Colin Farrell ပါဝင်သော ဇာတ်ကားများ

Ballad of a Small Player (2025) +++++++++++ IMDb (5.9) / Rotten Tomatoes (51%) သခင်ဒွိုင်းလ် (Colin Farrell)လို့ ကိုယ့်ကိုယ်ကိုယ် ခေါ်နေတဲ့ အင်္ဂလိပ်လူမျိုး‌ လောင်းကစားသမားတစ်ယောက်ရှိတယ်။ လောင်းကစားမြို့တော် မကာအိုမှာတော့ သူ့ကိုကွေ့လို (နိုင်ငံခြားသားသရဲ)လို့ ခေါ်ကြတယ်။ သူ့မှာ ဖုံးကွယ်ထားတဲ့အတိတ်တစ်ခုရှိပြီး သူ့ကိုစုံစမ်းဖို့ချဉ်းကပ်လာတဲ့ ဘက်တီ (Tilda Swinton) ကတော့ သူ့ကိုရိုင်လီလို့ခေါ်တယ်။ လက်ရှိမှာ ဟိုတယ်ခအကြွေးတွေပုံနေပြီး လောင်းကစားလုပ်စရာပိုက်ဆံပါ မရှိတော့တဲ့ ဒွိုင်းလ်ကို ‌တောက်မိန် (Fala Chen)ဆိုတဲ့ ကာစီနိုဝန်ထမ်းက ငွေတိုးချေးပေးဖို့ကမ်းလှမ်းလာတယ်။ သူမကတော့ ဒွိုင်းလ်ကို လမ်းပျောက်နေတဲ့ ဝိညာဉ်တဲ့။ သူ့ကိုယ်သူ လောင်းကစားစွဲနေသူ မဟုတ်ဘူးလို့ ဒွိုင်းလ်က အမြဲပြောလေ့ရှိတယ်။ တစ်ချိန်လုံး လောင်းကစားဝိုင်းမှာရှုံးနေပေမဲ့လည်း ကံဆိုးခြင်းတွေပြီးရင် ကံကောင်းခြင်းက ရောက်လာမှာလို့ သူက အသေအချာကို ယုံကြည်နေတာပေါ့။ အံ့ဖွယ်ဖြစ်ရပ်တွေရဲ့မြို့တော် မကာအိုမှာ ဒွိုင်းလ်တစ်ယောက် သူယုံကြည်တဲ့အတိုင်း ဖြစ်လာပါ့မလား... “သခင်တစ်ယောက်က သူ့ကတိကိုအမြဲတည်တယ်”လို့ ပြောခဲ့တဲ့ သူ့စကားကိုရော တည်နိုင်ပါ့မလား... ဒီဇာတ်လမ်းကို Edward Berger က ရိုက်ကူးထားပြီး စာရေးဆရာ Lawrence Osborneရဲ့ ၂၀၁၄မှာ ထုတ်ဝေခဲ့တဲ့ နာမည်တူဝတ္ထု "The Ballad of a Small Player"အပေါ်မှာ အခြေခံထားပါတယ်။ File Size… (2.12GB) / (858MB) Quality… WEB-DL 1080p HEVC /720p Format…mkv / mp4 Duration…1h 41m Genre …Crime , Drama , Mystery , Thriller Subtitle….Myanmar Subtitle (Hard Sub)

A Big Bold Beautiful Journey (2025) IMDb Rating (6.2) / Rotten Tomatoes (37%) နေ့စဉ်ဘဝမှာ သက်ဝင်လှုပ်ရှားရင်း အမေ့ခံခဲ့ရတဲ့အတိတ်တွေဆိုတာ ပျောက်ဆုံးသွားတာမဟုတ်ပဲ လက်ရှိဘဝရဲ့ တစ်စိတ်တစ်ပိုင်းအဖြစ် တည်ရှိလာကြတာပါ။ ထူးဆန်းတဲ့ကားအငှားစင်တာတစ်ခုမှာ ကားငှားမိတဲ့ ဒေးဗစ်(Colin Farrell)ဟာ သူငယ်ချင်းဖြစ်သူရဲ့မင်္ဂလာဆောင်မှာတွေ့ခဲ့ရတဲ့ ဆာရာ(Margot Robbie)ဆိုတဲ့ မိန်းကလေးနဲ့အတူ ကြီးကျယ် ခမ်းနား လှပတဲ့ ခရီးရှည်တစ်ခုထွက်ရဖို့ဖြစ်လာပါတယ်။ အချိန်ခရီးသွားတဲ့ စိတ်ကူးယဉ်ဆန်ဆန်သဘာလွန်ဇာတ်ကားဖြစ်ပေမဲ့ ပေါ့ပေါ့ပါးပါး အမျိုးအစားမဟုတ်ပဲ ကြိုက်သူရော မကြိုက်သူပါရှိနိုင်မဲ့ အတွေးလေးနဲ့ကြည့်ရမဲ့ကားမျိုးပါ။ File size… (4.9 GB) / (1.2 GB) / (800 MB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Drama,Fantasy,Romance Duration…. 01:49:22 Subtitle…. Myanmar Subtitle (Hardsub)

The Batman (2022) ထဲက ဘန်မန်းရဲ့ ရန်သူကြီး အော့ဇ်ဝဲကော့ (ခေါ်) ပင်ဂွန်းရဲ့ Spin-off တစ်ကိုယ်တော် စီးရီးဖြစ်ပါတယ် လတ်တလော Rating နဲ့ ကြည့်ရှုနှုန်းတွေအရမ်းကောင်းနေပြီး 8.1 ထိရထားတဲ့ HBO series ဖြစ်ပါတယ် The Batman ထဲမှာ ရစ်ဒလာက ဂေါ်သမ်မြို့ကြီးကို ရေမြှုပ်လိုက်ရင်းနဲ့ အဆုံးသတ်သွားခဲ့ပြီး ဒီစီးရီးမှာတော့ အဲ့ဒီဖြစ်ရပ်ရဲ့ တစ်ပတ်အကြာ Timeline ကနေ စတင်ထားတယ် Batman နဲ့ထိပ်တိုက်တွေ့ဆုံအပြီး အရေးနိမ့်ခဲ့ရတဲ့ အော့ဇ်ဝဲဟာ သူ့ဆရာ ဖယ်ကွန်း မူးယစ်ဂိုဏ်းမိသားစုက ကာမိန်းဖယ်ကွန်းသေဆုံးပြီးနောက်ဆက်ခံလာမယ့် သားဖြစ်သူ အဲဘတ်တိုဖယ်ကွန်းကို သတ်ပစ်လိုက်ပါတယ်..ဒါပေမယ့် အာခန်ထောင်ကနေ လွတ်လာတဲ့ အဲဘတ်တိုရဲ့ ညီမ ဆိုဖီယာဖယ်ကွန်းကနေ ပင်ဂွန်းနောက်ကို လိုက်လံလက်စားချေရင်း ဂေါ်သမ်က သောင်းကျန်းလာတဲ့ မူးယစ်ဂိုဏ်းတွေကို အုပ်စိုးဖို့အတွက် ကင်းပင်ကြီးဖြစ်ဖို့ ပင်ဂွန်းတစ်ယောက်ကြိုးစားပါတော့တယ်... ပင်ဂွန်းအဖြစ် the batman ထဲကအတိုင်းပဲ မင်းသားကြီး Colin Farrell က ဆက်လက်သရုပ်ဆောင်ထားပြီး ဆိုဖီယာဖယ်ကွန်းအဖြစ် How I Met Your Mother ဇာတ်လမ်းတွဲက Cristin Militoi ပါဝင်ထားပါတယ် (အညွန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ်) File size…(3 GB) / (1 GB)/(451 MB) Quality….Webrip 4K HEVC/ 1080p / 720p Format…mp4 Duration….01:00:00 Genre... Drama, Crime Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

Sugar (2024-2026) Season 01/02 (complete) Apple TV ရဲ့ လတ်တလောထွက်ရှိထားပြီး Rating 8 လောက်ထိရထားတဲ့ လူကြည့်များနေတဲ့ Crime Drama ဇာတ်လမ်းတွဲလေးဖြစ်ပါတယ်။ Batman ကားထဲမှာလည်း Villan Penguin အဖြစ်ပါဝင်သရုပ်ဆောင်ထားပြီး A-tier list အဆင့်ရှိတဲ့ မင်းသားကြီး Colin Farrell က ဦးဆောင်ပါဝင်ထားပါတယ်။ ဒီဇာတ်လမ်းတွဲမှာ Colin Farrel ကို အလွတ်တမ်းစုံထောက် ဂျွန်ရှူးဂါးအဖြစ်တွေ့မြင်ရမှာဖြစ်ပါတယ်... ရှူးဂါးဟာ စုံထောက်လောက လူပျောက်ရှာတဲ့နေရာမှာ အရမ်းနာမည်ကြီးလွန်းလို့...နိုင်ငံရပ်ခြား အာရှနိုင်ငံတွေက ယာကူဇာဂိုဏ်းသားတွေကအစ ခေါ်သုံးရတဲ့ လူတစ်ယောက်ပါတယ်... အိမ်ထောင်မရှိ ကလေးမရှိ...သီးသန့်ဆန်တဲ့ဘဝနဲ့ နေထိုင်တဲ့ ဂျွန်ရှူးဂါးဟာ အမှုအပ်တဲ့နေရာကိုလိုက်ပြီး ကမ္ဘာပတ်နေရတဲ့လူဖြစ်ပါတယ်... တစ်နေ့မှာ သူငယ်ငယ်က ရုပ်ရှင်တွေမှာ အားကျခဲ့ရတဲ့ မင်းသားကြီး ဂျွန်နသန်ဆီးဂဲလ်ရဲ့ မြေးမဖြစ်သူ အိုလီဗီယာဆီးဂဲလ်ပျောက်ဆုံးမှုကို ကိုင်တွယ်ဖို့ အလုပ်အပ်လာပါတယ်... အမှုကပျင်းစရာကောင်း‌ပေမယ့် ဂျွန်နသန်ဆီးဂဲလ်မျက်နှာကြောင့် မြေးမဖြစ်သူကိုရှာဖွေပေးဖို့ လက်ခံလိုက်ပေမယ့်...တကယ့်စုံစမ်းမှုစတင်တဲ့အခါမှာ ဒီပျောက်ဆုံးမှုက ထင်သလောက် မရိုးရှင်းဘဲ ဆီးဂဲလ်မိသားစုတွေပါ ပါဝင်ပတ်သက်နေကြောင်းသိလိုက်ရတဲ့အခါမှာတော့ ဂျွန်ရှူးဂါးရဲ့ ဂျိန်းစဘွန်းဆန်ဆန် စွန့်စားခန်းတွေကို တွေ့မြင်ရမှာဖြစ်ပါတယ်။ File size… (850 MB) / (350 MB) Quality…. WEB-DL 1080p HEVC / 720p Format…. mkv/mp4 Genre…. Action, Crime, Drama, Mystery, Thriller Duration…. 45min Subtitle…. Myanmar Subtitle (Hardsub)

ရောဘတ် ပတ်တီဆန် ပါဝင်သရုပ်ဆောင်ထားတဲ့ The Batman က စုံထောက်ဇာတ်လမ်းပုံစံနဲ့ ပဟေဠိတွေကို အခြေခံထားပါတယ်။ အဓိကဗီလိန်က ရစ်ဒလာဖြစ်ပြီး Catwoman ကိုလည်း ဒီဇာတ်ကားမှာ မိတ်ဆက်ထားတယ်။ မှုခင်းနဲ့ ပဟေဠိတွေကြားမှာ အက်ရှင်နဲ့ ဒရာမာကို တွဲဖက်ထားတဲ့ ဇာတ်လမ်းပါ။

ထိုင်းနိုင်ငံက ဂူတစ်ခုထဲမှာ ဘောလုံးအသင်းက ကလေး ၁၂ ယောက်နဲ့ နည်းပြတစ်ယောက် ပိတ်မိသွားကြပါတယ်။ ကယ်ဆယ်ရေးသမားတွေ သူတို့ဆီ ရောက်လာတဲ့အထိ ခက်ခဲတဲ့အခြေအနေမှာ အသက်ရှင်အောင် နေကြရသလို ဂူအပြင်ဘက်မှာလည်း မိဘတွေက သားသမီးတွေအတွက် ပူပန်စွာ စောင့်ဆိုင်းနေကြရတယ်။ Thirteen Lives က ဒီဖြစ်ရပ်ကို ပြန်လည်သရုပ်ဖော်ထားတဲ့ ရုပ်ရှင်ပါ။ ကလေးတွေဆီ ရောက်အောင်သွားဖို့၊ သူတို့ကို ပြန်ခေါ်ထုတ်နိုင်ဖို့ ကြိုးစားကြရာမှာ ကယ်ဆယ်ရေးသမားတွေအပြင် ဒေသခံလယ်သမားတွေကနေ နိုင်ငံခြားက လာကူညီသူတွေအထိ ပါဝင်ခဲ့ကြပါတယ်။ ဇာတ်ကားက အဲဒီလူတွေရဲ့ အားထုတ်မှုတွေနဲ့အတူ ကယ်ဆယ်သူတွေ ခံစားနေရတဲ့ စိတ်ဖိစီးမှုကိုလည်း အလေးထားဖော်ပြထားတယ်။ မိဘတွေရဲ့ ပူပန်မှုကို ပြတဲ့နေရာမှာတော့ ဂူထဲပိတ်မိနေတဲ့ ကလေးတစ်ယောက်ရဲ့ မိခင်ဖြစ်သူ၊ ထိုင်းမှာနေထိုင်တဲ့ မြန်မာနိုင်ငံက ရှမ်းအမျိုးသမီးတစ်ယောက်ကို အဓိကထားပါတယ်။ ကယ်ဆယ်ရေးလုပ်ငန်းစဉ်တစ်ခုတည်းကို ပြထားတာတော့ မဟုတ်ပါဘူး။ ဒေသခံတွေရဲ့ နတ်နဲ့ပတ်သက်တဲ့ ယုံကြည်မှု၊ ကလေးတွေအတွက် ဆုတောင်းပေးတာနဲ့ အဆောင်တွေ ထည့်ပေးတာတို့လည်း ပါဝင်တယ်။ အဲဒီအပေါ် အင်္ဂလိပ်ကယ်ဆယ်ရေးသမားတွေရဲ့ တုံ့ပြန်ပုံကိုပါ တွဲပြထားတဲ့အတွက် အခြေအနေတစ်ခုကို ယဉ်ကျေးမှုမတူတဲ့ လူတွေ ဘယ်လိုလက်ခံကြသလဲဆိုတာကို တွေ့ရပါတယ်။ ဒါရိုက်တာက A Beautiful Mind ကို ရိုက်ကူးခဲ့တဲ့ Ron Howard ဖြစ်ပြီး Colin Farrell၊ Joel Edgerton နဲ့ Viggo Mortensen တို့ ပါဝင်ထားပါတယ်။ Lord of the Rings ထဲက အာရဂွန်အဖြစ် လူသိများတဲ့ Viggo Mortensen နဲ့အတူ Bad Genius ထဲမှာ ပါဝင်ခဲ့တဲ့ Teeradon Supapunpinyo ကိုလည်း ဒီကားမှာ တွေ့ရမှာပါ။ Colin Farrell ကတော့ ကယ်ဆယ်ရေးမှာ ပါဝင်ခဲ့သူ John Volanthen အဖြစ် သရုပ်ဆောင်ထားပါတယ်။

