လူကြည့်များသော ရုပ်ရှင်များ

သည်းထိတ်ရင်ဖို ဇာတ်လမ်းတစ်ပုဒ်အကြောင်း အတိုချုန်းပြောပြချင်ပါတယ်။ အီဒန်ဆိုတဲ့ကောင်မလေးဟာ သူမသူငယ်ချင်းနဲ့အတူသူတို့အိပ်မက် ကောလိပ်ကို တက်နိုင်ဖို့ စကောလာရအောင် ကြိုးစားနေကြပါတယ်။ အဲ့အတွက်အထောက်အကူဖြစ်ဖို့ အီဒန်က သူတို့အတန်းထဲက လွှတ်တော်အမတ်ရဲ့သားကို သူ့အဖေဆီက ထောက်ခံစာရဖို့ အကူအညီတောင်းပါတော့တယ်။ အဲ့အချိန်မှာအီဒန်တို့ ကျောင်းမှာ ထူးဆန်စွာနဲ့ အတန်းဖော်ကောင်မလေး ပျောက်ဆုံးသွားပြီး စုံထောက်တွေကလည်း စုံစမ်းနေကြပါတယ်။ ဒီထိတ်လန့်စရာဖြစ်ရပ်တွေအားလုံးက အီဒန်က လွှတ်တော်အမတ်နဲ့တွေ့နိုင်ဖို့ သူ့သားရဲ့ ပါတီကို သွားမိတဲ့အချိန်ကနေ စတာပါ။ အီဒန်နဲ့ သူ့သူငယ်ချင်းက အဲ့ကျောင်းသားရဲ့ပါတီမှာ အချိန်ကုန်နေရင်း သူ့သူငယ်ချင်း သောက်ပြီး မူးနေတဲ့အချိန် အဲ့အိမ်ထဲက အခန်းတစ်ခုမှာ ခဏသိပ်လိုက်ပါတယ်။ အဲ့မှာ မထင်မှတ်ဘဲ သူတို့အဖွဲ့ထဲကတစ်ယောက်ရဲ့ ဖုန်းထဲက ဗီဒီယိုကို တစ်ပိုင်းတစ်စကြည့်မိရာကနေ သူတို့အတန်းဖော်ကောင်မလေး ပျောက်နေတာ အဲ့အဖွဲ့နဲ့ဆိုင်နေကြောင်း သိသွားပါတော့တယ်။ သူတို့ထဲက တစ်ယောက်က ဖုန်းထဲမှာ ဘယ်လိုအကြောင်းအရာကို ရိုက်ထားတာလဲ။ လွှတ်တော်အမတ်လင်မယားကရော အဖြစ်မှန်ကို သိတဲ့အခါ ဘာတွေ ဆက်လုပ်မှာလဲ။ အဖြစ်အပျက်တချို့ကို သိလိုက်ရပြီးတဲ့နောက် သူတို့အားလုံးအတွက် ဘယ်လို ကြောက်စရာ၊ ထိတ်လန့်၀မ်းနည်းစရာ‌အဖြစ်တွေ ဖြစ်လာဉီးမလဲ ဆိုတာကတော့.... ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ရုပ်ရှင်ချစ်ပရိသတ်တော်တော်များများသိကြတဲ့ Captain America သရုပ်ဆောင်ဖြစ်တဲ့ Chris Evans ရဲ့ရုပ်ရှင်ကားသစ်ထွက်လာခဲ့ပါပြီ။ဒီကားထဲမှာတော့ကိုးလ်ဆိုတဲ့ရိုးရိုးသားသားလယ်သမားလေးနေရာကနေသရုပ်ဆောင်ထားပါတယ်။ဇာတ်လမ်းလေးရဲ့အကျဉ်းချုပ်ကတော့ကိုးလ်တစ်ယောက်ဆော်ပစ်ခံရလို့ဘူပြီးခြံထွက်အသီးအနှံလေးတွေရောင်းနေတုန်းဆေဒီဆိုတဲ့မြို့ကလာတဲ့ကောင်မလေးတစ်ယောက်နဲ့တွေ့ခဲ့ပါတယ်။ဒါပေမယ့်စိတ်မကြည်ဖြစ်နေတဲ့အချိန်မှာဆိုတော့နှစ်ယောက်သားရန်တွေထဖြစ်ပြီး နောက်မှကိုးလ်တစ်ယောက်ဆေဒီကိုလိုက်ချော့ခဲ့ပါတယ်။အချော့လွန်သွားပြီးနောက်နောက်နေ့မနက်တွေပါရောက်ပြီးပန်းအိုးတွေပါကွဲကုန်ပါတော့တယ်။ဒီလိုနဲ့ကိုးလ်တစ်ယောက်သူ့အိမ်ပြန်လာခဲ့ပြီးတော့ဆေဒီဆက်သွယ်မှာကိုစောင့်နေပေမဲ့စာမလာသတင်းမကြားဖြစ်နေတော့ထပ်ကြေကွဲရပြန်ပါတော့တယ်။ဒီလိုနဲ့ကိုးလ်တစ်ယောက်ဆေဒီကလန်ဒန်ကိုရောက်သွားပြီဆိုတာကိုသိခဲ့ရပြီးနောက်မှာချက်ချင်းပဲလိုက်သွားပါတော့တယ်။ဒါပေမယ့်လန်ဒန်ကိုရောက်တဲ့အချိန်မှာအဖြစ်အပျက်တွေအားလုံးကသူတွေးထားသလိုရိုမန့်တစ်မဆန်ပဲအသက်အန္တရာယ်တွေနဲ့လုံးပန်းပြီးဖြတ်သန်းနေရတဲ့ဘဝကိုရောက်သွားပုံကိုရိုက်ကူးထားတာပဲဖြစ်ပါတယ်။Marvel Character တချို့ကလဲဧည့်သည်သရုပ်ဆောင်အဖြစ်လဲပါဝင်သရုပ်ဆောင်ထားပါသေးတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

