Viola Davis ပါဝင်သော ဇာတ်ကားများ

G20 (2025) IMDb Rating (5.1) / Rotten Tomatoes (50%) The Woman King ထဲက မင်းသမီးကြီး Viola Davis ရဲ့ အက်ရှင်ကားသစ်ပါ။ အထာကတော့ White House Down တို့ London has fallen တို့လိုအထာပါပဲ။ ဂျီ-၂၀ အစည်းအဝေးလုပ်ချိန်မှာ ကမ္ဘာခေါင်းဆောင်တွေကို အကြမ်းဖက်သမားတွေက ပြန်ပေးဆွဲတဲ့ဇာတ်လမ်းပါပဲ။ ဗီလိန်ကတော့ The Boys ထဲက ဟုမ်းလန်ဒါကြီးဖြစ်တဲ့ Antony Starr ပါပဲ။ ဒါပေမဲ့ ဒီဇာတ်လမ်းမှာတော့ သမ္မတတွေကိုကယ်မှာ အထူးတပ်ဖွဲ့မဟုတ်ပါဘူး စစ်ပြန်ဘဝကနေ အမေရိကန်သမ္မတဖြစ်လာတဲ့ မင်းသမီးက ကယ်မှာပါ။ ဇာတ်လမ်းအကျဉ်း စစ်ပြန် စစ်သူရဲကောင်းအဖြစ်ကနေ သမ္မတဖြစ်လာတဲ့ ဒန်နီရယ်ဆက်တန်ဟာ တောင်အာဖရိကမှာ ဂျီ-၂၀ အစည်းအဝေးတက်ဖို့ သွားခဲ့ပါတယ်။ အဲဒီမှာပဲ အကြမ်းဖက်တစ်ဖွဲ့က ပိပိရိရိ ဝင်စီးပြီး ခေါင်းဆောင် ၂၀ လုံးကို ဓားစာခံအဖြစ် ဖမ်းပါတော့တယ်။ အကြံကတော့ ကမ္ဘာ့ငွေကြေးဈေးကွက်ကို ဖျက်ပြီး ခရစ်ပတိုတွေနဲ့ ဘီလီယံနာ လုပ်ဖို့ပါပဲ။ နိုင်ငံခေါင်းဆောင်အကုန်ပါနေတော့ အပြင်က ကယ်ဆယ်ရေးတွေကလည်း အထဲကို ဝင်စီးဖို့ အရမ်းတွန့်နေရပါတယ်။ ဒါပေမဲ့ စစ်ပြန်ဖြစ်နေတဲ့ အမေရိကန် သမ္မတက ရုပ်ရှင်ထဲမှာတော့ စောင်ပေါမဟုတ်ဘဲ လွတ်သွားပြီး အခြားဝန်ကြီးချုပ်တွေ သမ္မတတွေကို ပြန်ကယ်တဲ့ဇာတ်လမ်းပါပဲ။ ဖြစ်နိုင်မဖြစ်နိုင်တော့ မမေးပါနဲ့ ပစ်တာခတ်တာချတာ ကောင်းကောင်းကြည့်ချင်ရင် ကြည့်လို့ရပါတယ်။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size… (6.1 GB) / (1.5  GB) / (862 MB) Quality…. WEB-DL 4K HEVC / 1080p HEVC / 720p Format…mp4/ mkv Duration….01:48:00 Genre... Action, Thriller Subtitle….Myanmar Subtitle (Hardsub) Encoder….Swan Min Htet Translated by Mr. Anderson

ကွန်ဖူးပန်ဒါ ၄ ကားမြောက်ရုပ်ရှင်ထွက်လာပါပြီ မင်းသား ဂျက်ဘလက်ပဲ အသံသရုပ်ဆောင်ထားပြီး မင်းသမီး Awkwafina က ကျန်းအဖြစ် သရုပ်ဆောင်ပေးထားပါတယ်။ အရင်ထွက်ခဲ့တဲ့ ၃ ကားလုံးကိုလည်း ချန်နယ်မြန်မာ web နဲ့ app တွေမှာ ကြည့်နိုင်ပြီဖြစ်ပါတယ်။ ဇာတ်လမ်းအကျဉ်း ဒီ ၄ ကားမြောက်မှာတော့ ပိုဟာ ရန်သူပေါင်းစုံကိုနိုင်ပြီး နဂါးစစ်သည်တော်လည်းဖြစ်နေတာကြာပြီဆိုတော့ ပိုခက်တဲ့ ရန်သူနဲ့ တာဝန်တွေ ပေါ်လာပါပြီ။ ပိုဟာ ဆရာအူးဂွေးရဲ့ ပညာရှိခေါင်းဆောင်နေရာကို ဆက်ခံရတော့မှာဖြစ်ပြီး သူ့ရဲ့ နဂါးစစ်သည်တော်နေရာမှာ ဆက်ခံဖို့လည်း လူသစ်ရွေးရတော့မှာဖြစ်ပါတယ်။ အပြောင်းအလဲတွေမလုပ်ချင်တဲ့ ပိုအတွက်တော့ တကယ့် ပြဿနာကြီးပါပဲ။ အဲဒီအချိန်မှာပဲ ခမီလီရန် ဆိုတဲ့ မှော်ဆရာမကလည်း ပိုရဲ့ ရန်သူအားလုံးပေါင်းထားတဲ့အစွမ်းတွေကို ရအောင်ကြိုးစားပြီး ကမ္ဘာကြီးကို သိမ်းပိုက်ဖို့ ကြိုးစားလာပါတယ်။ ခမီလီရန် နဲ့ ရင်ဆိုင်ရင်း ပိုတစ်ယောက် ဘယ်လိုထပ်ပြီး အလင်းတွေရအဆင့်တွေမြင့်လာမလဲ ကြည့်ရမှာပဲ ဖြစ်ပါတယ်။ File size…    3.4GB /1.8 GB /    874 MB Quality… Web-Rip 4K/1080p / 720p Format… mp4 Duration…. 1h 34m Genre ..... Comedy/Animation Subtitle…. Myanmar Subtitle (Hard Sub) Encoder…. Thit San Khant Translated by Thiha Yan Naing

Air (2023) IMDb Rating – 7.6/10 Good Will Hunting ရုပ်ရှင်ကြီးတုန်းကလိုပဲ ဘန်အက်ဖလက်နဲ့ မက်ဒေမွန်တို့အတွဲညီညီနဲ့ ရုပ်ရှင်ကောင်းတစ်ခုဖန်တီးလိုက်ပြန်ပါပြီ။ ဒါရိုက်တာကလည်း ဘန် အက်ဖလက်ပါပဲ။ Ozark စီးရီးရဲ့ မင်းသား ကြီး ဂျေဆန်ဘိတ်မန်းလည်း အားဖြည့်ပေးထားပါသေးတယ်။ IMDb 7.6 အထိ ရထားတာမို့ ကားကောင်းဆိုတာ သိသာမှာပါ။ ဒီရုပ်ရှင်ဟာ သမိုင်းတလျှောက်အကောင်းဆုံး ဘတ်စကတ်ဘောသမား မိုက်ကယ်ဂျော်ဒန်နဲ့ နိုက်ကီကုမ္ပဏီတို့ ပထမဆုံး စာချုပ်ချုပ်ခဲ့တဲ့ သမိုင်း ဝင် Air Jordan ဖိနပ် သဘောတူညီချက်အပေါ် အခြေခံပြီးရိုက်ကူးထား တာဖြစ်ပါတယ်။ အဲဂျော်ဒန်ဝမ်း စနိကာဖိနပ်ဟာ သမိုင်းတလျှောက် လူကြိုက်အများဆုံးစာရင်းဝင်ဖိနပ်ပဲဖြစ်ပါတယ်။ မိုက်ကယ်ဂျော်ဒန် ရု ပ်ရှင်ထဲမှာမပါဝင်ခဲ့ပေမဲ့ ဘန်အက်ဖလက်ဟာ မိုက်ကယ်နဲ့ အကြိမ်ကြိမ် တိုင်ပင်ခဲ့ပြီး အသေးစိတ်ရိုက်ကူးခဲ့တာပါ။ မိုက်ကယ်ဂျော်ဒန်ဟာ ဒီရုပ်ရှင်အတွက် နှစ်ခုပဲ ပြန်တောင်းဆိုပါတယ်။ သူ့အမေနေရာမှာ Viola Davis ကိုသရုပ်ဆောင်စေဖို့နဲ့ သူ့ရဲ့မိတ်ဆွေ ကောင်းကြီး ဟောင်းဝဒ်ဝိုက်အကြောင်းကိုပါ ထည့်သွားပေးဖို့ပါပဲ။ ဘန်အက်ဖလက်ကလည်း သူ့ရဲ့ဘော်ဒါကြီးဖြစ်တဲ့ ခရစ်တက်ကာ (Rush Hour ထဲကမင်းသား) ကို ဟောင်းဝဒ်အဖြစ်ထည့်သွင်းခဲ့ပါတယ်။ ဒီရုပ်ရှင်ကိုလည်း အမေဇုံက အွန်လိုင်းကနေပဲ ပြဖို့ ရည်ရွယ်ရိုက်ကူးခဲ့ပေမဲ့ အကြိုပွဲတွေမှာ လူကြိုက်များလွန်းလို့ ရုံတင်ဖြစ်ခဲ့ပါတယ်။ ဇာတ်လမ်းအကျဉ်း နိုက်ကီကုမ္ပဏီဟာ ဘတ်စကတ်ဘောအားကစားလောကမှာ မာကတ် တင်းအတွက် ကစားသမားကောင်းတွေမရှာနိုင်လို့ အက်ဒီးဒက်စ် တို့ ကွန်ဗာ့စ်တို့ကို မယှဉ်နိုင်တော့ဘဲ နောက်ဆုတ်ထွက်ခွာရမယ့်အခြေအ နေဖြစ်နေပါပြီ။ နိုက်ကီရဲ့ စီအီးအို ဖေးလ် (ဘန်) ဟာ သူ့ရဲ့ ဘတ်စကတ် ဘောဌာနအတိုင်ပင်ခံ ဆန်နီ(မက်ဒေမွန်) ကို ဒေါ်လာ ၂ သိန်းခွဲသုံးပြီး ဘတ်စကတ်ဘောကစားသမား ၃ ယောက်နဲ့ စာချုပ်ချုပ်ဖို့ရှာခိုင်းပေမဲ့ ဆန်နီကတော့ ဒေါ်လာ ၂ သိန်းခွဲလုံးကို အထက်တန်းကျောင်းချန်ပီယံ သစ်၊ NBA ကို စပြီးခြေချေတော့မယ့် မိုက်ကယ်ဂျော်ဒန်အပေါ်မှာပဲ ပုံအောဖို့ တိုက်တွန်းခဲ့ပါတယ်။ ဒါပေမဲ့ မိုက်ကယ်ဂျော်ဒန်ကလည်း အက်ဒီးဒက်စ် ပရိသတ်ဖြစ်နေပြီး ဖိနပ်စာချုပ်အတွက် အက်ဒီးဒက်စ်ကိုပဲ သွားဖို့အားသန်နေပါတယ်။ ဒါကို နိုက်ကီအဖွဲ့ကဘယ်လိုအိုက်ဒီယာတွေ၊ ဘယ်လိုသမိုင်းဝင်သ ဘောတူညီချက်တွေနဲ့ ဆွဲဆောင်ခဲ့လဲဆိုတာ ဒီရုပ်ရှင်မှာ စိတ်ဝင်စား စရာ မြင်ရမှာပါ။ ဘိုင်အိုဂရပ်ဖီ၊ ဒရာမာ၊ အားကစား၊ စီးပွားရေးရုပ် ရှင်အမျိုးအစားကြိုက်တတ်သူတွေ၊ ရုပ်ရှင်ကောင်းကြိုက်တတ်သူတွေ အချိန်ပေးရတာတန်မယ့် ရုပ်ရှင်ဖြစ်ပါကြောင်း….. (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size……….(4.0 GB) / (2.0 GB) / (766 MB) / (446 MB) Quality…………WEB-DL 4K / 1080p / 720p / 480p Duration………1Hr 51Mins Subtitle………..Myanmar Hardsub Format…………MP4 Genre…………..Drama, Sport Translator…….Mr.Anderson Encoder……….SWM, Zin Phyo Aung, Thit San Khant

နာမည်ကျော်ဟန်းဂါးဂိမ်းစ် ဇာတ်လမ်းရုပ်ရှင်တွဲတွေရဲ့ ၂၀၂၃ နောက်ဆုံးထွက်ရုပ်ရှင်လာပါပြီ။ "တေးသီငှက်တို့နဲ့မြွေတွေရဲ့ အချစ်သီချင်း" တဲ့။ လောလောဆည် ရုပ်ထွက်က Webrip အကြည်ဖြစ်ပေမဲ့ အသံက Cam အသံဖြစ်နေတုန်းပါပဲ။ Webdl နဲ့ 4K ထွက်လာရင် ထပ်အပ်ဒိတ်ပေးမှာပါ။ ဟန်းဂါးဂိမ်းစ်ဒါရိုက်တာ Francis Lawrence ကပဲ ရိုက်ကူးထားပြီး အဓိကသရုပ်ဆောင်အဖြစ် Billy the Kid စီးရီးရဲ့မင်းသား Tom Blyth နဲ့ Shazam ထဲကမင်းသမီးလေး Rachel Zegler တို့ပါဝင်ထားပါတယ်။ ဇာတ်ပို့နေရာမှာတော့ Game of Thrones ထဲက အားလုံးရဲ့အချစ်တော် Peter Dinklage ပါဝင်ထားပါတယ်။ ဇာတ်လမ်းအကျဉ်း ဒီရုပ်ရှင်ကိုတော့ ဟန်းဂါးဂိမ်းတွေစတင်ပြီး ၁၀ နှစ်အကြာမှာ အခြေခံထားပါတယ်။ အဓိက ဇာတ်ဆောင်ကတော့ နောက်ပိုင်းမှာ ပါနမ်မြို့တော်ရဲ့ သမ္မတဖြစ်လာပြီး ဗီလိန်ကြီးဖြစ်လာတဲ့ ကိုရီရိုလေးနပ် စနိုး ပါပဲ။ Hunger Games 2012 မှာ ကျင်းပတဲ့ပွဲက ၇၄ ကြိမ်မြောက်ဖြစ်လို့ နှစ်ပေါင်းအတော်ကြာနေပါပြီ။ ဒီဇာတ်လမ်းမှာတော့ ဟမ်းဂါးဂိမ်းတွေကိုလူတွေစိတ်မဝင်စားတော့လို့ ၁၀ ကြိမ်မြောက်အပြီးမှာ ပိတ်ရမလိုဖြစ်လာပါပြီ။ ဒါကိုမှ ကော်ရီရိုက လူတွေစိတ်ဝင်စားလာအောင် အလောင်းအစားတွေ၊ စပွန်ဆာတွေ ထည့်ဖို့ကြိုးစားပြီး သူ့အတွက်လည်းတက်လမ်းရဖို့ ကြိုးစားပုံတွေနဲ့အတူ တိုင်း ၁၂ တိုင်းက အခွန်ဘဏ္ဍာအဖြစ် အကောက်ခံရတဲ့ ပြိုင်ပွဲဝင်တွေရဲ့ အသက်လုပွဲ ကြည့်ရမှာဖြစ်ပါတယ်။ IMDb 7.2 ရထားပြီး ဇာတ်လမ်းရော ရိုက်ချက်တွေရော ကောင်းတာမို့ ဟန်းဂါးဂိမ်းဖန်တွေအတွက်တော့ နောက်ထပ်ကြည့်စရာ ရုပ်ရှင်ကောင်းတစ်ခုပါပဲ။ File size…(6GB) / (2.2 GB)/(1 GB) Quality….Webrip 4K-2160p /1080p / 720p Format…mp4 Duration….02:37:00 Genre...Drama, Action, Adventure Subtitle….Myanmar Subtitle (Hardsub) Encoded & Translated by Mr. Anderson

