Lew Temple ပါဝင်သော ဇာတ်ကားများ

Dorothea (2025) IMDb - 4.8/10 နာမည်ကျော်ကွင်းဆက်လူtတ်သမား အဘွားကြီး ဒိုရိုသီယာရဲ့ဘ၀ဇာတ်ကြောင်းကို အခြေခံရိုက်ကူးထားတဲ့ ထိတ်လန့်သည်းဖို မှုခင်းရုပ်ရှင်။ ထောင်ထဲမှာ သေခါနီးအချိန် သူကျူးလွန်ခဲ့တဲ့ စက်ဆုပ်ရွံရှာဖွယ်ကောင်းတဲ့ လျှို့ဝှက်ချက်တွေကို ဖွင့်ဟဝန်ခံခဲ့ပုံတွေ၊ သူ့အပေါ် အလွဲသုံးစားလုပ် သစ္စာဖောက်ခံရတာတွေအပေါ်မှာ သူ့ဘ၀တလျှောက် အဖြစ်အပျက်တွေကနေ သူ့ရဲ့ လူတွေတည်းခိုစရာ အိမ်ဂေဟာကနေ သင်္ချိုင်းကြီးတခု ဘယ်လိုပြောင်းလဲစေခဲ့လဲဆိုတာကို ပုံဖော်ရိုက်ကူးထားတာမို့ အားပေးကြည့်ရှုကြပါဦး။ File size… 1.2 GB / 655 MB Quality…WEB DL 1080p HEVC/ 720p Format…mkv/ mp4 Duration….1h 30m Subtitle….Myanmar Subtitle (Hard Sub)

Burner (2025) IMDb - 7.6 / 10 ဒီတစ်ခေါက်မှာတော့ အက်ရှင်ကားကောင်းတွေနဲ့ စိတ်လှုပ်ရှားစရာ ဇာတ်လမ်းတွေကို နှစ်သက်သူတွေအတွက် Hollywood ရဲ့ ဇာတ်ရှိန်အမြင့်ဆုံး Action Thriller ဇာတ်ကားကြီးဖြစ်တဲ့ "Burner" နဲ့ မိတ်ဆက်ပေးချင်ပါတယ်။ ဒီဇာတ်ကားဟာ ပထမဆုံး စက္ကန့်ကတည်းက စပြီး ပရိသတ်ကို ဆွဲဆောင်ထားနိုင်ပြီး နောက်ဆုံး မိနစ်အထိ ထိုင်ရာမထကြည့်ချင်အောင် ဆွဲဆောင်နိုင်မှာပါ။ ဇာတ်လိုက်မင်းသမီးဖြစ်တဲ့ Kiki ဟာ အကျဉ်းထောင်ကနေ လွတ်မြောက်လာပြီးနောက် ဆယ်ကျော်သက် သမီးလေး နဲ့ ပြန်လည်ပေါင်းစည်းနေထိုင်ခဲ့ပါတယ်။ သူမဘဝသစ်ကို စတင်ဖို့ ကြိုးစားနေချိန်မှာပဲ အကြမ်းဖက်တဲ့၊ မူးယစ်ဆေးဝါးရောင်းဝယ်တဲ့ သူမရဲ့ ခင်ပွန်းဟောင်း ပြန်ပေါ်လာခဲ့ပါတယ်။ ခင်ပွန်းဟောင်းရဲ့ ပြဿနာပေးမှုတွေဟာ Kiki ကို အကျဉ်းထောင်ဆီ ပြန်ပို့နိုင်တဲ့ အန္တရာယ်ကြီးတဲ့ အခြေအနေတွေကို ဖန်တီးလာပါတယ်။ ဒါကြောင့် Kiki ဟာ သူ့ရဲ့ဘဝနဲ့ သမီးရဲ့ အနာဂတ်ကို ကာကွယ်ဖို့အတွက် ကြံမိကြံရာလျှောက်လုပ်ပါတော့တယ် Kiki ရဲ့ ကြိုးစားရုန်းကန်မှုတွေ သူမရဲ့ ဇွဲနဲ့ သမီးအပေါ်ထားတဲ့ မိခင်မေတ္တာကို မြင်တွေ့ရမှာ ဖြစ်သလို၊ သူမရဲ့ လျှို့ဝှက်အစီအစဉ်ကရော အောင်မြင်ပါ့မလား၊ သူမရဲ့ လွတ်မြောက်မှုအတွက် ဘယ်လို စွန့်စားရမလဲဆိုတာကို ဒီ စိတ်လှုပ်ရှားဖွယ် Crime Thriller ဇာတ်ကားထဲမှာ ကြည့်ရှုခံစားကြဖို့ တင်ဆက်ပေးလိုက်ပါတယ်။ File size…1.2 GB / 600 MB Quality…WEB DL 1080p HEVC/ 720p Format…mkv/ mp4 Duration….1h 30m Subtitle….Myanmar Subtitle (Hard Sub)

Unspeakable: Beyond The Wall of Sleep (2024) IMDb Rating (4.2) ဇာတ်လမ်း အကျဉ်းကတော့ နာမည်ကြီး စိတ်ရောဂါကု ဆရာဝန် တစ်ယောက် ဖြစ်တဲ့ အမ်ဘရို့စ် လန်ဒန် လို့ ခေါ်တဲ့ ဆရာဝန် တစ်ယောက်ကို လူတစ်ကိုယ် စိတ်နှစ်ခု ဖြစ်နေတဲ့ လူနာတစ် ယောက်ကို ကြည့်ရှု့ ပေးဖို့ ဖိတ်ကြားခံခဲ့ရပါတယ်။ အဲ့ဒီ လူနာဟာ တစ်ကိုယ် နှစ်စိတ် မကပဲ ခန္ဓာကိုယ် တစ်ခုတည်းမှာ လူ နှစ်ယောက် ရှိနေတာကို သိရှိလိုက်ရပြီးတဲ့နောက် မှာ ဘာတွေ ဆက်ဖြစ်မလဲ ဆိုတာကို တော့ ဇာတ်ကားထဲမှာ ကြည့်ရှု့ ခံစားလိုက်ပါ့ခင်ဗျ။ ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။ (အညွှန်းနဲ့ဘာသာပြန်ကတော့ Ko Dee ဖြစ်ပါတယ်။) File size…(1.2 GB) / (570 MB) Quality….WEB-Rip 1080p HEVC / 720p Format…. mkv/mp4 Genre….Horror,Science Fiction Duration….01:31:47 Subtitle….Myanmar Subtitle (Hardsub) Encoder….Double K Translated by Ko Dee

ဒါကတော့ ဒါရိုက်တာ Ty Roberts ရိုက်ကူးထားပြီး မင်းသားကြီး Luke Wilson နဲ့ Greg Kinnear တို့ အဓိကပါဝင်ထားတဲ့ ဘေ့စ်ဘောအသင်းတစ်သင်းရဲ့ ဖြစ်ရပ်မှန် အားကစားဇာတ်လမ်း ကောင်းပါ All-Stars ဘေ့စ်ဘော့အသင်းဟာ ရာသီပွဲတွေမှာ ရှုံးပွဲတွေ ဆက်နေခဲ့ပြီး နည်းပြဂျွန်ကလဲ ရှေ့နေအလုပ်နဲ့ပဲ အလုပ်တွေရှုပ် နေခဲ့ပါတယ်။ အသင်းသားတွေဟာလဲ စည်းလုံးမှုမရှိပဲ အချင်းချင်း ရန်ဖြစ်နေကြပြီး ရာသီနောက်ဆုံးပွဲကိုပါ ရှုံးနိမ့်သွားပါတော့တယ်။ ပြဿနာကိုယ်စီနဲ့ အသင်းသားတွေဟာ ပန်းတိုင်မရှိပဲလမ်းပျောက် နေကြတဲ့ချိန်မှာ နည်းပြဂျွန်က ဘေ့စ်ဘောလူငယ်အသင်းကမ္ဘာ့စီးရီး ပြိုင်ပွဲ ဝင်ပြိုင်ဖို့ ကမ်းလှမ်းချက်ရခဲ့ပါတယ်။ ငြင်းဖို့ပြင်နေချိန် နည်းပြ‌လဲဖြစ် ကစားသမား ရောဘတ်ရဲ့ အဖေလည်း ဖြစ်တဲ့ နည်းပြဘော်ဘီက ကင်ဆာနောက်ဆုံးအဆင့်လို့ သိလိုက်ရတဲ့အခါ..... ပန်းတိုင်ပျောက်နေတဲ့ လူငယ်လေးတွေဖို့ နည်းပြဘော်ဘီအတွက် နိုင်ပွဲယူဖို့က ပန်းတိုင်ဖြစ်လာတဲ့အခါ..... အကောင်းဆုံးသူငယ်ချင်းရဲ့ အိပ်မက်တွေဖြစ်လာဖို့ နည်းပြဂျွန်ဟာ မိတ်ဆွေတွေရဲ့အကူအညီနဲ့ အသင်းကိုလေ့ကျင့်ပေးပြီး ပြိုင်ပွဲဝင်ဖို့ ဖြစ်လာပါတော့တယ်။ All-Starsအသင်းရဲ့ ပြိုင်ပွဲတစ်လျှောက် အတွေ့အကြုံတွေ ၊ လူငယ်လေးတွေရဲ့ ရင့်ကျက်လာမှုတွေ တွေ့ရမဲ့အပြင် ကမ္ဘာ့စီးရီးမှာ ဘယ်အဆင့်ထိ တက်လှမ်းနိုင်မလဲ..... ဘော်ဘီကရော ဘာဆက်ဖြစ်မလဲ...... အိပ်မက်အတွက်တိုက်ပွဲနဲ့ ဘဝအတွက်တိုက်ပွဲ နှစ်ခုလုံးမှာ အောင်မြင်သွားမလား ရှုံးနိမ့်သွားမလားဆိုတာကိုတော့.....။ File size…(1.71GB) / ( 932MB) Quality…WEB-DL 1080p HEVC / 720p Format…mkv / mp4 Duration….1h 44m Genre ….. Family , Sport Subtitle….Myanmar Subtitle (Hard Sub) Encoder….Min Wai Translated by K