Marvel Fan တွေအတွက်သတင်းကောင်းလာပါပြီ။ကျွန်တော်တို့ရဲ့အချစ်တော်ကြီး Ant Man ကိုမိသားစုံစုံလင်လင်နဲ့ဒီကားထဲမှာပြန်တွေ့ရမှာဖြစ်ပြီး အရွယ်ရောက်လာတဲ့ကက်စီလေးကိုလဲမြင်တွေ့ရမှာဖြစ်ပါတယ်။ဇာတ်လမ်းအကျဉ်းချုပ်ကတော့စကော့တစ်ယောက် End Game ပြီးပြီးနောက်ပိုင်းသူ့ရဲ့အတွေ့အကြုံတွေအကြောင်းကိုစာအုပ်ထုတ်ပြီးအရင်နဲ့မတူတော့တဲ့လူတစ်ယောက်အဖြစ်ပျော်ရွှင်စွာနေထိုင်နေပါတယ်။တစ်နေ့မှာတော့မိသားစုထမင်းလက်ဆုံစားနေရင်းနဲ့ကက်စီနဲ့အဖိုးဖြစ်သူတို့ရဲ့လျှို့ဝှက်သုတေသနအကြောင်းကိုသိသွားကြပါတော့တယ်။အဲ့ဒါကတော့ကက်စီတစ်ယောက်ကွမ်တမ်လောကကိုလှမ်းပြီးကြည့်လို့ရတဲ့စက်တစ်ခုတီထွင်ထားတာပဲဖြစ်ပါတယ်။ကံဆိုးခြင်းတော့အဲ့ဒီစက်ကြောင့်သူတို့မိသားစုတွေကွမ်တမ်လောကထဲကိုရောက်သွားကြပါတော့တယ်။အဲ့ဒီမှာနှစ်သုံးဆယ်ကျော်ကြာနေထိုင်ခဲ့တဲ့ဂျန်းနက်တစ်ယောက်သူ့မိသားစုအပေါ်လျှို့ဝှက်ထားခဲ့တဲ့အရာတွေကိုတစ်ခုချင်းစီသိလာရပါတော့တယ်။ဒီလိုနဲ့သူတို့တွေကွမ်တမ်လောကကနေပြန်ထွက်လာနိုင်မလားဆိုတာကိုကြည့်ရှုရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ပျော်ရွှင်မှုအကြောင်းရိုက်ကူးထားတဲ့ တူရကီကားတစ်ကားဖြစ်ပါတယ်။ ဇေးနပ်ဆိုတဲ့ အမျိုးသမီးဟာ ခင်ပွန်း၊ သမီးတို့နဲ့ နေထိုင်ရင်း ပျော်ရွှင်မှုပျောက်‌ဆုံးနေတဲ့သူဖြစ်ပါတယ်။ ခင်ပွန်းက စားဖိုမှုးဖြစ်ပြီး အလုပ်များလွန်းတော့ ဇနီးဖြစ်သူကို အချိန်မပေးနိုင်ဘဲ သူ့သားသောက်ဆိုင်အတွက်ပဲ လုံးပန်းရင်းအချိန်ကုန်နေတာပါ။ သမီးဖြစ်သူကလည်း အပျိုဖော်၀င်တည်းကစပြီး ဇေးနပ်ကို ခပ်တန်းတန်းပဲ နေပြီး ဖအေကိုပဲ ပိုကပ်တာပါ။ ဇေးနပ်ရဲ့မိခင် နာရေးကို သွားကြတဲ့အခါမှာ ခင်ပွန်းက မိန့်ခွန်းပြောဖို့လုပ်ထားတာကို သူ့ဆိုင်မှာ အလုပ်များရင်း သွားဖို့မေ့သွားပါတယ်။ ပြသာနာအသေးလေးတွေကနေ တစ်စတစ်စစုလာပြီး ဒီကြားထဲ ခင်ပွန်းဖြစ်သူကဆိုင်က ၀န်ထမ်းအသစ်လေးနဲ့ ဘာလိုလိုဆိုတော့ ဇေးနပ်က သည်းမခံနိုင်တော့ဘဲ သူမ အမေ အမွေအဖြစ်ထားခဲ့တဲ့ ခရိုအေးရှားက အိမ်ကို ထွက်လာပါတော့တယ်။ ခရိုးအေးရှားက အိမ်ရောက်တော့ အဲ့မှာ လူတစ်ယောက်က နေနေပြီးသားပါ။ သူမအမေဝယ်တုန်းက ပိုင်ရှင်မလာခင်ထိနေလို့ရတယ်လို့ သဘောတူထားတဲ့အတွက် အဲ့အရင်ပိုင်ရှင်လူက နေနေတာပါ။ အဲ့ကျွန်းကလူတွေအတွက် အိမ်ဆိုတာ သာမန်အိမ်တစ်လုံးထက် အဓိပ္ပါယ်တွေ အများကြီးရှိပါတယ်တဲ့။ ဇေးနပ်က အဲ့အိမ်မှာနေရင်း အိမ်ကို အငှားထားဖို့စီစဉ်ပါတယ်၊ ဒါမယ့် အဲ့မှာနေနေတဲ့ ရိုဆစ်က သမိုင်းကြောင်းတွေပြည့်နေတဲ့ အိမ်ကို သူများလက်ထဲမထည့်ချင်ပါဘူး။ ရိုဆစ်ရဲ့မိသားစုအစဉ်အဆက်နေခဲ့တဲ့ အိမ်လည်း ဖြစ်လို့ပါ။ ဒီလိုနဲ့ ဇေးနပ်က သူမအမရဲ့ ဒိုင်ယာရီကို

ဒီကားလေးကတော့ ၂၀၁၂ခုနှစ်က ထွက်ရှိခဲ့တဲ့ သည်းထိတ်ရင်ဖို စိတ္တဇကားလေးပါ။ ချွဲအင်ဘုန်းဆိုတဲ့လူက ပလက်စတစ်ဆာဂျရီ အထူးကျွမ်းကျင်တဲ့ ဆရာဝန်ပါ။ တစ်နေ့ သူ့ဇနီးက သူ့နောက်ကွယ်မှာ ဖောက်ပြန်နေမှန်း သိလိုက်ရတဲ့အခါ ချွဲအင်ဘုန်းရဲ့ စိတ္တဇရောဂါက ထိန်းမရအောင်ပေါ်လာပြီး လူတွေတစ်ယောက်ပြီးတစ်ယောက် လိုက်သတ်ပါတော့တယ်။ သူ့ဇနီးအပေါ်မှာ ဘာကြောင့် ဒီလောက်အစွဲအလမ်းကြီးရတာလဲ၊ သူ့မှာ ဘယ်လိုနောက်ကြောင်းတွေရှိသလဲဆိုတာကို ရင်တထိတ်ထိတ် ကြည့်ရှုရမဲ့ကားလေးပါ။ တချို့ဇာတ်ဝင်ခန်းတွေက အရမ်းပြင်းထန်ပြီး မိသားစုနဲ့အတူကြည့်ရှုဖို့ မသင့်တော်တဲ့ ဇာတ်ဝင်ခန်းတွေလည်း ပါဝင်ကြောင်း သတိပေးချင်ပါတယ်။ ဒီ Doctor ဆိုတဲ့ ဇာတ်လမ်းကို M Sub Movie မှာ ခံစားကြည့်ရှုနိုင်ပါပြီ။ ဇာတ်လမ်းအညွှန်းနဲ့ဘာသာပြန်သူက‌တော့ June Rose ဖြစ်ပါတယ်

