Win Morisaki ပါဝင်သော ဇာတ်ကားများ

Who Saw the Peacock Dance in the Jungle? (2025) အပိုင်း (၁ မှ ၁၀) စ/ဆုံး အခုတစ်ခါတင်ဆက်ပေးချင်တဲ့ စီးရီးလေးကတော့ ငယ်ငယ်က အားလုံးရဲ့ အသည်းစွဲ ဇာတ်ရုပ်ဖြစ်တဲ့ Death Note ဇာတ်ကားထဲက L မင်းသား Ken'ichi Matsuyama နဲ့အတူ ပျိုပျိုလေးတို့ အသည်းစွဲ မိုရီဆကီဝင်း (Win Morisaki) ပါ ပါဝင်ထားတဲ့ မှုခင်းဒရာမာ စီးရီးကောင်းလေးဖြစ်ပါတယ်။ ပါဝင်သရုပ်ဆောင်ထားတဲ့ မင်းသားလေး နှစ်ယောက်အပြင် အကြည်ဓာတ်ရှိတဲ့ မင်းသမီးလေး Suzu Hirose လည်းပါတော့ ကြည့်ရတာ တန်နေပါပြီနော်။ "တောထဲမှာ ဒေါင်း ကနေတာကို ဘယ်သူမြင်လဲတဲ့" အဓိပ္ပာယ်ကတော့ တောထဲမှာ ကနေတဲ့ ဒေါင်းကို ဘယ်သူမှ မမြင်လိုက်ဘူးဆိုရင် ဒေါင်း ကတယ်ဆိုတာက ဒေါင်းကိုယ်တိုင်ပဲ သက်သေခံအဖြစ်ရှိနေမှာပါ။ တကယ်လို့ ဒေါင်း တကယ်မကဘူးဆိုရင်တောင်မှ အဲဒီသက်သေခံဖြစ်တဲ့ ဒေါင်းက ကပါတယ်လို့ပြောရင် တောထဲမှာ ဒေါင်းကပါတယ်ဆိုတဲ့ကစားက အတည်ဖြစ်သွားမယ်တဲ့။ ဒီစကားကို ခိုမုဂိရဲ့ ဖခင်ဖြစ်သူ ရဲအရာရှိဟောင်းက အမြဲပြောလေ့ရှိပါတယ်။ ခိုမုဂိအဖေဟာ မိခင်မရှိတော့တဲ့ သမီးဖြစ်သူကို အရမ်းချစ်ပေးခဲ့ပါတယ်။ တစ်နေ့မှာတော့ ခိုမုဂိအပြင်မှာရှိနေတုန်း သူတို့နေထိုင်ရာအိမ်ဟာ ရှို့မီးကြောင့် လောင်ကျွမ်းသွားရရင်း ဖခင်ဖြစ်သူပါ မီးထဲပါပြီး သေဆုံးသွားခဲ့ရပါတယ်။ ဖခင်ဆုံးပြီးသွားတဲ့နောက်မှာ အိမုဂိအတွက် သူ့အဖေပေးခဲ့တဲ့ စာကို လက်ခံရရှိခဲ့ပြီး အဲဒီစာထဲမှာတော့ သူလုပ်ကြံခံရလို့ သေသွားခဲ့မယ်ဆိုရင် အဲဒီသေဆုံးမှုဟာ အတိတ်နဲ့ ဆက်စပ်နေကြောင်း မာဆုကဇဲ ယုရှီတဲရုဆိုတဲ့ ရှေ့နေဆီကိုသွားရောက်ပြီး ဒီအမှုမှန် ပေါ်ပေါက်အောင် အမှုလိုက်ခိုင်းစေချင်ကြောင်းပြောကြားရင်း အမှုအတွက် ကုန်ကျမဲ့ ငွေအမောင့်ကိုပါ ထည့်သွင်းပြီး ပေးထားခဲ့ပါတယ်။ သမီးဖြစ်သူဟာလည်း ဖခင်ရဲ့ စကားအတိုင်းပဲ မာဆုကဇဲ ယုရှီတဲရုရှေ့နေဆီကို သွားရာကနေ ဒီဇာတ်လမ်းလေး ဖြစ်ပေါ်လာခဲ့ပါတော့တယ်။ ခိုမိဂိုတစ်ယောက် ရှေ့နေမာဆုကဇဲ ယုရှီတဲရုနဲ့အတူ ဖခင်ဖြစ်သူရဲ့ သေဆုံးမှုအကြောင်းကို ဖော်ထုတ်နိုင်မှာလား ..... ဒီနောက်ကွယ်က ရှုပ်ထွေးနေတဲ့ ဇာတ်လမ်းတွေကရော ဘယ်လိုနည်းနဲ့ပေါ် ပေါက်လာနိုင်မှာလဲ .. ဆိုတာကို ကြည့်ရှုရမဲ့ မှုခင်းဒရာမာ စီးရီးကောင်းလေးဖြစ်ပါတယ်။ (အညွှန်းကို Char Ou မှ ရေးသားပေးထားပါတယ်) Episodes: 10 Aired: Jan 24, 2025 - Mar 28, 2025 Aired On: Friday Original Network: Netflix Genres: Thriller, Mystery, Life, Drama  Translated by Char Ou, Reddy, M,  KHHZ, DaoPhyo, Kim, Jiyeon & Mary Christ Encoded by AHtet

(Love Song) (2025) ဒီဇာတ်ကားလေးထဲမှာတော့ မြန်မာပရိသတ်အချစ်တော် မြန်မာပြန်ဖွား ဂျပန်မင်းသား မိုရီဆာကီဝင်းနဲ့ Dating Game ထဲက မင်းသား Koji တို့ ပါဝင်သရုပ်ဆောင်ထားတာပါ။ "တစ်ဝက်တစ်ပျက်နဲ့ ရပ်တန့်သွားတဲ့ ချစ်သီချင်းတစ်ပုဒ်က တိုကျိုနဲ့ ဘန်ကောက်က လူနှစ်ယောက်ကို ပြန်လည်ချိတ်ဆက်ပေးတဲ့အခါ... ချစ်ခြင်းမေတ္တာဆိုတာ အဆုံးသတ် မလှပခဲ့ရင်တောင် ရင်ထဲမှာ အမြဲကိန်းအောင်းနေတတ်တဲ့ သံစဉ်တစ်ခုလိုပါပဲ။" ရိုမန့်စ်ဒရာမာ ကြိုက်တဲ့သူတွေအတွက် ဂျပန်နဲ့ထိုင်း ပူးပေါင်းရိုက်ကူးထားတဲ့ ရင်ခုန်ဆွေးမြည့်စရာ ဇာတ်ကားသစ်လေး (Love Song) ကို တင်ဆက်ပေးလိုက်ပါပြီ။ ဆိုတာ(Morisaki Win)ဆိုတဲ့ကောင်လေးက အလုပ်ကို အရမ်းဖိစီးပြီးလုပ်တတ်တဲ့ တည်တည်ငြိမ်ငြိမ် သုတေသီတစ်ယောက်ပါ။ ရုတ်တရက် တိုကျိုမှာ အလုပ်လုပ်ဖို အမိန့်ကျလာရာကနေ တစ်နေ့မှာတော့ တိုကျိုကနေ ဘန်ကောက်ကို အပြန်လမ်းမှာ သူ့ရဲ့ ကျောင်းသားဘဝကတည်းက တိတ်တိတ်လေး သံယောဇဉ်တွယ်ခဲ့ရတဲ့ ကိုင်း(Mukai Koji)နဲ့ မထင်မှတ်ဘဲ ပြန်ဆုံတွေ့ခဲ့ပါတယ်။ ကိုင်းကတော့ အခုချိန်မှာ ဓာတ်ပုံဆရာတစ်ယောက်အဖြစ် ရပ်တည်နေပြီး ဂီတလမ်းကြောင်းကိုလည်း ဆက်လျှောက်နေတဲ့သူပါ။ ကျောင်းသားဘဝက ကိုင်းဆိုပြခဲ့ဖူးတဲ့ "အဆုံးမသတ်ရသေးတဲ့ သီချင်းလေး" ကို ဆိုတာတစ်ယောက် အခုချိန်ထိ မှတ်မိနေတာကို သိလိုက်ရတဲ့အခါ ကိုင်း အရမ်းကို အံ့ဩသွားခဲ့ပါတယ်။ ဒီလိုနဲ့ သူတိုနှစ်ယောက်ကြားက ရပ်တန့်နေတဲ့ သံယောဇဉ်တွေ ပြန်လည်ရှင်သန်လာပြီး ပိုမိုနီးကပ်လာကြပေမဲ့... ပြဿနာက သူတိုနှစ်ယောက်လုံးမှာ ဒီသီချင်းကို ဘာကြောင့် အဆုံးထိ မရေးဖွဲ့နိုင်ခဲ့ကြတာလဲဆိုတဲ့ ဖုံးကွယ်ထားတဲ့ လျှိဝှက်ချက်ကိုယ်စီ ရှိနေကြတာပါပဲ။ အတိတ်က မပြီးပြတ်သေးတဲ့ ချစ်သီချင်းလေးက သူတိုနှစ်ယောက်ရဲ့ ပစ္စုပ္ပန်မှာ ဘယ်လိုပြန်လည် ပဲ့တင်ထပ်မလဲ... သူတိုရဲ့ လျှိဝှက်ချက်တွေကရော ဘာတွေဖြစ်မလဲဆိုတာ... လူငယ်သဘာဝ အချစ်၊ သံယောဇဉ်နဲ့ အလွမ်းအဆွေးတွေကို သီချင်းသံစဉ်တွေနဲ့အတူ လှလှပပ ရိုက်ကူးတင်ဆက်ထားတာမို ခံစားချက်အပြည့်နဲ့ ကြည့်ရှုရမဲ့ ဇာတ်ကားကောင်းလေး ဖြစ်တာမို့လို့ နူးနူးညံ့ညံ့အချစ်ကားကြိုက်တဲ့ အက်ဒမင်တို ပရိသတ်ကြီးအတွက်တော့ ညဘက် ကော်ဖီလေးတစ်ခွက်နဲ့ Feel လို အရမ်းကောင်းမဲ့ ကားလေးပါပဲ။ File size…1.72GB / 834MB Quality… WEB-DL 1080p/ 720p Format…mp4 Duration….2h 00m Genre ….. Music, Romance, Life, Drama Subtitle….Myanmar Subtitle (Hard Sub)

Ya Boy Kongming! The Movie (2025) ဒီဂျပန်ဇာတ်ကားလေးကတော့ ဂီတကို အခြေခံထားတဲ့ Supernatural- Fantasy-Comedy အမျိုးအစားဖြစ်ပါတယ်။ Netflix မှာ ၂၀၂၃ ခုနှစ်က ထွက်ရှိခဲ့တဲ့ စီးရီးကို ရုပ်ရှင်အဖြစ် ပြန်လည် ဖန်တီးတင်ဆက်ထားတာဖြစ်ပြီး ဒါရိုက်တာ Shûhei Shibue ဖန်တီးထားပြီးတော့ Osamu Mukai၊ Moka Kamishiraishi နဲ့ Mandy Sekiguchi တို့အပြင် Win Morisaki လို နာမည်ကြီး အနုပညာရှင်များစွာလည်း ပါဝင်ထားကြပါတယ်။ ဇာတ်လမ်းအကျဉ်း တရုတ်ပြည်သမိုင်းမှာ သွေးမြေအကျဆုံး သုံးပြည်ထောင်ခေတ်က နာမည်ကြီး စစ်သေနာပတိ ကျူးကော့လျံခုံမင်ဟာ ဝူကျန်းလွင်ပြင်မှာ ဆုံးပါးသွားခဲ့ပါတယ်။ ဒါပေမဲ့ ထူးဆန်းစွာနဲ့ သူ သတိပြန်ဝင်လာချိန်မှာ လက်ရှိမျက်မှောက်ကာလ ဂျပန်နိုင်ငံ ရှီဘူယရဲ့ ဟောလိုဝင်းညကို ရောက်နေခဲ့ပါတယ်။ သူဟာ ကမ္ဘာလောကကြီး ငြိမ်းချမ်းရေးကို လိုလားသူ ဖြစ်လာပြီး ပြည်သူအပေါင်း အေးချမ်းကြွယ်ဝစွာ နေနိုင်ဖို့ နည်းလမ်းတွေ လိုက်ရှာခဲ့ပါတယ်။ ဒီလိုနဲ့ ကမ္ဘာလောကကြီး ငြိမ်းရေးအတွက် ဂီတသာ အကောင်းဆုံးဗျူဟာဆိုတာကို သိသွားပြီး အဲအိကိုဆိုတဲ့ ဝါသနာရှင်အပျော်တမ်း အဆိုတော်လေးကို မြေတောင်မြှောက်ပေးဖို့ အစွမ်းကုန် အားထုတ်ကြိုးပမ်းပါတော့တယ်။ ခုံမင်ဟာ အဲအိကိုကို ထိပ်တန်းအဆိုပြိုင်ပွဲမှာ ပါဝင်နိုင်ပြီး အောင်ပွဲခံနိုင်ဖို့အတွက် သူ့ပြိုင်ဖက်တွေအပေါ် သူကျွမ်းကျင်တဲ့ စစ်ဗျူဟာတွေကို ဘယ်လိုတွေ ပုံပြောင်းဗျူဟာခင်းရင်း ကြိုးပမ်းပေးသွားမှာလဲဆိုတာကိုတော့ ..... File size…1.81GB / 871MB Quality… WEB-DL 1080p/ 720p Format…mp4 Duration….1 hr. 58 min. Genre ….. Music, Comedy, Fantasy, Drama Subtitle….Myanmar Subtitle (Hard Sub)

