Mark Strong ပါဝင်သော ဇာတ်ကားများ

Shadow Force (2025) IMDb Rating (4.7) / Rotten Tomatoes (34%) ဒီတစ်ခုကတော့ ဒါရိုက်တာ Joe Carnahan ရိုက်ကူးထားပြီး Kerry Washington ၊ Omar Sy နဲ့ Mark Strong တို့ပါ၀င်သရုပ်ဆောင်ထားပါတယ်။ ဇာတ်လမ်းကတော့ အိုက်ဆာနဲ့ ခိုက်ရာတို့က နိုင်ငံတကာက လက်ရွေးစင်တွေနဲ့ ဖွဲ့စည်းထားတဲ့ စီအိုင်အေရဲ့ အထူးလျှို့ဝှက်အဖွဲ့ဖြစ်တဲ့ အရိပ်တပ်ဖွဲ့ရဲ့ ပူးတွဲခေါင်းဆောင်နှစ်ယောက်ပါ။ အသင်းသားအချင်းချင်းကြားပတ်သက်မှုကို တင်းတင်းကျပ်ကျပ်တားမြစ်ထားတဲ့ကြားကနေ သူတို့နှစ်ယောက်က ချစ်ကြိုက်သွားကြပြီး အဖွဲ့ကနေ ထွက်ပြေးသွားကြပါတယ်။ အဖွဲ့ရဲ့ဦးစီးသူဂျက်ခ်စင်ဒါက အဲဒီနှစ်ယောက်က သူတို့ရဲ့လျှို့ဝှက်ချက်တွေများစွာကို သိနေခဲ့တာကြောင့် ၀ရမ်းပြေးအနေနဲ့သတ်မှတ်ပြီး ဆုကြေးသတ်မှတ်ကာ အရိပ်တပ်ဖွဲ့တွေကိုပဲ လိုက်ခိုင်းခဲ့ပါတယ်။ ဖြစ်ချင်တော့ ခိုက်ရာက ထွက်ပြေးသွားတဲ့အချိန်မှာ ကိုယ်၀န်ရှိနေခဲ့ပြီး သားလေးတစ်ယောက်မွေးခဲ့တော့ ဒီလိုအန္တရာယ်ကြားမှာ ကလေးဖြစ်သူအတွက်ကိုပါ တာ၀န်ရှိလာခဲ့ပါတယ်။ ဂျက်ခ်ရဲ့လက်က သူတို့မိသားစုလွတ်မြောက်နိုင်ပါ့မလားဆိုတာကိုတော့ ကိုယ်တိုင်ကြည့်လိုက်ကြနော် ။ (အညွှန်းနဲ့ဘာသာပြန်ကတော့ Serenity ဖြစ်ပါတယ်။) File size…(5.8 GB) / (1.8 GB) / (900 MB) Quality….WEB-Rip 4K HEVC / 1080p HEVC / 720p Format…. mkv/mp4 Genre….Action,Thriller Duration….01:45:54 Subtitle….Myanmar Subtitle (Hardsub) Encoder….Double K Translated by Serenity

Dune: Prophecy (2024) Season 01 (complete) IMDb Rating (7.6) / Rotten Tomatoes (70%) သိပ္ပံစိတ်ကူးယဉ် ဇာတ်လမ်းလောကရဲ့ နာမည်အကြီးဆုံးထဲက တစ်ခုဖြစ်တဲ့ Dune စကြဝဠာကို အခြေခံထားတဲ့ စီးရီးတစ်ခု ထွက်လာပါပြီ။ ဒီစီးရီးဟာ Game of Thrones ကို အမီလိုက်မယ်လို့ပါ ထင်ကြေးပေးခံရတဲ့ စီးရီးမျိုးပါပဲ။ အပိုင်း (၁) အရဆိုရင်တော့ ဖြစ်နိုင်တယ်လို့ ပြောရပါလိမ့်မယ်။ ဖန်တီးတဲ့သူ နှစ်ယောက်ကလည်း The Haunting of Bly Manor တို့ The Originals တို့ကို ဖန်တီးခဲ့တဲ့ Diane Ademu-John နဲ့ Lost စီးရီးကိုဖန်တီးခဲ့တဲ့ Alison Schapker တို့ပါပဲ။ ဇာတ်လမ်းအကျဉ်း ဒီစီးရီးဖြစ်တည်ချိန်ကတော့ ပေါ အထရေးဒီး နန်းမတက်ခင် နှစ် ၁၀,၀၀၀ အလို ကာလမှာပဲ ဖြစ်ပါတယ်။ မဟာစစ်ပွဲကြီးလို့ခေါ်တဲ့ လူသားတွေက ဦးနှောက်ရှိတဲ့စက်တွေထိန်းချုပ်ထားတာကို တော်လှန်ရေးလုပ်ခဲ့တဲ့ ကာလအပြီးပါပဲ။ အဲဒီကာလမှာ စက်တွေကို ကန့်သတ်ပစ်လိုက်ပြီး ကရီနိုအိမ်တော်က ဧကရာဇ်နေရာကို ရယူထားပါတယ်။ အခြား အင်အားကြီးအိမ်တော်ကြီးတွေက နိုင်ငံရေးကစားကွက်မျိုးစုံနဲ့ အားပြိုင်နေတဲ့ ကာလဖြစ်ပါတယ်။ ဒီစီးရီးမှာ အမှန်ပြောသူ ညီအစ်မအဖွဲ့တွေရဲ့ သမိုင်းအစကို ဖော်ပြထားပြီး အိမ်တော်ကြီးတွေကို နောက်ကွယ်ကနေ ထိန်းချုပ်ဖို့ စီမံပုံတွေကိုလည်း တွေ့ရမှာပါ။ ဖရေးမန်းတွေနဲ့ အရားခစ်က တိုက်ပွဲတွေရယ် ပုန်ကုန်မှုတွေရယ်လည်း ပါမှာဖြစ်ပြီး ဇာတ်အိမ်ကြီးတဲ့ စီးရီးမို့ အားရပါးရ ကြည့်လို့ကောင်းမှာပါ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size…(1.6 GB) / (750 MB) / (470 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action & Adventure, Drama, Sci-Fi & Fantasy Duration….01:00:00 Subtitle….Myanmar Subtitle (Hardsub) Encoder….Ka Naung, Benjamin Translated by Mr. Anderson

The Batman (2022) ထဲက ဘန်မန်းရဲ့ ရန်သူကြီး အော့ဇ်ဝဲကော့ (ခေါ်) ပင်ဂွန်းရဲ့ Spin-off တစ်ကိုယ်တော် စီးရီးဖြစ်ပါတယ် လတ်တလော Rating နဲ့ ကြည့်ရှုနှုန်းတွေအရမ်းကောင်းနေပြီး 8.1 ထိရထားတဲ့ HBO series ဖြစ်ပါတယ် The Batman ထဲမှာ ရစ်ဒလာက ဂေါ်သမ်မြို့ကြီးကို ရေမြှုပ်လိုက်ရင်းနဲ့ အဆုံးသတ်သွားခဲ့ပြီး ဒီစီးရီးမှာတော့ အဲ့ဒီဖြစ်ရပ်ရဲ့ တစ်ပတ်အကြာ Timeline ကနေ စတင်ထားတယ် Batman နဲ့ထိပ်တိုက်တွေ့ဆုံအပြီး အရေးနိမ့်ခဲ့ရတဲ့ အော့ဇ်ဝဲဟာ သူ့ဆရာ ဖယ်ကွန်း မူးယစ်ဂိုဏ်းမိသားစုက ကာမိန်းဖယ်ကွန်းသေဆုံးပြီးနောက်ဆက်ခံလာမယ့် သားဖြစ်သူ အဲဘတ်တိုဖယ်ကွန်းကို သတ်ပစ်လိုက်ပါတယ်..ဒါပေမယ့် အာခန်ထောင်ကနေ လွတ်လာတဲ့ အဲဘတ်တိုရဲ့ ညီမ ဆိုဖီယာဖယ်ကွန်းကနေ ပင်ဂွန်းနောက်ကို လိုက်လံလက်စားချေရင်း ဂေါ်သမ်က သောင်းကျန်းလာတဲ့ မူးယစ်ဂိုဏ်းတွေကို အုပ်စိုးဖို့အတွက် ကင်းပင်ကြီးဖြစ်ဖို့ ပင်ဂွန်းတစ်ယောက်ကြိုးစားပါတော့တယ်... ပင်ဂွန်းအဖြစ် the batman ထဲကအတိုင်းပဲ မင်းသားကြီး Colin Farrell က ဆက်လက်သရုပ်ဆောင်ထားပြီး ဆိုဖီယာဖယ်ကွန်းအဖြစ် How I Met Your Mother ဇာတ်လမ်းတွဲက Cristin Militoi ပါဝင်ထားပါတယ် (အညွန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ်) File size…(3 GB) / (1 GB)/(451 MB) Quality….Webrip 4K HEVC/ 1080p / 720p Format…mp4 Duration….01:00:00 Genre... Drama, Crime Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

လန်ဒန်မြိုက အထင်ကရသတင်းစာတိုက်ကြီးမှာ ပြဇာတ်ဝေဖန်ရေးမှူး အနေနဲ့ သုံးသပ်ချက်တွေရေးရတဲ့ ဂျင်မီ အက်စကင် ဒီလူက သူ့ရဲ့စံချိန် စံနှုန်းတွေနဲ့ မကိုက်ညီဘူးလိုယူဆတဲ့ ပြဇာတ်တွေ၊ သရုပ်ဆောင်တွေကိုဆို ပိုးစိုးပက်စက် ဝေဖန်ရေးသားတတ်တာကြောင့် လူသိများပါတယ်။ အဖေဖြစ်သူ ဆုံးပါးသွားလို သတင်းစာတိုက်ပိုင်ရှင်ဖြစ်လာတဲ့ ဒေးဗစ်ဘရွတ်ခ်က သူ့ကို ပျစ်ပျစ်နှစ်နှစ်ရေးသားတာတွေ လျှော့ဖိုပြောပေမဲ့လည်း အချည်းနှီးပါပဲ... သတင်းစာတိုက်ပိုင်ရှင် ပြောင်းသွားတာနဲ့အမျှ ပြောင်းလဲလာတဲ့ စည်းမျဉ်းစည်းကမ်းတွေကို ဘဝင်မကျဖြစ်နေတဲ့ ဂျင်မီ အက်စကင် တစ်ယောက် တစ်နေ့တော့ သူ့ရဲ့အတွင်းရေးမှူးတစ်ဖြစ်လဲ ချစ်သူလိုပါ ပြောရမယ့် တွမ် တန်နာနဲ့အတူ လိင်တူနှစ်သက်မှုနဲ့ ဖမ်းဆီးခံရပါ တော့တယ်။ နဂိုကတည်းက သတင်းစာတိုက်နာမည်ပျက်မှာကို မလိုလားတဲ့ ဒေးဗစ်ဘရွတ်ခ်က ရဲဖမ်းခံရတဲ့ ဂျင်မီကို အလုပ်နားခိုင်းလိုက်တဲ့အခါ... ဒါကိုမကျေနပ်တဲ့ ဂျင်မီတစ်ယောက် ဘယ်သူတွေကိုအသုံးချပြီး ဒေးဗစ်ဘရွတ်ခ်ကို လက်တုံပြန်ဖိုကြိုးစားမလဲ...... ဒီကြိုးစားမှုကနေ ဘယ်သူတွေနစ်နာပြီး ဘယ်လိုအကျိုးဆက်တွေ ဖြစ်ပေါ်လာမလဲဆိုတာကို The Critic ရုပ်ရှင်ကားမှာ ကြည့်ရှုရမှာ ဖြစ်ပါတယ်....... File size… (1.06GB ) / (620MB) Quality…WEB-DL 1080p HEVC / 720p Format…mkv / mp4 Duration….1h 41m Genre …..Crime , Drama , Mystery , Thriller Subtitle….Myanmar Subtitle (Hard Sub) Encoder….Min Wai Translated by Chothet_mlmt

Brad Anderson ရိုက်ကူးထားပြီ စိတ်လှုပ်ရှားဖို့ကောင်းတဲ့ ရဲစုံထောက်ဇာတ်ကားဖြစ်ပါတယ်။ Joel Kinnaman သည် ရဲအရာရှိ Frank Shaw အဖြစ် သရုပ်ဆောင်ထားပြီး၊ နားမကြားနိုင်တော့တဲ့ ဘဝသစ်တစ်ခုကို ရင်ဆိုင်ရင်း သက်သေတစ်ယောက်ဖြစ်တဲ့ Ava (Sandra Mae Frank) ကို ကာကွယ်ဖို့ ကြိုးပမ်းပါတော့တယ်။ ဒီဇာတ်လမ်းက အခက်အခဲများစွာနှင့် မသန်စွမ်းသူတွေရဲ့စွမ်းအားကို ထုတ်ဖော်ပြသထားပြီး စိတ်လှုပ်ရှားစရာဇာတ်လမ်းအနေနဲ့လည်း ရှုစားရမှာဖြစ်ပါတယ်။ Mark Strong လည်း အဓိက ပါဝင်သရုပ်ဆောင်ထားပြီး၊ မသန်စွမ်းတွေအပေါ် မှာ မကောင်းတာတွေ မရိုးသားမှု့တွေကို ရင်ခုန်စိတ်လှုပ်ရှာဖွယ် ခံစားရမှာဖြစ်ပါတယ်။ အားလုံးမြင်ဖူးနေကြ မဟုတ်တဲ့ ဇာတ်ကားတစ်ခုကိုကြည့်ချင်တယ်ဆိုရင်တော့ ဒီကားကို ကြည့်ဖို့တိုက်တွန်းလိုက်ပါတယ်ခင်ဗျာ File size…(1.1 GB)/(724 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Crime, Thriller, Action  Subtitle….Myanmar Subtitle (Hardsub) Encoder….Swan Min Htet Translated by Banyar Aung

ဒီရုပ်ရှင်ကတော ဂျေလို ခေါင်းဆောင်ပါဝင်ထားတဲ့ သိပ္ပံ စိတ်ကူးယဉ် စွန့်စားခန်း ရုပ်ရှင်အသစ်ပါ။ ဒါရိုက်တာကတော့ San Andreas တို့ Rampage တို့ရဲ့ ဖန်တီးရှင် Brad Peyton ပါပဲ။ ဇာတ်လမ်းအကျဉ်း လူသားတွေ တီထွင်ခဲ့တဲ့ စက်အသိဉာဏ် အေအိုင်တွေထဲက ဟာလန်ဆိုတဲ့ စက်ရုပ်တစ်ရုပ်က ဉာဏ်အလင်းပွင့်သွားပြီး ကမ္ဘာကို ဒုက္ခပေးနေတဲ့ လူသားတွေကို မျိုးတုံးအောင်လုပ်ဖို့ ကြံစည်ပါတော့တယ်။ ဒါပေမဲ့ အေအိုင်စက်ရုပ် အင်အားက နည်းသေးလို့ စစ်ရှုံးပြီး အခြားကမ္ဘာကို ထွက်ပြေးသွားရတယ်။ နှစ်ပေါင်းများစွာကြာတဲ့အထိ ဟာလန်ကို ရှာနေကြပြီးနောက်မှာတော့ အက်တလက်ဆိုတဲ့ ဟာလန်ရဲ့ ငယ်သူငယ်ချင်း မိန်းကလေးက တည်နေရာကိုတွေ့သွားပြီး အထူးတပ် ရိမ်းဂျားတွေက ဟာလန်ကို ဖမ်းဆီးဖို စစ်ဆင်ရေးထွက်လာကြပါတယ်။ အဲဒီခရီးမှာ အက်တလက်လည်း ပါလာပြီး ဟာလန်ရဲ့ဂြိုလ်ကို ရောက်ရောက်ချင်း ဆီးပြီး တိုက်ခိုက်ခံရတဲ့အခါ အသက်ရှင်ဖို့ကြိုးစားရင်း ဟာလန်ကိုလည်းနှိမ်နင်းဖို့ ကြိုးစားရပါတော့တယ်။ ဇာတ်လမ်းကောင်းကောင်း ရိုက်ချက်ကောင်းကောင်းနဲ့ သိပ္ပံကားကြိုက်သူတွေ ကြည့်သင့်တဲ့ ရုပ်ရှင်အမျိုးအစားပါပဲ။ File size…(1.96 GB)/(1 GB ) Quality….1080p / 720p Format…mp4 Duration….02:00:00 Genre...Science Fiction, Action  Subtitle….Myanmar Subtitle (Hardsub) Encoder….Mr. Anderson And Ka Naung Translated by Mr. Anderson

As London is submerged below floodwaters, a woman gives birth to her first child. Days later, she and her baby are forced to leave their home in search of safety. They head north through a newly dangerous country seeking refuge from place to place.

