Adam Scott ပါဝင်သော ဇာတ်ကားများ

The Whisper Man (2026) ဒီဇာတ်ကားကတော့ Crime Mystery, Psychological Thriller နဲ့ Drama အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ စာရေးဆရာ Alex North ရဲ့ နာမည်ကျော် အရောင်းရဆုံး ဝတ္ထုကို အခြေခံပြီး ဒါရိုက်တာ James Ashcroft က ရိုက်ကူးထားကာ Russo Brothers တို့ရဲ့ AGBO ကုမ္ပဏီက ထုတ်လုပ်ပြီး Netflix ကနေ ဖြန့်ချိတာပါ။ သရုပ်ဆောင်တွေအဖြစ် အော်စကာဆုရှင် မင်းသားကြီး Robert De Niro, Adam Scott, Michelle Monaghan, Michael Keaton နဲ့ Hamish Linklater တို့လို ထိပ်တန်းသရုပ်ဆောင်တွေ အပြိုင်အဆိုင် ပါဝင်ထားကြပါတယ်။ ဇာတ်လမ်းကတော့ ဇနီးဖြစ်သူ ကွယ်လွန်သွားပြီးနောက် ၈ နှစ်အရွယ် သားလေး Jake နဲ့အတူ အစစအရာရာ အသစ်ကနေ ပြန်စဖို့ မြို့ငယ်လေးတစ်မြို့ဆီ ပြောင်းရွှေ့လာတဲ့ မှုခင်းဝတ္ထုရေးဆရာ Tom Kennedy ဆီကနေ စတာပါ။ ဒါပေမဲ့ အဲဒီမြို့လေးဟာ လွန်ခဲ့တဲ့ နှစ် ၂၀ ကျော်က ကလေးတွေကို ပြန်ပေးဆွဲ သတ်ဖြတ်ခဲ့တဲ့ "The Whisper Man" (တီးတိုးလူ) ကြောင့် နာမည်ဆိုးနဲ့ ကျော်ကြားခဲ့တဲ့ နေရာဖြစ်နေပါတယ်။ တစ်နေ့မှာတော့ ကလေးတွေကို အိမ်ပြတင်းပေါက်ကနေ တိုးတိုးလေး လေသံနဲ့ ခေါ်ဆောင်သွားတတ်တဲ့ နည်းလမ်းဟောင်းအတိုင်း ကလေးငယ်တွေ ထပ်မံပျောက်ဆုံးလာပြီး Tom ရဲ့ သားလေးပါ ပြန်ပေးဆွဲ ဖမ်းဆီးခံလိုက်ရပါတော့တယ်။ သားဖြစ်သူကို အသည်းအသန် ရှာဖွေကယ်တင်ဖို့အတွက် Tom ဟာ နှစ်ပေါင်းများစွာ အဆက်အသွယ်ပြတ်ပြီး စိမ်းကားနေခဲ့တဲ့ သူ့ရဲ့ ဖခင်ဟောင်းဆီ အကူအညီတောင်းခံဖို့ ရောက်သွားခဲ့ပါတယ်။ အဲဒီဖခင်ဟာ အရင်က မူလ Whisper Man လူသတ်သမားကို ကိုယ်တိုင် ဖမ်းဆီးထောင်ချခဲ့တဲ့ အငြိမ်းစား စုံထောက်ကြီး ဖြစ်နေပါတယ်။ အရင် လူသတ်သမား ထောင်ထဲမှာ ရှိနေဆဲအချိန်မှာ အတုခိုး သတ်ဖြတ်တဲ့ နောက်ထပ် လူသတ်သမားတစ်ယောက် ပေါ်လာတာလား? ဒါမှမဟုတ် အရင်ကတည်းက ကြံရာပါ ရှိနေခဲ့တာလားဆိုတဲ့ သံသယတွေနဲ့အတူ စုံထောက်မလေး Amanda Beck နဲ့ ပူးပေါင်းပြီး အတိတ်က နာကျင်စရာ ဒဏ်ရာတွေ၊ လျှို့ဝှက်ချက်တွေကို ဖော်ထုတ်ရင်း အချိန်မနှောင်းမီ ကလေးငယ်ကို အသက်ရှင်လျက် ပြန်လည်ကယ်ထုတ်ဖို့ အပြင်းအထန် ကြိုးစားရမယ့် သည်းထိတ်ရင်ဖို ဇာတ်လမ်းကောင်းတစ်ခု ဖြစ်ပါတယ်။ ဒီဇာတ်ကားဟာ ကမ္ဘာကျော် ဝတ္ထုကောင်းကို ရုပ်ရှင်အဖြစ် အသက်သွင်းထားတာဖြစ်လို့ ဇာတ်အိမ်ခိုင်မာမှု၊ စိတ်မသက်မသာဖြစ်စရာ မှုခင်းအငွေ့အသက်တွေနဲ့ ပြည့်နှက်နေတာပါ။ အထူးသဖြင့် Robert De Niro နဲ့ Adam Scott တို့ရဲ့ သားအဖကြားက စိတ်ဒဏ်ရာ အားပြိုင်မှု ပြည့်ဝတဲ့ သရုပ်ဆောင်ချက်တွေအပြင် Michael Keaton နဲ့ Michelle Monaghan တို့ရဲ့ ထိမိတဲ့ အခန်းကဏ္ဍတွေကြောင့် Serial Killer မှုခင်း Thriller ဇာတ်လမ်း ကြိုက်နှစ်သက်တဲ့ ပရိသတ်တွေ လက်မလွှတ်တမ်း စောင့်ကြည့်အားပေးရမယ့် ရုပ်ရှင်ကောင်းတစ်ကားပဲ ဖြစ်ပါတယ်။ File size… (7.5 GB) / (1.8 GB) / (740 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Drama, Thriller Duration…. 01:51:00 Subtitle…. Myanmar Subtitle (Hardsub)

Hokum (2026) 4K HEVC +++++++ ဒီတစ်ခါတော့ သွေးပျက်စရာကောင်းတဲ့ Hokum ဆိုတဲ့ Horror ကားသစ်လေးကို တင်ပေးထားပါတယ်။ Caveat နဲ့ Oddity ဇာတ်ကားတွေကို ရိုက်ကူးခဲ့တဲ့ ဒါရိုက်တာ Damian McCarthy ရဲ့ လက်ရာအသစ်ဖြစ်ပြီး သရုပ်ဆောင် Adam Scott က ခေါင်းဆောင်ပါဝင်ထားပါတယ်။ ဘတ်ဂျက် ၅ သန်းတည်းနဲ့ ရိုက်ထားပေမဲ့ ရုံတင်ငွေ ၂၄ သန်းအထိ ပြန်ရထားတဲ့ ဇာတ်ကားကောင်းလေးပါ။ ဇာတ်လမ်းအကျဉ်း ++++++++++++ Ohm Bauman ဟာ အောင်မြင်တဲ့ စာရေးဆရာတစ်ယောက်ဖြစ်ပေမဲ့ သူရေးလက်စ စာအုပ်ကို အဆုံးသတ်ဖို့ ခက်ခဲနေတဲ့သူပါ။ သူ့မိဘတွေ ကွယ်လွန်သွားပြီးနောက်မှာတော့ မိဘတွေရဲ့ အရိုးပြာကို ကြဲဖို့ အိုင်ယာလန်တောပိုင်းက ဟိုတယ်လေးတစ်ခုဆီ သူ ထွက်လာခဲ့ပါတယ်။ အဲဒီဟိုတယ်က သူ့မိဘတွေ ဟန်းနီးမွန်းထွက်ခဲ့တဲ့ နေရာလေးပေါ့။ ဟိုတယ်ရောက်တော့ အဲဒီမှာ ဝင်ခွင့်ပိတ်ထားတဲ့ ဟန်းနီးမွန်းအခန်းတစ်ခန်း ရှိနေတာကို တွေ့ရပါတယ်။ ဒေသခံတွေရဲ့ အပြောအရ အဲဒီအခန်းထဲမှာ ကလေးတွေကို ဖမ်းခေါ်တတ်တဲ့ နှစ် ၄၀၀ သက်တမ်းရှိ စုန်းမကြီးတစ်ကောင် ပိတ်လှောင်ခံထားရတယ်လို့ ဆိုကြတယ်။ ဟိုတယ်က ဘားတန်းစောင့်တဲ့ မိန်းကလေး ရုတ်တရက် ပျောက်ဆုံးသွားတဲ့အခါမှာတော့ Ohm တစ်ယောက် အဲဒီလျှို့ဝှက်ချက်တွေကို ဖော်ထုတ်ဖို့ ကြိုးစားပါတော့တယ်။ Ohm တစ်ယောက် ဝင်ခွင့်ပိတ်ထားတဲ့ ဟန်းနီးမွန်းအခန်းထဲကို ဝင်သွားတဲ့အခါ ဘယ်လို ကြောက်မက်ဖွယ်ရာတွေနဲ့ ရင်ဆိုင်ရမလဲ... လျှို့ဝှက်ဆန်းကြယ်တဲ့ အဖြစ်အပျက်တွေရဲ့ နောက်ကွယ်က လူသတ်သမားက ဘယ်သူလဲ ဆိုတာတွေကို သည်းထိတ်ရင်ဖို ကြည့်ရှုရမှာပါ။ ဒီကားက ဇာတ်လမ်းသွား တဖြည်းဖြည်းနဲ့ ကြောက်ဖို့ကောင်းလာတဲ့အပြင် လန့်စရာအခန်းတွေ (Jump scares) လည်း တော်တော်များများ ပါဝင်ပါတယ်။ သရဲကား၊ စုန်းကား ကြိုက်တဲ့သူတွေအတွက် ညဘက် မီးမှိတ်ပြီး ကြည့်ဖို့ အကြံပေးချင်တဲ့ ကားကောင်းလေးတစ်ကား ဖြစ်ပါတယ်။ File Size… (4.06GB) /(870MB) / (556MB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 47m Genre ….Horror , Thriller Subtitle….Myanmar Subtitle (Hard Sub)

The Monkey (2025) IMDb Rating (6.3) / Rotten Tomatoes (79%) ဟော်ရာ စာရေးဆရာကြီး စတီဖင်ကင်းရဲ့ ဇာတ်လမ်းကို ရိုက်ကူးထားတဲ့ ရုပ်ရှင်ကားကြီးတစ်ကားထွက်လာပါပြီ။ မူရင်းရုံတင်တုန်းက အချို့နိုင်ငံတွေမှာ အရမ်းကြမ်းတမ်းလွန်းတဲ့အခန်းတွေကို ဆင်ဆာဖြတ်ထားပေးလိုက်ရပါတယ်။ အခု ဗားရှင်းကတော့ အကုန်ကွက်ကွက်ကွင်းကွင်းပါတဲ့ဗားရှင်းမို့ ဟော်ရာဖန်တွေ အဝကြည့်ရမှာပါ။ dark comedy, horror ဖြစ်လို့ ပိုးစက်ပက်စက်တွေ ရှောကုန်သလို ရယ်လည်းရယ်ရပါတယ်။ မင်းသားကတော့ Divergent ရုပ်ရှင်တွေနဲ့လူသိများတဲ့ Theo James ပါပဲ။ ဇာတ်လမ်းအကျဉ်း ဟဲလ်နဲ့ဘီလ်ရှယ်ဘွန်းတို့ဟာ အချိန် ၃ မိနစ်ပဲခြားတဲ့ အမြွှာညီအစ်ကိုတွေပါ။ သူတို့အမေရဲ့ ပြောစကားအရတော့ သူတို့ရဲ့ အဖေက ဆေးလိပ် သွားဝယ်ဦးမယ်လို့ ပြောထွက်သွားပြီး အိမ်ကို ပြန်မလာတော့ဘူးဆိုတာပါပဲ။ ဟဲလ်နဲ့ ဘီလ်က အမြွှာညီအစ်ကိုဆိုပေမဲ့ တခြားအမြွှာတွေလို ချစ်ချစ်ခင်ခင် မရှိပါဘူး။ ဘီလ်က ဟဲလ်ကို အခွင့်ရရင် ရသလို အနိုင်ကျင့်တတ်ပါတယ်။ သူတို့အဖေရဲ့ ပစ္စည်းတွေကို ဟဲလ်တို့အမေက အမှိုက်တွေလို့ထင်ပေမဲ့ အမြွှာညီအစ်ကိုအတွက်တော့ ဒါတွေက သူတို့အဖေ ဘယ်လိုလူလဲဆိုတာကို သိနိုင်ဖို့ အခွင့်အရေးတွေလို့ သူတို့က မြင်ကြတယ်။ ဒီလိုနဲ့ သူတို့အဖေရဲ့ ပစ္စည်းတွေထဲကနေ မျောက်ရုပ်တစ်ရုပ်ကို ရှာတွေသွားကြတယ်။ ဒီမျောက်ရုပ်ကို စတွေ့ပြီး မကြာဘူး။ ဟဲလ်နဲ့ ဘီလ့်ကို ထိန်းတဲ့ ကလေးထိန်းသမ စပြီး အဖြစ်ဆိုးနဲ့သေတယ်။ ဒီလိုဖြစ်ပြီး မကြာဘူး။ မျောက်ရုပ်က ထားရင် ထားတဲ့နေရာမှာ မရှိတာမျိုးတွေ ဖြစ်လာတယ်။ တစ်နေ့တော့ သူ့ကို အနိုင်ကျင့်လွန်းတဲ့ ဘီလ်ကို သေစေချင်တယ်လို့ ဟဲလ်က မျောက်ရုပ်ကို ပြောလိုက်ချိန်မှာ အမေဖြစ်သူ သေဆုံးသွားခဲ့တယ်။ ‌ဒီမျောက်ရုပ်က တောင်းဆိုလို့မရဘူး။ သူသတ်ချင်တဲ့လူကို ကြိုက်တဲ့အချိန်မှာ သတ်တယ်ဆိုတာ သိသွားပါတော့တယ် ... (အညွှန်းနဲ့ဘာသာပြန်ကတော့ Act Molemy ဖြစ်ပါတယ်။) File size…(750 MB) / (470 MB) Quality….WEB-DL 1080p HEVC / 720p Format…. mkv/mp4 Genre….Comedy,Horror Duration….01:36:38 Subtitle….Myanmar Subtitle (Hardsub) Encoder….Double K Translated by Act Molemy

