Shing Fui-On ပါဝင်သော ဇာတ်ကားများ

ဒီကားလေးကတော့ ဂျက်ကီချန်း ကားပြိုင်မောင်းတဲ့ကားလေးပေါ့......အရင်က ကားဟောင်းလေးဆိုတော့ အထူးအထွေညွှန်းစရာမလိုလောက်ဘူးလို့ထင်ပါတယ်..... အလွမ်းပြေအမှတ်တရလေးကို ကြည့်ရှုခံစားလိုက်ပါဦးလို့........ File size…(2 GB)/(1.2 GB) Quality….Webrip 1080p / 720p Format…mp4 Duration….01:50:00 Genre...Action, Crime, Thriller Subtitle….Myanmar Subtitle (Hardsub) Encoder….Garfield Translated by Saw Wunna

လူသားပေါက်စီလို့ဆိုလိုက်တာနဲ့ ဟိုတုန်းကကားတွေတော်တော်များများကို ပြန်အမှတ်ရမိမှာပါ ဒီကားကတော့ မကာအိုပြည်မှာတကယ်ဖြစ်ပျက်ခဲ့တဲ့ Eight Immortal စားသောက်ဆိုင်က ဖြစ်ရပ်မှန်ကိုပြန်ရိုက်ထားတာပါ ၁၉၈၅ မကာအိုပြည်က Eight Immortal ဆိုတဲ့ စားသောက်ဆိုင်လေးမှာ လူနှစ်ယောက် မာကျောက်ကစားရင်း အငြင်းအခုံထဖြစ်တယ် ၀မ်ချီးဟန်ဆိုတဲ့ သိပ်ကိုဖျံကျပြီး ကလိမ်ညာဏ်များတဲ့သူက မာ​ကျောက်ကစားတိုင်း တစ်ကွက်ခိုးခိုးပြီးဆော့တာ ဆိုင်ရှင် ချန်လမ်က​ကောင်းကောင်းသိတယ် ဒါကြောင့်လဲ ၀မ်ချီးဟန်နိုင်တိုင်း ပိုက်ဆံမပေးပဲ အကြွေးနဲ့လျှော်လျှော်ထားခဲ့တာ တကယ်တော့ ဆိုင်ရှင် ချန်လမ်ကပိုက်ဆံ တစ်ပြားတောင် ပေးချင်စိတ်ရှိတာမဟုတ်ပါဘူး ဒါပေမယ့် ဒီငွေလေး အနည်းကျဥ်းလောက်အတွက်နဲ့ မကာအိုမှာဟိုးလေးတကျော်ဟော်လေးတစ်ကျိုးဖြစ်သွားစေ တဲ့ ထိပ်တန်းလူသတ်မှု တစ်နည်းအားဖြင့် လူသားပေါက်စီဆိုပြီးနာမည်ကြီးတဲ့ case တစ်ခုပေါ်လာခဲ့ပါတယ် ဒီကားဟာ 1993 လောက်ကရိုက်တဲ့ကားပေမယ့်လို့ တကယ့်အဖြစ်ပျက်နဲ့အတော်လေးတူအောင် ရိုက် ယူထားနိုင်တာတွေ့တယ် နောက်ပြီး R-Rated အဆင့်ရှိ scene တော်တော်များများပါတဲ့အတွက် ကလေးသူငယ်တွေ နှလုံးရောဂါရှိသူတွေမကြည့်ကြဖို့ ပြောချင်ပါတယ်အဲ့ဖက်ခေတ်ကရိုက်တဲ့ကားပေမယ့် အသတ်အဖြတ်တွေ 21+ scene တွေ အော်ဂလီဆန်လောက်အောင်အများအပြားပါ၀င်တာမို့ ကျွန်တော်ကတော့ ဒီလိုကားမျိုး reboot တောင်ပြန်မလုပ်ပါစေနဲ့လို့ဆုတောင်းမိပါတယ် ဒီဖက်ခေတ်နည်းပညာတွေ မိတ်ကပ်အလန်းစားတွေ နဲ့ ရိုက်ရင်ဘယ်လောက်တောင်အော်ဂလီဆန်ရမလဲလို့ ကဲ အော်ဂလီလဲဆန်ရမယ် ရွံဖို့လဲကောင်းရမယ် တကယ့်ဖြစ်ရပ်မှန်လဲဖြစ်တဲ့ကားကိုကြည့်ချင်တဲ့သူတွေအတွက်တော့ ကြည့်ဖို့တိုက်တွန်းချင်ပါတယ် တချို့တော်တော်များလဲ ကြည့်ပြီးလောက်ပြီထင်ပါတယ် Translated By : Hein Thet Naing Encoded By : XCode

ဟောင်ကောင်ရုပ်ရှင်လောကရဲ့ ရွှေခေတ်လက်ရာတွေထဲက မင်းသမီးချောလေးJoey Wongပါဝင်ခဲ့တဲ့ အက်ရှင်ဟာသကားလေးကိုပြန်တင်ဆက်ပေးလိုက်ပါတယ်။ ဇာတ်လမ်းကတော့ တရုတ်ပြည် ရှေးခေတ်မင်မင်းဆက်ခေတ်မှာ ဂျပန်မိစ္ဆာဘုရင်ကြီးက နယ်မြေတစ်ခုလုံးကိုစိုးမိုးထားပြီး ရွာမှာအလှဆုံးမိန်းကလေးဖြစ်တဲ့ စီးစီးကို ဖမ်းခေါ်သွားခဲ့ပါတယ်။ အဲဒီအချိန်မှာ တရားမျှတမှုကိုမြတ်နိုးတဲ့ အင်းမန္တာန်ရေးရာတွေမှာ ဝါရင့်ကျွမ်းကျင်တဲ့ တာအိုဆရာကြီးက တပည့်ဖြစ်သူနဲ့အတူ မိစ္ဆာနှိမ်နင်းပြီး မိန်းကလေးကိုကယ်တင်ဖို့ရောက်လာခဲ့ပါတယ်။ ဆရာကြီးချောင်လုနဲ့ မိစ္ဆာဘုရင်ကြီးတို့က အသက်လုပြီးမှော်ပညာချင်းပြိုင်ကာ တိုက်ခိုက်ကြရင်း အထွတ်အထိပ်ရောက်နေတဲ့အချိန်မှာ ကောင်းကင်တံခါးကြီးပွင့်သွားပြီး တာအိုဆရာကြီးနဲ့ တပည့်တွေအပြင် မိစ္ဆာကြီးပါ ဒီဘက်ခေတ် ဟောင်ကောင်မြို့ကြီးဆီကို ရောက်သွားခဲ့ကြတဲ့အခါ...... ဆရာတပည့်တွေရဲ့မိစ္ဆာနှိမ်နင်းခန်းဟာ သမာရိုးကျစီစဉ်ထားတဲ့အတိုင်းမဟုတ်တော့ပဲ ခေတ်သစ်ရဲ့ဆန်းသစ်မှုတွေကြားမှာ အလွဲလွဲအချော်ချော်နဲ့ ဒုက္ခသုခတွေကြုံရင်း မိစ္ဆာကြီးကိုအဆုံးထိတိုင်အောင် နှိမ်နင်းဖို့ကြိုးစားသွားတာပဲဖြစ်ပါတယ် Filesize : 3.82 GB / 1.42 GB Quality : WEB-DL 1080p HEVC , 720p HEVC Format : mp4 Genres : Action, Comedy, Fantasy, and Horror Runtime : 1h 35 min Subtitle : Myanmar Subtitle ( Hardsub )