အင်နီရှဲရင်ကျွန်းပေါ်က ရွာလေးတစ်ရွာမှာ နေကြတဲ့ ကွမ်နဲ့ ပက်ဒရစ်တို့ဟာ သူငယ်ချင်းနှစ်ယောက်ပါ။ တစ်နေ့မှာတော့ ကွမ်က ပက်ဒရစ်ကို အပေါင်းအသင်းမလုပ်ချင်တော့ဘူးလို့ ရုတ်တရက်ပြောပြီး အဆက်အသွယ်ဖြတ်လိုက်တယ်။ ဘာကြောင့်လဲဆိုတာ နားမလည်နိုင်တဲ့ ပက်ဒရစ်က ရှင်းရှင်းလင်းလင်း သိရအောင် ကြိုးစားပေမယ့် ပြဿနာတွေက ပိုရှုပ်လာပါတယ်။ နှစ်ယောက်ကြားမှာ မုန်းတီးမှုတွေ တိုးလာပေမယ့် အပြင်လူနဲ့ အရေးကြုံရင် ကူညီပေးတတ်ကြသေးတယ်။ တစ်ယောက်ရဲ့တိရစ္ဆာန်လေးတွေကိုလည်း တစ်ယောက်က ချစ်နေကြဆဲပါ။ အဲဒီလို သံယောဇဉ်နဲ့ အမုန်းတွေ ရောနေတဲ့ သူငယ်ချင်းနှစ်ယောက်အကြောင်းကို ရယ်ရခက်၊ ငိုရခက်ဖြစ်စေတဲ့ ဟာသအမည်းပုံစံနဲ့ တင်ပြထားပါတယ်။ ဒီကားကို Martin McDonagh ကိုယ်တိုင် ရေးသားရိုက်ကူးထားတာပါ။ သူဟာ In Bruges၊ Seven Psychopaths နဲ့ Three Billboards Outside Ebbing, Missouri တို့ကို ရေးသားခဲ့သူလည်း ဖြစ်ပါတယ်။ ရုပ်ရှင်မှာ အိုင်းရစ်ပြည်တွင်းစစ်ကို သရော်တဲ့သဘောလည်း ပါဝင်ပါတယ်။ အဲဒီသမိုင်းနောက်ခံကတော့ ၁၈၀၁ ခုနှစ်ကတည်းက ဆုံးရှုံးခဲ့တဲ့ လွတ်လပ်ရေးအတွက် ၁၉၁၉ ကနေ ၁၉၂၁ အတွင်း အိုင်းရစ်ရီပက်ဘလစ်ကန်တပ်မတော်နဲ့ ဗြိတိသျှတို့ တိုက်ခိုက်ခဲ့တဲ့ အိုင်ယာလန်လွတ်လပ်ရေးစစ်ပွဲဆီက စတာပါ။ ၁၉၂၁ ခုနှစ်မှာ စစ်ပွဲရပ်စဲဖို့ အင်ဂလို-အိုင်ယာလန်စာချုပ် ချုပ်ဆိုဖို့ ဖြစ်လာတယ်။ စာချုပ်အရ အိုင်ယာလန်က တစ်နှစ်အတွင်း ကိုယ်ပိုင်အုပ်ချုပ်ခွင့်ရလာမှာဖြစ်ပေမယ့် ဗြိတိသျှအင်ပါယာအတွင်း ဆက်ရှိနေမှာပါ။ အဲဒီစာချုပ်ကို လက်ခံသူတွေနဲ့ လက်မခံသူတွေ နှစ်ဖွဲ့ကွဲရာက ပြည်တွင်းစစ် ဖြစ်လာပြီး နောက်ဆုံး စာချုပ်လက်ခံတဲ့ဘက်က အနိုင်ရခဲ့ပါတယ်။

Voyages (2021) IMDb - 5.3 ကမ္ဘာကြီးပူနွေးလာမှု မိုးခေါင်ရေရှားမှု လူဦးရေတိုးပွားလာသည်နဲ့အမျှ အစာရေစာမလုံလောက်မှုတို့တွေကြောင့် လူသားတွေဟာ စကြဝဠာထဲမှာ လူတွေ နောက်ထပ် အဆက်ရှင်နိုင်မယ့် ဂြိုဟ်တွေကို ရှာဖွေကပါတော့တယ် အဲ့ဒီ ဂြိုဟ်ကို ၂၀၆၃ မှာ တွေ့ရှိလာပါတော့တယ်။ ဂြိုဟ်သစ်ကို ရောက်ဖို့ အနှစ် ၈၀ ကျော်ကြာ အာကာသ ခရီးရှည်ထွက်ရတော့မယ့်အချိန်မှာ ကမ္ဘာမြေလွမ်းစိတ်တွေ မဖြစ်ရအောင် ဇီ၀သိပ္ပံနည်းနဲ့ ကလေးအယောက် ၃၀ မွေးဖွားပြီး ဒီခရီးရှည်အတွက် အကောင်အထည်ဖော်ပါတော့တယ် အနှစ် ၈၀ ကျော်ကြာတဲ့ ခရီးရှည်ဖြစ်တဲ့အတွက်ကြောင့် ဒီပထမမျိုးဆက်ဟာ ယာဉ်ပေါ်မှာပဲ မျိုးဆက်သစ်တွေ မွေးဖွားပြီး သူတို့ရဲ့ မြေးတွေ တစ်နည်းအားဖြင့် တတိယမျိုးဆက်ကလေးတွေကျမှ ဂြိုဟ်သစ်ပေါ်ကို အခြေချနိုင်မှာဖြစ်ပါတယ်။ သို့ပေမယ့် လမ်းခရီးမှာ အဖွဲ့ ခေါင်းဆောင်သေသွားတဲ့အခါ...... အဖွဲ့သားတွေ သွေးကွဲတဲ့အခါ....... ဒီ ခရီးရှည်ကြီးဟာ ဆုံးခန်းတိုင် အောင်မြင်ပါ့မလား..... မင်းသားကြီး Johnny Depp ရဲ့ သမီးဖြစ်သူ Lily Rose Depp အပါအ၀င် မင်းသားချော Tye Sheridan တို့က အဓိကပါ၀င်သရုပ်ဆောင်ထားပြီး ပရိသတ်ကို ဆွဲခေါ်သွားနိုင်တဲ့ adventure and thriller Sci-Fi ကောင်းဖြစ်လို့ ကြည့်ရှုဖို့ တိုက်တွန်းလိုက်ရပါတယ် Translated by : Yoon Sandi Aung Encoded by  :  YK Quality : 1080p WEBRIP x264 and 720p File Size : 1.8gb and 1.2gb Duration :1h 48mins

လူဖြူအမျိုးသားတစ်ယောက်နဲ့ လူမဲအမျိုးသမီးတစ်ယောက်ဟာ မီခါဆိုတဲ့ တရုတ်ကလေးမလေးကို မွေးစားထားကြပါတယ်။ နှစ်ယောက်စလုံးက အလုပ်များကြပေမယ့် သမီးလေးကို သူ့မူလမျိုးရိုးရဲ့ ယဉ်ကျေးမှုအကြောင်း သိစေချင်ကြတယ်။ ဒါကြောင့် တရုတ်လူမျိုးအသွင်ရှိပြီး တရုတ်ယဉ်ကျေးမှုအကြောင်း သိတဲ့ ယန်းကို ဝယ်ပေးလိုက်ကြပါတယ်။ ယန်းက Techno-Sapien လို့ခေါ်တဲ့ နည်းပညာနဲ့ ဖန်တီးထားတဲ့ လူသားပုံစံတစ်မျိုးပါ။ ယန်းရဲ့ အသိဉာဏ်က သူတို့ထင်ထားတာထက် ပိုမြင့်နေပြီး မီခါကို တရုတ်ယဉ်ကျေးမှုအကြောင်း သင်ပေးရုံမက အစ်ကိုတစ်ယောက်လိုပါ ပြုစုပျိုးထောင်ပေးနိုင်ခဲ့တယ်။ မီခါကလည်း ယန်းကို အလွန်အားကိုးပါတယ်။ ဒီလိုနဲ့ တစ်နေ့မှာ ယန်း ရုတ်တရက် ပါဝါကျပြီး ရပ်သွားတဲ့အခါ မိသားစုဟာ ယန်းမရှိဘဲ နေရတဲ့အခြေအနေနဲ့ ကြုံလာရတယ်။ ဇာတ်လမ်းက အဲဒီနောက်ပိုင်း သူတို့ရဲ့ဘဝကို အခြေခံပြီး ဆက်သွားတာပါ။ ကလေးတစ်ယောက်ကို မွေးစားခြင်း၊ သူနေထိုင်ကြီးပြင်းရာ မိသားစုနဲ့ မူလမျိုးရိုးတို့အကြား ဆက်နွယ်မှုကိုလည်း ထည့်ပြထားပါတယ်။ ကိုင်းကူးကိုင်းဆက်ထားတဲ့ အကိုင်းဟာ လက်ရှိသစ်ပင်နဲ့ တစ်သားတည်းဖြစ်လာနိုင်ပေမယ့် မူလသစ်ပင်ကလည်း အရေးပါနေဆဲဆိုတဲ့ ဥပမာကို သုံးထားတယ်။ လူသားမဟုတ်တဲ့ ယန်းက ဒီမိသားစုအတွက် လူတစ်ယောက်လို အရေးပါလာတာနဲ့အတူ သံယောဇဉ်ဟာ သက်ရှိ၊ သက်မဲ့ဆိုတဲ့ ခွဲခြားမှုအပေါ်ပဲ မူတည်နေသလားဆိုတာကိုလည်း စဉ်းစားစရာဖြစ်လာစေပါတယ်။ တရုတ်လက်ဖက်ရည်ကြမ်းရဲ့ အရသာကို ခံစားတဲ့အခန်း၊ လောင်ဇူးရဲ့ ဒဿနကို ဆွေးနွေးကြတဲ့အခန်းနဲ့ သစ်တောထဲမှာ အချိန်ရှည်ဆက်တိုက် ရိုက်ထားတဲ့ အိပ်မက်ဆန်ဆန်အခန်းတွေ ပါဝင်ပါတယ်။ လူသားတွေရဲ့ ကိုယ့်ကိုယ်ကိုယ် ဗဟိုပြုတတ်မှုနဲ့ ကလေးမွေးစားရေးအကြောင်းတို့ကိုလည်း ထိတွေ့ထားတဲ့ သိပ္ပံစိတ်ကူးယဉ်ဒရာမာပါ။ “Saying Goodbye to Yang” ဝတ္ထုတိုကို မှီငြမ်းပြီး Columbus ကို ရိုက်ကူးခဲ့တဲ့ Kogonada က ရိုက်ကူးထားတာဖြစ်ပါတယ်။ A24 က ဖြန့်ချိထားပြီး ကိန်းနဲ့ Sundance ရုပ်ရှင်ပွဲတော်တွေမှာလည်း ပြသခဲ့ပါတယ်။

အက်ရှင်ကားကြိုက်တဲ့သူတွေအတွက် အက်ရှင်ကားသစ်လေးတင်ပေးလိုက်ပြီနော်။ IMDb 5.5/10 ရထားပြီးဇာတ်ကားအမျိုးအစားကတော့ Action/ Dramaဖြစ်ပါတယ်။ ဇာတ်လမ်းအကျဥ်း မင်းသမီးကစပိုင်တစ်ယောက်ဖြစ်ပြီး ခက်ခဲနက်နဲတဲ့တာဝန်တွေကိုကျေပွန်အောင်ထမ်းဆောင်နိုင်ခဲ့ပါတယ်။ ဒါပေမယ့် တော်လွန်းတဲ့သူမကို အဖွဲ့ကပင်ပြန်ကြောက်လာတဲ့အတွက် နောက်ဆုံးတစ်ဖွဲ့လုံးရဲ့ပစ်မှတ်ပြန်ဖြစ်လာခဲ့ပါတယ်။ အဲ့တာကိုသိသွားတဲ့မင်းသမီးကလည်း ဘယ်လိုလက်တုံ့ပြန်မလဲဆိုတာကိုတော့ ကြည့်ရှုအားပေးလိုက်ကြပါဦးနော်။ File Size : ( 906 MB , 330 MB) Quality : WEB Rip 720p Running Time : 1 hr 36 min Format : Mp4 Genre : Action , Crime , Drama Subtitle : Myanmar Subtitle (Hard Sub) Translated by Knox Knox Encoded by Moe Myint Lwin