ကဲ စပိုက်ဒါမန်း စကြဝဠာရဲ့ rating အနိမ့်ဆုံး ရုပ်ရှင်လာပါပြီ။ အသည်းလေး Sydney Sweeney တို့ အသည်းကြီး Dakota Johnson တို့လို မင်းသမီးအလန်းတွေသုံးပြီး ဘက်ဂျက်တွေသုံး Marvel's Defenders တို့ Jessica Jones တို့ရဲ့ ဒါရိုက်တာ S.J. Clarkson က ရိုက်ရဲ့သားနဲ့ ဘာလို့ ရိတ်တင် နည်းသွားတာလဲဆိုတာ ကိုယ်တိုင်ကြည့်ပြီး ဆုံးဖြတ်ရအောင်ပါ။ မင်းသမီး Dakota Johnson ရဲ့အင်တာဗြူးအရ မူရင်းဇာတ်ညွှန်းဟာ ဗီလိန် အီဇီကီရယ်က ပီတာပါကာ မွေးမလာအောင် အချိန်ခရီးသွားပြီး မယ်ရီပါကာကို သတ်ဖို့ကြိုးစားတာကို မဒမ်ဝက်ဘ်နဲ့ စပိုက်ဒါဝီးမန်းတွေက ကာကွယ်တဲ့ဇာတ်လမ်းဖြစ်ပါတယ်။ ဒါပေမဲ့ တကယ်ရိုက်ကူးတဲ့အချိန်မှာတော့ ဇာတ်ညွှန်းတစ်ခုလုံး မမှတ်မိနိုင်လောက်အောင် ပြောင်းသွားပြီး အခုဇာတ်လမ်းကြီး ထွက်လာတာပဲဖြစ်ပါတယ်။ အဆက်ထွက်ခဲ့ရင်တော့ နောက်တစ်ကားမှာတော့ ပိုကောင်းနိုင်မဲ့အလားအလာရှိပါတယ် ဘာလို့လဲဆိုတော့ ဒီထက်ဆိုးအောင်ရိုက်ဖို့မလွယ်တော့လို့ပါပဲ။ ဇာတ်လမ်းအကျဉ်း ကတ်စီ ဝက်ဘ် ဟာ အရေးပေါ်ကယ်ဆယ်ရေး ဆေးအကူဖြစ်ပါတယ်။ တစ်ရက်မှာတော့ ကယ်ဆယ်ရေးလုပ်ရင်း ရေထဲကျသွားပြီး နှလုံးရပ်သွားပါတယ်။ နှလုံးပြန်နိုးလာပြီး အသက်ရှင်လာချိန်မှာတော့ အနာဂတ်ရဲ့ဖြစ်ရပ်တွေကို ဖြတ်ခနဲ ဖြတ်ခနဲ မြင်နေရပြီးကိုယ့်ကိုယ်ကိုယ် နားမလည်နိုင်အောင်ဖြစ်နေခဲ့ပါတယ်။ အဲဒီအချိန်မှာပဲ ပင့်ကူအစွမ်းတွေရှိနေတဲ့ အီဇီကီရယ်ဆိုတဲ့လူကလည်း သူ့အနာဂတ်ကို ကြိုမြင်နိုင်နေပြီး အနာဂတ်မှာသူ့ကိုသတ်မဲ့ ပင့်ကူမယ် ၃ ယောက်ကို ဆယ်ကျော်သက်ဘဝမှာလိုက်သတ်ဖို့ ကြိုးစားပါတော့တယ်။ အဲဒီ ကလေးမ သုံးယောက်ကို ကတ်စီဝက်ဘ်က အီဇီကီရယ် လက်ထဲက‌နေ ဘယ်လို ကယ်တင်ပြီး ပြန်တိုက်ကြမလဲဆိုတာကို ကြည့်ရမှာပါ။ ဘယ်လိုတိုက်တိုက် Sydney Sweeney နဲ့ Dakota Johnson တို့တိုက်မှာမို့ ကြည့်ဖြစ်အောင် ကြည့်လိုက်ကြပါဦး။ File size…(1.4 GB) / (1 GB) Quality….Webrip  1080p / 720p Format…mp4 Duration….01:56:00 Genre...Action, Adventure, Sco-Fi Subtitle….Myanmar Subtitle (Hardsub) Encoder….Nyeinsaeya Aung, Thit San Khant Translated by Mr. Anderson

First Time Female Director (2023) Dark Comedy ပုံစံမျိုးကိုမှ သဘောကျတတ်တဲ့ ပရိတ်သတ်ကြီးအတွက် ၂၀၂၃ တုန်းကထွက်ထားတဲ့ First Time Female Director ဆိုတဲ့ကားလေးတင်ဆက်ပေးလိုက်ပါတယ်။ သရုပ်ဆောင်တွေကလဲ Brooklyn Nine Nine ထဲက Gina အဖြစ်သရုပ်ဆောင်ထားတဲ့ Chelsea Peretti ကအဓိကသရုပ်ဆောင်အနေနဲ့ ပါဝင်ထားပါတယ်။ ဒါရိုက်တာအနေနဲ့လဲ သူပဲရိုက်ထားပြီးတော့ ဇာတ်ကားနာမည်အတိုင်း First Time Female Director ပါပဲ။ တမင်အခွက်ပြောင်ထားသလားတောင် မှတ်ရတယ်။ Dark Comedy ဆိုတဲ့အတိုင်း သူတို့နိုင်ငံကလူတွေကို ထေ့လုံးရွဲ့လုံးတွေနဲ့ ဟာသလုပ်ထားတာဆိုတော့ နဲနဲတော့ နားလည်ရခက်နေပါလိမ့်မယ် ဒါပေမဲ့ ရယ်ရပါတယ်။ ဇာတ်လမ်းအကျဉ်းလေးကတော့ ပြဇာတ်ရေးပြီးအလုပ်လုပ်နေတဲ့ ဆမ်တစ်ယောက် သူ့ရဲ့ ကုထုံးဆရာဝန်ကလဲ လက်လန်စရာ ဆေးစွဲဖူးတဲ့သူ ဒီလို တလွဲလူနာနဲ့ တလွဲကုထုံးဆရာ တွေ့ပြီး ဆွေးနွေးကြတယ်ပေါ့။ ပြဇာတ်ရေးဆရာမကနေ ရုတ်တရက်ကြီး သူ့ရှေ့က ဒါရိုက်တာတစ်ယောက်က သရုပ်ဆောင်တစ်ယောက်နဲ့ အိပ်လိုက်တဲ့အတွက် အထုတ်ခံလိုက်ရပြီး နေ့ချင်းညချင်း ပြဇာတ်ရေးဆရာမကနေ ကောက်ကာငင်ကာ ဒါရိုက်တာလုပ်ဖို့ကမ်းလှမ်းလာပါတယ်။ ဒီတလွဲလူနာနဲ့ ကုထုံးဆရာ နှစ်ယောက်ပေါင်း တိုင်ပင်ပြီး ဒါရိုက်တာအလုပ်ကို လက်ခံလိုက်ပါတယ်။ အဲ့မှာ စတာပါပဲ သရုပ်ဆောင်တွေက ဒါရိုက်တာကို ခွေးအချောင်းချောင်းပြီး ဒုက္ခပေးတော့တာပါပဲ။ ဆမ် တစ်ယောက်ဒီလို သရုပ်ဆောင်တွေကြား ဘယ်လိုရှင်သန်ရပ်တည်ပြီး ပြဇာတ်ကိုပြီးအောင်ရိုက်မလဲဆိုတာ တလွဲဟာသတွေနဲ့ ကြည့်ရှုလိုက်ကြပါဦး .... အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre..... Comedy Quality…. 1080p | 720p File size… 1.7GB | 929MB Format… mp4 Duration…. 1h 37min Subtitle…. Myanmar Subtitle (Hardsub) Translator ..... K.Hein Encoder ..... Aaron

Severance (2022) IMDb Rating (8.7) / Rotten Tomatoes (97%) အလုပ်ခေါ်စာတွေထဲမှာ မိသားစုအလုပ်လေးပါတို့၊ ဝိုင်းလုပ်ဝိုင်းစားတို့၊ အောက်သက်ကြေအောင် သင်ပေးမှာပါတို့နဲ့ ဂျင်းတွေထည့်ခံရဖူးကြသေးလား။ Apple tv+က နာမည်ကြီးနေတဲ့ series လေးကိုကြည့်ကြည့်လိုက်ပါ။ Lumon ဆိုတဲ့ ကုမ္ပဏီလေးအကြောင်းပေါ့။ အလုပ်သမားတွေကို စေတနာနဲ့ အလုပ်ချိန်မှာ တောင်တောင်အီအီမတွေးနိုင်အောင် ဦးနှောက်ကို ခွဲစိတ်ပေးထားလိုက်ပါတယ်။ အလုပ်ချိန်မှာ ကိုယ်ရေးကိုယ်တာကိစ္စတွေကို ဘာမှမမှတ်မိသလို၊ အပြင်ကိုရောက်ရင်လည်း အလုပ်ထဲကကိစ္စတွေ ဘာမှမမှတ်မိတော့ပါဘူး။ ဘယ်လောက်အလုပ်ဖြစ်လဲ။ Mark ဆိုတဲ့လူငယ်တစ်ဦးဟာ သူ့မိန်းမဆုံးသွားတဲ့အတွက် ပူ‌ဆွေးမှုကို သက်သာအောင် Severanceဆိုတဲ့ ခွဲစိတ်မှုကို ပြုလုပ်ပြီး Lumon ဆိုတဲ့ အဲဒီ ကုမ္ပဏီမှာ အလုပ်လုပ်ဖို့ဆုံးဖြတ်ခဲ့ပါတယ်။ Lumon ကုမ္ပဏီဆိုတာကလည်း အများထင်သလို မဟုတ်ဘဲအထဲမှာရော ဘာတွေဖြစ်ပျက်နေတာလဲ? သူ့ရဲ့ ကိုယ်ပိုင်ဘဝနဲ့ အလုပ်ဘဝရယ် ကုမ္ပဏီရဲ့လျို့ဝှက်ချက်တွေရယ် တဖြည်းဖြည်းပေါ်လာတာကို ပဟေဠိအနေနဲ့ ကြည့်ရှုရမှာပါ။ နာမည်ကြီး သရုပ်ဆောင် Ben Stiller ကဒါရိုက်တာအနေနဲ့ရိုက်ကူးထားတဲ့ thriller series ဖြစ်ပြီး Adam Scott,Brit Lower တို့အပြင် ဝါရင့်မင်းသားကြီးတွေဖြစ်တဲ့ Christopher Walkenနဲ့ John Turturro ပါ၀င်ထားပါတယ်။ဇာတ်လမ်းကလျှိ့ဝှက်ဆန်းကြယ်ပြီး ယနေ့ခေတ်ရဲ့ပြောင်းလဲလာတဲ့ စံနှုန်း‌တွေကို မှတ်ချက်ပြုထားပါတယ်။ အခုတော့ Rotten tomato-97%,IMDb 8.2/10 ရထားပါတယ်။ File size…400 Mb Quality….Webrip 720p Format…mp4 Duration….50 Min Genre...Sci-fi, Fantasy Subtitle….Myanmar Subtitle (Hardsub) Encoder….Mr. Anderson,DoubleK Translated by SP

Between Two Ferns Between Two Fernsရဲ့ အစီအစဉ်တင်ဆက်သူဇက်တစ်ယောက် သူ့ရဲ့စတူဒီယိုကြီးတစ်ခုလုံးရေလွှမ်းခံလိုက်ရပြီးတဲ့နောက်မှာတော့ ပိုင်ရှင်ဖြစ်တဲ့ဝေးလ်ဖယ်ရိုနဲ့ အပေးအယူတစ်ခုလုပ်ခဲ့လိုက်ပါတယ်။ အပေးအယူကတော့ အင်တာဗျူးအစီအစဉ်အတွက် ၁၀ပိုင်းရှာပေးရင် သူညစဉ်ညတိုင်းပါဝင်နိုင်တဲ့ကိုယ်ပိုင် တီဗီရုပ်သံအစီအစဉ်တစ်ခုပေးဖို့ပါပဲ ။ အပေးအယူကိစ္စအောင်မြင်ပြီးတာနဲ့ ဇက်တစ်ယောက် သူ့စက်အဖွဲ့သား ၃ယောက်နဲ့ နိုင်ငံအနှံ့လျှောက်သွားပြီး အင်တာဗျူးပါတော့တယ်။ သူ့အင်တာဗျူးက တကယ်နာမည်ကြီးသရုပ်ဆောင်တွေကို အဆိုးဖက်ကနေဦးတည်ပြီးတော့ အနောက်ပုံစံနဲ့မေးမြန်းပြီး အတည်ပေါက်နဲ့ ကိုယ့်မကောင်းကြောင်းတွေကို ပြောဆိုခံရတဲ့အနေအထားပါ။ ဆိုတော့ ဇက်တစ်ယောက်သူရဲ့အပေးအယူကိုအောင်မြင်စွာ လုပ်ဆောင်နိုင်မလား ကိုယ်ပိုင်တီဗီအစီအစဉ်တစ်ခုရနိုင်မလားဆိုတာကိုတော့ ဆက်လက်ကြည့်ရှုလို်က်ရအောင်ပါဗျာ။ အင်တာဗျူးခံရတဲ့သူတွေထဲမှာ ကိုယ်တွေရဲ့ မာဗယ်ဟီးရီုးတွေအများကြီးပါဝင်ပါတယ်နော်။ ကိုယ်တွေရဲ့ဒေါက်တာအဆန်းကြီးကိုဖဲ့တာ ဖဲ့တာဆိုတာ။ File size…(1.28 GB) and (601.53 MB) Quality…1080p NF.WEBRip H264 FGT Format…mp4 Duration…1h 22min Subtitle….Myanmar Subtitle (Hardsub) Encoder…sithu Translator...Charm

