Emily Watson ပါဝင်သော ဇာတ်ကားများ

Midas Man (2025) IMDb Rating (6.4) / Rotten Tomatoes (83%) မိုက်ဒက်စ်မန်းဆိုတာ ကမ္ဘာကျော် Beatles အဖွဲ့ကိုစုစည်းခဲ့တဲ့ ဂန္ထဝင်မန်နေဂျာကြီး Brian Epstein ရဲ့ဘဝဇာတ်ကြောင်းကို ရိုက်ကူးထားတဲ့ ဗြိတိန် Biographical / Music ရုပ်ရှင်တစ်ကားပါ။ ကမ္ဘာကျော် The Beatles အဖွဲ့အကြောင်း လူအများသိကြပေမဲ့... သူတို့ကို အဝတ်အစား၊ ဆံပင်စတိုင်ကစလို့ ကမ္ဘာ့စူပါစတားဖြစ်အောင် နောက်ကွယ်ကနေ ပုံဖော်ပေးခဲ့တဲ့ "၅ ယောက်မြောက် Beatle လို့တင်စားခံရသူ Brian Epstein ရဲ့ ဇာတ်ကြောင်းကို အဓိကထား ရိုက်ပြထားလို့ ဂီတချစ်သူတွေအတွက် အထူးကြည့်သင့်ပါတယ်။ Queen's Gambit စီးရီးနဲ့ နာမည်ကြီးခဲ့တဲ့ မင်းသား Jacob Fortune-Lloyd မန်နေဂျာ Brian Epstein အဖြစ်ပါဝင်ထားပြီး Oscar မင်းသမီး Emily Watson တို့လည်း ပါဝင်ထားပါတယ်။ ၁၉၆၀ ပြည့်လွန်နှစ်တွေတုန်းက လစ်ဗာပူးလ်မြို့မှာ မိသားစုပိုင် ဓာတ်ပြားစတိုးဆိုင် (NEMS) ကို ဦးစီးလုပ်ကိုင်နေတဲ့ လူငယ်စီးပွားရေးလုပ်ငန်းရှင် "ဘရိုင်ယန် အက်ပ်စတိန်း" အကြောင်းကနေ စတင်ထားပါတယ်။ တစ်နေ့မှာတော့ သူဟာ မြေအောက် Cavern Club မှာ ဖျော်ဖြေနေကြတဲ့ နာမည်မရှိသေးတဲ့ လူငယ်လေးဦးပါ "The Beatles" ဆိုတဲ့ ဂီတအဖွဲ့ကို မထင်မှတ်ဘဲ မြင်တွေ့သွားခဲ့ပါတယ်။ ဂီတလောကမှာ အတွေ့အကြုံ မရှိသေးသော်လည်း ဘရိုင်ယန်ဟာ ထိုကောင်လေးတွေရဲ့ ပါရမီနဲ့ အရည်အချင်းကို ချက်ချင်းရိပ်မိသွားခဲ့ပြီး... သူတို့ရဲ့ မန်နေဂျာအဖြစ် တာဝန်ယူဖို့ ကမ်းလှမ်းခဲ့ပါတယ်.. The Beatles လို့ဖြစ်လာအောင် အဝတ်အစားအပြင်အဆင်ကအစ စတူဒီယိုတွေအထိ ကြိုးစားပေးခဲ့တဲ့ ဘရိုင်ရန်ကြောင့် The Beatlesဟာ တစ်ကမ္ဘာလုံးကို လှုပ်ခတ်စေမယ့် ဂီတအဖွဲ့ကြီး ဖြစ်လာခဲ့ပါတော့တယ်။ သူ့ကို "ရွှေလက်ဆန်းတဲ့ မိုက်ဒက်စ်မန်း" (Midas Man) လို့ တင်စားခံရပြီး စီးပွားရေးအရ အလွန်အောင်မြင်နေပေမဲ့... နောက်ကွယ်မှာတော့ ထိုခေတ်က အသိုင်းအဝိုင်းရဲ့ လိင်စိတ်တိမ်းညွတ်မှုဆိုင်ရာ ဖိနှိပ်ချုပ်ချယ်မှုတွေ အချစ်ရေးဒဏ်ရာများနဲ့ မူးယစ်ဆေးဝါးစွဲလမ်းမှုတွေကြားထဲမှာ ဘရိုင်ယန်တစ်ယောက် ဘယ်လိုမျိုး ရုန်းကန်ခဲ့ရသလဲဆိုတာကို ကြည့်ရှုရမှာ ဖြစ်ပါတယ်။ File size… (1 GB) / (740 MB) Quality…. WEB-Rip 1080p HEVC / 720p Format…. mkv/mp4 Genre…. Drama,History,Music Duration…. 01:53:22 Subtitle…. Myanmar Subtitle (Hardsub)

Hamnet (2025) 4K +++++++++ IMDb Rating (8.1) / Rotten Tomatoes (86%) ဒီရက်ပိုင်းမှာ Golden Globe ဆုတွေလည်း သိမ်းပိုက်ထားပြီး အော်စကာဆန်ကာတင်စာရင်းတွေမှာပါ ပါနေတဲ့ Hamnet (2025) ကို တင်ပေးထားပါတယ်။ ဒီကားက နာမည်ကြီးစာရေးဆရာမ Maggie O'Farrell ရဲ့ ဝတ္ထုကို ပြန်ရိုက်ထားတာပါ။ ဒါရိုက်တာကတော့ Nomadland နဲ့ အော်စကာရခဲ့တဲ့ Chloé Zhao ပါ။ မင်းသားက Paul Mescal ဖြစ်ပြီး မင်းသမီးကတော့ Jessie Buckley ပါ။ သူတို့နှစ်ယောက်ရဲ့ သရုပ်ဆောင်ချက်တွေက ဒီကားရဲ့ အသက်လို့ ပြောလို့ရတယ်။ ဇာတ်လမ်းအကျဉ်း +++++++++ ဇာတ်လမ်းက ကမ္ဘာကျော် စာရေးဆရာကြီး William Shakespeare ရဲ့ နာမည်ကြီး "Hamlet" ပြဇာတ်ကြီး ဘယ်လိုဖြစ်ပေါ်လာသလဲဆိုတဲ့ နောက်ကွယ်က ဝမ်းနည်းစရာ မိသားစု ဇာတ်လမ်းလေးပါ။ Shakespeare ရဲ့ ဇနီး Agnes (Anne Hathaway) ရဲ့ ရှုထောင့်ကနေ အဓိက ပုံဖော်ထားတယ်။ သူတို့ရဲ့ တစ်ဦးတည်းသော သားလေး Hamnet ဟာ ပလိပ်ရောဂါကူးစက်ခံရပြီး ဆုံးပါးသွားတဲ့အခါ... မိဘနှစ်ပါးရဲ့ ရင်ကွဲပက်လက်ဖြစ်ရတဲ့ ခံစားချက်တွေ၊ အဲဒီ အတောမသတ်နိုင်တဲ့ ဝမ်းနည်းမှုကို Shakespeare က အနုပညာလက်ရာတစ်ခုအဖြစ် ဘယ်လို ပုံဖော်ဖန်တီးလိုက်သလဲ ဆိုတာကို ရိုက်ပြထားတာပါ။ သရုပ်ဆောင်ချက်တွေ ရှယ်ကောင်းပါတယ် - Paul Mescal နဲ့ Jessie Buckley တို့ နှစ်ယောက်လုံးက သားသမီးဆုံးရှုံးလိုက်ရတဲ့ မိဘတွေရဲ့ သောကကို ပီပီပြင်ပြင် လုပ်ပြနိုင်လွန်းလို့ ကြည့်ရင်းနဲ့ ထပ်တူခံစားပြီး မျက်ရည်ကျရမယ့် အခန်းတွေ အများကြီးပါပဲ။ Jessie Buckley ဆိုရင် ဒီကားနဲ့ Golden Globe မှာ Drama Best Actress ဆုတောင် ရသွားပါပြီ။ ဒါရိုက်တာ Chloé Zhao ရဲ့ ပုံစံအတိုင်းပဲ ကားက အရမ်းကို သဘာဝကျပြီး လှတယ်။ စကားလုံးတွေ အများကြီး ဖောင်ဖွဲ့နေတာမျိုးထက် ပုံရိပ်တွေ၊ ခံစားမှုတွေနဲ့ စကားပြောသွားတဲ့ ကားမျိုးပါ။ သာမန် "Biopic" (အတ္ထုပ္ပတ္တိ) ရုပ်ရှင်တွေလို ပျင်းစရာမကောင်းဘဲ မိသားစု၊ အချစ်၊ ပြီးတော့ ဖန်တီးမှုအနုပညာ ဆိုတဲ့ အကြောင်းအရာတွေကို နက်နက်ရှိုင်းရှိုင်း ခံစားရစေမှာပါ။ အတိုချုပ်ပြောရရင်တော့ စကားလုံးတွေ သိပ်မပြောဘဲ မျက်လုံးတွေနဲ့တင် သရုပ်ဆောင်သွားတဲ့ ကားကောင်းတစ်ကား ကြည့်ချင်တယ်၊ ဆွေးဆွေးမြမြ Drama ကားလေးတွေ ကြိုက်တယ်ဆိုရင် Hamnet က လုံးဝ လက်မလွှတ်သင့်တဲ့ ကားပါပဲ။ File Size… (3.98GB)/(1.92GB) / (099GB) Quality… WEB-DL 4K HEVC /1080p HEVC /720p Format…mkv / mp4 Duration…2h 5m Genre ….Biography , Drama , History , Romance Subtitle….Myanmar Subtitle (Hard Sub)

Steve (2025) IMDb Rating (7.2) / Rotten Tomatoes (77%) ဒီဇာတ်လမ်းက စတန်တန်ဝုဒ်ဆိုတဲ့ အိမ်တွင်းကျောင်းတစ်ခုမှာ ဖြစ်ပျက်နေတဲ့ ပြင်းထန်တဲ့ အဖြစ်အပျက်တွေကို ရိုက်ကူးထားတာပါ။ ကျောင်းကို ဒီဇင်ဘာ ၁၉၉၆ မှာ ရောင်းချပြီး ပိတ်သိမ်းမယ်ဆိုတဲ့ သတင်းကြောင့် ဆရာတွေဖြစ်တဲ့ စတီဗ်နဲ့ အမန်ဒါတို့ အံ့အားသင့်ပြီး ဒေါသထွက်နေကြပါတယ်။ ဒီကျောင်းက ပြဿနာရှိတဲ့ လူငယ်တွေကို ပြန်လည်ပြုပြင်ပေးတဲ့ နေရာဖြစ်ပြီး သူတို့အတွက် အိမ်တစ်အိမ်လိုပါပဲ။ ဆရာတွေက ကလေးတွေရဲ့ ဘဝကို ကယ်တင်ဖို့ ကြိုးစားနေပေမယ့် ရုတ်တရက်ပိတ်သိမ်းလိုက်တာက သူတို့ရဲ့ ကြိုးစားအားထုတ်မှုတွေကို ဖျက်ဆီးလိုက်တာပါ။ တစ်ဖက်မှာလည်း ကလေးတွေဖြစ်တဲ့ ရှိုင်း၊ ဘန်နီ၊ နဘီးလ်တို့က သူတို့ရဲ့ အိပ်မက်တွေဖြစ်တဲ့ ဒရမ်နဲ့ဘေ့စ်ဂီတလောကမှာ အောင်မြင်ဖို့ စိတ်ကူးယဉ်နေကြတယ်။ ဒါပေမယ့် ရှိုင်းရဲ့အတိတ်က ရာဇဝတ်မှုတစ်ခုကြောင့် သူတို့ရဲ့ အနာဂတ်ကို အနှောင့်အယှက်ဖြစ်စေနိုင်တယ်။ ဒီကြားထဲ ဒေသခံ ပါလီမန်ကိုယ်စားလှယ် ဟျူး မွန်တေ့ဂျူး-ပိုးဝဲလ် ရောက်လာပြီး ကလေးတွေနဲ့ ဆွေးနွေးတဲ့အခါ ရှိုင်းက သူ့ကို ရိုင်းစိုင်းစွာ စိန်ခေါ်မေးခွန်းထုတ်လိုက်တာက တင်းမာလာစေခဲ့ပါတယ်။ ဒီဇာတ်လမ်းက ကျောင်းပိတ်သိမ်းမှုနဲ့ လူမှုရေးဆိုင်ရာ ပြသာနာတွေကို ဖော်ပြရင်း ဆရာတွေနဲ့ ကလေးတွေရဲ့ ရှုပ်ထွေးတဲ့ ဆက်ဆံရေးနဲ့ သူတို့ရဲ့ အနာဂတ်က ဘယ်လိုဆက်ဖြစ်လာမလဲဆိုတာ ကြည့်ရှုရမှာပါ။ File size… (5.1 GB) / (1.8 GB) / (1 GB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Comedy,Drama Duration…. 01:33:46 Subtitle…. Myanmar Subtitle (Hardsub)

