Peter Jacobson ပါဝင်သော ဇာတ်ကားများ

Smile 2 (2024) IMDb Rating (7.2) / Rotten Tomatoes (85%) ၂၀၂၂ ခုနှစ်တုန်းက နာမည်ကြီးခဲ့တဲ့ ကြောက်စရာသရဲကား Smile ရဲ့ နောက်ဆက်တွဲ ဇာတ်လမ်းထွက်လာပါပြီ။ ဒါရိုက်တာကလည်း Smile 1 ရဲ့ ဒါရိုက်တာ Parker Finn ပါပဲ။ ဒီဇာတ်ကားရဲ့ အဓိက သရုပ်ဆောင်အဖြစ် Naomi Scott က ပါဝင်ထားပါတယ်။ ၂၀၂၂ ကားရဲ့အဆက်ပါပဲ။ ဇာတ်လမ်းအကျဉ်းကတော့... ပထမရုပ်ရှင်ထဲမှာ အသက်ရှင်ကျန်ခဲ့တဲ့ ဂျိုးလ်က ကျိန်စာကို အဆုံးသတ်ဖို့ ကြိုးစားရင်း နောက်တစ်ယောက်ဆီကို ကူးသွားတာကနေ စထားတာပါ။ ဒီရုပ်ရှင်ထဲမှာတော့ ဒီကျိန်စာကိုအဆိုးဆုံးရင်ဆိုင်ရမှာက နာမည်ကြီးပေါ့အဆိုတာ စကိုင်းရိုင်လီဆိုတဲ့ ဇာတ်ကောင်ပါပဲ။ သူက ကားအက်ဆီးဒန့်ဖြစ်ထားပြီး တစ်နှစ်လောက် ဆေးတွေ အရက်တွေ ဖြတ်ပြီး လိမ္မာလာပြီမို့ ဖျော်ဖြေပွဲပြန်လုပ်ဖို့ စီစဉ်နေတဲ့သူပါ။ ဖျော်ဖြေပွဲနီးလာလေလေ ကျိန်စာကြောင့် ကြောက်စရာတွေ ဆက်တိုက်တွေ့လာလေလေဖြစ်ပြီး လွတ်မြောက်ဖို့ ဘယ်လိုရုန်းကန်ရမလဲဆိုတာ ကြည့်ရမှာပါ။ ထုံးစံအတိုင်း ကျောချမ်းစရာ ကြောက်စရာတွေနဲ့ ကြည့်ရမှာပါ။ အသည်းငယ်သူတွေ မျက်နှာအုပ်ပြီး လက်ချောင်းကြားထဲက ကြည့်တာတို့ စောင်နဲ့ကွယ်ကြည့်တာတို့လုပ်ဖို့တော့လိုပါလိမ့်မယ်။ File size…(7 GB)/ (2.6 GB )/(1.2 GB) Quality….WEB-DL 4K HEVC/ 1080p HEVC / 720p Format…mkv/mp4 Duration….02:07:00 Subtitle….Myanmar Subtitle (Hardsub) Encoder….Ka Naung Trasnlated by Mr.Anderson

Fly Me to the Moon (2024) IMDb Rating (6.8) / Rotten Tomatoes (65%) ကဲ Scarlett Johansson နဲ့ Channing Tatum တို့ သရုပ်ဆောင်ထားတဲ့ ရုပ်ရှင်ကားကြီး လာပါပြီ။ ဒါရိုက်တာကတော့ ဖလက်ရှ်၊ အဲရိုး စီးရီးတို့ကို ဖန်တီးခဲ့တဲ့ Greg Berlanti ပါပဲ။ လပေါ်ကို နီးလ် အမ်းစထရောင်း ပထမဆုံး ဆင်းသက်ခဲ့တဲ့ အဖြစ်အပျက်ကို အခြေခံပြီး ရိုက်ကူးထားတာပါ။ စစ်အေးတိုက်ပွဲကာလ အမေရိကန် နဲ့ ဆိုဗီယက် အားပြိုင်မှုမှာ အာကာသစီမံကိန်းတွေဟာ အရမ်းအရေးပါခဲ့ပါတယ်။ အမေရိကန်ဟာ ဆိုဗီယက်ထက်အရင်လပေါ်ကို ခြေချနိုင်ခဲ့ပေမဲ့ ဆိုဗီယက်တွေက အဲဒီအချိန်ကတည်းကရော အခုချိန်ထိ တစ်ကမ္ဘာလုံးက လပေါ်ဆင်းတဲ့အဖြစ်အပျက်ဟာ ရိုက်ကွင်းနဲ့အတုဖန်တီးထားတာလို့ စွပ်စွဲနေကြတုန်းပါပဲ။ အမှန်တရားကိုတော့ အမေရိကန်တာဝန်ရှိသူတွေပဲ သိပါလိမ့်မယ်။ ဇာတ်လမ်းအကျဉ်း ကိုးလ်ဟာ ခေါင်းမာပြီး စိတ်ဆတ်တဲ့ စစ်ပြန် ပိုင်းလော့တစ်ယောက်၊ လပေါ်ခရီးစဉ် အပိုလို-၁၁ လွှင့်တင်ရေးမှာ ညွှန်ကြားရေးမှူးတာဝန်ယူထားရတာပါ။ ကယ်လီကတော့ အရမ်းတော်တဲ့ အရောင်းမြှင့်တင်ရေးသမား၊ ကြော်ငြာအေဂျင်စီပိုင်ရှင်ပါ။ သူ့ကို အမေရိကန်အစိုးရ ထိပ်တန်းအေးဂျင့်တစ်ယော်က လပေါ်ခရီးစဉ်ကိစ္စကို တစ်ကမ္ဘာလုံး စိတ်ဝင်စားအောင် ဝါဒဖြန့်ဖို့ ကြော်ငြာပေးဖို့ အကူအညီတောင်းလာပါတယ်။ အလုပ်ကလွဲပြီး ကျန်တာ ဂရုမစိုက်တဲ့ ဘုကလန့် ကိုးလ် နဲ့ ကြော်ငြာတွေအတွက် မျိုးစုံဟန်ဆောင်စေချင်တဲ့ ကယ်လီတို့ ထိပ်တိုက်တွေ့ကြပါတော့တယ်။ နောက်ဆုံးမှာတော့ လပေါ်ကို ဆင်းတဲ့အဖြစ်အပျက်ကို အောင်မြင်သည်ဖြစ်စေ ကျဆုံးသည်ဖြစ်စေ တိုက်ရိုက်ထုတ်လွှင့်စေချင်တဲ့ ကိုးလ် နဲ့ မအောင်မြင်မှာစိုးလို့ ရိုက်ကွင်းအတု အသင့်ဖန်တီးထားမဲ့ အစီအစဉ် တိုက်ရိုက်တွေ့ကြတဲ့အခါ နောက်ဆုံးရလဒ်က ဘာဖြစ်လာမလဲ ကြည့်ရမှာပါ။ ဒီနှစ်ထဲမှာ ကြည့်ကိုကြည့်သင့်တဲ့ ရုပ်ရှင်ကောင်းထဲမှာ ပါပါတယ်။ File size…(6.1 GB)/ (2.8 GB ) / (1.2 GB) Quality….BluRay 4K HEVC/ 1080p / 720p Format…mkv/mp4 Duration….02:12:18 Subtitle….Myanmar Subtitle (Hardsub) Encoder….Ka Naung Translated by Mr.Anderson

