Minnie Driver ပါဝင်သော ဇာတ်ကားများ

ဒီဇာတ်လမ်းတွဲဟာ ပြည့်စုံတဲ့ မိသားစုဘဝကို ပိုင်ဆိုင်ထားတဲ့ ဖခင်တစ်ယောက်ဖြစ်သူ Simon Greene အကြောင်းကို အခြေခံထားပါတယ်။ သူ့ရဲ့ အကြီးဆုံးသမီးဖြစ်သူ Paige ဟာ ရုတ်တရက် အိမ်ကနေ ထွက်ပြေးသွားပြီး မူးယစ်ဆေးဝါးနွံထဲ ရောက်သွားတဲ့အခါမှာတော့ Simon ရဲ့ ဘဝတစ်ခုလုံး ဇောက်ထိုးမိုးမျှော် ဖြစ်သွားပါတော့တယ်။ Simon ဟာ သမီးဖြစ်သူကို ပန်းခြံတစ်ခုမှာ ပြန်တွေ့လိုက်ရပေမယ့် အခြေအနေတွေက သူထင်ထားသလို လွယ်ကူမနေပါဘူး။ သမီးဖြစ်သူကို အိမ်ပြန်ခေါ်ဖို့ ကြိုးစားရင်းနဲ့ အကြမ်းဖက်မှုတစ်ခု ဖြစ်ပွားခဲ့ပြီးနောက်မှာတော့ Simon ဟာ လူသတ်မှုသံသယရှိသူအဖြစ် စွပ်စွဲခံရပါတော့တယ်။ သမီးဖြစ်သူကို ကယ်တင်ဖို့ ကြိုးစားရင်း မိသားစုအတွင်းက နက်နဲတဲ့ လျှို့ဝှက်ချက်တွေ၊ အန္တရာယ်ရှိတဲ့ ရာဇဝတ်မှုလောကနဲ့ ရင်ဆိုင်ရပုံကို စိတ်လှုပ်ရှားဖွယ် ရိုက်ကူးထားပါတယ်။ File size…    700 MB /  300 MB Quality… Web-DL 1080p / 720p Format… mp4 Duration….50m Genre .....Drama / Crime Subtitle…. Myanmar Subtitle (Hard Sub)

Finding Emily (2026) 4K HEVC +++++++++++++ IMDb Rating (7.0) / Rotten Tomatoes (100%) ရုပ်ရှင် ပရိတ်သတ်တွေနဲ့ မစိမ်းလှတဲ့ မင်းသမီးလေး Angourie Rice နဲ့ မင်းသားချော Spike Fearn တို့ အတွဲညီညီ ပါဝင်သရုပ်ဆောင်ထားတဲ့ Rom-com ရုပ်ရှင်ဇာတ်ကားအမြူးလေးကိုတင်ဆက်ပေးလိုက်ချင်ပါတယ်။ ဇာတ်လမ်းအကျဉ်းကတော့ တစ်ညတာဆုံဆည်းမှုအပြီးမှာ ဖုန်းနံပါတ်အမှားကြီးရခဲ့လို့ "အမ်မလီ"ဆိုတဲ့ ကောင်မလေးကို လိုက်ရှာရတဲ့ အချစ်ရူး ဂီတသမားလေး Owen ရဲ့အကြောင်းပဲ ဖြစ်ပါတယ်။ ကောင်မလေးက ဖုန်းနံပါတ်ပေးခဲ့ပေမဲ့ ဂဏန်းတစ်ခုလိုနေလို့ ဆက်သွယ်လို့မရဘဲ တက္ကသိုလ်ကျောင်းဝန်းတစ်ခုလုံးမှာ "Emily" ဆိုတဲ့နာမည်နဲ့ မိန်းကလေးပေါင်း ၃၀၀ ကျော်ကို လိုက်ရှာရပါတော့တယ်။ အဲဒီအချိန်မှာ "အချစ်က လူတွေကို ရူးသွပ်စေတယ်" ဆိုတဲ့ သီအိုရီအတွက် သုတေသနလုပ်နေတဲ့ စိတ်ပညာမေဂျာကျောင်းသူလေး အမ်မလီ (Angourie Rice) က အိုဝင် ကိုကူညီဖို့ ရည်ရွယ်ချက်ရှိရှိနဲ့ ရောက်လာခဲ့ပါတယ်။ အစပိုင်းမှာတော့ သူ့စာတမ်းအတွက် စမ်းသပ်ချက်တစ်ခုလို သဘောထားပြီး ကူညီပေးရင်းနဲ့ ကျောင်းဝန်းတစ်ခုလုံးကို မွှေနှောက်ရှာဖွေရင်းကနေ သူတို့နှစ်ယောက်ကြားမှာ မထင်မှတ်ထားတဲ့ သံယောဇဉ်တွေနဲ့ ရယ်မောစရာ အလွဲတွေ ဖန်တီးမိသွားကြပါတယ်။ Bridget Jones's Diary ဖန်တီးသူတွေရဲ့ လက်ရာမို့ ဗြိတိသျှ Rom-Com ရဲ့ ရင်ခုန်သံတွေကို Gen-Z ပုံစံ သီချင်းတွေမြိုင်မြိုင်ဆိုင်ဆိုင်နဲ့ ပေါ့ပေါ့ပါးပါးလေး ခံစားရမှာပါ။ အိုဝင်တစ်ယောက် သူရှာနေတဲ့ အမ်မလီကိုရှာတွေ့သွားမလား... ဘယ်လိုအလှည့်အပြောင်းတွေဖြစ်သွားဦးမလဲ ဆိုတာကိုတော့ဇာတ်လမ်းလေးထဲမှာပဲ ဆက်လက်ကြည့်ရှုလိုက်ကြပါဦးနော်။ File Size… (4.27GB) / (1.72GB) / (989MB) Quality… WEB-DL 4K HEVC/ 1080p HEVC / 720p Format…mkv / mp4 Duration…1h 51m Genre ….Comedy , Romance Subtitle….Myanmar Subtitle (Hard Sub)

The Assessment (2025) IMDb Rating (7.1) / Rotten Tomatoes (83%) Elizabeth Olsen နဲ့ Himesh Patel တို့ ပါဝင်ထားတဲ့ သိပ္ပံစိတ်ကူးယဉ် ဆိုက်ကိုဒရာမာပါ။ လူနည်းနည်းနဲ့ ဇာတ်လမ်းအဆန်းမျိုးကို ကြိုက်တဲ့သူတွေအတွက် ကွက်တိပါပဲ။ ဒီလို ဇာတ်လမ်းမျိုးလည်း အရင်က မကြည့်ဖူးကြသေးလောက်ပါဘူး။ ဇာတ်လမ်းအကျဉ်း ကမ္ဘာကြီးမှာ သယံဇာတနဲ့ စားစရာတွေကုန်ခါနီး အချိန်မှာ လူတစ်စုက ကမ္ဘာပေါ်မှာပဲ နေရာတစ်ခုကို ဖန်လုံအိမ်ပုံစံတည်ဆောက်ပြီး အသက်ရှင်အောင်နေကြပါတယ်။ အဲဒီ နေရာကို မလာရတဲ့လူတွေကတော့ ကမ္ဘာဟောင်းမှာ စုတ်ပြတ်နေအောင် နေကြရတာပါ။ အဲဒီ ကမ္ဘာသစ်ထဲမှာ လိုတာအကုန် အပြည့်အစုံရရုံမက ဆီနိုစီဒင်းဆိုတဲ့ ဆေးတစ်မျိုးကိုပါ ဖော်စပ်နိုင်ခဲ့ပြီး နေမကောင်းဖြစ်တာတွေ အသက်ကြီးတာတွေ အားလုံးကိုပါ ရပ်တန့်စေခဲ့ပါတယ်။ ဒါကြောင့် ကမ္ဘာသစ်ထဲကလူတွေက တစ်ယောက်အသက်ကို တစ်ယောက် မှန်းလို့မရကြပါဘူး။ အဲဒီနေရာရဲ့ ကန့်သတ်ချက်ကတော့ ကလေးမွေးခွင့်မရှိတာပါပဲ။ ရင်းမြစ်တွေမလောက်မှာဆိုးတဲ့အတွက် ကလေးတစ်ယောက်ယူခွင့်ရဖို့ဆိုရင် ခက်ခက်ခဲခဲ လျှောက်လွှာတင်ရပြီး အရမ်းခက်ခဲတဲ့ စစ်ဆေးမှုကို ခံယူရပါတယ်။ အဲဒီစစ်ဆေးမှုကို အောင်မှပဲ ကလေးမွေးခွင့်ရမှာပါ။ ဒီဇာတ်လမ်းထဲက စုံတွဲကလည်း ကလေးမွေးခွင့်လျှောက်ထားပြီးနောက်မှာ စစ်ဆေးရေးမှူးက အိမ်မှာ ၇ ရက် အတူလာနေပြီး မိဘဖြစ်ဖို့ အရည်အချင်းမီမမီ မျိုးစုံစစ်ဆေးပါတော့တယ်။ ဒီတော့ နောက်ဆုံး ရလဒ်က ဘာဖြစ်မလဲ၊ ဘာလှည့်ကွက်တွေ ရှိနေမလဲဆိုတာ တရစ်ချင်း ဖြည်ပြပါလိမ့်မယ်။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (1.5 GB) / (830 MB) Quality….WEB-DL 1080p HEVC / 720p Format…. mkv/mp4 Genre….Drama, Sci-Fi Duration….01:55:10 Subtitle….Myanmar Subtitle (Hardsub) Encoder….Benjamin Translated by Mr. Anderson

Millers in Marriage (2025) တစ်ခါမှာတော့ ပေါ့ပေါ့ပါးပါးကြည့်လို့ရမယ့် အချစ်ဇာတ်လမ်းဒရမ်မာတစ်ကားကို တင်ဆက်ပေးချင်ပါတယ်။ မက်ဂီမစ်လာ၊ အန်ဒီမစ်လာနဲ့ အိဗ်မစ်လာဆိုတာ မစ်လာမောင်နှမသုံးယောက်ဟာ အောင်မြင်နဲ့အနုပညာဘဝကိုယ်စီနဲ့ ဘဝကိုတည်တည်ငြိမ်ငြိမ်ဖြတ်သန်းနေကြပါတယ် ။ ဒါပေမဲ့သူတို့အားလုံးရဲ့ အိမ်ထောင်ရေးတွေကတော့ အဆင်မပြေလှပါဘူး။ ကလေးတွေကောလိပ်တက်လို့ လင်မယားနှစ်ယောက်စီပဲကျန်ကြတဲ့အခါ ရှောင်လွှဲမရတဲ့ အိမ်ထောင်ရေးငြီးငွေ့မှုကို ကျော်ဖြတ်နိုင်ဖို့ မောင်နှမသုံးယောက်သားကိုယ်စီအဖြေရှာကြပါတယ် ။ ဒီလိုအဖြေရှာရင်း ဘဝရဲ့ အချိုးအကွေ့တွေမှာကြုံခဲ့ဖူးတဲ့ အဆက်ဟောင်းတွေကို ပြန်တွေ့ရာကနေ သူတို့ရဲ့ဘဝရွေးချယ်မှုကို ပြန်မေးခွန်းထုတ်မိလာကြပါတယ် ။ ဆယ်စုနှစ်နဲ့ချီလက်တွဲလာကြတဲ့ အိမ်ထောင်ဖက်တွေဟာ သူတို့ရဲ့ပါရမီဖြည့်ဖက်အစစ်အမှန် စ်ပါ့မလား။ ဘဝရဲ့ ကျန်ရှိတဲ့သက်တမ်းကို မှန်ကန်တဲ့ဆုံးဖြတ်ချက်ချပြီး မှန်ကန်တဲ့သူကို ရွေးချယ်နိုင်မှာလား။ မြင်နေကျ ဆယ်ကျော်သက်လူငယ်ရဲ့ ဆူလွယ်ပွယ်လွယ် အချစ်ဇာတ်လမ်းတွေလိုမဟုတ်ပဲ သက်ကြီးပိုင်းတွေရဲ့ တည်ငြိမ်တဲ့အချစ်ပုံပြင်တွေကို ကြည့်ရမှာဖြစ်တာကြောင့် အမြင်ဆန်းနေမှာတော့ အသေအချာပါပဲ ။ မောင်နှမသုံးယောက်အဖြစ် ဂျူလီယာနာ မာဂျူလီးစ်, အက်ဒ်ဝဒ်ဘန်းစ်နဲ့ ဂရက်ချန်မောတို့က သရုပ်ဆောင်ထားကြပြီး Deadpool မင်းသမီး မိုရီနာဘက်ကာရင်နဲ့ Conjuring မင်းသား ပက်ထရစ်ဝီလ်ဆန်တို့ကလည်း ပါဝင်အားဖြည့်ထားပါတယ်။ မောင်နှမသုံးယောက်ရဲ့ မတူညီတဲ့အချစ်ဇာတ်လမ်းသုံးပုဒ်ကို ဇာတ်လမ်းအတက်အကျညီညီနဲ့ ငြိမ့်ငြိမ့်လေးစီးမျောရင်း ကြည့်ရှုဖို့ တင်ဆက်ပေးလိုက်ရပါတယ်။ File size…1.1 GB / 584 MB Quality…WEB DL 1080p HEVC / 720p Format…mkv/mp4 Duration….1h 57min Subtitle….Myanmar Subtitle (Hard Sub) Encoder….YK Translated by CM Bollywood Team

ကတုံးမင်းသား ဂျေဆင်ရဲ့ ရုံတင်အက်ရှင်ကားအသစ်လာပါပြီ။ Equalizer နဲ့ John Wick နဲ့ Jason Bourne စပ်ကျထားတဲ့ သားပေါက်လေးလိုပဲ ကြမ်းပါတယ်။ ဒါရိုက်တာက Suicide Squad ရဲ့ဒါရိုက်တာ David Ayer ပါ။ ဇာတ်ညွှန်းရေးဆရာက Equilibrium တို့ Law Abiding Citizen တို့ကိုရေးတဲ့ Kurt Wimmer ပါပဲ။ ဇာတ်လမ်းအကျဉ်း ဘယ်ထောက်လှမ်းရေး အစိုးရအဖွဲ့မှာမှ စာရင်းမဝင်တဲ့ ပျားမွေးသမားတွေဆိုတဲ့ လျို့ဝှက်အဖွဲ့က ဆရာကြီးတစ်ယောက်က အငြိမ်းစားယူပြီး ပျားတကယ်မွေးစားနေပါတယ်။ သူ့ကို ဂိုထောင်လေးငှားပေးထားပြီး ကျွေးမွေးထားတဲ့ အငြိမ်းစားဆရာမကြီးတစ်ယောက်ရှိပါတယ်။ တစ်နေ့မှာ အွန်လိုင်းလူလိမ်အဖွဲ့တစ်ဖွဲ့က ဆရာမကြီးရဲ့တစ်သက်လုံးစုထားတဲ့ငွေတွေရော ပရဟိတရန်ပုံငွေတွေရော သန်းချီပြီး လိမ်လည်သွားပါတော့တယ်။ လူလိမ်အဖွဲ့ကို ဆုံးမဖို့ လိုက်ရင်းနဲ့ သူလိုက်တဲ့လူလိမ်တွေက အဖွဲ့ခွဲလေးပဲဆိုတာသိသွားတဲ့အခါ နောက်ကွယ်ကလူတွေနောက်ကိုလိုက်စုံစမ်းရင်းနဲ့ ပိုပိုအင်အားကြီးတဲ့အဖွဲ့တွေနဲ့ တွေ့ရပါတော့တယ်။ ဘယ်လောက်ကြီးကြီး သူ့ကိုမနိုင်ကြပါဘူး။ ဘယ်လောက်များများ သူပဲနိုင်ပါတယ်။ ဂျွန်ဝစ်တို့လို သူငယ်ချင်းအကူအညီတောင် မပါပါဘူး။ တစ်ယောက်တည်းမှ တစ်ယောက်တည်းချတာပါ။ တစ်နိုင်ငံလုံးကိုချသွားတာပါ။ ဒုတိယကားထွက်ရင်တော့ တစ်ကမ္ဘာလုံးကိုချပြီး တတိယကားလောက်ဆို စကြဝဠာတစ်ခုလုံးနဲ့ချမယ်လို့ ယူဆရပါတယ်။ ကြည့်လိုက်ကြပါဦး။ File size…(6GB) (2 GB)/(1 GB) Quality….4K-HEVC / Webrip 1080p / 720p Format…mp4 Duration….01:45:00 Genre...Action, Thriller, Drama  Subtitle….Myanmar Subtitle (Hardsub) Encoder….Mr. Anderson Translated by Mr Anderson

Chevalier (2022) IMDb Rating - 6.6/10 ဒီဇာတ်လမ်းက တေးရေးဆရာ Chevalier de Saint-Georges ဖြစ်တဲ့ Joseph Bologne အကြောင်းကို အခြေခံပြီး ရိုက်ကူးထား တာပါ။ ပြင်သစ် သစ်တောပိုင်ရှင် သခင် Bologneနဲ့ သူ့ရဲ့ အာဖရိကန် ကျွန်တို့ကနေ မွေးဖွားခဲ့တဲ့ Joseph က ကပြားလူမဲကလေးပါ။ အဲဒီခေတ်က လူမဲတွေကို ကျွန်အဖြစ်နဲ့ သတ်မှတ်ထားကြတာမို့ Joseph ကိုလည်း သူ့ရဲ့အသားအရေနဲ့ ပတ်သက်ပြီး ကလေး တွေက အနိုင်ကျင့်ကြတယ်။ ဒါပေမဲ့ တယောထိုးရာမှာ တစ်ဖက် ကမ်းခတ်အောင်ကျွမ်းပြီး ဓားထိုး၊ ဘာသာစကား စတဲ့ ကျန်တဲ့ ပညာရပ်တွေလည်း အရမ်းကျွမ်းကျင်တာမို့ Joseph က မကြာ ခင်မှာပဲ ပြင်သစ်အထက်တန်းလွှာ တစ်ဦးအဖြစ် ကျော်ကြား လာခဲ့ပါတယ်။ Josephက ပြင်သစ်ဘုရင်မ Marie Antoinette နဲ့လည်း သူငယ်ချင်း ဖြစ်ပေမဲ့ နောက်ပိုင်းမှာတော့ အထက်တန်းလွှာ ခင်ပွန်းသည်ဇနီး Marie Josephine နဲ့ ဖောက်ပြန်တာ၊ ပဲရစ်သံစုံတီးဝိုင်း ခေါင်းဆောင်နေရာကို ပြိုင်ကြတာနဲ့ ဘုရင်မနဲ့လည်း အခင်အမင်ပြတ်သွားတယ်။ နောက်ပိုင်း မှာ လူမျိုးရေးခွဲခြားတဲ့ အတားအဆီးတွေ၊ ပြင်သစ် လူ့အဖွဲ့ အစည်း တော်လှန်ရေးတွေကြောင့် အထက်တန်းလွှာ ကပြား ဖြစ်တဲ့ Joseph က ဘယ်ဘက်ကို သစ္စာစောင့်သိမလဲဆို တာကို ​ဒီဇာတ်လမ်းမှာ ဆက်ပြီးကြည့်ရှုရမှာ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်) File Size..........(1.5 GB) / (638 MB) / (384 MB) Quality............WEB-DL 1080p / 720p / 480p Duration.........1Hr 48Min Subtitle...........Myanmar Hardsub Format............MP4 Genre..............Biography, Drama, History Translator.......Thwal Htoo Zin Encoder..........SWM

နာမည်ကျော် The Witcher စီးရီးကြီးရဲ့ မူလအစအကြောင်းကို လေးပိုင်းပါဝင်တဲ့ စီးရီးတစ်ခုအနေနဲ့ နက်ဖလစ်က တင်ဆက်လိုက်ပါပြီ။ ဒီစီးရီးမှာတော့ ကမ္ဘာပေါ်ကို လူသားတွေ မိစ္ဆာတွေမရောက်သေးခင် နတ်သူငယ်တွေရဲ့ခေတ်ကို အခြေခံထားပါတယ်။ နတ်သူငယ်အင်ပါယာကြီးရဲ့ အင်အားကြီးကို စစ်သည်တော် ၇ ယောက်က အံတုတိုက်ခိုက်ရင်း ပထမဆုံးသော ဝစ်ချာ ပေါ်ပေါ်လာပုံကို အခြေခံထားတာပဲ ဖြစ်ပါတယ်။ ဝစ်ချာစီးရီးရဲ့ ဝိသေသအတိုင်း သတ်တာဖြတ်တာကြမ်းကြမ်းတွေ၊ မျိုးနွယ်စုတွေ၊ မှော်တွေ၊ သတ္တဝါတွေ အဆဲအဆိုတွေနဲ့ ဝေဝေဆာဆာကြည့်ရမှာပဲ ဖြစ်ပါတယ်။ ခေတ်မတူတာကြောင့် ဂဲရော့ကြီး မပါဝင်ပေမဲ့ မင်းသမီးကြီး မီရှဲယိုက ဓားသမားအဖြစ် ပါဝင်ထားပါတယ်။ ခံစားကြည့်လိုက်ပါဦး။ File size… 1Gb / 500 Mb Quality….Webrip 1080p / 720p  Format…mp4 Duration….50 Min Genre...Fantasy, Adventure Subtitle….Myanmar Subtitle (Hardsub) Encoder….Thit San Khant Translated by Mr. Anderson

ရှိတ်စပီးယားရဲ့ ရိုမီယိုနဲ့ ဂျူးလိယက်အကြောင်းကို ဒီတစ်ခါ ရိုမီယိုရဲ့ ရည်းစားဟောင်း ရိုဆာလင်းဘက်ကနေ ပြောပြထားပါတယ်။ ရိုမီယိုက ရိုဆာလင်းကို ချစ်လှပါချည်ရဲ့ဆိုပြီး ကဗျာတွေ၊ စာတွေနဲ့ ပိုးပန်းခဲ့ပေမယ့် တစ်နေ့မှာတော့ ရုတ်တရက် ပျောက်သွားတယ်။ ရိုဆာလင်းက သူ့နောက်ကို လိုက်ချောင်းကြည့်တော့ ကိုယ့်ကိုပိုးပန်းခဲ့တဲ့ နည်းတွေအတိုင်း နောက်တစ်ယောက်ကို ပိုးပန်းနေတာ တွေ့လိုက်ရပါတယ်။ ပိုဆိုးတာက ရိုမီယိုရဲ့ ချစ်သူအသစ်ဟာ ရိုဆာလင်းရဲ့ ဝမ်းကွဲညီမ ဂျူးလိယက် ဖြစ်နေတာပါ။ မခံချိမခံသာဖြစ်နေတဲ့ ရိုဆာလင်းက ရိုမီယိုကို ပြန်ရဖို့ အကြံတွေထုတ်တော့တယ်။ တစ်ဖက်မှာလည်း ဝမ်းကွဲညီမကို ရိုမီယိုနဲ့ ဝေးသွားအောင် ကြိုးစားပါတယ်။ ဟာသနှောထားတဲ့ ဒီအချစ်ဇာတ်လမ်းမှာ ရိုဆာလင်းရဲ့ အကြံတွေ အောင်မြင်မလား၊ ရိုမီယိုတို့ရဲ့ ဇာတ်လမ်းက မူရင်းအတိုင်းပဲ အဆုံးသတ်သွားမလားဆိုတာ စောင့်ကြည့်ရမှာပါ။

ကျွန်တော်တို့ ငယ်ငယ်က အရမ်းကြိုက်ခဲ့ရတဲ့ စင်ဒရဲလား ဆိုတဲ့ ကောင်မလေးကို မေ့နိုင်ကြသေးမယ် မထင်ပါဘူး။ ကဲ အခု သူပြန်လာပြီဗျ။ အားလုံးသိပြီးသားဖြစ်တဲ့ ဇာတ်လမ်းလေးကိုမှ တဖန် ဆန်းသစ်တဲ့ musical film အသွင်လေးနဲ့ပေါ့၊ ဆန်းသစ်တဲ့ ဖက်ရှင်တွေ မြိုင်ဆိုင်တဲ့ ဂီတသံစဉ်တွေ ဇာတ်ဆောင်တွေရဲ့ အလှအပတွေကို တ၀ကြီး ခံစားနိုင်မှာပါ။ ဒီကားလေးထဲမှာ Havana oh na na နဲ့ တစ်ခေတ်ထခဲ့တဲ့ သီချင်းပိုင်ရှင်မလေး Camila Cabello ကို ချစ်စရာကောင်းတဲ့ စင်ဒရဲလားလေးအဖြစ် မြင်တွေ့ရမှာဖြစ်ပြီး အရင်က သိခဲ့တဲ့ Fairy Godmother နေရာမှာ  Billy Porter က Fab G (fabulous godmother) ဆိုပြီး ပါ၀င်ကာ LGBT society ကို supporting လုပ်ထားတာလည်း တွေ့ရပါတယ်။ OST တွေကလည်း တကယ်ကို ဘ၀င်တွေ့စရာမလို့ Camila ကို အားပေးချင်လို့ပဲ ဖြစ်စေ၊ အပျင်းပြေပဲဖြစ်စေ၊ ဂီတကို ခုံမင်လို့ပဲဖြစ်စေ ကြည့်ရှုရတာ fun ဖြစ်တဲ့ ဇာတ်လမ်းလေးပဲဖြစ်ပါတယ်။ (ဒီဇာတ်လမ်းရဲ့ အညွှန်းကို Yoon Sandi Aung မှရေးသားပေးပြီး၊ ဘာသာပြန်ရေးသားပေးသူများကတော့ F&R Team မှဖြစ်ပါတယ်။) Quality – 1080p, 720p WebDL Duration - 1h 53min Subtitle – Myanmar Hardsub Format – Mp4 Genre : Comedy, Family, Fantasy Source : 1080p.WebDL Translator – F&R Team Encoder – SWM

