Mickey Rourke ပါဝင်သော ဇာတ်ကားများ

Bring the Law (2026) ဒက်စ်မွန်လို့ခေါ်တဲ့ ရဲအရာရှိတစ်ယောက်ဟာ ငယ်စဉ်ကတည်းက အရာပိုင်ဖြစ်လာဖို့အတွက် စိတ်ကူးထားခဲ့သူတစ်ယောက်ပါ။ ဒါပေမဲ့ တစ်နေ့မှာ ဒက်စ်ရဲ့ အစ်ကိုရင်းသဖွယ်လို သဘောထားရပြီး အတူရဲအရာရှိဖြစ်သင်တန်းကို တက်ပြီးတော့ ရဲဖြစ်လာခဲ့တဲ့သူဟာ လူဆိုးဂိုဏ်းခေါင်းဆောင်တစ်ယောက်ရဲ့ လက်ချက်ကြောင့်သေသွားရပါတယ်။ ဒီလိုနဲ့ ဒက်စ်ဟာစိတ်ဓာတ်ကျသွားပြီး သူ့ကိုရဲဌာနကနေ အနားပေးဖို့ဖြစ်လာပါတယ်။ ဒါပေမဲ့ ဒက်စ်တစ်ယောက် လက်စားချေချင်စိတ်နဲ့ လက်မှားရောက်မှာကိုစိုးလို့ ရဲဌာနချုပ်က သူ့သူငယ်ချင်းဖြစ်တဲ့ ဌာနမှူးတစ်ယောက်က သူ့ကို မူးယစ်ဂိုဏ်းတစ်ခုကြီးစိုးနေတဲ့ မြို့ငယ်တစ်မြို့ကို ဒုစရိုက်မှုနှိမ်နင်းဖို့အတွက် ပို့လိုက်ပါတယ်။ ဖြစ်ချင်တော့ အဲဒီမြို့မှာ ရဲမှူးလုပ်ခဲ့တဲ့သူဟာ ရာဇဝတ်ဂိုဏ်းခေါင်းဆောင်ရဲ့ လုပ်ကြံသတ်ဖြတ်တာကို လတ်တလောခံထားရတာပါ။ ဒီလိုနဲ့ လူစားထိုးရဲမှူးအနေနဲ့ရောက်သွားတဲ့ အုတ်ကလန်းသား ဒက်စ်ဟာရာဇဝတ်မှုပြည့်နေတဲ့မြို့ကြီးကို ဥပဒေစိုးမိုးမှုအောက်ရောက်အောင်လုပ်ဖို့ ဖြစ်လာပါတော့တယ်။ File size… (1.3 GB) / (700 MB) Quality…. WEB-Rip 1080p HEVC / 720p Format…. mkv/mp4 Genre…. Action, Crime, Thriller Duration…. 01:35:00 Subtitle…. Myanmar Subtitle (Hardsub)

ဂျိတ်နဲ့သူ့အကိုဘရန်တို့ဟာ ငယ်ငယ်ကတည်းမိဘတွေသေဆုံးခဲ့ပြီး အဖွဲ့စည်းတစ်ခုတည်းဝင်ခဲ့တယ် မစ်ရှငိတွေလုပ်ရင် ဂျိတ်ဟာသူ့အကို ဘရန်ကိုမတော်တဆပစ်သတ်မိခဲ့တယ် အဲ့ကတည်းကဂျိတ်ကအဖွဲ့ထဲထွက်ခဲ့ပြီး သေနတ်ဘယ်တော့မှမကိုင်တော့ပါဘူး ဒါမဲ့တစ်နေ့မှာတော့သူ့သူငယ်ချင်းလိုဂန်ကသူ့ဆီ စတစ်ပြားပါတဲ့ အမဲရောင်ဘူးလေးတစ်ဘူးပေးခဲ့ပါတယ် အဲ့အချိန်ကစပြီး သူ့နောက်ကိုဂိုဏ်းတွေကလိုက်ခဲ့ကြပြီး သူထွက်ပြေးနေခဲ့ပါတယ် သူလွတ်မြောက်မလားဖမ်းရမလားဆိုတော့ ကြည်ှရှူခံစားကြည့်လိုက်ကြပါရှင် File size…(1.4 GB)/(749 MB) Quality….Webrip 1080p / 720p Format…mp4 Duration….01:33:00 Genre... Action, Thriller  Subtitle….Myanmar Subtitle (Hardsub) Encoder….Mr. Anderson Translated by Phoo Myat Thwe

Not Another Church Movie (2024) ခင်ဗျားတိုအတွက် ပေါ့ပေါ့ပါးပါးနဲ့ ပြုံးရယ်စေမဲ့ အနုပညာလောကနဲ့ ဥပဒေလောကကိုသရော်ထားတဲ့ အမေရိကန်ဟာသရုပ်ရှင်လေးကို တင်ဆက်ပေးလိုက်ပါတယ်။ ဒီထဲမှာ Jamie Foxxကြီးက ဘုရားသခင်နေရာကနေပါဝင်ထားပြီး နပန်းသမားကြီး Mickey Rourkeကတော့ နတ်ဆိုးနေရာကပါဝင်ထားပါတယ်။ ဟိုပရာဆိုတဲ့ နာမည်ကျော်အမျိုးသမီးတစ်ယောက် talk showတစ်ခုမှာ ပရိသတ်တွေ သူ့ကိုငြီးငွေ့လာကြပြီဆိုတာသိတော့ အမျိုးသမီးတွေကို ခွန်အားပေးနိုင်မဲ့သူကို သူ့ရဲ့ဆက်ခံသူအဖြစ်သတ်မှတ်မယ်လို ကြေငြာလိုက်ပါတယ်။ အဲဒီမှာ ဘုရားသခင်ဆီကို တိုက်ရိုက်ဖုန်းဆက်ပြီး သူ့နေရာဆက်ခံနိုင်မဲ့သူကို ရှာခိုင်းပါတော့တယ်။ ကောင်းကင်ဘုံမှာ တော်ကီလေးဖုတ်လိုက် ဆိုင်ကယ်လျောက်ပတ်စီးလိုက်လုပ်နေတဲ့ ဘုရားသခင် အငြိမ်မနေရတော့ဘဲ ကမ္ဘာမြေပေါ်မှာ ဆက်ခံသူနေရာနဲ့ ထိုက်တန်မဲ့သူလိုက်ရှာရပါတော့တယ်။ အဲဒီမှာပဲ ခွဲစိတ်ဆရာဝန်အစ ရှေ့နေအလယ် ရေပိုက်ပြင်သမားအဆုံးလုပ်တဲ့ ကြိုးစားတဲ့လူငယ်လေး တေလာအယ်ရီကိုသွားတွေ့ပါတော့တယ်။ တေလာတစ်ယောက် ဆက်ခံသူနေရာနဲ့ ကိုက်မကိုက် မစ်ရှင်တွေပေးပါတော့တယ်။ ဒီမှာပဲ နတ်ဆိုးကလည်း ဘုရားသခင်ရဲ့ဆန္ဒကို ကဖျက်ကယက်လိုက်လုပ်ရင်း အပျော်သဘောနဲ့ ဟာသနှောရိုက်ကူးထားတာကို ကြည့်ရှုကြရမှာပါ။ (အညွှန်းနဲ့ဘာသာပြန်ကတော့ aungmo3han ဖြစ်ပါတယ်) Genre..... Comedy Quality…. 1080p WEB-DL | 720p WEB-DL File size… 1.6GB |897MB Format… mp4 Duration…. 1h 31min Subtitle…. Myanmar Subtitle (Hardsub) Translator ..... aungmo3han  Encoder ..... Aaron

The Palace (2023) Black Comedy ဇာတ်ကားလေးပါ။ ရုပ်ရှင်ဝေဖန်ရေးဆရာကြီးတွေက ပျစ်ပျစ်နှစ်နှစ်ဝေဖန်တာ ခံထားရပြီး Box Office မှာလည်း ခွက်ခွက်လန်အောင် ရှုံးခဲ့တဲ့ဇာတ်ကားပါ။ ဒါပေမဲ့ ဒါရိုက်တာက ရုပ်ရှင်လောကမှာ ပါရာမောင့်ရုပ်ရှင်ထုတ်လုပ်ရေးရဲ့ ရွှေဥကြီးတစ်လုံးဖြစ်တဲ့ Rosemary's Baby ဇာတ်ကားကို မွေးထုတ်ပေးခဲ့သူ Roman Polanski ပဲဖြစ်ပါတယ်။ China Town, Macbeth, The Pianist, Oliver Twist တို့လို ဇာတ်ကားကောင်းတွေကို မွေးထုတ်ပေးခဲ့တဲ့ ဒါရိုက်တာပါ။ ဒါရိုက်တာအနေနဲ့ ငါမအိုသေးလို့ ဟစ်ကြွေးနိုင်လောက်တဲ့ ပညာစွမ်းတွေကို ဒီဇာတ်ကားမှာ ပြသွားပေမဲ့ ဇာတ်ညွှန်းကြောင့် ဒီဇာတ်ကားက ဒီလောက်ထိ အခြေအနေဆိုးသွားတာလို့ ထင်ပါတယ်။ ဘယ်လိုပဲဖြစ်ဖြစ် ကျွန်တော်လို Black Comedy ကြိုက်သူတွေအတွက်တော့ ကြည့်လို့ကောင်းတဲ့ ဇာတ်ကားလေးပါ။ သရုပ်ဆောင်တွေကလည်း Old but Gold လို့ ပြောလို့ရတဲ့ ထိပ်တန်းသရုပ်ဆောင်တွေ အများကြီး ပါဝင်ထားပါတယ်။ မညှာတမ်းပြောရရင် အဘိုးကြီးအဘွားကြီး ဇာတ်ကားပေါ့ဗျာ။ မပေါက်ရတဲ့ အကြောင်းအရင်းထဲမှာ အဲဒါလည်း ထည့်တွက်လို့ရလောက်တယ်ဗျ။ ထောင်စုနှစ်တစ်ခုအသစ်တစ်ခုကို ကြိုဆိုတဲ့ Y2K ကာလက ဟိုတယ်ကြီးတစ်ခုမှာ လုပ်တဲ့ ဘီလျံနာတစ်ယောက်ရဲ့ မင်္ဂလာနှစ်ပတ်လည်နေ့ကို အခြေတည်ထားပါတယ်။ နှစ်ပတ်လည်ကို လာတက်တဲ့ ဧည့်သည်လူ့မလိုင်အသိုင်းအဝိုင်းရဲ့ သောက်တလွဲကိစ္စတွေကို ဒိုင်ခံဖြေရှင်းနေရတဲ့ ဟိုတယ် မန်နေဂျာရဲ့ နှစ်သစ်ကူးအကြိုနေ့အကြောင်းကို သရော်တော်တော်ပုံစံနဲ့ ပြထားတာပါ။ မကြိုက်ကြရင်တောင် ကြည့်ရတာ မတန်မယ့် ဇာတ်ကားမျိုးတော့ မဟုတ်တာသေချာပါတယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.15GB, 975MB Quality - 1080p, 720p IMDb Rating - 5.4/10 Format - mp4 Duration - 1H 40Min Genre - Comedy, Drama Subtitle - Myanmar Subtitle (Hardsub) Translated by 666 Encoded by Y

