လူကြည့်များသော ရုပ်ရှင်များ

အင်္ဂလန်က The Rowကနေ Leonardဆိုတဲ့ အပ်ချုပ်သမားတစ်ယောက်က Roy Boyleဆိုတဲ့ လူဆိုးဂိုဏ်းခေါင်းဆောင် လက်ဝါးကြီးအုပ်ထားတဲ့ ချီကာဂိုက ပတ်ဝန်းကျင်တစ်ခုကို ပြောင်းပြီး အပ်ချုပ်ဆိုင်ဖွင့်လာပါတယ်။ Royရဲ့သားဖြစ်တဲ့ Richieနဲ့ Francisကတော့ Leonardရဲ့ ဖောက်သည်တွေပေါ့။ ဒီလိုနဲ့တစ်ညမှာ Richieက သူတို့ရဲ့ ပြိုင်ဘက်ဖြစ်တဲ့ La Fontaineတွေကြောင့် ဗိုက်ကို သေနတ်မှန်ပြီး Francisနဲ့အတူ အပ်ချုပ်ဆိုင်ကို ရောက်လာပါတယ်။ Leonardလည်း တတ်နိုင်သလောက် ပြန်ချုပ်ပေးလိုက်ပါတယ်။ Royကလည်း သူ့သားကို လာကြည့်မယ်ဆိုပြီး အပ်ချုပ်ဆိုင်ကိုလာတယ်။ Francisကတော့ သူတို့အဖွဲ့ထဲက သတင်းပေးကိုရှာမယ်ဆိုပြီး ထွက်သွားပါတော့တယ်။ သတင်းပေးက ဘယ်သူဖြစ်မလဲ၊ Richieကရော ဒဏ်ရာသက်သာနိုင်ပါ့မလား၊ လူဆိုးဂိုဏ်းတွေကြားထဲက ဖြစ်လေ့ဖြစ်ထရှိတဲ့ ရန်ပွဲတွေအကြောင်းနဲ့ plot twistတွေအများကြီး ပါတာမို့လို့ အဆုံးထိ တစ်ကားလုံး စိတ်ဝင်စားစရာကောင်းပြီး တအံ့တဩနဲ့ကြည့်နေရမဲ့ကားလေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

တစ်ချိန်က အမေရိကန်နိုင်ငံကြီးမှာ ကျွန်စနစ်ဆိုတာ ဖြစ်ပေါ်ခဲ့ပါတယ်...၁၈၃၁ ခုနှစ်ရောက်ဝောာ့ အမေရိကန်သမ္မတ အေဘရာဟမ် လင်ကွန်းလက်ထက်အရောက်မှာဝောာ့ ဗဟိုအစိုးရအုပ်ချုပ်မှုပုံစံကို ပြောင်းလဲခဲ့ပြီးဝောာ့ ကျွန်ပြုခြင်းခံခဲ့ရတဲ့ လူမည်း သုံးသန်းကျော်ကို ကျွန်ပြုခြင်းကနေ လွတ်လပ်စွာနေထိုင်ခွင့်ပေးခဲ့ပါတယ်.... ဒါပေမယ့်...ဂျော်ဂျီယာပြည်နယ် ကျေးလက်ဒေသလေးမှာ ကျွန်ပြုခြင်းခံနေရတဲ့ လူမည်းတွေကတော့ ကျွန်စနစ်ဖျက်သိမ်းသွားဝာာကို မသိသေးတာကြောင့် အိမ်ရှင်ရဲ့ နှိပ်စက်မှုတွေကို ခံစားနေရကြတုန်းပဲပေါ့...သူတို့ထဲက အဲလက်စ်ဆိုတဲ့ အမျိုးသမီးလေးဟာ အနိုင်ကျင့်နှိပ်စက်မှုတွေကနေ လွတ်မြောက်ချင်နေပြီး အပြင်လောကကြီးမှာ ဘာတွေရှိမလဲဆိုတာ စူစမ်းချင်နေသူတစ်ဦးပေါ့...‌တစ်နေ့မှာ အဲလက်စ်တစ်ယောက် ထွက်ပြေးဖို့ကြိုးစားတဲ့အခါမှာဝောာ့....ထွက်ပြေးလွတ်မြောက်မလား...ဘာတွေဆက်ဖြစ်မလဲဆိုတာကို ဆက်လက် ရှုစားကြပါဦးလို့..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hein Htet Naing ဖြစ်ပါတယ်

ဟူပါးရီ ဝမ်ခိုင်ရွှမ်နဲ့ ယန်းရှယ်လီတို့ဟာ နာမည်ကျော်သင်္ချိုင်းလေ့လာရေးသမားတွေဖြစ်ပြီး တစ်ရက်မှာတော့ သူတို့သုံးယောက်ဟာ အလုပ်ကနေအနားယူဖို့ဆုံးဖြတ်လိုက်ကြပါတယ်။ သူတို့အဖွဲ့ သဘောထားကွဲလွဲဲပြီး အဖွဲ့ကွဲသွားပြီးတဲ့နောက် ဝမ်ခိုင်ရွှမ်ဟာ ရှေးကျတဲ့မွန်ဂိုလီးယားမင်းသမီးတစ်ပါးရဲ့သင်္ချိုင်းကို ရှာဖွေဖို့ အပေးအယူတစ်ခုလုပ်လိုက်ပါတယ်။ ဟူပါးရီနဲ့ဝမ်ခိုင်ရွှမ်ဟာ လွန်ခဲ့တဲ့နှစ်၂၀လောက်က အဲဒီမွန်ဂိုလီးယားမြက်ခင်းပြင်အောက်က သင်္ချိုင်းထဲမှာ သူတို့ရဲ့အချစ်ဦးနဲ့ ရဲဘော်ရဲဘက်တွေကို ဆုံးရှုံးခဲ့ရဖူးပါတယ်။ နှစ်၂၀ကြာပြီးတာတောင် အဲဒီအဖြစ်အပျက်တွေက သူတို့ကိုခြောက်လှန့်နေတုန်းပါပဲ။ အခုဝမ်ခိုင်ရွှမ်လုပ်လိုက်တဲ့ အပေးအယူကြောင့် သူတို့အဖွဲ့ပြန်စည်းလုံးပြီး လွန်ခဲ့တဲ့နှစ်၂၀က ဖြစ်ရပ်ဆန်းတွေကို ပြန်ရှာဖွေဖို့ အကြောင်းဖန်လာတဲ့အခါ ထူးဆန်းအံ့သြဖွယ်ကောင်းတဲ့ ပျောက်ဆုံးနေတဲ့ဒဏ္ဍာရီတစ်ပုဒ်ကို Mojin: The Lost Legend ဇာတ်ကားလေးထဲမှာ ကြည့်ရှူလိုက်ရအောင်။ ဒီဇာတ်လမ်းရဲ့အညွှန်းနဲ့ ဘာသာပြန်သူကတော့ Ei Thinzar Nyein ဖြစ်ပါတယ်။

