လူကြည့်များသော ရုပ်ရှင်များ

၂၀၂၂ခုနှစ် ဖေဖော်ဝါရီ ၂၁ရက်နေ့ကထွက်ရှိထားတဲ့ Turning Red ဆိုတဲ့ Comedy animated movie လေးတစ်ခုနဲ့မိတ်ဆက်ပေးချင်ပါတယ်။ Animated Movie ဆိုလို့ကလေးတွေ၊ ဆယ်ကျော်သက်အတွက်ပဲဖန်တီးထားတဲ့ ဇာတ်ကားမဟုတ်ဘဲ မိဘနဲ့သားသမီးအတူကြည့်သင့်တဲ့ ဇာတ်ကားလေးတစ်ကားဆိုရင်လည်းမမှားပါဘူး။ ဘာကြောင့်လဲဆိုတော့ အရှေ့တိုင်းမိဘတွေနဲ့ ဆယ်ကျော်သက်သားသမီးတွေကြားမှာဖြစ်လေ့ရှိတဲ့ သဘောထားကွဲလွဲမှုပြဿနာမျိုးတွေကို Turning Red ဇာတ်ကားထဲမှာ အမေရိကန်နိုင်ငံမှာနေထိုင်တဲ့ တရုတ်မိသားစုလေးတစ်စုအဖြစ်ပုံဖော်ရိုက်ကူးထားတာကြောင့်ပါ။ ဒီဇာတ်ကားလေးကိုကြည့်ပြီးရင် ခေတ်လူငယ်သားသမီးတွေရဲ့သဘောထားနဲ့ ခံစားမှုတွေကို မိဘတွေဘက်ကလည်း နားလည်လက်ခံပေးနိုင်သလို သားသမီးတွေကလည်း မိဘတွေရင်ထဲကမေတ္တာကိုမြင်အောင် ကြည့်တတ်လာနိုင်မယ်လို့ယုံကြည်ပါတယ်။ မေလင်းလီဟာ အသက်၁၃နှစ်အရွယ်ရှိတဲ့ကောင်မလေးတစ်ယောက်ပါ။ သူဟာမျိုးရိုးဂုဏ်သိက္ခာမညှိုးနွမ်းစေရအောင် မိခင်စိတ်ကြိုက်ဘက်စုံထူးချွန်တဲ့ ကျောင်းသူလေးတစ်ယောက်အဖြစ်ရပ်တည်နေသူပါ။ မေဟာ မိခင်သဘောကျကျောင်းမှာလည်းကျောင်းအလျောက်၊ အိမ်မှာလည်းအိမ်အလျောက် လိမ္မာတဲ့သမီးကောင်းလေးဖြစ်အောင် အစွမ်းကုန်ကြိုးစားနေပေမယ့် လူငယ်ပီပီပျော်ပါးချင်တဲ့စိတ်ကလေးလည်းရှိသလို သွက်လက်တဲ့သူငယ်ချင်းတွေနဲ့အတူ လူငယ်ကောင်လေးတွေစုစည်းထားတဲ့ဂီတအဖွဲ့ 4-Town ရဲ့အမာခံပရိသက်တစ်ယောက်လည်းဖြစ်ပါတယ်။ ဒါပေမယ့် ရှေးရိုးစွဲတရုတ်မိခင်ဖြစ်သူမသိအောင်တော့ဒီအကြောင်းတွ

Oh my ghosts 4 ထိုင်းသရဲဟာသ ကားလေးပါ ရှေ့ကားတွေရဲ့အဆက်ဖြစ်ပြီးတော့ ဒီကားအစမှာတော့ ညီအစ်မသုံးယောက်က ခွိုင်နဲ့အတူတူ ကျောင်းပြန်လည်ဆုံဆည်းပွဲကို သွားကြပါတယ် အဲ့ပွဲကနေ ကျောင်းမှာ ဥက္ကဋ္ဌနေမကောင်းဖြစ်နေလို့ ဆရာမသွားလုပ်ပေးနေကြပါတယ် ထုံးစံအတိုင်း ကျောင်းကအဆောင်တွေမှာ ဆော့လင်းဆိုတဲ့ သရဲမက လိုက်ခြောက်နေတာပါ ဆော့လင်းက အဲ့ကျောင်းက ဆရာမတယောက်ဖြစ်ပြီးတော့ ကျောင်းသားတွေကလည်း သရဲမဆော့လင်းနာမည်ကိုထုတ်မပြောရဲလောက်အောင် ကြောက်လန့်နေကြတာပါ ဆော့လင်းအသတ်ခံရမှုနောက်ကွယ်မှာ ဘယ်သူတွေ ရှိနေမလဲ သူတို့လိုက်စုံစမ်းပါတော့တယ် ဥက္ကဋ္ဌရဲ့ ညီမဖြစ်သူကလည်း သူ့အစ်မကို သတ်ဖို့ကြိုးစားနေတာပါ တညကျတော့ ဥက္ကဋ္ဌရဲ့ညီမ ဆာဆာဝမ်နဲ့ သူ့ရည်းစားက ပန်ကိတ်ကို ထိန်းချုပ်ထားလိုက်ပါတယ် ပန်ကိတ်လည်း သူတို့ခိုင်းစေသမျှလိုက်နာရပြီး မိုဒန် တွန် နဲ့ ကာကွန်တို့ကို ပြန်ချပါတော့တယ် ဆာဆာဝမ်တို့ တားမြစ်ထားတဲ့ အဆောက်အအုံအိုကြီးထဲမှာ ဘာလျို့ဝှက်ချက်တွေများရှိနေတာလဲ ဆာဆာဝမ်ကရော ဘာလို့ မသွားခိုင်းတာလဲဆိုတာ ဟာသတွေနဲ့ ကြည့်လိုက်ပါဦး...... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tomato ဖြစ်ပါတယ်