The Gentlemen (2019) IMDb - (7.8)/ Rotten Tomatoes (75%) သူ့နာမည်က မစ်ကီပီရာဆန်.....ဥာဏ်ကောင်းပြီးအောက်စဖိုဒ့်ကျောင်းသားတစ်ယောက်ဖြစ်ပေမယ့် သူက ဆင်းရဲတယ်...သူဟာ ထက်မြက်တဲ့သူတစ်ယောက်ဆိုပေမယ့် ကျောင်းမပြီးဘူး...ဘာလို့ဆို မူးယစ်ဂိုဏ်းက လူတစ်ချို့နဲ့အဆက်အသွယ်ရပြီး အချိန်တိုအတွင်း ငွေတွေမျိုးမျိုးမျက်မျက်ဝင်တဲ့ ဒီလောကကို သူသဘောကျသွားတယ်... လူတစ်ယောက်ရဲ့ လည်ပင်းကိုလှီးပြီး သွေးစင်တာတောင် မျက်တောင်ခတ်ဖို့ သတိမရတတ်တဲ့ဒီပတ်ဝန်းကျင်မှာ ဟိုနေရာဆေးလေးပို့ ဒီနေရာဆေးလေးပို့ ငွေလေးယူလိုက် အမြတ်ငွေလေးအိပ်ထဲထည့်လိုက်ရုံနဲ့မပြီးဘူးဆိုတာသိတဲ့နောက်မှာတော့ မစ်ကီတစ်ယောက်ဟာ သူ့ကိုယ်သူ ဒီလောကရဲ့ အများသူငါမော်မကြည့်ရဲတဲ့ ဘုရင်တစ်ပါးအဖြစ်ပုံပြောင်းပါတော့တယ်.... ဒီဇာတ်ကားက ဂန်းစတားတွေအကြောင်းရိုက်ထားတာပါ...ဒုစရိုက်သမားတွေရဲ့ ကတုံးပေါ်ထိပ်ကွက်တွေ... လည်သူစားစတမ်းတွေ....လက်မရွှံတွေကြား မျက်ခုံးမွေးပေါ်စင်္ကြန်လျှောက်တဲ့သူတွေနဲ့ ဒီကားကတော်တော်မိုက်ပါတယ်... The Irishman (2019) တို့လို့ ခပ်အေးအေးနဲ့ ဇာတ်လမ်းကို ဆွဲခေါ်တတ်တဲ့အမျိုးအစားမဟုတ်ပါဘူး..သူက ဖြစ်ရပ်မှန်ကိုအခြေခံထားတာကြောင့် လည်းပါမှာပေါ့လေ...The Gentlemen (2019) ကတော့ ခပ်သွက်သွက်နဲ့ကိုဇာတ်လမ်းစထားပါတယ်...အဓိက သရုပ်ဆောင်ဖြစ်တဲ့ Matthew McConaughey ကိုတော့ အားလုံးသိကြမှာပါ...အခြားဝါရင့်ဟာသသရုပ်ဆောင်တွေ အက်ရှင်သရုပ်ဆောင်တွေ ပါဝင်ထားပါတယ်။ လူငယ်အနေနဲ့လည်း crazy rich Asian တို့ last Christmas တို့ရဲ့ မင်းသား ဟင်နရီ ဂိုးဒင်းတို့လည်း ပါဝင်ထားပါသေးတယ်။ File size…(5 GB)/(1.5 GB)/(880 MB) Quality….BluRay  4K HEVC/1080p /720p Format…mkv/mp4 Duration….01:53:40 Subtitle….Myanmar Subtitle (Hardsub) Encoder….Ka Naung Translated by Littleneo

ဒစ်စနေးရဲ့ ရုပ်ရှင်အသစ်ကို တင်ပေးထားပါတယ်။ ဒါကလည်း fantasy အမျိုးအစားပါပဲ။ အာတီမစ် ဖောင်း ဆိုတဲ့ နာမည်နဲ့ သားအဖေ နှစ်ယောက် ရှိပါတယ်။ အဖေက ရှေးဟောင်း ပစ္စည်းတွေ ရောင်းဝယ်တဲ့သူ။ သားကတော့ ဉာဏ်ကြီးရှင်ပါ။ တစ်နေ့မှာ အာတီမစ်စီနီယာ အဖမ်းခံလိုက်ရပြီး အာတီမစ်ဂျူနီယာဆီကို ဖုန်းဆက်လာပါတယ်။ အဖေကို ပြန်ကယ်ချင်ရင် အောကျူလို့ ဆိုတဲ့ ပစ္စည်းနဲ့ လာရွေးခိုင်းတာပါ။ တကယ်တော့ အောကျူလို့ဆိုတာ နတ်မှင်စာ တွေ၊ လူပုတွေ၊ ဂေါ်ဘလင်တွေရဲ့ ကမ္ဘာက အစွမ်းအထက်ဆုံးလက်နက်ပါပဲ။ ဒီတော့မှ အာတီမစ် ဂျူနီယာဟာ သူ့အဖေပြောခဲ့တဲ့ ပုံပြင်တွေဟာ တကယ်ဆိုတာ သိလာပြီး။ နတ်မှင်စာလက်နက် ကို ရှာဖို့ ကြံစည်ရပါတော့တယ်။ နတ်မှင်စာတွေကလည်း ဒီလက်နက် အခိုးခံထားရပြီး အသည်း အသန် ရှာဖွေရေးလုပ်နေချိန်မှာ တိုက်ပွဲတွေဖြစ်လာပါတော့တယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Littleneo ပဲဖြစ်ပါတယ်။) Quality – 1080p, 720p  WebRip Duration - 1 hr 35 min Subtitle – Myanmar Hardsub Format – Mp4 Genre : Adventure, Fantasy, Family Source : 1080p.WebRip Translator – Littleneo Encoder – San Win Maung

90's born အစောပိုင်း ကလေးတွေ ကာတွန်းကားအဖြစ် ခဏခဏ ပြန်ကြည့်ပြီး အသည်းစွဲကြိုက်ခဲ့ရသလို၊ အရမ်းချစ်စရာကောင်းတဲ့ 1941 ခုနှစ်ကထွက်ထားတဲ ့ Disney's Dumbo ကိုအခြေခံပြီး ယခုလက်ရှိမှာတော့ ဒါရိုက်တာ Tim Burton ကနေပြန်လည်အသက်သွင်းထားပါတယ်။ 1941 ခုနှစ်တုန်းက Dumbo ကားဟာ ကာတွန်းအနေနဲ ့အောင်မြင်မှုတွေရယူခဲ့ပြီး ယခု Dumbo (2019) ဇာတ်ကားကိုတော့ 3D Animation ရယ် Human Characters တွေရယ် ပေါင်းစပ်ထားပြီး Live Action အနေနဲ့ Walt Disney Studios Motion Pictures ကနေ ဇာတ်လမ်းအတွက် US 170 milion လောက်ကို သုံးထားပြီး ရိုက်ကူးဖြန့်ချီထားတယ်လို ့လည်းသိရပါတယ်။ သရုပ်ဆောင်တွေအနေနဲ့ Colin Farrell, Michael Keaton, Danny DeVito နဲ့ Eva Green တို့က အဓိကပါဝင်ထားပြီး ဇာတ်လမ်းကြာချိန်ကတော့ 112 minutes လောက် ကြာမြင့်မှာဖြစ်တဲ့ စိတ်ကူးယဉ်ဆန်ဆန် ဇာတ်ကားလေးပဲဖြစ်ပါတယ်။ Dumbo လေးကို အမှတ်မထင် ရထားပေါ်မှာတွေ့မိပြီး မွေးကတည်းက နားရွက်ကလေးက ကြီးနေလို့ အထူးအဆန်း ဆင်ပေါက်ကလေးအနေနဲ့ မိခင်နဲ့ခွဲခံရကာ ဆပ်ကပ်အဖွဲ့ထဲရောက်ခဲ့ရပါတယ်။ အဲ့အချိန်မှာ Dumbo လေးက သူ့ဟာသူရော ဘယ်သူကမှပါ ပျံသန်းတတ်တာမသိကြသေးပါဘူး... Dumbo လေးက ချစ်စရာလေးမို ့ကလေးလေးတွေနဲ ့ဆော့ရင်း မတော်တဆပျံသန်းမိခဲ့သလို ့ဖြစ်ခဲ့ရာကနေ Dumbo ရှိတဲ့ ့ဆပ်ကပ်လေးက လူသိများလာတဲ့အခါ...ဆပ်ကပ်အဖွဲ့ရဲ့နောက်ကွယ်ဇာတ်လမ်းတွေအပေါ်မှာ Dumbo လေး ဘာတွေဆက်ဖြစ်သွားမယ်ဆိုတာကိုတော့။ File Size :  5.1 GB, 1.6 GB, 888 MB Quality : Blu-Ray HEVC 4K / 1080p / 720p Running Time : 1hr 52min Format : Mkv and Mp4 Audio : AAC and AC-3 Genre : Adventure, Family, Fantasy Subtitle : Myanmar Subtitle (Hard Sub) Translated by : Little Neo Encode by : Thit San Khant

Widows (2018) 2018 ထွက် Widows ဆိုတဲ့ စိတ်လှုပ်ရှား အံ့အားသင့်စရာ ဇာတ်ကားလေးတစ်ကားတင်ဆက်ပေးချင်ပါတယ်… IMDb -7.2 / Rotten Tomatoes 91% နဲ့ အကောင်းစား Rating ကြီးတွေရထားလေတော့ ကားကောင်းဖြစ်ကြောင်းနဲ့  ဒေါင်းကြည့်ပါလို့တော့ ပြောစရာလိုမယ်မထင်ဘူးဗျာ... သို့ပေမဲ့ ဇာတ်လမ်းအကြောင်းအနည်းငယ်တော့လိုအပ်မယ်ထင်လို့ပြောပါရစေ... ဒုစရိုက်လုပ်ငန်းတွေကို အာဏာရှင်တွေ ကျောထောက်နောက်ခံနဲ့ဆောင်ရွက်နေတဲ့ ဟယ်ရီ ရောလင်း (Liam Neeson)ဟာ လူမည်းလုပ်ငန်းရှင်တစ်ဦးထံက အမေရိကန်ဒေါ်လာ တစ်သန်းလုယူအပြီး အပြန်လမ်းမှာ ရဲတွေနဲ့ပက်ပင်းမိတာကြောင့် ပစ်ကြခတ်ကြရင်း သူအပါအဝင် နောက်လိုက်နှစ်ယောက်လည်း သေဆုံးသွားပါတော့တယ်... သူတို့နဲ့အတူ လုယူလာတဲ့ ဒေါ်လာ တစ်သန်းလည်း ကားပေါက်ကွဲ မီးလောင်တဲ့အထဲပါသွားပါတယ်… သေတဲ့လူတွေကသေသွားပြီဖြစ်ပေမဲ့ ဒေါ်လာတစ်သန်းကိစ္စဟာ ကျန်ရစ်သူ ဟယ်ရီရဲ့မိန်းမ ဗရော်နီကာထံ ပြဿနာခေါင်းပုံကျလာပါတော့တယ်...အသက်အန္တရာယ်ခြိမ်းခြောက်မှုတွေရှိလာတဲ့အတွက်ကြောင့် ဗရော်နီကာဟာ ပေါက်ကွဲမှုမှာသေဆုံးသွားသူတွေရဲ့ ဇနီးတွေထံဆက်သွယ်ပြီး မုဆိုးမသုံးယောက် ဒီပြဿနာကို ဘယ်လိုများဖြေရှင်းကြမလဲ...ဒုစရိုက်ဂိုဏ်းကြီးနဲ့မှ ပတ်သက်မိတော့ မိန်းမသားတွေအဖို့ရင်ဆိုင်ဖြေရှင်းနိုင်ပါ့မလား... အားနွဲ့တဲ့မိန်းမသားတွေလား ကျားသစ်မတွေလားဆိုတာကိုတော့ ...ခံစားကြည့်လိုက်ပါဦးဗျို့... ဇာတ်လမ်းအညွှန်းနဲ့ဘာသာပြန်သူကတော့ Zuel Khant Thwin ပဲဖြစ်ပါတယ်... File Size : 2.01GB / 787MB Quality : WEB-DL 1080p / 720p Duration : 02:39:00 Genre :  Crime, Drama, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Heather Oo

အခုမိတ်ဆက်ပေးမယ့် ဇာတ်ကားလေးကတော့ ၂၀၁၇ နိုဝင်ဘာမှာ အသစ်ထွက်လာတဲ့ The Killing of a Sacred Deer ဆိုတဲ့ ဇာတ်ကားလေးပါ။ ဒီကားမှာတော့ ဒေါက်တာစတီဗင်ဟာ သူ့ဇနီးရယ် ကလေးနှစ်ယောက်ရယ်နဲ့ အပြစ်ကင်းစင်တဲ့မိသားစုလေးကို အိမ်ထောင်ဦးစီးနေတဲ့ အောင်မြင်ကျော်ကြားတဲ့နှလုံးအထူးကုခွဲစိတ်ဆရာဝန်တစ်ယောက်ပါ။ တစ်နေ့မှာတော့ သူ့ဘဝထဲကို စိတ်အနှောင့်အယှက်ဖြစ်စရာနည်းလမ်းတွေနဲ့ တဖြည်းဖြည်းချင်းဝင်ရောက်လာတဲ့သူကတော့ အဖေမရှိတော့တဲ့ဆယ်ကျော်သက်ကောင်လေးမာတင်ပါ။ မကြာခင်မှာ မာတင်ဟာ သူတို့မိသားစုရဲ့ပျော်ရွှင်မှုလေးတွေကို ထာဝရဖျက်စီးပစ်မယ့် အတိတ်က အတော်ကြာမေ့ထားခဲ့တဲ့ သူ့ရဲ့အပြစ်ကျူးလွန်ခဲ့မှုကို ဖော်ထုတ်ချိန်မှာ မာတင်ရဲ့ရည်ရွယ်ချက်ဟာ လုံးလုံးလျားလျားပေါ်လွင်လာပါတယ်။ မာတင်က ဘယ်သူလဲ။ ဘာလို့ ဒေါက်တာစတီဗင်တို့ပျော်စရာမိသားစုလေးကို ဖျက်စီးဖို့ ကြိုးစားရတာလဲ ဒေါက်တာကရော ဘာအပြစ်တွေ ကျူးလွန်ခဲ့တာလဲ။ နောက်ဆုံးမှာ ဘယ်လိုတွေအဆုံးသတ်မလဲဆိုတာတော့ စောင့်မျှော်ကြည့်ရှုကြပါဦး IMDb rating 7.6 အထိရထားတဲ့ ကားလေးမို့ ကြည့်ပြီးရင် စိတ်မပျက်စေရပါဘူး။ တကယ်ကိုကြည့်ဖို့ ထိုက်တန်တဲ့ ဇာတ်ကားတစ်ကားပါ။ File Size : (950 MB) Quality : WEB-DL 720p Running Time : 2hr 1min Format : Mp4 Genre :Drama, Horror, Mystery Subtitle : Myanmar Subtitle (Hard Sub) Source : 1080p.WEB-DL.DD5.1.H264-FGT Translated by Lex Luthor Encoded by Thanhtike Zaw

The Beguiled 2017 မှာဆိုရင်တပ်ကြပ်ကြီးမက်ဘာနီက စစ်ပွဲတွင်းမှာထွက်ပြေးလာတဲ့ ဒဏ်ရာရထားတဲ့ပြည်ထောင်စုစစ်သားတစ်ယောက်ပါ။ သူ့ကိုတောင်ပိုင်းကမိန်းကလေးတွေပဲနေတဲ့စာသင်ကျောင်းတစ်ကျောင်းကအသက်ကယ်ခဲ့ပါတယ်။ သူ့အသက်ကိုကယ်ခဲ့တဲ့မိန်းကလေးကျောင်းကကောင်မလေးတွေနဲ့ဘယ်လိုတွေဆက်ဖြစ်မလဲဆိုတာ စိတ်ဝင်စားစွာကြည့်ရမယ့် ဒရာမ သည်းထိတ်ရင်ဖိုဇာတ်ကားလေးတစ်ကားပါ။ မင်းသမီးချောလေး Elle Fanning လဲပါတာမို့လက်မလွှတ်တမ်းကြည့်ရှုသင့်တဲ့ ဇာတ်ကားကောင်းလေးတစ်ကားဖြစ်မှာတော့အသေအချာပါပဲဗျာ (ဘာသာပြန်သူကတော့ Saw Wunna ပါ) File Size : (700 MB) and (240 MB) Quality : Bluray720p Running Time : 1hr 33min Format : Mp4 Genre :Drama Subtitle : Myanmar Subtitle (Hard Sub) Translated by Saw Wunna Encode by Thanhtike Zaw