IMDb Rating (7.1) ထိ ရရှိထားတဲ့ စတီဖင်ချောင်ရဲ့ နာမည်ကြီးဇာတ်ကားတစ်ကားပါပဲ။ စတီဖင်ချောင်အပြင် မင်းသား Andy Lau.. မင်းသမီး Rosamund Kwan နဲ့ အခြားသော နာမည်ကြီးဇာတ်ရံများလဲပါဝင်ထားပါတယ်။ ဒီဇာတ်ကားထဲမှာ စတီဖင်ချောင်က လူလိမ်ဝိဇ္ဇာ... လိမ်တဲ့နေရာမှာ လျပ်တပြက်ရော အစီအစဉ်တကျရော အကုန်ပိုင်နိုင်တဲ့ စွယ်စုံရလူလိမ်... ဘယ်သူ့မျက်နှာမှ မထောက်ဘဲ ပိုက်ဆံမျက်နှာတစ်ခုပဲကြည့်တတ်တဲ့ တကယ့်လူ... အဲ့...အန်ဒီလျူကျတော့ ရိုးသားကြိုးစားတဲ့ ကုမ္ပဏီဝန်ထမ်းတစ်ဦး... ရိုးအ,လွန်းလို့ ကောင်မလေးကတောင် ရေလာမြောင်းပေးပြရတဲ့လူ... စတီဖင်ချောင်လိုလူလိမ်ဝိဇ္ဇာနဲ့ အန်ဒီလျူလိုလူရိုးလေးတို့ လျှို့ဝှက်ကိစ္စတစ်ခုနဲ့ ထိပ်တိုက်တွေ့ကြတဲ့အခါ.......။ ဇာတ်ကားက အတော်ပဲရယ်ရပါတယ်...စတီဖင်ချောင်တစ်ယောက်ထဲနဲ့ကို အကွက်ပြည့်နေတာပါပဲ။ စတီဖင်ချောင်ရဲ့မျက်ခွက်ပြောင်ပုံနဲ့ ဒီဇာတ်လမ်းတစ်သားတည်းကျကြောင်းကို အောက်မှာ အစမ်းရှုပါ။ တခြားတစ်ယောက်နဲ့ သူ့ကောင်မလေးစေ့စပ်သွားလို့ အသည်းကွဲနေတဲ့ အန်ဒီလျူတစ်ယောက် အရက်သောက်ရင်းညည်းတယ်။ "မိန်းမတွေက အရေးမပါပါဘူးကွာ..." ဒါကို စတီဖင်ချောင်ကတော့လက်မခံပါဘူး..ဒီလိုပြန်ချေပပါတယ်။ "အရေးပါတယ်ကွ....သူ့ကိုလက်ထပ်ပြီးရင် မင်းနှိပ်စက်လို့ရပြီ.... ပြီးရင် သူ့ကို အပျော်မယ်လုပ်ခိုင်းပြီး ရောင်းစားလိုက်လဲရတယ်... တခြားလူဆီတော့ မပေးလိုက်နဲ့" တဲ့။ :P ဗရုတ်သုတ်ခ စတီဖင်ချောက်တစ်ယောက် ဘယ်လိုတွေ ပြသနာရှာပြီး အဲ့ပြသနာတွေကို သူပဲ ဘယ်လိုဖြေရှင်းသွားမယ်ဆိုတာ..ကြည့်ရှုလိုက်ပါနော်။ File Size…(850 MB) and (450 MB) Quality…BluRay Rip 720p Format…mp4 Duration…01:47:00 Subtitle…Myanmar Subtitle(Hardsub) Encoder…Nyeinsaeya Aung Translated by Chue Chue

A pair of detectives are after a smuggling ring, and when they come to the leader, they need back-up by a navy seals team - as the traffickers possess not only drugs, but heavy military equipment.

Fist of Fury (1991) IMDB(6.7) ဘရုစလီဇာတ်ကားကို အမှီပြုပြီး စတီဖင်ချောင်ရဲ့ အရသာအပြည့်နဲ့ တင်ဆက်ထားတဲ့ဇာတ်ကားပါ.. Fist of Fury ဇာတ်ကား ၁ နဲ့ ၂ နှစ်ကားထွက်ပါတယ်။ +++++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ စတီဖင်ချောင်ဆိုတာနဲ့ သရုပ်ဆောင်ရော ဇာတ်လမ်းဇာတ်ညွှန်းပိုင်းမှာပါ သူမတူအောင် တင်ဆက်နိုင်တဲ့ Comedy King တစ်ယောက်လို့ တန်းမြင်ကြမှာပါပဲ… ဟာသကားတွေပေါပါတယ်…ဒါပေမယ့် အနုပညာအရ တန်းဝင်ဖို့သိပ်ခက်ခဲတယ်… စတီဖင်ချောင်ဇာတ်ကားတွေကတော့ အနုပညာအရရော ဟာသသဘောမှာရော သရော်တဲ့သဘောမှာရော သာမန်ဟာသကားတွေထက် တဆင့်မြင့်နေခဲ့တာပါ။ ရသတစ်ခုခုကို အမြဲပါဝင်လာအောင် ချပြထားနိုင်ခဲ့တာပါ။ ဒါကြောင့်လဲ သူ့ဇာတ်ကားတွေဟာ အာရှရဲ့ ထိပ်တန်းဇာတ်ကားတွေ ဖြစ်ကျန်နေခဲ့တာပါပဲ။ စတီဖင်ချောင်ဇာတ်ကားတွေရဲ့ Theme တစ်ခုက ဘဝကို ပျော်ပျော်ကြီး ခံစားဖို့ပဲ… စိတ်ညစ်စရာတွေ့လဲ ပျော်ပျော်ကြီး…လုပ်သမျှရဲရဲဝံ့ဝံ့နဲ့ ..ပြီး…လွဲတော့လဲ ပျော်ပျော်ကြီး… ဒါမျိုးဘဝမှာ နေဖို့က သိပ်ခက်ခဲတယ်မလား… ဘဝဆိုတာ ဖြတ်သန်းစဉ်က  အတည်ကြီးတွေ ခံစား ချစ်ကြ မုန်းကြ လွမ်းကြ ဆွေးကြ တိုက်ကြ ခိုက်ကြ။ ဒါပေမယ့် ပြန်တွေးကြည့်တော့လဲ ရယ်စရာအတိတ်တွေခပ်များများ။ ဘဝဆိုတာ ဘာမှလဲမဟုတ်လှ။ ဒီလိုဘာမှမဟုတ်တဲ့ ဘဝကြီးကို ဟာသတွေနဲ့ ချိတ်ဆက်ပြထားတဲ့ စတီဖင်ချောင်ရဲ့ ဇာတ်ကား‌တွေ တစ်ဝကြီးထိုင်ကြည့်ရင်း ဘဝဆိုတာကြီးကို ကျွန်တော်တို့ ဟားတိုက်နေကြရအောင်ဗျာ။ File size…(1.9 GB) and (999 MB) Quality….Blu-ray Rip 1080p 5.1CH and 720p Format…mp4 Duration….01:36:00 Subtitle….Myanmar Subtitle (Hardsub) Encoder….Nyeinsaeya Aun Translated by Aung Myat Shwe

ဟာသဘုရင် Stephen Chow လောင်းကစား သူရဲကောင်း တစ်ယောက် ဒီတစ်ခါတော့ Snooker ထိုးတာကလွဲပြီး ဘာမှမသိနားမလည်တဲ့ Snooker King နေရာက သရုပ်ဆောင်ထားပါတယ်။ ရယ်ရတာကတော့ ပြောစရာမလိုလောက်တော့ပါဘူး။ တကယ့် အူတိအူကြောင် ကောင်လေးတစ်ယောက်ဖြစ်တဲ့ Chow ဟာ Snooker မှာတော့ သူတို့ရွာမှာ ဝိဇ္ဇာတစ်ပါးလို့ ပြောရမှာပေါ့။ သူ့ရွာမှာ သူနဲ့ ယှဉ်ထိုးနိုင်တဲ့ကလေးမရှိတော့ဘူး။ ဟောင်ကောင်မှာနေတဲ့ သူ့အဖေရဲ့ ဆရာတူညီ လူလည်ကပ်ပါးကောင် ရောက်လာပြီး သူနဲ့ ဟောင်ကောင်ကို အလည်လိုက်သွားရင်း တောသားမြို့ရောက် ဂေါက်တောက်တောက်ဖြစ်ရင်း သူ့ဦးလေးရဲ့ ဇာတ်ရှုပ်ထဲဝင်ပါသွားရော။ သူ့အဖေက လောင်းကစားမလုပ်ဖို့၊ ရန်မဖြစ်ဖို့မှာလိုက်ပေမဲ့ သူ့ဦးလေးကျင်လည်နေတဲ့ လောကမှာ ဒါမျိုးတွေနဲ့ ကင်းကင်းနေမရနိုင်လို့ အိမ်ပြန်ချင်လာရော။ အိမ်ပြန်တော့မှ ပြဿနာက ပိုကြီးသွားတယ်။ သူပြန်တော့ သူ့ဦးလေးကလိုက်လာတယ်။ သူ့အဖေရဲ့ မြေတွေကို သူ့ဦးလေးက လောင်းကြေးအနေနဲ့ထားပြီး Snooker တစ်ပွဲထိုးခိုင်းတယ်။ သူနဲ့ ထိုးရမယ့်လူက အဲဒီခေတ်က Snooker ဘုရင်တစ်ပါး Jimmy White ။ အဲဒီပွဲမှာ ရှုံးပြီး သူတို့ပိုင်တဲ့မြေတွေ အကုန်ပါသွားရော။ သားအဖနှစ်ယောက် ဘဝတွေပျက် လမ်းဘေးမှာ သိုင်းပြစားရတဲ့ ဘဝရောက်သွားတယ်။ သို့သော် သူ့ရဲ့ ဆရာတူညီမ ဇနီးလောင်းလေးရဲ့ ဦးလေးက သူတို့ရွာရဲ့ မြေတစ်ဝက်လောက်ကို ပိုင်တယ်လေ။ အဲဒီမြေကို ရင်းပြီး နောက်တစ်ပွဲထိုးဖို့လုပ်ကြရော။ နောက်တစ်ပွဲမှာ ဆရာသမားက သူတို့ပိုင်တဲ့မြေတွေနဲ့ ဟောင်ကောင် Snooker လောကကို ဘယ်လို ကယ်တင်ခဲ့လဲဆိုတာကို ကြည့်လိုက်ကြပါဦး။ ++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ File size…(2 GB) and (1 GB) Quality….BluRay 1080p 5.1CH and 720p Format…mkv Duration….01:36:00 Subtitle….Myanmar Subtitle (Hardsub) Encoder….Nyeinsaeya Aung Translated by d3m0n