၁၉၇၀ ခုနှစ်ကို နောက်ခံထားတဲ့ ဒီဇာတ်လမ်းမှာ အိုင်းရစ်ရှ် ရာဇဝတ်ပြေး မိုက်ကယ် အိုဟာရာဟာ Irish Republican Army ကို စိတ်ကုန်လာပြီး နေ့စေ့လစေ့ ကိုယ်ဝန်ရှိနေတဲ့ ဇနီးနဲ့အတူ ထွက်ပြေးဖို့ ကြိုးစားနေပါတယ်။ ဒါပေမယ့် အိုင်ယာလန်နယ်စပ်တစ်နေရာမှာ SAS အဖွဲ့က အငိုက်ဝင်ဖမ်းတယ်။ မိုက်ကယ်က လက်မတင်လေး လွတ်သွားပေမယ့် ဇနီးဖြစ်သူကတော့ တင်းမာနေတဲ့ အခြေအနေတွေကြားမှာ မတော်တဆ ကျည်သင့်ပြီး သေဆုံးသွားခဲ့ပါတယ်။ ပစ်ခတ်မှုအတွက် တာဝန်ရှိတဲ့ SAS အရာရှိ ဟင်နရီဟာ စစ်ရာဇဝတ်မှုနဲ့ ရင်ဆိုင်ရပြီး အထက်အရာရှိတွေကိုလည်း အားကိုးလို့မရ ဖြစ်နေတယ်။ အဲဒီအချိန်မှာ ဘယ်ကရောက်လာမှန်းမသိတဲ့ လူတစ်ယောက်က ကမ်းလှမ်းချက်တစ်ခုနဲ့ သူ့ဆီလာပါတယ်။ အလုပ်တစ်ခု လက်ခံလုပ်ပေးရင် ထောင်ဒဏ်က လွတ်မယ့်အပြင် စစ်မှုလည်း ဆက်ထမ်းခွင့်ရမယ်ဆိုတာကြောင့် ဟင်နရီဟာ ဘာအလုပ်မှန်း သေချာမသိဘဲ တာဝန်ကျရာ လန်ဒန်ကို သွားလိုက်တယ်။ တစ်ဖက်မှာ မိုက်ကယ်က ဇနီးအတွက် လက်စားချေဖို့ ဟင်နရီ့နောက်ကို အဆုံးအထိ လိုက်မယ်လို့ ဆုံးဖြတ်ထားပါတယ်။ ဒါကြောင့် စိတ်ကုန်ခဲ့တဲ့ IRA နဲ့ ပြန်ဆက်သွယ်ပြီး လန်ဒန်အထိ လိုက်လာတယ်။ လန်ဒန်လမ်းမတွေပေါ်မှာလည်း IRA ရဲ့ လွှမ်းမိုးမှုက တစ်စထက်တစ်စ ကြီးလာပြီး နောက်ဆက်တွဲဒဏ်တွေကို အိုင်းရစ်ရှ်လူမျိုးတွေ ခံစားနေရပါတယ်။ ဟင်နရီလက်ခံထားတဲ့ အလုပ်က ဘာလဲ၊ အဲဒီအလုပ်နဲ့ လက်စားချေဖို့ လိုက်လာတဲ့ မိုက်ကယ်၊ လန်ဒန်က IRA လှုပ်ရှားမှုတွေ ဘယ်လိုဆက်နွယ်နေမလဲဆိုတာ ဆက်ဖော်ပြထားတဲ့ သည်းထိတ်ရင်ဖိုဇာတ်ကားပါ။

Nick Spitz နဲ့ Audrey Spitz တို့စုံတွဲရဲ့ စုံထောက်လုပ်ငန်းဟာ အလွဲတွေများလွန်းလို့ ဒေဝါလီခံရလုနီးပါး ဖြစ်နေပါတယ်။ အဲဒီအချိန်မှာ ဘီလီယံနာသူငယ်ချင်းဆီက မင်္ဂလာဆောင်ဖိတ်စာ ရလာတော့ ဖိတ်ကြားချက်ကို လက်ခံပြီး ဥရောပကို ခရီးထွက်လာကြတယ်။ ခမ်းနားတဲ့ဧည့်ခံမှုတွေကြား ပျော်နေကြတုန်းမှာပဲ သတို့သားဖြစ်တဲ့ သူဋ္ဌေး ပြန်ပေးဆွဲခံလိုက်ရပါတယ်။ Nick နဲ့ Audrey လည်း စုံထောက်တွေအဖြစ် တရားခံကို ရှာဖို့ သံသယရှိသူတွေကို စစ်ဆေးကြတယ်။ ဒါပေမဲ့ စစ်ဆေးနေတဲ့ သူတို့နှစ်ယောက်ဆီကိုပါ သံသယတွေ ပြန်ရောက်လာတော့ အမှုက ပိုရှုပ်ထွေးသွားပါတယ်။ Adam Sandler နဲ့ Jennifer Aniston တို့ အဓိကသရုပ်ဆောင်ထားပြီး စုံတွဲနှစ်ယောက်ရဲ့ အလွဲတွေကို လျှို့ဝှက်ဆန်းကြယ်တဲ့ မှုခင်းနဲ့ တွဲတင်ဆက်ထားတဲ့ ဟာသဇာတ်ကားပါ။

ရှဇမ်းရဲ့ ဒုတိယမြောက်ရုပ်ရှင်က ပထမကားအဖြစ်အပျက်တွေရဲ့ အဆက်ဖြစ်ပြီး ဒီတစ်ခါမှာတော့ ဂရိနတ်ဘုရားတွေနဲ့ ရင်ဆိုင်ရပါတယ်။ ရှဇမ်းတို့ကို စွမ်းအားပေးခဲ့တဲ့ မှော်တောင်ဝှေးဟာ ဂရိနတ်ဘုရားတွေရဲ့ အစွမ်းတွေကို ခိုးယူထားတဲ့အရာဖြစ်သလို နတ်ဘုရားလောကမှာ မှော်အစွမ်းတွေ မရှိတော့အောင် လုပ်ထားတဲ့အရာလည်း ဖြစ်နေတယ်။ ပထမကားမှာ ဘီလီဘတ်ဆန်က တောင်ဝှေးကို ချိုးပစ်လိုက်ပြီးနောက် နတ်ဘုရားတွေ ကမ္ဘာပေါ် ဆင်းလာနိုင်သွားပါတယ်။ သူတို့ရဲ့အစွမ်းတွေကို ပြန်ယူဖို့ ရောက်လာတဲ့အခါ ရှဇမ်းတို့နဲ့ ထိပ်တိုက်တွေ့ကြတော့တယ်။ လူကြီးရှဇမ်းအဖြစ် Zachary Levi၊ ကလေးဇာတ်ကောင်အဖြစ် Asher Angel နဲ့ စူပါဟီးရိုးဇာတ်ကောင်အဖြစ် Grace Caroline Currey တို့ ပါဝင်ထားပါတယ်။ ပထမကားထက် ဟာသပိုများပြီး မိသားစုအကြောင်းကိုပါ ထည့်ပြောထားတဲ့ ပေါ့ပေါ့ပါးပါး စွန့်စားခန်းဇာတ်ကားပါ။

ခရစ္စတင်းဟာ အလုပ်များတဲ့ ဖက်ရှင်ဒီဇိုင်နာတစ်ယောက်ဖြစ်ပြီး ခင်ပွန်းဖီးလစ်၊ သမီးလေးဘော့ဘ်တို့နဲ့ အတူနေပါတယ်။ အပြင်ကကြည့်ရင် အစစအရာရာ အဆင်ပြေနေသလို ထင်ရပေမယ့် သူ့မှာ စိတ်ကယောင်ကတမ်းဖြစ်ပြီး အရမ်းမေ့တတ်တဲ့ ရောဂါဆန်းတစ်မျိုး ရှိနေတယ်။ သူတို့အိမ်ကို ဒိုင်ယာနာဆိုတဲ့ ဖိလစ်ပိုင်သူ ရောက်လာတဲ့အခါမှာတော့ သံသယဖြစ်စရာ အပြုအမူတွေကို တွေ့လာရပါတယ်။ ဒိုင်ယာနာက ခရစ္စတင်းအတွက် မိတ်ဆွေဖြစ်လာမှာလား၊ ရန်သူလား။ ခရစ္စတင်းရဲ့ ရောဂါဆန်းနဲ့ သူ့ကြားမှာ ဆက်စပ်မှုရှိနေသလားဆိုတာ မသေချာသေးဘဲ ရှေ့မှာ ဘယ်လို မထင်မှတ်တဲ့ ထိတ်လန့်စရာတွေ ကြုံရဦးမလဲဆိုတာကို ဆက်လိုက်ရမယ့် စိတ်ပိုင်းဆိုင်ရာ သည်းထိတ်ရင်ဖိုဇာတ်လမ်းပါ။

လစ်ဒီရာတာဟာ ဘာလင်သံစုံတူရိယာဝိုင်းရဲ့ ဂီတမှူးဖြစ်ပြီး ဂီတလောကမှာ အောင်မြင်ကျော်ကြားသူတစ်ယောက်ပါ။ လူတွေက သူ့နာမည်ထက် “ပါရဂူဂီတမှူး” ဆိုတဲ့ ဂုဏ်ပုဒ်နဲ့ လေးလေးစားစား ခေါ်ကြတယ်။ ဇာတ်လမ်းအစက အင်တာဗျူးမှာ သူ့ရဲ့အောင်မြင်မှုတွေနဲ့အတူ ကိုယ်ရေးကိုယ်တာဘက်မှာရော ဂီတဘက်မှာပါ ထက်မြက်သူတစ်ယောက်အဖြစ် မိတ်ဆက်ထားပါတယ်။ တစ်ရက်မှာ လစ်ဒီရာက ဂျူလီယာ့ဒ်မှာ ဂီတလက်ချာတစ်ခု ပေးတယ်။ ကျောင်းသားတစ်ယောက်ကို ဘာ့ခ်ရဲ့တေးသွားတွေ ကြိုက်သလားလို့ မေးတဲ့အခါ ဘာ့ခ်ရဲ့ကိုယ်ရေးကိုယ်တာကို သဘောမကျလို့ သူ့ဂီတကိုလည်း ခံစားလို့မရဘူးလို့ ပြန်ဖြေပါတယ်။ လစ်ဒီရာကတော့ ဂီတကောင်းမကောင်းကို ဖန်တီးသူရဲ့ဘဝနဲ့ အမှားအပြစ်တွေအပေါ် မူတည်ပြီး မဆုံးဖြတ်ဘဲ ဂီတအဖြစ်ပဲ ခံစားဖို့ တိုက်တွန်းခဲ့တယ်။ ဒါပေမဲ့ အနုပညာနဲ့ ဖန်တီးသူကို ဘယ်အတိုင်းအတာအထိ ခွဲကြည့်နိုင်မလဲ။ ကိုယ်နှစ်သက်တဲ့ ဂီတပညာရှင်က ကိုယ်ကျင့်တရားပျက်ပြားနေရင်၊ ဒါမှမဟုတ် ခွင့်မလွှတ်နိုင်တဲ့ အပြစ်တစ်ခု ကျူးလွန်လာရင် လူထုက ဝိုင်းဝန်းပယ်ဖျက်တဲ့ Cancel Culture ဝင်လာသင့်သလားဆိုတဲ့ မေးခွန်းတွေလည်း ရှိနေပါတယ်။ လစ်ဒီရာရဲ့ ပါရမီနဲ့အောင်မြင်မှုနောက်ကို ကိုယ်ကျင့်တရားက မလိုက်နိုင်တော့ချိန်မှာ သူကြုံရတဲ့ ရုန်းကန်မှုတွေကို အမှားအမှန် တစ်ဖက်သတ်ဆုံးဖြတ်မပေးဘဲ တင်ပြထားပါတယ်။