၁၉၄၅ ခုနှစ်မှာ အမေရိကန်စစ်လေယာဉ်တစ်စီး ဂျာမနီရဲ့ အမည်းရောင်တောအုပ်ထဲ ပျက်ကျသွားပါတယ်။ လေယာဉ်ပေါ်မှာ လျှို့ဝှက်ပစ္စည်းတစ်ခုပါနေလို့ ဆာဂျင်ဘရူဝါ ဦးဆောင်တဲ့ လူ ၁၂ ယောက်ပါ တပ်ဖွဲ့ကို လေယာဉ်ပျက်ဆီ သွားရောက်စုံစမ်းဖို့ တာဝန်ပေးလိုက်တယ်။ အဲဒီမှာ မေဂျာတစ်ယောက်ကလည်း သူ့လူ ဝပ်ရှ်ကို ခေါ်လာပြီး ပစ္စည်းပြန်ယူဖို့ဆိုကာ အမိန့်အာဏာနဲ့ တပ်ဖွဲ့ထဲ ထည့်ပေးလိုက်ပါတယ်။ ဒီလိုနဲ့ လူ ၁၃ ယောက်ဖြစ်သွားတဲ့ တပ်ဖွဲ့ဟာ တောအုပ်ထဲမှာ လေယာဉ်ပျက်ကို လိုက်ရှာကြတယ်။ ဒါပေမယ့် ဆာဂျင်ထင်ထားသလို သာမန်စစ်ဆင်ရေးတစ်ခု မဟုတ်တော့ဘဲ သဘာဝလွန်ဖြစ်ရပ်တွေကို ကြုံလာရပါတယ်။ တောထဲက သွေးစုပ်ခံထားရတဲ့ အလောင်းတွေက ဘာကြောင့် ဒီလိုဖြစ်နေတာလဲ၊ ထူးဆန်းတဲ့ အမျိုးသမီးတွေကရော ဘယ်သူတွေလဲ။ အမေရိကန်နဲ့ ဂျာမန်နှစ်ဖက်စလုံး လိုချင်နေတဲ့ လျှို့ဝှက်ပစ္စည်းက ဘာလဲဆိုတာ ရှာဖွေရင်း သူတို့အားလုံး တောထဲကနေ အသက်ရှင်လျက် ပြန်ထွက်နိုင်ပါ့မလားဆိုတာပါ ပူရလာတယ်။ အက်ရှင်နဲ့ ထိတ်လန့်သည်းဖိုအမျိုးအစား ရောစပ်ထားပြီး ဆာဂျင်ဘရူဝါနေရာမှာ Prison Break ထဲက T-Bag အဖြစ် သရုပ်ဆောင်ခဲ့သူ ပါဝင်ထားပါတယ်။

ဂျိမ်းစ်ဟာ DEA မူးယစ်ဆေးဝါးနှိမ်နင်းရေးအဖွဲ့က အေးဂျင့်ဟောင်းတစ်ယောက်ဖြစ်ပြီး ဇနီးနဲ့ သမီးနှစ်ယောက်အတူ နေထိုင်ပါတယ်။ စစ်ဆင်ရေးကနေ ရလာတဲ့ စိတ်ဒဏ်ရာကြောင့် သူကြုံနေရတဲ့ အဖြစ်အပျက်တွေက တကယ်ဖြစ်နေတာလား၊ စိတ်ထင်နေတာလားဆိုတာ ခွဲခြားဖို့ ခက်နေတယ်။ ဒီဇာတ်ကောင်အဖြစ် မိုက်ကယ်ဂျိုင်ဝိုက်က သရုပ်ဆောင်ထားပါတယ်။ သူတို့နေတဲ့အိမ်ဟာ ဘဏ်ဓားပြအဖွဲ့တစ်ဖွဲ့ ထောင်မကျခင်က နေခဲ့တဲ့အိမ်ဖြစ်ပြီး အဲဒီအဖွဲ့ ဖွက်ထားခဲ့တဲ့ ငွေသုံးသန်းလည်း အိမ်ထဲမှာ ရှိနေပါတယ်။ ဓားပြခေါင်းဆောင်က အကျင့်ပျက်ရဲတစ်ယောက်နဲ့ ပေါင်းပြီး ငွေပြန်ယူဖို့ ကြိုးစားလာတဲ့အခါ ဂျိမ်းစ်တို့မိသားစုပါ ဒုက္ခကြုံလာရတယ်။ ကိုယ့်စိတ်ထဲက အဖြစ်အပျက်တွေနဲ့ အပြင်ကအဖြစ်မှန်ကို ခွဲရခက်နေတဲ့ ဂျိမ်းစ်အတွက် မိသားစုဆီ ရောက်လာတဲ့ အန္တရာယ်ကိုပါ ရင်ဆိုင်ရတော့မှာပါ။

မိုဆူးလ်က တိုက်ပွဲတစ်ပွဲမှာ စစ်သား ဂျိတ်နဲ့ သူ့အရာရှိ တွမ်မေဆင်တို့ အသက်ဘေးကနေ လက်မတင် လွတ်မြောက်လာခဲ့ကြပါတယ်။ ငါးနှစ်အကြာမှာတော့ ဂျိတ်ဟာ အိမ်ပြန်ရောက်နေပြီး ဦးလေး အာလ်ရဲ့ဆိုင်မှာ ကားပြင်သမားအဖြစ် အလုပ်လုပ်နေတယ်။ ဇနီး အက်ရှ်၊ သား ဝက်စ်တို့နဲ့အတူ ပျော်ပျော်ရွှင်ရွှင် နေထိုင်နေခဲ့တာပါ။ တစ်နေ့မှာ လူရမ်းကားတစ်သိုက်က ဦးလေးကို နှောင့်ယှက်ပြီး ငွေညှစ်လာလို့ ဂျိတ် ဝင်တားခဲ့တယ်။ သူတို့ကို အနိုင်ယူလိုက်နိုင်ပေမယ့် လူရမ်းကားတွေက မိသားစုအသက်အန္တရာယ်နဲ့ ခြိမ်းခြောက်သွားကြပါတယ်။ နောက်တော့ ဂျိတ် မထင်မှတ်ထားတဲ့အချိန်မှာ သူ့ဇနီးနဲ့ သားကို သတ်ပြီး လက်တုံ့ပြန်လိုက်ကြတယ်။ မိသားစုကို ဆုံးရှုံးလိုက်ရတဲ့ ဂျိတ်က သူတို့အပေါ် ဘယ်လိုလက်စားချေမလဲ။ ဘဝတစ်ခုလုံး ပြောင်းပြန်လှန်သွားတဲ့နောက် Section Eight ဆိုတဲ့ လျှို့ဝှက်အဖွဲ့အစည်းထဲ ဘယ်လိုရောက်သွားပြီး လုပ်ကြံသတ်ဖြတ်သူ ဖြစ်လာမလဲဆိုတာကို ဆက်ပြထားတဲ့ အက်ရှင်ဇာတ်ကားပါ။

Girl (2020) IMDb... 6.0 လောကဓံတွေကြား နာကျည်းမှုတွေနဲ့ ရှင်သန်နေရတဲ့ ကောင်မလေး... ငယ်စဉ်က ဖခင်ဖြစ်သူ စွန့်ပစ်မှုကြောင့် ဖခင်အပေါ် နာကျည်းနေတဲ့ ကောင်မလေး... မိခင်ဖြစ်သူအပေါ် ကိုယ်ထိလက်ရောက်ညဉ်းပန်းခဲ့တဲ့ ဖခင်ဖြစ်သူကို မုန်းတီးနေတဲ့ ကောင်မလေး... တစ်ရက်မှာတော့ ကောင်မလေးဟာ ဖခင်ဖြစ်သူကို သတ်ချင်တဲ့စိတ်နဲ့အတူ မွေးရပ်မြို့ကို ပြန်လာခဲ့ပါတယ်။ ဒါပေမဲ့ အိမ်ရောက်တဲ့အခါမှာ ထူးဆန်းစွာပဲ ဖခင်ဖြစ်သူကို သေဆုံးလျက်တွေ့ရှိလိုက်ရတဲ့အပြင် မြို့တစ်ခုလုံးဟာလည်း မြို့ပျက်အလား ခြောက်ခြားဖွယ်ဖြစ်နေတဲ့အခါ အရာအားလုံးဟာ သူမအတွက် ထူးဆန်းနေပါတော့တယ်။ ထူးဆန်းမှုနောက်ကွယ်က အမှန်တရားကို ဖော်ထုတ်ရန် ကြိုးစားပြီးနောက်မှာ သူမ ဘာတွေရင်ဆိုင်ရမလဲဆိုတာကို စိတ်လှုပ်ရှားဖွယ် ကြည့်ရှုရမယ့် ဇာတ်လမ်းတစ်ပုဒ်ဖြစ်ပါတယ်။ Midnight Sun နဲ့ ပရိသတ်အသည်းနှလုံးကို ဖမ်းစားခဲ့တဲ့ မင်းသမီး Bella Throne မှ အဓိကဇာတ်ကောင်အနေနဲ့ ပါဝင်သရုပ်ဖော်ထားပါတယ်။ File Size… 1.38GB/ 510MB Quality… AMZN WEB-DL 1080p 5.1CH/ 720p Format…mp4 Duration…1h 30m Genre …..Thriller, Mystery Subtitle….Myanmar Subtitle (Hard Sub)

ပဉ္စမမြောက် ရောမဧကရာဇ် နီရိုကလောဒီးယပ်စ်ဆီဆာ အုပ်ချုပ်နေတဲ့ကာလ အေဒီ၆၂မှာ ရောမအင်ပါယာနယ်နမိတ်ထဲကို ပါသီယမ်တွေ ကျူးကျော်ဝင်ရောက်လာပါတယ်။ ဒီအတွက် နီရိုဧကရာဇ်က တပ်နှစ်တပ်ကိုစေလွှတ်ခဲ့ပါတယ်။ ဗိုလ်ချုပ်ပေးတဒ်စ်ဦးဆောင်တဲ့ တပ်မကြီးဟာ အာမေးနီးယားရဲ့နှင်းတောင်တွေအလယ်မှာ တပ်စခန်းချတယ်။ ဗိုလ်ချုပ်ကူဘူလိုရဲ့ တပ်ကတော့ နီရိုဧကရာဇ်ရဲ့အမိန့်အရ ဆီးရီးယားဘက်မှာ အစောင့်တပ်အနေနဲ့နေပြီး ဗိုလ်ချုပ်ပေးတဒ်စ် စစ်ကူတောင်းချိန်ကို စောင့်စားနေရတယ်။ ဒီအချိန်မှာ ဗိုလ်ချုပ်ပေးဒ်စ်တို့တပ်စခန်းက နှင်းတောင်တွေအလယ်မှာ ပါသီယမ်တွေရဲ့ ဝိုင်းရံထားခံရပြီး ရိက္ခာလမ်းကြောင်းတွေလည်း ဖြတ်တောက်ခံထားရတယ်။ ဗိုလ်ချုပ်ကူဘူလိုဆီ စစ်ကူတောင်းဖို့ သတင်းပို့သမားတွေ စေလွှတ်ခဲ့ပေမယ့်လည်း လမ်းမှာ ပါသီယမ်သတ်ဖြတ်တာခံရပြီး စစ်ကူတောင်းဖို့ သတင်းစကားမပေးပို့နိုင်ဘူး ဖြစ်ပါတယ်။ ပြင်းထန်တဲ့ဆောင်းရာသီလည်း ရောက်တော့မယ့်အချိန်၊ ရိက္ခာလည်း ပြတ်တောက်တော့မယ်အချိန်မှာ တပ်တစ်ခုလုံးက စစ်သည်ပေါင်းထောင်ချီရဲ့အသက်တွေ၊ ဒီတပ်တစ်ခုလုံးရဲ့ကံကြမ္မာဟာ နော်ရန်နို ဆိုတဲ့ တပ်သားလေးတစ်ယောက်ရဲ့လက်ထဲကျရောက်သွားပါတယ်။ နော်ရန်နိုဟာ စစ်ကူတောင်းခံမယ့် သတင်းစကားကို အာမေးနီးယားကနေ ဆီးရီးယားက ဗိုလ်ချုပ်ကူဘူလိုဆီ ပေးပို့ရမှာဖြစ်ပါတယ်။ ပါသီယမ်တပ်သားတွေကလည်း အသည်းအသန်လိုက်သတ်နေပြီး နှင်းတောင်အထပ်ထပ်၊ တောထဲအထပ်ထပ်၊တောင်အထပ်ထပ် ခက်ခဲကြမ်းတမ်းတဲ့ ဒီခရီးလမ်းမှာ နော်ရန်နိုဟာ ဘယ်လိုကြိုးစားသွားမလဲ၊ဘယ်လိုအခက်အခဲတွေ တွေ့ဦးမလဲ၊ သူ့ရဲ့တာဝန်ကို ကျေပွန်အောင်အမှုထမ်းနိုင်ပါ့မလား။ ဆက်လက်ကြည့်ရှုကြပါဦး။

Night Walk (2019) IMDb Rating - 5.8/10 Night Walk(2021) ဥပဒေဆိုတာ ဘာလဲ??? ကျွန်တော်တို့ဟာ နိုင်ငံသားတစ်ယောက်အနေနဲ့ ဥပဒေတွေကိုလိုက်နာပြီးနေထိုင်ကြရပါတယ် ဒါပေမယ့် ဒီဥပဒေတွေဆိုတာ တစ်နိုင်ငံနဲ့တစ်နိုင်ငံ တသတ်မတ်တည်း ရှိတာမျိုးတွေမဟုတ်ဘူးဗျ ဥပဒေကို အမှန်တရားလို့သတ်မှတ်လို့ရပေမယ့် အမှန်တရားတိုင်းကတော့ ဥပဒေမဖြစ်နေခဲ့ဘူး ဒီဇာတ်ကားထဲက တရားသူကြီးကတော့ပြောတယ် စည်းမျဉ်းဥပဒေဆိုတာ ဥပဒေရေးဆွဲထားသူတွေရဲ့ ဝါဒဖြန့်ချီရေးစာပိုဒ်တစ်ပိုဒ်ပါပဲတဲ့ အရာရာလွတ်လပ်ပြီး လူ့အခွင့်အရေးအပြည့်အဝရတယ်လို့ ကျွန်တော်တို့တော်တော်များများသိထားတဲ့ အမေရိကန်နိုင်ငံက ဇာတ်ကောင်နှစ်ဦးဟာ ချစ်မိခဲ့ကြပါတယ် ဒါပေမယ့် ဇာတ်ကောင်မိန်းကလေးဟာ ဥပဒေစည်းမျဉ်းတင်းကျပ်လှတဲ့ နိုင်ငံကအမျိုးသမီးတစ်ဦးပါ ဒီလိုနဲ့ တစ်နေ့တော့ အဲ့ဒီနိုင်ငံကို နှစ်ယောက်သားသွားကြတဲ့အချိန်မှာ ကွဲပြားလှတဲ့ဥပဒေကြောင့် ဖြစ်ရပ်ဆိုးဆိုးဝါးဝါးတွေဖြစ်သွားခဲ့ပါတယ် ဒီနေရာမှာ ကျွန်တော်တို့အများစု အကြမ်းဖက်သမားလို့ သတ်မှတ်ထားကြတဲ့ ဂျီဟတ်နဲ့ပက်သက်တာတွေ အသေးစိတ်နီးပါးပါတယ်လို့ပြောလို့ရတယ် အချစ်ရယ် ဘာသာရေးရယ် တရားဥပဒေရယ် လူ့သဘာဝရယ်အကြောင်းကို ထင်ဟပ်အောင်ရိုက်ပြထားတဲ့ဇာတ်ကားပါပဲ (ဒီဇာတ်လမ်းရဲ့ အညွှန်းကို Shwe Pyae မှရေးသားပေးပြီး ဘာသာပြန်ရေးသားပေးသူများကတော့ Shwe Pyae, August, Amelia တို့ပဲဖြစ်ပါတယ်။) Quality – 1080p, 720p WebRip Duration - 1h 36min Subtitle – Myanmar Hardsub Format – Mp4 Genre : Action, Crime Source : 1080p.WebRip Translator – Shwe Pyae, August, Amelia Encoder – SWM

Sin City: A Dame to Kill For က ၂၀၀၅ ခုနှစ်ထွက် Sin City နဲ့ ဆက်စပ်နေတဲ့ ဇာတ်လမ်းတွေကို ပြန်ဆက်ထားပါတယ်။ ဒါပေမယ့် အဖြစ်အပျက်အားလုံးက ပထမကားရဲ့နောက်မှာ ဖြစ်တာမျိုးတော့ မဟုတ်ဘူး။ ခေါင်းစဉ်ပေးထားတဲ့ A Dame to Kill For အပိုင်းဟာ ပထမကားထဲက ဒွိုက်ရဲ့ဇာတ်လမ်းမတိုင်ခင်က အကြောင်းပါ။ ဇာတ်လမ်းတစ်ပုဒ်ကလွဲရင် ကျန်တာတွေက ပထမကားရဲ့ ရှေ့ပိုင်းနဲ့ နောက်ဆက်တွဲအဖြစ် ချိတ်ဆက်ထားကြတယ်။ ပထမကားမှာ အခန်းနာမည်တွေ သီးသန့်ပြပြီး ဇာတ်လမ်းတစ်ပိုင်းစီ ခွဲထားပေမယ့် ဒီတစ်ခါမှာတော့ တစ်ဆက်တည်းလို တင်ပြထားပါတယ်။ အချိန်အစဉ်လိုက် ပြန်စီကြည့်ချင်ရင် ဒီကားရဲ့ အစဉ်ကို အခြေခံပြီး ပထမကားက အပိုင်းတွေကို ဖြည့်ကြည့်ရမှာပါ။ Clive Owen ကလွဲလို့ အရင်ဇာတ်ကောင်တွေကို မူလသရုပ်ဆောင်တွေကပဲ ပြန်သရုပ်ဆောင်ထားပြီး သရုပ်ဆောင်အသစ်တွေလည်း ပါဝင်လာတယ်။ အီဗာဂရင်းနဲ့ ဂျက်စီကာအယ်ဘာတို့ရဲ့ ဆွဲဆောင်မှုကို သွေးထွက်သံယို မြင်ကွင်းတွေနဲ့ တွဲဖက်တင်ဆက်ထားပါတယ်။ ဒါရိုက်တာနှစ်ယောက်ထဲက တစ်ယောက်ဟာ မူရင်းဂရပ်ဖစ်ဝတ္ထုကို ရေးခဲ့သူဖြစ်ပြီး နောက်တစ်ယောက်ကတော့ တာရန်တီနိုနဲ့ ပူးပေါင်းဖန်တီးဖူးသူပါ။ သူ့ရဲ့လက်ရာတွေထဲမှာ Mexico Trilogy၊ Alita: Battle Angel၊ Once Upon a Time in Mexico၊ From Dusk Till Dawn နဲ့ Spy Kids ဇာတ်ကားတွေလည်း ရှိပါတယ်။ ပထမကားနဲ့ ယှဉ်ရင် ရက်စက်ကြမ်းကြုတ်မှု အနည်းငယ်လျော့သွားပေမယ့် ခပ်ကြမ်းကြမ်းတင်ဆက်ပုံကို ဆက်ထိန်းထားတယ်။ ရုပ်ရှင်တစ်ကားထက် neo-noir ကာတွန်းစာအုပ်တစ်အုပ်ကို ဖတ်နေရသလိုဖြစ်စေတဲ့ တင်ဆက်ပုံလည်း ပါရှိပါတယ်။

ဒီကားလေးကတော့ 2012 တုန်းကထွက်ရှိထားတဲ့ Crime Drama ကားလေးဖြစ်ပါတယ်။ ဇာတ်လမ်းအကျဉ်းအနေနဲ့တော့ ကော်ရီရာ ဆိုတဲ့ ပစ္စည်းပို့သမားတစ်ယောက်ဟာ Client တွေလာအပ်တဲ့ပစ္စည်း မှန်သမျှကို ပို့ချင်တဲ့သူဆီ မရောက်ရောက်အောင် ပို့ပေးတဲ့ အလုပ် လုပ်ပါတယ်။ ပြောရရင်တော့ မြေအောက်အလုပ်တွေပေါ့။ တစ်ရက် သား သူ့ဆီကို Evil Sivie ဆိုတဲ့ လူတစ်ယောက်ဆီကို SuitCase တစ် ခုပို့ခိုင်းရာကနဲ့ ဇာတ်တည်ထားပါတယ်။ လာအပ်တဲ့ Client ကလည်း Evil Sivie ဆိုတဲ့ နာမည်ကလွဲပြီး ဘာမှ မပေးတော့ Evil Sivie ဆိုတဲ့လူတစ်ယောက်အကြောင်းကို လိုက်ရှာရင်း နဲ့ ကော်ရီရာတစ်ယောက် ပစ္စည့်ပို့တာထက်ပိုတဲ့ကိစ္စတွေမှာ ပတ်သတ် မိသွားတဲ့အခါမှာတော့ Evil Sivie ဆိုတဲ့သူကဘယ်သူလဲ ကော်ရီရာတ စ်ယောက်ပတ်သတ်မိတဲ့ကိစ္စတွေရဲ့ နောက်ဆက်တွဲတွေဘာဆက်ဖြစ်မ လဲဆိုတာကိုတော့ ဆက်လက်ကြည့်ရှုလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thetti Tun ဖြစ်ပါတယ်) File Size..........(1.4 GB) / (608 MB) Quality............BLU-RAY 1080p / 720p Duration.........1Hr 35Min Subtitle...........Myanmar Hardsub Format............MP4 Genre..............Action, Crime, Drama Translator.......Thetti Tun Encoder..........SWM

Passion Play (2010) အရင်က နာမည်ကြီး trumpet player ဖြစ်ခဲ့တဲ့ Nate Poole က လူဆိုးဂိုဏ်းခေါင်းဆောင်တစ်ယောက်ရဲ့ ဇနီးကို မသိဘဲအိပ်မိရာကနေ လူဆိုးဂိုဏ်းခေါင်းဆောင်က လိုက်သတ်လို ကန္တာရထဲ ထွက်ပြေးခဲ့ရတယ်။ အဲဒီမှာသူ ဆပ်ကပ်ပွဲတစ်ခုဆီရောက်သွားပြီး မထင်မှတ်ဘဲ အတောင်ပံတွေရှိတဲ့ မိန်းမလှလေးကို တွေ့ခဲ့ချိန်မှာတော့ သူ့ဘဝကြီးရော ငှက်အတောင်ပံတွေနဲ့ မိန်းမပျိုလေးရဲ့ဘဝရော ဘယ်လိုတွေပြောင်းလဲသွားမလဲဆိုတာကိုတော့ ဒီဇာတ်လမ်းမှာ ဆက်လက်ကြည့်ရှုလိုရပါတယ်။ နာမည်ကြီး မင်းသားမင်းသမီးကြီးတွေဖြစ်တဲ့ Mickey Rourke၊ Megan fox၊ Bill Murray၊ Rhys Ifans နဲ့ Kelly Lynch တိုအကုန် ပါဝင်တာမို မလွတ်တမ်းကြည့်ရှုသင့်ပါတယ်နော်။ ( ဘာသာပြန်ပြီး အညွှန်းရေးသားထားသူကတော့ Thwal Htoo Zin ပါ ) File size_(1.5GB)/(700MB) Quality_Blu-Ray 1080p / 720p Format_mp4 Duration_01:30:00 Genre_Drama, Fantasy, Romance Subtitle_Myanmar Subtitle (Hardsub) Encoder_a hao Translated by Thwal Htoo Zin

Immortals (2011) IMDb Rating - 6.0/10 #Unicode ဂရိသူရဲကောင်း သီးစီးယက်စ်ကို အားလုံးပဲသိကြမှာပါ။ သူက ဟာဂျူလီတို့လို အင်အားကြီးမားတဲ့ သူရဲကောင်းမျိုး မဟုတ်ပေမယ့် ဥာဏ်ပညာကြီးမားပြီး တိုက်ရည်ခိုက်ရည်ကောင်းတဲ့ သူရဲကောင်း တစ်ယောက်ပါပဲ။ ဒီကားဟာ ဂရိဒဏ္ဍာရီတွေပေါ် မှီငြမ်းရိုက်ကူးထားတဲ့ Fantasy အမျိုးအစားပဲ ဖြစ်ပါတယ်။ သို့ပေမယ့် ဇာတ်လမ်းကြောရိုးသာတူပြီး ငယ်ငယ်တုန်းကဖတ်ခဲ့ဖူးတဲ့ ပုံပြင်တွေနဲ့တော့ ကွဲထွက်နေမှာ အမှန်ပါပဲ။ ဇာတ်လမ်းကတော့ လူသားမျိုးနွယ်ကို ဖျက်စီးဖို့ ဘုရင်ဟစ်ပီးရီးယန်းက အစ်ပိုင်းရပ်စ်လေးတော်ကို လိုက်ရှာနေတာနဲ့ အစပြု့ထားပါတယ်။ လူသားတို့ရဲ့ အရေးကိစ္စတွေထဲ ပါဝင်ပတ်သက်ခြင်းမပြု့ရလို့ ဇူးစ်ကိုယ်တိုင်က ဥပဒေချမှတ်ထားတာကြောင့် နတ်ဘုရားတွေကိုယ်တိုင် ကလည်း ဝင်ကူညီရခက်နေကြပါတယ်။ ဒါကြောင့် ဘုရင်ကြီးဟစ်ပီးရီးယန်းကို တားဆီးနိုင်ဖို့အတွက် သီးစီးယက်စ်ရဲ့ အကူအညီကို ရယူရပါတော့တယ်...။  ဒီကားရဲ့ တင်ဆက်ပုံဟာ 300 Spartans ကားနဲ့ အတော်လေးတူညီနေတာကို သတိထားမိတယ်။ နောက်ခံတွေ တိုက်ပွဲတွေဟာ 300 ကားကိုပြန်ကြည့် နေရသလိုပါပဲ။ Fan တွေကတော့ ဂရိဒဏ္ဍာရီတွေနဲ့ အတော်လေးကွဲထွက်နေတာကို သိပ်သဘောမကျ ကြပုံပါပဲ။  ဒါပေမယ့် ကျွန်တော်တို့ရဲ့ စူပါမင်း(Man of Steel) တစ်ဖြစ်လဲ Witcher မင်းသားကြီး Henry Cavill သရုပ်ဆောင်ထားတာကြောင့် ကြည့်ရှု့သင့်တဲ့ ဇာတ်ကားစာရင်းထဲကို ထည့်ထားလိုက်ဖို့တော့ သင့်ပါတယ်။ (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Kiwi ပဲဖြစ်ပါတယ်။) Quality – 1080p, 720p  BluRay Duration - 1 hr 50 min Subtitle – Myanmar Hardsub Format – Mp4 Genre : Action, Drama, Fantasy Source : 1080p.BluRay Translator – Kiwi Encoder – SWM

The Expendables ဟာ လူတိုင်းနီးပါးကြည့်ပြီးသား ကြိုက်ပြီးသားကားဆိုပေမယ့် ဆရာကြီး Sylvester Stallone ကတော့ သိပ်ကျေနပ်ပုံမရပါဘူး။ အဲဒါနဲ့ပဲ ပိုပြီးပြည့်စုံခမ်းနားသွားမယ့် The Expendables Director's Cut ဆိုတာကို ထပ်မံထုတ်လုပ်ခဲ့ပါတယ်။ မင်းသားကြီးများပြီး အပျော်ကြည့် ရုပ်ရှင်ကားတစ်ကားအနေနဲ့ ကြည့်ရှုသူများပြားခဲ့တဲ့ The Expendables ရဲ့ Director's Cut မှာ ထူးခြားသွားတာက Character တွေကို ပိုပြီး အလေးပေးဖော်ပြထားတယ်၊ ရုပ်ထွက်တွေ၊ အသံတွေ အရင်မူရင်းဗားရှင်းထက် ပိုပြီး ကြည်လင်ပြတ်သားသလို ကြည့်ရတာကလည်း ပိုပြီး ချော့မွေ့သွားတယ်လို့ ခံစားရလိမ့်မယ်။ ဇာတ်လမ်းက နည်းနည်းလေး ပိုရှည်သယောင်ယောင်ဖြစ်နေရတာကလည်း ဒိုင်ယာလော့တွေ၊ ဇာတ်ကွက်တွေကို ပိုပြီး အချိန်ပေးထားတာကြောင့်ဖြစ်ပါတယ်။ ဒါကြောင့် အရင်က ကြည့်ရ ထောက်နေတာတွေ၊ ဟာ​နေတဲ့ ဇာတ်ကွက်​တွေ နာမည်ကြီးမင်းသားတွေရဲ့ Screen Time နည်းတာတွေက ဒီဗားရှင်းမှာဖြေရှင်းပြီးသားဖြစ်သွားပါတယ်။ ပြီးတော့ ယခင်ဗားရှင်းထက် အနည်းငယ်ထူးခြားသွားတာကိုတော့ ကြည့်ရှုရင်းနဲ့ပဲ အဖြေရှာကြပါလို့ ညွှန်းဆိုလိုက်ရပါတယ်။ Quality__1080p and 720p File Size__2.5GB and 1.5GB IMDb Rating__6.5/10 Format__mp4 Duration__1h43min Type__Action, Adventure, Thriller Subtitle__Myanmar Subtitle (Hardsub) Translated by Mugiwara Ya Encoded by Htet Wai Lwin

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man 2 (2010) IMDb Rating (6.9) / Rotten Tomatoes (72 %) MCU ရဲ့  တတိယမြောက်ရုပ်ရှင်ကားဖြစ်ပြီး Scarlett Johansson ရဲ့ Black Widow ဇာတ်ကောင်နဲ့ James Rhodes ရဲ့ War Machine လိုဇာတ်ကောင်တွေကိုထပ်မံမိတ်ဆက်ခဲ့ပါတယ်။ Budget $170–200 million ကုန်ကျခဲ့ပြီး Box office ဝင်ငွေ $623.9 million ထိပြန်လည်ရရှိခဲ့ပြီး Robert Downey Jr. ရဲ့  Iron Man ဇာတ်ရုပ်က ပိုမိုပီပြင်လာပါတယ်။ File size…(7.1 GB)/ (2.2 GB )/(1.4 GB) Quality…BluRay 4K HEVC/1080p HEVC / 720p Format…mkv/mp4 Duration….02:05:00 Subtitle….Myanmar Subtitle (Hardsub) Encoder….Ka Naung Translated by Nway Oo K Zaw

ဗင်းဆင့်ဆိုတဲ့ ကောင်လေးတစ်ယောက်ဟာ အကြောင်းအမျိုးမျိုးကြောင့် တရားမဝင် မြေအောက်လောင်းကစားလောကနဲ့ ပတ်သက်မိလာပါတယ်။ အဲဒီကနေ ငွေပမာဏအမြောက်အများ ပါဝင်လာသလို လောင်းကြေးတွေကလည်း တဖြည်းဖြည်း ကြီးမားလာတယ်။ ဗင်းဆင့်ရဲ့ ဒီလိုပါဝင်ပတ်သက်မှုကနေ ဇာတ်လမ်းဆက်သွားတဲ့ မှုခင်းနဲ့ သည်းထိတ်ရင်ဖိုဒရာမာပါ။

The Wrestler(2008) IMDb...7.9,,,,,Rotten....98% ခင်ဗျားတို့ ကျွန်တော်တို့အားလုံး WWE channel က ပြသတဲ့ smack down ပွဲတွေကို ကြည့်ဘူးကြမှာပါ.... ပြောရရင် ကြိုတင်ပြဆင်ထားတဲ့အစီအစဉ်တစ်ခုကို လာကြည့်တဲ့ပရိတ်သတွေကို ရသ အပြည့်အဝပေးနိုင်မယ့် သတ်ပုတ်မှုမျိုးတွေကို  ချပြရပါတယ်... ကြိုတင်ပြင်ဆင်ထားတဲ့အစီအစဉ်ဆိုပေမယ့် ထိုးသတ်တဲ့နေရာမှာ ပရိတ်သတ်ထောင်ပေါင်းများစွာသော မျက်လုံးတွေ့ရှေ့မှောက်မှာတော့ တကယ့်ပျင်းထန်တဲ့ရိုက်ချက်တွေနဲ့ သတ်ပုတ်ပြရပါတယ်.. ဒါ့ကြောင့်လည်း ဒီပြိုင်ပွဲတွေဟာ အတုအယောင်လို့ဆိုရပေမယ့် ကမ္ဘာကျော်နေရတာပဲဖြစ်ပါတယ်.... ၂၀၀၈ ခုနှစ်မှာ ဒါရိုက်တာ Aronofsky ရိုက်ကူးခဲ့ပြီး အဓိကဇာတ်ဆောင် နပမ်းသမား Randy the Ram (Mickey Rourke)အကြောင်းကိုရိုက်ကူးထားတာပဲဖြစ်ပါတယ်... ဒီကားက သူ့ဘဝရဲ့ အနိမ့်အမြင့် အတက်အကျကို  ရိုက်ပြထားပြီး သူတို့ဘဝရဲ့ခက်ထန်ကြမ်းတမ်းပုံတွေကိုအကောင်းမွန်ဆုံးပုံဖော်ထားပါတယ်... ကြမ်းတမ်းခက်ထန်လွန်းတဲ့ လူ့ဘီးလူးကြီးတွေရဲ့ နောက်ကွယ်က နူးညံတဲ့နှလုံးသားကိုလည်းတွေ့နိုင်ပါလိမ့်မယ်... ဒါ့ကြောင့်လည်း ဒီကားဟာ ချီးကျူးမှုပေါင်းများစွာရရှိထားသလို အော်စကာဆန်ကာတင် (၂)ဆုနဲ့ အခြားဆုပေါင်း (၅၈)ဆု ရရှိထားပါတယ်.... ပြီးတော့ ဒီကားဟာ သတ်ပွဲပေါင်းများစွာပါသလို သွေးထွက်သံယိုခန်းတွေလည်းပါတာမို့ သတိထားကြည့်စေလိုပါတယ်.... ရုပ်ရှင်ရဲ့ Rating က R ဖြစ်တာကြောင့် အဖော်အချွတ်ခန်းတွေ ပါတဲ့အတွက် မိသားစုနဲ့ အတူကြည့်ဖို့မသင့်တဲ့ ကားတကားလို့ ပြောပါရစေ.... ဇာတ်လမ်းအညွှန်းနဲ့ ဘာသာပြန်သူကတော့ Chan Myae Thu Aung ပဲဖြစ်ပါတယ်... File Size : (1.76GB)(1020MB) and (330 MB) Quality :Blu-Ray 720p/1080p 5.1, Format…mp4 Duration…01:49:00 Genre :  Drama, Sport Subtitle : Myanmar Subtitle (Hard Sub) Translated by Chan Myae Thu Aung Encoded by Phyo Pyae

Sin City မှာ ဇာတ်လမ်းလေးပုဒ် ပါဝင်ပြီး အဲဒီဇာတ်လမ်းတွေရဲ့ အချိန်အစဉ်တွေက တစ်ခုနဲ့တစ်ခု ဆက်နွယ်နေပါတယ်။ ဘယ်အဖြစ်အပျက်က အရင်ဖြစ်ပြီး ဘယ်ဟာက နောက်မှဖြစ်တာလဲဆိုတာကိုတော့ တိုက်ရိုက်ရှင်းမပြဘဲ ကြည့်ရင်း ဆက်စပ်ယူရအောင် ချန်ထားပါတယ်။ ရာဇဝတ်မှုနဲ့ အက်ရှင်အကြောင်းတွေကို ဒီလိုဇာတ်လမ်းဖွဲ့စည်းပုံနဲ့ တင်ဆက်ထားတာပါ။ ပါဝင်တဲ့အပိုင်းတစ်ခုဖြစ်တဲ့ Customer Always Right ကို မူရင်းအညွှန်းမှာ မောင်မိုးသူရဲ့ ဘာသာပြန်ဝတ္ထု «သေနေ့» နဲ့ နှိုင်းယှဉ်ထားပါတယ်။ အဲဒီဝတ္ထုထဲမှာ ရောဂါနဲ့ သေတော့မယ်ထင်တဲ့ အမျိုးသမီးတစ်ယောက်က ကိုယ့်ကိုသတ်ဖို့ လူသတ်သမားကို တစ်ဆင့်ငှားထားပြီး ဘယ်သူလဲဆိုတာကိုတော့ မသိရပါဘူး။ ရောဂါရှိတယ်ဆိုတာ မှားနေကြောင်း သိလာတဲ့အခါ ငှားထားမိတဲ့ လူသတ်သမားဆီကနေ ပြန်ပြေးရတဲ့ အခြေအနေဖြစ်လာပါတယ်။ Customer Always Right က အဲဒီဝတ္ထုကို တခြားရှုထောင့်တစ်ခုကနေ ပြထားသလို ခံစားရကြောင်း မူရင်းရေးသူက နှိုင်းထားတာဖြစ်ပြီး ရုပ်ရှင်ရဲ့ဇာတ်လမ်းအကျဉ်းအဖြစ် ဖော်ပြထားတာတော့ မဟုတ်ပါဘူး။

IMDb-(7.7) The Equalizer 3 ထဲမှာပြန်လည်ဆုံတွေ့ကြတဲ့ Denzel Washington နဲ့ Dakota Fanning တို့ ငယ်ငယ်တုန်းက ရုပ်ရှင်ဇာတ်ကားကြီးကို Quality အမိုက်စားနဲ့ပြန်လည်တင်ဆက်လိုက်ပါတယ်။ ဇာတ်လမ်းကတော့.... နှုတ်ခမ်းမွေး မုတ်ဆိတ်မွေး ဗရပွနဲ့ လူတစ်ယောက်...သူက အတိတ်က လုပ်ခဲ့တဲ့ ကိစ္စတစ်ရဲ့ အမှားတစ်ချို့ ကိုမေ့ပျောက်ဖို့ အတွက် အရက်ကို အချိန်ပြည့်နီးပါးအဖော်ပြုနေတဲ့သူ....တစ်နေ့တော့ သူ့သူငယ်ချင်းတစ်ယောက်က လာပြောတယ် ဒီအတိုင်းနေမယ့် အတူတူ အပြုအမူလေးတွေဆင်ခြင်ပြီးတော့ ချမ်းသာတဲ့ အသိုင်းအဝန်းက အိမ်မှာ ဘော်ဂီဂတ်လုပ်ဖို့ အကြံပေးလာတယ်... သူဟာ အတိတ်တုန်းက စစ်မှုထမ်းခဲ့ပြီး စစ်မှုထမ်းသက်လည်း အတော်ရှိခဲ့ပြီး ထူးချွန်ခဲ့တဲ့သူတစ်ယောက်... ဘော်ဒီဂတ်လုပ်ရမှာကပြန်ပေးမှုအများဆုံးဖြစ်နေတဲ့ မက္ကဆီကို ..သူဒီအလုပ်ကိုလက်ခံလိုက်တယ်... ဒီကားက တော်တော်များများကြားဖူး ကြည့်ဖူးပြီးသားဖြစ်မှာပါ...ဒါရိုက်တာTony Scott ရိုက်ကူးပြီး ကျွန်တော်တို့ရဲ့ အသည်းစွဲမင်းသားကြီး  Denzel Washington, ပါဝင်သရုပ်ဆောင်ထားပါတယ်.... ပရိယာယ်များပြီး ဘယ်ကိစ္စမဆို ယုံကြည်လို့မရတဲ့ ဒီလောကကြီးမှာ ကျွန်တော်ကတော့  Denzel Washington ရိုက်တဲ့ ကားတွေကို ချွင်းချက်ထားလိုက်ချင်တယ်... သိတဲ့အတိုင်း သူ့ကားတွေဟာ မကောင်းတဲ့ကားတောင်မရှိသလောက်ရယ်...ဒီကားမှာလည်း တိုတိုပြတ်ပြတ်ပြောပြီးအလုပ်ကိုတာဝန်ကျေတဲ့သူတစ်ယောက်... သူစောင့်ရှောက်ရတဲ့ ကလေးမလေးအပေါ် သမီးလေးတစ်ယောက်လိုသံယောဇဉ်တွယ်ပြီး တဖြည်းဖြည်းပြောင်းလဲလာတဲ့ ဆက်ဆံရေး.. ရှုပ်ထွေးပွေလီလှတဲ့ ကလေးငယ်ပြန်ပေးဆွဲမှုတွေ....ပြင်းရှရက်စက်တဲ့အက်ရှင်စွန့်စားခန်းတွေနဲ့ မနားတမ်းဆွဲခေါ်သွားမှာပါ။ (ရုပ်ရှင်အညွှန်းနဲ့ဘာသာပြန်ကို JtheKoala မှ တင်ဆက်ထားပါတယ်။) File size…(5 GB)/(1.9 GB) Quality….BluRay Remux 1080p /720p Format…mp4 Duration….02:26:07 Subtitle….Myanmar Subtitle(Hardsub) Encoder….Ka Naung Translated by JtheKoala

ဘယ်လူမိုက်ကိုမှ အထာမထားဘဲ သမတတ်တဲ့ ဂီတာအိတ်ကြီးလွယ်ထားတဲ့သားသတ်သမား လူထွားကောင်ကြီး ဇာတ်လမ်းတွေကို ကြည့်ဖူးကြမှာပါ။ ဟုတ်ပါတယ်....အဲ့ဒီရုပ်ရှင်တွေကတော့... Mexico Trilogy ဆိုပြီး နာမည်ကျော်ကြားတဲ့ ဒါရိုက်တာ Robert Rodriguez ရဲ့ El Mariachi (1992), Desperado (1995), Once Upon a Time in Mexico (2003) ရုပ်ရှင် ၃ ကားပဲဖြစ်ပါတယ်။ ပထမဆုံးရုပ်ရှင် El Mariachi (1992)ဇာတ်ကားဆိုရင် ဘတ်ဂျတ် ဒေါ်လာ ၇၀၀၀ လောက်သာစရင်းပြီး ဒေါ်လာ ၂သန်းလောက်ထိပြန်လည်ရရှိခဲ့တာကြောင့် အားလုံးရဲ့ချီးကျူးမှုကိုရရှိခဲ့ပါတယ်။ ဒါရိုက်တာကြီး Quentin Tarantino က ဒီရုပ်ရှင်ကို ကြွေလွန်းလို့ ဒုတိယရုပ်ရှင် Desperado (1995) မှာ ကိုယ်တိုင်ပါဝင်သရုပ်ဆောင်ခဲ့ပြီး Trilogy ဖြစ်အောင် Once Upon a Time in Mexico (2003) ကိုပါဆက်ရိုက်ဖို့ မြှောက်ပေးခဲ့ပါတယ်။ ၃ ကားလုံးကို CM App နဲ့ Website  https://www.channelmyanmar.to/?s=Mexico+Trilogy  မှာ ကြည့်လို့ရပါတယ်။ ++++++++++++++++ Once Upon a Time in Mexico (2003) IMDb Rating (6.6) / Rotten Tomatoes (63%) ဒီဇာတ်ကားကတော့ Mexico Trilogy ရဲ့ နောက်ဆုံးဇာတ်ကားပါ။ မင်းသားကြီး Johnny Depp , Antonio Banderas တို့အပြင် မင်းသမီးတွေဖြစ်တဲ့ Salma Hayek နဲ့ Eva Mendes တို့လို နာမည်ကျော်တွေနဲ့အပြင်းစားရိုက်ကူးထားတာပါ။ ဒီခါတော့ CIA တွေရော မက္ကဆီကိုရဲ့နိုင်ငံရေးတွေရောစတဲ့ ကိစ္စအကြီးကြီးတွေကိုပါ ပေါ်တင်ဒဲ့ရှင်းကြမှာမလို့ Cast အမိုက်စားတွေနဲ့ အက်ရှင်အလန်းတွေကြည့်ရမှာပါ။ File size…(3.8 GB )/(1.3 GB) Quality….BluRay 1080p HEVC / 720p Format…mkv/mp4 Duration….01:41:42 Subtitle….Myanmar Subtitle (Hardsub) Encoder….Ka Naung Translated by May Thu

The Pledge (2001) ပရိသတ်ကြီးရေ၊ ဒီတစ်ခါမှာတော့ စုံထောက်ဇာတ်ကားတွေကို ကြိုက်နှစ်သက်သူတွေအတွက် အနည်းငယ်လေးနက်ပြီး စိတ်ခံစားမှု ပြင်းထန်တဲ့ ရုပ်ရှင်တစ်ကားဖြစ်တဲ့ The Pledge (၂၀၀၁) ကို မိတ်ဆက်ပေးချင်ပါတယ်။ ဒီကားကို သရုပ်ဆောင်ပိုင်းမှာ ထိပ်တန်းမင်းသားတစ်လက်ဖြစ်တဲ့ Jack Nicholson က အဓိက သရုပ်ဆောင်ပြီး၊ ဒါရိုက်တာကတော့ Sean Penn ပဲဖြစ်ပါတယ်။ ဇာတ်လမ်းအညွှန်း ဇာတ်လမ်းက ရီနိုမြို့ (Reno) က စုံထောက်ဟောင်း Jerry Black (Jack Nicholson) အကြောင်းပါ။ သူ အငြိမ်းစားယူတဲ့ညမှာပဲ၊ အသက် ၈ နှစ်အရွယ် ကလေးမလေးတစ်ယောက် ရက်ရက်စက်စက် အသတ်ခံလိုက်ရတဲ့ အမှုတစ်ခုပေါ်လာပါတယ်။ Jerry Black ဟာ အငြိမ်းစားယူပြီးသားဖြစ်ပေမဲ့၊ သေဆုံးသွားတဲ့ ကလေးမလေးရဲ့ မိခင်ကို တရားခံကို မဖြစ်မနေ ဖော်ထုတ်ပေးမယ်ဆိုပြီး သစ္စာဆို လိုက်ပါတယ်။ ရဲတွေကတော့ မသန်စွမ်းသူတစ်ဦးကို ဖမ်းဆီးပြီး အမှုကို အလွယ်တကူ ပိတ်လိုက်ပေမဲ့၊ Jerry ဟာ ဒီလူဟာ တရားခံအစစ်မဟုတ်ဘူးလို့ ယုံကြည်နေပါတယ်။ ဒါကြောင့် သူဟာ အငြိမ်းစားဘဝကို စွန့်လွှတ်ပြီး၊ ကိုယ်ပိုင် စုံစမ်းစစ်ဆေးမှုတွေကို စတင်ပါတော့တယ်။ အဲဒီအတွက် သူဟာ စုံတွဲလူသတ်သမားကို ထောင်ချောက်ဆင်ဖို့အတွက် လူသတ်မှုတွေဖြစ်ခဲ့တဲ့ နေရာတွေကြားက လမ်းဘေး ဓာတ်ဆီဆိုင်ဟောင်းလေးတစ်ခုကို ဝယ်ပြီး နေရာယူလိုက်ပါတယ်။ ထိုနေရာမှာ Jerry ဟာ မိခင်တစ်ဦးနဲ့ သူမရဲ့ သမီးငယ်လေး Chrissy နဲ့ ဆုံဆည်းပြီး၊ သူတို့မိသားစုနဲ့ အတူနေထိုင်ရင်း ချစ်ခင်တွယ်တာမှုတွေ စတင်လာပါတယ်။ ဒါပေမဲ့ ကလေးမလေး Chrissy ရဲ့ ပုံပန်းသဏ္ဍာန်ဟာ အရင် အသတ်ခံခဲ့ရတဲ့ ကလေးမလေးတွေနဲ့ ဆင်တူနေတဲ့အခါမှာတော့၊ Jerry ဟာ သူ့ရဲ့ စုံထောက်စိတ်နဲ့ ကတိတည်ချင်စိတ်ကြောင့် ဘယ်လို ဆုံးဖြတ်ချက်တွေ ချသွားမလဲဆိုတာ ရင်တထိတ်ထိတ်နဲ့ ကြည့်ရှုရမှာပဲ ဖြစ်ပါတယ်။ File Size - 1.6 GB/ 743 MB Quality - BluRay 1080p/ 720p Duration - 2h 4m Format - mp4 Genre - Crime, Drama, Mystery, Thriller Subtitle - Myanmar Subtitle (Hard Sub)

ထောင်တွင်း ဇာတ်လမ်းတွေကို သဘောကျနှစ်သက်သူတွေအတွက် 2000 ခုနှစ်ထွက် ထောင်တွင်းဇာတ်လမ်း Animal factory ဖြစ်ပါတယ် မင်းသားကြီး Willem Dafoe ပါဝင်ထားတဲ့ကားတစ်ကားဖြစ်ပြီး သူ့ခေတ်သူ့အခါက သဘာဝကျတဲ့ ထောင်ဇာတ်ကားတစ်ကားအဖြစ် အသိအမှတ်ပြုမှုတွေရရှိခဲ့ပါတယ် ဇာတ်လမ်းကတော့.... မိသားစုနောက်ခံကောင်းကောင်းကလာတဲ့ Rich Kid လေး ရွန်ဒက်ကာ တစ်ယောက် ဆေးခြောက်လက်ဝယ်တွေ့ရှိမှုနဲ့အဖမ်းခံလိုက်ရပါတယ် ထောင်မကျအောင် အစွမ်းကုန်လျှောက်လှဲတဲ့ကြားက ထောင်ကျသွားပါတော့တယ် ထောင်ထဲမှာတော့ သူ့ကို နှစ်ကြီးသမားကြီး အားလ်ကိုပန် က အကာအကွယ်ပေးခဲ့ပါတယ် ထောင်ထဲမှာ ကြုံရမယ့်အခက်အခဲတွေကနေ ကာကွယ်ပေးရုံတင်မကဘဲ သူ့ရဲ့ပြစ်ဒဏ်ကနေပါ လွတ်ငြိမ်းခွင့်ရအောင် အားလ်က ကူညီပေးဖို့ကြိုးစားပါတော့တယ် အရာရာ အဆင်ပြေပြေနဲ့ပဲ ရွန် တစ်ယောက် အပြင်ပြန်ထွက်သွားနိုင်မလား ဒါမှမဟုတ် အခက်အခဲတွေကြုံလာရဦးမလားဆိုတာကတော့...... File size…(1.6 GB)/(892 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Crime, Drama Subtitle….Myanmar Subtitle (Hardsub) Encoder….Swan Min Htet Translated by Min Thway

Thursday (1998) IMDb Rating (7.1) / Rotten Tomatoes (43%) ရုပ်ရှင်အဖွင့်မှာတော့ ခပ်မိုက်မိုက်ပဲ ဘာမဟုတ်တာလေးနဲ့ လက်ရဲဇက်ရဲသတ်ရဲတဲ့လူတစ်စုနဲ့ စထားပါတယ်။ ကေစီဝဲလ်စ်က ဗိသုကာတစ်ယောက်ဖြစ်ပြီး တစ်နေ့မှာမတွေ့တာတော်တော်ကြာနေပြီဖြစ်တဲ့သူငယ်ချင်းနစ်ဆီကနေ ဖုန်းဝင်လာပါတယ်။ နောက်တော့ကေစီ့အိမ်ကို နစ်ခ်ရောက်လာလို့တွေ့ရတာဝမ်းသာနေပါတယ်။ ကေစီ့ကားကို နစ်ခ်ကငှါးသွားပြီး အပြင်ခဏထွက်သွားတဲ့အချိန်၊ထားခဲ့တဲ့ခရီးဆောင်သေတ္တာကိုမသင်္ကာတာနဲ့ရိုက်ဖျက်ပြီး အထဲမှာမူးယစ်ဆေးတွေတွေ့တာနဲ့ ကေစီကလက်ဆေးကန်ထဲ သွန်ချဖျက်ဆီးလိုက်ပါတယ်။ ပီဇာလာပို့သူယောင်ဆောင်ထားတဲ့သူက ကေ့စီကိုခြိမ်းခြောက်ပြီး ပစ္စည်းဘယ်မှာလဲမေးတော့ လက်ဆေးကန်ထဲသွန်ချလိုက်တာအမှန်ဆိုတာသိသွားပြီး ကေစီ့ကိုသတ်မလို့လုပ်တဲ့အချိန် ကေစီကပြန်ပြီးဖမ်းထားလိုက်ပါတယ်။ ကေစီတို့လင်မယားက၊ကလေးမွေးစားဖို့လျှောက်လွှာတင်ထားလို့ အကဲဖြတ်မေးခွန်းတွေမေးဖို့ ဒေါက်တာဂျာဗစ်က ကေစီ့အိမ်ကိုရောက်လာပါတယ်။ နစ်ခ်ရဲ့မိန်းကလေးသူငယ်ချင်းဒါးလတ်စ်ကလည်းရောက်လာပါတယ်။ နောက်ထပ်မျှော်လင့်မထားတဲ့သူတွေလည်းရောက်လာပြီး မမျှော်လင့်တာတွေဖြစ်လာတဲ့အခါ ကေစီ့နောက်ကြောင်းက ဘာဖြစ်မလဲဒါးလတ်စ်နဲ့ မမျှော်လင့်ဘဲရောက်လာတဲ့သူတွေဘာဆက်ဖြစ်မလဲ။ ကေစီနဲ့ နစ်ခ်သူငယ်ချင်းနှစ်ယောက်ဘာဆက်ဖြစ်မလဲဆိုတာ ဖန်သားပြင်ပေါ်မှာဆက်ကြည့်နိုင်ပါတယ်။ “ဒီရုပ်ရှင်ကိုကြည့်ရင်း တစ်ခါတုန်းက facebook မှာခင်လို့ စကားပြောဖြစ်တဲ့အမေရိကန်ကောင်လေးတစ်ယောက်ပြောတာကိုအမှတ်ရမိပါတယ်။ အကိုကလည်းဆေးမှုနဲ့ထောင်ထဲမှာ။မိဘတွေကလည်းဂိုဏ်းတွေအချင်းချင်းဖိုက်တဲ့ပွဲမှာသေသွားတယ်။ လူဖြူမိသားစုကမွေးစားထားတာ မနေချင်လို့ထွက်ပြေးလာတာအခုဦးလေးဆီမှာ။ဦးလေးကလည်း မူးယစ်ဆေးအရောင်းအဝယ်လုပ်တဲ့သူ။ သူ့ဘဝကနေ့တိုင်းသေနတ်ကိုခေါင်းအုံးအောက်ထားပြီးအိပ်ရတဲ့ဘဝ။သူ့မှာမိန်းမရှိတယ်။ မိန်းမက ဟစ်စပန်းနစ်။ တကယ်ဖြစ်ချင်တာကသူနာပြုပါတဲ့။ တကယ်တော့အမေရိကန်ပြည်ထောင်စုဟာ အကျင့်ပျက်ခြစားတာတွေရှိနေတဲ့နိုင်ငံလို့လဲပြောသွားပါသေးတယ်။ဗုဒ္ဓဘာသာကိုစိတ်ဝင်စားလို့လာမေးရင်းသူ့အကြောင်းကိုပြောပြသွားတာပါ။” ဒါကြောင့် Thursday ရုပ်ရုပ်ကားဟာလည်း ရုပ်ရှင်ဆိုတာထက် သရုပ်မှန်ဇာတ်ကားတစ်ကားဆိုလည်းမမှားလောက်ပါဘူး။ Thomas Jane( ကေစီ)၊Aaron Eckhart(နစ်ခ်)၊ Paulina Porizkova( ဒါးလတ်စ်) နဲ့ James LeGros ( ဘီလီဟေးလ်)တို့ ပါဝင်သရုပ်ဆောင်ထားပြီး ဒါရိုက်တာ SkipWoods ကရိုက်ကူးပေးထားပါတယ်။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size… (1.9 GB) / (870 MB) Quality…. Blu-Ray 1080p HEVC / 720p Format…. mkv/mp4 Genre…. Action, Comedy, Crime, Drama, Mystery, Thriller Duration…. 01:25:16 Subtitle…. Myanmar Subtitle (Hardsub) Encoder…. Benjamin Translated by Khin Sakar Khin

Buffalo '66 (1998) ~ IMDb - 7.4/10, Rotten Tomatoes - 76% ~ အဟောင်းအကောင်း Old but Gold ဇာတ်ကားကောင်းတွေထဲက တစ်ကားဖြစ်ပါတယ်။ IMDb Rating (7.4/10) ရထားတဲ့ ဒီဒရာမာ ဟာသ ရိုမန့်စ်ကားလေးက ဆုပေါင်း(၆)ဆုဆွတ်ခူးထားပြီး Nomination တွေလည်း (၁၁)ခုထိ ၀င်ထားခဲ့ပါသေးတယ်။ ကြည့်ရှုသူများကလည်း ကြည့်ဖူးသမျှထဲမှာ အကောင်းဆုံး Independent Film လို့ရည်ညွှန်းခံရတဲ့ကားလေးပါ။ ဘီလီဘရောင်းဆိုတဲ့သူက ထောင်ငါးနှစ်ကျပြီး ထွက်လာခဲ့တာပါ။ မိဘတွေကို ထောင်ကျခဲ့တာလို့မပြောဘဲ အလုပ်ကိစ္စကြောင့်အဝေးရောက်‌နေပြီး အိမ်ထောင်လည်းကျနေပြီလို့ လိမ်ညာခဲ့မိတာကြောင့် မိဘအိမ်ပြန်ဖို့လိုလာတဲ့အချိန် ပြစရာဇနီးလိုလို့ လမ်းကြုံကောင်မလေးတစ်ယောက်ကို ပြန်ပေးဆွဲရာကနေ ဒီဇာတ်လမ်းက စတင်လာခဲ့ပါတယ်။ ဒီကားလေးက သရုပ်ဆောင်နယ်ပယ်မှာ နာမည်ကြီးပြီး ဆုတွေအများကြီးလည်းရဖူးတဲ့ Golden Lion ဆုအတွက်လည်း Nomi အကြိမ်ကြိမ်၀င်ဖူးတဲ့ Vincent Gallo ရဲ့ ဒါရိုက်တာအဖြစ် ပွဲဦးထွက်ခဲ့တဲ့ကားလေးဖြစ်ပါတယ်။ ဇာတ်ညွှန်းကိုလည်း သူကိုယ်တိုင်ပဲရေးသားထားပြီး သူကိုယ်တိုင်ပဲသရုပ်ဆောင်ထားတာပါ။ သူ့ကို Mainstream ပေါ် တင်ပေးခဲ့တဲ့ကားဆိုရင်လည်း မမှားပါဘူး။ မင်းသမီးဆိုရင်လည်း ကြည့်ရှုသူတွေနဲ့မစိမ်းတဲ့ ၁၉၉၁ ခုထွက် The Addams Family ထဲက မူလလက်ဟောင်း ဗုဒ္ဓဟူးမလေးပါ။ သူရဲ့ပျိုမျစ်လတ်ဆတ်တဲ့အလှရယ် ညှို့ငင်တတ်တဲ့မျက်၀န်းနက်နက်လေးတွေရယ် ဘိုးလင်းရုံမှာကတဲ့ Tap Dance အခန်းလေးတွေက ဒီဇာတ်ကားလေးကို အသက်၀င်စေတဲ့ သွေးကြောလေးတွေပါပဲ။ အားလုံးပဲ ကြည့်ရှုခံစားလိုက်ကြပါဦး။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.4GB, 960MB Quality - 1080p, 720p IMDb Rating - 7.4/10 Format - mp4 Duration - 1H 50Min Genre - Comedy, Drama, Romance Subtitle - Myanmar Subtitle (Hardsub) Translated by Soe Thiri Swe Encoded by Y

ဒီတစ်ခါမှာတော့ martial art မင်းသားကြီး Jean Claude Van Damme ဦးဆောင်ပါဝင်ထားတဲ့ Double team ဆိုတဲ့ action ဇာတ်ကားလေးကိုတင်ဆက်ပေးလိုက်ပါတယ် CIA အကြမ်းဖက်တိုက်ဖျက်ရေးအေးဂျင့်ဟောင်းတစ်ဦးဖြစ်တဲ့ ဂျက်ကွင်းဟာ အလုပ်ကနေအပြီးအနားယူပြီးကာမှ သူ့နှစ်ပေါင်းများစွာထောက်လှမ်းခဲ့တဲ့ ရန်သူတော်ကြီး အကြမ်းဖက်သမား"စတက်ဗရို" ပြန်လည်ပေါ်လာတာကြောင့် သူ့ကိုဖမ်းပေးရမယ့်မစ်ရှင်ကိုလက်ခံလိုက်ရပါတယ် ဒါပေမဲ့ ဂျက်ရဲ့တွန့်ဆူတ်မှုကြောင့် သူ့ရဲ့အဖွဲ့တစ်ခုလုံးအသတ်ခံလိုက်ရပြီး "စတက်ဗရို"ရဲ့ မိန်းမနဲ့ကလေးလည်းသေဆုံးခဲ့ရပါတယ် စတက်ဗရိုကိုယ်တိုင်ကတော့လွတ်မြောက်ခဲ့ပြီး သူ့ရဲ့သားသေဆုံးမှုကြောင့် ဂျက်ကိုလက်စားချေဖို့ကြိုးစားပါတယ် ဂျက်သေဆုံးသွားပြီလို့တစ်လောကလုံးထင်နေခဲ့ပေမဲ့ ဂျက်က ဘယ်သူမှမသိတဲ့"ကိုလိုနီ"ဆိုတဲ့လျှို့ဝှက်စစ်ဆင်ရေးလုပ်ရတဲ့နေရာမှာပိတ်မိနေတာပါ အဲ့မှာနေရင်း အပြင်မှာကျန်ခဲ့တဲ့ သူ့ရဲ့ကိုယ်ဝန်သည်ဇနီးကို စတက်ဗရိုကလက်စားချေဖို့ပစ်မှတ်ထားနေတယ်ဆိုတာကိုသိလိုက်ရတော့ ကိုလိုနီကနေခိုးထွက်ပြီး မိန်းမနဲ့ကလေးကိုကာကွယ်ဖို့ စတက်ဗရိုနဲ့ရင်ဆိုင်ရပါတော့တယ် File size…(2 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ရူဒီဘေလာဟာ ကျောင်းပြီးခါစ၊ ရှေ့နေလိုင်စင်တောင် မရသေးတဲ့ လူငယ်တစ်ယောက်ပါ။ လက်ထဲမှာ ပိုက်ဆံမရှိလို့ နာမည်ရ ဥပဒေအကျိုးဆောင်ရုံးတစ်ခုမှာ ရရာအလုပ် ဝင်လုပ်နေရတယ်။ သူနဲ့တွဲဖက်ဖြစ်လာသူ ဒက်ရှစ်ဖလက်ကလည်း ရှေ့နေစာမေးပွဲကို ခြောက်ကြိမ်တိတိ ကျဖူးသူပါ။ ဒီနှစ်ယောက်ဟာ မရိုးမသားလုပ်ထားတဲ့ အာမခံကုမ္ပဏီကြီးတစ်ခုကို အမှုရင်ဆိုင်ဖို့ အကြောင်းဖန်လာပါတယ်။ တစ်ဖက်ကုမ္ပဏီဘက်ကတော့ နာမည်ကျော်ပြီး အတွေ့အကြုံရင့်တဲ့ ရှေ့နေကြီး လီယိုတို့အဖွဲ့က အမှုလိုက်ပေးနေတယ်။ ရူဒီနဲ့ ဒက်တို့ ဒီရှေ့နေအဖွဲ့ကို ဘယ်လိုရင်ဆိုင်ကြမလဲ၊ သူတို့အမှုကို အနိုင်ရနိုင်ပါ့မလား။

၁၉၉၁ ခုနှစ်က ထွက်ခဲ့ပြီး အဲဒီအချိန်က အောင်မြင်ခဲ့တဲ့ကားကောင်းတစ်ကားပါ။ IMDb rating 6.0/10 ရရှိထားပါတယ်။ ဇာတ်လမ်းထဲမှာတော့ ၁၉၉၆ ခုနှစ်ကို ဇာတ်အိမ်တည်ထားပါတယ်။ အခု အဖိုးကြီးဖြစ်နေပြီး Ironman 2 တို့ Sin City တို့ထဲမှာ လူကြမ်းအဖြစ်သရုပ်ဆောင်နေတဲ့ မင်းသားမိုက်ကီရောက်ကီနဲ့ ဒွန်ဂျွန်ဆင်တို့ရဲ့ ကားကောင်းတစ်ကားဖြစ်ပါတယ်။ ကျွန်တော့်အမြင်တော့ ဒီကားထဲမှာမိုက်ကီရောက်ကီထက်စာရင် ဒွန်ဂျွန်ဆင်ကပိုပြီးသရုပ်ဆောင် ကောင်းတယ်လို့ ထင်ပါတယ်။ ဇာတ်လမ်းအကျဉ်းကတော့ ဟာလေဒေဗစ်ဆင်ဆိုင်ကယ်ကြီးစီးပြီး ဟာလေဒေဗစ်ဆင်လိုအမည်ရတဲ့သူတစ်ယောက်ဟာ ငယ်ငယ်ကကြီးပြင်းလာခဲ့တဲ့ဘားဆိုင်တစ်ဆိုင်ကို သူငယ်ချင်းတွေနဲ့တွေ့ဖို့ ပြန်သွားခဲ့ပါတယ်။ လမ်းမှာ မာလ်ဘိုရိုမန်းလို့ခေါ်တဲ့ ကောင်းဘွိုင်စတိုင်နဲ့ သူငယ်ချင်းဟောင်းကို ပြန်တွေ့ခဲ့ပါတယ်။ သူတို့နှစ်ယောက်က သူတို့နဲ့နေရာဟောင်း ဘားဆိုင်ကိုပြန်အရောက်မှာတော့ သူတို့ဘားဆိုင်ကို ဘဏ်တစ်ဘဏ်ကအပိုင်စီးပြီး မိုးမျှော်တိုက်ကြီး ဆောက်ရန်ကြံရွယ်နေတာကို သိလိုက်ရပါတယ်။ အဲဒီအချိန်မှာ သူတို့က ဘဏ်ကိုဓါးမြတိုက်ပြီး ပိုက်ဆံရှာဖို့ ကြိုးစားခဲ့ပါတယ်။ ဒါပေမယ့် သူတို့ဓါးမြတိုက်ခဲ့တဲ့အထုပ်တွေကပိုက်ဆံတွေမဟုတ်ပဲ ဘဏ်မန်နေဂျာက လျှို့ဝှက်ဖြန့်ဖြူးနေတဲ့ အဆင့်မြင့်မူးယစ်ဆေးဝါးတွေ ဖြစ်နေခဲ့တဲ့အတွက် ပြသနာကြုံရပါတော့တယ်။ ဘဏ်မန်နေဂျာက အဆင့်မြင့်လူသတ်သမားတွေကို စေလွှတ်ပြီးသူတို့ကို လက်စဖျောက်ဖို့ ကြိုးစားတဲ့အခါ ဟာလေဒေဗစ်ဆင်နဲ့မာလ်ဘိုရိုမန်းတို့က ဘယ်လိုလွတ်မြောက်အောင် ရုန်းထွက်ကြမလဲ။ သူတိုနှစ်ယောက့်ရဲ့အဓိက ရည်မှန်းချက်ကရော ဘာတွေဖြစ်မလဲဆိုတာဇာတ်လမ်းဆုံးအောင် ကြည့်လိုက်ကြပါ။ (အပေါ်ပိုင်း ဗလာကျင်းတဲ့ အခန်းနှစ်ခန်းတော့ ပါပါတယ် ဒါပေမယ့် လိင်ခန်းတွေဘာတွေ မပါဝင်တဲ့ကားတစ်ကားပါ) (ဒီဇာတ်ကားရဲ့အညွှန်းနဲ့ ဘာသာပြန်ရေးသားပေးသူကတော့ CM Team မှ ကိုညီညီကျော်မြင့် ဖြစ်ပါတယ်။) @San Win Maung File Size                          : 700 Mb Quality                            : HD 720P File Size 2                       : 350 Mb Quality                            : HD 360P Running Time                  : 1h 38m Translated                       : Nyi Nyi Kyaw Myint Encoded                         : San Win Maung

အလွတ်စုံထောက် ဟားရော့ဒ်အိန်ဂျယ့်ဆီကို လူးဝစ်ဆိုင်ဖရာဆိုတဲ့ အမှုသည်တစ်ယောက် ရောက်လာပြီး လူပျောက်ရှာပေးဖို့ အပ်ပါတယ်။ ရှာရမယ့်သူက ဂျွန်နီဖေးဘရစ်ဆိုတဲ့ အဆိုတော်ပါ။ ဓာတ်ပုံမရှိ၊ နေရပ်လိပ်စာမသိဘဲ နောက်ဆုံးတက်ခဲ့တဲ့ ဆေးရုံလိပ်စာတစ်ခုသာ ရထားတော့ အဲဒီသဲလွန်စကနေ စရှာရတယ်။ အိန်ဂျယ်ဟာ ဂျွန်နီနဲ့ သိကျွမ်းခဲ့သူတွေကို တစ်ယောက်ပြီးတစ်ယောက် လိုက်တွေ့ပြီး မေးမြန်းပါတယ်။ စုံစမ်းလေလေ ဒီအမှုဟာ ရိုးရိုးလူပျောက်မှုတစ်ခု မဟုတ်တာကို သိလာရတယ်။ မှော်နက်ပညာ၊ စုန်းကဝေအတတ်တွေနဲ့ ဆက်စပ်နေတဲ့အပြင် သူတွေ့ဆုံမေးမြန်းခဲ့သူတွေမှာပါ မထင်မှတ်တဲ့ အဖြစ်ဆိုးတွေ ကြုံလာကြပါတယ်။ အဲဒီအဖြစ်ဆိုးတွေက သူ့ဆီကိုပါ ဆက်နွယ်လာတဲ့အခါ အိန်ဂျယ်ကိုယ်တိုင်လည်း ဘေးကင်းတဲ့နေရာမှာ မရှိတော့ဘူး။ သူ ဒီအန္တရာယ်တွေက လွတ်နိုင်ပါ့မလား၊ ဂျွန်နီဖေးဘရစ်ကိုရော ရှာတွေ့နိုင်မလား၊ စုံစမ်းရင်း သိလာရမယ့် အမှန်တရားက ဘာဖြစ်မလဲဆိုတဲ့ မေးခွန်းတွေ ကျန်နေပါတယ်။ Alan Parker ရိုက်ကူးထားတဲ့ ဒီလျှို့ဝှက်သည်းဖိုနဲ့ စိတ်ပိုင်းဆိုင်ရာထိတ်လန့်ဇာတ်ကားမှာ သွေးထွက်သံယိုခန်းတွေနဲ့ အရွယ်ရောက်သူတွေအတွက်သာ သင့်လျော်တဲ့အခန်းတွေ ပါဝင်ပါတယ်။

Nine 1/2 Weeks က အရွယ်ရောက်သူတွေအတွက် ရည်ရွယ်ထားတဲ့ ဇာတ်ကားဖြစ်ပြီး ရင်းနှီးတဲ့ဆက်ဆံရေးအတွင်းက စိတ်လှုပ်ရှားမှု၊ သာယာမှုနဲ့ လွှမ်းမိုးလိုစိတ်တို့အကြောင်းကို တင်ပြထားပါတယ်။ ၁၉၈၆ ခုနှစ်က ရိုက်ကူးပုံနဲ့ ခန္ဓာကိုယ်အလှကို ပုံဖော်ထားပုံတွေကိုလည်း တွေ့ရမှာပါ။ အချိန်ကြာလာလို့ တစ်ယောက်နဲ့တစ်ယောက်ကြား စိတ်လှုပ်ရှားမှုတွေ လျော့လာတဲ့အခါ သာယာမှုကို ဘယ်လိုပြန်ရှာကြမလဲ။ ကိုယ့်လက်တွဲဖော်အပေါ် လွှမ်းမိုးမှုက ဘယ်အတိုင်းအတာအထိ ရှိသင့်သလဲ။ သာယာမှုနောက်မှာ ဘယ်လိုဆိုးကျိုးတွေ လိုက်လာနိုင်သလဲဆိုတဲ့ မေးခွန်းတွေကို ဇာတ်ကားက တင်ပြထားပါတယ်။

ဒီကားကို ရိုက်ထားတဲ့ director ကတော့ တခြားမဟုတ်ဘဲ The Godfather trilogy ကို ရိုက်ကူးပေးခဲ့တဲ့ Francis Ford Coppola ပဲ ဖြစ်ပါတယ်။ S. E. Hinton ရဲ့ Rumble fish ဆိုတဲ့ ၀တ္ထုကိုပဲ ပြန်ရိုက်ထားပြီးတော့ cinematography မှာလည်း အတော်လေး ထူးခြားတဲ့ကားကောင်းတစ်ကားပါ။ ဘယ်လိုမျိုးထူးခြားလဲဆိုတော့ သူ့အခေတ်အခါမှာရော အခုခေတ်အခါမှာပါ တွေ့ရနည်းတဲ့ camera ရှုထောင့်တွေကနေ creative ဖြစ်ဖြစ်ပဲ ရိုက်ကူးပေးထားပါတယ်။ close up ရိုက်ချက်တွေဆိုရင် ကျွန်တော့်အတွက်တော့ တော်တော်လေး unique ဖြစ်ပါတယ်။ တချို့နေရာတွေဆိုရင် အပေါ်က ပင့်ရိုက်တာတွေ အောက်ကပင့်ရိုက်တာတွေက ကြည့်ရတာ တစ်မျိုးကြီးလို့ ခံစားရပေမယ့် သဘောကျမိတာတော့ အမှန်ပဲဗျ။ Main character အနေနဲ့က‌တော့ ဂျစ်ကန်ကန်ပေါ့ပျက်ပျက်နေတတ်တဲ့ လူငယ်တစ်‌ေယာက်လည်းဖြစ်၊ အကိုဖြစ်သူရဲ့ ကျော်ကြားမှုတွေ လွှမ်းမိုးခဲထားရတဲ့ ညီတစ်ယောက်လည်းဖြစ်တဲ့ Rusty James ဇာတ်ကောင်ကို Matt Dillon က သရုပ်ဆောင်ထားပြီးတော့... သူ့ရဲ့အကို လူထူးဆန်းလည်းဖြစ်တဲ့ Motorcycle boy အနေနဲ့ Mickey Rourke က ပါ၀င်သရုပ်ဆောင်ထားပါတယ်။ ကျွန်တော်တို့အချစ်တော်ကြီး Nic Cage ကလည်း support character အနေနဲ့ ပါထားပါသေးတယ်။ screen time တော့နည်းပေမယ့် ဘဲကြီးတာ၀န်ကျေကျေပဲ ရှယ်သရုပ်ဆောင်ထားတာတွေ့ရပါတယ်။ ဇာတ်လမ်းအကြောင်းကတော့ ကိုယ့်ဘာသာကြည့်ရင်း feel သင့်တဲ့ကားမလို့ ကိုယ်တိုင် သေချာခံစားပြီး ကြည့်လိုက်ပါလို့ပဲပြောချင်ပါတယ်။ Plot ကအရမ်းကြီးမရှုပ်ထွေးပေမယ့် philosophy ဆန်ဆန် ကားကောင်းတစ်ကားဖြစ်တာမလို့ CM ပရိတ်သတ်ကြီး ကော်ဖီလေးတစ်ခွက်‌ေလာက်ထဖျော်ပြီး ‌‌ေကာ်ဖီ‌‌ေလးအရသာခံရင်း chill လို့ရပါပြီခင်ဗျာ... (For parents: Nudity အနည်းငယ်ပါသည်) File size…(1.9 GB)/(1 GB) Quality….Blu-Ray  1080p / 720p Format… mp4 Duration…. 01:34:00 Genre... Coming-of-Age, Crime, Drama, Romance Subtitle….Myanmar Subtitle (Hardsub) Encoder….Garfield Translated by Wai Hlyun

ရှေ့နေနက်ဒ်ရာဆင်းက အကျင့်ပျက်ခြစားမှုတွေ မရှားတဲ့မြို့မှာ အခွင့်အရေးရရင် လိမ္မာပါးနပ်သလို အကွက်ဆင်ပြီး လူလွတ်ဘဝကို ပျော်ပျော်ပါးပါး ဖြတ်သန်းနေသူပါ။ တစ်ညမှာ မတ်တီဝေါ်ကာဆိုတဲ့ အမျိုးသမီးနဲ့ ဆုံမိရာက သူ့ကို စွဲလမ်းသွားတယ်။ မတ်တီမှာ အိမ်ထောင်ရှိပေမဲ့ နက်ဒ်က လက်မလျှော့ဘဲ လိုက်ခဲ့သလို ခင်ပွန်းအပေါ် မကျေနပ်ချက်ရှိနေတဲ့ မတ်တီကလည်း သူ့ကို လက်ခံလိုက်ပါတယ်။ နှစ်ယောက်သား မတ်တီ့ခင်ပွန်းမသိအောင် တွေ့ဆုံနေကြရာက ပိုကြီးတဲ့ ပြစ်မှုတစ်ခုကို ကျူးလွန်ဖို့ စိတ်ကူးလာကြတယ်။ ငွေကြေးချမ်းသာတဲ့ မတ်တီ့ခင်ပွန်းကို လုပ်ကြံပြီး ကျန်ရစ်မယ့်အမွေတွေကို သူတို့နှစ်ယောက် သိမ်းယူဖို့ပါ။ ဒါပေမဲ့ အစီအစဉ်ကို အကောင်အထည်ဖော်ရင်း ကြုံလာရတာတွေက ထင်ထားသလို ဖြစ်မလာတော့ဘူး။ နက်ဒ်လည်း ကိုယ်ယုံကြည်မိသူကြောင့်ပဲ ဒုက္ခရောက်တော့မလားဆိုပြီး တုန်လှုပ်စပြုလာပါတယ်။ William Hurt ပါဝင်သရုပ်ဆောင်ထားတဲ့ ဒီကားက လိင်မှုအကြောင်းအရာတွေပါတဲ့ Neo-Noir ရာဇဝတ်မှုဇာတ်ကားပါ။