ဓမ္မစသာလီဆိုတဲ့ ဓမ္မထွန်းကားရာ နယ်မြေတစ်ခု။ မယ်တော်ဂတ်တာမာကို နတ်ဘုရားလိုကိုးကွယ်ကြတယ်။ ဓမ္မစသာလီနဲ့ ပမ်ဒါဂတ်ဒမ်ကြား ဂျီဗာဟာရာမြစ် ဖြတ်သန်းစီးဆင်းတယ်။ ပမ်‌ဒါဂတ်ဒမ်တွေက အာယုဗီဒ(ဆေးဝါးအတတ်ပညာ)ကိုကျွမ်းကျင်ကြတယ်။ အဲဒီလိုဓမ္မထွန်းကားတဲ့ ဓမ္မစသာလီက မသာမာသူလူတစ်စုကြောင့် အဓမ္မထွန်းကားရာ နေရာဖြစ်သွားပေမယ့် မြစ်တစ်ဖက်ခြမ်းမှာရှိတဲ့ ပမ်ဒါဂတ်ဒမ်တွေကတော့ ဓမ္မတရားကိုလက်ခံကျင့်သုံးနေကြတုန်း။ ‌သူတို့‌ေနထိုင်ရာ ဆစ်ဟာဗာနမ်တောအုပ်ကြီးထဲမှာရှိတဲ့ တွင်းထွက်တွေကို လူတစ်စုက လိုချင်တပ်မက်လာတဲ့အခါ ဘယ်လိုဖြစ်ကြမလဲ၊ ကယ်တင်ရှင်ကရော ဘယ်သူဖြစ်မလဲ ကြည့်ရှူလိုက်ပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ဒီကားလေးကတော့ ၂၀၂၃ခုနှစ် ဇန်နဝါရီလက ထွက်ရှိခဲ့တဲ့ ဟာသဒရာမာလေးပါ။ ဘတ်ဂန်က ထိပ်တန်းရုပ်ရှင်မင်းသားတစ်ယောက်ဖြစ်ပြီး အချစ်ရေးသတင်းတွေ အများကြီးဖန်တီးလေ့ရှိသူပါ။ အများအမြင်မှာတော့ အောင်မြင်မှုတွေ၊ ကြွယ်ဝချမ်းသာမှုတွေနဲ့ ပြည့်စုံတယ်လို့ ထင်ရပေမဲ့ သူ့အတွက်တော့ ဘဝက အဲ့ဒီလောက် အဓိပ္ပာယ်ရှိမနေခဲ့ပါဘူး။ ဒီလိုနဲ့ ခရစ္စမတ်အကြိုညမှာ သူ့သူငယ်ချင်းလည်းဖြစ်တဲ့ သူ့မန်နေဂျာနဲ့အတူ အရက်သောက်ဖြစ်ခဲ့ပြီး မူးမူးနဲ့ တက္ကစီစီးပြီးတော့ အိမ်ပြန်ခဲ့တယ်။ ဒါပေမဲ့ အဲ့ဒီတက္ကစီဒရိုက်ဘာက ထူးထူးဆန်းဆန်းစကားတွေပြောခဲ့ပြီး လက်ရှိဘဝကို ပြောင်းလဲချင်သလားလို့ မေးခဲ့တယ်။ နောက်နေ့မနက် နိုးလာချိန်မှာတော့ သူ့ဘဝဟာ ချောက်ချားစရာကောင်းလောက်အောင် ပြောင်းလဲသွားပါတော့တယ်။ ဘတ်ဂန်ရဲ့ဘဝက ဘယ်လိုပြောင်းလဲသွားမှာလဲ၊ ​အဲ့ဒီဘဝအသစ်မှာ နေပြီးတဲ့အခါ နဂိုဘဝကို ပြန်သွားချင်ဦးမှာလားဆိုတာကို ဟာသလေးနှောပြီး ဒရာမာလေးတွေနဲ့ ပုံဖော်ရိုက်ကူးထားတဲ့ Switch ဆိုတဲ့ ဇာတ်ကားလေးကို M Sub Movie မှာ ခံစားကြည့်ရှုနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

တစ်ယောက်နဲ့တစ်ယောက် ကတုံးပေါ်ထိပ်ကွက်ဖို့ချောင်းနေကြတာက မှောင်ခိုရာဇာလောကအတွက် မဆန်းပါဘူး။ ကြေးစားလူသတ်သမား ချယ်ရီယိုစ်က ဒီတစ်ကြိမ်တော့ သူထိပ်ကွက်ခံရတဲ့အလှည့်ပေါ့။ အဖွဲ့တစ်ဖွဲ့က ချယ်ရီယိုစ် သူ့အိမ်မှာအိပ်နေတဲ့အချိန် သူ့အခန်းထဲမှာပဲ အဆိပ်ခတ်သွားခဲ့တယ်။ ကံကောင်းချင်တော့ အဆိပ်က ချက်ချင်းမသေဘဲ တစ်နာရီလောက် အသက်ရှင်နိုင်နေသေးတယ်။ ကဲ တစ်နာရီအတွင်းမှာ ဖြေဆေးရှာပြီး သူ့ကိုလုပ်ကြံတဲ့အဖွဲ့ကို လက်ဆင်ပြန်ပေးနိုင်မလားဆိုတာကိုတော့ ဆက်လက်ကြည့်ရှုခံစားကြည့်လိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Marip pan ဖြစ်ပါတယ်