Season 01/02 ( စ/ဆုံး ) Nine Perfect Strangers (2021-2025) IMDb Rating (7.0) / Rotten Tomatoes (50%) "ဘဝအခက်အခဲတွေနဲ့ ရုန်းကန်နေရတဲ့ လူစိမ်း ၉ ယောက် " "ဒဏ်ရာတိုင်းမှာ ကုစားနည်းရှိသလို၊ လူတိုင်းမှာလည်း မဖော်ပြနိုင်တဲ့ နာကျင်မှုတွေ ရှိနေတတ်ကြတယ်" ဆိုတဲ့ စကားလေးကို ပေါ်လွင်အောင် ရိုက်ကူးတင်ဆက်ထားတဲ့ Nine Perfect Strangers ၊ "Tranquillum House" ဆိုတဲ့ စင်တာတစ်ခုကို လာရောက်ပြီး စိတ်ရောကိုယ်ပါ ကုစားကြဖို့ မျှော်လင့်ထားကြတဲ့ လူစိမ်း ၉ယောက်နဲ့ အဲ့စင်တာကို ဦးဆောင်တဲ့ ထူးဆန်းတဲ့အမျိုးသမီးတစ်ဦးဖြစ်သူ ရုရှားသူလေး မာရှာ.. မာရှာရဲ့ လမ်းညွှန်မှုနဲ့ စိတ်ရောကိုယ်ပါ ပြန်လည်ကုစားဖို့ ကုထုံးတွေကို ခံယူခဲ့ကြပေမဲ့ ဒီကုထုံးတွေက သူတို့မျှော်လင့်ထားတာထက် ပိုထူးဆန်းပြီး ပိုအန္တရာယ်များလာကြတဲ့အခါ.. လူစိမ်း (၉) ယောက်က ဒီစင်တာကို မတူညီတဲ့အခက်အခဲပြဿနာပေါင်းစုံနဲ့ လာရောက်ကြသူတွေဖြစ်ပြီး တစ်ယောက်ချင်းစီမှာ လျှို့ဝှက်ဖုံးကွယ်ထားတဲ့အရာတွေရှိနေကြပါတယ်။ အပိုင်းတိုင်းမှာ တစ်ယောက်ချင်းစီရဲ့ ဖုံးကွယ်ထားတဲ့ လျှို့ဝှက်ချက်တွေ နာကျင်မှုတွေကို ပုံဖော်ရိုက်ကူးထားခြင်း ဖြစ်ပြီး လူတွေရဲ့ စိတ်ခံစားချက်တွေ၊ လူတွေရဲ့ အားနည်းချက်တွေ၊ ပုန်းကွယ်နေတဲ့ နာကျင်မှုဒဏ်ရာတွေ စတဲ့ ခံစားချက်အမျိုးမျိုးကို ပုံဖော်ပေးတဲ့ Series တစ်ခုဖြစ်လို့ ထူးဆန်းထွေလာတွေကို ကြိုက်နှစ်သစ်တဲ့ ပုရိသတ်တွေအနေနဲ့ ကြည့်ရှုသင့်တဲ့ series တစ်ခု ဖြစ်ပါတယ်.. (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size… (3 GB) / (1 GB) / (500 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama, Mystery, Thriller Duration…. 00:50:00 Subtitle…. Myanmar Subtitle (Hardsub) Encoder…. Benjamin Translated by Su Mon

Charlotte (2021) ~ IMDb - 6.4/10, Rotten Tomatoes - 71% ~ Loving Vincent ဆိုတဲ့ အန်နီမေးရှင်းကားကိုမှ ဗန်ဂိုးရဲ့ ပန်းချီဟန်တွေနဲ့ ပေါင်းစပ်ထားတဲ့ ရုပ်ရှင်ကို သိကြမယ်ထင်ပါတယ်။ ဒီရုပ်ရှင်ဟာလည်း ထိုနည်းလည်းကောင်း ရုပ်ရှင်ပါ။ Charlotte လို့ခေါ်တဲ့ ဒုတိယကမ္ဘာစစ်ကာလတုန်းက ဂျာမန်ဂျူးအစပ် ပန်းချီဆရာမလေးရဲ့ ဂျာမန်တွေဒဏ်ကိုခံနေရတဲ့ကြားက မာစတာပိစ်လက်ရာတစ်ခုကို ဖန်တီးတဲ့အကြောင်းကို ရိုက်ပြထားတာပါ။ ကျွန်တော့်လို Loving Vincent ကို အသည်းစွဲကြိုက်တဲ့လူတွေတော့ ဒီရုပ်ရှင်ကိုလည်း သဘောကျကြမှာပါ။ Charlotte ဟာ သူ့မိသားစုရဲ့ ရင်နာစရာဇာတ်ကြောင်းကို ပန်းချီကားတစ်ထောင်ကျော်နဲ့ ပုံဖော်ရေးဆွဲခဲ့ပြီး "ဘဝလေလား ပြဇာတ်လေလား" လို့ ပန်းချီတစ်ထောင်ကျော်လုံးကို တစ်စုတည်းအဖြစ် သတ်မှတ် နာမည်ပေးလိုက်ပါတယ်။ အဲဒီပန်းချီကားစုကို ပထမဆုံး ဂရပ်ဖစ်နိုဗယ်အဖြစ် သတ်မှတ်ခဲ့ကြပါတယ်။ သူဟာ ပျော်စရာတွေထက် ဝေဒနာတွေက အနုပညာပိုစစ်တယ်လို့ ယူဆခဲ့ပြီး သူ့မိသားစုရဲ့ ဝေဒနာတွေကို ပန်းချီကားပေါင်းများစွာနဲ့ ပုံဖော်ခဲ့ပါတယ်။ ဒီပန်းချီတွေကို သူပန်းချီသေချာဆွဲတတ်စ နှောင်းပိုင်းကနေ တစ်သက်လုံးအားထုတ်ရေးဆွဲခဲ့တာပါ။ သူဟာ အသက် ၂၆အထိပဲ နေသွားရပေမယ့် ဒီကာလတိုတိုလေးအတွင်းမှာ ဒီပန်းချီကားပေါင်းများစွာကို မနားမနေအားထုတ်ရေးဆွဲသွားခဲ့တဲ့ အနုပညာရှင်ပါပဲ။ Keira Knightley က Charlotte အဖြစ် အသံသရုပ်ဆောင်ထားပါတယ်။ အနုပညာကိုချစ်ခြင်းဟာ အကောင်းဆုံးဘဝနေနည်းလို့ ဆိုခဲ့ကြပေမဲ့လဲ လက်တွေ့ဘဝမှာ အနုပညာချည်းသက်သက်ကို တွယ်ဖက်ပြီး ရှင်သန်ဖို့သာ အခက်ခဲဆုံးအရာတစ်ခုပါပဲ။ ဒီရုပ်ရှင်ဟာ ပန်းချီအနုပညာကို ချစ်ခဲ့တဲ့ ပန်းချီအနုပညာကို တွယ်ဖက်ခဲ့တဲ့ အမျိုးသမီးပန်းချီဆရာမတစ်ယောက်ရဲ့ ရင်နင့်စရာ ဖြစ်ရပ်မှန်ကို animation အနေနဲ့ အသက်သွင်းထားတဲ့ ရုပ်ရှင်ပါ။ ပန်းချီကိုချစ်တဲ့သူတွေ ကြည့်ကိုကြည့်သင့်တဲ့ ရုပ်ရှင်ဆိုလည်းဟုတ်ပါတယ်။ ရင်နင့်စရာကောင်းအောင် လှပတဲ့ရုပ်ရှင်လို့လည်း တစ်ချို့ကဆိုကြပါတယ်။ ဒီရုပ်ရှင်ဟာ ဟယ်ရီပေါ်တားရဲ့ Narcissa Malfoy, Peaky Blinder ရဲ့ Polly Gray တို့အဖြစ် သရုပ်ဆောင်ခဲ့ပြီး ပရိသတ်အချစ်ကိုရရှိခဲ့တဲ့ Helen McCrory ပါဝင်သရုပ်ဆောင်ခဲ့တဲ့ နောက်ဆုံးရုပ်ရှင်လည်းဟုတ်ပါတယ်။ တိုက်တိုက်ဆိုင်ဆိုင်ပဲ ဒီရုပ်ရှင်နဲ့ဟန်အတော်ဆင်တဲ့ ရုပ်ရှင်ဖြစ်တဲ့ Loving Vincent မှာလည်း Louise Chevalier အဖြစ် အသံသရုပ်ဆောင်ခဲ့သေးပါတယ်။ ကြွေသွားတဲ့ ကြယ်တစ်ပွင့်ရဲ့ နောက်ဆုံးရုပ်ရှင်အနေနဲ့လည်း ခံစားကြရမှာပါ။ ဘဝဟာ လူတိုင်းအတွက် ကောင်းခြင်းတွေပဲ ပေးမနေပါဘူး။ ဘဝဟာ ကိုယ့်ကို အမြဲတမ်းချစ်ပေးမနေပါဘူး။ အရေးကြီးတာကတော့ ကိုယ်က ဘဝကို ချစ်နေဖို့ပါပဲတဲ့။ ဒီရုပ်ရှင်ဟာ ဘယ်လိုအကြောင်းအရာလဲ စာတစ်ကြောင်းနဲ့ ဖော်ပြခိုင်းခဲ့ရင်တော့ ကျွန်တော်ပြောနိုင်တာက... ဒီရုပ်ရှင်ဟာ ကံဆိုးမိုးမှောင်တွေကြားမှာ ဘဝကိုချစ်ရင်း အနုပညာကိုချစ်ရင်း လောကဓံကို အစိမ်းလိုက်ရင်ဆိုင်ရဲခဲ့တဲ့ မိန်းကလေးတစ်ယောက်အကြောင်းပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.3GB, 540MB Quality - 1080p, 720p IMDb Rating - 6.4/10 Format - mp4 Duration - 1H 32Min Genre - Animation Subtitle - Myanmar Subtitle (Hardsub) Translated by WiRa Aung Encoded by Y

ခရူရယ်လာဆိုတဲ့ ဒစ်စနေးရဲ့ နာမည်ကျော် ဗီလိန်ကြီးလာပါပြီ။ ကျတော်တို့ငယ်ငယ်ကတည်းက ခွေးလေးတွေကို လိုက်ဒုက္ခပေးချင်တဲ့ ဒီမိန်းမကြီးကို မြင်တာနဲ့ မုန်းခဲ့တာပါ။ အခုတော့ သူ့နေရာကို အမ်မာကျောက်တုံးလေးက ဝင်ပြီး သရုပ်ဆောင်လိုက်တော့လည်း မုန်းလို့မရတော့ပါဘူး။ မယ်လီဖီးဆန့် ဂျိုလီကို မုန်းလို့မရသလိုပေါ့။ ဒီ Live action အသစ်ကတော့ အတော်ကောင်းတဲ့အထဲမှာ ပါပါတယ်။ ဇာတ်လမ်းဇာတ်ကွက်လည်း အဆင်ပြေတယ်။ ခရူရယ်လာဆိုတဲ့ သူဌေးမကြီးဘယ်လိုဖြစ်လာသလဲဆိုတာကို ကောင်းကောင်းပြထားတာပါပဲ။ ရိုက်ထားတာတွေ ဖက်ရှင်တွေကလည်းအတော်ကိုကောင်းပါတယ်။ ကြည့်ကိုကြည့်သင့်တဲ့ ရုပ်ရှင်ပါပဲ။ ခရူရယ်လာ အကြောင်းကို ပြန်ကြည့်ချင်ရင်တော ့ 101 dalmatians နဲ့ 102 dalmatians ဆိုတဲ့ ရုပ်ရှင်နှစ်ကားရှိပါသေးတယ်။ ဒါကိုလည်း တစ်ခါတည်း တင်ထားပေးပါတယ်။ File size…(2 GB) and (1.4 GB) Quality….Webrip 1080p and 720p Format…mp4 Duration….02:14:00 Subtitle….Myanmar Subtitle (Hardsub) Encoder….Mr.Anderson Translated by Mr.Andreson

ရုပ်ရှင်ကြည့်ရင်း လိုက်ဖမ်းခံနေရတဲ့ မိန်းကလေးက ဘာလို့ ဒေါက်မြင့်ဖိနပ်ကို ချွတ်မပြေးတာလဲ၊ လူဆိုးတွေက မင်းသားကို ဘာလို့ တစ်ယောက်ချင်း အလှည့်ကျ ဝင်တိုက်နေကြတာလဲလို့ တွေးမိဖူးကြမှာပါ။ အရေးကြီးတဲ့အချိန်ရောက်မှ ဖုန်းဘက်ထရီကုန်သွားတာမျိုးလည်း ခဏခဏ တွေ့ရတတ်တယ်။ အချစ်ကားတွေမှာ တစ်ယောက်ဆီတစ်ယောက် ပြေးလိုက်သွားတဲ့အခန်းတွေ၊ အက်ရှင်ကားတွေမှာ ကားနဲ့လိုက်ဖမ်းတဲ့အခန်းတွေကလည်း ဇာတ်ကားအများအပြားမှာ ပြန်ပြန်ပါလာတတ်ပါတယ်။ Attack of the Hollywood Clichés! က ရုပ်ရှင်တွေထဲမှာ ဖန်တစ်ရာတေနေပြီဖြစ်တဲ့ ဒီလိုအကွက်တွေအကြောင်း ဆွေးနွေးထားတဲ့ မှတ်တမ်းဟာသအစီအစဉ်ပါ။ ရုပ်ရှင်အနုပညာရှင်တွေ၊ ဝေဖန်ရေးဆရာတွေနဲ့ တခြားပါဝင်သူတွေက နာမည်ကျော်ရုပ်ရှင်တွေထဲက နမူနာအခန်းတွေကို ပြန်ကြည့်ပြီး ဝေဖန်ပြောဆိုကြတယ်။ ပရိသတ်တွေ အချင်းချင်း ပြောဖြစ်ကြတဲ့ ရုပ်ရှင်ထဲက အလွဲတွေနဲ့ ထပ်တလဲလဲသုံးနေတဲ့ ဇာတ်ကွက်တွေကို ရုပ်ရှင်လောကသားတွေကိုယ်တိုင် ဟာသနှောပြီး ဆွေးနွေးထားပါတယ်။

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Shazam! (2019) IMDb Rating (7 ) / Rotten Tomatoes (90%) ဒီဟီးရိုးကတော့ မှော်အစွမ်းကို အခြေခံထားတာပါပဲ။ Shazam လို့အော်လိုက်ရင် 14 နှစ်သားကောင်လေးအဖြစ်ကနေ လူကြီးအရွယ် စူပါဟီးရိုးအဖြစ် ပြောင်းလဲသွားပါတယ်။ ဇာတ်လမ်းအကျဉ်းကတော့ မှော်ဆရာအဖွဲ့ကြီးတစ်ခုရဲ့ နောက်ဆုံးကျန်တဲ့ မှော်ဆရာဟာ ကမ္ဘာကြီးကို နတ်ဆိုး ၇ ပါးရန်ကနေ ကာကွယ်ထားရပါတယ်။ သူ့ရဲ့အစွမ်းတွေ အားနည်းလာချိန်မှာတော့ သူ့နေရာကိုဆက်ခံဖို့ စိတ်ထားကောင်းမွန်တဲ့ လူတစ်ယောက်ကို ရှာဖွေရပါတော့တယ်။ ဒီဟီးရိုးကတော့ Justice League သာ ဆက်ထွက်ခဲ့ရင် ပါလာနိုင်တာမို့ သူ့ရဲ့ မူလဇစ်မြစ်ကို ဒီကားမှာ သေချာတွေ့ရမှာပါ။ File size…(11 GB)/ (2.6 GB)/(1.4 GB) Quality…BluRay 4K HEVC /1080p HEVC/720p Format…mkv/mp4 Duration….02:12:00 Subtitle….Myanmar Subtitle (Hardsub) Encoder….Ka Naung Translated by Littleneo