ဒီဇာတ်လမ်းဟာ ဟယ်ရီပေါ်တာဇာတ်လမ်းတွေရဲ့ မှော်လောကထဲမှာ ဖြစ်ပျက်ခဲ့တဲ့အကြောင်းတွေပါပဲ။ ဒါပေမယ် ဖြစ်ပျက်နေတဲ့ကာလဟာ ၁၉၂၆ ဖြစ်ပြီး ကျောင်းအုပ်ဆရာကြီး အဲဘတ်စ် ဒန်ဘယ်လ်ဒိုးရဲ့လူငယ်ကာလဖြစ်ပါတယ်။ အဲဒီကာလရဲ့ နာမည်ကြီးမှော်နက်ဆရာကတော့ ဟယ်ရီစာအုပ်ထဲမှာ နာမည်ဖော်ပြခဲ့တဲ့ ဂရင်ဒီဝေါလ်ပါ။ ဒီဇာတ်ကားရဲ့ အဓိကဇာတ်ကောင်ကတော့ မှော်ပညာ နဲ့ မှော်သတ္တဗေဒ ပညာရှင်  နျု စကန်မန်ဒါပါ(ဟယ်ရီတို့ ကာလမှာ နျုရဲ့စာအုပ်တွေဟာ ကျောင်းအတွက် ပြဌာန်းစာအုပ်ဖြစ်လာခဲ့ပါတယ် ဟက်ဂရစ်လက်စွဲပေါ့)။ နျုဟာ လန်ဒန်ကနေ နယူးယောက်ကို မှော်သတ္တဝါဆန်းတွေ အပြည့်ပါတဲ့ လက်ဆွဲအိတ်တစ်လုံးနဲ့ ရောက်လာခဲ့ပါတယ်။ အဲဒီအချိန်မှာပဲ နယူးယောက်မှာ အဖြေရှာမရတဲ့ ထူးဆန်းတဲ့တိုက်ခိုက်မှုတွေ ပေါ်ပေါက်နေပါတယ်။ အမေရိကန်အခေါ် No-Maj (ဗြိတိန်အခေါ် မက်ဂယ်) မှော်ပညာမတတ်တဲ့ သာမာန်လူသားတစ်ဦးနဲ့ မတော်တဆအလွဲတွေ ဖြစ်ရင်း သူ့ရဲ့သေတ္တာထဲကနေ သတ္တဝါအချို့လွတ်မြောက်သွားတဲ့အခါ တိုက်ခိုက်မှုတွေရဲ့အကြောင်းရင်းဟာ သူ့ကြောင့်လို့ သံသယဖြစ်စရာတွေပေါ်လာပြီး ဖြေရှင်းဖို့ကြိုးစားရပါတော့တယ်။ ဒီဇာတ်ကားဟာ ၅ ကားအထိ ဆက်ရိုက်ဖို့ သတင်းထုတ်ပြန်ထားတာမို့ ဒီကားလေးကြည့်ပြီးရင် နောက်နှစ်တွေအတွက် ဆက်ပြီး စောင့်မျှော်ကြတာပေါ့ဗျာ။ File Size     :   952 MB File Type    :   mp4 Duration    :   2: 13: 38 Quality       :   Bluray rip Translator :   Litttleneo Encoder     :   Littleneo

The Lobster (2015) IMDb Rating (7.1) / Rotten Tomatoes (88%) ဒီရုပ်ရှင်ကားက အတော်ကိုထူးဆန်းတဲ့ရုပ်ရှင်ကားပါပဲ။ အနာဂတ်က ကာလတခုမှာပေါ့... ဘဲမရှိ၊စော်မရှိ လက်တွဲဖော်မရှိတဲ့ FAလေးတွေဟာမြို့တော်ရဲ့ ဉပဒေအရ Hotel ဆိုတဲ့နေရာကိုအပို့ခံကြရပါတယ်၄၅ရက်အတွင်း ကြင်ဖက်ကိုရှာဖို့ပါ... အဲ့လိုလုပ်ပေးတာတောင်မှ မစွံခဲ့ရင်တော့တိရစ္ဆာန်အဖြစ်အပြောင်းခံရပြီး တောထဲကိုနှင်ထုတ်ခံရမှာပဲဖြစ်ပါတယ်.....ပြီးတော့ Hotelမှာစည်းကမ်းတစ်ခုရှိပါတယ်......လုံးဝလက်သုံးပြီး အာသာဖြေလို့မရပါဘူး Maidရဲ့ ယုယမှုလောက်ကိုပဲ ယောကျာ်းလေးတွေ အနေနဲ့ဖြေသိမ့်ရပါတယ် ...without orgasm ပါ။ ခွေးဖြစ်နေတဲ့သူ့အစ်ကိုနဲ့ ဒေးဗစ်တို့Hotelကိုရောက်သွားတဲ့အခါမှာတော့...။ Dark Comedy ဆန်ဆန် အထူးအဆန်းဇာတ်လမ်းဆိုပေမယ့် ဒီကားရဲ့ရရှိထားတဲ့အောင်မြင်မှုတွေကတော့ (Nominated for 1 Oscar. Another 33 wins & 72 nominations)တို့ပဲဖြစ်ပါတယ် မင်းသားမင်းသမီးတွေကလဲ ဒိတ်ဒိတ်ကြဲတွေပါပဲ... Colin Farrell , Rachel Weisz , Léa Seydoux တို့လိုနာမည်ကြီးတွေနဲ့ တခြားသရုပ်ဆောင်များစွာပါဝင်ထားတဲ့ရုပ်ရှင်ကားကြီးဖြစ်ပါတယ်။ File size…(3 GB )/(1 GB) Quality….BluRay 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Trasnlated by Dolly

Solace (2015) ~ IMDb rating - 6.4/10 ~ ဘရက်ဒ်ပစ်နဲ့ မော်ဂန်ဖရီးမန်းတို့ရဲ့ Se7en အဆက်​အနေနဲ့ရိုက်ကူးမယ်လို့ စီစဥ်ခဲ့​​ပေမဲ့ ဒေးဗစ်ဖင်ချာက ဇာတ်ညွှန်းသိပ်သ​ဘောမကျတာ​ကြောင့် အစီအစဥ်ပျက်သွားပြီး Se7en နဲ့ အချိတ်အဆက်မလုပ်တော့ဘဲ သူ့ဘာသာ သီးခြားထွက်ရှိလာတဲ့ မှုခင်း ဒရာမာကားတစ်ကားဖြစ်ပါတယ်။ Anthony Hopkins လို ထိပ်တန်းမင်းသားကြီးနဲ့ Colin Farrell လို A-List မင်းသားအပါအဝင် Jeffrey Dean Morgan အပြင် Abbie Cornish လည်းပါထားတာမို့ Se7en လောက်နီးနီး Cast ရော ဇာတ်ရော ကြမ်းနေတဲ့ စိတ်နယ်လွန်မှုခင်းကားမို့ အားလုံးသဘောကျလောက်မယ့် ရုပ်ရှင်ပါပဲ။ ~ ဇာတ်လမ်းအညွှန်း ~ သဘာဝလွန် စိတ်နယ်လွန် ပဟေဠိဆန်ဆန်စွမ်းအားတွေရော၊ FBI က ကွင်းဆက်လူသတ်မှုအတွက် အမှုလိုက်တာရော ပေါင်းစပ်ထားတဲ့ ရုပ်ရှင်မို့ သဘာဝလွန်စုံထောက်ကားအဖြစ်နဲ့ ဇာတ်အိမ်ဆန်းဆန်းပြားပြား တည်ထားတဲ့ရုပ်ရှင်ပါ။ ဂျွန်ကလန်စီဆိုတဲ့လူရှိတယ်။ သူက လူတစ်​ယောက်ကို ထိ​တွေ့လိုက်တာနဲ့ အဲဒီလူရဲ့အတိတ်ကိုရော အနာဂတ်ကိုပါ မြင်နိုင်တယ်။ ဒါပေမဲ့ သူက သမီးဖြစ်သူကို ဆုံးရှုံးလိုက်ရပြီး​နောက် အလုပ်ကို​ရော ဘ၀ကြီးကိုရော အရာရာ လက်လျှော့ပြီး မြို့ပြင်မှာ ​ပြောင်း​နေနေတယ်။ ဒီလိုနဲ့ အေးအေးဆေးဆေးနေနေတဲ့ သူ့ဆီ သူ့သူငယ်ချင်းဟောင်း ဂျိုးနဲ့ ကက်သရင်းတို့ရောက်လာတယ်။ ပိရိလွန်းလို့ ဘယ်လိုမှ ဖော်ထုတ်လို့မရတဲ့ ကွင်းဆက်လူသတ်သမားတစ်ယောက်ကို ဖမ်းဖို့ အကူအညီလာတောင်းတယ်ပေါ့။ ဆန်းတာက တစ်​ဖက်မှာလည်း အဲဒီ ကွင်းဆက်လူသတ်သမားကလည်း ဂျွန်လိုမျိုး အနာဂတ်ကိုကြိုမြင်နိုင်စွမ်းရှိ​နေတယ်။ အနာဂတ်ကို ကြိုမြင်နိုင်တဲ့နှစ်ယောက်ရဲ့ ဉာဏ်ကစားမယ့်ပွဲပေါ့။ ဒီလူက ဒီလိုအစွမ်းမျိုးပိုင်ထားပြီး ဘာလို့ လူ​တွေကို သတ်​နေရတာလဲ... အနာဂတ်ကိုကြိုမြင်နိုင်တဲ့သူနှစ်​​ယောက်ကြား ဘယ်လို​တွေဉာဏ်ကစားကြမလဲ... ဘယ်လို​တွေ အမှုကိုစုံစမ်းကြမလဲ... ဆိုတာ​တွေကို စိတ်ဝင်စားဖွယ်ကြည့်ရှုရမယ့်ကား​ကောင်းတစ်ကားဆို မမှားပါဘူး။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size - 1.55GB, 695MB Quality - 1080p, 720p IMDb Rating - 6.4/10 Format - mp4 Duration - 1H 41Min Genre - Crime, Drama, Mystery Subtitle - Myanmar Subtitle (Hardsub) Translated by DB Encoded by Y

Winter's Tale (2014) IMDb Rating (6.1) စာရေးဆရာကြီး Mark Helprin ရဲ့1983 ခုနှစ်မှာထွက်ရှိခဲ့တဲ့ Winter's Tale ဝတ္တုကို ရုပ်ရှင်အဖြစ် ပြန်လည်အသက်သွင်းရိုက်ကူးထားတာပါ။ မင်းသားကြီး Will Smith, Colin Farrell, Russell Crowe တို့အပြင် မင်းသမီး Jessica Brown Findlay နဲ့ Jennifer Connelly တို့ပါဝင် သရုပ်ဆောင်ထားကြပါတယ်။ ဇာတ်လမ်းအကျဉ်းကတော့ ပီတာ လိတ်ခ်ဆိုတဲ့ မိဘမဲ့ ပါရမီရှင်သူခိုးက သူ့ရဲ့ သူဌေးဟောင်း ပါလီ ဆုမ်းစ်နဲ့ ပြဿနာတက်ပြီး နယူးယော့ခ်မြို့ကနေထွက်မသွားခင် နောက်ဆုံးအနေနဲ့ အိမ်ကြီးတစ်အိမ်ကို ဝင်ခိုးဖို့လုပ်ခဲ့ပါတယ်။ ဒါပေမဲ့လည်း အိမ်ပိုင်ရှင်ကြီးရဲ့ သမီးဖြစ်သူ ဘီဗာလီရဲ့ စန္ဒရားလက်သံကိုနားထောင်ရင်း ချစ်မိသွားခဲ့ပါတယ်။ ဘီဗာလီကတော့ အဆုတ်ရောဂါသည်ဖြစ်ပြီး အချိန်သိပ်မကျန်တော့ဘူးဆိုပြီး ဆရာဝန်တွေက ပြောထားကြတာပါ။ ဒါပေမဲ့လည်း ပါလီ ဆုမ်းစ်ရဲ့ ‌နှောက်ယှက်မှုကနေ ဘီဗာလီနဲ့ ပီတာတို့ ချစ်မိသွားခဲ့ကြပြီး ဘယ်လိုမှော်ဆန်တဲ့ ချစ်ခြင်းမျိုးတွေဖြစ်လာမလဲဆိုတာ....။ File size…(1.7 GB )/(930 MB) Quality….BluRay 1080p HEVC / 720p Format…mkv/mp4 Duration….01:59:00 Subtitle….Myanmar Subtitle (Hardsub) Encoder….Ka Naung Trasnlated by TMMT

မယ်ရီကက်သရင်းဟာ အမေဆုံးပါးသွားတဲ့နောက် တောထဲမှာ သုတေသနလုပ်နေတဲ့ အဖေနဲ့အတူ နေဖို့ ရောက်လာပါတယ်။ သူ့အဖေက အဲဒီတောထဲမှာ လူအသေးလေးတွေ ရှိတယ်လို့ အခိုင်အမာယုံကြည်နေပြီး သူ့အယူအဆ မှန်ကြောင်း သက်သေပြဖို့လည်း ကြိုးစားနေသူပါ။ မယ်ရီကတော့ အဖေ့စကားကို အဓိပ္ပါယ်မရှိဘူးလို့ ထင်ပြီး မယုံကြည်ခဲ့ပါဘူး။ ဒါပေမယ့် တစ်နေ့မှာ သူကိုယ်တိုင် အဲဒီလူအသေးလေးတွေနဲ့ တွေ့လိုက်ရပါတယ်။ အဖေ ယုံကြည်နေတဲ့အရာကို ကိုယ်တိုင်တွေ့ရတဲ့အခါ မယ်ရီ ဘယ်လိုစွန့်စားခန်းတွေနဲ့ ကြုံရမလဲ။ လူအသေးလေးတွေက ဘာလုပ်နေကြတာလဲ၊ မယ်ရီနဲ့ သူတို့ကြား ဘယ်လိုဆက်စပ်မှု ရှိလာမလဲ၊ ဘယ်လိုပြဿနာတွေကို ရင်ဆိုင်ကြရမလဲဆိုတာကို ၂၀၁၃ ခုနှစ်ထွက် ဒီအန်နီမေးရှင်းကားမှာ ဆက်ပြထားပါတယ်။