မိသားစုမျိုးရိုးအစဉ်အဆက် လက်ဆင့်ကမ်းလာခဲ့တဲ့ ခေါက်ဆွဲကြော်ဆိုင်ကို ဦးဆောင်နေတဲ့ အိုဝီ... သာမန်လူတန်းစားဘဝကနေ ရုန်းထွက်ချင်နေပြီး ရည်မှန်းချက်လည်းကြီးမားတဲ့အိုဝီအတွက် ဆင်ခြေဖုံးရပ်ကွက်က စားသောက်ဆိုင်လေးဟာ သူ့ရည်မှန်းချက်နဲ့အရမ်းကိုကွာဝေးနေပါတယ်။ သူ့ရဲ့အကြော်အလှော်ကျွမ်းကျင်မှုတွေကို သတိထားမိတဲ့လူတစ်ယောက်က သူ့ကိုအလုပ်ကမ်းလှမ်းလာခဲ့ပါတယ်။ နိုင်ငံကျော်ထိပ်တန်းစီးပွားရေးသမားနဲ့နိုင်ငံရေးသမားတွေလို အထက်တန်းလွှာတွေအတွက်ပဲ သီးသန့်ချက်ပြုတ်ပေးတတ်တဲ့ စားဖိုမှူးပေါလ်ရဲ့အဖွဲ့မှာ အဖွဲ့ဝင်တစ်ယောက်ဖြစ်ဖို့ ကမ်းလှမ်းလာခဲ့တာပါ။ ဒီတော့ အောင်မြင်ချင်တဲ့အိုဝီတစ်ယောက် မိသားစုစီးပွားရေးလုပ်ငန်းကိုထားခဲ့ပြီး စားဖိုမှူးပေါလ်ရဲ့အဖွဲ့ထဲကိုဝင်သွားတဲ့အခါ ဘယ်လိုခက်ခဲ ဆန်းပြားမှုတွေနဲ့ကြုံတွေ့သွားရမလဲဆိုတာ ဆက်ကြည့်လိုက်ကြရအောင်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

2022 ခုနှစ်မှာ ထွက်ရှိခဲ့တဲ့ ဒီ Bunker ဆိုတဲ့ ရုပ်ရှင်ကတော့ ပထမကမ္ဘာစစ်နောက်ခံ Horror ဇာတ်ကားတစ်ကားဖြစ်ပါတယ်။ ပထမကမ္ဘာစစ်အတွင်း စစ်သားတပ်ဖွဲ့တစ်ခုဟာ မြေကျင်းတစ်ခုမှာ ပိတ်မိရာကနေ အစပြုခဲ့ပါတယ်။ကမ္ဘာကြီးတစ်ခုလုံးနဲ့ အဆက်အသွယ်ပျက်နေတဲ့ သူတို့ဟာ ကယ်ဆယ်ရေးကို စောင့်ဆိုင်းရင်းကြောက်မက်ဖွယ်အသံ၊အရိပ်တွေနဲ့ ထူးဆန်းတဲ့ အဖြစ်အပျက်တွေကို ကြုံတွေ့ရပါတော့တယ်။ အချိန်နဲ့အမျှကြောက်စိတ်များလာလေ အချင်းချင်း သံသယများလာကြပါတယ်။ဒီကျင်းထဲမှာ အရင်က ဘာတွေဖြစ်ဖူးခဲ့လဲ။သူတို့ ဒီထဲကနေ အသက်ရှင်လျက် လွတ်မြောက်နိုင်မလားဆိုတာ ရင်တစ်ထိတ်ထိတ်နဲ့ ကြည့်ရှုရမှာပဲဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Wuttyee ဖြစ်ပါတယ်

အချိန်ဆိုတာ ငွေကြေးပါပဲ။ အချိန်နဲ့ပဲ အရာအားလုံးကို ပေးချေပါတယ်။ ဒီဇာတ်လမ်းထဲမှာတော့ အချိန်က အရာရာပါပဲ။ အချိန်ကိုရဖို့ အလုပ်လုပ် ရပါတယ်။ အလုပ်လုပ်ရင်း အချိန်ကုန်ကြပါတယ်။ အချိန်နဲ့ အသက်ကိုဆက်ကြပါတယ်။ အချိန်နဲ့ကော်ဖီဝယ်သောက်ကြပါတယ်။ တစ်နေ့မှာတဲ့ ဆင်းရဲသားရက်ကွက်ထဲကို ရာစုနှစ်တစ်စုကျော်ကျောက်စာ ပိုင်ဆိုင်ထားတဲ့အမျိုးသားတစ်ယောက် ရောက်လာပါတော့တယ်။ တစ်နေ့လုပ်မှ တစ်နေ့အချိန်ကိုရတဲ့ ဆင်းရဲသားရက်ကွက်မှာ ရာစုနှစ်တစ်စုစာပိုင်ဆိုင်ထားတဲ့လူရောက်လာတဲ့ချိန်မှာတော့ အားလုံးက သူ့ဆီကအချိန်ကိုလိုချင်နေကြပါတော့တယ်။ အဲ့လိုနဲ့ပဲ ဝဲလ်ဆိုတဲ့ ဆင်းရဲသားရက်ကွက်ကကောင်လေးက အဲ့ဒီလူကို အကူအညီပေးဖို့ဖြစ်လာပါတော့တယ်။ သူတို့နှစ်ယောက်တွေ့ပြီးတဲ့နောက်မှာတော့ ဝဲလ်ရဲ့ဘဝဟာ အရာရာပြောင်းလဲသွားပါတော့တယ်။ အဲ့ဒီပြောင်းလဲမှုကြီးနဲ့ ဝဲလ်တစ်ယောက်ဘာတွေ ဘယ်လိုလုပ်ပြီး ခရီးဆက်မလဲဆိုတာကိုတော့ ဒီဇာတ်လမ်းထဲမျာ ဆက်လက်ပြီးတော့ရှုစားကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ရှေးဟောင်းပစ္စည်းတွေက တန်ကြေးလည်းရှိသလို သက်ဆိုင်ရာ ဇာတ်လမ်းတွေကလည်း ရှိနေပါသေးတယ်။ ဒီဇာတ်ကားမှာဆိုရင်တော့ ရှေးဟောင်းပစ္စည်းဆိုင်က ပစ္စည်းတွေရဲ့ စိတ်ဝင်စားဖွယ်ဇာတ်လမ်းတွေကို ကြည့်ရှုရမှာပဲ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ cat ဖြစ်ပါတယ်