ဒီနှစ် အကယ်ဒမီမှာ ဆုတွေ အများကြီး ဆန်ကာတင်ဝင်ပြီး ၃ ဆုရထားတဲ့ စစ်ကားပါ။ စစ်ကားငတ်နေတဲ့သူတွေတော့ အကြိုက်တွေ့မှာပါ။ ဒီဗွန် တပ်ရင်း-၂ ဟာ ၉မိုင်ကျော် ဆုတ်ခွာသွားတဲ့ ဂျာမန်တွေကို အပြီးသတ်ချေမှုန်းဖို့ လိုက်တိုက်နေပါတယ်။ ဒါပေမယ့် ဒါဟာ ထောင်ချောက်ဆိုတာကို သူတို့ မသိကြရှာပါဘူး။ ဒီနေ့ပြီးလို့ နောက်တစ်နေ့ မနက်မှာ ထိုးစစ်စတာနဲ့ လူပေါင်း ၁၆၀၀ လုံး သေကြရတော့မယ်။ သူတို့ တပ်ရင်းကို တားဖို့အတွက် တိုက်ရိုက်အမိန့်ကို ဌာနချုပ်ကနေ ပို့ဖို့ကြိုးစားတဲ့အခါ လူနည်းလေ မြန်လေမို့ လူ ၂ ယောက်ထဲကိုပဲ လွှတ်လိုက်ရတယ်။ ဒုတပ်ကြပ်ဘလိတ်ခ် နဲ့ စကိုးဖီးတို့ဟာ လူပေါင်း ၁၆၀၀ အသက်ကို ကယ်နိုင်ဖို့ တစ်ရက်အတွင်းမှာ ဂျာမန်ရန်သူ့မြေထဲကို ဖြတ်ဝင်ပြီး တပ်ရင်း-၂ ဆီကို အရောက်သွားဖို့ ကြိုးစားရပါတော့တယ်။ အကောင်းဆုံး စီနီမက်တိုဂရက်ဖီဆု၊ အသံတည်းဖြတ်ဆု နဲ့ အထူးပြုလုပ်ချက်ဆုကို ရထားတဲ့ ရုပ်ရှင်ကို ထိုက်ထိုက်တန်တန် ခံစားကြည့်လိုက်ကြပါဦး။ File Size : ( 2 GB , 1 GB , 308 MB ) Quality : BluRay 1080p 5.1 CH , BluRay 720p Running Time : 1 hr 59 min Format : Mp4 Genre : Drama , War Subtitle : Myanmar Subtitle (Hard Sub) Translated by Little Neo Encoded by Moe Myint Lwin

ဒီဇာတ်ကားလေးကတော့ အက်ရှင်ကားကောင်းလေးပါ နာမည်ကြီး London has fallen တို့လို ဇာတ်ကားလေးတွေကြည့်ဖူးရင်သိကြမှာပါအဲ့လိုအကြမ်းဖက်အက်ရှင်ဆန်ဆန်လေးပါပဲဗျ ဒီထဲမှာတော့ အာရပ် အကြမ်းဖက်သမားတွေက ဗြိတိန်နိုင်ငံက အီရန်သံရုံးကို ဝင်စီးတာဗျ အာရပ်ကော ဗြိတိန်ကော အီရန်သံရုံးကောဆိုတော့ခေါင်းရှုပ်သွားလားတော့ မသိ? အာရပ် တွေကတကယ်တော့အီရန်မှာ မတရားဖမ်းဆီးထားတဲ့အာရပ်တွေကိုပြန်လွှတ်ပေးရေး အာရပ်ဒေသမှာအီရန်ပါရှားတွေရဲ့မတရားဖိနှပ်မှုတွေကို လျော့ချပေးရေးစတဲ့တောင်းဆိုမှုတွေ အတွက် ဗြိတိန်အီရန်သံရုံးက အီရန်လူမျိုးဝန်ထမ်းတွေကိုဓားစာခံဖမ်းပြီး ဗြိတိန်အစိုးကနေတစ်ဆင့်အီရန်ကိုလှမ်းညှိခိုင်းတဲ့သဘောမျိုးပါ သူတို့ကိုယ်တိုင်ကအင်အားမကြီးတော့အင်အားကြီးနိုင်ငံဖြစ်တဲ့ဗြိတိန်ကိုကြားဝင်စေ့စပ်ပေးလိုတဲ့ပုံစံမျိုးပါ ဗြိတိန်ကိုနစ်နာစေလိုတဲ့ပုံစံမျိုးတော့မဟုတ်ဘူးပေါ့ ဗြိတိန်က အဲ့တော့ကိုယ့်နိုင်ငံထဲဖြစ်တာဆိုတော့လဲအရှုပ်တော်ပုံထဲဝင်ရှင်းပေးရတော့တာပေါ့ ဇာတ်ကားTITLE ပေးထားတဲ့အတိုင်း6ရက်အတွင်းဘယ်လို ဖြေရှင်းကြမလဲဆိုတာကတော့ ..... ဘာသာပြန် အညွန်းကတော့ Pyae Xein Sett ပါ Qty - Web-dl 720p Duration - 1hr 32min Subtitle - Myanmar Hardsub Format - Mp4(×264) Translator - Pyae Xein Sett Encoder - Kyaw Ye Aung

Kingsman: The Golden Circle (2017) IMDb Rating (7.7) / Rotten Tomatoes (51 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman: The Golden Circle (2017) ရုပ်ရှင်ကိုတော့ Kingsman: The Secret Service(2014) ရဲ့အဆက်အဖြစ်တင်ဆက်ထားပြီး ပထမကားက သရုပ်ဆောင်တွေ ဗီလိန်တွေကိုပါချိတ်ဆက်ထားပါတယ်။ File size…(8.4 GB)/(2.8 GB )/(1.9 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Translated by Thura & Arkar

