Nassar ပါဝင်သော ဇာတ်ကားများ

Reporting_Live (2026) သတင်းထောက်မလေး ဆန်ဒယာနဲ့ ဝါရင့် ကင်မရာမန်း ဗီနော့ဒ်တိုဟာ သတင်းဌာနတစ်ခုမှာ အလုပ်လုပ်နေကြတဲ့ တွဲဘက်တွေဖြစ်ပါတယ်။ သတင်းပညာမှာ စိတ်အားထက်သန်ပြီး ကိုယ်ပိုင်တင်ဆက်ခွင့်ရဖိုကြိုးစားနေတဲ့ သတင်းသမားနှစ်ယောက်ပေါ့။ သူတိုနှစ်ယောက်ဟာ သာမန်သတင်းတစ်ခုကို လိုက်ရာကနေ ဗီဆာဂါအွန်ဆိုတဲ့ရွာလေးမှာ တံတားပြိုကျတဲ့သတင်းတစ်ခုရတာကြောင့် အဲဒီရွာကို ရောက်သွားခဲ့ကြပါတယ်။ အစက သဘာဝဘေးအန္တရာယ်ကြောင့်လို ထင်ခဲ့ရတဲ့ အဲဒီတံတားပြိုကျမှုမှာ ကျောင်းသူ၊ ကျောင်းသား ၁၀ ဦးထက်မနည်း အသက်ဆုံးရှုးခဲ့ရပြီး၊ အမှန်တရားကို စုံစမ်းရင်းနဲ့ အဓိကတရားခံဟာ ဒေသတွင်းက သဲမှောင်ခိုတူးနေတဲ့ မြေအောက်မာဖီးယားတွေကြောင့်ဆိုတာ သိသွားတဲ့အခါ..။ အမှန်တရားကို ဖော်ထုတ်ဖိုကြိုးစားရင်း သူတိုနှစ်ယောက်ဟာ မီဒီယာလောကတွင်း ဖိအားတွေ၊ အကျင့်ပျက် နိုင်ငံရေးသမားတွေနဲ့ မာဖီးယားတွေရဲ့ အသက်အန္တရာယ် ခြိမ်းခြောက်မှုတွေကိုပါ ရင်ဆိုင်ကျော်ဖြတ်ရပုံတွေကို ပျင်းစရာမကောင်းပဲ ခံစားရမယ့် သတင်းမှုခင်းသည်းထိတ်ရင်ဖိုရုပ်ရှင်ကောင်းလေးဖြစ်ပါတယ်။ File size… 1.7 GB / 1GB Quality…WEB DL 1080p HEVC/ 720p Format…mkv/ mp4 Duration….1h 51m Subtitle….Myanmar Subtitle (Hard Sub)

Sardar 2 (2026) ဆာ‌ဒါ-၂ IMDb (6.2/10) တမီးလ်မင်းသားကြီး Karthi ရဲ့ ၂၀၂၂ ခုနှစ်က နာမည်ကြီးခဲ့တဲ့ Spy Thriller ဇာတ်ကားကြီးရဲ့ အဆက် Sardar 2 ဇာတ်ကားကြီးကတော့ထွက်ရှိလာခဲ့ပါပြီ။Sardar 2 ကတော့ ပထမကားထက် ပိုကြီးမားတဲ့ နိုင်ငံတကာအဆင့် အန္တရာယ်တစ်ခုကို ရှုစားရမှာပါ။ ဇာတ်လမ်းကတော့ RAW အေးဂျင့် ဝေါရပ်စ် ပျောက်ဆုံးသွားကနေစပြီး ‌ စပါယ်ရှယ် သူလျှိုကြီး ဆာဒါရဲ့သားဖြစ်သူ အင်စပက်တာဗီဂျီ ကဒီအမှုကို လိုက်လံစုံစမ်းပါတော့တယ်။ ဝေါရပ်စ် ကသူ မ‌ေ_သခင် သဲလွန်စ အဖြစ် ထူးဆန်းတဲ့ သော့တစ်ချောင်းကိုချန်ထားခဲ့ပါတယ်။ အဲဒီကနေတဆင့် ဓားမြှောင်နက် လို့ခေါ်တဲ့နိုင်ငံတကာ ဒုစရိုက်ဂိုဏ်းကြီးရဲ့ ဇီဝလက်နက်အန္တရာယ်ကြီးတစ်ခုကို သွားတွေ့မိပါတော့တယ်။ဒီကြီးမားတဲ့ ပဟေဠိနက်နက်ကြီးထဲရောက်သွားတဲ့အခါ အင်စပက်တာ ဗီဂျီတစ်ယောက် သူလျှိုလောကရဲ့ ဂန္ထဝင်ဖြစ်တဲ့ သူ့အဖေ ဆာဒါ ရဲ့ အမွေအနှစ်၊ နည်းဗျူဟာတွေကို ပြန်သုံးပြီး ကမ္ဘာကြီးကို ကယ်တင်ဖို့ ကြိုးစားရပါတော့တယ်။ File size… 9.4 GB / 2.8 GB / 1.8 GB Quality…WEB DL 4K / 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Vishwanath and Sons (2026) IMDb(7.6/10) ဒီဇာတ်ကားက ရုံတင်၀င်ငွေ ကုဋေ ၂၆၀အထိရရှိထားပြီး မင်းသားကြီး Suriya နဲ့ Premalu ထဲက မင်းသမီးလေး Mamitha Baiju တို့ ပါဝင်သရုပ်ဆောင်ထားတဲ့ Romantic Family Drama ဇာတ်ကားကောင်းတစ်ခုပါ။ ဒါရိုက်တာ Venky Atluri က ရိုက်ကူးထားပြီး အချစ်၊ မိသားစုနဲ့ စိတ်ဒဏ်ရာတွေကို ဟာသလေးတွေရောစပ်ပြီး ပေါ့ပေါ့ပါးပါးနဲ့ ရင်ထဲထိအောင် တင်ဆက်ထားပါတယ်။ ဆန်ဂျေးက အသက် ၄၀ ကျော် စီးပွားရေးလုပ်ငန်းရှင်၊ အိုလံပစ်သေနတ်ပစ် ချန်ပီယံတစ်ယောက်ပါ။ ငယ်ငယ်က မိသားစုရေးရာ စိတ်ဒဏ်ရာတစ်ခုကြောင့် အိမ်ထောင်မပြုဘဲ တစ်ကောင်ကြွက်နေဖို့ ဆုံးဖြတ်ထားသူပေါ့။ ဒါပေမဲ့ အမေဖြစ်သူက မျိုးဆက်ကျန်ရစ်စေချင်လို့ ပူဆာလွန်းတာကြောင့် ကိုယ်ဝန်ဆောင်ပေးမယ့် အမျိုးသမီး ကတစ်ဆင့် ရင်သွေးယူလိုက်ပါတယ်။ ပြဿနာက ကလေးလေး မွေးဖွားလာပြီးနောက်ပိုင်း အသည်းအသန် ဖျားနာရာကနေ စတာပါ။ ကလေးကို ကယ်ဖို့အတွက် ကလေးမွေးပေးခဲ့တဲ့ မိခင်ဆီက အရိုးခြင်ဆီ လိုအပ်လာလို့ ဆန်ဂျေး တစ်ယောက် အမေရိကအထိ လိုက်ရှာရပါတော့တယ်။ အဲဒီမှာ မွေးပေးခဲ့တဲ့သူက မထင်မှတ်ဘဲ အသက် ၂၀ ကျော် တက်ကြွလန်းဆန်းတဲ့ ဆေးကျောင်းသူ လေး မက်ဒီ ဖြစ်နေတာကို တွေ့လိုက်ရတယ်။ ကလေးကို ကုသဖို့အတွက် မက်ဒီ ကို အိန္ဒိယ အိမ်အထိ ခေါ်လာခဲ့ရာကနေ မက်ဒ္ နဲ့ ဆန်ဂျေး တို့ရဲ့ အမေ၊ ကလေးတို့ကြား သံယောဇဉ်တွေ ငြိတွယ်လာပြီး မထင်မှတ်ထားတဲ့ အချစ်ဇာတ်လမ်းတစ်ပုဒ် စတင်ခဲ့ပါတော့တယ်...။ File size… 7.4 GB / 2.4 GB / 1.4 GB Quality…WEB DL 1080p HEVC/ 720p Format…mkv/ mp4 Duration…. 2h 41m Subtitle….Myanmar Subtitle (Hard Sub)

Satluj aka Punjab '95 (2026) "၁၉၉၅ ပန်ဂျပ်" IMDb - 9.7/10 အိန္ဒိယရုပ်ရှင်တွေ ကြည့်ကြတဲ့အခါ ပန်ချာပီကားတွေဆိုရင် ပေါကားပဲ ခပ်များများဖြစ်နေတတ်တာ။ ဘောလိဝုဒ်ရဲ့ ဒိတ်ဒိတ်ကြဲတွေဖြစ်တဲ့ အာဂျေးတို့ အရှေးတို့တွေ ပန်ချာပီရုပ်ရှင်တွေရိုက်ရင်တောင် ခပ်ပေါပေါဇာတ်ရုပ်တွေနဲ့ ရုပ်ပေါက်တာကို မြင်တွေ့နေကြပဲလေ။ ဒီ ပန်ချာပီရုပ်ရှင်ကတော့ အဲဒီရုပ်ပေါက်တာတွေကနေ ဝေးလောက်တယ်။ ၉၀ပြည့်နှစ်တွေတုန်းက ပန်ဂျပ်မှာ ဖြစ်ခဲ့တဲ့ လူ့အခွင့်အရေးချိုးဖောက်မှုတွေ၊ ဘာမှမသိရဘဲ ပျောက်ဆုံးသွားတဲ့ လူတွေအကြောင်း လိုက်ပြီးစုံစမ်းခဲ့တဲ့ ဂျက်စ်ဝန့်ဆင်းဂ်ခါလ်ရာရဲ့ အကြောင်းကို ပုံဖော်ရိုက်ကူးထားတဲ့ ရုပ်ရှင်။ ဂျက်စ်ဝန့်ဆိုတာ ပန်ဂျပ်ပြည်နယ်က လူ့အခွင့်အရေးလှုပ်ရှားသူတစ်ဦးဖြစ်ပြီး ၁၉၉၀ပြည့်နှစ် ပန်ဂျပ်မှာ ဖြစ်ပွားခဲ့တဲ့ လူ့အခွင့်အရေးချိုးဖောက်မှုတွေကို ဖော်ထုတ်ခဲ့တဲ့သူအဖြစ် လူသိများတဲ့သူ။ သာမန်ဘဏ်ဝန်ထမ်းတစ်ယောက် ဖြစ်ပေမယ့် ချေးငွေကိစ္စတွေကို ကိုင်တွယ်ရင်း အကြောင်းအရင်းမသိ လူပျောက်သွားတာတွေကို စုံစမ်းမိတဲ့အခါ...။ စုံစမ်းနေရင်းနဲ့ အစိုးရမှတ်တမ်းတွေအရ အမည်မဖော်ထားတဲ့ လူရာပေါင်းများစွာကို ရဲတပ်ဖွဲ့က သ-တ်ဖြတ်ပြီး မိသားစုကို အသိမပေးဘဲ မီးသင်္ဂြိုဟ်ခဲ့တယ်ဆိုတဲ့ အထောက်အထားတွေကို သူ ဖော်ထုတ်မိတဲ့အခါ...။ ၁၉၉၀ပြည့်နှစ်တွေအတွင်း ပန်ဂျပ်မှာ လူပေါင်းရာချီ အကြောင်းမဲ့ပျောက်ဆုံးခဲ့ရတဲ့ ဖြစ်ရပ်မှန်သမိုင်းကို ပုံဖော်ရိုက်ကူးထားတာမို့ ခံစားကြည့်ရှုပါဦး။ File size… 1.3 GB / 681 MB Quality…WEB DL 1080p HEVC/ 720p Format…mkv/ mp4 Duration….2h 49m Subtitle….Myanmar Subtitle (Hard Sub)

Oh Butterfly (2026) အို လိပ်ပြာ ဂေါရီနဲ့ သူ့ရဲ့ ခင်ပွန်းဖြစ်သူ အာဂျွန်တို့ ဇနီးမောင်နှံဟာ ကူရင်ဂျီတောင်ပေါ်က ဂေါရီရဲ့မိဘပိုင် အပန်းဖြေအိမ်လေးကို ဟန်းနီးမွန်းသွားရောက်ခဲ့ပါတယ်။ ဂေါရီဟာ သူ့ရဲ့ အတိတ်က လျှို့ဝှက်ချက်တစ်ခုကို ခင်ပွန်းဖြစ်သူကို ဖွင့်ပြောဖို့ ပြင်ဆင်နေချိန်မှာပဲ၊ မမျှော်လင့်ဘဲ သူမရဲ့ ရည်းစားဟောင်း၊ အာဂျွန်ရဲ့ကျောင်းတုန်းကသူငယ်ချင်းဖြစ်သူ ဆူရ်ယာရောက်ရှိလာပါတယ်။ ဂေါရီဟာ အတိတ်က ဖြစ်ရပ်တစ်ခုကြောင့် စိတ်ပိုင်းဆိုင်ရာ ဝေဒနာ ခံစားနေရသူဖြစ်ပြီး သူ့ရဲ့ စိတ်ထဲမှာ တစ်ဖက်လူကို အန္တရာယ်ပြုမိတော့မလို ထင်ယောင်ထင်မှားဖြစ်မှုတွေနဲ့ ရုန်းကန်နေရသူဖြစ်ပါတယ်။ ဧည့်ဂေဟာလေးထဲမှာ လူသုံးယောက် ကြုံတွေ့ရတဲ့ ဖိအားတွေ၊ အတိတ်က အမှားတွေနဲ့ ကံကြမ္မာရဲ့ အလှည့်အပြောင်းတွေကို ဒီသည်းထိတ်ရင်ဖိုရုပ်ရှင်ထဲမှာ ရင်ခုန်စရာကောင်းအောင် မြင်တွေ့ရမှာဖြစ်ပါတယ်။​ File size… 1.74 GB / 890 MB Quality…WEB DL 1080p HEVC/ 720p Format…mkv/ mp4 Duration….2h 12m Subtitle….Myanmar Subtitle (Hard Sub)