ဒီတစ်ခါမှာတော့ စပိန် Supernatural နဲ့ Horror အရောကား‌‌တစ်ကား တင်ဆက်ပေးလိုက်ပါတယ်။ ဒီကားထဲမှာ အစိုးရက နယ်စပ်ခိုးဖြတ်တဲ့လမ်းကို ပိတ်လိုက်ပြီးနောက် ဂိုဏ်းရာဇာတစ်ယောက်ဟာ မက္ကဆီကိုနဲ့ အမေရိကန်နယ်စပ်ကို ခိုးဝင်ဖို့ ကာမယ်လာတို့ရဲ့ လယ်မြေကို သိမ်းချင်နေပါတယ်။ ကာမယ်လာရဲ့လယ်မြေအောက်မှာ ခိုးကူးလို့ရတဲ့ လျှို့ဝှက်တူးမြောင်းတွေရှိလို့ပါ။ ဒ ါကို ကာကွယ်ရင်းနဲ့ ကာမယ်လာရဲ့ ယောက်ျား မက်တဲရိုလည်း အသက်ပေးလိုက်ရပါတယ်။ ဒီလိုနဲ့ ကာမယ်လာဟာ ဂိုဏ်းရာဇာရဲ့ ယုတ်မာမှုကြောင့် ထောင်ကျနေရတဲ့ ဘရာဗို ထောင်ကလွတ်လာတဲ့အခါ ဂိုဏ်းရာဇာကို ရင်ဆိုင်ပေးဖို့ အကူအညီတောင်းခဲ့ပါတယ်။ ဒါပေမယ့် ဘရာဗိုလည်း လုပ်ကြံခံလိုက်ရပါတယ်။ ကံကောင်းတာက ဘရာဗိုကို စုန်းမတစ်ယောက်က ကယ်ထားပြီး လူသေတွေကို အသက်ပြန်သွင်းနိုင်တဲ့နည်း သင်ပေးလိုက်ပါတယ်။ ဒီလိုနဲ့ ဘရာဗိုဟာ သေသွားပြီးသား လူမိုက်ဟောင်းတွေကို လိုက်နှိုးပြီး ဂိုဏ်းရာဇာကို လက်တုံ့ပြန်ဖို့ ပြန်ရောက်လာပါတော့တယ်။ File size…(1.3 GB)/(801 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Action, Fantasy, Thriller  Subtitle….Myanmar Subtitle (Hardsub) Encoder….Swan Min Htet Translated by Winter May

အခုတင်ဆက်ပေးမယ့်ဇာတ်ကားလေးကတော့ နိုင်ငံတကာရုပ်ရှင်ပွဲတော်များမှာ ဆုများစွာဆွတ်ခူးခဲ့တဲ့ horror movie ကောင်းလေးတစ်ကားဖြစ်ပါတယ်။ Saving Private Ryan, Heat အစရှိတဲ့ဇာတ်ကားများအပါအဝင် ဇာတ်ကားပေါင်းများစွာသရုပ်ဆောင်ဖူးခဲ့တဲ့ ဝါရင့်မင်းသားကြီး Tom Sizemore မှ အဓိကဇာတ်ကောင်အဖြစ်ပါဝင်ထားတဲ့ဇာတ်ကားလေးပါ။ ဇာတ်လမ်းအကျဉ်းကတော့ စုံထောက်ကြီး Clayton Douglas ဟာ သူ့အတွက် မကောင်းတဲ့အကြောင်းတွေနဲ့အမှတ်ရစရာနေ့မှာ စိတ်ရောဂါကုဆေးရုံကနေဖုန်းလက်ခံရခဲ့ပါတယ်။ သေကောင်ပေါင်းလဲဖြစ်နေတဲ့လူနာတစ်ယောက်က စုံထောက်ကြီးဆီကိုဝန်ခံချက်တစ်ခုပေးချင်လို့ပါဆိုပြီး နာမည်တပ်ခေါ်ခဲ့တာပါ။ အဲဒါနဲ့ သမီးလေးမွေးနေ့ရှိလို့အိမ်ကိုပြန်နေတုန်း လမ်းမှာအဲ့ဒီဆေးရုံကိုဝင်ကြည့်ဖို့ ဆုံးဖြတ်လိုက်တဲ့အခါမှာတော့ သဘာဝလွန်ဖြစ်ရပ်ဆန်းတွေကိုအယုံအကြည်မရှိတဲ့စုံထောက်ကြီးတစ်ယောက် ဖြစ်ရပ်ဆန်းတွေကြုံလာရပါတော့တယ်။ သူသွားတွေ့တဲ့လူနာက ဘယ်လိုထူးဆန်းမှုတွေနဲ့ပြည့်နှက်နေသလဲ၊ အဲ့ဒီလူနာက ဘာဖြစ်လို့ဒီစုံထောက်ကြီးကို နာမည်အတိအကျနဲ့ခေါ်ခဲ့တာလဲ၊ စုံထောက်ကြီးမှာရော သူ့ကိုယ်သူတောင်မသိထားတဲ့လျှို့ဝှက်ချက်တွေရှိနေမလားဆိုတာကို သည်းထိတ်ရင်ဖိုကြည့်ရှုရမဲ့ သရဲကားလေးတစ်ကားပါ။ သရဲကားဆိုပေမယ့် Jump scareတွေအများကြီးမပါဘဲ ချောက်ချားစရာဇာတ်ကွက်တွေနဲ့ဆွဲခေါ်သွားတဲ့ psychological thrillerဆန်ဆန် ဇာတ်ကားတစ်ကားဖြစ်လို့ စိတ်ဝင်စားစရာလည်းကောင်းတဲ့ဇာတ်ကားလေးပါ။ File size…(1.1 GB)/(570 Mb) Quality….Webrip 1080p / 720p Format…mp4 Duration….02:14:00 Genre...Horror, Mystery Subtitle….Myanmar Subtitle (Hardsub) Encoder….Garfield Translated by Zayar Maw

သီအိုဒေါရောဘတ်ဘန်ဒီ(ခေါ်)တဒ်ဘန်ဒီရဲ့ ​ဗားရှင်းအမျိုးမျိုးနဲ့ဇာတ်လမ်းတွေထဲက တစ်ခုပေါ့။ တဒ်ဘန်ဒီနေရာကနေ အမေရိကန်သရုပ်ဆောင် မင်းသားချော ဇက်အက်ဖရွန် သရုပ်ဆောင်ခဲ့တဲ့ Extremely Wicked, Shockingly Evil and Vile (2019)လည်း နာမည်ကြီးခဲ့ဖူးတယ်။ တဒ်ဘန်ဒီဆိုတာ ၁၉၇၀ဝန်းကျင်တွေမှာ အမျိုးသမီးတွေကို ပြန်ပေးဆွဲ၊မုဒိမ်းကျင့်ပြီး သတ်ဖြတ်ခဲ့တဲ့ ကမ္ဘာ့အဆိုးဆုံး ရာဇဝတ်ကောင်တွေထဲက တစ်ယောက်ပေါ့။ သူ သတ်ပြီးသား သားကောင်တွေကို ပုတ်သိုးစပြုနေတာတောင် အလှတွေပြင်ပေးပြီး အကြိမ်ကြိမ် မုဒိမ်းကျင့်ခဲ့တယ်လို့ဆိုကြတယ်။ သူလုပ်ခဲ့တဲ့ ရာဇဝတ်မှုတွေကို ဆယ်စုနှစ်ကြာငြင်းဆိုခဲ့ပြီးနောက်မှာ ၁၉၇၄နဲ့ ၁၉၇၈အကြား ပြည်နယ် ၇ခုမှာ ကျူးလွန်ခဲ့တဲ့ ရာဇဝတ်မှု ၃၀ကိုတော့ ဝန်ခံခဲ့ပါတယ်။ ဒီပြစ်မှုတွေနဲ့ ဖလော်ရီဒါ ပြည်နယ်အကျဉ်းထောင်မှာ လျှပ်စစ်ထိုင်ခုံနဲ့ သေဒဏ်ပေးခဲ့ပေမဲ့ သူ ကျူးလွန်ခဲ့တဲ့ ရာဇဝတ်မှုတွေ အကုန်လုံးကိုတော့ ဖော်ထုတ်နိုင်ခြင်း မရှိခဲ့ပါဘူး။ ဒီရုပ်ရှင်မှာတော့ တဒ်ဘန်ဒီရဲ့ မိန်းကလေးဆောင်တစ်ခုထဲမှာ ထင်တိုင်းကြဲခဲတဲ့အမှုတစ်ခုကို ရိုက်ကူးတင်ဆက်ထားတာပါ။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(1GB)/(565 Mb) Quality….Blu-Ray 1080p / 720p Format…mp4 Duration….01:22:00 Genre...Biography, Crime, Horror Subtitle….Myanmar Subtitle (Hardsub) Encoder….Garfield Translated by Pyae Phyo

အမေရိကန်ရဲ့ ပြင်းထန်တဲ့ ပြည်တွင်းစစ်ပွဲကြီးပြီးသွားတဲ့အချိန်က မိဘမဲ့တွေဖြစ်သွားခဲ့ရတဲ့ ကလေးတွေကို ဇာတ်အိမ်တည်ထားတဲ့ ကားကောင်းလေးတစ်ကားပါပဲ စစ်ပွဲတစ်ပွဲရဲ့ ဘေးထွက်ဆိုးကျိုးတွေဟာ ဘယ်လောက်ဆိုးရွားလဲဆိုတာနဲ့ မိသားစုရဲ့ချစ်ခြင်းမေတ္တာတွေဟာ ဘယ်လောက်ကြီးမားလဲဆိုတာကို သေသေချာချာရိုက်ပြသွားတဲ့ကားကောင်းလေးတစ်ကားပါပဲ ဂျက်ဆိုတဲ့သူဟာ သူ့သားနဲ့အတူ ပြည်တွင်းစစ်ကြီးအတွက်စစ်တိုက်ထွက်သွားတဲ့ အချိန်မှာတော ကလေး၃ယောက်နဲ့ မိန်းမကကျန်ခဲ့ပါတော့တယ် အဲဒီလိုနဲ့ စစ်ပွဲမှာ ဂျက်က ဒဏ်ရာရပြီး အဖမ်းခံလိုက်ရတော့ သေပြီဆိုပြီး သူ့မိန်းမကလည်းဝမ်းနည်းကြေကွဲရာကနေတီဘီရောဂါနဲ့ဆုံးပြန်ပါရော အဲဒီအချိန်မှာ စစ်ပွဲကြောင့် မိဘမဲ့ဖြစ်ရတဲ့ကလေးအတွက် စီစဉ်ပေးထားတဲ့ လှုပ်ရှားမှုတစ်ခုမှာ ဂျက်ရဲ့ကလေးတွေ ပါသွားရင်း ဇာတ်လမ်းလေက စတာပါပဲ ဘာတွေဆက်ဖြစ်မလဲဆိုတာကတော့ ကြည့်နူးမှု ဝမ်းနည်းမှုတွေနဲ့အတူ မိသားစုရဲ့ချစ်ခြင်းမေတ္တာတွေကို တဝကြီးခံစားရင်း ကြည့်ရှုခံစားလိုက်ပါဦး File size…(1.6GB)/(866.22MB)/(601.62MB) Quality….Webrip 1080p / 720p / 480p Format…mp4 Duration….02:33:00 Genre...Drama /History/Western Subtitle….Myanmar Subtitle (Hardsub) Encoder….Mr. Anderson Translated by....Garfield