Black Showman (2025) စုံထောက် ဂယ်လီလီယိုနဲ့ ရှင်ဇန်မိုနိုတို့ရဲ့ ဖန်တီးရှင် ဂျပန်နာမည်ကြီး စာရေးဆရာ ကေဂိုဟီဂါရှီနိုရဲ့ ဝတ္ထုကို ရုပ်ရှင်အဖြစ် ပြန်လည်ရိုက်ကူးထားတဲ့ သည်းထိတ်ရင်ဖို စုံထောက်ရုပ်ရှင်ကောင်းလေးကိုတင်ဆက်ပေးလိုက်ပါတယ်။ ကာမီယိုဆိုတဲ့ကောင်မလေးဟာ မင်္ဂလာဆောင်ခါနီးအချိန်မှာ အငြိမ်းစားကျောင်းဆရာတစ်ယောက်ဖြစ်တဲ့ ဖခင်ဖြစ်သူ အသ-တ်ခံလိုက်ရတာကြောင့် ဇာတိမြို့လေးဆီကိုပြန်လာခဲ့ပါတယ်။ သူ ဇာတိမြို့လေးကိုရောက်တဲ့အခါမှာ အမှုက တရားခံမပေါ်သေးဘဲ မတွေ့ရတာနှစ်နဲ့ချီနေပြီဖြစ်တဲ့ သူ့အဖေရဲ့ ညီဖြစ်သူ သူ့ဦးလေး အမှတ်မထင် ပြန်ရောက်လာတာကိုပါ တွေ့လိုက်ရပါတယ်။ သူ့ဦးလေးဟာ တချိန်က နာမည်ကြီးမျက်လှည့်ဆရာတစ်ယောက်ဖြစ်ပြီး စူးစမ်းနိုင်စွမ်း၊ လက်လှည့်၊ လှည့်ဖျားမှုတွေမှာ ကျွမ်းကျင်သူတစ်ယောက်ပါ။ ရဲတွေက လူသ-တ်သမားကို မဖော်ထုတ်နိုင်သေးတဲ့အချိန်မှာ မျက်လှည့်ဆရာဦးလေးဖြစ်သူဟာ သူရဲ့ မျက်လှည့်ပညာ၊ စိတ်ပညာ အကဲခတ်မှုတွေနဲ့ ထူးခြားတဲ့ စစ်မေးနည်းတွေကို သုံးပြီး တူမဖြစ်သူနဲ့အတူ လူသ-တ်မှုကို ဖော်ထုတ်ဖို့ကြိုးစားပုံတွေကို စိတ်ဝင်စားဖို့ကောင်းအောင် ဒီရုပ်ရှင်ထဲမှာ မြင်တွေ့ကြရမှာဖြစ်ပါတယ်။ File size… 1.66 GB / 945 MB Quality…1080p HEVC/ 720p Format…mkv/ mp4 Duration….2h 7m Subtitle….Myanmar Subtitle (Hard Sub)

လွန်ခဲ့တဲ့သုံးနှစ်လောက်တုန်းက ကျွန်တော် Always: Sunset on Third Street ဆိုတဲ့ ဂျပန်ကား Trilogy ကို ကြည့်ဖြစ်ခဲ့တယ်။ သူ့ဇာတ်လမ်းက ဘာမှမဟုတ်ဘူး။ သူ့နာမည်အတိုင်းပဲ တိုကျိုတာဝါကြီးကနေ ရေရင် တတိယလမ်းက လူတွေအကြောင်းပြောပြထားရုံပဲ။ လူစုံ စရိုက်စုံပေါ့။ ဒါပေမဲ့ အံ့ဩဖို့ကောင်းအောင် သိလိုက်ရတာက ဂျပန်တွေဟာ Family Drama တို့၊ သာမန်ဆန်ဆန်ကို Romance ဖြစ်အောင် ရိုက်ပြတာတို့မှာလည်း အာရှက တခြား ရုပ်ရှင် Industry တွေထက် သာပြန်တာပါပဲ။ ဆန်းတော့လည်း မဆန်းဘူး။ ဟိုးအတီတေကတည်းက ဂျပန်ဟာ အာရှရဲ့ အခိုင်မာဆုံး ရုပ်ရှင်လောကပဲမလား။ ဒီလိုနဲ့ Always ဟာ ကျွန်တော့် အကြိုက်ဆုံး Trilogy တွေထဲက တစ်ခုဖြစ်လာခဲ့တယ်။ ဒီလို Family Drama ဆန်ဆန် ရုပ်ရှင်တွေဟာ ကျွန်တော်သဘောအကျဆုံး ရုပ်ရှင်အမျိုးအစားထဲမှာပါတယ်။ ဘာလို့ဆို လူဆန်လို့။ Family Drama တွေရဲ့ အားသာချက်က ပျော်စရာတွေမှာရော ငိုစရာတွေမှာပါ လူဆန်နေတာများတာပါပဲ။ လူဆန်တယ်ဆိုတာ အလွယ်ပြောတာပေါ့။ လူနဲ့တူနေတာကို ဆိုလိုချင်တာမဟုတ်ဘူး။ ပြောရရင် Humanity ဆိုတဲ့ ဘိုစာလုံးပေါ့။ တကယ်တမ်းဆို တော်တော်များများလည်း Family Drama တွေကို ကြိုက်ကြတယ်ထင်ပါတယ်။ ကြိုက်ကြလို့ပဲ တချို့ Family Drama တွေကိုဆို အပိုင်းရာချီအောင် ရိုက်နေကြတာပဲ။ ကိုယ် ကိုယ်တိုင်အပါအဝင် လူတွေဟာ အမြဲလူဆန်မနေကြတော့ လူဆန်တဲ့အရသာကို ခံစားချင်လို့ လူဆန်တဲ့စိတ်လေး ပြန်မွေးမြူချင်လို့ ကြည့်ကြတာလားတော့ မသိဘူး။ ကျွန်တော်ကတော့ ဒါကြောင့်ပဲ ဒီလိုကားတွေကို သဘောကျမိတာပဲ။ ဒီစီးရီးကို စကြည့်ဖြစ်တော့ အကြောင်းရင်းက တစ်ခုတည်းပဲ။ Hirokazu Kore-eda ရိုက်တာမို့ ကြည့်လိုက်တာသက်သက်ပဲ။ အန်နမဲကို ပြန်ရိုက်ထားတာဆိုတော့ ကောင်းပါ့မလားလို့တော့ စိတ်ပူစရာရှိပေမဲ့ ဇာတ်လမ်းဟာ Kore-eda ဆန်ဆန်ပဲ ရိုးရိုးလေးနဲ့ လှသွားခဲ့တယ်။ သူတင်ပြတဲ့အကြောင်းအရာက သူ့နာမည်အတိုင်းပဲ ဘယ်မှသဝေမထိုးထားဘူး။ အတိအကျကို သူ့နာမည်အတိုင်းပဲ။ The Makanai: Cooking for the Maiko House တဲ့။ Makanai ဆိုတာ ထမင်းဟင်း။ ထူးတာက သူ့ထမင်းဟင်းက အိမ်စားတဲ့ ထမင်းဟင်းမဟုတ်ဘူး။ ဝန်ထမ်းတွေကို ရုံးကကျွေးတာမျိုး။ အဆောင်သားတွေကို အဆောင်က ကျွေးတာမျိုး။ အဲဒီထမင်းကိုချက်တဲ့လူကိုလည်း Makanai လို့ပဲခေါ်တယ်။ မိုင်ခိုဆိုတာ ဂေးရှားအသေးစားလေး။ ဂေးရှားဖြစ်ဖို့ သင်နေတဲ့ကလေးတွေပေါ့။ ဂေးရှားလက်သင်လို့ အလွယ်သုံးလိုက်တာပေါ့။ ဆိုတော့ သူ့နာမည်က ဂေးရှားလက်သင်ဂေဟာမှာ ထမင်းချက်တဲ့ ထမင်းချက်ပေါ့။ ဒီဇာတ်လမ်းတွဲကို မကြည့်ခင်က ပိုစတာနဲ့နာမည်ကြည့်ပြီး ဒီကားက အချက်အပြုတ်ကားလို့တော့ ထင်လိုက်သေးတယ်။ ချက်တာပြုတ်တာက ပါတော့ပါပေမဲ့ အရန်လိုဖြစ်နေတယ်။ အရန်လိုဖြစ်နေပေမဲ့ ပြတဲ့အခါမတော့ ချက်ရတဲ့အကြောင်းရင်းလေးတွေကို လှလှပပပြပေးသွားတယ်။ သူ့တကယ့် အကြောင်းအရာက မိုင်ခိုတွေအကြောင်း ဂေးရှားတွေအကြောင်း။ ဂေးရှားဆိုကာမှ ကျွန်တော်အပါအဝင် လူတစ်ချို့လောက်ကတော့ တချို့ရုပ်ရှင်တွေက ရတဲ့အသိအရ ဂေးရှားဆိုတာကို အထင်အမြင်လွဲနေကြဖူးမယ်ထင်တယ်။ ဂေးရှားတွေက တကယ်ဆို အဆို၊အက၊ အပျော်၊ အပြုအပြင်၊ ဧည့်ဝတ်စတဲ့ ဝန်ဆောင်ဖျော်ဖြေမှုတွေကို တစ်ဖက်ကမ်းခတ် ကျွမ်းကျင်တဲ့ မိန်းကလေးတွေပေါ့။ ဒီလိုကျွမ်းကျင်အောင် အကြာကြီး လေ့ကျင့်သင်ကြားရတယ်။ လူတိုင်းဖြစ်လာတာလည်းမဟုတ်ဘူး။ လက်သင်အဆင့်ကနေ ပြုတ်သွား လက်လျှော့သွားတာတွေလည်း မနည်းဘူး။ လက်ရှိခေတ်အရဆို ဂျပန်တစ်ပြည်လုံးမှာမှ တစ်ထောင်လောက်ပဲရှိတော့တဲ့ ယဉ်ကျေးမှုကို ထိန်းသိမ်းနေတဲ့ လူနည်းစုဖြစ်သွားပြီ။ သူတို့အလုပ်ကတော့ စားသောက်ဆိုင်တွေ ဘာတွေမှာ ဧည့်ခံပေးရတဲ့အလုပ်ပေမဲ့ လက်ရှိခေတ်မှာ တကယ့်ကြေးကြီး စားသောက်ဆိုင်တွေမှာပဲ သူတို့ကိုခေါ်သုံးနိုင်တယ်။ ဒီကားက အဲဒီရှားပါးလာတဲ့ ဂေးရှားတွေအကြောင်းနဲ့ သူတို့ပညာသင်ရတဲ့အကြောင်း မျက်မှောက်ခေတ် သူတို့လောကအကြောင်းပေါ့။ တော်တော်လည်း ဗဟုသုတရသလို ရင်ထဲနွေးသွားမယ့် အခန်းတွေလည်း တော်တော်ပါတယ်။ ဒါရိုက်တာက လက်ရှိဂျပန်ရဲ့ အတော်ဆုံးတစ်ယောက်ဖြစ်တဲ့ Kore-eda။ ဒါရိုက်တာတင်လားဆိုတော့ Cast တွေကလည်း ကြမ်းတယ်။ အဓိက မင်းသမီး Nana Mori။ သူကဒီမှာလည်း သူ့ဖန်တစ်ချို့ရှိတယ်။ Shunji Iwai လို ဆရာကြီးရဲ့ နောက်ဆုံးကား Last Letter မှာ အဓိကတစ်နေရာက ပါခဲ့ဖူးသလို အဲဒီကားရဲ့ ဇာတ်ဝင်တေးကို သူပဲဆိုတာ။ နောက် တော်တော်လူကြိုက်များတဲ့ Little Forest ရဲ့ မင်းသမီး Ai Hashimoto, နောက် အဝင်းဆိုပြီး သိကြတဲ့ မိုရီဆာကီဝင်းလည်း ၄ပိုင်းလောက်ပါတယ်။ ဂေးရှားတွေအကြောင်း မင်းသမီးအဓိကဇာတ်ဆိုတော့ တစ်ချိန်က မင်းသမီးကြီးတွေလည်း သုံးထားပေးတယ်။ ဂေးရှားလက်သင် မင်းသမီးအငယ်လေးတွေကလည်း အကုန်လှပြီး ချစ်စရာလေးတွေ။ တချို့အခန်းတွေက တော်တော်လေးလှသလို Zombie ရုပ်ရှင်တွေရဲ့ ဖခင်ကားဖြစ်တဲ့ Night of the Living Dead ကိုလည်း Tribute သွားတယ်။ ထားပါ။ ပြောချင်တဲ့အဓိကအကြောင်းအရာသွားတာပေါ့။ ဇာတ်က ဒီလို... နာနာမိုရိရဲ့ ဇာတ်ကောင် ခိယောက သူ့သူငယ်ချင်း စုမိရဲနဲ့အတူတူ ဂေးရှားလက်သင်လုပ်ဖို့ ကျိုတိုက ဂေးရှားဂေဟာကိုလာတယ်။ ကံဆိုးချင်တော့ ဆရာမတွေက သူ့ကို ပါရမီမပါဘူးလို့ သတ်မှတ်လိုက်တယ်။ သူကလည်း Passion မရှိဘူးကိုး။ ဒီလိုနဲ့ မခွဲဘူးလို့ ကတိခံထားတဲ့ သူငယ်ချင်း၂ယောက် ကွဲကြရဖို့ဖြစ်လာတယ်။ ဒါပေမဲ့ သူ ဂေဟာက မထွက်ဘဲ အဲဒီဂေဟာမှာထမင်းချက်ဆက်လုပ်ဖြစ်သွားတယ်။ ခွဲတော့ မခွဲလိုက်ရဘူးပေါ့။ သူငယ်ချင်းက ဂေးရှားလက်သင်၊ သူက ထမင်းချက်ဖြစ်သွားရုံလေး။ ပြောရရင် လုပ်ချင်တဲ့အလုပ်ကနေပြုတ်သွားတယ်ပေါ့။ ဒါပေမဲ့ သူက သူ့ဘဝကို သူမကျေမနပ်မဖြစ်ဘူး။ ကောင်းကောင်းချက်ရင်း ကောင်းကောင်းပဲရှင်သန်သွားတယ်။ ဒီဇာတ်လမ်းက ဂေးရှားအဓိက ဇာတ်လမ်း။ ဒါပေမဲ့ အဓိကဇာတ်ကောင်ကျ ဂေးရှားပြုတ်သွားတဲ့ ဂေဟာထမင်းချက်သက်သက်လုပ်ရတဲ့ သာမန်လူဇာတ်ကောင်ဖြစ်သွားတယ်။ ပြောရရင် SOUL ဆိုတဲ့ ကာတွန်းကားကြည့်တုန်းက