2012 ကထွက်ထားတဲ့ Oh my ghosts No.3 ထိုင်းသရဲဟာသကားလေးပါ ဇာတ်လမ်းအကျဉ်းကတော့ ပန်ကိတ်က တေတောင်းနဲ့ အဆင်မပြေလို့ ကိုရီးယားသွားပြီး ကိုရီးယားကောင်တွေနဲ့ တွဲခုတ်နေပါတယ် အဲ့အချိန်မှာ တွန်ရဲ့ အဆောင်မှာ ငှားနေတဲ့ ကျောင်းသူကောင်မလေးတယောက် ရာရီ အသတ်ခံလိုက်ရပါတယ် အဲ့ကောင်မလေးက မကျွတ်ဘဲ သရဲဘဝနဲ့ သူ့ကိုသတ်တဲ့သူကို လိုက်ကလဲ့စားချေဖို့ ကြိုးစားနေတာပါ တွန်နဲ့ သူ့ရဲ့ အခြောက်ညီအစ်မ ၂ ယောက်ကလည်း လူသတ်သမားကိုလိုက်စုံစမ်းနေရင်းနဲ့ အလောင်းက ရုတ်တရက် ပျောက်သွားပါတယ် အသတ်ခံရတဲ့ ကောင်မလေးရဲ့ သူငယ်ချင်းနှစ်ယောက်ထဲက ဖူးကန်က အသတ်ခံရတဲ့နေ့က ကောင်မလေးရဲ့ အခန်းရှေ့မှာရပ်နေတော့ လူသတ်သမားလို့ အထင်ခံနေရတာပါ ဝက်သရဲမ ပန်ကိတ်ကလည်း မကူညီတဲ့အပြင် အဆောင်ထဲက ကောင်လေးတွေကို လိုက်နှောင့်ယှက်နေတာပါ တညကျတော့ ပန်ကိတ်က အကောင်တွေနဲ့ပျော်နေတဲ့ video ကို တေတောင်းကို ပြလိုက်တော့ သူတို့ ပြတ်သွားကြပါတယ် ပန်ကိတ်က အသဲကွဲပြီး တွန်နဲ့စကားများနေတုန်း ရာရီသရဲမက ပူးပြီး တွန်ကိုလည်ပင်းညစ်သတ်လိုက်ပါတယ် ရှေ့ကကားတွေအတိုင်းပဲ သရဲမက သူတို့ကို လိုက်ခြောက်လို့ ပြေးလိုက်လွှားလိုက်နဲ့ ပြသာနာတွေကို ဘယ်လိုပေါက်ကရတွေလုပ်ပြီး ဖြေရှင်းနိုင်သွားမလဲဆိုတာကို တခွီခွီနဲ့ ကြည့်ရမှာပါ....... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tomato ဖြစ်ပါတယ်

ဒီကားလေးကတော့ 2009ကထွက်ထားတဲ့ Oh my ghosts ကားလေးရဲ့အဆက် ဒုတိယကားလေးပါ ပထမကားမှာ အသေခွီရသလိုပဲ ဒီကားထဲမှာလည်း ပါးစပ်စေ့ရမှာ မဟုတ်ပါဘူး ဇာတ်လမ်းအကျဉ်းကတော့ စံအိမ်တခုကို ဖိတ်ခေါ်ထားတဲ့မစ်ရှင်နဲ့ အတူတူ အခြောက်တို့အုပ်စုရောက်သွားကြပါတယ် သူတို့ကို အဲ့စံအိမ်ပိုင်ရှင် ဝက်ဆီဝက်တို့ အုပ်စုက အနီရောင်အဆောက်အအုံကို မသွားဖို့ တားမြစ်ထားပါတယ် အဆောင်နေတဲ့ကျောင်းသားတွေကိုလည်း အဆောင် ခနရွေ့ထားပါသေးတယ် တညကျတော့ အဆောင်ရှေ့ကနေ အခြောက်တို့အုပ်စုဖြတ်လျောက်တုန်း ရေကူးနေတဲ့ သရဲ တေတောင်းကို တွေ့လိုက်ရပါတယ် တေတောင်းသရဲကို ပန်ကိတ်ဝက်သရဲမက တစ်ဘရိတ်တည်း ကြွေသွားပါတယ် ဝက်ဆီဝက်တို့ကတော့ တေတောင်းကိုယ်မှာ စိုက်ထားတဲ့သံမှိုကိုဆွဲနုတ်ပြီး အခြောက်တို့အုပ်စုကို ခြောက်လွတ်ချင်နေတာပါ သူတို့ အကြံအစည်တကယ်ပဲ ဖြစ်လာမလား အခြောက်တို့ အုပ်စုကပဲ ပေါက်ကရတွေ လျောက်လုပ်ပြီး ဉာဏ်ပိုကောင်းသွားမလား တေတောင်းနဲ့ ပန်ကိတ်တို့ရဲ့ ချစ်ခြင်းကို ဘယ်သူခွဲနိုင်မှာလဲဆိုတာ ဒီကားလေးမှာ ကြည့်ရမှာပါ.......... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tomato ဖြစ်ပါတယ်

Oh my ghosts ဆိုတဲ့ 2009 တုန်းက ထွက်ထားတဲ့ ထိုင်းဟာသ သရဲကားလေးပါ ရိုးရိုးတန်းတန်းကြောက်စရာကောင်းတဲ့သရဲကားတွေ ကြည့်ရတာ ပျင်းနေပြီဆိုရင်တော့ ဒီလိုမျိုးလေးတွေ ပြောင်းကြည့်တာက အကောင်းဆုံးပါပဲ ဇာတ်လမ်းအကျဉ်းကတော့ စာမနီနဲ့ ထရီချာဒါဆိုတဲ့ သရဲမ နှစ်ကောင်က သူတို့ရဲ့ အုတ်ဂူပေါ်မှာ အဆောက်အအုံကို ဆောက်ထားလို့ အခြောက် သုံးယောက်ရဲ့တည်းခိုခန်းမှာ လာလာခြောက်နေခဲ့ပါတယ် အခြောက်တွေရဲ့အမျိုးတယောက် ပေယွန်းဆိုတဲ့ အောက်လမ်းဆရာမကြီးတယောက်ကလည်း အဲ့နေရာကို ရောက်လာပါတယ် အခြောက်သုံးကောင်ကတော့ အဲ့သရဲကို မောင်းထုတ်နိုင်ဖို့ ပန်ကိတ်ဆိုတဲ့တခြား သရဲတကောင်ကို အကူအညီတောင်းခံခဲ့တာပါ ခွိုင်ဆိုတဲ့ ကောင်လေးနဲ့လည်း သရဲမ ၂ ကောင်နဲ့က အတိတ်ဘဝမှာ ရေစက်ကလေးတွေ ရှိနေတာပါ ပေယွန်းဆိုတဲ့အောက်လမ်းဆရာမက အရင်ဘဝမှာအရှင် ခွိုင်ရဲ့ မယားကြီးပါ လက်ရှိဘဝမှာလည်း အရှင် ခွိုင်ကို ပြန်ပြီးအပိုင်ကြံနေပြန်ပါတယ် ပြီးတော့ စာမနီနဲ့ ထရီချာဒါတို့ဝိဉာဉ်ကို နေကြတ်တဲ့နေ့မှာ ငရဲကို ပို့ပြီး လူပြန်ဝင်စားလို့မရအောင် အစီအရင်တွေ ဖန်တီးနေခဲ့ပါတယ် ထရီချာဒါ ပန်ကိတ်နဲ့ စာမနီတို့ သရဲသုံးယောက်ပေါင်းပြီး ပေယွန်းကို ဘယ်လိုအကွက်တွေနဲ့ ပြန်ကလဲ့စားချေကြမလဲဆိုတာ ပါးစပ်မစေ့ပဲ ကြည့်ရှုရမှာပါ......... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Tomato ဖြစ်ပါတယ်