ဒီတစ်‌ခေါက် တင်ဆက်ပေးမယ့်ဇာတ်ကားလေးကတော့ Nicolas Cage နဲ့ Amber Heard တို့ ပါဝင်သရုပ်ဆောင်ထားတဲ့ 2011 ခုနှစ်မှာ ထွက်ရှိခဲ့တဲ့ Drive Angry ဆိုတဲ့ ဇာတ်ကားလေးပဲ ဖြစ်ပါတယ် ။ သမီးဖြစ်သူက အောက်လမ်းဂိုဏ်းထဲဝင်ခဲ့ပြီး အသတ်ခံခဲ့ရကာ သမီးရဲ့ ကလေးကိုပါ စတေးခံယဇ်ပူဇော်ဖို့ ခေါ်ဆောင်သွားခံခဲ့ရတဲ့အတွက် ဖခင်ဖြစ်သူဟာ သမီးဖြစ်သူအတွက် လက်စားချေဖို့အတွက် ငရဲပြည်ကနေ ပြန်လာခဲ့ပါတယ်။ အောက်လမ်း ဂိုဏ်းခေါင်းဆောင်ကို အဆုံးသတ်နိုင်ခဲ့ပြီး ကလေးကို ရအောင် ဘယ်လို ယူမလဲဆိုတဲ့ စွန့်စားခန်းတွေကို အက်ရှင်ပြကွက်‌တွေနဲ့ ခပ်မိုက်မိုက် ကြည့်ရှုရမယ့် ဇာတ်ကားကောင်းတစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

IMDb 5.6 ရရှိထားတဲ့ မိသားစုနဲ့အတူကြည့်သင့်တဲ့ ဇာတ်လမ်းကောင်းလေးတစ်ပုဒ်ဖြစ်ပါတယ်။ ဇာတ်လမ်းအကျဉ်းကတော့ El Chupacarbara ဆိုတဲ့ ဆိတ်သွေးကိုစုပ်တဲ့ ရှေးဟောင်းဒဏ္ဍာရီလာသတ္တဝါက တကယ်ရှိတယ်ဆိုတာက သုတေသနပညာရှင်တစ်ယောက်က သက်သေပြဖို့ကြိုးစားရင်းအဲဒီသတ္တဝါကို သူတို့တွေ့သွားတဲ့အချိန်မှာ လိုက်ဖမ်းကြရင်းနဲ့ အကောင်ပေါက်လေးနဲ့ မိခင်ကကွဲသွားပါတယ်။ တစ်ဖက်မှာတော့ Alex က သူ့ဖခင်ဆုံးပြီးနောက်ပိုင်း သူ့ဖခင်ရဲ့ဇာတိဖြစ်တဲ့မက္ကဆီကိုကို လာလည်ရင်း အဲဒီသတ္တဝါပေါက်လေးနဲ့ ဘယ်လိုဆုံတွေ့ကြမလဲဆိုတာကို ကြည်နူးစရာပျော်စရာအပြည့်နဲ့ ကြည့်ရမှာပါ။ ဇာတ်သိမ်းကလည်း ပျော်စရာအဆုံးသတ်လေးမို့မိသားစုနဲ့အတူတူကြည့်ဖို့ တိုက်တွန်းလိုက်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Nway Oo ဖြစ်ပါတယ်

အောင်မြင်တဲ့စီးပွားရေးသမားကြီးတစ်ယောက်ဖြစ်တဲ့ ပေါလ်မက်ဂွိုင်ရာမှာ အချစ်ရတဲ့သမီးလေးတစ်ယောက်ရှိပါတယ်။ တစ်ညမှာ အမည်မသိအဖွဲ့တစ်ဖွဲ့က သူ့သမီးကိုပြန်ပေးဆွဲသွားပါတယ်။ ဘယ်သူတွေရဲ့လုပ်ရပ်ဆိုတာကို စဉ်းစားမရဖြစ်နေတဲ့ ပေါလ်တစ်ယောက် သူ့ရဲ့အတိတ်အကြောင်းကိုပြန်တွေးဖို့လိုလာပါတယ်။ ပေါလ်မက်ဂွိုင်ရာက ဟိုးငယ်စဉ်က သိပ်ကိုဆိုးသွမ်းပြီး မကောင်းတာမှန်သမျှလုပ်ခဲ့တဲ့ လူဆိုးတစ်ယောက်ဖြစ်ခဲ့တာပါ။ သူ့မှာ သူနဲ့အတူဆိုးခဲ့တဲ့သူငယ်ချင်းတွေရှိပါတယ်။ သမီးဖြစ်သူ ပျောက်သွားချိန်မှာ သူနဲ့အရင်က ရန်ငြိုးရန်စရှိခဲ့ဖူးသူတွေကို လိုက်ရှာရပါတော့တယ်။ လူကောင်းတစ်ယောက်အဖြစ် ပြောင်းလဲသွားခဲ့တဲ့ပေါလ်ဟာ အရင်လိုလူဆိုးတစ်ယောက်အဖြစ် ပြန်ပြောင်းလဲသွားမလား။ သူ့သမီးကိုရော အရင်ကပတ်သက်ခဲ့တဲ့ဘယ်လိုလူမျိုးက ပြန်ပေးဆွဲသွားတာဖြစ်မလဲ... ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