IMDb - 7.2/10 Rotten - 64% The Siege of Jadotville "ကျုပ်အထင်ကတော့ ကျုပ်တို့ ငြိမ်းချမ်းရေးထိန်းသိမ်းဖို့လာခဲ့တဲ့ တပတ်မပြည့်ခင်ဘဲ ကျုပ်တို့တစ်တပ်လုံးသေတော့မယ်ထင်တာဘဲဗျို့" ဒုတိယ ကမ္ဘာစစ်ကြီး ပြီးဆုံးသွားခဲ့ပြီ။ ရာစုနှစ်တစ်ခုရဲ့ တစ်ဝက်မကျိုးခင်မှာဘဲ လူသန်းပေါင်းများစွာဟာ ကမ္ဘာစစ်နှစ်ခုနဲ့အတူ ချုပ်ငြိမ်းသွားခဲ့ကြပါပြီ။ ဒုတိယ ကမ္ဘာစစ်ကြီးပြီးပြီး ၅၂ ရက်တိတိ အကြာမှာ အနာဂတ်မှာ ကမ္ဘာစစ်တွေကို ကြိုတင်ကာကွယ်ဖို့ ရည်ရွယ်ချက်နဲ့အတူ ကုလသမဂ္ဂ အဖွဲ့အစည်းအကြီးကို ဖွဲ့စည်းခဲ့ကြပါတယ်။ ဒီလို ဒုတိယကမ္ဘာစစ်ကြီး ပြီးဆုံးမှုနဲ့အတူ စစ်တွင်းကတည်းက ဒါမှမဟုတ် စစ်ကြီးမတိုင်ခင်ကတည်းက ကိုလိုနီလက်အောက်ကျရောက်ခဲ့တဲ့ တိုင်းပြည်တွေဟာလည်း ကိုလိုနီနိုင်ငံ အဖြစ်ကနေ လွတ်မြောက်ဖို့အတွက် အဖက်ဖက်ကနေ ကြိုးစားနေကြပါတယ်။ စစ်ကြီးပြီးဆုံးပြီး ၁၅ နှစ်နည်းပါးကြာမြင့်လာသည့်တိုင် ကမ္ဘာကြီးရဲ့ တချို့နေရာတွေဟာ စစ်တွင်းမှာဘဲ ဆုံးဆုံးနှစ်လို့ ကောင်းနေပါသေးတယ်။ အမေရိကတိုက်မှာဆိုရင် ကျူးဘားတော်လှန်ရေးကြီးဟာ ၁၉၆၀ အတွင်းမှာ မြိုင်မြိုင်ဆိုင်ဆိုင်အားကောင်းလာခဲ့ပြီး မတည်ငြိမ်မှုတွေဟာ ဒေသတွင်းမှာ ပိုတိုးလာခဲ့တယ်။ တဖက်တဖက်နဲ့ ပိတ်ဆို့မှုတွေ တိုက်ပွဲတွေနဲ့အတူ အကျည်းတန်စရာတွေ ပိုဖြစ်လို့ ဖြစ်နေဆဲပါဘဲ။ ဥရောပဘက်မှာဆိုလည်း ဆိုဗီယက်နဲ့ အမေရိကန်တို့ကြား ဘာလင်သဘောတူညီချက် ဖောက်ဖျက်မှုတွေကြောင့် စစ်အေးကာလဟာ မတည်မငြိမ်ဖြစ်မှုတွေနဲ့အတူ ၁၉၆၁ ထဲမှာ ဘာလင်တံတိုင်းကြီးဖြစ်ဖို့အရေး ဦးတည်လာခဲ့ပြန်တယ်။ အာရှတိုက်ကိုကြည့်ပြန်တော့လည်း ၁၉၅၅ ကတည်းကစခဲ့တဲ့ ဗီယက်နမ်စစ်ပွဲကြီးဟာ ၁၉၆၀ တွင်းလည်းရောက်ရော တဖက်နဲ့တဖက် အသေအပျောက်ဟာ များသထက်များလာပြီး ပိုဆိုးတဲ့ဖက်ကိုဘဲ ဦးတည်လာတာတွေ့ရတယ်။ ဒီလိုဖြစ်ရပ်တွေကိုတားမြစ်ဖို့ဆိုတဲ့ ရည်ရွယ်ချက်နဲ့ဖွဲ့စည်းခဲ့တဲ့ ကုလသမဂ္ဂအဖွဲ့အစည်းကြီးဟာ ဒီဖြစ်ရပ်တွေမှာ ဘာမှလုပ်ခွင့်မရ ပြောခွင့်မရ တားစီးခွင့်မရခဲ့တာကြောင့် ကုလသမဂ္ဂဆိုတဲ့ ဂုဏ်ပုဒ်ဟာလည်း တဖြေးဖြေး မှေးမှိန်လာပါတော့တယ်။ ဒီအချိန်မှာ အာဖရိက အလယ်ပိုင်းနိုင်ငံ တစ်နိုင်ငံဖြစ်တဲ့ ကွန်ဂိုနိုင်ငံဟာ သူတို့ရဲ့ နယ်ချဲ့ဖြစ်တဲ့ ဘယ်လ်ဂျီယမ်ကို အောင်အောင်မြင်မြင်နဲ့တိုက်ထုတ်လိုက်နိုင်ခဲ့တယ်။ ဘာမှပြင်ဆင်မှုမရှိခဲ့တဲ့ ကွန်ဂိုအစိုးရကို ကူညီဖို့ရာ ကုလသမဂ္ဂဟာ ကွန်ဂိုနိုင်ငံ အယ်လိဇဘသ်ဗိလ် လို့ခေါ်တဲ့ဒေသမှာ ရုံးချုပ်ဆောက်ပြီး အဖက်ဖက်က ကူညီခဲ့ပါတယ်။ ဒါပေမယ့် ကွန်ဂိုဟာ သဘာဝတွင်းထွက်ပစ္စည်းတွေ ကြွယ်ဝလွန်းတဲ့နိုင်ငံတစ်ခုလည်းဖြစ်တယ်။ ဥပမာပြောရရင်တော့ အမေရိကန်နိုင်ငံဖက်ကနေ ဂျပန်နိုင်ငံရဲ့ မြို့တွေဖြစ်တဲ့ ဟီရိုးရှီးမားနဲ့ နာဂါဆာကီမြို့ပေါ်ဖြစ်ချခဲ့တဲ့ Atomic Bomb တွေဟာ ကွန်ဂိုနိုင်ငံထွက် ပစ္စည်းတွေနဲ့ပြုလုပ်ခဲ့တာဖြစ်တယ်။ ဒါကြောင့်လည်း ကွန်ဂိုရဲ့ သယံဇာတတွေဟာ အင်အားကြီးနိုင်ငံတွေရဲ့ မျက်စပစ်ခြင်းကို ခံရပါတယ်။ အထူးသဖြင့် ကတန်ဂါဆိုတဲ့မြို့ဟာ ကွန်ဂိုရဲ့ သယံဇာတတွင်းကြီးတွေ စုနေတဲ့မြို့လို့တောင်ဆိုကြပါတယ်။ လွတ်လပ်ရေးအသစ်စက်စက်ရထားတဲ့ ဒီအာဖရိကတိုက်ထဲက နိုင်ငံလေးဟာ မတည်မငြိမ်ဖြစ်မှုတွေနဲ့အတူ ပြင်သစ်လို နိုင်ငံကြီးတွေရဲ့ သယံဇာတရယူရေးစီမံကိန်းတွေမှာ အနှောင့်အယှက်ဖြစ်မယ်လို့ထင်ရတဲ့ အစိုးရအာဏာရှိတွေဟာ သတ်ဖြတ်ခြင်း ပြန်ပေးဆွဲခြင်း ခြိမ်းခြောက်ခြင်းတွေခံရပါတယ်။ ကတန်ဂါမြို့ရဲ့ဝန်ကြီးလည်း သတ်ဖြတ်တာခံလိုက်ရပါတော့တယ်။ ဒီနောက်မှတော့ အနောက်နိုင်ငံကြီးတွေရဲ့ ကျောထောက်နောက်ခံရထားတဲ့ အာဏာရူး Tshombe (တီရှောမ်ဘေ)ဟာ ကတန်ဂါအတွက် တာဝန်ရှိသူဖြစ်လာပြီး သူဟာ ကတန်ဂါမြို့ကို ကွန်ဂိုကနေ ကွဲထွက်ဖို့ကို အထူးကြိုးစားလာပါတော့တယ်။ တချိန်တည်းမှာဘဲ ကတန်ဂါမြို့ရဲ့ သယံဇာတ တူးယူတဲ့လုပ်ငန်းတွေဟာလည်း တွင်တွင်ကျယ်ကျယ်ဖြစ်လာပြီး တချိန်တည်းမှာဘဲ ဒါတွေကို လုံခြုံရေးအတွက် ပြင်သစ် ကြေးစားစစ်သား ၁၀၀၀ ကျော်ဟာလည်း ကတန်ဂါမြို့အနှံ့ ကိုယ်စီနေရာယူထားပါတော့တယ်။ ဒီလိုပြသာနာတွေအပြင် ကတန်ဂါခွဲထွက်ရေးအတွက်ကြောင့်ပါ လောလောလတ်လတ် လွတ်လပ်ရေးရထားတဲ့ ကွန်ဂိုနိုင်ငံဟာ ပြည်တွင်းစစ်ကြီးဖြစ်ဖို့ ဦးတည်လာပါတယ်။ ကျူးဘား ဗီယက်နမ်နဲ့ဘာလင်တို့မှာ မျက်နှာမရခဲ့တဲ့ ကုလသမဂ္ဂဟာ ဒီကွန်ဂိုအရေးကိုတော့ အထူးအလေးပေးကိုင်တွယ်လာခဲ့ပြီး ငြိမ်းချမ်းမှုထိန်းသိမ်းရေးစစ်တပ်ကိုပါ စေလွှတ်ဖို့အထိ ပြင်ဆင်လိုက်ပါတယ်။ ဒီလောက်သိထားရင်တော့ ဇာတ်ကားစကြည့်လို့ရပါပြီ။ ဒီဇာတ်ကားဟာ ဒီကနေစပါတယ်။ ငြိမ်းချမ်းမှုထိန်းသိမ်းရေးတပ်ကို စေလွှတ်မယ်ဆို ဘယ်နိုင်ငံရဲ့တပ်ကိုစေလွှတ်မလဲလို့ စဉ်းစားရာမှာ အခုထိ ကိုယ်တိုင်လည်းနယ်ချဲ့လက်အောက်မကျဖူးတဲ့အပြင် ဘယ်သူကိုမှလည်း နယ်မချဲ့ဖူးတဲ့ အိုင်ယာလန်နိုင်ငံကိုရေ ကွင်လန်ကိုယ်တိုင်လည်း တိုက်ပွဲနဲ့ပက်သက်လာရင် တကယ့် အတွေ့အကြုံမရှိတဲ့သူတစ်ယောက်ဖြစ်ပြီး နည်းစနစ်ပိုင်းတွေမှာသာ ကျေလည်နေခဲ့သူတစ်ယောက်ဖြစ်တယ်။ သူဟာ လွန်ခဲ့တဲ့နှစ်ရာပေါင်းများစွာကဖြစ်ခဲ့တဲ့ စစ်ပွဲတွေနဲ့ပက်သက်တဲ့ နည်းစနစ်တွေကအစ သိတဲ့လူလို့ လူသိများပါတယ်။ ဒီလိုနဲ့ အတွေ့အကြုံမဲ့စစ်သား ၁၅၇ ယောက်တိတိနဲ့ဖွဲ့ထားတဲ့ ငြိမ်းချမ်းမှုထိန်းသိမ်းရေးတပ်ဖွဲ့ကြီးဟာ ဂျာဒေါ့ဗိလ်ဒေသကို ရောက်ပါပြီ။ ဂျာဒေါ့ဗိလ်ဟာ တကယ့် ကုလသမဂ္ဂရုံးစိုက်ရာ အဲလိစဗသ်ဗိလ်နဲ့လည်း မိုင်ပေါင်းများစွာဝေးတဲ့အရပ်လည်းဖြစ်တယ်။ နောက်တစ်ခုက ကြေးစားစစ်သားတွေ ပေါများလွန်းတဲ့ဒေသတစ်ခုလည်းဖြစ်ပြန်တယ်။ ဇာတ်ကားရဲ့ဇာတ်လမ်းဟာ ဒီ ငြိမ်းချမ်းမှုထိန်းသိမ်းရေးစစ်တပ် အိုင်ယာလန်းကနေ စတင်ထွက်ခွာခဲ့တာကနေ ရိုက်ကူးထားပြီး သူတို့တွေ ဂျာဒေါ့ဗိလ်မှာကြုံတွေ့ခဲ့တဲ့စစ်ပွဲတွေ အကြောင်းရေးသားထားတာဖြစ်ပါတယ်။ ဂျာဒေါ့ဗိလ်မှာ ကွန်လန်ဦးဆောင်တဲ့စစ်တပ်ဟာ ဧရာမကွင်းပြင်ကြီးရဲ့ အလယ်တည့်တည့်မှာ ဘေးတံတိုင်းမရှိ အကာအကွယ်မရှိတဲ့အရပ်မှာ နေရာရခဲ့ပြီ ဒါဟာ သူတို့ရဲ့ ကံကြမ္မာဆိုးစတင်ရလည်းဖြစ်တယ်။ ရောက်ပြီး ရက်အနည်းငယ်မှာဘဲ ၁၅၇ ယောက်ဘဲပါတဲ့ စစ်တပ်ကို ကြေးစားစစ်သားတွေရယ် အာဏာရူး တီရှောမ်ဘေရဲ့စစ်သားတွေအပါအဝင် စစ်သားပေါင်း ၃၀၀၀ ကျော်ဟာ ဝိုင်းဝန်းပိတ်စို့လိုက်ကြပြီး ထွက်ပေါက်ပိတ်လိုက်ကြပါတယ်။ ဒါတင်မကသေး လေကြောင်းကနေပါ လက်နက်ရုံ ရိက္ခာရုံအစရှိတဲ့ အဆောက်အအုံတွေပါ ဖျက်စီးပစ်လိုက်ပါတယ်။ ပိတ်စို့မှုဟာ ၅ရက်တိတိကြာမြင့်ခဲ့ပြီး ဒီအတွေ့အကြုံမရှိတဲ့ စစ်သား ၁၅၇ ယောက်ဟာ ကြေးစားစစ်သားပေါင်း ၃၀၀၀ ကျော်နဲ့ ၅ရက်တာ ကာလအတွင်း စစ်ပွဲပေါင်း ၄ပွဲထက်မနည်းဖြစ်ပွားခဲ့ပါတယ်။ ဒီအထိကတော့ သာမန်စစ်ပွဲတစ်ခုပါဘဲ။ ဘာများပိုထူးခြားသွားလဲဆိုရင်တော့ ဒီစစ်ပွဲ ၄ပွဲအတွင်းမှာ လေကြောင်းစစ်ကူအပြင် စစ်အင်အား ၃၀၀၀ ကျော်ပါတဲ့စစ်တပ်ဟာ လူ ၃၀၀ ကျော်သေဆုံးခဲ့ပြီး အတွေ့အကြုံမရှိတဲ့ စစ်သား ၁၅၇ ယောက်ဟာတော့ တစ်ယောက်မှ သေဆုံးခဲ့ခြင်းမရှိတာပါဘဲ။ ဗိုလ်မှူးကွင်လန်ဟာ ရှိတဲ့လူနဲ့ ရှိတဲ့လက်နက်နဲ့အတူ အကောင်းဆုံးခုခံသွားနိုင်ခဲ့ပြီး သူ့စစ်တပ်မှာ တစ်ယောက်မှ အကျအဆုံးမရှိအောင် ဦးဆောင်သွားနိုင်ခဲ့ပါတယ်။ နောက်ဆုံး ၅ရက်ပြည့်နေ့မှာ ကျည်ဆံမကျန် ရိက္ခာမကျန်တဲ့အခါမှာတော့ ကွင်လန်ဟာ လူအင်အား မမျှလွန်းတဲ့ သူ့စစ်တပ်အတွက် လက်နက်ချခဲ့ပြီး ကွန်ဂိုထောင်ထဲမှာ ၅ပတ်ကျော် နေထိုင်ခဲ့ရပါတယ်။ နောက်ဆုံး ကုလသမဂ္ဂဟာ ကွန်ဂိုတာဝန်ရှိသူတွေနဲ့ ညှိနှိုင်းပြီး ကွင်လန်နဲ့သူ့စစ်တပ်ကို အိုင်ယာလန်ကို ပြန်ခေါ်လာနိုင်ခဲ့ပါတယ်။ အိုင်ယာလန်ရောက်ရောက်ခြင်းမှာဘဲ ကွင်လန်တို့တပ်ဖွဲ့ ရင်ဝကို စောင့်ကန်ခံလိုက်ရပါတော့တယ်။ သူတို့တစ်တွေ လက်နက်ချခဲ့တာဟာ ကုလသမဂ္ဂကို အများအမြင်မှာ ပျော့ညံ့စေခဲ့တာမို့ သူတို့ရဲ့ ဂျာဒေါ့ဗိလ်တိုက်ပွဲတွေဟာ သမိုင်းစာအုပ်တွေကနေ ထုတ်ပယ်ခြင်းခံခဲ့ရပြီး ဆုတံဆိပ် အသိမှတ်ပြုမှု မဆိုထားဘဲ သူတို့အတွေ့အကြုံတွေကိုတောင် ထုတ်ဖော်ပြောခွင့်မရခဲ့ပါဘူး။ ၅ရက်တိုင်တိုင် မိမိထက် အဆ ၂၀ ပိုကြီးတဲ့ ကြေးစားစစ်တပ်ကို အသေအပျောက်မရှိ ခုခံခဲ့တာတွေဟာ အသိမှတ်ပြုခြင်းမခံခဲ့ကြရပါဘူး။ ကွင်တန်ကိုယ်တိုင်လည်း ၁၉၉၇ ခုနှစ် သူသေဆုံးသွားသည့်တိုင် ဒီအဖြစ်အပျက်တွေကို ဘယ်တော့မှ ထုတ်မဖော်ခဲ့ပါဘူး။ နောက်ဆုံး ၂၀၀၅ ရောက်မှသာ သူတို့ရဲ့ စွမ်းဆောင်ရည်တွေကို ဖော်ပြခဲ့ကြပြီး သူရဲကောင်းတွေအဖြစ် သတ်မှတ်ခဲ့ကြတာပါ။ ဒါပေမယ့် အချိန်နှောင်းခဲ့ပြီဆိုသလို အဆ ၂၀ နည်းပါးပိုများတဲ့ စစ်တပ်ကို ခုခံခဲ့တဲ့ အတွေ့အကြုံမဲ့ သူရဲကောင်းတချို့ဟာ လူ့လောကကနေ ထွက်ခွာသွားကြပါပြီ။ ဒီဇာတ်ကားဟာ အမေ့ခံတိုက်ပွဲပုံပြင်တွေထဲက တစ်ခုကို ပြန်လည် အသက်သွင်းရိုက်ကူးထားတာဖြစ်ပါတယ်။ Netflix က ထုတ်လုပ်ရိုက်ကူးခဲ့တာဖြစ်ပြီး ဗိုလ်မှူးကွင်တန်အဖြစ် 50 Shades ဇာတ်ကားတွေနဲ့ နာမည်ကျော်ကြားတဲ့ အိုင်ယာလန်နိုင်ငံသား မင်းသား Jamie Dornan က သရုပ်ဆောင်ထားပါတယ်။ Jamie ဟာ ဒီဇာတ်ရုပ်နဲ့ အထိုင်ကျမြန်ခဲ့ပြီး ဇာတ်ကားနှစ်မြောသွားအောင် အကောင်းဆုံး သရုပ်ဆောင်ပြသွားနိုင်ခဲ့ပါတယ်။ Jamie ကို 50 Shades နဲ့မတူတဲ့ ဇာတ်ရုပ်မှာ ခပ်ပျော့ပျော့မြင်ရမယ်ထင်ရပေမယ့် တကယ်တမ်းမှာတော့ သူ့ရဲ့ မျက်နှာ Transformation တချို့ရယ် တကယ့်ဟန်ပါပါ စကားပြောဟန်တွေကြောင့် သူ့ဟာ ဒီဇာတ်ကားရဲ့ အဓိကနေရာကပါဝင်ပြီး အားဖြင့်နိုင်ခဲ့တယ်။ တခြား ဇာတ်ပို့တွေ ဗီလိန်တွေဟာလည်း သူ့နေရာနဲ့သူပြည့်စုံပါသေးတယ်။ စစ်ကားဖြစ်တာမို့ Set အပြင်အဆင်တွေ CGI တွေအပြင် Battle Scene တွေဟာလည်း အတော်အားကောင်းခဲ့တာ တွေ့ရပြန်တယ်။ နောက်ဆုံးပြောရရင်တော့ Drama ကင်းကင်းနဲ့ စစ်ကားကောင်းကောင်းကို နောက်ခံသမိုင်းပြည့်ပြည့်စုံစုံနဲ့ စစ်ကားကြည့်ချင်သူတွေ စစ်ကားကြိုက်သူတွေအတွက်ကတော့ လုံးဝလက်လွတ်မခံသင့်တဲ့ ဇာတ်ကားပါဘဲ။ (ရာရာ) (ရုပ်ရှင်ဇာတ်ကားအညွှန်းကို  The Silver Screen  မှ ကူးယူဖော်ပြပါသည်...)

Grimsby (2016) ၂၀၁၆ ထွက် စုံထောက် ဟာသကားကို တင်ပေးလိုက်ပါတယ်။ ဇာတ်လမ်းအကျဉ်း ဂရင်းစ်ဘေးမြို့သား အရမ်းချစ်ကြတဲ့ ညီအစ်ကို ၂ ယောက်ဟာ ငယ်စဉ်ကတည်းက ကွဲကွာသွားခဲ့ပါတယ်။ အစ်ကိုကြီးက အပေအတေ ဘောလုံးအားပေးသူ တစ်ယောက်ဖြစ်လာပြီး ညီငယ်ကတော့ MI-6 ရဲ့ လျို့ဝှက်စုံထောက်တစ်ယောက်ဖြစ်လာပါတယ်။ နှစ်ပေါင်း ၃၀ ကြာတဲ့ထိ ညီငယ်ဖြစ်သူကို ရှာဖွေနေတဲ့ အစ်ကိုကြီးဟာ ပါတီပွဲတစ်ခုမှာ စစ်ဆင်ရေးနဲ့ရောက်နေတဲ့ ညီငယ်ကိုပြန်ရှာတွေ့သွားလို့ ဝမ်းသာအားရ နှုတ်ဆက်မိချိန်မှာ အလွဲတွေ ဖြစ်ကုန်ပြီး လူသတ်သမားအစစ်လဲ လွတ်မြောက်သွားစေသလို ဟယ်ရီပေါ်တာမင်းသားကို AIDS ကူးသွားစေတဲ့အပြင် WHO ဥက္ကဌပါ သေဆုံးသွားစေတဲ့အခါမှာတော့ ညီအစ်ကို ၂ ယောက် ကမ္ဘာပတ်ပြေးပြီး သူတို့ အရှုပ်ထုပ်တွေကို ပြန်ရှင်းရပါတော့တယ်။ ဇာတ်လမ်းဟာ လိင်အသားပေးဇာတ်ကားမဟုတ်ပေမဲ့ ညစ်ညမ်းတဲ့ အသုံးအနှုန်းအချို့နဲ့ ပြကွက်အချို့ ပါဝင်နေတာကြောင့် မိသားစုလိုက်ကြည့်ဖို့နဲ့ ကလေးများကြည့်ဖို့ မသင့်တော်ကြောင်း သတိပေးပါတယ်။ File size… (4.9 GB) / (1.7 GB) / (970 MB) Quality… BluRay 4K HEVC / 1080p HEVC / 720p Format… mkv/mp4 Duration….01:23:00 Subtitle…. Myanmar Subtitle (Hardsub)