ဒီကားကတော့ နည်းပညာအကြောင်းကိုဦးစားပေးရိုက်ကူးထားပြီး 2010မှာထွက်ရှိခဲ့တဲ့ 'Enthiran'ဆိုတဲ့ကားရဲ့ဒုတိယမြောက်ကားပဲဖြစ်ပါတယ်။ ချစ်တီးဆိုတဲ့လူသားပုံစံတူစက်ရုပ်ကို ပိတ်ပင်ထားခဲ့ပြီး နောက်ပိုင်းမှာတော့ဗာစီးဂါရန်တစ်ယောက်စက်ရုပ်အသစ်တွေဆက်ဖန်တီးနေခဲ့ပါတယ်။တစ်နေ့မှာတော့လူတစ်ဦးစီတိုင်းရဲ့ဆဲလ်ဖုန်းတွေနဲ့ဖုန်းဆိုင်ကဆဲလ်ဖုန်းတွေပါအကုန်လုံးလေထဲကိုလွင့်တက်သွားပြီး ခြေရာလက်ရာမကျန်အောင်ပျောက်သွားခဲ့ပါတယ်။ ဒါကို ဗာစီးဂါရန်ကသတိထားမိသွားကာ ထိုပျောက်ဆုံးနေတဲ့ဖုန်းတွေကိုလိုက်ရှာဖို့စုံစမ်းစစ်ဆေးရင်းမှာဖုန်းကလူကိုပါသတ်ဖြတ်လာကြောင်းသိလာခဲ့ရပါတယ်။ဒီဖုန်းတွေအခုလိုဖြစ်ရတဲ့အကြောင်းအရင်းနဲ့​နောက်ကွယ်ကလူကဘယ်သူလဲ ဘာကြောင့်ဒီလိုလုပ်ရသလဲဆိုတာကိုစိတ်ဝင်စားဖွယ်ကြည့်ရှုရမဲ့ကားမို့ အခုလိုပဲညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ကဲ...ကဲ...ဒီတစ်ခါတော့ Marvel Fans တွေကျိန်းသေပေါက်စောင့်မျှော်နေတဲ့ဇာတ်ကားပါနော်။ အားလုံးထင်တဲ့အတိုင်းပဲ Spider Man : No Way Home ပါပဲ။ အမိုက်စားဇာတ်ကွက်တွေနဲ့ အထူးသဖြင့် Formers Spider Men တွေပါ ပါဝင်ရိုက်ကူးထားတာဖြစ်လို့ အချိန်အကြာကြီးစောင့်ခဲ့ရကျိုးနပ်မှာတော့သေချာပါတယ်။ အားလုံးသိတဲ့အတိုင်း Super Hero တွေမြို့ကိုကယ်တင်ရင် သူတို့လက်ချက်နဲ့ပဲမြို့ကအရင်ပျက်စီးတာများပါတယ်။ ဒါကြောင့် ပြည်သူတွေရဲ့အမြင်စောင်းတာခံနေရတဲ့ Spider Man ဟာ စေတနာကနေဝေဒနာတွေဖြစ်ပြီး Super Hero ဘဝကနေ လူတွေပါးစပ်ဖျားမှာသူကိုယ်တိုင် Villains သဖွယ်ဖြစ်နေခဲ့ပါတယ်။ ဒါကြောင့် ၁၇နှစ်အရွယ် Spider Man ပီတာပါကာနဲ့ သူ့ချစ်သူ အမ်ဂျေ၊ ပီတာရဲ့အချစ်ဆုံးသူငယ်ချင်း နဒ်တို့ဟာတက္ကသိုလ်တစ်ခုခုမှာဝင်ခွင့်ရဖို့တောင်အခက်အခဲဖြစ်နေပါတယ်။ ဒါကြောင့် သူနဲ့အတူဒုက္ခလိုက်ခံနေရတဲ့ ချစ်သူနဲ့သူငယ်ချင်းကိုအားနာတဲ့ပီတာဟာ Dr. Strange ကိုအကူအညီတောင်းခဲ့ပါတယ်။ ဒါပေမယ့်အလွဲအချော်ဖြစ်သွားတဲ့ဂါထာကြောင့် တစ်ခြားစကြာဝဠာတွေက Super Villains တွေပါရောက်လာတဲ့အခါ... လူတိုင်းမှာဒုတိယအကြိမ်အခွင့်အရေးရှိတယ်ဆိုတဲ့အတိုင်း Super Villains တွေကိုပြင်ဆင်ခွင့်ပေးချင်ခဲ့တဲ့ ပီတာတစ်ယောက်ဘယ်လိုတွေထပ်မံပေးဆပ်ရဦးမှာလဲ??? သူ့ရဲ့နာမည်ပျက်ကိုရောရှင်းနိုင်မှာလား??? Marvel Series တွေထုံးစံအတိုင်းအချိတ်အဆက်လေးတွေနဲ့လာမှာဆိုတော့ နောက်ထပ် Marvel Hero တွေကိုလည်းပြန်တွေ့

အန့်ဒ်ဂိမ်းအပြီးမှာ ထွက်လာတဲ့ကားတွေကို ကြည့်ရတာ သိပ်အားရပါတော့မလားလို့ တွေးမိပေမယ့် မာဗယ်ကတော့ ပိုပိုကောင်းအောင် လုပ်ပြနိုင်တုန်းပါပဲ။ ဒီစပိုက်ဒါမန်းကားကို အကြိုက်တွေ့ကြမှာပါ။ ဇာတ်လမ်းအကျဉ်း… သားနို့စ်နဲ့တိုက်ပွဲအပြီးမှာ ကမ္ဘာကြီးဟာ အပြိုင်စကြဝဠာတွေနဲ့ ချိတ်ဆက်တဲ့ ဝင်ပေါက်တွေ ပေါ်လာခဲ့ပါတယ်။ ကမ္ဘာတစ်ခုက သူရဲကောင်း မစ်စ်တီးရီယိုဟာ သူ့ရဲ့ကမ္ဘာကို ဖျက်ဆီးသွားတဲ့ သတ္တဝါဆိုးတွေ လက်ရှိ စပိုက်ဒါမန်းတို့ ကမ္ဘာကို ရောက်လာတာကြောင့် လိုက်လံတိုက်ခိုက်ရင်း နစ်ခ်ဖြူရီ၊ စပိုက်ဒါမန်းတို့နဲ့ မိတ်ဆွေဖြစ်လာပါတယ်။ စပိုက်ဒီနဲ့ မစ်စ်တီးရီယိုတို့ ပေါင်းပြီး ဒီအန္တရာယ်တွေကို ရင်ဆိုင်ရပါလိမ့်မယ်…… Credit Review

