောင်းတယ််ဆိုတဲ့ မှတ်ချက်ကိုတော့ ပေးသွားကြတာချည်းပါပဲ။ ကျွန်တော့်ရဲ့ ကိုယ်ပိုင်အမြင်ကတော့ ဒီဇာတ်ကားကို တော်တော်လေးကောင်းတယ်လို့ ထင်ပါတယ်။ Horror ဆိုတာထက် Mystery, Thriller ဖြစ်တယ်လို့ထင်ပါတယ်။ ဇာတ်လမ်းအကျဉ်းကတော့ Da Silver လင်မယားက ကောင်မလေးတစ်ယောက်ကို မွေးစားထားပါတယ်။ သူတို့ရဲ့ မွေးစားသမီးလေးကို သမီးအရင်းလေးလိုပဲချစ်ကြပါတယ်။ ကောင်မလေးက အိပ်ရင်းလမ်းလျှောက်ပြီးတော့ ဆိတ်ငြိမ်တောင်ကုန်းဆိုတဲ့နေရာက သူ့ကို ဆွဲခေါ်နေသလိုဖြစ်ရပ်တွေကို ကြုံလာရပါတယ်။ အဲဒီအချိန်မှာ အမေလုပ်သူက သမီးဖြစ်သူ နေကောင်းလာဖို့အတွက် ဆိတ်ငြိမ်တောင်ကုန်းကို ခေါ်သွားပါတော့တယ်။ သူတို့အဲဒီကိုရောက်တဲ့အချိန်မှာ ဘာတွေဖြစ်မလဲ။ ဘာဖြစ်လို့ ဒီကောင်မလေးကို ဒီနေရာက ခေါ်နေရတာလဲ။ ဆိတ်ငြိမ်တောင်ကုန်းမှာဘာတွေဖြစ်ခဲ့တာလဲဆိုတာကို ဇာတ်လမ်းမှာကြည့်လိုက်ပါတော့... Translated & Review By d3mon Encoded By Thit San Khant

ဒီကားကတော့ မင်းသားကြီး Bruce Willis ကို နာမည်ကြီး လာစေတဲ့ ကားတွေထဲက တစ်ကားပါပဲ ဒီကားထဲမှာလည်း သူရဲ့ သရုပ်ဆောင်နေကျ ဇာတ်ကောင်အတိုင်း အမှု့စစ်ရဲအရာရှိဟောင်း တစ်ယောက် အဖြစ်ပါ၀င်ထားပါတယ် ဇာတ်လမ်းကတော့ မိသားစုတစ်စု ဓားစာခံအဖြစ် ဖမ်းဆီးခံရပြီး သူကိုယ်တိုင်က ရဲမှုးဟောင်းဆိုတော့ အရှုပ်အရှင်းကြားထဲ ၀င်ပါမိတာပေါ ့ အဲ့ကနေ ဇာတ်လမ်းစတာပါပဲ... သူ့မိသားစုကိုပါ လူဆိုးတွေက ပြန်ပေးဆွဲသွားတဲ့နောက် .... သူ့အနေနဲ့ မိသားစုကို ကယ်မလား မသိတဲ့သူစိမ်းတွေကို ကယ်မလား... ခပ်မိုက်မိုက်လေးကြည့်ရှု့ရမှာဖြစ်လို့ တင်ဆက်ပေးလိုက်ပါတယ် ( ဘာသာပြန်ပြီး အညွှန်းရေးသားထားသူကတော့ mark ပါ ) File size_(2GB)/(1GB) Quality_Blu-Ray 1080p / 720p Format_mp4 Duration_01:54:00 Genre_Action, Drama Subtitle_Myanmar Subtitle (Hardsub) Encoder_a hao Translated by Mark