အိမ်ထောင်သက် ကိုးလရှိလာတဲ့ နတ်နဲ့ ဂျော့ရှ်တို့က သူတို့နှစ်ယောက်ကြားမှာ ဘာမှန်းတိတိကျကျ ပြောမပြနိုင်တဲ့ အဟန့်အတားတစ်ခု ရှိနေပြီလို့ ခံစားလာကြပါတယ်။ ဒါကြောင့် အိမ်ထောင်ရေးအကြံပေးတစ်ယောက်ဆီမှာ စုံတွဲစိတ်ကုထုံးခံယူဖို့ နှစ်ဦးသဘောတူ ဆုံးဖြတ်လိုက်ကြတယ်။ ဆွေးနွေးနေကြရင်း အိမ်ထောင်သက်အတွင်း ကြုံခဲ့တဲ့ မတူညီမှုတွေ၊ သဘောထားမတိုက်ဆိုင်တာတွေနဲ့ အခက်အခဲတွေကို နောက်ကြောင်းပြန်ပြကွက်တွေနဲ့ ဟာသနှောပြီး ပြထားပါတယ်။ အဲဒီအချိန်မှာ ကိုယ့်အတွက် ပိုသင့်တော်တဲ့သူတစ်ယောက် ရှိနေနိုင်မလားဆိုတဲ့ အတွေးတွေလည်း ဝင်လာကြတယ်။ နတ်က သူ့ကို အလုပ်အပ်မယ့် အမေရိကန်လုပ်ငန်းရှင် ဂိုင်းဟားရပ်အပေါ် စိတ်တိမ်းညွတ်လာသလို ဂျော့ရှ်ကလည်း တရားဝင်မပြတ်စဲခဲ့တဲ့ ရည်းစားဟောင်း ကလိုဝီကို ပြန်ချစ်လာပါတယ်။ အိမ်ထောင်ရေးမှာ အဆင်မပြေတာတွေ ရှိနေချိန် တခြားသူတွေအပေါ်ပါ စိတ်ယိုင်လာကြတဲ့ နတ်နဲ့ ဂျော့ရှ်တို့ ဘယ်လိုဆက်လုပ်ကြမလဲ။

ပေါ်ပြူလိုင်ရာဆိုတဲ့ နာမည်ကြီးပြဇာတ်ရုံမှာ လျှို့ဝှက်ဆန်းကြယ်တဲ့ အဖြစ်အပျက်တွေ မကြာခဏ ဖြစ်တတ်ပါတယ်။ ဒါကြောင့် ပြဇာတ်ရုံထဲမှာ ဝိညာဉ်တစ်ခုရှိတယ်လို့ လူအများက ယုံကြည်နေကြတယ်။ တစ်နေ့မှာ အသံမြင့်အဆိုရှင် ကာလော့တာက စိတ်အလိုမကျဖြစ်ပြီး ရုတ်တရက် ထွက်သွားတာကြောင့် ညပွဲအတွက် ခရစ္စတင်းဒါယဲရ်ဆိုတဲ့ မိန်းကလေးငယ်ကို အစားထိုးသီဆိုခိုင်းလိုက်ရပါတယ်။ ခရစ္စတင်းဟာ အကအဖွဲ့က မိန်းကလေးဖြစ်ပေမယ့် ကာလော့တာထက်တောင် ကောင်းကောင်းဆိုနိုင်လို့ အားလုံး အံ့အားသင့်သွားကြတယ်။ သူ့ကို သီချင်းဆိုသင်ပေးနေသူကတော့ ပြဇာတ်ရုံကြီးရဲ့ ဝိညာဉ်ပါ။ ခရစ္စတင်းက သူ့ဆရာရဲ့အသံကိုပဲ ကြားဖူးပြီး လူကို တစ်ခါမှ မမြင်ဖူးပါဘူး။ ဒါပေမယ့် အသံကနေတစ်ဆင့်ပဲ လေးစားချစ်ခင်နေပြီး သူ့ရဲ့ တေးသွားတမန်တော်လို့ မှတ်ယူထားတယ်။ အဲဒီလိုနဲ့ ခရစ္စတင်းရဲ့ ငယ်ချစ်ဦး ရာအိုးလ် ပြဇာတ်ရုံကို ရောက်လာပါတယ်။ သီချင်းတွေနဲ့ ဇာတ်လမ်းကို ဆက်ပြောပြသွားတဲ့ ဒီအချစ်ဒရာမာမှာ ခရစ္စတင်းဟာ ငယ်ကတည်းက ချစ်မြတ်နိုးခဲ့သူ ရာအိုးလ်ကို ရွေးမလား၊ သီချင်းဆိုတတ်အောင် သင်ပေးခဲ့ပြီး အမြဲလေးစားခဲ့ရတဲ့ ဆရာကိုပဲ ရွေးမလား။