ဒါရိုက်တာ ဂျွန်ဝက်စ်ရဲ့ လက်ရာဖြစ်ပြီး ရုပ်ရှင်ဝေဖန်ရေး သမားတွေရဲ့ အကောင်းဘက်က သုံးသပ်ချက်ရရှိထားကာ ကမ္ဘာ တစ်လွှားက ဝင်ငွေ ကန်ဒေါ်လာ ၂၅၆ သန်းကျော် ရရှိထားတဲ့ ဇာတ်ကားလေးပါ။ ပင့်ကူတစ်ကောင်လို အထူး စွမ်းရည်တွေရှိနေတဲ့ ပင့်ကူလူ သား (စပိုက်ဒါမန်း)ပီတာပါကာ ကို ဒီဇာတ်ကားမှာတော့ ဆယ် ကျော်သက်အရွယ်ကျောင်းသား လေးအဖြစ် မြင်တွေ့ရမှာပါ။ တခြားစူပါဟီးရိုးတွေလို ရင့် ကျက်မှုမရှိသေးတဲ့ ပီတာပါကာ ဟာ သူ့ကိုအချိန်ပြည့် စောင့် ကြည့်ထိန်းမတ်ပေးနေတဲ့ တိုနီစ တာ့ခ်ရဲ့ အုပ်ချုပ်မှုအောက်မှာ စူ ပါဟီးရိုးကြီးတစ်ယောက်လို ပုံစံ မျိုးနဲ့ မဟုတ်ဘဲ ပေါ့ပေါ့ပါးပါးပုံစံ မျိုးနဲ့သာရှိနေခဲ့ပါတယ်။ ပါကာဟာ သူ့ရဲ့ အခင်ဆုံး သူငယ်ချင်းနက်ဒ်နဲ့ သာမန်ရိုးရှင်း တဲ့ အထက်တန်းကျောင်းသား ဘ ဝကို အတွဲညီညီဖြတ်သန်းနေသ လို လစ်ဇ်ဆိုတဲ့ မိန်းကလေးကို ပါ ကာစိတ်ဝင်စားနေခဲ့ပါတယ်။ သို့သော်လည်းပဲ ဗာလ်ချာ ဆိုတဲ့ လက်နက်ဆန်းတွေနဲ့ စူပါ ဗီလိန်တစ်ယောက်ပေါ်လာတဲ့အ ခါမှာတော့ ပါကာတစ်ယောက် သူ့ရဲ့ စူပါစွမ်းအားတွေကို မြှင့် တင်အသုံးချဖို့ ကြိုးပမ်းရပါတော့ တယ်။ အရင်ထွက်ရှိခဲ့တဲ့ စပိုက်ဒါ မန်းဇာတ်ကားတွေနဲ့ယှဉ်ရင် အ တော်လေးကို ကောင်းတယ်လု့ိ သုံးသပ်ချက်တွေ ရထားတဲ့ တော်မ်ဟော်လန်ရဲ့ သရုပ်ဆောင် ချက်ကို သာမန်ကျောင်းသားဘ၀ နဲ့ စူပါဟီးရိုးဘဝနှစ်ခုကြားမှာ မ တူညီတဲ့စိတ်ခံစားချက်တွေကို အ ကောင်းဆုံးသရုပ်ဆောင်သွားနိုင် တယ်လို့ ရုပ်ရှင်ညွှန်းသူတွေက ဆိုထားတာမို့ တက

March 20 Movies Request တုန်းက ဘာသာပြန်ပီးတင်ပေးဖို တောင်းဆိုထားတဲ့ကားတွေထဲက တစ်ကားဖြစ်တဲ့ Bodyguards and Assassins လေးကို Blu-ray 1080p Quality နဲ့တင်ပေးလိုက်ပါပီ ဒီဇာတ်လမ်းလေးဟာ ၁၉၀၅ခုနှစ် ဟောင်ကောင်မှာ ​ဗြိတိသျှကိုလိုနီတွေ အုပ်စိုးနေတဲ့အချိန်ကို ဇာတ်အိမ်တည်ပြီးရိုက်ပြထားတဲ့ ဟောင်ကောင် historical အက်ရှင်ကားတစ်ကားဖြစ်ပါတယ်။ တရုတ်နိုင်ငံရဲ့ ဖခင်ကြီးလို့အမည်တွင်ခဲ့တဲ့ Sun Yat-sen ဟာ ချင်အင်ပါယာကြီးကိုဖြုတ်ချပြီး ပြည့်သူ့သမ္မတနိုင်ငံကြီးကို ထူထောင်ဖို့အတွက် သူ့ရဲ့တော်လှန်ရေးဘက်တော်သားတွေနဲ့ဆွေးနွေးဖို့ ဟောင်ကောင်ကို တိတ်တဆိတ်ပြန်လာခဲ့ပါတယ်။ သူပြန်လာမဲ့အကြောင်းကို ချင်အစိုးရက သိရှိသွားပြီးတဲ့နောက်မှာတော့ သူ့ကိုလုပ်ကြံဖို့အတွက် လုပ်ကြံသတ်ဖြတ်သူလူတစ်စုကို လွှတ်လိုက်ပါတယ်။ ဟောင်ကောင်မှာရှိတဲ့ စီးပွားရေးသမား ပုံနှိပ်တိုက်ပိုင်ရှင် လီယွိထန်ဟာ ဟိုအရင်ကတည်းက တော်လှန်ရေးအတွက် အလှူငွေထည့်ဝင်နေကြလူတစ်ယောက်ပါ။ သူကိုယ်တိုင်တော့ ဘယ်တော့မှ ဝင်ပါလေ့မရှိပါဘူး။ ဗြိတိသျှတွေက သူ့ရဲ့ကိုယ်ပိုင်စီးပွားရေးလုပ်ငန်းနဲ့ သူ့လူတွေကိုထိပါးလာတဲ့အခါမှာတော့ ဒီတစ်ကြိမ်မှာ သူကိုယ်တိုင် သူ့လူတွေကိုဦးဆောင်ပြီး Sun Yat-senလာရောက်တဲ့အခါ ကာကွယ်စောင့်ရှောက်ဖို့ ပြင်ဆင်ပါတော့တယ်။ ပြည်သူတိုင်း ဒီမိုကရေစီကိုလိုချင်ကြပါတယ်။ နှစ်ပေါင်းများစွာဖိနှိပ်ခံရပြီး နေလာခဲ့ရတာကြာလာတော့ လွတ်လပ်ခွင့်ရဖို့ ကြိုးစားကြတဲ့အခါ လူတန်းစ