Love is Love (1990) ဒီဇာတ်ကားလေးကတော့ ကျနော်တို့ အချစ်တော် မင်းသားကြီး စတီဗင်ချောင်ရဲ့ အတိတ်ကို လွမ်းဆွတ်စရာ ဇာတ်လမ်းတွေထဲက တစ်ပုဒ် ဖြစ်ပါတယ်။ ရှီကျင့်ရွှီ ဆိုတဲ့ကောင်လေးဟာ မိမရှိဖမရှိ တစ်ကောင်ကြွက် မျက်နှာမွဲ ဖြစ်ပြီးတော့ ငယ်ငယ်ကတည်းက သူဌေးတစ်ယောက်ဆီမှာ အလုပ်လုပ်လာခဲ့ပါတယ်။ ဒီလိုနဲ့ အရွယ်ရောက်လာတော့ ရှီကျင့်ဟာ သူ့သူဌေးရဲ့ သမီးဖြစ်သူ တီနဲ့ လူငယ်သဘာဝ ချစ်ကြိုက်မိကြပြီးတော့ သူ့သူဌေးမသိအောင် ခိုးတွဲနေရပါတယ်။ တစ်နေ့မှာတော့ သူဌေးဟာ သူတို့နှစ်ယောက် ခိုးတွဲနေတာကို သိပြီးတော့ သူ့ကို အိမ်ပေါ်က မောင်းချတဲ့အခါမှာ သူတို့နှစ်ယောက်သား မခွဲနိုင်တဲ့အတွက် ခိုးပြေးဖို့ ဆုံးဖြတ်လိုက်ကြပါတော့တယ်။ ဒီတော့ သူတို့နှစ်ယောက်သား လောကဓံရဲ့ စမ်းသပ်မှုကို အချစ်တစ်မျက်နှာတည်းနဲ့ ဘယ်လိုရင်ဆိုင်ကြမလဲဆိုတာကို ၉၀ ရာစု ဟောင်ကောင်အငွေ့အသက်တွေအောက်မှာ ဆွတ်ပျံ့ကြည်နူးဖွယ်ရာ ကြည့်ရှုရမှာဖြစ်ပါတယ်။

ဒီဇာတ်ကားက Casino Raiders ကားတွေရဲ့ ဆက်စပ်လို့ ဆိုပေမဲ့ ဇာတ်လမ်းသွားရော ဇာတ်ကောင်တွေပါ မတူတဲ့ နောက်ထပ်ဇာတ်လမ်းတစ်ပုဒ်ပဲ ဖြစ်ပါတယ်။ ဇာတ်လမ်း အကျဉ်းကတော့ အမေရိကန်ကနေ မကာအိုကို ဖိတ်ခေါ် ပြိုင်ပွဲအတွက် ရောက်ရှိလာတဲ့ ဖဲဝိဇ္ဇာ ရေးတစ်ယောက် လူလိမ်၂ယောက်နဲ့တိုးကာ ပြိုင်ပွဲအတွက် သူယူလာခဲ့တဲ့ အမေရိကန်‌ဒေါ်လာတွေ အကုန်အလိမ်ခံလိုက်ရပါတယ်။ အဲဒီပိုက်ဆံတွေကို လိမ်သွားတဲ့ လူလိမ်၂ယောက်က ရေး နေရာကိုပါ အစားဝင်ပြီး ပြိုင်ပွဲဝင်ပြိုင်ဖို့ ကြံနေခဲ့တာပါ။ ဒါပေမဲ့ သူတို့ပြိုင်ရမယ့်ပွဲကို ဦးစီးမယ့် ကာစီနိုရုံမိသားစု အတွင်းရေးက ထင်ထားသလောက် မရိုးရှင်းနေတဲ့အခါ လူလိမ်၂ယောက်ရော လူလိမ်တွေကို လိုက်ဖမ်းတဲ့ ရေးပါ ပဲလှော်ကြားဆားညပ်မလို အဖြစ်မျိုး ကြုံရပါတော့တယ်။ အဲဒီအခြေအနေကနေ သူတို့ဘယ်လိုရုန်းထွက်နိုင်မလဲ။ လူလိမ်၂ယောက်ကိုရော ရေး ပညာပေးနိုင်မှာလားဆိုတာ ကြည့်ရှုသွားရမှာ ဖြစ်ပါတယ်။ File size…    2.12 GB / 1.09 GB Quality… BluRay 1080p / 720p Format… mp4 Duration…. 1h 48m Genre ..... Action / Crime / Drama Subtitle…. Myanmar Subtitle (Hard Sub) Encoder…. Thit San Khant Translated... by Thaung Htike Zaw

မင်းသားကြီး စတီဖင်ချောင် ငယ်စဉ်က ဇာတ်ကားပါ... Action/Comedy/Romance အမျိုးအစားဖြစ်ပါတယ်။ Action ဆိုလဲ လုံးဝမအိုင်အောင် ခပ်မိုက်မိုက်ရိုက်ကူးထားပါတယ်။ Comedy ဆိုလဲ အခွီဖြစ်အောင် ရိုက်ကူးထားနိုင်ပါတယ်။ Romance ဆိုလဲ လုံးဝဟက်ထိအောင် ရိုက်ကူးထားပါတယ်။ သူ့နေရာနဲ့သူ ရသအစုံပုံဖော်ထားနိုင်တဲ့ ဇာတ်ကားပါ။ မင်းသမီးကလဲ ဇာတ်ရုပ်နဲ့အလိုက် ဒေါင်ကျကျ ပြားကျကျ သရုပ်ဆောင်ပြထားတာတွေ့ရပါတယ်။ ဇာတ်ကြောင်းလေးကိုတော့ ခံစားအားပေးကြည့်ကြပါဦး။ File size…(999 MB) and (490 MB) Quality…Blu-Ray Rip 720p Format…mp4 Duration….01:30:00 Subtitle….Myanmar Subtitle (Hardsub) Encoder….Nyeinsaeya Aung Translated by Khin Chan Myae Thu

မင်းသားကြီးစတီဖင်ချောင်ရဲ့ 1990 နှစ်တုန်းကဇာတ်ကားဖြစ်ပါတယ်။ စတီဖင်ချောင် မျက်ခွက်မပြောင်ဘဲ အမှန်အကန်သရုပ်ဆောင်ထားတဲ့ ဇာတ်ကားဆိုရင်လဲ မမှားပါဘူး။ အယောင်ဆောင်ရဲနဲ့ စိန်သူခိုးတို့ ခင်မင်သွားကြရာကနေ ဘာတွေဆက်ဖြစ်မလဲဆိုတာ..။ IMDb (6.3) ပါ။ File size…(999 MB) and (490 MB) Quality…HD-Rip 720p Format…mp4 Duration….01:38:00 Subtitle….Myanmar Subtitle (Hardsub) Encoder….Nyeinsaeya Aung Translated by Lyric Lynn Khant

My Hero (1990) IMDB(5.7) ဂန်းစတားလောကမှာ ကျက်စားမယ့် စတီဖင်ချောင်ကိုမြင်ရမှာပါ။ အခွီတွေချည်းမဟုတ်ဘဲ Action ရော Drama ရော ပေါင်းစပ်တင်ဆက်ထားပါတယ်။ +++++++++++++++++ ကျွန်တော့် Idol ကြီး စတီဖင်ချောင်ရဲ့ ဇာတ်ကားအကုန်လုံးကို 1080p BluRay Quality နဲ့ တတ်နိုင်သမျှ ပြန်လည်စုစည်းတင်ဆက်မှာ ဖြစ်ပါတယ်။ စတီဖင်ချောင်ဆိုတာနဲ့ သရုပ်ဆောင်ရော ဇာတ်လမ်းဇာတ်ညွှန်းပိုင်းမှာပါ သူမတူအောင် တင်ဆက်နိုင်တဲ့ Comedy King တစ်ယောက်လို့ တန်းမြင်ကြမှာပါပဲ… ဟာသကားတွေပေါပါတယ်…ဒါပေမယ့် အနုပညာအရ တန်းဝင်ဖို့သိပ်ခက်ခဲတယ်… စတီဖင်ချောင်ဇာတ်ကားတွေကတော့ အနုပညာအရရော ဟာသသဘောမှာရော သရော်တဲ့သဘောမှာရော သာမန်ဟာသကားတွေထက် တဆင့်မြင့်နေခဲ့တာပါ။ ရသတစ်ခုခုကို အမြဲပါဝင်လာအောင် ချပြထားနိုင်ခဲ့တာပါ။ ဒါကြောင့်လဲ သူ့ဇာတ်ကားတွေဟာ အာရှရဲ့ ထိပ်တန်းဇာတ်ကားတွေ ဖြစ်ကျန်နေခဲ့တာပါပဲ။ စတီဖင်ချောင်ဇာတ်ကားတွေရဲ့ Theme တစ်ခုက ဘဝကို ပျော်ပျော်ကြီး ခံစားဖို့ပဲ… စိတ်ညစ်စရာတွေ့လဲ ပျော်ပျော်ကြီး…လုပ်သမျှရဲရဲဝံ့ဝံ့နဲ့ ..ပြီး…လွဲတော့လဲ ပျော်ပျော်ကြီး… ဒါမျိုးဘဝမှာ နေဖို့က သိပ်ခက်ခဲတယ်မလား… ဘဝဆိုတာ ဖြတ်သန်းစဉ်က  အတည်ကြီးတွေ ခံစား ချစ်ကြ မုန်းကြ လွမ်းကြ ဆွေးကြ တိုက်ကြ ခိုက်ကြ။ ဒါပေမယ့် ပြန်တွေးကြည့်တော့လဲ ရယ်စရာအတိတ်တွေခပ်များများ။ ဘဝဆိုတာ ဘာမှလဲမဟုတ်လှ။ ဒီလိုဘာမှမဟုတ်တဲ့ ဘဝကြီးကို ဟာသတွေနဲ့ ချိတ်ဆက်ပြထားတဲ့ စတီဖင်ချောင်ရဲ့ ဇာတ်ကား‌တွေ တစ်ဝကြီးထိုင်ကြည့်ရင်း ဘဝဆိုတာကြီးကို ကျွန်တော်တို့ ဟားတိုက်နေကြရအောင်ဗျာ။ File size…(1.7 GB) and (1.1 GB) Quality….Blu-ray Rip 1080p 5.1CH and 720p Format…mp4 Duration….01:33:00 Subtitle….Myanmar Subtitle (Hardsub) Encoder….Nyeinsaeya Aun Translated by Alias