ဒီတစ်ခေါက် မိတ်ဆက်ပေးချင်တဲ့ကားလေးကတော့ Madelinesဆိုတဲ့ အချိန်ခရီးသွားခြင်းအကြောင်း ရိုက်ကူးထားတဲ့ကားလေးပဲဖြစ်ပါတယ်။ Owenနဲ့ Madelineဆိုတဲ့ သိပ္ပံပညာရှင် လင်မယားနှစ်ယောက်က Roryဆိုတဲ့ စပွန်ဆာဆီက ထောက်ပံ့ငွေတွေနဲ့ အချိန်ခရီးသွားစက်တစ်ခုကို စမ်းသပ်တီထွင်နေတာဖြစ်ပါတယ်။ စမ်းသပ်မှုတွေ ဆက်တိုက်လုပ်နေရင်းနဲ့ တစ်နေ့မှာတော့ လိမ္မော်သီးနဲ့လုပ်တဲ့ စမ်းသပ်ချက် အောင်မြင်သွားပြီး သူတို့က လိမ္မော်သီးတစ်လုံးကို အနာဂတ်ဆီ အောင်မြင်စွာပို့နိုင်ခဲ့ပါတယ်။ Madelineကတော့ ပိုဘေးကင်းအောင် လိမ္မော်သီးနဲ့လုပ်တဲ့ သက်မဲ့စမ်းသပ်ချက်တွေကိုပဲ ထပ်ကာထပ်ကာလုပ်ကြည့်ချင်ပေမယ့် စပွန်ဆာRoryက လောနေတာမို့လို့ ကြွက်နဲ့စမ်းသပ်တဲ့ သက်ရှိစမ်းသပ်ချက်ကို လုပ်ဖို့ သဘောတူလိုက်ပါတယ်။ အဲဒီသက်ရှိစမ်းသပ်ချက်က မအောင်မြင်ခဲ့ပါဘူး။ ဒါ‌ပေမယ့် ကုတ်ထဲမှာ အမှားရှာတွေ့သွားတဲ့ Madelineက သူတစ်ယောက်တည်းရှိနေတဲ့အချိန် မပြောမဆိုနဲ့ သူကိုယ်တိုင်ဝင်ပြီး လူသားစမ်းသပ်ချက်ကို လုပ်လိုက်ပါတော့တယ်။ ဒါပေမယ့် တစ်ခုခုမှားသွားလို့ နေ့တိုင်း Madelineအသစ်တစ်ယောက်‌ ပေါ်ပေါ်လာအောင် လုပ်မိသွားပါတော့တယ်။ Owenကတော့ တစ်နေ့တစ်ယောက်‌ ပေါ်ပေါ်လာတဲ့ Madelineတွေကို သတ်ပစ်ဖို့ဆုံးဖြတ်လိုက်ပါတယ်။ ဒါပေမယ့် အသစ်ပေါ်လာတဲ့Madelineတွေကို ဘယ်လောက်အထိ သတ်နိုင်ဦးမလဲ၊ Madelineတွေအချင်းချင်း ပေါင်းမိတဲ့အခါ ဘာတွေဖြစ်သွားမလဲဆိုတာကိုတော့ ဒီကားလေးမှာ ဆက်လက်ရှုစားနိုင်ပါတယ်။ ဒီဇာတ်

လပေါ်ကိုပထမဆုံးသွားနိုင်ခဲ့တဲ့အာကာသယာဉ် အပိုလို ၁၁ကိုအားလုံးသိကြမယ်ထင်ပါတယ်။ ဒီလိုကြီးမားတဲ့လုပ်ဆောင်မှုကြီး အပိုလို ၁၁ရဲ့နောက်ကွယ်မှာဘယ်လိုကိစ္စရပ်မျိုးတွေရှိ ခဲ့လိမ့်ဦးမလဲဆိုတာရောစိတ်ကူးခဲ့ကြဖူးပါသလား? ၂၀၂၂ခုနှစ် မတ် ၂၅ရက်နေ့က Netflix မှာထုတ်လွှင့်ခဲ့တဲ့ Apollo 10 ½ ဆိုတဲ့ animated ရုပ်ရှင်ကတော့ အပိုလို ၁၁ ဆိုတာဖြစ်လာဖို့အခြေခံခဲ့တဲ့အရာတစ်ခုလိုမျိုးစိတ်ကူးယဉ်ရိုက်ကူးခဲ့တာပါ။ ဒီရုပ်ရှင်ထဲမှာဆိုရင် Apollo 10 ½ အတွက် ဟောက်စ်တန်မူလတန်းကျောင်းက ထူးချွန်ကလေးတစ်ယောက်ကို တိတ်တဆိတ်ခေါ်ယူလေ့ကျင့်ပေးခဲ့တဲ့ပုံစံမျိုးရိုက်ကူးထားတာပါ။ ၁၉၆၉ခုနှစ်တစ်ဝိုက်အတွင်း အမေရိကန်ကလေးတွေ မိသားစုတွေရဲ့ဘဝအခြေအနေနဲ့ လူမှုဘဝနေထိုင်မှုတွေကိုအသေးစိတ်ရိုက်ကူးထားတာမို့ အတိတ်ကိုသတိရတဲ့ခံစားချက်မျိုးလေး ဖြစ်မှာတော့သေချာပါတယ်။ ဒီဇာတ်ကားကိုဘာသာပြန်နဲ့အညွှန်းရေးသူကတော့ Erika Sean ဖြစ်ပါတယ်။

"စိတ်ပြင်းပြမှု" အဲဒီအရာသာရှိရင် လူတိုင်းဘာမဆိုလုပ်နိုင်ပါတယ် ဒီဇာတ်ကားလေးကတော့ ပရာဗင်ဆိုတဲ့ ခရစ်ကတ်အားကစားသမားတစ်ယောက်အကြောင်း ရိုက်ကူးထားတဲ့ ဇာတ်ကားလေးပါ ပရာဗင်က ငယ်စဉ်ကတည်းက ခရစ်ကတ်ကို အရူးအမူးစွဲလမ်းပြီး အသက်လေးဆယ် အရွယ်အထိ စွဲလမ်း‌နေစဲပါ ပရာဗင်က ခရစ်ကတ်ကစားနည်းရဲ့ ထိပ်တန်းအဆင့်တွေပဲဆော့ခွင့်ရှိတဲ့ ရန်ဂျီကိုပါ ယှဉ်ပြိုင်ချင်တဲ့သူပါ ရန်ဂျီပြိုင်ဖို့အတွက် အသက်အရွယ်ကလည်းမငယ် မိသားစုကလည်းတစ်ဖက် အဲဒီကြားက အခက်အခဲတွေ၊ ကြုံတွေ့ရတဲ့လူတွေ၊ အသက်အရွယ်ပိုင်းခြားမှုတွေကို သူဘယ်လိုကျော်ဖြတ်ပြီး ဘယ်လိုနောက်မဆုတ်တမ်းကြိုးစားမလဲဆိုတာ ဒီကားလေးမှာကြည့်ရှုရမှာပါ အရမ်းစိတ်ဓာတ်ခွန်အားရတာမလို့ ကြည့်ကိုသင့်ကြည့်သင့်တဲ့ ဇာတ်ကားလေးပါပဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