ရုရှားတွေ ဂျာမန်ဆီက အနိုင်ကျင့်ခံခဲ့ရစဉ် WWII ကာလအတွက် ရုရှားဘက်က ကျူးကျော်စစ်အတွက် ခုခံကြိုးစားပုံတွေကို ရိုက်ကူးထားတဲ့ War movie အများအပြား ထွက်ရှိခဲ့ပါတယ် ။ အခု ဇာတ်ကားကလဲ ရုရှား‌တိုက်လေယာဉ်မှူးတစ်ဦး အကြောင်းပါ ။ နီကိုလိုင် က စစ်ပွဲမှာ လေယာဉ်ပျက်ကျကာ ဒဏ်ရာရရှိခဲ့ပြီး တောထဲတစ်နေရာကို ရောက်ရှိသွားပါတယ် ။ အဲ့နောက်မှာ သူ့ကို ကယ်တင်ပေးမယ့် လူတွေနဲ့တွေ့ကာ အသက်ရှင်နိုင်ခဲ့ပေမယ့် ခြေထောက်တွေကိုတော့ ဆုံးရှူံးလိုက်ရပါတယ်။ ခြေထောက်မရှိတော့ပေမယ့် လေယာဉ်မှူးတစ်ယောက်ဖြစ်တာကြောင့် လေယာဉ်မောင်းမယ်ဆိုတဲ့ ဇွဲနဲ့ ခြေတုတွေကို အသုံးပြုပြီး ဘယ်လို တိုက်ပွဲ ဝင်မလဲဆိုတာ ကြည့်ရှုရမယ့် ရုရှားစကား‌ပြော war movie ပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ထွက်ရှိထားတာဆယ်နှစ်ကျော်နေပြီဖြစ်တဲ့'Enthiran'ဆိုတဲ့ဒီကားဟာဆိုရင် အိန္ဒိယနိုင်ငံရဲ့နည်းပညာပိုင်းကိုဦးစားပေးရိုက်ကူးထားတာဖြစ်ပါတယ်။ ဒီဇာတ်လမ်းထဲမှာတော့ကျွမ်းကျင်သိပ္ပံပညာရှင်တစ်ဦးဖြစ်တဲ့ ဗာစီဂါရန်ဟာစက်ရုပ်တစ်ရုပ်ဖန်တီးရန်ရည်မှန်းချက်ပြင်းပြပြီး အလုပ်ကိုအရူးအမူးကြိုးစားနေတဲ့သူတစ်ယောက်ပါ။ဆယ်နှစ်ကြာအချိန်ယူပြီးကြိုးစားခဲ့ပြီး​နောက်မှာတော့ သူတီထွင်ထားတဲ့စက်ရုပ်အားအံ့အားသင့်ဖို့ကောင်းလောက်အောင်ကို သာမာန်ထက် တော်လွန်းနေခဲ့ပါတယ်။ အချိန်ယူကြိုးစားခဲ့တဲ့ရလဒ်ကြောင့်ပျော်ရွှင်နေတဲ့ ဗာစီတစ်​ယောက်မတင်းတိမ်နိုင်သေးပဲ ထိုစက်ရုပ်ကိုတကယ့်လူရဲ့ခံစားချက်တွေကိုပါထည့်သွင်းပေးလိုက်တဲ့အခါ ဘာတွေဆက်ဖြစ်လာမှာလဲ? စက်ရုပ်ကလူသားလိုခံစားလို့ရနိုင်ပါ့မလား? ဆိုတဲ့မေးခွန်းပေါင်းများစွာကိုအဖြေရှာရင်းကြည့်ရှုရမှာပါ။နှစ်ပေါင်းများစွာကြာသွားတာတောင် အခုအချိန်ကာလနဲ့အလိုက်ခေတ်မှီနေဆဲမို့လက်လွှတ်မခံသင့်တဲ့ကားလေးပါပဲ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီကားလေးကတော့ လတ်တလောကမှ ထွက်ရှိထားတဲ့ ကားသစ်လေးဖြစ်ပြီး horror‌တို့ thrillerတို့ကြိုက်တဲ့ ပရိတ်သတ်တွေ အကြိုက်တွေ့မဲ့ကားလေးလည်းဖြစ်ပါတယ်။ ဇာတ်လမ်းအကျဥ်းကတော့ ဒိတ်တွေ လုပ်ကြည့်ပေမဲ့ ဘယ်သူနဲ့မှ အဆင်မပြေတဲ့ နိုအာက ဈေးဝယ်ထွက်ရင်း စူပါမားကတ်မှာ စတိဗ်ဆိုတဲ့တစ်ယောက်နဲ့ တွေ့မိပါတယ်။ နောက်နေ့ကျတော့ စတိဗ်က သူ့ကို ချိန်းတွေ့ဖို့ခေါ်ပြီး သူတို့နှစ်ယောက်ကလည်း စတွဲလိုက်ကြပါတော့တယ်။ နိုအာက စတိဗ်အကြောင်းကို သူ့ရဲ့ အချစ်ဆုံးသူငယ်ချင်း မော်လီတစ်ယောက်ကိုပဲ ပြောပြထားပါတယ်။ Instagramတို့ Twitterတို့ ဘာမှမသုံးတဲ့ စတိဗ်ကို မော်လီက သိပ်မသင်္ကာဖြစ်ပေမဲ့ နိုအာ့ကို ဘာမှတော့ ထွေထွေထူးထူး မတားခဲ့ပါဘူး။ အဲဒီလိုနဲ့ တစ်နေ့မှာ စတိဗ်က နိုအာ့ကို သူနဲ့အတူတူ ခရီးသွားဖို့ ခေါ်ပါတော့တယ်။ နိုအာကလည်း မော်လီ တားနေတဲ့ကြားကနေ သဘောတူလိုက်ပါတယ်။ တကယ်တမ်း ခရီးသွားဖို့နေ့ရောက်တော့ စတိဗ်က ကိစ္စပေါ်လာလို့ဆိုပြီး နိုအာ့ကို သူ့အိမ်ကို အရင်ခေါ်သွားပါတယ်။ အဲဒီအိမ်မှာ စားကြသောက်ကြရင်း မူးလာတဲ့နိုအာက မကြာခင်မှာပဲ အိပ်ပျော်သွားပါတော့တယ်။ သူ ပြန်နိုးလာတဲ့အခါ သူ့ကို ကြိုးတုပ်ထားပြီးသားဖြစ်နေတာကို တွေ့လိုက်ရတယ်။ တစ်ဖက်မှာလည်း စတိဗ်က‌ နိုအာ့ကို ဘာလို့ အဲဒီလိုလုပ်လိုက်တာလဲ၊ စတိဗ်နဲ့ ခရီးထွက်မယ်ဆိုတာကိုသိထားတဲ့ မော်လီက နိုအာ့ကို ဘယ်လိုပြန်ရှာမလဲ၊ စတိဗ်ရဲ့နောက်ကွယ်မှာ ဘယ်သူတွေရှိဦးမလဲဆိုတာကို သည်းထိတ်ရင်ဖိုဆန်ဆန်ရိုက်ပြထားတဲ့ ဇာတ်ကားက