ဒီဇာတ်ကားမှာတော့ စတီဖင်ချောင်က လောင်းကစားလူစွမ်းကောင်းအဖြစ် စတင်ပါဝင်လာတာမို့ ဟာသတွေအတော်များများပါပါတယ်။ Andy Lau က လောင်းကစားသူရဲကောင်းအဖြစ်ပါဝင်ထားပြီး  Action,Comedy အမျိုးအစားဇာတ်ကားပါ။ God of Gamblers ဇာတ်ကား (၃) ကားလုံးကို https://channelmyanmar.org/?s=god+of+gamblers မှာရှာပါ။   File Size…(900MB) and (400MB) Quality…BluRay Rip 720p Format…mp4 Duration…01:39:00 Subtitle…Myanmar Subtitle(Hardsub) Encoder…Nyeinsaeya Aung Translated by Missy Win

The Killer (1989) ဟောင်ကောင်ရုပ်ရှင်ရဲ့ ရွှေခေတ်... ဂျွန်ဝူးရဲ့ရွှေခေတ်.... ချောင်ယွန်ဖတ်ရဲ့ရွှေခေတ်က အက်ရှင်ကားတစ်ကားပေါ့။ တစ်ချို့ကတော့ ဒီရုပ်ရှင်ကို ချောင်ယွန်ဖတ်ရဲ့ အကောင်းဆုံးကားလို့ သတ်မှတ်ကြတယ်။ဟောင်ကောင်အက်ရှင်တွေရဲ့ ဘုရင်ဟောင်းဂျွန်ဝူးရဲ့ Ratingအကောင်းဆုံးကားဆိုလည်း မမှားဘူး။ အဖွင့်မှာတင်ပါလာတဲ့ နောက်ခံသီချင်းလေးကလည်း တော်တော့်ကို ကောင်းတာပါပဲ။ ပုံစံကခပ်အေးအေး အကြည့်က ခပ်စူးစူးနဲ့ တစ်ချက်ပစ်ရင် လူတစ်ယောက်ထိကိုထိတဲ့ နာမည်ကျော်ကြေးစားလူသတ်သမားတစ်ယောက်ရှိတယ်။ စင်တင်စားသောက်ဆိုင်တစ်ခုမှာ ပစ်မှတ်ကို သွားသတ်ရင်း အဆိုတော်မလေးရဲ့ မျက်လုံးကို ကျည်နဲ့ ရှပ်ထိသွားပြီး ကောင်မလေးရဲ့ မျက်လုံးဟာ ကန်းတော့မယ့်လုဆဲဆဲ ဖြစ်သွားခဲ့တယ်။ လူသတ်သမားပေမဲ့ ကိုယ်ပိုင်စည်းမျဉ်းနဲ့ သိက္ခာရှိရှိနေတဲ့ ချောင်ယွန်ဖတ်ရဲ့ ကျည်ဟာ ဘယ်တော့မှ အပြစ်မရှိသူရဲ့ အရေပြားပေါ် မဖိတ်စဉ်ဖူးဘူး။ ဖိတ်စဉ်မိခဲ့ရင်လည်း သူ့တာဝန် သူယူတတ်တဲ့သူဆိုတော့ အနားယူဖို့စီစဉ်ထားပေမဲ့ ကောင်မလေးရဲ့ မျက်လုံးကို ပြန်ကုပေးဖို့ နောက်ဆုံးအလုပ်တစ်ခုကို လက်ခံလိုက်တယ်။ ကံဆိုးချင်တော့ နောက်ဆုံးအလုပ်မှာ သူ့ကိုခိုင်းတဲ့သူတွေက သူ့ကိုပြန်နှုတ်ပိတ်သတ်ဖို့ကြံရာက ရဲတွေရော ရာဇဝတ်ဂိုဏ်းတွေကပါ သူ့နောက်ကိုလိုက်ကြတော့တာပါပဲ။ ဇာတ်အိမ်က သူ့ခေတ်က ထူးပေမဲ့ နောက်ပိုင်း ဒီပုံစံတွေ တွေ့ဖန်မြင်ရများလို့ မဆန်းတော့တဲ့ ဇာတ်အိမ်ပါပဲ။ သို့ပေမဲ့ လတ်ဆတ်တုန်းက အပြုံးချိုချိုနဲ့ ချောင်ယွန်ဖတ်နဲ့ လိုက်ဖက်လွန်းနေတဲ့ သိက္ခာရှိတဲ့ ကြေးစားလူသတ်သမားဇာတ်ကောင်က ဒီဇာတ်လမ်းကို ဘယ်တော့မှမဟောင်းမယ့် ဇာတ်လမ်းတစ်ပုဒ်ဖြစ်သွားအောင် အရောင်တင်ပေးခဲ့တယ်။ သဘောကျစရာကောင်းတာက နောက်ပိုင်းကားတွေထဲက ဇာတ်လိုက်တွေလို လူလွန်မသားတွေ ဖြစ်မနေဘူး။ ကြမ်းတယ် ကျည်တစ်ချက်တစ်ကောင်သေတယ်။ သို့ပေမဲ့ ဒဏ်ရာလည်း အသေရတယ်.. ရရင်လည်း လူပီပီ နာပြကျင်ပြ ခံစားပြတယ်။ လူကိုး။ ခိုးကိုးရာမဲ့ချိန် တစ်ချိန်ချိန်မှာ စိတ်ရဲ့အမြင့်ကလည်း ပြုတ်ကျလာတတ်တာပဲ။ဒီအက်ရှင်ကားရဲ့ တစ်ချို့အခန်းတွေဟာ ရင်ထဲနင့်စရာ သိပ်ကောင်းတယ်။ ဂျွန်ဝူးဟာ သူ့ခေတ်သူ့အခါက တကယ်တော်ခဲ့တဲ့ ဆရာတစ်ပါးပါပဲ။ ရုပ်ရှင်ကိုတောင် ရိုက်နေရင်းမှ ဇာတ်ညွှန်းရေးခဲ့တဲ့သူ တစ်ယောက်ပါ။ နောက်ဒီရုပ်ရှင်ကို ရိုက်ရာမှာ ပီပီပြင်ပြင်ရှိစေဖို့ ဂျွန်ဝူးဟာ တကယ့်သေနတ်အစစ်တွေသုံးပြီး ရိုက်ခဲ့တယ်။ လမ်းမပေါ် ရိုက်တဲ့အချိန်ဆို ဖြတ်သွားဖြတ်လာ လူတွေကတောင် ဓားပြတိုက်နေတယ်လို့တောင် ထင်ခဲ့ကြတဲ့အထိပါပဲ။ 1991မှာ အနောက်ကလူတွေက ဒန်ဇယ်ဝါရှင်တန်နဲ့ Remakeလုပ်ဖို့ ကြံခဲ့ကြပါတယ်။ နောက်ကျ ဟောလိဝုဒ်က ဒန်ဇယ်နဲ့ Remake လုပ်ဖို့ အဆင်မပြေတော့ ကီယာနူးရိဗ်ကို ငှားခဲ့ပေမဲ့ သူကတော့ ငြင်းလိုက်ပါတယ်။ မငြင်းရင်လည်း အဆင်ပြေမယ်မထင်ပါဘူး။ သို့ပေမဲ့ ကီယာနူးရိဗ်ဟာ John Wickမှာမှ The Killerကို Inspiration ယူခဲ့တယ်။ အစမှာတော့ ချောင်ယွန်ဖတ်ရဲ့ အကောင်းဆုံးရုပ်ရှင်လို့ ပြောကြတာကို နည်းနည်းလွန်တယ် ထင်မိပေမဲ့ ဇာတ်အသိမ်းမှာတော့ ငြင်းဆန်နိုင်စွမ်း မရှိတော့ဘူး။ ဒါရိုက်တာဟာ ပြန်ပြောပြဖို့တော်တော်ခက်လိမ့်မယ့် အရသာတစ်ခုကို ထပ်ဆောင်းပေးခဲ့လိုက်ပြီ။ ဒီအရသာက ကျွန်တော် ဘယ်တော့မှ မေ့တော့မှာမဟုတ်တဲ့ အရသာတစ်ခုပဲ။ ရုပ်ရှင်အပြီးမှာ တစ်ခုသောစာသားကလေးကိုပဲ ကျွန်တော် ပြေး သတိရမိတယ်။ " ဘဝသည် နာကျင်ဖွယ်အတိနဲ့ ကြင်နာတတ်ကြောင်း ပြလိမ့်ဦးမည်"တဲ့...... (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.3GB, 890MB Quality - 1080p, 720p IMDb Rating - 7.8/10 Format - mp4 Duration - 1H 51Min Type - Action, Crime, Drama Subtitle - Myanmar Subtitle (Hardsub) Translated by WiRa Aung Encoded by Y