IMDb - 7.4/10 Rotten - 91% နိုင်ငံတိုင်းမှာ ရုပ်ရှင်လောကတိုင်းမှာ ပေါကားဆိုတာရှိစမြဲပါ။ ပေါတဲ့ခံယူချက်ကတော့ တူကြမှာမဟုတ်ပါဘူး။ သရုပ်ဆောင်မကောင်းလို့၊ ဇာတ်အိမ်မကောင်းလို့၊ ကိုယ့်အနုပညာကို ပရိသတ်မြင်လာအောင်မချပြနိုင်လို့ပေါကားဖြစ်သွားကြတာတွေရှိသလို သူများနဲ့မတူအောင် ရိုက်ရာကနေ ပေါသွားတာမျိုး၊ ပိုက်ဆံရရင်ပြီးရော ပရိသတ်ကိုနားလည်ပါးရိုက်လုပ်နေတဲ့ ပေါကားတွေလဲ ဒုနဲ့ဒေးပါပဲ။ ဒီ Disaster Artist ဆိုတဲ့ရုပ်ရှင်ကားကတော့၂၀၀၃ ခုနှစ်မှာထွက်ရှိခဲ့တဲ့ ကမ္ဘာ့အဆိုးဆုံးရုပ်ရှင်၊ အပေါဆုံးရုပ်ရှင်ဆိုတဲ့ ဂုဏ်ပုဒ်တွေရယူထားနိုင်တဲ့ The Room ဇာတ်ကားရဲ့ပဲ့ကိုင်ရှင် Tommy Wiseau အကြောင်းကို ရိုက်ကူးပြထားတာပဲဖြစ်ပါတယ်။ ဘယ်ကလာတယ်၊ အသက်ဘယ်နှနှစ်လဲ၊ ဘယ်မှာမွေးတာလဲ၊ ပိုက်ဆံတွေဘယ်လိုရလာသလဲဆိုတဲ့ နောက်ကြောင်းရာဇဝင် ဘာဆိုဘာမှမသိရတဲ့ Tommy Wiseau နဲ့ သရုပ်ဆောင်ဖြစ်ရရင်၊ အောင်မြင်ရရင် ကျေနပ်ပါပြီဆိုတဲ့ Greg။ သူတို့နှစ်ယောက် လော့အိန်ဂျလိစ်ရဲ့လမ်းမထက်မှာ အိပ်မက်ကိုယ်စီမက်ခဲ့ကြတယ်။ တစ်ယောက်ကိုတစ်ယောက် အားပေးဖို့၊ ကိုယ့်အိပ်မက်ကို ဘယ်တော့မှလက်မလျှော့ဖို့ ကတိပေးခဲ့ကြတယ်။ ဟောလိဝုဒ်မှာ နေရာတစ်နေရာရလာဖို့ အမျိုးစုံကြိုးစားခဲ့ပေမယ့် ဟောလိဝုဒ်က သူတို့ကိုငြင်းပယ်လာတဲ့အခါ..... သူတို့နှစ်ယောက်မှာ ကမ္ဘာ့အဆိုးဆုံးရုပ်ရှင်တစ်ကားဖြစ်လာဖို့ ကမ္ဘာ့အကောင်းဆုံးအကြံတစ်ခုထွက်လာကြပါတယ်။ အဲ့ဒါကတော့ ကိုယ့်ပိုက်ဆံနဲ့ကိုယ် ရုပ်ရှင်တစ်ကားရိုက်ဖို့ပါတဲ့။ ပိုက်ဆံနဲ့လုပ်ချင်စိတ်ကလွဲပြီး ဘာဆို ဘာမှမသိနားမလည်ပေမယ့် Tommy Wiseau နဲ့ Greg တို့ The Room ရုပ်ရှင်ကို အခက်အခဲပေါင်းများစွာကြားထဲကနေ မရရအောင် ဖန်တီးကြပါတော့တယ်။ Shakespeare, Tennessee Williams တို့ခေတ်နောက်ပိုင်း အကောင်းဆုံးဒရမ်မာရုပ်ရှင်လို့တောင် ကြွေးကြော်ခဲ့တဲ့ Tommy Wiseau နဲ့ Greg တို့ ဒီရုပ်ရှင်ကို ဘယ်လိုဖန်တီးရိုက်ကူးခဲ့ကြသလဲ၊ ရုပ်ရှင်ပရိသတ်တွေကရော ဘယ်လိုထင်မြင်ကြသလဲ။ ဒါတွေကိုတော့ The Disaster Artist ရုပ်ရှင်ထဲမှာအဖြေပေးသွားပါလိမ့်မယ်။ ဒီရုပ်ရှင်ကိုတော့ Spiderman 1,2,3 , 127 Hours ဇာတ်ကားတွေနဲ့လူသိများတဲ့ James Franco က ဒါရိုက်တာအဖြစ်၊ Tommy Wiseau အဖြစ်ပါဝင်သရုပ်ဆောင်ထားပြီး Now You See Me ကားထဲက မင်းသားချောလဲဖြစ်၊ James Franco ရဲ့ ညီအရင်းလဲဖြစ်တဲ့ Dave Franco က Greg အဖြစ် ပါဝင်ထားပါတယ်။ ပေါလှပါတယ်ဆိုတဲ့ကားက ဘာကြောင့်များ အတ္ထုပတ္တိရုပ်ရှင်တစ်ကားအဖြစ် ပြန်ရိုက်ရလောက်အောင် အောင်မြင်သွားတာပါလဲ၊ The Disaster Artist ရုပ်ရှင်ထွက်လာအပြီးမှာ The Room ရုပ်ရှင်ကို လူတွေက ဘာကြောင့်သဘောကျသွားကြတာပါလဲ။ အဖြေကတော့ ရှင်းပါတယ်။ Tommy Wiseau ဟာ အနုပညာချစ်စိတ်အပြည့်အဝနဲ့ စိတ်ရောကိုယ်ပါနှစ်ပြီး ပေါကားတစ်ကားကို ရိုက်မှန်းမသိ ရိုက်ခဲ့တာပါ။ ဒါကို ဘယ်လောက်ပဲ ဆိုးဝါးတဲ့ရုပ်ရှင်လို့ပြောပြော Tommy Wiseau ရဲ့လက်ရာ The Room ရုပ်ရှင်ဟာ အခုခေတ် မင်းသား၊မင်းသမီးဗန်းပြပြီး အောက်လုံးတွေနဲ့ပြက်လုံးထုတ်နေ၊ ပရိသတ်ကို ကလိထိုးရယ်ခိုင်းပြီး ပိုက်ဆံညာယူနေတဲ့ရုပ်ရှင်ကားတွေထက်စာရင် အပုံကြီးသာပါတယ်။ The Disaster Artist ရုပ်ရှင်ဟာ ဒီအချက်ကို ကောင်းကောင်း မီးမောင်းထိုးပြသွားနိုင်ခဲ့ပါတယ်။ ယခုနှစ် အော်စကာ အကောင်းဆုံးရုပ်ရှင်ဆုအတွက်လဲ ဆန်ကာတင်စာရင်းမှာ ရွေးချယ်ခံထားရတဲ့ရုပ်ရှင်ကားဖြစ်ပြီး ဆုပေါင်းများစွာလဲ ဆွတ်ခူးထားပါတယ်။ အနုပညာပါတဲ့ရုပ်ရှင်နဲ့ ပိုက်ဆံရရုံရိုက်တဲ့ရုပ်ရှင်ရဲ့ ကွာခြားချက်ကို သိလာဖို့၊ပေါကားနွံနစ်နေတဲ့ ရုပ်ရှင်ချစ်ပရိသတ်တွေ ပေါတာနဲ့အနုပညာရူးသွပ်တာကို ခွဲခြားလာတတ်ဖို့၊ အသိပညာပေးနိုင်ဖို့ ဒီကားဟာ ကြည့်ကိုကြည့်သင့်တဲ့ကားတစ်ကားဖြစ်ပါတယ်။ မကြာခင်မှာလဲ CM က Tommy Wiseau ရဲ့ ကမ္ဘာ့အဆိုးဝါးဆုံးရုပ်ရှင် "The Room" ကို ဘာသာပြန်တင်ဆက်ပေးသွားမှာဖြစ်ပါတယ် (ဇာတ်လမ်းးအညွှန်းနဲ့ဘာသာပြန်သူက ကွီးအာကာဖြိုးပါ) File Size : (900 MB) Quality : WEB-DL 720p Running Time : 1hr 44min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.X264.AC3-EVO[EtHD] Translated by Arkar Phyo Encoded by Thanhtike Zaw

ကြမ်းတမ်းတဲ့အသုံးအနှုံးတွေနဲ့ ဇာတ်ဝင်ခန်းတွေပါဝင်တာကြောင့် အသက် ၁၈ နှစ်အောက် ကလေးတွေတော့ မကြည့်ရှုသင့်ပါဘူး။ 2010 ကထွက်ခဲ့တဲ့ HTTM ရဲ့အဆက်ကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ လု ဒေါ်ချန်တစ်ယောက်ပါတီပွဲပေးနေရင်း သေနတ်နဲ့အပစ်ခံလိုက်ရတာကြောင့် သူ့ရဲ့သားဖြစ်သူ ဂျေကော့၊ သူငယ်ချင်းဖြစ်သူ နစ်ခ် ဝက်ဘာတို့က လုကို ရေပူကန်ထဲခေါ်ပြီး အတိတ်ကိုပြန်သွားရင်း ဒီဖြစ်ရပ်ကြီးဖြစ်မလာအောင်တားဆီးဖို့လုပ်ကြပါတယ်။ ဖြစ်ချင်တော့ သူတို့ ရောက်သွားတာက အတိတ်ကာလမဟုတ်ပဲ အနာဂတ်ကာလကို ‌ဆယ်နှစ်တောင်ကြိုပြီးရောက်သွားတာပါ။ ဒီလိုနဲ့ ငရှုပ်သုံးယောက် လုကိုပစ်သွားတဲ့ သေနတ်သမားကို လူသတ်မှုမကျူးလွန်ခင်ရှာတွေ့နိုင်မှာလား၊ အနာဂတ်မှာရော ဘယ်လိုတွေပတ်ပြီး ရှုပ်ကြ၊ မွှေကြ၊ ပွေကြဦးမလဲ ဆိုတာကို ဆက်လက်ကြည့်ရှုလိုက်ကြပါဦးဗျ။ File size…(1.8 GB)/(1 GB) Quality….Webrip 1080p / 720p Format…mp4 Duration….01:33:00 Genre...Comedy Subtitle….Myanmar Subtitle (Hardsub) Encoder….Mr. Anderson Translated by TMTT

Krampus (2015) IMDb – 6.1/10 Rotten – 66% ခရစ္စမတ်နေ့အတွက် ဟော်ရာကားလေးပါ။ ခရစ္စမတ်နေ့မှာ ပျော်ရွှင်နေကြတဲ့သူတွေဟာ ဆန်တာကလော့စ်ကို မျှော်နေကြတယ်ဆိုရင် ခရစ္စမတ်နေ့မှာ စိတ်ပျက်ဒေါသထွက်နေတဲ့သူတွေအတွက် ဘယ်သူများ အလည်ရောက်လာမလဲ..... အနားယူရင်ကြောက်နိုင်ကြပါစေဗျာ။ Krampus ကားတွေများပေမယ့် အခြားကားတွေက rating နည်းလို့ ဒီ 6.1 ရထားတဲ့ ၂၀၁၅ ထွက်ကားကိုပဲ ရွေးချယ်တင်ပေးလိုက်ပါတယ်။ File Size      :   700 MB Format        :   mp4 Duration     :   1: 38: 00 Quality        :   Bluray rip 720p Translator   :   Bo Phway Encoder      :   Littleneo

Black Mass(2015)အညွှန်း (အလန်းစားကားမို့ 1080p5.1ch ပါပြုလုပ်ပေးထားပါတယ်....) IMDb...7.0,,,,Rottten...73% ဘော်စတွန်မှာနေတဲ့သူတွေဆိုရင် ဂျိမ်းစ်ဘော်လ်ဂျာကို မသိတဲ့လူမရှိဘူးတဲ့... သူဟာဘော်စတွန်မြို့တောင်ပိုင်းမှာ ကြီးပြင်းတယ် သူ့မှာ ဘီလီဆိုတဲ့ညီတစ်ယောက်ရှိတယ် သူ့ကို ဘော်စတွန်မြို့တောင်ပိုင်းက လူတွေတော်တော်များများချစ်ကြတယ် ဒါပေမဲ့ ဒီကောင်ကလူဆိုး လူမိုက် လူပေ လူတေ သူ့ဘဝရဲ့အရေးအကြီးဆုံး တန်ဖိုးအထားဆုံးက သစ္စာတရားပဲ ငယ်ငယ်တုန်းက ခင်ဗျားတို့တွေ ကိုယ့်ကို နာမည်ပြောင်လာခေါ်ရင် စိတ်ဆိုးရန်ဖြစ်တတ်ကြတယ်မလား.. .ပြောင်ကြီးတို့ ခေါလေးတို့... ဒီဘော်လ်ဂျာဆိုတဲ့ဘဲလည်း သူ့ကိုနာမည်ပြောင်လာခေါ်ရင် မကြိုက်ဘူး... ဒါပေမဲ့ သူက ရန်တော့မဖြစ်ဘူး... သတ်တာ... ဇာတ်ကားက အရမ်းကြမ်းပါတယ်..ကလေးသူငယ်နဲ့ သွေးသံရဲရဲကြောက်တတ်တဲ့သူတွေမကြည့်သင့်ပါဘူး.. ဖြစ်ရပ်မှန်ဇာတ်ကားဖြစ်တဲ့အပြင် Johnny Depp နဲ့ Benedict Cumberbatch အဓိကသရုပ်ဆောင်ထားလေတော့ ဒီကားကိုနင်းကန်ကြည့်သင့်ပါတယ်..စပွိုင်လာလုပ်လို့မကောင်းတဲ့ကားမျိုးမို့ ဒီလောက်ပဲပြောပါရစေ.... ဇာတ်ကားတစ်ကားလုံး အစကနေအဆုံးထိ ဘာတွေဖြစ်မလဲ စိုးတထိတ်ထိတ်နဲ့ ကြည့်ရတဲ့ကားမို့ လူမိုက်အကြမ်းစားကားတွေသဘောကျတဲ့သူတွေအဖို့လက်မလွှတ်သင့်ပါကြောင်း... File Size :(2.16GB)(1.04GB) Quality :Blu-Ray 1080p 5.1 CH, Blu-Ray 720p Format…mp4 Duration…02:02:00 Genre : Biography, Crime, Drama Subtitle : Myanmar Subtitle (Hard Sub) Translated by Paing Encoded by Phyo Pyae