လွန်ခဲ့တဲ့နှစ်အနည်းငယ်က ရန်ကြွေးတစ်ခုကြောင့် ဗစ်တာဟာ အယ်လ်ဖွန်စေရဲ့ ဂိုဏ်းထဲကို အယောင်ဆောင်ဝင်ထားပါတယ်။ လမ်းတစ်ဖက်ခြမ်းမှာ နေပြီး သူ့ကို စောင့်ကြည့်နေတဲ့ ဘီးထရစ်စ်ဆိုတဲ့ ကောင်မလေးကတော့ သူကျူးလွန်တဲ့ မကောင်းမှုတစ်ခုကို မမျှော်လင့်ဘဲ မြင်သွားခဲ့တယ်။ ဗစ်တာက သူ့စိတ်ထဲ မတင်မကျဖြစ်နေရတဲ့ ကိစ္စတစ်ခုကို ဖြေရှင်းချင်လို့ ဘီးထရစ်စ်ကို ချဉ်းကပ်ပါတယ်။ ဘီးထရစ်စ်ဘက်ကလည်း သူလိုချင်တဲ့ လက်စားချေမှုကို ဗစ်တာက လုပ်ပေးနိုင်မလားဆိုတာ သိချင်နေတယ်။ ဒီလိုနဲ့ နှစ်ယောက်သား ချိန်းတွေ့ကြပြီး တစ်ယောက်ရဲ့ တကယ့်ရည်ရွယ်ချက်ကို တစ်ယောက် သိလာကြပါတယ်။ လက်စားချေချင်နေတဲ့ သူတို့နှစ်ယောက် အချင်းချင်း ကူညီနိုင်ကြမလား၊ ဗစ်တာကရော သူ့မိသားစုအတွက် လက်စားချေနိုင်ပါ့မလား။ ကြမ်းတမ်းတဲ့ ဗစ်တာနဲ့ သိမ်ငယ်နေရတဲ့ ဘီးထရစ်စ်တို့ကြားက သံယောဇဉ်ကလည်း သူတို့ရည်ရွယ်ချက်တွေကို အနှောင့်အယှက်ဖြစ်လာစေနိုင်မလားဆိုတာ ရှိနေပါတယ်။ လျှို့ဝှက်ဖုံးကွယ်ထားမှုတွေ၊ အားပြိုင်မှုတွေနဲ့ ဇာတ်ကွက်အလှည့်အပြောင်းတွေကို အက်ရှင်ခန်းတွေနဲ့ တွဲဖက်ထားတဲ့ ရာဇဝတ်မှုဒရာမာပါ။

Seven Psychopaths (2012) ဆိုတဲ့ Comedy, Crime ဇာတ်ကားလေးကတော့ ရယ်ရသလို ကြည့်လို့လဲကောင်းပါတယ်။ နက်နက်နဲနဲတွေးချင်ရင်လည်း ရပါသေးတယ်။ ဒီဇာတ်ကားကို ကျွန်တော့်ဉာဏ်လေးမတောက် တခေါက်နဲ့ ညွှန်းလိုက်ရင်ပေါ့သွားမှာ ဆိုးလို့ ကောင်းတယ်၊ရယ်ရတယ် ဒီလောက်ပဲညွှန်းပါရစေ။ ဇာတ်လမ်းအကျဉ်းကတော့ အရူး ၇ ယောက်အကြောင်းကို ဇာတ််လမ်းရေးမယ့် စာရေးဆရာ အရက်သမားတစ်ယောက် ဇာတ်လမ်း စဉ်းစားရကြပ်နေပါတယ်။ နောက်တော့ ခွေးကို ပြန်ပေးဆွဲနေတဲ့ သူ့သူငယ်ချင်းနှစ်ယောက်နဲ့ အတူ ဇာတ်ရှုပ်တစ်ခုထဲကို ဝင်မိကြပါတယ်။ အဲဒီမှာ သူ့ဇာတ်လမ်းအတွက် အရူးတွေကို ထပ်တွေ့လာပြီး သူ့သူငယ်ချင်းနှစ်ယောက်က သူ့ဇာတ်လမ်းကို ဘယ်လိုကူရေးပေးကြမလဲ ကြည့်ရမှာပါ။ Rating တွေကလည်း ကောင်းပါတယ်။ IMDB 7.2 ရှိပြီး Rotten Tomatoes 82% ရရှိထားပါတယ်။ Translated & Review By D3mon Encoded By LK

Total Recall (2012) Extended Cut လူသားတစ်ယောက်ခြင်းစီ လိုက်လံရှာဖွေရတဲ့ ပဟေဠိဆိုတာက ကိုယ့်ကိုယ်ကိုယ် ဘယ်သူလဲဆိုတဲ့ မေးခွန်းပါပဲတဲ့။ အဲဒါရဲ့အဖြေဟာ အတိတ်မှာ မရှိပါဘူး၊ လက်ရှိ ပစ္စုပ္ပန်မှာပဲ ရှာတွေ့နိုင်ပါတယ်တဲ့။ ဒီတော့ ကိုယ်ဟာ ဘာကောင်ကြီးဖြစ်တယ်ဆိုတာ အခု ကိုယ်လက်ရှိဖြစ်နေတဲ့ အချိန်ကိုပဲ ကြည့်ပြီး ပြောရမှာလို့ ဆိုလိုတာပေါ့ဗျာ။ အတိတ်က ရွှေထီးဆောင်းခဲ့ဖူးရုံနဲ့ အခုလက်ရှိမှာ ငါက အကောင်ကြီးလို့ မပြောနိုင်သလို အတိတ်က ဆိုးမိုက်ခဲ့သမျှတွေဟာလည်း အခုအချိန် ဆက်မဖြစ်တော့ဘူးဆိုရင် နှိမ့်ချဆက်ဆံခံရစရာ မလိုပါဘူး။ ပြင်လို့မရတဲ့ အမှားမျိုးကတော့ ချွင်းချက်ပါ။ အခုတင်ဆက်ပေးမယ့်ကားကတော့ Total Recall ပါ။ အဲဒီနာမည်က ကျွန်တော်တို့လို ၈၇/၈၈ ပတ်ချာလည်မွေးတဲ့သူတွေအတွက်တော့ ရွှေရောင်အမှတ်တရတစ်ခုပေါ့။ အဲဒီတုန်းကတော့ မင်းသားကြီး Arnold Schwarzenegger (အာနိုး) ပါ။ ၁၉၉၀ ခုနှစ်မှာ ရိုက်ကူးတဲ့ အဲဒီဇာတ်လမ်းမှာတော့ ကမ္ဘာနဲ့ ဗုဒ္ဓဟူးဂြိုလ် (Mars) နဲ့အသွားအပြန်လုပ်ရတဲ့ အကြောင်းဖြစ်ပါတယ်။ ဂြိုလ်သားတွေလည်း ပါတာပေါ့။ အခုတင်ဆက်ပေးမှာကတော့ Extended Cut Version ဖြစ်ပြီး 2012 မှာ ရိုက်ကူးရုံတင်ခဲ့တဲ့ Remake ဇာတ်ကားပါ။ မင်းသား Colin Farrell က အဓိကဇာတ်ဆောင်မင်းသားအဖြစ် သရုပ်ဆောင်ထားပါတယ်။ ဇာတ်လမ်းကျောရိုးတစ်ခုလုံး တူရုံတင်မက အဓိကဇာတ်ဆောင် နာမည်များဖြစ်တဲ့ "ဒေါက်ဂ် ကွေ့ဒ်" ၊ "ကားလ် ဟောက်ဇာ" ၊ "ကိုဟေဂန်" ၊ "မယ်လီနာ" ၊ "လော်ရီ" တွေကို အတူတူပြန်သုံးထားပါတယ်။ ဒီဇာတ်ကားမှာတော့ ဗုဒ္ဓဟူးဂြိုလ်နဲ့ ဂြိုလ်သားတွေ မပါလာတော့ပဲ ကမ္ဘာပေါ်က နယ်မြေနှစ်ခုကို အမိုက်စား ဆက်သွယ်ရေးလမ်းကြောင်းနဲ့ ခပ်မိုက်မိုက် ပြန်တင်ဆက်ထားတာပေါ့။ ၁၉၉၀ ခုနှစ်က ဂြိုလ်သားတွေခေတ်စားပြီး ၂၀၁၂ မှာတော့ ရိုးအီလာတာကြောင့် plot ပြောင်းလိုက်တာလို့ ယူဆရပါတယ်။ ဇာတ်လမ်းအကျဉ်းကတော့ ဘဝကို ငြီးငွေ့လာတဲ့ အလုပ်သမားလေးတစ်ယောက်က ဦးနှောက်ထဲကို မှတ်ဉာဏ်အတုတွေထည့်ပေးပြီး ဖျော်ဖြေမှုပေးတဲ့ "Rekall" ဆိုတဲ့ နေရာ‌ကို သွားရောက်မိပါတယ်။ သူတို့ရဲ့ ဓာတုဗေဒဆေးတွေ ထိုးထည့်လိုက်ချိန်မှာပဲ သူ့ဘဝအမှန်က ရုတ်တရက်ပေါ်ထွက်လာပြီး သူတစ်ချိန်လုံး ထင်နေတဲ့ဘဝတစ်ခုလုံးက အတုအယောင်ဖြစ်ကြောင်း သိလိုက်ရပါလေရော။ သူ့စိတ်ထဲကို မှတ်ဉာဏ်အတုတွေ ရိုက်ထည့်ပေးလိုက်တဲ့ အဖွဲ့အစည်းက သူ့နောက်ကို အသည်းအသန် စပြီး လိုက်ပါတော့တယ်။ ဒီလိုပဲ ပြေးရင်း လွှားရင်း ဘဝမှန်ကို ဖော်ထုတ်ရင်း သူပါဝင်ပက်သက်နေတဲ့ကိစ္စက ပေါ့သေးသေးမဟုတ်ဘဲ ကမ္ဘာ့အရေးအခင်းနဲ့ သက်ဆိုင်လာတဲ့အခါမှာ ၊ လူတွေအားလုံးရဲ့တာဝန်ကို သူ့ပုခုံးပေါ် ပြောင်းတင်လိုက်ရတဲ့အခါမှာ သူဘာတွေလုပ်မလဲ။ သူဘာတွေ တွေးမလဲ ဆိုတာကို ကြည့်ရှုရပါမယ်။ နှစ်ကားလုံးကြည့်ပြီးသားဆိုရင်လည်း ပြန်ကြည့်ရတာ အရသာရှိမှာပါ။ IMDb 6.2 ဆိုတာကလည်း Science Fiction တစ်ခုအနေနဲ့ အမြင့်ဆုံး ပေးထားသလိုပါပဲ။ ပထမကားပဲ ကြည့်ရသေးတယ်ဆိုရင်တော့ အမြန်သာ ဒေါင်းလိုက်ပါ။ ဘယ်ကားမှ မကြည့်ရသေးဘူးဆိုရင်လည်း အဆက်မပါတဲ့အတွက် ကိစ္စမရှိပါဘူး။ ဒီကားကို ကြည့်ရုံနဲ့ ရပါတယ်။ အချိန်ရရင်တော့ အရင်ကားကို ပြန်ရှာ ကြည့်ပြီး ဒီကားပြန်လာကြည့်ရင် ပိုအရသာရှိပါလိမ့်မယ်။ (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 2.2GB, 1.31GB Quality - Bluray 1080p, 720p IMDb Rating - 6.2/10 Format - mp4 Duration - 2H 10Min Type - SciFi, Action Subtitle - Myanmar Subtitle (Hardsub) Translated by Arr Khun Winchester Encoded by Y

Horrible Bosses (2011) Extended Cut Version IMDb Rating (6.9) / Rotten Tomatoes (69%) အလုပ်ရှင်သူဌေးကို လုပ်ကြံမယ့် ဝန်ထမ်းတွေလာပါပြီ.... သရုပ်ဆောင်ကလဲ နာမည်ကြီးတွေဖြစ်သလို တကယ်လဲရယ်နေရတဲ့ Dark Comedy ရုပ်ရှင်ကားတွေပါ။ ဇာတ်လမ်းကတော့....... နစ်ခ် ကာ့တ် နဲ့ ဒေးလ် ဆိုတဲ့ သူငယ်ချင်း သုံးယောက်ရှိကြပါတယ်… သူတို့က မတူညီတဲ့ ပတ်ဝန်းကျင်း တစ်ခုစီမှာ ကိုယ်ပိုင်ရာထူးတစ်ခုစီနဲ့အလုပ်လုပ်နေကြပြီး သက်ဆိုင်ရာ သူတို့ရဲ့ အလုပ်မှာ အလုပ်ကြိုးစားကြပေမယ့် အဆင်မပြေကြတဲ့ သူတွေပေါ့ အဓိကအကြောင်းကတော့ ဆိုးရွားတဲ့ အလုပ်ရှင်သဌေးတွေကြောင့်ပါပဲ နစ်ခ် ကတော့ ကုမ္ပဏီတစ်ခုမှာ အလုပ်လုပ်နေပြီးတော့ သူအလုပ်ကြိုးစားပေမယ့် အကျင့်မကောင်းတဲ့ အလုပ်ရှင်ကြောင့် အမြဲတမ်း အညစ်ခံနေရသူပါ ကာ့တ် ကတော့ အလုပ်ရှင်ရ ကံကောင်းခဲ့ပေမယ့် ကံမကောင်းစွာပဲ သဘောကောင်းတဲ့ အလုပ်ရှင် သေဆုံးခဲ့ပြီး အလုပ်ရှင်သား ဆေးသမားက သူ့အထက်လူကြီး ဖြစ်လာခဲ့ပါတယ် ဒေးလ် ဆိုတဲ့ သွားဆရာဝန်လက်ထောက်ကလေးကတော့ သူအလုပ်လုပ်နေတဲ့ သွားဆေးခန်းမှာ သွားဆရာဝန်မရဲ့ လိင်ပိုင်းဆိုင်ရာနှောင့်ယှက်မှုကို ခံနေရတဲ့သူပေါ့.. သူကတော့ ချစ်သူအပေါ် သစ္စာရှိချင်သူဆိုတော့ သူ့အတွက် ဒုက္ခဖြစ်လာခဲ့တယ် ပြဿနာပေါင်းစုံနဲ့ သူငယ်ချင်းသုံးယောက်ဟာ သည်းမခံနိုင်တော့တဲ့အဆုံး သူတို့အလုပ်ရှင်တွေကို သတ်ဖို့ ကြိုးစားကြပါတော့တယ်… ရယ်မောစရာနဲ့ ရင်ထိတ်စရာ မှုခင်းဟာသကားဖြစ်ပြီး ညစ်ညမ်းတဲ့ဟာသစကားလုံးတွေပါလို့ မိသားစုနဲ့တော့ ကြည့်လို့မပြေလောက်ပါဘူး။ Horrible Bosses (2011) နဲ့ Horrible Bosses 2 (2014) ၂ ကားရှိပြီး ၂ ကားလုံးကို CM မှာ တင်ဆက်ထားပါတယ်။ File size…(1.9 GB )/(970 MB) Quality….BluRay Extended Cut 1080p HEVC / 720p Format…mkv/mp4 Duration….01:45:37 Subtitle….Myanmar Subtitle (Hardsub) Encoder….Ka Naung Translated by Zuel Khant Thwin