ဒီဇာတ်ကားဟာ စတီဖင်ချောင် ဆက်ရိုက်ကူးမယ့် God of Gamblers ဇာတ်ကားတွေရဲ့ အစပထမဇာတ်ကားပါ။ ဒီဇာတ်ကားထဲမှာ စတီဖင်ချောင်မပါသေးပါဘူး။ ချောင်ယွန်ဖက်ကို အဓိကဇာတ်ဆောင်အဖြစ် လောင်းကစားဘုရင်အနေနဲ့မြင်တွေ့ရမှာပါ။ Andy Lau လဲပါဝင်ထားပြီး  Action,Comedy,Drama အမျိုးအစားဇာတ်ကားပါ။ God of Gamblers ဇာတ်ကား (၃) ကားလုံးကို https://channelmyanmar.org/?s=god+of+gamblers မှာရှာပါ။   File Size...(950MB) and (440MB) Quality...BluRay Rip 720p Format...mp4 Duration...02:06:00 Subtitle...Myanmar Subtitle(Hardsub) Encoder...Nyeinsaeya Aung Translated by Missy Win

ဝါရင့်ရဲအရာရှိ ဖရန်စစ်လီကတော့ အလုပ်မှာ အတွေ့အကြုံများပေမယ့် ပျင်းရိတဲ့စရိုက်ရှိသူဖြစ်ပြီး မိန်းကလေး လိုက်စားရတာ ဝါသနာပါတဲ့သူတစ်ယောက်ပါ တ​နေ့မှာ​တော့ ကိုယ်ခံပညာ အရမ်းတော်တဲ့ လူငယ်ရဲအရာရှိ မိုက်ကယ် ဆိုသူနဲ့ အတူတွဲဖက်တာဝန်ပေးခံရပါတယ် အစပိုင်းမှာ နှစ်ယောက်စလုံး အမြင်မတူဘဲ မကြာခဏ ရန်ဖြစ်နေကြပေမယ့် ဘိန်းဖြန့်ချီသူ မြွေဆိုး ပင်း ဆိုတဲ့လူ ​သတ်ဖြတ်ခံရတဲ့အမှုကို စုံစမ်းရင်း အတူတကွ ပူးပေါင်းလုပ်ဆောင်လာကြပါတယ် ဒီအမှုကိုစုံစမ်းရင်း မြွေဆိုးပင်းရဲ့ညီမ မေရီဒေါနား ဆီကနေ သဲလွန်စရရှိပြီး သူ့ရဲ့ပူး​ပေါင်းထွက်ဆိုချက်ကြောင့် မူးယစ်ဂိုဏ်းခေါင်းဆောင် "ဂျော်နီလော" ကို ဖမ်းဆီးနိုင်ခဲ့ပါတယ် ဒါပေမယ့် ဂိုဏ်းသားတွေက လက်စားချေဖို့ ကြိုးစားလာပြီး မေရီဒေါနားနဲ့ ဖရန်စစ်လီရဲ့ ညီမတွေကိုပါ ပစ်မှတ်ထားလာခဲ့​ကြပါတယ် နောက်ဆုံးမှာတော့ ဖရန်စစ်လီနဲ့မိုက်ကယ်တို့က သူတိုမစ်ရှင်အောင်မြင်ဖို့နဲ့ မိန်းကလေးနှစ်ယောက်ကို ကယ်တင်ဖို့ ရာဇဝတ်ဂိုဏ်းကို ဘယ်လိုကြိုးစားပြီး အပြင်းအထန် တိုက်ခိုက်ကြမလဲဆိုတာကတော့... အကြမ်းစား Action ဇာတ်ကားမျိုး ကြိုက်တယ်ဆိုရင်တော့ ဒီကားလေးက perfect မို့ ညွှန်းပေးလိုက်ပါတယ်

ဂျက်ကီလောင် (ဂျက်ကီချန်း) ဟာ အရည်အချင်းရှိတဲ့ရှေ့နေတစ်ယောက်ဖြစ်ပါတယ်။ တနေ့မှာတော့ ဓာတုဆေးဝါးထုတ်လုပ်တဲ့ကုမ္မဏီဘက်က ရှေ့နေလိုက်ပေးဖို့ဖြစ်လာပါတယ်။ ဝါကုမ္မဏီက စွန့်ပစ်တဲ့ ဓာတုအကြွင်းအကျန်တွေက ရေထဲစီးဆင်းလာပြီး ငါးမွေးမြူရေးလုပ်ငန်းလုပ်ကိုင်နေတဲ့ မစ္စရီတို့အတွက် အကြီးအကျယ်ထိခိုက်စေပြီး ငါးတွေအမြောက်အမြားသေဆုံးရတဲ့အတွက် မစ္စရီတို့ ညီအစ်မက ဝါဓာတုဆေးဝါးကုမ္မဏီကို တရားစွဲပါတော့တယ်။ ဒီအချိန်မှာ ဂျက်ကီက ဓာတုဆေးဝါကုမ္မဏီဘက်က ရှေ့နေလိုက်ပေးပြီး မစ္စရီရဲ့ ဝမ်းကွဲညီမ တဖြစ်လည်း ငါးလုပ်ငန်းဘက်ကရှေ့နေဖြစ်တဲ့ ဝမ်မေလင်းကို သဘောကျသွားပါတော့တယ်။ ဒီလိုနဲ့ တရားလိုရှေ့နေနှင့် တရားပြိုင်ရှေ့နေဖြစ်တဲ့ သူတို့နှစ်ယောက် ချစ်မိသွားကြမလား ဘယ်ဘက်က တရားနိုင်သွားမလဲ ဓာတုဆေးဝါးကုမ္မဏီနောက်ကွယ်မှာရော ဘာလျှို့ဝှက်ချက်တွေရှိနေမလဲဆိုတာ ဂျက်ကီချန်းကားသဘာဝအတိုင်း ပေါ့ပေါ့ပါးပါး ရယ်ရယ်မောမော ကြည့်ရမယ့် ဟောင်ကောင်ဇာတ်မြူးလေးတစ်ပုဒ်ဖြစ်ပါတယ်။ ဘာသာပြန်ဆိုသူကတော့ Matteo ဖြစ်ပါတယ်။ File size…(4.8 GB)/(1.5 GB) Quality….Webrip 1080p / 720p Format…mp4 Duration….01:41:00 Genre...Action, Comedy, Romance Subtitle….Myanmar Subtitle (Hardsub) Encoder….Garfield Translated by Matteo

Prison on Fire (1987) IMDb - 7.3/10 Rotten - 87% IMDB 7.3 ရထားတဲ့ ဒီကားလေးကတော့ တရုတ်ကားလေးပါ၊ Action Drama အမျိုးအစားပါ ၁၉၈၇ ခုနှစ်ကရိုက်ထားတာကြောင့် အခုခေတ်ထောင်ကားတွေနဲ့နည်းနည်းကွဲပြားနေပါတယ် ထောင်ထဲမှာမိတ်ဆွေဖြစ်သွားပြီး ထောင်ထဲရင်ဆိုင်ရတဲ့အခက်အခဲတွေကိုရိုက်ပြထားတာပါ ဒီကားထဲမှာ တရုတ်နိုင်ငံရဲ့မင်သားကြီး ချောင်ရွန်ဖတ်နဲ့နောက်တစ်ယောက်က Leung Ka-fai ကအဓိကပါဝင်သရုပ်ဆောင်ထားပါတယ် ဇာတ်လမ်းအကျဉ်းကတော့ လူငယ်လေးတစ်ယေက်မတော်တဆလူသတ်မိပြီးထောင်ကျသွားတယ် လူသစ်ဆိုတော့ ဝိုင်းအနိုင်ကျင့်တယ် အဲ့ဒါကို ချောင်ရွန်ဖတ်က ကာကွယ်ပေးတာပါ ဒီလူငယ်လေး ဘယ်လိုအနိုင်ကျင့်ခံရတယ် ချောင်ရွန်ဖတ်ကလဲ ဘယ်လိုကာကွယိပေးတယ်ဆိုတာကို ပရိသတ်ကြီးဆက်လက်ကြည့်ပေးကြပါဦး Quality - 720p Web DL Format - Mp4 Gern - Action/Crime/Drama Duration - 1hr 44min Translator - Tin Myo Lwin Encoder -Kyaw Ye Aung