လော်ရာဟာ ခင်ပွန်း စကော့တ်ရဲ့ နှိပ်စက်မှုဒဏ်ကို ဆက်မခံနိုင်တော့လို့ သားဖြစ်သူ ကိုဒီကို ခေါ်ပြီး ကယ်လီဖိုးနီးယားကို ထွက်ပြေးလာပါတယ်။ သားအမိနှစ်ယောက်က မြို့ပြင်က အိမ်ဟောင်းတစ်လုံးကို ငှားပြီး လူမသိအောင် နေနေကြတယ်။ အဲဒီအိမ်ဘေးမှာ ရေကန်ကြီးတစ်ကန် ရှိပါတယ်။ ကိုဒီက အိမ်ကို ရောက်ကတည်းက စိတ်မသန့်ဘူး။ ရေကန်ထဲက သရဲတစ်ကောင် သူ့အခန်းထဲ ဝင်လာနေတယ်လို့ ပြောပြီး အိမ်ပြန်ချင်ကြောင်း မိခင်ကို ခဏခဏ ပူဆာတယ်။ လော်ရာကတော့ ခင်ပွန်းရဲ့ရန်ကို ပိုကြောက်နေလို့ သားပြောတဲ့ မူမမှန်မှုတွေကို သိရက်နဲ့ အဲဒီအိမ်မှာပဲ ဆက်နေခဲ့ပါတယ်။ နောက်ဆုံး ကိုဒီအတွက် ရှောင်လွှဲရခက်တဲ့ အန္တရာယ်ကြီး ရောက်လာတဲ့အခါ သားအမိနှစ်ယောက် ဘယ်လိုရင်ဆိုင်ကြမလဲ။

ရှိတ်စပီးယားရဲ့ ရိုမီယိုနဲ့ ဂျူးလိယက်အကြောင်းကို ဒီတစ်ခါ ရိုမီယိုရဲ့ ရည်းစားဟောင်း ရိုဆာလင်းဘက်ကနေ ပြောပြထားပါတယ်။ ရိုမီယိုက ရိုဆာလင်းကို ချစ်လှပါချည်ရဲ့ဆိုပြီး ကဗျာတွေ၊ စာတွေနဲ့ ပိုးပန်းခဲ့ပေမယ့် တစ်နေ့မှာတော့ ရုတ်တရက် ပျောက်သွားတယ်။ ရိုဆာလင်းက သူ့နောက်ကို လိုက်ချောင်းကြည့်တော့ ကိုယ့်ကိုပိုးပန်းခဲ့တဲ့ နည်းတွေအတိုင်း နောက်တစ်ယောက်ကို ပိုးပန်းနေတာ တွေ့လိုက်ရပါတယ်။ ပိုဆိုးတာက ရိုမီယိုရဲ့ ချစ်သူအသစ်ဟာ ရိုဆာလင်းရဲ့ ဝမ်းကွဲညီမ ဂျူးလိယက် ဖြစ်နေတာပါ။ မခံချိမခံသာဖြစ်နေတဲ့ ရိုဆာလင်းက ရိုမီယိုကို ပြန်ရဖို့ အကြံတွေထုတ်တော့တယ်။ တစ်ဖက်မှာလည်း ဝမ်းကွဲညီမကို ရိုမီယိုနဲ့ ဝေးသွားအောင် ကြိုးစားပါတယ်။ ဟာသနှောထားတဲ့ ဒီအချစ်ဇာတ်လမ်းမှာ ရိုဆာလင်းရဲ့ အကြံတွေ အောင်မြင်မလား၊ ရိုမီယိုတို့ရဲ့ ဇာတ်လမ်းက မူရင်းအတိုင်းပဲ အဆုံးသတ်သွားမလားဆိုတာ စောင့်ကြည့်ရမှာပါ။

Spirit Untamed (2021) IMDb Rating - 5.6/10 2021 ခုနှစ်ထွက် Dreamworks ရဲ့ Animation ကားလေး မြင်းစီးပြီးပရိသတ်ရှေ့ရောက်လာပါပြီ... ချစ်တဲ့စိတ်ကို ချုပ်တည်းလို့မရသလို စွန့်စားချင်တဲ့စိတ်ကိုလည်း ချုပ်တည်းလို့မရနိုင်ပါဘူးနော်... အခုတော့ ဒီဇာတ်ကားလေးမှာ Dream Work ကနေပြီးတော့ သွက်သွက်လက်လက် နဲ့ ချစ်ဖို့ကောင်းတဲ့ ဇာတ်ကောင်ကို မွေးဖွားလိုက်ပြန်ပါပြီ။ မိန်းကလေးဆိုတာ သိမ်သိမ်မွေ့မွေ့ နဲ့ အိမ်ထဲမှာပဲ ချက်ပြုတ်တတ်ရင်ရပြီဆိုတဲ့ Logic ကိုလည်းရိုက်ချိုးပြချင်တဲ့ပုံပါပဲ။ ကလေးသဘာဝ ဆော့ကစားချင်တဲ့အရွယ်မှာ အမိမဲ့ လပ်ကီးတစ်ယောက်ကတော့ ဇီဇာကြောင်အဒေါ်ဖြစ်သူရဲ့ဆုံးမမှု အောက်မှာ ဗိုင်းကောင်းကျောက်ဖိဖြစ်အောင် နေနေရပါတယ်။ ဒါပေမဲ့လည်း ဗီဇလေးက ပါလေတော့ အဘိုးရဲ့ပါတီပွဲမှာ သောင်းကျန်းခဲ့တာမို့ ကြီးဒေါ်နဲ့အတူ အဖေရှိရာ တောရွာလေးထဲ ရောက်လာခဲ့ပါတော့တယ်။ ထိုတောရွာလေးမှာ လပ်ကီးအမေရဲ့ အမှတ်တရတွေအများကြီး ရှိနေပြီး မြို့ပြမှာ နေခဲ့တဲ့မိန်းကလေးတစ်ယောက် တောရွာမှာ နေရတဲ့အခါ မြင်းတစ်ကောင်နဲ့ ဘယ်လိုဗွေတွေဖောက်မလဲ၊ သူမမှတ်မိတဲ့ သူ့အမေရဲ့အကြောင်းကို ဘယ်လိုရှာဖွေမလဲဆိုတာ တွေကို ပေါ့ပေါ့ပါးပါးနဲ့ ဇာတ်လမ်းဇာတ်ကွက်ကျကျလေးကြည့်ရမှာမို့ အမြန်ဆုံးတင်ဆက်ပေးလိုက်ပါတယ် . . . (ဒီဇာတ်လမ်းရဲ့ အညွှန်းကို Jo Jo Va မှရေးသားပေးပြီး၊ ဘာသာပြန်ရေးသားပေးသူများကတော့ Jo Jo Va, Yoon Sandi Aung, Shwe Pyae, Jerrica တို့ပဲဖြစ်ပါတယ်။) Quality – 1080p, 720p WebRip Duration - 1h 28min Subtitle – Myanmar Hardsub Format – Mp4 Genre : Animation, Adventure, Famil Source : 1080p.WebRip Translator – Jo Jo Va, Yoon Sandi Aung, Shwe Pyae, Jerrica Encoder – SWM

၁၈ ရာစုက ပင်လယ်ဓားပြတစ်စုဟာ ရတနာမြေပုံတစ်ခုကို ရှာတွေ့ပြီး အချင်းချင်း လုကြပါတယ်။ အဲဒီအချိန်မှာ မုန်တိုင်းတစ်ခုကို ဖြတ်သန်းမိရာကနေ ၂၁ ရာစုက “ပင်လယ်ဓားပြကမ်းစပ်” လို့ခေါ်တဲ့ မြို့လေးတစ်မြို့ဆီ ရောက်လာကြတယ်။ ဒါပေမယ့် ရတနာမြေပုံကတော့ အဲဒီမြို့က ကလေးတစ်စု လက်ထဲကို ရောက်သွားပြီး ကလေးတွေလည်း ရတနာလိုက်ရှာကြပါတော့တယ်။ ခေတ်ဟောင်းက ရောက်လာတဲ့ ပင်လယ်ဓားပြတွေနဲ့ ကလေးတစ်စုကြား ဘယ်သူတွေက ရတနာကို ရသွားမလဲ၊ သူတို့ရှာနေတဲ့ တကယ့်ရတနာကရော ဘာဖြစ်မလဲဆိုတာကို စိတ်ကူးယဉ်စွန့်စားခန်းအဖြစ် ရိုက်ကူးထားပါတယ်။

Once Upon a Time in Hollywood (2019) IMDb Rating (7.6) / Rotten Tomatoes (86 %) ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဂန္တဝင်ဒါရိုက်တာကြီး Quentin Tarantino ရဲ့  ၉ ကားမြောက် ရုပ်ရှင်ကားကြီးဖြစ်ပါတယ်။ ရှေ့က ၈ ကားကတော့ Django Unchained (2012) ... The Hateful Eight (2015) ... Death Proof (2007) ... Inglourious Basterds (2009) ... Reservoir Dogs (1992) ... Kill Bill: Vol. ... Kill Bill: Vol. ... Jackie Brown (1997) ဆိုတဲ့ကားတွေပါပဲ။ ဒီရုပ်ရှင်ကတော့ ဟောလိဝုဒ်ခေတ်ဟောင်းကို ပြန်တမ်းတဖို့ သရုပ်ဖော်ထားတဲ့ ရုပ်ရှင်ပါပဲ။ ခေတ်ဟောင်းကောင်းဘွိုင်ကားအကြောင်းတွေ၊ ဟောလိဝုအထာတွေ၊ အဲဒီခေတ်ရဲ့ ဟစ်ပီတွေနဲ့ ပုံဖော်ထားတာပါပဲ။ လီယိုနာဒို၊ ဘရက်ပစ်၊ မာဂေါ့ ရော်ဘီ တို့ အဓိက ပါဝင်ထားပါတယ်။ လီယိုနာဒိုကတော့ ရစ်ခ် ဒယ်တန်ဆိုတဲ့ နာမည်ကျဆင်းနေတဲ့ ဟောလိဝုဒ် မင်းသားပေါ့။ တစ်ချိန်ကတော့ ဂျိတ်ကေဟေးဆိုတဲ့ ကောင်းဘွိုင်ဇာတ်ကောင်နဲ့ ပေါက်ခဲ့ဖူးခဲ့သူပါ။ အခုတော့ ဇာတ်လမ်းတွဲလေးတွေမှာ ဗီလိန်လိုက်လုပ်ပေးနေရပါပြီ။ သူ့ရဲ့ စတန့်အရံကတော့ ကလစ်ဖ် ဘုသ် ( ပရက်ပစ်) ပါပဲ။ သူကတော့ ရစ်ခ်ရဲ့ မိတ်ဆွေကောင်းအဖြစ် အတူရုန်းကန်နေတဲ့သူပေါ့။ မာဂေါ့ရော်ဘီကတော့ ဟောလိဝုဒ်နာမည်ကျော် ဒါရိုက်တာ ရိုမန် ပိုလန်းစကီးရဲ့ မိန်းမအဖြစ် သရုပ်ဆောင်ထားပါတယ်။ မထင်ရှားသေးတဲ့ သရုပ်ဆောင်တစ်ယောက်ရဲ့ အခြေအနေကိုလည်း ပြထားတာပေါ့။ သူတို့တွေကို အခြေခံပြီး ဟောလိဝုအထာ၊ ဟစ်ပီတွေ၊ အီတလီရုပ်ရှင်တွေနဲ့ ၁၉၆၀ ဝန်းကျင် ရွှေခေတ်ကို ပုံဖော်ပြထားတာလေးကို လှလှပပ ခံစားကြည့်ရမှာပါ။ ဘောနက်စ်အနေနဲ့တော့ ဘရုစ်လီဇာတ်ကောင်ကိုလည်း တွေ့ရပါလိမ့်ဦးမယ်။ ဘရုစ်ဖန်တွေတော့ နည်းနည်းထိရှမလားပဲ။ File Size : (9.9 GB) / (2.6 GB) / (1.4 GB) Quality : WEB-DL 4K / 1080p / 720p Format…mkv/ mp4 Duration…02:41:00

A Boy Called Sailboat (2018) IMDb...6.7....Rotten...85% ဆေးလ်ဘုတ်တို့မိသားစုဟာ နေထိုင်မှုပုံစံအရ မပြည့်စုံဘူးလို့ပြောရမယ်...နေတာကလည်း မြို့ပြင်မှာဖြစ်ပြီး အိမ်လေးလဲမပြိုအောင် ဒေါက်တိုင်တစ်တိုင်ကိုတစ်ဖက်ကထောက် တစ်ဖက်က ကြိုးနဲ့ ကျားကန်ထားရလေရဲ့.... ဆေးလ်ဘုတ်ဆိုတာ အသက်(၇)နှစ်ခန့်အရွယ် ကောင်လေးတစ်ယောက်ပါ...သူ့အဖေနဲ့ အမေဟာ သူ့ကိုသိပ်ချစ်ကြတယ်....မိသားစုဝင်(၃)ဦးပေါ့... ဒီကားက အဓိကဇာတ်ဆောင်ဟာ ဆေးလ်ဘုတ်ဆိုတဲ့ကောင်လေးပါ....သူရဲ့နောက်ခံစကားပြောသံလေးနဲ့ တစ်ကားလုံးကို ပြီးဆုံးစေတယ်...သူ့ကြည့်ရတာ သူ့ရဲ့အဘွားကိုအတော်ချစ်တဲ့ပုံပဲ... ဘာလို့လဲဆိုတော့ အကြောင်းအရာတိုင်းဟာ သူ့အဘွားရဲ့ သွန်သင်မှုတွေကနေ မြစ်ဖျားခံလာလို့ပါပဲ... ဥပမာ..."ကျွန်တော့်အဘွားက ပြောတယ်...မြေးလေး ရှာဖွေမှု မလုပ်တဲ့အချိန်မျိုးမှာမှ အရးအကြီးဆုံးအရာကို တွေ့တတ်တယ်တဲ့... တချို့အရာတွေဖြစ်လာတာက တခြားသောအရာတွေ ဆက်စပ်ဖြစ်လာနိုင်ဖို့ပါတဲ့..." ဒီကောင်လေးဟာ အဘွားရဲ့ ပြောဆိုမှုတွေနဲ့ လောကကြီးကို သုံးသပ်နေဟန်ပါပဲ.. ကျွန်တော်တို့ဟာ ဆေးလ်ဘုတ်ရဲ့နောက်ခံစကားပြောသံနဲ့ အတွေးတွေနောက်ကို လိုက်ရင်း တချို့သောအကြောင်းအရာလေးတွေကို ဖမ်းဆုပ်မိနေလိမ့်မယ်.. ဒီကားက တချို့သောသူတွေအတွက် ဘာကြီးမှန်းမသိဘူးဆိုပြီးဖြစ်သွားပါလိမ့်မယ်.. ဒါပေမယ့် တချို့သောသူတွေအတွက် ရိုးစင်းပြီးနက်နဲတဲ့ ကဗျာတစ်ပုဒ်နဲ့တူပါလိမ့်မယ်... ခံစားကြည့်လိုက်ပါဦးလို့ပဲပြောပါရစေ..... File Size : 2.15 GB, 889 MB Quality : BluRay 1080p, 720p  Format…mp4 Duration…01:32:00 Genre : Comedy, Drama, Family Subtitle : Myanmar Subtitle (Hard Sub) Translated by Little Neo Encoded by AHtet

ဒီကားလေးကတော့ အမတေဈဦးရဲ.မတေ်တာနဲ. သူမသားသမီးကို ဘယျလောကျခစြျမွတျနိုးတယျဆိုတာကိုမီးမောငျးထိုးရိုကျကူးပွထားတဲ့ ဇာတျကားကောငျးတဈကားဖွဈပါတယျ။ ပွနျပေးဆှဲခံရတဲ့ သားငယျကို လူဆိုးဂိုဏျးတှလေကျထဲကနေ ဘယျလိုကယျထုတျမလဲဆိုတာကို စိတျဝငျစားဖှယျ စကျစုပျရှံ.ရှာဖှယျ သှေးထှကျသံယို တှေ နဲ.ရိုကျကူးထားတာဖွဈပါတယျ။ (ဘာသာပွနျသူကတော့ Linnthura1988 ပဲဖွဈပါတယျ) ဒီကားလေးကတော့ အမေတစ်ဦးရဲ.မေတ္တာနဲ. သူမသားသမီးကို ဘယ်လောက်ချစ်မြတ်နိုးတယ်ဆိုတာကိုမီးမောင်းထိုးရိုက်ကူးပြထားတဲ့ ဇာတ်ကားကောင်းတစ်ကားဖြစ်ပါတယ်။ ပြန်ပေးဆွဲခံရတဲ့ သားငယ်ကို လူဆိုးဂိုဏ်းတွေလက်ထဲကနေ ဘယ်လိုကယ်ထုတ်မလဲဆိုတာကို စိတ်ဝင်စားဖွယ် စက်စုပ်ရွံ.ရှာဖွယ် သွေးထွက်သံယို တွေ နဲ.ရိုက်ကူးထားတာဖြစ်ပါတယ်။ (ဘာသာပြန်သူကတော့ Linnthura1988 ပဲဖြစ်ပါတယ်) File Size : 660 MB Quality : Webdl 720P Running Time : 1hr 35minutes Format : Mp4 Genre : Action, Crime, Drama Translator : linnthura1988 Encoder :Thanhtike Zaw

လပ်ကီးလို့ ခေါ်တဲ့ခွေးလေးရဲ့ ပိုင်ရှင်ဖြစ်သူကတော့ ဗိသုကာပညာရှင်တစ်ယောက်ဖြစ်တဲ့ ထရာဗစ်ဖြစ်ပြီး ထရာဗစ်မှာ သူ့အရင်အိမ်ထောင်နဲ့ရခဲ့တဲ့ ကလေးနှစ်ယောက် ရှိပါတယ်။ တစ်ရက် ကလေးနှစ်ယောက်နဲ့အတူ အလုပ်ခရီးတစ်ခု ထွက်ဖို့ရှိလာတဲ့အခါမှာတော့ လပ်ကီးလေးကို ခွေးဂေဟာမှာ သွားပို့ဖို့ ဖြစ်လာတော့တာပေါ့။ ဖြစ်ချင်တော့ အဲဒီဂေဟာမှာပဲ ခွေးရော သခင်ရောက သူတို့ရဲ့အချစ်နဲ့ စပြီးတွေ့ခဲ့ပါ‌တော့တယ်။ လပ်ကီးက အေမီလို့ခေါ်တဲ့ ခွေး‌‌မလေးကိုသဘောကျသွားပြီး ထရာဗစ်တစ်ယောက်ကတော့ အေမီရဲ့ပိုင်ရှင်ဖြစ်သူကိုမှ ချစ်မိသွားပါသတဲ့။ လပ်ကီးနဲ့အေမီလို့ခေါ်တဲ့ ခွေးလေးနှစ်ကောင်ကြားက အချစ်ရေးက ဘယ်လိုဆက်ဖြစ်မလဲ သူတို့ပိုင်ရှင်နှစ်ယောက်ရဲ့ အချစ်ရေးကရော ဘယ်လိုအဆုံးသတ်မလဲဆိုတာအပြင် ထရာဗစ်တို့ သားအဖတွေကြားက နွေးထွေးတဲ့မေတ္တာကိုပါ ကြည့်ရှူခံစားရမယ့် ဇာတ်ကားကောင်းလေးဖြစ်တာမို့ အချိန်ပေးရကျိုးနပ်မှာပါ။ ထရာဗစ်တို့ရဲ့ ခရီးတစ်လျှောက်မြင်တွေ့ရတဲ့ ပင်လယ်အနီးအနားကမြင်ကွင်းတွေကို လိုက်ပါခံစားနိုင်မယ့်အပြင် ခွေးချစ်သူတို့အတွက်လည်း အပန်းပြေစိတ်ကြည်နူးစေနိုင်မယ့် ဇာတ်ကားလေးဖြစ်တာမို့ တင်ဆက်ပေးလိုက်ရပါတယ် ။ File Size :  1.9 GB, 1.2 GB Quality : WEB-DL 1080p / 720p Running Time : 1hr 28min Format : Mp4 Genre : Family Subtitle : Myanmar Subtitle (Hard Sub) Translated by : Mon Encode by : Thit San Khant

အော်ရဂွန်မြစ်ကို မှီခိုလုပ်ကိုင်စားသောက်နေကြတဲ့ လယ်သမားတွေရှိသလို စွမ်းအင်ရဖို့ မြစ်ပေါ်မှာ ရေကာတာတွေလည်း အထပ်ထပ် ဆောက်ထားပါတယ်။ အဲဒီရေကာတာတွေကြောင့် သဘာဝပတ်ဝန်းကျင်၊ တောရိုင်းတိရစ္ဆာန်တွေနဲ့ ရေနေသတ္တဝါတွေအပေါ် ဆိုးကျိုးတွေ သက်ရောက်နေချိန်မှာ သဘာဝပတ်ဝန်းကျင်အရေး လှုပ်ရှားသူသုံးယောက်က ရေကာတာတစ်ခုကို ဖောက်ခွဲဖို့ ကြံစည်ကြတယ်။ သူတို့ဟာ အချိန်ယူပြီး စနစ်တကျ စီစဉ်ကြသလို လိုအပ်တဲ့ ငွေကြေးနဲ့ လူအင်အားကိုလည်း စိုက်ထုတ်ကြပါတယ်။ ဒါပေမဲ့ အစီအစဉ်ကို လက်တွေ့လုပ်လိုက်တဲ့အခါ အကျိုးဆက်တွေက ထင်ထားသလို ဖြစ်မလာဘူး။ ဒီကြားထဲ သူတို့ထဲက တစ်ယောက်ဟာ အဲဒီအကျိုးဆက်တွေကို မခံနိုင်တော့ဘဲ မလုပ်သင့်တာတွေ ဆက်လုပ်မိရာက အခြေအနေတွေ ပိုရှုပ်ထွေးလာပြီး ရှောင်တိမ်းရတဲ့အထိ ဖြစ်လာပါတယ်။ ဇာတ်လမ်းက စကားပြောခန်းများပြီး ငြိမ်တဲ့ ကင်မရာရိုက်ချက်တွေနဲ့ ဖြည်းဖြည်းချင်း ဆက်သွားပါတယ်။

IMDb - 6.4/10 Pirates of the Caribbean ဇာတ်ကား ဖန်တီးရှင် ထုတ်လုပ်သူ Jerry Bruckheimer နဲ့ ဒါရိုက်တာ Gore Verbinski တို့ရဲ့ လက်ရာ ဖြစ်ပြီး Tonto အဖြစ် မင်းသား Johnny Depp ၊ Lone Ranger ခေါ် John Reid အဖြစ် Armie Hammer ၊ Latham Cole အဖြစ် Tom Wilkinson Butch Cavendish အဖြစ် William Fichtner ၊ Red Harrington အဖြစ် Helena Bonham Carter ၊ Dan Reid အဖြစ် James Badge Dale နဲ့ Rebecca အဖြစ် Ruth Wilson တို့ ပါဝင်ထားတဲ့ ဇာတ်ကားပါ………ဇာတ်လမ်းကတော့….. ၁၉၃၃ ခုနှစ် ကာနေဗယ်တော် ကျင်းပနေသည့် ရက်တွင် ဖြစ်သည်။ ဆန်ဖရန်စစ္စကိုတွင် Golden Gate တံတားကြီး စတင်ဆောက်လုပ်နေဆဲ ကာလဖြစ်သဖြင့် ထိုနေရာတွင် လူစည်ကားနေသည်။ Will ဟု အမည်ရသော ချာတိတ်တစ်ယောက်က က ရာဇဝင်ထဲက လူစွမ်းကောင်း Lone Ranger (တစ်ကိုယ်တော် လူစွမ်းကောင်း) ပုံစံ ကောင်းဘွိုင်ဝတ်စုံ ဝတ်ဆင်ပြီး ကာနေဗယ်ပွဲတော်ကျင်းပရာ နေရာကို လှည့်လည် ကြည့်ရှုနေသည်။ ထိုနေရာတွင် Tonto ဟု အမည်ရသော ကိုမန်ချီ အင်ဒီယန်းလူမျိုး တစ်ဦးနှင့် တွေ့ဆုံမိသည်။ Will သတိရလိုက်သည်က Lone Ranger ရဲ့ မိတ်ဆွေ Tonto ကလည်း ကိုမန်ချီ အင်ဒီယန်းဖြစ်သည် ဆိုတာကိုပင်။Tonto က သူနဲ့ Lone Ranger တို့ အနောက်ခြမ်းက ကန္တာရမှာ စွန့်စားခဲ့ကြောင်း၊ မျက်နှာဖုံးစွပ် Lone Range နဲ့ သူနဲ့ နှစ်ယောက်အတူ ဘဏ်ကို ဓားပြတိုက်ခဲ့ကြောင်း ပြောပြသည်။ သို့သော် Will လက်မခံနိုင်။ သူသိထားသည့် Lone Ranger က တရားဥပဒေ စိုးမိုးရေး စွမ်းဆောင်ခဲ့သည့် သူရဲကောင်း၊ ဘဏ် ဓားပြမဟုတ်……….. အဲဒီတော့မှ Tonto က ၁၈၆၉ ခုနှစ်မှာ သူနဲ့ အတူတူ တက္ကဆပ်ပြည်နယ် ကော်ဘီမှာ သောင်းကျန်းခဲ့ဖူးသည့် လူတစ်ယောက်အကြောင်း ပြန်ပြောပြသည်။ ၁၈၇၉ တွင် အမေရိကန်နိုင်ငံရဲ့ အရှေ့ဖက်နဲ့ အနောက်ဖက်ကို ဆက်သွယ်ဖို့ ပြည်နယ်အများအပြားကို ဖြတ်ပြီး ရထားလမ်းဖောက်လုပ်နေသည်။ ရထားလမ်းကို Latham Cole ဆိုသည့် သူဌေးတစ်ဦးက ထိန်းချုပ်ထားသည်။ John Reid ဆိုသည့် လူငယ်လေးက ဒီရထားကို စီးပြီး ဇာတိသို့ ပြန်လာသည်။ John Reid စီးတဲ့ ရထားပေါ်မှာ Texas Ranger တစ်ဦးဖြစ်တဲ့ သူ့အစ်ကို Dan Reid ဖမ်းလာသည့် လူဆိုးကြီး Butch Cavendish လည်း ပါလာသည်။ Tonto ကလည်း အဲဒီရထားကိုပဲ စီးလာသည်ပေါ့………..သို့ပေမယ့် အခြေအနေက အစိုးမရသည်မို့ Butch လွတ်သွားပြီး သူ့ကို ဖမ်းလာသည့် Texas Ranger တွေ အသတ်ခံရသည်။ Tonto က ဒီလူသတ်မှုမှာ ကြားက ဓားစာခံဖြစ်ပြီး ရထားကို အပိုင်စီးခံရသည်။ ဒါပေမယ့် John နဲ့ Dan တို့က ပြန်လည်တိုက်ခိုက်ပြီး Tonto ကို Butch ရဲ့ အဖွဲ့ကလို့ ထင်သွားကြသည်။ အကျိုးဆက်အနေနဲ့ Tonto ကို Dan က ဖမ်းဆီးထားလိုက်ပြီး Butch ကတော့ လွတ်မြောက်သွားသည်။Dan က John ကို Texas Ranger တွေနဲ့အတူ Butch ကို လိုက်လံဖမ်းဆီးဖို့ အကူအညီတောင်းသည်။ တောင်ကြားတစ်ခုတွင် Dan ၊ John နဲ့ Ranger တွေ ပိတ်မိနေစဉ် Ranger တွေ အကုန်အသတ်ခံရပြီး Butch က John ရဲ့ ရှေ့မှာတင် Dan ရဲ့ နှလုံးကို ထုတ်ပြီး စားပြသည်။ John လည်း ဒဏ်ရာကြောင့် မျောသွားပြီး ကိုမန်ချီအင်ဒီယန်းတွေ ယုံကြည်ကြတဲ့ Silver အမည်ရှိ ဝိဉာဏ်မြင်းတစ်ကောင်က သူ့ကို ပြန်အသက်သွင်းပေးလိုက်သည်။ ထောင်က ထွက်ပြေးလာတဲ့ Tonto က ဒီအကြောင်းကို ပြောပြပြီး John တစ်ယောက် တိုက်ပွဲမှာ သူများသတ်လို့ မသေနိုင်တော့ဟု ရှင်းပြသည်။ဒါ့အပြင် တိုက်ပွဲမဖြစ်ခင် ပျောက်ဆုံးသွားသည့် Collins အမည်ရှိ Ranger က သစ္စာဖောက်လို့ Dan သေဆုံးရတာ ဖြစ်ကြောင်း Tonto က သတင်းပေးသည်။ Collins မကြာခင်ကမှ ရောက်ခဲ့သည့် ပြည့်တန်ဆာအိမ်သို့ သွားရှာကြရင်း Red Harrington နဲ့ တွေ့ဆုံမိပြီး Dan နဲ့ Collins တို့ ရန်ဖြစ်သည့်အကြောင်းကို သိရသည်။ အဲဒီအချိန်မှာ ကိုမန်ချီ အင်ဒီယန်းယောင်ဆောင်ထားသည့် Butch ရဲ့ အဖွဲ့ဝင်တွေက ကိုမန်ချီနဲ့ အမေရိကန်တွေရဲ့ နယ်စပ်ကို ဝင်ရောက်တိုက်ခိုက်ကြသည်။ဒီလို ဝင်ရောက်တိုက်ခိုက်တာကြောင့် Dan ရဲ့ မိန်းမ Rebecca နဲ့ သား Danny တို့ ပိတ်မိသွားကြသည်။ သို့သော် မီးရထားလမ်းပိုင်ရှင် Latham Cole က ဝင်ရောက်ကယ်ဆယ်ပြီး Collins ကို ပစ်သတ်လိုက်သည်။ ဒါ့အပြင် ရထားလမ်း ဆက်လက်ဖောက်လုပ်ဖို့နဲ့ ကိုမန်ချီအင်ဒီယန်းတွေကို တိုက်ခိုက်ဖို့ အမေရိကန် မြင်းတပ်ဗိုလ်ကြီး Jay Fullerကို အကူအညီတောင်းသည်။တကယ်တော့ Cole ရော Butch ကပါ ကိုမန်ချီ တွေ ပိုင်ဆိုင်တဲ့ ငွေသတ္ထုတွင်းကို လိုချင်လို့ ဒီဒေသကို ထိုးဖောက်ဝင်ရောက်လာခြင်း ဖြစ်သည်။ ဒီအကြောင်းကို သိသွားရတဲ့ တရားခံဟာ အင်ဒီယန်းကြီး Tonto ဖြစ်သည့်အကြောင်း John သိသွားသည့်အခါ …… File Size : 1 GB Quality : HD 1080p Running Time : 2h 30min Format : Mp4 Genre : Action, Adventure, Western Subtitle : mmsubtitle Encoder : Tariq L Walker

Lawless (2012) IMDb - 7.3/10 Rotten - 67% Rotten Tomatoes... 67% ဒီအရေ ဒီအသား ဒီအသွေးနဲ့ပဲ တည်ဆောက်ထားကြတဲ့ အသက်တစ်ချောင်းစီရှိကြတဲ့ လူချင်းအတူတူ ဘယ်သူမဆို သတ်ရင်သေကြတာပါပဲ။ အကြောက်တရား ရှိကြတာပါပဲ။ ဒါပေမဲ့ ဒီဇာတ်လမ်းထဲမှာ ကိုယ့်အကြောက်တရားကို ကိုယ်ထိန်းချုပ်နိုင်တဲ့လူ ၊ ဒဏ်ရာတွေကြား ရှင်သန်ဖို့ အားတင်းနိုင်တဲ့လူ ၊ မသေမျိုးအထင်ခံရတဲ့လူတစ်ယောက် ပါဝင်ထားပါတယ်။ အဲ့ဒီလူနေရာက သရုပ်ဆောင်ထားတာကလည်း Tom Hardy ပါ။ ဒီဇာတ်လမ်းဟာ... 1920 ကနေ 30 အတွင်း အရက်ပုန်းတားမြစ် ဥပဒေကာလမှာ အမေရိကန်ပြည်ထောင်စု Franklin ကိုယ်ပိုင်အုပ်ချုပ်ခွင့်ရဒေသက အရက်မှောင်ခိုသမားတွေနဲ့ ဥပဒေကြားက ထိပ်တိုက်ယှဉ်ပြိုင်မှူတွေအကြောင်း.. ဖြစ်ရပ်မှန် အခြေခံ ဇာတ်လမ်း ဖြစ်ပါတယ်။ ဒီ ရုပ်ရှင်ရဲ့ ဝတ္တုကို Matt Bondurant ရေးသားပြီး သူ့အဘိုး Jack Bondurant ပြောပြခဲ့တဲ့ ဖြစ်ရပ်မှန်ပါတဲ့။ ဒီဇာတ်လမ်းရဲ့ တစ်ပါးသော ဆွဲဆောင်မှုကတော့ Memento ရဲ့Lead Actor Guy Pearce ပါ။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__( 998 MB) Quality__BR-Rip 720p IMDb Rating__7.3/10 Format__mp4 Duration__01:56:03 Type__Crime, Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Rango ဆိုတဲ့ ပုတ်သင်လေးဟာ သူရဲကောင်းဖြစ်ချင်တဲ့ စိတ်ကူးယဉ်သမားတစ်ကောင်ပါ။ သူရဲကောင်းတစ်ယောက်လို မင်းသမီးလေးကို ကယ်တင်ရဖို့က သူ့ရဲ့အကြီးမားဆုံး မျှော်လင့်ချက်ပေါ့။ တစ်နေ့မှာတော့ မမျှော်လင့်တဲ့ ဖြစ်ရပ်တစ်ခုကြောင့် သဲကန္တာရထဲ သောင်တင်သွားပြီး ရေပြတ်လပ်နေတဲ့ မြို့ငယ်လေးတစ်မြို့ကို ရောက်လာတယ်။ တကယ်တမ်း အစွမ်းအစမရှိသေးပေမယ့် အပြောကောင်းတဲ့ Rango ဟာ မြို့ခံတွေ အထင်ကြီးယုံကြည်လာအောင် လုပ်နိုင်ခဲ့ပါတယ်။ မြို့ကို ဒုက္ခပေးနေတဲ့ ငှက်ကြီးကိုလည်း အလွဲလွဲအချော်ချော်နဲ့ ရှင်းပစ်နိုင်သွားတော့ မြို့ခံတွေက သူ့ကို ပိုပြီး အထင်ကြီးလာကြတယ်။ သူတို့မြို့ရဲ့ဒုက္ခတွေကို ဖြေရှင်းပေးနိုင်မယ့် သူရဲကောင်းအဖြစ်ပါ အားကိုးလာကြတော့တာပါ။ ဒီလိုနဲ့ Rango ဟာ လိုချင်ခဲ့တဲ့ သူရဲကောင်းအမည်ကို ရလာပေမယ့် အဲဒီနာမည်နဲ့ထိုက်တန်အောင် ကြိုးစားရာမှာ ပြဿနာတွေ တစ်ခုပြီးတစ်ခု ကြုံလာရတယ်။ သူရဲကောင်းဟန်ဆောင်နေမှန်း မြို့ခံတွေ သိသွားရင် ဘယ်လိုဖြစ်မလဲ၊ သူကိုယ်တိုင်ကရော သူရဲကောင်းဆိုတဲ့ အဓိပ္ပာယ်ကို နားလည်လာနိုင်မလားဆိုတာ သူ့ရှေ့မှာ ရှိနေပါတယ်။

The Killing Jar (2010) IMDb....5.8 လျှို့ဝှက်သည်းဖို ဇာတ်ကားမျိုး ကြိုက်သူတွေအတွက် ၂၀၁၀ ခုနှစ်က ထွက်ခဲ့တဲ့ ဇာတ်ကားကောင်းလေး တစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်း ဝေးလံခေါင်သီတဲ့ နေရာဒေသတစ်ခုရဲ့ လမ်းဘေး စားသောက်ဆိုင်လေး တစ်ဆိုင်မှာ လူ ခုနှစ်ယောက်ဟာ တိတ်ဆိတ်စွာ ညနေခင်းအချိန်လေးကို ကိုယ်စီ ဖြတ်သန်းနေကြပါတယ်။ အဲဒီဆိုင်နားက မြို့တစ်မြို့မှာ လေးလောင်ပြိုင် လူသတ်မှု ဖြစ်တဲ့အကြောင်း ဆိုင်မှာ ဖွင့်ထားတဲ့ ရေဒီယိုကနေ သတင်းလွှင့်သွားတာကို အားလုံး ကြားလိုက်ကြရတယ်။ အဲဒီနောက် ဆိုင်ထဲကို ထူးထူးဆန်းဆန်း သူစိမ်းတစ်ယောက်ဝင်လာပြီး အဲဒီလူရဲ့ ပုံစံက ထူးဆန်းနေတာကြောင့် အားလုံးက သူ့ကို ရေဒီယိုထဲမှာ လွှင့်သွားတဲ့ လေးလောင်ပြိုင် လူသတ်သမားလို့ ထင်သွားကြပါတယ်။ ဒါပေမဲ့ ဘယ်သူက အဲဒီ လေးလောင်းပြိုင် လူသတ်မှုကို တကယ် ကျူးလွန်ခဲ့တာလဲ။ အဲဒီနောက် ဘာတွေဆက်ဖြစ်မလဲဆိုတာကတော့ ဇာတ်ကားထဲမှာ ရင်တထိတ်ထိတ်နဲ့ ကြည့်ရှုရမှာဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်သူကတော့ BZW ပဲ ဖြစ်ပါတယ်...) File Size : 1.97GB/ 750MB Quality : Blu-Ray 1080p 5.1 CH/ Blu-Ray 720p Format…mp4 Duration…01:21:00 Genre : Drama, Thriller, Mystery Subtitle : Myanmar Subtitle (Hard Sub) Translated by BZW Encoded by Tiff

IMDb Rating(6.8) / Rotten Tomatoes (87%) မင်းသားကြီးဒန်ဇယ်ဝါရှင်တန်ရဲ့ဇာတ်ကားဆိုတော့ ရုပ်တည်ကြီးနဲ့ အလေးအနက်ခံစားရမယ့်ဇာတ်ကားဆိုတာ မှန်းမိနေမှာပါ။ Chris Pine တို့...Rosario Dawson တို့လဲ ပါသေးတယ်.. ဇာတ်လမ်းကတော့... လူမပါဘဲလွတ်ထွက်သွားတဲ့ အန္တရာယ်ရှိတဲ့ အရှိန်ပြင်းပြင်းရထားကြီးကို ရပ်တန့်အောင် လိုက်လုပ်ရမှာပါ... ပြောတော့တာ လွယ်ပေမယ့် တကယ်ကြည့်လိုက်ရင် ကိုယ်တိုင်ပါ အသက်ရှူရပ်မတန့် ဖြစ်သွားရမယ့် အခိုက်အတန့်တွေအများကြီးပါပဲ... Rating တွေလဲ မြင့်သလို တကယ်လဲမိုက်တဲ့ဇာတ်ကားမို့ လက်လွတ်ခံလို့မဖြစ်ပါဘူး။ File size…(1.7 GB) / (999 MB) / (500 MB) Quality…BluRay 1080p/720p/480p Format…mp4 Duration….01:38:30 Subtitle….Myanmar Subtitle (Hardsub) Encoder….Nyeinsaeya Aung Translated by Myo Min Aung(MMA)

The waitress(2007) ဒီတစ်ခါတော့ IMDb 7/10, Rotten Tomatoes 89% ရရှိထားခဲ့တဲ့ ဇာတ်ကားကောင်းလေးတစ်ကားနဲ့မိတ်ဆက်ပေးပါရစေ။ လူရယ်လို့ ဖြစ်လာရင် ရွေးချယ်မှုဆိုတာရှိကြစမြဲပါ။ ရွေးချယ်ခွင့်မရှိတဲ့အခြေအနေမှာတောင် ရွေးချယ်မှုရှိနေတာပါပဲ။ အရေးကြီးတာက ကိုယ့်ရဲ့ရွေးချယ်ခွင့်ကို ကိုယ်ကိုကိုယ်တိုင်က လက်လွှတ်မခံလိုက်ဖို့ပါပဲ။ ဒီဇာတ်ကားလေးမှာတော့ ဂျန်နာဟာ သိပ်ကိုထိန်းချုပ်တတ်ပြီး တစ်ကိုယ်ကောင်းဆန်လွန်းတဲ့ယောကျာ်းနဲ့ပေါင်းသင်းနေရတဲ့ ပိုင်မုန့်လုပ်ရာမှာ ထူးချွန်လွန်းတဲ့ စားပွဲထိုးမလေးတစ်ယောက်ပါ။ သူမဘဝမှာ အမြဲလိုလို အကြောက်တရားနဲ့ စိတ်ဆင်းရဲမှုတွေနဲ့ပြည့်နေတတ်ပေမဲ့ တစ်ခုတည်းသော ရည်မှန်းချက်လေး ရှိနေပါသေးတယ်။ အဲဒါကတော့ ငွေစုပြီး သူ့ယောကျာ်းဆီက ထွက်ပြေးဖို့ပါပဲ။ ဒါပေမဲ့ နဂိုကံဆိုးတဲ့ဘဝမှာမှ ထပ်ဆင့်ကံဆိုးပြန်ပါတယ်။ အဲဒါကတော့ ကလေးရသွားတာပါပဲ။ သူ့ဘဝက ကံကောင်းချင်‌ေတာ့ ပိုက်ဆံကောက်ရတယ် ကံဆိုးချင်တော့ ချော်လဲလို့ သုံးလိုက်ရတယ် ဆိုတာမျိုးပါပဲ။ အတက်အကျမဲ့ ကံ‌တောက်လျှောက်ဆိုးနေရာက နောက်ဆုံးတော့ သူ့ရဲ့မီးယပ်ဆရာဝန်နဲ့ ကြိုက်မိသွားပါလေရော။ ဒီလိုနဲ့ တစ်ဖက်ကဆိုးလွန်းတဲ့ယောကျာ်း၊ တစ်ဖက်ကတော့ နူးညံ့တဲ့‌ဆရာဝန်လေး၊ နောက်တစ်ဖက်ကလည်း လူသိမခံနိုင်တဲ့ ဖောက်ပြန်မှု ဒါတွေကြား ဂျန်နီတစ်ယောက် ဘယ်လိုရွေးချယ်မှုတွေဖန်တီးပြီး အဆုံးသတ်မှာ လွတ်မြောက်ပြီး ပျော်ရွှင်သွားနိုင်မလားဆိုတာတော့ ကိုယ်တိုင်ပဲတက်လက်ကြည့်ရှုအားပေးလိုက်ပါဦးနော်။ File size…    1.8 GB /  968MB Quality… Web-DL 1080p / 720p Format… mp4 Duration…. 1h 48m Genre ..... Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by Aditi

ဒီတစ်ကြိမ်မှာတော့ ဟောလိုးဝင်းရုပ်ရှင်တွေကိုကြည့်ရှုရတာကြိုက်နှစ်သက်တဲ့ ကြည့်ရှုသူပရိတ်သတ်ကြီးကို Hallowen horrorဇာတ်ကားကောင်းလေးတစ်ကားဖြစ်တဲ့ Hallowen(1)ဆိုတဲ့ဇာတ်ကားလေးနဲ့မိတ်ဆက်ပေးပါရစေ ဒီဇာတ်ကားကိုမူလဟောလိုးဝင်းရုပ်ရှင်ရဲ့အစဒါရိုက်တာလည်းဖြစ်သူ ယခုဟောလိုးဝင်းရုပ်ရှင်ရဲ့တွဲဖက်စာရေးဆရာဖြစ်တဲ့ Jhon Carpenterကသူကြုံတွေ့ ခဲ့ရတဲ့တကယ့်ဖြစ်ရပ်မှန်အပေါ်ကိုအခြေခံရေးသားထားပြီး ဒါရိုက်တာDavid Gordenက ရိုက်ကူးပုံဖော်ထားတဲ့ rating 6.5/10ရရှိထားတဲ့ဇာတ်ကားကောင်းလေးတစ်ကားဖြစ်ပါတယ် ဒီဇာတ်ကားမှာမင်းသားJames Jude Courtney နဲ့မင်းသမီးJamie Lee Curtisအဓိကပါဝင်သရုပ်ဆောင်ထားပြီး ဒီဇာတ်ကားမှာ မင်းသမီး Jamie Lee Curtisကအကောင်းဆုံးအမျိုးသမီးဇာတ်ပို့ဆုကိုရရှိထားပါတယ် ဒီဇာတ်လမ်းအစမှာ ငယ်ငယ်ကတည်းကလိင်တူစိတ်ဝင်စားသူလို့ထင်ခံနေတဲ့ရတဲ့ အဓိကဇာတ်ဆောင် Michael Myersကငါးနှစ်သားအရွယ်မှာ ဘယ်သူမှထင်မှတ်မထားတာတွေကို လုပ်ထားတာကိုတွေ့လိုက်ပါတယ် အဲ့တာကတော့သူက အိမ်မွေးတိရစ္ဆာန်လေးတွေကို ညဉ်းပန်းနှိပ်စက်တာကိုသဘောကျနေတာဖြစ်ပါတယ် ဒီလိုနဲ့ဟောလိုးဝင်းညရောက်တဲ့အခါ Michael Myersဆိုတဲ့ ငါးနှစ်သားအရွယ်ကောင်လေးတစ်ယောက်က ဘယ်သူမှ ထင်မှတ်ထားတာကိုလုပ်လိုက်ပါတယ် အဲ့ဒီအဖြစ်အပျက်ပြီးတဲ့နောက်မှာ Michael Myersရဲ့ ဘဝဟာဘယ်လိုမျိုးတစ်ဆစ်ချိုးပြောင်းလဲသွားမှာလဲ ဘာတွေဆက်ဖြစ်ကြမှာလဲဆိုတာကို ဒီဇာတ်ကားလေးထဲမှာစီးမျောကြည့်ရှုလိုက်ပါဦး တကယ့်ဖြစ်ရပ်မှန်ကိုအခြေခံပြီး ရိုက်ကူးထားတာဖြစ်တဲ့အတွက် ကြည့်ရှုသူပရိတ်သတ်ကြီး အတွက် အချိန်ကုန်ရကျိုးလည်းနပ်စေမယ့်ဇာတ်ကားတစ်ကားဖြစ်ပါတယ် ဒီဇာတ်ကားဟာ Crime,Horror&Thriller အမျိုးအစားကိုမှကြိုက်နှစ်သက်တဲ့သူတွေ မလွတ်စတမ်းကြည့်ရှုသင့်တဲ့ဇာတ်ကားတစ်ကားဖြစ်ပါတယ် File size…1.77GB / 845MB Quality…WEB-Rip 1080p / 720p Format…mp4 Duration….1h 49m Genre ….. Horror Subtitle….Myanmar Subtitle (Hard Sub) Encoder….Min Wai Translated by Eh Phaw

IMDb - 7.0/10 Rotten - 55% 2006 ခု နှစ်မှာ ထွက်ရှိခဲ့တဲ့ Deja Vu ဇာတ်ကားကို ဒါရိုက်တာ တိုနီစကော့ကနေရိုက်ကူးခဲ့ပြီး ပါဝင်သရုပ်ဆောင်ထားတဲ့သူကတော့ Denzel Washington ဖြစ်ပါတယ်. ကျွန်တော်သိပ်ကြိုက်တဲ့ဇာတ်ကားတစ်ကားဖြစ်တဲ့ John Q ဇာတ်ကားမှာလည်း အဓိကမင်းသားအဖြစ်ပါဝင်သရုပ်ဆောင်ခဲ့တဲ့သူပါ. အခုတင်ပေးတဲ့ကားကတော့ အက်ရှင် နဲ့ဖိုက်တင်နဲ့ သိပ္ပံဇာတ်လမ်း အမျိုးအစားဖြစ်ပြီး အက်ရှင်ဇာတ်လမ်းကောင်း.. သိပ္ပံနဲ့ဆိုင်တဲ့ဇာတ်ကားမျိုးလေးတွေကိုကြိုက်နှစ်သက်တဲ့ သူတွေအတွက်လက်လွှတ်မခံသင့်တဲ့ဇာတ်ကားမျိုးဖြစ်ပါတယ်.. IMDb Rating ကလည်း 7.1 ရရှိထားတာမို့. .ဇာတ်ကားကောင်းတစ်ကားဆိုတာ ငြင်းချက်ထုတ်နေစရာမလိုပါဘူး အညွှန်းနည်းနည်းပေးရမယ်ဆိုရင်….. ဇာတ်လမ်းစစချင်းမှာပဲ ရေကြောင်း Ferry တစ်ခုဖြစ်တဲ့ သဘောၤတစ်ခုမှာ ကျောင်းသားတွေရော. လူတော်တော်များများပါလိုက်ပါလာပါတယ်.. အားလုံးပျော်ပျော်ရွှင်ရွှင်ဖြစ်နေကြတုန်းမှာပဲ သဘောၤ ပေါ်မှာ တင်ဆောင်လာတဲ့ကားတစ်စီးမှာ ထောင်ထားတဲ့ ဗုံးဟာ ပေါက်ကွဲသွားပါတယ်..သဘောၤတစ်စီးလုံးစာကို ပေါက်ကွဲသွားတာဖြစ်ပြီး ကယ်ဆယ်ချိန်လည်းမရသလို.အသေအပျောက်ကလည်းရာချီပါတယ် ဒီကိစ္စကိုစုံစမ်းဖို့အတွက်ရောက်လာတာကတော့ ATF Agent ဖြစ်တဲ့ ဒေါ့ကာလင်ပါ… အရည်အချင်းရှိတဲ့သူတစ်ယောက်ပဲဖြစ်ပါတယ်.. သူဟာ နည်းပညာအကူအညီနဲ့ သဘောၤဗုံးမပေါက်ခင် လွန်ခဲ့တဲ့ လေးရက်ကို ပြန်လည်သွားရောက်ပြီး ရာဇဝတ်မှုမဖြစ်ပွားအောင်ကြိုးစားရပါတော့တယ်. ဘယ်လိုတွေဆက်ဖြစ်မလဲဆိုတာကို တော့ ဆက်လက်ကြည့်ရှုကြပါ.. ဆွဲဆောင်မှုရှိရှိနဲ့ရိုက်ကူးတင်ဆက်ထားပြီး စိတ်ဝင်တစားစောင့်ကြည့်ရမှာပဲဖြစ်ပါတယ်.. ဒီဇာတ်ကားရဲ့ဘာသာပြန်ကိုတင်ဆက်သူကတော့ ကို Lotus Black ပဲဖြစ်ပါတယ် Translated By Lotus Black Encoded By LK

တက္ကဆက်စ်က လူသူအရောက်အပေါက်နည်းတဲ့ ကွင်းပြင်တစ်နေရာမှာ ဟီဝစ်မိသားစုဟာ စိုက်ပျိုးမွေးမြူရေးလုပ်ရင်း နေထိုင်ကြပါတယ်။ စီးပွားရေးကျဆင်းမှုနဲ့ အစာရေစာရှားပါးမှုကြောင့် တခြားသူတွေ ပြောင်းရွှေ့ကုန်ကြပေမယ့် သူတို့ကတော့ ဆက်နေခဲ့ကြတယ်။ ဆင်းရဲဒုက္ခတွေကြားမှာ မိသားစုဝင်တွေရဲ့ စိတ်အခြေအနေကလည်း ဆိုးဆိုးဝါးဝါး ထိခိုက်နေပါတယ်။ တစ်နေ့မှာ သူတို့ရဲ့မွေးစားသား တွမ်မီက သူအလုပ်လုပ်နေတဲ့ သားသတ်ရုံပိုင်ရှင်ကို သတ်လိုက်တယ်။ အဲဒီဖြစ်ရပ်ကနေ ဟီဝစ်မိသားစုရဲ့ ရက်စက်တဲ့ လူသတ်မှုတွေ စတင်လာပါတယ်။ ဒီကားက ဟီဝစ်မိသားစုရဲ့ အစပြုဇာတ်လမ်းဖြစ်ပြီး လူ့အရေပြားမျက်နှာဖုံးတပ်ထားတဲ့ ချိန်းဆောလူသတ်သမား ဘယ်လိုပေါ်ပေါက်လာသလဲဆိုတာနဲ့ ကျန်မိသားစုဝင်တွေအကြောင်းကို ပြထားတာပါ။ ဗီယက်နမ်စစ်ပွဲဆီ စေလွှတ်ခံရတဲ့ အမေရိကန်စစ်သား ညီအစ်ကိုနှစ်ယောက်နဲ့ သူတို့ရဲ့ချစ်သူနှစ်ယောက်ဟာ တက္ကဆက်စ်ကို ဖြတ်သန်းသွားရင်း ဟီဝစ်မိသားစုနဲ့ ဆုံမိကြပါတယ်။ သူတို့ရဲ့လမ်းခရီးကနေ ဟီဝစ်မိသားစုရဲ့ လူသတ်မှုတွေနဲ့ ဆက်စပ်သွားတဲ့ ထိတ်လန့်ဖွယ်ဇာတ်လမ်းဖြစ်ပြီး အကြမ်းဖက်ပြကွက်တွေ ပါဝင်ပါတယ်။