အခုတစ်ခေါက် ထပ်မိတ်ဆက်ပေးချင်တာကတော့ မကြာသေးခင်က ထွက်ရှိထားတဲ့ Netflix documentaryတစ်ခုပဲဖြစ်ပါတယ်။ Bitcoinတို့ cryptocurrencyတို့ ဆိုတာမျိုးကို တော်တော်များများ ကြားဖူးနားဝရှိကြမှာပါ။ လောဘကြီးရင် အလိမ်ခံရမယ်လို့ တတ်သိနားလည်တဲ့သူတွေက သတိပေးကြတာကိုလည်း တွေ့ဖူးကြမှာပါ။ ဒီdocumentaryလေးကလည်း cryptocurrencyလောကက အကြီးစားလိမ်လည်မှုတစ်ခုအကြောင်းကို ရိုက်ပြထားတာဖြစ်ပါတယ်။ ပြဿနာတွေဟာ ကနေဒါက Cryptocurrency လဲလှယ်ရေးကုမ္ပဏီတစ်ခုဖြစ်တဲ့ Quadrigaရဲ့တည်ထောင်သူ Gerald Cottenရဲ့ သေဆုံးမှုကနေစပါတယ်။ Gerald Cottenသေဆုံးသွားပြီးတဲ့နောက် အသုံးပြုသူတွေဟာ Quadrigaထဲမှာထည့်ထားတဲ့ပိုက်ဆံတွေကို ပြန်ထုတ်လို့မရတော့ဘူးဆိုပြီး ပြဿနာစတက်ပါတော့တယ်။ ကုမ္ပဏီဘက်ကတော့ အသုံးပြုသူတွေရဲ့ ပိုက်ဆံတွေနဲ့ Bitcoinတွေကို Gerald Cottenတစ်ယောက်တည်းကပဲ ကိုင်တွယ်လာခဲ့တာဖြစ်ပြီး တခြား ဘယ်သူမှ ဝင်ရှာ၊ဝင်ကြည့်လို့မရဘူးလို့ ဖြေရှင်းချက်ပေးလာပါတယ်။ အဲဒီဖြေရှင်းချက်ကြောင့် လူတွေဟာ Gerald Cottenက သေချင်ယောင်ဆောင်ပြီး သူတို့ပိုက်ဆံတွေကို ခိုးသွားတာလားလို့ သံသယဝင်လာပါတော့တယ်။ အဲဒီလို သံသယဝင်လာတဲ့ အသုံးပြုသူတွေပူးပေါင်းပြီး အဖြစ်မှန်ကို ဖော်ထုတ်ခဲ့ကြပုံကို မှတ်တမ်းတင်ထားတဲ့ documentaryလေးပဲဖြစ်ပါတယ်။ Cryptocurrencyအကြောင်း မသိတဲ့သူတွေလည်း အခကအခဲမရှိ ကြည့်ရှုနိုင်မှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

ဒီဇာတ်ကားလေးကတော့ ပင်နီလိုပီဆိုတဲ့ ဆယ်ကျော်သက်အရွယ်ကောင်မလေးတစ်ယောက်နဲ့ စိတ်ပိုင်းဆိုင်ရာမတည်ငြိမ်တဲ့ရောဂါခံစားနေရတဲ့ ဖရီးမန်းဆိုတဲ့ စစ်ပြန် တစ်‌ယောက်တို့ရဲ့ အချစ်ဇာတ်လမ်းလေးဖြစ်ပါတယ်... ပင်နီလိုပီတို့ရဲ့ မိဘတွေက သူတို့ သမီးလေးကို လွတ်လပ်စွာ ရွေးချယ်ပိုင်ခွင့်ပေးထားပြီးတော့ သူတို့ရဲ့ သမီးလေးကို ကိုယ်ပိုင် အသိဉာဏ်နဲ့အရာရာကို ဆုံးဖြတ်ခ္ငင့်ပေးထားပါတယ်.... အဲ့လိုပေးထားပေမယ့်လည်း အဖေဖြစ်သူကတော့ သူ့ရဲ့သမီးလေးကို အကာကွယ်လွန်ကဲတဲ့ အဖေဖြစ်သူဆိုတော့...သူ့ရဲ့ သမီးကို အသက်ကြီးနေပြီဖြစ်တဲ့ အသက် 35 နှစ် ကြီးနေပြီဖြစ်တဲ့ ဖရီးမန်းနဲ့ ဘယ်လိုမှ သဘောမတူနိုင်ပါဘူး... ပင်နီလိုပီကလညိး ဖရီးမန်းမှ ဖရီးမန်ဖြစ်ပြီး သူတို့ရဲ့ အချစ်ကြိုးတွေ ခိုင်မြဲလာတဲ့ အချိန်မှာတော့...အဖေဖြစ်သူက သူတို့နှစ်ယောက်ကို ခွဲဖို့ရာဘယ်လိုတွေကြိုးစားလဲဆိုတာကို ကြည့်ရှုအားပေးကြပါဦး.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hein Htet Naing ဖြစ်ပါတယ်

ဒီကားကတော့ 2022ခုနှစ်မှာပဲ အသစ်စက်စက်ထွက်ရှိထားတဲ့စုံထောက်ကားသစ်တစ်ကားဖြစ်တဲ့ Valimai(ခွန်အား)ဆိုတဲ့ကားလေးပါ။ 'အာဂျွန်'လို့ခေါ်တဲ့ရဲအရာရှိတစ်ယောက်ဟာ အမှုလိုက်ရာမှာအဘက်ဘက်ကကျွမ်းကျင်ပြီး စိတ်ကောင်းစေတနာကောင်းလဲရှိတဲ့သူတစ်ဦးပါ။တစ်နေ့မှာတော့ ကိုယ့်ကိုယ်ကိုသေကြောင်းကြံစည်သည့်အမှုတစ်ခုကိုစုံစမ်းဖို့သွားရင်း ပုံမှန်သတ်သေမှုမျိုးမဟုတ်မှန်းစိတ်ထဲအလိုလိုခံစားမိနေခဲ့ပါတယ်။ ဒီလူရဲ့သေဆုံးမှုကပုံမှန်သွေးရိုးသားရိုးလူသတ်မှုမဟုတ်ကြောင်းစုံစမ်းစစ်ဆေးရာကနေ တစ်စတစ်စပေါ်လာတဲ့အမှန်တရားနဲ့အတူ ယှဥ်တွဲလာသည့်ဒုက္ခတရားကိုပါရင်ဆိုင်ဖြေရှင်းပုံတွေကိုကြည့်ရှုရမှာဖြစ်ပါတယ်။အက်ရှင်ခန်းတွေအပြင် မိဘမေတ္တာ,ညီအစ်ကိုသံယောဇဥ်နှင့်အတူ မိသားစုကြားကနွေးထွေးမှုကိုလဲခံစားမိစေတဲ့ကားလေးမို့အခုလိုပဲညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