မေးလ်က ခရီးသည်တွေကို ဂြိုဟ်တွေကနေ ပို့ဆောင်ပေးတဲ့ အလုပ်ကိုလုပ်ပါတယ်။ ဒီတစ်ကြိမ်လုပ်မယ့် အလုပ်ကတော့ အချိန် နှစ်နှစ်ကြာပါမယ်။ သူ့သမီးလေး နေမကောင်းတာကို ကုသပေးဖို့အတွက် ငွေကလည်း လိုနေတာဖြစ်တဲ့အတွက် အဲ့ဒီအလုပ်ကို သူလက်ခံလိုက်ပါတယ်။ ဒါပေမဲ့ ကံဆိုးချင်တော့ သူ့ရဲ့ ယာဉ်က ဂြိုဟ်တွေကနေပဲ့ကျလာတဲ့ အမှုန်အမွှားတွေနဲ့တိုက်မိပြီးတော့ ပျက်ကျသွားပါတော့တယ်။ အဲ့ဒီဂြိုဟ်ပေါ်မှာပဲ သောင်တင်နေပြီးတော့ အိမ်ပြန်ဖို့ကို ကြိုးစားရင်း ဂြိုဟ်ပေါ်က သတ္တဝါတွေနဲ့ ရင်ဆိုင်ရပါတော့တယ်။ သူနဲ့အတူအသက်ရှင်ကျန်ရစ်တဲ့ ကိုအာ ဆိုတဲ့ ကောင်မလေးနဲ့ နှစ်ယောက်တည်း အဲ့ဒီဂြိုဟ်ကြီးကနေ လွှတ်မြောက်ဖို့ကို ကြိုးစားကြရမှာပါ။ သူတို့ နှစ်ယောက် ဂြိုဟ်ပေါ်ကနေ ဘယ်လိုသတ္တဝါဆန်းတွေနဲ့ ရင်ဆိုင်ရမလဲဆိုတာကိုတော့ ဇာတ်လမ်းလေးထဲမှာ ဆက်လက်ကြည့်ရှူပေးကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ဂြိုဟ်တစ်ခုကို ဦးတည်သွားနေတဲ့ ယာဥ်တစ်စီး။ အဲဒီယာဥ်ပေါ်မှာ လူတိုင်းကကြောက်ကြတဲ့ လူသတ်သမားတစ်ယောက်လည်းပါတယ်။ ဘာသာရေးသမားတွေ၊ စီးပွားရေးလုပ်ငန်းရှင်တွေလည်းပါတယ်။ အဲဒီယာဥ်ကြီးက သူတို့သွားမယ့် ဂြိုဟ်ကိုမရောက်ခင်မှာ တစ်ခုခုနဲ့တိုက်မိသွားပြီး ဂြိုဟ်တစ်ခုပေါ်ကိုပြုတ်ကျသွားတယ်။ ကံကောင်းစွာနဲ့ အဲဒီကလူတချို့ အသက်ရှင်ခဲ့တယ်။ ဒါပေမဲ့ အဲဒီလိုအသက်ရှင်နေသေးတာက သူတို့အတွက်ငရဲဆိုတာကို ကြုံရဖို့ဆိုတာ ကြိုသိခဲ့မယ်ဆိုရင်.......။ ဇာတ်လမ်းအညွှန်းနဲ့ ဘာသာပြန်သူကတော့ Marip pan ဖြစ်ပါတယ်

ဇာတ်လမ်းအစမှာအမ်မလီဆိုတဲ့ကောင်မလေးတစ်ယောက်ကသူ့ရည်းစားဟောင်းရဲ့ဖမ်းဆီးခြင်းကိုခံထားရပါတယ်။သူ့ကိုလမ်းခွဲခဲ့တဲ့အတွက်မကျေနပ်တဲ့အတွက်အမ်မလီကိုဖမ်းပြီးတော့သတ်ဖို့ကြိုးစားနေတာပဲဖြစ်ပါတယ်။ဒါပေမယ့်အမ်မလီလဲလွယ်လွယ်နဲ့တော့အသေမခံနိုင်တဲ့အတွက်မိန်းမမာယာသဲကိုးဖြာသုံးပြီးတော့အားကုန်သုံးပြီးထွက်ပြေးပါတော့တယ်။ကံကောင်းတာကသူ့ရည်စားလက်ကနေလွတ်ခဲ့ပေမဲ့ကံဆိုးချင်တော့အမ်မလီကဆရာဝန်ဖြစ်တဲ့အတွက်မျက်မှန်တပ်နေရသူတစ်ယောက်ဖြစ်ပြီးမျက်မှန်မပါရရင်ဘာမှမမြင်ရပါဘူး။ထွက်ပြေးလာခဲ့တဲ့အချိန်မှာလဲမျက်မှန်ကကွဲသွားခဲ့ပါတယ်။အဲ့ဒီအပြင်ကိုမှသူရောက်နေတဲ့နေရာကဘယ်နေရာမှန်းမသိတဲ့တောအုပ်ကြီးတစ်ခုထဲမှာပဲဖြစ်ပါတယ်။ဒီလိုနဲ့အမ်မလီတစ်ယောက်မမြင်မစမ်းနဲ့တောထဲရောက်နေတဲ့အချိန်မှာသူ့မှာပါလာတဲ့ဖုန်းကနေတစ်ဆင့်အကူအညီတောင်းဖို့ကြိုးစားပါတော့တယ်။တွေ့ကရာနံပါတ်ကောက်နှိပ်ရင်းနဲ့ဓာတ်ဆီဆိုင်မှာအလုပ်လုပ်နေတဲ့ကောင်မလေးတစ်ယောက်ကိုအကူအညီတောင်းခဲ့ပါတယ်။ဒီလိုနဲ့သူတို့ Video Call ခေါ်ပြီး အမ်မလီတစ်ယောက်လွတ်အောင်ကူညီပေးဖို့ကြိုးစားပုံတွေကိုရင်တထိတ်ထိတ်နဲ့ကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဝေါလ်-အီးဆိုတဲ့ စက်ရုပ်လေးဟာ ကမ္ဘာမြေပေါ်က အမှိုက်တွေကို သန့်ရှင်းရေးလုပ်ရတဲ့ စက်ရုပ်လေးပါ။ အိဗ်ဆိုတဲ့ စက်ရုပ်ကတော့ အပင်နဲ့ပက်သတ်တဲ့ အော်ပရေးရှင်းကို လုပ်ရတဲ့ စက်ရုပ်ပါ။ ကမ္ဘာမြေကြီးဟာ အမှိုက်တွေနဲ့ ပြည့်လာပြီးတော့ အဲ့ဒီအမှိုက်တွေကို သန့်ရှင်းရေးလုပ်ဖို့ကလည်း လိုအပ်လာခဲ့ပါတယ်။ အဲ့ဒီလိုသန့်ရှင်းရေးလုပ်ဖို့အတွက် လူသားတွေဟာ အာကာသယာဉ်တစ်စီးနဲ့ ကမ္ဘာမြေကြီးကို ခဏစွန့်ခွာသွားခဲ့ကြပါတယ်။ ဒါပေမဲ့ သူတို့တွေပြန်မလာ နိုင်ခဲ့ကြတော့ပါဘူး။ အာကာသယာဉ်ထဲမှာပဲ သူတို့ရဲ့ ဘဝတွေကို စားသောက်လိုက် အိပ်လိုက်နဲ့ပဲကုန်ဆုံးနေကြရပါတော့တယ်။ အဲ့လိုနဲ့ အိဗ်ဆိုတဲ့ စက်ရုပ်လေးဟာ အစိမ်းရောင် သက်ရှိအပင်တစ်ပင်ကို ရှာတွေ့သွားပါတော့တယ်။ အပင်တောင်ပေါက်နိုင်ပြီဆိုတော့ လူသားတွေလည်း သူတို့ရဲ့ကမ္ဘာမှာ ပြန်နေထိုင်လို့ရပြီဆိုတာကို သိရှိသွားပြီး အိမ်ကိုပြန်ဖို့ကြိုးစားပါတော့တယ်။ သန့်ရှင်းရေးစက်ရုပ်နဲ့ အပင်အော်ပရေးရှင်းစက်ရုပ်ရဲ့ အချစ်ဇာတ်လမ်းလေးကိုလည်း ဒီရုပ်ရှင်ထဲမှာ ရှုစားကြရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ဒီဇာတ်ကားကတော့ Green Goblin အနေနဲ့လူသိများကြတဲ့မင်းသားကြီး Willem Dafoe သရုပ်ဆောင်ထားတဲ့ Inside ဆိုတဲ့ဇာတ်ကားတစ်ကားပဲဖြစ်ပါတယ်။ဇာတ်လမ်းလေးရဲ့အကျဉ်းချုပ်ကတော့လူတစ်ယောက်ကအိမ်တစ်အိမ်ကိုတန်ဖိုးကြီးတဲ့ပန်းချီကားတစ်ချပ်ကိုခိုးဖို့အတွက်အိမ်ရှင်ခရီးသွားနေတုန်းခိုးဝင်ခဲ့ပါတယ်။သူလိုချင်တဲ့ပန်းချီကားကိုရှာမတွေ့လို့ပြန်ထွက်ဖို့လုပ်နေချိန်မှာပဲအိမ်ရဲ့လုံခြုံရေးစနစ်ကချို့ယွင်းချက်ဖြစ်ပြီးတံခါးတွေဖွင့်မရဖြစ်ကုန်တော့ပါတယ်။သူ့ကိုကူညီပေးနေတဲ့တွဲဖက်ကလဲအဖမ်းခံရမှာကြောက်တဲ့အတွက်သူ့ကိုအိမ်ထဲမှာပဲထားခဲ့ပါတော့တယ်။ဒီလိုနဲ့အဲ့ဒီအိမ်ကြီးထဲမှာပိတ်မိနေပြီးတော့ ထွက်ပေါက်ကလဲလုံးဝမရှိတဲ့အတွက်တော်တော်ကိုအကြပ်ရိုက်နေပါတော့တယ်။ဒီလိုနဲ့အိမ်ထဲမှာရှိတာလေးတွေနဲ့စားသောက်နေထိုင်ရင်း နောက်ဆုံးမှာတော့အဲ့ဒီအိမ်ထဲကနေလွတ်မြောက်သွားနိုင်မလား မလွတ်မြောက်သွားနိုင်ဘူးလားဆိုတာကိုရင်သပ်ရှူမောဖွယ်အနုပညာရသတွေနဲ့ကြည့်ရှုရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