IMDb Rating (6.8/10) ရရှိထားတဲ့ Action, Sci-Fi, Thriller  အမျိုးအစားဇာတ်ကားဖြစ်ပါတယ်။ မင်းသား မက်ဂရီဂေါနဲ့ မင်းသမီး စကားလတ်ဂျိုဟန်ဆန်တို့ အဓိကပါဝင်ထားပါတယ်။ ဇာတ်လမ်းကတော့ စိတ်ဝင်စားဖွယ်ရာပါ။ Lincoln Six Echo လို့အမည်ရသူဇာတ်ဆောင်မင်းသားဟာ ဘဝသေတစ်ခုမှာ နေ့စဉ်ရှင်သန်မှုတွေကို သံသယဝင်လာပြီး နေထိုင်ကျက်စားရာ တားမြစ်နယ်မြေ ပတ်ဝန်းကျင်ကို လေ့လာမွှေနှောက်တဲ့အခါမှာ နည်းပညာစမ်းသပ်မှုတွေ ကြောက်လန့်ဖွယ်ရာတွေ ရာဇဝတ်မှုတွေကို သိမြင်လာတဲ့အခါမှာတော့ လွတ်မြောက်ဖို့ ကြိုးစားရင်း သူကိုယ်တိုင်ကိုယ်က ဘဝသေတစ်ခုဖြစ်နေမှန်းသိလိုက်ရတဲ့အခါမှာတော့..........။ File size…(5 GB)/(2 GB) Quality….BluRay 1080p /720p Format…mp4 Duration….02:16:04 Subtitle….Myanmar Subtitle(Hardsub) Encoder….Ka Naung Translated by Poe Thinzar Kyaw

ရာဇဝတ်သားတွေကို ထောင်ပြောင်းဖို့ သယ်ဆောင်လာတဲ့ကားဟာ လမ်းခရီးကြမ်းတမ်းတာကြောင့် မကြာခင် ပိတ်တော့မယ့် စခန်းအမှတ် ၁၃ မှာ ခရီးတစ်ထောက် နားဖို့ ဖြစ်လာပါတယ်။ အတိတ်က ဒဏ်ရာတွေကို မကျော်လွှားနိုင်သေးတဲ့ အဓိကဇာတ်ကောင်ဟာ အဲဒီရာဇဝတ်သားတွေနဲ့ ပူးပေါင်းရမယ့် အကြောင်း ပေါ်လာတယ်။ လူကောင်းနဲ့ လူဆိုးကြားက ကွာခြားချက်ဟာ တစ်ခါတလေ အလွန်ပါးလွှာတတ်ပုံကို အက်ရှင်နဲ့ သည်းထိတ်ရင်ဖိုဇာတ်လမ်းအဖြစ် တင်ပြထားပါတယ်။

ဒီတစ်ခါမှာတော့ IMDb 7.4 ထိရရှိထားတဲ့ Western action drama ဇာတ်ကားကောင်းလေးတစ်ကားကို တင်ဆက်ပေးမှာဖြစ်ပါတယ် အရင်တုန်းက မွေးမြူရေးလုပ်တဲ့သူတွေဟာ ကျွဲနွားတွေကို ခြံနဲ့မွေးမြူတာမဟုတ်ဘဲ ရေကြည်ရာ မြက်နုရာ လှည့်လည်သွားလာရင်း အလွတ်ထိန်းကျောင်းကြတာဖြစ်ပါတယ် ဒီဇာတ်လမ်းလေးကတော့ 19ရာစုနှောင်းပိုင်း ခြံသွင်းမွေးမြူရေး စတင်ပေါ်ပေါက်လာချိန်ကို ဇာတ်အိမ်တည် ရိုက်ကူးထားတာဖြစ်ပါတယ် ဘောစ့် ချာလီ မိုစ့်နဲ့ ဘတ်တွန်တို့ဟာ အလွတ်ထိန်းကျောင်းသူတွေဖြစ်ကြပြီး တစ်ရက်မှာတော့ အလွတ်ထိန်းကျောင်းခြင်းကို မကြိုက်ကြတဲ့ မြို့လေးတစ်မြိုနားကိုရောက်လာပါတယ် မြို့ထဲကိုဝယ်စရာရှိတာလေးတွေဝယ်ဖို့ လွှတ်လိုက်တဲ့ မိုစ့်တစ်ယောက် ကုန်စုံဆိုင်မှာ ရန်ဖြစ်ပြီး အချုပ်ကျသွားပါတော့တယ် အချုပ်ထဲကနေ ပြန်သွားထုတ်ကြတဲ့အချိန်မှာ မွေးမြူရေးခြံကြီးပိုင်ရှင် ဒတ်စ်တာဟာ သူတို့ကို ဒီမြို့ကနေ ထွက်သွားဖို့ ပြောခဲ့ပါတယ် ဒတ်စ်တာဟာ ဒီမြို့မှာ အာဏာရှိတဲ့ ခြံပိုင်ရှင်ကြီးတစ်ယောက်ဖြစ်ပြီး အရမ်းလည်းလောဘကြီးပါတယ် ဒတ်စ်တာရဲ့လူတွေ ဘောစ့်ရဲ့ တိရစ္ဆာန်အုပ်ကို ပြဿနာလာရှာချိန်မှာ ဘာတွေဆက်ဖြစ်ကြမှာလဲ ဒီမြို့ကနေရော အဆင်ပြေပြေထွက်သွားနိုင်မှာလား ဆိုတာကိုတော့ စောင့်ကြည့်ရမှာဖြစ်တဲ့အပြင် ရှုခင်းလှလှလေးတွေနဲ့ ကြည့်လို့ကောင်းတဲ့ ဇာတ်ကားတစ်ကားဖြစ်တာမို့ ကြည့်ရှုသင့်ပါတယ် File size…(2.5 GB)/(1.2 GB) Quality….Webrip 1080p / 720p Format…mp4 Duration….01:32:00 Genre...Western, Action, Drama, Adventure, Romance Subtitle….Myanmar Subtitle (Hardsub) Encoder….Mr. Anderson Translated by Ban

Pearl Harbor 2001 ၁၉၄၁ ခုနှစ်က အမေရိကန်နိုင်ငံ၊ပုလဲဆိပ်ကမ်းကိုဂျပန်တွေလာရောက်တိုက်ခိုက်ခဲ့တဲ့ဖြစ်ရပ်မှန်အပေါ်မူတည်ပြီးရိုက်ကူးထားတဲ့ ဇာတ်လမ်းဖြစ်ပါတယ်။ ဖြစ်ရပ်မှန်ဆိုပေမယ့်အဓိကဇာတ်ကောင်တွေကတော့စိတ်ကူးယဥ်သာဖြစ်ပြီးအချစ်ဇာတ်လမ်းအပိုင်းပါထည့် သွင်းထားတာဖြစ်ပါတယ်။ ရေ့ဖ်နဲ့ဒန်နီဟာ ငယ်စဥ်ကတည်းကအချစ်ဆုံးသူငယ်ချင်းတွေဖြစ်ပြီး အမေရိကန်လေတပ်ပိုင်းလော့တွေလည်းဖြစ်ကြပါတယ်။ ရေ့ဖ်ဟာ အက်ဗလင်း ဆိုတဲ့ စစ်သူနာပြုနဲ့ချစ်ကြိုက်ပြီးနောက် ဥရောပမှာဖြစ်ပွားနေတဲ့ဒုတိယကမ္ဘာစစ်အတွက် ဗြိတိန်ဘက်မှဝင်တိုက်ပေးဖို့အခွင့်အရေးကိုရရှိသောအခါလက်လွှတ်မခံနိုင်၍ ချစ်သူအက်ဗလင်းကိုနှုတ်ဆက်ကာ အင်္ဂလန်သို့ထွက်သွားပါတော့တယ်။ ရေ့ဖ်တစ်ယောက် အင်္ဂလန်မှာဂျာမန်တွေကိုတိုက်ခိုက်နေချိန်မှာ အင်အားနည်းနေတဲ့ပုလဲဆိပ်ကမ်းကို ထင်မှတ်မထားတဲ့အန္တရာယ်ကြီးကျရောက်လာပါတော့တယ်။ ဒီဇာတ်လမ်းကိုရိုက်ကူးခဲ့တဲ့ဒါရိုက်တာဟာ Transformers ဇာတ်လမ်းတွေနဲ့နာမည်ကြီးခဲ့တဲ့ Michael Bay ဖြစ်တာမို့သူ့ရဲ့အက်ရှင်ပေါက်ကွဲမှုလက်ရာတွေကိုဇာတ်လမ်းတစ်လျှောက် အားရပါးရမြင်တွေ့ရမှာပါ။ အက်ရှင်ကားကြမ်းကြမ်းကြိုက်သူတွေ၊ စစ်ဇာတ်လမ်းကြိုက်သူတွေ၊ ဒါရိုက်တာ Michael Bay ရဲ့လက်ရာတွေကြိုက်သူတွေအဖို့တော့ ကြည့်သင့်တဲ့ဇာတ်ကားကောင်းတစ်ကားဖြစ်ပါတယ်။ Translated by : Pyi T Nyein Encoded by : YK Quality : 1080p blueray and 720p