Moon Fall ဆိုတဲ့ scientific ရုပ်ရှင်ကားကို ၂၀၂၂ခုနှစ် မှာထုတ်လွှင့်ခဲ့ပါတယ်။ ကမ္ဘာပျက်ရင်ဘာဖြစ်ကြမလဲဆိုတာကို ဟောကိန်းထုတ်တဲ့ရုပ်ရှင်ကားတစ်ကားလို့လည်းပြောလို့ရပါတယ်။ ဒါပေမယ့် ဒီတစ်ခါကမ္ဘာပျက်တာမျိုးကတော့ထူးဆန်းပါတယ်။ လကြီးက ကမ္ဘာဆီကိုပြုတ်ကျလာပါတယ်တဲ့! NASA က ဘရိုင်ယန်၊ ဖော်လာနဲ့ မာကက်စ်တို့နက္ခတ္တပညာရှင်သုံးဦးဟာ အာကာသထဲမှာပြုပြင်ရေးမစ်ရှင်လုပ်နေတုန်း လဆီကနေထူးဆန်းတဲ့အရာကြီးတစ်ခုထွက်လာခဲ့ပါတယ်။ အဲ့ဒီအရာကြီးရဲ့တိုက်ခိုက်မှုကြောင့် မာကက်စ်ကအာကာသထဲမှာပျောက်ကွယ်သေဆုံးခဲ့ပေမယ့် ဘရိုင်ယန်နဲ့ဖော်လာတို့ကတော့ ကံကောင်းလို့အသက်မသေဘဲလွတ်မြောက်ကာ ကမ္ဘာမြေဆီပြန်လည်ဆင်းသက်နိုင်ခဲ့ပါတယ်။ ဒီဖြစ်ရပ်ကြောင့် ဘရိုင်ယန်နဲ့ဖော်လာတို့တရားရုံးမှာအချိန်အတော်ကြာတရားရင်ဆိုင်ခဲ့ရပြီး သူငယ်ချင်းဆုံးရှုံးမှုကြောင့်စိတ်ဒဏ်ရာရသွားတဲ့ ဘရိုင်ယန်က NASA ကနေနုတ်ထွက်ခဲ့ပါတယ်။ ဒီဖြစ်ရပ်ဖြစ်အပြီး ၁၂နှစ်အကြာမှာ လကြီးကသူ့ရဲ့ပတ်လမ်းကြောင်းကနေ ချော်ထွက်နေခဲ့တယ်ဆိုတဲ့အချက်အလက်ကို NASA ရဲ့မတိုင်ခင်ပထမဆုံးသိရှိသွားသူကတော့ မထင်မရှား megastructurist တစ်ယောက်ဖြစ်တဲ့ ကေစီဟောက်စ်မန်းဆိုသူပါပဲ။ သူ့ရဲတွေ့ရှိမှုကို NASA ကသိပြီးအမြန်ဆုံးလှုပ်ရှားမှုတွေလုပ်ရအောင်ကြိုးစားခဲ့ပေမယ့် ဘယ်သူကမှသူ့ရဲ့စကားကိုမယုံခဲ့ပါဘူး။ ဒါကြောင့် အားလုံးရဲ့အမြင်ကနေဇာတ်မြုပ်နေထိုင်နေတဲ့ ဘရိုင်ယန်ကိုတွေ့ပြီးပြောပြဖို့ ကေစီကကြိုးစားခဲ့ပါတော့တယ်။ ဒီလိုနဲ့က

အခုမိတ်ဆက်ပေးချင်တဲ့ကားလေးကတော့ ၂၀၂၂ခုနှစ်ထွက် စိတ်လှုပ်ရှားစရာ စုံထောက်ကားလေးပဲဖြစ်ပါတယ်။ နာမည်ကျော်စုံထောက်တစ်ဦးဖြစ်တဲ့ ပွာရိုးဟာ သူ့ရဲ့ အမှုတွေကနေ အနားယူဖို့ အီဂျစ်ကို ရောက်နေပါတယ်။ အဲဒီမှာ သူ့သူငယ်ချင်းဖြစ်တဲ့ ဘုခ်နဲ့ အမှတ်မထင် တွေ့ခဲ့ပါတော့တယ်။ ဘုခ်ရဲ့ ဖိတ်ကြားချက်အရ သူဟာ ဘုခ်ရဲ့ မိတ်ဆွေဆိုတဲ့သူရဲ့ အီဂျစ်မှာ ကျင်းပတဲ့ မင်္ဂလာပွဲကို တက်ဖို့ဖြစ်လာပါတော့တယ်။ သတို့သားကတော့ ဆိုင်မွန်ဒွိုင်းဆိုတဲ့သူဖြစ်ပြီး သတို့သမီးကတော့ ပိုက်ဆံအရမ်းချမ်းသာတဲ့ လင်းနက် ရစ်ဂျ်ဝေးဖြစ်ပါတယ်။ သူတို့ ဇနီးမောင်နှံနောက်ကို တစ်ကောက်ကောက်လိုက်နှောင့်ယှက်နေတဲ့ မိန်းမတစ်ယောက်ရှိပါသေးတယ်။ သူကတော့ ဆိုင်မွန်ရဲ့ ရည်းစားဟောင်း ဂျက်ကလင်းပါပဲ။ မင်္ဂလာဦးဇနီးမောင်နှံက ဂျက်ကလင်းဆီကနေ ထွက်ပြေးဖို့အတွက် သင်္ဘောတစ်စင်းကိုငှားပြီး သူတို့ဧည့်သည်တွေနဲ့အတူ နိုင်းမြစ်ပေါ်ကို ခရီးထွက်ခဲ့ကြပါတယ်။ ဘေးမကင်းဘူးလို့ ခံစားရတဲ့ လင်းနက်ဟာ စုံထောင်ကြီး ပွာရိုးကိုပါ ဖိတ်ကြားခဲ့ပါတယ်။ ဒါပေမယ့် အဲဒီသင်္ဘောပေါ်မှာ လူသတ်မှုတွေဖြစ်လာတဲ့အခါ စုံထောက်ကြီးက ဘယ်လိုဖြေရှင်းသွားမလဲ၊ နောက်ကွယ်မှာ ဘယ်သူတွေက ဘယ်လိုလှည့်ကွက်တွေနဲ့ ကြိုးကိုင်နေတာလဲဆိုတာကိုတော့ ဒီကားလေးမှာ ဆက်လက်ကြည့်ရှုနိုင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေး Maria ဖြစ်ပါတယ်