They Came Together ( 2014) IMDB : 5.6 Rotten Tomatoes : 70% Genre : Romance / Comedy They Came Together (2014) ကတော့ ရိုးရိုးရှင်းရှင်း Romantic Comedy ဇာတ်ကားတွေကို အကုန်စုပြီး Parody ရိုက်ကူးထားတဲ့ ဇာတ်ကားတစ်ကား ဖြစ်ပါတယ်။ နာမည်ကြီး ဟာသသရုပ်ဆောင်တွေဖြစ်တဲ့ Paul Rudd နဲ့ Amy Poehler တို့က အဓိက ပါဝင်သရုပ်ဆောင်ထားပါတယ်။ ဇာတ်လမ်းအကျဉ်း Joel (Paul Rudd) က ကြီးမားတဲ့ ကော်ပိုရိတ်ကုမ္ပဏီကြီးတစ်ခုက အရာရှိတစ်ယောက်ဖြစ်ပြီး၊ သူတို့ကုမ္ပဏီက Molly ပိုင်ဆိုင်တဲ့ သေးငယ်ချစ်စရာကောင်းတဲ့ သကြားလုံးဆိုင်လေးကို ပိတ်ပစ်ဖို့ ခြိမ်းခြောက်လာပါတယ်။ ရုပ်ရှင်တွေထဲက ထုံးစံအတိုင်း အစပိုင်းမှာ တစ်ယောက်နဲ့တစ်ယောက် ကြည့်မရဖြစ်ကြပေမယ့် နောက်ပိုင်းမှာ ချစ်ကြိုက်သွားကြတဲ့ ဇာတ်လမ်းသွားကိုပဲ တမင်ကို ရယ်စရာဖြစ်အောင် အလွဲလွဲအချော်ချော်တွေနဲ့ ရိုက်ပြထားတာမလို့ ခံစားကြည့်လိုက်ကြပါ။ File size…    1.8 GB / 700 MB Quality… WEB-DL 1080p / 720p Format… mp4 Duration…. 1h 42m Genre ..... Romance, Comedy Subtitle…. Myanmar Subtitle (Hard Sub)

ဝေါ်လ်တာမစ်တီဟာ အသက် ၄၁ နှစ်အရွယ် လခစားဝန်ထမ်းတစ်ယောက်ပါ။ ဆယ်ကျော်သက်အရွယ်ကတည်းက ဖခင်ကွယ်လွန်ခဲ့လို့ အမေအိုနဲ့ ညီမအတွက် အစ်ကိုကြီးအဖအရာ တာဝန်ယူပြီး ရုန်းကန်လာခဲ့ရတယ်။ မချမ်းသာပေမယ့် ရတဲ့ငွေကို စနစ်တကျသုံးရင်း အလုပ်သွား၊ အလုပ်ပြန်နဲ့ ရိုးရိုးအေးအေး နေလာခဲ့သူပါ။ ငယ်စဉ်က စိတ်ကူးယဉ်ခဲ့တဲ့ အိပ်မက်တွေနဲ့ စွန့်စားချင်စိတ်တွေကလည်း နေ့စဉ်ဘဝထဲမှာ တဖြည်းဖြည်း မှေးမှိန်လာခဲ့ပါတယ်။ သူက Life မဂ္ဂဇင်းရဲ့ ဓာတ်ပုံဌာနမှာ နဂ္ဂတစ်ဖလင်တွေ သိမ်းဆည်းတဲ့ဌာနကို စီမံခန့်ခွဲနေရသူပါ။ မဂ္ဂဇင်းမှာသုံးမယ့် ဓာတ်ပုံတွေက သူ့ဌာနက ဖလင်တွေကို ဓာတ်ပုံအဖြစ် ပြောင်းပြီးမှ အသုံးပြုရတာဖြစ်ပါတယ်။ သူစိတ်ဝင်စားနေတဲ့ အမျိုးသမီးကလည်း လွန်ခဲ့တဲ့ တစ်လလောက်ကမှ Life မဂ္ဂဇင်းမှာ အလုပ်ဝင်လာတဲ့ ဝန်ထမ်းတစ်ယောက်ပါ။ မွေးနေ့ရောက်လာတော့ ဝေါ်လ်တာအတွက် သတင်းကောင်းတွေ ရောက်မလာခဲ့ဘူး။ အခုတစ်ကြိမ်ဟာ မဂ္ဂဇင်းရဲ့ နောက်ဆုံးထုတ်ဝေမှုဖြစ်တော့မယ်ဆိုတဲ့ သတင်းကြောင့် ဝန်ထမ်းတွေအားလုံး အံ့အားသင့်သွားကြတယ်။ အဲဒီကြားထဲ သူ့ဌာနမှာလည်း အရေးကြီးတဲ့ ပြဿနာတစ်ခု ပေါ်လာပါတယ်။ တစ်ကိုယ်တော် စွန့်စားခရီးထွက်ရင်း ဓာတ်ပုံရိုက်လေ့ရှိတဲ့ ရှောင်အိုကွန်နယ်က ဖလင် ၂၅ ကွက်နဲ့အတူ ဝေါ်လ်တာအတွက် မွေးနေ့လက်ဆောင် ပိုက်ဆံအိတ်တစ်လုံး ပို့လိုက်တယ်။ ဒါပေမယ့် ပို့လာတဲ့ဖလင်တွေထဲမှာ နံပါတ် ၂၅ က ပါမလာဘူး။ အခက်တွေ့စရာက နောက်ဆုံးထုတ်မဂ္ဂဇင်းရဲ့ မျက်နှာဖုံးအတွက် အဲဒီဖလင်နံပါတ် ၂၅ ကိုပဲ သုံးဖို့ ရှောင်က မှာထားတာပါ။ ဝေါ်လ်တာအနေနဲ့ ရှောင့်ကို အမြန်ဆုံး ဆက်သွယ်မေးမြန်းဖို့ လိုလာပေမယ့် ဒီဓာတ်ပုံဆရာက မိုဘိုင်းဖုန်း၊ အီးမေးလ်နဲ့ လူမှုကွန်ရက်အကောင့် ဘာတစ်ခုမှ မသုံးဘူး။ မရှိမဖြစ်လိုနေတဲ့ ဖလင်ကို ရဖို့ ဘယ်ကနေစပြီး ရှောင့်ကို ရှာရမလဲဆိုတဲ့ ပြဿနာနဲ့ ဝေါ်လ်တာ ရင်ဆိုင်ရပါတော့တယ်။ ဒီဇာတ်ကားကို Ben Stiller ကိုယ်တိုင် ရိုက်ကူးသရုပ်ဆောင်ထားပါတယ်။ ဟာသစာရေးဆရာနဲ့ ကာတွန်းဆရာ James Thurber ရဲ့ ၁၉၃၉ ခုနှစ်က နာမည်ကြီးဝတ္ထုတို The Secret Life of Walter Mitty ကို အခြေခံထားပြီး ဒီဝတ္ထုကို ၁၉၄၇ ခုနှစ်မှာလည်း အမည်တူရုပ်ရှင်အဖြစ် ရိုက်ကူးခဲ့ဖူးပါတယ်။ နေ့စဉ်ရုန်းကန်နေထိုင်ရတဲ့ဘဝ၊ ရုပ်ဝတ္ထုပစ္စည်းတွေရဲ့ အရေးပါမှု၊ သဘာဝအလှနဲ့ စိတ်ဓာတ်ခွန်အားတို့ကို ပြန်စဉ်းစားမိစေတဲ့ အကြောင်းအရာတွေ ပါဝင်ပါတယ်။

ရီဂန်၊ ဂျန်နာနဲ့ ကေတီတို့ဟာ ငယ်သူငယ်ချင်း ဘက်ကီရဲ့ မင်္ဂလာပွဲမှာ သတို့သမီးအရံ လုပ်ပေးကြရမှာပါ။ ဒါပေမယ့် မင်္ဂလာပွဲမတိုင်ခင်ည ပါတီမှာ သုံးယောက်သား ပျော်ပါးသောင်းကျန်းလွန်သွားရင်း သတို့သမီးရဲ့ မင်္ဂလာဝတ်စုံကို ပြဲသွားစေမိကြတယ်။ မင်္ဂလာပွဲကလည်း နောက်နေ့ဆိုတော့ ဝတ်စုံအသစ်တစ်စုံကို ညတွင်းချင်း စီစဉ်ပေးဖို့ လုံးပန်းကြရပါတော့တယ်။ သူတို့အစီအစဉ် အဆင်ပြေမလား၊ ထပ်ပြီး ဘယ်လိုကမောက်ကမတွေ ဖြစ်ကြဦးမလဲဆိုတာကနေ ဟာသတွေ ဆက်ဖြစ်လာတာပါ။ Hang Over နဲ့ ဇာတ်လမ်းသွား ခပ်ဆင်ဆင်ရှိတဲ့ ဒီအမေရိကန်ဟာသဇာတ်ကားမှာ ရီဂန်အဖြစ် Kristen Dunst၊ ဂျန်နာအဖြစ် Lizzy Caplan၊ ကေတီအဖြစ် Isla Fisher နဲ့ ဘက်ကီအဖြစ် Rebel Wilson တို့ ပါဝင်သရုပ်ဆောင်ထားပါတယ်။

နွေပူပူနဲ့ ကြည့်လို့ကောင်းမဲ့ကားလေး နောက်တစ်ကား တင်ဆက်ပေးလိုက်ရပါတယ်။ ဒီကားလေးကတော့ ၂၀၁၀ မှာထွက်ထားတာဖြစ်ပြီး သွေးသံရဲရဲခန်းတွေ ရှယ်ပလန်နဲ့ပါတဲ့ သဲထိတ်ရင်ဖိုကားလေးပါ။ ဂျိတ်ခ်နဲ့ဂျူလီဟာ သားအမိတွေဖြစ်ပြီး ဂျူလီကတော့ ရေကန်ရဲ့ရဲမှူးပါ။ နွေရာသီပိတ်ရက်ကြောင့် လူပြည့်လာတဲ့ ဗစ်တိုးရီးယားရေကန်ကြိးကြောငိ့ အလုပ်များလာတဲ့ဂျူလီဟာ သားနဲ့သမီးအငယ်နှစ်ယောက်ကိုထိန်းဖို့ သားကြီးဖြစ်တဲ့ ဂျိတ်ခ်ကို တာဝန်ပေးလိုက်ပါတော့တယ်။ ဂျိတ်ခ်ခဗျာလည်း သားအကြီးပီသစွာနဲ့ နှစ်တိုင်းကလေးထိန်းနေရာကနေ ဒီနှစ်မှာတော့ ရေကန်လမ်းပြအလုပ်နဲ့ လည်ပတ်ဖို့ရာဖြစ်လာပါတော့တယ်။ လူတွေအပြည့်နဲ့ကြက်ပျံမကျစည်ကားနေတဲ့ ဗစ်တိုးရီးယားရေကန်ကြီးကတော့ မြေငလျင်ကြောင့် မြေအောက်ရေကန်နဲ့ လမ်းကြောင်းပွင့်သွားပြီး အသားစားငါးတွေထွက်လာတာကို ဘယ်သူမှ မသိခဲ့ပါဘူး။ ဒီလိုနဲ့ အလုပ်များနေတဲ့ ရဲမှူးမေမေနဲ့ အမေကျောခိုင်းတာနဲ့ လုပ်ချင်သလိုခိုးလုပ်ကြတဲ့ ‌ ကလေးတွေရယ်၊ အသားစားငါးတွေပြည့်နေတဲ့ ရေကန်ကြီးနဲ့ အပျော်ကြူးနေကြတဲ့ လူအုပ်ရယ် ...။ သွေးသံတရဲရဲနဲ့ အသည်းတယားယားကြည့်ရမဲ့ကားလေးမို့ ဘာသာပြန်တင်ဆက်ပေးလိုက်ရပါတယ်နော်။ File size…      1.4 GB /   578 MB Quality… BluRay 1080p / 720p Format… mp4 Duration…. 1h 28m Genre ..... Comedy/Thriller Subtitle…. Myanmar Subtitle (Hard Sub) Encoder…. Thit San Khant Translated by  Aditi