ဂရေ့စ်က မှူခင်းဝတ္ထုရေးတဲ့ အရောင်းရဆုံးစာရင်းဝင် မှုခင်းဝတ္ထုရေးတဲ့ နာမည်ကြီး စာရေးဆရာမ ဂရေ့စ်မှာ ကတ်သလင်းဆိုတဲ့ ညီမတစ်ယောက်ရှိတယ်။ တစ်နေ့မှာ ကတ်သလင်းက သူ့အစ်မဂရေ့စ်ကို သူ့ဆီကိုအမြန်ဆုံးလာခဲ့ဖို့ ဖုန်းဆက်လာခဲ့တယ်။ ဂရေ့စ်လည်း အမြန်ဆုံးပဲ လိုက်သွားခဲ့ပါတယ်။ ဒီလိုနဲ့ ဂရေ့စ်ဟာ ကတ်သလင်းဆီမှာ နေနေရင်း ဘေးအိမ်က စုံထောက်ကိုယ်လူချောလေးနဲ့ တွေ့သွားပြီး အပြင်မှာဒိတ်ဖို့ စီစဥ်ခဲ့ကြတယ်။ မှုခင်းဝတ္ထုရေးတဲ့ စာရေးဆရာမနဲ့ စုံထောက်ကြီးတို့ အတွဲဆိုတော့ သိပ်ကိုအဆင်ပြေတဲ့ ဒိတ်လေးဖြစ်ခဲ့တာပေါ့ ။ ဒါပေမဲ့ ကြည်နူးစရာဒိတ်ပြီးလို့ ဂရေ့စ်တစ်ယောက် အိမ်ပြန်ရောက်လာတဲ့အခါမှာတော့ သူ့ညီမရဲ့အလောင်းက အိမ်မှာစောင့်ကြိုနေပါတော့တယ်။ တွေ့တာမကြာသေးတဲ့ သူ့ညီမမှာ ဘယ်လိုလျှို့ဝှက်ချက်တွေ ရှိနေလဲ၊ လူသတ်သမားကို ဘယ်လိုဖော်ထုတ်မလဲဆိုတာကို ဆက်ပြီးခံစားကြည့်ရှူလိုက်ကြပါဦး။ ဒီ ဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

ဖလွိုက်ဒ် ဆိုသူက ညတစ်ညမှာ ကားမောင်းလာတုန်း အိမ်ကထွက်လာပြီး လောကကြီးကို စိတ်ကုန်နေတဲ့ ‌စာရေးဆရာ ဆမ်မြူကို ဝင်တိုက်မိခဲ့ပါတယ် ။ အဲ့နောက် မှာ ဆမ်မြူဟာ ဦးနှောက်နဲ့ ပတ်သတ်ပြီး ချို့ယွင်းမှု အနည်းငယ်ဖြစ်လာပါတယ် ။ ဖလွိုက်ဒ်က ဆမ်မြူကို သူ့ရဲ့ အတ္ထုပတ္တိကို ရေးပြီး စာအုပ်ထုတ်ဖို့ တောင်းဆိုရင်း ဖလွိုက်ဒ်ရဲ့ ဘဝဇာတ်ကြောင်းကို လိုက်ရင်း ဘယ်လိုတွေ ပရမ်းပတာဖြစ်ပြီး အဆုံးသတ်သွားမလဲဆိုတာကို ဟာသနှောပြီး ရိုက်ကူးထားတဲ့ ၂၀၂၂ ထွက် ဇာတ်ကားအသစ်စက်စက်‌လေးပဲဖြစ်ပါတယ် ။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီတစ်ခါတော့ မန်ယူ Fan တွေအကြိုက် Documentary movie လေးတစ်ခုနဲ့မိတ်ဆက်ပေးချင်ပါတယ်။ Wayne Rooney ဆိုရင်တော့ မန်ယူပရိသက်တင်မက ဘောလုံးဝါသနာရှင်အားလုံးသိကြလိမ့်မယ်လို့ထင်ပါတယ်။ ဒီလိုရွှေခြေထောက်ပိုင်ရှင် Wayne Rooney ရဲ့ကလေးဘဝအရွယ်ကနေ ဖြတ်သန်းလာခဲ့ရတဲ့အခက်အခဲတွေ၊ အောင်မြင်မှုကတစ်ဆင့် အခုလက်ရှိတည်ငြိမ်တဲ့ဘဝတစ်ခုရတဲ့အထိ ဘဝဇာတ်ကြောင်းကို Discussion ပုံစံနဲ့ရိုက်ကူးထားတဲ့ Rooney ဆိုတဲ့ရုပ်ရှင်ဇာတ်ကားလေးပါ။ အောင်မြင်သူတိုင်းရဲ့ ဘဝဇာတ်ကြောင်းနောက်ကွယ်မှာနာကျင်စရာအဖြစ်အပျက်အချို့နဲ့ အများထက်ပိုကြိုးစားခဲ့ရပြီးရင်ဆိုင်ခဲ့ရတဲ့ခက်ခဲမှုတွေကိုလည်း မေ့ပစ်ထားလို့မရဘူးဆိုတာကို ဒီရုပ်ရှင်မှာ အသေအချာမြင်တွေ့ရမှာပါ။ ဒီဇာတ်ကားအတွက် ဘာသာပြန်နဲ့အညွှန်းရေးသူကတော့ Erika Sean ဖြစ်ပါတယ်။

အထူးအေးဂျင့်တစ်ယောက်(မင်းသားကြီးဂျက်ကီချန်း)က သူ့ရဲ့မစ်ရှင်အပြီးမှာ ရဟတ်ယာဥ်ပျက်ကျမှုကြောင့် အာဖရိကက တောကြီးထဲကို ပြုတ်ကျသွားပြီး အတိတ်မေ့သွားပါတော့တယ်။ အဲဒီတောထဲမှာနေနေတဲ့ ဒေသခံတွေနဲ့တွေ့ပြီး အသက်ရှင်သွားပါတယ်။ ဒေသခံတွေနဲ့ အတူတူနေလာရင်း တစ်နေ့တော့ အဲဒီဒေသခံတွေက သူနဲ့ ဝတ်စုံတူဝတ်ထားတဲ့ အလောင်း၈လောင်းကို တွေ့လိုက်တယ်လို့ ပြောလာပါတယ်။ သူနဲ့ စစ်ဆင်ရေးအတူတူလုပ်ခဲ့တဲ့ သူ့ရဲ့ အဖွဲ့ဝင်တွေပါပဲ။ ဂျက်ကီတို့အဖွဲ့ ပျောက်သွားတဲ့အချိန်မှာပဲ ဥက္ကာခဲကို သုတေသနလုပ်နေတဲ့ အရေးကြီးတဲ့ သိပ္ပံပညာရှင်သုံးယောက်လည်း ပြန်ပေးဆွဲခံလိုက်ရပါတယ်။ အဲဒီလို တိုက်ဆိုင်နေတာကြောင့် စီအိုင်အေက ဂျက်ကီတို့အဖွဲ့က ပြန်ပေးဆွဲသွားတယ်လို့ထင်ပြီး သူတို့ကို လိုက်ရှာရင်း ဂျက်ကီကလွဲပြီး ကျန်တဲ့အေးဂျင့်တွေ အကုန်သေသွားတာကို သိလိုက်ရပါတော့တယ်။ အဲဒါကြောင့် ဂျက်ကီ့ကို လိုက်ဖမ်းကြပါတော့တယ်။ ကိုယ့်ကိုယ်ကို ဘယ်သူလဲဆိုတာတောင် မမှတ်မိတဲ့ဂျက်ကီက စီအိုင်အေရဲ့လက်ကနေ ဘယ်လိုလွတ်အောင်ပြေးမလဲ၊ ဂျက်ကီ့ကို ကူညီမဲ့သူ ဘယ်သူတွေပေါ်လာမလဲ၊ သိပ္ပံပညာရှင်သုံးယောက် ပြန်ပေးဆွဲမှုရဲ့နောက်မှာရော ဘယ်သူရှိနေမလဲဆိုတာတွေကို ဒီကားလေးမှာ ကြည့်ရှုနိုင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