Jana Nayagan (2026) ခေါင်းဆောင် ၂၀၂၆ ရဲ့ ပရိသတ်အမျှော်ရဆုံး အိန္ဒိယရုပ်ရှင်တွေထဲကတစ်ခုဖြစ်တဲ့ ဗီဂျေးရဲ့ နောက်ဆုံးထွက်ရုပ်ရှင်လေးကို တင်ဆင်ပေးလိုက်ပါတယ်။ ဒီရုပ်ရှင်ထဲမှာ ဗီဂျေးနဲ့အတူ၊ မင်းသားကြီးဘော်ဘီဒိုးနဲ့ ပူဂျာဟက်ဒ်တို့လို ဘောလိဝုဒ်စတားတွေကလည်း ပါဝင်အားဖြည့်ထားပါသေးတယ်။ ဇာတ်လမ်းကတော့ ကတိစကားတခွန်းကြောင့် မိတ်ဆွေဖြစ်သူရဲ့သမီးလေး ဗီဂျာယာကို သမီးအရင်းလို စောင့်ရှောက်ပေးနေတဲ့ သာလာပါသီ။ ဗီဂျာယာဟာ ငယ်ဘဝက အဖြစ်ဆိုးတခုကြောင့် စိတ်ဒဏ်ရာရထားသူဖြစ်ပြီး သာလာပါသီကတော့ အေးအေးချမ်းချမ်းနေဖို့ကြိုးစားနေတဲ့ ထောင်ထွက်တစ်ယောက်ဖြစ်ပါတယ်။ သာလာပါသီဟာ ဗီဂျာယာကို စိတ်ဓာတ်ကြံ့ခိုင်တဲ့အမျိုးသမီးတစ်ယောက်ဖြစ်အောင် ပျိုးထောင်ပေးရင်း ဗီဂျာယာကို စိတ်ဒဏ်ရာရအောင်လုပ်ခဲ့တဲ့သူတွေက အိန္ဒိယနိုင်ငံကို ဖျက်ဆီးဖို့ကြိုးစားနေတဲ့ အကြမ်းဖက်အဖွဲ့အစည်းနဲ့ ပတ်သက်နေမှန်းသိသွားတဲ့အခါမှာတော့...။ ဒီရုပ်ရှင်ဟာ လက်ရှိ အိန္ဒိယရဲ့နိုင်ငံရေးလောကကို မီးမောင်းထိုးပြထားပြီး ဇာတ်လမ်းဇာတ်ကွက်ကောင်းသလို အက်ရှင်တွေကလည်း အမိုက်စားတွေဖြစ်တာကြောင့် ပရိသတ်တွေခံစားနိုင်ဖို့ တင်ဆက်ပေးလိုက်ပါတယ်...။ File size… 8 GB / 3.3 GB / 2 GB Quality…4K /1080p / HEVC/ 720p Format…mkv/ mp4 Duration….3h 6m Subtitle….Myanmar Subtitle (Hard Sub)

S.Saraswathi 2026 အမှန်တရားဘက်တော်သား IMDb 6.5 အမှန်တကယ် ဇာတ်လမ်းဇာတ်ကွက်ကောင်းပြီး plot twist ခပ်မိုက်မိုက် ဇာတ်လမ်းမျိုးရှာနေပါသလား ဒါဆိုရင်တော့ ဒီကားကို လက်မလွှတ်သင့်တဲ့ ဇာတ်ကား list ထဲ အခုပဲထည့်ထားလိုက်ပါတော့ အမေတစ်ခု သမီးတစ်ခုဘဝမှာ အချစ်ဆိုလို့ ဒီသမီးလေးတစ်ယောက်တည်းပေါ့ သမီးလေးမွေးနေ့မှာ စပရိုက်စ် စီစဉ်ထားပေမဲ့ တကယ်စပရိုက်စ်တိုက်ခံရတဲ့လူကတော့ လက်ရှ်မီးကိုယ်တိုင်ပါပဲ မနက်ကတင် သမီးဖြစ်သူကို ကျောင်းလိုက်ပို့ပြီး ညနေကျောင်းဆင်း ပြန်သွားခေါ်တော့ ဆွာရာဆွာသီဆိုတဲ့ သူ့သမီးက နာမည်ပဲတူပြီး သူ့သမီးအစစ် မဟုတ်နေလို့ပါပဲ အတန်းပိုင်ဆရာမကလည်း ဒီအတန်း ဒီကျောင်းမှာ ဒီနာမည်နဲ့ကလေးမက ဒီတစ်ယောက်ပဲရှိကြောင်း အခိုင်အမာပြော လက်ရှ်မီးကလည်း တစ်ကျောင်းလုံးပတ်ရှာနဲ့ ပွက်လောရိုက်ကုန်တော့ ရဲခေါ်တဲ့အဆင့်အထိဖြစ်သွားခဲ့ရတယ် သူ့သမီးရဲ့ သူငယ်ချင်းနာမည်တွေနဲ့လိုက်ရှာတော့လည်း ဘယ်သူမှမသိနေကြတဲ့ ထူးဆန်းတဲ့အမှုဖြစ်လာတာပေါ့ မနက်ကတင် ကိုယ်တိုင်ကျောင်းလိုက်ပို့ပေးခဲ့ပြီး ညနေကျ ဘယ်သူမှမသိတော့ဘူးဆိုတော့ လက်ရှ်မီးလည်း ဝေခွဲမရဖြစ်ရင်း ညရောက်လာခဲ့တယ် ဒီအချိန် ဖုန်းတစ်ကောလ်ဝင်လာတယ် သူ့သမီးဆိုသူဆီကပါ ကျောင်းအုပ်ရုံးခန်းမှာ သူ့ကိုလာကယ်ပါဆိုတဲ့သတင်းနဲ့အတူ နောက်ဆက်တွဲ ဘာတွေဆက်ဖြစ်မလဲဆိုတာကိုတော့ ဆက်လက်ကြည့်ရှုလိုက်ပါရှင် File size… 1.46 GB / 782 MB Quality…WEB DL 1080p HEVC/ 720p Format…mkv/ mp4 Duration….2h 1mins Subtitle….Myanmar Subtitle (Hard Sub)

Euphoria (2026) ယူဖိုးရီးယား ခေတ်သစ်လူငယ်ထုကြားက မူးယစ်ဆေးဝါးပြဿနာ၊ လိင်ပိုင်းဆိုင်ရာစော်ကားမှုတွေနဲ့ မိဘနဲ့သားသမီးကြားက ဆက်ဆံရေးတွေကို ပွင့်ပွင့်လင်းလင်း တင်ဆက်ထားတဲ့ တေလေဂူစကားပြော ဆိုရှယ်ဒရာမာ ရုပ်ရှင်လေးကို တင်ဆက်ပေးလိုက်ပါတယ်။ချိုင်တရာဟာ IAS (အုပ်ချုပ်ရေးအရာရှိ) ဖြစ်ချင်တဲ့ ရည်မှန်းချက်ကြီးမားတဲ့ ကျောင်းသူလေးတစ်ယောက်ပါ။ သူဟာ ပါတီတစ်ခုမှာ စပြီးသိတဲ့ ဗီကပ်စ်နဲ့ သူငယ်ချင်းတစုရဲ့ လိင်ပိုင်းဆိုင်ရာ စော်ကားမှုကို ခံလိုက်ရတာကြောင့် ဘဝတခုလုံး ပြောင်းလဲသွားခဲ့ပါတယ်။တစ်ဖက်မှာလည်း စည်းကမ်းကြီးတဲ့ ဗီကပ်စ်ရဲ့အမေ ကောလိပ်ကျောင်းအုပ်ဆရာမကြီး ဗီဒ်ယာဟာ သူ့ရဲ့သား ဖြစ်သူ ဗီကပ်စ်ရဲ့ လုပ်ရပ်တွေကြောင့် စိတ်သောကရောက်ရပြီး မိခင်မေတ္တာနဲ့ ကိုယ်ကျင့်တရားကြားမှာ ဗျာများနေရပုံနဲ့ ပြစ်မှုကျူးလွန်သူတွေ နောင်တရပြီး ပြန်လည်ရုန်းထွက်နိုင်မလားဆိုတာကို ဒီရုပ်ရှင်ထဲမှာမြင်တွေ့ကြရမှာပါ။ File size… 2.26 GB / 1.21 GB Quality…WEB DL 1080p HEVC/ 720p Format…mkv/ mp4 Duration….2hr 28mins Subtitle….Myanmar Subtitle (Hard Sub)

Tanvi The Great (2025) ကြီးမြတ်သောတန်ဗီ Cannes ရုပ်ရှင်ပွဲတော်မှာ စပြခဲ့တုန်းက ၇ မိနစ်ကြာ လက်ခုပ်သြဘာပေးခြင်း ခံခဲ့ရတဲ့ စိတ်ခွန်အားဖြစ်ဖွယ် ရုပ်ရှင်လေးကို တင်ဆက်ပေးချင်ပါတယ်။ဒီရုပ်ရှင်ကို ဝါရင့်သရုပ် ဆောင်ကြီး အာနူပန်ခေးရ်ကိုယ်တိုင် ဒါရိုက်တာအဖြစ်နဲ့ နှစ်ပေါင်း ၂၀ ကျော်ကြာမှ ပြန် လည်ရိုက်ကူးထားတာပါ။ ဇာတ်လမ်းကတော့ တန်ဗီဆိုတဲ့ကောင်မလေးဟာ အော်တစ်ဇင် ဝေဒနာရှင်တစ်ယောက် ဖြစ်ပါတယ်။ သူ့ရဲ့ဖခင်ဖြစ်သူ အိန္ဒိယစစ်ဗိုလ်ကြီးဟာ ဆီယာချန်ရေခဲတောင်တန်းပေါ်မှာ အိန္ဒိယအလံကို အလေးပြုဖို့ ရည်မှန်းချက်ရှိခဲ့ပေမဲ့ တာဝန်ထမ်းဆောင်ရင်း ကျဆုံးသွားခဲ့ သူပါ။ တန်ဗီဟာ သူ့အဖေရဲ့ မပြီးဆုံးသေးတဲ့ အဲဒီအိပ်မက်ကို အကောင်အထည်ဖော်ဖို့အတွက် အိန္ဒိယစစ်တပ်ထဲဝင်ဖို့ ကြိုးစားပါတော့တယ်။ အဲဒီလိုကြိုးစားတဲ့နေရာမှာ အော်တစ်ဇင် ဝေဒနာရှင်တစ်ဦးအပေါ် ပတ်ဝန်းကျင်ရဲ့ အမြင်တွေ၊ စိန်ခေါ်မှုတွေနဲ့ စစ်တပ်ရဲ့ စည်းမျဉ်း စည်းကမ်းတွေကြားမှာ သူ့ရဲ့ ဇွဲလုံ့လတွေနဲ့ မဖြစ်နိုင်တာကို ဖြစ်အောင် ဘယ်လိုကြိုးစား မလဲဆိုတာကို ရင်နင့်ခွန်အားတက်ဖွယ် ရာကြည့်ရှုခံစားကြရမှာ ဖြစ်ပါတယ်။ File size… 2.63 GB / 1.33 GB Quality…WEB DL 1080p HEVC/ 720p Format…mkv/ mp4 Duration….2hr 40mins Subtitle….Myanmar Subtitle (Hard Sub)

Baahubali: The Epic (2025) IMDb - 8.6/10 ဘာဟုဘာလီရုပ်ရှင်တွေရဲ့ ခမ်းနားတဲ့တင်ဆက်မှုကိုတမ်းတနေတဲ့ အိန္ဒိယရုပ်ရှင် ပရိသတ်တွေအာသာပြေစေမဲ့ The Epicဗားရှင်းကို တင်ဆက်ပေးလိုက်ပါတယ်။ မူရင်းတလေဂူးအသံမရသေးတာမို့ ဟင်ဒီအသံနဲ့ပဲကြည့်လို့ရဦးမှာပါ။ အရင်ဆုံးပြောရရင် ဒီဘာဟုဘာလီရုပ်ရှင်က ဇာတ်လမ်းအသစ်မဟုတ်ဘဲ အရင်ထွက်ခဲ့တဲ့ ရုပ်ရှင်နှစ်ကားကို ပိုကောင်းတဲ့ နည်းပညာတွေ၊ (Deleted Scenes)ဖြတ်ထုတ်ထားခဲ့တဲ့ ဇာတ်ဝင်ခန်းတွေ၊ပိုခမ်းနားတဲ့ Visual Effects(VFX)တွေ၊ ပိုကောင်းမွန်တဲ့ နောက်ခံတေးဂီတ တေးသီချင်းတွေနဲ့အတူပေါင်းစပ်ပြီး ပိုပြည့်စုံအောင် ပြန်လည်တင်ဆက်ထားတဲ့ Remastered Special Editionသဘောမျိုးပါပဲ။ဒါရိုက်တာရာဂျာမူလီက ဘာဟုဘာလီရဲ့ ဇာတ်လမ်းအသစ်ကိုရိုက်ကူးမယ်လို့ တရားဝင်ကြေညာတာ မတွေ့ရသေးပါဘူး။ ရုပ်ရှင်ကတော့ အားလုံးသိကြတဲ့အတိုင်း မဟေ့ရှ်မာတီပြည်ကြီးက ထီးနန်းလုပွဲကြီး လို့ဆိုရမှာပဲ။သားတော်ဘာဟုဘာလီရဲ့ မိမိဇစ်မြစ်ကို ပြန်ရှာဖွေရင်း၂၅နှစ်တိုင်အကျဉ်းချခံထားရတဲ့မိခင်ဖြစ်သူကိုကယ်တင်ပြီး ထီးနန်းကိုပြန်ယူပုံနဲ့ ဖခင်ဖြစ်သူဘာဟုဘာလီရဲ့အတိတ်ဇာတ်ကြောင်း ပြန်လည်တင်ဆက်ထားပုံတို့ကိုပေါင်းစည်းထားတာမို့သုံးနာရီကျော်ကြာ တ၀ကြီးခံစားကြည့်ရှုကြပါဦး။ File size… 15 GB / 6.7 GB / 3.6 GB Quality…WEB DL 4K / 1080p HEVC/ 720p Format…mkv/ mp4 Duration….3hr 43mins Subtitle….Myanmar Subtitle (Hard Sub)

Diesel 2025 ဒီဇယ် IMDB -6.5/10 ရေနံစိမ်းဟာ နိုင်ငံအတွက် ရတနာဆိုပေမဲ့ ရေနံထုတ်ယူရာဒေသက တံငါသည်တွေအတွက် ရေနံပိုက်လိုင်းကြီးဟာ အိပ်မက်ဆိုးတစ်ခုပေါ့။ တစ်နိုင်ငံလုံးက ဒီရေနံကနေ အကျိုးကျေးဇူးရခဲ့သမျှ ရေနံပိုက်လိုင်းရှိရာနေရာက တံငါရွာလေးတွေကတော့ ဖြစ်လာသမျှအကုန် ရင်စည်းခံရရှာတာပါ။ ဒီလိုနဲ့ ‌ဗာဆူရဲ့အဖေက ဒီတံငါရွာကို ဒုက္ခပေးနေတဲ့ ပိုက်လိုင်းကနေ သုခရှာဖို့ ကြံစည်ပါတော့တယ်။ အဲဒါကတော့ ဒီပိုက်လိုင်းကြီးကနေ ရေနံခိုးဖို့ပါပဲ။ ဒီလိုရေနံခိုးလာခဲ့ပြီး တံငါရွာကလူတွေအတွက် နောက်ကွယ်ကနေ အကျိုးပြုလာခဲ့တာ သားဖြစ်သူ ဗာဆူလက်ထက်အထိပါပဲ။ ဒါပေမဲ့ ဗာဆူအများအကျိုးဆောင်နေတာကို ဖျက်လိုဖျက်ဆီးလုပ်ချင်တဲ့ လောဘသားတွေက မျက်စိကျလာချိန်မှာတော့... File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 24m Subtitle….Myanmar Subtitle (Hard Sub)

Bomb 2025 အယူအဆနှင့် ပဋိပက္ခ လွန်ခဲ့တဲ့ နှစ်ပေါင်း ၁၀၀ ကျော်လောက်တုန်းက မြင့်မားတဲ့တောင်ကြီးအောက်ခြေ မြစ်ကမ်းနားဘေးမှာ Kallakammaipatti လို့ခေါ်တဲ့ရွာလေးတစ်ရွာ ရှိခဲ့သတဲ့ ရွာသားတွေက စည်းလုံးလွန်းကြလို့ ရန်ဖြစ်တယ်ဆိုတဲ့စကားက သူတို့အတွက်တော့ အထူးအဆန်းပေါ့ အရမ်းကိုမှ သာယာပြီး ငြိမ်းချမ်းတဲ့ရွာလေးမှာ လတစ်လရောက်တိုင်း ဥဒေါင်းငှက်လေးပေါ်လာပြီး သာယာဖွယ်အသံနဲ့ တွန်ကျူးသတဲ့ ဒီလိုတွန်လိုက်တာနဲ့ ကောင်းကင်မှာ အလင်းတန်းတစ်ခုလည်း ပေါ်လာတတ်ပါတယ် ဒါကို ရွာသားတွေက သူတို့တောင်းတဲ့ဆုကို နတ်ဘုရားတွေက ဖြည့်ဆည်းပေတဲ့ သင်္ကေတလို့ မှတ်ယူကြတာပေါ့ ဒီလိုနဲ့တစ်နေ့ ကပ်ဘေးဒဏ်အကြီးအကျယ်ခံရပြီး အများအပြားလည်း ဆုံးပါးသွားခဲ့ကြတယ် တစ်ခါမှမကြုံဖူးခဲ့တဲ့ မိုးကြီးမုန်တိုင်းကျ‌ရောက်ပြီးတော့ တောင်ထိပ်က ‌ကျောက်တုံးကြီးတစ်လုံး လိမ့်ဆင်းလာပြီး ရွာ၂ဖက်ကို တစ်ခြမ်းစီ ကွဲကျလာခဲ့ပါတယ် ဒီကျောက်တုံးက ပြဿနာတွေရဲ့ အစပေါ့ဗျာ ကြီးတဲ့ကျောက်တုံးခြမ်းက ဘုရားအစစ် သေးတဲ့ကျောက်တုံးအခြမ်းက ဘုရားအစစ်နဲ့ ငြင်းခုန်ကြရင်း ရွာလေးက စိတ်ဝမ်းကွဲသွားကြတယ် ဒီလိုနဲ့ ဥဒေါင်းလည်းပေါ်မလာ အလင်းတန်းလည်းမမြင်ရတော့တာ နှစ်ပေါင်း ၁၀၀ အတိပြည့်တဲ့နေ့မှာ ဒီရွာလေးတွေဆီ ဘယ်လိုအပြောင်းအလဲမျိုး ဖြစ်လာမယ်ဆိုတာကိုတော့ ရင်ခုန်စိတ်လှုပ်ရှားဖွယ် ဆက်လက်ကြည့်ရှုလိုက်ပါဦးနော် File size…1.5 GB / 800 MB Quality…WEB DL 1080p HEVC/ 720p Format…mkv/ mp4 Duration….2h 19m Subtitle….Myanmar Subtitle (Hard Sub)

Hari Hara Veera Mallu (2025) ဟာရီဟာရာဗီရာမာလူ IMDb -6.6/10 မင်းသားကြီးပါဝမ်ကလယန့်နဲ့ ဘော်ဘီဒိုးလ်တို အပြိုင်ကြမ်းမဲ့ ဇာတ်ကားကောင်းလေးကို ခုပဲတင်ဆက်ပေးလိုက်ပါပြီ။ ဇာတ်ကားလေးကတော့ မွန်ဂိုအင်ပါယာ ကြီးစိုးစဉ်ကာလဖြစ်တဲ့ ၁၇ ရာစုကို အခြေခံရိုက်ကူးထားတာပါ။ မွန်ဂိုဧကရာဇ်ကစလို ဘုရင်ခံအဆင့်ဆင့် အုပ်ချုပ်သူအဆင့်ဆင့် ဖိနှိပ်တာခံနေရတဲ့ ရတနာစိန်ကျောက်တွေထွက်တဲ့ မြိုငယ်လေးတစ်ခုက မြိုသူမြိုသားတွေအတွက်ကတော့ နေ့ရက်တိုင်းဟာ ရှင်လျက်ငရဲကျနေသလိုပါပဲ။ အဲဒီနယ်လေးမှာရှိတဲ့ ပြည်သူတွေကတော့ သူတိုအားလုံးအတွက် ကယ်တင်ရှင်ရောက်လာဖို မျှော်လင့်ရုံကလွဲလို ဘာမှမတတ်နိုင်ကြပါဘူး။ ဒီအချိန်မှာ အဲဒီနယ်က ဘုရားကျောင်းကို မြစ်ထဲကနေ ကလေးတစ်ယောက်မျောပါလာပြီး လင်းယုန်ကစောင့်ရှောက်ပေးနေလို အရှင့်ကောင်းချီးခံရတဲ့ကလေးဆိုပြီး မြိုသားတွေရဲ့ မျှော်လင့်ချက်ဖြစ်လာတဲ့ ဗီလာမာလူ တစ်ဖက်ကလည်း ဒီမြိုလေးကိုအုပ်စိုးနေတဲ့ အောရန်းဇေ့ဘ်အတွက်တော့ မျက်စိဆံပင်မွေးစူးစရာ ဖြစ်လာချိန်မှာတော့... (အညွှန်းနဲ့ဘာသာပြန်ကတော့ B teamမှဖြစ်ပါတယ်) File size… 3.6 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Translated by B Team

Retro (2025) "အချစ်နဲ့စစ်" ၂၀၂၅ ရဲ့ ဝင်ငွေအကောင်းဆုံး တမီးလ်ရုပ်ရှင်တွေထဲက တစ်ကားဖြစ်သလို Jai Bhim ရုပ်ရှင်ထဲကမင်းသား ဆူရီယာနဲ့ ဒီနှစ်ပေါက်ကားဖြစ်တဲ့ Deva ထဲက မင်းသမီး ပူဂျာတို့က ခေါင်းဆောင်ပါဝင်တဲ့ အက်ရှင်/ရိုမန့် ဇာတ်လမ်းလေးကို တင်ဆက်လိုက်ပါတယ် ပါရီဆိုတဲ့ မိဘမဲ့ကောင်လေးဟာ ဂန်းစတားတစ်ယောက်ရဲ့ မိန်းမက သနားလို့မွေးစားခြင်းခံခဲ့ရပြီး မိခင်မေတ္တာကို အပြည့်အဝရခဲ့ပေမဲ့ မွေးစားအဖေ လူမိုက်ကြီးကတော့ ပါရီကို လက်မရွံ့လက်ပါးစေအဖြစ်သာ သဘောထားခဲ့ပါတယ် ဒီလိုနဲ့ မိခင်သေဆုံးခဲ့ပြီးနောက်မှာ အဖေဖြစ်သူအလိုကျ ရုတ်ရင်းကြမ်းတမ်းတဲ့ လူမိုက်တစ်ယောက်ဖြစ်လာခဲ့တဲ့ ပါရီဟာ တိကုဆရာဝန်မလေး ရုခ်မီနီနဲ့အတွေ့မှာတော့ ဒုစရိုက်လောကကို အပြီးပိုင်ကျောခိုင်းဖို့ ဆုံးဖြတ်ခဲ့တယ် ဒီဆုံးဖြတ်ချက်ကြောင့် သူ့မွေးစားအဖေနဲ့ ပါရီတို့နှစ်ယောက် ရန်ဘက်တွေဖြစ်လာကြပြီးနောက် ဘာတွေဆက်ဖြစ်မလဲ ပရိသတ်တို့ကပဲ ဆက်လက်ခံစားကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 10 GB / 3.89 GB / 2 GB Quality…WEB DL 4k HEVC / 1080p / 720p Format…mkv/ mp4 Duration….2h 48m Subtitle….Myanmar Subtitle (Hard Sub) Encoder….YK Translated by CM Bollywood Team

Test (2025) "ဘ၀လက်ရည်စမ်းပွဲ" ဒီတစ်ခါတော့ CM Bollywood ပရိသတ်ကြီးအတွက် တမီလ်စကားပြော အားကစား-ဒရာမာဇာတ်လမ်းတစ်ပုဒ်နဲ့မိတ်ဆက်ပေးချင်ပါတယ်။ 3 Idiots ဇာတ်လမ်းထဲမှာဖာဟန်အဖြစ်ပါ၀င်ခဲ့ဖူးတဲ့ မင်းသားကြီး R. Madhavan ခေါင်းဆောင်ပါ၀င်ထားပါတယ်။ ခရစ်ကတ်အားကစားကိုနောက်ခံထားပြီး မတူညီတဲ့ဘ၀နဲ့ လူသုံးယောက်ရဲ့ဘ၀အခက်အခဲတွေကို ပုံဖော်ပေးထားတာ ဖြစ်ပါတယ်။ အာဂျွန်ဆိုတာ တစ်ချိန်ကအရမ်းလက်စွမ်းထက်ခဲ့တဲ့ နိုင်ငံ့လက်ရွေးစင် နာမည်ကြီးခရစ်ကတ်ကစားသမားတစ်ယောက်ပါ။ လက်ရှိမှာ‌တော့ အရွယ်တစ်ခုရောက်ပြီး ငွေကြေးပြည့်စုံပေမဲ့ အကျဘက်ရောက်လာတဲ့ သူ့ရဲ့အားကစားသမားဘ၀ကို ဆက်လက်ရပ်တည်နိုင်ဖို့ ရုန်းကန်နေရသူပေါ့...။ ‌‌ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ နောက်တစ်နောက်ကတော့ ဆာရာရဲ့မိန်းမဖြစ်သူ ကျောင်းဆရာမလေးကူမူဒါပါ။ ကူမူဒါဟာ မိန်းကလေးဖြစ်ပေမဲ့ ခရစ်ကတ်အားကစားကိုရူးသွပ်သူဖြစ်ပြီး သူ့ဖခင်ကလည်း ခရစ်ကတ်နည်းပြဟောင်းကြီး ဖြစ်ပါတယ်။ သူဟာ အာဂျွန်ရဲ့အမာခံပရိသတ်ဖြစ်သလို့ အာဂျွန့်သားဖြစ်သူရဲ့ ကျောင်းဆရာမလည်း ဖြစ်နေပြန်ပါတယ်။ သူကတော့ ကလေးအရမ်းလိုချင်သူဖြစ်ပြီး ကလေးရဖို့ နည်းမျိုးစုံကြိုးစားနေသူပါ။ ဒီလိုနဲ့ သူ့နည်းသူ့ဟန်နဲ့ ဘ၀ကိုကြိုးစားရုန်းကန်နေကြတဲ့ သူတို့သုံးဦးရဲ့ကံကြမ္မာဟာ ရှေ့ဆက် ဘာတွေဖြစ်လာမလဲဆိုတာ စိတ်၀င်စားစရာကြည့်ရှုခံစားရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ Cym~KKKZ~ZweYan~Yunni ပါ။) File size… 1.9 GB / 972 MB Quality…WEB DL 1080p HEVC/ 720p Format…mkv/ mp4 Duration….1h 25m Subtitle….Myanmar Subtitle (Hard Sub) Encoder….YK Translated by Cym~KKKZ~ZweYan~Yunni

Be Happy 2025 (ဘဝကို ပျော်ပျော်နေပါ) မင်းသားကြီး အဘီရှိတ်ဘချမ်း၊ လတ်တလောကမှ အမေရိကန်အဆိုတော် ဂျေဆန်ဒရူလိုနဲ့ တွဲဖက်သီဆိုခဲ့ပြီး အိန္ဒိယတောင်ပိုင်းရောမြောက်ပိုင်းကားတွေမှာပါ အကမယ်အဖြစ်ပါဝင်ခဲ့တဲ့ နိုရာတိုရဲ့ အသစ်ထွက်ရှိလာတဲ့ရုပ်ရှင်ကိုတင်ဆက်ပေးလိုက်ပါတယ်။ ရှီဗာဆိုသူဟာ ဇနီးဖြစ်သူ ဆုံးပါးသွားပေမဲ့ ကျန်ရစ်ခဲ့တဲ့ သမီးလေးကို စောင့်ရှောက်ရင်းနဲ့ စ င်ဂယ်လ်ဖခင်တစ်ယောက်အနေနဲ့အတူ နေထိုင်နေပါတယ်။ ရှီဗာ့သမီးလေး ဒါရာကတော့ အကကရတာကို ဝါသနာပါသူဖြစ်ပြီးတော့ ပါရမီလေးကလည်းပါတော့ ထူးထူးထွေထွေ သင်ကြားတာမျိုးမရှိဘဲ အကဗီဒီယိုလေးတွေ ကြည့်ပြီး လေ့ကျင့်တာနဲ့တင် ကျွမ်းကျွမ်းကျင်ကျင် ကတတ်တဲ့သူလေးပေါ့။ ဒါရာလေးရဲ့ အိုင်ဒေါလ်စံပြကတော့ မက်ဂီဆိုတဲ့ အကဆရာမတစ်ယောက်ပါပဲ။ တစ်နေ့မှာတော့ မက်ဂီဦးစီးပြီးလုပ်တဲ့ အကပြိုင်ပွဲတစ်ခု ဒါရာတိုကျောင်းမှာ လုပ်ခဲ့ပါတယ်။ အဲဒီပြိုင်ပွဲမှာ ဒါရာလေးဟာ ဝင်ပြိုင်ရင်း ပထမဆုရကာ မက်ဂီဦးစီးတဲ့ အကကျောင်းမှာ တက်ရောက်ခွင့်ရဖို အခွင့်အရေးရခဲ့ပါတယ်။ သိုပေမဲ့ မက်ဂီရဲ့အကကျောင်းဟာ မွမ်ဘိုင်းမှာဖြစ်နေတဲ့အတွက် ဒါရာ့အဖေကတော့ ကျောင်းသွားတက်ဖို ခွင့်မပြုပေးခဲ့ပါဘူး။ ဒီလိုနဲ့ပဲ ဒါရာလေးတစ်ယောက် မက်ဂီ့ကျောင်းကိုသွားနိုင်ဖိုအတွက် ဘယ်လိုနည်းလမ်းတွေ သုံးပြီး ဖခင်ဖြစ်သူကို စည်းရုံးမလဲ ....... ဒါရာလေး ဝါသနာပါရာ အကလမ်းခရီးကရော ဘယ်လိုတွေ ဖြစ်လာမလဲ ...... စင်ဂယ်လ်ဖခင်တစ်ယောက်နဲ့ တစ်ဦးတည်းသောသမီးလေးဒါရာတိုရဲ့ ဆက်ဆံရေးကရော ဘယ်လိုတွေ ဖြစ်မလဲ .... ဆိုတာကို ကြည့်ရှုရမဲ့ မိသားစုဒရာမာကားလေးဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်) File size…2.2 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 9min Subtitle….Myanmar Subtitle (Hard Sub) Encoder….YK Translated by CM Bollywood Team

Raja Bheema (2025) အခုတစ်ခါ CM Bollywood ပရိသတ်ကြီးကို တင်ဆက်ပေးချင်တာကတော့ ငယ်ဘဝအိန္ဒိယကားတွေကို အမှတ်ရသွားစေမယ့် တမီလ်ဆင်လိမ္မာကားလေးပဲ ဖြစ်ပါတယ်။ အခုခေတ်ပေါ်ကားဆိုတော့ ခေတ်နဲ့အညီ အက်ရှင်ဒရာမာညီမျှတဲ့ ဆင်လိမ္မာကားလေးလို့ပဲ ပြောရမှာပါပဲ…. ရာဂျာဟာ မိခင်ကိုအရမ်းချစ်ပြီးတော့ မိခင်နဲ့အတူ ဆင်ရုပ်လေးတွေနဲ့ ဆင်ဇာတ်လမ်းလေးတွေနားထောင်ရင်း ကြီးပြင်းလာတဲ့ကလေးတစ်ယောက်ပါ.. ကံဆိုးစွာနဲ့ပဲ သူ့မိခင်ဟာ သူကလေးဘဝမှာပဲ ရုတ်တရက်ဆုံးပါးသွားခဲ့ရပါတယ် … ရာဂျာတစ်ယောက် ကလေးဘဝနဲ့မလိုက်အောင် စိတ်ထိခိုက်မှုခံစားရပြီးတော့ တငူငူတငိုင်ငိုင်ဖြစ်နေချိန်မှာ သူ့ဘဝထဲကို ဘီမာလို့ခေါ်တဲ့ဆင်လေးတစ်ကောင်ဝင်ရောက်လာပါတယ် ရာဂျာနဲ့ဆင်လေး အတူတူကြီးပြင်းခဲ့ရာကစလို့ အရွယ်ရောက်လာတဲ့အခါမှာ ဘာပြသနာတွေနဲ့ရင်ဆိုင်ရမလဲ… တောရိုင်းတိရစ္ဆာန်တွေရဲ့ ရှားပါးပစ္စည်းတွေဖြစ်တဲ့ ဆင်စွယ် သားရေ အစရှိတာတွေရဲ့ မုဆိုးတွေအန္တရာယ်ကို ဘယ်လိုရင်ဆိုင်သွားကြမလဲ ကြည့်ရှုနိုင်ဖို့ တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် File size…2.7 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 10min Subtitle….Myanmar Subtitle (Hard Sub) Encoder….YK Translated by CM Bollywood Team

Killer Soup (2024) "ပူမှုရယ် ဆယ်ကုဋေ" IMDb - 6.3/10 ကွန်ကိုနာဆန်ရှာမာဆိုတာ ဝေဖန်မှုတွေနဲ့အတူ အောင်မြင်ခဲ့တဲ့ Lust Stories 2မှာ ဒါရိုက်တာတစ်ယောက်အနေနဲ့ပါဝင်ခဲ့တဲ့ သရုပ်ဆောင်ထူးချွန်ဆုများစွာ ပိုင်ဆိုင်ထားတဲ့ မင်းသမီးကြီးတစ်လက်။ ဒီဇာတ်လမ်းတွဲမှာတော့ သိပ်ကြမ်းတဲ့အိမ်ရှင်မ ဆွာသီဆိုတဲ့ အဓိကဇာတ်ရုပ်နေရာက ပါဝင်ထားပါတယ်။ Sirf Ek Bandaa Kaafi Hai (2023)ထဲမှာ ရှေ့နေဆိုလန်ကီအနေနဲ့ သရုပ်ဆောင်ခဲ့တဲ့ မင်းသားကြီး မနော့ဂျ်ကလည်း နှစ်ကိုယ်ခွဲအနေနဲ့ ပါဝင်ထားတယ်။ ဆွာသီဆိုတာ ဟင်းချက်ညံ့ပေမဲ့ စားသောက်ဆိုင်ဖွင့်ချင်တဲ့ အိမ်ရှင်မတစ်ယောက်။ ယောကျ်ားဖြစ်သူက ပရာဘူ။ ပရာဘူက အကောင်ကြီးကြီးတစ်ကောင်ကို နှပ်ချဖို့ကြိုးစားနေတဲ့ ဆောက်လုပ်ရေးလုပ်ငန်းရှင်တစ်ဦး။ ယောကျ်ားဖြစ်သူ ပရာဘူ ပလစ်တာခံနေရတဲ့ ဆွာသီက ယောကျ်ားအလစ်မှာ အနှိပ်သည် အူမာ့ရှ်ကို လိုက်ပွဲခေါ်စားနေလေရဲ့။ ဖြစ်ချင်တော့ အနှိပ်သည်အူမာ့ရှ်နဲ့ ခင်ပွန်းသည်ပရာဘူက ရုပ်ချင်းဆင်တူနေပါရော။ အိမ်သူဇနီးသည် မဆွယ်သာက အသွင်တူလို့ ခေါ်စားနေတဲ့ အနှိပ်သည် အူမာ့ရှ်ကို အကြောင်းကြောင်းရယ်ကြောင့် ခင်ပွန်းသည်နေရာမှာအစားထိုးဖို့ကြိုစားပါတော့တယ်။ ဒါပေမဲ့လည်း သူတို့နောက်ကြောင်းကိုလိုက်နေတဲ့ အလွတ်စုံထောက်ရယ်၊ ခင်ပွန်းဖြစ်သူမွှေထားတဲ့ ပြဿနာတွေကြားမှာ ဆွာသီနဲ့ အူမာ့ရှ်တော့ ရွာလည်ကြတဲ့အခါမှာတော့။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File Size – 800MB(Appx;)@Episode Quality –  1080p WEB DL  Duration –50 minute (@Episode) Total Episodes: 8Eps Subtitle – Myanmar Hardsub Format – Mp4 Genre : Comedy, Crime Translator – CM Bollywood Team Encoder – YK

Thiru.Manickam (2024) "ကံဇာတ်ဆရာ အလိုကျ" ဘ၀ဆိုတာ ဘယ်တော့မှ ထင်သလိုဖြစ်မလာတတ်ပါဘူး။ ဖြစ်ချင်တာ အမြဲဖြစ်မလာတတ်သလို မဖြစ်ချင်တာတွေ ဖြစ်တတ်တာလည်း လောကသဘာ၀လို့ ဆိုရမလားပါပဲ။ အဲဒီဘ၀အခြေအနေကပဲ လူကောင်းကို လူဆိုး၊ လူဆိုးကို လူကောင်း ဖြစ်သွားစေတဲ့အဖြစ်တွေဟာလည်း ဒုနဲ့ဒေပါ။ အခုမိတ်ဆက်ပေးမဲ့ ဇာတ်လမ်းကလည်း အဲဒီလို ဘ၀အရှုပ်အထွေးတွေကို အထင်အရှား ရိုက်ပြထားတာ ဖြစ်ပါတယ်။ ဇာတ်လမ်းထဲမှာတော့ "My family" အက်ဆေးရေးခိုင်းရာကနေ မာနစ်ကမ်တို့ မိသားစုဘ၀လေးကို ချစ်စရာကောင်းအောင် ပုံဖော်ပြသွားပါတယ်။ မာနစ်ကမ်ဟာ ရိုးသားဖြောင့်မတ်ပြီး ဖော်ရွေတာကြောင့် လူချစ်လူခင်ပေါသူပါ။ ထီဆိုင်လေးတစ်ဆိုင်ဖွင့်ထားပြီး ဇနီးရယ်၊ သမီးလေးနှစ်ယောက်ရယ်၊ ဆွေမျိုးတချို့ရယ်နဲ့ အတူ ပျော်ပျော်ပါးပါးနေထိုင်ပါတယ်။ မချမ်းသာပေမဲ့ ‌အေးချမ်းပြီး ပျော်စရာကောင်းတဲ့ မိသားစုလေးကို ပိုင်ဆိုင်ထားသူပေါ့။ ဒါပေမဲ့ တစ်နေ့မှာတော့ အေးချမ်းတဲ့ဘ၀ကို လိုလားပုံမရတဲ့ ကံဇာတ်ဆရာက မာနစ်ကမ်တို့မိသားစုဘ၀ကို လှိုင်းဂယက်ထသွားအောင် ပြောင်းလဲပစ်လိုက်ပါတယ်။ အေးချမ်းတဲ့နောက်ကွယ်မှာ အခက်အခဲတချို့နဲ့ ငွေကြေးမပြေလည်မှုတွေရှိနေတဲ့ မာနစ်ကမ်တို့မိသားစုလေးကို ကံကြမ္မာက ဘယ်လိုကျီစယ်လဲ၊ ဘ၀အခြေအနေက လူတွေဘယ်လိုပြောင်းလဲသွားစေမလဲ ဆိုတာကို ဘ၀ရသစုံလင်စွာ ကြည့်ရှုရမှာ ဖြစ်ပါတယ်။ ဒရာမာသက်သက်မဟုတ်ဘဲ မှုခင်းနဲ့ thriller ကိုပါ ပေါင်းစပ်ထားတာမို့ Bollywood ပရိသတ်အတော်များများလည်း အကြိုက်တွေ့ကြမှာပါ။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ CM Bollywood team ပါ။) File size… 2.5 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 2m Subtitle….Myanmar Subtitle (Hard Sub) Encoder….YK Translated by CM Bollywood team

Kadaisi Ulaga Por(2024) IMDb 7.6/10 "ဘုရင်ကိုတင်မြှောက်ပေးတဲ့လူဟာ အဲဒီဘုရင်နေရာကိုတပ်မက်တော့မှာမဟုတ်ဘူး သူလိုချင်တာ တိုင်းပြည်ကိုပဲ" မဝေးတော့တဲ့ အနာဂတ်မှာ တရုတ် ရုရှားနဲ့ တစ်ခြားနိုင်ငံပေါင်း ၇၂နိုင်ငံတို့ဟာ "ပြည်သူ့သမ္မတနိုင်ငံ" ဖွဲ့စည်းပုံကို နိုင်ငံအတွင်းကျင့်သုံးကြပြီး မပါဝင်တဲ့နိုင်ငံတွေကိုတော့ ကုန်သွယ်မှုတွေပိတ်ဆို့တားဆီးခြင်းပြုခဲ့ကြပါတယ် နိုင်ငံတကာ တပ်ဖွဲ့များရဲ့ ကုန်သွယ်မှု ပိတ်ဆို့ခြင်းကြောင့် အိန္ဒိယနိုင်ငံအတွင်း နိုင်ငံရေး ပဋိပက္ခများ ပေါ်ပေါက်ခဲ့ပြီး ပြည်တွင်း မငြိမ်သက်မှုများ ဖြစ်ပေါ်လာခဲ့ပါတယ် ဒီရုပ်ရှင်ကို ရိုက်ကူးခဲ့တာက Hiphop Tamizhaလို့ခေါ်တဲ့ ဟစ်ဟော့ပ်အဖွဲ့က အာဒီပါ တမီးလ်နာဒူးမှာ ပထမဆုံးဟစ်ဟော့ပ်တေးအယ်လ်ဘမ်ကို ဖြန့်ချီပြီး ဝက်ဝက်ကွဲအောင်မြင်တွေမှုရခဲ့တဲ့အနုပညာရှင်တစ်ယောက်ဖြစ်ပါတယ် သူရဲ့ အနုပညာရူးသွပ်မှုနဲ့အတူ ရုပ်ရှင်လောကထဲကိုဝင်လာခဲ့ပြီးတဲ့နောက်မှာ ဒီရုပ်ရှင်ကို ကိုယ်တိုင်ပရိုဂျူဆာလုပ်ပြီး ရိုက်ကူးခဲ့တာပါ ရှုပ်ထွေးတဲ့နိုင်ငံရေးလှည့်ကွက်တွေကို တစ်ဝကြီးကြည့်ရမဲ့အိန္ဒိယနိုင်ငံရေးကားကောင်းလေးတစ်ကားပါ (အညွှန်းနဲ့ဘာသာပြန် CM Bollywood Team မှဖြစ်ပါတယ်) File size… 2.3 GB/ 1.13 GB Quality…WEB DL 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub) Encoder….YK Translated by CM Bollywood Team

Utsavam (2024) "ဘဝပြဇာတ်ခုံ" ရိုးရာပြဇာတ်ကပြခြင်းကို အခြေခံရိုက်ကူးထားတဲ့ တေလဂူး ဒရာမာရုပ်ရှင်လေးကို တင်ဆက်လိုက်ပါတယ် ခရစ်ရှနာက ပြဇာတ်မျိုးရိုးကနေ ပေါက်ဖွားလာတဲ့သူ.. သူ့ရဲ့ အဖေက တစ်ချိန်ကဆုတံဆိပ်များစွာ ရရှိခဲ့တဲ့ သဘင်သည်ကြီးတစ်ယောက် ဒါပေမဲ့ တိုးတက်လာတဲ့ခေတ် ပြဇာတ်ဆိုတာကို ဘယ်သူမှတန်ဖိုးမထားတော့တဲ့ ကာလမှာ သူတို့အနုပညာလည်း မှေးမှိန်လာခဲ့တယ် ရိုးရာအနုပညာအတွက် စိတ်ဆန္ဒပြင်းပြတဲ့ ခရစ်ရှနာက သူ့ချစ်သူကောင်မလေး ရာမာနဲ့အတူ အဖေဖြစ်သူရဲ့ လမ်းညွှန်မှုနောက်ကိုလိုက်ပြီး ခေတ်သစ်ကမ္ဘာမှာ ပျောက်ကွယ်လုနီးဖြစ်တဲ့ ရိုးရာဓလေ့၊ သဘင်အနုပညာကို ဘယ်လိုပြန်အသက်သွင်းဖို့ ကြိုးစားမလဲ ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 3.2 GB / 1.7  GB Quality…WEB DL 1080p HEVC/ 720p Format…mkv/ mp4 Duration….2h 18m Subtitle….Myanmar Subtitle (Hard Sub) Encoder….YK Translated by CM Bollywood Team

Akaali (2024) မသေမျိုး မေလ ၃၁ ရက်နေ့မှာ စတင်ရုံတင်ပြသခဲ့တဲ့ အိန္ဒိယ Thriller ရုံတင်ကားကြီး Akaali နဲ့ မိတ်ဆက်ပေးပါရစေ အိန္ဒိယကားတွေထဲမှာမှ ထူးထူးခြားခြား အောက်လမ်းပညာပါတဲ့မှုခင်းတစ်ခုအကြောင်း ရိုက်ကူးထားတဲ့ ဒီဇာတ်ကားမှာတော့... လွန်ခဲ့တဲ့ ၇ နှစ်က ဖြစ်ပျက်ခဲ့တဲ့မှုခင်းတစ်ခု... အစကတော့ မူးယစ်ဆေးဝါးမှုအနေနဲ့ပဲ စတင်စုံစမ်းခဲ့တာ စုံစမ်းရင်းနဲ့ နက်နဲလာတဲ့အခါ ကောင်မလေး တစ်ယောက်ပြန်ပေးဆွဲခံရတာတွေ မြို့တစ်မြို့ထဲမှာတင် လူ ၁ သောင်းကျော် ပျောက်ဆုံးသွားတာတွေ သင်္ချိုင်းဖောက် အလောင်းတွေ တူးထုတ်ခံရတာတွေနဲ့ ဆက်စပ်နေတာ တွေ့ရတယ် ဒါပေမဲ့ အဲဒီအမှုက အကြောင်းအမျိုးမျိုးကြောင့် ပိတ်သိမ်းခဲ့ပြီး ၇ နှစ်အကြာမှာမှ ပြန်စစ်ဆေးဖို့ ဖြစ်လာခဲ့တယ် အဲဒီအမှုကို ခေါ်တာက "ဂျာနစ်လူသတ်မှု" ဂျာနစ်ဆိုတာက လူလား အဖွဲ့အစည်းလားတော့ ဘယ်သူမှမသိခဲ့ကြဘူး နည်းပညာ တိုးတက်ပြီးသားနိုင်ငံမှာ အောက်လမ်းတွေ အယူသည်းတာတွေ ယဇ်ပူဇော်တာတွေက ရှိနေသေးတယ်ဆိုရင် ဘယ်လိုအကျိုးသက်ရောက်မှုတွေ ဖြစ်ခဲ့တာလဲ မှုခင်းတွေရဲ့ နောက်ကွယ်မှာရော ဘယ်လိုရည်ရွယ်ချက်တွေ ရှိနေတာလဲ အဖြေထုတ်ရခက်တဲ့ ပွေလီရှုပ်ထွေးမှုတွေနဲ့ အောက်လမ်းနည်းပညာတွေ၊ နောက် စုံစမ်းစစ်ဆေးမှုတွေကြားထဲက ကွက်လပ်တွေ မဖြစ်နိုင်ဘူးလို့ ယူဆထားတဲ့ သဲထိတ်ရင်ဖို ဖြစ်ရပ်တွေကို cinematic ရိုက်ကူးချက်အလန်းစားတွေနဲ့ ကြည့်ချင်တော့ ဒီကားလေးကို ဆက်ဆက်ကြည့်ရှုဖို့ တိုက်တွန်းလိုက်ပါတယ် File size…1.96GB / 886MB Quality…WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

Gangs of Godavari (2024) "ဂိုဒါဗာရီလူမိုက်ကြီးများ" IMDb - 5.7/10 အိန္ဒိယအက်ရှင်ရုပ်ရှင်နှစ်သက်သူတို့ စောင့်မျှော်နေကြတဲ့ တလေဂူးရုပ်ရှင်ဇာတ်ကားကြီးကိုတော့ Netflixကနေထုတ်လွှင့်ခဲ့ပြီမို့ မနှေးအမြန်တင်ဆက်ပေးလိုက်ရပါတယ်။ တလေဂူးနာမည်ကျော်တေးရေးဆရာတဖြစ်လဲ ဒါရိုက်တာကြီး ခရစ်ရှ်နာချိုင်တန်ယာရဲ့ ရိုက်ကူးပုံဖော်ထားပြီး Hit(2020)ရုပ်ရှင်ထဲက မင်းသားကြီး Vishwak Senအဓိကပါဝင်ထားပါတယ်။ ၁၉၈၀နှောင်းပိုင်းကာလ ဂိုဒါဗာရီမြစ်ကမ်းအနီး ကျွန်းစုလေးတွေက နိုင်ငံရေးအရှုပ်တော်ပုံတွေနဲ့ ဒုစရိုက်မှုတွေကြားက အဖြစ်အပျက်တွေ။ ရာသ်နာဆိုတာ ဆာလောင်တပ်မက်မှုဆိုတာကိုဗဟိုပြုပြီး ရှင်သန်နေရတာကို မုန်းတီးတဲ့သူ။ ဉာဏ်ကောင်းပြီး ဘ၀ကိုနေချင်သလိုနေတတ်သူ၊ နေရာတစ်ခုရောက်ဖို့ ဘာမဆိုလုပ်ဝံ့တဲ့သူ။ ဒီလိုလူမျိုးက ဒေသတစ်ခုလုံးကို ချုပ်ကိုင်နေတဲ့ ဂိုဏ်းတွေကြားကိုရောက်သွားတဲ့အခါ။ အတိုက်အခိုက်များစွာနဲ့မို့ အက်ရှင်ကားကြိုက်တတ်သူတို့အတွက် ရေကြည်တစ်‌ပေါက်ပါပဲ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 2.55GB / 1.12GB Quality…WEB DL 1080p / 720p Format…mp4 Duration….2h 45m Subtitle….Myanmar Subtitle (Hard Sub) Encoder….YK Translated by CM Bollywood Team

Bhimma (2024) ဒီတစ်ခါ CM ဘောလီးဝုဒ်ပရိသတ်ကြီးအတွက် တီလဂူလ်အက်ရှင်ကားကောင်းလေးတစ်ခုကို တင်ဆက်ပေးချင်ပါတယ် တောင်ပိုင်းကားတွေထုံးစံ အိုဗာလေးတော့ပါပေမယ့် အက်ရှင်ခန်းတွေကတော့ အားရစရာတွေမို့ ပရိသတ်ကြီးတို့ အကြိုက်တွေ့ကြမှာပါပဲ မဟာသျှီဝကိုးကွယ်တဲ့သူတွေမှာ ယုံကြည်ချက်တစ်ခုရှိပါတယ်တဲ့ သူ့ကျောင်းတော်မှာ သေဆုံးသူတစ်ယောက်အတွက် လာဆုတောင်းတဲ့အခါ အဲ့လူရဲ့နောက်ဆုံးဆန္ဒကို ဖြည့်ဆည်းဖို့အတွက် သူ့ဆွေမျိုးထဲက လူတစ်ယောက်ကို ဝင်ပူးခွင့်ပေးပါတယ်တဲ့ ဒီဇာတ်ကားထဲမှာလည်း နယ်မြို့မှာ ရာဇဝတ်မှုတွေကြီးစိုးနေတဲ့ ဂိုဏ်းကြီးတစ်ခုလုံးကို ရဲအရာရှိလေးတစ်ယောက်က သွားပြီး လူကုန်ကူးမှုကို တားဆီးတဲ့အခါမှာ ဂိုဏ်းခေါင်းဆောင်က အဲ့ရဲအရာရှိကို သတ်ပြီးတော့ လက်စဖျောက်လိုက်ရာကစပါတယ် သူ့ရဲ့မပြီးပြတ်သေးတဲ့တာဝန်တွေကို လူဝင်စားပူးကပ်သလို သူ့ညီက ဆက်လက်ဆောင်ရွက်ပြီး ဂိုဏ်းခေါင်းဆောင်ကြီးနဲ့ ထိပ်တိုက်ရင်ဆိုင်လာတဲ့အခါမှာတော့..... အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ် File size…2.7GB / 1.2GB Quality…WEB DL 1080p / 720p Format…mp4 Duration….2h 21m Subtitle….Myanmar Subtitle (Hard Sub) Encoder….YK Translated by  CM Bollywood Team

Gandeevadhari Arjuna (2023) IMDb-7.7/10 Missionတွေလုပ်ရတဲ့ Agent movieတွေကို နှစ်သက်သူတို့အကြိုက်တွေ့မယ် IMDb 7.7 ရထားတဲ့ ရုပ်ရှင်ကားလေးတစ်ကားကို တင်ဆက်ပေးမှာပါ။ ဒီကားထဲမှာတော့ မင်းသားချော Varun Tej ကို အရည်အချင်းမှာ သူမတူအောင်ထက်မြက်ပေမဲ့ အမိန့်မနာခံဘဲ ထင်ရာလုပ်တတ်တဲ့အေးဂျင့်အနေနဲ့ မြင်တွေ့ရမှာပါ။ ဇာတ်လမ်းအကျဉ်း ရာသီဥတုဆိုးရွားစွာပြောင်းလဲမှုဒဏ်ကို ကမ္ဘာနဲ့အဝှမ်းခံစားလာရတဲ့အတွက် အမြဲအိပ်ပျော်နေတတ်တဲ့ UNကြီးလည်းနိုးထလာပြီး ရာသီဥတုပြောင်းလဲမှုအတွက် အဓိကကျတဲ့ နိုင်ငံ ၂၅ နိုင်ငံမှာ စောင့်ကြည့်သူတွေခန့်အပ်ဖို့ အဆိုတင်သွင်းလာပါတယ်။ အိန္ဒိယနိုင်ငံအတွက် စောင့်ကြည့်သူအဖြစ် လျာထားခံရသူကတော့ သစ်တောဝန်ကြီးအာဒီသရာပါ။ စက်ရုံစွန့်ပစ်ပစ္စည်းတွေရဲ့ စွန့်ပစ်မှုကိုကြည့်ရှုစစ်ဆေးအရေးယူရမယ့်သူအဖြစ် ခန့်အပ်ခံရခြင်းနဲ့အတူ မသမာတဲ့လုပ်ငန်းရှင်တစ်စုရဲ့ မဟာရန်သူတော်ကြီးဖြစ်လာတဲ့ဝန်ကြီးအာဒီသရာ၊ သူ့ကို ကာကွယ်ပေးနေတဲ့ ဆရာဖြစ်သူ‌ဗီဂျေးက ဒဏ်ရာရသွားတဲ့နေရာ အာဂျွန်က ဆရာ့ကိုယ်စား ဝန်ကြီးကိုကာကွယ်ဖို့ဖြစ်လာတဲ့အခါ... ဝန်ကြီးရဲ့ကိုယ်ရေးအရာရှိဖြစ်တဲ့အိုင်ရာနဲ့ တစ်ချိန်ကဇာတ်လမ်းလေးကလည်းရှိနေတော့ အာဂျွန်တစ်ယောက် နောက်ဆံတင်းနေပေမဲ့ ဆရာကလည်း အကူအညီတောင်းတာဖြစ်ပြန်၊ တစ်ဖက်မှာလည်း အမေ့ရဲ့ဆေးကုစရိတ်ကြောင့် ငွေလိုနေတဲ့အခါ အလုပ်ကိုလက်ခံပြီး ဝန်ကြီးကိုကာကွယ်ဖို့ ဖိုင်တွဲနံပါတ် ၁၃ ကိုအရယူဖို့ အာဂျွန်တစ်ယောက် ဘယ်လိုကြိုးစားသွားမလဲဆိုတာ ကြည့်ရှုလိုက်ရအောင်ပါ။ အညွှန်းနှင့်ဘာသာပြန်သူတွေကတော့ Alex ~ Dee ~ YH ~ ToMo~KKKZ တို့ပဲဖြစ်ပါတယ် File size…2.5GB/ 1.12GB Quality…1080p NF WEB DL /720p Format…mp4 Duration…2h 17m Subtitle….Myanmar Subtitle (Hard Sub) Encoder….YK Translated by Alex ~ Dee ~ YH ~ ToMo~KKKZ

Narakasura (2023) "နတ်ဆိုး" IMDb 8.4 ရထားတဲ့ တေလဂူး အက်ရှင်ဇာတ်ကားလေးဖြစ်ပြီး စွန့်လွှတ်ခြင်း၊ အချစ်၊ အာဏာ၊ ရိုမန့်၊ LGBT community အစရှိသဖြင့် ခံစားမှုရသစုံလင်အောင် ပရိသတ်ကြီးကို ဖျော်ဖြေပေးနိုင်မယ့် ဇာတ်ကားတစ်ကား တင်ဆက်ပေးလိုက်ပါတယ် "နတ်ဘုရားတစ်ပါး မိစ္ဆာအသွင်ပြောင်းသွားရင် သာမန်မိစ္ဆာတွေထက် အဆမတန်ပိုပြီး ရက်စက်တတ်တယ်" ဆိုတဲ့ စကားအတိုင်း ဇာတ်လိုက်ကျော် "ရှီဗာ" ရဲ့ အမျက်ဒေါသနဲ့အတူ နောက်ဆက်တွဲ လက်စားချေခြင်းတို့ကို တွေ့မြင်ရမှာပါ ဇာတ်လမ်းအစမှာ ငရုတ်ကောင်းခြံတစ်ခြံရဲ့ လူတိုင်းအားထားရတဲ့ အလုပ်သမား "ရှီဗာ" ပျောက်ဆုံးသွားတာကို အားလုံးလိုက်ရှာစုံစမ်းကြရင်း လျှို့ဝှက်ချက်တွေနဲ့ တစ်ဖက်သတ် အချစ်ဇာတ်လမ်းတို့ သိလာကြပြီး... ရှီဗာ့ကိုချစ်တဲ့သူ၊ ရှီဗာက ချစ်တဲ့သူတွေကို လွှတ်တော်အမတ်ရဲ့သားဖြစ်သူ အာဒီနိုင်ဒူက နှောင့်ယှက်လာတဲ့အခါမှာ ပင်ကိုယ်ခွန်အားကြီးပေမယ့် အေးဆေးနေတတ်သူ "ရှီဗာ" တစ်ယောက် နတ်ဆိုးသဖွယ် ဒေါသငယ်ထိပ်တက်သွားခဲ့ပြီး အပျက်အစီး ထိခိုက်မှုတွေ သောင်းပြောင်း ဖြစ်လာခဲ့ချိန်မှာတော့ ။။။ ဘာတွေဆက်ဖြစ်သွားမယ်ဆိုတာ ခံစားကြည့်ရှုလိုက်ပါဦး အညွှန်းနဲ့ ဘာသာပြန်ကတော့ Yunni ~ Alex ~ ToMo ~ KKKZ တို့ ဖြစ်ပါတယ် File size…2.6GB / 1.3GB Quality…WEB DL 1080p / 720p Format…mp4 Duration….2h 22m Subtitle….Myanmar Subtitle (Hard Sub) Encoder….YK Translated by Yunni ~ Alex ~ ToMo ~ KKKZ

Vivesini 2023 (စူးစမ်းသံသရာ) IMDb-8.4/10 သစ်ပင်တွေက ကိုယ့်ကိုယ်ကိုယ်ကာကွယ်တတ်တယ်ဆိုတာ ယုံပါသလား ခုတ်ဖြတ်ခံရမဲ့သူတို့ဘဝကို ကယ်တင်ဖို့အတွက် ဘယ်လိုနည်းလမ်းတွေသုံးလဲဆိုတာသိရရင် ကြည့်ရှုသူတို့ယုံနိုင်မယ်မထင် ဟိုးလွန်ခဲ့တဲ့ နှစ်၂၀၀လောက်တုန်းက တောအုပ်ထဲနေထိုင်တဲ့ မျိုးနွယ်စုတစ်စုရှိခဲ့တယ် ငြိမ်းချမ်းစွာနေထိုင်ခဲ့ပေမဲ့ ရဲတွေရဲ့ နယ်မြေသိမ်းပိုက်လိုမှုကြောင့် ယောကျာ်းတွေဆိုဖမ်းဆီး မိန်းမနဲ့ကလေးတွေဆိုနှင်ထုတ်ပြီး လက်ဝါးကြီးအုပ်ခဲ့တဲ့နှစ်တွေရှိခဲ့ဖူးပါတယ် ဒီဖြစ်ရပ်ကိုကယ်တင်ခဲ့တဲ့လူတွေကတော့ အသက်၆၀နီးပါးရှိတဲ့ အဘွားကြီး၄ယောက်ပါ မြင်းကိုယ်စီနဲ့ ကောင်းကင်ဘုံက နတ်ဘုရားမတွေလို လှံကိုကိုင်စွဲတွန်းလှန်ခဲ့ပြီး အသက်၁၁၀ထိတိုင် ရှင်သန်သွားခဲ့ကြတယ် ဒီ၄ယောက်အဖြစ် သမုတ်ထားတဲ့ သစ်ပင်ကြီးလေးပင်က ဒီတောအုပ်ကိုဆက်လက်စောင့်ရှောက်တယ်လို့လည်းဆိုစမှတ်ပြုကြပြန်တယ်။။။ (လက်ရှိကာလ) ခေတ်နဲ့အညီပြုပြင်ပြောင်းလဲရေးသမားတွေနဲ့ အစဉ်အဆက် လက်‌ဆင့်ကမ်းလာတဲ့ယုံကြည်မှုတွေ... သရဲခြောက်တယ် မိန်းမတွေဝင်ခွင့်မရှိဘူးလို့ နာမည်ကြီးနေတဲ့တောထဲကို ဝင်ဖို့ပြင်ပြီးခါမှ ဒဏ်ရာရသွားတဲ့ ဖခင်ဖြစ်သူကိုယ်စားတောထဲလိုက်စုံစမ်းရှာဖွေဖို့ တာဝန်ယူလိုက်ရတဲ့ ရှက်ခ်သီ ဒီအရာတွေကိုအယုံအကြည်မရှိပေမဲ့ ဒဏ်ရာနဲ့ဖခင်ကြီးကိုမလွှတ်ရက်လို့ ကိုယ်တိုင်ဝင်လာခဲ့တဲ့ရှက်ခ်သီ တောထဲရောက်ပြီး သူကြုံတွေ့ခဲ့ရတဲ့အရာတွေက သူခံယူထားတဲ့အရာတွေ ၊ ဆန့်ကျင်ထားတဲ့အမြင်တွေနဲ့ အလွဲကြီးလွဲနေတော့တယ် ဟိုးအရင်တည်းကတည်ရှိနေခဲ့တဲ့ ထူးဆန်းအံ့ဩဖွယ်တွေနဲ့ တောနက်ကြီးထဲ လူငယ်တွေရဲ့ ရဲတင်းမှုတွေနဲ့ ဘယ်လိုအမှန်တရားတွေထွက်ပေါ်လာမလဲဆိုတာ သည်းထိတ်ရင်ဖိုရှုစားကြည့်ပါဦး (အညွှန်းနှင့် ဘာသာပြန်သူတွေကတော့ BpL ~ ToMo ~ KKKZ ~ Zwe Yan ~ Yunni တို့ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…1.98GB / 898MB Quality…WEB DL 1080p /720p Format…mp4 Duration….2 h 8 min Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 5.9/10 Action/Drama အခုတစ်ခါတင်ဆက်ပေးမယ့် တေလဂူးရုပ်ရှင်ကတော့ အက်ရှင်အကြမ်းစားတွေအပြင် မိသားစုတွေကြားထဲက ၅၂၈မေတ္တာ ချစ်သူတွေကြားက ၁၅၀၀မေတ္တာကိုပါ ကြည့်ရှုခံစားရမယ့် ဇာတ်ကားကောင်းလေးဖြစ်ပါတယ်။ ရိုးသားမှုကို အရင်းခံပြီး သမာအာဇီဝကျကျနဲ့ စီးပွားရေးလုပ်ကိုင်နေတဲ့ ရာဂျာရမ်မှာ ဗစ်ကီလို့ခေါ်တဲ့ ညီလေးတစ်ယောက်ရှိပါတယ်။ ရန်ကိုရန်ချင်းမတုံ့နှင်းဖို့ အစ်ကိုဖြစ်သူက အမြဲဆုံးမလေ့ရှိပါတယ်။ ဒါပေမဲ့ တစ်နေ့မှာ ဗစ်ကီတစ်ယောက် အစ်ကိုဖြစ်သူ မတရားသဖြင့် ဒုက္ခခံနေရတာကို မြင်ရပြီးနောက် လက်တုံ့ပြန်ခဲ့ပါတယ်။ အစ်ကိုဖြစ်သူသိသွားပြီး ဗစ်ကီနဲ့ အချေအတင်ဖြစ်ကြတဲ့အခါ ဗစ်ကီတစ်ယောက် အိမ်ကနေ ထွက်ပြေးသွားခဲ့ပါတယ်။ ကာလကတ္တားမြို့ကို လက်ဗလာနဲ့ရောက်သွားတဲ့ဗစ်ကီတစ်ယောက် လုပ်ငန်းရှင်တစ်ဦးနဲ့ချိတ်ဆက်မိပြီး ယုံကြည်အားကိုးရတဲ့သူတစ်ယောက်ဖြစ်လာပါတယ်။ ထင်ထားသလောက်မရိုးရှင်းတဲ့စီးပွားရေးလုပ်ငန်းမှာ ဗစ်ကီတစ်ယောက် အစ်ကိုဖြစ်သူမကြိုက်တဲ့ ဒုစရိုက်မှုတွေလုပ်ပြီး ကြီးပြင်းလာခဲ့ပါတယ်။ အချိန်တန်အရွယ်ရောက်လို့ ချစ်ရတဲ့သူတွေ့လာတဲ့အခါ လက်ထပ်ထိမ်းမြားဖို့ မိသားစုက အရေးပါတယ်ဆိုတာ ဗစ်ကီသိရတဲ့အခါ အစ်ကိုဖြစ်သူနဲ့မိသားစုဝင်တွေရှိရာဆီကို ပြန်လာခဲ့ပါတယ်။ မိသားစုတွေ ပြန်လည်ပေါင်းစည်းကြမိပေမယ့် ဖုံးကွယ်ထားရတဲ့အခက်အခဲကိုယ်စီလည်း ရှိနေကြပါတယ်။ ဗစ်ကီနဲ့အစ်ကိုဖြစ်သူ ဘာတွေဆက်ဖြစ်ကြမလဲ။ အခက်အခဲတွေကရော ဘာတွေဖြစ်မလဲ။ မိသားစုတွေ ပျော်ပျော်ရွှင်ရွှင်နေသွားရမလားဆိုတာကို ဒီဇာတ်ကားထဲမှာ ဆက်လက်ကြည့်ရှုကြရမှာ ဖြစ်ပါတယ်။ (အညွှန်းနဲ့ဘာသာပြန်သူတွေကတော့ V, BpL, Zwe Yan, Dee နဲ့ Cherryတို့ဖြစ်ကြပါတယ်။) File size…3.2GB / 1.47GB Quality…1080p WEB DL /720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translator...V~ BpL~ Zwe Yan~ Dee ~ Cherry

IMDB 7.8 ရထားပြီး ရုံတင်ငွေ လေးဆကျော်မြတ်ခဲ့တဲ့ Telugu ဘာသာစကားပြော rom-com လေးလာပါပြီ စီးပွားရေးအရ အောင်မြင်ရုံမကပဲ ဝေဖန်ရေးဆရာတွေရဲ့ positive review တွေပါရထားတဲ့ကားလေးဖြစ်ပါတယ် ဇာတ်လမ်းအကျဥ်းကတော့ အန်ဗီသာဆိုတဲ့ အသက် ၃၀ အရွယ် လန်ဒန်က Master Chef မမ က သူ့အမေနဲ့အတူ နှစ်ယောက်တည်းနေပြီး ထက်မြက်တဲ့မိန်းမပီပီ မိန်းမဝါဒီတစ်ယောက်ဖြစ်ပါတယ် သူမဘဝမှာ သူ့အမေကို သင်ခန်းစာရလို့ အိမ်ထောင်ရေးကို စိတ်မဝင်စားပဲ အချစ်နဲ့ ခပ်ကင်းကင်းနေသူတစ်ယောက်ပါ သူ့အမေဆုံးပြီးတဲ့နောက်တော့ တစ်ယောက်တည်းအထီးကျန်လို့ သူအသက်ကြီးလာတဲ့အခါ အနားမှာရှိနေပေးမယ့် သားသမီးမရှိမှာလည်း စိုးရိမ်လာပါတယ် ဒါပေမယ့်လည်း Independent 'ဝီးမန်း' ခံယူထားသူ မမက ယောကျာ်းယူဖို့ထက် သားသမီးကို ချစ်တင်းနှောခြင်းမပါပဲ မွေးဖို့ အလှူရှင်ရှာပါတော့တယ် ကြံရာကျပမ်း ယောကျာ်းအလှူရှင်နဲ့ရမှာကို တွေးပူပြီး သူ့စိတ်ကြိုက် သူ့စံနှုန်းနဲ့ ကိုက်မယ့်လူကို ရှာပုံတော်ထွက်ရာမှာ Stand-up comedian ဖြစ်ဖို့ကြိုးစားနေတဲ့ ဆစ်ဒူဆိုတဲ့ ကောင်လေးနဲ့ သွားတွေ့ပါတယ် ဆစ်ဒူကို မြင်မြင်ချင်းသဘောကျသွားတဲ့ မမက သူ့ရဲ့ သုက်ပိုးကိုရဖို့ ကြံပါတော့တယ် 'သဘောကျတယ်' ဆိုတာက သူ့ရဲ့အမူအကျင့်စိတ်နေစိတ်ထားကို သဘောကျပြီး သုက်ပိုးအလှူရှင်အဖြစ် ထိုက်တန်တယ်လို့ ယူဆတာပါ ဒါပေမယ့် မမ ဘက်က ကောင်လေးအပေါ်မှာ sperm doner အဖြစ်သာ မြင်ပြီး ဒါကိုမသိတဲ့ ကောင်လေးကတော့ မမ ကိုသာ တန်းတန်းစွဲဖြစ်သွားပါတော့တယ် မမကို ဖွင့်ပြောတဲ့တစ်နေ့မှာတော့ ကောင်လေးတစ်ယောက် သူ့မမရဲ့ ရည်ရွယ်ချက်ကို သိသွားပြီး ဘယ်လိုဆက်ဖြစ်မလဲ၊ မမ ဘယ်လောက်ထိ ရက်စက်မှာလဲ ဆိုတာကို ညီကိုတို့ အဓိက ကာရိုက်တာနေရာကနေ ဝင်ရောက် ခံစားပေးကြပါဦး အညွှန်းရေးသူကတော့ KKKZ ဖြစ်ပြီး CM Bollywood Team က ဘာသာပြန်ပေးထားပါတယ် File size…2.3GB / 1.1GB Quality…1080p WEB DL / 720p Format…mp4 Duration….2h 29m Subtitle….Myanmar Subtitle (Hard Sub) Encoder….YK Translated by CM Bollywood Team

Conjuring Kannappan (2023) "အိပ်မက် ခေါ်သံ" IMDb 6.5 ရထားတဲ့ တမီးလ် Horror/comedy ကားအသစ် ဖြစ်ပါတယ် တမီးလ် ဟာသရုပ်ရှင် ပင်တိုင်မင်းသားဖြစ်တဲ့ Sathish ပါဝင်ထားပါတယ် Sathish ဆိုတာ ဟိုနေ့တင်ပေးထားတဲ့ မင်းသားဗီဂျေးရဲ့ Kaththi ထဲမှာ ဗီဂျေးရဲ့သူငယ်ချင်းအဖြစ် သရုပ်ဆောင်တဲ့မင်းသားပါ Kaththi နဲ့ အကောင်းဆုံးဟာသ သရုပ်ဆောင်ဆု ရခဲ့တဲ့ မင်းသားဖြစ်ပြီး ဒီကားကလည်း horror နဲ့ comedy ကို အချိုးကျကျ ရောစပ်ထားတဲ့ ကားပါပဲ ဇာတ်လမ်းအကျဥ်းကတော့ ကန်နာပါဆိုတဲ့ ငနဲက ဗီဒီယိုဂိမ်းဒီဇိုင်နာ ဖြစ်ချင်ပေမယ့်လည်း အင်တာဗျူးဖြေတဲ့ ဘဝက မတက်နိုင်သေးတဲ့သူပါ တစ်နေ့မှာတော့ အင်တာဗျူးတစ်ခုဖြေဖို့အတွက် သူ့အမေက သူ့ကိုနှိုးလို့ ရေးကြီးသုတ်ပျာ အိပ်ရာထလာတဲ့အချိန် ကံဆိုးချင်တော့ ရေချိုးဖို့ ရေကလည်း ပြတ်နေပါတယ် အဲဒါနဲ့ အိမ်ဘေးက ရေတွင်းအိုကြီးက ရေကို ခပ်ဖို့ လုပ်ရာမှာ ကျိန်စာတိုက်အရုပ်နဲ့ တွဲချည်ထားတဲ့ dream catcher ကိုတွေ့ပါတယ်... ဆရာသမားက အဲဒီ dream catcher က ငှက်မွေးအနီရောင်လေးကို မတော်တဆ ဖြုတ်မိသွားတဲ့အချိန် ... ရေတွင်းထဲက အသံတစ်ခုကြားလိုက်ရလို့ အလန့်တကြား လွှတ်ချလိုက်ပေမယ့် နောက်တစ်နေ့ သူ့ရဲ့ အိပ်ခန်းထဲမှာပဲ အဲဒီပစ္စည်းလေး ပြန်ရောက်နေတာ တွေ့လိုက်ရပါတယ် အဲဒီညက စလို့ ကန်နာတစ်ယောက် ထူးဆန်းတဲ့ အိပ်မက်တွေကို စပြီး မက်ပါတယ် အိမ်မက်ထဲက တစ္ဆေတွေဟာ လက်တွေ့ဘဝက အိမ်ကြီးထဲအထိ ရောက်လာခဲ့ပြီး သူတို့တစ်မိသားစုလုံးကို ဒုက္ခပေးပါတော့တယ် အဲဒီလို မတရားခြောက်နေတဲ့ နာနာဘာဝတွေရန်က တစ်မိသားစုလုံး ဘယ်လိုဖြေရှင်းကြမလဲဆိုတာကို Comedy/Horror တို့ ထုံးစံ "အကြောက်" တစ်ခါ "အဖောက်" တစ်လှည့် ခံစားကြည့်ရှူရမှာပဲ ဖြစ်ပါတယ် (အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…1.97GB / 900MB Quality…WEB DL 1080p / 720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translated by  CM Bollywood Team

ဘောလီးဝုဒ်ပရိသတ်တွေ မျှော်နေကြတဲ့ ဆလူးဘိုင်ရဲ့ မြောက်ပိုင်းတိုက်ဂါးမလာခင်မှာ ဒါကတော့ တောင်ပိုင်းပရိသတ်တွေအကြိုက် မင်းသားကြီး ရာဗီတီဂျာရဲ့ တောင်ပိုင်းကျားကြီးပဲဖြစ်ပါတယ် ရဲမှူးကြီး တိုက်ဂါးကဘယ်လိုလူလဲ?…. သူသာ နိုင်ငံရေးလုပ်ရင် အမတ်ဖြစ်နိုင်တဲ့ ဉာဏ်ရည်ရှိတယ်….. သူသာ အားကစားသမားဆို နိုင်ငံအတွက် ရွှေတံဆိပ်တွေ ပလူပျံနေမှာ… သူသာ စစ်တပ်ထဲဝင်ရင် သူ့သတ္တိနဲ့တင် စစ်ပွဲတွေနိုင်ကုန်မှာ…. ဒါပေမဲ့ ကံဆိုးချင်တော့ သူကရာဇဝတ်သားဖြစ်နေတယ်… မသိဘဲယူတာ သူခိုးတဲ့ လုယူသွားရင် ဓားပြတဲ့ ဒဲ့စိန်ခေါ်ပြီး ယူသွားရင် တိုက်ဂါးပဲ…. ဒီစာသားတွေကို ကြည့်လိုက်ရုံနဲ့ တိုက်ဂါးဘာကောင်လဲဆိုတာ ပရိသတ်ကြီးတို့ ရိပ်စားမိလောက်ပါပြီ လူဆိုးဗိုလ်ကြီး တိုက်ဂါးရဲ့ ကလေးဘဝကနေ လူဆိုးကြီးဖြစ်လာတဲ့ ဘဝအကြောင်းတွေ ရဲတွေကို မလိမ့်တပတ်နဲ့ ကတုံးပေါ်ထိပ်ကွက်ပုံတွေကို ဉာဏ်ချင်းပြိုင်တာတွေကို အက်ရှင်အစုံနဲ့ တောင်ပိုင်းကားပီပီ ဇာတ်အိမ်ကောင်းကောင်းနဲ့ ရိုက်ပြပေးထားတာမို့ တောင်ပိုင်းကျားကြီးကို ပရိသတ်ကြီးအတွက် တင်ဆက်ပေးလိုက်ရပါတယ် အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3.15GB / 1.5GB Quality…1080p WEB DL / 720p Format…mp4 Duration….2h 52m Subtitle….Myanmar Subtitle (Hard Sub) Encoder….YK Translated by CM Bollywood Team