အနောက်အာဖရိကက ဒါဟိုမီတိုင်းပြည်မှာ အမျိုးသမီးတွေချည်း ဖွဲ့စည်းထားတဲ့ အထူးစစ်တပ်တစ်ခု ရှိခဲ့ပါတယ်။ ၁၇ ရာစုနဲ့ ၁၉ ရာစုကြားက ဒီတပ်ဖွဲ့ဟာ တိုင်းပြည်ကို ကာကွယ်ရာမှာရော ပတ်ဝန်းကျင်နိုင်ငံတွေကို တိုက်ခိုက်ရာမှာပါ အရေးပါတဲ့ အင်အားဖြစ်ခဲ့ပြီး ဥရောပသားတွေက သူတို့ကို အမေဇုံစစ်သည်တွေလို့ ခေါ်ကြတယ်။ ဒီဇာတ်ကားကတော့ ဒါဟိုမီနဲ့ အိုယိုအင်ပါယာကြားက စစ်ပွဲနဲ့ ကျွန်ကုန်ကူးမှုတွေကို နောက်ခံထားပါတယ်။ ဒါဟိုမီဘုရင်အသစ် ဂယ်ဇိုရဲ့ အာဂိုဂျေးအမျိုးသမီးတပ်ဖွဲ့ကို စစ်သူကြီးနန်နိစကာက ဦးဆောင်နေတယ်။ အဲဒီအချိန်မှာ အိုယိုအင်ပါယာနဲ့ မာဟီမျိုးနွယ်တွေ ပူးပေါင်းပြီး ဒါဟိုမီရွာတွေကို ဝင်စီးနေကြသလို လူတွေကိုလည်း ဖမ်းဆီးပြီး ကျွန်အဖြစ် ရောင်းစားနေကြပါတယ်။ ဒီအခြေအနေကြားမှာ အာဂိုဂျေးစစ်သည် ဖြစ်လာဖို့ လေ့ကျင့်နေတဲ့ မိန်းကလေးတစ်စုရဲ့ဘဝနဲ့ တပ်ဖွဲ့ရဲ့ တိုက်ပွဲတွေကို တွဲပြထားတယ်။ ကျွန်ကုန်ကူးတာထက် အုန်းဆီထုတ်ရောင်းတဲ့ဘက်ကို ဦးစားပေးချင်တဲ့ အာဂိုဂျေးတွေရဲ့ သဘောထားကိုလည်း ဇာတ်လမ်းထဲမှာ တွေ့ရပါတယ်။

ရောမထက်တောင် ရှေးကျတဲ့ ခန်းဒက်နိုင်ငံလေးမှာ ဘုရင်ဆိုး အက်ခ်တွန်ရဲ့ အုပ်ချုပ်မှုအောက်က လူတွေ ဒုက္ခရောက်နေကြပါတယ်။ အက်ခ်တွန်က နတ်ဆိုးခြောက်ပါးရဲ့ အစွမ်းကို အသုံးချနိုင်ဖို့ သရဖူတစ်ခု ဖန်တီးနေတယ်။ သူ့ကိုတားဆီးဖို့ မှော်ဆရာတွေက ခန်းဒက်က ကျွန်တစ်ယောက်ကို သူရဲကောင်းအဖြစ် ရွေးချယ်ပြီး နတ်ဘုရားတွေရဲ့ စွမ်းအားကို ပေးလိုက်ကြပါတယ်။ အဲဒီသူရဲကောင်းဟာ ဘုရင်ဆိုးကို နှိမ်နင်းပြီးနောက် နှစ်ပေါင်းငါးထောင် ပျောက်ကွယ်သွားခဲ့တယ်။ The Rock သရုပ်ဆောင်ထားတဲ့ ဘလက်အဒမ်ရဲ့ အစွမ်းတွေက မှော်ပညာကို အခြေခံထားပါတယ်။ Shazam လိုပဲ “ရှဇမ်း” လို့ အော်ပြီး အစွမ်းရပေမယ့် စွမ်းအားရလာတဲ့ နတ်ဘုရားတွေတော့ မတူကြဘူး။ မူရင်း Shazam ရုပ်ရှင်ထဲက ဇာတ်ကောင်ဟာ ဂရိနတ်ဘုရားတွေဆီက အစွမ်းရတာဖြစ်ပြီး ဘလက်အဒမ်ကတော့ အီဂျစ်နတ်ဘုရားတွေဆီက ရထားတာပါ။ နှစ်ပေါင်းငါးထောင်ကြာပြီးတဲ့နောက် ယနေ့ခေတ် ခန်းဒက်မှာ အကြောင်းတစ်ခုကြောင့် သူပြန်ပေါ်လာပါတယ်။

အမှားမကျူးလွန်ဖူးတဲ့ ပုထုဇဉ်လူသားဆိုတာ လက်​​တွေ့ဆန်ဆန်​ ပြောရရင် မရှိနိုင်ပါဘူး။ လူတိုင်းအနည်းနဲ့အများ​​တော့ မှားခဲ့ဖူးတဲ့ အခိုက်အတံ့​တွေရှိမှာပါ၊ အဲဒီအမှားက ကြီးလား ​သေးငယ်လား၊ ခွင့်လွှတ်လို့ရလား မရဘူးလားဆိုတာက​တော့ ကိုယ့်အမှား​ကြောင့် နစ်နာသွားတဲ့ တစ်ဖက်လူရဲ့ Perspective​ပေါ်မှာပဲ မူတည်​နေမှာပါ ဒီရုပ်ရှင်ဟာ Netflixက အသစ်ထွက်ရှိထားတဲ့ Drama, Thriller ကားစစ်စစ်ဖြစ်ပြီး ဝါရင့်မင်းသမီးကြီး Sandra Bullockကိုယ်တိုင် ​ခေါင်း​ဆောင် ပါဝင်ထားပါတယ်။ 2009 ခုနှစ်က ထွက်ရှိခဲ့တဲ့ စီးရီးတို The Unforgiven ကို ပြန်လည်ရိုက်ကူးထားတာပဲ ဖြစ်ပါတယ် Ruth Slater ဟာ ငယ်စဉ်ကကျူးလွန်ခဲ့တဲ့ ပြစ်မှုတစ်ခု​ကြောင့် နှစ်ရှည်​ထောင်ဒဏ် ချမှတ်ခံခဲ့ရသလို ညီမ​ဖြစ်သူ Katherineနဲ့ ​ဝေးခဲ့ရပါတယ်။ ထောင်ကလွတ်လာတဲ့အချိန်မှာ​တော့ ညီမဖြစ်သူကို ရှာ​ဖွေဖို့နဲ့ လူ့အသိုင်းအဝိုင်းထဲကို ပြန်ဝင်ဆံ့ဖို့ Ruthတစ်​ယောက် ကြိုးစားရပါ​တော့တယ်။ ဒါ​ပေမဲ့Ruthလွတ်လာတာကို မ​​ကျေနပ်တဲ့ Ruthရဲ့ အမှားကို ခွင့်လွှတ်နိုင်စွမ်းမရှိ​သေးတဲ့ နစ်နာသူမိသားစုက ကလဲ့စား​ချေဖို့ အပြင်းအထန်ကြိုးစားလာခဲ့တဲ့အခါ.... Ruth ကျူးလွန်ခဲ့တဲ့အမှားက ဘာများလဲ၊ ဘာ​ကြောင့် နစ်နာသူ​တွေ ခုချိန်ထိ ခွင့်မလွှတ်နိုင်ကြတာလဲ၊ အငြိုးနဲ့ အာဃာတ​တွေကြားထဲက Ruth အ​နေနဲ့ ညီမ​ဖြစ်သူနဲ့ ပြန်လည်ဆုံစည်းခွင့်ရမလားဆိုတာကို မင်းသမီးကြီးနဲ့အတူ ကိုယ်တိုင်လိုက်ပါ စီး​မျောခွင့်ရမယ့် တန်းမြင့် Dramaကားစစ်စစ်ပဲ ဖြစ်ပါတယ် အညွှန်းကို JimX က ရေးထားပေးပြီးတော့ ဘာသာပြန်ထားတာကတော့ JimX နဲ့ Pyi Ti Nyein ပဲ ဖြစ်ပါတယ်။ Genre.....Crime,Drama Quality….WEB-DL 1080p and 720p File size… 1.8GB and 1 GB and 350MB Format…mp4 Duration….1h 52min Subtitle….Myanmar Subtitle (Hardsub) Translator ..... JimX and Pyi Ti Nyein Encoder ..... August

Superheroဆိုတာဂျိုနဲ့လားလို့ ​တွေ့သမျှလူတိုင်းကို Face to Face လိုက်​မေးမယ့် Harley Quinn ရဲ့ Suicide Sqaudလာပါပြီ Marvel ရဲ့ ဗရုတ်သုတ်ခအဖွဲ့ဖြစ်တဲ့ GOTGနဲ့​သောင်းကျန်းလို့အပြီးမှာ​တော့ ဒါရိုက်တာ James Gunnတစ်​​ယောက် DC universeရဲ့ ​မျောက်​​လောင်းအဖွဲ့ဖြစ်တဲ့ Suicide Squadဆီကိုပါ ​​ရောက်လာခဲ့ပါပြီ IMDB rating - 7.9 နဲ့ Rotten Tomatoes rating - 95% ​တောင်ရထားတာမလို့ ​DCEU ရဲ့ ဇာတ်ကား​တွေထဲမှာ အမြင့်ဆုံး ratingလို့​​တောင် ပြောလို့ရပါတယ် U.S အစိုးရရဲ့ အရာရှိကြီး အမန်ဒါ​​ဝေါလ်လာတစ်​ယောက် Enchantressနဲ့ ရင်ဆိုင်အပြီးမှာ ​​နောက်ထပ်ကမ္ဘာပျက်မယ့်​ ဘေးအန္တရာယ်ကြီးတစ်ခုအတွက် အ​သေခံ Suicide Sqaud အသစ်တစ်ခုကို ထပ်ပြီးဖွဲ့စည်းရပြန်ပါပြီ အဲ့ဒီအန္တရာယ်က​တော့ တောင်​အမေရိကကျွန်းငယ်နိုင်ငံ​လေးတစ်ခုကို အုပ်ချုပ်​နေတဲ့လူတစ်စုရဲ့ လက်ထဲကို​ရောက်ရှိ​နေတဲ့ Project Starfish လို့​ခေါ်တဲ့ ဒီကမ္ဘာပြင်ပကမျိုးစိတ်တစ်ခုပါ အဲ့ဒီမျိုးစိတ်နဲ့သက်ဆိုင်တဲ့ စမ်းသပ်မှုလုပ်ငန်း​တွေကို အဲ့ဒီကျွန်းနိုင်ငံ​​လေးအထိ သွား​​ရောက်ဖျက်ဆီးရမှာက ဇာတ်လိုက်​ကျော် Suicide Sqaud ကြီးရဲ့တာဝန် ဖြစ်လာပါ​​တော့တယ်၊ သူတို့​တ​တွေ အောင်​အောင်မြင်မြင်ပဲ ဝင်​ရောက်ဖျက်ဆီးနိုင်မှာလား ဘယ်လိုတလွဲတ​ချော်​တွေ ဖြစ်ကြဦးမလဲ၊ ဘယ်​လောက်ထိခွီရဦးမလဲဆိုတာကို DC universe ရဲ့ထုံးစံအတိုင်း သွေးသံတရဲရဲ ခပ်ကြမ်းကြမ်းရိုက်ကွက်တွေနဲ့ အပီအပြင်ရိုက်ပြထားတာမလို့ အားပါးတရကြီးကြည့်ရှုခံစားရမှာပါ ​အ​ရှေ့ပိုင်းဇာတ်ကား​တွေမှာ ​ဝေဖန်မှု​တွေခံ​နေရတဲ့​ WBကုမ္ပဏီအ​နေနဲ့ ဒီတစ်​ခေါက် Suicide Squadနဲ့ ပရိတ်သတ်​တွေရဲ့ အား​ပေးမှုကို ဘယ်လိုပြန်ပြီးသဲ့ယူသွားမလဲဆိုတာ ကြည့်ရမှာပါ... ဒါ​ပေမဲ့ Margot Robbieရဲ့ Harley Quinnတစ်​ယောက်ထဲနဲ့တင် Rating 100% မှာ 101% ​ပေးဖို့တန်နေပါပြီ။ ဆိုတော့ကာဗျာ ..... ပြောမယုံ ကြုံမှသိလိမ့်မယ်ဗျ ကြည့်ပြီးမှ ပြန်ဆွေးနွေးကြတာပေါ့။ အညွှန်းကတော့ JimX ဖြစ်ပြီးတော့ ဘာသာပြန်ထားတာကတော့ 2TAY ဖြစ်ပါတယ်။ File size… (5.7GB) / (2.5 GB) /(1.39 GB)/ (600 MB) Quality….BluRay 4K HEVC / WEB-DL 1080p / 720p /480p Format…mkv/mp4 Duration…. 2h 12min Subtitle….Myanmar Subtitle (Hardsub) Translator ..... 2TAY Encoder ..... August/Nyeinsaeya Aung

Widows (2018) 2018 ထွက် Widows ဆိုတဲ့ စိတ်လှုပ်ရှား အံ့အားသင့်စရာ ဇာတ်ကားလေးတစ်ကားတင်ဆက်ပေးချင်ပါတယ်… IMDb -7.2 / Rotten Tomatoes 91% နဲ့ အကောင်းစား Rating ကြီးတွေရထားလေတော့ ကားကောင်းဖြစ်ကြောင်းနဲ့  ဒေါင်းကြည့်ပါလို့တော့ ပြောစရာလိုမယ်မထင်ဘူးဗျာ... သို့ပေမဲ့ ဇာတ်လမ်းအကြောင်းအနည်းငယ်တော့လိုအပ်မယ်ထင်လို့ပြောပါရစေ... ဒုစရိုက်လုပ်ငန်းတွေကို အာဏာရှင်တွေ ကျောထောက်နောက်ခံနဲ့ဆောင်ရွက်နေတဲ့ ဟယ်ရီ ရောလင်း (Liam Neeson)ဟာ လူမည်းလုပ်ငန်းရှင်တစ်ဦးထံက အမေရိကန်ဒေါ်လာ တစ်သန်းလုယူအပြီး အပြန်လမ်းမှာ ရဲတွေနဲ့ပက်ပင်းမိတာကြောင့် ပစ်ကြခတ်ကြရင်း သူအပါအဝင် နောက်လိုက်နှစ်ယောက်လည်း သေဆုံးသွားပါတော့တယ်... သူတို့နဲ့အတူ လုယူလာတဲ့ ဒေါ်လာ တစ်သန်းလည်း ကားပေါက်ကွဲ မီးလောင်တဲ့အထဲပါသွားပါတယ်… သေတဲ့လူတွေကသေသွားပြီဖြစ်ပေမဲ့ ဒေါ်လာတစ်သန်းကိစ္စဟာ ကျန်ရစ်သူ ဟယ်ရီရဲ့မိန်းမ ဗရော်နီကာထံ ပြဿနာခေါင်းပုံကျလာပါတော့တယ်...အသက်အန္တရာယ်ခြိမ်းခြောက်မှုတွေရှိလာတဲ့အတွက်ကြောင့် ဗရော်နီကာဟာ ပေါက်ကွဲမှုမှာသေဆုံးသွားသူတွေရဲ့ ဇနီးတွေထံဆက်သွယ်ပြီး မုဆိုးမသုံးယောက် ဒီပြဿနာကို ဘယ်လိုများဖြေရှင်းကြမလဲ...ဒုစရိုက်ဂိုဏ်းကြီးနဲ့မှ ပတ်သက်မိတော့ မိန်းမသားတွေအဖို့ရင်ဆိုင်ဖြေရှင်းနိုင်ပါ့မလား... အားနွဲ့တဲ့မိန်းမသားတွေလား ကျားသစ်မတွေလားဆိုတာကိုတော့ ...ခံစားကြည့်လိုက်ပါဦးဗျို့... ဇာတ်လမ်းအညွှန်းနဲ့ဘာသာပြန်သူကတော့ Zuel Khant Thwin ပဲဖြစ်ပါတယ်... File Size : 2.01GB / 787MB Quality : WEB-DL 1080p / 720p Duration : 02:39:00 Genre :  Crime, Drama, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Heather Oo

2016 ခုနှစ်ထဲမှာ ထွက်ရှိခဲ့ပြီး Oscar တဆု ရခဲ့တဲ့ ဇာတ်ကားကြီးကိုတင်ဆက်ပေးလိုက်ပါတယ် ဇာတ်ကားကြီးက IMDb မှာ 7.2 ရထားတဲ့ PG 13 ပါပေးထားပါသေးတယ် Tonry Maxson ဟာရေဆိုးသန့်စင်သမားအဖြစ် Pittsburghမြို့မှာ ၁၉၅၀ ပတ်ဝန်းကျင်က အသက်မွေးခဲ့ပါတယ် သူ့ရဲ့အိမ်မက်ကတော့ တနေ့မှာ ပရော်ဖက်ရှင်နယ် ဘေ့စ်ဘောကစား သမားတစ်ယောက်ဖြစ်ဖို့ပါ  ဒါပေမဲ့ ခါးသီးစွာကြုံတွေ့လိုက်ရတာက အမေရိကန် မေဂျာလိဒ်မှာ လူမည်းတွေကို ပါဝင်ခွင့်မပေးတော့ သူဟာ သူ့အခွင့်အရေးကိုလက်လွတ်လိုက်ရပါတော့တယ် ဒါပေမဲ့ သူဟာ သူမဖြစ်ခဲ့ရတာကို သူ့မိသားစုအပေါ်ဖိအားပေးပြီး သူ့သားကို ကောလိပ် ဘေ့စ်ဘောပြိုင်ပွဲမှာ ပါဝင်ခွင့်ရဖို့ကြိုးစားပါတော့တယ် ကဲ ပရိတ်သတ်ကြီး ရေ ဘာတွေဆက် ဖြစ်ကြမလဲဆိုတာတော့ ကြည့်လိုက်ကြတော့နော် အော်စကာမယ် စံကာတင်စာရင်း ဝင်တယ် ဆိုကတည်း ကကောင်းလို့ပဲနေမှာပါ မွန်းလိုက်ထက်တော့ ကောင်းမှာ သေချာပါတယ် .................................  ။

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Suicide Squad (2016) Extended Cut Version IMDb Rating (5.9) / Rotten Tomatoes (26%) Hype တွေများလွန်းလို့ တကယ့်ဇာတ်ကားထွက်လာတော့ထင်သလောက်ခရီးမရောက်ဖြစ်ခဲ့ရတဲ့ ဇာတ်ကားကိုဘယ်လိုဘယ်ပုံတွေကောင်းကြောင်း ဆိုးကြောင်းထပ်ပြီး မညွှန်းချင်တော့ပါဘူး။ မျှော်လင့်ထားသလောက် ဖြစ်မလာပေမယ့်မကောင်းဘူးလို့တော့လဲလုံးဝပြောလို့မရတာတော့အမှန်ပါ ဒါ့ကြောင့် ဇာတ်လမ်းသွားလေးပဲ နည်းနည်းညွှန်းပေးပါရစေ။ ဇာတ်ကားကို Batman နဲ့ Supermanရဲ့တိုက်ပွဲအပြီးSuperman သေဆုံးသွားတဲ့နောက်ပိုင်းကာလမှာဇာတ်အိမ်တည်ထားပါတယ်။ အစိုးရအဖွဲ့အနေနဲ့ Supermanလို လူစွမ်းကောင်းမျိုးသာ ဆိုးသွမ်းတဲ့ဘက်ကနေ လူသားတွေကိုဒုက္ခပေးမယ့်Villainတစ်ဦးဖြစ်နေမယ်ဆိုရင် ဆိုတဲ့စိုးရိမ်စိတ်တွေဖြစ်လာကြတဲ့အတွက်Amanda Waller ဆိုတဲ့အမေရိကန်အစိုးရအဖွဲ့မှ အမျိုးသမီးကြီးရဲ့အကြံအစည်ကDC ရဲ့နာမည်ကျော် Villainsကြီးများနဲ့အဖွဲ့တစ်ခုထူထောင်ပြီး အစိုးရအနေနဲ့မဖြေရှင်းနိုင်တဲ့ကိစ္စများကိုသူ့ရဲ့Task Force X ခေါ် Suicide Squad အဖွဲ့ကိုလွှတ်ပြီးဖြေရှင်းစေဖို့ပဲဖြစ်ပါတယ်။ Amanda ရဲ့ အကြံအစည်အောင်မြင်မလား ဒီvillainsကြီးတွေကိုရောသူထိန်းချုပ်နိုင်ပါ့မလား Suicide Squadအဖွဲ့သားတွေကရောဘယ်လိုအန္တရာယ်တွေကိုရင်ဆိုင်ဖြေရှင်း ရမလဲဆိုတာကိုတော့ဇာတ်ကားထဲမှာပဲဆက်လက်ကြည့်ရှုခံစားပေးပါခင်ဗျာ။ မညွှန်းတော့ဘူးဆိုပေမယ့် တစ်ခုလေးပြောပြစရာရှိပါသေးတယ် :-P ဇာတ်ကားရဲ့ အဓိက အားသာချက်တစ်ခုကတော့ characters ကိုက်ညီမှုရှိတာပါပဲ အထူးသဖြင့်Deadshot အဖြစ်သရုပ်ဆောင်တဲ့ Will Smith နဲ့ရေပန်းစားနေတဲ့ Harley Quinn အဖြစ်Margot Rubbie တို့ရဲ့ သရုပ်ဆောင်ပီပြင်မှုတွေကတော့ ပရိတ်သတ်အထူးကြိုက်နှစ်သက်ကြလိမ့်မယ်ဆိုတာကျိန်းသေပေါက် အာမခံရဲပါတယ် ။ Joker အဖြစ် အများစိတ်ဝင်စားနေတဲ့ Jared Letoကိုလဲ သူပါသမျှဇာတ်ဝင်ခန်း များအရသုံးသပ်ဖို့ခက်ခဲနေသေးပေမယ့် မဆိုးဘူးလို့တော့မြင်မိပါတယ်။ ဒါ့ကြောင့် rating တွေ Review တွေ ဘေးခဏချိတ်Hype ခဲ့သမျှတွေကိုခဏမေ့ပြီး မိမိအမြင်နဲ့ သာကြည့်ရှုခံစားကြပြီး မိမိအမြင်နဲ့သာဝေဖန်သုံးသပ်ကြည့်ကြပါလို့ပဲတိုက်တွန်းပါရစေခင်ဗျာ/ အော် ဒါနဲ့ .... နောက်ဆုံးမှာ နောက်လာမယ့် Justice League ဇာတ်ကားအတွက်အစပျိုးထားတဲ့ post credits sceneပါပါ တယ် မကြည့်ဖြစ်လိုက်မှာစိုးလို့ ကြိုပြီးသတိလေးပေးထားပါရစေ။ File size…(1.8 GB) / (1.2 GB) Quality….1080p HEVC / 720p Format…mkv/mp4 Duration….02:14:33 Subtitle….Myanmar Subtitle (Hardsub) Encoder….Ka Naung Translated by Han Htoo Zaw

Ender's Game (2013) IMDb - 6.6/10 Rotten - 62% Ender's Game (2013)ကတော့ ၁၉၈၅ ခုနှစ် ထုတ် စိတ်ကူးယဉ် သိပ္ပံ ဝတ္ထု ကို ရုပ်ရှင် ပြန်ရိုက်ကူးထားတာပါ။ ဇာတ်လမ်းကတော့ ၂၀၈၆ ခုနှစ်မှာ ကမ္ဘာကို Formics လို့ခေါ်တဲ့ ဂြိုလ်သားတွေက တိုက်ခိုက်လာပါတယ်။ အဲ့ဒီစစ်ပွဲမှာ လေတပ်ဗိုလ်ချုပ်တစ်ယောက်ရဲ့ စွမ်းဆောင်မှုကြောင့် ဂြိုလ်သားတွေရဲ့ အားနည်းချက်ကိုသိလိုက်ပြီး သူတို့ကို အနိုင်တိုက်နိုင်ခဲ့ပါတယ်။ လူသားတွေ အနိုင်ရခဲ့ပေမယ့် လူသန်းပေါင်းများစွာ အသက်ဆုံးရှုံးခဲ့ရပါတယ်။ အဲ့ဒီနောက်မှာတော့ နိုင်ငံတကာ လေတပ်အဖွဲ့ကနေပြီး လူကြီးတွေအစား လူငယ်တွေကို လေ့ကျင့်ပေးပြီး Formics တွေပြန် ပြီးတိုက်ခိုက်လာရင် ကာကွယ်နိုင်အောင်ဖြစ်ပါတယ်။ လေ့ကျင့်ပေးရာမှာလည်း Simulation တွေ ဂိမ်းတွေ အပေါ် အခြေခံပြီး လူငယ်တွေကို ရွေးချယ်တာဖြစ်ပါတယ်။ နှစ်ငါးဆယ် ကြာသွားပြီးတဲ့အချိန်မှာ Formics တွေရဲ့ဂြိုလ်ပေါ်မှာ စစ်တပ်အင်အား အဆမတန် တိုးပွားလာကို လူတွေက သတိထားမိပြီး သူတို့ နောက်တစ်ကြိမ် ကမ္ဘာကို လာပြီး ရန်မစရဲအောင် သူတို့ ရဲ့ ဂြိုလ်အထိ လိုက်ပြီး တိုက်ခိုက် နှိမ်နင်းဖို့ ကြိုးပမ်းနေကြပါတယ်။ အဲ့ဒီမှာ Ender Wiggin လို့ခေါ်တဲ့ လူငယ်လေးတစ်ယောက် ကို Colonel Hyrum Graff (Harrison Ford) က မြေတောင်မြှောက်ပေးပြီး သူတို့ တပ်ဖွဲ့ကို ဦးဆောင်ဖို့ လေ့ကျင့်ပေးပါတယ်။ Ender က ဂိမ်းတွေမှာလည်း တော်သလို ရန်သူကို တိုက်ခိုက်ဖို့ ပြင်ဆင်ရာမှာလည်း ထူးချွန်သူတစ်ဦးဖြစ်ပါတယ်။ ဒီလူငယ်လေးရဲ့ ဦးဆောင်မှုနဲ့ လူသားတွေ စစ်ပွဲကို အနိုင်ရမလား၊ လူသားတွေရဲ့ တွက်ကိန်းတွေက ဘာတွေ လွဲချော်မှုတွေဖြစ် မလည်းဆိုတာ ပိတ်ကားပြင်ပေါ်မှာပဲ ဆက်လက်ကြည့်ရှု ကြပါခင်ဗျာ။ ဒီကားကတော့ မျှော်လင့်ထားသလောက် ဖြစ်မလာတဲ့ကားတွေထဲက တစ်ကားဖြစ်ပါတယ်။ ဒီလိုပြောလို့မကောင်းဘူးလားဆိုတော့လည်း မဟုတ်ပါဘူး။ ဇာတ်ကားကောင်းတစ်ကားပဲဖြစ်ပါတယ်။ သူက ဟယ်ရီပေါ်တာကားတွေလိုပဲ စာအုပ်ဖတ်ဖူးတဲ့သူတွေအတွက်က ဇာတ်ကောင်တွေနဲ့ ရင်းနှီးနေတော့ ဇာတ်လမ်းအသွားအလာကို အလွယ်တကူ သိနိုင်ပေမယ့် လုံး၀ မဖတ်ဖူးတဲ့ သူတွေကတော့ ဘာဖြစ်လို့ ဖြစ်နေမှန်းမသိသလိုပါပဲ။ ဇာတ်ကားတစ်ကားလုံးကိုလည်း လူလေး ၁၀ ယောက်လောက်နဲ့ ရိုက်သွားတာဖြစ်ပြီး ကျန်တာတွေကတော့ ကွန်ပျူတာ Effect တွေပဲဖြစ်ပါတယ်။ Ender's Game ဝတ္ထု ဖတ်ဖူးတဲ့ ပရိတ်သတ်တွေ အတွက်ကတော့ ကားကောင်းတစ်ကားဖြစ်ပြီး ကျန်တဲ့သူတွေအတွက်ကတော့ အပျင်းပြေပဲ ကြည့်သင့်တဲ့ ကားပါ။ ဇာတ်သိမ်းပိုင်းက စိတ်ဝင်စားဖို့ကောင်းပေမယ့် ဇာတ်မသိမ်းခင်မှာ ထဲက အနည်းငယ်ခန့်မှန်းမိနေပါတယ်။ ဇာတ်ရှိန်တက်တာ နှေးသလို ဇာတ်လမ်းကလည်း Training တွေနဲ့တင်အချိန်ကုန်နေ လို့ အနည်းငယ် ပျင်းဖို့ကောင်းပါတယ်။ Action/Sci-Fi မဟုတ်ပဲ Drama/Sci-Fi လို့ပြောလို့ရပါတယ်။ ဇာတ်လမ်း အသွားအလာ နှေးပေမယ့် ဇာတ်လမ်းဆင်ထားတာကောင်းပါတယ်။ စာအုပ်ထဲက အကြောင်း အရာတွေလည်း အတတ်နိုင်ဆုံး စုံလင်အောင်ထည့်ထားသလို၊ ထူးခြားတဲ့ ဇာတ်သိမ်း၊ Effect ကောင်းကောင်းနဲ့ ရိုက်ထားလို့ အပျင်းပြေမိသားစုနဲ့တူတူ ရုံမှာသွားကြည့်သင့်တဲ့ ကားမျိုးပါ။ ဝါရင့်သရုပ်ဆောင် အကယ်ဒမီ ဆုရှင်နှစ်ဦးဖြစ်တဲ့ Harrison Ford နဲ့ Ben Kingsly တို့နှစ်ဦးနဲ့အပြိုင် Ender Wiggin အဖြစ်သရုပ်ဆောင်ထားတဲ့ Asa Butterfield က လည်း ဒီနှစ်ထွက်တဲ့ကားတွေထဲက ကလေးသရုပ်ဆောင်တွေထဲမှာ အကောင်းဆုံးလို့တောင်ပြောလို့ရပါတယ်။ ကလေးသရုပ်ဆောင်တွေဖြစ်လို့ သရုပ်ဆောင်မကောင်းသေးပေမယ့် အတော် ကြိုးစားထားကြပါတယ်။ မိသားစုတူတူကြည့်ဖို့အဆင်ပြေပြီး Rated PG-13 ပါ။ File Size : (815 MB) Quality : Bluray 720p Running Time : 1hr 34min Format : Mp4 Genre :Action , Adventure, Fantasy, Sci-Fi Subtitle : Myanmar Subtitle (Hard Sub) Source : Bluray 1080p Translated by Idiot Myo Ko Encoded by Moe Myint Lwin

Prisoners (2013) IMDb Rating (8.2) / Rotten Tomatoes (82%) Duneတို့ Blade Runner 2049တို့ Arrivalတို့နဲ့ အော်စကာတွေ တစ်သီကြီးရဖူးသလို ပရိသတ်လက်ခံမှုအားလည်းများတဲ့ Denis Villeneuveရဲ့ Prisonersကို မကြည့်ဖူးတဲ့ လူလည်း မရှိလောက်တော့ပါဘူး။ သရုပ်ဆောင်တွေကလည်း Jake Gyllenhaalတို့ Hugh Jackmanတို့ Paul Danoတို့ David Dastmalchianတို့လို သရုပ်ဆောင်ပိုင်းမှာ နာမည်ကောင်းအပြည့်ရထားတဲ့ လူတွေချည်းပါပဲ။ အရင်ငါးနှစ်လောက်ကတည်းက တင်ထားခဲ့တာမို့ အားလုံးလည်းကြည့်ပြီးနေပြီမို့ Screenrantက Prisoners Ending Explained: Does Loki Find Keller?ဆိုတဲ့‌ ဆောင်းပါးထဲက အချက်တွေကို ပြန်ထုတ်နုတ်ထည့်ပြီး ဇာတ်လမ်းအစဉ်လိုက်အတိုင်းပဲ ဖြည့်စွက်ပြန် ပြောပြထားပါတယ်။ မကြည့်ရသေးရင်တော့ ဒီလောက်ထိပဲ ဖတ်သင့်ပါတယ်။ အားလုံးသိတဲ့အတိုင်း ဒီရုပ်ရှင်ရဲ့ဇာတ်က ကလေးအခိုးခံရတာကို ပြန်ရှာတဲ့ဇာတ်ပါပဲ။ ကျေးဇူးတော်နေ့မှာ ဒိုဗာ ( ဟုချ်ဂျက်မန်း)တို့ မိသားစုက အိမ်နီးချင်းအိမ်ကို သွားလည်တယ်။ အိမ်နီးချင်းရဲ့သမီးလေးနဲ့ သူ့သမီးလေးက အပြင်ထွက်သွားရာက ပျောက်သွားတယ်။ ကလေးတွေပျောက်သွားတဲ့အမှုကို စုံထောက်လိုက်ီ ( ဂျိတ်)က ဦးဆောင်ပြီးစုံစမ်းတယ်။ သူတို့ စုံစမ်းတာကို အားမရတဲ့ ဒိုဗာက သူ့နည်းသူ့ဟန်နဲ့ ကလေးကိုရှာတယ်။ ဒါကို အစကနေ အဆုံးအထိ ကွင်းဆက်တွေ ချိတ်ဆက်ပြီး Denis Villeneuve တင်ဆက်ထားပုံက ကြည့်ရှုသူတွေအတွက် တော်တော်လေးအားရစရာကောင်းသလို , သူတို့ရှာတွေ့သမျှ အရာအားလုံးက လမ်းစတွေဖြစ်နေသလို အဲဒီအရာအားလုံးကပဲ လမ်းပျောက်စေခဲ့တာက ဒီရုပ်ရှင်ထဲက ခံစားနေရသူတွေအတွက် ကြည့်ရှုတွေအနေနဲ့ တော်တော်လေးအားမလို အားမရဖြစ်စရာကောင်းခဲ့တယ်။ ဒီရုပ်ရှင်ထဲက စုံထောက်လိုကီ လိုက်စုံစမ်းခဲ့သမျှ လူတွေဟာ တကယ့်တရားခံမဟုတ်ခဲ့ပေမဲ့ တရားခံနဲ့ တိုက်ရိုက်ဖြစ်စေ သွယ်ဝိုက်ဖြစ်စေ ပတ်သက်နေတဲ့ လူတွေချည်းပဲ။ သူတို့စစစုံစမ်းခဲ့တဲ့သူက အဲလက်စ်ဂျုန်းပါ။ ကလေးတွေကို ကားပေါ်တင်ခေါ်သွားမိပေမဲ့ ဘာအပြစ်မှမရှိဘူးလို့ ကောက်ချက်ချထားကြတဲ့ ၁၀နှစ်ကလေး ဉာဏ်ရည်နဲ့ လူပါ။ ရုပ်ရှင်စစချင်းတော့ သူက တရားခံလိုလိုထင်ခဲ့ရပေမဲ့ တကယ်တမ်း သူလည်း ဂျုန်းလင်မယားရဲ့ ပထမဆုံးနစ်နာသူတစ်ယောက်ဖြစ်နေခဲ့တယ်။ သူ့ကားပေါ်ပါသွားတယ်လို့ ယူဆထားတော့ ရဲတွေက သူ့ကိုဖမ်းပြီး စစ်ဆေးတဲ့အချိန်မှာ ဆယ်နှစ်ကလေးဉာဏ်ရည်ပဲရှိတာသိခဲ့ရပြီး သူ့ဆီက ဘာမှမေးမရခဲ့လို့ ပြန်လွှတ်ပေးလိုက်ရတယ်။ ဒါပေမဲ့ သူက သဲလွန်စတွေ အများကြီးပေးခဲ့ပါတယ်။ ဒိုဗာကို သူပြောခဲ့တဲ့ " ကျွန်တော်မထားခဲ့ခင်အထိ သူတို့မငိုသေးဘူး"ဆိုတဲ့ စကားရယ် ။ "ကျွန်တော်က အဲလက်စ် မဟုတ်ဘူး"ဆိုတဲ့ စကားရယ်။ " ကျွန်တော်စောင့်နေပေမဲ့ သူရောက်မလာခဲ့ဘူး"ဆိုတဲ့ စကားရယ်။ "သူတို့က ဝင်္ကပါထဲမှာ"ဆိုတဲ့ စကားရယ်က ဒီကားလုံးမှာ သူ့ဘာသာပြောခဲ့တဲ့ စကားအကုန်ပါပဲ။ ဒီစကားတွေ အားလုံးကလည်း အမှုရဲ့အဖြေဆီ ဦးတည်နေခဲ့တယ်။ တကယ်လို့သာ ဒီစကားတွေကို လိုကီသိခဲ့ရင် အစကတည်းက ကွင်းဆက်မိပြီး မြန်မြန်ဖြေရှင်းနိုင်လောက်ပါတယ်။ ဒါပေမဲ့ ရဲတွေကို မယုံတော့တဲ့ ဟုချ်က သူ့ဘာသာပဲ ကြိတ်လုပ်ခဲ့လို့ ကွင်းဆက်က မမိခဲ့တာကတော့ သူတို့ကို တော်တော်လေးစိတ်ထဲ အားမလိုအားမရဖြစ်စေခဲ့သလို ရုပ်ရှင်ရဲ့ thrillerအရသာကလည်း အရသာပိုရှိသွားခဲ့တယ်။ အဲလက်စ်ဟာ Paul Danoရဲ့ သရုပ်ဆောင်သက်တမ်းမှာ သူ့အရည်အချင်းကို ထုတ်ပြနိုင်ခဲ့တဲ့ ဇာတ်ကောင်တွေထဲက တစ်ခုဖြစ်ခဲ့သလို Paul Danoဟာလည်း ၁၀နှစ်ကလေးဉာဏ်ရည်နဲ့ လူကြီးဖြစ်နေတဲ့ အဲလက်စ် ဇာတ်ကောင်ကို ကောင်းကောင်းပုံဖော်သွားနိုင်ခဲ့တယ်။ အဲလက်စ်ဂျုန်းကို လွှတ်ပေးပြီးတဲ့နောက် စုံထောက်လိုကီဟာ တစ်အိမ်တက်တစ်အိမ်ဆင်းလိုက်ရှာခဲ့တယ်။ ဒီမှာ သူထပ်တွေ့ခဲ့ရတာက ဖာသာရဲ့ မြေအောက်ခန်းထဲက အလောင်းပါပဲ။ ဖာသာကတော့ အဲဒီလူကိုသတ်တာဟာ အဲဒီလူဟာ ကလေး၁၆ယောက်ကိုသတ်ခဲ့ကြောင်းပြောပြီး သူ့ဆီအာပတ်လာဖြေရင်း ဘုရားသခင်နဲ့ စစ်ပွဲဆင်နေတဲ့အကြောင်းပြောခဲ့လို့ပါပဲ။ နောက်ပိုင်းမှာတော့ အဲဒီလူဟာ မစ္စတာဂျုန်းဖြစ်ကြောင်း ဟော်လီဂျုန်းရဲ့စကားနဲ့ဆက်စပ်နဲ့ ဆက်စပ်ပြီး သိခဲ့ရတယ်။ ဟော်လီဂျုန်းအိမ်က ပုံထဲက မစ္စတာဂျုန်းပုံမှာလည်း အလောင်းမှာတွေ့ရတဲ့ ဝင်္ကပါပုံစံလည်ဆွဲကို ဝတ်ဆင်ထားခဲ့တယ်။ ဒါကို လိုကီက နောက်ဆုံးမှ သိခဲ့ပါတယ်။ တကယ်လို့သာ လိုကီသာ အဲလက်စ်နဲ့ဆက်စပ်ပြီး ဂျုန်းကို သံသယဝင်ခဲ့လို့ ဒါကိုစောစောသတိထားမိခဲ့ရင် ဖာသာစကားနဲ့ချိတ်ဆက်ပြီး ဂျုန်းလင်မယားဟာ ကလေးခိုးသူတွေဖြစ်ကြောင်း ပိုစောစောသိရင်လည်း သိခဲ့နိုင်ပေမဲ့ ဒီမှာလည်း ထပ်လွတ်ပြန်တာပါပဲ။ ဖာသာက သူသတ်ခဲ့တဲ့ ကလေးသူခိုး (ဝါ) မစ္စတာဂျုန်းက မိသားစုနဲ့အတူလုပ်ခဲ့တာလို့ ပြောခဲ့တယ်လို့ပါ ပြောပြခဲ့ပေမဲ့လည်း လွတ်သွားတာပါပဲ။ တော်တော်လေး လက်တွေ့ကျတယ်လို့တောင် ပြောရမလားမသိပါဘူး။ ရှိနေတဲ့ သဲလွန်စအများကြီးမှာမှ မိချင်တဲ့ဟာပဲမိပြီး နောက်ဆုံးမှအမှုပေါ်သွားတာမျိုးပေါ့။ နောက်ထပ် စုံထောက်လိုကီ သံသယဝင်ခဲ့တဲ့သူကတော့ ဘော့တေလာပါ။ သူ့ကိုတော့ တရားခံအစစ်လို့ပါ သေချာထင်ခဲ့ကြတယ်။ သူကိုယ်တိုင်လည်း ဂျုန်းမိသားစုခိုးတာခံခဲ့ရတဲ့ ကလေးတစ်ယောက်ပါပဲ။ တရားခံအစစ်လို့ ထင်လည်းထင်ချင်စရာပါပဲ သူကတော့ တော်တော်စားတဲ့ ဇာတ်ကောင်ပါပဲ။ လိုကီဟာ သူ့ကို သံသယဝင်ပြီး သူ့အိမ်လိုက်သွားတော့ သူ့အိမ်မှာ သွေးစွန်းနေတဲ့ ကလေးအဝတ်တွေအများကြီးတွေ့ခဲ့ရသလို မြွေတွေ ဝင်္ကပါပုံတွေလည်း တွေ့ခဲ့ရတယ်။ သွေးစွန်းနေတဲ့ ကလေးအဝတ်တွေမှာ ပျောက်သွားတဲ့ကလေးတွေရဲ့ အဝတ်တွေပါနေတယ်လို့ မိသားစုက အတည်ပြုပြီးတဲ့နောက် သူ့ကိုပဲ တရားခံလို့ ကောက်ချက်ချပြီး ကလေးတွေအလောင်းရှိတဲ့နေရာကို ဆက်တိုက်မေးခဲ့ပေမဲ့ သူကတော့ ဝင်္ကပါပုံတွေပဲ ထိုင်ဆွဲပေးခဲ့တယ်။ နောက်ဆုံး သူ့ကိုယ်သူ သတ်သေသွားခဲ့တယ်။ ဒီမြွေတွေ ဝင်္ကပါတွေ ကလေးသတ်တာတွေဟာ တကယ်တမ်း မစ္စတာဂျုန်းစိတ်ဝင်စားခဲ့တဲ့ အရာတွေပါ။ သူ့ထရော်မာက လာတာတွေပါပဲ။ တကယ်တမ်း သူက ကလေးတွေကို မသတ်ခဲ့ဘဲ မစ္စတာဂျုန်းကို လိုက်တုပြီး ဝက်သွေးတွေနဲ့ ကလေးအဝတ်တွေနဲ့ အတုလုပ်ခဲ့တာဖြစ်ခဲ့တယ်။ သူဟာ မစ္စတာဂျုန်းပြန်ပေးဆွဲတာခံရပြီး လွတ်လာခဲ့သူဖြစ်ပေမဲ့ ဘာမှမမှတ်မိဘူးလို့ ကောက်ချက်ချထားခဲ့ကြပေမဲ့ ဒါတွေက သူမှတ်မိနေတာကိုတော့ ပြနေတယ်။ သူ့ကွင်းဆက်မှာတော့ ဖာသာ့ဆီက မစ္စတာဂျုန်းအလောင်းကဆွဲပြားနဲ့ တေလာဆွဲထားတဲ့ ဝင်္ကပါပုံတူနေတာကို လိုကီက သတိထားမိခဲ့ပေမဲ့ ဟော်လီဂျုန်းကို ကွင်းဆက်မမိခဲ့ပြန်ပါဘူး။ ပြောရရင် ဒီရုပ်ရှင်မှာ တကယ့်သဲလွန်စအစစ်တွေကို လိုကီရော ဒိုဗာရော ရခဲ့ပေမဲ့ တစ်ယောက်တစ်ခြမ်းစီလိုဖြစ်နေပြီး နှစ်ခုပေါင်းလိုက်ရင် ပြည့်စုံသွားမှာပေမဲ့ ဒိုဗာက လိုကီကို ဘယ်လိုမှမယုံတာကြောင့် မချိတ်ဆက်မိခဲ့တာကလည်း တော်တော်လေး အားမလိုအားမရဖြစ်စရာပါပဲ။ တကယ်တမ်း ဘယ်သဲလွန်စကိုမှ သူတို့မချိတ်ဆက်မိခဲ့ပါဘူး။ ကလေးမလေးနှစ်ယောက်ထဲက တစ်ယောက်ဖြစ်တဲ့ ဂျွိုင်းက ထွက်ပြေးပြီး လွတ်လာတဲ့အချိန် ဂျွိုင်းက ဒိုဗာကို "ဦးလေး အဲဒီမှာရှိခဲ့တယ်"လို့ ပြောမှပဲ ဒိုဗာက ဟော်လီဂျုန်းကို ကွင်းဆက်မိသွားသလို လိုကီကလည်း ဒိုဗာရှိမယ်ထင်တဲ့နေရာနောက်လိုက်ရင်း အဲလက်စ်ဂျုန်းကို တွေ့လို့ ရဲမှူးခိုင်းတဲ့အတိုင်း ဟော်လီဂျုန်းဆီသွားရင်းမှ ပုံကလည်ဆွဲကိုတွေ့သလို ကလေးကိုဆေးထိုးနေတာကိုလည်း လက်ပူးလက်ကြပ်မိခဲ့တာပါပဲ။ တော်တော်လေး မချင့်မရဲဖြစ်စရာကောင်းတဲ့ တည်ဆောက်ပုံနဲ့ thrillerအရသာအပြည့်ထွက်အောင် လုပ်သွားတဲ့ Villeneuveနဲ့ ဇာတ်ညွှန်းဆရာ Aaron Guzikowskiကို ဆလံပေးရမှာပါပဲ။ တစ်ချိန်လုံး အားမလိုအားမရဖြစ်စရာတွေ စိတ်ထဲမချင့်မရဲဖြစ်ချင်စရာတွေနဲ့ပဲ အသက်ဆက်သွားခဲ့တဲ့ ဒီကားဟာ အဆုံးထိလည်း ဒီလိုပဲ လုပ်သွားခဲ့ပါတယ်။ အရှိန်ကုန်တင်လိုက်တယ်လို့တောင် ပြောလို့ရတယ်။ လိုကီဟာ တွင်းထဲအပိတ်ခံထားရတဲ့ ဒိုဗာဝီစီမှုတ်တဲ့အသံ သဲ့သဲ့ကို‌တော့ ကြားလိုက်သလိုလိုဖြစ်နေတဲ့ အခန်းနဲ့ အဆုံးသတ်သွားခဲ့တာပါ။ တွေ့မတွေ့တော့ မပါတော့ပါဘူး။ တွင်းထဲက ဒိုဗာကို လိုကီတွေ့မလား မတွေ့ဘူးလားဆိုတဲ့ မသေချာမှုနဲ့ အဆုံးသတ်သွားခဲ့တာက ပရိသတ်တွေအတွက် စိတ်ထဲ မကျေမလည်ဖြစ်ချင်စရာ ကောင်းနေတယ်။ ဒါပေမဲ့ Screenrantက ဆောင်းပါးထဲတော့ Prisonersလို ရုပ်ရှင်မျိုးဟာ လုံးဝသေချာနေတဲ့ Happy Endingနဲ့ အဆုံးသတ်ရင် ကြောင်တောင်တောင်ဖြစ်သွားမယ်လို့ ဆိုပါတယ်။ သူ့စကားကို တွေးကြည့်တော့ ဟုတ်လည်းဟုတ်ပါတယ်။ ဒီလိုမဟုတ်ပေမဲ့ လူပျောက် ပြန်တွေ့ ပျော်စရာဇာတ်သိမ်းနဲ့ အဆုံးသတ်သွားတဲ့ကားတွေ ကျွန်တော်တို့ကြည့်ခဲ့ဖူးပါတယ်။ နည်းနည်းပေါနေတဲ့ ကားတွေ ဖြစ်နေတတ်တာလည်း များသလို ဒီကားရဲ့အဆုံးသတ်ကို မိသားစုပြန်ပေါင်းစည်းကြလေသတည်းဆိုပြီး ကိုယ့်ဘာသာတွေးကြည့်တော့လည်း အခုအဆုံးသတ်လို အရသာရှိမနေပြန်ပါဘူး ဒီတိုင်းသာ အကောင်းဆုံးလို့ပဲ သူ့စကားအတိုင်း ထောက်ခံရမှာပါပဲ။ တစ်ချိန်တည်းမှာပဲ ဒိုဗာအတွက် စိတ်မကောင်းဖြစ်စရာကောင်းသလို တစ်ဖက်မှာလည်း ဒိုဗာ အဲလက်စ်အပေါ်လုပ်ခဲ့တဲ့ လုပ်ရပ်တွေအရ ဖြစ်သင့်လို့ဖြစ်လာတယ်လို့ ထင်ချင်စရာလည်း နည်းနည်းကောင်းတယ်။ ဒါပေမဲ့ ကျွန်တော့်အမြင်တော့ ဒိုဗာမမှားခဲ့ပါဘူး။ အဲလက်စ်ဟာ ၁၀နှစ်ကလေးဉာဏ်ရည်ပဲရှိသလို အပြစ်ကင်းတယ်လို့ အဆုံးမှာ ကောက်ချက်ချခဲ့ပေမဲ့ တကယ်တမ်း ဟော်လီဂျုန်းစကားအတိုင်းဆို အဲလက်စ်ဟာ ဟော်လီဂျုန်းဆီ ကလေးတွေကို မခေါ်သွားခဲ့ရင် ကလေးတွေအဖမ်းမခံရပါဘူး။ ဟော်လီဂျုန်းကတော့ အဲလက်စ်ဟာ ကလေးတွေကို ခေါ်ပဲခေါ်လာတာ လက်ဖျားနဲ့တောင် မထိခဲ့ဘူးလို့ ဒိုဗာ့ကို ကျင်းထဲ ပစ်မချခင်ပြောခဲ့ပါတယ်။ ဒါကလည်း ဒိုဗာ့ကို အပြစ်ရှိစိတ်ဝင်စေချင်လို့ပဲ ဖြစ်နိုင်ပါတယ်။ ကြောက်လို့ပဲဖြစ်ဖြစ် စိတ်မနှံ့လို့ပဲဖြစ်ဖြစ် ဟော်လီဂျုန်းဆီမှာ ရှိနေတာသိသိနဲ့ ဟော်လီဂျုန်းကို သူလုံးဝမဖော်ခဲ့တဲ့အချက်ကလည်း တကယ်မပြောတတ်လို့ပဲဆိုဆို အပြစ်ကင်းတယ်လို့ မထင်ရပြန်ပါဘူး။ အပြစ်ကင်းနေရင်တောင် ချုပ်ထားခဲ့တဲ့ ဒိုဗာမမှားခဲ့ပါဘူး။ ဟော်လီဂျုန်းက အဲလက်စ်မရှိလို့ သူအထီးကျန်လွန်းလို့ ကလေးတွေကို ကျင်းထဲကနေ ထုတ်ပေးခဲ့တယ်လို့ ပြောခဲ့ပါတယ်။ ဒိုဗာသာ အဲလက်စ်ကို မချုပ်ထားခဲ့ရင် ဂျွိုင်းလည်း လွတ်လာမှာမဟုတ်သလို သူတို့လည်း ဘယ်တော့မှ တွေ့တော့မှာမဟုတ်ပါဘူး။ ဒိုဗာရဲ့လုပ်ရပ်တွေဟာ လွန်ကျူးခဲ့ပေမဲ့ မမှားခဲ့လို့ ဒီကံကြမ္မာနဲ့ မထိုက်တန်ခဲ့ပါဘူး။ ဝမ်းနည်းစရာကောင်းတာက ဒီအမှုကို တကယ်တမ်းဖြေရှင်းလိုက်တာက ဒိုဗာဖြစ်ခဲ့ပေမဲ့ သူ့သမီးက လိုကီ့ဆီလာလည်တော့ သူ့အ‌မေက သူ့သမီးက သူ့သူရဲကောင်းကိုလာတွေ့တာလို့ပြောခဲ့တာပါပဲ။ တကယ်တမ်း သူလွတ်လာတဲ့ အကျိုးဆက်ဖြစ်လာစေခဲ့တဲ့ အကြောင်းတရားဖြစ်ခဲ့တဲ့ သူ့သူရဲကောင်းအစစ်ဖြစ်ခဲ့တဲ့ သူ့အဖေကတော့ လူဆိုးသက်သက်ဖြစ်သွားသကိုး။ သူ့အဆုံးသတ်က လိုကီက ဒိုဗာကိုတွေ့မတွေ့က မရေမရာဖြစ်နေပေမဲ့ ကျွန်တော်တော့ တွေ့မယ်လို့ပဲ မြင်ပါတယ်။ အားလုံးထွက်သွားပြီး မီးတွေပါအမှောင်ချသွားခဲ့တဲ့ ညလယ်ခေါင်နားမှာ ဒိုဗာဟာ ဒီအသံကို ကျိန်းသေရှာတွေ့မှာပါပဲ။ ဘာလှုပ်ရှားမှုမှမရှိတော့တဲ့ ညနက်ရဲ့ တိတ်ဆိတ်တဲ့ဓာတ်ဟာ အသံ အရွေ့အနံ့စသဖြင့် အပြောင်းအလဲသေးသေးလေးတွေကိုတောင် တော်တော်ထင်းစေတဲ့ ဓာတ်မျိုးပါပဲ။ ဒီတိုင်း အရာအားလုံးတိတ်နေငြိမ်နေလို့ ထင်ရှားသွားတယ်ဆိုတာထက် သူ့ဓာတ်မှာကို တစ်ခုခုရှိနေသလို ကျွန်တော်တော့ ခဏခဏခံစားမိဖူးတယ်။ ဒီတော့ တွေ့ကိုတွေ့မယ်လို့ပဲ ယုံပါတယ်။ ရုပ်ရှင်ရဲ့ အကျဉ်းသားများဆိုတဲ့ နာမည်ကိုတော့ Screenrantက အဓိဇာတ်ကောင်၂ကောင် သူတို့ကိုယ်တိုင်အကျဉ်းသားဖြစ်လာတဲ့ အကျိုးဆက်နဲ့ ရင်ဆိုင်လာရတာကိုပြောချင်တာလို့ အဓိပ္ပာယ်ကောက်ထားပါတယ်။ ဒိုဗာကလည်း သူ့သမီးကိုရှာဖို့ သူ့လူသားဆန်မှုကို ကျောခိုင်းပြီး သောကတွေရဲ့ အကျဉ်းသားဖြစ်လာခဲ့သလို နောက်ဆုံးမှာ ကျင်းထဲမှာ အကျဉ်းသားဖြစ်သွားရတယ်။ လိုကီကလည်း ကလေးတွေကိုရှာဖို့ အရမ်းစိတ်စွဲနေတာကြောင့် သူ့အမှုမှာ သူပိတ်မိပြီး သူ့အမှုရဲ့အကျဉ်းသားဖြစ်ခဲ့ပေမဲ့ အန်နာကိုကယ်ပြီး ဒီအကျဉ်းထဲက ထွက်လာနိုင်ခဲ့တယ်ဆိုပါတယ်။ ဒါပေမဲ့ ကျွန်တော်တော့ ဒိုဗာကိစ္စက သူ့အတွက် မတင်မကျဖြစ်နေသေးတာမို့ ဒိုဗာကိုရှာမတွေ့မချင်း ဒီအမှုမှာ လိုကီဟာ အကျဉ်းသားဖြစ်နေဦးမယ်လို့မြင်တယ်။ ဒိုဗာကို လိုကီတွေ့ခဲ့ရင်တော့ နှစ်ယောက်စလုံး အကျဉ်းသားဘဝက လွတ်မြောက်သွားမှာပါ။ တစ်နည်းပြောရရင် ဝင်္ကပါထဲက လွတ်သွားမှာပါ။ ဒိုဗာကို လိုကီမတွေ့ခဲ့ရင်တော့ နှစ်ယောက်စလုံး အကျဉ်းသားအဖြစ် ကျန်ရှိနေမှာပါပဲ။ ဘယ်လိုဖြစ်စေချင်လဲကတော့ ထုံးစံအတိုင်း ကျွန်တော်တို့ရဲ့ လွတ်လပ်ခွင့်ပေါ့။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။) File size…(5.6 GB)/(1.8 GB )/(1.3 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:33:00 Subtitle….Myanmar Subtitle (Hardsub) Encoder….Ka Naung Translated by WiRa Aung

ဒီဇာတ်ကားဟာ The Good Doctor ဇာတ်ကားထဲကလို သာမာန်သူတွေလို မတွေးနိုင်တဲ့ ညဏ်ကြီးရှင်ဇာတ်ကားမျိုးလေးပါ။ ဒါပေမဲ့ အပိုတွေလုပ်တာမျိုးလုံးဝမပါပါဘူး။ဇာတ်ကားမှာ မင်းသားကြီး Tom Hanksလည်းပါဝင်သရုပ်ဆောင်ထားပါတယ်။ ဒီကားလေးက ကျွန်တော်တို့ရဲ့လွဲမှားနေတဲ့အယူအဆတစ်ချို့ကိုလည်းထောက်ပြပေးထားပါတယ် အတော်ကိုဗဟုသုတရစေမှာပါ။ အမှန်အတိုင်းပြောရရင် အစပိုင်းလေးတော့ နည်းနည်းရှုပ်မယ်ဗျ။ ဇာတ်လမ်းကို အမေရိကန်နိုင်ငံမှာဖြစ်ပွားခဲ့တဲ့ ဝေါ်ထရိတ်စင်တာ ဖြစ်ရပ်ကိုနောက်ခံပြီး သာမန်ကလေးတစ်ယောက်မဟုတ်တဲ့ Oskarအကြောင်းကို ရိုက်ကူးထားတာဖြစ်ပါတယ်။ Oskarဟာ သူရဲ့ ဖခင်ကို ဝေါ်ထရိတ်စင်တာ ကိစ္စမှာဆုံးရှုံးခဲ့ရပြီး ဆောက်တည်ရာမရဖြစ်နေချိန်မှ ာ သူ့အဖေထားခဲ့တဲ့ သော့လေးကိုတွေ့ပြီး....ဘယ်မှာရှိနေမှန်းမသိတဲ့ သော့ခလောက်လေးကို NewYork တစ်မြို့လုံးမှာ လိုက်ရှာရင်းဘဝသင်ခန်းစာတွေအများကြီးရသွားတဲ့ကားမျိုးလေးပါ။ NewYorkမြို့ကို လေ့လာချင်သူတွေအတွက် ဒီကားလေးက အထောက်အကူပြုမှာတော့အသေချာပါပဲ။ ဒါကြောင့် မြို့နဲ့ ရပ်ကွက်နာမည်တွေကို Googleခေါက်ရှာရလွယ်အောင် ကျွန်တော်နာမည်တွေကိုengအတိုင်းပဲ ထားခဲ့ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ Ag Ko Khant ပါ) File Size : (950 MB) Quality : Blu-Ray 720p Running Time : 2hr 09min Format : Mp4 Genre : Adventure, Drama, Mystery Subtitle : Myanmar Subtitle (Hard Sub) Source : 720p.BluRay.x264-x0r Translated by Ag Ko Khant Encoded by Thanhtike Zaw

၁၉၆၃ ခုနှစ်၊ အမေရိကန်နိုင်ငံ မစ္စစ္စပီပြည်နယ်မှာ လူမည်းအမျိုးသမီးတွေဟာ အထက်တန်းလွှာ လူဖြူမိသားစုတွေရဲ့အိမ်တွေမှာ အိမ်အကူအဖြစ် အလုပ်လုပ်နေကြပါတယ်။ Big Mama လို့ ခေါ်လေ့ရှိကြတဲ့ ဒီအမျိုးသမီးတွေမှာ မိခင်က အိမ်အကူ၊ အဖွားက မြေကျွန်ဖြစ်ခဲ့လို့ ကိုယ်တိုင်လည်း ကြီးလာရင် ဒီအလုပ်ပဲ လုပ်ရမယ်လို့ သိထားခဲ့သူတွေ ရှိတယ်။ အိမ်တွေမှာ အလုပ်လုပ်ပေးနေရပေမယ့် ဆက်ဆံခံရပုံက ကျွန်သာသာပါပဲ။ ထမင်းစားပွဲတစ်ပွဲတည်းမှာ အတူစားခွင့်မရှိသလို လူဖြူတွေသုံးတဲ့ အိမ်သာ၊ ရေချိုးခန်းတွေကို သုံးမှာကိုလည်း အိမ်ရှင်တွေက လက်မခံကြပါဘူး။ ဒီလိုပတ်ဝန်းကျင်ထဲကို ဂျာနယ်လစ်ပေါက်စ Eugenia “Skeeter” Phelan က သူ့မွေးရပ်မြေ Jackson ဆီ ပြန်ရောက်လာပါတယ်။ ငယ်ငယ်ကတည်းက သူ့ကို ထိန်းကျောင်းပေးခဲ့တဲ့ အိမ်အကူအမျိုးသမီးကြီး Constantine ကို မိခင်က အလုပ်ထုတ်လိုက်မှန်း သိလိုက်ရတဲ့နောက် Skeeter ဟာ လူမည်းအိမ်အကူတွေရဲ့ ဘဝတွေကို စာအုပ်တစ်အုပ်အဖြစ် ရေးသားဖို့ ကြိုးစားလာတယ်။ မီးဖိုချောင်တွေထဲမှာ သူတို့ ဘယ်လိုနေထိုင်ရသလဲ၊ ဘယ်လိုခွဲခြားဆက်ဆံခံရသလဲဆိုတဲ့ အတွေ့အကြုံတွေကို စုစည်းပြီး The Help ဆိုတဲ့အမည်နဲ့ ထုတ်ဝေချင်တာပါ။ Skeeter က Aibileen Clark နဲ့ Minny Jackson တို့ရဲ့ အကူအညီကို ရယူခဲ့ပါတယ်။ တခြားအိမ်အကူအမျိုးသမီးတွေကတော့ ကိုယ့်အကြောင်းကို ပြောပြဖို့ ကြောက်ရွံ့ပြီး ငြင်းကြတယ်။ လူမည်းတစ်ဦး လမ်းပေါ်မှာ ပစ်သတ်ခံရပြီးတဲ့နောက်မှ သူတို့ကလည်း စာအုပ်အတွက် ပါဝင်ကူညီလာကြပါတယ်။ Kathryn Stockett ရဲ့ အရောင်းရဆုံးစာအုပ်ကို အခြေခံပြီး Tate Taylor က ဇာတ်ညွှန်းရေးသား ရိုက်ကူးထားတာပါ။ Skeeter အဖြစ် Emma Stone၊ Aibileen အဖြစ် Viola Davis နဲ့ Minny အဖြစ် Octavia Spencer တို့ ပါဝင်ကြပါတယ်။ Hilly အဖြစ် Bryce Dallas Howard က သရုပ်ဆောင်ထားပြီး Skeeter နဲ့ Hilly တို့ရဲ့ မိခင်တွေအဖြစ် Allison Janney နဲ့ Sissy Spacek တို့ ပါဝင်ထားပါတယ်။ ဒီရုပ်ရှင်နဲ့ Viola Davis၊ Octavia Spencer နဲ့ Jessica Chastain တို့ အော်စကာဆန်ကာတင်စာရင်းမှာ ပါဝင်ခဲ့ကြပြီး Octavia Spencer က အကောင်းဆုံးဇာတ်ပို့မင်းသမီးဆု ရရှိခဲ့ပါတယ်။ Viola Davis ပါဝင်ယှဉ်ပြိုင်ခဲ့တဲ့ဆုကိုတော့ The Iron Lady ထဲက Meryl Streep က ရရှိခဲ့တယ်။ အိမ်အကူအမျိုးသမီးတွေရဲ့ နေ့စဉ်ဘဝကို ပြထားတဲ့ ဇာတ်လမ်းထဲမှာ ရယ်စရာအခန်းတွေရှိသလို ခွဲခြားဆက်ဆံခံရမှုကြောင့် ဝမ်းနည်းရတဲ့ အခန်းတွေလည်း ပါဝင်ပါတယ်။

Eat, Pray, Love (2010) 2010 တုန်းကထွက်ရှိထားပြီး မင်းသမီး Julia Roberts ခေါင်းဆာင်မင်းသမီးအဖြစ် ပါဝင်ထားတဲ့ Eat Pray Love ဆိုတဲ့ Romantic drama ဇာတ်ကားတင်ဆက်ပေးလိုက်ပါတယ်။ ဘဝမှာ ကိုယ်တကယ်တမ်းဘာလိုချင်မှန်းမသိပဲ သေသွားခဲ့ကြတဲ့သူတွေအများကြီးပါ။ ငါမသေခင်လေး ဒါလေးစားဖူးချင်လိုက်တာ၊ ဒီနေရာလေးရောက်ဖူးချင်လိုက်တာ၊ သူနဲ့သာစကားပြောဖြစ်ခဲ့ရင် ဆိုတဲ့ အရာတွေအများကြီးကို နောင်တရ မနေချင်ရင်‌တော့ ကိုယ်တကယ်တမ်း ဘာကိုလိုချင်လဲ ကိုယ့်ကိုကိုယ် ဘယ်သူလဲဆိုတာ အဖြေရှာရမှာပဲဖြစ်ပါတယ်။ ယခုဇာတ်ကားလေးကလဲ ကိုယ်တကယ်အလိုရှိတာဘာလဲ ကိုယ်ကဘယ်လိုလူလဲဆိုတာ အဖြေရှာနေတဲ့ အမျိုးသမီးတစ်ယောက်အကြောင်းပါ။ ဇာတ်လမ်းအကျဉ်းလေးကတော့ အယ်လိဇဘတ် လစ်ဇ် ‌ဂေးလ်ဘတ် ဆိုတဲ့အမျိုးသမီးတစ်ယောက်ဟာ အောင်မြင်တဲ့ စာရေးဆရာမတစ်ယောက်ဖြစ်တဲ့အပြင် အိမ်ထောင်သက် ၈ နှစ်ရှိပြီဖြစ်တဲ့ အမျိုးသမီးတစ်ယောက်ပါ။ ဒါပေမဲ့ သူ့ဘဝဟာလမ်းပျောက်နေခဲ့ပြီး သူတကယ်တမ်း ဘာလိုချင်လဲ သူ့ရဲ့စိတ်ဆန္ဒက ဘာကိုအလိုရှိလဲဆိုတာ အမြဲရှာဖွေနေတဲ့သူတစ်ယောက်။ ဒါပေမဲ့ သူဟာအမြဲကိုယ်လိုချင်တာကိုရှာမတွေ့ခဲ့ပါဘူး။ ဒါနဲ့ပဲ သူရဲ့‌အေးစက်နေတဲ့အိမ်ထောင်ရေးကို ကျောခိုင်းခဲ့ပြီး သူတကယ်တမ်းအလိုရှိတာ ဘဝမှာဖြစ်ချင်တာတွေကို ရှာဖွေဖို့ နေရာ ၃ နေရာကိုခရီးထွက်ပြီး ရှာဖွေပါတော့တယ်။ အီတလီ၊ အိန္ဒိယနဲ့ ဘာလီ ဆိုတဲ့ နေရာ ၃ ခုမှာ သူလိုချင်တဲ့ အရာတွေကို ရှာဖွေပါတော့တယ်။ ဒီနေရာ ၃ ခုကနေ ဘာတွေရှာဖွေတွေ့ရှိမယ်ဆိုတာ ဆက်လက်ကြည့်ရှုလိုက်ကြပါဦး။ အညွှန်းနဲ့ဘာသာပြန်ကတော့ Khant Zaw Hein ပဲ ဖြစ်ပါတယ်။ Genre..... Biography, Dram, Romance Quality…. 1080p | 720p File size… 2.2GB | 1.2GB Format… mp4 Duration…. 2h 13min Subtitle…. Myanmar Subtitle (Hardsub) Translator ..... Khant Zaw Hein Encoder ..... Aaron

Tom Cruise နဲ့ Cameron Diaz တို့ပါဝင်ထားတဲ့ဇာတ်ကားလေးပါ...နှစ်ယောက်လုံးက ဝါရင့်တွေပီပီ ဇာတ်ကားတစ်လျှောက်လုံး ကြည့်ရှုသူအပေါင်းကို စိတ်ပါဝင်စားအောင် ဆွဲခေါ်သွားနိုင်ပါတယ်... ပေါ့ပေါ့ပါးပါး ဟာသဆန်ဆန် Action ကားကိုကြည့်မယ်ဆိုရင် အလိုက်ဖက်ဆုံးဇာတ်ကားပါ... Comedy Action ဆိုပေမယ့် IMdb Rating (6.3) ထိ ရရှိထားတာမလို့ ဘယ်လောက်ထိ ကြည့်ပျော်မယ်ဆိုတာ ခံစားကြပါဦး။ File size…(3.2 GB)/ (1.2 GB) Quality….BluRay Extended 1080p HEVC /720p Format…mkv/mp4 Duration….01:57:07 Subtitle….Myanmar Subtitle(Hardsub) Encoder….Ka Naung Translated by Mugiwara Ya

Law Abiding Citizen (2009) အမေရိကန်လို ဥပဒေတင်းကျပ်တဲ့ နိုင်ငံမျိုးမှာတောင် ရာဇဝတ်မှုဆိုတာ ကိုယ့်အိမ်တံခါးဝကို အချိန်မရွေးရောက်လာနိုင်တဲ့ နတ်ဆိုးတစ်ကောင်ပါပဲ… အဲဒီနတ်ဆိုးဟာ တစ်နေ့တော့ ကလိုက်ဒ် ရှယ်တန် ဆိုတဲ့ အင်ဂျင်နီယာတစ်ယောက်ရဲ့အိမ်ကို ဆိုက်ဆိုက်မြိုက်မြိုက် ရောက်လာခဲ့ပါတယ် … ကလိုက်ဒ်တို့ မိသားစု ညစာစားဖို့ပြင်ဆင်နေတုန်း ဘယ်ကမှန်းမသိတဲ့လူတွေ အိမ်ထဲ ဇွတ်ဝင်ရောက်လာပြီးတော့ ပစ္စည်းတွေလုယက်လို့ သူ့ရဲ့မိန်းမနဲ့ လူမမည်သေးတဲ့ သမီးလေးကိုပါ သတ်သွားခဲ့ကြတယ်… ကံဆိုးတာလား ကံကောင်းတာလား မသိတာတစ်ခုက ကလိုက်ဒ်တစ်ယောက်ပဲ အသက်ပြင်းလို့ မသေဘဲကျန်ခဲ့တယ်ပေါ့… ဇာတ်လမ်းလေးက အစမှာ ယဉ်သကို ဆိုသလိုပဲ အထက်ပါအတိုင်း ဇာတ်လမ်းစထားပြီးတော့ အလယ်မှာ ဇာတ်လမ်း အရှိန် တဖြည်းဖြည်း မြင့်တက်လာရာကနေ နောက်ဆုံးမှာ လှလှပပ အဆုံးသတ်သွားခဲ့ပါတယ်.. ဇာတ်လမ်းအရသာပျက်သွားမှာစိုးလို့ ရီဗျူးတောင်မရေးရဲလောက်အောင်ပါပဲ… သေချာတာတစ်ခုကတော့ မှုခင်းကားတွေ စုံထောက်ဇာတ်လမ်းတွေ သည်းထိတ်ရင်ဖိုတွေ သဘောကျ နှစ်သက်သူတွေအတွက်ကတော့ မကြည့်မိရင် နောင်တရစေမယ့် ဇာတ်ကားပဲဖြစ်ပါတယ် သရုပ်ဆောင်တွေကလည်း တကယ့်စတားတွေဖြစ်ကြတဲ့ Gerard Butler တို့ Jamie Foxx တို့ အဓိကပါဝင်သရုပ်ဆာင်ထားပြီးတော့ IMDb မှာလည်း 7.4 / 10 တောင်ရရှိထားပါတယ်။ ကိုယ်တိုင်ပဲ ကြည့်ရှူခံစားတော်မူပါ။ File size…2.06GB / 914MB Quality… BluRay 1080p/ 720p Format…mp4 Duration….2h 00m Genre ….. Action, Crime, Drama Subtitle….Myanmar Subtitle (Hard Sub)

စိန့်နီကိုးလပ်စ် ကတ်သလစ်စာသင်ကျောင်းမှာ စစ်စတာအယ်လိုဝစ်ရှက်စ်ဟာ စည်းကမ်းတင်းတင်းကျပ်ကျပ်နဲ့ အုပ်ချုပ်သူတစ်ယောက်ပါ။ ဖာသာဖလင်းကတော့ ခေတ်မီတဲ့အမြင်ရှိပြီး စည်းကမ်းတွေကို ဖြေလျှော့ကာ ကျောင်းသားတွေနဲ့ ရင်းရင်းနှီးနှီး နေတတ်ပါတယ်။ ကျောင်းတစ်ကျောင်းတည်းမှာ ရှိနေပေမယ့် သူတို့နှစ်ယောက်ရဲ့ သဘောထားနဲ့ ချဉ်းကပ်ပုံက ကွာခြားနေပါတယ်။ တစ်နေ့ စစ်စတာဂျိမ်းစ်က ဖာသာဖလင်းဟာ ကျောင်းသားတစ်ယောက်ကို အထူးအရေးပေး ဆက်ဆံနေကြောင်း စစ်စတာအယ်လိုဝစ်ရှက်စ်ကို ပြောပြလာတယ်။ ဘာကြောင့် ဒီလိုဆက်ဆံနေသလဲဆိုတာကိုတော့ သူတို့ သေချာမသိကြပါဘူး။ ဒါပေမယ့် အဲဒီမသေချာမှုကနေ စတင်ပြီး စစ်စတာအယ်လိုဝစ်ရှက်စ်ဟာ ဖာသာဖလင်းကို ရာထူးကနေ ဖယ်ရှားဖို့ ကြိုးစားလာပါတယ်။ John Patrick Shanley ရေးသားတဲ့ Doubt: A Parable ကို သူကိုယ်တိုင် ဒါရိုက်တာအဖြစ် ရုပ်ရှင်ပြန်ရိုက်ထားတာပါ။ ဇာတ်ကောင်တွေရဲ့ သရုပ်ဆောင်မှုနဲ့ အပြန်အလှန်ပြောစကားတွေကို အလေးထားတင်ပြထားပါတယ်။

မှန်ဘီလူးတစ်လက်နဲ့ ပတ်ဝန်းကျင်ကိုစပိုင်လုပ်နေရင်း ထူးဆန်းတာတွေကြုံလာဖူးလား.... ဒီဇာတ်လမ်းလေးမှာတော့ ကေးလ်ဆိုတဲ့ဆယ်ကျော်သက်အရွယ် ကောင်လေးတစ်ယောက်ဟာ  စာသင်ခန်းထဲမှာဆရာကို လက်သီးနဲ့ထိုးမိလို့ နေအိမ်အကျယ်ချုပ်ပုံစံမျိုးကျပြီး အိမ်ထဲမှာပဲ ၃ လ လောက်အောင်းရမဲ့ကိန်းဆိုက်လာပါတော့တယ်။ အပြင်ထွက်လည် သူငယ်ချင်းတွေနဲ့ပျော်တတ်တဲ့အရွယ်မှာ အိမ်ထဲပိတ်မိနေလို့ ကေးလ်တစ်ယောက် မှန်ဘီလူးတစ်လက်နဲ့ ပတ်ဝန်းကျင်ကအိမ်တွေကို တစ်နေကုန်စောင့်ကြည့်ပါတော့တယ်။ သူကြည့်တဲ့အထဲမှာ သူ့အိမ်ဘေးကိုပြောင်းလာတဲ့ မိသားစုထဲက သူနဲ့ရွယ်တူကောင်မလေးကိုတော့ ပိုအချိန်ပေးဖြစ်တာပေါ့။ အဲ့အချိန်မှာ ဆံပင်အနီရောင်ကောင်မလေးတွေကို ပြန်ပေးဆွဲ သတ်ဖြတ်မှုကလဲ သတင်းထွက်လာတဲ့အချိန် သူတို့အိမ်ဘေးက လူရဲ့နေထိုင်ပုံကလဲ မသင်္ကာစရာတွေဖြစ်လာချိန်မှာတော့ စပ်စုတတ်တဲ့ ကောင်လေးဘယ်လိုဖြစ်လာမယ်ဆိုတာကို ဆက်လက်ကြည့်ရှုရမှာပဲဖြစ်ပါတယ်။ မင်းသားကတော့ Transformers ကားထဲက မင်းသားဖြစ်ပြီး သူနဲ့တွဲတဲ့မင်းသမီးတိုင်းကတကယ့်ကို အချောအလှတွေဆိုတာ တော့ပြောစရာမလိုလောက်ဘူးထင်ပါတယ်။Crime, Drama, Mystery ဇာတ်ကားအမျိုးအစားဖြစ်ပြီး IMDBမှာလဲ မှတ်ချက် ကောင်းတွေပိုင်ဆိုင်ထားတဲ့ဇာတ်ကားတစ်ကားဖြစ်ပါတယ်။ File size…2.13GB / 858MB Quality…Blu-Ray 1080p 5.1 CH / 720p Format…mp4 Duration….1h 45m Genre ..... Drama , Mystery , Crime Subtitle….Myanmar Subtitle (Hard Sub) Encoder….Min Wai Translated by Charm

World Trade Center (2006) IMDb - 5.9/10 Rotten - 67% World Trade Center လို့ဆိုလိုက်တာနဲ့ ကမ္ဘာ့အကြီးဆုံးကုန်သွယ်ရေးအဆောက်အအုံဖြစ်တဲ့ အမွှာညီနောင် တာဝါ2ခုကို အားလုံးသိကြမယ်လို့ထင်ပါတယ်..2001 ခုနှစ်မှာ စက်တင်ဘာလ 11ရက် နေ့မှာ အမေရိကန် ပြည်ထောင်စု New York City မှာရှိတဲ့ World Trade Center အမွှာညီနောင်ကုန် သွယ်ရေးအဆောက်အအုံကို အိုစမာဘင်လာဒင်ရဲ့ အကြမ်းဖက် သမားများအဖွဲ့က ပြန်ပေးဆွဲယူ လာခဲ့သော လေယာဉ်2 စင်းနဲ့နဲ့အသေခံဝင်တိုက်ခဲ့ပါတယ်.. ပြန်ပေးဆွဲခဲ့တဲ့လေယာဉ်တွေကတော့American Airlines Flight 11 နဲ့ United Airlines Flight 175 ပဲဖြစ်ပါတယ်.. လေယာဉ်နဲ့ဝင်တိုက်ခံရပြီးနှစ်နာရီအတွင်းမှာပဲ တာဝါ၂ခုလုံး ပြိုလဲပျက်စီးခဲ့ပါတယ်. အသက်ကယ်ဆယ်ဖို့ရောက်လာတဲ့မီးသတ်သမားတွေ ကယ်ဆယ်ရေးတပ်ဖွဲ့တွေလည်းအတွင်းမှာပိတ်မိခဲ့ပြီးတော့ တော်တော်များများ သေကြေခဲ့ရပါတယ် ဒီတိုက်ခိုက်မှုနဲ့ ဒီတာဝါ ပြိုကျပျက်ဆီးမှုကို ဖြစ်ရပ်မှန်ပေါ်မှာ သရုပ်ဖေါ်ထားတဲ့ World Trade Center ရုပ်ရှင်ကိုတော့ 2006 ခုနှစ်မှာ ထွက်ရှိခဲ့ပြီးတော့ ဒါရိုက်တာ Oliver Stone ရိုက်ကူးထားပါတယ် အားလုံးနဲ့အကျွမ်းဝင်ပြီးသားဖြစ်တဲ့ မင်းသားကြီး Nicolas Cage ကတော့ အဓိကသရုပ်ဆောင် အနေနဲ့ပါဝင်ရိုက်ကူးထားပါတယ်..ဇာတ်လမ်းအကျဉ်းကိုပြောပြစရာမလိုတော့ဘူးထင်ပါတယ် Filesize : 3.02 GB / 1.31 GB Quality : Bluray 1080p HEVC , 720p HEVC Format : mp4 Genres : Drama, History, and Thriller Runtime : 2h 9 min Subtitle : Myanmar Subtitle ( Hardsub )

နာမည်ကြီး rapper 50 cent ရဲ့ ဖြစ်ရပ်မှန် တကယ့်ဘဝအကြောင်းကို ရိုက်ကူးထားတဲ့ ဇာတ်လမ်းတစ်ပုဒ်ဖြစ်ပါတယ်။ အမေဆုံးသွားပြီးနောက်ပိုင်း 12 နှစ်အရွယ်မှာ drug dealer အဖြစ်နဲ့ အသက်မွေးဝမ်းကြောင်းခဲ့ရာကနေ Rapper တစ်​ယောက်ဖြစ်လာအောင် ကြိုးစားခဲ့တဲ့ Marcus ရဲ့ဘဝဖြတ်သန်းပုံတွေကို ရိုက်ကူးထားပြီးတော့ 50 Cent ရဲ့ ဘဝဇာတ်ကြောင်းကို သိမြင်စေနိုင်မဲ့ Autobiography/ Crime ဇာတ်လမ်းတစ်ပုဒ်ပဲ ဖြစ်ပါတယ်။ လူမဲရပ်ကွက်က gangsta တွေ အဖွဲ့ဂိုဏ်းတွေနဲ့ နယ်မြေစွဲပြီး territory ဆန်တဲ့ ဂိုဏ်းတွေကြားက ရန်ငြိုးနဲ့ပစ်ခတ်မှုတွေပါဝင်ပြီး Marcusရဲ့ ကြမ်းတမ်းတဲ့ဘဝကနေ အရှုံးမပေးဘဲ ဘယ်လိုတွေကြိုးစားခဲ့လဲဆိုတာ ရင်ဖိုစိတ်လှုပ်ရှားစွာ ကြည့်ရှုရမှာပဲဖြစ်ပါတယ်။

IMDb Rating - 7.3 ဒီတစ်ခါတော့ old but gold ဇာတ်ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ မင်းသမီးကြီး Julianne Moore ပါ၀င်သရုပ်ဆောင်ခဲ့ပြီး 2002 ခုနှစ်က ထွက်ရှိခဲ့တဲ့ အမေရိကန်ရုပ်ရှင်ဖြစ်ပါတယ်။ အဲ့ဒီဇာတ်ကားထဲက မင်းသား မင်းသမီးတွေက ဆုတွေအများကြီး ရရှိခဲ့တာမို့လို့ ဇာတ်လမ်းက အရမ်းကောင်းမယ်ဆိုတာ မပြောလဲသိကြမှာပါ။ ဇာတ်လမ်းအညွှန်းလေးကတော့ 1950ခုနှစ်လောက်တုန်းက အိမ်ထောင်ရှင်အမျိုးသမီးတွေရဲ့ ဘ၀၊ လူဖြူလူမဲခွဲခြားတာတွေ၊ LGBT တွေနဲ့ ပတ်သက်ပြီး အတွေးအခေါ်တွေကို ရှုထောင့်မျိုးစုံ ထောင့်ပေါင်းစုံ ကနေ ရိုက်ပြထားတာမို့ အများကြီး‌ညွှန်းမနေတော့ပဲ ကြည့်ရှုခံစားလိုက်ကြပါဦး။ File size…(1.5 GB)/(908 MB) Quality….Webrip 1080p / 720p Format…mp4 Duration….01:48:00 Genre...  Drama, Romance  Subtitle….Myanmar Subtitle (Hardsub) Encoder….Swan Min Htet Translated by IVY Noe

IMDB..... 7.3 ဒီတစ်ခေါက်တော့ မင်းသားကြီး Denzel Washington သရုပ်ဆောင် ထားတဲ့ ရုပ်ရှင်တစ်ကားနဲ့ မိတ်ဆက်ပေးချင်ပါတယ်။ ရုပ်ရှင်ကြည့်ပရိသတ်တွေ အတွက်ဆိုရင် Training Day, Equailizer, Man on fire ရုပ်ရှင်တွေနဲ့ လူသိများတဲ့ Denzel Washington က တကူးတက မိတ်ဆက်ပေးစရာမလိုတဲ့ မင်းသားကြီးပါပဲ။ ဒီရုပ်ရှင်ဟာ Denzel Washington ရဲ့ ပွဲဦးထွက် ဒါရိုက်တာ အဖြစ်ပါ လက်စွမ်းပြထားတဲ့ ရုပ်ရှင်ဖြစ်ပါတယ်။ ဇာတ်လမ်းအကျဥ်းကတော့ အန်တွမ်ဖစ်ရှာ ဆိုတဲ့ ရေတပ်ထဲက တပ်သားတစ်ယောက်ဟာ အရည်အချင်းရှိသလောက် ထစ်ခနဲရှိ တခြားတပ်သားတွေနဲ့ ရန်ဖြစ်ပြီး ပြဿနာများတဲ့ သူတစ်ယောက်ပါ။ မကြာခဏ ပြဿနာတက်ပြီးတဲ့ နောက်မှာတော့ စိတ်ကုဆရာဝန် နဲ့တွေ့ရဖို့ ဖြစ်လာပါတော့တယ်။ အန်တွမ်ဖစ်ရှာ တစ်ယောက် စိတ်ကုဆရာဝန် ရဲ့ အကူအညီ နဲ့ သူ့ဘဝ ကို၊ သူ့စိတ်ကို ခြောက်လှန့်နေခဲ့တဲ့ အတိတ်က ထရော်မာများစွာကို ရင်ဆိုင်ဖို့ ဖြစ်လာပါတော့တယ်။ အမ်တွမ်ဖစ်ရှာဟာ တကယ့်အဖြစ်အပျက်ကို အခြေခံထားတာဖြစ်ပြီး ပြင်ပဘဝက အန်တွမ်ဖစ်ရှာ ကိုယ်တိုင် ဇာတ်ညွှန်းရေးသားထားတာလည်းဖြစ်ပါတယ်။ ထရော်မာတွေ၊ ကလေးဘဝက အဖြစ်ဆိုးတွေကို ကျော်ဖြတ်ခဲ့နိုင်ပြီး ဘဝမှာ အောင်မြင်ခဲ့တဲ့ လူတစ်ယောက်ရဲ့ ဇာတ်လမ်းလည်း ဖြစ်တာကြောင့်စိတ်ခွန်အားရစေမယ့် ဇာတ်ကားတစ်ကားဆိုလည်း မမှားပါဘူး။  File size…(1.8 GB)/(808 MB) Quality….Webrip 1080p / 720p Format…mp4 Duration….01:46:00 Genre...  Drama, History, Romance  Subtitle….Myanmar Subtitle (Hardsub) Encoder….Swan Min Htet Translated by Marco

CM ပရိသတ်ကြီးအတွက် sci-fi romance ရုပ်ရှင်လေးတစ်ကားကို တင်ဆက်ပေးလိုက်ပါတယ် Chris ဆိုတဲ့ စိတ်ရောဂါကုဆရာဝန်တစ်ယောက်ကို တစ်နေ့မှာ သူ့ရဲ့ သူငယ်ချင်းတစ်ယောက်က Solaris အမည်ရ ဂြိုဟ်တစ်ခုကို လာရောက်ပေးဖို့ အကူအညီတောင်းလာပါတယ် အကြောင်းကတော့ Solaris က အာကာသယာဥ် အဖွဲ့သားတွေဟာ ထူးဆန်းတဲ့ ပုံရိပ်တွေကို မြင်နေရပြီး ရှင်းပြလို့မရတဲ့ စွဲလမ်းမှုတွေ ရှိနေတာကို အဖြေရှာလို့ အားလုံးကို ဘေးကင်းကင်းနဲ့ ပြန်ခေါ်နိုင်ဖို့ပါ ဒါကို အဖြေရှာဖို့ Solaris ဂြိုဟ်ကို ရောက်လာတဲ့ Chris ကိုယ်တိုင်ကပါ သေဆုံးသွားပြီးဖြစ်တဲ့ ချစ်သူ Rheya သူ့ဆီ ပြန်ရောက်လာတာကို တွေ့ကြုံလာရတဲ့အခါမှာတော့ .... မင်းသား George Clooney ရဲ့ ရုပ်ရှင်အဟောင်းလေးကို ပရိသတ်ကြီး ခံစားကြည့်ရှုပေးပါဦး File size…(1.4 GB)/(585 MB) Quality….Webrip 1080p / 720p Format…mp4 Duration….01:39:00 Genre... Drama, Science Fiction, Mystery  Subtitle….Myanmar Subtitle (Hardsub) Encoder….Mr. Anderson Translated by Sike Tan

Ocean's Eleven (2001) IMDb Rating (7.7) / Rotten Tomatoes (83 %) George Clooney ၊ Brad Pitt ၊ Matt Damon ၊Don Cheadle ၊ Bernie Mac ၊ Julia Roberts တို့လို နာမည်ကြီး မင်းသားမင်းသမီးတွေအပြင် တခြား နာမည်ကျော် သရုပ်ဆောင်များစွာလဲ ပါဝင်ထားလို့ ဒိတ်ဒိတ်ကြဲတွေကို တစ်ချိန်တည်းမြင်တွေ့ရမယ့် ဇာတ်ကားပါ၊ ဆုပေါင်း ၄ ဆု ရရှိခဲ့ပြီးတော့ အခြား ၂၀ ဆုအတွက် ဇကာတင် စဉ်းစားခံခဲ့ရပါတယ်။ ဒီဇာတ်လမ်းမှာတော့ George Clooney (Dapper Dany Ocean) က ခေါင်းဆောင် နေနဲ့ သရုပ်ဆောင်သွားမှာပါ။ Dapper Danny Ocean (George Clooney) သူ့အပေါင်းအပါ ၁၁ ယောက် Las Vegas မှာရှိတဲ့ ကာစီနို ၃ ခုစလုံးကို ဆက်တိုက်ဆိုသလို ဝင်ဖြောင်တဲ့ အကြောင်းပါ။ Danny Ocean ဟာ ပြီးခဲ့တဲ့ ၂၄ နာရီ အကြာကပဲ နယူးဂျာစီ ထောင်ကနေ ဝန်ခံချုပ်နဲ့ လွတ်လာခဲတာဖြစ်ပြီး သမိုင်းမှာ အကြီးစား လုယက်မှု ကြီးတစ်ခုကို စံချိန်တင်ချင်နေခဲ့တာပါ။ သူက Frank Catton၊ Rusty Ryan နဲ့ Linus Caldwell စတဲ့ ၁၁ ယောက်ပါတဲ့ အဖွဲ့တစ်ခု ဖွဲ့လိုက်ပါတယ်။ သူတို့ရဲ့ ပစ်မှတ်လား??? Bellagio တို့၊ Mirage တို့၊ ပြီးတော့ MGM Grand ပေါ့ဗျာ။ အဲ့ကာစီနို ၃ ခုလုံးက Terry Benedict ပိုင်တာဗျ။ သိပ်တော့မလွယ်ဘူးဗျို့။ မသိမသာဝင်ပြီး ဒေါ်လာ သန်း ၁၅၀လောက်နဲ့ ထွက်လာရမှာကိုး။ သူတို့က စည်းကမ်း ၃ ခုနဲ့ လုပ်တာပါ၊ "ဘယ်သူ့ကိုမှ မထိခိုက်စေနဲ့၊ မဆိုင်တဲ့လူတွေဆီက မခိုးရဘူး၊ ပြီးတော့သူတို့မှာ ရှုံးစရာကို မရှိတဲ့ပုံစံနဲ့ ဝိုင်းတွေမှာ ကစားမယ်" ဆိုတဲ့ စည်းကမ်းတွေပါ။ အလိမ်အကောက်လေးတွေနဲ့ မှုခင်းဆန်ဆန်ဇာတ်လမ်းမှဆိုရင်တော့....။ (ရုပ်ရှင်အညွှန်းကို KAT & BROS Facebook Page မှကူးယူဖော်ပြပါသည်။) Ocean's ဇာတ်ကားအားလုံးကို https://www.cmapp.tv/?share=EE6FEB606C26455 မှာဒေါင်းလို့ရပါတယ်။ File size…(7.9 GB)/ (2.4 GB )/(1 GB) Quality…WEB-DL 4K HEVC/1080p HEVC / 720p Format…mkv/mp4 Duration….01:57:00 Subtitle….Myanmar Subtitle (Hardsub) Encoder….Ka Naung Translated by MgKing

သိပ္ပံစူးစမ်းသူ Stuart ဟာ အချိန်အက်ကြောင်းတစ်ခုကနေ ၁၈၇၆ ခုနှစ်ကို ရောက်သွားပါတယ်။ အဲဒီခေတ်က အင်္ဂလိပ်နယ်စားမင်း Leopold က သူ့ကို မသင်္ကာလို့ နောက်ကလိုက်လာရင်း မတော်တဆ ခေတ်သစ်ကို ရောက်လာတော့တယ်။ Hugh Jackman က ဒီနယ်စားမင်းအဖြစ် သရုပ်ဆောင်ထားပါတယ်။ ၁၉ ရာစုကနေ ရောက်လာတဲ့ Leopold အတွက် ဒီဘက်ခေတ်က အရာရာဟာ အသစ်အဆန်းတွေပါပဲ။ သူရှိနေတာ ခေတ်သစ်နယူးယော့ခ်ဆိုတာကိုတောင် မသိဘဲ Stuart ကို နယူးယော့ခ်ပြန်ပို့ပေးဖို့ တောင်းဆိုနေပါတယ်။ အောက်ထပ်မှာနေတဲ့ Stuart ရဲ့ရည်းစားဟောင်း Kate ကတော့ အပေါ်ထပ်က ထူးဆန်းနေတဲ့အခြေအနေတွေကို သတိထားမိပေမယ့် ရည်းစားဟောင်းတစ်ယောက် ချစ်သူအသစ်ခေါ်လာတယ်လို့ပဲ ထင်နေတယ်။ ခေတ်ဟောင်းက နယ်စားမင်းတစ်ယောက် ဒီဘက်ခေတ်မှာ ဘာတွေကြုံရဦးမလဲ၊ Kate နဲ့ သူ့ကြားမှာ ဘယ်လိုအချစ်ဇာတ်လမ်း ဖြစ်လာမလဲ၊ ကိုယ့်ခေတ်ကိုရော ပြန်ရောက်နိုင်ဦးမလားဆိုတဲ့ မေးခွန်းတွေနဲ့ ဇာတ်လမ်းဆက်သွားပါတယ်။

Traffic (2000) IMDb Rating (7.6) / Rotten Tomatoes (93%) ဒီတစ်ခေါက်တင်ဆက်ပေးမယ့်ဇာတ်လမ်းလေးကတော့ အော်စကာဆု ၄ခုရရှိထားတဲ့ Traffic ဆိုတဲ့ မှုခင်းဇာတ်လမ်းလေးပဲဖြစ်ပါတယ်။ ဒီဇာတ်ကားလေးမှာတော့ မူးယစ်ဆေးဝါးကို မှောင်ခိုရောင်းဝယ်နေကြတဲ့ ကုန်အဖွဲ့ကြီးတွေ မူးယစ်ဆေးဝါးဖြန့်ဖြူးရောင်းချသူတွေနဲ့ မူးယစ်ဆေးဝါး ကူးသန်းရောင်းဝယ်မှုကို တိုက်ဖျက်ဖို့ကြိုးစားနေသူတွေကြားက မူးယစ်ဆေးဝါးတိုက်ပွဲကို စိတ်ဝင်စားဖွယ်တွေ့မြင်ရမှာပါ။ ဒီဇာတ်ကားလေးထဲမှာတော့ မူးယစ်ဆေးဝါးဂိုဏ်းတွေကို ဖမ်းဆီးဖို့ကြိုးစားရင်း အထက်လူကြီးတစ်ဦးရဲ့ တားဆီးမှုကိုခံရပြီးနောက် နောက်ကွယ်ကဖြစ်ရပ်တွေကိုသိ ရှိသွားတဲ့ မက်ဆီကိုနိုင်ငံမှ ရဲအရာရှိ Javier အမျိုးသားမူးယစ်ဆေးထိန်းချုပ်ရေးအဖွဲ့မှာ ခန့်ထားခံရပြီး မူးယစ်ဆေးဝါးကုန်သွယ်နေတဲ့ ဂိုဏ်းကြီးတွေကို နှိမ်နင်းဖို့ ကြိုးစားနေတဲ့ တရားသူကြီး Robert Wakefield ကျောင်းမှာ စာသာမက ဘက်စုံတော်တဲ့ ကျောင်းသူတစ်ဦးဖြစ်ပေမယ့် မူးယစ်သားကောင်ဖြစ်နေတဲ့ Caroline မူးယစ် ဆေးဝါးဖြန့်ဖြူးသူအဖြစ် တရားစွဲခံထားရသူ ခင်ပွန်းသည်ကို အမှုမှလွတ်ဖို့ နည်းမျိုးစုံနဲ့ ကြိုးစားနေတဲ့ Helena မူးယစ်ဂိုဏ်းကိုတရားဥပဒေအရ အပြစ်ပေးခံရဖို့ ကြိုးစားနေရင်း မိတ်ဆွေရဲဘော်ကိုဆုံးရှုံးလိုက်ရတဲ့ အမေရိကန်ရဲအရာရှိ Moty စတဲ့ဇာတ်ကောင်တွေရဲ့ မတူညီတဲ့ရုန်းကန်မှုတွေကို တွေ့ရမှာပဲဖြစ်ပါတယ်။ မူးယစ်ကုန်သည်ဂိုဏ်းကြီးတွေနဲ့ မူးယစ်ဆေးဝါးကိုတိုက်ထုတ်ဖို့ကြိုးစားနေတဲ့ သူတို့အကြား အစိုးရဘက်ကပဲ မူးယစ်ဂိုဏ်းတွေကိုအနိုင်ရသွားမလား မူးယစ်ဆေးဝါး ကုန်သည်တွေကို တရားဥပဒေအတိုင်းအပြစ်ပေးသွားနိုင်မလား တိုင်းပြည်အတွင်း မူးယစ်ဆေးဝါးသုံးစွဲမှုလျော့ကျအောင် တိုက်ပွဲဝင်နေတဲ့ Wakefield တစ်ယောက် သမီးဖြစ်သူရဲ့ဘဝကိုရော ကယ်တင်ပေးနိုင်ပါ့မလား ဆိုတာကို စိတ်ဝင်စားဖွယ်မြင်တွေ့ရမယ့် ဇာတ်ကားလေးမို့ ကြည့်ရှုကြဖို့ ညွှန်းဆိုလိုက်ပါတယ်။ (အညွှန်းနဲ့ဘာသာပြန်ကတော့ Lwin Lwin Aung ဖြစ်ပါတယ်။) File size…(6.1GB) / (3 GB) Quality….Blu-Ray 1080p HEVC /720p Format…. mkv/mp4 Genre….Crime,Drama,Thriller Duration….02:28:18 Subtitle….Myanmar Subtitle (Hardsub) Encoder….Double K Translated by Lwin Lwin Aung

ဘဏ်တွေဓားပြတိုက်တာ အကြိမ်ဘယ်လောက်ရှိပြီလဲမေးရင် များလွန်းလို့ အရေအတွက်အတိအကျမမှတ်မိတာကြောင့် ပြန်မဖြေနိုင်ဘူး သူကတော့ ဖိုလေလို့ခေါ်တဲ့ကျွန်တော်တို့ရဲ့ဇာတ်လိုက်မင်းသားချောကြီး George Clooneyဖြစ်ပါတယ် ဘဏ်ဓားပြမှုတစ်ခုကြောင့်ပဲ သူထောင်ကျခဲ့တယ် ဒါပေမဲ့ တစ်နေ့ သူထောင်ကထွက်ပြေးတယ်....ပြေးရင်းနဲ့ လမ်းမှာတွေ့တဲ့မိန်းမတစ်ယောက်ကိုဓားစာခံလုပ်ဖို့ခေါ်သွားတယ်....ဆိုးတာက သူဓားစာခံလုပ်ဖို့ခေါ်သွားတဲ့အမျိုးသမီးက ထောက်လှမ်းရေးအရာရှိတစ်ယောက်ဖြစ်လို့နေပါတယ်..... ကျွန်တော်ငယ်ငယ်က အချစ်ဝတ္ထုစာအုပ်တွေငှားရင်ပဲဖြစ်ဖြစ်ဝယ်ရင်ပဲဖြစ်ဖြစ် အစပိုင်းနည်းနည်းဖတ်ကြည့်တယ် မင်းသားနဲ့မင်းသမီးက အစပိုင်းမှာ ရန်ဖြစ်နေရင်အာ့စာအုပ်ကိုယူလိုက်ပြီ တကျက်ကျက်ရန်ဖြစ်ရင်း သူတို့နှစ်ယောက်ဟာ ဘယ်လိုခံယူချက်တွေပဲထားထား နောက်ဆုံး နှလုံးသားရဲ့ လိုအင်ဆန္ဒကိုတော့ မဆန့်ကျင်နိုင်ရှာဘူး ....အဲ့ဒါမျိုးတွေဆို သိပ်သဘောကျတယ် စာရေးဆရာမြသန်းတင့်ဘာသာပြန်ထားတဲ့နာမည်ကြီးလေရူးသုန်သုန်တောင် ဇာတ်ကောင် ၂ယောက်ရန်ဖြစ်နေတာမျိုးလေးတွေ့မှဖတ်ဖြစ်တယ် . ဘာဖြစ်လို့ကြိုက်တာလည်းဆိုတော့ မဖြေတတ်ဘူး..ခု out of sight လည်း သူတို့ ၂ယောက်ကအခြေအနေမတူ ရပ်တည်ချက်ခြင်းမတူကြဘူး ဒါပေမယ့်ဘဏ်ဓားပြကြီးက ထောက်လှမ်းရေးအရာရှိမလေးကိုမှကြွေသွားတယ်..သူတို့ ၂ယောက်လည်း ရန်တွေဖြစ်ကြတယ်..ဒီကားကြည့်မိတော့ငယ်ငယ်တုန်းကရင်ခုန်သံတွေပြန်အမှတ်ရတယ် ... လတ်ဆတ်နေတုန်းပဲ...ထောက်လှမ်းရေးအရာရှိမ ကလည်း JLOရဲ့လှသွေးအကြွယ်ဆုံးအချိန်ဆိုတော့ လိုက်ဖက်လှတယ်.. Crime အမျိုးအစားလည်းဖြစ်လေတော့ ကြည့်ရတာတော်တော်ကောင်းပါတယ် ကိုင်းပြိတ်သတ်ကြီးရေကျွန်တော်တို့လို လူမျိုးတွေရှိရင် ဒေါင်းကြည့်လိုက်ပါဦးဗျ ဘာသာပြန်ကတော့ Sherlock ပါ..... File Size…(853MB) and (350MB) Quality…BluRay 720p Format…mp4 Duration…02:03:00 Subtitle…Myanmar Subtitle(Hardsub) Encoder…..Phyo Pyae Translated by Sherlock