Yohei Azakami ပါဝင်သော ဇာတ်ကားများ

Steel Ball Run: JoJo's Bizarre Adventure (2026) MyAnimeList - 9.3/10 JoJo စွန့်စားခန်းတွေ နောက်ထပ်အသစ်အနေနဲ့ ထွက်ရှိလာခဲ့ပါပြီ။ ဒါပေမဲ့ ဒီကောင်ကတော့ ရှေ့ Jojo တွေနဲ့ သက်ဆိုင်မှုမရှိပဲ Stand Alone ဖြစ်ပြီး ကိုယ်ပိုင်ဇာတ်အိမ်ဇာတ်လမ်း ဖြစ်တာကြောင့် ရှေ့က Jojo တွေ မကြည့်ဖူးလည်း ကောင်းကောင်းကြီး အဆင်ပြေပါတယ်။ ဒီကောင်ရဲ့ဇာတ်အိမ်ကတော့ ၁၈၀၀ ကာလ အမေရိကန်နိုင်ငံကို အခြေပြုထားပြီး ကမ္ဘာ့အကြီးအကျယ်ဆုံး ပြိုင်ပွဲကြီးတစ်ခုနဲ့ ဇာတ်အိမ်တည်ထားပါတယ်။ အဲဒါကတော့ ဆန်ဒီယေဂိုကနေ နယူးယောက်နားထိ အမေရိကတိုက်ကြီးတစ်ခုလုံးကို မိုင်ပေါင်း ၄ ထောင်ကျော် ဘယ်သူအရင်ရောက်မလဲ ပြိုင်ရတာပါ။ ဆုကြေးကလည်း အဲဒီခေတ်အနေနဲ့ကို သန်း ၅၀ ပေးတာကြောင့် နိုင်ငံအစုံ လူမျိုးအစုံ မြင်း ကုလားအုတ် ကား အစုံပလုံနဲ့ ယှဉ်ပြိုင်ကြမှာလည်း ဖြစ်ပါတယ်။ အဲဒီမှာ Johnny Joestar ဆိုတဲ့ ဒုက္ခိတလူငယ်လေးတစ်ယောက်ဟာလည်း အရင်တုန်းက ပါရမီရှင် မြင်းစီးဂျော်ကီလေး ဖြစ်ခဲ့ပေမဲ့ ကုသိုလ်ကံကြောင့် အောက်ပိုင်းသေပြီး စိတ်ဓာတ်ကျနေသူလေးပါ။ သူက ဒီ ပြိုင်ပွဲအစကို သာမန်လို လာရောက်ကြည့်ရှုရင်း Gyro Zeppeli ဆိုတဲ့ ထူးဆန်းပြိုင်ပွဲဝင်ဆီကနေ ထူးဆန်းတဲ့ အစွမ်းရှိတဲ့ Steel Ball လေးတွေကို တွေ့သွားပြီး ဒီ Steel Ball တွေရဲ့ လျှို့ဝှက်ချက်ကို ရှာဖွေမယ် သူ့ခြေထောက် ပြန်လည်ကောင်းမွန်နိုင်မလားဆိုပြီး အောက်ပိုင်းသေပေမဲ့လည်း မြင်းတစ်ကောင်နဲ့အတူ ပြိုင်ပွဲကို မရရအောင် ဝင်ပြိုင်တဲ့အခါမှာတော့ ဘာတွေဆက်ဖြစ်မလဲဆိုတာကို ကောင်းကောင်းကြီး ကြည့်ရှုခံစားရမှာ ဖြစ်ပါတယ်...။

Love Through a Prism (2026) IMDB - 8.2/10, MyAnimeList - 8.5/10 နာမည်ကြီး Boys Over Flowers ဒါမှမဟုတ် F4 ဆိုပြီး လူသိများတဲ့ဇာတ်လမ်းကို ရေးဆွဲခဲ့တဲ့ ဆရာမ Yoko Kamio ရဲ့ နောက်ထပ်လှပတဲ့ဇာတ်လမ်းတစ်ပုဒ်ကို AOT တို့ Spy X Family တို့ရဲ့ ပဲ့ကိုင်ရှင် WIT Studio ကနေ ၁၉၀၀ ပြည့်နှစ် အင်္ဂလန်နောက်ခံရှုခင်းတွေ ဂျပန်နဲ့ နိုင်ငံခြားသားဇာတ်ကောင်တွေကို လှပတဲ့ Visual တွေ Animation တွေနဲ့ ဖန်တီးပေးထားပြီး Netflix