The Legend of Ochi (2025) IMDb Rating (6.3) / Rotten Tomatoes (77%) ဒီနောက်ပိုင်း ထုတ်လုပ်ရိုက်ကူးရေးပိုင်းမှာ အတော်လေး နာမည်ရပြီး ရုပ်ရှင်ကောင်းတွေ ဖန်တီးလာတဲ့ A24 Studio ရဲ့ ဇာတ်ကားအသစ်လေးပါ။ နာမည်ကြီး မင်းသားကြီး William Dafoe , Stranger Things ထဲက ကလေးသရုပ်ဆောင် Finn Wolfhard တို့ဦးဆောင်ပါဝင်ထားတဲ့ The Legend of Ochi ဆိုတဲ့ စိတ်ကူးယဉ်စွန့်စားခန်း ရုပ်ရှင်အသစ်ဖြစ်ပါတယ်။ ပင်လယ်နက်ထဲက ကာပါသီယာကျွန်းမျောတွေပေါ်မှာ နေကြတဲ့ မက်ဆင်းတို့မိသားစုဟာ အိုချီဆို ဒဏ္ဍာရီလာ သတ္တဝါကို မျိုးဆက်အလိုက်ကြောက်ရွံ့ပြီး အမဲလိုက်နေခဲ့တာဖြစ်ပါတယ်။ တစ်နေ့မှာတော့ အဲ့ဒီမိသားစုက ယူရီဆိုတဲ့ကလေးမလေးက ဒဏ်ရာရနေတဲ့ အိုချီအကောင်ပေါက်လေးကိုတွေ့ပြီး ခင်တွယ်သွားရာကနေ သူ့မိသားစုရှိရာ တောနက်ကြီးထဲကို ပြန်ပို့ဖို့အတွက် ခရီးကြမ်းကို နှင်ခဲ့ရင်း စိတ်မချတဲ့ ဖခင်ဖြစ်သူ မက်ဆင်းကလည်းလိုက်ပါလာခဲ့ပါတယ်။ (အညွှန်းနဲ့ဘာသာပြန်ကတော့ Thiha Yan Naing ဖြစ်ပါတယ်။) File size… (2.4 GB) / (970 MB) Quality…. WEB-DL 1080p HEVC / 720p Format…. mkv/mp4 Genre…. Adventure, Family, Fantasy Duration…. 01:36:20 Subtitle…. Myanmar Subtitle (Hardsub) Encoder…. Benjamin Translated by Thiha Yan Naing

Dune: Prophecy (2024) Season 01 (complete) IMDb Rating (7.6) / Rotten Tomatoes (70%) သိပ္ပံစိတ်ကူးယဉ် ဇာတ်လမ်းလောကရဲ့ နာမည်အကြီးဆုံးထဲက တစ်ခုဖြစ်တဲ့ Dune စကြဝဠာကို အခြေခံထားတဲ့ စီးရီးတစ်ခု ထွက်လာပါပြီ။ ဒီစီးရီးဟာ Game of Thrones ကို အမီလိုက်မယ်လို့ပါ ထင်ကြေးပေးခံရတဲ့ စီးရီးမျိုးပါပဲ။ အပိုင်း (၁) အရဆိုရင်တော့ ဖြစ်နိုင်တယ်လို့ ပြောရပါလိမ့်မယ်။ ဖန်တီးတဲ့သူ နှစ်ယောက်ကလည်း The Haunting of Bly Manor တို့ The Originals တို့ကို ဖန်တီးခဲ့တဲ့ Diane Ademu-John နဲ့ Lost စီးရီးကိုဖန်တီးခဲ့တဲ့ Alison Schapker တို့ပါပဲ။ ဇာတ်လမ်းအကျဉ်း ဒီစီးရီးဖြစ်တည်ချိန်ကတော့ ပေါ အထရေးဒီး နန်းမတက်ခင် နှစ် ၁၀,၀၀၀ အလို ကာလမှာပဲ ဖြစ်ပါတယ်။ မဟာစစ်ပွဲကြီးလို့ခေါ်တဲ့ လူသားတွေက ဦးနှောက်ရှိတဲ့စက်တွေထိန်းချုပ်ထားတာကို တော်လှန်ရေးလုပ်ခဲ့တဲ့ ကာလအပြီးပါပဲ။ အဲဒီကာလမှာ စက်တွေကို ကန့်သတ်ပစ်လိုက်ပြီး ကရီနိုအိမ်တော်က ဧကရာဇ်နေရာကို ရယူထားပါတယ်။ အခြား အင်အားကြီးအိမ်တော်ကြီးတွေက နိုင်ငံရေးကစားကွက်မျိုးစုံနဲ့ အားပြိုင်နေတဲ့ ကာလဖြစ်ပါတယ်။ ဒီစီးရီးမှာ အမှန်ပြောသူ ညီအစ်မအဖွဲ့တွေရဲ့ သမိုင်းအစကို ဖော်ပြထားပြီး အိမ်တော်ကြီးတွေကို နောက်ကွယ်ကနေ ထိန်းချုပ်ဖို့ စီမံပုံတွေကိုလည်း တွေ့ရမှာပါ။ ဖရေးမန်းတွေနဲ့ အရားခစ်က တိုက်ပွဲတွေရယ် ပုန်ကုန်မှုတွေရယ်လည်း ပါမှာဖြစ်ပြီး ဇာတ်အိမ်ကြီးတဲ့ စီးရီးမို့ အားရပါးရ ကြည့်လို့ကောင်းမှာပါ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size…(1.6 GB) / (750 MB) / (470 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action & Adventure, Drama, Sci-Fi & Fantasy Duration….01:00:00 Subtitle….Myanmar Subtitle (Hardsub) Encoder….Ka Naung, Benjamin Translated by Mr. Anderson

Peaky Blinder မင်းသားကြီး ခီလီယံ မာဖီရဲ့ အိုင်ယာလန် သမိုင်းဖြစ်ရပ်မှန် ဒရာမာ ရုပ်ရှင်အသစ်ကို တင်ဆက်ပေးထားပါတယ်။ ဇာတ်လမ်းအခြေခံကတော့ Magdalene asylums ဒါမှမဟုတ် Magdalene laundries (ယေရှုခရစ်တော်ရဲ့ နောက်လိုက် မေရီ မက်ဒလင်းရဲ့နာမည်ကို အစွဲပြု) ဆိုတဲ့ ၁၈ ရာစုနဲ့ ၂၀ ရာစုကြားက အမျိုးသမီး ပြုပြင် ထိန်းသိမ်းစောင့်ရှောက်ရေး ဂေဟာတွေရဲ့ အရှုပ်တော်ပုံအကြောင်းတွေကို အခြေခံထားတာပါ။ အင်္ဂလန်၊ စကော့တလန်၊ ဝေလ၊ အိုင်ယာလန်၊ အမေရိက၊ ကနေဒါ၊ ဆွီဒင်၊ ဩစတြေးလျလို နိုင်ငံကြီးတွေမှာပါ ရှိပါတယ်။ သီလရှင်တွေက ခရစ်ယာန်ဘာသာရေးအောက်ကနေ ဦးစီးတာပါ။ မူလရည်ရွယ်ချက် ကတော့ လိင်လုပ်သား အမျိုးသမီးတွေ၊ ခင်ပွန်းမရှိဘဲ ကိုယ်ဝန် ရှိသူတွေ၊ မိသားစုစောင့်ရှောက်မဲ့သူမရှိတဲ့ မိန်းကလေးငယ်တွေကို စောင့်ရှောက်ဖို့ပါပဲ။ ဒါပေမဲ့ စားစရာနေစရာလောက်ပဲရပြီး ပင်ပန်း ဆင်းရဲစွာ အလုပ်လုပ်ရတာတွေ၊ ထောင်တွေထက်တောင် တင်းကြပ်တဲ့ စည်းကမ်းတွေ နဲ့ ပြင်းထန်တဲ့အပြစ်ပေးမှုတွေ အနိုင်ကျင့်မှုတွေကြောင့် နာမည်ပျက်မျိုးစုံနဲ့ ပိတ်ခဲ့ရတဲ့ အဖွဲ့အစည်းစနစ်လည်းဖြစ်ပါတယ်။ နောင်မှာ ဒီဂေဟာတွေက လွတ်မြောက်လာသူတွေကို တရားဝင်ပါ ပြန်လည်တောင်းပန်ခဲ့ရတဲ့အထိ ဆိုးရွားခဲ့ပါတယ်။ ဇာတ်လမ်းအကျဉ်း ဘေလ်ဖာလောင်ဟာ သဘောကောင်းပြီး အလုပ်ကြိုးစားတဲ့ သူဖြစ်သလို သမီးငါးယောက်ရဲ့ ဖခင်လည်းဖြစ်ပါတယ်။ မက်ဒလင်း ဂေဟာတွေကို ထင်းမီးသွေးသွားပို့ရင်းနဲ့ ကလေးမလေးတွေ မတရား ခံနေရတာကို မကြာခဏတွေ့ရတတ်တဲ့သူပါ။ ဒါပေမဲ့ အဲဒီခေတ်က မက်ဒလင်း သီလရှင်တွေနဲ့ ပြဿနာတက်မိရင် တစ်မြို့လုံးက အကျဉ် ခံရနိုင်သလို သူ့သမီးတွေလည်း ကျောင်းတက်ခွင့်တောင် မရမှာ စိတ်ပူ ရလို့ အစွမ်းကုန် ရေငုံနှုတ်ပိတ်နေရတဲ့သူလည်းဖြစ်နေပါတယ်။ ဒီရုပ်ရှင်ထဲမှာတော့ သူရဲကောင်းကြီးလို ဖိုက်တာကြီးလို ဇာတ်ရုပ် မဟုတ်ဘဲ ရိုးသားတဲ့ အိမ်ထောင်ရှင်တစ်ယောက်က သူ့သမီးတွေအကျိုးနဲ့ သနားစရာ မိန်းကလေးတွေကိုကယ်ချင်တဲ့စိတ်တွေကြားမှာ လွန်ဆွဲ နေပြီး နောက်ဆုံးမှာ ဆုံးဖြတ်ချက်တစ်ခု ချလိုက်ရတဲ့ အခြေအနေကို ရိုက်ပြထားတာပါဖြစ်ပါတယ်။ မင်းသားရဲ့ဖန်ပဲဖြစ်ဖြစ် သမိုင်းနောက်ခံကားတွေကြိုက်တဲ့သူတွေပဲ ဖြစ်ဖြစ် ကြည့်သင့်တဲ့ရုပ်ရှင်ကောင်းပါပဲ။ File size… (4.90GB) / (1.96GB) / (593MB ) Quality… WEB-DL 4K HEVC 1080p / 720p Format…mkv / mp4 Duration….1h 38m Genre ….. Drama , History Subtitle….Myanmar Subtitle (Hard Sub) Encoder….Min Wai Translated by Mr.Anderson

အေးလင်ရဲ့သား ဘရိုင်ယန်ဟာ နှစ်အတော်ကြာမှ မိခင်ရှိရာကို ပြန်ရောက်လာပါတယ်။ သားအမိနှစ်ယောက် ပြန်ဆုံရလို့ လွမ်းစရာတွေ ပြောလို့မှ မကုန်သေးခင်မှာပဲ ဘရိုင်ယန်ဟာ ဆာရာဆိုတဲ့ မိန်းကလေးကို မုဒိမ်းကျင့်ခဲ့တယ်ဆိုတဲ့ စွပ်စွဲချက်နဲ့ တရားစွဲခံရပါတော့တယ်။ ဘရိုင်ယန်က ဆာရာကို တကယ်ပဲ ကျူးလွန်ခဲ့တာလား၊ ဒီအမှုကနေ လွတ်မြောက်နိုင်မလားဆိုတာနဲ့အတူ သားအမိနှစ်ယောက်ရဲ့ ဆက်ဆံရေး ဘယ်လိုဖြစ်သွားမလဲဆိုတာကို ဆက်ပြထားတဲ့ ဒရာမာဇာတ်ကားပါ။ Game of Thrones မှာ ပါဝင်ခဲ့တဲ့ Aisling Franciosi နဲ့ Corpse Bride၊ Chernobyl တို့မှာ ပါဝင်ခဲ့တဲ့ Emily Watson တို့ သရုပ်ဆောင်ထားပါတယ်။

Monster Family 1အပြီးမှာ မိသားစုရဲ့ပျော်ရွှင်မှုကို ပြန်လည်ရှာတွေ့အပြီး မကောင်းဆိုးဝါးဘဝမှ ကျိန်စာပြယ်ကာ လူသားအဖြစ်ကို ပြန်လည်ရောက်ရှိလာတဲ့ Wishboneမိသားစုတသိုကိဟာစုန်းမကြီး Baba Yagaနဲ့ ခင်ပွန်းလောင်း Renfieldတို့ အဖမ်းခံရတဲ့ကိစ္စကြောင့် မကောင်းဆိုးဝါးအဖြစ် ပြန်အသွင်ပြောင်းကာ ကယ်တင်ဖို့ ကြိုးစားရပြန်ပါပြီ စုန်းမကြီးတို့ကို ဖမ်းဆီးသွားသူက Mila Starrလို့ခေါ်တဲ့ Monster Hunter ဖြစ်နေပြီး Baba Yagaတို့အပြင် ကမ္ဘာတစ်ဝှမ်းလုံးက မကောင်းဆိုးဝါးပေါင်းစုံကို လိုက်လံဖမ်းဆီးနေတဲ့အခါ... ဘာလို့ Mila Starrက မကောင်းဆိုးဝါးတွေကို လိုက်လံဖမ်းဆီးနေရတာလဲ၊ သူ့ရဲ့ရည်ရွယ်ချက်ကရော ဘာလဲ Wishboneမိသားစု ဘယ်လိုတွေ စွန့်စားခန်းဖွင့်ကြမလဲဆိုတာကို Animationတို့ ထုံးစံအတိုင်း ချစ်စရာကာတွန်းရုပ်လေးတွေ၊ အလွဲတွေနဲ့ ရယ်ရယ်မောမောကြည့်ရှုရမယ့်အပြင် တကယ်ကောင်းတဲ့ သင်ခန်းစာတွေလည်း ပါသေးတာကြောင့် ပိတ်ရက်မှာ မိသားစုနဲ့အတူ ပျော်ပျော်ရွှင်ရွှင်ကြည့်ရှုရမယ့် မိသားစုAnimationကားလေးပဲ ဖြစ်ပါတယ် ။ File Size__1.75 GB , 950 MB Quality__1080p, 720p IMDb Rating__6.2/10 Format__mp4 Duration__01:45:00 Type__Animation, Comedy, Family Subtitle__Myanmar Subtitle (Hardsub) Translated by Jim X Encoded by Naing Aung Latt