Gravity ဆိုတဲ့ အာကာသသိပ္ပံနဲ့ဆိုင်တဲ့ ဇာတ်ကားနဲ့မိတ်ဆက်ပေးချင်ပါတယ်။ မစ်ရှင် ကျွမ်းကျင်သူ ဒေါက်တာ ရိုင်ယန်စတုန်းက သူမအဖွဲ့သား‌တွေနဲ့ သုတေသနအတွက် အာကသထဲက ဂြိုလ်ပေါ်ရောက်နေတာ ရက်သတ္တပတ်တွေကြာပါပြီ။ သူမရဲ့ system ကို စမ်းသပ်နေရင်းနဲ့ပါ။ ကံဆိုးစွာနဲ့ ရုရှားဘက်က သူတို့ဂြိုလ်တုကို သူတို့ကိုယ်တိုင် ဒုံးကျည်နဲ့ပစ်မိတဲ့အခါမှာ ဆိုးရွားတဲ့ ဖြစ်ရပ်တွေစတော့တာပါပဲ။ ရလဒ်ကတော့ ကွင်းဆက်ဖြစ်သွားပြီး အနားက ဂြိုလ်‌တုတွေကိုပါ ထိမိကာ အပျက်အစီးတွေ လွင့်လာပါတယ်။ ဒေါက်တာစတုန်းရဲ့ အဖွဲ့သားတွေလည်း ထိခိုက်မိပြီး အာကာသထဲမှာ ကျဆုံးကုန်ကြပါတယ်။ သူမကိုယ်တိုင်လည်း အောက်ဆီဂျင် စပြတ်လာပါတယ်။ ဒေါက်တာစတုန်းနဲ့ ကျန်ခဲ့တဲ့ တပ်သား အာကာသယာဉ်မှူး ကိုဝါစကီတို့ဟာ အပျက်အစီးတွေကြားကနေ မြေပေါ်ဆင်းနိုင်ဖို့ကြိုးစားရပါတယ်။ အခက်အခဲတွေ အတားအဆီးတွေကို ဒေါက်တာစတုန်းဟာသူ့အဖော် ကိုဝါစကီရဲ့ လမ်းညွှန်မှုနောက်လိုက်ပြီး ကျော်ဖြတ်ဖို့ကြိုးစားပါတယ်။ သူမ‌အဖော် ကိုဝါစကီကရော မြေပေါ်အတူဆင်းသက်နိုင်ပါ့မလား။ နောက်ဆုံးမှာ ဒေါက်တာစတုန်း ဘယ်လိုပုံစံ ဘယ်လိုအကူအညီနဲ့ မြေပြင်ပေါ်ရောက်အောင် ဆင်းသက်မလဲ၊ သူမရော အသက်ရှင်ကျန်နိုင်ပါ့မလား ဆိုတာ ကြည့်ရမှာဖြစ်ပါတယ်။ ကမ္ဘာကျော် ရုပ်ရှင်မင်းသမီး Sandra Bullockက အဓိကဇာတ်ကောင်အနေနဲ့ ပါ၀င်သရုပ်ဆောင်ထားတာဖြစ်တဲ့အတွက် စိတ်ကျေနပ်စရာ ကြည့်ရှုနိုင်မှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ငယ်ငယ်က အတုံးတွေဆက်ပြီးကစားခဲ့တဲ့ ဂိမ်းကိုမှတ်မိဦးမယ်ထင်ပါတယ်။ တုတ်ချောင်းတွေ၊ အတုံးတွေကို အပြန်ပြန်လှည့်ပြီး ကွက်တိကျအောင်ထည့်ပြီး ဆော့ရတဲ့ဂိမ်းကိုလေ။ ဒီရုပ်ရှင်ကတော့ အဲ့ဒီဂိမ်းဖြစ်ပေါ်လာပုံကနေစပြီးတော့ နောက်ဆုံးမူပိုင်ခွင့်ရပြီး ဘယ်ကုမ္ပဏီကနေ ဖြန့်ဝေတယ်ဆိုတာအထိကို ရိုက်ပြထားတာပါ။ ဂိမ်းကိုစစချင်းဖန်တီးရာမှာတော့ ဘာဂရပ်ဖစ်မှ မပါဘဲ ကွင်းစကွင်းပိတ်ပုံစံ အရာတွေကို တစ်သားတည်းကျအောင် လုပ်ရတာပါ။ ဒီဂိမ်းကို ဖန်တီးတဲ့သူကလည်း သူနဲ့ သူ့ဘော်ဒါတွေ အပျင်းပြေဆော့ဖို့အတွက်ပဲ ဖန်တီးခဲ့တာ။ အဲ့နောက်မှာတော့ မူပိုင်ခွင့်တွေနဲ့ပတ်သတ်ပြီး ဘယ်လိုတွေလုပ်ရမယ်ဆိုတာကို ဒီရုပ်ရှင်ထဲမှာ ကြည့်ရှုရမှာပါ။ ရှရှားရဲ့ ဆိုဗီယက်ပြည်ထောင်စု အကြောင်းကလည်း အဲ့ဒီဂိမ်းနဲ့ပတ်သတ်နေပါတယ်။ တတ်ထရစ်ဆိုတဲ့ဂိမ်းပေါ်ပေါက်လာပုံနဲ့ ဆိုဗီယက်ပြည်ထောင်စုအကြောင်းကို ဒီရုပ်ရှင်ထဲမှာ ကြည့်ရှုခံစားလိုက်ကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ကျွန်တော်တို့ ကလေးဘဝက ဇာတ်ကားလေးကို ပြန်ပြီးကြည့်လိုက်ကြရအောင်ဗျာ ဂါလီဗာဆိုတဲ့ ဖက်တီးလေးက သူ့ကိုယ်သူ ဒီထက်မပိုတော့ဖူးဆိုပြီး သတ်မှတ်ရင်း. စာတိုက်ဌာနထဲမှာဘဲ ဘဝကိုနစ်မြုပ်ထားတဲ့သူပေါ့ သိမ်ငယ်မှုတွေနဲ့ ကိုချစ်နေရတဲ့ကောင်မလေးကိုတောင် ဖွင့်မပြောနိုင်ဖွင့်နေခဲ့တာပေါ့..တနေ့မှာတော့ အလုပ်သင်လေးတစ်ယောက် နေ့တွင်းချင်းသူ့ရဲ့အထက်လူကြီးဖြစ်သွားတဲ့အခါမှာတော့ ဘဝကိုပြောင်းလဲဖို့ကြိုးစားလာပါတော့တယ် ဒီလိုကြိုးစားမှုကြောင့်ကနေဘဲ သူ့ဘဝရဲ့ပြောင်းလဲမှုတွေစတင်လာပါတော့တယ် အကုန်လုံးနဲ့လည်းရင်းနှီးပြီးသားကားလေးဖြစ်လို့မေ့နေလောက်ပြီဖြစ်မယ့် ဒီကားလေးကိုပြန်လည်ကြည့်ရှုရင်းငယ်ဘဝအမှတ်ရစရာလေးတွေကိုပြန်နွှေးလိုက်ကြပါဦးခင်ဗျာ ဇာတ်လမ်းအညွှန်းနဲ့ ဘာသာပြန်သူကတော့ Breeze ဖြစ်ပါတယ်