ကနေ ၂၀၂၆ မှာ ထုတ်လွှင့်ပေးထားတဲ့ Anime စီးရီးကောင်းလေး ဖြစ်ပါတယ်။ ဇာတ်လမ်းလေးကတော့ ၁၉၀၀ ကျော်ကာလကို အခြေခံထားပါတယ်။ Lili ဆိုတဲ့ ဂျပန်မလေးဟာ ကီမိုနိုဆိုင်ရှင်ရဲ့တစ်ဦးတည်းသောသမီးဖြစ်ပေမဲ့လည်း ပန်းချီပညာကို စိတ်ပါဝင်စားလွန်းတာကြောင့် အလုပ်ကို အမွေဆက်ခံစေချင်တဲ့အမေဖြစ်သူနဲ့ အတိုက်အခံတွေလုပ် ၆ လအတွင်း ကျောင်းမှာ အဆင့် ၁ ဖြစ်ရမယ်တို့ မဟုတ်ရင် ရွာပြန်အိမ်ထောင်ပြုရမယ် ဘာညာစသဖြင့် ကတိကဝတ်တွေနဲ့ရော အစိုးရအထောက်အပံ့နဲ့အတူ အင်္ဂလန်နိုင်ငံ လန်ဒန်မြို့က အနုပညာကျောင်းကို ရောက်ရှိလာခဲ့ပါတယ်။ အဲဒီမှာတင် ငတ်တစ်လှည့် ပြတ်တစ်လှည့်နဲ့ Lili တစ်ယောက် သူ့ကတိအတိုင်း ကျောင်းမှာ အသေအလဲ ကြိုးစားရပါတော့တယ်။ ဒါပေမဲ့ အဲဒီမှာ ထူးဆန်းပြီး အရည်အချင်းရော ပါရမီပါရှိတဲ့ Kit ဆိုတဲ့ အင်္ဂလန်သားကောင်လေးနဲ့ ဆုံခဲ့ရပါတော့တယ်။ ဒီ Kit ဆိုတဲ့ကောင်လေးက ဖြစ်သလိုနေနေပေမဲ့လည်း ပါရမီရှိတာကြောင့် ကျောင်းမှာ အမြဲတမ်း အဆင့် ၁ ဖြစ်နေတဲ့သူပေါ့။ ဒါကြောင့် Lili အနေနဲ့ Kit ကို လိုက်လံယှဉ်ပြိုင်ရာကနေ သူတို့နှစ်ဦးကြား ထူးခြားတဲ့ ခံစားချက်တွေ မွေးဖွားပြီး ဇာတ်လမ်းဖြစ်လာပါတော့တယ်။ Kit ကို ငယ်စဉ်ကတည်းက လက်ထပ်ရမယ်ဆိုပြီး ကြံစည်ထားတဲ့ လူကုံထံအသိုင်းအဝန်းက Cathrine တို့ Lili လိုမျိုး ဂျပန်ကနေ အစိုးရအထောက်အပံ့နဲ့ ထပ်မံရောက်ရှိလာတဲ့ ပန်းပုဆရာလေး Shin တို့လည်း အချစ်ဇာတ်လမ်းတွေထဲ ပါဝင်ထားတဲ့အပြင် သူငယ်ချင်းတွေဖြစ်တဲ့ Dorothy တို့ Joffery တို့ Peter တို့ကလည်း ပံ့ပိုးပါဝင်ထားတာမို့ ဘာတွေဆက်ဖြစ်ကြမလဲဆိုတာကို သမိုင်းကြောင်းတွေရော အနုပညာဟန်ပန်တွေနဲ့ရော ဇာတ်ကောင်တွေရဲ့ခံစားချက်နဲ့အတူ အိပ်မက်နဲ့ချစ်ခြင်းမေတ္တာတွေကြား ရုန်းကန်ရပုံတွေကို ကြည့်ရှုခံစားရမှာ ဖြစ်ပါတယ်။

Sentenced to Be a Hero (2026) IMDB - 8.9/10, MyAnimeList - 8.5/10 2026 နှစ်ဦး Winter Season မှာတင် အမိုက်စား Anime တစ်ခု ထွက်ပေါ်လာခဲ့ပါပြီ။ စထွက်ထွက်လာချင်း အပိုင်း ၁ မှာ ၁ နာရီနီးပါး ကြာမြင့်တဲ့အပြင် Animation quality ကလည်း ရုပ်ရှင် Level နဲ့ ရှယ်ကြမ်းပြနေတာမို့ Rating ကောင်းတွေလည်း ရရှိထားပြီး