အခုမိတ်ဆက်ပေးချင်တဲ့ကားလေးကတော့ ၂၀၂၂ခုနှစ်ထွက် စိတ်လှုပ်ရှားစရာ စုံထောက်ကားလေးပဲဖြစ်ပါတယ်။ နာမည်ကျော်စုံထောက်တစ်ဦးဖြစ်တဲ့ ပွာရိုးဟာ သူ့ရဲ့ အမှုတွေကနေ အနားယူဖို့ အီဂျစ်ကို ရောက်နေပါတယ်။ အဲဒီမှာ သူ့သူငယ်ချင်းဖြစ်တဲ့ ဘုခ်နဲ့ အမှတ်မထင် တွေ့ခဲ့ပါတော့တယ်။ ဘုခ်ရဲ့ ဖိတ်ကြားချက်အရ သူဟာ ဘုခ်ရဲ့ မိတ်ဆွေဆိုတဲ့သူရဲ့ အီဂျစ်မှာ ကျင်းပတဲ့ မင်္ဂလာပွဲကို တက်ဖို့ဖြစ်လာပါတော့တယ်။ သတို့သားကတော့ ဆိုင်မွန်ဒွိုင်းဆိုတဲ့သူဖြစ်ပြီး သတို့သမီးကတော့ ပိုက်ဆံအရမ်းချမ်းသာတဲ့ လင်းနက် ရစ်ဂျ်ဝေးဖြစ်ပါတယ်။ သူတို့ ဇနီးမောင်နှံနောက်ကို တစ်ကောက်ကောက်လိုက်နှောင့်ယှက်နေတဲ့ မိန်းမတစ်ယောက်ရှိပါသေးတယ်။ သူကတော့ ဆိုင်မွန်ရဲ့ ရည်းစားဟောင်း ဂျက်ကလင်းပါပဲ။ မင်္ဂလာဦးဇနီးမောင်နှံက ဂျက်ကလင်းဆီကနေ ထွက်ပြေးဖို့အတွက် သင်္ဘောတစ်စင်းကိုငှားပြီး သူတို့ဧည့်သည်တွေနဲ့အတူ နိုင်းမြစ်ပေါ်ကို ခရီးထွက်ခဲ့ကြပါတယ်။ ဘေးမကင်းဘူးလို့ ခံစားရတဲ့ လင်းနက်ဟာ စုံထောင်ကြီး ပွာရိုးကိုပါ ဖိတ်ကြားခဲ့ပါတယ်။ ဒါပေမယ့် အဲဒီသင်္ဘောပေါ်မှာ လူသတ်မှုတွေဖြစ်လာတဲ့အခါ စုံထောက်ကြီးက ဘယ်လိုဖြေရှင်းသွားမလဲ၊ နောက်ကွယ်မှာ ဘယ်သူတွေက ဘယ်လိုလှည့်ကွက်တွေနဲ့ ကြိုးကိုင်နေတာလဲဆိုတာကိုတော့ ဒီကားလေးမှာ ဆက်လက်ကြည့်ရှုနိုင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေး Maria ဖြစ်ပါတယ်

၂၀၂၂ခုနှစ် ဖေဖော်ဝါရီ ၁၈ရက်နေ့ကထွက်ရှိခဲ့တဲ့ Horror Movie “The Curse” ကတော့သရဲကားမှကြိုက်နှစ်သက်ပါတယ်ဆိုတဲ့သူတွေအတွက် အပြည့်အဝ Recommend ပေးပါတယ်နော်။ ပြင်သစ်နိုင်ငံရဲ့ ၁၉ရာစုကိုနောက်ခံထားပြီးရိုက်ကူးထားတဲ့ ရုပ်ရှင်တစ်ခုလည်းဖြစ်ပါတယ်။ နေရာအနှံ့လှည့်လည်နေတဲ့ဂျစ်ပစီအုပ်စုတစ်စုဟာ မြို့ပြကြီးနဲ့ဝေးကွာတဲ့ကျေးရွာငယ်လေးတစ်ခုကို ရောက်ရှိလာခဲ့ပြီး သူတို့ရဲ့အတိတ်ကသမိုင်းကြောင်းတွေနဲ့ ပတ်သက်မှုတွေရှိခဲ့တဲ့ ကွင်းပြင်မြေနေရာအချို့ကိုသူတို့ရဲ့ပိုင်ဆိုင်မှုအဖြစ် ကျေးရွာအကြီးအကဲတွေကိုတောင်းဆိုခဲ့ကြပါတယ်။ အကြီးအကဲရှေးမက်စ်လောရန့်ခေါင်းဆောင်တဲ့အကြီးအကဲတွေကလည်း မြေနေရာကိုမပေးချင်တဲ့အတွက် ကြေးစားတွေငှားပြီးဂျစ်ပစီတွေကို ရက်ရက်စက်စက်သတ်ဖြတ်ခဲ့ပါတယ်။ ဒါ့အပြင် ဂျစ်ပစီအုပ်စုရဲ့ခေါင်းဆောင်အမျိုးသမီးကြီးရဲ့ကျိန်စာပါဝင်တဲ့ ငွေရောင်သွားကိုပါထိုမိန်းမကြီးနဲ့အတူမြုပ်နှံပစ်ခဲ့ပါတယ်။ ကျိန်စာနဲ့ကံကြမ္မာစေခိုင်းမှုအရ ငွေရောင်သွားကိုတွေ့သွားတဲ့သူတွေကတော့ ရှေးမက်စ်လောရန့်ရဲ့သားနဲ့ သမီးရယ်၊ သူတို့ရဲ့အလုပ်သမားကလေးတွေပါပဲ။ အလိုလောဘကြီးတဲ့အကြီးအကဲရှေးမက်စ်လောရန့်က သူ့လုပ်ရပ်အတွက်ဘယ်လိုအကျိုးဆက်တွေရရှိမလဲ။ မျိုးဆက်တစ်ဆက်ရဲ့မဆင်ခြင်တဲ့လုပ်ရပ်ကြောင့် “သားစဉ်မြေးဆက်အကုန်လုံးအထိသင့်စေမယ့် ကျိန်စာ” ကဘယ်လိုကြောက်စရာကောင်းအောင်အားလုံးကိုဒုက္ခပေးမလဲဆိုတာကတော့... သွေးသံရဲရဲနဲ့အလွန်အမင်းကြမ်းတမ်းတဲ့ပုံဖော်မှုတွေပါတာကြေ

ဒီတစ်ခေါက်မိတ်ဆက်ပေးချင်တာကတော့ Netflixရဲ့ documentaryလေးတစ်ခုပဲဖြစ်ပါတယ်။ documentaryလေးကတော့ ၂၀၁၈ခုနှစ်နဲ့ ၂၀၁၉ခုနှစ်မှာ ဖြစ်ခဲ့တဲ့ ဘိုးအင်း ၇၃၇မက်စ်လေယာဥ်ပျက်ကျမှုနှစ်ခုအကြောင်းကို ရိုက်ပြထားတာဖြစ်ပါတယ်။ နည်းပညာတွေ တိုးတက်နေတဲ့ ဒီနေ့ခေတ်ကြီးမှာ လအနည်းငယ်ခြားပြီး မော်ဒယ်တစ်ခုတည်းဖြစ်တဲ့ လေယာဥ်နှစ်စီး ပျက်ကျတယ်ဆိုတာ သာမန် မတော်တဆမှုကြောင့်တော့ မဖြစ်နိုင်ပါဘူး။ အဲဒါကြောင့် စုံစမ်းစစ်ဆေးရေးတွေလုပ်ခဲ့ပြီး အဲဒီ လေယာဥ်ပျက်ကျမှုနှစ်ခုကြောင့် စုစုပေါင်း ၃၄၆ဦး သေဆုံးခဲ့ရပါတယ်။ ဒါပေမယ့် ဘိုးအင်းဘက်က အပြစ်ကို ဝန်မခံတဲ့အပြင် သူတို့ အကျိုးစီးပွားအတွက်ပဲ ဂရုစိုက်နေခဲ့ပါတယ်။ လေယာဥ်ပျက်ကျရခြင်းအကြောင်းရင်းနဲ့ ဘိုးအင်းရဲ့ ပြဿနာဖြေရှင်းပုံ၊ ဘိုးအင်းရဲ့ သမိုင်း စတာတွေကို ရိုက်ပြထားတာဖြစ်ပြီး တခြား documentaryတွေထက် စိတ်ဝင်စားစရာကောင်းတာမို့လို့ ကြည့်ရှုအားပေးပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Maria ဖြစ်ပါတယ်