A Better Tomorrow II (1987) IMDb Rating - 7.3 Directed By John Woo ဂျွန်ဝူးရဲ့ ဂန်းကားတွေမှာ ကျွန်တော်အကြိုက်ဆုံး အချက်ကိုပြောရရင် သူ့ထဲက ‌ဇာတ်ကောင်တွေ, အထူးသဖြင့် ချောင်ယွန်ဖတ်ရဲ့ ဇာတ်ကောင်တွေဟာ မိတ်ကောင်းဆွေကောင်း အရမ်းဆန်ပြီး သူတို့မိတ်ဆွေတွေအတွက် အသက်ကိုတောင် မမှုတဲ့လူတွေ ဖြစ်နေတာကိုပါပဲ။ ကျွန်တော်တို့ရော အဲဒီလောက် မိတ်ဆွေကောင်းပီသနိုင်ပါ့မလား,အဲဒီလို မိတ်ဆွေမျိုးရော ရနိုင်ပါ့မလား,မသေချာပေမဲ့ သူတို့တွေရဲ့ မိတ်ဆွေကောင်းပီသမှုကတော့ ကျွန်တော်တို့ရင်ထဲကို အနည်းနဲ့အများတော့ ထိလောက်မှာပါပဲ။ ချောင်ယွန်ဖတ်ဟာ လက်တွေ့ဘ၀မှာလည်း ကိုယ်ကျိုးမကြည့်တဲ့ လူကောင်းတစ်ယောက်ပါ။လက်ရှိထိ နာမည်အကြီးဆုံး သက်တမ်းအရင့်ဆုံး မင်းသားကြီးပေမဲ့ ဟောင်ကောင်ရဲ့လမ်းမတွေ မုန့်ဆိုင်တွေမှာ ရိုးရိုးကုတ်ကုတ်ပုံစံနဲ့ပဲ တွေ့ရတတ်တယ်။ သူသေပြီးရင် သူ့စည်းစိမ်တွေအားလုံးကို ပရဟိတအဖွဲ့တွေကို ပေးပစ်ဖို့ပါ အစီအစဉ်ချထားတဲ့သူပါ။ သူရှာထားသမျှတွေကို သူ့ကိုယ်ကျိုးအတွက် သုံးတာ အင်မတန်နည်းတယ်လို့လည်း ငယ်ငယ်က သတင်းစာမှာ ဖတ်ခဲ့ဖူးတယ်။ ဒီလိုသဘောထားကြီးတဲ့ ချောင်ယွန်ဖတ်ဟာ ရုပ်ရှင်ထဲက သဘောထားကြီးတဲ့ ကာရိုက်‌တာတွေနဲ့ လိုက်ဖက်ညီညွတ်နေတာ ဆန်းလှတယ်တော့လည်း မဟုတ်ပါဘူး။ A Better Tomorrow ကားတွေဟာ အပစ်အခတ်တွေ သွေးသံရဲရဲတွေ ပြည့်နေပေမဲ့ သူရဲ့ themeလို ဖြစ်နေတဲ့ မိတ်ကောင်းဆွေကောင်းတွေ သံယောဇဉ်တွေကိုတော့ မပစ်ပယ်ဘူး။ 1က castအကြမ်းတွေဖြစ်တဲ့ ချောင်ယွန်ဖတ်၊တီလုံး၊ လတ်စလီချောင်တို့အပြင် Dean Shrek တို့ Na Man-tak ခေါ် မနှစ်ကတင် ဆုံးပါးခဲ့တဲ့ စတီဗင်ချောင်နဲ့ တွဲနေကျ အန်ကယ်တက်ခ်တို့လည်း အားဖြည့်ထားတယ်။ မရှိတော့ပြီဖြစ်တဲ့ Legend ပေါင်းများစွာကို မြင်ရမယ့် ရုပ်ရှင်ပါပဲ။ ဇာတ်လမ်းသွားကလည်း Heroic Bloodshed Genreကြိုက်တဲ့သူတွေ ဂျွန်ဝူး စတိုင်ကြိုက်တဲ့သူတွေအတွက် ငြိစေဦးမယ့် ဇာတ်လမ်းပါပဲ။ ဒီဇာတ်ရှင်မှာ ဂျွန်ဝူးနဲ့ ပရိုဂျူဆာ Tsui Harkတို့ သဘောထားကွဲလွဲမှုအတော်များခဲ့ပါတယ်။ ဒီရုပ်ရှင်အပြီးမှာ သူတို့တွေ သီးခြားခွဲထွက်ပြီး A better tomorrow 3ကို Tsui Harkက ဆက်ရိုက်ပြီး ဂျွန်ဝူးက သူရဲ့နာမည်ကျော် The Killerကို ရိုက်ဖြစ်သွားခဲ့ပါတယ်။ A Better Tomorrow‌စီးရီးတွေလို နာမည်ကျော်တွေ မြိုင်မြိုင်ဆိုင်ဆိုင် မသုံးထားပေမဲ့ ဂျွန်ဝူးနဲ့ ချောင်ယွန်ဖတ်တို့ရဲ့ လိုက်ဖက်ညီမှုကြောင့် The Killerဟာ တစ်ကမ္ဘာလုံးအနှံ့ ပေါက်သွားခဲ့ပါတယ်။ ပသို့ပဲဆိုဆို ဟောင်ကောင်ရုပ်ရှင်လောကရဲ့ ဂန်းရုပ်ရှင်‌တွေကို တစ်ခေတ်ဆန်းစေခဲ့တဲ့ ဂျွန်ဝူးရဲ့ ပိုလှမယ့်မနက်ဖြန်ရော အခါနှောင်းခဲ့လေပြီဖြစ်သော လတ်စလီချောင် သီဆိုခဲ့ဖူးပြီး မပိုင်ဆိုင်လိုက်ရတဲ့ ပိုလှမယ့်မနက်ဖြန်ရောဟာ ဟော‌င်ကောင်ရုပ်ရှင်သမိုင်းမှာ ထင်ကျန်နေဦးနေမယ့် ကျွန်တော်တို့ရင်ထဲ နောက်နှစ်များစွာတိုင် ထင်ကျန်နေဦးမယ့် အစားထိုးမရနိုင်တဲ့ ပိုလှမယ့်မနက်ဖြန်တွေပါပဲ...။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.6GB, 1GB Quality - 1080p, 720p IMDb Rating - 7.3/10 Format - mp4 Duration - 1H 45Min Type - Action, Crime, Drama Subtitle - Myanmar Subtitle (Hardsub) Translated by WiRa Aung Encoded by Y