နောက်ထပ် အပတ်စဉ်ထွက်လာမှာတွေကို စိတ်လှုပ်ရှားဖွယ် စောင့်ကြည့်သွားရမှာပါ။ ဇာတ်လမ်းအကျဉ်းကတော့ Holy Knight ဖြစ်တဲ့ သူရဲကောင်းတွေက နတ်ဆိုးဘုရင်တွေနဲ့ စစ်ဖြစ်နေကြတယ်။ အဲဒီမှာ သူရဲကောင်းတွေကြားထဲမှာ ပြစ်မှုကျူးလွန်တဲ့လူရှိတယ်ဆိုရင် သူတို့က ဆိုးရွားတဲ့ပြစ်ဒဏ်ကို ခံရလေ့ရှိတာပေါ့။ အဲဒါက ဘာလဲဆိုရင် ပြစ်ဒဏ်ကျ သူရဲကောင်းဆိုတဲ့ ဂုဏ်ဘွဲ့ရသွားပြီး နတ်ဆိုးဘုရင်စစ်တပ် ဖယ်ရီကောင်တွေနဲ့ တိုက်ခိုက်နေတဲ့ ရှေ့တန်းမှာ ဘယ်တော့မှ မသေနိုင်ပဲ ထပ်ခါတလဲလဲ တိုက်ပွဲဝင်နေရမှာပဲ ဖြစ်ပါတယ်။ မသေနိုင်ဘူးဆိုတာက သေသွားခဲ့ရင်လည်း အလောင်းပြန်ယူခံရပြီး အသက်ပြန်သွင်းပြီးတော့ ရှေ့တန်းမှာပဲ တိုက်ခိုက်ခိုင်းတဲ့ ဝဠ်ဒုက္ခအကြီးစားတစ်မျိုးပေါ့။ အဲဒီမှာ ဇိုင်းလို (Xylo) ဆိုတာ ပြစ်ဒဏ်ကျ သူရဲကောင်းတစ်ယောက်၊ သူနဲ့အတူတူ တိုက်ပွဲဝင်နေကြ ကူလီကူမာ ခိုးတတ်ဝှက်တတ် လက်ဆော့လေ့ရှိသူ ဒေါ့တာ (Dotta) လည်း ရှိသေးတယ်။ တစ်ရက်ကျ ဒေါ့တာက တိုက်ပွဲထဲကနေ ခေါင်းတလားကြီးတစ်ခု ခိုးလာခဲ့ရော အဲဒီမှာ ဖြစ်ချင်တော့ ပါလာတာက စခန်းတစ်ခုကို သွားပို့ပေးရမယ့် တာအိုရီတာ (Teoritta) ဆိုတဲ့ နတ်ဘုရားမ ဖြစ်လေပါရော။ ဒီမှာတင် ၃ ယောက်သား ကံစီမံရာအတိုင်း ပေါင်းဆုံမိသွားပြီး ဒုက္ခရောက်နေတဲ့ သူရဲကောင်းတပ်တွေကို ကယ်တင်ပေးရာကနေ ဘာဆက်ဖြစ်မလဲဆိုတာ ဆက်ကြည့်ရမှာပဲ ဖြစ်ပါတယ်။ နတ်ဘုရားမ တာအိုရီတာက တကယ်တမ်း ဘာဖြစ်နေမလဲ၊ ဇိုင်းလိုရဲ့ အတိတ်ကရော ဘာတွေလဲ စသဖြင့် စိတ်ဝင်စားဖွယ်အကြောင်းအရာတွေနဲ့အတူ အမိုက်စား Animation တိုက်ခိုက်ခန်းတွေကြောင့် အပတ်စဉ် သေချာပေါက် စောင့်ကြည့်သွားရမယ့် Anime စီးရီးကောင်းတစ်ခုပဲ ဖြစ်ပါတယ်ဗျာ...။

Clevatess (2025) MyAnimeList - 7.4/10, IMDB - 7.8/10 ယခုတစ်ခေါက်တင်ဆက်ပေးမယ့် စီးရီးလေးကတော့ အခု ၂၀၂၅မှ ထွက်ရှိထားတဲ့ Cleavatess ဆိုတဲ့ Anime စီးရီးလေးဖြစ်ပါတယ်။ စီးရီးလေးက IMdb rating 7.8 တောင်ရထားတာမို့လို့ တကယ်ကို ကြည့်ရှုသင့်တဲ့စီးရီးလေးပါ ပထမတစ်ပိုင်းကြည့်လိုက်တာနဲ့တင် နောက်အပိုင်းတွေကို ဆက်ကြည့်ရှုချင်သွားအောင် ဆွဲခေါ်သွားမယ့် စီးရီး‌‌လေးဆိုလည်း မမှားပါဘူး။ အကျဉ်းချုပ်ကတော့ Edthea ဆိုတဲ့ ကုန်းမြေအတွင်းမှာ လူသားတွေနေထိုင်ကြပြီး ဘေးပတ်ပတ်လည်မှာတော့ အမှောင်သားရဲတွေနဲ့ ဝိုင်းရံထားတဲ့အတွက် ဒီပြင်ပကမ္ဘာကြီးကို စူးစမ်းချင်ပေမယ့်လည်း သားရဲတွေကြောင့် အပြင်ထွက်ခွင့်မရပါဘူး။ ဒါပေမယ့် ဒဏ္ဍာရီအရတော့ တစ်ချိန်မှာ ဘုရင် Haiden ဆီကနေ လက်နက်တစ်ခုကို အပ်နှင်းခံရတဲ့သူရဲကောင်းဟာ အမှောင်သားရဲတွေကို နှိမ်နှင်းပြီး Edthea ကို ပြင်ပကမ္ဘာနဲ့ဆက်သွယ်ပေးမယ်လို့ အဆိုရှိပါတယ်။ ဒီလိုနဲ့ ဘုရင် Haiden ကလည်း ဒဏ္ဍာရီကို တကယ်ဖြစ်လာအောင်လုပ်ချင်လာပြီး Alicia ဆိုတဲ့ သူရဲကောင်းမလေး အပါအဝင်နယ်မြေအသီးသီးက သူရဲကောင်းတွေကို အမှောင်သားရဲအရှင်တွေကို နှိမ်နှင်းဖို့လွှတ်လိုက်ပါတယ်။ ဒါပေမယ့် မအောင်မြင်ပဲ အမှောင်သားရဲအရှင်ကို လှုပ်နိုးသလိုဖြစ်သွားပြီး သူရဲကောင်းတွေအားလုံး အသတ်ခံလိုက်ရတဲ့အပြင် အမှောင်သားရဲအရှင်ဟာ ဒါနဲ့တင်မကျေနပ်ပဲ သူ့နယ်မြေကိုကျူးကျော်လာတဲ့ လူသားမျိုးနွယ်ကို ဖျက်စီးပစ်မယ်ဆိုပြီး Haiden ဘုရင်နဲ့ရဲတိုက်ကို ဖျက်စီးပစ်လိုက်ပါတယ်။ လူသားမျိုးနွယ်ကိုလည်း သူ့နယ်မြေကို ထပ်မကျူးကျော်အောင် ဖျက်စီးပစ်မယ်ကြုံးဝါးနေဆဲမှာပဲ အသက်ရှင်နေတဲ့ မွေးကင်းစကလေးငယ်လေးကိုတွေ့တော့ သတ်မယ်အလုပ်မှာ မိခင်ဖြစ်သူရဲ့တောင်းပန်မှုကြောင့်ရော သူကိုယ်တိုင်က လူသားမျိုးနွယ်အကြောင်းကို လေ့လာဖို့အတွက်ရောဆိုပြီး ကလေးကိုကြီးပြင်းလာတဲ့အထိ စောင့်ရှောက်ပေးဖို့ သေဆုံးသွားခဲ့တဲ့ Alicia သူရဲကောင်းမလေးကိုပါ ပြန်အသက်သွင်းပြီး နှစ်ယောက်သား ဘာတွေဆက်ဖြစ်ကြမလဲ ကြည့်ရမှာပါ။ ဒီလိုနဲ့ အမှောင်သားရဲအရှင် Clevatess တစ်ကောင်နဲ့ သူရဲကောင်းမလေး ALicia တို့ စွန့်စားခန်းထွက်ကြရင်း ကလေးတစ်ယောက်ကို ဘယ်လိုပြုစုပျိုးထောင်မလဲ သူ့အကြံစည်တွေဖြစ်လာမှာလား လူသားမျိုးနွယ်ရဲ့ကံကြမ္မာကရော ဘယ်လိုတွေဖြစ်လာမလဲ Alicia ကရော သူ့ရဲ့အိမ်မက်ဖြစ်တဲ့ သားရဲအရှင်ကို နှိမ်နှင်းမယ်ဆိုတာကရော အောင်မြင်မှာလား စတာတွေကို သိချင်ရင်တော့ အခုပဲ စီးရီးလေးကို ကြည့်လိုက်ကြရအောင်နော်...။ File size…  500 MB (Appx;)@Episode Quality… WEB DL 1080p Format… mp4 Duration…. 25m @Episode Genre ..... Anime, Adventure, Action Subtitle…. Myanmar Subtitle (Hard Sub)