ဖရဲလ်မြို့လေးမှာ မွေးဖွားလာတဲ့ အယ်လာကို အရက်သောက်တတ်ပြီး ကပေါက်တိကပေါက်ချာနိုင်တဲ့ နတ်သမီးတစ်ပါးက ဆုတစ်ခု ပေးသွားပါတယ်။ အဲဒီဆုကတော့ နာခံတတ်သူဖြစ်စေမယ့် မှော်အတတ်ပါ။ နာခံတတ်တာ ကောင်းတယ်ဆိုပေမဲ့ အယ်လာအတွက်တော့ ဘယ်သူက ဘာခိုင်းခိုင်း ငြင်းလို့မရဘဲ လိုက်လုပ်ပေးရတဲ့ဘဝနဲ့ ကြီးပြင်းလာရတာပါ။ သူနေတဲ့တိုင်းပြည်မှာ အရင်က လူထွားကြီးတွေ၊ နတ်သူငယ်တွေ၊ နတ်သမီးတွေနဲ့ ဘီလူးတွေ အတူနေထိုင်ခဲ့ကြတယ်။ ဘုရင်ကြီး နတ်ရွာစံပြီး သူ့ညီနဲ့ သားတော်တို့လက်ထက် ရောက်လာချိန်မှာတော့ လူသားတွေ ကြီးစိုးလာပါတယ်။ ဘီလူးတွေကို နှင်ထုတ်ပြီး လူထွားကြီးတွေကို ခိုင်းစားကြသလို နတ်သူငယ်တွေကိုလည်း ဖျော်ဖြေရေးသမားတွေအဖြစ် လုပ်ကိုင်စေကြတယ်။ အယ်လာရဲ့ဖခင် နောက်အိမ်ထောင်ပြုတဲ့အခါ မိထွေးနဲ့အတူ သမီးနှစ်ယောက် ပါလာပါတယ်။ အဲဒီညီအစ်မက အယ်လာဟာ အမိန့်ကို မငြင်းနိုင်မှန်း သိသွားတော့ သူ့ကို အမျိုးမျိုး အနိုင်ကျင့်ကြတယ်။ အယ်လာကလည်း ဒီကျိန်စာကနေ လွတ်မြောက်ဖို့ ကြိုးစားရင်း တိုင်းပြည်ရဲ့ အရှုပ်အထွေးတွေကြားမှာ အခက်အခဲတွေ ကြုံလာရပါတယ်။ Anne Hathaway နဲ့ Hugh Dancy တို့ အဓိကပါဝင်ထားတဲ့ မိသားစုကြည့် ဟာသစိတ်ကူးယဉ်ဇာတ်ကားဖြစ်ပြီး အင်္ဂလန်၊ အမေရိကန်နဲ့ အိုင်ယာလန်တို့က ရုပ်ရှင်ကုမ္ပဏီသုံးခု ပူးပေါင်းရိုက်ကူးထားတာပါ။ ရုံတင်ဝင်ငွေမှာတော့ အရှုံးပေါ်ခဲ့ပါတယ်။

Return to Me (2000) IMDb Rating (7.0) / Rotten Tomatoes (62%) ဒါရိုက်တာ Bonnie Hunt ၏ ပထမဆုံးဇာတ်ကားအဖြစ် ရိုက်ကူးထားပြီး၊ David Duchovny နှင့် Minnie Driver တို့က ပါ၀င်သရုပ်ဆောင်ထားပါတယ်။ ဘော့ဘ် (David Duchovny) သည် ဇနီးဖြစ်သူ အဲလိဇဘတ် (Joely Richardson) ကို မတော်တဆမှုတစ်ခုကြောင့် ဆုံးရှုံးရပြီးနောက် စိတ်ဒဏ်ရာရနေချိန်တွင် ဂရေ့စ် (Minnie Driver) နှင့် ချစ်ကျွမ်း၀င်သွားခဲ့ပြီး ဂရေ့စ် က အဲလိဇဘတ်ရဲ့ နှလုံးကို အစားထိုးကုသခံယူထားသူဖြစ်ကြောင်း နောက်ပိုင်းတွင် သိရှိလိုက်ရတဲ့အခါ သူတို့ရဲ့ ဆက်ဆံရေးက တဖြည်းဖြည်း ရှုပ်ထွေးလာပါတယ်။ ဒီဇာတ်လမ်းလေးက ဝမ်းနည်းမှုနှင့် ပျော်ရွှင်မှုကို ဟန်ချက်ညီစွာ ပေါင်းစပ်ထားပြီး အစပိုင်းတွင် ကြည်နူးဖွယ်ဇနီးမောင်နှံ၏ ဘဝကို ပြသထားပါတယ်။ နောက်ပိုင်းမှာတော့ ဇာတ်လမ်းရဲ့ သိမြင်မှုအသစ်များကို တဖြည်းဖြည်းချင်း ဖော်ပြထားပါတယ်။ "Return to Me" သည် စိတ်ကျေနပ်ဖွယ်ကောင်းသော ဇာတ်ကားလေးဖြစ်ပြီး၊ ဘ၀ရဲ့အရှုံးနှင့် အနိုင်ကို နက်နက်ရှိုင်းရှိုင်း ခံစားရစေပါတယ်။ ဇာတ်ကောင်များရဲ့ စစ်မှန်မှု၊ သဘာဝကျသော ဟာသများနဲ့ စိတ်လှုပ်ရှားဖွယ်ဇာတ်အိမ်တို့က ရုပ်ရှင်ကြည့်ပရိတ်သတ်ကို အကောင်းဆုံး ဆွဲဆောင်နိုင်မှာဖြစ်ပါတယ်။ (အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။) File size…(3.7 GB) / (1.6 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama, Romance Duration….01:56:26 Subtitle….Myanmar Subtitle (Hardsub) Encoder….Benjamin Translated by Ivy Noe

An Ideal Husband (1999) IMDb Rating (6.8) / Rotten Tomatoes (85%) ဒီတစ်ခါမှာတော့ Oscar Wilde ရဲ့  ပြဇာတ်ကို ရုပ်ရှင်အဖြစ်ရိုက်ကူးထားတဲ့ An Ideal Husband ဆိုတဲ့ဇာတ်ကားလေးကိုတင်ဆက်ပေးချင်ပါတယ်။ နာမည်ကျော်သရုပ်ဆောင်တွေဖြစ်တဲ့ Rupert Everette, Jeremy Northam, Julian Moore နဲ့ Cate Blanchett တို့ကအဓိကပါဝင်ထားပါတယ်။ ဆာရော့ဘတ်ချေလ်တန်နဲ့ လေဒီဂါးထရုချေလ်တန်တို့လင်မယားဟာ အင်္ဂလိပ်နိုင်ငံရေးလောကမှာ ဂုဏ်သိက္ခာကြီးမားပြီး လူအများရဲ့လေးစားအားကျခြင်းကိုခံထားရသူတွေပါ။ ဒါပေမဲ့ မစ္စစ်ရှယ်ဗလီဆိုတဲ့အမျိုးသမီးတစ်ယောက် လန်ဒန်ကိုပြန်ရောက်လာချိန်ကစပြီး ရော့ဘတ်တစ်ယောက်အတွက် အိပ်မက်ဆိုးတွေဖြစ်လာပါတယ်။ မစ္စစ်ရှယ်ဗလီဟာ ရော့ဘတ်ငယ်ရွယ်စဥ်ကမှားခဲ့ဖူးတဲ့အမှားတစ်ခုကိုအကြပ်ကိုင်ပြီး သူမလိုချင်တာတွေကို ခြိမ်းခြောက်တောင်းဆိုပါတယ်။ အဲ့ဒါကြောင့် ရော့ဘတ်တစ်ယောက်လည်း သူငယ်ချင်းဖြစ်သူ လော့ဒ်ဂေါရင်းဆီကိုသွားပြီး အပူကပ်ကာ အကူအညီတောင်းရပါတယ်။ လော့ဒ်ဂေါရင်းကလည်း မစ္စစ်ရှယ်ဗလီနဲ့ အတိတ်မှာပက်သက်မှုရှိခဲ့ဖူးပါတယ်။ ထိုမိန်းမအကြောင်းကို ကောင်းကောင်းသိနေတဲ့လော့ဒ်ဂေါရင်းကလည်း သူငယ်ချင်းဖြစ်သူကို ကူညီဖို့ကြိုးစားပါတယ်။ ဒါပေမဲ့ မစ္စစ်ရှယ်ဗလီဆိုတဲ့မိန်းမက သူတို့အားလုံးကြားမှာ လင်မယားအချင်းချင်းပြဿနာတက်အောင် သူငယ်ချင်းအချင်းချင်းစိတ်ဝမ်းကွဲအောင် ဝင်မွှေသွားခဲ့ပါတယ်။ သူတို့အားလုံး မစ္စစ်ရှယ်ဗလီ မွှေသွားတဲ့ပြဿနာတွေကို ပြေလည်အောင်ဖြေရှင်းနိုင်ကြပါ့မလား အရာအားလုံးကိုအရင်လိုအဆင်ပြေအောင်ပြန်လုပ်နိုင်ကြပါ့မလားဆိုတာ ကြည့်ရှုရမှာပါ။ (အညွှန်းနဲ့ဘာသာပြန်ကတော့ Rubyjane ဖြစ်ပါတယ်။) File size… (1.8 GB) / (790 MB) Quality…. Blu-Ray 1080p HEVC / 720p Format…. mkv/mp4 Genre…. Comedy, Romance Duration…. 01:38:02 Subtitle…. Myanmar Subtitle (Hardsub) Encoder…. Benjamin Translated by Rubyjane