IMDb - 7.7/10 Rotten - 76% Won 2 Oscars. Another 9 wins & 37 nominations ဆိုမာလီနိုင်ငံဟာ ၁၉၉၀ဝန်းကျင်က ငတ်မွတ်မှုကြောင့် ပြည်သူသုံးသိန်းကျော်သေဆုံးခဲ့ပါတယ် အကြောင်းရင်းကတော့ ယခုထိတိုင်မပြီးဆုံးနိုင်သေးတဲ့ တစ်နိုင်ငံထဲနေမျိုးနွယ်စုတွေ အချင်းချင်းဖြစ်ပွားတဲ့ ကာလရှည်ပြည်တွင်းစစ်ကြောင့်ဖြစ်ပါတယ် ဆိုမာလီယာအစိုးရဟာ မထိန်းချုပ်နိုင်ပဲ ငါတလူမင်းမူနေတဲ့ ခေါင်းဆောင်တွေကြားမှာ Mohamed Farrah Aididဟာ အာဏာအရှိဆုံးဖြစ်ခဲ့ပြီး ထိုအချိန်က မြို့တော်မိုဂါဒစ်ရှူ;ကို အုပ်စိုးခဲ့ပါတယ် နိုင်ငံတကာကထောက်ပံတဲ့ရိက္ခာ အထောက်အပံတွေကို ငတ်မွတ်နေတဲ့ပြည်သူတွေဆီမဝေငပဲ အရက်စက်ဆုံးထင်ရာဆိုင်းမင်းမူနေတဲ့ Aididကိုဖယ်ရှားပစ်မယ် အစီအစဉ်တွေထဲကတစ်ခုကို ၁၉၉၃ခုနှစ်အတွင်း မြို့တော်မိုဂါဒစ်ရှူးမှာ ထုံးစံအတိုင်းအမေရိကန်တို့ လုပ်ခဲ့ပါတယ် Aididအစိုးရအဖွဲ့ရဲ့အစည်းအဝေးတစ်ခုကိုဝင်စီးကာ ဝန်ကြီးတွေကိုဖမ်းဖို့ဖြစ်ပြီး တစ်နာရီအတွင်းအပြီးသတ်ဖို့စနစ်တကျ စီစဉ်ထားတဲ့စစ်ဆင်ရေးဟာ Aididစစ်တပ်ရဲ့ မထင်မှတ်တဲ့ အပြင်းအထန်ခုခံမှုတွေကြောင့် ဘလက်ဟော့ဟယ်ရီကော်ပတာ တွေပျက်ကျမှုမှစတင်ကာ အလွဲလွဲချော်ချာ်ဖြစ်ပြီး အမေရိကန်စစ်တပ်ဟာ အချိန်မှီမြို့ထဲကပြန်မထွက်နိုင်ပဲ ပိတ်မိကာ တစ်ရက်နီးပါးကြာမြင့်သွားပါတယ် ဒီဇာတ်ကားဟာထိုအခါက အမေရိကန်နဲ့ဆိုမာလီတွေရဲ့ အပြင်းအထန်တိုက်ခဲ့ကြပုံတွေ စစ်ရဲ့မာန် စစ်ရဲ့ဓလေ့နဲ့ စစ်ရဲ့ကြေကွဲဖွယ်ရာတွေကို အပီပြင်ဆုံးရိုက်ကူးပြထားပြီး အကယ်ဒမီဆုတွေကို သိမ်းပိုက်သွားခဲ့တဲ့ဇာတ်ကားဖြစ်ပါတယ် Imdb 7.7နဲ့ RT 76%ထိရရှိထားပြီး စစ်ကားဆိုမှစစ်ကားကိုကြိုက်တဲ့သူတွေအနေနဲ့ ကြည့်ဖူးတဲ့စစ်ကားတွေထဲမှာ ဒီကားမပါသေးရင် အမြန်ဆုံးသာ download လုပ်လိုက်ပါလို့တိုက်တွန်းချင်ပါတယ် File Size :(4.3GB) (1.4GB) Quality : Web-Dl1080p/720p Format…mp4 Duration…02:24:00 Genre : Action, Drama,  History Subtitle : Myanmar Subtitle (Hard Sub) Translated by  Chan Myae Thu Aung Encoded by Phyo Pyae

Bad Boys (1995) IMDb Rating - 6.9/10 လူတိုင်းရင်းနှီးပြီးသား မင်းသားတွေဖြစ်တဲ့ Will Smith နဲ့ Martin Lawrence တို့ပါဝင်သရုပ်ဆောင်ထားတဲ့ Action , Comedy , Crime ဇာတ်ကားပါ။ ဇာတ်လမ်းအကျဉ်းလေးကတော့ မင်းသားနှစ်ယောက် ဖြစ်တဲ့ Will Smith နဲ့ Martin Lawrence တို့က မိုက်ခ်နဲ့ မားကပ်စ်ဆို တဲ့ မိုင်ယာမီမူးယစ်တိုက်ဖျက်ရေးမှုခင်းရဲတွေပါ။ တစ်နေ့ သူတို့ ဌာနမှ ထိန်းသိမ်းထားတဲ့ ကိုကင်းတွေကို အဖောက်ခံလိုက် ရပါတယ်။ အဲ့လိုအဖောက်ခံလိုက်ရတော့ သူတို့ရဲ့ခေါင်းဆောင် ဟောင်း ဝဒ်က သူတို့ကို ကို ပြန်ရှာခိုင်းပါတယ်။ ဒီလိုနဲ့ မိုက်ခ်နဲ့ မားကပ်စ်က သူတို့ နဲ့အရင်က ဇာတ်လမ်းတွေရှိခဲ့ဖူးတဲ့ ဆေးသမား ပြည့်တန်ဆာတွေနဲ့ပူးပေါင်း ပြီးတော့ သတင်းယူပြီး ဒီအမှုကိုလိုက်တာကနေ တစ်ကားလုံး သဘောကျ စရာကောင်းလောက်အောင်ကို သရုပ်ဆောင်ပြသွားတာပါ။ Bad Boys ရုပ်ရှင်အားလုံးကို ဒီမှာ https://www.channelmyanmar.to/?s=bad+boys  ကြည့်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Tin Myo Lwin ဖြစ်ပါတယ်) File size…(11.6 GB)/(1.3 GB ) Quality….BluRay 4K HEVC/ 1080p Format…mkv/mp4 Duration….01:58:50 Subtitle….Myanmar Subtitle (Hardsub) Encoder….SWM,Ka Naung Translated by Tin Myo Lwin

Waterworld (1995) Ulysses Cut Version IMDb Rating (6.3) ထုတ်လုပ်သူ Kevin Reynolds ရဲ့ ဇာတ်ကားကို တင်ဆက်ပေးချင်ပါတယ်။ ကမ္ဘာပျက်ပြီးနောက်ပိုင်း ရှင်သန်ကျန်ရစ်သူတွေရဲ့ ဘဝကိုရိုက်ကူးတင်ဆက်ထားလို့ Post-apocalyptic နဲ့ Action-Adventure အမျိုးအစားဖြစ်ပါတယ်။ အဓိကသရုပ်ဆောင်တွေကတော့ Kevin Costner ရယ်၊ Jeanne Tripplehorn နဲ့ Dennis Hopper တို့ပါ။ ရေကမ္ဘာ" (Waterworld) ဆိုတာ အနာဂတ်ကမ္ဘာကြီး ရေလွှမ်းမိုးပျက်စီးသွားပြီး လူသားတွေက ရေပေါ်မှာ အသက်ရှင်ကျန်ရစ်ရတဲ့ ဇာတ်လမ်းဖြစ်ပါတယ်။ Kevin Costner က "The Mariner" (အဏ္ဏဝါသား) ဆိုတဲ့ အထီးကျန်လှေသမားတစ်ဦးအဖြစ် သရုပ်ဆောင်ထားပြီး သူ့မှာ လူသားမဆန်တဲ့ ဗီဇပြောင်းလဲမှုတွေ ရှိနေတာပါ။ တစ်နေ့မှာ သူက ဟယ်လင် (Jeanne Tripplehorn) နဲ့ သူ့ရဲ့မွေးစားသမီး အန်နိုလာ (Tina Majorino) တို့နဲ့ ဆုံခဲ့တယ်။ အန်နိုလာ ရဲ့ ကျောပေါ်မှာက မြေပြင် (Dryland) ကိုသွားနိုင်တဲ့ လျှို့ဝှက်မြေပုံကို တက်တူးထိုးထားတာပါ။ အဲဒီမြေပုံက ဒဏ္ဍာရီလာ မြေပြင်ကို ရှာဖွေဖို့ အဖိုးတန်သော့ချက်ပဲဆိုပါတော့။ လူဆိုးဂိုဏ်းကြီးဖြစ်တဲ့ ဆေးလိပ်သမားများ (Smokers) ခေါင်းဆောင် ဒေကွန် (Dennis Hopper) က အန်နိုလာ ကို ဖမ်းဆီးဖို့ ကြိုးစားလာတဲ့အခါ အဏ္ဏဝါသားကြီးက သူမသွားချင်တဲ့ ခရီးစဉ်ကြီးတစ်ခုကို စတင်ခဲ့ရပါတယ်။ ၁၉၉၅ ခုနှစ်မှာ ဒေါ်လာ သန်း ၂၀၀ နီးပါး အကုန်ကျခံထားတဲ့ ဇာတ်ကားဖြစ်ပြီးတော့ အဲဒီအချိန်က သမိုင်းမှာ အကြီးဆုံး ဘတ်ဂျက်နဲ့ ရိုက်ကူးခဲ့တဲ့ ရုပ်ရှင်ပါပဲ။ အရင်းများလွန်းလို့ မှန်းချက်မကိုက်ခဲ့တဲ့ဇာတ်ကားပါ။ ငွေကြေးအမြတ်အစွန်း ထင်ထားသလို မဖြစ်ခဲ့ပါဘူး။ ဒီဇာတ်ကားအတွက် ဇာတ်ဝင်ခန်းတွေရိုက်ကူးခဲ့တဲ့ ရေပေါ်ဇာတ်စင် အဆင်အပြင်တွေကို ဟာဝိုင်အီကမ်းလွန်မှာ တည်ဆောက်ခဲ့ပါတယ်။ ပထမဆုံးထွက်လာချိန်မှာ ဝေဖန်မှုများတွေရှိခဲ့ပေမဲ့ နောက်ပိုင်းမှာ ဂန္တဝင်ဇာတ်ကားစာရင်း ဝင်သွားတယ်ဗျ။ ဒီတော့ ဟိုးရှေးတခေတ်က ဟောလိဝုဒ်ရဲ့ ဂန္တဝင်ဇာတ်ကားကြီးကို ပြန်လည်ခံစားချင်တယ်ဆိုရင်တော့ဖြင့် အခုတင်ဆက်ပေးလိုက်တဲ့ ရေကမ္ဘာဇာတ်ကားက လူကြီးမင်းအတွက် ရွေးချယ်စရာတစ်ခု ဖြစ်လာမှာပါလို့။ Version ၂ ခုရှိပြီးတော့ အပြည့်စုံဆုံး အရှည်ဆုံး Version ဖြစ်တဲ့ The Ulysses Cut Version ကို တင်ဆက်ထားပါတယ်။ (ရုပ်ရှင်အညွှန်းနဲ့ ဘာသာပြန်ကို Arr Khun Winchester မှ တင်ဆက်ထားပါတယ်။) File size…(10 GB) / (7.1 GB )/ (4.1 GB) Quality…BluRay Ulysses Cut Version 4K HEVC/ 1080p HEVC / 720p Format…mkv/mp4 Duration….02:58:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

ညီအစ်ကိုနှစ်ယောက် တောထဲမှာ ဆော့ကစားနေတုန်း ရှေ့နေတစ်ယောက် သေကြောင်းကြံတဲ့အမှုကို မျက်မြင်တွေ့လိုက်ကြပါတယ်။ ဒီရှေ့နေ သေဆုံးမှုက လွှတ်တော်အမတ်တစ်ယောက် ပျောက်ဆုံးနေတဲ့အမှုနဲ့ ဆက်စပ်နေတော့ သူမသေခင် နောက်ဆုံးတွေ့လိုက်ရတဲ့ ကလေးနှစ်ယောက်ထဲက အကြီးဖြစ်သူ Mark ဟာ မီဒီယာတွေနဲ့ မာဖီးယားအဖွဲ့ရဲ့ ပစ်မှတ်ဖြစ်လာတယ်။ အမတ်ပျောက်ဆုံးမှုကို လိုက်နေတဲ့ ရှေ့နေကြီး Roy ကလည်း Mark ဆီက အချက်အလက်တွေ ရဖို့ မေးမြန်းဖိအားပေးနေပါတယ်။ တစ်ဖက်မှာတော့ မာဖီးယားတွေက မပြောသင့်တာတွေ ပြောမိရင် အသတ်ခံရမယ်လို့ ခြိမ်းခြောက်ထားကြတယ်။ ဒီလိုအကျပ်အတည်းတွေကြားက လွတ်နိုင်ဖို့ လည်လည်ဝယ်ဝယ်ရှိတဲ့ Mark ဟာ ရှေ့နေတစ်ယောက် ငှားလိုက်ပါတယ်။ Mark နဲ့ ရှေ့နေတွေကြား ဘာတွေ ဆက်ဖြစ်မလဲ၊ မာဖီးယားတွေရဲ့ ရန်ကနေ ဘယ်လိုရှောင်နိုင်မလဲ၊ သူသိထားတဲ့အကြောင်းတွေက အမတ်ပျောက်ဆုံးမှုနဲ့ ဘယ်လိုဆက်စပ်နေသလဲဆိုတဲ့ မေးခွန်းတွေနဲ့ ဇာတ်လမ်းကို ဆက်ထားပါတယ်။ Tommy Lee Jones ပါဝင်သရုပ်ဆောင်ထားတဲ့ မှုခင်းဒရာမာဇာတ်ကားပါ။

IMDB 6.2/10 ရထားတဲ့ Innocent Blood (1992)ဆိုတဲ့ Comedy/Horror သွေးစုတ်ဖုတ်ကောင်ကားလေးပါ.. စွဲမက်ဖွယ် ပြင်သစ် မင်းသမီး Anne Parillaud (La Femme Nikita)က သွေးစုတ်ဖုတ်ကောင်မလေးအဖြစ်၊ Anthony LaPaglia (Without a Trace)က ရဲအရာရှိ ဂျိုးအဖြစ်၊ ကွယ်လွန်သွားပြီဖြစ်တဲ့ မင်းသားကြီး Robert Loggia (Big) က Sallie The Sharkအဖြစ် ပါဝင် သရုပ်ဆောင်ထားကြပါတယ်.. ဇာတ်လမ်းအကျဉ်း မာရီက ဆိုးသွမ်းတဲ့ယောကျ်ားတွေကိုပဲ အရောဝင် သွေးသောက်တတ်တဲ့၊ တစ်ကိုယ်တော် လှုပ်ရှားတတ်တဲ့ သွေးစုတ်ဖုတ်ကောင်မလေးပါ.. တစ်နေ့မှာတော့ သွေးစုတ်ဖို့ သားကောင်ရှာရင်း သူကိုက်လိုက်မိတဲ့ သားကောင်က မြို့ထဲက အဆိုးတကာ့အဆိုးထွဋ်ခေါင်ဆိုတဲ့ Sallie The Shark ဖြစ်နေခဲ့ပြီး.. ပြန်လည်ရှင်သန်နိုင်စွမ်းရှိတဲ့ သွေးစုတ်ဖုတ်ကောင်အစွမ်းတွေကို ရရှိသွားတဲ့ ဆယ်လီက တခြားလူတွေကိုပါ သွေးစုတ်ဖုတ်ကောင်အဖြစ်ပြောင်းပြီး မြို့ကို သိမ်းပိုက်ဖို့ကြိုးစားလာချိန်မှာတော့.. ကိုယ်ဇာတ်ကိုယ်မနိုင်ဘဲ ဆယ်လီ့ကို လက်စသိမ်းနိုင်ဖို့အရေး မာရီက အမျိုးမျိုးကြိုးစားရပါတော့တယ်.. ဒီလိုနဲ့ ဆယ်လီ့ကို ဖမ်းဆီးဖို့ကြိုးစားနေတဲ့ ရဲအရာရှိဂျိုးနဲ့ အမှတ်မထင်တွေ့ဆုံခဲ့ကြရာမှာတော့.. သွေးစုတ်ဖုတ်ကောင်နဲ့ လူသားရဲအရာရှိတို့နှစ်ယောက်ကြား ဘယ်လိုတွေဆက်ဖြစ်ကြမလဲ.. ရဲအရာရှိဂျိုးတစ်ယောက် မာရီ့မာယာအောက်မျောပါပြီး သွေးစုတ်ဖုတ်ကောင်အဖြစ် ပြောင်းလဲသွားလေမလား.. ဒါမှမဟုတ် မာရီနဲ့ နှစ်ယောက် လက်တွဲပြီးတော့ပဲ ဆယ်လီ့ကို နှိမ်နင်းနိုင်ကြမလား.. ဆယ်လီကပဲ သူ့မူလအစီအစဉ်အတိုင်း မြို့ကိုလက်ဝါးကြီးအုပ်သွားနိုင်မလား ဆိုတာကိုတော့.. ဇာတ်ကားထဲမှာပဲ ဆက်ကြည့်လိုက်ကြပါလို့.. (P.S သွေးစုတ်ဖုတ်ကောင်ကားဖြစ်တာနဲ့အညီ သွေးထွက်သံယိုအခန်းတွေနဲ့ သွေးစုတ်ဖုတ်ကောင်မလေးက မာယာနဲ့ဖျားယောင်းပြီး သွေးစုတ်တာမို့၊ ပြောစရာမလိုအောင်ကို ဟိုအခန်း ဒီအခန်း ဘာအခန်း ညာအခန်းတွေက တချို့တလေ ပါနေတာမို့၊ ပါတဲ့အခန်းတွေကလည်း ကွက်ကွက်ကွင်းကွင်းရယ်မို့ မိသားစုနဲ့ ကြည့်ရှုဖို့မသင့်ပါဘူးနော်.. တချို့တလေလို့ သေချာပြောလိုက်ပါတယ်နော်..တော်ကြာ ညိုကီတို့က အများကြီးလည်းမပါဘူးဖြစ်နေမှာစိုးလို့.. Horror အခန်းတွေကြည့်ချင်ကြတဲ့ တချို့သော ညိုကီတို့အတွက်ပြောပါတယ်..) (ဇာတ်လမ်းအညွှန်းနဲ့ ဘာသာပြန်ကတော့ Emily ပါ) File size…(3 GB)/(1 GB)/(600 Mb) Quality….Webrip 1080p / 720p / 480p Format…mp4 Duration….02:01:00 Genre...Comedy,Horror,Thriller,Crime Subtitle….Myanmar Subtitle (Hardsub) Encoder….Mr. Anderson Translated by Emily

ကျွန်တော်တို့ရဲ့ Die Hard မင်းသားကြီး ဘရုစ်ဝီလီရဲ့ 90 ခုနှစ်က ဇာတ်ကားကောင်းလေးတစ်ပုဒ်ကို တင်ဆက်ပေးလိုက်ပါတယ်.ဂျိုးဟယ်လမ်ဘက်ခ်ဟာ အကောင်ကြီးကြီး တစ်ပွေနဲ့ ပြဿနာဖြစ်ပြီးလျို့ဝှက်စုံစမ်းရေးအဖွဲ့ကနေ ရာထူးချခံခဲ့ရပြီး အလွတ်စုံထောက် လုပ်နေခဲ့သူ ဖြစ်ပါတယ်. တစ်ရက် အိမ်ပြန်လာချိန်မှာတော့.သူ့အချစ်ဆုံးသူငယ်ချင်းက သူ့မိန်းမ နဲ့ တကူကူးနေတာကို မိသွားခဲ့ပြီးသူ့အတွက် ကမ္ဘာကြီးပျက်သလို ခံစားနေရပေမယ့်. ပြောထွက်ခဲ့တဲ့ စကားလုံးတွေကဟာသဆန်နေခဲ့သလို သူ့သူငယ်ချင်း မိုက်အပေါ် လက်သီးတစ်ချက်နဲ့သာ တုံ့ပြန်ခဲ့သော်လည်းကံကြမ္မာက မျက်နှာသာမပေးခဲ့လို့ မိုက်တစ်ယောက် ကားဗုံးကွဲပြီး သေသွားခဲ့ပါတယ်သွားလေသူ မိုက် ရဲ့စောင့်ကြည့်ရေးအလုပ်ကို လကပြောင်းလွှဲယူခဲ့ကာသူ စောင့်ကြည့်ပေးနေတဲ့ မိန်းကလေး ကိုရီပါ အသတ်ခံရတဲ့အချိန်မှာတော့ဒီကိစ္စက သာမန်ကိစ္စမဟုတ်ဘဲ နောက်ကွယ်က အာဏာရှိတဲ့အဖွဲ့အစည်းတစ်ခုရဲ့လက်ချက်မှန်းသဘောပေါက် သွားခဲ့ပါတယ် ကိုရီသေဆုံးမှုကို သူ့ရဲ့ရည်းစား ဘောလုံးကစားသမားဟောင်း ဂျင်မီဒစ်ဇ် နဲ့ပူးပေါင်းပြီး ထောက်လှမ်းဖော်ထုတ်ပုံများကို CM ကနေ ပရိသတ်များ ရှုစားနိုင်ဖို့ တင်ဆက်ပေးလိုက်ပါတယ်.. File size…2.5GB / 824.2MB Quality…Blu-Ray 1080p 5.1CH / 720p Format…mp4 Duration….1h 45m Genre ..... Action , Crime , Comedy Subtitle….Myanmar Subtitle (Hard Sub) Encoder….Min Wai Translated by Sai Sumali