ဒီဇာတ်လမ်းလေးကတော့ Drama/ Thriller ပုံစံမျိုးသွားပါတယ်။ ဇာတ်လမ်းအကျဥ်း‌ေပြာရရင် မိသားစုနှစ်စုကို ရိုက်ပြထားတဲ့ကားဇာတ်ကားတစ်ကားပါ။ ညဘက်ကားမောင်းရင်းအိပ်ငိုက်လာတဲ့ မာယာဆိုတဲ့ဂျာနယ်လစ်က သူ့အိမ်ဖော်ရဲ့သမီးဖြစ်သူကို ဝင်တိုက်ခဲ့မိပေမယ့် တာဝန်မယူဘဲထွက်ပြေးခဲ့ပါတယ် ။အဲဒီအမှုကို မာယာတို့ကုမ္ပဏီမှာအလုပ်သင်လုပ်နေတဲ့ တက်သစ်စဂျာနယ်လစ်မလေးက လိုက်စုံစမ်းပါတယ်။နောက်ဆုံးမှာ အမှု‌မှန်ပေါ်သွားမလား။ ဘာလှည့်ကွက်တွေရှိနိုင်ဦးမလဲ သိချင်စိတ်ဖြစ်စေတဲ့ကားတစ်ကားမလို ြကည့်ဖို့တိုက်တွန်းချင်ပါတယ်။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

မကျန်းမာတဲ့အချိန်မှာ ချစ်သူမျက်နှာကိုများတွေ့လိုက်ရရင် ရောဂါတစ်ဝက်လောက်သက်သာသွားကြတယ်မဟုတ်လား။ ဒါပေမဲ့ ဒီဇာတ်ကားမှာတော့ လုံးဝကို ပြောင်းပြန်ပါ။ ငြီးငွေ့ဖွယ်ဘဝကြီးကို တစ်ကိုယ်တည်း ဖြတ်သန်းနေတဲ့ ကျန်းမာသန်စွမ်းတဲ့ ကြေးစားလူသတ်သမား ဂျက်ဟာ ကလပ်မှာ သီချင်းဆိုတဲ့ ဧပရယ်ဆိုတဲ့ ကောင်မလေးကို ချစ်မိသွားတယ်။ ဧပရယ်နဲ့ တွေ့မှခြောက်သွေ့နေတဲ့ သူ့ဘဝကြီးက ပြန်လည်အသက်ဝင်လာတယ်။ ဒါပေမဲ့ သူ့ရဲ့ကိုယ်ခန္ဓာကတော့ သူချစ်တဲ့မိန်းကလေးကို တစ်ခါတွေ့လိုက်တာနဲ့ ကျန်းမာရေးက ပိုပိုဆိုးရွားလာတဲ့အခါ...... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

၁၈၉၇ခုနှစ်က ပြင်သစ်ပြဇာတ်ရေးဆရာ Edmond Rostand ရေးသားခဲ့တဲ့ “Cyrano de Bergerac” ပြဇာတ်ကိုနောက်ခံပြုရိုက်ကူးထားတဲ့ Romantic Musical Film အမျိုးအစား “Cyrano” ဆိုတဲ့ရုပ်ရှင်လေးနဲ့မိတ်ဆက်ပေးချင်ပါတယ်။ ဒီဇာတ်ကားကို ၂၀၂၂ခုနှစ် ဖေဖော်ဝါရီ ၂၅ရက်နေ့မှာထွက်ရှိထားတာဖြစ်ပါတယ်။ ၁၆၄၀ခုနှစ်က ပြင်သစ်နိုင်ငံကိုနောက်ခံထားရိုက်ကူးထားတာဖြစ်တာကြောင့် အနောက်ဥရောပအငွေ့အသက်စစ်စစ်တွေနဲ့ ဖုံးလွှမ်းနေတယ်ဆိုလည်းမမှားပါဘူး။ ဆီရာနိုဟာမွေးရာပါလူပုလေးတစ်ယောက်ဖြစ်ပေမယ့် နိုင်ငံရဲမက်တပ်ဖွဲ့ရဲ့ခေါင်းဆောင်အဖြစ်လက်ရုံးရည်ပြည့်ဝရုံသာမက ကဗျာစာပေအရာမှာလည်းထက်မြက်တာကြောင့် နှလုံးရည်ပိုင်းမှာလည်းအရည်အချင်းပြည့်ဝပါတယ်။ ဆီရာနိုချစ်တဲ့သူကတော့ မွေးရပ်မြေမှာကတည်းကခင်မင်လာခဲ့တဲ့မိန်းမလှလေးရိုဆန်းဖြစ်ပါတယ်။ ဒါပေမယ့် သူ့ရဲ့အများနဲ့မတူတဲ့ကိုယ်ခန္ဓာကြောင့် ထိပ်တန်းမှူးမတ်ကြီးကပါမျက်စိကျခြင်းခံနေရတဲ့ရိုဆန်းကို ဆီရာနိုကသူ့အချစ်တွေဝန်မခံရဲခဲ့ပါဘူး။ ဒီအချိန်မှာပဲ ရိုဆန်းကကပွဲတစ်ခုမှအမှတ်မထင်တွေ့ဆုံခဲ့တဲ့ ရဲမက်တပ်ဖွဲ့ဝင်အသစ်ခရစ်တီယန်ကို မြင်မြင်ချင်းစိတ်ဝင်စားသွားခဲ့ပါတယ်။ ခရစ်တီယန်ကို သူ့ရဲ့မြင်မြင်ချင်းအချစ်လို့ထင်နေတဲ့ရိုဆန်းဟာ သူတို့ရဲ့ကြားမှာစာအပေးအယူ ကူညီပေးဖို့ဆီရာနိုကိုတောင်းဆိုခဲ့တာကြောင့် ရိုဆန်းကိုချစ်လွန်းတဲ့ဆီရာနိုကလည်း ထိုတောင်းဆိုမှုကိုလက်ခံခဲ့ပါတယ်။ ချစ်ရသူအတွက်နှလုံးသားကိုရင်းခဲ့တဲ့ ဆီရာနိုရယ်၊ မိန်းမလှလေးကို