သာမန်ချိန်မှာဆိုရင် ယောင်္ကျားလေးကပဲ ချစ်သူရည်းစားမိန်းကလေးကို လက်ထပ်ခွင့်တောင်းကြပေမယ့် Leap Year ရက်ထပ်နှစ်ရဲ့ Feb 29 ရက်နေ့မှာဆိုရင်တော့ မိန်းကလေးတွေက ကိုယ်ချစ်တဲ့သူကို လက်ထပ်ခွင့်တောင်းလို့ရတဲ့အစဉ်အလာရှိပါတယ်။ ဒီအကြောင်းကိုအခြေခံရိုက်ကူးထားတဲ့ မင်းသမီး Amy Adams နဲ့ မင်းသား Matthew Goode တို့ရဲ့ Romance Comedy ရုပ်ရှင်လေး Leap Year (2010) ကိုခံစားကြည့်ရှုကြပါဦး။ IMDb (6.4/10) ထိ ရရှိထားပြီး ဒီနေ့လို့ ဖေဖော်ဝါရီ ၂၉ ရက်နေ့မှာ သေချာပေါက်ကြည့်သင့်ပါတယ်။ အောက်မှာတော့ Ye Hut Khoung Wordpress ကကူးယူလာတဲ့ ရုပ်ရှင်ခံစားမှုဆောင်းပါလေး ရှိပြီးတော့ စပွိုင်လာတချို့ပါနိုင်ပါတယ်။ +++++++++++++++++++++++ LEAP YEAR (2010) ◾ ဘော့စတွန် မြို့ကကောင်မလေးတစ်ယောက်။အိမ်ခြံမြေ အလုပ်မှာ အတော်လေး နေရာရပီး ဝင်ငွေ ကောင်းပြီး အလုပ်အကိုင် လည်း အရမ်းအဆင်ပြေနေတဲ့ မိန်းကလေး။ သူက ဖော်ရွေပြီး ချစ်စရာကောင်းတယ်။ သတ္တိလည်းရှိသလို တဇွတ်ထိုးလည်း လုပ်တတ်တယ်။ ဒါပေမယ့် စိတ်ကောင်းရှိတယ်။ ◾ အိုင်ယာလန်ကို လေယဉ်နဲ့ ခရီးထွက်လာတယ်။ ခရီးဆောင်အိတ်‌ တွေနဲ့ပေါ့။ အိုင်ယာလန်မှာလည်း သူ့သူငယ်ချင်းမင်္ဂလာဆောင် ရှိတယ်။ ဖိတ်လည်းထားတယ်။ ပြီးတော့ သူ့ချစ်သူကလည်း နှလုံးအထူးကု ဆရာဝန်။ အိုင်ယာလန်က ဒပ်ဗလင်မြို့မှာ ဆေးပညာ ညီလာခံ တစ်ခုတက်ဖို့ရှိနေတယ်။သူ့ချစ်သူနဲ့လည်း တွေ့ဖို့ ရှိတယ်။ အခုလာတာလည်း သူ့အတွက်ပဲ ။ချစ်ကြိုက်ကြတာ လေးနှစ်ရှိနေပြီလေ။ အခုအချိန်ထိ Proposal မလုပ်သေးဘူး။ လက်ထပ်ခွင့်မတောင်းသေးဘူး။အဲဒီတော့ စိတ်တိုချင်စရာကြီးပေါ့။ အလုပ်ကို ပဲ တစ်ချိန်လုံးအာရုံစိုက်နေသူကြီးကို သူကပဲ စပြီး လက်ထပ်ဖို့ ကမ်းလှမ်းလိုက်တော့မယ်။ဒါပေမယ့် ဒီနိုင်ငံရဲ့ ထူးခြားပြီး မိန်းကလေးတွေ ရဲ့ အခွင့်အရေးဖြစ်ပြီး ငြင်းပယ်ရခက်၊ရိုမက်တစ်လည်းဆန်အောင် ရက်ထပ်ရက် ဖြစ်တဲ့ ဖေဖော်ဝါရီ ၂၉မှာ ဆောင်ရွက်ဖို့ ‌လျှို့ဝှက် အစီအစဉ်ရေးဆွဲထားပါတယ်။ ◾ လေမုန်တိုင်းကြောင့် လေယာဉ် အရေးပေါ် ပြောင်းလည်း ဆင်းသက်ရပီး ဝေလ(Wales) ပြည်ကို ရောက်သွားရပါတယ်။ အဲဒီကနေ ဘုတ်ငှားပြီး ဒန်ဂယ်လို့ခေါ်တဲ့ တံငါရွာ တစ်ရွာကို ရောက်သွားပါတော့တယ်။အခက်အခဲတွေ ကြုံရတယ်။ ခရီးသွားလုပ်ငန်းတစ်ခုက ကားနဲ့ ဒပ်ဗလင်ကို မောင်းပို့ပေးဖို့ စတာလင်ပေါင် ၅၀၀ နဲ့ သဘောတူခဲ့တယ်။ သူက ပို့ချင်တာမဟုတ်ဘဲ ကောင်မလေးက အတင်းအကြပ် သဘော တောင်းဆိုခဲ့တာဖြစ်ပါတယ်။ကောင်မလေး ဒပ်ဗလင်ထိရောက်ဖို့ ကောင်လေးမှာတာဝန်ရှိသွားပြီ။ ◾ လမ်းမှာ နွားအုပ်ကြီးနဲ့တွေ့တယ်။ကားက သွားမရတော့ဘူး။ နွားတွေက ပိတ်ဆို့နေတယ်။ ကောင်မလေးက ဆင်းမောင်းတယ်။ အကောင်းစားဖိနပ်မှာ နွားချေးတွေပေတယ်။ ကားပျက်တော့ တွန်းရင်း ကောင်လေးမောင်းလာတဲ့ကားလည်း ‌စမ်းချောင်းရေထဲထိုးကျသွားတယ်။ကောင်လေးစိတ်ညစ်သွားတယ်။ ခရီးဆောင်အိတ်တွေ ဆွဲပြီး လမ်း‌ေလျာက်ထွက်လာတယ်။မြို့ကြီးသူ၊ ကိန်းခန်းကြီးပြီး စမတ်ကျကျနဲ့ လှချင်နေတဲ့ ‌မိန်းကလေးနဲ့ ရိုးရိုးရှင်းရှင်း ကျေးလက်က လူငယ်တစ်ယောက်တို့ရဲ့ ခရီးလမ်း အဆင်မပြေမှုတွေကိုလည်း ရယ်စရာလေးတွေ အဖြစ် မြင်တွေ့ရပါတယ်။‌ ကောင်မလေးက ဇီဇာကြောင်သလောက်၊စိတ်မြန်သလောက် ကောင်လေးက အေးအေးဆေးဆေး၊မ ထုံ တက်တေး။လမ်းမှာ လမ်းကြုံအဖြစ် ဗင်ကားတစ်စီး ကို တားပြီး အကူအညီတောင်းတယ်။ကောင်လေးက အဲလူတွေ မယုံရဘူးလို့ ကျိတ်ပြောပြီး တားဆီးသေးတယ်။ မရဘူး။အိတ်တွေ တင်အပြီး လူတွေ မတက်ရသေးခင်မှာ ကားက ထွက်ပြေးမောင်းသွားတယ်။ အိတ်တွေ အလုခံလိုက်ရ‌ေတာ့ ကောင်မလေး အတော်စိတ်ညစ်သွားတယ်။ဒါပေမယ့် လမ်း ဘေးအရက်ဆိုင် တစ်ဆိုင်မှာ လူဆိုးတွေဆီကနေ ရအောင် ရဲရဲဝံ့ဝံ့တိုက်ခိုက်ပြီး ပြန်လုပ်ပေးရှာပါတယ်။ ◾ သူတို့ရထားနဲ့ ဆက်သွားဖို့ ရထားအလာကိုစောင့်ကြပါတယ်။ အချိန်က လိုသေးတာကြောင့် အနီးအနားတောင်ကုန်းပေါ်က ရှေးဟောင်းဘုရားကျောင်း ကိုတက်ကြည့်ကြပါတယ်။ အဲဒီမှာ ဒဏ္ဍာရီလာ ဇာတ်လမ်းတစ်ပုဒ်၊ဒဿနတစ်ပုဒ်ကို ကောင်လေးကပြောပြပါတယ်။ အသက်ကြီးတဲ့ ယောက်ကျားတစ်ယောက်ကိုလက်ထပ်ထားတဲ့ မချစ်မနှစ်သက်ပဲနေရတဲ့ ရှေးခေတ်ကကောင်မလေး အကြောင်းပါ။ မီးလောင်တဲ့ အချိန်မှာ စက္ကန့်၆၀လောက် ရတဲ့ အချိန်အတွင်းမှာ လူတွေ ဘာလုပ်ကြသလဲဆိုတဲ့ ဒဿန လည်း ပြောပြဖြစ်ပါတယ် ။‌ ကုန်းမြင့်ပေါ်ကရှေးဘုရားကျောင်း ရဲ့ ဇာတ်ဝင်ရှုခင်းတွေက အတော်ကြည့်ကောင်းပါတယ်။ ရုတ်တရက် မိုးတွေ ရွာချပြီး တောင်ကုန်းက ပြေးအဆင်းမှာ ဒလိမ့်ခေါက်ကွေး ကျပြီး ရွှံ့တွေ ဗွက်တွေ အလူးလူးနဲ့ ဖြစ်ရပါတယ်။ရထားနဲ့လည်း လွဲသွားခဲ့ရပြန်တယ်။ ◾ တည်းခိုခန်းကလည်း အခက်အခဲ ရှိ၊ရှေးရိုးစွဲ ကွန်ဆာဗေးတစ် လူတွေလည်း အများစု နေထိုင်ကြတဲ့ ဒေသမို့ တည်းရေးခိုရေး အတွက် အဆင်မပြေလှဘူး။ သူတို့ဟာ လင်မယား ယောင်ဟန်ဆောင်ပြိး တည်းခိုခဲ့ကြရပါသေးတယ်။ကောင်မလေး ကြောင့် ရှောခ် ဖြစ်မီးပျက်သွားတော့ ကောင်လေး ချက်တာ ပြုတ်တာတွေကို စားလိုက်ရတယ်။ ကောင်လေးက စာဖိုမှုး တစ်ယောက်လည်းဖြစ်တယ် လေ။ အဲဒီညက ဒေသခံ မိသားစုရဲ့ မိတ် ဆုံစားပွဲလေး တက်ဖြစ်ကြတယ်။ အယအစာ မစားခင် လင်မယားချင်း စုံတွဲ လိုက် အကြင်နာ ပေးတော့ သုတို့လည်း အတော် အကြပ်တွေ့ပြီး လိုက်လုပ်လိုက်ရပါတယ်။အဲဒီညက သူတို့ဟာ ကုတင်တစ်လုံးထဲပေါ်မှာ ကန့်ပြီးအိပ်ခဲ့ကြရတယ်။ သူတို့ဟာ တစ်ခုခုကို ခံစားခဲ့ကြရတာ ကိုယ်စီ သိပေမယ့် ဘယ်သူကမှ ဝန်မခံခဲ့ကြပါဘူး။ သန့်သန့်ရှင်းရှင်းပဲ ဆက်ဆံကြတယ်ဆိုပါတော့။ ◾ သူ့သူငယ်ချင်းမင်္ဂလာဆောင်ပွဲ ကိုတက်ဖြစ်တယ်။ ဝိုင်တွေ သောက်လိုက်တာ များသွားတယ်။ အဲဒီည က လူတွေ ကကြ ခုန်ကြ၊သောက်ကြစားကြ ပေါ့။ ကောင်မလေး အန်တယ် ။အမူးလွန်တယ်။မူးမူးနဲ့ ကောင်လေးကို ရစ်တယ်။ ကောင်လေးက အပြစ်မပြောဘူး။သည်းခံရှာတယ်။ အမှားမလုပ်မိအောင်ကူညီ ထိန်းပေးတယ် ။ ◾အဲဒီည က ပွဲ ပြီးတော့ သူ့ရည်းစားဆီ သွားမယ့် ကားစောင့်ရင်းအပြင်ဘက်ခုံတန်းလျားမှာ နှစ်ယောက်ထိုင်စောင့်ရင်း အိပ်ပျော်သွားတယ်။ ကောင်လေးရဲ့ ပေါင်ပေါ်မှာ အိပ်ပျော်သွားတယ်။ ကောင်လေးက ဘာအခွင့်အရေးမှ မယူဘူး။ မိုးလင်းသွားတယ်။ နိုးတော့ ကောင်လေးမရှိတော့ဘူး။ သူတစ်ယောက်ပဲ ကျန်တော့တယ်။ ရင်ထဲ ဟာတာတာ လိုဖြစ်သွားတယ်။ သူသိပ်ဆိုးသွားမိတာလား။ သူ့ကို စိတ်ပျက်သွားတာလား။ အခုတော့ ကားမှတ်တိုင်မှာ တစ်ယောက်တည်း။ သူမရှိမှ လွမ်းသလိုလိုခံစားရတယ်။ သူ့ကို ဖြူစင်စွာ စောင့်ရှောက်ပေးခဲ့တဲ့ လူငယ်ကို သတိယနေမိတယ်။ နောက်ကနေ လှမ်းနုတ်ဆက်တယ်။ ကောင်လေးပြန်လာပြီ။ လက်ထဲမှာ ပူပူနွေးနွေး ချောကလက် ကော်ဖီ နှစ်ခွက်ကိုင်ထားတယ်။ မင်း ဆာ‌ နေမှာစိုးလို့ သွားဝယ်တာ လို့ပြောတယ်။ ကောင်မလေး ပျော်သွားတယ်။ သူ့အထင်နဲ့သူ အတွေးချော်နေမိတာကိုလည်း ရှက်မိတယ်။ ◾ အတိုချုပ်လိုက်ရအောင်။ ကောင်မလေး ရည်းစား ရှိတဲ့ ဟိုတယ်ကို ရောက်သွားကြပြီ။သုံးပွင့်ဆိုင် တွေ့ကြတယ်။ ကောင်မလေးက သူ့ရည်းစားကိုမိတ်ဆက်ပေးတယ်။ ဒါ ဒီမြို့က သူ့ကို ကူညီ ခဲ့တဲ့ သူပါပေါ့။ သူ့ရည်းစားက အလုပ်အကိုင်ကောင်းတယ်။ ခန့်တယ်။ အလုပ်ကို အလေးနက်ထားတယ်။ ငွေရေးကြေးရေး အဆင်ပြေတယ်။ ဘာမဆို တိတိကျကျ လုပ်တယ်။ ထက်မြက်တယ်။ နေတာထိုင်တာ သပ်ရပ်တယ်။ အခု သူ့ရည်းစားက ကောင်လေးကို အလုပ်ဘာလုပ်လဲလို့ဆိုပြီး မေးတယ်။ ကောင်မလေးက မမေးဖို့ နဲ့ မကြိုက်ကြောင်းအမူအယာပြတယ်။ သိမ်ငယ်သွားမှာစိုးတဲ့ သဘောပါ။ ကောင်လေးက ပြန်ဖြေတယ်။ သူက အကြော်ဆရာပါ။စားဖိုမှုးပါပေါ့။ နုတ်ဆက်နေကြရင်းနဲ့ ပြောပြောဆိုဆို စပရိုက် လုပ်လိုက်တယ်။ ‌သူ့ရည်းစားက ရုတ်တရက် ထိုင်ချလိုက်ပြီး Will you marry me လို့ ပြောလိုက်တယ်။ဟော်တယ်ရဲ့ လော်ဘီ အခန်းမှာကိုပဲ စပရိုက် လုပ်ချလိုက်တယ်။ ကောင်မလေး အရမ်း အံ့အားသင့်သွားတယ်။ ဝမ်းလည်းသာ သွားတယ်။ ဖြတ်ကနဲ သတိယလို့ ကောင်လေးကို ကြည့်တော့ မရှိတော့ဘူး။ အခန်းအပြင်ဘက် မှာ တံခါးကို ကျောခိုင်းပြီး ရှောင်ပေးတာ တွေ့လိုက်ရတယ်။ ကောင်မလေး လက်ခံလိုက်တယ်။ ◾ ဒါပေမယ့် နောက်ရက်မှာ ကောင်မလေး ဝေဒနာ စပြီ။ ဘော်စတွန်ကို ပြန်လာခဲ့ရပေမယ့် စိတ်က မတင်မကျဖြစ်နေတယ်။ သုကောင် လေးကို အခုထိ ဘာလို့ သတိယနေသေးတာလဲပေါ့။ ခရီးသွားဟန်လွဲ တွေ့ခဲ့ကြတာပဲလေ။ စသဖြင့် စိတ်တင်းထားပေမယ့်မရဘူး။ စေ့စပ်မယ့်နေရောက်ပီ။ ကောင်မလေး စက္ကန့် ခြောက်ဆယ် သဘောတရားကို စမ်းသပ်လိုက်တယ်။ မီးလောင်တဲ့ အချက် ပေးခေါင်းလောင်းကို နိုပ်လိုက်ပြီး သူ့ရည်းစားဘာလုပ်မလဲစောင့်ကြည့်တယ်။ သူ့ရည်းစားက သူမြတ်နိုးတဲ့ နာရီ၊ဖုန်း၊တက်ပလက်၊လက်ပ်တော့ကွန်ပျူတာ တွေကိုပဲ သိမ်းနေတာ မြင်လိုက်ရတယ်။ သူ့ကို သတိမရဘူး။ ကောင်မလေးဆုံးဖြတ်လိုက်တယ်။ ငွေတွေ ရှိပေမယ့်၊တိုက်တာတွေနဲ့ နေနေရပေမယ့် ငါ့ဘဝက ဘာမှ မထူးဘူး။ သူလိုချင်တဲ့ အရာတွေ သူ့ဆီမှာ မရှိဘူးဆိုတာ သိလိုက်ရတယ်။ ဟုတ်ပြီ ဒါဆိုရင် ဘယ်သူ့ဆီမှာရှိလဲ ။ ◾ ကောင်မလေး ဘော်စတွန်ကနေ ကောင်လေးရှိရာ ဒန်ဂယ်ကို ထွက်လာခဲ့ပါတယ်။ ကောင်လေးက အကြော်ဆရာ လုပ်နေတယ်။ ကောင်လေး ရဲ့ ဆိုင်ကို လာပြီး ဟင်းလျာတစ်ပွဲမှာစားလိုက်တယ်။ ပြီးတော့ မကောင်းဘူး ပြင်ပေးပါဆိုပြီး ဝိတ်တာက တစ်ဆင့် အကြော်ဆရာကို သတင်းပါးခိုင်းတယ်။ အကြော်ဆရာ ထွက်လာတယ်။ ဟင်းပွဲကို ကိုင်ပြီး ဘယ်သူပြင်ခိုင်းတာပါလဲ လို့ စားသောက်သူတွေ ကြားထဲ ကို ဟိုဟိုဒီဒီ ရှာဖွေရင်း မေးလိုက်တယ်။ “Me” ကျွန်မပါပဲ လို့ ဆိုပြီး ကောင်မလေး ထလာတယ်။ သူ့ဆီတစ်လှမ်းချင်းလျောက်လာတယ်။ ကောင်လေးက တစ်ခွန်း ရေရွတ်တယ်။” What the hell are you doing here ” မင်းဒီကို ဘာလာလုပ်တာလဲ တဲ့။ ခပ်မာမာ လေသံမျိုးဖြစ်နေတယ်။ လူတွေ ဟာ တစ်ခါတစ်လေမှာ သူမြတ်နိုးတာ တစ်ခုခု ကို ဆုံးရှုံးခံခဲ့ရဖူးတဲ့ အခါ၊လက်လွတ်လိုက်ရတဲ့ အခါ နှလုံးသားတွေ မက လေသံတွေပါ မာကြောသွားတတ်ကြတာမျိုးလည်းရှိတယ်လေ။ ◾ ကောင်မလေးက သူပြန်လာတာဖြစ်ကြောင်း၊ စက္ကန့်ခြောက်ဆယ် စမ်းသပ်မှုမှာ သူအဖြေကိုသိသွားပြီဖြစ်ကြောင်း၊ သူ့ရည်းစားကို အဆက်ဖြတ်ခဲ့ပြီး သူနဲ့ လက်တွဲဖို့အကြောင်း ၊ သဘာဝပါတ်ဝန်းကျင်ဆိုင်ရာ ထိမ်းသိမ်းရေး သူလည်းပါဝင်လုပ်ဆောင်ကူညီလိုတဲ့အကြောင်း ၊သူနဲ့ လက်တွဲ လိုတဲ့အကြောင်းတွေ ပြောပြလိုက်တယ်။ ကောင်မလေးမျက် လုံးတွေက အရောင်တလက်လက်တောက်နေတာတွေ့ရတယ်။ဇာတ်ကားတစ်ခုလုံးမှာ အဲဒီ အခန်းမှာ မျက်ဝန်းက အရည်အလဲ့ဆုံးပါပဲ။ဒါ‌ ပေမယ့်ကောင်လေး လက်မခံခဲ့ဘူး။ မယုံကြည်တဲ့ပုံစံ ပြုံးပြီး နဲ့ လှည့်ထွက်သွားတယ်။ ကောင်မလေး ဂွမ်းပြီပေါ့။ စားသောက်ဆိုင်ထဲက ပြေးထွက်တယ်။ ပင်လယ်ကမ်းစပ်က ချောက်ကမ်းပါးစွန်းကို တစ်ယောက်တည်းထွက်ပြေးလာခဲ့ပြီး ချောက် ထိပ်မှာ ရပ်ပြီး ပင်လယ်ကြီးကို ကြည့်နေတယ်။ မျက်ရည်တွေက စီးကျလျက်ပေါ့။ သူ့ဘဝဟာ အဓိပ္ပါယ်မရှိတော့သလို ခံစားလိုက်ကတယ်။ ◾ သိပ်မကြာခင်မှာပဲ လူ‌တစ်ယောက် က သူ့ကို နောက်ကနေ လှမ်းခေါ်နုတ်ဆက် တယ်။ လှည့်ကြည့်တော့ ကောင်လေးဖြစ်နေတယ်။ ကျွန်မကို ဘာလို့ငြင်းပယ်လိုက်တာလဲ လို့ မေးတော့ ဘယ်မှာငြင်းလို့လဲတဲ့။ရှင်ထွက်သွားတယ်လေဆိုတော့ သူ့မှာ အစီအစဉ်ရှိလို့ပါ၊လက်စွပ်သွားယူတာပါ ဆိုပြီး ကောင်လေးက ဒူးထောက်ထိုင်ချလိုက်တယ်။Will you marry me ?လို့ ပရိုပိုဆယ် လုပ်တယ်။ လက်ထပ်ခွင့်တောင်းတယ်။ ကောင်မလေး ပျော်ရပြီလေ။ သူအလွန်ချစ်တဲ့၊သူ့ကိုပဲ သတိယနေမိတဲ့၊သူလိုချင်တဲ့ အရာတွေ အကုန်ရှိနေတဲ့ ကောင်လေး သူ့ကို ပစ်မထားပဲ လက်ထပ်ခွင့်လာတောင်းနေပြီလေ။ ◾ ဇာတ်သိမ်းက ပျော်စရာ ကြီးပေါ့။ ရိုက်ချက်လေးတွေ လည်း အတော်လှပါတယ်။ လူငယ်ဆန်ဆန် သရုပ်ဆောင်ချက်လေးတွေ က သဘာဝ ကျပြီးပီပြင်ပါတယ်။ ကောင်လေးကလည်း ပုသိုင်းမွေးနဲ့ ဆိုပေမယ့် အရပ်ရှည်ပြီး ကြင်နာတတ်တဲ့ မျက်လုံးရှိတယ်။ ကောင်မလေးနေရာက သရုပ်ဆောင်တဲ့ Amy Adams မျက်လုံး ကတော့ ပြောစရာတောင်မလိုတော့ဘူးထင်ပါတယ်။ ◾ ကျွန်တော် ထည့်မရေးမိတဲ့အထဲမှာ ကောင်လေးက စေ့စပ်ထားဖူးတယ်။သူ့ရည်းစားက နောက်ယောက်ကျားယူသွားပြီး လက်ထပ်မယ့်အစီအစဉ် ပျက်သွားလို့ သူ့လက်ထပ်လက်စွပ်ကို ပြန်တောင်းတယ်။ သူ့အမေ ရဲ့ အမွေ လေ။ ဒီလက်စွပ် ရ ရင် ရောင်းပြီး ဒန်ဂယ်မြို့ရဲ့ လိုအပ်နေတဲ့ သဘာဝ ပါတ်ဝန်းကျင် ထိန်းသိမ်းရေးတွေမှာ လှူဒါန်းမယ်လို့ပြောတာတွေ ပါတယ်။ ကျွန်တော် အင်္ဂလိပ်စာ အားနည်းလို့ ဘာသာပြန်တဲ့အခါ အမှားအယွင်းလေးတွေ ရှိခဲ့ရင်လည်း နားလည်ပေးစေချင်ပါတယ်။ ဇာတ်လမ်းတစ်ခုလုံးကို တစ်ခါတည်းကြည့်ပီး မှမိသလောက်ပြန်ရေးရတဲ့အတွက် လွဲ နေတာ တွေ့ရင်လည်း ထောက်ပြပေးပါ။ ◾ဒီဇတ်ကားနဲ့ ပါတ်သက်လို့ ရုံတင်တဲ့ အခါ ဒေသခံတွေ ထဲက မလိုလားသူတွေက ပြင်းထန်စွာ ကန့်ကွက်ခဲ့ကြသေးကြောင်းသိရပါတယ်။ ဒါပေမယ့်လည်း အကောင်းမြင်စိတ်နဲ့ နားလည်ပေးတဲ့သူက ပိုများတယ်၊ပိုအားပေးကြတယ်လို့သိရပါတယ်။ အနောက်နိုင်ငံတွေကတော့ သိပ်ပြသနာမရှိလှပေမယ့် အာရှ နိုင်ငံတွေ အတွက်တော့ ပြောစရာ တွေ၊အမြင်မတူတာတွေတော့ ရှိလာမယ်ထင်ပါတယ်။ ◾ မိတ်ဆွေရော? အငြင်းပွားစရာ ဒီလိုယဉ်ကျေးမှုတွေနဲ့ ချစ်စရာ လူငယ်သဘာဝတွေကြား ဘယ်လို မြင်မိပါသလဲ။ဒီဇာတ်ကားလေး အပေါ်မှာ ပြောစရာ တစ်ခုခု ရှိခဲ့ရင် အောက်မှာ ရေးပေးခဲ့စေချင်ပါတယ်။ (ရုပ်ရှင်အညွှန်းကို Ye Hut Khoung Wordpress မှ ကူးယူဖော်ပြပါသည်။) File size…(1.9 GB)/(970 MB) Quality….BluRay 1080p /720p Format…mp4 Duration….01:40:03 Subtitle….Myanmar Subtitle(Hardsub) Encoder….Ka Naung Translated by Poe Thinzar Kyaw