အယ်လီဇဘတ် ဆလွန်းဟာ အောင်မြင်တဲ့ မဲဆွယ်သူတစ်ယောက်ဖြစ်ပြီး အလုပ်ကို အလွန်အလေးထားသူပါ။ စိတ်ဓာတ်မာကြောသလို ကိုယ်အောင်မြင်ဖို့ဆို ဘယ်သူ့ကိုမှ မငဲ့ညှာတတ်တာကြောင့် နိုင်ငံရေးနယ်ပယ်မှာ သူ့ကို မုန်းတီးသူတွေလည်း မနည်းပါဘူး။ သေနတ်ပစ်ခတ်မှုတွေကို တားဆီးဖို့ သေနတ်ဝယ်ယူခွင့်ကို ထိန်းချုပ်သင့်တယ်လို့ လူအများ ယူဆနေချိန်မှာ ဝယ်သူရဲ့ နောက်ခံအချက်အလက်ကို စိစစ်ပြီး မှတ်တမ်းတင်ထားဖို့ ဥပဒေတစ်ရပ်ကို အမေရိကန်လွှတ်တော်ဆီ တင်သွင်းလာပါတယ်။ ဆလွန်းက အဲဒီဥပဒေကို ထောက်ခံမဲရအောင် မဲဆွယ်ပေးဖို့ တာဝန်ယူလိုက်တယ်။ ဒါပေမဲ့ ဥပဒေကို ဆန့်ကျင်သူတွေက ဆလွန်းရဲ့ ကိုယ်ရေးကိုယ်တာအချက်အလက်တွေကိုပါ အသုံးချပြီး တိုက်ခိုက်လာကြပါတယ်။ ထက်မြက်တဲ့ ဆလွန်းဟာ ဒီတိုက်ခိုက်မှုတွေကို ဘယ်လိုလှည့်ကွက်တွေနဲ့ ပြန်ကိုင်တွယ်မလဲဆိုတာ ဆက်ကြည့်ရမှာပါ။

The Imitation Game (2014) The Imitation Game ဟာ IMDb rating 8.0 အပြင် ဆုပေါင်းများစွာရရှိထားပြီး သမိုင်းစာမျက်နှာတွေကြားမှာ ဆယ်စုနှစ်များစွာကြာအောင် ဖုံးကွယ်ခံထားရတဲ့ အမည်မသိသူရဲကောင်းတစ်ဦးရဲ့ ဘဝဇာတ်ကြောင်းကို ရင်နင့်စရာကောင်းအောင် ပုံဖော်ထားတဲ့ဖြစ်ရပ်မှန် ဇာတ်ကားကောင်းတစ်ကားပဲဖြစ်ပါတယ်..... စစ်ပွဲဆိုတာ သေနတ်ချင်းပစ်တာတင် မဟုတ်ဘဲ "ဦးနှောက်ချင်း တိုက်ပွဲ" လည်း ဖြစ်နိုင်တယ်ဆိုတာကို ဒီကားမှာ တွေ့ရပါလိမ့်မယ်။ နာဇီတွေရဲ့ မဖောက်ထွင်းနိုင်တဲ့လျှို့ဝှက်ကုဒ်တွေကိုချိုးဖျက်ဖို့ အလန်တူရင်းနဲ့ သူ့အဖွဲ့ရဲ့ စက္ကန့်နဲ့အမျှ အပြိုင်လုတိုက်ပွဲဝင်ရပုံတွေက သင့်ကို ရင်တထိတ်ထိတ် ဖြစ်နေစေမှာအမှန်ပါပဲ... လူအများစုနဲ့မတူရင် လူရာမသွင်းတတ်တဲ့ လူ့အဖွဲ့အစည်းကြောင့် အလန်တူရင်းတစ်ယောက် ဘယ်လောက်အထိ အထီးကျန်ခဲ့ရသလဲဆိုတာကိုလည်းတွေ့ရမှာပါ.. Benedict Cumberbatch ရဲ့ သရုပ်ဆောင်ချက်တွေကလည်း အလန်တူရင်းရဲ့ ထက်မြက်မှု၊ ခေါင်းမာမှုနဲ့ စိတ်ဒဏ်ရာတွေကို အသက်ဝင်နေစေပြန်ပါတယ်.... နိုင်ငံအတွက်၊ ကမ္ဘာကြီးအတွက် အလုပ်အကျွေးပြုခဲ့တဲ့ သူရဲကောင်းတစ်ယောက်ဟာ သူ့ရဲ့ ဖြစ်တည်မှုကြောင့်ပဲ လူ့လောကရဲ့ ရက်စက်မှုကို ဘယ်လိုခံစားသွားခဲ့ရသလဲဆိုတာကိုလည်းတွေ့ရမှာပဲဖြစ်ပါတယ်.... ကဲ ဆိုတော့....မဖြစ်မနေကြည့်သင့်တဲ့ဇာတ်ကားလေးပါပဲ.... File size…2.09GB / 888MB Quality… BluRay 1080p/ 720p Format…mp4 Duration….1h 54m Genre ….. Psychological Thriller, War, Biography, Drama Subtitle….Myanmar Subtitle (Hard Sub)

Kingsman: The Secret Service (2014) IMDb Rating (7.7) / Rotten Tomatoes (75 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman:The Secret Service (2014) ရုပ်ရှင်မှာတော့ မင်းသားကြီး Colin Firth,Samuel L.Jackson , Mark Strong , Michael Caine တို့လို ဝါရင့်သရုပ်ဆောင်တွေပါဝင်ပြီး လူငယ်သရုပ်ဆောင် Taron Egerton က အဓိကသရုပ်ဆောင် Kingsman Agent အဖြစ်ပါဝင်ထားပါတယ်။ File size…(6.8 GB)/(2.2 GB )/(1.5 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Ka Naung Translated by Dike Ran

အဓိကဇာတ်ဆောင်အဖြစ် သရုပ်ဆောင်ထားတဲ့ မင်းသားကို အားလုံးပဲ တစ်နေရာမှာရင်းရင်းနီးနီးမြင်ဖူးမှာပါ... Marvelဇာတ်ကောင်တစ်ခုဖြစ်တဲ့ visionနေရာမှာ သရုပ်ဆောင်ထားတဲ့ မင်းသား Paul Bettanyပဲဖြစ်ပါတယ်...။ သူ့ရဲ့ လေသံခပ်အေးအေးနဲ့ သရုပ်ဆောင်ဟန်ကိုဒီမှာလည်းမြင်တွေ့ရမှာပါ...။ ဇာတ်လမ်းအကျဥ်းကတော့ ပင်လယ်ကမ်းခြေမြို့လေး တစ်မြို့မှာ စုံထောက် ညီအစ်ကိုနှစ်ယောက် အမှုတစ်ခုကိုလိုက်ကြတယ်...။ အမှုက ဆယ်ကျော်သက်အရွယ်ကောင်မလေးတစ်ယောက် ဓားဒဏ်ရာတွေနဲ့ ရက်ရက်စက်စက်အသတ်ခံရတဲ့အမှု....။ စုံထောက်နဲ့ တရားခံဆိုတာ ပြေးတမ်းလိုက်တမ်းကစားသလိုပါပဲ... တစ်ခါတလေမှာ ပြေးရင်းလိုက်ရင်းနဲ့ စုံထောက်က တရားခံဖြစ်သွားမိတာမျိုးပါ...။ သို့ပေမဲ့လည်း အမှန်တရားဆိုတာ ဖုံးကွယ်မြှုပ်နှံထားလို့ရတာမျိုးမှမဟုတ်ပဲ...။ ဒီစုံထောက်ညီအစ်ကိုနှစ်ယောက်ကရော အမှုလိုက်ရင်းနဲ့ ထင်မထားမိတာတွေဘာတွေကြုံရမလဲ...။ ဒီလိုဇာတ်အိမ်မျိုးဟာ အဆုံးသတ်မှာ ဘာဖြစ်မလဲဆိုတာ ကြိုတင်မှန်းဆလို့မရနိုင်တာမျိုးမို့ ကိုယ်တိုင်ပဲကြည့်ရှုလိုက်ပါဗျာ...။ File size…1.3 GB / 585 MB Quality…Blu-Ray 1080p / 720p Format…mp4 Duration….1h 32m Genre ….. Crime , Drama , Mystery Subtitle….Myanmar Subtitle (Hard Sub) Encoder….Min Wai Translated by Themes

Zero Dark Thirty (2012) IMDb Rating (7.4) / Rotten Tomatoes (91 %) “အိုစမာ ဘင်လာဒင် ” ဆိုတဲ့ကမ္ဘာကျော် နာမည်ကိုအားလုံးကြားဖူးကြမှာပါ။ ၂၀၀၁ ခုနှစ် စက်တင်ဘာလ ၁၁ ရက်နေ့မှာ အမေရိကန်နိုင်ငံရဲ့ ကမ္ဘာ့ကုန်သွယ်ရေးစင်တာ တာဝါ ၂ ခုကို အယ်လ်ကိုင်းဒါးအကြမ်းဖက်အဖွဲ့က ပြန်ပေးဆွဲထားတဲ့ လေယာဉ်နဲ့ ဝင်တိုက်ခဲ့တာကြောင့် လူ ၃၀၀၀ ကျော် သေဆုံးခဲ့တဲ့ (၉/၁၁) ဖြစ်စဉ်ကို အဓိကကြိုးကိုင်ခဲ့သူတစ်ဦးဖြစ်ပါတယ်။ ဒီဖြစ်ရပ်အပြီးမှာ အိုစမာ ဘင်လာဒင်ဟာ ကမ္ဘာ့အလိုရှိဆုံး အကြမ်းဖက်ခေါင်းဆောင်ဖြစ်လာခဲ့ပါတယ်။ ဒါပေမဲ့လည်း ၉/၁၁ ဖြစ်စဉ်အပြီး ဆယ်စုနှစ်တစ်ခုနီးပါးကြာတဲ့အထိ ဘင်လာဒင်ရဲ့အရိပ်အယောင်ကို အမေရိကန်တွေ ရှာမတွေ့ခဲ့ကြပါဘူး။ ကမ္ဘာ့အကောင်းဆုံးနည်းပညာတွေ ပိုင်ဆိုင်ထားတဲ့ အမေရိကန်ရဲ့လက်ကနေ နှစ်အများကြီးလွတ်အောင် ဘင်လာဒင် ဘယ်လိုပုန်းကွယ်ခဲ့လဲ။ အဲဒီလိုပုန်းကွယ်နေရင်း အယ်လ်ကိုင်းဒါးအဖွဲ့နဲ့ ဘယ်လိုချိတ်ဆက်ပြီး အမေရိကန်ကိုဆက်လက်အထိနာစေတဲ့အကြမ်းဖက်လုပ်ရပ်တွေလုပ်ခဲ့လဲ။ အပုန်းကောင်းသူကြီး အိုစမာ ဘင်လာဒင်ရဲ့ နေရာကို အမေရိကန်တို့ ဆယ်နှစ်ကြာအောင် ဘယ်လို စတေးမှုတွေနဲ့ ဘယ်လိုခက်ခက်ခဲခဲရှာဖွေခဲ့ရပြီး သုတ်သင်ခဲ့ရလဲ ဆိုတာတွေကို ဒီရုပ်ရှင်မှာ အသေးစိတ်ကြည့်ရှုကြရမှာပါ။ ‌Zero Dark Thirty ဆိုတဲ့အဓိပ္ပါယ်ကတော့ သန်းခေါင်ယံကျော်လွန်ပြီး မိနစ် သုံးဆယ်အကြာကို ဆိုလိုတာဖြစ်ပြီး အဲဒီအချိန်အတွင်းမှာ ဘင်လာဒင်ကို အမေရိကန်တို့ သုတ်သင်နိုင်ခဲ့တာလဲဖြစ်ပါတယ်။ ဒီရုပ်ရှင်ကားကြီးက Rating တွေမြင့်ပြီး ကြည့်ရှုသူတိုင်းကြိုက်ကြတဲ့ ဖြစ်ရပ်မှန်အခြေပြုရုပ်ရှင်ကားဖြစ်ပြီး အော်စကာဆုတဆု ရရှိခဲ့သလို အခြားသော ဆုပေးပွဲတွေမှာလဲ ဆုပေါင်း ၈၆ ဆုထိရရှိခဲ့ပါတယ်။ File size…(9.4 GB)/ (3.3 GB )/(1.9 GB) Quality…BluRay  4K HEVC/ 1080p HEVC / 720p Format…mkv/mp4 Duration….02:37:00 Subtitle….Myanmar Subtitle (Hardsub) Encoder….Ka Naung Translated by TMMT

ဂျွန်ကာတာက အမေရိကန်ပြည်တွင်းစစ်မှာ ပါဝင်ခဲ့ဖူးတဲ့ စစ်မှုထမ်းဟောင်းတစ်ယောက်ပါ။ အတိတ်က ဖြစ်ရပ်ဆိုးတစ်ခုကြောင့် အခုတော့ ဘာအပူမှ မရှာဘဲ အေးအေးဆေးဆေးပဲ နေချင်တော့တယ်။ ဒါပေမယ့် သူ့ကို စစ်မှုပြန်ထမ်းခိုင်းရာကနေ သူ့ဘဝကို လုံးဝပြောင်းသွားစေမယ့် အဖြစ်အပျက်တစ်ခုနဲ့ ကြုံရပါတယ်။ တိုက်ပွဲအတွင်း အမေရိကန်တိုင်းရင်းသားတွေရဲ့ လက်က လွတ်ဖို့ ပုန်းအောင်းရင်း ဂူတစ်ခုထဲမှာ ထူးဆန်းတဲ့လူတစ်ယောက်ကို တွေ့တယ်။ အဲဒီလူ ရွတ်နေတဲ့ ဂါထာကို သူပါ လိုက်ရွတ်လိုက်တဲ့အခါ ရုတ်တရက် မေ့မျောသွားပါတော့တယ်။ ပြန်သတိရလာချိန်မှာတော့ သူ မသိတဲ့နေရာတစ်ခုကို ရောက်နေပြီ။ ပတ်ဝန်းကျင်က ထူးဆန်းတဲ့ သတ္တဝါတွေနဲ့ မျိုးနွယ်စုတွေကို တွေ့လာရတော့ ကိုယ်ရောက်နေတာ ကမ္ဘာမြေပေါ် မဟုတ်တော့ဘူးဆိုတာ သိလိုက်ရပါတယ်။ မားစ်ဂြိုဟ်ပေါ် ရောက်လာတဲ့ ကာတာဟာ အဲဒီက မျိုးနွယ်စုတွေအတွက်လည်း ထူးဆန်းတဲ့လူတစ်ယောက် ဖြစ်နေတယ်။ သူတို့ကြားက အရှုပ်အထွေးတွေထဲ ညပ်ပါသွားပြီး ပြဿနာတွေကို ထိပ်တိုက်ရင်ဆိုင်ရတော့မှာပါ။ Andrew Stanton ရိုက်ကူးပြီး Walt Disney က ထုတ်လုပ်ထားတဲ့ ဒီသရုပ်ဆောင်ရုပ်ရှင်မှာ အက်ရှင်ခန်းတွေနဲ့အတူ မားစ်ဂြိုဟ်ရဲ့ ရှုခင်းတွေနဲ့ ထူးခြားတဲ့သတ္တဝါတွေကို ပုံဖော်ထားပါတယ်။ အိမ်ကိုလည်းချစ်၊ ရွှေကိုလည်း မက်တဲ့ ကာတာတစ်ယောက် ကမ္ဘာမြေကို ဘယ်လိုပြန်မလဲ၊ ပြန်ချင်စိတ်ရော ရှိနေဦးမလား။