ခရစ္စမတ်ကာလနီးလာပြီမို့ ခရစ္စမတ်ဇာတ်ကားအသစ်တွေ အများကြီးထွက်ရှိလာခဲ့တဲ့အထဲ IMDB 6.1/10 ရရှိထားတဲ့ Romance ကားလေးတစ်ကားနဲ့မိတ်ဆက်ပေးချင်ပါတယ်။ ခရစ္စမတ်ကားတွေအရိုက်များတာမို့ ခရစ္စမတ်မင်းသမီးလို့တောင် တင်စားရမယ့် Lacey Chabert (The Wedding Veil/Christmas Waltz) နဲ့ အလားတူ ခရစ္စမတ်မင်းသား Wes Brown (Christmas At Graceland/ Check Inn To Christmas) တို့က အဓိကပါဝင်သရုပ်ဆောင်ထားကြတာပါ။ ခရစ္စမတ်ကို အရူးအမူးရူးသွပ်ပြီး တစ်လမ်းလုံး အင်တိုက်အားတိုက် ပျော်ရွှင်စွာ တက်တက်ကြွကြွပါဝင်တတ်ကြတဲ့ အဲဗားဂရင်းလမ်းက အိမ်ပိုင်ရှင်တွေအတွက်တော့ ခရစ္စမတ်ကာလက တစ်နှစ်တာလုံးအတွက် ရင်ခုန်စိတ်အလှုပ်ရှားရဆုံးကာလပေါ့။ ရပ်ကွက်ဥက္ကဌဖြစ်သူ ဂျရတ်ဒ်ကလည်း အိမ်ပိုင်ရှင်တွေ စည်းကမ်းနဲ့အညီ ခရစ္စမတ်ကာလကို ဖြတ်သန်းနိုင်တာသေချာဖို့ အဓိကအာရုံစိုက်နေရတာပါ။ သူ့ချစ်သူ အမ်မလီကလည်း စိတ်ရောကိုယ်ပါ ပါဝင်အားဖြည့်ကူညီပေးခဲ့တာပေါ့လေ။ ဒီလိုနဲ့ အေးချမ်းနေတဲ့ သူတို့ရဲ့ပတ်ဝန်းကျင်လေးထဲကို မိသားစုတစ်စုပြောင်းလာရာကနေ အလှုပ်အခတ်‌တွေ အများကြီးဖြစ်ပေါ်ခဲ့ရပါတော့တယ်။ ရသစုံရှိုးစတားမိသားစုဖြစ်တဲ့ ဂျွန်ဆင်တို့ ပြောင်းလာမှာမို့ သူတို့ရဲ့ပရိသတ်ဖြစ်သူ အိမ်နီးချင်းတွေအကုန်လုံးက ရင်ခုန်စိတ်လှုပ်ရှားစွာနဲ့ ပျော်ပျော်ကြီး ကြိုဆိုခဲ့ကြပေမယ့် ယှဉ်ပြိုင်လိုစိတ်ပြင်းထန်လွန်းသူ ဂျွန်ဆင်တို့လင်မယားက အမ်မလီတို့ စီစဉ်ထားတဲ့ ခရစ္စမတ်အစီအစဉ်တွေကို ပြင်းထန်တဲ့ ပြိုင်ပွဲတွေအဖြစ် ပြောင်းလဲချင်လာတဲ့အခါမှာတော့.. ပတ်ဝန်းကျင်က လူတွေအကုန်လုံးက စိတ်ဝမ်းတွေကွဲကုန်ပြီး သူ့လူ ငါ့လူ သူ့ဘက် ငါ့ဘက် အပြိုင်အဆိုင်ဖြစ်စွာနဲ့ ရင်ဆိုင် ယှဉ်ပြိုင်ရဖို့ ဖြစ်လာတဲ့အခါ.. ပြောင်းလဲသွားတဲ့လူတွေရဲ့ သဘောထားကို အမ်မလီတို့နှစ်ယောက်က အရင်လို ငြိမ်းငြိမ်းချမ်းချမ်းဖြစ်အောင် သိမ်းသွင်းနိုင်မှာလား.. သူတို့ရဲ့ လမ်းလေးကရော အရင်လိုပျော်ပျော်ရွှင်ရွှင်နဲ့ ဘာပြိုင်ဆိုင်မှုမှမရှိဘဲ အေးအေးချမ်းချမ်း ပြန်ဖြစ်နိုင်ပါ့မလား.. ဂျွန်ဆင်တို့မိသားစုကရော သူတို့နားချတဲ့အတိုင်းလက်ခံနိုင်ပါ့မလား.. ခရစ္စမတ်ရဲ့အနှစ်သာရကရော ဘာများဖြစ်မလဲဆိုတာကိုတော့.. ဇာတ်ကားထဲမှာပဲ ဆက်လက်ကြည့်ရှုလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) File size…(1.8 GB)/(1 GB) Quality….Webrip 1080p / 720p Format…mp4 Duration….01:24:00 Genre...Comedy, Romance Subtitle….Myanmar Subtitle (Hardsub) Encoder….Garfield Translated by Emily

ရည်းစားနဲ့ ပြတ်ပြီး အိမ်ပေါ်ကပါ မောင်းချခံလိုက်ရတဲ့ အမ်မလီဟာ နေစရာမရှိတော့လို့ မိဘတွေရှိတဲ့ အဲဗားဂရင်းလိန်းက အိမ်ကို ပြန်လာရပါတယ်။ တကယ်တော့ သူ အိမ်ပြန်မလာချင်ပါဘူး။ သူငယ်ငယ်ကတည်းက အဲဗားဂရင်းလိန်းမှာ ခရစ္စမတ်ရောက်တိုင်း အိမ်အလှဆင်တာတွေ၊ ပျော်ပွဲရွှင်ပွဲအတွက် ပြင်ဆင်တာတွေနဲ့ အနားမရကြတာ အစဉ်အလာတစ်ခုလို ဖြစ်နေလို့ပါ။ အသည်းကွဲလာတဲ့ အမ်မလီက ဒီတစ်ခေါက်တော့ အေးအေးဆေးဆေး အနားယူချင်တယ်။ ဒါကြောင့် အဲဒီအလုပ်တွေ မလုပ်ခိုင်းဖို့ မိဘတွေကို ကတိတောင်းပြီးမှ ပြန်လာခဲ့တာပါ။ ဒါပေမဲ့ သူရောက်ရောက်ချင်း မိဘတွေက ဖလော်ရီဒါကို ခရီးထွက်သွားပြီး သူ့ကို အိမ်မှာ တစ်ယောက်တည်း ထားခဲ့ကြတယ်။ အဲဒီနောက် အိမ်ရှင်များအသင်းရဲ့ ဥက္ကဋ္ဌအသစ်က အမ်မလီကို သူရှောင်ချင်နေတဲ့ ခရစ္စမတ်ပွဲပြင်ဆင်ရေးတွေ လုပ်ခိုင်းလာပါတယ်။ သူတို့နှစ်ယောက်ကြား ဘယ်လိုတွေ ဖြစ်လာမလဲ၊ အမ်မလီကရော ဒီပွဲပြင်ဆင်မှုတွေကို အလုပ်ရှုပ်စရာလို့ပဲ ဆက်မြင်နေဦးမလား။ Mean Girls မှာ Gretchen အဖြစ် သရုပ်ဆောင်ခဲ့တဲ့ Lacey Chabert ပါဝင်ထားတဲ့ ခရစ္စမတ်ဇာတ်ကားပါ။

2019 ခုနစ်ထွက် drama ဇာတ်ကားဖြစ်ပါတယ် The Fault in our stars, The Divergent series နဲ့ Baby driver တို့ရဲ့မင်းသားချော Ansel Ergot ကအဓိကမင်းသားအဖြစ်ပါဝင်သရုပ်ဆောင်ထားပြီး Nicole Kidman နဲ့ stranger things ထဲကကလေးသရုပ်ဆောင် Fin Wolfhard တို့လည်းပါဝင်ထားပါတယ် ဇာတ်လမ်းအကျဉ်းလေးကတော့ သီယိုဒေါဒက်ကာဆိုတဲ့ ၁၃နှစ်အရွယ် ချာတိတ်လေးက ဖခင်ဖြစ်သူစွန့်ပစ်သွားပြီးနောက် မိခင်ဖြစ်သူနဲ့နှစ်ယောက်တည်းနေထိုင်ပါတယ်.... တစ်ရက်တော့ မိခင်ဖြစ်သူနဲ့ ပန်းချီပြခန်းသွားရင်း အကြမ်းဖက်ဗုံးခွဲမှုတစ်ခုကြောင့် မိခင်ဖြစ်သူသေဆုံးသွားခဲ့ပါတယ်.... ​ လူ့လောကအလယ်မှာ မျက်နှာငယ်နဲ့ကျန်ရစ်ခဲ့ရတဲ့ သီယိုဒေါရဲ့ ဘဝထိုထိုကို ရိုက်ကူးထားတာဖြစ်ပြီး လူ့လောကရဲ့ကြမ်းတမ်းခက်ခဲမှုတွေကြားမှာ ဘယ်လိုရှင်သန်ရမလဲဆိုတာတွေ... မိသားစုဆိုတာသွေးသားတော်စပ်မှမဟုတ်ပဲ ချစ်ခြင်းမေတ္တာတရားပေါ်ပဲမူတည်တယ်ဆိုတာရယ်... လူတွေရဲ့အတ္တဖုံးတဲ့စိတ်ဓာတ်တွေရယ်ကို မြင်တွေ့ခံစားရမှာပဲဖြစ်ပါတယ်... File Size : (1 GB , 396 MB ) Quality :  BluRay 720p Running Time : 2 hr 29 min Format : Mp4 Genre :  Drama  Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