Hi Nanna 2023 ( မင်္ဂလာပါ ဖေဖေ) IMDb 8.4/10 , RT 100% Netflix ကနေ လတ်တလောကပဲ ထုတ်လွှင့်ပေးလိုက်တဲ့ ဒရာမာ ရိုမန့်စ်ဇာတ်ကားကောင်းလေးတစ်ခုကို တင်ဆက်ပေးပါရစေ Main cast တွေကလည်း အားလုံးနဲ့မစိမ်းတဲ့ Jersey မင်းသားနာနီနဲ့ သရုပ်ဆောင်လဲကောင်း ရုပ်ကလေးကလဲချောတဲ့ Sita Ramamက မင်းသမီးလေး မရူနာသာကာတို့က ဦးဆောင်ပါဝင်ထားတဲ့အပြင် အချောလေး ရှရူသီ ဟာစန်ကလဲ အလှတရားတွေနဲ့ ပါဝင်အားဖြည့်ထားပါတယ် “တစ်ခါတုန်းက တိုင်းပြည်မှာ ဘုင်ကြီးရယ် အမတ်ကြီးရယ် စစ်သူကြီးရယ် အရမ်းလှတဲ့သမီးတော်လေးရယ်ရှိတယ်တဲ့… အဲ့ဒါဆို အဲ့ဇာတ်လမ်းမှာ အမေမပါဘူးလား ဖေဖေ” ဟုတ်ပါတယ် ၆ နှစ်သမီးလေး မာဟီကို အရမ်းချစ်တဲ့ ဗီရာ့ဂျ်ဟာ သမီးလေးအတွက် ဖခင်နေရာရော မိခင်တာဝန်ပါ မလစ်ဟင်းအောင် အချစ်ကြီးချစ်ပေးတဲ့ single father တစ်ယောက်ပေါ့… ဒါပေမဲ့ သမီးလေးမာဟီကတော့ သူ့အမေဘယ်သူလဲ ဘယ်ရောက်သွားလဲဆိုတာ အရမ်းသိချင်နေပါတယ်… ပြီးတော့ မာဟီလေးမှာ ကုသရခက်တဲ့ မွေးရာပါပန်းနာရောဂါကလည်းဖြစ်နေပါသေးတယ်… တစ်နေ့မှာ အမေ့အကြောင်းမပြောပြလို့ အဖေနဲ့ရန်ဖြစ်ပြီး အိမ်ကထွက်လာတဲ့ မာဟီနဲ့ မာဟီကို ကူညီစောင့်ရှောက်ပေးထားတဲ့ မိနိးမချောလေး ယာ့ရှ်နာနဲ့ ဖေဖေဗီရာ့ဂျ်တို့ ဆုံတွေ့ကြတဲ့အခါမှာ …. ဗီရာ့ဂျ်ရဲ့အတိတ်က ဇာတ်လမ်းက ဘာဖြစ်မလဲ မာဟီလေးကရော သူ့ရောဂါပျောက်ကင်းသွားမလား ယာရှ်နာကရော သူတို့သားအဖနဲ့ ဘာတွေပတ်သတ်နေလဲ စိတ်ဝင်တစားနဲ့ မိဘမေတ္တာ သံယောဇဉ် အချစ်ဇာတ်လမ်းလေးကို ကြည်ကြည်နူးနူး ကြည့်ရှုနိုင်ဖို့ ပရိသတ်ကြီးအတွက် ဘာသာပြန်တင်ဆက်လိုက်ပါတယ် အညွှန်းနဲ့ဘာသာပြန်ကတော့ CM Bollywood Team ပဲဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.53GB / 1.1GB Quality…WEB DL 1080p / 720p Format…mp4 Duration….2h 35m Subtitle….Myanmar Subtitle (Hard Sub) Encoder….YK Translated by  CM Bollywood Team

800 (2023)"ဝစ်ကတ် ၈၀၀" IMBb 9/10 Sport drama ကြိုက်တတ်တဲ့ အိန္ဒိယရုပ်ရှင်ပရိသတ်တွေအတွက် 800 ဆိုတဲ့ တမီလ်စကားပြော ဖြစ်ရပ်မှန် Sport, biography ရုပ်ရှင်လေးကို ချန်နယ်မြန်မာကနေ တင်ဆက်ပေးလိုက်ပါတယ်။ ဒီရုပ်ရှင်ဟာဆိုရင် ခရစ်ကတ်သမိုင်းတလျှောက်မှာ Wicket တွေ အမြင့်ဆုံးထိခဲ့တဲ့ သီရိလင်္ကာခရစ်ကတ်သမား မူရာလီရဲ့အကြောင်းကို စိတ်လှုပ်ရှားဖွယ် ပြန်လည်ပုံဖော်ထားတာပဲဖြစ်ပါတယ်။ သမ္မာကျမ်းစာကို စာအုပ်ပေါင်းများစွာနဲ့ကူးယူနေရတဲ့ ပြင်သစ်ဘုန်းတော်ကြီးတွေက ရသေ့စိတ်ဖြေလုပ်ဖို့အတွက် ခရစ်ကတ်ကစားနည်းကို တီထွင်ခဲ့တယ်လို့ တချို့ကပြောကြတယ်။ တချို့ကတော့ အင်္ဂလိပ်သိုးကျောင်းသားတွေက တီထွင်ခဲ့တာတဲ့။ ဘယ်သူကပဲတီထွင်ခဲ့တီထွင်ခဲ့ အင်္ဂလိပ်တွေနဲ့အတူ အိန္ဒိယကိုရောက်လာခဲ့တဲ့ ခရစ်ကတ်ကစားနည်းကို အိန္ဒိယက မူသီယာ မူရာလီသာရန်ဆိုတဲ့ ကလေးငယ်လေးက သဘောကျသွားပြီး အရူးအမူးကစားရင်း အနိမ့်အမြင့် အတက်အကျတွေကြားထဲကနေ ကမ္ဘာ့စံချိန်ချိုးတဲ့ကစားသမားဖြစ်လာခဲ့ပုံကို ခရစ်ကတ်အကြောင်းမသိတဲ့သူတွေတောင်မှ စိတ်ဝင်စား၊ စိတ်လှုပ်ရှားဖွယ်ဖြစ်အောင် ဒီရုပ်ရှင်ထဲမှာ ပုံဖော်ပြထားပါတယ်..။ ( ဒီရုပ်ရှင်အတွက် ဘာသာပြန်ညွှန်းဆိုသူတွေကတော့ CM Bollywood Team ပဲဖြစ်ပါတယ်။ ) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.95GB / 1.35GB Quality…1080p WEBDL / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team

ဘွန်မီဟာ သူ့ကိုဆန့်ကျင်သူဆို မဆိုင်းမတွ သတ်ပစ်တတ်တဲ့ ဂိုဏ်းခေါင်းဆောင်တစ်ယောက်ပါ။ အဲဒီလိုလူမှာ အလွန်ချစ်ရတဲ့ ညီတစ်ယောက်ရှိပြီး နာမည်က ဆာရှီတဲ့။ တစ်နေ့ ဆာရှီ အသတ်ခံလိုက်ရတဲ့အခါ ဘွန်မီဟာ ယူကြုံးမရဖြစ်ပြီး တရားခံကို ရှိသမျှအင်အားသုံးကာ လိုက်ရှာပါတော့တယ်။ ရူဒရန်ကတော့ သူ့ကိုချစ်တဲ့ မိသားစု၊ သူငယ်ချင်းတွေနဲ့ ပျော်ပျော်နေတတ်တဲ့ ကောင်လေးတစ်ယောက်ပါ။ အလုပ်သွား၊ လစာထုတ်၊ သောက်စားပျော်ပါးရင်း ဘဝကို ဖြတ်သန်းနေတဲ့ သူကပဲ ဘွန်မီ့ညီကို သတ်ခဲ့သူ ဖြစ်နေတယ်။ ဒီလိုသာမန်ဘဝနဲ့ နေတဲ့ကောင်လေးက ဘာကြောင့် လူသတ်တဲ့အထိ ဖြစ်သွားရတာလဲ။ လူတိုင်းကြောက်ရတဲ့ ဘွန်မီနဲ့ ပတ်သက်မိပြီးနောက် ရူဒရန်ရဲ့ဘဝ အရင်လို အေးချမ်းနိုင်ပါဦးမလား။

RAW အဖွဲ့က နိုင်ငံတကာရာဇဝတ်သားတစ်ယောက်ကို အိန္ဒိယနိုင်ငံဆီ ဖမ်းခေါ်လာတုန်း လေယာဉ်ပျက်ကျသွားတာကြောင့် သူ့ကို ရဲစခန်းတစ်ခုမှာ တစ်ညထိန်းသိမ်းထားဖို့ ဖြစ်လာပါတယ်။ ဒါပေမယ့် အဲဒီညမှာပဲ ရဲစခန်း ဝင်စီးခံရပြီး စခန်းထဲက ရဲတွေအားလုံး အသတ်ခံလိုက်ရတယ်။ ဖမ်းထားတဲ့ ရာဇဝတ်သားလည်း လွတ်သွားပါတယ်။ ဒီဖြစ်ရပ်ကြောင့် ရာထူးဆိုင်းငံ့ခံလိုက်ရတဲ့ ရဲအရာရှိက လွတ်သွားသူကို ပြန်ဖမ်းဖို့ သန္နိဋ္ဌာန်ချထားတယ်။ ရာဇဝတ်သားကို ရင်ဆိုင်ဖို့ မီးကိုမီးနဲ့ ငြှိမ်းမယ့်နည်းကို ရွေးလာတဲ့အခါ ဇာတ်လမ်းက ဆက်သွားပါတယ်။ ချီရန်ဂျီဗီး၊ ရဗီတေဂျားနဲ့ ရှရူတီးဟာစန်းတို့ ပါဝင်သရုပ်ဆောင်ထားတဲ့ အက်ရှင်ရုပ်ရှင်ဖြစ်ပြီး ရိုက်ကူးစရိတ် ရူပီကုဋေ ၁၄၀ အသုံးပြုကာ ဝင်ငွေ ၂၃၃.၀၅ ကုဋေ ရရှိခဲ့ပါတယ်။

လွန်ခဲ့တဲ့ နှစ်တစ်ထောင်က ချိုလာမင်းဆက်ကို အခြေခံထားတဲ့ ဇာတ်လမ်းမှာ တန်ဂျာဗူးပြည်ရဲ့ မင်းကြီး ဆွန်ဒရချိုဇာက နာမကျန်းဖြစ်ပြီး အိပ်ရာထဲ လဲနေပါတယ်။ သူ့မှာ စစ်ရေးကျွမ်းကျင်တဲ့ သားတော်နှစ်ပါးနဲ့ လိမ္မာပါးနပ်တဲ့ သမီးတော် ကွန်ဒဗေးတို့ ရှိတယ်။ သားတော်အကြီး အိမ်ရှေ့စံမင်းသား အာဒိတက ခြေလျင်တပ်တွေနဲ့ နယ်မြေချဲ့ထွင်နေပြီး သားတော်အငယ် အရွန်းမိုဇီကလည်း ရေတပ်နဲ့အတူ တခြားတိုင်းပြည်တွေကို နယ်ချဲ့နေခဲ့ပါတယ်။ မင်းမိသားစု တကွဲတပြားဖြစ်နေချိန်မှာ လုပ်ကြံမယ့် သူလျှိုတွေ တိုင်းပြည်ထဲကို ဝင်လာကြတယ်။ အန္တရာယ်ကို ရိပ်စားမိတဲ့ မင်းကြီးအနေနဲ့ သားတော်တွေကို ပြန်ခေါ်နိုင်မလား၊ မင်းမိသားစု အသက်အန္တရာယ်နဲ့ ရင်ဆိုင်ရမလားဆိုတဲ့ အခြေအနေကနေ ဒုတိယပိုင်းကို ဆက်ထားပါတယ်။ ဒီအပိုင်းမှာ အရွန်းမိုဇီက ခမည်းတော်ရဲ့အမိန့်အရ အကျဉ်းသင်္ဘောနဲ့ ပြန်လာခဲ့ပေမယ့် မမျှော်လင့်ထားတဲ့ မုန်တိုင်းနဲ့ ကြုံရတယ်။ သင်္ဘောပျက်ပြီး သူလည်း ရက်ပေါင်းများစွာ ပျောက်ဆုံးသွားခဲ့ပါတယ်။ အရွန်းမိုဇီ တကယ်သေဆုံးသွားပြီလားဆိုတာ မသိရသေးချိန်မှာ နောင်တော် အာဒိတက ဒီကိစ္စဟာ နန်ဒီယာရဲ့ ကြိုးကိုင်မှုလို့ ယူဆလိုက်တဲ့အတွက် ပဋိပက္ခတွေ ပိုတင်းမာလာတယ်။ တစ်ဖက်မှာလည်း ဒီအခြေအနေကို အခွင့်ကောင်းယူပြီး တိုင်းပြည်အာဏာကို သိမ်းဖို့ ကြိုးစားနေသူတွေ ရှိနေပါတယ်။ ထက်မြက်ပြီး ပါးနပ်တဲ့ ဘုရင်မ နန်ဒီယာကရော နောက်ထပ် ဘယ်လိုအကွက်ရွှေ့ဦးမလဲ။ ဗစ်ကရမ်၊ ဂျယန်းရဗီ၊ ကာသီ၊ အက်ရှ်ဝါရီယားရိုင်းနဲ့ ထရီရှားတို့ ပါဝင်ထားပြီး ဒုတိယပိုင်းမှာလည်း တိုက်ခိုက်ခန်းတွေနဲ့ နန်းတွင်းအပြင်အဆင်တွေကို ဆက်မြင်ရပါတယ်။