Chernobyl (2019) ဇာတ်လမ်းအညွှန်း ~~~~~~~~~~~~~~~~~~~~~~ လူတစ်သိန်းလောက်ရဲ့ vote နဲ့ Imdb မှာ 9.7 ရပါတယ်လို့ ပြောရင် ဆက်ညွှန်းစရာမလိုဘဲတောင် ကြည့်ချင်ကြမယ်ထင်ပါတယ်။ ဒါပေမယ့် နည်းနည်းလေး လျှာထပ်ရှည်ပါရစေ။ ဒီစီးရီးကို HBO က ပြသခဲ့ပြီး အပိုင်း ၅ ပိုင်းပါဝင်မှာဖြစ်ပါတယ်။ HBO ရဲ့ အအောင်မြင်ဆုံးစီးရီးတွေထဲက တစ်ခုပါပဲ။ ၁၉၈၆ ဧပရယ်လမှာ ဆိုဗီယက်ပြည်ထောင်စု၊ ယူကရိန်း နဲ့ ဘီလာရုစ် နယ်မြေကြား ချာနိုဘယ်မှာဖြစ်ခဲ့တဲ့ ကမ္ဘာကျော် အနုမြူဓာတ်အားပေးစက်ရုံ ပေါက်ကွဲမှုအကြောင်း ဖြစ်ရပ်မှန်ကို အခြေခံပြီး တင်ဆင်ထားတာပါ။ ဒီကပ်ဆိုးကို ထိန်းသိမ်းဖို့ ရူဘယ် ၁၈ ဘီလီယံကျော်ကုန်ကျခဲ့ပြီး လူသိန်းနဲ့ချီပြီး လုပ်ကိုင်ခဲ့ရတာပါ။ အမေရိကန် နဲ့ အားပြိုင်နေချိန်မှာ ဖြစ်ခဲ့တဲ့ အဖြစ်ဆိုးဖြစ်တဲ့အတွက် တရားဝင်ကြေညာတဲ့ အသေအပျောက်စာရင်းဟာ အတော်ကိုလျှော့ပေါ့ထားမယ့်ပုံပေါ်ပါတယ်။ သမိုင်းရဲ့အကြီးဆုံးအနုမြူကပ်ဘေးကို ကျော်လွှားဖို့ ပါဝင်ခဲ့ကြတဲ့ သူရဲကောင်းတွေအကြောင်းကို အဓိက ဇာတ်ကောင် သိပ္ပံပညာရှင်နှစ်ယောက်ကို အခြေတည်ပြီး ရိုက်ကူးပြထားပါတယ်။ မပြန်လမ်းမှန်းသိသိကြီးနဲ့ ဝင်သွားခဲ့တဲ့ သူရဲကောင်းတွေ၊ ဝင်လိုက်တာနဲ့ သေမိန့်ချပြီးသားလိုဖြစ်နေတဲ့ နယ်မြေထဲမှာ အကြာကြီး လုပ်ကိုင်ခဲ့ကြတာတွေကို တွေ့ပါလိမ့်မယ်။ စီးရီးဆိုပေမယ့် ၅ နာရီစာ ရုပ်ရှင်ကောင်းကြီးတစ်ခုကို ကြည့်လိုက်ရသလိုပါပဲ။ အပိုအလိုမရှိတဲ့ ဇာတ်လမ်း၊ ဒိုင်ယာလော့၊ ရိုက်ချက်၊ အသံ အကုန်ကောင်းမွန်ပါတယ်။ ဒီစီးရီးရဲ့ ဇာတ်လမ်းကို ခံစားနိုင်ရုံတင်မကဘဲ၊ အနုမြူအန္တရာယ်အကြောင်း ဗဟုသုတတွေ၊ သူတို့တွေ လုပ်ပုံကိုင်ပုံတွေကိုပါ ဗဟုသုတအဖြစ် ရှင်းရှင်းလင်းလင်းမြင်ရမှာပါ။ ဇာတ်လမ်းအစကိုတော့ ဓာတ်ပေါင်းဖိုပေါက်ကွဲတာကနေစထားတာမို့ စကတည်းက အရှိန်က တက်သွားလိုက်တာ ပြန်ကိုမကျတော့ပါဘူး။ အဲဒီအစမှာတော့ ဝန်ထမ်းတွေ တရားရစရာလေးတွေ တွေ့ပါဦးမယ်။ ပြဿနာကြီးဖြစ်တာနဲ့ အပြစ်တင်စရာလူပတ်ရှာတဲ့ လူကြီးတွေ၊ အထက်ကို ဖုံးဖုံးဖိဖိ တင်ပြကြတဲ့ လူကြီးတွေက စတာပါပဲ။ အဲဒီနောက်မှာတော့ ပြဿနာကိုဖြေရှင်းဖို့အပြင် နိုင်ငံသိက္ခာမကျဖို့ ဖုံးဖုံးကွယ်ကွယ်လုပ်ကြတာပါ။ ပေါင်းလိုက်တော့ မသေသင့်ဘဲ သေသွားရတဲ့ လူဦးရေ အတော်ကိုများသွားခဲ့မှာပါပဲ။ ကြည့်မိတဲ့လူအားလုံးကြိုက်ကြမယ်ထင်ပါတယ်။ ကြည့်ကိုကြည့်သင့်တဲ့ စီးရီးတစ်ခုပါပဲ။ သိပ္ပံအသုံးအနှုန်းလေးတွေ အဆင်ပြေသလို ဘာသာပြန်ထားတာကိုတော့ သည်းခံကြည့်ပေးကြပါဦး။ Quality ~~~ 4K/1080p, 720p Duration ~~~ 1hr 4 min Genre ~~~ Drama/ History/ Thriller Format ~~~ mp4 / Mkv

On Chesil Beach (2017) IMDb Rating (6.3) / Rotten Tomatoes (67%) နောက်ခံအသိုင်းအဝိုင်းကွာခြားလွန်းတဲ့တယောပညာရှင်မိန်းကလေးနဲ့ သမိုင်းပညာရှင်ကောင်လေးတစ်ယောက်ဟာ မမျှော်လင့်ပဲတွေ့ဆုံပြီးနောက်မှာ မြင်မြင်ချင်းချစ်မိသွားကြပြီး ချစ်ကြိုးသွယ်သွားကြပါတော့တယ်။ သူတို့နှစ်ဦးရဲ့ အသိုင်းအဝိုင်းကွာခြားမှုတွေကို ကျော်ဖြတ်ပြီး လက်ထပ်ဖို့အထိဖြစ်လာပါတော့တယ်။ ထိုအချိန်မှပဲ မထင်မှတ်ထားတဲ့အတားအဆီးတစ်ခုက နှစ်ဦးကြားမှာပေါ်ပေါက်လာပါတယ်။တယောပညာရှင် ချစ်ရသူမိန်းကလေးက သူ့အတွက်ဖျော်ဖြေပေးမည့်ဂီတပွဲကိုရော ကတိပေးထားသည့်အတိုင်း တက်ရောက်နိုင်ပါမလား။ ချစ်သူနှစ်ဦးအတားအဆီးတွေ ကိုကျော်ဖြတ်ပြီး ပေါင်းစည်းသွားနိုင်မလား ဘာတွေဆက်ဖြစ်ကြမလဲစသည်တို့ကို ငြိမ့်ငြိမ့်လေးစီးမြောခံစားရမည့် romance ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size… (2.8 GB) / (890 MB) Quality…. Blu-Ray 1080p HEVC / 720p Format…. mkv/mp4 Genre…. Drama,Romance Duration…. 01:50:44 Subtitle…. Myanmar Subtitle (Hardsub) Encoder…. Double K Translated by Eunice

Kingsman: The Golden Circle (2017) IMDb Rating (7.7) / Rotten Tomatoes (51 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman: The Golden Circle (2017) ရုပ်ရှင်ကိုတော့ Kingsman: The Secret Service(2014) ရဲ့အဆက်အဖြစ်တင်ဆက်ထားပြီး ပထမကားက သရုပ်ဆောင်တွေ ဗီလိန်တွေကိုပါချိတ်ဆက်ထားပါတယ်။ File size…(8.4 GB)/(2.8 GB )/(1.9 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Translated by Thura & Arkar

ဒီကားကတော့ ကမ္ဘာ့အမြင့်ဆုံး တောင်ဖြစ်တဲ့ Everest (ဧဝရတ်တောင်) တက်တဲ့ အဖွဲ့နှစ်ဖွဲ့ Adventure Consultants and Mountain Madness အကြောင်း ရိုက်ကူးထားတာဖြစ်ပြီး၊ ၁၉၉၆ Everest Disaster အကြောင်းကို အကြမ်းဖျင်း အခြေခံပြီး ရိုက်ကူးထားတာဖြစ်ပါတယ်။ ဇာတ်လမ်းမှာ Rob Hall (Jason Clarke) က လမ်းပြသုံးယောက်ထဲက တစ်ယောက်ဖြစ်ပြီး Beck Weathers (Josh Brolin), Doug Hansen (John Hawkes), Yasuko Namba (Naoko Mori), Scott Fischer (Jake Gyllenhaal) တို့ ပါဝင်တဲ့ တောင်တက်အဖွဲ့နှစ်ဖွဲ့က တောင်ခြေမှာ ဆုံကြပြီး ကမ္ဘာအမြင့်ဆုံး တောင်ကို တက်ဖို့ပြင်ဆင်ကြပါတယ်။ Rob ရဲ့ မိန်းမက ဗိုက်ကြီးနေပြီး သမီးလေး ဖြစ်တယ်လို့ အကြောင်း ကြားလာသလို သမီးလေးကို Sarah လို့နာမည်ပေးဖို့ Rob ကပြောဆိုခဲ့ပါတယ်။ အခက်အခဲပေါင်းများစွာကြုံတွေ့ခဲ့ရပြီး နောက်မှာ တောင်ထိပ်ကို တက်ရောက်နိုင်ခဲ့ကြပြီးနောက်မှာ၊ ရာသီဥတု ပြောင်းလဲလာခဲ့ပြီး၊ ပြန်အဆင်းမှာ စတင်ပြီး ကံကြမ္မာဆိုး ကြုံရတာဖြစ်ကြောင်း ကို ရင်သပ်ရှုမောဖွယ် ရှုစားရမှာဖြစ်ပါတယ်။ စွန့်စားခန်း၊ ရင်သက်ရှုမောဖွယ်ရာများနဲ့ ဇာတ်လမ်း အစအဆုံး မရိုးရအောင ်ကြည့်ရမှာဖြစ်ပြီး၊ ဘယ်လို အဆုံးသတ်မလည်းဆိုတာ ကြိုသိနေတာတောင် ကြည့်လို့ ဇာတ်ကားကို ကြည့်လို့ကောင်းအောင်ရိုက်ကူးထားနိုင်တာတွေ့ရပါတယ်။ ဇာတ်ကားကောင်းတစ်ကားဖြစ်ပြီး Survival ဇာတ်ကားကောင်းတစ်ကားဖြစ်ပါတယ်။ 3D, IMax, IMax 3-D တို့နဲ့ ကြည့်သင့်တဲ့ ဇာတ်ကားဖြစ်ပြီး ကြည့်လို့လည်း တန်ပါတယ်။ ရုံမှာသွားကြည့်ဖို့တန်ပါတယ်။ ဒီကားကို ကြည့်ပြီး အခက်အခဲကြားက အသက်စွန့်ပြီး ဘာလို့ တက်လည်းလို့ တွေးတဲ့သူတွေရှိကောင်း ရှိနိုင်ပါတယ်။ ဒီနေရာမှာ တောင်တက်တဲ့သူတွေ၊ စွန့်စားသွားလာတဲ့သူကတွေ ဘာအကျိုးအမြတ်မှမရှိပေမယ့်၊ တောင်ထိပ်ကို ရောက်သွားတဲ့ ခံစားချက်က ဘာနဲ့မှလဲလို့မရဘူးဆိုတာ တောင်တက်ဖူးသူတွေ ပဲသိနိုင်ပါတယ်။ စိန်ခေါ်မှုတွေကို ကြိုက်ပြီး စွန့်လွှတ်စွန့်စားတတ်သူတွေ အကြောင်း ရိုက်ကူးထားတာဖြစ်ပြီး အခန့်မသင့် လို့အသက်ဆုံး ရှုံးခဲ့ရင်တောင် သူတို့ရဲ့ နာမည်က သမိုင်းမှာ တွင်ကျန်ခဲ့မှာ ဖြစ်ပါတယ်။ No Sex, No Nudity ဖြစ်ပြီး မိသားစုတူတူ ကြည့်နိုင်ပါတယ်။ (ဇာတ်ကားအညွန်းကို Movie Preview For Myanmar pageမှ #Sololay ရေးသားထားတာကို ကူးယူဖော်ပြထားတာဖြစ်ပါတယ်) File Size         : 870 MB Quality           : Blu ray 720P Running Time : 2hr 01 minute Format           : Mp4 Genre             : Adventure, Biography, Drama Encoder         : Joker.phs

The Theory of Everything (2014) Imdb - 7.7 / Rotten Tomatoes 80% ဒီဘက်​ခေတ်​ရဲ့ အကြီး​ကျယ်​အခမ်းနားဆုံး သိပ္ပံပညာ​ရှင်တွေထဲကတစ်ဦးအဖြစ် လူသိများကြတဲ့ သီအိုရီရူပဗေဒပညာရှင် Stephen​ Hawking ရဲ့ အတ္ထုပတ္တိရုပ်ရှင်ဖြစ်တဲ့ ဒီဇာတ်ကားက​ Hawking ရဲ့ တက္ကသိုလ်​ကျောင်းသားဘဝကစလို့ နာမည်​ကျော်​သိပ္ပံပညာ​ရှင်ဖြစ်​လာတဲ့အထိ သူ့ရဲ့​ဘဝဇာတ်ကြောင်းကို တင်ဆက်ထားတာဖြစ်ပါတယ်။ Hawking​ အဖြစ်​သရုပ်ဆောင်​ထားတဲ့ Eddie Redmayne က ဒီ​ဇာတ်​ကားနဲ့ပဲ အော်​စကာဆုကိုရရှိခဲ့ပါတယ်။ Stephen Hawking​ ရဲ့ Biopic ရုပ်ရှင်​ဖြစ်ပေမဲ့ နားလည်​ဖို့ခက်ခဲလွန်းတဲ့ Black Hole သီအိုရီတွေ Quantum​ တွေကိုအသားပေးထားတာမဟုတ်ဘဲ Hawking နဲ့ ဇနီး​ဖြစ်သူ​ Jane တို့အကြားက ချစ်​ခြင်း​မေတ္တာ​တရားတွေ၊ သံယောဇဉ်​အနိမ့်အမြင့် အတက်အကျတွေနဲ့အတူ Hawking​ ခံစား​နေရတဲ့ Motor Neuron ရောဂါ​ကို နှစ်​ဦး​သား​အတူရင်ဆိုင်ပြီး ဘဝကို​ရှင်သန်​ရှာဖွေခဲ့ကြပုံကို တင်ဆက်​ထားတဲ့ ကြည်​နူး​ဆွတ်ပျံ့​ဖွယ်ဇာတ်လမ်းတစ်ပုဒ်လို့ပြောရင် ပိုမှန်ပါလိမ့်မယ်။ ဇာတ်လမ်း​အစကိုတော့ ၁၉၆၃ ခုနှစ်​မှာ Cambridge တက္ကသိုလ်​ကို Hawking​ စတင်​ရောက်ရှိပြီး ဇနီး​ဖြစ်လာမဲ့ Jane နဲ့တွေ့ခဲ့ကြတာကနေ အစပြုထားပါတယ်။ တစ်​ခေတ်​မှာ​တစ်ယောက်​ဆိုလောက်အောင် ဥာဏ်​ကြီးသူဖြစ်ပြီး အလား​အလယ်ကောင်းများစွာရှိနေတဲ့ Hawking​ ဟာ အသက်​၂၁ နှစ်မှာ Motor Neuron​ လို့ခေါ်တဲ့ ကြွက်သား​ဆွေး​မြည့်တဲ့ရောဂါဆန်းတစ်မျိုး​ကို ခံစားရပြီး ၂နှစ်​ထက်ပိုပြီး အသက်​ရှင်​မှာမဟုတ်​ဘူးလို့ ဆရာဝန်​က မှတ်ချက်​ပေးခဲ့ပေမဲ့ Jane က သူ့ကို​လက်ထပ်ဖို့ဆုံးဖြတ်ခဲ့ပါတယ်။ ဒီလို​နဲ့​ နှစ်​ယောက်​သား ဘဝရဲ့အချိုးအကွေ့တွေကို အတူရင်ဆိုင်ဖို့အကြောင်းဖန်လာပါတော့တယ်။ ၂၀၁၄ ခုနှစ်​ရဲ့ အကောင်း​ဆုံး​ရုပ်ရှင်​ကားတွေ​ထဲက တစ်ကားဖြစ်တဲ့ ဒီဇာတ်ကားမှာ အဓိကချီးကျူးရမှာက Stephen Hawking​ အဖြစ်​သရုပ်ဆောင်တဲ့ Eddie Redmayne​ ရဲ့ performance အပြင်​ Cinematography နဲ့ နောက်​ခံတေးဂီတလို့မြင်ပါတယ်။ ဒီရုပ်ရှင်​ကို ရိုက်ကူး​ခဲ့သူ James Marsh ကို Stephen Hawking ကိုယ်​တိုင်​က Eddie Redmayne​ ရဲ့​သရုပ်​ဆောင်​မှုကိုကြည့်ပြီး သူ့ကိုယ်သူ​ပြန်​ကြည့်နေသလို ခံစား​မိတယ်လို့ အီးမေးလ်ပို့ပြီးဂုဏ်ပြုခဲ့ပါသေးတယ်။ ရုပ်ရှင်​ရဲ့ခေါင်းစဥ်ကို Theory​ of Everything​ လို့ပေးထားတာနဲ့ပတ်သက်လို့ အကြောင်း​ရင်း​နှစ်ခုရှိမယ်လို့ထင်ပါတယ်။ ဇာတ်လမ်း​ထဲမှာ ရှင်း​ပြထား​သလို​ ရူပဗေဒရဲ့ အရေး​ကြီး​ဆုံး​ထောက်တိုင်နှစ်ခုက General Relativity နဲ့ Quantum Theory ဖြစ်​ပါတယ်။ General Relativity က အလွန်​ကြီးမား​တဲ့ဝတ္တုတွေဖြစ်တဲ့ ဂြိုလ်၊ကြယ်နဲ့ Galaxy တွေအပေါ်ပြဌာန်းပြီး Quantum​ က အလွန်​သေးငယ်တဲ့ အီလက်ထရွန်၊ ဖိုတွန်နဲ့ အခြေခံ​အမှုန်​တွေအပေါ် စိုးမိုးပါတယ်။ သီအိုရီနှစ်ခုက အခြေခံ​စည်းမျဥ်း​အားဖြင့် တစ်ခုကို​တစ်ခု ဆန့်ကျင်​သလိုဖြစ်နေတဲ့အတွက် သီအိုရီနှစ်ခုစလုံးကိုသုံးပြီး စကြဝဠာ​ဖြစ်​စဥ်​တွေ​ကိုရှင်းပြဖို့ကြိုးစားတဲ့နေရာမှာ အခက်အခဲ​တွေရှိလာတဲ့အတွက် ဒီသီအိုရီ​နှစ်ခု​ကိုပေါင်းစည်းပြီး လောကရဲ့ဖြစ်စဥ်အားလုံးကိုရှင်းပြနိုင်မဲ့ Theory​ of Everything​ ကိုရှာတွေ့ဖို့က Hawking​ အပါအဝင်​ ရူပဗေဒပညာရှင်တိုင်းရဲ့အိပ်မက်ဖြစ်ပါတယ်။ ဒီသီအိုရီ​ရှာတွေ့ပြီးရင် Physics မှာ ရှာဖွေစရာကုန်ပြီလို့တောင် ပြောကြပါတယ်။ ဒါကြောင့်​ ရုပ်ရှင်​ကိုဒီခေါင်းစဥ်ပေးထားတာဖြစ်နိုင်သလို ဒုတိယ​တစ်​ချက်က​ Stephen ရင်​ဆိုင်​နေရတဲ့ ရောဂါ​က တစ်နေ့တခြားဆိုးရွား​လာရာကနေ ဇနီး​ဖြစ်သူ​နဲ့ မိသားစု​အကြား​ ပဋိပက္ခ​တွေမြင့်တက်လာပြီး သူရှင်သန်နေရတဲ့ဘဝရဲ့ အဓိပ္ပာယ်​သီအိုရီ​ကိုလည်း တစ်ချိန်​တည်းမှာ ရှာဖွေ​နေခဲ့ရပုံကို ရည်ညွှန်း​ထားတာ​လည်းဖြစ်နိုင်ပါတယ်။ File size…(2.4 GB) / (1 GB) Quality….BluRay 1080p/720p Format…mp4 Duration….02:03:25 Subtitle….Myanmar Subtitle (Hardsub) Encoder….Ka Naung Translated by Wolfenheim

The Book Thief (2013) IMDb....7.5 စာရေးဆရာ Markus Zusak ရေးသားခဲ့တဲ့ The Book Thief စာအုပ်ဟာ Bestseller စာရင်းဝင်ခဲ့ပြီး ဘာသာစကေားပေါင်းများစွာစွာနဲ့ ပြန်လည်ထုတ်ဝေခဲ့ပါတယ်... လက်ရာမြောက်ဒီစာအုပ်ကို ရုပ်ရှင်အသွင် ၂၀၁၃ မှာပြန်လည်ရိုက်ကူးခဲ့ပါတယ်. .. ဝတ္ထုဇာတ်လမ်းလေးကို ရုပ်ရှင်အဖြစ်ပြောင်းလဲရာတွင်လည်း ဆုပေါင်းများစွာဆွတ်ခူးနိုင်ခဲ့ပါတယ် ... ဒုတိယကမ္ဘာစစ်အတွင်း  ဂျာမနီနိုင်ငံရဲ့ စစ်တစ်လင်းအောက်မှာရှိခဲ့တဲ့ သာမန်လူတစ်စုကိုအခြေခံပြီးရိုက်ကူးထားပါတယ်... လင်မယား (၂)ယောက်ရှိတယ်...သားသမီးမရခဲ့တဲ့သူတို့လင်မယား(၂)ယောက်ဟာ လီဆယ်မီမင်ဂါဆိုတဲ့ ကောင်မလေးကိုမွေးစားခဲ့ပါတယ် ..စာမရေးတတ် မဖတ်တတ်တဲ့ လီဆယ်ကို မွေးစားဖခင်က ဝတ္ထုစာအုပ်တွေဖတ်ပြပြီး သင်ပေးခဲ့ရာမှ လီဆယ်တစ်ယောက် စာအုပ်တွေကိုသဘောကျသွားခဲ့တယ်. ..ဒီကလေးမလေးရဲ့ပတ်ဝန်းကျင်မှာ စစ်ဘေးဒဏ်ခံနေရတဲ့လူတွေအများကြီး.. .သူမဟာ အသက်ငယ်ပေမဲ့ ဒီလူတွေကိုတတ်နိုင်တဲ့ဘက်က အားပေးနှစ်သိမ့်ပေးချင်တယ်.. .ဒီတော့ အဲဒီကလေးမလေးဟာစာအုပ်တွေအများကြီးပိုင်တဲ့ မြို့တော်ဝန်အိမ်က စာအုပ်တွေခိုးယူဖတ်ပြီး စစ်ဘေးဒဏ်ခံလူတွေကို ပုံပြင်လေးတွေပြောပြရင်း အားပေးနှစ်သိမ့်ပါတယ်....နောက်ပြီး လီဆယ်တို့ မိသားစုဟာ ဂျူးလူမျိုးတစ်ယောက်ကို ကယ်တင်မိပြီး သံယောဇဉ်တွယ်ခဲ့ရာမှ အခက်အခဲတွေကြုံတွေ တစ်သီကြီးကြုံရပါတော့တယ်.... ဒီကားထဲက ကလေးသရုပ်ဆောင်Sophie Nélisse ဟာ ၂၀၁၃ခုနှစ်ရဲ့ အကောင်းဆုံးကလေးသရုပ်ဆောင်ဆုကိုဒီကားနဲ့ရရှိခဲ့ပါတယ်. ..အခြားဆု(၈)ခုရရှိခဲ့ပြီး ဆန်ကာတင်ဆုစာရင်းမှာ (၁၄)ခုတောင်ဝင်ခဲ့ပါသေးတယ်.. ..ကိုင်းခံစားကြည့်လိုက်ပါဦးခင်ဗျ.... (ဇာတ်လမ်းအညွှန်းနဲ့ ဘာသာပြန်သူကတော့ Lyric Lynn Khant ဖြစ်ပါတယ်...) File Size : 2.60GB/ 850MB Quality : Blu-Ray 1080p 5.1 CH/ Blu-Ray 720p Format…mp4 Duration…02:12:00 Genre :  Drama, War Subtitle : Myanmar Subtitle (Hard Sub) Translated by Lyric Lynn Khant Encoded by Phyo Pyae

လူဖြူ၊ လူမည်းနဲ့ မျိုးရိုးအဆင့်အတန်းကို ခွဲခြားကြတဲ့ခေတ်မှာ ဒိုင်ဒိုဘဲလ်ဟာ လူဖြူဖခင်နဲ့ လူမည်းကျွန်မိခင်တို့ကနေ မွေးဖွားလာခဲ့ပါတယ်။ ဖခင်က သူ့ကို ခေါ်ယူပြီး သူ့ဦးရီးတော်ဖြစ်တဲ့ တရားသူကြီးချုပ်ရဲ့အိမ်မှာ အုပ်ထိန်းစေခဲ့တယ်။ ဘဲလ်ဟာ လူမည်းသွေးပါပေမယ့် ဖခင်ရဲ့မျိုးရိုးကြောင့် အိမ်တော်မှာ တန်းတူနေရာပေးခံခဲ့ရပြီး လူမည်းကျွန်တွေ ဘယ်လောက်အထိ နှိမ့်ချခံနေရသလဲဆိုတာကိုတော့ ထဲထဲဝင်ဝင် မသိခဲ့ပါဘူး။ ဖြစ်ရပ်မှန်ကို အခြေခံထားတဲ့ ဒီဇာတ်ကားထဲက ပန်းချီကားဟာလည်း အပြင်လောကက ဒိုင်ဒိုဘဲလ်ရဲ့ တကယ့်ပုံတူပန်းချီဖြစ်ပါတယ်။ တစ်နေ့မှာ ဦးရီးတော်က ဇုန်းဆိုတဲ့ ကျွန်ကုန်ကူးသင်္ဘောနဲ့ ပတ်သက်တဲ့အမှုကို ကိုင်တွယ်ရတယ်။ သင်္ဘောပေါ်က ကျွန်တွေကို ရေထဲပစ်ချသတ်ပြီး အာမခံလျော်ကြေး တောင်းထားတဲ့အမှုပါ။ ဒီရက်စက်မှုကို သိလာရတဲ့ ဘဲလ်ဟာ တရားမျှတမှုအတွက် လှုပ်ရှားနေတဲ့ လူငယ်ဒဗီးနီးယားကို ကူညီပေးရင်း သူ့ကို ချစ်မိသွားပါတယ်။ ဒါပေမယ့် မိသားစုက မျိုးရိုးအဆင့်အတန်းမြင့်သူနဲ့ပဲ လက်ထပ်စေချင်တာကြောင့် ဘဲလ်ဟာ မျိုးရိုးနိမ့်တဲ့ လူဖြူလူငယ်အပေါ်ထားတဲ့ ချစ်စိတ်ကို ဖုံးကွယ်ထားရတယ်။ တစ်ဖက်မှာလည်း လူမည်းကျွန်တွေ တရားမျှတမှုရဖို့အတွက် ဦးရီးတော်နဲ့ ရင်ဆိုင်ဆန့်ကျင်နေရပါတယ်။ မိသားစုရဲ့ဆန္ဒနဲ့ ကိုယ့်ယုံကြည်ချက်တွေကြား ဘဲလ် ဘယ်လိုရွေးချယ်မလဲ။ ချစ်ရသူနဲ့ လက်တွဲနိုင်ပါ့မလား၊ လူမည်းတွေအတွက် သူလိုချင်တဲ့ တရားမျှတမှုကိုရော ရနိုင်ပါ့မလား။

Anna Karenina (2012) IMDb Rating - 6.6/10 အချစ်မှာ "ဘာလို့လဲ" ဆိုတာ မရှိဘူးတဲ့..... တစ်ဦးက ဂုဏ်သိက္ခာ တစ်ဦးက ချစ်မေတ္တာ တစ်ဦးက ရမ္မက် ကွဲပြားတဲ့ ကိုယ်စီအလေးထားမှုတွေနဲ့ လူသုံးယောက်ရဲ့ အရှုပ်တော်ပုံလို့ပဲ တင်စားလိုက်ပါရစေ။ အထူးသဖြင့် အန်နာ ကရီနီနာဆိုတဲ့ သားတစ်ယောက်မိခင် အိမ်ထောင်ရှင် အမျိုးသမီးတစ်ယောက်ရဲ့ ရင်နင့်ဖွယ် ဇာတ်လမ်းလေး တစ်ပုဒ်ပေါ့။ အဖြစ်အပျက်တွေ အားလုံးရဲ့ မြစ်ဖျားခံရာကတော့ အစ်ကိုဖြစ်သူရဲ့ အိမ်ထောင်ရေး အခြေအနေ အဆင်မပြေမှုအတွက် ဖြောင်းဖျဖို့ သွားခဲ့ရာ မော်စကိုမြို့လေးပါပဲ..... ဗရွန်စကီဆိုတဲ့ ချောမောခန့်ညားတဲ့ အသက်ငယ်ငယ် မြို့စားတစ်ယောက်နဲ့ သူဆုံဆည်းခဲ့ပုံကလည်း ရထားလေးပေါ်မှာ အမှုမဲ့အမှတ်မဲ့ပါပဲ..... သို့ပေမဲ့ အမှတ်တမဲ့မှ အမှတ်တရတွေ ဖြစ်ခဲ့ကြသည်ပေါ့ မပြတ်နိုင်တဲ့ သံယောဇဉ်တွေကြောင့် ရပ်တန့်ဖို့ ကြိုးစားချိန်မှာ အရမ်း နောက်ကျသွားခဲ့ပြီ..... ပြင်ဆင်ဖို့ နောက်ကျခဲ့ခြင်းကြောင့် ရေပြင်လို တည်ငြိမ်အေးချမ်းနေတဲ့ အိမ်ထောင်တစ်ခုဟာ ဘောင်ဘင်ရိုက်ခတ်ခဲ့ရပါပြီ .... နာမည်ကြီး ရုရှား စာရေးဆရာကြီး Leo Tolstoy ရဲ့ ၀တ္ထုကို အခြေခံရိုက်ကူးထားတဲ့ masterpiece ဇာတ်လမ်းကောင်းပါ ဇာတ်လမ်းတစ်လျှောက်လုံးမှာ Cinematography , music တွေကလည်း အံ၀င်ဂွင်ကျတယ် ဒါရိုက်တာကြီးကလည်း နယ်နယ်ရရမဟုတ်ပါဘူး Pride & Prejudice, Atonement စတဲ့ masterpiece တွေကို ရိုက်ကူးသူ ဒါရိုက်တာကြီး Joe Wright ဖြစ်ပါတယ် Cast တွေကလည်း ကျရာဇာတ်ရုပ်ကို အပီအပြင် သရုပ်ဆောင်ပြနိုင်ကြတော့ Runtime 130 mins ရှိတဲ့ ဇာတ်လမ်းတစ်ပုဒ်ဟာ ပြီးလို့ ပြီးသွားမှန်းတောင် သိလိုက်ရမှာမဟုတ်ပါဘူးခင်ဗျာ ဒါ့အပြင် ဒီဇာတ်လမ်းမှာ မင်းသမီး Keira Knightley ရဲ့လှပမှုတွေ Jude Law ရဲ့ တည်ကြည်မှုတွေ နဲ့ Aaron Taylor Johnson ရဲ့ ချောမောမှုတွေကို တွေ့မြင်နိုင်မှာပါ မိန်းမတွေအတွက် ဆုံးဖြတ်ပိုင်ခွင့်နည်းပြီး နေတတ်ထိုင်တတ်မှ လူရာ၀င်တဲ့ ၁၈ ရာစုနှစ်လောက်က ဆန္ဒကို ဦးစားပေးတတ်တဲ့ အမျိုးသမီးတစ်ယောက်ရဲ့ဘ၀ကို ကွင်းကွင်းကွက်ကွက် စိတ်၀င်စားဖွယ် ရိုက်ကူးတင်ဆက်ထားပါတယ်။ (ဒီဇာတ်လမ်းရဲ့ အညွှန်းကိုနဲ့ဘာသာပြန်ရေးသားပေးသူကတော့ Yoon Sandi Aung ဖြစ်ပါတယ်။ ) File Size - (2.39 GB / 1.21 GB / 680 MB) Quality – BluRay 5.1 CH 1080p, 720p, 480p Duration - 2hrs 09min Subtitle – Myanmar Hardsub Format – MP4 Genre : Drama, Romanc3 Translator – Yoon Sandi Aung Encoder – San Win Maung

War Horse (2011) အခုတင်ပေးမှာကတော့ လူနဲ့တိရစ္ဆာန်အကြား ချစ်ခြင်းမေတ္တာ၊ မိသားစုချစ်ခြင်းမေတ္တာ၊ စစ်၏သဘောတရား စတဲ့ ခံစားမှုရသမျိုးစုံပါဝင်တဲ့ ဇာတ်ကားကောင်းလေးဖြစ်ပါတယ်...ဇာတ်ကားနာမည်ကတော့ အပေါ်ကအတိုင်း War Horse ပါ။ စစ်မြင်းတစ်ကောင်အကြောင်းပေါ့... Jurassic Park, Jaws စတဲ့ တိရစ္ဆာန်ဦးစားပေးဇာတ်ကားတွေ၊ Saving Private Ryan၊ Schindler’s List၊  စတဲ့ စစ်ပွဲဦးစားပေးဇာတ်ကားတွေကို ရိုက်ကူးခဲ့တဲ့ နာမည်ကြီး ဒါရိုက်တာ Steven Spielberg က ရိုက်ကူးထားတာဖြစ်ပါတယ်... စာရေးဆရာကြီး Michael Morpurgo ရဲ့ နာမည်ကျော် War Horse စာအုပ်ကို မှီငြမ်းရိုက်ကူးထားတာဖြစ်ပြီး ပထမကမ္ဘာစစ်အတွင်း နိုင်ငံအသီးသီးက အသုံးပြုခဲ့တဲ့ မြင်းပေါင်း ရှစ်သန်းကျော်ရဲ့ သနားစရာဘဝကို တစ်ကောင်တည်းနဲ့ ကိုယ်စားပြု ရိုက်ကူးထားတာဖြစ်ပါတယ်... ပြီးတော့ Loki မင်းသား Tom Hiddleston နဲ့ Sherlock Holmes မင်းသား Benedict Cumberbatch တို့ကလည်း အားဖြည့်ကူညီထားပါတယ်.... ဇာတ်လမ်းအညွှန်း ပထမကမ္ဘာစစ်မစမီ အင်္ဂလန်ပြည်မှာ လယ်ထွန်ဖို့အတွက် မြင်းတွေကို အသုံးပြုခဲ့တာပါ... ဈေးတွေမှာ မြင်းတွေကို လေလံဆွဲရောင်းချရာကနေ ဇာတ်လမ်းရဲ့ အဓိကဇာတ်ကောင်ဖြစ်တဲ့ Joey ဆိုတဲ့မြင်းလေးကို Ted Narracott ဆိုတဲ့လူက ဝယ်ယူခဲ့ရာက စတာပါ...လယ်ထွန်တတ်တဲ့ မြင်းဝယ်ရမယ့်အစား စစ်မြင်းလေးကို ဈေးကြီးပေး ဝယ်ချလာတဲ့ Ted တို့ မိသားစုမှာ ပြဿနာမျိုးစုံတက်တော့တာပါပဲ... Ted ရဲ့သားဖြစ်သူ Albertက မြင်းလေးကိုကောင်းကောင်းမွန်မွန်သင်ကြားပေးပြီး ပြဿနာအချို့ကို ကျော်လွှားနိုင်ခဲ့ပေမဲ့ အခြေအနေအမျိုးမျိုးကြောင့် ဒီမြင်းလေးကို စစ်တပ်ကို ရောင်းချခဲ့ရပါတယ်...ဒီလိုနဲ့ ပထမကမ္ဘာစစ်မှာ မြင်းလေးကို အသုံးပြုဖို့ဖြစ်လာခဲ့ပြီး သူ့ကိုအရမ်းချစ်တဲ့ Albert ကတော့ မြင်းလေးနဲ့ ဝေးဖို့ဖြစ်လာခဲ့ရာကနေ သူ့ရဲ့မြင်းလေးနဲ့ ပြန်တွေ့ဖို့ ကြိုးစားခဲ့ပုံတွေကို ရိုက်ကူးထားတာပါ... စစ်ပွဲအတွင်း မြင်းတွေကို အမျိုးမျိုးအသုံးချပုံတွေ၊ စစ်သားတွေရဲ့ ခက်ထန်မှုတွေ၊ တစ်ချိန်တည်းမှာပဲ စစ်သားတွေရဲ့ ချစ်စဖွယ်အပြုအမူတွေ၊ စစ်ပွဲတွင်းအဖြစ်အပျက်တွေကိုတခမ်းတနား ကြည့်ရမယ့် ဇာတ်ကားကောင်းလေးဖြစ်တာမို့ Channel Myanmar ပရိသတ်ကြီးလည်း အကြိုက်တွေ့မယ်လို့ မျှော်လင့်ပါတယ်... စစ်ကားလည်းဖြစ်တဲ့အပြင် ဒါရိုက်တာ  Steven Spielberg  ရဲ့ လက်ရာဆိုတော့ ထွေထွေထူးထူးညွှန်းစရာမလိုလောက်ဘူးထင်ပါတယ်... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်.... File Size : 3.05GB / 1.55GB Quality : WEB-DL 1080p 5.1 CH,  720p Duration : 02:26:00 Genres : Drama, History, War Subtitle : Myanmar Subtitle (Hard Sub) Translated by Paing Encoded by Heather Oo

ဥယျာဉ်ထဲက ပိုးစုန်းကြူးတွေ အထက်ကောင်းကင်ကိုဖြည့်ဖို့ရာ ကြယ်တွေရှိပါသတဲ့ ကမ္ဘာပေါ်မှာတော့ ပိုးကလေးတွေပေါ့ အရွယ်အစားချင်းတော့ဘယ်တူလိမ့် အနှစ်သာရအားဖြင့်လည်းသူတို့က ကြယ်တွေမဟုတ်ခဲ့ တစ်ခါတလေတော့ သူတို့မှာကြယ်လိုစတင်ခြင်းမျိုးရှိလေရဲ့ ကြယ်လိုတောက်ပမှုမျိုး ကြာကြာထိန်းမထားနိုင်တာကလွဲ…။ - ရောဘတ်ဖရော့စ် ဒီကဗျာဟာ မှောင်မိုက်တဲ့အချိန်တွေကြားက ခဏတဖြုတ်ဖြစ်လာတဲ့ အလင်းရောင်အခိုက်အတန့်လေးတွေကို ဖော်ကျူးထားတာပါပဲ။ ဘယ်အရာမှမတည်မြဲပါဘူး။ မတည်မြဲဘူးဆိုတိုင်း အခွင့်သင့်သလိုလင်းလာတတ်တဲ့ အေးချမ်းခြင်းအခိုက်အတန့်တွေကို မခံစားရတော့ဘူးလို့မှမဟုတ်ပဲလေ။ ကဗျာနဲ့ရုပ်ရှင်က ထပ်တူကျလောက်အောင်ဆွဲညှိမရပေမဲ့ ကြည့်တတ်ရင် အရိပ်အမြွက်လောက်တော့မြင်ပါလိမ့်မယ်။ Cast တွေကတော့ လက်ဖျားခါလောက်စရာပါပဲ။ William Dafoe, Ryan Reynolds, Julia Roberts, Carrie- Ann Moss တို့လို တကယ့်အကြီးကြီးတွေကိုမှရွေးသုံးထားတယ်။ ဒီရုပ်ရှင်ကတော့ ရီဗျူးတွေကောင်းလှတယ်မဟုတ်ဘူး။ ကောင်းလှတယ်မဟုတ်တဲ့အခြေအနေကိုတောင် သရုပ်ဆောင်တွေဆွဲတင်ခဲ့လို့ ရောက်တာဖြစ်လိမ့်မယ်။ တိုက်ဆိုင်မှုရှိသူတွေအတွက်တော့ ရင်ထဲရောက်မှာပေါ့။ ဒီရုပ်ရှင်က မိသားစုပြဿနာတွေအကြောင်း။ အဓိကကတော့ အဖေ နဲ့ သားကြားက ညှိမရတဲ့နာကျည်းချက်တွေပေါ့။ သိပ်ကိုဒေါသကြီးပြီး အရာအားလုံးကိုထိန်းချုပ်ချင်နေတဲ့အဖေတစ်ယောက်၊ အဖေ့ကိုသေလောက်အောင်မုန်းနေတဲ့သားတစ်ယောက်၊ သားကိုချစ်လွန်းတဲ့အပြင် အဲဒီလိုအဖေကိုလည်း သည်းခံလွန်းတဲ့အမေ။ ဒါက သိပ်မဆန်းတဲ့ မိသားစုပုံစံတစ်ခုပါပဲ။ "လှိုင်းထန်လေထဲမျောတဲ့အခါ အထီးကျန်လာတိုင်းအတွေးထဲမှာ အမြဲမြင်ယောင်တမ်းတမိတယ်အဖေ ဘဝဒဏ်ချက်များအိပ်မက်မှာ မျက်ရည်တွေစို့ရတဲ့အခါ အမြဲမြင်ယောင်တမ်းတမိတယ်အဖေ ဒုက္ခတွေထည်လဲတွေ့ခဲ့အခါ တခြားသူမရှိဘူးကျွန်တော့်အတွေးမှာ အမြဲမြင်ယောင်တမ်းတမိတယ်အဖေ…" လေးဖြူရဲ့အဖေသီချင်းကို နားထောင်မိတဲ့လူတိုင်းကတော့ အဖေ့ကိုချစ်စိတ်နဲ့လွမ်းနိုင်လိမ့်မယ်မထင်ဘူး။ အဖေ့ကိုမျက်နှာချင်းတောင်မဆိုင်ချင်တဲ့လူတွေ တပုံတပင်ကြီးရှိလိမ့်မယ်။ မြင်ယောင်တမ်းတမိသမျှ အဖေ့ပုံရိပ်တွေက အမုန်းရောင်ခြယ်ထားရင် ဘယ်လိုနတ်ဆေးမျိုးက ပယ်ဖျက်နိုင်ပါ့မလဲ။ မိဘဆိုတာက ကောင်းတာပဲဖြစ်စေချင်မှာပါ။ ဒါပေမဲ့ မိဘတွေရဲ့အတ္တကြား ကလေးတွေရင်ထဲ ကျည်ဘယ်နှချက်ထိခဲ့ပြီလဲ။ ငယ်ဘဝစိတ်ဒဏ်ရာဆိုတာ ပျောက်ဖို့အခက်ဆုံး ဒဏ်ရာတွေထဲမှာပါတယ်။ အနာကျက်တယ်ဆိုတာမရှိဘူး။ အချိန်မရွေးသွေးထွက်လာနိုင်တဲ့ ဒဏ်ရာမျိုးပါပဲ။ အထူးသဖြင့် အဲဒီဒဏ်ရာက ကိုယ့်မိဘတစ်ယောက်ယောက်ဆီက ရခဲ့တာဆိုရင်ပေါ့။ ဒီရုပ်ရှင်ထဲမှာ အဖေဖြစ်တဲ့ချာလီနဲ့ သားဖြစ်တဲ့ မိုက်ကယ်တို့ကြားက ပြဿနာတွေက ဇာတ်လမ်းပဲ။ ချာလီက သိပ်စည်းကမ်းကြီးတယ်။ အတင်းအကြပ်ဆန်တယ်။ အရာရာကို ပြီးပြည့်စုံနေစေချင်တယ်။ မိုက်ကယ်ခမျာ ငယ်သေးတော့ ကလေးဆန်ဆန် အမှားတွေလုပ်မိတာပေါ့။ ဒီထဲမှာ ကလေးတွေအမှားလုပ်တဲ့အပေါ် မိဘတွေရဲ့ဖြေရှင်းပုံက သိပ်အရေးပါကြောင်းပြသွားတယ်။ ဆူလိုက် ငေါက်လိုက်လုပ်တဲ့ ချာလီကို သူ့သားမိုက်ကယ်က သေစေချင်တဲ့အထိ မုန်းတီးသွားအောင် အဲဒီစကားလုံးတွေက ဖန်တီးခဲ့တာပါပဲ။ အချိန်တွေကိုအမြန်ရစ်ပြီး လက်ရှိအချိန်မှာတော့ ချာလီက ပင်စင်စားအရွယ်၊ မိုက်ကယ်က သက်လတ်ပိုင်းအရွယ် ရောက်နေကြပြီ။ မိုက်ကယ်ရင်ထဲက ဆူးတွေတော့ ရှိနေဆဲပါပဲ။ ချာလီရဲ့စရိုက်တွေကလည်း အရင်လိုပါပဲ။ သူတို့တွေပြန်တွေ့မယ့်နေ့မှာ ယာဉ်မတော်တဆမှုနဲ့ မိုက်ကယ်ရဲ့အမေ လီဆာ ဆုံးပါးသွားခဲ့တယ်။ ဇာတ်လမ်းဟာ ဒီအချိန်မှအသက်ဝင်လာတယ်။ အတိတ်နဲ့ ပစ္စုပ္ပန်ကို တလှည့်စီပြရင်း ချာလီစိုက်ခဲ့တဲ့ မိုက်ကယ်ရင်ထဲက ဆူးတွေကို တချောင်းချင်း အသက်ပြန်သွင်းတယ်။ ချာလီဟာတော်တော်ဆိုးတာပဲလို့ ကျွန်တော်တို့ လိုက်မုန်းမိလိမ့်မယ်။ မိုက်ကယ်နေရာမှာ ကိုယ်ရောက်နေသလို ချာလီ့အပေါ်ရွံမုန်းစိတ်တွေမွေးမိလိမ့်မယ်။ ဒါပေမဲ့ တနေ့ထက်တနေ့ မျက်ဝန်းမှာနောင်တရိပ်တွေပြည့်လာတဲ့ ချာလီကိုမြင်လာရတော့ ကျနော်တို့သနားမိလိမ့်မယ်။ "ကျွန်တော်တို့ကြားထဲ ဘာတွေဖြစ်သွားတာလဲ" ဆိုတာ မိုက်ကယ်က သူ့အဖေ ချာလီကိုမေးခဲ့တဲ့စကားပေါ့။ မိသားစုနဲ့မတူလောက်တဲ့အထိ ထူးဆန်းနေလွန်းတဲ့သူတို့ရဲ့ဆက်ဆံရေးမှာ စကား ၁၀ ခွန်းလောက်တောင် ဖြောင့်အောင်မပြောနိုင်တဲ့အထိဖြစ်သွားတယ်။ ဒီနေရာမှာ ကျနော်တို့သူတို့ ၂ ယောက်လုံးဘက်က ခံစားကြည့်လို့ရတယ်။ မိုက်ကယ်ဆိုရင် ဘယ်တုန်းကမှ နွေးထွေးမှုမရခဲ့တဲ့သားတယောက်၊ အဖေ့ရဲ့တင်းကြပ်တဲ့စည်းကမ်းတွေအောက်မှာ ပြားပြားဝပ်ခဲ့ရတဲ့အပြင် တချိန်လုံးအမှားလုပ်မိမှာကြောက်နေရတဲ့အထိ စိတ်ဒဏ်ရာပေါင်းစုံ သူ့အဖေကြောင့်ရခဲ့တယ်။ ဒါဆို ချာလီကကော။ ချာလီကလည်း အထီးကျန်နေတဲ့ အတ္တသမားကြီးပါပဲ။ သူ့မိန်းမကလည်းသူ့ကိုမချစ်၊ သူ့သားကလည်း သူ့ကိုသေစေ‌ချင်လောက်တဲ့အထိမုန်း၊ အလုပ်ကလည်းအဆင်ပြေလှတယ်မရှိ။ အဲဒါတွေကို သူ့ဘေးနားကလူတွေဆီပုံချပြီး အားလုံးရဲ့အမုန်းကိုလက်ခံခဲ့တယ် ။ ဒါပေမဲ့ဘယ်တတ်နိုင်မလဲ။ သူ့ရဲ့အထီးကျန်မှုကလည်း သူစိုက်ပျိုးသမျှ သူရိတ်သိမ်းရတာပဲကိုး။ သူတို့ ၂ ယောက်ဘယ်သူမှန်သလဲဆိုရင် ကျနော်က မိုက်ကယ်မှန်တယ်လို့မြင်တယ်။ ဒီအမြင်က ကျနော်အဖေနေရာမရောက်သေးလို့လည်းဖြစ်ပါလိမ့်မယ်။ ရောက်ခဲ့ရင်လည်း ကိုယ်မရှိတော့တဲ့အခါ ကိုယ့်သားသမီးတွေကို လိပ်ပြာလုံလုံနဲ့ လေးဖြူရဲ့ အဖေသီချင်းကို နားထောင်စေချင်တယ်။ ဒါပါပဲ။ File size…(1.7 GB)/(840 Mb) Quality….Blu-Ray 1080p / 720p Format… mp4 Duration…. 01:39:00 Genre... Drama Subtitle….Myanmar Subtitle (Hardsub) Encoder….Garfield Translated by Min Thant Bo

The Water Horse (2007) IMDb - 6.4/10 Rotten - 74% The Water Horse: Legend of the Deep ဒုတိယကမ္ဘာစစ်မီးကြီးဟာ အရှိန်အဟုန်ကောင်းကောင်းနဲ့ တောက်လောင်နေခဲ့တဲ့အချိန် အင်္ဂလန်ရဲ့အစွန်အဖျား တောကျတဲ့ ပင်လယ်ဝက ရွာလေးတစ်ရွာမှာ လူငယ်လေးတစ်ယောက်ဟာ စစ်အတွင်း တာဝန်ထမ်းဆောင်ဖို့ ထွက်သွားတဲ့ သူ့ရဲ့အဖေပြန်အလာကို နေ့တိုင်းစောင့်မျှော်ရှာနေခဲ့ပါတယ်။ သူဟာ သူ့ရဲ့ဖခင်ကိုသူသတိရနေခဲ့သလို သူ့ရဲ့ ကျေးလက်ရွာငယ်လေးဟာလည်း စစ်ရဲ့ ကြမ်းတမ်းတဲ့အငွေ့အသက်ကို မသိမသာရော သိသိသာသာကြီးပါ ခံစားနေခဲ့ရပါပြီ။ဒီလူငယ်လေးဟာ ရေကြောက်တတ်တဲ့သူဖြစ်ခဲ့ပေမယ့် ရေပြင်ကျယ်ကြီးနဲ့ နက်နက်ရှိုင်းရှိုင်း ပတ်သက်ခဲ့ဖို့လည်း ကုသိုလ်ကံပါလာခဲ့သူပါ။ ဒီဇာတ်လမ်းမှာထဲမှာ လှပတဲ့ ကျေးလက်ရှုခင်းများအပြင် စစ်အတွင်းကာလရဲ့ ဆိုးဝါးကြမ်းကြုတ်လှတဲ့ ကံတရားတွေ လူနဲ့တိရိစ္ဆာန်တွေကြားထဲက ချစ်ခြင်းမေတ္တာတွေကို အလှပဆုံး ဖေါ်ကြူးထားခဲ့ပါတယ်။ ဇာတ်လမ်းဟာ အရမ်းကိုရိုးရှင်းလှသလို ဇာတ်ကွက်ဇာတ်အိမ်ကလည်း သိပ်ကို ရိုးရှင်းလှပါတယ်...ဒါပေမယ့် သူ့ခေတ်သူ့အခါတုန်းက Box office: 103.1 million USD ဝင်ငွေပြန်လည်ရရှိခဲ့တဲ့အထိ အောင်မြင်ခဲ့ပြီး သိပ်ကိုလှပတဲ့ဇာတ်လမ်းလေးတစ်ခုလို့သတ်မှတ် ခံထားရတာပါ ။ Rating အနေနဲ့ကတော့ IMDb 6.4 ရရှိခဲ့ပြီး Rotten Tomatoes မှာ 74% ရရှိထားပါတယ်။ ဘာကြောင့် ခုလို ဝင်ငွေကောင်းပြီး Rating တွေမြင့်နေလဲဆိုတာတော့ ကိုယ်တိုင်ပဲ ကြည့်ရှုခံစားလိုက်ပါဦး။ File size…(999 MB) Quality…Blu-Ray Rip 720p Format…mp4 Duration….01:52:00 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

ဒီနေ့အတွက်မိတ်ဆက်ပေးချင်တဲ့ ဇာတ်ကားလေးကတော့ IMDb Rating -7.3 ရရှိထားပြီး.... မြူးကြွတဲ့တေးသီချင်းလေးများ...Romanceဆန်တဲ့ပြကွက်လေးများနဲ့ ....အချစ်တို့ရဲ့ ပြယုဒ်ကိုထင်ပေါ်အောင်ပြသပေးနိုင်ခဲ့တဲ့ Best Romance Horror Animation Movies ကောင်းတွေထဲကတစ်ကားဖြစ်ခဲ့တဲ့ CORPSE BRIDE ဇာတ်ကားလေးနဲ့မိတ်ဆက်ပေးချင်ပါတယ်ခင်ဗျ… ဇာတ်လမ်းအကျဉ်းကိုပြောပြရမယ်ဆိုရင်ဖြင့်..... လွန်ခဲ့တဲ့နှစ်ပေါင်း ၁၈၀၀ခန့်လောက်က Victorian villageလို့ခေါ်တဲ့ ရွာလေးတစ်ရွာမှာ ဆွေစဉ်မျိူးဆက်ချမ်းသာလာပြီး အထည်ကြီးပျက်ဘဝကိုရောက်ရှိတော့မဲ့လူကုန်ထန်မိသားစုတစ်စု..... ပိုက်ဆံရှိပေမဲ့ လူကုန်ထံအသိုင်းအဝိုင်းကမဟုတ်တဲ့ငါးရောင်းစားရင်း ကြီးပွားချမ်းသာလာတဲ့ ငါးကုန်သည်မိသားစုတစ်စုမှ တစ်ဦးတည်းသောသားလေး Victa... မိသားစုနှစ်ခုရဲ့လိုအပ်နေတဲ့ ကွက်လပ်ကိုယ်စီကိုဖြည့်ဖို့ရန် တစ်ယောက်ကိုတစ်ယောက် တစ်ခါမှမမြင်ဖူးကြတဲ့ VIctoria နဲ့ Victaတို့နှစ်ယောက်ကို လက်ထပ်ပေးဖို့ အစမ်းလေ့ကျင့်တဲ့အခမ်းနားလေးနဲ့ ဇာတ်လမ်းလေးကိုစတင်ခဲ့ပါတယ်...... ဒါမဲ့ မိဘတွေအတင်းပေးစားလို့ယူရမှာဖြစ်ပြီး....တစ်ခါမှမမြင်ဖူးတဲ့သူကို လက်ထပ်ချင်စိတ်မရှိတဲ့ သူတို့နှစ်ဦး တစ်ဦးကိုတစ်ဦးတွေ့ရှိသွားကြတဲ့အခါ....Victa တစ်ယောက် လက်ထပ်ပွဲ Rehersalမှာအယောင်ယောင်အမှားမှားဖြစ်စေခဲ့ပြီး လက်ထပ်ပွဲအစမ်းလေ့ကျင့်မှုကို သေချာလုပ်ဆောင်နိုင်မှ မဂ်လာပွဲကျင်းပရတော့မဲ့အဖြစ်ရောက်သွားခဲ့ပါတယ်…. အစမ်းလေ့ကျင့်မှုကိုသေချာလေ့ကျင့်ဖို့ တောထဲကိုပြေးထွက်သွားကာ တစ်ယောက်တည်းလေ့ကျင့်နေချိန် သူလေ့ကျင့်နေတဲ့ လက်ထပ်ခွင့်စကားကြောင့် ချစ်သူပြန်အလာကိုမျှော်နေရင်းသေဆုံးသွားတဲ့ Amali မိန်းကလေး သေရာမှနိုးထလာတဲ့ အခါ.. Victaတစ်ယောက် Amaliနဲ့လက်ထပ်လိုက်ရပြီး သရဲတွေနေတဲ့နေရာသို့ ဘုမသိဘမသိပါသွားရရှာပေါတော့တယ်... တစ်ဖက်မှာလည်းချစ်သူပြန်အလာကိုမျှော်နေရှာတဲ့ Victoriaတစ်ယောက်.... Victaပြန်မလာတာနဲ့ အရန်သင့်သူ့နေရာကိုအစားထိုးပြီး... Victoriaမိသားစုရဲံ စည်းစိမ်တွေကိုလိုချင်နေတဲ့ သူကလည်းအခွင့်အရေးကို စောင့်မျှော်နေပါတယ်..... အဲ့လိုအရန်သင့်စောင့်နေတဲ့သူရဲ့ချစ်သူကတော့ Victaဘုမသိဘမသိလက်ထပ်လိုက်ရတဲ့ သေရွာက မင်းသမီးလေးAmaliပါ.... အဲ့ဒီသူဟာ Amaliကို လက်ထပ်မယ်လို့ပြောပြီး သူ့မှာပါလာတဲ့စည်းစိမ်တွေယူကာ ဝက်သစ်ချပင်ရင်းအောက်မှာစောင့်ခိုင်းခဲ့ရာကနေ အမ်မလီတစ်ယောက်သေဆုံးသွားခဲ့ရပါတယ်..... အချစ်ရဲ့စွန့်ပစ်ခြင်းကို ခံရရှာပြီး အချစ်ငတ်နေတဲ့ AmaliလေးVictaနဲ့တွေ့ရှိကာ သံယောဇဉ်နှောင်ကြိုးတွယ်ငြိသွားမှာလား........? Victaကကော Amaliကိုပြန်ချစ်နိုင်ပါ့မလား.....ဒါမှမဟုတ် လူ့ဘဝကသူချစ်ခဲ့တဲ့ ချစ်သူလေ းVictoriaဆီကိုပြန်လာနိုင်အောင်ကြိုးစားမှာလား....? Victoriaကကော သူ့မိဘစည်းစိမ်ချမ်းသာကိုမက်ပြီးသူ့ကိုအတင်းလက်ထပ်ချင်နေတဲ့ သူနဲ့ လက်ထပ်လိုက်ရတော့မှာလား...?စတဲ့စိတ်ဝင်စားစရာ လေးပွင့်ဆိုင်ချစ်ဇာတ်လမ်းလေးကိုတော့ ဇာတ်လမ်းလေးထဲမှာဆက်လက်ကြည့်ရှုခံစားကြည့်ရအောင်စို့လားခင်ဗျာ…. File size…1.3GB / 700MB Quality…1080p Blu Ray / 720p Format…mp4 Duration….1h 17min Subtitle….Myanmar Subtitle (Hard Sub) Encoder….Thit San Khant Translated by Zoey

တရားဥပဒေစိုးမိုးမှု အားနည်းနေသေးတဲ့ ၁၈၈၀ ပြည့်နှစ်များက ဩစတြေးလျမှာ ဇာတ်အိမ်တည်ထားတဲ့ ဝက်စတန်ဇာတ်ကားပါ။ နာမည်ကျော်ရာဇဝတ်သား Charlie Burns နဲ့ သူ့ညီတို့ကို တစ်ရက်မှာ ရဲတွေက ပစ်ခတ်ဖမ်းဆီးလိုက်ပါတယ်။ အဲဒီနောက် ရဲဗိုလ်ကြီး Stanley က ချာလီကို အကျပ်ကိုင်ပြီး အပေးအယူတစ်ခု လုပ်ခိုင်းတော့တယ်။ မုဒိမ်းမှု၊ လူသတ်မှုတွေနဲ့ အလိုရှိနေတဲ့ အစ်ကိုဖြစ်သူ Arthur Burns ကို ဖမ်းပေးနိုင်ရင် ချာလီနဲ့ သူ့ညီကို လွှတ်ပေးမယ်၊ မဖမ်းပေးနိုင်ရင်တော့ ညီကို ကွပ်မျက်မယ်ဆိုတဲ့ အပေးအယူပါ။ ချာလီက သဘောတူပြီး သူနဲ့ကွဲကွာနေတဲ့ ဆိုးသွမ်းလှတဲ့အစ်ကိုကို ရှာဖို့ ထွက်လာပါတယ်။ အစ်ကိုကို လိုက်ရှာရတဲ့လမ်းမှာ ဒေသခံတွေနဲ့ ကြေးစားတွေရဲ့ရန်ကိုပါ ရင်ဆိုင်ရတော့တယ်။

Punch-Drunk Love(2002) IMDb - 7.3 ဘယ်ရီတဲ့ သူဟာ ကြောင်တောင်တောင်လူလို့ပဲပြောရမလားမသိ... သူဟာ အချစ်ဆိုတာ မကြုံခဲ့ဖူးသူ .... သူ့မှာ အစ်မတွေ ၇ ယောက်တောင်ရှိတယ်... ဒီအစ်မတွေဟာ သူငယ်ငယ်က ဖြစ်ပျက်ခဲ့တဲ့ ရယ်စရာကိစ္စတစ်ခုနဲ့ ပတ်သတ်ပြီး သူ့ကိုအမြဲလှောင်ပြောင်နေလေ့ရှိတယ် ... အဲ့ဒီအစ်မတွေကပဲ အချစ်မရှာတဲ့သူ့အတွက် ချစ်သူတစ်ယောက် ဝိုင်းရှာပေးကြတယ် .. အကွက်တွေဖန်ပေးကြတယ် .... ဒါပေမဲ့လည်း ဘယ်ရီတစ်ယောက်ဟာ အဆင်မပြေနေခဲ့လေတော့ တစ်ယောက်တည်း အထီးကျန်နေတာပေါ့ .. ဒီလိုနဲ့ တစ်နေ့မှာ သူ့ရဲ့အထီးကျန်မှုကို ခဏတာဖြေဖျောက်ဖို့ လုပ်ငန်းတစ်ခုနဲ့ဆက်သွယ်မိချိန်ကစလို့ ကိစ္စပေါင်းစုံကြုံရပါတော့....ဒီကားက မင်းသားကြီး Adam Sandler ကိုတော့ တော်တော်များများသိကြမှာပါ..ရုပ်ရည်ပြေပြစ်တဲ့မင်းသားမဟုတ်ပေမဲ့ Drama တွေ Romance တွေမှာဆို ပရိတ်သတ်နှလုံးအိမ်ကို လွန်စွာမှ ဖမ်းစားနိုင်တာသိကြမှာပါ...သူ့ကားတော်တော်များများ တကယ်ကောင်းလွန်းသလို ယခုကားလည်း ကောင်းတဲ့ဇာတ်ကားတစ်ကားပေမို့ တင်ဆက်ပေးလိုက်ပါတယ်... ဇာတ်လမ်းအညွှန်းနဲ့ဘာသာပြန်သူကတော့ Paing ပဲဖြစ်ပါတယ်..... File Size : (850 MB) Quality : Blu-Ray 720p Format…mp4 Duration…01:35:00 Genre : Romance, Drama, Comedy Subtitle : Myanmar Subtitle (Hard Sub) Translated by Paing Encoded by Phyo Pyae

IMDb Rating – 7.2/10 ခေါင်းစားပြီး စိတ်ပညာမှုခင်းဇာတ်ကားတွေကြိုက်တဲ့လူတွေအတွက်တော့ အကြိုက်ဖြစ်စေမယ့် ဇာတ်ကားတစ်ခုပါ အဓိက ဇာတ်ကောင်နှစ်ယောက်ဖြစ်တဲ့ Anthony Hopkin & Edward Norton တို့နှစ်ယောက်ရဲ့ Chemistry မိမိနဲ့ သရုပ်ဆောင်မှုတွေကို တဝကြီးကြည့်ရမှာပါ။ ဇာတ်လမ်းအညွှန်း ဝယ် ဂရေဟမ်ဟာ FBI Agent တစ်ယောက်ဖြစ်ပြီး မှုခင်းတွေစုံစမ်းတဲ့နေရာမှာ သူမတူတဲ့ ဖြတ်ထိုး ဉာဏ်တွေးခေါ်မှုတွေအမှုပေါင်းများစွာကို ဖော်ထုတ်ခဲဲ့တဲ့လူတစ်ယောက်ပါ။ မှုခင်းစုံစမ်းရေးတွေမှာ သူ့ကိုကူညီနေတဲ့ စိတ်ပညာရှင် ဟန်နဘယ် လက်တာဆိုတာ FBI ကိုအိပ်ကပ်ထဲထည့်ထားပြီး တစ်ဖက်မှာ လူပေါင်းများစွာကို သွေးအေးအေးနဲ့သတ်ပြီး ခန္တာဗေဒကိုလေ့လာနေတဲ့ ကြောင်သူတော်တစ်ယောက်လို့ ပြောရမယ် ။ အကြောင်းစုံကိုသိသွားတဲ့ ဂရေဟမ်က ဟန်နဘယ်လက်တာကို ဖမ်းဆီးဖော်ထုတ်နိုင်ခဲ့ပြီး သူ့ရဲ့ FBI Agent ဘဝကိုလည်း ပြည်ဖုံးကားချလိုက်ပါတော့တယ် ။ နှစ်ပေါင်းများစွာကြာတဲ့အခါ ကိစ္စတွေက မပြီးသွားပဲ လက်တာလိုမျိုး အရမ်းထူးခြားတဲ့ စိတ္တဇလူသတ်သမားတစ်ယောက်ပေါ်လာခဲ့တာကြောင့် ဂရေဟမ် , လက်တာ နှစ်ယောက်ပေါင်းကာ အဲ့ဒီလူသတ်ကောင်ကို ထပ်မံဖမ်းဆီးရပါတော့တယ်။ အခန်း တိုင်းမှာ လျှိ့ကွက်လေးတွေရှိနေပြီး Genius 3 ယောက်ရဲ့ အားပြိုင်မှု စိန်ခေါ်မှုတွေနဲ့ လူသတ်မှုကို တစ်စတစ်စချင်းစီဖော်ထုတ်သွားတဲ့အချက်က ဟာကနဲတွေဖြစ်သွားမှာပါ၊ (ဒီဇာတ်ကားနဲ့ အညွှန်းနဲ့ဘာသာပြန်ဆိုသူကတော့ Thiha Yan Naing ဖြစ်ပါတယ်။) Quality – 1080p, 720p BluRay 5.1CH Duration – 1hr 24min Subtitle – Myanmar Hardsub Format – Mp4 Genre : Crime, Drama, Thriller Source : 1080p.BluRay Translator – Thiha Yan naing Encoder – SWM

Christian Bale ကို ကျွန်တော့် fav; မင်းသားစာရင်းထဲ ပါလာစေခဲ့တဲ့ ရုပ်ရှင်ပါ... ကျွန်တော်တို့ နေထိုင်တဲ့လောကကြီးမှာ စစ်ပွဲတွေ ဒေါသတွေ အာဃာတတရားတွေ မနာလိုမှုတွေ အချစ် အမုန်း စတဲ့ ခံစားချက်တွေမရှိတော့ရင် ဘယ်လိုဖြစ်သွားနိုင်သလဲ..... အသက်ရှင်ရပ်တည်ဖို့အတွက် စားဝတ်နေရေးအပြင် ခံစားမှု  ခံစားချက် တွေကဘယ်လိုတောင်အရေးပါသလဲ.... ဒါတွေကို Sci- Fi ရုပ်ရှင်တစ်ခုအနေနဲ့ရှုထောင့်တစ်မျိုးကနေ ပြောပြသွားပါတယ် 2002 ခုနှစ်ကထွက်ရှိထားပေမယ့် လူနဲ့ခံစားချက်တွေအကြောင်းပြောကြမယ်ဆိုရင် ချန်ထားလို့မရတဲ့ရုပ်ရှင်ကားပါ။IMDb Rating 7.3 ရရှိထားပါတယ်။ (ရုပ်ရှင်အညွှန်းနဲ့ဘာသာပြန်ကို YeWai LynnHtut မှတင်ဆက်ထားတာပါ။) အသစ်ထွက်ရှိလာတဲ့ BluRay Open-Matte Version နဲ့တင်ဆက်ထားတာကြောင့် မြင်ကွင်းကျယ် Screen အပြည့် ကြည့်ရှုခံစားရမှာဖြစ်ပြီး သိမ်းထားချင်သူများအတွက်လဲ ပိုမိုပြည့်စုံကောင်းမွန်တဲ့ Version ဖြစ်ပါတယ်။ File size…(2.3 GB)/ (1 GB) Quality….BluRay OpenMatte 1080p /720p Format…mp4 Duration….01:46:50 Subtitle….Myanmar Subtitle(Hardsub) Encoder….Ka Naung Translated by YeWai LynnHtut

"Angela's Ashes" (1999) ဇာတ်ကားကို Frank McCourt ရဲ့ Pulitzer Prize ဆုရထားတဲ့ ကိုယ်တွေ့မှတ်တမ်းစာအုပ်ကို အခြေခံပြီး Alan Parker က ရိုက်ကူးထားတာပါ။ ဒီဇာတ်ကားက 1930 ခုနှစ်ဝန်းကျင် အိုင်ယာလန်နိုင်ငံ Limerick မြို့မှာ ဆင်းရဲဒုက္ခရောက်နေတဲ့ မက်ကော့မိသားစုရဲ့ ဘဝကို လှလှပပပြသထားတယ်။ ဇာတ်လမ်းက ဖရန်ကီ မက်ကော့ဆိုတဲ့ ကောင်လေးရဲ့ ငယ်ဘဝကနေ ဆယ်ကျော်သက်အရွယ်ထိ သူ့မိသားစုနဲ့အတူ ဆင်းရဲမွဲတေမှု ရောဂါ သေဆုံးမှုတွေနဲ့ ရင်ဆိုင်ရင်း ဘယ်လိုရုန်းကန်ရသလဲဆိုတာကို ပြသထားတယ်။ ဇာတ်လမ်းအစမှာ ဖရန်ကီတို့မိသားစု နယူးယော့ခ်ကနေ အိုင်ယာလန်ကို ပြန်လာကြတယ် ဒါပေမယ့် အဲဒီမှာ ဘဝက ပိုဆိုးသွားတယ်။ ဖရန်ကီရဲ့ဖခင် မလက်ချီ (Robert Carlyle) က အရက်စွဲနေတဲ့သူဖြစ်ပြီး အလုပ်မရှိ ရှိရင်လည်း ရတဲ့ပိုက်ဆံကို အရက်သောက်ပစ်တယ်။ မိခင် အန်ဂျလာ (Emily Watson) ကတော့ သားသမီးတွေအတွက် အရာရာကို သည်းခံရင်း မိသားစုကို ထိန်းသိမ်းထားရတယ်။ ဖရန်ကီကို အသက်အမျိုးမျိုးမှာ သရုပ်ဆောင်သုံးယောက် (Joe Breen, Ciaran Owens, Michael Legge) က သရုပ်ဆောင်ထားပြီး သူ့ရဲ့ ကြီးပြင်းလာပုံကို သဘာဝကျကျပြသထားတယ်။ ဒီဇာတ်ကားက ဆင်းရဲမွဲတေတယ်ဆိုတာရဲ့ ရက်စက်တဲ့အမှန်တရားကို ဖော်ပြထားပြီး Limerick ရဲ့ မိုးစိုစိမ့်နေတဲ့ ဆင်းရဲရပ်ကွက်တွေကို ပြန်လည်ဖန်တီးထားတာ တကယ်ကို ထိမိတယ်။ ဒ ါပေမယ့် စာအုပ်ထဲက ဟာသဆန်ဆန် ပေါ့ပါးတဲ့ အသံသြဇာကို ရုပ်ရှင်မှာ သိပ်မမိဘူးလို့ ဝေဖန်သူတွေက ပြောကြတယ်။ Emily Watson ရဲ့ အန်ဂျလာသရုပ်ဆောင်ချက်တွေက ဒုက္ခတွေကြားထဲက မိခင်တစ်ယောက်ရဲ့ ခံနိုင်ရည်ကို ပြည့်ပြည့်စုံစုံ ဖော်ပြထားတယ်။ ဖရန်ကီကတော့ ဆင်းရဲတဲ့ဒဏ်တွေက ရုန်းထွက်ဖို့ စာဖတ် စာရေးပြီး နောက်ဆုံးမှာ အမေရိကကို ပြန်ရောက်နိုင်ဖို့ အိပ်မက်မက်ခဲ့တယ်။ ဒီဇာတ်ကားက ၂ နာရီ ၂၅ မိနစ်ကြာပြီး R-rated ဖြစ်ပါတယ်။ ရုပ်ရှင်က စာအုပ်ရဲ့ အနှစ်သာရကို ဖမ်းယူထားပေမယ့် အချို့ဝေဖန်သူတွေက စာအုပ်ရဲ့ ဟာသရောစွက်ထားတဲ့ ခံစားချက်ကို မရနိုင်ခဲ့ဘူးလို့ ထောက်ပြခဲ့ကြတယ်။ Rotten Tomatoes မှာ 52% သာ ရရှိထားပေမယ့် ဆင်းရဲမွဲတေတာတွေနဲ့ မိသားစုရဲ့ ရုန်းကန်ရှင်သန်ရတာကို ခံစားကြည့်ရှုချင်သူတွေအတွက် ဒီဇာတ်ကားက တကယ်ထိမိတဲ့ ရုပ်ရှင်တစ်ကားပါ။ File size…(3.4 GB)/(1.7 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by Min Khant

ဒီကားလေးကတော့ ratingလဲကောင်း critics‌တွေလဲအကြိုက်တွေ့ခဲ့တဲ့ Dramaကားကောင်းလေးပါ။ ပါဝင်ထားတာကလဲ နာမည်ကြီးသရုပ်ဆောင်တွေဖြစ်တဲ့ Daniel Day-Lewis နဲ့ Emily Watsonတို့ဖြစ်တဲ့အတွက် ကားကောင်းတစ်ကားဆိုတာသိနိုင်ပါတယ်။ နိုင်ငံရေးရှုပ်ထွေးမှုတွေကြောင့် ထောင်ထဲမှာ၁၄နှစ်‌နေခဲ့ရပြီး ပြန်ထွက်လာခဲ့တဲ့ လက်ဝှေ့သမားဟောင်းတစ်ယောက်ဖြစ်တဲ့ ဒန်နီဟာ သူ့ရဲ့အရင်အိပ်မက်ဖြစ်တဲ့ လက်ဝှေ့ပွဲတွေပဲကျင်းပပြီး နေချင်တဲ့သူပါ။ သူအရမ်းချစ်ရတဲ့ ချစ်သူဟောင်းဖြစ်တဲ့ မက်ဂီကိုလဲ ပိုင်ဆိုင်ဖို့ကြိုးစားနေတုန်းပါပဲ။ ဒါပေမဲ့လည်း အတိတ်က ဖြစ်ရပ်တွေရဲ့ ရန်သူဟောင်းတွေက ရန်ငြိုးတွေမပြတ်နိုင်ဘဲ ဒုက္ခ‌တွေပေးဖို့ကြိုးစားလာခဲ့အခါမှာတော့... ထိုဒုက္ခတွေကြားမှာ သူနဲ့ မက်ဂီနဲ့ ဘယ်လိုရုန်းကုန်ရမလဲဆိုတာကို လှလှပပရိုက်ကူးကားတဲ့ Dramaကားကောင်းလေးပါ။ File size…(2.2 GB)/(1.1 GB) Quality….Webrip 1080p / 720p Format…mp4 Duration….01:59:00 Genre...Drama, Romance, Sport Subtitle….Myanmar Subtitle (Hardsub) Encoder….Garfield Translated by Maestro

ဒီဇာတ်လမ်းလေးကတော့ မိုးအေးအေးလေးနဲ့ အေးဆေးကြည့်လို့ကောင်းမဲ့ သည်းထိတ်ရင်ဖိုလူသတ်ကားလေးပဲဖြစ်ပါတယ် ဇာတ်လမ်းလေးကတော့ မိခင်ကွယ်လွန်ထားတာမကြာသေးတဲ့ဂျက်စီကာဆိုတဲ့ကောင်မလေးတစ်ယောက် သူ့မိခင်သေဆုံးရလို့ ဖြည်မဆည်နိုင်ဖြစ်နေပါတယ် အဲဒီကြားထဲ သူအမေချန်ခဲ့တဲ့သေတမ်းစာအရ သူငယ်ငာ်လေးထဲကအဆက်အသွယ်မရှိတာကြာပြီဖြစ်တဲ့ သူ့အဒေါ်တို့လင်မယားဆီကိုလည်းအမွေခွဲပေးဖို့ပါလာပါတယ် ဖြစ်ချင်တော့ ကိုယ်ပိုင်လယ်လေးနဲ့အေးအေးချမ်းချမ်းနေနေတဲ့ အဲဒီအဒေါ်ဖြစ်သူတို့စုံတွကိုဘယ်လိုဆက်သွယ်ဆက်သွယ်မရဖြစ်နေပါတယ် အဲဒီလိုနဲ့ သူ့အဒေါ်ဆီကိုခရီးထွက်ဖို့အကြောင်းဖန်လာပါတော့တယ် အဲဒီလိုနဲ့ပဲ သူနဲ့‌သူ့ကောင်လေးတို့ ရုပ်တောင်သေချာတောင်မမှတ်မိတော့တဲ့သူ့အဒေါ်ဆီ ခရီးထွက်လာကြပါတော့တယ် သူ့အဒေါ်တို့အိမ်မှာကတော့ သူ့အဒေါ်တို့စုံတွဲကိုtတ်ပြီး အိမ်မှာပုန်းခိုနေထိုင်နေတဲ့လူသတ်သမားအတွဲရှိနေပါတယ် သူတို့လာနေတယ်ဆိုတာကိုအကြောင်းသိပြီးတော့ သူ့အဒေါ်တို့လို့ဟန်ဆောင်ပြီးငွေတွေကိုရအောင်ယူဖို့ကြံပါတော့တယ် ဒီလိုနဲ့ ဂျက်စီကာတို့စုံတွ လူသတ်သမားတွေနဲ့ထိပ်တိုက်တိုးဖို့ဖြစ်လာတဲ့အခါမှာတော့ ဘာတွေဆက်ဖြစ်သွားမလဲဆိုတာ ရင်ခုန်စွာ‌နဲ့ကြည့်ရမဲ့ ဇာတ်လမ်းလေးတစ်ခုဖြစ်ပါတယ် File size…(3.1 GB)/(1.9 GB) Quality….Blu-Ray 1080p / 720p Format…mp4 Duration….02:39:00 Genre... Drama Subtitle….Myanmar Subtitle (Hardsub) Encoder….Garfield Translated by C.M.Minhtike