Tragic Hero (1987) ~ IMDb - 6.3/10, Rotten Tomatoes - 58% ~ ၁၉၈၆မှာ ဂျွန်ဝူးရဲ့ A Better Tomorrow ရဲ့အောင်မြင်မှုနဲ့အတူ Heroic Bloodshed ရုပ်ရှင်တွေရဲ့ သဏ္ဍာန်ကပိုပေါ်လာပြီး ချောင်ယွန်ဖတ်ရဲ့ အောင်မြင်မှုလည်း တဟုန်ထိုးတက်လာပြီးတဲ့နောက် ၁၉၈၇မှာ ချောင်ယွန်ဖတ်ကားတွေမနည်းရိုက်ခဲ့တယ်။ An Autumn's Tale, City on Fire, Tragic Hero, Rich and Famous, Flaming Brothers, A Better Tomorrow II တို့တွေပေါ့။ အဲဒီထဲက An Autumn's Tale ကလွဲလို့ ကျန်တဲ့ကားတွေအကုန် Heroic Bloodshed ကားတွေချည်းပဲ။ ပြောရရင် ညီအစ်ကိုစိတ်ဓာတ်တွေ၊ သူရဲကောင်းဆန်တဲ့လုပ်ရပ်တွေနဲ့ ပစ်ခန်းခတ်ခန်းကြမ်းကြမ်းတွေ တွဲဖက်ပါဝင်နေတဲ့ ရုပ်ရှင်တွေ။ ဒီကားတွေထဲက ၂ကားကတော့ အဆက်တွေ။ Rich and Famous နဲ့ Tragic Hero တို့တွေပေါ့။ Tragic Hero က လပိုင်းလောက်စောပြီး အရင်ထွက်ပေမဲ့ ဇာတ်အရဆို သူက ၂ပဲ။ တစ်နှစ်တည်းထွက်တာဆိုတော့ ဘာလို့ဒါကိုအရင်ထုတ်လိုက်လဲတော့ မပြောတတ်ဘူး။ ဒါပေမဲ့သေချာတာက Tragic Hero ကြည့်ပြီးရင် Rich and Famous ကိုကြည့်ဖို့ မလိုလောက်တော့ဘူး။ Tragic Hero ကို ရိုက်ထားတာက တေလာဝေါင်။ Behind the Yellow Line ဒါရိုက်တာ။ ကောင်းတာတွေလည်းရိုက်တယ်။ မကောင်းတာတွေလည်းရိုက်တယ်။ အတော်ကြီးလည်းမဟုတ်ဘူး။ ကောင်းတာတွေလည်းရှိတယ်။ ဒီကားက သူ့ကောင်းတဲ့ ၃ ၄ ကားထဲဝင်တယ်။ သရုပ်ဆောင်တွေကတော့ ချောင်ယွန်ဖတ်နဲ့ အန်ဒီလောင်။ ညီအစ်ကိုစိတ်ဓာတ်တွေ သဘောထားကြီးတာတွေနဲ့ပတ်သက်ရင် ချောင်ယွန်ဖတ်က ခွဲပစ်လို့မရတဲ့ မင်းသားပဲ။ သူက အဲဒီလိုဇာတ်ရုပ်တွေနဲ့ တော်တော်လေးလိုက်ဖက်တယ်။ အန်ဒီလောင်ကတော့ ထုံးစံအတိုင်း အက်ရှင်ကားတွေထဲက အန်ဒီလောင်ပါပဲ။ ဝေါင်ကာဝေးနဲ့ရိုက်ရိုက် ဂျွန်နီတိုနဲ့ရိုက်ရိုက် ဘန်နီချန်းနဲ့ရိုက်ရိုက် ဒီလိုကားတွေဆို အန်ဒီလောင်က အန်ဒီလောင်လို့ပဲပြောရမယ့်အထိ အန်ဒီလောင်ပီသတဲ့ပုံအတိုင်းပါပဲ။ ဇာတ်ကတော့ ဟောင်ကောင်ဂိုဏ်းစတားလောကမှာ ထိပ်သီးဖြစ်ခဲ့တဲ့ ချောင်ယွန်ဖတ်မှာ လက်ရုံး၂ယောက်ရှိခဲ့တယ်။ အန်ဒီလောင်နဲ့ နောက်တစ်ကောင်ပေါ့။ သူတို့က ညီအစ်ကိုတွေ။ အဲဒီ၂ယောက်မှာ အန်ဒီလောင့်အစ်ကိုက ချောင်ယွန်ဖတ်ကို သစ္စာဖောက်သွားတယ်။ အင်အားလည်းကြီးလာတယ်။ စီးပွားရေးဘက်ပဲ အာရုံစိုက်နေတဲ့‌ ချောင်ယွန်ဖတ်အတွက်လန့်စရာဖြစ်လာတယ်။ ရှောင်လွှဲပေမယ့် ရှောင်လွှဲလို့မရဘဲ ထိပ်တိုက်ရင်ဆိုင်ရတဲ့အခါ သူ့မှာရှိသမျှအရာအားလုံးဆုံးရှုံးရဖို့ဖြစ်လာတယ်။ အဲဒီနောက် ပြန်တိုက်ခိုက်တဲ့အကြောင်းပေါ့။ ဒီလိုဇာတ်လမ်းတွေရဲ့ ပုံသေနည်းအတိုင်း မင်းသားခံရ ပြန်ထလာ ပြန်ချဆိုက်ပဲ။ Heroic Bloodshed ကားပီသစွာပဲ Battle Scene တွေက တော်တော်ကြမ်းကြမ်းပြထားတယ်။ ဂျွန်ဝူးကားတွေကြိုက်ရင် ကြည့်သင့်တယ်လို့ပဲပြောရမယ်။ အဲဒီပုံစံနဲ့ခပ်ဆင်ဆင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.05GB, 840MB Quality - 1080p, 720p IMDb Rating - 6.3/10 Format - mp4 Duration - 1H 37Min Genre - Action, Crime, Drama Subtitle - Myanmar Subtitle (Hardsub) Translated by WiRa Aung Encoded by Y

ဘောလုံးသမားသူငယ်ချင်းနှစ်ယောက်ဖြစ်တဲ့ "ရိုဘာတို" နဲ့ "ဖာ" တို့ဟာ အရက်သောက်ရင်း သူတို့ရဲ့ အိမ်ထောင်ရေးပြဿနာတွေကို ရင်ဖွင့်ကြပါတယ် ရိုဘာတိုက သူ့မိန်းမရဲ့ အမြဲတမ်း ဆူပူပြောဆိုမှုတွေကို မခံနိုင်သလို ဖာ ကလည်း သူ့ရဲ့ မိန်းမအပေါ် အရမ်းသံသယဝင်ပြီး သဝန်တိုနေတတ်ပါတယ် အရက်မူးနေတုန်းမှာ သူတို့နှစ်ယောက်ဟာ တစ်ယောက်ရဲ့မိန်းမကို တစ်ယောက်က သတ်ပေးမယ်ဆိုတဲ့ သဘောတူညီချက်တစ်ခု လုပ်မိကြပါတယ် နောက်နေ့မှာတော့ ဖာ က ရိုဘာတို ရဲ့မိန်းမကို သတ်မိပြီလို့ ထင်သွားပေမယ့် အမှန်တကယ်တော့ အဲဒီလို မဟုတ်နေခဲ့ပါဘူး ဒါပေမဲ့ ဒီအမှားကို မသိကြတဲ့ သူတိုနှစ်ယောက်ဟာ တစ်ယောက်ရဲ့မိန်းမကို တစ်ယောက် သတ်ဖို့ ကြိုးစားတဲ့ အစီအစဉ်မျိုးစုံကို ဆက်တိုက်ကြံစည်ကြပါတော့တယ် လူသတ်ဖို့ ကြိုးစားရင်း နားလည်မှုလွဲမှားတာတွေ မမျှော်လင့်ထားတဲ့ အခြေအနေတွေကြောင့် ရယ်စရာဖြစ်ရပ်​တွေ ဖြစ်လာပြီး နောက်ဆုံးမှာတော့ သူတိုရဲ့ အကြံအစည်တွေ ဘယ်လိုအဆုံးသတ်မလဲဆိုတာကို စိတ်ဝင်စားဖွယ် ကြည့်ရှုရတဲ့ comedy ဇာတ်ကားတစ်ကား ဖြစ်ပါတယ်

ဒီတစ်ခေါက်ကတော့ ကွန်ဖူးအက်ရှင်ကားကြိုက်တဲ့ သူတွေအတွက် အပျင်းပြေစေမယ့် ရုပ်ရှင်လေးတစ်ကားပါ ၁၉၈၆ ခုနှစ်ကထွက်ခဲ့ပြီး ကွန်ဖူးရုပ်ရှင်လောကရဲ့ ဆရာတစ်ဆူဖြစ်တဲ့ Bruce Lee ရဲ့ သားဖြစ်သူ Brandon Lee ခေါင်းဆောင်မင်းသားအနေနဲ့ ပထမဆုံးရိုက်ကူးခဲ့တဲ့ ရုပ်ရှင်လည်းဖြစ်ပါတယ်။ ဇာတ်လမ်းကတော့ သာမာန် ကွန်ဖူးအက်ရှင် ဇာတ်လမ်းဆိုပေမယ့် Brandon lee ရဲ့ သရုပ်ဆောင်ကွက်တွေနဲ့ တိုက်ခိုက်ရေးဟန်တွေမှာ ဖခင်ဖြစ်သူရဲ့ ပုံရိပ်တွေကို ထင်ဟပ်နေတာကြောင့် Bruce Lee ကိုလေးစားအားကျရတဲ့သူတွေအတွက်တော့ အလွမ်းပြေစေမှာပါ။ Crow ဇာတ်ကားနဲ့ အောင်မြင်မှုတော်တော်ရခဲ့တဲ့ Brandon Lee ကိုချစ်တဲ့ ပရိသတ်တွေအနေနဲ့လည်း ဒိရုပ်ရှင်ကြည့်ပြီး သူ့ကို ပြန်လည်အမှတ်ရစေဖို့ ရည်ရွယ်ပြီး တင်ဆက်ပေးလိုက်ပါတယ်။ T Hmue မှ ဘာသာပြန်၊ အညွှန်းရေးသည် File size…(1.8 GB)/(1 GB) Quality….Blu-Ray  1080p / 720p Format…mp4 Duration….01:30:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by T Hmue