ဂင်ဆောင်းယွန်းဟာ စုံထောက်တစ်ယောက်ဖြစ်ပြီး မကြာသေးခင်မှ သမီးဖြစ်သူကိုဆုံးရှုံးထားတာဖြစ်ပါတယ် ဒီလိုနဲ့တစ်နေ့ ချိုဒုန်ချောဆိုတဲ့လူ သတ်ခံရတဲ့နေရာမှာ သူ့မိန်းမဂျီယွန်းဆိုးခဲ့တဲ့ နှုတ်ခမ်းနီအရောင်၊ နားကပ်နဲ့ ကြယ်သီးကို တွေ့ရှိခဲ့တဲ့အတွက် ဂျီယွန်းသတ်တယ်လို့ထင်ပြီး အမှုကိုဖုံးကွယ်ဖို့ ကြိုးစားပေမဲ့ ချိုဒုန်ချောရဲ့အစ်ကို ဂျက်ကယ်ဆိုတဲ့ လူဆိုးခေါင်းဆောင်ကပါ သူ့ညီကိုသတ်တဲ့လူသတ်သမားကို လက်စားချေဖို့အတွက် ရှာတဲ့အခါမှာတော့...ဘာတွေဆက်ဖြစ်လဲ...တကယ်ပဲ ချိုဒုန်ချောကို ဂျီယွန်းကသတ်ခဲ့တာလား ဒါမှမဟုတ် တခြားလူက သတ်ခဲ့တာလားဆိုတာကို ဇာတ်လမ်းလေးထဲမှာ ကြည့်ရှုလိုက်ပါနော် ဒီဇာတ်ကားကိုအညွန်းနဲ့ဘာသာပြန်ပေးတာကတော့ Fiona ဖြစ်ပါတယ်

ဒီကားလေးကတော့ 2022 မှာ ထွက်ရှိထားတဲ့ ဇာတ်ကားကောင်းလေး တစ်ကားပဲဖြစ်ပါတယ်။ ဒီကားလေးမှာ‌တော့ Darby ဆိုတဲ့မိန်းကလေးတစ်ယောက်က ဆေးစွဲနေတာကိုဖြတ်ဖို့ ပြန်လည်ထူထောင်ရေးစင်တာတစ်ခုကိုရောက်နေပါတယ်။ အဲ့အချိန်မှာပဲ သူ့အမေ ဆေးရုံတက်နေရတဲ့အကြောင်း သိလိုက်ရပြီး သူ့အမေဆီသွားဖို့ စင်တာကနေ ခိုးထွက်ပါတော့တယ် သူ့အမေဆီသွားတဲ့လမ်းမှာ နှင်းမုန်တိုင်းကျရောက်လာပြီး နားနေစခန်းတစ်ခုမှာ ဝင်‌ခိုလှုံရပါတယ် နားနေစခန်းမှာတွေ့တဲ့သူတွေကရော လူကောင်းတွေဟုတ်ပါ့မလား ဘယ်လို လူမျိုးတွေဖြစ်‌နေမလဲ သူကရော အဲ့စခန်းကနေထွက်နိုင်ပါ့မလားဆိုတာကို ရင်တထိတ်ထိတ်နဲ့ကြည့်ရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Leo ဖြစ်ပါတယ်

ရဲတပ်ဖွဲ့တီးဝိုင်းအဖွဲ့ထဲက ရဲဝန်ထမ်းTubaဟာ ရှက်တတ်ကြောက်တတ်သူဖြစ်ပြီး တကယ့်ရဲအလုပ်တွေထက် တီးဝိုင်းအဖွဲ့ထဲမှာပဲ ပျော်ရွှင်တဲ့သူပါ။ ထိပ်တန်းရဲတစ်ယောက်ဖြစ်တဲ့ Rambo Chow ဟာ သူ့ရဲ့စစ်ဆင်ရေးတစ်ခုအတွက် Tubaကိုကူညီပေးဖို့ တောင်းဆိုလိုက်ပါတယ်။ အဲဒီစစ်ဆင်ရေးမှာ ခြိမ်းခြောက်ငွေညှစ်တဲ့ဂိုဏ်းတစ်ခုကြောင့် Rambo Chow သေဆုံးသွားခဲ့ရပါတယ်။ သူမသေခင်အချိန်လေးမှာ အဲဒီဂိုဏ်းကိုနှိမ်နင်းပေးဖို့ Tubaဆီကနေ ကတိတောင်းခဲ့ပါတယ်။ Tubaလည်း အင်တင်တင်နဲ့ကတိပေးလိုက်ပါတယ်။ Tubaစိတ်ထဲမှာ ကတိကိုတည်ဖို့မစဉ်းစားထားခဲ့ပါဘူး။ Tuba မမျှော်လင့်ထားတာက သေသွားတဲ့ Rambo Chow ဟာ ဝိညာဉ်အဖြစ်နဲ့သူ့နောက်ကိုတကောက်ကောက်လိုက်နေပါတော့တယ်။ Tubaတစ်ယောက် Rambo Chow ကိုပေးထားတဲ့ကတိကိုတည်နိုင်ပါ့မလား။ Tubaရဲ့အလွဲလေးတွေနဲ့ သူ့ရဲ့ရှက်ကြောက်တတ်တဲ့ပုံစံနဲ့ လက်စားချေပေးဖို့ ကြိုးစားခဲ့ပုံတွေကို ဟာသနဲ့ရောယှက်ကာ ကြည့်ရှုခံစားရမှာဖြစ်ပါတယ်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