၁၉၉၉ ခုနစ်က ကာတွန်းကားဆိုပေမယ့် ဇာတ်အိမ် ဇာတ်ကွက် ခိုင်မာပြီး ပရိတ်သတ်တွေရဲ့ရင်ထဲထိ ထိုးဖောက်နိုင်ခဲ့တဲ့ Tarzan ဆိုတဲ့ ဇာတ်ကားလေးနဲ့မိတ်ဆက်ပေးလိုက်ပါတယ်။ File size…    1.7 GB /  904 MB Quality… BluRay 1080p / 720p Format… mp4 Duration…. 1h 28m Genre ..... Animation / Adventure / Comdey Subtitle…. Myanmar Subtitle (Hard Sub) Encoder…. LegoHeart

မိုးသည်းသည်း ဆက်တိုက်ရွာနေတာကြောင့် ဟန့်တင်ဘာ့မြို့လေးက ဆည်ကြီးကို ရေဖွင့်ချနေရပြီး မြို့ခံတွေကိုလည်း ဘေးလွတ်ရာ ရွှေ့ပြောင်းခိုင်းထားရပါတယ်။ ဒီအချိန်မှာ ဘဏ်ကလည်း မြို့ထဲက ဘဏ်ခွဲမှာရှိတဲ့ ဒေါ်လာသုံးသန်းကို တခြားနေရာ ရွှေ့ဖို့လုပ်တယ်။ ငွေတွေကို သယ်သွားရမယ့် ကျည်ကာကားကို တွမ်နဲ့ သူ့ဦးလေး ချာလီတို့ မောင်းလာကြပါတယ်။ ရေက မြန်မြန်တက်လာပြီး လမ်းတွေပါ မြုပ်ကုန်လို့ သူတို့ကားဟာ မြို့အထွက်မှာတင် ပိတ်မိသွားတယ်။ အကူအညီခေါ်နေတုန်း ဒေါ်လာသုံးသန်း ရွှေ့မယ့်သတင်းကို အတိအကျရထားတဲ့ ဂျင်မ်တို့အဖွဲ့ ရောက်လာပြီး ငွေတွေကို လုဖို့ ကြိုးစားပါတော့တယ်။ ရေဘေးကြားမှာ တွမ်က ငွေတွေကို ကာကွယ်နိုင်ပါ့မလား၊ ဂျင်မ်တို့ကပဲ လက်ဦးသွားမလား။ မော်ဂန် ဖရီးမန်း ပါဝင်ထားတဲ့ ဒီအက်ရှင်ဇာတ်ကားမှာ အန္တရာယ်နဲ့ ငွေကြေးကြားက လူတွေရဲ့ ပြောင်းလဲလွယ်တဲ့စိတ်ကိုလည်း တွေ့ရပါတယ်။

ဒီတစ်ခါမှာတော့ IMDB-7.3/10ရရှိထားတဲ့ Comedy action ဇာတ်ကားလေးတစ်ခုကိုတင်ဆက်ပေးချင်ပါတယ် John Cusack, Dan Aykroyd, Minnie Driver တို့က အဓိကပါဝင်သရုပ်ဆောင်ထားပါတယ် ဇာတ်လမ်းအကျဥ်း ပရော်ဖက်ရှင်နယ်ကြေးစားလူသတ်သမား မာတင်ဘလန့်ဟာ မီချီဂန်ပြည်နယ် ဂရော့စ်ပွိုင့်မှာ လုပ်ကြံရေးမစ်ရှင်တစ်ခုကိုလက်ခံလိုက်ပါတယ် သူ့ရဲ့မွေးရပ်မြေလည်းဖြစ်တာကြောင့် အဲ့ဒီကိုအလုပ်ကိစ္စနဲ့ရောက်ရင်း 10နှစ်ကြာခဲ့ပြီဖြစ်တဲ့ အထက်တန်းကျောင်းက ကျောင်းသားဟောင်းတွေ့ဆုံပွဲကိုတက်ဖို့စီစဥ်ခဲ့ပါတယ် ဘလန့်ဟာ သူကြီးပြင်းခဲ့တဲ့မြို့လေးကိုပြန်ရောက်ချိန်မှာ သူ့ရဲ့ငယ်သူငယ်ချင်းတွေရော သူ့ရဲ့မေ့မရတဲ့ငယ်ချစ်ဦးကိုလည်းပြန်တွေ့ရပြီး ဒီတစ်ခါမစ်ရှင်ပြီးရင် ဒီအလုပ်ကိုစွန့်လွှန့်ဖို့ဆုံးဖြတ်လိုက်ပါတယ် ဒါပေမဲ့ အဲ့ဒီမြို့မှာ သူ့ကိုပြန်လုပ်ကြံမယ့် တခြားသူတွေလည်းရှိနေတာကိုသိလိုက်ရတဲ့အခါမှာတော့...... File size…(1.6 GB)/(901 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