Fright Night (2011) ~ IMDb - 6.4/10, RT - 72% ~ ဒီကားဟာ သူ့မူရင်းကားဖြစ်တဲ့ Fright Night (1985) လို ဂန္တဝင်စာတင်လောက်တဲ့ ဇာတ်ကားမျိုးမဟုတ်ပေမဲ့ ကြည့်ပျော်တဲ့ Horror ဇာတ်ကားလေးပါပဲ။ လက်စ်ဗီးဂတ်မြို့ဟာ နေ့မှာအိပ်ပြီး ညမှာ အလုပ်လုပ်ကြတယ်။ အခြေချနေထိုင်သူရှားပြီး ယာယီနေထိုင်သူတွေများတဲ့အတွက် သွေးစုပ်ဖုတ်ကောင်တွေအတွက် နေချင်စရာမြို့လေးပေါ့ဗျာ။ ချာလီတို့ အထက်တန်းကျောင်းမှာလည်း အတန်းသားတွေ တစ်ယောက်ပြီး တစ်ယောက် လျော့လျော့လာနေတယ်။ အမြဲတမ်း အတည်တကျနေသူတွေမရှိတဲ့ သူတို့မြို့အတွက်တော့ သိပ်မဆန်းဘူးပေါ့။ ဒါပေမဲ့ ချာလီရဲ့ငယ်သူငယ်ချင်း အဒမ်တို့ မိသားစုကပါ စာမလာသတင်းမကြားဘဲ ပျောက်သွားခဲ့ပါတယ်။ အဒမ်ပျောက်သွားတာ သွေးစုပ်ဖုတ်ကောင်တစ်ကောင်ရဲ့ လက်ချက်လို့ နောက်သူငယ်ချင်းတစ်ယောက်ဖြစ်တဲ့ အက်ဒ်ကပြောလာတဲ့အချိန်မှာတော့ ချာလီလည်းမယုံနိုင်ခဲ့ပါဘူး။ အက်ဒ်က သူနဲ့ အဒမ် စုံစမ်းထောက်လှမ်းချက်တွေအရ ချာလီရဲ့ အိမ်နီးချင်း ဂျယ်ရီက သွေးစုပ်ဖုတ်ကောင်ဖြစ်နေပြီး သူ့အကြောင်းကို သိသွားလို့ အဒမ်ကိုသတ်ပစ်လိုက်တာလို့ ပြောပြပေမဲ့ ချာလီကတော့ မယုံနိုင်သေးပါဘူး။ နောက်တစ်နေ့မှာ အဒမ်ပါ ပျောက်သွားလို့ စုံစမ်းတဲ့အချိန်မှာ သူရဲ့အိမ်နီးချင်း ဂျယ်ရီက သွေးစုပ်ဖုတ်ကောင်ဆိုတာ သိလာပါတယ်။ သူသိသွားတဲ့အကြောင်းကို သွေးစုပ်ဖုတ်ကောင် ဂျယ်ရီကလည်း သိသွားပြီး သူတို့နှစ်ယောက် ထိပ်တိုက်ရင်ဆိုင်တွေ့ကြရာမှာတော့...... (ဒီဇာတ်ကားနဲ့အညွှန်းကို 666 မှ ပြန်ဆိုရေးသားထားပါတယ်) Size - 1.8GB, 790MB Quality - Bluray 1080p, 720p IMDb Rating - 6.4/10 Format - mp4 Duration - 1H 46Min Genre - Comedy, Horror Subtitle - Myanmar Subtitle (Hardsub) Translated by 666 Encoded by Y

ဒီရုပ်ရှင်ကို ဒါရိုက်တာ Peter Weirက နာမည်ကြီး ဝတ္ထု The Way Backရဲ့ စာရေးဆရာ ပိုလန်လူမျိုး reporter Slavomir Rawicz ရဲ့ကိုယ်တွေ့ဖြစ်ရပ်ကိုမှ နောက်ခံဇာတ်ကောင်တွေထပ်ထည့်ပြီး ရိုက်ကူးထားတာပါ။ Jim Sturgess, Colin Farrell, Ed Harris နဲ့ Saoirse Ronan တို့လို နာမည်ကြီးတွေ ဦးဆောင်ပါဝင်ထားပါတယ်။ Oscar nominationကို Best makeup နဲ့ဝင်ခဲ့ပေမယ့် The Wolfmanကို ရှုံးသွားခဲ့ပါတယ်။ ဒုတိယကမ္ဘာစစ်အတွင်း ပိုလန်နိုင်ငံကို ဆိုဗီယက်ကျူးကျော်ထားစဥ်မှာ စစ်အရာရှိငယ် Janusz Wieszczekက ဖမ်းဆီးထိန်းသိမ်းခံရပါတယ်။ဆိုဗီယက်တွေက သူ့ရဲ့အမျိုးသမီးကိုပါ ခေါ်ယူရိုက်နှက်စစ်ဆေးပြီး Januszကို စပိုင်လို့ အမည်တပ်ကာ နိုင်ငံရေးအကျဥ်းသားတွေကို ဖမ်းဆီးပြီး အလုပ်ကြမ်းအတင်းခိုင်းစေတဲ့ စနစ်ဖြစ်တဲ့ Gulagကိုကျင့်သုံးနေတဲ့ Siberiaက campတစ်ခုဆီပို့လိုက်ပါတယ်။ ရာသီဥတုက အင်မတန်အေးပြီး ဆိုးလွန်းတဲ့အထဲ အလုပ်ကြမ်းတွေမနားလုပ်ရပါတယ်။နှင်းကိုက်ဒဏ် ထောင်သားအချင်းချင်း နှိပ်စက်ဒဏ် စတဲ့မျိုးစုံခံရတဲ့အခါမှာ ထွက်ပြေးဖို့စည်းရုံးလူစုကာ နှင်းမုန်တိုင်းထန်တဲ့ တစ်ညကို အခွင့်အကောင်းယူပြီး ထွက်ပြေးလာခဲ့ပါတယ်။ Siberiaကနေ တရုတ်ပြည် တိဗက် ဟိမဝန္တာတောင်တန်းတွေနဲ့ အိန္ဒိယအထိ လွတ်လပ်မှုဆီ မိုင်ပေါင်း ၄၀၀၀ကို ခြေကျင်လျှောက်သွားခဲ့ပါတယ်။ လမ်းခရီးတစ်လျှောက် ကြုံရတဲ့ အခက်အခဲတွေကတော့ ရုပ်ရှင်အရသာပျက်မှာစိုးလို့ မပြောတော့ပါဘူး။နိုင်ငံရေးနောက်ခံ drama/adventure ရုပ်ရှင်ကားကောင်းမို့လို့ မလွတ်တမ်းကြည့်သင့်တဲ့ကားမျိုးဖြစ်ပါတယ်။ File size…(2.1 GB)/(1.1 GB) Quality….Webrip 1080p / 720p Format…mp4 Duration….02:13:00 Genre...Drama, Adventure, History Subtitle….Myanmar Subtitle (Hardsub) Encoder….Mr. Anderson Translated by Hsu Hlyun Ni

Crazy Heart (2009) နာမည်ကြီး ဒါရိုက်တာ Scott Cooper က ရိုက်ကူးထားပြီး၊ Thomas Cobb ၏ ဝတ္ထုကို အခြေခံကာ အော်စကာမင်းသားကြီး Jeff Bridges, Maggie Gyllenhaal နဲ့ Colin Farrell တို့လို နာမည်ကြီး သရုပ်ဆောင်တွေ ပါဝင်ထားတဲ့Drama / Music ရုပ်ရှင်ကားကြီး ဖြစ်ပါတယ်။ ဇာတ်လမ်းကတော့ တစ်ချိန်က နာမည်ကြီးခဲ့ပြီး အခုအခါမှာတော့ အရက်စွဲကာ အမေရိကန် နယ်မြို့လေးမှာ ကန်းထရီးသီချင်းလေးတွေနဲ့ ဘားငယ်တွေမှာ လှည့်လည် သီဆိုနေရတဲ့ သက်ကြီး အဆိုတော် ဘက်ခလေ (Bad Blake) အကြောင်းကနေ စတင်ထားတာပါ။ သူရဲ့ ဘဝဟာ အချစ်ရေးမှာရော၊ ကိုယ်ရေးကိုယ်တာ ကိစ္စတွေမှာပါ လုံးဝ ပျက်စီးယိုယွင်းနေပြီ ဖြစ်ပါတယ်။ တစ်နေ့မှာတော့ နယ်သတင်းထောက်မလေး ဂျင်ဟာရ်တန် (Jean) နဲ့ ဆုံတွေ့ပြီး ချစ်ကျွမ်းဝင်သွားခဲ့ပါတော့သည်။ ဒီ အချစ်ဇာတ်လမ်းဟာ တစ်ဖက်မှာ ကံမကောင်း အကြောင်းမလှစွာနဲ့ ပြီးဆုံးသွားနိုင်စရာ အခြေအနေတွေ ရှိနေပေမဲ့... ဘက်ခလေ တစ်ယောက် သူ့ရဲ့ ဖရိုဖရဲ ဖြစ်နေတဲ့ ဘဝကို ပြန်လည် ထိန်းကျောင်းဖို့၊ သီချင်းအသစ်တွေ ဆက်လက် ဖန်တီးဖို့နဲ့ ကိုယ့်ကိုယ်ကို ပြန်ချစ်တတ်ဖို့အတွက် ကြီးမားတဲ့ ခွန်အားတစ်ခု ဖြစ်လာပါတော့တယ်။ ဆုံးရှုံးမှုနဲ့ အချစ်က ပေးတဲ့ သင်ခန်းစာတွေကြားမှာ ဒီ လူသားတစ်ယောက် ဘယ်လို ရုန်းထွက်သွားမလဲဆိုတာကို ကြည့်ရမယ့် ဒရမ်မာကားကောင်းလေး ဖြစ်ပါတယ်။

The Imaginarium of Doctor Parnassus (2009) ~ The Last Of Heath Ledger ~ ဒီရုပ်ရှင်ရဲ့ ဇာတ်လမ်းအဆုံးမှာ " A Film From Heath Ledger and Friends " လို့ ရေးထိုးထားပါတယ်။ အတော်၀မ်းနည်းစရာကောင်းတဲ့ စာ‌ကြောင်းပါပဲ။ "Heath Ledger, Johnny Depp, Jude Law, Colin Farell, Christopher Plummer, Andrew Garfield" ဒီရုပ်ရှင်လောက် နာမည်ကြီး ထိပ်တန်း cast တွေစုနေတဲ့ ရုပ်ရှင်မရှိလောက်ဘူးလို့ ပြောရမယ်။ ဒီလိုလူတွေကို တစ်စုတစ်စည်းထဲမြင်ရတာ ၀မ်းသာစရာကောင်းလား‌ပြောရရင်လည်း ဘာကြောင့် ဒီလိုဖြစ်သွားလဲဆိုတဲ့အချက်က အတော် ၀မ်းနည်းစရာကောင်းပါတယ်။ အကြောင်းရင်းကတော့ ဒီရုပ်ရှင်ရိုက်ကူးနေရင်း တန်းလန်းမှာပဲ Heath Ledger ဟာ အဆုံးမဲ့လွင်ပြင်တစ်ခုဆီ ပျံသန်းထွက်ခွာသွားခဲ့လို့ပါပဲ။ Heath မရှိတော့တဲ့နောက် သူ့သူငယ်ချင်းတွေက သူ့ရဲ့မပြီးသေးတဲ့တာ၀န်ကို အပြီးသတ်ပေးခဲ့ကြလို့ ဒီရုပ်ရှင်မှာ နာမည်ကြီး Cast တွေစုနေတာပါပဲ။ Johnny Depp, Jude Law, Colin Farell စတဲ့သူတွေဟာ Heath ရဲ့ ဇာတ်ကောင် တိုနီနေရာကပဲ သရုပ်ဆောင်ထားခဲ့ကြတယ်။ ဘာလို့ အစားထိုးတစ်ယောက်တည်းမထည့်ဘဲ သုံးယောက်တောင် ထည့်ချပစ်လိုက်တာလဲဆိုတာကို ဒါရိုက်တာ Gilliam က Heath နေရာကို ဘယ်သရုပ်ဆောင်နဲ့မှ အစားထိုးလို့မရလို့လို့ ဖြေထားပါတယ်။ သူသုံးသွားတဲ့ စကားလုံးက အတော်ထိပါတယ် "no one actor"တဲ့ ။ သို့ပေမဲ့ ဒါရိုက်တာကလည်း အတော်တော်ပါတယ်။ ဒီတိုင်းကြည့်ရင် Heath သေသွားလို့ လူစားထိုးထားတယ်လို့ကို မထင်ရဘဲ ဇာတ်ကိုက ဒီလိုဖြစ်နေတာလို့ ထင်ရလောက်အောင် ရိုက်သွားတယ်။ ဒါရိုက်တာကပြောပါသေးတယ်။ "Heath ကိုယ်တိုင် အစအဆုံးသရုပ်ဆောင်ရင် ဒီရုပ်ရှင်က ဘယ်လောက်တောင် ထူးခြားတဲ့ရုပ်ရှင်ဖြစ်လာမလဲ ကျွန်တော်တို့မသိနိုင်တော့ပေမဲ့ သူပါခဲ့သမျှ အခန်းတိုင်းကတော့ မှော်ဆန်ခဲ့တယ်" တဲ့။ ဒါရိုက်တာဟာ 12 monkeys တို့၊ Monty Python and the Holy Grail တို့၊ Fear and Loathing in Las Vegas တို့လို နာမည်ကျော်ကားတွေကိုရိုက်ခဲ့တဲ့သူပါ။ နောက် အရုပ်မလေးလိုလှပြီး ဆွဲဆောင်မှုရှိတဲ့ မင်းသမီး Lily Cole က မပေါ့တပေါ် ညှို့ပြအားဖြည့်ထားပြီး မကြိုက်တဲ့သူမရှိသလောက်ရှားတဲ့ Big Fish ရဲ့အရသာမျိုးကိုပေးနိုင်တဲ့ ရုပ်ရှင်ဆိုလည်း မမှားပါဘူး။ စိတ်ကူးယဉ်ဆန်ဆန် မှော်ဆန်ဆန်နဲ့ အတော့်ကိုလှနေတဲ့ကားပါပဲ။ Heath Ledger ကို Tribute ဖို့ သူဘယ်လောက်တော်တဲ့ သရုပ်ဆောင်တစ်ယောက်ဖြစ်ခဲ့တယ်ဆိုတာ ကျွန်တော်ရေးပြစရာမလိုပါဘူး။ ရုပ်ရှင်ကိုချစ်တဲ့သူတွေတိုင်း Heath Ledger က ဘာဆိုတာသိပြီးသားပါပဲ။ ဒီရုပ်ရှင်ဟာ Heath Ledger ရဲ့ မပြီးဆုံးသေးတဲ့ တာ၀န်ကို သူ့သူငယ်ချင်းတွေ ဆက်ထမ်းပေးသွားတဲ့ သူ့ရဲ့ နောက်ဆုံးရုပ်ရှင်တစ်ဖြစ်လဲ သူ့ရဲ့နောက်ဆုံးအနုပညာမှော်၀င်စားမှုပါပဲ။ ဒီရုပ်ရှင်ရဲ့ Concept ကို ကျွန်တော်လိုက်မမီပါဘူး။ သို့ပေမဲ့ ဒီရုပ်ရှင်ကြည့်ပြီး မင်းဘယ်လိုခံစားရလဲ မေးလာရင်တော့ အောက်ကအတိုင်းပဲ ရေးပြရလိမ့်မှာပါပဲ။ " ကိုယ်တိုင်ကပဲညစ်ထေးနေခဲ့တာလား ညစ်ထေးနေတဲ့ ကမ္ဘာ‌ကြောင့်လား ကိုယ်တိုင်လည်းမသိတော့ပေမဲ့ အရွယ်တွေလွန်လာပြီးတဲ့အခါ ဖန်တရာတေအမှားနဲ့ကမ္ဘာမှာ တစ်ခါတလေတော့လည်း အိပ်မက်တွေ တစ်ခါတလေတော့လည်း ချစ်ခြင်းတွေ ကြာလာလေ ပျောက်ရှလေ ငါဟာ ငါထင်ဖူးတဲ့ငါ မဟုတ်တော့တဲ့အခါ ငါ့ကိုယ်ငါပြန်မတွေ့တဲ့မှန်တစ်ချပ်ထဲမှာ ငါ့ကိုယ်ငါပြန်ရှာရင်းနဲ့ ကြာခဲ့ပြီပဲ အိပ်မက်ဟောင်းရေ။ ။ " " A Film From Heath Ledger and Friends" (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.9GB, 1.23GB Quality - 1080p, 720p IMDb Rating - 6.8/10 Format - mp4 Duration - 2H 2Min Type - Fantasy, Adventure Subtitle - Myanmar Subtitle (Hardsub) Translated by WiRa Aung Encoded by Y