Better Living Through Chemistry (2014) IMDb: 6.2/10 Rotten Tomatoes: 23% Genre: Comedy/Drama တစ်ခါတလေဘဝက အရမ်းမွန်းကြပ်လာတဲ့အခါမှာ မထင်မှတ်ထားတာလေးတွေဖြစ်လာတတ်ပါတယ်။ ကောင်းတာတွေရှိသလို၊ ဆိုးတာတွေလည်းရှိပါတယ်။ ဖြစ်သင့်တာတွေရှိသလို၊ မဖြစ်သင့်တာတွေလည်းရှိပါတယ်။ Better Living Through Chemistry မှာတော့ ဒါတွေကိုဟာသလေးနှောပြီးပြသွားမှာဖြစ်ပါတယ်။ တစ်ခါတလေမှာ ကျွန်တော်တို့လိုတာက ပြောင်းလဲခြင်းပါပဲ။ ဘယ်ကိစ္စပဲဖြစ်ဖြစ် ပထမဦးဆုံးခြေလှမ်းက အခက်ခဲဆုံးပါပဲ။ ဇာတ်ညွှန်း ဒေါက်ကလက်စ်ဗာနီဆိုတာကတော့ မြို့လေးတစ်မြို့က ဆေးဆိုင်ပိုင်ရှင်တစ်ယောက်ဖြစ်ပါတယ်။ အီသန်ဆိုတဲ့သားလေးတစ်ယောက်နဲ့ ကာရာဆိုတဲ့ အမျိုးသမီးရှိပါတယ်။မိသားစုတစ်ခုရှိနေပေမယ့် ဘဝရယ်လို့ရေရေရာရာ မရှိခဲ့ပါဘူး။တစ်ရက်မှာတော့ အယ်လိဇဘတ်ဆိုတဲ့အမျိုးသမီးတစ်ယောက်နဲ့ အကြောင်းပါခဲ့ပါတယ်။အယ်လိဇဘတ်ကလည်း ဒေါက် လိုပဲ အိမ်ထောင်ရေးအဆင်မပြေတဲ့ အမျိုးသမီးတစ်ဦးဖြစ်ပါတယ်။အိုးခြမ်းပဲ့ခြင်းတွေ့တော့ အဆင်ပြေခဲ့တယ်ပဲ ဆိုရပါမယ်။ နောက်ပိုင်းဘယ်လိုတွေဆက်ဖြစ်မှာလဲဆိုတော့ ခံစားကြည့်လိုက်ကြပါ။ သရုပ်ဆောင်တွေကလည်း ကျွန်တော်တို့နဲ့ မစိမ်းနဲ့နာမည်ကြီးတွေဖြစ်ပြီးမကြာသေးခင်ကမှ ဆုံးပါးသွားတဲ့ မင်းသားကြီး Ray Liotta လည်းပါဝင်အားဖြည့်ထားပါတယ်။ File size…    1.5 GB /  646 MB Quality… BluRay 1080p / 720p Format… mp4 Duration…. 1h 31m Genre ..... Comedy/Drama Subtitle…. Myanmar Subtitle (Hard Sub) Encoder…. LegoHeart Translated by  Lucifer Maximoff

White House Down (2013) (4K) (Only on Bioscope) IMDB : 6.7 Rotten Tomatoes : 52% Genre : Action / Thriller White House Down ကတော့ ၂၀၁၃ ခုနှစ်ထွက် အက်ရှင်ဇာတ်လမ်းကောင်းတစ်ခုဖြစ်ပါတယ်။ တော်တော်လေးလည်းကြည့်လို့ကောင်းပြီး အက်ရှင် / ဟာသ / ဒရာမာလို့တောင်ပြောလို့ရတဲ့ ရုပ်ရှင်ကားကောင်းတစ်ကားဖြစ်ပါတယ်။ ဇာတ်ညွှန်း ဂျွန်ကေးလ်ဟာ သမ္မတကြီးရဲ့ လျှို့ဝှက်အဖွဲ့မှာ လုပ်ချင်နေတဲ့ လူတစ်ယောက်ဖြစ်ပါတယ်။ အဓိကကတော့ သူ့သမီးလေးရဲ့ စံပြလူသားတစ်ယောက်ဖြစ်ချင်တာကြောင့်ပါ။ ဆိုတော့ သွားလျှောက်တယ်ပေါ့။ ခက်တာက အထက်ကိုပြန်ပြော၊ အမိန့်ကိုမနာခံပဲ ဘုပြောတတ်တဲ့ နောက်ကြောင်းတွေကြောင့် ပယ်ချခံလိုက်ရပါတော့တယ်။ အိမ်ဖြူတော်ကို အလည်အပတ်သွားဖို့ လက်မှတ်နှစ်စောင်နဲ့ ဒီကိုရအောင်လာခဲ့ရတာဆိုတော့ အမြတ်ထွက်အောင် သမီးလေး အမ်မလီကေးလ်ကိုခေါ်ပြီး အိမ်ဖြူတော်ကိုလှည့်ပတ်ကြည့်ရှုခဲ့ပါတယ်။ ကေးလ်ရဲ့နေ့က အလုပ်မရလို့ဆိုးမယ်ကြံကာမှ အိမ်ဖြူတော်ကို ပြန်ပေးဆွဲတဲ့အဖွဲ့ကပါ အိမ်ဖြူတော်ထဲရောက်လာပြီး ထင်တိုင်းကြဲပါတော့တယ်။ ဒီကြားထဲ သမီးလေး အမ်မလီနဲ့လည်း လမ်းကွဲသွားကာ သမီးလေးကိုသွားရှာရင်း သမ္မတကြီးကို ကယ်တင်ဖို့အကြောင်းဖန်လာခဲ့အခါ… ဘာတွေဆက်ဖြစ်မှာလဲ ခံစားကြည့်လိုက်ကြပါ။ ကေးလ်အဖြစ် မင်းသား Channing Tatum သမ္မတ ဆောရာအဖြစ် မင်းသား Jamie Foxx ကာရိုးလ်အဖြစ် မင်းသမီး Maggie Gyllenhaal အမ်မလီအဖြစ် မင်းသမီး Joey King တို့အပြင် မျက်နှာသိတွေ တော်တော်ပါဝင်သရုပ်ဆောင်ထားတာမလို့ ကြည့်ရှုခံစားရန် Quality Update ပေးလိုက်ပါတယ်။ File size…    5 GB / 2 GB / 1 GB Quality… BluRay 4K / 1080p / 720p Format… mp4 Duration…. 1h 14m Genre ..... Action / Thriller Subtitle…. Myanmar Subtitle (Hard Sub)

ဒီဇာတ်ကားလေးကတော့ ၂၀၀၆ ခုနှစ်ထွက်animation ကားကောင်းလေးတစ်ကားဖြစ်တဲ့ Cars ရဲ့ဒုတိယကားလေးပဲဖြစ်ပါတယ်။ ပထမဇာတ်ကားမှာထဲကပရိသတ်အခိုင်အမာရထားတဲ့ဇာတ်ကားလေးဆိုတော့အထူးညွှန်းစရာမလိုတော့ပါဘူး။ ဒီဇာတ်လမ်းထဲမှာတော့ဂျိန်းစဘွန်းဇာတ်ကားထဲကလိုအက်ရှင်အလန်းစားတွေကိုမြင်တွေ့ရမှာပါ။ ကားမောင်းပြိုင်ပွဲနဲ့စပိုင်တွေရဲ့အက်ရှင်အလန်းစားတွေပေါင်းစပ်ထားတဲ့ဒီဇာတ်ကားလေးဟာလည်းပရိတ်သက်အကြိုက်တွေ့မှာအသေအချာပါပဲဗျာ။ IMDb rating ကတော့ 6.2/10 ဖြစ်ပါတယ်။ File Size : 5GB/3.5 GB / 1.7 GB Quality : Blu-Ray 4K/1080p/720p Format : Mp4 / MKV Genre :Animation, Comedy, Family Subtitle : Myanmar Subtitle (Hard Sub