A Better Tomorrow (1986) ~ IMDb - 7.5/10, RT - 93%, Meta - 78% ~ ကျွန်တော်တို့ ငယ်ငယ်ကတော့ ဂျက်လီတို့ ဂျက်ကီချမ်းတို့ ချောင်ယွန်ဖတ်တို့ကားတွေ ခေတ်စားခဲ့တာပေါ့။ ဘူမသိ ကိုးမသိ ငယ်ဘ၀ကတော့ ချောင်ယွန်ဖတ်ကို ဆရာကျမှန်း မသိခဲ့သေးပေမဲ့ ဆေးလိပ်မီးကို ဒေါ်လာတစ်ရာတန်နဲ့ ဟန်ပါပါညှိပြသွားတဲ့ ချောင်ယွန်ဖတ်ရဲ့ဟန်ကိုတော့ ကျွန်တော်တို့တွေ အတော်ညိခဲ့ကြတယ်။ Redcliff 1 2, face/off , Hard boiled, The Killer, Bullet in the Head တို့ကို ရိုက်ခဲ့တဲ့ နာမည်ကျော် အက်ရှင်ဒါရိုက်တာဖြစ်တဲ့ ဂျွန်ဝူးကိုတော့ မသိတဲ့လူ မရှိလောက်ပါဘူး။ ဂျွန်ဝူးဟာ ကိုယ်ပိုင် Themeရှိတဲ့ ဒါရိုက်တာပါ။ သူ့Theme ကိုတော့ Heroic Bloodshed Theme လို့ခေါ်ပါတယ်။ ဒီကားဟာ သူ့Themeရဲ့ ကနဦးကားပါပဲ။ ဒါကြောင့်လည်း သမိုင်းကြီးပါတယ်။ (မာဗယ်မှာ မန်ဒရင်းလုပ်မယ့် တိုနီလျောင်ချူဝေနဲ့ ဂျွန်ဝူး တွဲရိုက်ထားတဲ့ မာစတာပိစ်တစ်ကားဖြစ်တဲ့ Bullet In The Head ကိုလည်း များမကြာမီ တစ်နှစ် နှစ်နှစ်အတွင်း တင်ဆက်သွားပါဦးမယ်) သို့ပေမဲ့ ဒီရုပ်ရှင်ဟာ သမိုင်းတွင်ရုပ်ရှင်ပါပဲ။ ဘာလို့ဆို ဒီရုပ်ရှင်ကို ရိုက်တဲ့အချိန်မှာ ချောင်ယွန်ဖတ်က ကားရိုက်သာများပြီး တစ်ကားမှ ထင်သလောက် မပေါက်တဲ့သူဖြစ်နေပြီး ဂျွန်ဝူးကတော့ ဟာသဒါရိုက်တာဖြစ်နေခဲ့တာပါ။ နောက် အရင်က သိုင်းကားတွေသာ ရိုက်ခဲ့တဲ့ မင်းသားကြီး Ti Lungကလည်း ကျစပြုလာပါပြီ။ လတ်စလီချောင်ဆို အဆို‌တော်ဘ၀က လိုင်းကူးခါစ ဒီရှေ့ကားတွေမှာ လူမသိ သူမသိတွေချည်းပါပဲ။ ဒီလိုအကျဘက်ရောက်နေတဲ့သူတွေစုရိုက်ပြီး ၀က်၀က်ကွဲ အောင်မြင်သွားခဲ့လို့ သမိုင်းမှတ်တိုင်ကြီးတစ်ခုဖြစ်ခဲ့ပါတယ်။ A Better Tomorrowဟာ Remake ပြန်ပြန်အလုပ်ခံရတဲ့ ဂန္တ၀င်အက်ရှင်ကား တစ်ကားပါပဲ။ ဇာတ်အိမ်ကတော့ ဂျွန်ဝူးပီပီသသ ကြမ်းကြမ်းရမ်းရမ်းတွေထဲမှာမှ ခံစားချက်တွေကို သွားသွားခလုတ်တိုက်ဦးမယ့် ဇာတ်အိမ်မျိုးပဲပေါ့... Castတွေက ရှယ်တွေချည်းပါပဲ။ ဟိုးခေတ်က နာမည်ကြီးခဲ့တဲ့ Ti Lung, ချောင်ယွန်ဖတ်, အချိန်မတန်ခင် အခါနှောင်းခဲ့လေသော လတ်စလီချောင်, တစ်ခါက မမ အမ်မလီချူး, နောက် ဂျွန်ဝူးကိုယ်တိုင်လည်း ပါ၀င်သရုပ်ဆောင်ထားပါတယ်။ (နောက်ရက်ထဲမှာ လတ်စလီချောင်ရဲ့ မာစတာပိစ်အဖြစ်ဆုံး ရုပ်ရှင်တစ်ကားကိုလည်း တင်ဆက်ပေးသွားဖို့ရှိပါတယ်) ဟောင်ကောင်ဟာသဘုရင် စတီဖင်ချောင်နဲ့ ဝေါင်ကာဝေးရဲ့ အချစ်တော်ကြီး တိုနီလျောင်ချူဝေတို့လည်း တစ်ခန်းစ ပါပါတယ်။ (ဂျွန်ဝူးရဲ့ A Better Tomorrowဟာ Trilogy ထွက်ထားပြီး ဒါက ပထမဆုံးကားပါ။ K-Drama စီးရီးတစ်ခုဖြစ်တဲ့ Reply 1988မှာ သူတို့ခေတ်က လူငယ်တွေအကုန်လုံး သဘောကျခဲ့ကြတယ်ဆိုတဲ့ A Better Tomorrow 2 ကိုဆက်ကြည့်ချင်ရင်တော့ တောင်းဆိုသူများရင် ဆက်လက်တင်ဆက်သွားပါမယ်။) [ P.S - ဒီကားမှာ စတီဗင်ချောင်ပါပါတယ်။ သူ့ရဲ့ King Of Comedy ထဲကလို Comedian တစ်ယောက်ရဲ့ ခက်ခဲကြမ်းတမ်းခဲ့တဲ့ ကာလတုန်းကပေါ့။ သေသေချာချာကြည့်ပါ။ တစ်နေ‌နေရာမှာတော့ ခင်ဗျားတို့ ချောင်ကို ဖြတ်ခနဲတွေ့ရမှာပါ။ သို့ပေမဲ့ အဲဒီကြည့်တဲ့ သေသေချာချာဆိုတာ 0.5 speed နဲ့ ဖြစ်ဖို့တော့လိုပါတယ်။ ] (..........) = ကြော်ငြာ (အညွှန်းရေးပေးထားသူကတော့ WiRa Aung ဖြစ်ပြီး ဘာသာပြန်သူကတော့ d3mon ဖြစ်ပါတယ်) Click here now Size - 1.6GB, 1.1GB Quality - 1080p, 720p IMDb Rating - 7.5/10 Format - mp4 Duration - 1H 35Min Type - Action, Crime Subtitle - Myanmar Subtitle (Hardsub) Translated by d3mon Encoded by Y

ဂရိနိုင်ငံကို လုပ်ငန်းကိစ္စနဲ့ အလည်အပတ် သွားခဲ့တဲ့ခရီးကအပြန် ထူးဆန်းတဲ့ ကျောက်စိမ်းတုံးတစ်ခု ရောပါလာရာကနေ ပြဿနာတွေ စလာပါတယ်။ အဲဒီကျောက်စိမ်းတုံးနောက်ကို တိုက်ခိုက်ရေးသိုင်းပညာရှင်တစ်ယောက်က အသည်းအသန် လိုက်လာနေတာပါ။ Andy Lau သရုပ်ဆောင်ထားတဲ့ ဇာတ်ကောင်နဲ့ တိုက်ခိုက်ရေးကျွမ်းကျင်တဲ့ ရဲမေတစ်ယောက်တို့ သူ့ရန်ကို ဘယ်လိုခုခံကြမလဲ။ ကျောက်စိမ်းတုံးက ဘယ်ကရောက်လာတာလဲ၊ ဘယ်နေရာကို ပြန်ထားရမှာလဲဆိုတာတွေလည်း ရှာဖွေရဦးမှာပါ။ ၁၉၈၆ ခုနှစ်ထွက် ဟောင်ကောင်အက်ရှင်စွန့်စားခန်းဇာတ်ကားဖြစ်ပြီး ဒါရိုက်တာက ဝေါင်ကျင်းပါ။ စတီဖင်ချောင်ရဲ့ God of Gamblers၊ Royal Tramp၊ Tricky Master နဲ့ Tricky Brain တို့ကို ရိုက်ကူးခဲ့သူလည်း ဖြစ်ပါတယ်။ ဒီကားမှာ Andy Lau နဲ့ Sharla Cheung တို့အပြင် ဝေါင်ကျင်းကိုယ်တိုင်လည်း ပါဝင်သရုပ်ဆောင်ထားတယ်။ Andy Lau ရဲ့ As Tears Go By မတိုင်မီ နှစ်နှစ်က ရိုက်ထားတဲ့ကားဖြစ်ပြီး ဟာသနဲ့ အက်ရှင်ကြားမှာ ရှေးဟောင်းသုတေသနသမားတွေ ပါဝင်တဲ့ စွန့်စားခန်းတွေကိုပါ တွေ့ရပါတယ်။

ဒီဇာတ်ကားလေးကတော့အချစ်ဟာသဇာတ်ကားလေးပါ။ ထွက်ထားတာကြာပြီဆိုပေမဲ့ ကြည့်လိုကောင်းနေဆဲပါပဲ။ ၁၉၂၇ခုနှစ်မှာ ဂျပန်တွေက ရှန်ဟိုင်းကိုဗုံးဝင်ကြဲတဲ့အချိန်... တံတားအောက်မှာပုန်းခိုကြရင်း အချစ်ဇာတ်လမ်းတစ်ခုဖြစ်သွားတဲ့သာမညစစ်သားကောင်‌လေးတစ်ယောက်နဲ့ ကောင်မလေးအကြောင်းဖြစ်ပါတယ်... စစ်ပွဲကြီးပြီးသွားရင်ပြန်တွေ့ကြမယ်လို့ ကတိပေးထားကြရင်း တကယ်စစ်ပွဲပြီးသွားတဲ့အခါ... သူတို့အိပ်မက်တွေတကယ်ပဲဖြစ်လာမလားဆိုတာကို အလွဲလေးတွေတချိုနဲ့ကြည့်ရမဲ့အချစ်ဟာသဇာတ်ကားကောင်းလေးတစ်ခုပါ။ File size…(2.7 GB)/(1.6 GB) Quality….Blu-Ray 1080p / 720p Format… mp4 Duration…. 01:43:00 Genre... Comedy, Romance Subtitle….Myanmar Subtitle (Hardsub) Encoder….Garfield Translated by Satt