In Bruges (2008) IMDb - 7.9/10 Rotten - 84% ဒီကားကိုရိုက်ကူးခဲ့တဲ့ ဒါရိုက်တာက   Martin McDonagh  ဖြစ်ပါတယ်...တစ်လောတုန်းက  အော်စကာ (၂)ဆုရခဲ့တဲ့ Three Billboards ကားကို ရိုက်ကူးခဲ့တာ အတော်များများသိပြီးသားဖြစ်ပါလိမ့်မယ် ...နောက်ပြီးတော့ ဒီကားရဲ့ ဟန်ပန်ဟာ Pulp fiction (1994) လို ကားမျိုးပါပဲ... Pulp fiction လောက် ဇာတ်ကောင်မများသလို သိပ်လည်းမရှုတ်ထွေးပါဘူး... သို့ပေမယ့် ဒီကားမဒေါင်းခင် ဒါရိုက်တာက  Martin McDonagh  ဆိုတာရယ်  Pulp fiction (1994) နဲ့ ဟန်ပန်အနည်းငယ်တူတာရယ်ဆိုတော့ တစ်ချို့သူတွေအတွက်တော့ အနည်းငယ်ဆင်ခြင်စေချင်ပါတယ်.... ကြေးစားလူမိုက်လောကကိုစဝင်တဲ့ ရေးဆိုတဲ့ လူတစ်ယောက်ရဲ့ ပထမဆုံးတာဝန်က  ခရစ်ယာန်ဘုန်းတော်ကြီးတစ်ယောက်ကိုသတ်ဖို့ပါပဲ... .သူ့အတွက်အခက်အခဲမရှိခဲ့ဘူး ..ပစ္စတိုနဲ့ အနီးပ် ပစ်လိုက်ရုံပဲ...သေချာသွားအောင်  ကျည်တောင့်တွေဆက်ပစ်သွင်းလိုက်တယ်... အဲ့ဒီမှာ ကျည်ဟာ  ခရစ်ယာန်ဘုန်းတော်ကြီးရဲ့ အသက်ကိုနှုတ်ယူရုံတင်မကဘူး ဘုန်းတော်ကြီးနောက်မှာရပ်နေတဲ့ ကလေးငယ်တစ်ယောက်ရဲ့ အသက်ကိုပါ နှုတ်ယူသွားတယ်...အပစ်ကင်းတဲ့ကလေးတစ်ယောက်အတွက် မနက်ဖြန်ဆိုတာ ချုပ်ငြိမ်းသွားတယ်... .ဒီဖြစ်ရပ်ကြောင့် လူသတ်ဖို့ခိုင်းတဲ့အလုပ်ရှင်ဟာ ရေးနဲ့ သူ့သူသယ်ချင်းဖြစ်သူ ကန် ကို ဘယ်ဂျီယံရဲ့ ဘရုချ်ဆိုတဲ့မြို့လေးတစ်မြို့ကိုတိမ်းရှောင်ခိုင်းလိုက်တယ်.. .. ဒီကားက ဇာတ်ကောင်(၃)ယောက်ဖြစ်တဲ့ ရေး၊ကန်နဲ့ လူသတ်ဖို့စေခိုင်းတဲ့ အလုပ်ရှင်တို့ကို  စရိုက်တွေ အပြုအမူတွေ ဒိုင်ယာလော့တွေကို ဂရုတစ်စိုက်ကြည့်ရပါ့မယ်...ဇာတ်ကားအစမှာ အနည်းငယ် ပျင်းရိစရာကောင်းပေမယ့် ၁၅မိနစ်လောက်ကျော်လာရင်တော့ ခပ်ကြောင်ကြောင်ကားတွေကြိုက်တဲ့သူတွေအဖို့  အရမ်းသဘောကျသွားမယ်ဆိုတာ ကျွန်တော်မဝံမရဲ ညွှန်းဆိုပါရစေ.... File Size : (855 MB) Quality : Blu-Ray 720p Format…mp4 Duration…01:47:00 Genre : Comedy, Crime, Drama Subtitle : Myanmar Subtitle (Hard Sub) Translated by Aye Mon Kyaw Encoded by Phyo Pyae

ဒီဇာတ်လမ်းကတော့ သူကြိုက်နေတဲ့ ကောင်မလေးကိုမှ စတွေ့ကတည်းက မချေမငံပြောပြီး စော်ကားတတ်တဲ့ မိန်းမတွေအကြောင်းနားမလည်တဲ့ စာရေးဆရာ Arturo Bandini နဲ့ သတ္တိရှိတဲ့ ခပ်စွာစွာ စားပွဲထိုးမလေး Camilla ရဲ့ အချစ်ဇာတ်လမ်းလေးပါ ။ Arturo က Colorado ကနေ LA ကို ဝတ္ထုရေးဖို့ပြောင်းလာတဲ့ အီတလီလူမျိုးစာရေးဆရာဖြစ်ပြီး ဘားတစ်ခုက စားပွဲထိုး မက္ကဆီကန်မလေး Camilla ကို မြင်မြင်ချင်းချစ်မိသွားပါတယ်။ ဒါပေမဲ့ သူချစ်တာက အဆန်းသား။ Camilla ကို ကော်ဖီသောက်မကောင်းလို့ ရန်တွေ့ပြီး ကော်ဖီကိုသွန်ပစ်ပြီး ထွက်သွားခဲ့တယ်။ ဆင်းရဲတဲ့စာရေးဆရာဖြစ်တဲ့ Arturo နဲ့ ချမ်းသာတဲ့သူကိုမှလက်ထပ်ချင်နေတဲ့ Camilla တို့ နှစ်ယောက် တွေ့တိုင်းရန်ဖြစ်နေရာက တဖြည်းဖြည်း ခံစားချက်တွေပေါက်ဖွားလာရာမှာတော့ နဂိုရှုပ်ပြီးသား သူတို့အချစ်ရေးက လူမျိုးရေးခွဲခြားတတ်တဲ့ခေတ်ရဲ့ ပြဿနာတွေကြောင့် ဘယ်လိုအခက်အခဲတွေ ဆက်ပြီးရင်ဆိုင်ရမလဲဆိုတာကို စိတ်ဝင်စားစွာကြည့်ရှုရမဲ့ Romance ကားကောင်းတစ်ပုဒ်ပဲ ဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော Thwal Htoo Zin ပါ ) File size_(2.7GB)/(1.3GB) Quality_Blu-Ray 1080p / 720p Format_mp4 Duration_01:50:00 Genre_Drama, Romance Subtitle_Myanmar Subtitle (Hardsub) Encoder_a hao Translated by Thwal Htoo Zin

A Home at the End of the World (2004) IMDb Rating (6.6) / Rotten Tomatoes (50%) Michael Cunningham ရဲ့ နာမည်ကြီး ဝတ္ထုကို ပြန်လည်ရိုက်ကူးထားတဲ့ ရသမြောက် Drama ဇာတ်ကားကောင်းလေး တစ်ကားနဲ့မိတ်ဆက်ပေးချင်ပါတယ်။ ဇာတ်လမ်းကတော့ ငယ်သူငယ်ချင်းတွေဖြစ်တဲ့ Bobby (Colin Farrell) နဲ့ Jonathan (Dallas Roberts) တို့အကြောင်းပါ။ Bobby က မိဘတွေ ဆုံးပါးသွားပြီးနောက် Jonathan တို့အိမ်မှာ လာနေရင်း သူတို့နှစ်ယောက်ကြားမှာ ခိုင်မာတဲ့ သံယောဇဉ်တစ်ခု ဖြစ်တည်လာပါတယ်။ ကြီးပြင်းလာတဲ့အခါမှာတော့ Jonathan နေထိုင်ရာ New York ကို Bobby လိုက်သွားပြီး၊ Jonathan ရဲ့ အခန်းဖော် Clare (Robin Wright) နဲ့ပါ ရင်းနှီးသွားကြပါတယ်။ ဒီလိုနဲ့ သူတို့သုံးယောက်ကြားက ဆက်ဆံရေးက သမားရိုးကျ သူငယ်ချင်း၊ ချစ်သူရည်းစား ဆက်ဆံရေးမျိုးထက် ပိုမိုနက်ရှိုင်းပြီး ရှုပ်ထွေးလာပါတယ်။ နောက်ဆုံးမှာတော့ သူတို့သုံးယောက်ဟာ မြို့ပြရဲ့ မွန်းကျပ်မှုတွေကို စွန့်ခွာပြီး "ကမ္ဘာ့အဆုံးက အိမ်လေး" (A Home at the End of the World) မှာ သမားရိုးကျမဟုတ်တဲ့ မိသားစုဘဝလေးတစ်ခုကို အတူတူ တည်ဆောက်ဖို့ ကြိုးစားကြပုံကို တွေ့မြင်ရမှာပါ။ File size… (1.6 GB) / (700 MB) Quality…. WEB-DL 1080p HEVC / 720p Format…. mkv/mp4 Genre…. Drama,Romance Duration…. 01:37:17 Subtitle…. Myanmar Subtitle (Hardsub)