IMDb Rating (6.0) / Rotten Tomatoes (73%) ဘရတ်ဒလေကူးပါးပါဝင်တဲ့ Horror/Thriller အမျိုးအစား ခြောက်ခြားစရာဇာတ်ကားပါ.... လီယွန်ဟာကြိုးစားရုန်းကန်နေဆဲလူငယ်ဓာတ်ပုံဆရာတစ်ယောက်၊ သူ့ချစ်သူကောင်မလေးရဲ့ သူငယ်ချင်းမိတ်ဆက်ပေးမှုနဲ့ နာမည်ကြီးပန်းချီပြခန်းပိုင်ရှင်တစ်ဦးနဲ့တွေ့ဆုံရာကနေ သူ့အတွက်ကြိုးစားရင် ရလာမယ့်အခွင့်အရေးကိုမြင်တဲ့အလျောက်ညဘက်ဓာတ်ပုံရိုက်ပြီးကုန်ကြမ်းရှာထွက်ပါတယ်။ သူ့ရဲ့ပွဲဦးထွက်ပြပွဲအတွက်လူတွေရဲ့အမှောင်ဘက်ခြမ်းကိုပြဖို့ကြိုးစားရင်း မဟော်ဂနီဆိုတဲ့လူတစ်ယောက်ကို တွေ့ခဲ့ပါတယ်။ အဲ့ဒီလူဟာ စိတ္တဇလူသတ်သမားတစ်ယောက်၊ ညနက်သန်းခေါင်လူခြေပြတ်လတ်တဲ့ရထားတွေပေါ်မှာ ကျက်စားတတ်ပြီး၊ အဲ့ဒီမှာပါလာတတ်တဲ့ ခရီးသည်တွေကိုပစ်မှတ်ထားတတ်တဲ့သူဖြစ်ပါတယ်။ ဘာကြောင့်မှန်းမသိ မဟော်ဂနီကို စိတ်ဝင်စားလို့ Subject တစ်ခုလိုသဘောထားရာကနေ လီယွန်တစ်ယောက် မှောင်သထက်နက်ရှိုင်းလှတဲ့ လောကတစ်ခု၊ သူနားလည်ဖို့ စဉ်းစားဖို့ ဉာဏ်မမှီတဲ့ အရာတွေဆီ နီးသထက်နီးလာပြီး သူ့ချစ်သူ၊ ရည်မှန်းချက် ပတ်ဝန်းကျင်စတာတွေနဲ့ ဝေးသထက်ဝေးလာပါတော့တယ်။ လီယွန်တစ်ယောက် အချိန်မှီလွတ်မြောက်နိုင်ပါ့မလား? သူ့ချစ်သူ သူငယ်ချင်းတွေက သူ့ကိုကယ်တင်နိုင်မှာလား။ သူစိတ်ဝင်စားတဲ့ မဟော်ဂနီရဲ့ နောက်ခံဇာတ်ကြောင်းက ဘာတွေဖြစ်မလဲ? စုန်းစမြုပ်စပျောက်သွားခဲ့တဲ့ လူပေါင်းများစွာနဲ့ပတ်သက်ပြီး တာဝန်ရှိတဲ့ဌာနတွေ ဘာလုပ်နေခဲ့လဲ စတဲ့မေးခွန်းတွေကို ဒီဇာတ်ကားမှာ အဖြေရှာကြည့်ကြစေချင်ပါတယ်။ Lion Gate logo ကြီးကိုမြင်လိုက်ရတာနဲ့ ဒီကားကောင်းမှာပဲလို့ခံစားရတဲ့ခေတ်က ထွက်ခဲ့တဲ့ဇာတ်ကားတစ်ကားပါ။ အဲ့ဒီတုန်းက ကြည့်ဖူးတဲ့သူတွေရှိကြမှာဖြစ်သလို အတော်လဲပေါက်ခဲ့တဲ့ကားတစ်ကားဖြစ်ပါတယ်။ သတ်ခန်းဖြတ်ခန်းတွေ ရေလည်ကြမ်းတမ်းပက်စက်ပြီး၊ ဘူတာရုံတွေ ရထားတွေကို ညနက်သန်းခေါင်မသွားရဲဖြစ်လောက်အောင် စိတ်ခြောက်ခြားမှုပေးနိုင်တဲ့၊ အာရုံထဲမှာ အတော်ကြာကြာစွဲနေမယ့်ဇာတ်ကားတစ်ကားဖြစ်ပါတယ်။ File size…(1.7 GB ) / (999 MB) Quality…BluRay 1080p / 720p Format…mkv Duration….01:40:00 Subtitle….Myanmar Subtitle (Hardsub) Encoder….Ka Naung Translated by Alias

ပထမ Transformer ဇာတ်လမ်းအဓိကကျောရိုးက All Spark ကိုလိုတာနဲ့ စပါတယ်။ Transformer အမည်ခံစက်ရုပ်များဟာ သူတို့နေထိုင်တဲ့ Cybertron ဆိုတဲ့ဂြိုဟ်မှာ Autobots နဲ့ Decepticons တွေ တိုက်ပွဲဖြစ်ခဲ့ပြီး Decepticons ခေါင်းဆောင် Megatron ရဲ့ ဖျက်ဆီးမှုကြောင့် Cybertron ဂြိုဟ်ပျက်စီးခဲ့ပါတယ် ။ ( All Spark ဆိုတာ ပထမ Transformer movie မှာတွေ့ရတဲ့ ကုဗတုံးတစ်ခုပါ ) Autobots တွေဟာ All Spark ကို ပြန်လည်ရှာဖွေပြီးတော့ သူတို့မူလဂြိုဟ်ဟောင်း Cybertron ကို ပြန်လည်တည်ဆောက်ချင်ပါတယ် ။ Decepticons တွေကတော့ All Spark ကို ရှာဖွေပြီး စကြဝဠာကို စိုးမိုးချင်သူများပါ ။ Decepticons ခေါင်းဆောင် Megatron ဟာ ကမ္ဘာဂြိုဟ်ပေါ်မှာ All Spark ရှိနေတယ်ဆိုတဲ့ သတင်းကို ကြားလျှင်ကြားချင်း ကမ္ဘာပေါ်သက်ဆင်းရာမှာ အခန့်မသင့် crash landing ကြောင့် အာတိတ်သမုဒ္ဒရာ ရေခဲအောက်မှာ ခဲသွားခဲ့ပါတယ် ။ ဒါကို Sam ရဲ့ အဖိုး ကပ္ပတိန် Witwicky တွေ့ရှိခဲ့ပါတယ် ။ ဒီမှာတင် မတော်တစ်ဆ Megatron ရဲ့ navigational system ကို အက်တီဗိတ်လုပ်မိတာကြောင့် သူ့ မျက်မှန်မှာ ကိုအော်ဒီနိပ်များနဲ့ ဖော်ပြလိုက်သလိုဖြစ်သွားပါတယ် ။ ဒီ ရေခဲအောက်မှာ ခဲနေတဲ့ Megatron နဲ့ All Spark ကို အမေရိကန်အစိုးရ ရဲ့ ထိပ်တန်းလျှို့ဝှက်အဖွဲ့အစည်းဖြစ်တဲ့ Sector 7 မှ သိမ်းဆည်း ခဲ့ပါတယ် ။ All Spark မှ စွမ်းအင်အဆက်မပြတ်ထုတ်လွှတ်မှုကို ကာကွယ်တဲ့ အနေနဲ့ ၎င်းထားရှိရာ လျှို့ဝှက်နေရာရဲ့ပတ်ပတ်လည်မှာ ရေလွှဲဆည်အကြီးကြီး တစ်ခုကို တည်ဆောက်ခဲ့ပါတယ် ။ ဒါကို Autobots နဲ့ Decepticons တွေသိရှိပြီး All Spark ကို လိုချင်လို့ တိုက်ပွဲဖြစ်ကြပြီး ဘယ်လိုစခန်းသွားကြမလဲဆိုတာ........။ ~ Review Credit (Transformers ဇာတ်ကားအားလုံးကို   https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(6.8 GB)/(3.3 GB)/(1.5 GB) Quality….BluRay 4K HDR HEVC/1080p/720p HEVC Format…mkv/mp4 Duration….02:23:27 Subtitle….Myanmar Subtitle (Hardsub) Encoder….Nyeinsaeya Aung