ဇာတ်လမ်းလေးရဲ့ အစမှာတော့ အမည်မသိလူတစ်ယောက်က အောင်မြင်ကျော်ကြားတဲ့ စီအီးအိုနဲ့ ဇနီးဖြစ်သူတို့ရဲ့ အပန်းဖြေအိမ်ရာကို ကျူးကျော်ဝင်ရောက်‌ေနချိန်မှာ အိမ်ပိုင်ရှင်နှစ်ယောက်စလုံးက ပြန်ရောက်လာပါတယ်။ သူကလည်းအိမ်ရှင်တွေမသိသေးခင် ထွက်ပြေးမယ် ဟန်ပြင်နေတုန်း ဇနီးဖြစ်သူက မြင်သွားပါလေရော ...အမည်မသိသူကလည်း အဖမ်းမခံချင်တာကြောင့် စီအီးအိုနဲ့ ဇနီးဖြစ်သူတို ရဲတိုင်မှာကို စိုးရိမ်ပြီး သူတိုကိုဒီအတိုင်း မထားခဲ့ချင်ပါဘူး။ ဖြစ်ချင်တော့ သူတိုတွေထဲက တစ်ဦးတစ်ယောက်ကမှ တစ်ယောက်ကို တစ်ယောက်ထိခိုက်အောင်မလုပ်ချင်တာခဲ့တာပါ။ ဒါကြောင့်ပဲ အားလုံး တစ်အိမ်ထဲမှာ ပိတ်မိနေခဲ့ကြပါတော့တယ်။ နောက်ပိုင်း အမည်မသိသူနဲ့ နည်းပညာကုမ္ပဏီပိုင်တဲ့ ဘီလီလျံနာ စီအီးအိုတို ပိုက်ဆံပေးဖို အပေးအယူလုပ်ပြီးနောက်မှာတော့ ပိုက်ဆံစောင့်ရမဲ့အချိန်အတွင်းမှာ သူတိုတွေအားလုံး အတူတူစောင့်နေဖို့ဖြစ်လာပါတယ်။ သူတို့အိမ်ထဲမှာပိတ်မိနေစဉ်အတွင်းမှာ နောက်ဆက်တွဲ ဘယ်လိုအဖြစ်အပျက်တွေ ဖြစ်လာမလဲဆိုတာကို စိတ်ဝင်တစားကြည့်ရှုလိုရမဲ့ ဇာတ်လမ်းကောင်းလေး ဖြစ်ပါတယ် အားလုံးပဲကြည့်ရှုခံစားပေးကြပါဦး ဒီ ဇာတ်ကားကိုအညွန်းနဲ့ဘာသာပြန်ပေးသူကတော့ Hein Htet Naing ဖြစ်ပါတယ်

နာမည်ကြီးတက္ကသိုလ်တစ်ခုဖြစ်တဲ့ အန်ကက်စတာ တက္ကသိုလ်မှာ ပထမဆုံးလူမည်းကျောင်းအုပ်အဖြစ် ဘီရှော့ဆိုတဲ့ လူမည်းအမျိုးသမီးရောက်လာပါတယ်။ ထူးဆန်းတာက အဲဒီကျောင်းကို လူမည်းအနည်းစုပဲ တက်ကြပါတယ်။ အဲဒီနှစ်မှာပဲ လူမည်းမလေး ဂျက်စမင်က အဲဒီကျောင်းကို ဝင်ခွင့်ရခဲ့တယ်။ ဂျက်စမင် နေရတဲ့အခန်းက အခန်းနံပါတ် (302) ။ အဲဒီအခန်းက လူမည်းမလေးတစ်ယောက် ကြိုးဆွဲချပြီးသေသွားတဲ့အခန်း။ တစ်ကျောင်းလုံးကလူတွေကတော့ အေးဆေးပဲဖြစ်နေပြီး ဂျက်စမင်နဲ့ ဘီရှော့နှစ်ယောက်ပဲ သရဲခြောက်ခံရသလို၊ အိမ်မက်ဆိုးတွေ မက်နေသလို ခံစားနေရပါတယ်။ ဘာကြောင့် အဲဒီလိုတွေဖြစ်နေရသလဲဆိုတာကို စိတ်ဝင်တစား ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

စစ်ပွဲမှာ ခေါင်းဒဏ်ရာရရှိခဲ့တာကြောင့် စစ်ထဲပြန်ဝင်ချင်ပေမယ့် ဝင်ခွင့်မရတော့တဲ့ ဘရစ်ဂ်စ် ဟာ ရိန်းဂျာအာမီတပ်ထဲ ပြန်ဝင်ဖို့ ကြိုးစားတဲ့ အခါမှာ သူငယ်ချင်းဟောင်းဖြစ်သူ ဆုံးပါးသွားတဲ့မတွက် ဈာပနပွဲကို သူ့ရဲ့ ခွေးလေးကို ခေါ်သွားဖို့အတွက် တာဝန်ပေးခံရပါတယ် ။ ‌ခွေးလေးက လေ့ကျင့်ပေးထားတဲ့ ခွေးဖြစ်တာကြောင့် အချို့နေရာတွေမှာ အရမ်းကို ဆိုးပါတယ်၊ လိုက်လဲ ကိုက်တတ်လို့ ပါးစပ်ကိုပါ ချုပ်ခံထားရပါတယ် ။ ဒါပေမယ့် ဘရစ်ဂ်စ် နဲ့ အတူ လမ်းခရီးတစ်လျှောက် အတူတူ အခက်အခဲတွေ ကျော်ဖြတ် ခရီးဆက်ကြရင်း ဘယ်လို လိမ္မာပြီး သူတို့ ဘယ်လိုနေထိုင်သွားကြမလဲဆိုတာကို ကြည့်ရင်း စိတ်အပန်းဖြေရာရတဲ့ ဇာတ်ကားကောင်းလေး တစ်ကားဖြစ်ပါတယ်။ ခွေးလေးကလဲ ချစ်စရာကောင်းလို့ ကြည့်ကို ကြည့်သင့်တဲ့ ဇာတ်ကားလေးတစ်ကားလို့ အကြံပြုပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီတခါမိတ်ဆက်ပေးချင်တာကတော့ Pananma ဆိုတဲ့ မင်းသားကြီး Gibson ပါဝင်ထားတဲ့ အက်ရှင်ကားကောင်းလေးပါ အီရန် ကွန်ထရာ အရေးမှာ Gibson က အမေရိကန်ကာကွယ်ရေးဌာနက အကြီးအကဲတဦးပါ အခြေအနေတခုကြောင့် ကွန်ထရာတို့ဆီကို အမေရိကန်အခြေစိုက်ခံတပ်က CIA အကူအညီနဲ့ လက်နက်ထောက်ပံ့ဖို့ မဖြစ်နိုင်တော့တဲ့ အခြေအနေမှာ တခြားနည်းတခုကိုပြောင်းစဥ်းစားရပါတော့တယ် အစီအစဉ်က ဆိုဗီယက် ရဟတ်ယာဉ်တစင်းကိုဝယ်ယူပြီးတော့ တဖက်ကို လက်နက်ပို့ပေးဖို့ပဲဖြစ်ပါတယ် ဒီတာဝန်အတွက် မိန်းမဆုံးပါးသွားလို့ အရက်သမားလုံးလုံးဖြစ်နေတဲ့စစ်မှုထမ်းဟောင်း Becker ကိုခေါ်ယူပြီး လုပ်ဆောင်ခိုင်းခဲ့ပါတယ် Becker ကလည်း ခေါင်းမာပြီး လုပ်ချင်ရာလုပ်တတ်တဲ့သူမို့လို့ ကာကွယ်ရေးဌာနက အားမကိုးချင်ကြပါဘူး ဒါပေမယ့် Becker က Gibson ရဲ့ အားအထားရဆုံးသူတယောက်ပါ တာဝန်အတွင်း ပနားမားမှာ Becker တယောက် ဘယ်လိုလူတွေနဲ့ပတ်သတ်မိမလဲ ရဟတ်ယာဥ်ကိုရော ရယူနိုင်ပါ့မလားဆိုတာ ကြည့်လိုက်ပါဦးခင်ဗျာ....... ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Tomato ဖြစ်ပါတယ်။