ခံစားချက်မျိုးပြန်ရတယ်။ စကားလုံးအတိအကျတော့ မမှတ်မိတော့ပေမဲ့ ဆိုလိုရင်းက ဒီလို... လူရယ်လို့ဖြစ်လာပြီးရင် အားလုံးမဟုတ်တောင် အများစုကတော့ နယ်ပယ်တစ်ခုမဟုတ် တစ်ခုမှာတော့ ငါဘာကောင်ကြီးဖြစ်ချင်တယ်ဆိုတဲ့ မျှော်လင့်ချက်ကြီးတွေ ရှိကောင်းရှိတတ်ကြလိမ့်မယ်။ တကယ်တမ်းကျ ဒါတွေက အပရိကပဲ။ ရှင်သန်တာနဲ့တူအောင် ရှင်သန်လိုက်ရတဲ့ အခိုက်အတန့်တိုင်းက အရသာရှိတယ်။ လူဖြစ်ရကျိုးနပ်တယ်ပေါ့။ တစ်ခါတလေ ကိုယ်ကြိုက်တဲ့လက်ဖက်ရည်ကို အရသာခံသောက်နိုင်ရင်ပဲ... တစ်ခါတလေ တိမ်ပြာပြာတွေကို ငေးကြည့်ဖို့ အချိန်ရခဲ့ရင်ပဲ... ရှင်သန်ခြင်းရဲ့ အရသာကိုတွေ့နိုင်ခဲ့ရင်ပဲ... ရှင်သန်ရတာ အဓိပ္ပာယ်ရှိသွားပြီဆိုတာမျိုးပေါ့။ ခိယောဟာ ဘာမှမဖြစ်ခဲ့ဘူး။ ဖြစ်ချင်စိတ်မရှိခဲ့တာလည်း မဟုတ်ခဲ့ဘူး။ ရှိခဲ့တယ် ဖြစ်မလာခဲ့ဘူး။ ဒါပေမဲ့ သူ့ဘဝသူ ကောင်းကောင်းကျေနပ်သွားသလို တန်အောင်လည်း ရှင်သန်သွားတယ်ပေါ့။ လေယာဉ်ပျံကြီးတီထွင်မှလည်း မဟုတ်ပါဘူး။ လေယာဉ်ပျံကြီးတီထွင်ခဲ့တဲ့သူကို ထမင်းချက်ကျွေးမှလည်းမဟုတ်ပါဘူး။ ဘယ်လိုပုံစံနဲ့ပဲ ရှင်သန်နေပါစေ။ ရှင်သန်မှုတိုင်းမှာ အဓိပ္ပာယ်က ရှိနေပြီးသားပဲ။ ဒါပေမဲ့ Passion လေးတော့ လိုတာပေါ့။ ဒီဇာတ်လမ်းဟာ ဂေးရှားအကြောင်းဇာတ်လမ်းလို့ တစ်ဖက်ကမြင်လို့ရသလို တစ်ဖက်ကကြည့်တော့လည်း Passion, Life, Love နဲ့ Living အကြောင်းလို့ မြင်လို့ရတယ်။ ရှင်သန်နေထိုင်မှုမှာ အရေးအကြီးဆုံးက ရည်ရွယ်ချက်လား ဝါသနာလား။ ယန်းပေါဆတ်ကတော့ လူတွေဟာ သူတို့လုပ်တဲ့အလုပ်ကို တစ်ပါးသူမလုပ်နိုင်ပါဘူးလို့ ကိုယ့်ကိုယ်ကိုယ် ညာနေကြတယ်လို့ဆိုတယ်။ မညာလို့လည်းမဖြစ်ဘူးကိုး။ ဒါပေမဲ့ ဒီအညာတွေကနေ တစ်ခါတလေ ကိုယ့်ကိုယ်ကိုယ်သတိထားမိတဲ့အခါတွေမှာ လုပ်နေသမျှအရာအားလုံးက အဓိပ္ပာယ်မရှိသလို ဖြစ်သွားလိမ့်မယ်။ ပြီးရင်တော့ ပြန်ညာကြပေါ့။ အတော်များများလည်း ဒီလိုပဲ ကိုယ့်ကိုယ်ကိုယ်ညာရင်းပဲ ရှင်သန်သွားကြတာပဲ။ ဘေးထွက်ဆိုးကျိုးလို့ပဲပြောရမလား တစ်ခါတလေဖြစ်တတ်တဲ့ စိတ်ကျရောဂါတွေတော့ ရှိမပေါ့။ တစ်ခါတလေကျလည်း စိတ်ဝိညာဉ်ဆက်ရှင်သန်ဖို့ မပြောင်းလဲတဲ့ မီးစာကလေးလိုတာပဲ။ အဲ့ဒီမီးစာကလေးက ဘာမဆိုလည်းဖြစ်နိုင်တယ်။ ဘာမှမဟုတ်တာလည်း ဖြစ်နိုင်တယ်။ ကမ္ဘာကြီးကို ကယ်တင်မှာလား လောကကြီးကို အကျိုးပြုမှာလား အနုပညာလက်ရာကောင်းတစ်ခု ချန်သွားချင်တာလား။ ငါလုပ်မှ ဖြစ်မှာဆိုတဲ့ စိတ်ကလေးနဲ့ ကိုယ့်ကိုယ်ကိုယ် လိမ်ပြီးလုပ်လိုက်ကြမယ်။ ဒါပေမဲ့ ဘယ်ပညာရှင်တွေ ဘယ်လိုထွင်ထွင်တွေးတွေး ရှေးတုန်းက မလုပ်ခဲ့ကြတာ ဘာမှမရှိဘူး။ တစ်ခုခုတွေးမိတယ်မလား သိမ်းထားကြည့်လိုက်။ တစ်နေ့နေ့ အဲ့ဒီအတွေးကို တစ်ယောက်ယောက်က ပြောခဲ့တာဖြစ်ဖြစ် တစ်နေနေရာမှာ ဖြစ်ဖြစ်‌တွေ့ရမှာပဲ။ ဘာမှ အသစ်မရှိဘူး။ ဘုရားကလည်း အီလက်ထရွန်တွေအ‌ကြောင်း ဟောပြီးသား။ ပေါ်လာတာမကြာ‌သေးတဲ့ လေယာဉ်တွေ စက်တွေလို စက္ကောမပညာတွေ၊ စကြာ၀တေးမင်းရဲ့ယာဉ်တွေ၊ ပေါ်ခဲ့ပြီးသား။ တိမ်းပါးသွားရုံပဲ။ ဒါဆိုဘာမှမလုပ်ရဘူးလားဆိုတော့လည်း မဟုတ်ပြန်ဘူး။ ရှင်သန်ဖို့ Passion လေး မီးစာလေးလည်း လိုသေးသပေါ့။ ဒါဆို အရေးကြီးတာက ဘာလဲ... ဘာကမှလည်း အဓိပ္ပာယ်မရှိဘူး။ ကျွန်တော်လည်း မသိဘူး။ ဒါပေမဲ့ ရှင်သန်နေထိုင်မှုမှာ အရေးအကြီးဆုံးက ရှင်သန်နေထိုင်ချင်စိတ်ပဲမဟုတ်လား။ အဲဒီစိတ်ဟာ ဘယ်လိုပုံစံမျိုးနဲ့မဆို ရှိနိုင်တယ်... (အညွှန်းရေးသားပေးထားသူကတော့ WiRa Aung ဖြစ်ပြီး စီးရီးကိုတော့ Phoo Lin မှ ပြန်ဆိုပေးထားပါတယ်) Size ~ 500MB+ Total - 9 Episodes Quality – 1080p Duration ~ 45min (@Episode) Subtitle – Myanmar Hardsub Format – Mp4 Genre : Drama Source : NF.Web-dl.1080p Translator – Phoo Lin Encoder – Y

Red Shoes (2023) သမီးလေး အဲရီ အတွက် လက်ဝှေ့သမားဘဝနဲ့ ကြိုးစားရုန်းကန်နေရရှာတဲ့ တစ်ခုလတ်မိခင် မာနာမီ။ လင်ယောင်္ကျားဆုံးပါးသွားပြီးနောက် စီးပွားရေးကြပ်တည်းလာတဲ့အခါမှာတော့ ကလေးအုပ်ထိန်းခွင့်ကို ယောက္ခမဖြစ်သူနဲ့တရားရုံးမှာအချေအတင်ပြိုင်ရပါတော့တယ်။ အဲရီ့ကို သူကိုယ်တိုင်ရအောင်ပြုစုပျိုးထောင်ပေးမယ်ဆိုတဲ့ပြတ်သားစိတ်နဲ့ ရရာအလုပ်တွေဝင်လုပ်ပါတော့တယ်။ ဒါပေမဲ့လည်း အဆင်ပြေလာတယ်ဆိုတာမရှိဘဲ အဆိုးတွေပဲထပ်ထပ်ဖြစ်လာပြီးနောက် အဲရီလေးပါ ယောက္ခမဖြစ်သူလက်ထဲရောက်သွားပါတော့တယ်။ မာနာမီတစ်ယောက် ဘယ်လိုကြိုးစားရုန်းကန်းရင်း သမီးလေးကိုပြန်ခေါ်မလဲဆိုတာ ကြည့်ရှုရမဲ့ ဂျပန်ဒရာမာဇာတ်ကားလေးပဲဖြစ်ပါတယ်။ ဒီဇာတ်ကားထဲမှာ မာနာမီ့ရဲ့သွားလေသူ လင်ယောင်္ကျားနေရာမှာ ဂျပန်-မြန်မာ အဆိုတော်မင်းသားချော မိုရီဆာကီဝင်း ပါဝင်သရုပ်ဆောင်ပေးထားပါတယ်။ ( ဘာသာပြန်ပြီး အညွှန်းရေးသားထားသူကတော့ Khant Sett Naing ပါ ) File size_(1.9GB)/(900MB) Quality_Blu-Ray 1080p / 720p Format_mp4 Duration_01:40:00 Genre_Drama Subtitle_Myanmar Subtitle (Hardsub) Encoder_a hao Translated by Khant Sett Naing

High & Low The Worst X ကတော့ ၂၀၂၂ တုန်းကနောက်ဆုံးထွက်ထားတဲ့ ၇ ကားမြောက်ဇာတ်ကားဖြစ်ပြီး High & Low The Worst အပြီး ၃ နှစ်အကြာမှာ ဇာတ်လမ်းတည်ထားတာပါ။ အိုယာကျောင်းဂိုဏ်းဟာ ခေါင်းဆောင်အသစ်နဲ့အတူ ဂိုဏ်းအားလုံးထဲမှာ အတောင့်တင်းဆုံးနီးပါးအထိဖြစ်လာပြီး ဒါကို ပြဿနာရှာချင်တဲ့ ဆဲနိုမွန်ကျောင်းဂိုဏ်းက တခြားအဖွဲ့နှစ်ဖွဲ့နဲ့ပေါင်းပြီး အိုယာကျောင်းဂိုဏ်းကိုဖျက်ဆီးကြတဲ့အခါမှာ သုံးဖွဲ့တစ်ဖွဲ့ချကြပါတယ်။ ဇာတ်ကောင်အဟောင်းအနေနဲ့ကတော့ တိုဒိုရိုကီ၊ ဖူဂျီအို၊ ဆာချီအိုနဲ့ တခြားဇာတ်ပို့တွေပြန်ပါမှာဖြစ်ပြီး ဇာတ်ကောင်အသစ်တွေအများကြီးနဲ့ ကျစ်လစ်တဲ့ဇာတ်အိမ်ကြောင့် ကြည့်ဖို့နှစ်ခါမစဉ်းစားသင့်တဲ့ဇာတ်ကားပါ။ File size…2.26GB / 1.12GB Quality…Blu-Ray 1080p 5.1CH / 720p Format…mp4 Duration….1h 59m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Kasashi

Kei ဆိုတဲ့ မိန်းမငယ်လေးဟာ ကြေးစားလုပ်ကြံသတ်ဖြတ်သူတစ်ယောက်ပါ။ သူ့ကို အလုပ်အပ်ချင်သူတွေက အပျော်ကောင်မလေးခေါ်တဲ့ ဝက်ဘ်ဆိုက်နဲ့ ဖုန်းနံပါတ်ကို အသုံးပြုပြီး ဆက်သွယ်ငှားရမ်းကြရပါတယ်။ ချစ်စရာကောင်မလေးတစ်ယောက်ပဲလို့ ထင်ပြီး တံခါးဖွင့်လက်ခံလိုက်တဲ့ လူဆိုးတွေကတော့ သူ့လက်မှာ အသက်ဆုံးရတတ်တယ်။ Kei ကလည်း အလုပ်ကို အမှားအယွင်းမရှိ လက်စသတ်နိုင်သူပါ။ တစ်နေ့မှာတော့ ဂျပန်က အကြီးဆုံးရာကူဇာဂိုဏ်းရဲ့ ခေါင်းဆောင်တစ်ယောက်ကို သတ်ဖို့ သူ့ဆီ အလုပ်အပ်လာပါတယ်။

ကာကဲရိုကလပ်ဟာ လောင်းကြေးကြီးတဲ့ လောင်းကစားပွဲတွေကို ကြီးကြပ်ပေးတဲ့ အဖွဲ့အစည်းတစ်ခုပါ။ လောင်းပြီးမှ ထွက်ပြေးချင်သူတွေ လွတ်မသွားအောင် လိုအပ်ရင် လူသတ်တဲ့အထိ လုပ်တတ်ကြတယ်။ သူများတွေရဲ့ မုသားနဲ့လှည့်ဖျားမှုတွေကို ဖော်ထုတ်ရာမှာ ကျွမ်းကျင်တဲ့ မာဒါရာမဲ ဘာကူကတော့ ဒီအဖွဲ့ရဲ့ ခေါင်းဆောင်နေရာကို ရဖို့ ကိုယ့်အသက်ကိုပါ လောင်းကြေးထပ်ခဲ့ဖူးပါတယ်။ ဒါပေမယ့် ခေါင်းဆောင်ရဲ့ လှည့်ဖျားမှုကို ရှုံးနိမ့်ပြီး အသက်ဆုံးလုနီးပါး ဖြစ်ခဲ့ရသလို အသင်းဝင်အဖြစ်ကနေပါ ပယ်ထုတ်နှင်ချခံခဲ့ရတယ်။ အချိန်တစ်ခုကြာတော့ ကာကဲရိုကလပ်အဖွဲ့ဝင်တွေကို စိန်ခေါ်တဲ့ သိပ္ပံပညာရှင် ဆာဒါကူနီ ပေါ်လာပါတယ်။ ဘာကူလည်း ခေါင်းဆောင်ကို ထပ်စိန်ခေါ်နိုင်ဖို့ တိုကျိုကို ပြန်လာရင်း ကံကောင်းတတ်တဲ့ ကာဂျီ တာကာအိုမီနဲ့ ဆုံတွေ့ခဲ့တယ်။ သူတို့နှစ်ယောက်၊ ဆာဒါကူနီနဲ့ ကာကဲရိုကလပ်ကြား ဘယ်လိုဆက်နွယ်မှုတွေ ရှိနေမလဲ။ အသက်ကိုပါ လောင်းကြေးထပ်ရတဲ့ ကစားပွဲတွေမှာ ဘာကူက မုသားတွေကို ဘယ်လိုဖော်ထုတ်ပြီး ခေါင်းဆောင်နေရာကို ထပ်ကြိုးစားယူမလဲဆိုတာ ဆက်ကြည့်ရမှာပါ။

IMDb - 6.7/10 ဒီကားလေးကတော့ မြန်မာပြည်ဖွား ဂျပန်ရောက်မင်းသား Morisaki Win 3rd Asia Contents Awards (ACA) မှာ မျက်နှာသစ်သရုပ်ဆောင်ဆု ရသွားတဲ့ ဇာတ်ကားလေးပါ။ ဇာတ်လမ်းကြာမြင့်ချိန်ကတော့ ၃ နာရီ ၅၂ မိနစ် ရှိပါတယ်။ ဇာတ်လမ်းအညွှန်းကတော့ ..... ကုမ္ပဏီတစ်ခုမှာ အရောင်းဝန်ထမ်းဆိုတဲ့ ပျင်းရိငြီးငွေ့စရာကောင်းတဲ့အလုပ်ကို စိတ်မပါဘဲလုပ်နေရတဲ့ Tsuji ဆိုတဲ့ကောင်လေးဟာ သူနဲ့တစ်ရုံးခန်းထဲက ထက်မြက်တဲ့စီနီယာမမကိုရော မနူးမနပ်ဂျူနီယာကောင်မလေးကိုရော နှစ်ယောက်ပြိုင်ပြီးတွဲခုတ်နေခဲ့ပါတယ်။ အဲ့လိုတွဲနေပေမယ့် နှစ်ယောက်လုံးအပေါ် "အချစ်" ဆိုတဲ့ခံစားချက်မရှိတဲ့ Tsuji ရဲ့ဘဝထဲကို လျှို့ဝှက်ချက်တွေအပြည့်နဲ့ Ukiyo ဆိုတဲ့ထူးဆန်းတဲ့မိန်းကလေးတစ်ဦးဝင်လာတဲ့အခါ သူ့ဘဝက ချက်ချင်းဆိုသလိုဗြောင်းဆန်သွားရပါတော့တယ် တွေ့တဲ့အခါတိုင်း ပြသာနာပေါင်းစုံတက်တဲ့အပြင် သူ့ကိုအမြဲလိမ်ညာနေတဲ့ Ukiyo ရဲ့ အရှုပ်ထုပ်တွေကို လိုက်ရှင်းပေးရင်း နောက်ဆုံး အဲ့ပြသာနာအိုးလေးကိုမှ တကယ်ချစ်မိသွားတဲ့ Tsuji တစ်ယောက် Ukiyo ရဲ့အတိတ်နဲ့ လျှို့ဝှက်ချက်တွေကိုသိသွားအခါမှာရော ဆက်ချစ်နိုင်ပါအုံးမလားဆိုတာ ..... Quality….WEB-DL 720p and 480p File size… 2.3GB and 1.3GB Format…mp4 Duration…. 3h 52min Subtitle….Myanmar Subtitle (Hardsub) Translator ..... Moe Pwint Phyu Encoder ..... August

Children of the Sea (2019) IMDB - 6.5/10, MyAnimeList - 7.1/10 Ruka ဆိုတဲ့ ဆယ်ကျော်သက်အရွယ် ကောင်မလေးတစ်ယောက်ဟာ နွေရာသီမှာ ဖခင်ဖြစ်သူရဲ့ ပြတိုက်ကို သွားရင်း Sora နဲ့ Umi လို ခေါ်တဲ့ ထူးခြားတဲ့ ကောင်လေးနှစ်ယောက်နဲ့ တွေ့ဆုံခဲ့ပါတယ်။ ဒီကောင်လေးနှစ်ယောက်ဟာ ရေနေသတ္တဝါတွေရဲ့ ပျိုးထောင်မှုနဲ့ ကြီးပြင်းလာရတယ်ဆိုသလို ပင်လယ်နဲ့ နက်ရှိင်းတဲ့ ဆက်နွှယ်မှုတေွ ရှိခဲ့ပါတယ်။ တစ်ရက်ကျ ဝေလငါးတွေဟာ မထင်ထားတဲ့ နေရာတွေမှာ‌ ပေါ်လာခဲ့သလို ငါးတွေကလည်း ပြတိုက်ကနေ ပျောက်သွားတာမျိုးတွေ ဖြစ်ခဲ့တယ်။ ဒါ့အပြင် ထူးဆန်းတဲ့ တေးသံကလည်း ပင်လယ်ဘက်ကနေ ထွက်လာခဲ့တယ်။ ဒီလိုဖြစ်ရပ်တွေကနေ Ruka တစ်ယောက် ပွဲတော်အကြောင်း ပင်လယ်နဲ့ ကြယ်တွေအကြောင်း သိလာရာကနေ ကောင်လေးနှစ်ယောက်နဲ့ သံယောဇဉ်ပိုတိုးလာခဲ့ပါတယ်။ အဲဒီနောက်မှာတော့ သက်ရှိတွေရဲ့ ဘဝဇာတ်ကြောင်းနဲ့ ဆက်စပ်နေတဲ့ လျှိဝှက်ချက်တွေကို သိလာခဲ့ရတယ်။ တကယ်ပဲ ပင်လယ်ကြီးက Ruka ကို ဘာများ ပြောချင်နေတာလဲ သူကရော ဒီဇာတ်လမ်းမှာ ဘယ်လိုနေရာကနေ အရေးပါတဲ့ဇာတ်ကောင်အနေနဲ့ ဖြစ်မလဲဆိုတာ ပရိသတ်ကြီးကပဲ ကြည့်ရှုပေးကြပါဦးခင်ဗျာ။

ဟောလိဝုဒ်ရုပ်ရှင်လောကမှာ ရုပ်ရှင်တစ်ကားရိုက်တိုင်း အမြင်သစ်တစ်မျိုးနဲ့တင်ဆက်တတ်တဲ့ စတီဗင်စပီးဘတ်က ၂၀၁၈ မှာတော့ 80s, 90s born တွေအတွက်အမှတ်တရဖြစ်သွားစေမယ့် ကားတစ်ကားကို ချပြသွားခဲ့ပါတယ်။ ဒီ Ready Player One ရုပ်ရှင်ဟာ Ernest Cline ရဲ့ Ready Player One ဆိုတဲ့ဝတ္ထုကိုအခြေခံရိုက်ကူးထားတာဖြစ်ပြီး ဒီရုပ်ရှင်ဟာ ယနေ့ခေတ်မှာ လူသုံးများလာတဲ့ VR စနစ်နဲ့1980 ကနေ 2000 ခုနှစ်ကြားမှာ ရေပန်းကျော်ကြားခဲ့တဲ့ ရုပ်ရှင်၊ ကာတွန်း၊ စာအုပ်၊ ဂိမ်း၊ သီချင်းတို့ကိုအချိုးကျကျ ပေါင်းစပ်ပြသနိုင်ခဲ့တဲ့အတွက် ဝေဖန်ရေးဆရာတွေချီးကျူးထားတဲ့ ရုံတင်ကားကောင်းတစ်ကားဖြစ်ပါတယ်။ ၂၀၄၅ ခုနှစ်အရောက်မှာ ကမ္ဘာပေါ်က လူတွေဟာ လက်တွေ့ဘဝက ပြဿနာတွေကို ရင်ဆိုင်ဖြေရှင်းဖို့မကြိုးစားတော့ပဲ ထွက်ပေါက်အဖြစ် လွတ်မြောက်ဖို့နေရာတစ်ခုအဖြစ် အိုအေစစ်လို့ခေါ်တဲ့ Visual Worldထဲမှာပဲ အိပ်ချိန်၊ စားချိန်နဲ့ သန့်စင်ခန်းသွားချိန်တွေကလွဲလို့ ကျန်တဲ့အချိန်တွေကို ကုန်ဆုံးကြပါတော့တယ်။ ဒီ အိုအေစစ်ကြီးကို ဖန်တီးခဲ့သူကတော့ ဂျိမ်းစ်ဟာလီဒေးဖြစ်ပြီး သူမသေဆုံးခင် အိုအေစစ်ထဲမှာ အီစတာဥလို့ခေါ်တဲ့ပစ္စည်းတစ်ခုကိုထားခဲ့ပါတယ်။ အဲ့ဒီဥကို ရှာဖွေတွေ့ရှိသူဟာ ဟာလီဒေးရဲ့ ပိုင်ဆိုင်မှုတွေအားလုံးနဲ့ အိုအေစစ်ကိုထိန်းချုပ်ခွင့်ပါ ရရှိမှာဖြစ်တဲ့အတွက် အိုအေစစ်ထဲက လူအားလုံးက အဲ့ဒီဥကို အသည်းအသန်လိုက်ရှာကြပါတော့တယ်။ အဲ့ဒီလိုလိုက်ရှာနေကြတဲ့သူတွေထဲမှာ Ready Player One ရုပ်ရှင်ရဲ့ အဓိကဇာတ်ကောင်ဖြစ်တဲ့ ဝိတ်ဝက်စ်လဲ ပါဝင်သလိုIOI ဆိုတဲ့ ကုမ္ပဏီကြီးကလဲ အဲ့ဥနောက်ကိုသဲသဲမဲမဲလိုက်နေတာပါ။ ဥကို ရဖို့အတွက် သော့ ၃ ချောင်းအရင်ရှာရမှာဖြစ်ပြီးသဲလွန်စတွေကို ဘယ်လိုအဖြေဖော်ကြမလဲ၊ ဘယ်သူ အဲ့ဥကိုရသွားမလဲ၊ ဟာလီဒေးရဲ့ အစီအစဉ်ကရော ဘယ်လိုလဲဆိုတာတော့ ပရိသတ်တွေအနေနဲ့ ဖိုင်ဆိုဒ်အကြီးကိုသာဒေါင်းပြီး အလှပဆုံး CGI တွေနဲ့ အမြူးကြွဆုံး 80s Rock သီချင်းတွေပါဝင်တဲ့ ဒီရုပ်ရှင်ကို ဇိမ်နဲ့ခံစားကြည့်ရှူလိုက်ကြပါ။ ဒီရုပ်ရှင်ထဲမှာ 80s, 90s ခေတ်က ရုပ်ရှင်တွေ ဂိမ်းတွေ သီချင်းတွေကို ကိုးကားထားတာတွေ မရေတွက်နိုင်အောင်ပါဝင်ပါတယ်။ ဇာတ်ကောင်တွေရဲ့ ဒိုင်ယာလော့တွေကအစ ဒီကိုးကားချက်တွေမပါရင် မပြီးဘူးလို့တောင် ပြောလို့ရလောက်တဲ့အထိပါပဲ။ ဖြစ်နိုင်ရင် ဒီရုပ်ရှင်ကို နှစ်ခေါက်တော့အနည်းဆုံးကြည့်စေချင်ပါတယ်။ ပထမတစ်ခေါက် ဇာတ်လမ်းကိုခံစားပြီးကြည့်ပါ။ ဟောင်းပေမယ့်ကောင်းနေဆဲ သီချင်းတွေကို ခံစားကြည့်ပါ။ ဒုတိယတစ်ခေါက်မှာ သူတို့ရဲ့ကိုးကားချက်တွေကိုခံစားကြည့်ပါ။ ကိုးကားချက်တွေကို ရှာဖွေရလွယ်အောင် ဘာသာပြန်ကတည်းက ကွင်းစကွင်းပိတ်နဲ့ ရှင်းချက်တွေထည့်ပေးထားပြီးရုပ်ရှင်၊ ဂိမ်း နာမည်တွေကို English လိုသာ တမင်ချန်ထားပေးခဲ့ပါတယ်။ အားလုံးပဲ ဒီရုပ်ရှင်ကို ၂ ခါမြောက်ကြည့်ပြီးရင် Google ဂုဏော အနေန္ဒောနိုင်ကြပါစေ။ တစ်ခုတော့ပြောပါရစေ။ Ready Player One ရုပ်ရှင်ဟာ ဖျော်ဖြေရေးဇာတ်ကားသက်သက်မဟုတ်ပါဘူး။ သိပ်မကြာတော့တဲ့အနာဂတ်မှာ ကျွန်တော်တို့ကိုယ်တိုင်ကြုံတွေ့ရနိုင်တဲ့ နည်းပညာလွှမ်းမိုးမှုပြဿနာတွေကို ကြိုပြီး သတိထားကြဖို့အတွက်၊ ကာကွယ်နိုင်ဖို့အတွက်၊ Pop Culture တွေကိုလဲ ထိန်းသိမ်းနိုင်ဖို့အတွက်ရည်ရွယ်ပြီး တင်ဆက်ထားတဲ့ ဇာတ်ကားတစ်ကားပါ။ လူကြီးတွေအနေနဲ့ ဒီရုပ်ရှင်ကိုကြည့်ပြီး ဂျိမ်းစ်ဟာလီဒေးကို နှစ်သက်ကြမှာဖြစ်သလို လူငယ်တွေကလဲရဲ ၅ ဖော်ကို သဘောကျသွားကြမှာသေချာပါတယ်။ ပြီးတော့ အမျိုးသမီးချောများ မမေ့ပါနဲ့၊ ဒီရုပ်ရှင်မှာ မိုရီဆာကီဝင်း (အဝင်း) ပါပါတယ်ခင်ဗျ။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုအာကာပါ) File Size : (6.9 GB) / (2.3 GB) / (1.2 GB) Quality : Blu-Ray 4K HEVC /1080p / 720p Running Time : 2hr 20min Format : mkv/mp4 Genre : Action, Adventure, Sci-Fi Subtitle : Myanmar Subtitle (Hard Sub) Translated by Arkar Phyo Encoded by Thanhtike Zaw,Nyeinsaeya Aung