The Lost Room (2006 Only On Bioscope) IMDB : 8.1 Rotten Tomatoes : 77% Genre : Sci-Fi The Lost Room က ၂၀၀၆ ခုနှစ်ထွက် အပိုင်း ၃ ပိုင်းသာပါတဲ့ Miniseries တစ်ခုဖြစ်ပါတယ်။ တစ်ပိုင်းကို ၁ နာရီခွဲခန့်ကြာပြီးတော့ တော်တော်လေးကိုကြည့်လို့ကောင်းတဲ့ သိပ္ပံစိတ်ကူးယဉ် ဇာတ်လမ်းကောင်းလေးတစ်ခုဆိုလည်းမမှားပါဘူး။ ဇာတ်ညွှန်း ဂျိုးမေလာ ဟာ စုံထောက်တစ်ယောက်ဖြစ်ပြီး တစ်နေ့မှာတော့ ထူးဆန်းတဲ့ သော့တစ်ချောင်းက လက်ထဲရောက်လာပါတယ်။ အဆိုပါသော့ဟာ သာမန်သော့မဟုတ်ဘဲ သော့ပေါက်ပါတဲ့ ဘယ်တံခါးကိုမဆို ဖွင့်လိုက်တာနဲ့ အခန်းတစ်ခုထဲကို ရောက်သွားစေနိုင်တဲ့ မှော်ဆန်တဲ သော့ဖြစ်ပါတယ်။ အဲဒီအခန်းထဲကနေမှတစ်ဆင့် ကမ္ဘာပေါ်က ဘယ်နေရာကိုမဆို မျက်စိတစ်မှိတ်အတွင်း သွားနိုင်တဲ့သော့လည်းဖြစ်ပါတယ်။ ဒါပေမဲ့ ဂျိုးမသိလိုက်တာက သော့ရဲ့နောက်ကွယ်မှာ သော့ကိုလိုက်ရှာနေတဲ့လူတွေရှိနေတယ်ဆိုတာပါပဲ။ နောက်ထပ်မသိလိုက်တဲ့တချက်က အဆိုပါသော့လိုမျိုးပစ္စည်းတွေ အများကြီးရှိပြီးတော့ တစ်ခုခြင်းဆီမှာ အစွမ်းတစ်ခုစီရှိနေပါတယ်။ “ပစ္စည်း”တိုင်းက အချင်းချင်းဆွဲငင်ကြပြီးတော့ လိုက်ရှာနေတဲ့ အဖွဲ့တွေကလည်း အန္တရာယ်တော်တော်လေးကိုကြီးလှပါတယ်။ အရှုပ်တော်ပုံအလယ်ထဲကို မထင်မှတ်ပဲရောက်သွားတဲ့ ဂျိုးမေလာရဲ့ သမီးလေးဟာ အခန်းထဲကိုရောက်သွားပြီး အခန်းက Reset ကျသွားတာကြောင့် အခန်းထဲကနေပျောက်သွားခဲ့ပါတယ်။ အခက်ခဲဆုံးအပိုင်းကတော့ ဘယ်ရောက်လို့ရောက်သွားမှန်းမသိ ဘယ်မှာသွားရှာရမှန်းမသိဖြစ်သွားတာပါပဲ။ အပ်ပျောက်ရှာပုံတော်ဖွင့်ရတော့မယ့် ဂျိုးတစ်ယောက် ပစ္စည်းတွေက ဒုက္ခပေးတာ၊ ပစ္စည်းတွေကို ပိုင်တဲ့လူတွေက ပြဿနာရှာတာ၊ ပစ္စည်းတွေကို လိုက်စုဆောင်းသူတွေက အသက်ရန်ရှာရတာတွေကြုံလာရပါတော့တယ်။ ဒီလိုနဲ့ ဂျိုးတစ်ယောက် ဘယ်လိုရင်ဆိုင်ဖြေရှင်းသွားမလဲဆိုတာ စိတ်လှုပ်ရှားဖွယ်ရာကြည့်ရမယ့် ဇာတ်လမ်းတွဲတစ်ခုမလို့ လက်မလွှတ်သင့်ပါကြောင်း… ဂျိုးမေလာအဖြစ် 9-1-1 ထဲမှ အချစ်တော် ဘော်ဘီအဖြစ်သရုပ်ဆောင်ထားတဲ့ မင်းသား Peter Krause ကလေးသရုပ်ဆောင် သမီးလေး အန်နာအဖြစ် အချစ်တော် ချစ်မွှေးမင်းသမီး Elle Fanning တို့က ပါဝင်သရုပ်ဆောင်ထားပါတယ်။ File size…    2.5 GB/ 1 GB Quality… WEB-DL 1080p / 720p Format… mp4 Duration…. 1h 32m Genre .....Sci-Fi Subtitle…. Myanmar Subtitle (Hard Sub)

ဒီ ဇာတ်လမ်းတွဲကို ၂၀၁၁ တုန်းက ကျွန်တော့်ဆရာက ညွှန်းလို့ ကြည့်ဖြစ်ခဲ့လိုက်တာပါ။ တစ်ပိုင်းကြည့်ပြီးသွားတော့ စွဲသွားပြီး အဆုံးထိ ဆက်တိုက်ကြည့်မိသွားတယ်။ အဲဒါပြီးတော့ အစအဆုံး နောက်ထပ် ၂ ခေါက်ထပ်ကြည့်မိသေးတယ်။ ဒီတော့ ကျွန်တော့်အကြိုက်ဆုံး ဇာတ်လမ်းတွဲ စာရင်းထဲမှာ ပါပါတယ်။ အပိုင်းတွေက အရမ်းများတာရယ်၊ ဘာသာပြန်ဖို့ ခက်တာရယ်ကြောင့် အများကြည့်ဖို့ ပြန်မရှဲဖြစ်ခဲ့တာပါ။ အခုတော့ နည်းနည်းချင်း ဘာသာပြန်ပေးဖို့ ရည်ရွယ်ပြီး စလိုက်ပါပြီ။ တစ်ခုတော့ ကြိုတင်တောင်းပန်ထားချင်ပါတယ်။ ဒီစီးရီးက ၇ နှစ်ကြာအောင် လွှင့်ခဲ့တဲ့ စီးရီးပါ။ ကျွန်တော်လည်း အလုပ်တွေတစ်ဖက်နဲ့ ဖြည်းဖြည်းချင်း ဘာသာပြန်ပေးမှာမို့ အပိုင်းတွေ အများကြီး ဆက်တိုက်တက်လာမှာတော့ မဟုတ်ဘူး။ တီဗီက အပတ်စဉ်လွှင့်သလိုသဘောထားပြီး မေ့မေ့ပျောက်ပျောက် အေးအေးဆေးဆေးပဲ ကြည့်ကြပါ။ တစ်ပိုင်းချင်းဆီ ရသ ပေးတာမို့ တန်းလန်းကြီးတော့ မမျှော်ရပါဘူး။ ဇာတ်လမ်းအမျိုးအစားကတော့ ဆေးပညာဆိုင်ရာ ဒရာမာ ဇာတ်လမ်းတွဲပါပဲ။ ဒီဇာတ်လမ်းရဲ့ အဓိက ဇာတ်လိုက်ကတော့ ဆရာဝန်တစ်ယောက်ပါ။ Doctor House လို့ ခေါ်ပါတယ်။ ကူးစက်ရောဂါနဲ့ ကျောက်ကပ်ရောဂါ ပါရဂူပါ။ သူက ဆေးရုံမှာ ရောဂါရှာဖွေဌာနတစ်ခု တည်ထောင်ထားပြီး အရည်အချင်းအပြည့်လွန်နေတဲ့ ဆရာဝန် အငယ် ၃ ယောက်နဲ့ အတူ အလုပ်လုပ်ပါတယ်။ ဆေးရုံပေါင်းစုံက အဖြေရှာမရတဲ့ ကေ့စ်တွေ၊ အခက်ခဲဆုံး ကေ့စ်တွေကိုပဲ သီးသန့် အဖြေရှာ ကုသပါတယ်။ သူ့ရဲ့ အခင်မင်ဆုံး မိတ်ဆွေကတော့ ကင်ဆာအထူးကု ဒေါက်တာ ဝယ်ဆန် ပါတဲ့။ နာမည်လေးတွေက တစ်ခုခုနဲ့ ခပ်ဆင်ဆင် ဖြစ်နေတယ်လို့ မထင်ဘူးလား။ တကယ်တော့ ဒေါက်တာ ဟောက်စ် နဲ့ ဒေါက်တာ ဝယ်ဆန် ဆိုတာ ရှားလော့ဟုမ်း နဲ ဒေါက်တာဝပ်ဆန်ကို အတုယူထားတာပါ။ ဒေါက်တာ ဟောက်စ်က ရှားလော့ဟုမ်း သိပ်ဆန်ပါတယ်။ လူနာတွေကို အတွေ့မခံဘူး။ လူတိုင်းက လိမ်တတ်တယ်လို့ ခံယူထားတယ်။ စိတ်ထဲရှိတဲ့ ဘုကလန့်တွေချည်းပဲ ပြောတယ်။ ဒါပေမယ့် ဆေးရုံမှာ အတော်ဆုံး ဆရာဝန်ဖြစ်တဲ့အတွက် ဆေးရုံအုပ်က အစ ခင်မင်မှုနဲ့ သည်းခံထားရတဲ့လူပါ။ ရောဂါကို ရိုးရိုးရှာလို့မတွေ့ရင် လူနာအိမ်တွေကို ခိုးဝင်ပြီး သဲလွန်စတွေရှာတယ်။ လူနာမသိအောင် ခိုးပြီး ဆေးစစ်တာတွေ လုပ်တယ်။ သူကုထုံးကို လက်မခံရင်ခိုးကုတယ်၊ တရားစွဲခံပြီးကုတယ်၊ တကယ့် ပြဿနာအိုးပါပဲ။ ပြင်ပလူနာကြည့်ဖို့ ပတ်ရှောင်နေတာ လူနာကြည့်ချိန် အကြွေး ၆ နှစ်စာလောက်တောင် တင်နေပါပြီ။ ပျင်းဖို့ကောင်းတဲ့ လူနာတွေ မကုချင်လို့ပါတဲ့။ မလွှဲသာလို့ ကုရပြီဆိုလည်း တစ်ချက်ကြည့်ပြီး အဖြေတန်းသိလို့ ဘုကလန့်ပြောလွှတ်ပြီး ကုပေးလိုက်တဲ့သူမျိုးပါပဲ။ ဂွစာ စူပါမန်း ဆရာဝန်ပဲ ဆိုပါတော့။ သူ့မိတ်ဆွေ ဒေါက်တာ ဝယ်ဆန်ကတော့ သဘောကောင်း မနောကောင်း တကယ့် ဆရာဝန် လူကောင်းပါ။ ဒေါက်တာဟောက်စ်ကိုလည်း အရမ်းသည်းခံပြီး အရမ်းခင်ပါတယ်။ ဒေါက်တာဟောက်စ်ဟာ ရုပ်ရှင်သမိုင်းတလျှောက် ရွဲ့ပြောတဲ့၊ ဘုကလန့်ပြောတဲ့စကားတွေကို အပြောင်မြောက်ဆုံး ပြောနိုင်ခဲ့တဲ့ ဇာတ်ကောင်ထဲမှာ ပါပါတယ်။ သူ တစ်ခွန်းပြောလိုက်တိုင်း ခွီးကနဲ ထရယ်ရယ်မိလောက်အောင်ကို ထိမိပါတယ်။ စီးရီးကလည်း တကယ်ကို ရှားပါးတဲ့ ရောဂါတွေမို့ အတော်စိတ်ဝင်စားဖို့ကောင်းပါတယ်။ တကယ်အမှုလိုက်နေရတဲ့အတိုင်းပါပဲ။ ဒီတော့ ဆေးပညာစိတ်ဝင်စားသူတွေရော၊ ဒရာမာ ကောင်းကောင်းကြိုက်သူတွေရော၊ ဘုကလန့်စကားတွေ နားထောင်ရတာ ကြိုက်တဲ့သူတွေရော စိတ်ကြိုက်တွေ့မယ် စီးရီးပါပဲ။ ကြည့်စေချင်ပါတယ်။ ကြိုက်ကြမှာပါ။ Little Neo . August . Thaw . Lilly . MTA , Jerrica , El Moh , Thwal Yadi တို႔ က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ် File Size - (300mb) Episode Quality - 720p BluRay Run Time - 49 min Subtitle - Myanmar (Hardsub) Translator - Little Neo, August , Thaw ,  Lily, MTA, Jerrica , El Moh , Thwal Wadi Encoder - Thit San Khant