သင်္ချာပညာရှင်တွေ နှစ်နဲ့ချီပြီး သက်သေပြဖို့ ကြိုးစားရတဲ့ ပုစ္ဆာမျိုးကို တစ်ထိုင်တည်းနဲ့ ဖြေရှင်းနိုင်တဲ့ ဆယ်ကျော်သက်ကောင်လေးတစ်ယောက် ရှိပါတယ်။ ဉာဏ်ရည်ထူးချွန်ပေမယ့် မိဘမဲ့ဖြစ်တဲ့ ဒီကောင်လေးက သူငယ်ချင်းတွေနဲ့ သောက်စားပြီး ဘဝကို ရည်ရွယ်ချက်မရှိဘဲ ကြုံသလို ဖြတ်သန်းနေတယ်။ သူက ဂျစ်ကန်ကန်နေတတ်ပြီး ကိုယ့်စည်းကမ်းနဲ့ကိုယ် နေချင်သူပါ။ လူတစ်ယောက်အပေါ် သံယောဇဉ်တွယ်မိမှာကို ကြောက်သလို လူတွေရဲ့ သမားရိုးကျအတွေးအခေါ်တွေကိုလည်း မနှစ်သက်ဘူး။ ဒီလိုနေထိုင်နေတဲ့ သူ့ရဲ့ သင်္ချာအရည်အချင်းကို Fields Medal ဆုရ ပရော်ဖက်ဆာတစ်ယောက်က သတိထားမိသွားပါတယ်။ ဇာတ်ကားမှာ ပါဝင်သရုပ်ဆောင်ထားတဲ့ Matt Damon နဲ့ Ben Affleck တို့က ဇာတ်ညွှန်းကို ကိုယ်တိုင်ရေးသားထားပြီး အဲဒီဇာတ်ညွှန်းနဲ့ အကယ်ဒမီဆု ရခဲ့ကြပါတယ်။ Robin Williams ကလည်း အကယ်ဒမီဇာတ်ပို့ဆု ရရှိခဲ့တယ်။

နယူးယောက်မြို့က ရွှေ့ပြောင်းလုပ်သားတွေ နေထိုင်ရာ Hell's Kitchen ဆင်းရဲသားရပ်ကွက်မှာ သူငယ်ချင်းလေးယောက် ကြီးပြင်းလာကြပါတယ်။ ရပ်ကွက်ထဲမှာ ဆော့ကစား၊ ဘုရားကျောင်းတက်ပြီး အားရင် ဘုန်းတော်ကြီးအကူအဖြစ် ဝင်လုပ်ပေးကြတယ်။ ပိုက်ဆံရနိုင်တဲ့အခါ နာရေးတွေမှာလည်း ဝင်ကူကြပါတယ်။ ဆင်းရဲပေမယ့် ရှိတာလေးနဲ့ ပျော်ပျော်နေတတ်ကြပြီး သူငယ်ချင်းချင်း အလှည့်ကျ နောက်ပြောင်ကျီစယ်လေ့လည်း ရှိကြတယ်။ တစ်ခါမှာတော့ သူတို့အဖွဲ့လိုက် နောက်ပြောင်လိုက်တာကြောင့် မရည်ရွယ်ဘဲ လူတစ်ယောက် ပြင်းပြင်းထန်ထန် ဒဏ်ရာရသွားပါတယ်။ လေးယောက်လုံး လူငယ်ထိန်းသိမ်းရေးစခန်းကို အပို့ခံလိုက်ရပြီး အဲဒီမှာ အစောင့်တွေရဲ့ ညှဉ်းပန်းနှိပ်စက်မှုနဲ့ လိင်ပိုင်းဆိုင်ရာ အမြတ်ထုတ်မှုတွေကို ခံစားကြရတယ်။ စိတ်ရောကိုယ်ပါ ရခဲ့တဲ့ဒဏ်ရာတွေက သူတို့ကို နှစ်ရှည်လများ ခြောက်လှန့်နေပြီး ညဘက် မီးပိတ်အိပ်ဖို့တောင် မရဲကြတော့ပါဘူး။ နောက် ၁၃ နှစ်ကြာတဲ့အခါမှာတော့ သူတို့အတွက် လက်စားချေဖို့ အခွင့်အရေးတစ်ခု ပေါ်လာပါတယ်။ Robert De Niro၊ Kevin Bacon နဲ့ Brad Pitt တို့ အဓိကပါဝင်ထားပြီး Lorenzo Carcaterra ရဲ့ အရောင်းရဝတ္ထုကို အခြေခံထားပါတယ်။ စာအုပ်ထွက်စဉ်ကတည်းက ဇာတ်လမ်းဟာ အဖြစ်မှန်ဟုတ်မဟုတ် ဝေဖန်သူတွေနဲ့ သတင်းရေးသူတွေကြား အငြင်းပွားခဲ့ပြီး ရုပ်ရှင်ဖြစ်လာချိန်မှာလည်း ဆက်လက်ဂယက်ရိုက်ခဲ့တယ်။ စာရေးဆရာက အဖြစ်မှန်လို့ အတည်ပြုခဲ့ဖူးပေမယ့် သက်ဆိုင်ရာအဖွဲ့အစည်းတွေကတော့ ဒီလိုဖြစ်ရပ်မျိုး မရှိခဲ့ဘူးလို့ ငြင်းဆိုထားပါတယ်။

ဒီ ဇာတ်ကားကတော့ မင်းသား Pierce Brosnan ရဲ့ ပထမဆုံး ဂျိမ်းစ်ဘွန်းဇာတ်ကားဖြစ်ပါတယ်.. သူ့ရဲ့ ဘွန်းဇာတ်ကား ၄ ကားထဲမှာ Rating အမြင့်ဆုံးဇာတ်ကားဖြစ်ပြီး လူသတ်မှုအများဆုံး ဘွန်းဇာတ်ကားအဖြစ် မှတ်တမ်းဝင်ထားတဲ့ဇာတ်ကားပါ... Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်… ကြင်အင်လက္ခဏာ…တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ…. နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. IMDb Rating (7.2/10) ရရှိထားပါတယ်…။ File size…(2.9 GB) and (1.6 GB) Quality….BluRay 1080p and 720p (HEVC Encode) Format…mkv Duration….02:10:00 Subtitle….Myanmar Subtitle (Hardsub) Encoder….Nyeinsaeya Aung Translated by Htoo Lwin