လူဆိုတဲ့အမျိုးက သက်သက်သာသာလေး နေရလေ အကြိုက်တွေ့လေ ဆိုတာမျိုးပါ။ ဆိုတော့ နည်းပညာတိုးတက်လာတဲ့ခေတ်မှာ လူတွေဟာ ကိုယ့်ရဲ့နေ့စဥ်ဘဝလုပ်ဆောင်မှု အသေးအဖွဲ့လေးကအစ စက်ရုပ်တွေကိုပဲ အားကိုးလာပါတယ်။ အဲလစ်တို့အိမ်မှာလည်း အဲဒီအတိုင်းပါပဲ။ တစ်နေ့မှာတော့ စက်ရုပ်တွေဟာ အဲလစ်တို့ကို ပြင်ပအန္တရာယ်ကကာကွယ်ဖို့ဆိုပြီး အိမ်ပြင်ထွက်ခွင့် ပိတ်လိုက်တာကြောင့် အဲလစ်တို့မိသားစုဟာ အိမ်ထဲမှာပဲ ပိတ်မိနေပါတော့တယ်။ စက်ရုပ်တွေဟာ တကယ်ပဲ အဲလစ်တို့ကိုကာကွယ်ဖို့လား ၊ တခြားအကြောင်းအရင်းတွေရှိသေးလားဆိုတာကို သိရမှာပါ။ ရယ်မောစရာတွေနဲ့ ပေါ့ပေါ့ပါးပါးကြည့်ရှူလို့ရတဲ့ ဇာတ်ကားဆိုပေမယ့် မိသားစုနဲ့အတူမကြည့်သင့်တဲ့ ဇာတ်ဝင်ခန်းအနည်းငယ်လည်း ပါဝင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

ဒီဇာတ်ကားလေးကတော့ 2022 မှ ထွက်ရှိထားတဲ့ဇာတ်ကားလေးပဲဖြစ်ပါတယ် ဒီကားလေးမှာတော့ Rick ဆိုတဲ့ Hacker တစ်ယောက်က သူ့မိန်းမကို လိုက်ရှာရာကနေ စတင်ပါတယ် သူက သူ့မိန်းမကို လိုက်ရှာရင်း လူသတ်မှုတွေကို ကျူးလွန်မိတဲ့အခါမှတော့ စုံထောက်တွေက သူ့ကို လိုက်ရှာပါတော့တယ် ဒါ့အပြင်သူ့ကို ဆုကြေးထုတ်ထားတဲ့အတွက် သူ့ကို လိုက်ရှာနေသူတွေဟာ ရဲတွေချည်းပဲမဟုတ်တော့တဲ့အခါမှာတော့....ဘာတွေဘယ်လိုဆက်ဖြစ်မလဲဆိုတာကို စိတ်ဝင်တစားကြည့်ရှုရမှာဖြစ်ပါတယ် ဒီဇာတ်လမ်းရဲ့အညွှန်းနဲ့ ဘာသာပြန်သူကတော့ Leo ဖြစ်ပါတယ်။

Walter နဲ့ Freddy ဆိုတဲ့ ဆလိုဗက်ဂျူးလူမျိုး လူငယ်နှစ်ယောက်က Auschwitz စစ်စခန်းက ဂျူးလူမျိုးတွေ နှိပ်စက်ညှင်းပမ်းသတ်ဖြတ်ခံနေရတဲ့ သက်သေအထောက်အထားတွေကို မှတ်တမ်းယူထားပြီး စနစ်တကျအစီအစဥ်ဆွဲကာ စခန်းကနေ ထွက်ပြေးလာခဲ့ကြပြီး အဲဒီအကြောင်းတွေကို လူတွေသိလာအောင် ကြိုးစားခဲ့ကြတယ်။ Auscwitz စစ်အကျဥ်းစခန်းမှာ ဂျူးလူမျိုးတွေ လူမျိုးတုံးသတ်ဖြတ်ခြင်း ခံခဲ့ရတဲ့အကြောင်းကို ရိုက်ထားတဲ့ ဖြစ်ရပ်မှန်ဇာတ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

တိုးတက်နေတဲ့ကမ္ဘာကြီးမှာ ခေတ်မှီနည်းပညာတွေနဲ့ဘယ်သူမှမကင်းကွာနိုင်ပါဘူး။ နေ့စဉ်နေထိုင်မှုပုံစံတွေမှာ၊ ရှင်သန်မှုပုံစံတွေမှာ နည်းပညာတွေကမပါမဖြစ်ပါဘဲ။ ဒါပေမယ့် လွန်ကျူးလာတဲ့လူသားတွေရဲ့စည်းကမ်းပျက်ယွင်းမှုကြောင့် ခေတ်မှီနည်းပညာတွေဟာ နေထိုင်ရာပတ်ဝန်းကျင်ကိုပျက်စီးစေတဲ့အဓိကရင်းမြစ်တွေဖြစ်လာခဲ့ပါတယ်။ ညစ်ညမ်းလာတဲ့ရေထု၊ လေထုနဲ့ မြေထုတွေဟာ လူသားမျိုးနွယ်ကိုပါပျက်စီးစေနိုင်တဲ့အထိ နည်းပညာတိုးတက်မှုကခြိမ်းခြောက်လာခဲ့ပါတယ်။ ဒါပေမယ့် ဒီလိုပြဿနာတွေကိုတိုက်ရိုက်ရင်ဆိုင်ဖြေရှင်းဖို့ ကြိုးစားခဲ့သူတစ်ယောက်ရှိခဲ့ဖူးပါတယ်။ သူကတော့ Ted Kaczynski ဆိုတဲ့တက္ကသိုလ်ကျောင်းကသင်္ချာဆရာတစ်ယောက်ပါပဲ။ သူဟာသဘာဝပတ်ဝန်းကျင်ကိုခြိမ်းခြောက်နေတဲ့ ခေတ်မှီနည်းပညာတွေကိုအမုန်းတီးကြီးမုန်းတီးတဲ့ နောက်ဆက်တွဲကတော့ နည်းပညာဖန်တီးသူတွေရဲ့အသက်အန္တရာယ်ကိုပါ ရန်ပြုလာတာပါပဲ။ ဇီဝပတ်ဝန်းကျင်ကိုချစ်မြတ်နိုးပြီးထိန်းသိမ်းတာကောင်းမွန်ပေမယ့် လွန်ကဲလာတဲ့ သူ့ရဲ့စိတ်ဝေဒနာဆန်ဆန်ခံစားချက်တွေကြောင့် ကွင်းဆက်လူသတ်သမားတစ်ယောက်အဖြစ်ပါဖြစ်ခဲ့ရတဲ့ အကြောင်း Ted Kaczynski ရဲ့ဖြစ်ရပ်မှန်ဘဝဇာတ်ကြောင်းလေးကို ပြန်လည်ရိုက်ကူးထားတာကတော့ Ted K ဆိုတဲ့ရုပ်ရှင်ဇာတ်ကားလေးပဲဖြစ်ပါတယ်။ ဒီဇာတ်ကားလေးကို ၂၀၂၂၊ ဖေဖော်ဝါရီ ၁၈ရက်နေ့မှာပြသခဲ့ပြီး crime & Historical Drama လေးပဲဖြစ်ပါတယ်။ ဒီဇာတ်ကားအတွက်အညွှန်းနဲ့ ဘာသာပြန်သူကတော့ Erika Sean ဖြစ်ပါတယ်။