IMDb Rating – 5.5/10 Robert De Niro နဲ့ Eddie Murphy တို့ တွဲဘက်ညီညီသရုပ်ဆောင်ထားတဲ့ Comedy/ Action ဇာတ်လမ်းပဲ ဖြစ်ပါတယ်။ ဒီဇာတ်လမ်းထဲမှာ မင်းသမီးချော Rene Russo အပြင် မင်းသားကြီး Robert De Niro ရဲ့ သမီး Drena De Niro ကလည်း ဇာတ်ရံအဖြစ် ပါဝင်အားဖြည့်ထားပါသေးတယ်။ ‘မစ်ချ်ပရက်စ်တန်’က စုံထောက်တစ်ယောက်ဖြစ်ပြီး လက်နက်မှောင်ခိုရောင်းဝယ်ရေးနဲ့ ပတ်သက်လို့ နောက်ကွယ်က ကြိုးကိုင်နေသူကို လိုက်လံစုံစမ်းဖို့အတွက် သူ့လူကိုယ့်ဘက်သား ပုံစံမျိုးနဲ့ စုံစမ်းနေတဲ့အချိန်... ကင်းလှည့်ရဲ ‘ထရေးဆယ်လ်လာစ်’က အထင်လွဲကာ မစ်ချ်ကို ဖမ်းဆီးဖို့ကြိုးစားပါတော့တယ်။ ဒီလိုနဲ့ မစ်ချ်အယောင်ဆောင်ထားတာကလည်း သတင်းတွေမှာပါ,ပါတဲ့အထိ လူသိရှင်ကြားဖြစ်သွားပြီး သတင်းဌာနကြီးတစ်ခုက သူတို့နှစ်ဦးကိုသတိထားမိကာ Reality show တစ်ခုအတူတွဲရိုက်ဖို့အတွက် ကမ်းလှမ်းလာပါတော့တယ်။ ထရေးက နဂိုကတည်းက သရုပ်ဆောင်ရူးရူးနေတဲ့သူတစ်ယောက် ဖြစ်ပြီး မစ်ချ်ကကျ အလုပ်ကိုပဲ တစိုက်မတ်မတ်လုပ်ကိုင်ချင်သူပါ။ စရိုက်မတူတဲ့ သူတို့နှစ်ယောက်ကို ရှိုးတစ်ခုတည်းမှာ သရုပ်ဆောင်ခိုင်းတဲ့အခါ ဘယ်လိုတွေတလွဲဖြစ်ကြမလဲဆိုတာကို ကြည့်ရှုလိုက်ကြပါဦး။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:28:00 Genre... Action, Comedy  Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

IMDb raing - 7.7/10 အခုတစ်ခေါက်တင်ဆက်ပေးချင်တာကတော့ M&M boys လို့ဘေ့စ်ဘောသမိုင်းမှာ legendary most valuable players တွေလို့ကိုတင်စားထားတဲ့ Roger Maris နဲ့ Mickey Mantle တို့ သူတို့ရဲ့သမိုင်းမှတ်တိုင်ဖြစ်တဲ့ home run- 61 ခု မှတ်တိုင်ကိုဘယ်လိုစိုက်ထူခဲ့လဲဆိုတာကိုကြည့်ရမယ့် biography, drama ဇာတ်လမ်းလေးပဲဖြစ်ပါတယ်။ တကယ့်ကိုအချိန်ပေးရထိုက်တန်တဲ့ Motivation အပြည့်အဝရနိုင်တဲ့ဇာတ်လမ်းလေးဆိုရင်လည်းမမှားပါဘူး။ ဇာတ်လမ်းလေးရဲ့အကျဉ်းချုပ်ကတော့.... Babe Ruth ဟာ Base Ball Single-season တစ်ခုတည်းနဲ့ home run record မှတ်တမ်းဝင်ထားတဲ့ most valuable player တစ်ယောက်ပါ။ ဒီ record ကိုချိုးဖျက််နိုင်တဲ့သူဟာ အမေရိကန်ပရိတ်သတ်တွေ တစ်ခဲနက်အားပေးကြတဲ့ ထူးချွန်တဲ့ Mickey Mantle ဖြစ်မယ်လို့အားလုံးကယူဆထားကြပါတယ်။ ဒီအချိန်မှာတော့ အသင်းဝင်အသစ်လေး Roger Maris တစ်ယောက်က အသင်းသားတွေနဲ့တွဲဖက်ညီညီဆော့နိုင်တဲ့အပြင် Mickey Mantle ကိုပါ supporting ကောင်းကောင်းပေးနိုင်တဲ့ ကစားသမားကောင်းတစ်ယောက်ဖြစ်လာပါတယ်။ ဒီလိုနဲ့တစ်ဦးကိုတစ်ဦးဖေးမရာကနေ M&M boys ရာဇဝင်လေးစတင်လာခဲ့ပါတယ်။ သူတို့နှစ်ယောက်ထဲက ဘယ်သူက record breaker - most valuable player ဖြစ်လာမလဲဆိုတာကို စိတ်ဝင်စားဖွယ်ကြည့်ရှုရမယ့် ဇာတ်လမ်းကောင်းလေးပဲဖြစ်ပါတယ်။ File size…(3.1 GB)/(1.8 GB) Quality….Blu-Ray 1080p / 720p Format…mp4 Duration….02:09:00 Genre...Biography, Drama, History Subtitle….Myanmar Subtitle (Hardsub) Encoder….Garfield Translated by Swe Yee