Tinker Tailor Soldier Spy (2011) IMDb - 7.0/10 Rotten - 83% Tinker Tailor Soldier Spy ဇာတ်ကားကလည်း စပိုင်ဇာတ်ကားတစ်ကားဖြစ်ပါတယ်.. စပိုင်တွေရဲ့ ထုံးစံအတိုင်း လျှို့ဝှက်တယ် အနေအထိုင်ကျစ်လစ်တယ်... သူ့တို့ဟာ တခြားဘက်ကလူဆိုတာကို မသိနိုင်လောက်အောင် လျှို့ဝှက်တတ်ကြတယ်... အရမ်းတော်တဲ့သူတွေနဲ့ဖွဲ့စည်းထားတဲ့ လျှို့ဝှက်အေဂျင်စီတစ်ခုရှိတယ်.... ဒီအေဂျင်စီခေါင်းဆောင်ဟာ သူ့အဖွဲ့ထဲမှာ စပိုင်တစ်ယောက်ပါနေတယ်လို့သံသယရှိနေတယ်... ဒါကြောင့် ခေါင်းဆောင်ဖြစ်သူဟာ  စပိုင်ကိစ္စကိုစုံစမ်းဖို့ သူယုံကြည်ရတဲ့ သူတစ်ယောက်ကို စုံစမ်းဖို့ ဘူတာပက်စ်ကို လွှတ်ခဲ့ပါတယ်။ သို့ပေမယ့် သူလွှတ်လိုက်တဲ့သူဟာ ဘူတာက်စ်မှာ ပစ်သတ်ခံခဲ့ရပါတယ်... စပိုင်တွေရဲ့ နေထိုင်မှုပုံစံတွေနဲ့ အလုပ်တစ်ခုမှာ ယုံကြည်မှုဆိုတာ ဘယ်လိုမျိုးလဲ ကောင်းကောင်းပြထားတဲ့ကားပါ... ဒီကားထဲမှာပါဝင်သရုပ်ဆောင်ထားတဲ့သူတွေက နာမည်ကြီးမင်းသားတွေဖြစ်တဲ့အပြင် IMDb, Rotten ရော အကောင်းဆုံးအနေအထားမှာရှိနေပါတယ်....ကျွန်တော်တို့ရဲ့  doctor strange ကြီးလည်း ပါဝင်ထားပါတယ်... File Size : 3.46GB/ 670MB Quality : Blu-Ray 1080p 5.1 CH/ Blu-Ray 720p Format…mp4 Duration…02:08:00 Genre :  Drama, Mystery, Thriller Subtitle : Myanmar Subtitle (Hard Sub) Translated by Nay Chi Encoded by Tiff

စူပါဟီးရိုး ပရိသတ်ကြီးအတွက် ဒီနေ့တော့ DC ရဲ့ သမိုင်းတစ်လျှောက်မှာ အငြင်းပွားစရာ အဖြစ်ဆုံးနဲ့၊ မင်းသား ရိုင်ယန် ရေးနိုးလ် (Ryan Reynolds) ကိုယ်တိုင်တောင် Deadpool ဇာတ်ကားတွေထဲမှာ အမြဲလှောင်ပြောင်လေ့ရှိတဲ့ "Green Lantern (၂၀၁၁)" ဇာတ်ကားကို ကွာလတီ update လုပ်ပေးထားပါတယ်။ ဇာတ်လမ်းကတော့ စွမ်းရည်မြင့် စမ်းသပ်လေယာဉ်မှူး ဟယ်လ် ဂျော်ဒန် (Hal Jordan) ဟာ ကမ္ဘာပေါ်ကို ပျက်ကျလာတဲ့ ဂြိုဟ်သား Abin Sur ဆီကနေ စွမ်းအားရှင် လက်စွပ်တစ်ကွင်းကို ရရှိရာကနေ စတင်ပါတယ်။ ဒီလက်စွပ်ဟာ စကြဝဠာကို ကာကွယ်စောင့်ရှောက်နေတဲ့ အင်အားကြီး Green Lantern Corps အဖွဲ့ကြီးရဲ့ အမှတ်အသားဖြစ်ပြီး၊ ဟယ်လ် ဟာ ပထမဆုံးသော လူသား Green Lantern အဖြစ် ရွေးချယ်ခံရတာပါ။ အဲဒီနောက်မှာတော့ သူဟာ Oa ဂြိုဟ်ကိုသွားပြီး စွမ်းအားတွေ ထိန်းချုပ်ဖို့ လေ့ကျင့်ရင်း၊ စကြဝဠာကြီးကို ဖျက်ဆီးမယ့် ကြောက်ရွံ့မှုစွမ်းအင် (Fear) နဲ့ ဖွဲ့စည်းထားတဲ့ Parallax ဆိုတဲ့ ဘီလူးကြီးကို ဘယ်လို ရင်ဆိုင်ကာကွယ်မလဲဆိုတာကို ရိုက်ကူးထားတာပါ။ ဒီကားရဲ့ အဆိုးဆုံးနဲ့ ပရိသတ်တွေ အဝေဖန်ဆုံး အချက်ကတော့ CGI (ကွန်ပျူတာ အထူးပြုလုပ်ချက်) ပါပဲ။ အထူးသဖြင့် ဇာတ်ကောင်ရဲ့ ဝတ်စုံကို အထည်နဲ့မချုပ်ဘဲ 100% CGI ကြီး အသုံးပြုထားတာက ကြည့်ရတာ လုံးဝ သဘာဝမကျဘဲ ကာတွန်းဆန်လွန်းနေပါတယ်။ (Deadpool ကားထဲမှာ "ငါ့ဝတ်စုံကို အစိမ်းရောင်ကြီး မလုပ်ပါနဲ့၊ အန်နီမေးရှင်းတွေ မသုံးပါနဲ့" လို့ ပြောတာ ဒါကိုပါပဲ)။ ပြီးတော့ အဓိက ဗီလိန်ဖြစ်တဲ့ Parallax ကိုလည်း ကြောက်စရာကောင်းတဲ့ ပုံစံမျိုးမရဘဲ အာကာသထဲက ရွှံ့တိမ်တိုက်ကြီး (Giant space cloud) တစ်ခုလိုပဲ ဖန်တီးထားတာက တော်တော်လေး စိတ်ပျက်စရာ ကောင်းပါတယ်။ ဒီကားမှာ အဆိုးချည်းပဲတော့ မဟုတ်ပါဘူး။ Sinestro နေရာက သရုပ်ဆောင်တဲ့ Mark Strong ရဲ့ သရုပ်ဆောင်မှုဟာ Comic စာအုပ်ထဲကအတိုင်း လုံးဝ အသက်ဝင်ပြီး ဇာတ်ကားရဲ့ အကောင်းဆုံး အစိတ်အပိုင်း ဖြစ်ခဲ့ပါတယ်။ Oa ဂြိုဟ်ကြီးရဲ့ အပြင်အဆင်နဲ့ Green Lantern Corps ရဲ့ နောက်ခံ သမိုင်းကြောင်း (Lore) တွေကို တင်ဆက်သွားတာကတော့ DC Fan တွေအတွက် ကျေနပ်စရာပါ။ Tomar-Re နဲ့ Kilowog တို့လို အခြား Lantern ဇာတ်ကောင်တွေကိုလည်း သေသေချာချာ ထည့်သွင်းပေးထားပါတယ်။ "Green Lantern (၂၀၁၁)" ဟာ အကောင်းဆုံး စူပါဟီးရိုး ဇာတ်ကားတစ်ကား မဟုတ်တာ သေချာပေမယ့်၊ အားနည်းချက်တွေကို ခွင့်လွှတ်ပြီး ဦးနှောက်စားစရာမလိုဘဲ အပျော်သဘော (Guilty Pleasure) အနေနဲ့ ကြည့်မယ်ဆိုရင်တော့ ကြည့်လို့ကောင်းတဲ့ ဇာတ်ကားတစ်ကားပါ။ DC ရဲ့ Green Lantern စကြာဝဠာကို မြင်ယောင်ကြည့်ဖို့အတွက်တော့ တစ်ခေါက်လောက် ကြည့်ဖူးထားသင့်ပါတယ်။ File size…    2 GB / 1GB Quality… Blu-Ray Extended 1080p / 720p Format… mp4 Duration…. 1h 54m Genre ..... Superhero , Sci-Fi , Action Subtitle…. Myanmar Subtitle (Hard Sub)

ဒီကားလေးကတော့ Oscar ဆုပေါင်းများစွာရခဲ့တဲ့ Director Martin McDonagh ရဲ့ညီဖြစ်သူ ဇာတ်ညွှန်းဆရာ John McDonagh ကပဲ ရေးသားရိုက်ကူးထားတဲ့ action-comedy ဇာတ်လမ်းလေးဖြစ်ပါတယ်။ ဒီကားကတော့ 2012 မှာ IFTA award နဲ့ BAFTA awardတို့ကို ပိုင်ဆိုင်ခဲ့တဲ့ ရုပ်ရှင်တစ်ကားဖြစ်ပါတယ်။ ဇာတ်ဆောင်အနေနဲ့ သရုပ်ဆောင်ခဲ့တာကတော့ Brendan Gleeson ဖြစ်ပြီးတော့ ဇာတ်ညွှန်းဆရာ John McDonagh နောက်အနေနဲ့ ရေးသားတင်ဆက်ထားတဲ့ ရုပ်ရှင် နှစ်ခုမှာ ပါဝင်ခဲ့ပြီးတော့ ဇာတ်ညွှန်းဆရာ Martin McDonagh တင်ဆက်ထားတဲ့ "In Bruges" ထဲမှာလည်းပါဝင်သရုပ်ဆောင်ထားပါသေးတယ်။ ~ ဇာတ်လမ်း အကျဥ်း ~ ဒီကားထဲမှာတော့ Main သရုပ်ဆောင်အနေနဲ့ Brendan Gleeson က ဘယ်အခြေအနေကိုမှအတည်လို့ ရဲစောင့်တစ်ယောက်အနေနဲ့သရုပ်ဖော်ပြထားပါတယ်။ တစ်နေ့မှာ ရဲစောင့်အသစ်ကဌာနကိုရောက်ရှိလာတဲ့နေ့မှာ သူတို့နှစ်ယောက်သား လူသတ်မှုတစ်မှုရဲ့ မှာခင်းကို စုံစမ်းခဲ့ပြီးနောက်ပိုင်း အမည်မသိလူတစ်ယောက်က ဆက်သွယ်သတင်းပေးခဲ့ပါတယ်။ ဘီလီယန်များစွာတန်တဲ့ မူးယစ်ဆေးဝါးကုန်သွယ်ရေး အမှုနှင့်ရောက်ရှိလာသော အထူးအရာရှိနဲ့‌ ဆွေးနွေးနေသောအခါမှာ ရဲစောင့်အသစ်ကဘာအကြောင်းကြောင့်မသိပဲပျောက်ဆုံးသွားပါတယ်။ မူးယစ်ဆေးကို ကုန်ကူးနေတဲ့လူ ၃ယောက်ရဲ့တည်နေရာကို ဆက်လက်စုံစမ်းရာ ဘယ်လိုမျိုးအမှုကို အရာရှိနဲ့ ရဲက ပူးပေါင်းဖြေရှင်းဖော်ထုတ်သွားလဲကိုမြင်တွေ့ရမှာပါ။ File size…(1.4 GB)/(606 MB) Quality….Webrip 1080p / 720p Format…mp4 Duration….01:36:00 Genre...Action, Thriller, Comedy, Crime Subtitle….Myanmar Subtitle (Hardsub) Encoder….Mr. Anderson Translated by Amber Willows

မားကပ်စ်ဟာ နိုင်ငံရဲ့ အဖိုးတန်ဆုတံဆိပ်ဖြစ်တဲ့ ရွှေလင်းယုန်ငှက်ရုပ်တု ပျောက်ဆုံးမှုကြောင့် နာမည်ပျက်ခဲ့ရတဲ့ တပ်မှူးတစ်ယောက်ရဲ့ သားပါ။ ဖခင်ရဲ့ဂုဏ်သိက္ခာကို ပြန်အဖတ်ဆယ်ဖို့ တိုက်ပွဲဝင်နေရာက ဒဏ်ရာရသွားပြီး တပ်ကနေ ထွက်လိုက်ရပါတယ်။ အက်စကာကတော့ မားကပ်စ်ရဲ့အမိန့်ကြောင့် မိသားစုဝင်အားလုံးကို ဆုံးရှုံးခဲ့ရပြီး ကျွန်ဘဝရောက်နေသူပါ။ လူသတ်ပွဲတစ်ပွဲမှာ မားကပ်စ်က အက်စကာ့အသက်ကို ကယ်လိုက်ပြီးနောက် သူတို့နှစ်ယောက်ဟာ လူရိုင်းတွေရဲ့နယ်မြေထဲက လင်းယုန်ငှက်ရုပ်တုကို အတူသွားရှာကြပါတယ်။ အနိုင်ကျင့်သူနဲ့ အနိုင်ကျင့်ခံရသူ၊ သခင်နဲ့ကျွန်ဆိုတဲ့ ဆက်ဆံရေးရှိနေတဲ့ ဒီနှစ်ယောက် ခရီးလမ်းမှာ တစ်ဖန် ရန်သူတွေဖြစ်သွားကြမလား။ Channing Tatum ပါဝင်သရုပ်ဆောင်ထားတဲ့ စွန့်စားခန်းအက်ရှင်ဇာတ်ကားပါ။

ဒီရုပ်ရှင်ကို ဒါရိုက်တာ Peter Weirက နာမည်ကြီး ဝတ္ထု The Way Backရဲ့ စာရေးဆရာ ပိုလန်လူမျိုး reporter Slavomir Rawicz ရဲ့ကိုယ်တွေ့ဖြစ်ရပ်ကိုမှ နောက်ခံဇာတ်ကောင်တွေထပ်ထည့်ပြီး ရိုက်ကူးထားတာပါ။ Jim Sturgess, Colin Farrell, Ed Harris နဲ့ Saoirse Ronan တို့လို နာမည်ကြီးတွေ ဦးဆောင်ပါဝင်ထားပါတယ်။ Oscar nominationကို Best makeup နဲ့ဝင်ခဲ့ပေမယ့် The Wolfmanကို ရှုံးသွားခဲ့ပါတယ်။ ဒုတိယကမ္ဘာစစ်အတွင်း ပိုလန်နိုင်ငံကို ဆိုဗီယက်ကျူးကျော်ထားစဥ်မှာ စစ်အရာရှိငယ် Janusz Wieszczekက ဖမ်းဆီးထိန်းသိမ်းခံရပါတယ်။ဆိုဗီယက်တွေက သူ့ရဲ့အမျိုးသမီးကိုပါ ခေါ်ယူရိုက်နှက်စစ်ဆေးပြီး Januszကို စပိုင်လို့ အမည်တပ်ကာ နိုင်ငံရေးအကျဥ်းသားတွေကို ဖမ်းဆီးပြီး အလုပ်ကြမ်းအတင်းခိုင်းစေတဲ့ စနစ်ဖြစ်တဲ့ Gulagကိုကျင့်သုံးနေတဲ့ Siberiaက campတစ်ခုဆီပို့လိုက်ပါတယ်။ ရာသီဥတုက အင်မတန်အေးပြီး ဆိုးလွန်းတဲ့အထဲ အလုပ်ကြမ်းတွေမနားလုပ်ရပါတယ်။နှင်းကိုက်ဒဏ် ထောင်သားအချင်းချင်း နှိပ်စက်ဒဏ် စတဲ့မျိုးစုံခံရတဲ့အခါမှာ ထွက်ပြေးဖို့စည်းရုံးလူစုကာ နှင်းမုန်တိုင်းထန်တဲ့ တစ်ညကို အခွင့်အကောင်းယူပြီး ထွက်ပြေးလာခဲ့ပါတယ်။ Siberiaကနေ တရုတ်ပြည် တိဗက် ဟိမဝန္တာတောင်တန်းတွေနဲ့ အိန္ဒိယအထိ လွတ်လပ်မှုဆီ မိုင်ပေါင်း ၄၀၀၀ကို ခြေကျင်လျှောက်သွားခဲ့ပါတယ်။ လမ်းခရီးတစ်လျှောက် ကြုံရတဲ့ အခက်အခဲတွေကတော့ ရုပ်ရှင်အရသာပျက်မှာစိုးလို့ မပြောတော့ပါဘူး။နိုင်ငံရေးနောက်ခံ drama/adventure ရုပ်ရှင်ကားကောင်းမို့လို့ မလွတ်တမ်းကြည့်သင့်တဲ့ကားမျိုးဖြစ်ပါတယ်။ File size…(2.1 GB)/(1.1 GB) Quality….Webrip 1080p / 720p Format…mp4 Duration….02:13:00 Genre...Drama, Adventure, History Subtitle….Myanmar Subtitle (Hardsub) Encoder….Mr. Anderson Translated by Hsu Hlyun Ni