မက်ဆာဒိုးနီးယားဘုရင် အလက်ဇန်းဒါးရဲ့ ဘဝကို ငယ်စဉ်ကနေ အင်ပါယာတည်ဆောက်တဲ့ကာလအထိ ပုံဖော်ထားတဲ့ ဇာတ်ကားပါ။ ဘီစီ ၃၅၆ ကနေ ၃၂၃ အတွင်း အသက်ရှင်ခဲ့တဲ့ သူ့အကြောင်းမှာ စစ်ပွဲနဲ့ နယ်မြေသိမ်းပိုက်မှုတွေအပြင် မိသားစုအတွင်း ဆက်ဆံရေးတွေ၊ ငယ်ပေါင်းမိတ်ဆွေတွေ၊ ချစ်သူတွေနဲ့ ယဉ်ကျေးမှုမတူတဲ့ လူမျိုးတွေကြား သူနေထိုင်အုပ်ချုပ်ခဲ့ပုံတွေပါ ပါဝင်ပါတယ်။ သူ့ဖခင် ဖိလစ်က လူမျိုးစုတွေကို စုစည်းပြီး ဂရိလူမျိုးစုတွေကို အောင်နိုင်ခဲ့သူပါ။ ဥရောပကနေ အာရှဘက်ကို ဆက်ချဲ့ပြီး ပါရှန်းအင်ပါယာကို သိမ်းပိုက်ဖို့လည်း ရည်ရွယ်ထားတယ်။ အလက်ဇန်းဒါးအတွက် ဒီအခြေအနေက အစကောင်းတစ်ခု ဖြစ်ပေမယ့် ထီးနန်းဆက်ခံရမယ့်လမ်းကတော့ ဖြောင့်ဖြူးနေတာ မဟုတ်ပါဘူး။ ဖခင်က နောက်အိမ်ထောင်ပြုပြီး သားတစ်ယောက် ထပ်ရလာတဲ့အခါ နန်းဆက်ခံရေးအတွက် ပြိုင်ဆိုင်စရာ ပေါ်လာပါတယ်။ ဖိလစ် လုပ်ကြံခံရပြီးနောက် အလက်ဇန်းဒါး ဘုရင်ဖြစ်လာတယ်။ အဲဒီနောက် ဖခင်ရည်ရွယ်ခဲ့တဲ့ ပါရှန်းဘက်ကို စစ်ချီပြီး ဘုရင်ဒရိုင်းရပ်စ်နဲ့ ရင်ဆိုင်ကာ ဘေဘီလုံကို သိမ်းပိုက်ခဲ့ပါတယ်။ သူ့ရဲ့စစ်ဆင်ရေးတွေမှာ အားထားရသူတွေကတော့ ငယ်ပေါင်းမိတ်ဆွေတွေဖြစ်တဲ့ ဟက်ဖိုက်စတီရန်၊ ပထောလမီ၊ ကတ်ဆန်းဒါ၊ နီရားကတ်စ်နဲ့ ကရားတို့စ်တို့ပါ။ သူတို့ရဲ့ စစ်ရေးစွမ်းရည်နဲ့ သူ့အပေါ် သစ္စာရှိတဲ့ စစ်တပ်ကို အားပြုပြီး အလက်ဇန်းဒါးဟာ အီဂျစ်နဲ့ ပါရှန်းကနေ အိန္ဒိယအထိ နယ်မြေချဲ့ထွင်လာပါတယ်။ ကိုယ်ရေးဘဝဘက်မှာတော့ မိခင်ရဲ့ လောဘနဲ့ ရက်စက်မှုတွေကို ငယ်စဉ်ကတည်းက မြင်တွေ့ခဲ့ရပုံ၊ ငယ်ပေါင်းသူငယ်ချင်း ဟက်ဖိုက်စတီရန်နဲ့ ပါရှန်းသုံ့ပန်း ဘာဂိုအက်စ်တို့နဲ့ ချစ်သူဆက်ဆံရေးတွေကိုလည်း ပုံဖော်ထားပါတယ်။ နောက်ပိုင်းမှာ ရော့ဇာနာနဲ့ လက်ထပ်ပြီး သားတစ်ယောက်ရခဲ့သလို နောက်ထပ် မိဖုရားနှစ်ယောက်လည်း ရှိခဲ့ပါတယ်။ အလက်ဇန်းဒါးက ပါရှန်းယဉ်ကျေးမှုကို လေးစားအားကျသူဖြစ်ပြီး မက်ဆာဒိုးနီးယားယဉ်ကျေးမှုနဲ့ ရောယှက်စေခဲ့တယ်။ ဖမ်းဆီးရမိတဲ့ ပါရှန်းတော်ဝင်မျိုးနွယ်တွေကိုလည်း တော်ဝင်မိသားစုလို ဆက်ဆံခဲ့ပါတယ်။ သူ့စစ်ရေးအကြောင်းကိုတော့ ပါရှန်းနဲ့ ရင်ဆိုင်ခဲ့တဲ့ ဂယ်ဂွယ်မယ်လာတိုက်ပွဲ၊ အိန္ဒိယဆင်တပ်နဲ့ တိုက်ခိုက်ခဲ့တဲ့ တောတွင်းတိုက်ပွဲတွေကနေ ပြသထားပါတယ်။ သုံးနာရီကျော်ကြာတဲ့ ဒီရုပ်ရှင်မှာ ပထောလမီရဲ့ နောက်ခံစကားပြောနဲ့ ဇာတ်ကြောင်းကို ဆက်ပေးထားပြီး Colin Farrell၊ Angelina Jolie နဲ့ Anthony Hopkins တို့ ပါဝင်သရုပ်ဆောင်ထားပါတယ်။ မူရင်းအညွှန်းကတော့ အလက်ဇန်းဒါးရဲ့ ဘဝတစ်လျှောက်ကို ရုပ်ရှင်တစ်ကားထဲ ထည့်ပုံဖော်ရာမှာ မျှော်လင့်ထားသလောက် မဖြစ်လာခဲ့ဘူးလို့ သုံးသပ်ထားပြီး နောက်ခံစကားပြောများတာကိုလည်း ထောက်ပြထားပါတယ်။ တစ်ဖက်မှာတော့ အညွှန်းရေးသူက လူအများ စိတ်ထဲက သူရဲကောင်းပုံရိပ်အစား ချစ်ခြင်း၊ မာန်တက်ခြင်းနဲ့ အရက်သောက်ခြင်းတို့ ရှိနေတဲ့ လူတစ်ယောက်အဖြစ် ပုံဖော်ထားတာကို ပရိသတ်တချို့ လက်မခံနိုင်ခဲ့တာ ဖြစ်နိုင်တယ်လို့ ယူဆထားပါတယ်။ ဒါက ဇာတ်ကားမအောင်မြင်ရတဲ့ အကြောင်းရင်းကို အညွှန်းရေးသူရဲ့ ခန့်မှန်းသုံးသပ်ချက်ပါ။ တိုက်ပွဲမြင်ကွင်းတွေကိုတော့ မူရင်းအညွှန်းမှာ ချီးကျူးထားပါတယ်။

Phone Booth 2002 IMDb 7/10 Rotten Tomatoes 72% Metacritic 56% "ကိုယ်ကတော့အရေးမပါလောက်ဘူးထင်ပြီးလုပ်မိတဲ့ကိစ္စဟာ တဖက်လူအတွက် အများကြီးစိတ်ထိခိုက်စရာဖြစ်တတ်ပါတယ်" "လူတိုင်းဟာ အပြစ်တွေကိုလုပ်မိကြတာကြီးပဲ" ဒီဇာတ်ကားကတော့ မင်းသားကြီး Colin Farewell, Forest Whitaker, Kiefer Sutherland နဲ့မင်းသမီးကြီး Katie Holmes, Radha Mitchellစတဲ့ ဒိတ်ဒိတ်ကြဲ သရုပ်ဆောင်တွေပါဝင်သရုပ်ဆောင်ထားပြီး ဒါရိုက်တာကြီး Joel Schumacherရိုက်ကူးခဲ့တဲ့ အရမ်းလန်းတဲ့ဇာတ်ကားပါ။ ဒီဇာတ်ကားရဲ့အသွားအလာဟာ တခြားဇာတ်ကားတွေနဲ့မတူပဲ တမူထူးခြားပါတယ်။ ဘာတွေထူးခြားနေလဲဆိုတာပြောပြဖို့ ဇာတ်လမ်းအကျဉ်းလေးကိုနည်းနည်းလောက် ပြောပြပါရစေ ဇာတ်လမ်းအကျဉ်းကတော့.... စတူးဝပ်ဆိုတဲ့ PRသမားတစ်ယောက်ဟာ အများပြည်သူသွားရာလမ်းပေါ်မှာရှိပြီး ဝင်ရထွက်ရလွယ်တဲ့ ဖုန်းရုံထဲမှာပိတ်မိနေပါတယ်။ သော့ခတ်ခံရလို့ပိတ်မိနေတာမျိုးမဟုတ်ပေမယ့် စတူးဝပ်ဟာ အပြင်ကိုထွက်မရပဲဖြစ်နေတာပါ။ အဲ့လိုပိတ်မိနေချိန်မှာပဲ စတူးဝပ်ဟာ ဖုန်းရုံထဲကဖုန်းနဲ့လူတစ်ယောက်နဲ့စကားပြောနေခဲ့ပါတယ်။ အဲ့ဒီနောက်မှာတော့ အခြေအနေတွေဟာ တဖြည်းဖြည်းရှုတ်ထွေးလာပြီး ရဲတွေ၊ သတင်းဌာနတွေပါရောက်လာတဲ့အခါမှာတော့..... ဇာတ်လမ်းက တမူထူးခြားနေတဲ့အတွက် spoilလည်းမဖြစ်အောင် အညွှန်းကိုထိန်းရေးရတာမလို့ဒီထက်ပိုပြီးရေးပြလို့မရတာကိုခွင့်လွှတ်ပါ။ ဒီကားဟာ ၂၀၀၂ခုနှစ်ကထွက်ရှိခဲ့တာဖြစ်ပြီး အခုပြန်ကြည့်လည်း ကြည့်လို့ကောင်းဆဲပါပဲ။ တစ်ခုရှိတာက ဒီကားမှာ Sex scenceတွေမပါပေမယ့် R-ratedရုပ်ရှင်ဖြစ်တဲ့ကားပါ။ အဓိကကတော့ စကားအသုံးအနှုံးတွေက အသက်၁၅နှစ်အောက်ကြည့်ဖို့မသင့်လျော်သလို ကလေးတွေကိုပြမယ်ဆိုရင်လည်း မိဘအုပ်ထိန်းသူတွေအရင်ကြည့်ပြီးမှ ပြသင့်မပြသင့်ဆုံးဖြတ်ပြီးမှပြရမယ့်ကားပါ။ ဟာ...ဒါဆိုရင်လည်း ဆဲဆိုတာတွေကိုဖော့ပြန်လေလို့ဆိုကြမယ်ဆိုရင်လည်း ဖော့ပြန်ဖို့မဖြစ်နိုင်ဘူးဗျ။ ဒီဇာတ်ကားရဲ့အဓိကဇာတ်ရှိန်အတက်ဆုံးနေရာတွေမှာ စကားလုံးကိုဖော့ပြန်လိုက်ရင် မင်းသားကြုံတွေ့နေရတဲ့အခက်အခဲနဲ့မွန်းကြပ်မှုကိုပါ ဖော့လိုက်သလိုဖြစ်စေနေလို့ပါ။ ဒါကြောင့် တကားလုံးကို ဖော့ပြန်မထားပဲ အရှိကိုအရှိအတိုင်းဗွင်းဗွင်းကြီးပြန်ထားပါတယ် File size…1.41GB and 884 Mb and 491MB Quality…1080p BluRay & 720p & 480p Format…Mp4 Duration….1h 21min Subtitle….Myanmar Subtitle(Hard Sub) Encoder…. YK Translated by Dr.Nyan

Legend ကြီး AL Pacino နဲ့ Colin Farell တို့ အပြိုင်ကြဲထားတဲ့ ဇာတ်ကားလေးနဲ့ မိတ်ဆက်ပေးချင်ပါတယ်. ထက်မြက်တဲ့နည်းပညာသမားတစ်ယောက်ဖြစ်သူ ဂျိမ်းစ်ကို စီအိုင်အေမှာ နှစ်ပေါင်းများစွာ ထမ်းဆောင်ခဲ့ပြီး စီနီယာနည်းပြ အနေနဲ့ ငယ်ရွယ်တဲ့အရည်အချင်းရှိသူတွေကို လူသစ်စုဆောင်းဖို့ ရှာဖွေနေခဲ့တဲ့ ဝေါ်တာဘက်ခ်က အဖေ ဖြစ်သူရဲ့အကြောင်းကို သိချင်တဲ့ ဂျိမ်းစ်ရဲ့အညှာကို ချုပ်ကိုင်ပြီး သူဖြစ်စေချင်သလို စီအိုင်အေထဲဝင်နိုင်အောင် အပါခေါ်သွင်းခဲ့ပါတယ်. "မွေးမြူရေးခြံ" လို့ အမှည်ဝှက်ပေးထားတဲ့ သူတို့ရဲ့ လေ့ကျင့်ရေးသင်တန်းကျောင်းမှာ ဂျိမ်းစ်ကို စမ်းသပ်မှု အဆင့်ဆင့်ကို ဖြတ်ကျော်စေခဲ့ပါတယ်. နောက်ဆုံးစမ်းသပ်မှုကို မအောင်မြင်ခဲ့တဲ့ ဂျိမ်းစ်တစ်ယောက် စိတ်ဓာတ်ကျပြိုလဲနေခဲ့ပေမယ့် ဝေါ်တာဘက်ခ်က လန်ဂလေက ဌာနချုပ်မှာ နေရာတစ်ခုရအောင် စီစဉ်ပေးခဲ့ပြီး N.O.C – (Non-Offical Cover) နော့အနေနဲ့ ဌာနက အတွင်းသူလျှိုဖြစ်သူ လေလာရဲ့ချုပ်ကိုင်စေခိုင်းသူကို ရှာဖွေဖော်ထုတ်ရမယ့် တာဝန်တစ်ခုကို ချပေးခဲ့ပါတယ် ဒီနေရာအရောက်မှာတော့ ဂျိမ်းစ်အနေနဲ့ သူ့ရဲ့ အော်ပရေးရှင်းကို ပြီးအောင် လုပ်နိုင်မှာလား လေလာရဲ့ နောက်ကွယ်က စေခိုင်းသူကရော ဘယ်သူဖြစ်မလဲ. ဝေါ်တာဘက်ခ်အနေနဲ့ကရော ဂျိမ်းစ်ကို နော့ အနေနဲ့တပ်ဖွဲ့ထဲ ခေါ်ခဲ့တဲ့ အဓိကရည်ရွယ်ချက်ကရောဘာလဲ ဇာတ်လမ်းအဆုံးအထိ လှည့်စားနိုင်ဖို့ မပျက်ကွက်ခဲ့တဲ့ ဒီဇာတ်ကားလေးကို CM ကနေ ပရိသတ်များ ရှုစားနိုင်ဖို့ တင်ဆက်ပေးလိုက် ရပါတယ်.

ရဲဌာနလက်အောက်က SWAT အဖွဲ့ဟာ အန္တရာယ်များတဲ့ အခြေအနေတွေကို ထိန်းသိမ်းဖို့နဲ့ ဓားစာခံတွေကို ကယ်ထုတ်ဖို့ ဖွဲ့စည်းထားတဲ့ အထူးစစ်ဆင်ရေးအဖွဲ့ပါ။ တစ်နေ့မှာ လော့စ်အိန်ဂျယ်လ်ရဲဌာနက မူးယစ်ဆေးကုန်ကူးမှု၊ မှောင်ခိုမှုနဲ့ လူသတ်မှုတွေအတွက် နိုင်ငံ ၁၂ နိုင်ငံကျော်မှာ အလိုရှိနေတဲ့ ရာဇဝတ်သားတစ်ယောက်ကို မမျှော်လင့်ဘဲ ဖမ်းမိလိုက်ပါတယ်။ ဖမ်းခံထားရပေမယ့် အဲဒီလူက မီဒီယာတွေရှေ့မှာ သူ့ကို ကယ်ထုတ်ပေးနိုင်သူ ဘယ်သူ့ကိုမဆို အမေရိကန်ဒေါ်လာ သန်းတစ်ရာ ပေးမယ်လို့ အတိအလင်း ကြေညာလိုက်တယ်။ လော့စ်အိန်ဂျယ်လ် SWAT အဖွဲ့က သူ့ကို ဗဟိုအကျဉ်းထောင်ဆီ လွှဲပြောင်းပို့ဆောင်ရတဲ့အခါ ဆုကြေးလိုချင်လို့ အပြိုင်အဆိုင် ကယ်ထုတ်ဖို့ ကြိုးစားသူတွေနဲ့ ရင်ဆိုင်ရပါတော့တယ်။ အကျဉ်းသားကို ပို့ဆောင်နိုင်ဖို့ သူတို့ ဘယ်လိုနည်းဗျူဟာတွေ သုံးပြီး စစ်ဆင်ရေးဆောင်ရွက်ကြမလဲဆိုတာ ဆက်တွေ့ရမှာပါ။