Horror ဇာတ်ကားအဟောင်းလေးတွေထဲက ကောင်းတာလေးတွေကို ပြန်ကြည့်ချင်တဲ့လူတွေအတွက် The Devils Rejects လို့ခေါ်တဲ့ ၂၀၀၅ ခုနှစ်က ထွက်ခဲ့တဲ့ဇာတ်ကားလေးကိုတင်ဆက်ပေးလိုက်ပါတယ်။ ဒီကားကတော့နာမည်အတိုင်းပဲ နတ်ဆိုးကတောင်ငြင်းပယ်ရတဲ့အပယ်ခံတွေလို့ တင်စားခံထားရလောက်တဲ့အထိ ဆိုးသွမ်းတဲ့ရာဇဝတ်သားတွေအကြောင်းကို ရိုက်ကူးထားတာပဲဖြစ်ပါတယ်။ဇာတ်လမ်းအစမှာတော့ ရဲမှူးဝိုင်ဒဲလ်က အိမ်တစ်အိမ်က ရာဇဝတ်သားတွေကို လာရောက်ဖမ်းဆီးတဲ့မြင်ကွင်းကိုတွေ့ရမှာပါ။ဒါပေမယ့် အဲ့ဒီရာဇဝတ်သားတွေက ရိုးရိုးတန်းတန်းရာဇဝတ်သားတွေမဟုတ်ဘဲ အရမ်းကို ရက်စက်ယုတ်မာရိုင်းစိုင်းပြီး လူမဆန်တဲ့ရာဇဝတ်သားတွေဖြစ်ပါတယ်။ဒီလိုနဲ့ ရဲတွေနဲ့လူဆိုးတွေကြား အပြန်အလှန်ပစ်ခတ်ကြရင်းနဲ့ တော်တော်များများကို ဖမ်းမိပြီး နှစ်ယောက်တော့ လွတ်သွားပါတော့တယ်။ရဲမှူးဝိုင်ဒဲလ်လဲ သူတို့နောက်ကို လိုက်ဖမ်းရင်းနဲ့ သူ့အစ်ကိုသေရတာ သူတို့ကြောင့်ဆိုတာကိုသိလာခဲ့ပြီး အလုပ်ကိစ္စဆိုတာထက် ကိုယ်ရေးကိုယ်တာတွေပါပါလာတဲ့အခါ ရဲတစ်ယောက်လည်း နတ်ဆိုးထက်ပိုကြမ်းလာနိုင်တယ်ဆိုတာကိုတွေ့ရမှာပဲဖြစ်ပါတယ်။ File size…2.42GB / 1.24GB Quality…Blu-Ray 1080p / 720p Format…mp4 Duration….1h 47m Genre ….. Horror , Crime , Drama Subtitle….Myanmar Subtitle (Hard Sub) Encoder….Min Wai Translated by Saw Lay

မတော်တဆမှုတစ်ခုက မိသားစုသုံးစုရဲ့ဘဝကို ဆက်စပ်သွားစေပါတယ်။ မတော်တဆမှုကို ကြုံရတဲ့ မိသားစု၊ အဲဒီအမှုကို ဖြစ်စေခဲ့သူနဲ့ သေဆုံးသွားသူရဲ့ နှလုံးကို ရရှိလိုက်သူတို့ပါ။ 21 Grams ဟာ သေခြင်းနဲ့ နီးကပ်နေသူ၊ အပြစ်ရှိသူနဲ့ ကျန်ရစ်သူတို့ဆီမှာ လူတစ်ယောက် ဆုံးပါးသွားခြင်းက ဘယ်လိုဝန်ထုပ်ဝန်ပိုးတွေ၊ အပြစ်ရှိစိတ်တွေ ချန်ထားခဲ့သလဲဆိုတာကို ပြထားပါတယ်။ ဇာတ်ကားအမည်က ၁၉၀၇ ခုနှစ်မှာ Duncan MacDougall ထုတ်ဝေခဲ့တဲ့ “The 21 Grams Experiment” ဆိုတဲ့ စာတမ်းနဲ့ ဆက်စပ်နေပါတယ်။ သူတင်ပြခဲ့တဲ့ သီအိုရီအရ လူ့ဝိညာဉ်မှာ အလေးချိန်ရှိပြီး လူသေဆုံးပြီးချင်း အလေးချိန် ၂၁ ဂရမ် လျော့သွားတယ်လို့ ဆိုပါတယ်။ ရုပ်ရှင်ကတော့ အဲဒီ ၂၁ ဂရမ်ဆိုတဲ့ အယူအဆကနေ ဆုံးရှုံးမှုအကြောင်း မေးခွန်းထုတ်ထားတာပါ။ လူတစ်ယောက် ဆုံးပါးချိန်မှာ ဘာတွေ ဆုံးရှုံးသွားသလဲ၊ ကျန်ရစ်သူတွေကရော အဲဒီဆုံးရှုံးမှုကို ဘယ်လောက်အထိ ခံစားကြရသလဲဆိုတာကို ဇာတ်ကောင်တွေရဲ့ ဘဝတွေကနေ ပြောထားပါတယ်။ ဒါရိုက်တာ Alejandro G. Iñárritu က အဖြစ်အပျက်တွေကို အချိန်အစဉ်အလိုက် မဟုတ်ဘဲ ရှေ့နောက်ပြောင်းပြီး တင်ပြထားတယ်။ အစပိုင်းမှာ ဘယ်သူက ဘယ်မိသားစုနဲ့ ဆက်နွယ်နေသလဲဆိုတာ ရောထွေးနေနိုင်ပေမယ့် ဇာတ်လမ်းဆက်သွားတာနဲ့ အဖြစ်အပျက်တွေကို တဖြည်းဖြည်း ဆက်စပ်မိလာပါတယ်။ Sean Penn၊ Benicio Del Toro နဲ့ Naomi Watts တို့ ပါဝင်သရုပ်ဆောင်ထားပါတယ်။ ဒီဇာတ်ကားက သေခြင်းကို အခြေခံထားတဲ့ Alejandro ရဲ့ Death Trilogy ထဲက ဒုတိယကားပါ။ Amores perros (၂၀၀၀)၊ 21 Grams (၂၀၀၃) နဲ့ Babel (၂၀၀၆) တို့ ပါဝင်ပြီး သုံးကားစလုံးရဲ့ ဇာတ်ညွှန်းရေးသူက Guillermo Arriaga ဖြစ်ပါတယ်။ သုံးကားစလုံး ဝေဖန်ရေးဆရာတွေရဲ့ ချီးကျူးမှု ရခဲ့ကြသလို Alejandro ရဲ့ တခြားလက်ရာတွေထဲမှာ Birdman၊ The Revenant နဲ့ Biutiful တို့လည်း ပါဝင်ပါတယ်။

ဒီဇာတ်ကားကတော့ ၁၉၁၉ ကနေ ၁၉၂၄ ခုနှစ်အတွင်း ဘဏ်ပေါင်း ၇၅ ခုနဲ့ ရထား ၆စင်းကို ဓားပြတိုက်ခဲ့ကြတဲ့ နယူတန် ညီအစ်ကို လေးယောက်ရဲ့အကြောင်းကို ရိုက်ကူးတင်ဆက်ထားတာပါ။ ဓားပြမှုအများအပြားကို အစီအစဉ် တိတိကျကျဆွဲပြီး ပိပိရိရိကျူးလွန်ခဲ့ပေမယ့် လူတစ်ဦးတစ်ယောက်ကိုမှ မသတ်ခဲ့ဖူးသလို နာမည်ကျော် ဓားပြဂိုဏ်းတွေထက်ကို ပိုပြီး တိုက်ရာပါပစ္စည်းတွေ များခဲ့ပါတယ်။ ရာဇဝတ်ဘေး ပြေးမလွတ်ဆိုသလို သူတို့ နောက်ဆုံးလုပ်ခဲ့တဲ့ ရောင်းအောက် ရထားဓားပြမှုမှာတော့ အလွဲလွဲ အချော်ချော် ဖြစ်ပြီး အဖမ်းခံခဲ့ရပါတယ်။ နောက်ထပ် ကြီးမားတဲ့ စွမ်းဆောင်မှုကတော့ ညီအစ်ကိုလေးယောက်လုံး (အခြားရာဇဝတ်သားတွေနဲ့မတူ) မီးစာကုန် ဆီခန်းတဲ့အထိ နေထိုင်နိုင်သွားတာပါ။ ထိုခေတ် ထိုအခါက ထိပ်တန်းသရုပ်ဆောင်တွေ ပါဝင်ခဲ့ပါတယ်။ - [x] Matthew McConaughey က ဝီလစ်စ် နယူတန် - [x] Skeet Ulrich က ဂျိုး နယူတန် - [x] Ethan Hawke က ဂျက်စ် နယူတန် - [x] Vincent D'Onofrio က ဒေါက်ဂ် - [x] Dwight Yoakam က ဂလက်စ်ကော့ခ် - [x] Julianna Margulies က လူဝီဇ် - [x] Bo Hopkins က FBI အေးဂျင့် အော်လ်ဒရစ်ချ် ဒါရိုက်တာကတော့ Richard Linklater ဖြစ်ပါတယ်။ အညွှန်းနဲ့ ဘာသာပြန်သူ Thompson ဖြစ်ပါတယ်။ File size…(2.3 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Crime, Action, Drama Subtitle….Myanmar Subtitle (Hardsub) Encoder….Swan Min Htet Translated by Thompson