IMDb 6.9 Rotten Tomatoes 89% Comedy ဇာတ်ကားတစ်ကား ဒီလောက် Rating မြင့်မားနေရင် မှတ်ထားလိုက်ပါတော့...ရှယ်ကောင်းလို့ပါပဲ။ မင်းသား Seth Rogen ,Paul Rudd,Jonah Hill,Jay Baruchel တို့လို ဟာသသရုပ်ဆောင်တွေမြိုင်ဆိုင်သလို မင်းသမီး Katherine Heigl,Leslie Mann တို့ဆိုတာကလဲ ဒီလိုဇာတ်ကားနဲ့ သိပ်လိုက်ဖက်လှတာပေါ့။ ဇာတ်လမ်းကလဲ R Rated ဆိုတဲ့အတိုင်း တကယ့်ဗရုတ်သုတ်ခပါပဲ... မူးမူးရူးရူးနဲ့ ဖြစ်မိတဲ့ တစ်ညတာ one night stand က မထင်မှတ်ဘဲ ကိုးလလွယ်ဆယ်လအထိကြာ‌အောင်ခံရမယ့် ဒုက္ခအဖြစ်သို့ ပြောင်းလဲသွားသောအခါ..... အယ်လီဆင် စကော့ ဟာ ရုပ်မြင်သံကြားဌာနတစ်ခုမှာ အလုပ်လုပ်နေတဲ့ ရည်မှန်းချက်ကြီးကြီး အိပ်မက်လှလှလေးတွေမက်နေတဲ့ မိန်းမပျိုလေးပါ ။ တစ်နေ့မှာတော့ အထက်လူကြီးတွေက သူ့ကို ရာထူးတိုးပေးလိုက်တော့ ပျော်လွန်းလို့ သူ့အစ်မ ဒက်ဘီ နဲ့အတူ ကလပ်တစ်ခုမှာ သွားပြီး အောင်ပွဲခံပါတော့တယ်။ အဲဒီမှာ ဘန် ဆိုတဲ့ကောင်လေးနဲ့ ဆုံမိကြပါတယ်။ ဘန် ကတော့ ဆေးခြောက်ပုံမှန်သုံးစွဲလေ့ရှိတဲ့ သူငယ်ချင်းတစ်စုနဲ့ အတူနေတဲ့ ငပျင်းတစ်ကောင်ပါပဲ။ တကယ်ဆိုရင် သူက အမေရိကန်မဟုတ်ဘူး။ ကနေဒါကနေ တရားမဝင် လာနေနေတာ။ တရားမဝင်နေတော့ အခွန်ဆောင်စရာမလိုတော့ဘူးပေါ့ဗျာ တဲ့။ ဆောင်ရအောင်လည်း သူ့မှာ ပိုက်ဆံမှမရှိဘဲ။ သူ ကျောင်းသားဘဝတုန်းက စာပို့ကားတက်ကြိတ်တာခံရလို့ အစိုးရက သူ့ကို လျော်ကြေး ဒေါ်လာ တစ်သောင်းလေးထောင် ပေးဖူးသတဲ့။ဘာမှမလုပ်ဘဲ အဲဒါကိုထိုင်စားလာတာ ဆယ်နှစ်ကျော်ပြီတဲ့။ ခုတောင် လက်ထဲ ဒေါ်လာကိုးရာလောက် ကျန်သေးတယ်ဆိုပဲ။ သူက ဆေးခြောက်နဲ့ စပါဂက်တီခေါက်ဆွဲဖိုးလောက်ပဲ ကုန်စရာရှိတာကိုး။ သူ့ဘော်ဒါတွေကလည်း သူနဲ့ထူးမခြားနားပါပဲ။ ဒီလောက်ဆိုရင် အယ်လီဆင် နဲ့ ဘန် တို့ဟာ ဘယ်လောက်ခြားနားတဲ့ အနေအထားရှိတယ်ဆိုတာ သိသာပါတယ်။ ဒါပေမဲ့ ဆန်းကြယ်တဲ့ကံတရားနဲ့ ဆန်းကြယ်သောစိတ်ကူးရှိသူ ဇာတ်ညွှန်းရေးဆရာကြီးတို့ရဲ့အလိုအရ သူတို့နှစ်ယောက် ဆုံဖြစ်အောင်ဆုံမိသွားကြပါတယ်။ သို့သော်လည်း one night stand က one nightနဲ့ ရပ်လို့မရဘဲ long-standingကိစ္စ ဖြစ်လာတဲ့အခါ နှစ်ယောက်လုံး တိုင်တွေပတ်ကုန်ကြပါတော့တယ်။ ဒီဇာတ်ကားမှာ နာမည်ကျော်ဟာသသရုပ်ဆောင်တွေ တပြုံကြီးပါဝင်ထားသလို ဧည့်သည်သရုပ်ဆောင် နာမည်ကျော်များကလည်း မထင်မှတ်တဲ့နေရာတွေကနေ အကွက်စေ့စေ့ ပါဝင်သရုပ်ဆောင်ထားကြပါတယ်။ Ratingကောင်းတွေ ရရှိခဲ့သလို ဝင်ငွေအရလည်း ဘတ်ဂျက် 25 millionsမှာ ဝင်ငွေ 219 millionsရရှိခဲ့တဲ့အတွက် စီးပွားရေးအရပါ အောင်မြင်တဲ့ကား ဖြစ်ခဲ့ပါတယ်။ ဒီဇာတ်ကားထဲမှာ ဇာတ်ကောင်တွေပြောတဲ့ ပြောစကားတွေထဲမှာ အမေရိကန်တွေ အနောက်တိုင်းသားတွေသာ ချက်ချင်းနားလည်မယ့် စကားလုံး၊စကားရပ်တွေ အသုံးအနှုန်းတွေအများအပြားပါဝင်နေပါတယ် ။ အထူးသဖြင့်တော့ Hollywood movie quotesတွေပေါ့။ သူတို့ပြောစကားထဲက နာမည်တွေလိုက်ပြီး Googlingလုပ်ရင်တောင် ဗဟုသုတ အတော်ပွားနိုင်စရာ ရှိပါတယ်။ ဇာတ်လမ်းကလည်း ရယ်ရရုံ ပျော်ရရုံသက်သက် မကဘဲ အိမ်ထောင်ရေးပဋိပက္ခတွေဖြစ်ရတဲ့ ဇစ်မြစ်၊ ကိုယ့်အတ္တနဲ့ တဖက်သားကို ဇွတ်ပြောင်းလဲလာအောင် ဖိအားပေးတတ်တဲ့စိတ်မျိုးတွေ ၊ တာဝန်ယူမှု တာဝန်ခံမှုဆိုတာ ဘယ်လောက်အရေးကြီးသလဲဆိုတာတွေကို သင်ခန်းစာယူနိုင်ကြပါလိမ့်မယ်။ ကြည့်ရှုခံစားပျော်ရွှင်နိုင်ကြပါစေ။ Unrated Version နဲ့တင်ဆက်ထားတာမို့ တချို့အခန်းတွေမှာတော့ မိသားစုနဲ့ကြည့်ဖို့သင့်တော်မှာမဟုတ်ပါဘူး။ (ရုပ်ရှင်အညွှန်းနဲ့ဘာသာပြန်ကို Thaman Myint မှ တင်ဆက်ထားပါတယ်။) File size…(2.6 GB)/(1 GB) Quality….BluRay Unrated 1080p / 720p Format…mkv Duration….02:12:57 Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint

First Snow က 2006 ခုနှစ်က ရိုက်ကူးခဲ့တဲ့ စိတ်ဝင်စားဖို့ကောင်းတဲ့ စိတ်ပညာဆန်တဲ့ ဇာတ်လမ်းတစ်ပုဒ်ပါ။ Guy Pearce ရဲ့ အထူးချွန်ဆုံး သရုပ်ဆောင်မှုတွေကို မြင်တွေ့ရမှာဖြစ်ပြီး ကံကြမ္မာနဲ့ လူသားရဲ့ ရွေးချယ်မှုတွေအကြောင်း စဉ်းစားဖို့ ဖိတ်ခေါ်ထားတဲ့ ဇာတ်ကားတစ်ကားပါ။ ရရှိခဲ့တဲ့ ဆုများ - Sitges Film Festival 2006 - Official Fantastic Selection - Fangoria Chainsaw Awards - Best Actor (Guy Pearce) အတွက် ဆန်ကာတင်စာရင်းဝင် သရုပ်ဆောင်များ - Guy Pearce (Jimmy Starks အဖြစ်) - Piper Perabo (Deirdre အဖြစ်) - William Fichtner (နိမိတ်ဖတ်အကြားမြင်ဆရာအဖြစ်) - J.K. Simmons (Vincent အဖြစ်) ဇာတ်လမ်းအကျဉ်း ++++++++++++ Jimmy Starks (Guy Pearce) ဆိုတဲ့လူဟာ ကားပျက်တဲ့အချိန်မှာ လမ်းဘေး အကြားမြင်ဆရာတစ်ယောက်ဆီ သွားမိပါတယ်။ အဲဒီမှာ "ပထမဆုံးနှင်းကျပြီးတဲ့အခါ မင်းသေလိမ့်မယ်" ဆိုတဲ့ ကြောက်စရာကောင်းတဲ့ ဟောကိန်းကို ကြားလိုက်ရပါတယ်။ ဒီအချိန်ကစပြီး Jimmy ရဲ့ဘဝဟာ လုံးဝပြောင်းလဲသွားပါတော့တယ်။ သူဟာ ဒီဟောကိန်းကို မှန်မမှန်စမ်းသပ်ရင်း သူ့အတိတ်က အမှားတွေနဲ့ ရင်ဆိုင်ရပြီး စိတ်ပိုင်းဆိုင်ရာ ပြိုလဲမှုတွေကို ကြုံတွေ့ရပါတော့တယ်။ First Snow ဟ ကြည့်ပြီးရင် စဉ်းစားစရာတွေ များများစားစားကျန်ခဲ့စေမယ့် ဇာတ်ကားတစ်ကားဖြစ်ပါတယ်။ ကံကြမ္မာဆိုတာ တကယ်ရှိလား၊ လူတွေရဲ့ ရွေးချယ်မှုတွေက ဘယ်လိုအကျိုးသက်ရောက်မှုရှိလဲ ဆိုတာတွေကို ဇာတ်ကားကြည့်ရင်းနဲ့ တွေးမိလာပါလိမ့်မယ်။ Jimmy ရဲ့ဘဝက ဘယ်လိုအဆုံးသတ်သွားမလဲဆိုတာကိုတော့ ဇာတ်ကားထဲမှာ ရှုစားပေးကြပါဦးနော်။ ❄️ File size… (1.27 GB) / (672 MB) Quality… WEB-DL 1080p HEVC /720p Format…mkv / mp4 Duration….1h 41m Genre …..Drama , Thriller Subtitle….Myanmar Subtitle (Hard Sub) Encoder….Min Wai Translated by Vic

The Matador(2005) လူ့ဘဝမှာ သူငယ်ချင်းတွေ၊ ဘော်ဒါတွေ အများကြီးရှိကြပေမယ့်လည်း မိတ်ဆွေကောင်း/ သူငယ်ချင်းကောင်းတစ်ယောက် ဟုတ်/မဟုတ် ဆိုတာ လွယ်လွယ်ကူကူဆုံးဖြတ်လို့မရပါဘူး။ နောက်ပြီး မိတ်ဆွေကောင်းတန်ဖိုးဟာ ဘယ်လောက်ထိရှိလဲဆိုတာ မသိတဲ့သူတွေ အများကြီးပါ။ ဒီကားလေးကို ကြည့်ရင်း မိတ်ဆွေကောင်းတွေကို တန်ဖိုးထားနိုင်ကြပါစေ။ ဂျူလီယန်ဟာ ကြေးစားလူသတ်သမားဖြစ်ပြီး ငွေအများကြီးပေးတဲ့အလုပ်ကိစ္စမျိုးကိုသာ လုပ် ကိုင်ပေးလေ့ရှိပါတယ်။ အိမ်ထောင်မရှိ၊ သားသမီးမရှိ၊ ဘာအနှောင်အဖွဲ့မှမရှိဘဲ ဘဝကို ပျော်ပျော်ကြီး ဖြတ်သန်းနေသူဖြစ်ပါတယ်။ ဒါပေမယ့် တစ်ရက်မှာတော့ သူ့မွေးနေ့မှာ သူ့ကို ဘယ်သူကမှ အမှတ်တရ လက်ဆောင်ပေးတာတွေ၊ နှုတ်ဆက်စကားလှမ်းပြောတာတွေမရှိတဲ့အပြင် သူဖုန်းဆက်သမျှ လူတိုင်းက လည်း သူ့ကိုအရေးတယူ ပြန်မဆက်ဆံတဲ့အတွက် အဖော်မဲ့၊ မိတ်ဆွေမဲ့တဲ့သူ့ရဲ့ဘဝကို စိတ်အပျက်ကြီး ပျက်မိသွားပါတော့တယ်။ တစ်ရက်မှာ အရောင်းကိုယ်စားလှယ်တစ်ယောက်နဲ့ သောက်ရင်းစားရင်း မိတ်ဆွေဖြစ်သွားပါတယ်။ အဲ့ဒိလူက သူ့ကိုစကားရောဖောရောလောက်ဆက်ဆံပေမယ့် မိတ်ဆွေ အရမ်း လိုချင်နေတဲ့ ဂျူလီယန်က အတင်းလိုက်ကပ်ပါတော့တယ်။ လူသတ်သမားတစ်ယောက်ဖြစ်နေကြောင့် မိတ်ဆွေ သူငယ်ချင်းမလုပ်ချင်တဲ့သူများနေတဲ့ ဂျူလီယန်ခမျာ လိုချင်နေတဲ့ မိတ်ဆွေစစ်စစ်ကို တကယ် ရနိုင်ပါ့မလားဆိုတာ ဇာတ်ကားလေးထဲမှာ ခံစားကြည့်လိုက်ပါဗျာ။ ဒီဇာတ်ကားမှာ ပါဝင်သရုပ်ဆောင်တဲ့ ဂျိမ်းစ်ဘွန်းမင်းသားကြီး ပီယာ့စ်ဘရွန်နန်ဟာ ၂၀၀၅ ခုနှစ် ရွှေကမ္ဘာလုံးဆုအတွက် စကာတင်အမည်စာရင်းမှာပါဝင်ခဲ့ပါတယ်။ ဒါကြောင့် ဇာတ်ကားကောင်း ဟုတ်/ မဟုတ် လက်တို့ပြောဖို့ လိုမယ်မထင်ပါဘူးဗျာ။ File Size :(1.9GB)(and (758MB) Quality :Blu-Ray 1080P, 720p Format…mp4 Duration…01:36:00 Genre : Comedy, Crime, Thriller Subtitle : Myanmar Subtitle (Hard Sub) Translated by Ko Myo(Kop) Encoded by Phyo Pyae