Diabolik နဲ့သူ့ချစ်သူEvaတို့ဟာ တကယ့်အဖိုးတန်ပစ္စည်းတွေကိုမှ အချီကြီးခိုးလေ့ရှိ တဲ့ သူခိုးအကြီးစားတွေပါ။ သူတို့စုံတွဲကို ရဲတွေဖမ်းဖို့ကြိုးစားနေပေမယ့် Diabolik ရဲ့ ကျွမ်းကျင်မှုနဲ့ ကိရိယာတွေအစွမ်းကြောင့် တစ်ခါမှ ဖမ်းမိခြင်းမရှိပါဘူး။ ဒီတစ်ခါမှာတော့ စစ်ဆေးရေးမှုး Ginko က သူတို့ကိုဖမ်းဖို့ အဖိုးတန်ရတနာတွေ၀တ်ပြီး ကပြမယ့် ဘဲလေးအဖွဲ့တစ်ဖွဲ့ကို လုပ်ဇာတ် ဆင်ခဲ့ပါတယ်။ စီစဉ်ထားတဲ့အတိုင်း Diabolikတို့စုံတွဲ အဲ့ကရတနာတွေကို ခိုးသွားတဲ့အခါမှာ ရတနာတွေမှာ သုတ်ထားတဲ့ radioactive အရည်တွေကြောင့် Ginkoက သူတို့ကို နောက်ယောင်ခံလိုက်နိုင်ခဲ့ပါတယ်။ ရဲတွေလိုက်လာတာသိတဲ့အခါမှာတို့ သူတို့နှစ်ဦးလည်း မတတ်သာဘဲ ပစ္စည်းတွေအားလုံးကိုစွန့်ပြီးပြေးပါတော့တယ်၊ ပြေးရင်းလွှားရင်း ချစ်သူEva က ခိုင်းမိပြီး ဆက်မပြေးနိုင်တဲ့အခါ Diabolik က အဖမ်းမခံနိုင်တဲ့အတွက် Evaကိုထားခဲ့ပြီး ပြေးပါတော့တယ်။ Eva လည်းချစ်သူကို အခဲမကျေတဲ့အတွက် Ginko နဲ့ပူးပေါင်းပြီး Diabolik ကို ရဲလက်အပ်ဖို့ အစီအစဉ်ဆွဲပါတော့တယ်။ Ginko ကတော့ Eva ကိုမယုံပေမယ့် အထက်လူကြီးတွေအမိန့်ကြောင့် ပူးပေါင်းဖို့ဖြစ်လာပါတယ်။ Ginkoက ဘယ်လို အစီအစဉ်ဆွဲမှာလဲ၊Eva နဲ့ စီစဉ်ထားသလို Diabolik ကိုဖမ်းမိမလား၊ ရတနာတွေအကုန်ပြန်ရမလား၊ Eva ကရော ချစ်သူကိုတကယ် သစ္စာဖောက်မှာလား အရာရာတိုင်းက ထင်ထားသလို အဆင်ပြေမှာလားဆိုတာ ကြည့်ရမယ့် ဇာတ်ကားတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတ