Hank Azaria ပါဝင်သော ဇာတ်ကားများ

The Electric State (2025) IMDb Rating (6.2) နာမည်ကျော်မင်းသာ Christ Pratt နဲ့ Stranger Things မင်းသမီး Millie Bobby Brown တို့ အဓိကပါဝင် သရုပ်ဆောင်ထားတဲ့ Sci-Fi/ Adventure ရုပ်ရှင်တစ်ကားထွက်ရှိလာပါတယ်။ ဇာတ်လမ်းအကျဉ်း လူတွေနဲ့ စက်ရုပ်တွေရဲ့ စစ်ပွဲမှာလူတွေက နိုင်သွားပြီး စက်ရုပ်တွေကို တားမြစ်ဇုန်ဆိုတဲ့ကန္တာရထဲက အကျဉ်းထောင်ကြီးထဲမှာ အကျဉ်းချခဲ့ကြတယ်။ စက်ရုပ်တွေကို လက်ခံထားတဲ့ ဘယ်နိုင်ငံသားမဆိုထောင်ကျမယ်ဆိုတဲ့ ဥပဒေကို အစိုးရက သတ်မှတ်ထားတယ်။ မီရှဲဆိုတဲ့ ကောင်မလေးဟာ မိဘနှစ်ပါးရော မောင်လေးဖြစ်သူကိုပါ ဆုံးရှုံးလိုက်ရလို့ ပထွေးနဲ့အတူ နေထိုင်ရတယ်။ တစ်နေ့မှာ သူတို့အိမ်ကို စက်ရုပ်တစ်ရုပ်ရောက်လာပြီး ပထွေးဖြစ်သူက မီရှဲနဲ့စက်ရုပ်က သူ့ကို လုပ်ကြံတယ်လို့အထင်လွဲသွားတာကြောင့် စက်ရုပ်နဲ့အတူ ထွက်ပြေးခဲ့ရတယ်။ နောက်မှသိလိုက်ရတာက သူ့ဆီရောက်လာတဲ့ စက်ရုပ်ဟာသေသွားပြီလို့ ထင်ထားတဲ့ သူ့ရဲ့ မောင်လေးဖြစ်နေပြီး သူ့ရဲ့ပုံစံအစစ်ကလည်း ရှိနေသေးတယ်လို့ ဆိုလာချိန်မှာတော့မီရှဲဟာ စက်ရုပ်နဲ့အတူ မောင်ရှာပုံတော်ဖွင့်ဖို့ ခရီးဆက်ခဲ့ပါတော့တယ်။ File size… (5.2 GB) / (1.75 GB) / (1.00 GB) Quality… WEB-DL 4K HEVC / 1080p HEVC / 720p Format…mkv / mp4 Duration….2h 8m Genre …..Action , Adventure , Comedy Subtitle….Myanmar Subtitle (Hard Sub) Encoder….Min Wai Translated by Act Molemy, Thiha Yan Naing

Comedy-Scifi အမျိုးအစားဇာတ်လမ်းတွဲတွေရှားပါးတဲ့ အထဲမှာ Apple TV ကနေ ထုတ်လုပ်တဲ့ Hello Tomorrow ဆိုတဲ့ ဇာတ်လမ်းတွဲလေးကိုမြည်းစမ်းကြည့်‌စေချင်ပါတယ်။ ယနေ့ခေတ်မှာ လကမ္ဘာပေါ်ဟန်းနီးမွန်းထွက်ပြီး အခြေချ နေထိုင်ဖို့ဆိုတာ သန်းကြွယ်သူဌေးကြီးတွေအတွက်တောင် စိတ်ကူးယဉ်ဆန်‌နေပါလိမ့်မယ်။ များမကြာမီ အနာဂတ်အချိန်တစ်ခုမှတော့ လူသားကမ္ဘာ ခေတ်မီတိုးတက်လာပြီး လူနာအခြေစိုက်စီမံကိန်းဆိုပြီး လကမ္ဘာပေါ်မှာ လူသားများအခြေချနေထိုင်လာပါပြီ ။ အောက်ခြေလူတန်းစားတွေအတွက်လည်း လကမ္ဘာပေါ်က ဘ၀နေထိုင်မှုတစ်ခုဟာ သိပ်ပြီးအလှမ်းမဝေးတော့ပါဘူး။ ဒီစီးရီးမှာ အဓိကကြည့်ရမှာက လကမ္ဘာမှာ အိမ်‌ခြံမြေအကျိုး ဆောင်လုပ်တဲ့ လူတစ်စုရဲ့ ဘ၀အကြောင်းနဲ့ လုပ်ငန်းခွင် comedy များကို သိပ္ပံစိတ်ကူးယဉ်ဆန်ဆန် စိတ်၀င်တစား ကြည့်ရှုရမှာဖြစ်ပါတယ်။ စုစုပေါင်း(၁၀)ပိုင်းရှိတဲ့ ဒီစီးရီးကို CMမှ ဆက်တိုက်တင် ပေးသွားပါမယ်။ (ဒီစီးရီးရဲ့ အညွှန်းနဲ့ဘာသာပြန် ရေးသားပေးသူကတော့ Thiha Yan Naing ဖြစ်ပါတယ်။) File Size.............(190 MB) / (500 MB) Quality...............WEB-DL 720p / 1080p Duration............30Mins(@Episode) Subtitle..............Myanmar Hardsub Format...............MP4 Genre.................Comedy, Drama, Sci-Fi Translator..........Thiha Yan Nainng Encoder..............SWM

လူသေမှုနဲ့ ထောင်ကျဖူးတဲ့ ကွန်နာဟာ ကမ်းခြေကို သွားရင်း မာရီလင်းဆိုတဲ့ အမျိုးသမီးတစ်ယောက်နဲ့ ဆုံခဲ့ပါတယ်။ နောက်တော့ မာရီလင်းက ကွန်နာအလုပ်လုပ်တဲ့ စာကြည့်တိုက်ကို စာအုပ်လာငှားရင်း သူတို့နှစ်ယောက် ဆက်သွယ်မိကြပြီး ခွဲမရအောင် ချစ်မိသွားကြတယ်။ ဒါပေမယ့် မာရီလင်းမှာ အလွန်ချမ်းသာတဲ့ ခင်ပွန်းနဲ့ လင်ပါသမီးတစ်ယောက် ရှိနေပါတယ်။ မာရီလင်းက သူ နှိပ်စက်ခံနေရကြောင်း ကွန်နာကို ဆက်တိုက်ပြောလာတဲ့အခါ သူတို့ရဲ့ အချစ်ရေးကနေ နောက်ဆက်တွဲ ဘာတွေဖြစ်လာမလဲဆိုတာကို သည်းထိတ်ရင်ဖိုပုံစံနဲ့ ဆက်ပြထားပါတယ်။

The Smurfs 2 (2013) ဇာတ်လမ်းအကျဉ်း မကောင်းဆိုးဝါး မှော်ဆရာ "ဂါဂါမယ်လ်" ရဲ့ ဖန်တီးမှုတစ်ခုဖြစ်ခဲ့ပေမဲ့ "ပါပါးစမာ့ဖ်" ရဲ့ မေတ္တာကြောင့် စစ်မှန်တဲ့ စမာ့ဖ်အပြာလေး ဖြစ်လာခဲ့သူကတော့ "စမာ့ဖ်ဖက်" ပဲ ဖြစ်ပါတယ်။ တစ်နေ့မှာတော့ စမာ့ဖ်ဖက်ဟာ သူမရဲ့ မွေးနေ့မှာ ကိုယ့်ကိုယ်ကိုယ် ဘယ်သူဘယ်ဝါလဲဆိုတာ သံသယဝင်ပြီး စိတ်အားငယ်နေချိန်မှာပဲ ဂါဂါမယ်လ်က မကောင်းတဲ့ ကိစ္စတစ်ခုကို စတင်လိုက်ပါတယ်။ ဂါဂါမယ်လ်ဟာ စမာ့ဖ်တွေကို ထုတ်ယူပြီး တစ်ကမ္ဘာလုံးကို စိုးမိုးနိုင်ဖိုအတွက် "လူဆိုးလေးများ" လို ခေါ်တဲ့ သတ္တဝါအသစ်တွေကို ဖန်တီးခဲ့ပါတယ်။ ဒါပေမဲ့ အဲဒီလူဆိုးလေးတွေကို စစ်မှန်တဲ့ စမာ့ဖ်အပြာရောင် ပြောင်းလဲပေးနိုင်မယ့် လျှိဝှက်မှော်ဆေးနည်းကို စမာ့ဖ်ဖက် တစ်ယောက်တည်းသာ သိရှိထားတာကြောင့် ဂါဂါမယ်လ်ဟာ စမာ့ဖ်ဖက်ကို ပဲရစ်မြိုဆို ပြန်ပေးဆွဲ ခေါ်ဆောင်သွားခဲ့ပါတယ်။ ဒီလိုနဲ့ ပါပါးစမာ့ဖ်နဲ့ စမာ့ဖ်အဖွဲဝင်တွေဟာ သူတိုရဲ့ မိတ်ဆွေ "ပက်ထရစ်" တို မိသားစုနဲ့ ပူးပေါင်းပြီး စမာ့ဖ်ဖက်ကို ကယ်တင်ဖို ပဲရစ်မြိုကြီးဆီ ဦးတည်ထွက်ခွာလာကြပါတယ်။ စမာ့ဖ်ဖက်တစ်ယောက် ဂါဂါမယ်လ်ရဲ့ လှည့်ကွက်တွေကြားမှာ လမ်းမပျောက်ဘဲ စမာ့ဖ်အဖွဲနဲ့ ပြန်လည်ပေါင်းစည်းနိုင်မလား၊ စမာ့ဖ်အဖွဲရဲ့ စွန့်စားခန်း ကယ်ဆယ်ရေးအစီအစဉ် ဘယ်လိုအောင်မြင်သွားမလဲဆိုတာကို ရသစုံလင်စွာ ကြည့်ရှုရမှာပဲ ဖြစ်ပါတယ်။

လင်ဒါရဲ့ မွေးနာမည်က အဖေ့မျိုးရိုးနာမည်ကို ယူထားတဲ့ လင်ဒါဘိုးမန်းပါ။ ချက်ထရေနာနဲ့ အိမ်ထောင်ကျတော့ လင်ဒါထရေနာ ဖြစ်လာပြီး အရွယ်ရောက်သူများအတွက် ရုပ်ရှင်တွေမှာ သရုပ်ဆောင်လာချိန်မှာတော့ လင်ဒါလက်ဗလေ့စ်ဆိုတဲ့ နာမည်နဲ့ လူသိများလာပါတယ်။ လက်ဗလေ့စ်က မျိုးရိုးနာမည်မဟုတ်ဘဲ ရုပ်ရှင်ထွက်ခါနီးမှာ ထုတ်လုပ်သူက ပေးလိုက်တဲ့ အနုပညာနာမည်ပါ။ သူ့ရဲ့ပထမဆုံး အပြာရုပ်ရှင် Deep Throat အပြီးမှာ အဲဒီနာမည်နဲ့ အောင်မြင်ကျော်ကြားလာတယ်။ ရုပ်ရှင်ကလည်း ရုံမှာ အချိန်ကြာကြာ ပြသရတဲ့အထိ အောင်မြင်ခဲ့ပြီး အဲဒီလောကရဲ့ Gone with the Wind လို့တောင် တင်စားခံခဲ့ရပါတယ်။ ဒါပေမယ့် လူတွေမြင်နေကြတဲ့ ကျော်ကြားမှုနောက်မှာတော့ မသိခဲ့ကြတဲ့ အဖြစ်ဆိုးတွေ ရှိနေခဲ့တယ်။ Lovelace ဟာ ၁၉၇၀ ဝန်းကျင်က အောင်မြင်ခဲ့တဲ့ Linda Lovelace ရဲ့ဘဝကို ရိုက်ကူးထားတဲ့ အတ္ထုပ္ပတ္တိဒရမ်မာပါ။ ဘာသာရေးကိုင်းရှိုင်းတဲ့ ရှေးရိုးစွဲမိသားစုမှာ ကြီးပြင်းလာပြီး အရှက်အကြောက်ကြီးတဲ့ လင်ဒါဟာ အပြာရုပ်ရှင်လောကထဲ ဘယ်လိုရောက်လာခဲ့သလဲ၊ အဲဒီဘဝကို ရွေးချယ်ဖို့ ဘယ်လိုအခြေအနေတွေက တွန်းပို့ခဲ့သလဲဆိုတာကို ပြထားပါတယ်။

ဒီတစ်ခါမှာတော့ ချစ်စရာပင်ဂွင်းလေးတွေရဲ့ Happy Feet Two ဆိုတဲ့ ၂၀၁၁ ခုနှစ်ထွက် Family/Comedy ကာတွန်းကားလေးကို CM version နဲ့ တင်ဆက်ပေးလိုက်ပါတယ်။ ၂၀၀၆ ခုနှစ်ကထွက်ရှိခဲ့တဲ့ Happy Feet 1 ရဲ့ Sequel ဖြစ်ပြီး ၁ ကိုမကြည့်ထားရင်တောင်မှ ဒီတိုင်း ၂ ကို စီးမျောကြည့်ရှုလို့ ရနိုင်မှာပါ။ ၁ မှာတုန်းက သဘာဝပတ်ဝန်းကျင်ကို ကာကွယ်ထိန်းသိမ်းရေးနဲ့ပတ်သက်ပြီး အသိပညာပေးခဲ့သလို ၂ မှာတော့ မိသားစု အသင်းအဖွဲ့စိတ်ဓာတ်က ဘယ်လောက်အရေးကြီးပုံနဲ့ အခက်အခဲတွေကို စိန်ခေါ်မှုအဖြစ် ပြောင်းလဲပစ်တတ်ဖို့ လိုပုံတွေကို တင်ပြထားခဲ့ပါတယ်။ ၂ က ၁ လောက် မအောင်မြင်ခဲ့ပေမဲ့ တခြားသာမန်ကာတွန်းတွေနဲ့ ယှဉ်ရင်တော့ သီချင်းလေးတွေ အကအလှလေးတွေနဲ့ မျက်စိပသာဒဖြစ်စရာမို့ အတော်လေး ကြည့်ပျော်ရှုပျော်ဖြစ်တဲ့ ကာတွန်းကားလေးဖြစ်မှာ။ အသံသရုပ်ဆောင်တွေအနေနဲ့လည်း နာမည်ကြီးသရုပ်ဆောင်တွေဖြစ်တဲ့ Elijah Wood (Lord of the ring ထဲက Frodo) က မန်ဘယ်အဖြစ်၊ Robin Williams (JumanJi 1995) က ရေမွန်နဲ့ Lovelace ဂုရုကြီးအဖြစ်၊ အဆိုတော်နဲ့သရုပ်ဆောင် E.G. DAILY က အဲရစ်ခ်အဖြစ်၊ Brad Pitt (World War Z/Bullet Train) က ပုစွန်ဆိတ်ကလေး ဝယ်လ်အဖြစ်၊ အဆိုတော် Pink က ဂလော်ရီယာအဖြစ် အသီးသီး ပါဝင်အားဖြည့်ပေးထားကြပါတယ်။ ဇာတ်လမ်းကတော့ သီချင်းမဆိုတတ်ပေမဲ့ အကနဲ့တင် အလှတရားလေးဂလော်ရီယာကို သိမ်းပိုက်နိုင်ခဲ့တဲ့ မန်ဘယ်က သူနဲ့တူတဲ့ သားလေးအဲရစ်ခ်အတွက် အဖေကောင်းတစ်ယောက်ဖြစ်အောင် ကြိုးစားနေပုံကနေ စခဲ့ပါတယ်။ သွေးကစကားပြောတယ်ဆိုရမလားမသိ၊ သူ့သားလေး အဲရစ်ခ်က တခြားပင်ဂွင်းငယ်လေးတွေလိုမဟုတ်ဘဲ သီချင်းမဆိုတတ်သလို အကမှာလည်း သူ့လိုမျိုး ကျွမ်းကျင်မှုမရှိတာကြောင့် ဘာလုပ်ရမှန်းမသိ လမ်းပျောက်နေခဲ့တာပါ။ ဒီလိုနဲ့ အဲရစ်ခ်က မန်ဘယ့်သူငယ်ချင်း ပင်ဂွင်းပုလေး ရေမွန့်နောက်ကိုလိုက်ရင်း အိမ်ပြေးလုပ်ဖို့ကြိုးစားတာမို့ သူက လိုက်ခေါ်ပြီး အပြန်လမ်းမှာတော့ သူတို့ပင်ဂွင်းတွေအတွက် မျိုးတုံးလုနီးနီး ကပ်ဘေးကြီးနဲ့ ရင်ဆိုင်ခဲ့ရပါတော့တယ်။ အဲဒါကတော့ ရေခဲတောင်ကြီးတွေ ရွေ့လျားပြိုကျပြီး သူတို့နေတဲ့အင်ပါယာနယ်မြေတစ်ခုလုံးဟာ ရေခဲတောင်တွေကြား လေးဖက်လေးလံလုံးမှာ ပိတ်မိသွားရတာပါပဲ။ သူတို့ အင်ပါယာပင်ဂွင်းတစ်စုလုံး ပိတ်မိနေခဲ့ပြီး လွတ်နေတာဆိုလို့ သူတို့ သားအဖနှစ်ယောက်နဲ့ အဲရစ်ခ်ရဲ့သူငယ်ချင်းလေးတွေပဲရှိချိန်မှာ ဒီဒုက္ခဘေးကနေ လွတ်အောင် သူတို့ဘယ်လိုရုန်းထွက်ကြမလဲ... တကယ်ရော ရုန်းထွက်နိုင်မှာလား... ဘယ်လိုနည်းလမ်းမျိုးနဲ့များ ရေခဲတောင်တွေကြားက လွတ်အောင်ရုန်းထွက်ကြမလဲဆိုတာကိုတော့ လှုပ်လှုပ်ရွရွ ကာတွန်းကာရိုက်တာလေးတွေနဲ့ သာယာဖွယ် သီချင်းလေးတွေကို စီးမျောခံစားရင်း ကြည့်ရှုလိုက်ကြပါဦးနော်။ (ဒီကာတွန်းကားလေးရဲ့ အညွှန်းနဲ့ ဘာသာပြန်ကတော့ Emilyပါ) File size…(2.6 GB)/(1.6 GB) Quality….Webrip 1080p / 720p Format…mp4 Duration….01:40:00 Genre...Animation, Comedy, Family Subtitle….Myanmar Subtitle (Hardsub) Encoder….Mr. Anderson Translated by Emily

IMDb - 5.4 2011 တုန်းက ထွက်ရှိခဲ့တဲ့ Smurfs ရုပ်ရှင်က ၃ကားထွက်ရှိခဲ့တဲ့ film serieထဲ ပထမဆုံးကားဖြစ်ပါတယ်။ Neil Patrick Harris,Sofia Vergaraတို့လို နာမည်ကြီးတွေ ပါဝင်ပြီး Hank Azariaက မှော်ဆရာကြီး Gargamelအဖြစ်သရုပ်ဆောင်ထားပါတယ်။ဇာတ်လမ်းအကျဥ်းကတော့ အပြာရောင်မှော်ဝင်သတ္တဝါလေးတွေဖြစ်တဲ့ Smurfsလေးတို့ရွာကို မှော်ဆရာကြီး Gargamelက လိုက်ဖျက်ဆီးလို့ထွက်ပြေးရင်းနဲ့ မတော်တဆ လူ့ကမ္ဘာရဲ့portalပွင့်သွားပြီး NewYorkမြို့ကိုရောက်ရှိသွားပါတယ်။အိမ်ပြန်နိုင်ဖို့ကြိုးစားရင်း Patrickဆိုသူရဲ့ အကူအညီနဲ့ Gargamelရဲ့ အနှောင့်အယှက်တွေကြားထဲကဘယ်လိုဆက်ဖြစ်မလဲကြည့်ရမှာပါ။ ကလေးကားဆိုပေမယ့် ဟာသနဲ့ adventureကြိုက်တဲ့လူကြီးတွေလည်းအကြိုက်တွေ့မှာပါ။ပျော်ဖို့လည်းကောင်းပြီး လေးလေးပင်ပင်တွေမကြိုက်တဲ့သူတွေဆိုကြိုက်လောက်မယ့် feel-good movieလေးဖြစ်ပါတယ်။ File size…(2.4 GB)/(1.4 GB) Quality….Webrip 1080p / 720p Format…mp4 Duration….01:43:00 Genre...Animation, Family, Adventure, Comedy, Fantasy Subtitle….Myanmar Subtitle (Hardsub) Encoder….Mr. Anderson Translated by Hsu Hlyann Ni

Love & Other Drugs (2010) IMDb Rating (6.7) ဒီရုပ်ရှင်လေးက အချစ်ဆိုတာ ဘာလဲဆိုတာကို သေချာ လှစ်ဟပြထားတဲ့ ရုပ်ရှင်ကားလေးတစ်ကားပါ ချစ်ခြင်းမေတ္တာဆိုတာ လူတစ်ယောက်မှာ ဘယ်လိုအမှားတွေ အပြစ်တွေရှိနေပါစေ အဲဒါတွေကို မျက်ကွယ်ပြုနိုင်ပြီး အဲဒီလူအပေါ်ကို ‌ကြင်နာခြင်းတွေ ဂရုစိုက်ခြင်းတွေ ပုံအောပေးနိုင်တာမျိုးပေါ့ ဂျေမီဆိုတဲ့ စော်ကြည်ဘဲကတော့ ချစ်ခြင်းမေတ္တာကို သူရှာတွေ့မယ်မထင်တဲ့ နေရာမှာ ရှာတွေ့ခဲ့ပါတယ် မင်းသမီးဖြစ်သူ မက်ဂီကတော့ ပါကင်ဆန် ရောဂါ ခံစားနေရသူပေါ့ ရောဂါကြောင့် ကိုယ့်ကိုယ်ကို ယုံကြည်မှုလျော့နည်းပြီး ဆက်ဆံရေးတွေကို စိတ်မဝင်စားတဲ့အချိန်မှာ ဂျေမီနဲ့တွေ့ဆုံခဲ့ပါတယ် ဂျေမီနဲ့ မက်ဂီတို့ကြားက ချစ်ခြငါးမေတ္တာပေါက်ဖွားလာပုံကို တစိမ့်စိမ့်ကြည့်ရတာ အရသာရှိလှပါတယ် ဇာတ်ကောင်တွေက အရမ်းသရုပ်ပေါ်ပြီး ဇာတ်ရှိန်အနိမ့်အမြင့်အတက်အကျတွေနဲ့ ကြည့်လို့ကောင်းလှတဲ့ရုပ်ရှင်လေးပါ ဂျေမီနေရာမှာတော့ မင်းသား Jake Gyllenhaal က အပိုအလိုမရှိကွက်တိ သရုပ်ဆောင်ထားပြီး မက်ဂီနေရာမှာတော့ ဘယ်ဇာတ်ကောင်နေရာပဲဖြစ်ဖြစ် အရမ်းတော်လှတဲ့ မင်းသမီး Anne Hathaway က သရုပ်ဆောင်ထားပါတယ် ဒီရုပ်ရှင်လေးက nominee ငါးဆုနဲ့ Satellite Award ကချီးမြှင့်တဲ့ အကောင်းဆုံး မင်းသမီးသရုပ်ဆောင်ထူးချွန်ဆု 2010 ကို Anne Hathaway ရရှိသွားစေတဲ့ ဇာတ်ကားလေးဖြစ်ပါတယ်... အချစ်ရိုမန့်ခန်းတွေမှာ ဂျိတ်ရော အန်းဟန်သာဝေးရော စိတ်ရောကိုယ်ပါနှစ်ဝင်သရုပ်ဆောင်ထားပြီး အဖော်အချွတ်လေးတွေနဲ့အရမ်း Good နေလို့ မိသားစုနဲ့ အတူတူကြည့်ဖို့တော့ မသင့်တော်ပါဘူးနော်။ (ရုပ်ရှင်အညွှန်းကို Bunny မှရေးသားထားပြီး ဘာသာပြန်ကိုတော့ Arr Khun Winchester မှ တင်ဆက်ထားပါတယ်။) File size…(6.7 GB)/ (3 GB )/(1.2 GB) Quality…BluRay Upscaled 4K HEVC/1080p HEVC / 720p Format…mkv/mp4 Duration….01:52:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

သဘာဝသမိုင်းပြတိုက်မှာ ညစောင့်လုပ်ခဲ့တဲ့ လယ်ရီ ဒဲလ်လေဟာ အခုတော့ သူတီထွင်ထားတဲ့ အိမ်သုံးပစ္စည်းတွေကို ရောင်းချရင်း အောင်မြင်တဲ့ လူသုံးကုန်ပစ္စည်းကုမ္ပဏီတစ်ခုရဲ့ CEO ဖြစ်နေပါပြီ။ သူ့ရည်မှန်းချက်အတိုင်း အလုပ်လုပ်နိုင်ခဲ့ပေမယ့် ပြတိုက်ဟောင်းကို အလည်ပြန်ရောက်လာတဲ့အခါ အရင်က မိသားစုလိုဖြစ်ခဲ့တဲ့ မိတ်ဆွေတွေ တကွဲတပြားစီ ဖြစ်ရတော့မယ်ဆိုတာ သိလိုက်ရတယ်။ လူကြိုက်နည်းလာတဲ့ ပြတိုက်ပစ္စည်းတွေကို ခေတ်မီသုံးဖက်မြင်စက်ပစ္စည်းတွေနဲ့ အစားထိုးဖို့ စီစဉ်နေပြီး အရုပ်တွေကိုတော့ ပြည်ထောင်စုမော်ကွန်းတိုက်ရဲ့ မြေအောက်ခန်းဆီ ပို့တော့မှာပါ။ လယ်ရီ ထွက်သွားခဲ့တာကို စိတ်နာနေကြတဲ့ မိတ်ဆွေတွေထဲမှာ စကားနာထိုးသူလည်းရှိသလို သူ့ကို မကြည့်ချင်လို့ မျက်နှာလွှဲသူလည်း ရှိတယ်။ လယ်ရီက သူတို့နဲ့ တစ်ညတာအတူနေပြီး နှုတ်ဆက်ခဲ့ပါတယ်။ ဒါပေမယ့် မျောက်ကလေး ဒက်ဇ်တာက ရွှေကျောက်စာကို မော်ကွန်းတိုက်ရဲ့ အောက်ထပ်ဆီ ခိုးယူသွားတဲ့အခါ ကမ္ဘာ့အကြီးဆုံးပြတိုက်ကြီး အသက်ဝင်လာတယ်။ အသက်ဝင်လာသူတွေထဲမှာ လယ်ရီ့မိတ်ဆွေ အခမ်းရာ့ရှ်ရဲ့ အစ်ကိုလည်း ပါလာပါတယ်။ သူဟာ စိတ်ဓာတ်ယုတ်ညံ့လို့ ထီးနန်းမအပ်ခံခဲ့ရတဲ့ ဖာရိုဘုရင်မျိုးရိုးဝင်တစ်ယောက်ဖြစ်ပြီး ကမ္ဘာကို အုပ်စိုးချင်နေသူပါ။ သူက လယ်ရီ့လက်ထဲက ကျောက်စာကို လုယူပြီး တမလွန်မြေအောက်ကမ္ဘာက မိစ္ဆာစစ်တပ်ကို ခေါ်ထုတ်ဖို့ ကြိုးစားလာပါတယ်။ ဒီစွန့်စားခရီးမှာ လယ်ရီနဲ့အတူ လိုက်ပါကူညီသူကတော့ သတ္တိရှိတဲ့ အမျိုးသမီးလေယာဉ်မှူးတစ်ယောက်ပါ။ လယ်ရီ့ကို မြတ်နိုးတဲ့စိတ်နဲ့ ကူညီပေးနေတဲ့ သူတို့နှစ်ယောက်ရဲ့ မေတ္တာအကြောင်းကိုလည်း ဟာသနဲ့ စွန့်စားခန်းတွေကြားမှာ တွဲဖော်ပြထားပါတယ်။

The Simpsons Movie (2007) IMDB - 7.3/10 Rotten - 88% ကျွန်တော်တို့ ရုပ်ရှင်ကြည့်ပရိသတ်အတော်များများ Simpsons series တွေမကြည့်ရင်တောင်မှ ဒီ Simpsons မိသားစုကိုတော့ မျက်မှန်းတန်းမိနေကြမှာပါ။ နိုင်ငံတကာမှာ အအောင်မြင်ဆုံး Animation Series တစ်ခုဖြစ်ပြီး အခုဆိုရင် Season 28 ကိုရောက်ရှိနေပြီဖြစ်ပါတယ်။ Simpsons တွေရဲ့ နိုင်ငံရေး၊ လူမှုရေး၊ ဘာသာရေးတွေကို ခနဲ့တဲ့၊သရော်တဲ့ ပြက်လုံးတွေအပြင် သူတို့ရဲ့အနာဂတ်ခန့်မှန်းချက်တွေက အတော်လေးကိုနာမည်ကြီးပါတယ်။ ရိုးရိုးသမားရိုးကျ ကာတွန်းမျိုးမဟုတ်တော့ပဲ Adult Cartoon ပုံစံဖြစ်ပြီး Rick and Morty နဲ့ နည်းနည်းဆင်ပါတယ်။ အခုတင်ဆင်ပေးမယ့်ရုပ်ရှင်ကတော့ 2007 ခုနှစ်ကထွက်ရှိထားတဲ့ The Simpsons Movie ပါ။ ဒီဇာတ်လမ်းမှာ The Simpsons series ထဲက ဇာတ်ကောင်တွေကိုပဲ ပြန်အခြေခံထားပြီး စပရင်းဖီးလ်မြို့မှာပဲ ဇာတ်အိမ်တည်ထားပါတယ်။ ဇာတ်လမ်းအကျဉ်းလေးကတော့ စပရင်းဖီးလ်ရေကန်ကြီးဟာ တစ်နေ့တစ်ခြား အမှိုက်သရိုက်တွေပိုပြည့်နှက်လာပြီး ရေညစ်ညမ်းမှုအခြေအနေက တဖြေးဖြေးနဲ့ပိုဆိုးလာပါတယ်။ အဲ့ဒါကို မြို့သူမြို့သားတွေက သတိပြုမိလာပြီး ရေကန်ကြီးထဲကို ဘာအမှိုက်အညစ်အကြေးမှ မစွန့်ပစ်ဖို့ သဘောတူညီလိုက်ကြပါတယ်။ ဒါပေမယ့် Simpsons မိသားစုရဲ့ ကပျက်ကချော်လုပ်တတ်တဲ့ ထုံးစံအတိုင်း အဖေဖြစ်သူ ဟိုမာဆစ်ပ်ဆန်က ရေကန်ထဲကို မတော်တဆ အမှိုက်ပစ်လိုက်မိပါတယ်။ အဲ့ဒီအခါမှာ အစိုးရက ဒီအဆိပ်အတောက်တွေ တခြားမြို့တွေကို မကူးစက်အောင် စပရင်းဖီးလ်မြို့ကို မှန်ခုံးကြီးတစ်ခု လာအုပ်သွားပါတော့တယ်။ ဆစ်ပ်ဆန်မိသားစုက ဒီအဖြစ်အပျက်ရဲ့တရားခံတွေဖြစ်ခဲ့ရပြီး သူတို့ဘယ်လိုရှောင်ပြေးကြရမလဲ၊ ဒီမှန်ခုံးကြီးထဲက လွတ်မြောက်အောင် ဘယ်လိုလုပ်ကြမလဲဆိုတာ ရုပ်ရှင်ထဲမှာ ဆက်လက်ခံစားကြပါ။ The Simpsons Movie ရဲ့ အကောင်းဆုံးအချက်ကတော့ ဇာတ်လမ်းဇာတ်အိမ်ကို ရှူထောင့်ပေါင်းစုံကနေ သရော်ပြနိုင်တာပါ။ ဒီဇာတ်ကားထဲမှာ နိုင်ငံရေး၊ ဘာသာရေး သရော်တာတွေပါဝင်ပြီး ဟာသလေးတွေကလဲ အတော်ထိပါတယ်။ ပြီးတော့ ဒီကားမှာ အနာဂတ်ခန့်မှန်းချက်တစ်ခုပါသေးတယ်နော်။ ဘာလဲဆိုတာတော့ သေချာလေးကြည့်ကြည့်ရင် တွေ့ပါလိမ့်မယ်။ File Size : (701 MB) Quality : Blu-Ray 720p Running Time : 1hr 27min Format : Mp4 Genre :Animation, Adventure, Comedy Subtitle : Myanmar Subtitle (Hard Sub) Source : 1080p BluRay x264-RARBG Translated by Arkar Phyo Encoded by Thanhtike Zaw

ဒီဇာတ်လမ်းကတော့ Boomers ခေတ်က နာမည်ကြီးသရုပဆောင်တွေဖြစ်တဲ့ Ben Stiller, Jennifer Aniston, Debra Messing နဲ့ ကွယ်လွန်သွားပြီဖြစ်တဲ့ ဟာသမင်းသားကြီး Philip Hoffman တိုက ပါဝင်သရုပဆောင်ထားတာပဲဖြစ်ပါတယ်။ ဒါ့အပြင် နာမည်ကြီးမင်းသား Kevin Hart တိုရဲ့ ရုပ်ရှင်လောကကို စတင်ဝင်ရောက်တဲ့ နောက်ခံသမားဘဝကိုလည်း ဒီဇာတ်လမ်းထဲမှာလည်း စတင်တွ့ရမှာဖြစ်ပါတယ်။ ဘန်လိုခေါ်တဲ့ Risk Analyst တစ်ယောက်ဟာ သမားရိုးကျအမျိုးသားတစ်ဦးလိုပဲ အသက်အရွယ်ရောက်လာတဲ့အခါမှာ အိမ်ထောင်ပြုပြီး အခြေချနေထိုင်ချင်သူတစ်ယောက်ပါ။ သူ့ရဲ့တောင်းဆုအတိုင်း မင်္ဂလာဆောင်နိုင်ခဲ့ပေမယ့်လည်း ဟန်းနီမွန်း သူ့အမျိုးသမီးက နောက်အမျိုးသားတစယောက်ဖောက်ပြန်သွားခဲ့ပါတယ်။ ဒီလိုနဲ့ပဲ ဘန်ရဲ့အိမ်ထောင်ရေးဘဝဟာ ထင်ထားသလိုဖြစ်မလာခဲ့ပဲ သူ့ရဲ့တစ်ကိုယတော်ဘဝကိုရှေ့ဆက်နိုင်အောင် ဘယ်လိုလုပ်လဲဆိုတာကို ဒီဇာတ်လမ်းထဲမှာ တွေ့မြင်ရမှာပဲဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Mark ပါ ) File size_(2.3GB)/(1GB) Quality_Blu-Ray HEVC 1080p / 720p Format_mp4 Duration_01:30:00 Genre_Comedy, Romance Subtitle_Myanmar Subtitle (Hardsub) Encoder_a hao Translated by Mark

IMDbs 6.5/10 ဇာတ်လမ်းက​တော့ ကိတ်တီတစ်ယောက် သူနဲ့တစ်ခါမှမဆုံဖူးတဲ့လူတွေကို သတင်းဆိုးတွေသွားပြောပေးရတာနဲ့ ဇာတ်ဖွင့်ထားပါတယ် ဘာလို့သူဒီလိုလုပ်နေရတာလဲဆိုတော့ ဇာတ်ကြောင်းပြန်ရရင် သူ့ရဲ့ချစ်လှစွာသောအဖိုးဆုံးပါးသွားတာကနေ စတော့တာပါပဲ ဒီလိုနဲ့အဖိုးရဲ့အသုဘကိုအကြောင်းပြုပြီး သူတို့ညီအစ်ကိုမောင်နှမမိသားစုဝင်တစ်သိုက် ပြန်လည်ဆုံဆည်းဖို့အကြောင်းဖန်လာပါတော့တယ် ကိတ်တီဟာ အဖိုးအသုဘမှာချီးမွမ်းဂုဏ်ပြုစကားပြောပေးဖို့ဖြစ်လာရာကနေ မိသားစုတွင်းသဘောထားကွဲလွဲမှုတွေ နှစ်ဦးနှစ်ဖက်တင်းမာမှုတွေ ဖရိုဖရဲဖြစ်နေတဲ့မိသားစုကြားကအလွဲတွေနဲ့ နောက်ဆုံးမိသားစုလျှိူ့ဝှက်ချက်ကြီးကိုရင်ဆိုင်ကြရတဲ့အခါ ဘယ်လိုတွေရှေ့ဆက်ကြမလဲဆိုတာ ဟာသဆန်ဆန်ရိုက်ကူးထားတာပဲဖြစ်ပါတယ် မိသားစုဝင်ညီအကိုမောင်နှမတွေကြားက မတည့်အတူနေ ခိုင်မြဲတဲ့သံယောဇဥ်ကြိုးတွေကို dark comedy စတိုင် ပုံဖော်ထားတာမို့ ကြည့်ရှူခံစားကြည့်ကြပါအုံး... File size…(1.6 GB)/(855 MB) Quality….Webrip 1080p / 720p Format…mp4 Duration….01:33:00 Genre... Drama, Comedy  Subtitle….Myanmar Subtitle (Hardsub) Encoder….Mr. Anderson Translated by Shwe Eain Si

Peter La Fleur က ရည်မှန်းချက်ကြီးကြီးမားမား မရှိဘဲ အေးအေးဆေးဆေး နေတတ်သူပါ။ Average Joe’s ဆိုတဲ့ ရပ်ကွက်အားကစားရုံလေးတစ်ရုံ ပိုင်ပြီး လာကစားနေကျ လူတစ်စုလည်း ရှိတယ်။ ဒါပေမယ့် အားကစားရုံကနေ ငွေမရတာ ၁၃ လရှိနေပါပြီ။ တစ်နေ့မှာတော့ ရက် ၃၀ အတွင်း ဒေါ်လာ ၅၀,၀၀၀ မဆပ်နိုင်ရင် အားကစားရုံကို ဘဏ်က သိမ်းတော့မယ်ဆိုတဲ့ သတင်းဆိုး ရောက်လာတယ်။ ဘေးက နာမည်ကြီး Globo Gym ကလည်း ဒီနေရာကို ကားပါကင်လုပ်ဖို့ ဝယ်မှာပါ။ ပီတာနဲ့ သူ့ဘော်ဒါတွေအတွက် Average Joe’s က အားကစားလုပ်တဲ့နေရာတစ်ခုထက် ပိုပါတယ်။ နေ့စဉ်ဘဝက အပန်းဖြေပြီး ခိုနားနိုင်တဲ့နေရာဖြစ်လို့ ဘယ်သူမှ လက်မလွှတ်ချင်ကြဘူး။ ဒီတော့ သတ်မှတ်ရက်အတွင်း လိုတဲ့ငွေရဖို့ နည်းမျိုးစုံ ဝိုင်းစဉ်းစားကြရင်း Dodgeball Championships ပြိုင်ပွဲမှာ ဝင်ပြိုင်ဖို့ ဆုံးဖြတ်လိုက်ကြပါတယ်။ ပြိုင်မယ်လို့သာ ဆုံးဖြတ်လိုက်တာ၊ သူတို့ထဲမှာ ကောင်းကောင်းကစားတတ်တဲ့သူ တစ်ယောက်မှ မရှိပါဘူး။ ကိုယ့်အားကစားရုံကို ကာကွယ်ဖို့ ဘာမဆိုလုပ်မယ့် ပီတာတို့အဖွဲ့ ပြိုင်ပွဲထဲဝင်တော့ ဘယ်လိုအလွဲတွေ ကြုံရဦးမလဲ၊ အခက်အခဲတွေကို ကျော်ဖြတ်ပြီး သူတို့မြတ်နိုးတဲ့ နေရာလေးကို ထိန်းထားနိုင်ပါ့မလား။

ဒီဇာတ်ကား Stephen Glass ဆိုသူ ဂျာနယ်လစ်တစ်ယောက်ရဲ့ Biographical Film ပါ။ Stephen Glass ဟာ အမေရိကန်က နာမည်ကြီးမဂ္ဂဇင်း‌ေတွထဲကတစ်ခုဖြစ်တဲ့ The New Republic မဂ္ဂဇင်းတိုက်က လူချစ်လူခင်ပေါများပြီး အောင်မြင်တဲ့ ၂၄ နှစ်အရွယ် ဂျာနယ်လစ်လေးတစ်ယောက်ပါ။ Glass ကဘယ်လိုလူစားမျိုးလဲဆိုတာကို ပညာရှင်ဆန်ဆန်နဲ့ နာမည်တွေရှိမှာပါ။ ဒါပေမဲ့ အရပ်စကားနဲ့ဆို ပျော့ပျော့နဲ့နံတဲ့ကြောင်ချေးလိုလူမျိုးလို ပြောရမလားပဲ။ အမြဲတမ်းအခွင့်အရေးယူတတ်ပြီးတော့ သူအမှားလုပ်ထားလည်း နစ်နာသူအဖြစ်ဟန်‌ဆောင်တတ်သူမျိုး။ သူက အရွယ်နဲ့မလိုက်အောင်တော်ပါတယ်။ ဒါပေမဲ့ မတော်သင့်တဲ့နေရာမှာပါတော်နေတော့ လူတွေအများကြီးကိုပါ ဒုက္ခရောက်စေတယ်။ အပြစ်ကင်းတဲ့ပုံစံလေးနဲ့သူဟာ ဆောင်းပါး ၄၁ ပုဒ်ရေးခဲ့တဲ့အထဲ ၂၇ ပုဒ်က ဘာအထောက်အထားမှမပါဘဲ သူ့ဘာသာသူ စိတ်ကူးယဉ်ရေးပြီးတော့ တကယ့်အဖြစ်အပျက်လိုမျိုး ဂျင်းထည့်ခဲ့တာပါ။ သူလိမ်ထားတာတွေ ဘယ်လိုမျိုးပေါ်သွားခဲ့လဲ၊ အလိမ်ပေါ်သွားပြီးတဲ့နောက်မှာရော Glass တစ်ယောက် ဘယ်လိုမျိုးတုံ့ပြန်မှာလဲဆိုတာကတော့...တကယ့်အဖြစ်အပျက်ကို စိတ်၀င်စားဖို့ကောင်းအောင်ရိုက်ထားကိုတော့ ပြောစရာမလိုပါ။ Stephen Glass နေရာကိုတော့ Star Wars မင်းသား Hayden Christensen က သရုပ်ဆောင်ထားပါတယ်။ File size…(1.5 GB)/(770 Mb) Quality….Blu-Ray 1080p / 720p Format… mp4 Duration…. 01:34:00 Genre... Drama, History Subtitle….Myanmar Subtitle (Hardsub) Encoder….Garfield Translated by Su

ရေခဲပြင်ဟော်ကီအားကစားကို စိတ်ဝင်စားသူတွေအတွက် ဇာတ်လမ်းကောင်းတစ်ပုဒ် Mystery, Alaska တစ်မြို့လုံးနီးပါး ဟော်ကီအားကစားကို ချစ်မြတ်နိုးကြတဲ့ နှင်းတွေဖုံးလွှမ်းနေတဲ့ ရေခဲပြင်ပေါ်မှ Mystery မြို့သားများ။ Mystery မြို့ရဲ့ Hockey အသင်းအနေနဲ့ နာမည်ကြီး Hockey အသင်း New York Rangers ကို အိမ်ရှင်အဖြစ်လက်ခံကျင်းပဖို့ အကြောင်းဖန်လာတဲ့အခါ... Sports comedy-drama အမျိုးအစားဖြစ်တဲ့ ဒီရုပ်ရှင်လေးထဲမှာတော့ ဟော်ကီအားကစားကို အသားပေးထားပြီး အချစ်၊သံယောဇဉ်၊ဟာသနဲ့ စိတ်ဓာတ်ကြံ့ခိုင်မှုတွေအကြောင်းကိုလည်း ထည့်သွင်းထားပါတယ်။ အဓိကအနေနဲ့ Mystery မြို့သားတွေရဲ့ မြို့ကိုမြတ်နိုးတွယ်တာမှုတွေကို ဟော်ကီအားကစားနဲ့အတူ စိတ်လှုပ်ရှားစွာကြည့်ရှုခံစားနိုင်မှာဖြစ်ပါတယ်။ ဇာတ်လမ်းအနိမ့်အမြင့်၊ အတက်အကျတွေကလည်း ကြည့်ရှုသူတွေရဲ့ စိတ်နှလုံးကို ဆွဲခေါ်နိုင်တာကြောင့် ဟော်ကီအားကစားကြိုက်နှစ်သက်သူတွေအတွက် ဇာတ်လမ်းကောင်းတစ်ပုဒ်ပဲဖြစ်ပါတယ်။ File size… (2.2 GB) / (1.2 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Theinyt Waddy Lynn

IMDbs 6.1/10 Rotten Tomatoes (60%) အူတက်အောင်ခွီချင်ရင် ဒီစူပါဟီးရိုးဟာသကားကြည့်.. ဇာတ်လမ်းအကျဥ်းကတော့ ချန်ပီယံမြို့တော်ကြီးမှာ သိပ်ကို စူပါဟီးရိုးဖြစ်ချင်တဲ့ စူပါဟီးရိုးရူးတစ်သိုက်ရှိကြပါတယ် အမျိုးမျိုးကြိုးစားပေမဲ့ တလွဲတွေချည်းလုပ်တော့ လူတွေရဲ့ စိတ်ဝင်စားအသိမှတ်ပြုခြင်းမခံရတဲ့တစ်သိုက်ပေါ့.... တစ်နေ့ ဂန္ဓဝင်လူဆိုးတစ်ယောက်ထောင်ထဲကလွတ်လာပြီး တမြို့လုံးကိုကာကွယ်ပေးလေ့ရှ်ိတဲ့ တကယ့်စူပါဟီးရိုးအစစ်ကလဲ လူဆိုးဆီမှာဖမ်းခံထားရတဲ့အခါ လူရာဝင်ချင်တဲ့ သူတို့တစ်သိုက်ဟာ ချန်ပီယံမြို့တော်ကြီးကို လူဆိုးဖျက်ဆီးမဲ့ရန်က ကာကွယ်ဖို့ ကြိုးစားပါတော့တယ် ဖမ်းခံထားရတဲ့စူပါဟီးရိုးကို သူတ်ို့သွားကယ်တဲ့အခါရော​ ဂန္ဓဝင်လူဆိုးနဲ့ချတဲ့အခါရော အလွဲပေါင်းသောင်းခြောက်ထောင်နဲ့ အူတက်နေအောင်ရယ်ရမဲ့ သိပ္ပံအက်ရှင်ဟာသကားလေးဖြစ်ပါတယ်နော်... File size…(2.3 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Adventure, Fantasy, Action, Comedy, Science Fiction Subtitle….Myanmar Subtitle (Hardsub) Encoder….Swan Min Htet Translated by Shwe Eain Si

ဟောလိဝုဒ်က ရိုက်ကူးထားတဲ့ ဂျပန်တို့ရဲ့ ဂေါ်ဇီလာဇာတ်ကားပါ။ ဂေါ်ဇီလာဇာတ်ကောင်ကို မိတ်ဆက်နိုင်ခဲ့ပြီး အားပေးမှုအတော်အတန်ရရှိခဲ့သလို ဝင်ငွေလဲကောင်းခဲ့ပါတယ်။ ဒီဇာတ်ကားကနေအစပြုလို့ ဂေါ်ဇီလာပါဝင်တဲ့ MonsterVerse ဇာတ်ကားတွေ တောက်လျှောက်ပေါ်ထွက်လာဖို့ရှိပါတယ်။ File size…(2.3 GB) and (1.2 GB) Quality….Blu-Ray 1080p & 720p Format…mp4 Duration….02:20:00 Subtitle….Myanmar Subtitle (Hardsub) Encoder….Nyeinsaeya Aung

ဒီဇာတ်ကားဟာ Charles Dickens ရဲ့ ဂန္ထဝင်ဝတ္ထုကို ၁၉ ရာစု အင်္ဂလန်ကနေ ခေတ်သစ် ဖလော်ရီဒါနဲ့ နယူးယောက်မြို့ နောက်ခံအဖြစ် ပြောင်းလဲပြီး ပြန်လည်အသက်သွင်းထားတာပါ။ ငယ်စဉ်ကတည်းက ပန်းချီဆွဲဝါသနာပါတဲ့ ကောင်လေး ဖင်န် (Ethan Hawke) ဟာ ထူးခြားဆန်းကြယ်ပြီး ချမ်းသာတဲ့ အမျိုးသမီးကြီး မစ္စဒင်းစမိုး) ရဲ့ တူမဖြစ်သူ အက်စတယ်လာ ကို ငယ်ငယ်လေးကတည်းက စွဲလမ်းချစ်မိသွားပါတယ်။ အက်စတယ်လာဟာ ယောက်ျားတွေရဲ့ နှလုံးသားကို ခွဲဖို့ ငယ်စဉ်ကတည်းက သင်ကြားပေးခံထားရသူဖြစ်ပြီး "သူမက မင်းရဲ့ နှလုံးသားကို ခွဲသွားလိမ့်မယ်" လို့ သတိပေးခံရပေမယ့် ဖင်န်ကတော့ သူမကိုပဲ ဆက်ချစ်နေခဲ့ပါတယ်။ နှစ်တွေကြာလာတဲ့အခါမှာ အမည်မသိ ကျေးဇူးရှင်တစ်ယောက်ရဲ့ ထောက်ပံ့မှုနဲ့ ဖင်န် တစ်ယောက် နယူးယောက်ကိုရောက်သွားပြီး အနုပညာရှင်တစ်ယောက်အဖြစ် အောင်မြင်လာချိန်မှာ အေးစက်ပြီး လှပတဲ့ အက်စတယ်လာနဲ့ ပြန်လည်ဆုံတွေ့ရပါတယ်။ ဖင်န်ရဲ့ ငယ်စဉ်က မျှော်လင့်ချက်အိပ်မက်တွေ နဲ့ မှောင်မိုက်တဲ့ ကြောက်ရွံ့မှုတွေကို ဘယ်လိုရင်ဆိုင်ရမလဲဆိုတာ စိတ်ဝင်စားဖွယ် ရိုက်ကူးထားတာဖြစ်ပါတယ်။ အဓိက ချီးကျူးရမှာကတော့ ရုပ်ရှင်ရဲ့ ရိုက်ကူးရေးပိုင်းပဲ ဖြစ်ပါတယ်။ နာမည်ကြီး Cinematographer Emmanuel Lubezki ရဲ့ ကင်မရာထောင့်ချိုးတွေ၊ အလင်းအမှောင်နဲ့ အရောင်အသွေး အသုံးပြုမှုတွေက ရုပ်ရှင်ကို ပန်းချီကားတစ်ချပ်လို လှပနေစေပါတယ်။ ဇာတ်ဝင်တေး တွေကလည်း အရမ်းကောင်းမွန်ပြီး ရုပ်ရှင်ရဲ့ Romantic ဆန်တဲ့ ခံစားချက်ကို ပိုပြီး ပီပြင်စေပါတယ်။ Ethan Hawke နဲ့ Gwyneth Paltrow တို့ရဲ့ Chemistry က အလွန်ကောင်းမွန်ပြီး၊ အကျဉ်းသား လပ်စတစ် အဖြစ် သရုပ်ဆောင်တဲ့ Robert De Niro နဲ့ မစ္စဒင်းစမိုး အဖြစ် သရုပ်ဆောင်တဲ့ Anne Bancroft တို့ရဲ့ စွမ်းဆောင်ရည်တွေကလည်း ဇာတ်ကားကို ပိုမိုသက်ဝင်စေပါတယ်။ "Great Expectations" (၁၉၉၈) ဟာ မူရင်းဝတ္ထုကြီးကို အပြည့်အဝ မှီငြမ်းနိုင်ခြင်း မရှိပေမယ့်လည်း လှပတဲ့ မြင်ကွင်းတွေ၊ သာယာတဲ့ တေးဂီတတွေနဲ့ ခေတ်သစ် အချစ်ဇာတ်လမ်းတစ်ပုဒ်အနေနဲ့တော့ မျက်စိပသာဒဖြစ်စေမယ့် ဇာတ်ကားကောင်းတစ်ကား ဖြစ်ပါတယ်။ ရင်ခုန်စရာကောင်းပြီး ခံစားမှုအပြည့်အဝပေးနိုင်တဲ့ အချစ်ဒရာမာ ဇာတ်ကားမျိုး ကြိုက်နှစ်သက်သူတွေအတွက် အကြိုက်တွေ့စေမှာ အသေအချာပါပဲ။ File size…   2.3 GB / 1.2 GB Quality… Blu - Ray 1080p / 720p Format… mp4 Duration…. 1h 41m Genre ..... Drama Subtitle…. Myanmar Subtitle (Hard Sub)

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

ဒီတစ်ခါမှာတော့ IMDB-7.3/10ရရှိထားတဲ့ Comedy action ဇာတ်ကားလေးတစ်ခုကိုတင်ဆက်ပေးချင်ပါတယ် John Cusack, Dan Aykroyd, Minnie Driver တို့က အဓိကပါဝင်သရုပ်ဆောင်ထားပါတယ် ဇာတ်လမ်းအကျဥ်း ပရော်ဖက်ရှင်နယ်ကြေးစားလူသတ်သမား မာတင်ဘလန့်ဟာ မီချီဂန်ပြည်နယ် ဂရော့စ်ပွိုင့်မှာ လုပ်ကြံရေးမစ်ရှင်တစ်ခုကိုလက်ခံလိုက်ပါတယ် သူ့ရဲ့မွေးရပ်မြေလည်းဖြစ်တာကြောင့် အဲ့ဒီကိုအလုပ်ကိစ္စနဲ့ရောက်ရင်း 10နှစ်ကြာခဲ့ပြီဖြစ်တဲ့ အထက်တန်းကျောင်းက ကျောင်းသားဟောင်းတွေ့ဆုံပွဲကိုတက်ဖို့စီစဥ်ခဲ့ပါတယ် ဘလန့်ဟာ သူကြီးပြင်းခဲ့တဲ့မြို့လေးကိုပြန်ရောက်ချိန်မှာ သူ့ရဲ့ငယ်သူငယ်ချင်းတွေရော သူ့ရဲ့မေ့မရတဲ့ငယ်ချစ်ဦးကိုလည်းပြန်တွေ့ရပြီး ဒီတစ်ခါမစ်ရှင်ပြီးရင် ဒီအလုပ်ကိုစွန့်လွှန့်ဖို့ဆုံးဖြတ်လိုက်ပါတယ် ဒါပေမဲ့ အဲ့ဒီမြို့မှာ သူ့ကိုပြန်လုပ်ကြံမယ့် တခြားသူတွေလည်းရှိနေတာကိုသိလိုက်ရတဲ့အခါမှာတော့...... File size…(1.6 GB)/(901 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

IMDb Rating - 7.1/10 20th Century Studios ရဲ့ လက်ရာတဖြစ်လည်း ရုရှားမင်းသမီးအန်နာ စတေးရှားရဲ့ သမိုင်းဝင်ဖြစ်ရပ်မှန်ကို ပြန်လည်သရုပ်ဖော်ထားတဲ့ Animation ဇာတ်ကားကောင်းလေးပဲဖြစ်ပါတယ်။ Animated movie တစ်ပုဒ်အနေနဲ့ IMDb 7.1 အထိ ရထားတယ်ဆိုကတည်းက ခေသူလက်ရာတော့မဟုတ်လှ ပါဘူး။ ၂၀ရာစုအစောပိုင်း ဥရောပတိုက်ရဲ့ ယဉ်ကျေးမှုတွေအပါအဝင် Russia နဲ့ France၊ Moscow နဲ့ Paris ကြားက ပထဝီဝင်ဆိုင်ရာ ဆက်နွယ်နေမှုတွေကို လှပစွာသရုပ်ဖော်ရိုက်ကူးထားတဲ့ Musical/ Adventure ရုပ်ရှင်အမျိုးအစား လေးပါ။ ရုရှားတော်လှန်ရေးကာလမှာ တော်ဝင်မျိုးနွယ်အများအပြား သွေးချောင်းစီးခဲ့ စဉ်က ထွက်ပြေးလွတ်မြောက်လာနိုင်သူရယ်လို့ ကောလဟာလနဲ့ နာမည်ကျော်တဲ့ မြို့စားမင်းသမီး Anastasia Nikolaevna ရဲ့ ဘဝစွန့်စားခန်းကို Bluth၊ Fox နဲ့ 20th Century Studios တို့က တစ်ဖန်ပြန်လည်စိတ်ကူးပုံဖော်ထားပြီး အကယ် ဒမီဆုပေါင်းများစွာအတွက် ဆန်ကာတင်နိုင်ခဲ့ကာ ဝင်‌ငွေသန်း ၁၄၀ ကျော်အထိ ရရှိခဲ့တာပဲဖြစ်ပါတယ်။ " စပ်စပ်စုစုမေးတယ်လို့တော့ ထင်လိမ့်မယ် ဒါပေမယ့် နန်းတော်ဝင်စီးခံရတုန်းက ဘယ်လိုလွတ်လာခဲ့တာလဲ " ၊ " လက်ဖက်ရည်ကို ဘယ်လိုလေးမှကြိုက်တတ်လဲ " .... ဒီမေးခွန်းတွေကို မှန်‌အောင်ဖြေနိုင်ဖို့ ကြိုးစားကြတဲ့ မိန်းကလေးတွေ ဒုနဲ့ဒေးပေါ့။ နန်းတော်ကြီးတစ်ခုလုံး အမဲဖျက်ခံခဲ့ရတဲ့ညမှာ ထွက်ပြေးလွတ်မြောက်သွားသူ နှစ်ဦးပဲရှိပါတယ်။ ဘွားတော်ဘုရင်မကြီးဟာ အတူထွက်ပြေးလာပြီး ခရီးဆုံးအထိ အတူမလိုက်နိုင်ခဲ့သူ မြေးမလေးကို ရှာနေတယ်ဆိုတဲ့ သတင်းက ဆုကြေးငွေဆယ် သန်းကြောင့် ဟိုးလေးတကျော်ကျော်ပါပဲ။ စားဖိုဆောင်မင်းစေဘဝနဲ့ ကြီးပြင်းလာပြီး တော်လှန်ရေးကြောင့် လမ်းဘေးရောက်ခဲ့ရတဲ့ Dimitri ရဲ့အကြံအတိုင်း ပဲရစ်က ဘွားတော်ဘုရင်မကြီးကို အယုံသွင်းဖို့ Anastasia နေရာမှာ သရုပ်ဆောင်ပေးနိုင်မယ့် မိန်းကလေးတစ်ယောက်ကို ရှာဖွေနေကြရင်း ... အတိတ်မေ့နေတဲ့ Anya ဆိုသူ မိဘမဲ့ ကောင်မလေးနဲ့ ဆုံဖြစ်တဲ့အခါ .... ချောင်းကိုရှာရင်း မြစ်ကိုတွေ့ပါတော့တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size..........(1.5 GB) / (668 MB) Quality............WEB-DL 1080p / 720p Duration.........1Hr 34Min Subtitle...........Myanmar Hardsub Format............MP4 Genre..............Animation, Adventure, Drama Translator.......Hnin Wut Yi Encoder..........SWM

Birdcage ဟာ အမျိုးသားတွေက အမျိုးသမီးဝတ်စုံဝတ်ပြီး ကပြဖျော်ဖြေတဲ့ Drag ကလပ်တစ်ခုပါ။ ကလပ်ပိုင်ရှင်နဲ့ ဒါရိုက်တာဖြစ်တဲ့ အာမန်က ထူးချွန်တဲ့တင်ဆက်သူ အဲလ်ဘတ်နဲ့ အတူနေ လိင်တူချစ်သူတွေ ဖြစ်ကြပါတယ်။ အဲလ်ဘတ်က စိတ်နုနယ်ပြီး ခံစားလွယ်သူ၊ အာမန်ကတော့ ရင်ထဲကစကားကို သိပ်ထုတ်မပြတတ်ပေမယ့် ဂရုစိုက်တတ်သူပါ။ သူတို့နှစ်ယောက်မှာ အလွန်ချစ်ရတဲ့ သားတစ်ယောက်လည်း ရှိတယ်။ အသက်နှစ်ဆယ်အရွယ် သားဖြစ်သူက လက်ထပ်ချင်တဲ့သူရှိပြီလို့ ပြောလာတဲ့အခါ နှစ်ယောက်လုံး စိတ်ထိခိုက်ကြပေမယ့် သားစိတ်ချမ်းသာဖို့ လိုက်လျောပေးဖို့ စဉ်းစားကြပါတယ်။ ပြဿနာက သတို့သမီးလောင်းဟာ လွှတ်တော်အမတ်တစ်ဦးရဲ့ သမီးဖြစ်နေတာပါ။ တစ်ဖက်မိဘတွေက ဒီအိမ်ထောင်ရေးကို လက်ခံဖို့အတွက် အဖေနှစ်ယောက်ရှိတဲ့အကြောင်းကို ဖုံးကွယ်ပြီး အဖေတစ်ယောက်၊ အမေတစ်ယောက်ရှိတဲ့ မိသားစုလို့ ထင်အောင် ဘယ်လိုလုပ်ကြမလဲ။ အာမန်နဲ့ အဲလ်ဘတ်တို့ရဲ့ အစီအစဉ်က အဆုံးအထိ ပိရိနေမလား၊ လမ်းတစ်ဝက်မှာပဲ အလိမ်ပေါ်သွားမလား။ ၁၉၉၆ ခုနှစ်ထွက် ဒီဟာသဇာတ်ကားမှာ Robin Williams နဲ့ Nathan Lane တို့ အဓိကပါဝင်ထားပါတယ်။

HEAT(1995) IMDb...8.3,,,,Rotten...86 ဒီကားက ၁၉၉၅ခုနှစ်ကထွက်ခဲ့တဲ့တာဆိုတော့ ၂၀၂၀ ခုနှစ်မှာ နေထိုင်တဲ့ခင်ဗျားတို့အမြင်မှာ ရိုးစင်းလွန်းတယ် ...ဒီဘက်ခေတ်အမြင်မှာ အဆင့်မရှိလောက်ဘူး ဇာတ်လမ်းကောင်းရင်တောင် ကြည့်ရတာ အံဝင်မယ်မဟုတ်ဘူးလို့ ထင်နေရင်တော့ အဲဒီအမြင်ကိုမြောင်းထဲလွှင့်ပစ်လိုက်ပါလို့ ကျွန်တော်ရဲရဲကြီးပြောလိုက်မယ်.... ဒီကားက ဟီးဟီးဟားဟားကွက်တွေ အော်ဂလီဆန်စရာသတ်ဖြတ်မှုတွေ ခြောက်လှန့်မှုတွေမပါဘူး .. ဒါပေမဲ့ ပြသချိန် ၃နာရီနားပါးကြီးမှာ တစ်ချိန်လုံးခင်ဗျားဟာ စိတ်လှုပ်ရှားနေတယ်.... ဘာလို့ဆို မတူညီတဲ့ဇာတ်ကောင် ၂ယောက်ရဲ့အားပြိုင်မှုကြောင့်ပဲ.... တစ်ယောက်က ရဲ။... သူ့မှတ်တမ်းတစ်လျှောက်လုံးမှာ ဆိုးပါတယ် လိုက်ဖမ်းရခက်ပါတယ်ဆိုတဲ့ လူတွေကိုမှထောင်ထဲထည့်ခဲ့တဲ့သူ. . ရဲဌာန တစ်ခုလုံးကလည်း သူ့ကိုလေးစားရတယ်.....အယ် ဒါပေမဲ့ တစ်နေ့တော့ သူ့နှုတ်ဖျားက ဒီကောင် အရမ်းတော်တယ်ဆိုပြီး ညည်းညူခဲ့ရတဲ့ ဓားပြတစ်ယောက်ပေါ်လာတယ်.. တကယ်တော့ သူပြောတာထက်တောင်ပိုပါတယ်... အဲဒီဓားပြက အကွက်ချတာတော်တယ်... ပတ်ဝန်းကျင်ကိုလေ့လာအကဲဖြတ်ပြီး တစ်ဒင်္ဂအတွင်း အကောင်းဆုံးသော ဆုံးဖြတ်ချက်ကိုချနိုင်တယ်. ....လက်အောက်ငယ်သားတွေကိုကြည့်တယ်...ဒီကားက စစချင်း ၁၀မိနစ်လောက်ကတည်းက ခင်ဗျားတို့အာရုံတွေ ဖမ်းစားလိုက်ပြီ...  ဒီကားထဲက အဓိကသရုပ်ဆောင်မင်းသားကြီး (၂)လက်ဖြစ်တဲ့ Al Pacino နဲ့Robert De Niro ကိုတော့ အားလုံးရင်းနှီးပြီးသားဖြစ်မှာပါ... အရံသရုပ်ဆောင်တွေကလည်း ထိပ်တန်းသရုပ်ဆောင်တွေအတော်များတယ်.. ဇာတ်အိမ်ခိုင်သလား ဒိုင်ယာလော့တွေလန်းသလား သရုပ်ဆောင်တွေလန်းသလားဆိုတာကျွန်တော်ပိုမပြောချင်ဘူး. ဒီကားဒေါင်းကြည့်ပြီးတဲ့အချိန် ကျွန်တော်ပြောတာမလွန်ဘူးဆိုတာ ခင်ဗျားတို့သဘောပေါက်သွားလိမ့်မယ်..... File Size…10GB/2.11GB/ 900MB Quality…Blu-Ray 4K /1080p/ Blu-Ray 720p Format…mp4 Duration…02:50:00 Subtitle…Myanmar Subtitle(Hardsub) Encoder…..Tiff Translated by Oung Xix Ming

Pretty Woman (1990) Review | ပြည့်တန်ဆာနဲ့ ဘီလီယံနာကြားက ရိုမီယို ဂျူးလိယက်ဇာတ်လမ်း ပိုက်ဆံသာရှိရင် လူတွေရဲ့အတွေးအမြင်တွေကို လှည့်စားပစ်နိုင်တယ် – ပြည့်တန်ဆာတစ်ယောက်တောင် ပိုက်ဆံရှိရင် လူတိုင်းကို ဘာမှမပြောနိုင်အောင် လုပ်လို့ရတယ်။ ကျွန်တော် ဒီရုပ်ရှင်ကို Facebook page တစ်ခုက အပိုင်းအတိုလေးတစ်ခု ကြည့်မိရင်း စိတ်ဝင်စားသွားပြီး အစအဆုံးရှာကြည့်ဖြစ်ခဲ့တယ်။ ပထမဆုံးပြောချင်တာကတော့ ကြည့်ရတာတော်တော်လေးတန်တယ်။ ကိုယ်တွေးရင် တွေးသလောက် အဓိပ္ပါယ်ရှိတဲ့ရုပ်ရှင်တစ်ခုပါ။ ဇာတ်လမ်းအမြည်းပြောရရင် ဥစ္စာပေါရုပ်ချော ဘီလီယံနာတစ်ယောက်က Edward က ပြည့်တန်ဆာမလေး Vivian နဲ့ ခင်သွားပြီး၊ ဒေါ်လာ ၃၀၀၀ နဲ့ တစ်ပတ်တိတိသူနဲ့ အချိန်ဖြုန်းပေးဖို့ကမ်းလှမ်းတယ်။ Edward က professional ဆန်တဲ့သူတစ်ယောက်ဖြစ်ပြီး Vivian ကို သေချာလေးဂရုစိုက်တယ်။ ကြာလာတော့ သူတို့နှစ်ယောက်ကြားက မေတ္တာဓာတ်က အချစ်အသွင်သို့ ပြောင်းလဲလာခဲ့ပါတယ်။ ဇာတ်လမ်းထဲမှာ သဘောကျဖို့ကောင်းတာက လူတွေရဲ့ ဆက်ဆံပုံတွေပါ။ Vivian ပြည့်တန်ဆာလိုဝတ်စားပြီး shopping ထွက်တဲ့အခါ ဘယ်သူမှသူ့ကို ဝယ်နိုင်တယ်လို့မထင်ကြဘူး။ နောက်ရက် Edward က သူကိုယ်တိုင်လိုက်ဝယ်ပေးပြီး သူပြောခဲ့တဲ့စကားတစ်ခုက "ဆိုင်တွေက customers တွေကို ဘယ်တော့မှ ကောင်းကောင်းမဆက်ဆံဘူး၊ သူတို့ ကောင်းကောင်းဆက်ဆံတာ credit card ပဲရှိတယ်။" ကျွန်တော်ကတော့ ကြည့်ရတာ သဘောကျမိတယ်။ 90s vibe ကိုလည်း ကောင်းကောင်းကြီးခံစားရသလို၊ old money အသိုင်းအဝိုင်းကိုလည်း သေချာမြင်ခဲ့ရတယ်။ Romance/Comedy genre ထဲက တကယ်ကိုကြည့်သင့်တဲ့ ရုပ်ရှင်တစ်ခုပါ။ AnemoiVerse Rating: 4/5 Author: Anemoi (ရုပ်ရှင်အညွှန်းကို AnemoiVerse FB Page မှ ကူးယူဖော်ပြပါသည်။) မင်းသမီး Julia Roberts နဲ့  မင်းသားကြီး Richard Gere တို့ရဲ့ နာမည်ကျော် ရိုမန့်ဒရမ်မာရုပ်ရှင်ကားလေးဖြစ်ပြီး IMDb Rating (7.1) ထိ ရရှိထားပါတယ်။ File size…(13 GB)/(3.1 GB ) / (1.2 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:59:37 Subtitle….Myanmar Subtitle (Hardsub) Encoder….Ka Naung