ဒီဇာတ်ကားက Horror ဂိမ်းတစ်ခုကို အခြေခံရိုက်ကူးထားပြီး ၂၀၂၁ ခုနှစ်၊ နိုဝင်ဘာလ ၂၄ရက်နေ့မှ အသစ်စက်စက်ထွက်ရှိထားတဲ့ဇာတ်ကားဖြစ်ပါတယ် Resident Evil ဆိုပေမဲ့ ရှေ့ကထွက်ရှိခဲ့တဲ့ Resident Evil ရုပ်ရှင်တွေနဲ့ဆက်စပ်မှုမရှိပါဘူး ဇာတ်လမ်းအကျဥ်းကတော့ ရက်ကွန်းမြို့က ဆေးဝါး​ကုမ္ပဏီ​ကြီးတစ်ခုဖြစ်တဲ့ အမ်ဘရဲလားဟာ တခြားမြို့ကို ပြောင်းရွေ့သွားတဲ့အတွက် ရက်ကွန်းမြို့က စွန့်ပစ်မြို့တစ်ခုလိုဖြစ်လာပြီး လူအနည်းစုပဲ မြို့မှာကျန်ခဲ့ပါတယ် တစ်ချိန်ကရက်ကွန်းမြို့က မိဘမဲ့ဂေဟာမှာကြီးပြင်းလာတဲ့ ကလဲယာဆိုတဲ့ကောင်မလေးက အစ်ကိုဖြစ်သူခရစ်နဲ့တွေ့ဖို့အတွက် ရက်ကွန်းမြို့ကိုလာခဲ့ပေမဲ့ တီဗိုင်းရပ်စ်နဲ့ ဂျီဗိုင်းရပ်စ်ကြောင့် တစ်မြို့လုံးက ဇွန်ဘီတွေဖြစ်လာတဲ့အခါမှာတော့... ရက်ကွန်းမြို့ကနေဘယ်လိုထွက်ပြေးမလဲ ဆိုတာကို ရင်ခုန်စိတ်လှုပ်ရှားဖွယ်ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Fiona ဖြစ်ပါတယ်

IMDb 7.4ထိရထားတဲ့ကားလေးပါ ဒါကတော့ Despicable Me ရဲ့အဆတ်လေးပါ Despicable Me 2 ဖျစ်ပါတယ်ကာတွန့်ကားလေးတွေကလူတွေကိုဖျော်ဖြေရာရောက်သလိုကြည်နေရင်းလဲစိတ်ကြည်နူး မှူတွေရရှိမှာသေချာပါပဲ Minion တွေဟာ ကမ္ဘာဦးအစ ကတည်းက ဆဲတစ်ခုတည်းနဲ့ တည်ရှိခဲ့တဲ့ အဝါရောင် သတ္တဝါလေးတွေဖြစ်ပြီး အင်အားအကြီးမားဆုံး အဆိုးသွမ်းဆုံး အကောင်ကိုသာ လုပ်ကျွေးပြုစုချင်ကြသူတွေ ဖြစ်ပါတယ်။ အင်အားကြီးမားတဲ့ T.Rex ဒိုင်တိုဆောတွေ၊ ကျောက်ဂူလူသားတွေ နောက်ကို လိုက်ခဲ့ပေမယ့် အဆင်မပြေခဲ့ပဲ ဉာဏ်ပညာကြီးမားတဲ့ လူသားတွေအပေါ် နှစ်သက်တဲ့ စိတ်ကြောင့် အဆိုးသွမ်းဆုံး လူတွေဆီကိုသာ နောက်လိုက်အဖြစ် ပါဝင်ပြုစုခဲ့ပါတယ်။ အီဂျစ်ဖာရို၊ ဒရက်ဂူလာနဲ့ နပိုလီယံတို့ကို အလုပ်အကျွေး ပြုခဲ့ပေမယ့် အဆင်မပြေခဲ့ပဲ အန္တာတိကမှာ သီးသန့်သွားရောက်နေထိုင်နေကြပါတယ်။ ဒါပေမယ့် နှစ်တွေ ကြာလာတဲ့အခါ သူတို့ရဲ့ ရည်ရွယ်ချက်တွေ ပျောက်ဆုံးကုန်ပြီး စိတ်ဓာတ်ကျ ငြီးငွေကုန်ကြပါတယ်။ ဒီ Minion အပေါင်းကို ကယ်တင်ဖို့အတွက် သတ္တိကောင်းတဲ့ Kevin ဟာ သူ့ရဲ့ အကြံကို Minion တွေအားလုံး ကြားမှာ ထုတ်ဖော်ပြောကြားလိုက် Credit Review

လူတစ်ယောက်က သူ့မိတ်ဆွေ ပစ်ဆန်ဘာဂါ အမေရိကန်ရဲ့အမြင့်ဆုံးဆုတစ်ခုဖြစ်တဲ့ သူရဲကောင်း ဘွဲ့တံဆိပ်ဆု ချီးမြှင့်ခံရဖို့အတွက် နှစ်ပေါင်း သုံးဆယ်ကျော်ကြာအောင် လုပ်ဆောင်ခဲ့တယ်။ ဒီလောက်နှစ်တွေ အကြာကြီး အဲဒီဆုကိုမရမချင်း လုပ်ဆောင်ပေးနေတယ်ဆိုတော့ သူ့ရဲ့သူငယ်ချင်းဟာ အဲဒီဆုကို တကယ်ကိုထိုက်တန်လို့ပါ။ ဆိုတော့ ဒီဆုကြီးနဲ့ ထိုက်တန်အောင် သူဘာတွေများလုပ်ခဲ့လဲ၊ ဘယ်လောက်ထိ စွန့်လွှတ်ပေးဆပ်ခဲ့သလဲဆိုတာကို ကြည့်ရှူခံစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်