Matthew Rimmer ပါဝင်သော ဇာတ်ကားများ

နက်ဖလစ်က ထွက်တဲ့ အက်ရှင်ကားအသစ်ပါ။ ဂျက်ရိချာလိုပဲ စစ်ပြန်တစ်ယောက်နဲ့ မြို့ငယ်လေးတစ်ခုက အကျင့်ပျက်နေတဲ့ ရဲစခန်းတစ်ခုလုံး ရင်ဆိုင်ရတဲ့အမျိုးအစားပါပဲ။ ဒါရိုက်တာကလည်း True Detective အပိုင်းတွေ ရိုက်ဖူးတဲ့ Jeremy Saulnier မို့ ဥပဒေပိုင်း ရဲအပိုင်းတွေ‌တော့ ပိုင်ပါတယ်။ RT 98 အထိ ရထားတာဆိုတော့ ဇာတ်လမ်းရောအက်ရှင်ရော ကောင်းတဲ့အထဲမှာပါပါတယ်။ အရမ်းကြီး ကြမ်းထော်နေတာလဲမဟုတ်ဘဲ True Detective လိုပဲ လူသားဆန်ဆန်ဇာတ်လမ်းမျိုးပါပဲ။ ဇာတ်လမ်းအကျဉ်း တယ်ရီဆိုတဲ့ စစ်ပြန်ဟာ သူ့ရဲ့ညီဝမ်းကွဲ ဆေးမှုနဲ့ အဖမ်းခံထားရတာကို အာမခံထုတ်ပေးဖို့ ငွေထုပ်ပိုက်ပြီး စက်ဘီးနဲ့ လာတဲ့လမ်းမှာ ရဲကားတစ်စီးက သူ့ကို တိုက်လိုက်တယ်။ ပြီးတော့ သူယူလာတဲ့ငွေတွေကို မသင်္ကာမှုနဲ့ပါ သိမ်းလိုက်တယ်။ သူက အဲဒီငွေတွေကို ပြန်ရဖို့နဲ့ သူ့ညီလွတ်ဖို့လောက်ပဲ ပြန်လိုက်ကြိုးစားပေမဲ့ ပြဿနာတွေက ရှုပ်လာပြီး ရစခန်းတစ်ခုလုံးရဲ့ ခြစားမှုတွေနဲ့ အရှုပ်တော်ပုံတွေထဲကို ကြားညပ်သွားပါတယ်။ သူနဲ့ သူ့ကိုကူညီနေတဲ့ ရှေ့နေအလုပ်သင်မလေးကို လိုက်သတ်ကြတဲ့အခါ အသက်ရှင်ဖို့နဲ့ ရဲတွေအားလုံးရဲ့ ပြစ်မှုတွေကို ဖော်နိုင်ဖို့ ကြိုးစားရပါတော့တယ်။ File size…(1.5 GB)/(780 Mb) Quality….Webrip 1080p / 720p Format… mp4 Duration…. 02:11:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Mr. Anderson

Muhammad Ali၊ Joe Frazier တို့နဲ့ ခေတ်ပြိုင် လက်ဝှေ့သမားဖြစ်တဲ့ ကမ္ဘာ့ဟဲဗီးဝိတ်ချန်ပီယံ George Foreman ရဲ့ ဘဝအကြောင်းကို ရိုက်ကူးထားတဲ့ အတ္ထုပ္ပတ္တိရုပ်ရှင်ပါ။ ငယ်ငယ်က ဆင်းရဲလွန်းလို့ မုန့်တစ်ခုကိုတောင် မောင်နှမတွေ ခွဲစားခဲ့ရသလို ဒုစရိုက်မှုတွေကြားမှာလည်း ကြီးပြင်းခဲ့ရတယ်။ အဲဒီဘဝကနေ လမ်းမှားမရောက်အောင် သူ့ကို ဆွဲထုတ်ပေးခဲ့တာက လက်ဝှေ့ပါပဲ။ လက်ဝှေ့သမားဘဝရဲ့ အတက်အကျတွေအပြင် ဘာသာရေးယုံကြည်မှုနဲ့ ပတ်သက်ပြီး သူ့စိတ်ထဲမှာ လွန်ဆွဲခဲ့ရတာတွေကိုလည်း ပြထားပါတယ်။ တစ်ချိန်မှာတော့ လက်ဝှေ့လောကကနေ နားပြီး သင်းအုပ်ဆရာအဖြစ် လုပ်ကိုင်ခဲ့တယ်။ ဆယ်နှစ်လောက် နားခဲ့ပြီးမှ ကြိုးဝိုင်းထဲ ပြန်ဝင်လာကာ အသက် ၄၅ နှစ်အရွယ်မှာ အသက်အကြီးဆုံး ကမ္ဘာ့ဟဲဗီးဝိတ်ချန်ပီယံ ဖြစ်လာခဲ့သူပါ။ အသက် ၁၉ နှစ်အရွယ်နဲ့ ၄၅ နှစ်အရွယ်တို့မှာ လက်ဝှေ့လောကကို အံ့အားသင့်စေခဲ့တဲ့ Foreman ရဲ့ဘဝကို Power စီးရီး ရိုက်ကူးခဲ့တဲ့ Tillman Jr. က ရိုက်ကူးထားပါတယ်။

ဒီဇာတ်လမ်းထဲမှာ ကမ္ဘာ၊ လကမ္ဘာနဲ့ နိဗ္ဗာန်လို နေရာသစ်တစ်ခုဖြစ်တဲ့ အိုမီဂါဆိုပြီး နေရာသုံးခု ရှိပါတယ်။ အဓိကဇာတ်ကောင်တွေက လကမ္ဘာပေါ်မှာ နေကြတာပါ။ အဲဒီမှာ ဥက္ကာပျံမိုးတွေ မကြာခဏ ရွာတတ်လို့ လူတွေက အကာအကွယ်ပေးထားတဲ့ အမိုးခုံးကြီးအောက်မှာ နေထိုင်ကြရတယ်။ အခြေခံလူတန်းစား အများစုကတော့ အိုမီဂါကိုသွားမယ့် ယာဉ်တွေအတွက် လောင်စာတူးဖော်ပေးရတဲ့ မိုင်းလုပ်သားတွေ ဖြစ်ကြပါတယ်။ မိုင်းမှာ အနှစ်နှစ်ဆယ် အလုပ်လုပ်ပြီးရင် အိုမီဂါကို သွားခွင့်ရမယ်လို့ သတ်မှတ်ထားပေမယ့် မမျှတတဲ့စနစ်ကြောင့် မျိုးဆက်တစ်ဆက် ကူးသွားတဲ့အထိ မသွားရသူတွေ ရှိနေတယ်။ အဲဒီလိုနေရာမှာ ကြီးပြင်းလာတဲ့ ကောင်လေးတစ်ယောက်ကတော့ ဖခင်ဆုံးပါးသွားပြီးနောက် သေဆုံးမှုနစ်နာကြေးအစီအစဉ်အရ အိုမီဂါကို ထွက်ခွာခွင့်ရလာပါတယ်။ မသွားခင် နှစ်ရက်အချိန်ရတဲ့အခါ ကောင်လေးဟာ သူ့အဖေ သွားစေချင်ခဲ့တဲ့ လကမ္ဘာချိုင့်ကြီးဆီ သူငယ်ချင်းတွေနဲ့အတူ သွားဖို့လုပ်ကြတယ်။ အမိုးခုံးအပြင်ဘက်ကို ထွက်ကြရတဲ့ ဒီစွန့်စားခရီးမှာ သူငယ်ချင်းတွေကြားက ချစ်ခင်မှုနဲ့ စွန့်လွှတ်မှုတွေကို တွေ့ရမှာပါ။ လူငယ်တွေရဲ့ ကြီးပြင်းလာမှုကို သိပ္ပံစိတ်ကူးယဉ်ခရီးစဉ်နဲ့ တွဲထားတဲ့ ဇာတ်ကားဖြစ်ပြီး Gifted မှာ ပါဝင်ခဲ့တဲ့ Mckenna Grace လည်း သရုပ်ဆောင်ထားပါတယ်။

အီသန်က လူချမ်းသာတွေရဲ့ ကလေးတွေကို စာသင်ပေးတဲ့ ကျူတာတစ်ယောက်ပါ။ ဆိုးတဲ့ကလေးတွေ ပါတတ်ပေမယ့် သူကတော့ စာသင်ရတာကို စိတ်ဝင်စားလာအောင်၊ ပညာရေးမှာ တိုးတက်လာအောင် သင်ပေးနိုင်လို့ နာမည်ရတယ်။ တစ်နေ့မှာ လစာအများကြီးပေးမယ့် စာသင်အလုပ်တစ်ခု ကမ်းလှမ်းလာပါတယ်။ အီသန်က ငွေကြေးအခက်အခဲရှိနေတာတော့ မဟုတ်ပေမယ့် ချစ်သူက ကလေးမွေးတော့မှာဆိုတော့ ဝင်ငွေပိုရတာကို သဘောကျတယ်။ ဒီလောက်လစာပေးရတဲ့ ကျောင်းသားဆိုတော့ စာညံ့ပြီး အားစိုက်သင်ပေးရမယ့်ကလေးလို့ သူက တွက်ထားပါတယ်။ ကလေးရဲ့အဖေကလည်း သူတို့အိမ်မှာ နေပြီး တစ်ပတ်အစမ်းသင်ကြည့်ဖို့ ခေါ်ထားတယ်။ ဒါပေမယ့် တကယ်သင်ကြည့်တော့ ဂျက်ဆန်ဆိုတဲ့ အဲဒီကလေးက သင်ပေးစရာ မလိုလောက်အောင်ကို တော်နေပါတယ်။ ဒါဆို အီသန်ကို လစာအများကြီးပေးပြီး ခေါ်ထားတာ ဘာကြောင့်လဲ။ ဂျက်ဆန်တို့မိသားစုက ငွေသိပ်ပေါနေလို့ပဲလား။ စာသွားသင်တဲ့ တစ်ပတ်အတွင်းမှာ ဂျက်ဆန်ဆီကရော အီသန်ဆီကပါ မူမမှန်တဲ့အရာတွေ ပေါ်လာတော့ ဘယ်သူက ဘာရည်ရွယ်ချက်နဲ့ ဘာတွေကြံစည်နေသလဲဆိုတာ မေးခွန်းထုတ်စရာ ဖြစ်လာပါတယ်။

Eternalsဇာတ်ကားမှာ Bollywood ကိုရောက်နေတဲ့ Eternal Kingoအ‌နေနဲ့သရုပ်ဆောင်ခဲ့တဲ့Kumail Nanjiani (ပိုးဟပ်မှာ ပုံအသုံးခံလိုက်ရလို့နာမည်ကြီးသွားတဲ့ဆရာကြီး)နဲ့ အာသွက်လျှာသွက် Comedy movie အများစုမှာပါ၀င်နေကျဖြစ်တဲ့ Issa Raeတို့ရဲ့ အချစ်ဟာသဇာတ်ကားလေးတခုနဲ့ မိတ်ဆက်ပေးချင်ပါတယ်။ ဂျီဘရန်နဲ့ လီလာနီဆိုတာက တကယ့်ထူးထူးခြားခြားအတွဲ။ ဂျီဘရန်ဆိုတာက ပါကစ္စတန်သား ကမ္ဘာကြီးကိုအဆိုးဘက်ကနေပဲ ကြည့်တတ်သလို ဘ၀ကြီးမှာ ဘာမှမစွန့်စားရဲ ပိုနေမြဲကျားနေမြဲနေတတ်သူ စိတ်လှုပ်ရှားတဲ့အချိန်ဆို ဘာမဟုတ်တဲ့ အကြောင်းအရာတခုကအစ တောင်စဉ်ရေမရလျှောက်ပြောလိုက်ရမှ။ အန္တရာယ်ဆိုတာနဲ့ ပြေးလိုက်ရမှဆိုတဲ့လူမျိုး။ လီလာနီဆိုတာက လူမည်းအမျိူးသမီး အရမ်းလည်းစပ်စု ပါလေရာငပိချက် ပြောချင်တဲ့အကြောင်းအရာတခုကို ကရားရေလွှတ် အဆုံးထိဖြစ်ချင်ရာဖြစ် ပြောထည့်လိုက်ရမှကျေနပ်တဲ့လူမျိုး။ ဒီလိုမျိုးနဲ့ ချိန်းတွေ့မယ့်စားသောက်ဆိုင်ရွေးတာကအစ ရန်တကျက်ကျက်ဖြစ်နေရတဲ့ သူတို့နှစ်ယောက် ‌ တနေ့မှာတော့ လမ်းခွဲဖို့ဆုံးဖြတ်ကြရင်းနဲ့ မတော်မဆ လူသတ်မှုတခုထဲဆွဲထည့်ခံလိုက်ရပါတော့တယ်။ ဒီလူသတ်မှုမှာ အပြစ်မရှိတာကို သက်သေပြနိုင်ဖို့ လီလာနီရဲ့ မဟာအကြံကြီးအတိုင်း စုံစမ်းကြတာကနေ သူတို့ ဘုနဲ့ဘောက်အတွဲ ဘယ်လိုမျိုး တလွဲတွေဖြစ်ဦးမှာလဲ။ သူတို့ရဲ့အပြစ်ကင်းမှုကို သက်သေပြနိုင်မှာလား။ သူတို့ရဲ့အရင်တည်းကဆိုးရွားလာနေတဲ့ realtionship ကိုရော ပြန်အဖတ်ဆယ် ကယ်တင်နိုင်ဦးမလား။ အဆုံး‌မှာဘယ်လိုမျိုး ဒီဇာတ်လမ်းလေးတခု ပြီးဆုံးသွားမလဲဆိုတာကို the lovebirds ဆိုတဲ့ အချစ်ဟာသဇာတ်ကားလေးမှာ ရှုစားအားပေးကြပါဦးခင်ဗျ။

လက်ဝှေ့သမား ရေဇာနဲ့ ကစ်တို့ဟာ အချင်းချင်း ယှဉ်ပြိုင်ခဲ့ရာမှာ တစ်ယောက်တစ်ပွဲစီ အနိုင်ရထားကြပါတယ်။ ဘယ်သူသာသလဲဆိုတာ အဆုံးအဖြတ်ပေးမယ့် နောက်တစ်ပွဲ မထိုးရသေးခင်မှာပဲ ရေဇာက လက်ဝှေ့လောကကနေ အနားယူသွားခဲ့တယ်။ နှစ်သုံးဆယ်ကြာတဲ့အခါ ဒန်တေးဆိုသူက သူတို့ကို ဆက်သွယ်လာပြီး ရေဇာနဲ့ ကစ်တို့ ပြန်ဆုံဖြစ်ကြပါတယ်။ ပြိုင်ဘက်ဟောင်းနှစ်ယောက် ပြန်တွေ့ကြတဲ့အခါ ဘာတွေဖြစ်လာမလဲ၊ ဒန်တေးက သူတို့အတွက် ဘာတွေစီစဉ်ထားမလဲ။ ရေဇာတစ်ယောက် အရင်က ဘယ်လိုပြဿနာတွေကြောင့် လက်ဝှေ့လောကကို ကျောခိုင်းခဲ့တာလဲဆိုတာကိုလည်း ၂၀၁၃ ခုနှစ်ထွက် ဒီအားကစားဟာသဒရာမာထဲမှာ ဆက်သိရမှာပါ။

Jason Bateman နဲ့ Deadpool မင်းသား Ryan Renold ရဲ့ အခွက်ပြောင်ချက်တွေနဲ့ ပြည့်နှက်နေတဲ့ ပရိတ်သတ်တွေကို တသောသောညံစေမယ့် ဇာတ်ကားတကားပါ။ ဟုတ်ပါတယ် ဇာတ်ကားနာမည်အတိုင်း အပြောင်းအလဲလေးတွေအကြောင်း ရိုက်ထားတာပါ။ မိသားစု၊ အလုပ်အကိုင်၊ မိတ်ဆွေ..အဲ့လိုအရာအားလုံးနဲ့ ပြည့်စုံနေတဲ့ ဒေ့ဗ်လော့ခ်ဝုဒ်..... အဖေနဲ့ အစေးမကပ်၊ ဖြစ်သလိုနေ ဖြစ်သလိုစား၊ ကြုံရာလုပ်ဖြစ်နေတဲ့ မစ်ချ်ပလန်ကို..... သူတို့နှစ်ယောက်ရဲ့ ဘဝအစိတ်အပိုင်းတွေ၊ တောင့်တမှုတွေ၊ ဖြစ်ချင်..လုပ်ချင်ပေမယ့် အခါမသင့်လို့ မလုပ်နိုင်ရတာတွေ... အဲ့လို လူ့လောကသဘာဝတွေကို"တစ်ချိန်က အခက်အခဲတွေဆိုတာ နောင်တစ်ခါကျ ဟာသတွေ ဖြစ်သွားတာပဲ..." ဆိုသလိုမျိုး ဟာသလေးတွေ အနည်းငယ်နှောပြီး ရိုက်ကူးထားတဲ့ ဇာတ်ကားကောင်းလေးပဲ ဖြစ်ပါတယ်။ မိသားစု ကိစ္စတွေ၊ အလုပ်ကိစ္စတွေနဲ့ ငြီးငွေ့နေပြီး အားလုံးလိုလိုကို မေ့တတ်နေပြီဖြစ်တဲ့ ဒေ့ဗ်တစ်ယောက် အချစ်ဆုံးသူငယ်ချင်း မစ်ချ်နဲ့ တစ်ညတာ လျှောက်လည်၊ စားသောက်၊ ကိုယ့်ကိစ္စ သူ့ကိစ္စတွေကို ရင်တွေဖွင့်အပြီးမှာတော့.....ကပေါက်ကပေါက်ချာ စောင်တလွဲဖြစ်ကုန်တာတွေကိုတော့ ကိုယ့်လူတို့ ကိုယ်တိုင်သာ ဟားကြပါတော့ဗျို့... သတိ: : ဤဇာတ်ကားတွင် စကားလုံးအသုံးအနှုန်းများ အနည်းငယ် ကြမ်းသလိုရှိပါမည်..(သို့သော် ဟာသသာ... :P) File Size : (950 MB) and (360 MB) Quality : Blu-Ray 720p Running Time : 1hr 52min Format : Mp4 Genre : Comedy, Fantasy Subtitle : Myanmar Subtitle (Hard Sub) Translated by Wai Yan Maung Source : 1080p BluRay x264-SPARKS Encode by Thanhtike Zaw