ဒီဇာတ်ကားဟာ Charles Dickens ရဲ့ ဂန္ထဝင်ဝတ္ထုကို ၁၉ ရာစု အင်္ဂလန်ကနေ ခေတ်သစ် ဖလော်ရီဒါနဲ့ နယူးယောက်မြို့ နောက်ခံအဖြစ် ပြောင်းလဲပြီး ပြန်လည်အသက်သွင်းထားတာပါ။ ငယ်စဉ်ကတည်းက ပန်းချီဆွဲဝါသနာပါတဲ့ ကောင်လေး ဖင်န် (Ethan Hawke) ဟာ ထူးခြားဆန်းကြယ်ပြီး ချမ်းသာတဲ့ အမျိုးသမီးကြီး မစ္စဒင်းစမိုး) ရဲ့ တူမဖြစ်သူ အက်စတယ်လာ ကို ငယ်ငယ်လေးကတည်းက စွဲလမ်းချစ်မိသွားပါတယ်။ အက်စတယ်လာဟာ ယောက်ျားတွေရဲ့ နှလုံးသားကို ခွဲဖို့ ငယ်စဉ်ကတည်းက သင်ကြားပေးခံထားရသူဖြစ်ပြီး "သူမက မင်းရဲ့ နှလုံးသားကို ခွဲသွားလိမ့်မယ်" လို့ သတိပေးခံရပေမယ့် ဖင်န်ကတော့ သူမကိုပဲ ဆက်ချစ်နေခဲ့ပါတယ်။ နှစ်တွေကြာလာတဲ့အခါမှာ အမည်မသိ ကျေးဇူးရှင်တစ်ယောက်ရဲ့ ထောက်ပံ့မှုနဲ့ ဖင်န် တစ်ယောက် နယူးယောက်ကိုရောက်သွားပြီး အနုပညာရှင်တစ်ယောက်အဖြစ် အောင်မြင်လာချိန်မှာ အေးစက်ပြီး လှပတဲ့ အက်စတယ်လာနဲ့ ပြန်လည်ဆုံတွေ့ရပါတယ်။ ဖင်န်ရဲ့ ငယ်စဉ်က မျှော်လင့်ချက်အိပ်မက်တွေ နဲ့ မှောင်မိုက်တဲ့ ကြောက်ရွံ့မှုတွေကို ဘယ်လိုရင်ဆိုင်ရမလဲဆိုတာ စိတ်ဝင်စားဖွယ် ရိုက်ကူးထားတာဖြစ်ပါတယ်။ အဓိက ချီးကျူးရမှာကတော့ ရုပ်ရှင်ရဲ့ ရိုက်ကူးရေးပိုင်းပဲ ဖြစ်ပါတယ်။ နာမည်ကြီး Cinematographer Emmanuel Lubezki ရဲ့ ကင်မရာထောင့်ချိုးတွေ၊ အလင်းအမှောင်နဲ့ အရောင်အသွေး အသုံးပြုမှုတွေက ရုပ်ရှင်ကို ပန်းချီကားတစ်ချပ်လို လှပနေစေပါတယ်။ ဇာတ်ဝင်တေး တွေကလည်း အရမ်းကောင်းမွန်ပြီး ရုပ်ရှင်ရဲ့ Romantic ဆန်တဲ့ ခံစားချက်ကို ပိုပြီး ပီပြင်စေပါတယ်။ Ethan Hawke နဲ့ Gwyneth Paltrow တို့ရဲ့ Chemistry က အလွန်ကောင်းမွန်ပြီး၊ အကျဉ်းသား လပ်စတစ် အဖြစ် သရုပ်ဆောင်တဲ့ Robert De Niro နဲ့ မစ္စဒင်းစမိုး အဖြစ် သရုပ်ဆောင်တဲ့ Anne Bancroft တို့ရဲ့ စွမ်းဆောင်ရည်တွေကလည်း ဇာတ်ကားကို ပိုမိုသက်ဝင်စေပါတယ်။ "Great Expectations" (၁၉၉၈) ဟာ မူရင်းဝတ္ထုကြီးကို အပြည့်အဝ မှီငြမ်းနိုင်ခြင်း မရှိပေမယ့်လည်း လှပတဲ့ မြင်ကွင်းတွေ၊ သာယာတဲ့ တေးဂီတတွေနဲ့ ခေတ်သစ် အချစ်ဇာတ်လမ်းတစ်ပုဒ်အနေနဲ့တော့ မျက်စိပသာဒဖြစ်စေမယ့် ဇာတ်ကားကောင်းတစ်ကား ဖြစ်ပါတယ်။ ရင်ခုန်စရာကောင်းပြီး ခံစားမှုအပြည့်အဝပေးနိုင်တဲ့ အချစ်ဒရာမာ ဇာတ်ကားမျိုး ကြိုက်နှစ်သက်သူတွေအတွက် အကြိုက်တွေ့စေမှာ အသေအချာပါပဲ။ File size…   2.3 GB / 1.2 GB Quality… Blu - Ray 1080p / 720p Format… mp4 Duration…. 1h 41m Genre ..... Drama Subtitle…. Myanmar Subtitle (Hard Sub)

ယခုအခါတင်ဆက်ပေးလိုက်တာကတော့ ဖြစ်ရပ်မှန်အပေါ်အခြေခံထားတဲ့ဥပဒေနောက်ခံဒရာမာဇာတ်လမ်းလေးပဲဖြစ်ပါတယ်...1998 ခုနှစ်ကထွက်ရှိခဲ့ပြီးတော့ အော်စကာဆုနှစ်ခုအတွက် nomination ဝင်ခဲ့ပါတယ်....အဓိကဇာတ်ဆောင်တွေအနေနဲ့ Pulp Fiction နဲ့နာမည်ကြီးတဲ့မင်းသားကြီး John Travolta နဲ့မင်းသားကြီး Robert Duvell တို့ပါဝင်ပါတယ် ဇာတ်လမ်းကတော့ ဂျန်ရှလစ်မန်းဟာအောင်မြင်တဲ့၊အလျှော့မပေးတတ်တဲ့ရှေ့နေတစ်ဦးပါ....သူဟာသူတရားစွဲတဲ့ကုမ္ပဏီတွေကိုငွေပေးပြီးကျေအေးချင်လာအောင်ဖိအားပေးပြီးတော့ အနိုင်ရအောင်ယူတတ်သူပါ....ဒီတော့ သူတို့ရှေ့နေလုပ်ငန်းဆီကိုအန်းအန်ဒါဆန်ဆိုတဲ့မိန်းမကအမှုအပ်လာပါတယ်....အမှုကတော့အန်းအန်ဒါဆန်ရဲ့သားအပါအဝင် Woburn ဆိုတဲ့မြို့ငယ်လေးက ကလေးတော်တော်များများဟာသွေးကင်ဆာရောဂါကိုခံစားနေရပြီးတော့ အန်းအန်ဒါဆန်တို့ကသူတို့မြို့ရဲ့သောက်သုံးရေကြောင့်လို့ထင်လို့ပါ.... သောက်သုံးရေဟာစက်ရုံတွေကထုတ်တဲ့ဓာတုပစ္စည်းတွေနဲ့ညစ်ညမ်းနေခဲ့လို့ စက်ရုံတွေကိုတရားစွဲချင်တာပါ.....အစကတော့အကျိုးရှိမှာမဟုတ်ဘူးလို့ထင်ခဲ့ပေမဲ့ ဂျန်ရှလစ်မန်းတစ်ယောက် စည်းကမ်းမရှိလုပ်ကိုင်နေတဲ့စက်ရုံတွေကိုမြင်တွေ့လိုက်ရတဲ့အခါမှာတော့ အမှုကိုလက်ခံလိုက်ပါတယ်....ဒီလိုနဲ့ဂျန်ရှလစ်မန်းက Beatrice ကုမ္ပဏီနဲ့ W. R. Grace ကုမ္ပဏီတို့ကိုတရားစွဲပါတော့တယ်....ထိုအခါသက်သေပြဖို့ကလည်းခဲယဉ်းပြီးတော့ အမှုကြာလေလေငွေကုန်ကြေးကျများလေလေဖြစ်လာတဲ့အခါမှတော့...ဂျန်ရှလစ်မန်းတစ်ယောက်အမှုကိုအနိုင်ရရှိသွားမလားဆက်လက်ကြည့်ရှုကြပါခင်ဗျာ.... File size…(1.4 GB)/(788 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by AKM

ဇာတ်လမ်းထဲမှာတော့ ဟယ်ရီ ဘလော့ခ်ဆိုတဲ့စာရေးဆရာဇာတ်ကောင်ကို အဓိကထား ပုံဖော်ထားပါတယ်။ သူဟာ နာမည်ကျော် စာရေးဆရာတစ်ဦးဖြစ်ပြီး သူ့ရဲ့ဘဝအတွေ့အကြုံတွေကို သူ့စာအုပ်တွေထဲမှာ ပေါ်လွင်အောင် ထည့်ရေးတတ်တဲ့အကျင့်၊ နောင်တမရတတ်တဲ့ သူ့ရဲ့အပြုအမူ၊ ဆေးစွဲတာနဲ့ အပျော်အပါးလိုက်စားတတ်တဲ့ သူ့ရဲ့အကျင့်တွေကြောင့် သူ့ကို မုန်းတီးနေကြတဲ့ ဇနီးဟောင်း သုံးဦးနဲ့အတူ ကျန်ရစ်ခဲ့ပါတယ်။ တစ်ချိန်က သူ့ကို ကျောင်းထုတ်ခဲ့တဲ့ ကောလိပ်က သူ့စာပေလက်ရာအတွက် ဂုဏ်ပြုဆု ချီးမြှင့်တော့မယ့်အချိန်မှာ သူဟာ စာရေးမရတဲ့ အခက်အခဲနဲ့ ရင်ဆိုင်နေရပါတယ်။ ဒါ့အပြင် သူ့ရဲ့နောက်ဆုံးချစ်သူကလည်း စာရေးဆရာသူငယ်ချင်းတစ်ဦးနဲ့ လက်ထပ်တော့မယ့် အခြေအနေကို ကြုံတွေ့နေရပါတယ်။ သူ့ရဲ့ဝတ္ထုတွေနဲ့ ဇာတ်လမ်းတွေထဲက ဇာတ်ဝင်ခန်းတွေက သူ့ရှေ့မှာ ဖြတ်သန်းသွားပြီး သူ့နဲ့ထိတွေ့ဆက်ဆံလာတဲ့အခါ ဟယ်ရီ ဟာ သူ့ရဲ့ဇနီးတွေ၊ ချစ်သူတွေ၊ သားဖြစ်သူနဲ့ အစ်မဖြစ်သူတို့လို သူ့ရဲ့ဘဝကို ထိခိုက်စေခဲ့တဲ့ လူတွေနဲ့ ရင်ဆိုင်ရပါတော့တယ်... File size…(2 GB)/(965 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

တက္ကစီမောင်းသူ Jerry က နိုင်ငံထဲမှာ ဖြစ်ပျက်နေသမျှကို လိုက်ကြည့်ပြီး နောက်ကွယ်မှာ ဘယ်သူတွေ ကြိုးကိုင်နေတယ်၊ ဘယ်အဖွဲ့က လုပ်တာဖြစ်မယ်ဆိုတဲ့ ကိုယ်ပိုင်သီအိုရီတွေ ထုတ်လေ့ရှိပါတယ်။ အလုပ်ကြောင့် လူအများကြီးနဲ့ တွေ့ရတော့ တွေ့သမျှလူကိုလည်း သူ့အတွေးတွေ လိုက်ပြောတတ်တယ်။ ပြောသမျှက ယုံရခက်လွန်းလို့ သူ့ကို အရူးတစ်ယောက်လို ထင်ကြတာပါ။ ဒါပေမယ့် သူပြောခဲ့တဲ့အထဲက တစ်ခုက မှန်သွားပြီး အဖွဲ့အစည်းတစ်ခုက သူ့နောက်ကို လိုက်ဖမ်းလာပါတယ်။ Jerry ကိုယ်တိုင်ကတော့ သီအိုရီတွေ အများကြီး ထုတ်ထားမိလို့ ဘယ်တစ်ခုကြောင့် အခုလို လိုက်ဖမ်းခံနေရသလဲဆိုတာ မသိတော့ဘူး။ Jerry မှာ အရူးအမူးစွဲလမ်းနေတဲ့ Alice ဆိုတဲ့ ကောင်မလေးတစ်ယောက်လည်း ရှိပါတယ်။ သူ့ကိုလိုက်ဖမ်းနေတဲ့ အဖွဲ့အစည်းနဲ့ Alice ကြား ဘယ်လိုဆက်စပ်မှုတွေ ရှိမလဲ၊ Jerry ရဲ့စွဲလမ်းမှုကရော Alice ကို အန္တရာယ်ဖြစ်စေနိုင်မလားဆိုတာ ဆက်ကြည့်ရမှာပါ။ Julia Roberts နဲ့ Mel Gibson တို့ ပါဝင်ထားပြီး အက်ရှင်၊ နိုင်ငံရေးလျှို့ဝှက်မှုခင်းနဲ့ အချစ်ရေးတို့ကို တွဲဖက်ထားတဲ့ ဇာတ်ကားဖြစ်ပါတယ်။

IMDb-6.4 ~ Rt-71% ဒီရုပ်ရှင်ကားကတော့ 1984 ခုနှစ်မှာ တကယ်ဖြစ်ပျက်ခဲ့တဲ့ ဖြစ်ရပ်မှန်ဇာတ်လမ်းကို ကျောရိုးယူထားတဲ့ ကားလေးပဲဖြစ်ပါတယ်။ မင်းသားကြီး Nicolas Cage နဲ့ မင်းသမီး Bridget Fonda တို့ ပါဝင်သရုပ်ဆောင်ထားပြီး old but gold ရုပ်ရှင်ကားကောင်းလေးတစ်ကားလို့ပြောရမှာပါ။ ဇာတ်လမ်းအကျဉ်း‌ကတော့ ရဲအရာရှိ ချာလီ လန်း (Nicolas Cage) ဟာ မျူရီရယ် လန်း (Rosie Perez) ကိုလက်ထပ်ပြီး အိမ်ထောင်ဦးစီးကောင်းတစ်ယောက်အနေနဲ့ရော တာပွန်ကျေပွန်တဲ့ ‌ရဲအရာရှိတစ်ယောက်အနေနဲ့ပါ နယူးယော့ခ်မြို့ ကွင်းစ်မှာနေထိုင်နေပါတယ်။ မိန်းမဖြစ်သူ မျူရီရယ် ကတော့ သာမာန်ဘဝကိုတင် မကျေနပ်နိုင်ပဲ ပိုကောင်းတဲ့နေရာမှာနေချင်သူတစ်ယောက်ပါ။ ဒါကြောင့်လည်း ချာလီဘာပဲလုပ်လုပ် အမြဲမကျေနပ်နိုင်ဘဲ လင်မယားနှစ်ယောက်ကြား အမြဲတကျက်ကျက်ဖြစ်နေရပါတယ်။ အီဗွန်း ဘီရာဆီ (Bridget Fonda) ကတော့ သာမာန်စာပွဲထိုးမလေးဖြစ်ပြီး ‌ယောင်္ကျားဖြစ်သူ အက်ဒီက သူ့ဘဏ်ကတ်ထဲက ပိုက်ဆံတွေကို အကုန်ထုတ်သုံးလိုက်လို့ အကြွေးများစွာတင်ပြီး ဒေဝါလီခံထားရသူပါ။ တစ်နေ့မှာ အိပ်မက်တစ်ခုကြောင့် မျူရီရယ်က ချာလီကို ထီလက်မှတ်ဝယ်ခိုင်းခဲ့ပြီးအပြန်မှာ ချာလီတစ်ယောက် အီဗွန်းအလုပ်လုပ်နေတဲ့ စားသောက်ဆိုင်မှာကော်ဖီဝင်သောက်ခဲ့ပါတယ်။ အီဗွန်းရဲ့ အခြေအနေကိုရိပ်စားမိသွားတာကြောင့် တာဝန်သိရဲတစ်ယောက်အနေနဲ့ ဘောက်ဆူးပေးဖို့လုပ်ရင်းကနေ ပိုက်ဆံအပိုမပါတော့လို့ ထီပေါက်ခဲ့ရင် ပေါက်တဲ့ငွေကို တစ်ဝက်ခွဲပေးမယ်ဆိုတဲ့ ကတိပေးပြီး ပြန်လာခဲ့လိုက်ပါတော့တယ်။ နောက်ရက်မှာတော့ ချာလီဝယ်လာခဲ့တဲ့ ထီစာရွက်ကနေ ဒေါ်လာ (၄)သန်းတန် ထီဆုကြီးပေါက်သွားခဲ့ပြီး သူပေးခဲ့တဲ့ ကတိကိုတည်ဖို့ လုပ်တဲ့အခါမှာ ချာလီ၊ မျူရီရယ်နဲ့ အီဗွန်းတို့ရဲ့ ဘဝတွေ ဘယ်လိုပြောင်းလဲသွားကြမလဲဆိုတာ ဆက်လက်ကြည့်ရှုလိုက်ကြပါဦး။ File size…    1.1 GB /  694 MB Quality… BluRay 1080p / 720p Format… mp4 Duration…. 1h 41m Genre ..... Comedy/Romance Subtitle…. Myanmar Subtitle (Hard Sub) Encoder…. Thit San Khant Translated by TMMT