ကျွန်တော် အမြဲလိုလို မေးခဲ့တဲ့ မေးခွန်းတစ်ခုကို သူမေးခဲ့တယ်။ Superheroes ရုပ်ရှင်ကားတွေ စာအုပ်တွေထဲက သူရဲကောင်း စူပါဟီးရိုးဆိုသူတွေ တစ်ကယ့်လက်တွေ့ဘဝမှာ ဘာလို့မရှိကြရတာလဲ။ လူတစ်ယောက်က ဦးဆောင်ပြီး ဘာလို့စ မလုပ်ကြတာလဲ။ ဦးဆောင်သူတစ်ယောက်ကို လူသားတွေက စောင့်နေကြတာလား။ ဒါမှမဟုတ် စိတ်ကူးတွေထဲမှာပဲ Batman တို့ Iron Man တို့ကို အားကျပြီး လက်တွေ့ဘဝမှာတော့ မိမိတို့ရဲ့ရိုးရှင်းလှတဲ့ ဘဝမှာပဲ နေ့စဉ်ဘဝကို ဖြတ်သန်းနေကြတာလား။ Kick-Ass ကတော့ လူသားတွေ Superheroes ဇာတ်ကားတွေ အားပေးကြည့်ရှုကြပြီး တစ်ကယ့်အပြင် လက်တွေ့ဘဝမှာတော့ ဘာကြောင့် တစ်ယောက်တစ်လေမှ ဝတ်စုံဝတ် မျက်နှာဖုံးလေးတပ် ကျရာလက်နက်လေးတစ်ခု ဆွဲကိုင်ပြီး လောကကြီးကို မထွက်လာကြတာလဲဆိုတဲ့မေးခွန်းထုတ်ပြီး ဇာတ်လမ်းစခဲ့ပါတယ်။ ကျွန်တော်တို့တွေ Superheroes ရုပ်ရှင်တွေ ကြည့်ကြတယ်။ ဆွေးနွေးကြတယ်။ ရင်ခုန်ကြတယ်။ နှစ်သက်ကြတယ်။ ဒါပေမဲ့ လက်တွေ့ဘဝမှာ ဘယ်သူမှ ဒီလို လုပ်ရပ်မျိုးတွေ မလုပ်ကိုင်ကြဘူးလေ။ ဒီလိုသူရဲကောင်းအလုပ်တွေကို ဘယ်သူကစမလဲ..... ဒါတွေကို သူမေးခဲ့ပြီး သူကိုယ်တိုင် လုပ်ရပ်တွေနဲ့ပြန်ဖြေခဲ့တယ်။ သူဟာလဲ သာမာန်လူငယ်တစ်ယောက်ပါပဲ။ Spiderman လို ပင့်ကူအကိုက်ခံရလို့ မဟုတ်ဘူး။ ဒါပေမဲ့ လူ့လောကရဲ့ မတရားခြင်းတွေရဲ့အကိုက်ခံခဲ့ရတယ်။ ကြီးနိုင်ငယ်ညှင်းတွေ နေရာတိုင်းမှာ ရှိတယ်။ မြို့ထဲက လမ်းကြားတွေမှာ ဒုစရိုက်သမားတွေဟာ ရိုးအတဲ့ လူတစ်ချို့ဆီက ပိုက်ဆံတွေ မတရားတောင်းမယ်။ သတ်ဖြတ်ခြင်းတွေ ရှိမယ်။ အမျိုးသမီးတွေကို လှောင်ပြောင်ရာကစလို့ ကိုယ်ထိလက်ရောက်စော်ကားခြင်းတွေထိ ရှိမယ်။ ဒါတွေကို ရဲဆိုသူတွေက အကုန်လုံးကို မသုတ်သင်နိုင်ကြဘူး။ တစ်ချို့ကို လျစ်လျှူရှုထားတတ်ကြတယ်။ ဒါဆို ဒီအားနည်းတဲ့သူတွေကို ဘယ်သူတွေက ကယ်တင်မှာလဲ။ ဒီလိုနဲ့ Kick Ass ဆိုတဲ့ လူတစ်ယောက် မြို့ထဲကို မသိမသာ ရောက်ရှိလာတော့တယ်။ ဝတ်စုံကို online ကဝယ်တယ်။ လက်နက်ဆိုယုံ တုတ်လေး 2 ချောင်းကို ကျောမှာ သယ်ပြီး ညဘက်ဆို လမ်းမတွေပေါ်မှာ လျှောက်သွားပြီး ကူညီရမယ့်သူတွေကိုတွေ့ရင် ကြောင်ကို လိုက်ရှာပေးရတာကအစ လုပ်ပေးတဲ့ သူမျိုး။ မတရားမှုတွေနဲ့ပြည့်ကျပ်နေတဲ့ လောကကြီးကို မိမိတတ်စွမ်းသလောက် ကယ်တင် ကူညီချင်တဲ့ စိတ်ပေါ့။ လူပုံစံကကြည့်တော့ ငပိန်ငကြောက်လေး ဘာစွမ်းအားမှမရှိတဲ့ hero ဖြစ်နေပေမယ့် လက်မရွံ့လူသတ်သမားတွေကို သူ့ဝတ်စုံလေးဝတ်လိုက်တာနဲ့ မနိုင်မှန်းသိနေတာတောင်အသေခံချတဲ့ လူစားမျိုး ဒဏ်ရာတွေကြောင့် ဆေးရုံမှာအကြာကြီးသတိလစ် ဒဏ်ရာတွေသေလောက်အောင် အမြဲရနေလည်း သူ့ဝတ်စုံလေးဝတ်လိုက်တာနဲ့ အားတွေပြန်ပြည့်လာတာမျိုး Super hero တစ်ယောက်ဖြစ်ဖို့ ပင့်ကူကိုက်စရာ လက်နက်ပစ္စည်းအထောက်အပံ့တွေယူစရာ စွမ်းအားတွေရှိစရာမလိုပါဘူး.... ဝတ်စုံလေးတစ်ခုရယ် လက်နက်တစ်ခုရယ်နဲ့ ကူညီချင်တဲ့စိတ်တစ်ခုရယ်နဲ့ အဲ့ဒီဟီးရိုးကတော့ Kick Ass။ (ရုပ်ရှင်အညွှန်းကို Moe Myint Lwin မှ တင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(7.9 GB)/(2.7 GB)/(1.2 GB) Quality….BluRay 4K HDR/1080p/720p Format…mkv/mp4 Duration….01:57:47 Subtitle….Myanmar Subtitle(Hardsub) Encoder….Ka Naung

ရော်ဘင်လောင်းစတွိုက်ဟာ ဘုရင်ရစ်ချတ်ရဲ့ ခရူးဆိတ်စစ်ပွဲမှာ ပါဝင်တိုက်ခိုက်နေတဲ့ လေးသည်တော်တစ်ယောက်ပါ။ အင်္ဂလန်ကို ပြန်ဖို့ကြိုးစားနေချိန် ပြင်သစ်နဲ့ အင်္ဂလန်ကြားက နိုင်ငံရေးအခြေအနေတွေကြောင့် နော့တင်ဟမ်က ဆာရောဘတ်လော့ဇ်စလေအဖြစ် အယောင်ဆောင်ပြီး ပြန်ရဖို့ အကြောင်းဖန်လာပါတယ်။ အင်္ဂလန်ရောက်လာတဲ့ ရော်ဘင်အတွက် တခြားလူတစ်ယောက်ရဲ့အမည်နဲ့ ဆက်နေရမယ့်အပြင် ရောဘတ်ရဲ့ဇနီးဖြစ်ခဲ့သူ မယ်ရီယွန်နဲ့လည်း ဘယ်လိုဆက်ဖြစ်လာမလဲဆိုတာ ရှိနေပါတယ်။ တစ်ဖက်မှာလည်း ပြင်သစ်ရဲ့ ကျူးကျော်စစ်က နီးကပ်လာပြီး အင်္ဂလန်က ပြည်တွင်းစစ်ဖြစ်လုနီးပါး အခြေအနေကို ရောက်နေတယ်။ ဒီလိုအချိန်မှာ သာမန်လေးသည်တော်တစ်ယောက်က နိုင်ငံကို ကယ်တင်နိုင်ပါ့မလား၊ သူ့ဘဝကနေ ဒဏ္ဍာရီတစ်ခု ဘယ်လိုဖြစ်လာမလဲဆိုတဲ့ အကြောင်းကို ဆက်ပြထားပါတယ်။ Russell Crowe နဲ့ Cate Blanchett တို့ ပါဝင်သရုပ်ဆောင်ထားတဲ့ အက်ရှင်၊ စွန့်စားခန်းနဲ့ ဒရာမာဇာတ်ကားပါ။

Sherlock Holmes (2009) (Only on Bioscope) IMDB : 7.5 Rotten Tomatoes : 7.2 Genre : Action / Thriller / Mystery Sherlock Holmes ကတော့ နာမည်ကြီး ဒါရိုက်တာ Guy Ritchie ရိုက်ကူးထားတဲ့ လူကြိုက်များခဲ့တဲ့ Detective ရုပ်ရှင်တစ်ခုဖြစ်ပါတယ်။ ဒါတင်မကသေးပဲ RDJ နဲ့ Jude Law တို့က အတွဲညီညီသရုပ်ဆောင်ထားတာမလို့ တော်တော်လေးကိုကြည့်လို့ကောင်းပါတယ်။ ဒါတင်မကသေးပဲ နောက်ခံ Score က ဆရာ့ဆရာကြီး Hans Zimmer လက်ရာဆိုတော့ ကိုယ်တိုင် ၁၈၉၀ ခုနှစ်ကိုရောက်သွားသလိုမျိုး ခံစားရမှာဖြစ်ပါတယ်။ Sherlock Holmes (2009) နဲ့ RDJ Golden Globe (Best Actor) ရခဲ့ပြီး Original Score နဲ့ Original Art Director (Academy) ဆု ဇကာတင်ခဲ့တာဆိုတော့ပြောရရင် ထိပ်တန်းအဆင့် ရုပ်ရှင်တစ်ခုလည်းဖြစ်ပါတယ်။ ဇာတ်ညွှန်း လန်ဒန်မြို့ကြီးမှာ မိန်းကလေးငယ်တွေကို ဖမ်းဆီးသ-တ်ဖြတ်ကာ ယဇ်ပူဇော်နေတဲ့ လော့ဒ်ဘလက်ဝုဒ်ကို ရှားလော့နဲ့ သူ့ရဲ့ လက်တွဲဖော် စစ်ပြန်ဒေါက်တာကြီး ဝပ်ဆန်တို့က အချိန်မှီဖမ်းဆီးနိုင်ခဲ့ပါတယ်။ ဘလက်ဝုဒ်ကို ကြိုးမိန့်ပေးခဲ့ပေမဲ့ ဘလက်ဝုဒ်က နောက်ထပ် အသ-တ်ခံရမယ့်လူတွေရှိလာဦးမယ်ဆိုပြီး ရှားလော့ကို သတိပေးခဲ့ပါတယ်။ သိပ်မကြာခင်မှာပဲ ဘလက်ဝုဒ်ကသေရွာကနေ ပြန်ရှင်လာပြီး လန်ဒန်တမြို့လုံး အုန်းအုန်းကျွတ်ကျွတ်ဖြစ်သွားခဲ့ပါတယ်။ နာမည်ကျော် ရှားလော့ဆိုတာ မမြင်ရတဲ့ အမှောင်မှော်ပညာအောက်မှာ ကျရှုံးသွားပြီလား။ သို့လောသို့လော မေးခွန်းတွေက လန်ဒန်တမြို့လုံး ပျံ့နှံ့လာခဲ့ပါတယ်။ ဒါပေမဲ့ ယုတ္တိဗေဒသမား စစ်စစ်ဖြစ်ပြီး သိပ္ပံကလွဲ ကျန်တာကို သိပ်အယုံမကြည်မရှိတဲ့ ရှားလော့ကတော့ ခေါင်းအေးအေးနဲ့ အမှုကို သုံးသပ်ခဲ့ပါတယ်။ ဒီလိုနဲ့ လျှို့ဝှက်ဆန်းကျယ်တဲ့ ဒီအမှုကို သူ့ရဲ့လက်တွဲဖော်ကြီး ဒေါက်တာ ဝပ်ဆန်နဲ့ ဘယ်လိုမျိုးဖော်ထုတ်သွားမလဲဆိုတာကို ခံစားကြည့်လိုက်ကြပါခင်ဗျာ။ ရှာလော့အဖြစ် မင်းသား RDJ ဒေါက်တာဝပ်ဆန်အဖြစ် မင်းသား Jude Law အိုင်ရင်းအဖြစ် မင်းသမီး Rachel McAdams ဘလက်ဝုဒ်အဖြစ် မင်းသား Mark Strong တို့က ပါဝင်သရုပ်ဆောင်ထားပြီး Guy Ritchie က ပုံဖော်ထားကာ နောက်ခံကို Hans Zimmer က တီးခတ်ထားတာမလို့ ဘာပြောကောင်းမလဲ။ ခံစားသာကြည့်လိုက်ကြပါ။ File size…   9 GB / 3.8 GB / 1.2 GB Quality… Blu-ray 4K/ 1080p / 720p Format… mp4 Duration…. 2h 08m Genre ..... Mystery / Action / Thriller Subtitle…. Myanmar Subtitle (Hard Sub)