IMDB – 7.9/10 Rurouni Kenshin တို့လိုမျိုး စစ်ပြီးခေတ်ကာလ ဆာမူရိုင်း Ronin တွေအကြောင်းတွေကို သဘောကျမယ်ဆို သူတို့ကို အဓိကအခြေခံတင်ဆက်ထားတဲ့ အသစ်ထွက်နေတဲ့ သမိုင်းနောက်ခံ Samurai Anime စီးရီးလေးတစ်ခု ဖြစ်ပါတယ်။ Kyoto မြို့မှာ ဂျပန်ဘုရင်က နိုင်ငံခြားသားတွေကို ဝင်လာခွင့်ပြုထားတဲ့အတွက် ကုန်ဈေးနှုန်းတွေတက် ပြည်သူတွေက စီးပွားရေးကျ ဒုက္ခတွေရောက် ခိုးဆိုးလုနှိုက်တွေပေါ လူသတ်သမားတွေပေါတော့ ပြည်သူတွေဟာ အထိတ်တလန့်နဲ့ ညညဆို စိတ်ချလက်ချ မထွက်ရဲတော့တဲ့ ခေတ်တစ်ခုပေါ့။ ကလေးတွေကို ပြန်ပေးဆွဲနေတဲ့ အဖွဲ့တွေ ရှိမယ်၊ အကျင့်စာရိတ္တမကောင်းဘူးဆိုပြီး ကိုယ့်သဘောနဲ့ကိုယ် တရားစီရင်ပြီး အများပြည်သူရှေ့ ခေါင်းပြတ်ထားခဲ့တဲ့ လူသတ်သမားမျိုး စသဖြင့် ပေါင်းစုံ သောင်းကျန်းနေကြတာပေါ့။ အဲဒီမှာ Edo ကနေ Kyoto ကို ရောက်လာကြတဲ့ Mibu ရွာအခြေစိုက် Miburo ဆိုပြီး Ronin ဆာမူရိုင်းတွေက ကောလဟာလတွေ နာမည်ဆိုးတွေနဲ့ ကျော်ကြားနေတယ်။ MC က အခုလာပါပြီ ၁၃ နှစ်ပဲ ရှိသေးတဲ့ Dango ဆိုင်မှာ မွေးစွားအဘွားဖြစ်သူရယ် မွေးစားညီမလေးရယ် စားပွဲထိုးနေတဲ့ ဆံပင်ဖြူဖြူ မျက်လုံးပြာနဲ့ Nio လို့ခေါ်တဲ့ မိဘမဲ့ကောင်လေးတစ်ယောက်။ သူက Kyoto မြို့ကြီးကို ကာကွယ်ပေးချင်နေပြီး သူယူဆထားတဲ့ တရားမျှတမှုဆိုတာကို ရုပ်လုံးပေါ်အောင် အကောင်အထည်ဖော်ချင်တဲ့ ရည်မှန်းချက်ပြင်းပြတဲ့ကလေး။ တစ်ရက်ကျ ဒီ Miburo အဖွဲ့က လူနှစ်ယောက် သူတို့ဆီ မုန့်လာစားရင်းနဲ့ ဒီကောင်လေးရဲ့ အလားအလာကို မြင်ပြီး သူတို့အဖွဲ့ထဲဝင်ဖို့ ဖိတ်ခေါ်လိုက်တဲ့အခါမှတော့ Nio တစ်ယောက် ဘာတွေဆက်ဖြစ်မလဲ၊ သူများတွေပြောနေတဲ့ နာမည်ဆိုးနဲ့ကျော်ကြားတဲ့ Miburo အဖွဲ့က တကယ်တမ်း ဘယ်လိုလဲ၊ သူလက်ကိုင်ထားတဲ့ တရားမျှတမှုက သူများတွေနဲ့ ဘယ်လိုကွာခြားမလဲ စသဖြင့် ညီအစ်ကိုဆရာသမား၊ သူငယ်ချင်း သံယောဇဉ်မေတ္တာတွေနဲ့ အဖွဲ့အစည်းတစ်ခုကို အခြေပြုရိုက်ကူးထားတဲ့ Anime စီးရီးတစ်ခု ဖြစ်ပါတယ်။ File size…  350 MB Quality… WEB-DL 1080p Format… mp4 Duration…. 23m Genre ..... Action, Adventure, Animation Subtitle…. Myanmar Subtitle (Hard Sub) Encoder…. Thit San Khant Translated... by Thura Aung