၂၀၀၀ ကျော်ခုနှစ်တွေမှာ Fast & Furious လို ပြိုင်ကားတွေ စထွက်ပြီး နာမည်ကြီးလာတဲ့အချိန် ကျွန်တော်တို့က ရန်ကုန်ကမဟုတ်တော့ ဆိုင်ကယ်ကို ပိုပြီး ရူးသွပ်ကြတာပေါ့။ အဲဒီအချိန်မှာ MI2 ထဲက တွမ်ခရုကြီး နောက်ဆုံးခန်း ဆိုင်ကယ်ကြီးနဲ့ အလန်းတွေ လုပ်ပြခဲ့တာကို ကြွေနေရတာပေါ့။ ဒီလိုနဲ့ ဒီကားလေးကို ၆ တန်း ၇ တန်းလောက်မှာ ကြည့်ခဲ့ရတယ်ထင်တယ် ပြိုင်ကားအက်ရှင်တွေကြား ဆိုင်ကယ်ဦးစားပေး အက်ရှင်ကားလေး ဖြစ်နေတော့ ထူးခြားတာကိုး။ အခုခေတ်အနေနဲ့တော့ မပြောနဲ့ပေါ့နော် ဒီတုန်းကတော့ Rating တွေလည်း မသိဘူး ဆိုင်ကယ်တွေစီး စတန့်တွေပြ တိုက်ခိုက်ကြဆိုတော့ မှတ်မှတ်ရရနဲ့ ကြည့်ပြီး ကြိုက်ခဲ့ရတာပေါ့။ ဒါနဲ့အခုကျ မြန်မာစာတန်းထိုးလေး ရှိမလားဆိုပြီး ရှာကြည့်တော့ မရှိတာနဲ့ ကိုယ်တိုင်ပဲတောင်းဆိုပြီး ကိုယ်တိုင်ပြန်တင်ဆက်ပေးလိုက်ရပါတယ်။ ငယ်ဘဝတုန်းက ကျွန်တော်တို့လိုမျိုး ကြည့်ပြီး အမှတ်တရဖြစ်နေမယ့်လူတွေလည်း ရှိချင်ရှိလောက်မယ် မရှိကြလည်း လွန်ခဲ့တဲ့ အနှစ် ၂၀ တုန်းက ရုပ်ရှင်ဆိုတော့ ခုခေတ်ပေတံနဲ့ ယှဉ်မယ်ဆို နည်းနည်းတော့ လိုတာတွေ ရှိပါလိမ့်မယ်။ နာမည်ကျော် ရပ်ပါမင်းသားကြီး Ice Cube လည်း ပါဝင်ထားပါသေးတယ်။ ဇာတ်လမ်းအကျဉ်းကတော့ ဖော့ဒ်ဆိုတဲ့ Biker ဘဲက ထိုင်းမှာ ၆ လလောက်ပျောက်ပြီး အမေရိကား ပြန်ရောက်လာတယ်။ အရင် ၆ လတုန်းက ဆိုင်ကယ်ခိုးတယ်ဆိုပြီး ကောင်မလေးဖြစ်သူရဲ့ဆိုင်လည်း ဖမ်းခံရ ပိုင်ရှင်ကလည်း လိုက်ဖမ်းပြီး ကိုင်ချင်နေတာမျိုးကိုး။ ဒီလိုနဲ့ ပြန်ရောက်လာတဲ့အချိန် ဆိုင်ကယ်ပိုင်ရှင် ဟင်နရီဆိုတဲ့ ဂိုဏ်းခေါင်းဆောင်က သူ့ဘီးကို ပြန်လိုချင်တော့ ဖော့ဒ်ကို ပစ်မှတ်ထားတာပေါ့ တကယ်တမ်းတော့ ဒီလူက ဆိုင်ကယ်အဓိက ပြန်လိုချင်တာမဟုတ်ပဲ ဆိုင်ကယ်ထဲက မူးယစ်ဆေးတွေ ဖြစ်နေတာ။ ဖော့ဒ်နောက်ကို လိုက်နေတာက ဒီလူတင်မကပဲ FBI ကလည်း ပါနေတယ် နောက်ပြီး လူမည်းဆိုင်ကယ်ဂိုဏ်းခေါင်းဆောင်ရဲ့ ညီဖြစ်သူကိုလည်း သတ်တာပါဆိုပြီး ထိုးကျွေးခံရတော့ ဒီလူမည်းခေါင်းဆောင်ကလည်း နောက်ကလိုက်သတ်တယ်။ ဒီလိုတစ်အုပ်တစ်မကြီး နောက်ကလိုက်တာကို ခံပြီး သပွတ်အူလို အရှုပ်ကြီးကို ဖော့ဒ်တစ်ယောက် ကောင်မလေးဖြစ်သူ ဘော်ဒါဖြစ်သူတွေနဲ့ ဘယ်လို စာရင်းရှင်းမလဲဆိုတာ ကြည့်ရမှာပါ။ ဇာတ်လမ်းကတော့ အရမ်းမဟုတ်ပေမဲ့ ဆိုင်ကယ်အက်ရှင်လေးတွေနဲ့ ကြည့်ပျော်ရှုပျော် ဖြစ်မယ့်ကားလေးဆိုတော့ ငယ်ဘဝ အမှတ်တရ တင်ဆက်ပေးလိုက်ပါတယ်ဗျာ။ File size…    1.3 GB /  543 MB Quality… BluRay 1080p / 720p Format… mp4 Duration…. 1h 24m Genre ..... Comedy/Crime Subtitle…. Myanmar Subtitle (Hard Sub) Encoder…. Thit San Khant Translated by Thura Aung

The Aviator ဇာတ်ကားကတော့ ၂၀၀၄ခုနှစ်မှာ Director : Martin Scorsese ရိုက်ကူးခဲ့တဲ့ Biographical, Drama ရုပ်ရှင်ဇာတ်ကားကောင်းတစ်ကားဖြစ်ပါတယ်။ American Box Office အဖြစ် American $213.7 million အထိ ရရှိထားတဲ့ ဇာတ်ကားလည်းဖြစ်ပါတယ်။ ဒီဇာတ်ကားထဲမှာဆိုရင်တော့ မင်းသားကြီး Leonardo DiCaprioက Howard Hughes အဖြစ်အဓိက ပါဝင်သရုပ်ဆောင်ထားပါတယ်။ ဇာတ်လမ်းကတော့ ၁၉၃၅ခုနှစ်မှာ Hughesတစ်ယောက် H1 Racerဆိုတဲ့ လေယာဉ်ကိုမောင်းပြီး ကမ္ဘာ့စံချိန်တင်ဖို့ကြိုးစားခဲ့ပါတယ်။ ၃နှစ်ကြာပြီးတဲ့နောက်မှာတော့ သူဟာ လေးရက်ဆက်တိုက် လေယာဉ်မောင်းပြီး စံချိန်ချိုးပြခဲ့ပါတယ်။ သိပ်မကြာသေးခင်မှာပဲ သူဟာ TWA ဆိုတဲ့ လေယာဉ်ကုမ္ပဏီနဲ့ ချိတ်ဆက်မိပြီး Army Air Forces မှာ Spy Aircraft ဆိုတဲ့ project ကို လုပ်ဖို့ စာချုပ်ချုပ်ခဲ့ပါတယ်။ အဲ့ဒီ့နောက်မှာတော့ ဘယ်လိုတွေဆက်ဖြစ်သွားမလဲဆိုတာကိုတော့ ဇာတ်လမ်းထဲမှာ ဆက်လက်ရှု့စာကြပါတော့။ File size…(1.4GB) Quality…BR-Rip 1080p Format…mp4 Duration….02:50:06 Subtitle….Myanmar Subtitle (Hardsub) Translated by Edrea Rae Encoded by Naing Aung Latt

ကလဲရ် ကုဘစ်ဟာ အရည်အချင်းရှိတဲ့ ရှေ့နေတစ်ယောက်ဖြစ်ပြီး ခင်ပွန်းတွမ်နဲ့အတူ အေးအတူပူအမျှ နေထိုင်နေသူပါ။ တစ်နေ့မှာတော့ အမေရိကန်စစ်တပ်က တွမ်ကို ရုတ်တရက် ဖမ်းဆီးသွားတယ်။ စစ်တပ်ဘက်က ပြောလာတာက သူဟာ တွမ် ကုဘစ်မဟုတ်ဘဲ ရွန် ချက်မန်းဆိုတဲ့ တပ်ပြေးတစ်ယောက်ဖြစ်နေတယ်ဆိုတာပါပဲ။ လူအစုလိုက်အပြုံလိုက် သတ်ဖြတ်မှုနဲ့ပါ စွပ်စွဲခံထားရပြီး သေဒဏ်အထိ ကျခံရနိုင်တဲ့အခြေအနေ ဖြစ်နေပါတယ်။ ခင်ပွန်းအပေါ် စွပ်စွဲချက်တွေဟာ မမှန်မကန်ဖြစ်နေတယ်လို့ သိလာရတဲ့ ကလဲရ်က အမှုကို ဝင်ရောက်ရင်ဆိုင်ဖို့ ဆုံးဖြတ်လိုက်တယ်။ စစ်တပ်က ခင်ပွန်းအတွက် နာမည်မထင်ရှားတဲ့ ရှေ့နေတစ်ယောက်ကိုသာ စီစဉ်ပေးထားတာကြောင့် စစ်မှုထမ်းဟောင်း ချာလီရဲ့ အကူအညီနဲ့ စစ်တပ်ကို တရားရေးအရ ရင်ဆိုင်ရပါတော့တယ်။ ကလဲရ်အဖြစ် Ashley Jadd၊ ချာလီအဖြစ် Morgan Freeman တို့ ပါဝင်ထားပါတယ်။ အာဏာသုံးမှုနဲ့ မမှန်မကန်လုပ်ရပ်တွေကြားမှာ အမှန်တရား ဖုံးကွယ်ခံရပုံကို တရားရင်ဆိုင်ရတဲ့အကြောင်းနဲ့ တွဲဖော်ပြထားတဲ့ မှုခင်းဒရာမာပါ။

Hellraiser: Bloodline (1996) သေတ္တာတွေရဲ့ အစနဲ့ အဆုံးအကြောင်းကိုတွေ့ရမှာပါ။ Pinhead ရဲ့ ရုပ်ထွက်ကတော့ တစ်ကားထက်တစ်ကား ပိုကောင်းလာပါတယ်။ ဒီဇာတ်ကားမှာတော့ မင်းသမီးကိုမငမ်းရဘဲ နတ်ဆိုးမကို ငမ်းရမှာပါ။ Hellraiser ရဲ့ အစောပိုင်းဇာတ်လမ်းတွေနဲ့တော့ ဒီဇာတ်လမ်းက တော်တော်လေးကွဲပါတယ်။ Cenobite လို့ တစ်လုံးမှ သုံးမသွားဘဲ Demon လို့ပဲ သုံးသွားတာက တော်တော်လေးထင်ရှားပါတယ်။ လူဆိုးကျော်ကြီး လဗိုင်ယာသန်လုံးဝမပါပါဘူး။ ဒီထဲမှာတော့ Pinhead က ဆရာအကျဆုံးပါ။ ငရဲက ကမ္ဘာပေါ်ရောက်လာတာထက်ကြမ်းပါတယ်။ အာကာသထဲထိရောက်လာတာပါ။ ဇာတ်လမ်းအကျဥ်းကတော့ Toymaker ဆိုတဲ့ အရုပ်ဖန်တီးသူတစ်ယောက်က သေတ္တာကို အောက်လမ်းဆရာတစ်ယောက်အတွက် ဖန်တီးပေးမိပြီး သူ့ရဲ့အမှားကို ပြန်ပြင်ဆင်နိုင်ဖို့ မျိုးဆက်တွေ တစ်ဆက်ပြီးတစ်ဆက် တာဝန်ကို လက်ဆင့်ကမ်းရင်း ကြိုးစားသွားတာကို အချိန်သုံးခုနဲ့ ပြသွားပါတယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 1.75GB, 730MB Quality - 1080p, 720p IMDb Rating - 5.1/10 Format - mp4 Duration - 1H 25Min Genre - Horror, Sci-Fi Subtitle - Myanmar Subtitle (Hardsub) Translated by 666 Encoded by Y

Star Trek ရဲ့ ကမ္ဘာမှာ ဂြိုဟ်တစ်ခုပေါ်က လူ့အဖွဲ့အစည်းတစ်ခုဟာ ကိုယ့်အားကိုယ်ကိုး တိုးတက်လာပြီး အလင်းထက်မြန်တဲ့နှုန်းနဲ့ ခရီးသွားနိုင်ဖို့ Warp Drive ကို တီထွင်နိုင်ချိန်က အရေးကြီးတဲ့ အလှည့်အပြောင်းတစ်ခုပါ။ Warp အချက်ပြတွေကို Federation ရဲ့ တာဝေးအာရုံခံစနစ်တွေက ထောက်လှမ်းမိတဲ့အခါ သံတမန်တွေစေလွှတ်ပြီး အဖွဲ့ထဲဝင်ဖို့ ကမ်းလှမ်းပါတယ်။ အဲဒီလို ပထမဆုံး စဆက်သွယ်တဲ့အချိန်ကို First Contact လို့ ခေါ်ကြတယ်။ တတိယကမ္ဘာစစ်အပြီး ပြန်လည်ရုန်းထနေတဲ့ ကမ္ဘာမှာတော့ ၂၀၆၃ ခုနှစ်၊ ဧပြီလ ၅ ရက်နေ့က ပထမဆုံး Warp Drive ကို စမ်းသပ်မောင်းနှင်နိုင်ခဲ့ပါတယ်။ အဲဒီအချက်ပြကို Federation က ထောက်လှမ်းမိပြီး ပူးပေါင်းဖို့ လာဖိတ်ခေါ်ခဲ့တာကြောင့် အဲဒီနေ့ဟာ ကမ္ဘာရဲ့ First Contact နေ့ ဖြစ်လာတယ်။ ဒါပေမဲ့ ဂလက်စီရဲ့ Delta Quadrant ဘက်မှာ ကြီးထွားလာတဲ့ စက်နဲ့သက်ရှိ ပေါင်းစပ်ထားသော Borg အုပ်စုက Federation ကို ကျူးကျော်တိုက်ခိုက်လာပါတယ်။ ကမ္ဘာကိုလည်း သိမ်းပိုက်ချင်တဲ့ သူတို့ဟာ တိုက်ရိုက်တိုက်ခိုက်လို့ အနိုင်ရဖို့ မလွယ်တဲ့အတွက် အတိတ်ဆီ အချိန်ခရီးသွားပြီး First Contact နေ့ကို ဖျက်ဆီးဖို့ ကြိုးစားကြတယ်။ သူတို့ကို ရင်ဆိုင်ရမယ့်သူကတော့ ခေတ်မီအာကာသယာဉ်ကြီး အင်တာပရိုက်စ်ရဲ့ ကပ္ပတိန် ပစ်ကာ့ပါ။ သူကိုယ်တိုင်လည်း အရင်က Borg တွေရဲ့ သိမ်းသွင်းမှုကို ခံခဲ့ရဖူးသူဖြစ်တဲ့အတွက် အခုတစ်ကြိမ် ကမ္ဘာရဲ့အတိတ်ကို ဖျက်ဆီးမယ့် သူတို့အစီအစဉ်ကို ဘယ်လိုတားဆီးမလဲ။