Bocchi the Rock!Re: (2024) IMDb - 7.4/10, MyAnimeList - 8.3/10 ဒီနေ့မှာတော့ ဂီတာသမားလေး bocchi-chan အကြောင်းကိုမိတ်ဆက်ပေးချင်ပါတယ်။ Bocchi the Rock! anime series ကတော့ 2022 ခုနှစ်မှာထွက်ရှိခဲ့ပြီးနောက်မှာ recap movie နှစ်ကားထပ်ထွက်လာပါတယ်။ ဒါကတော့ ပထမဆုံးကား Bocchi the Rock!Re: ပါ။ ဒီကားမှာတော့ shy and introverted ဖြစ်တဲ့ bocchi-chan လေးက band တစ်ခုထောင်ချင်ပြီး လူတွေနဲ့စကားပြောနိုင်ချင်ပေမဲ့ အလွန်လူကြောက်တတ်ပြီး စကားတောင်စမပြောနိုင်ပါဘူး။ YouTube channel ထောင်ပြီး နာမည်ဝှက်တစ်ခုနဲ့ cover song တွေတင်တဲ့အချိန်မှာတော့ အားပေးမှုတွေတော်တော်ရထားပါတယ်။ တစ်ဖက်မှာ band ထောင်ချင်တဲ့အိမ်မက်ကတော့ပျောက်မသွားပါဘူး။ ဒါပေမဲ့ လူတွေနဲ့ဆက်ဆံကြည့်ဖို့ကြိုးစားတိုင်း ကြောက်စိတ်ကြောင့် အမြဲကျရှုံးနေလို့အဆင်မပြေလာပါဘူး။ တစ်နေ့မှာတော့ သူ့ဆီကိုမှ စိုက်စိုက်မြိုက်မြိုက် အခွင့်အရေးရောက်လာပါတော့တယ်။ live band တစ်ခုမှာဂစ်တာသမားကထွက်ပြေးသွားလို့ bocchi-chan ကိုအစားထိုးတီးပေးဖို့ကမ်းလှမ်းလာပါတယ်။ ပွဲကလဲစနီးနေပြီ bocchi-chan တစ်ယောက်ကြောက်ကလဲကြောက် လုပ်ကလဲလုပ်ချင်နဲ့ပါသွားပါတော့တယ်။ ဒါပေမဲ့ ‌နောက်ပိုင်းမှာသူတို့ band ကိုလူပြန်စုပြီး club မှာတရားဝင်ဖျော်ဖြေနိုင်ဖို့ လူရွေးပွဲစစ်ခံရဦးမှာပါ။ bocchi-chan ရဲ့မအူမလည်ဟာသလေးတွေနဲ့ တော်တော်လေးတော့အပန်းပြေပြီးရယ်ရတာမလို့ ပေါ့ပေါ့ပါးပါးနဲ့ရယ်ချင်ရင်တော့ ဒီကားလေးကိုရွေးလိုက်ပါနော်...။

MyAnimeList 8.1/10 IMDb 8.3/10 ဒီanimeဟာ လက်ရှိထွက်​နေဆဲ animeဖြစ်ပြီး မထွက်ခင် prologueပြကတည်းက Gundamဖန်​တွေရဲ့ စိတ်ဝင်စားမှုကိုရခဲ့တာပါ။ အခုထွက်လာချိန်မှာလည်း ဇာတ်လမ်းပိုင်းစိတ်ဝင်စားဖို့​ကောင်းမှု၊ ရုပ်ထွက်လှပမှု​တွေ​ကြောင့် rating​တွေလည်း ​တော်​တော်ကို​ကောင်း​နေပါတယ်။ ဒီanimeကို ကြည့်မယ်ဆိုရင် အရင်ကထွက်ခဲ့တဲ့ Gundamစီးရီး​တွေကို ကြည့်ထားဖိူ့လိုကိုလိုလားဆိုရင် မလိုဘူးလို့ပဲ​ပြောပါရ​စေ။ တခု​တော့ရှိတယ်။ Gundamနည်းပညာဆိုင်ရာအသုံးအနှုန်း​တွေကို​တော့ သိထားဖို့လို​ပေမဲ့ ဘာသာပြန်​ပေးဖို့မှာတခါထဲထည့်ဖို့မလွယ်လို့ ဒီအညွှန်းအဆုံးမှာ အနီးစပ်ဆုံးရှင်းပြချက်​လေး​တွေ​ရေး​ပေးလိုက်ပါတယ်။ ဇာတ်လမ်းအကျဥ်းက​တော့ မာကျူရီဂြိုဟ်သူ(ဗုဒ္ဓဟူးဂြိုဟ်သူ)​လေးဖြစ်တဲ့ ဆုလာဘ်တာဟာ Asticassiaနည်းပညာ​ကျောင်းကိုလာတက်ရင်း မီအိုလွင်ရဲ့ သတို့သား​လောင်းဖြစ်သူ ဂူအဲလ်ကို ရန်စမိသလိုဖြစ်သွားပါတယ်။ ဂူအဲလ်ဟာ​ကျောင်းတွင်း စက်ရုပ်တိုက်ပွဲ​တွေမှာ အမြဲနိုင်​​လေ့ရှိပြီး Holderတံဆိပ်ပါရထားသူပါ။ အဲ့လိုနဲ့ ဂူအဲလ်နဲ့ ဆုလာဘ်တာတို့စက်ရုပ်ချင်း စီးချင်းထိုးဖို့ဖြစ်လာတဲ့အခါမှာ​တော့ မထင်မှတ်ထားတာ​တွေဖြစ်လာခဲ့ပါတယ်။ ဒီanimeကိုအပတ်စဥ်တနင်္ဂ​နွေညတိုင်း အပိုင်းသစ်ထွက်တာနဲ့ တင်ဆက်သွားမှာဖြစ်​ပါတယ်။ ​အောက်မှာ​ဆက်​ရေးမှာက​တော့ နည်းပညာပိုင်းဆိုင်ရာအသုံးအနှုန်း​တွေနဲ့Gundam animeထဲက အသုံးအနှုန်း​တွေကိုရှင်းပြ​ပေးမှာပါ။ နည်းပညာသမားမဟုတ်​ပဲ ကွကိုရှာဖတ်ထားတာ ဖြစ်တော့ အမှားပါရင်သည်းခံ​ပေးကြပါ။ Earthianဆိုတာက ကမ္ဘာသူကမ္ဘာသား​တွေကို​ပြောတာပါ။ Spacianဆိုတာက အာကာသထဲမှာ​မွေးဖွား​နေထိုင်ခဲ့သူ​တွေကို​ပြောတာပါ။ Coriolis forceဆိုတာဟာ ကမ္ဘာလည်တဲ့အရှိန်​ကြောင့် ​ ရွေ့လျား​နေတဲ့​လေလမ်း​ကြောင်း​ကွေးညွတ်သွား​စေတဲ့အားကို​ပြောတာပါ Blade antennaဆိုတာက​တော့ mobile suitကိုယ်​ပေါ်က အင်တာနာတိုင်လို အချွန်အ​ချောင်းကို​ပြောတာပါ။ Eliteဆိုတာက အရင်Gundamစီးရီး​တွေမှာပါခဲ့တဲ့ Arianတိုင်းပြည်က လှုတ်ရှားမှုကြီးအပြီးမှာ ​ပေါ်​ပေါက်လာခဲ့တဲ့ Eliteတပ်ဖွဲ့ပါ။ Frontဆိုတာက​တော့ လူလုပ်နယ်​မြေကြီးတခုရဲ့နာမည်ပါ။ Thrallက​တော့ အကြမ်းဖြင်း​ပြောရရင် mobile suit​တွေကိုစမ်းသပ်တဲ့​ နေရာမှာ စစ်​ဆေး​ပေးရတဲ့သူပါ။ Permet linkကိုစွမ်းအင်ချိတ်ဆက်ခြင်းလို့ပဲ အကြမ်းဖြင်းဘာသာ ပြန်ရမည်ထင်ပါတယ်။ permetက​တော့ သိသ​လောက် Gundam စီးရီးမှာ အာကာသထဲက သတ္တုတစ်မျိုးကို​ခေါ်တာပါ။ Permet influx valueကို​တော့ စွမ်းအင်စု​ဝေးမှုတန်ဖိုးလို့ပဲ အနီးစပ်ဆုံးယူရဖို့များပါတယ်။  Permet scoreက​တော့ စွမ်းအင်အဆင့်ပါ။ ဒီစီးရီးမှာ​တော့ အဆင့်၃​လောက်အထိGundam mobile suit pilotက တင်လိုက်ရင် pilotကိုထိခိုက်မှု​တွေစဖြစ်​စေပါတယ်။ အဆင့်၄အထိတင်ရင်​တော့ pilotပါ​​​သေ​စေနိုင်တဲ့အထိဖြစ်သွား​စေနိုင်ပါတယ်။ Permet codeက​တော့ permetမှတ်ပုံတင် ကုတ်နံပါတ်ပါ Gund formatက​တော့ စစ်​ရေးသုံးနည်းပညာသုံး Gundamရဲ့စနစ်ပါ Data stormက​တော့ excessive transmission of broadcast traffic in a networkဆိုပြီး definition ဖွင့်ထားပါတယ်..... Special Episode:1 Episodes:24 File Size: 397MB & 179MB (episode) Quality :Web-Dl 1080p,720p Genres: Animation , Sci-Fi & Fantasy ,  Action , Adventure Translated by Dr Nyan Encoded by Min Wai

IMDb-6.7/10 Sword Art Online: Progressive ဇာတ်လမ်းတွဲတွေထဲက ပထမတွဲမှာပါတဲ့အခန်းတစ်ခုကို ပုံဖော်ထားတဲ့ အန်နီမဲရုပ်ရှင်လေးကို တင်ဆက်ပေးပါရစေ။ ၂၀၂၂ နှစ်ကုန်ခါနီးအချိန် ALSနဲ့ DKBဆိုပြီး ဂိမ်းကစားသမားတချို့ပါဝင်ပေါင်းစည်းထားတဲ့ ဂိုဏ်းနှစ်ခု ဦးဆောင်နေတဲ့အချိန်။ ဂိုဏ်းနှစ်ခုကြား အာဏာလုမှုကလည်း ပြင်းထန်နေပါတယ်။ ဂိုဏ်းခေါင်းဆောင်နှစ်ယောက်က ရန်သူတော်ကြီးကိုရှင်းလင်းပြီး အနိုင်ယူဖို့ အပြင်းအထန်ပြိုင်ဆိုင်နေကြပါတယ်။ အာဆူနာဆိုတဲ့ကောင်မလေးကတော့ သူငယ်ချင်းဖြစ်သူကြောင့် ဂိမ်းထဲမှာပိတ်မိနေတဲ့ကောင်မလေး။ ဒီဂိမ်းမှာ သေဆုံးသွားခဲ့ရင် အပြင်လောကမှာလည်းသေဆုံးသွားမှာဖြစ်လို့ အသက်ရှင်သန်ဖို့အရေး ရုန်းကန်နေရပါတယ်။ နှစ်သစ်ကူးအကြိုညအတွက် ပါတီလုပ်ဖို့ ဂိုဏ်းကြီးနှစ်ဂိုဏ်းပူးပေါင်းထားကြပေမဲ့ ပါတီညမှာ ရန်သူတော်ကြီးကို အဖွဲ့တစ်ခုက သွားရှင်းဖို့ကြံထားတာကို အာဆူနာ မတော်တဆကြားသွားခဲ့ရာကစ။ ဂိုဏ်းနှစ်ဂိုဏ်းကြားမှာ စစ်မက်မဖြစ်ပွဲရေးအတွက် သူငယ်ချင်းတွေအကူအညီရယူပြီး တားဆီးဖို့ကြိုးစားပါတော့တယ်၊ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(1.8 GB)/(1 GB) Quality….Webrip 1080p / 720p Format…mp4 Duration….01:33:00 Genre... Animation, Action, Fantasy, Science Fiction  Subtitle….Myanmar Subtitle (Hardsub) Encoder….Mr. Anderson Translated by Pyae Phyo