Ruby Lin ပါဝင်သော ဇာတ်ကားများ

ရှောင်ဟုံက ရုပ်ရည်ချောပေမယ့် အချစ်ရေးအတွေ့အကြုံမရှိသေးဘဲ အမေရဲ့အထိန်းအချုပ်အောက်မှာ နေလာတဲ့ လူပျိုတစ်ယောက်ပါ။ သူ့ဘဝမှာ အနီးစပ်ဆုံးရှိနေတဲ့ အမျိုးသမီးဆိုလို့ အမေပဲရှိပြီး အဖော်အဖက်လည်း မရှိသေးဘူး။ သူ့မွေးနေ့မှာတော့ ဝမ်းကွဲအစ်ကိုက မွေးနေ့လက်ဆောင်ဆိုပြီး လိင်လုပ်သားတွေနဲ့ ပျော်ပါးဖို့ တွန်းအားပေးတာကြောင့် ဟိုတယ်တစ်ခုကို ရောက်သွားပါတယ်။ အဲဒီဟိုတယ်မှာ အိမ်ထောင်ကွဲထားပြီး ကလေးကို တစ်ယောက်တည်းပြုစုနေတဲ့ အစ်မလဲ့လဲ့နဲ့ ဆုံမိရာက ရှောင်ဟုံရဲ့ဘဝထဲ အပြောင်းအလဲတစ်ခု ဝင်လာတယ်။ ရိုးရိုးအေးအေးနေတတ်တဲ့ သူက အမေရဲ့အထိန်းအချုပ်ကြားကနေ အစ်မလဲ့လဲ့ကို ဘယ်လိုချဉ်းကပ်မလဲ၊ သူ့ရဲ့ပထမဆုံးအချစ်ကရော အဆင်ပြေပါ့မလား။ ထိုင်ဝမ်အချစ်ဒရာမာကားဖြစ်ပြီး ရှောင်ဟုံအဖြစ် Kai Ko က သရုပ်ဆောင်ထားပါတယ်။

ဒီကနေ့ M-Sub Movie Channel ကနေ တင်ဆက်ပေးချင်တာကတော့ ၁၃ နှစ်တာ ကြာညောင်းခဲ့တဲ့ အမုန်းတရားတွေ၊ နာကျည်းမှုတွေနဲ့ အကွက်ကျကျ ပြင်ဆင်ထားတဲ့ ကလဲ့စားချေမှုတွေကြားထဲက "Phantom Of The Theatre" ဆိုတဲ့ ရုပ်ရှင်ကားကောင်းလေးပဲ ဖြစ်ပါတယ်။ ဇာတ်လမ်းအကျဉ်း မိသားစုဝင် ၁၈ ယောက်လုံးကို တစ်နေရာတည်းမှာ အရှင်လတ်လတ် မီးရှို့သတ်ဖြတ်ခံလိုက်ရတဲ့ ဖြစ်ရပ်ဆိုးကြီးကနေ အသက်ဘေးက လွတ်မြောက်လာခဲ့တဲ့ မောင်နှမနှစ်ယောက်...။ သူတို့ရဲ့ဘဝမှာ ပျော်ရွှင်မှုဆိုတာ ဘာမှန်းမသိဘဲ ၁၃ နှစ်တိုင်တိုင် အမုန်းတရားတွေကိုပဲ အစာကျွေးပြီး ရှင်သန်ခဲ့ကြရပါတယ်။ ရည်ရွယ်ချက်ကတော့ တစ်ခုတည်းပါ... "သူတို့မိသားစုကို သတ်ခဲ့တဲ့ လူယုတ်မာ စစ်ဗိုလ်ချုပ်ကို အသေသတ်ဖို့" ပဲ ဖြစ်ပါတယ်။ ဒါပေမဲ့ ကံကြမ္မာရဲ့ အလှည့်အပြောင်းမှာ ကလဲ့စားချေဖို့ အနီးကပ်ဆုံးအထိ ချဉ်းကပ်ခဲ့တဲ့အခါ... မိသားစုအပေါ် ထားရှိတဲ့ သံယောဇဉ်နဲ့ ကိုယ်တိုင်ချစ်မိသွားတဲ့သူကြားမှာ ဝေခွဲမရဖြစ်လာတဲ့အခါမှာတော့ ဘာတွေဆက်ဖြစ်လာမလဲ။ ဒီကားလေးက စစ်အာဏာရှင်ခေတ် နောက်ခံနဲ့ ရိုက်ကူးထားတာမို့ တင်းမာတဲ့ အငွေ့အသက်တွေနဲ့ ရင်တထိတ်ထိတ် ကြည့်ရှုရမှာပါ။ "အမုန်းတရားထက် အချစ်က ပိုပြီး ခံစားလို့ကောင်းပါတယ်" ဆိုတဲ့ စကားစုလေးက ပရိသတ်တွေရဲ့ ရင်ကို တကယ်ပဲ လှုပ်ခတ်သွားစေမှာ ဖြစ်ပါတယ်။ လူသတ်သမားဆိုတဲ့ ဝန်ထုပ်ဝန်ပိုးကို တစ်သက်လုံး မထမ်းပိုးချင်ဘဲ ခွင့်လွှတ်ခြင်းနဲ့ လွတ်လပ်မှုကို ရှာဖွေသွားတဲ့ ဇာတ်ကောင်တွေရဲ့ ပြောင်းလဲမှုကို သဘာဝကျကျ မြင်တွေ့ရမှာပါ။ "ရုပ်ရှင်တစ်ကားရဲ့ အဆုံးသတ်က ကင်မရာပိတ်လိုက်ရုံနဲ့ ပျောက်ကွယ်မသွားဘူး" ဆိုသလိုပဲ... ဒီကားလေးက ကြည့်ပြီးသွားရင်လည်း ရင်ထဲမှာ အလွမ်းတစ်ခွဲ၊ နာကျည်းမှုတစ်ဝက်နဲ့ တစ်စိမ့်စိမ့် ခံစားကျန်ရစ်နေမယ့်ကားကောင်းတစ်ကားဖြစ်ကြောင်း ညွှန်းဆိုပါရစေ။ ဘာသာပြန်နှင့် အညွှန်း: Mike

ပေကျင်းမှာ အိမ်အမှတ် ၈၁ လို့ခေါ်တဲ့ သရဲခြောက်တယ်ဆိုပြီး နာမည်ကြီးနေတဲ့ အိမ်ကြီးတစ်လုံး ရှိပါတယ်။ ပါးစပ်ရာဇဝင်အရ မူလအိမ်ပိုင်ရှင်ရဲ့ ဇနီးဟာ သတို့သမီးဝတ်စုံနဲ့ ကိုယ့်ကိုယ်ကို သေကြောင်းကြံခဲ့ပြီးနောက် မိသားစုဝင်တွေပါ ထူးထူးဆန်းဆန်း ရှေ့ဆင့်နောက်ဆင့် သေဆုံးခဲ့ကြတယ်။ အဲဒီအကြောင်းတွေကြောင့် အိမ်က ကာလပေါက်ဈေးထက် အများကြီး သက်သာနေပါတယ်။ ရွှီလော့ချင်းတို့မိသားစုက အဲဒီအိမ်ကြီးဆီ ပြောင်းလာကြတယ်။ ဈေးသက်သာနေတာကလည်း ပြောင်းလာရတဲ့ အကြောင်းတစ်ခု ဖြစ်နိုင်ပါတယ်။ ရွှီလော့ချင်းဟာ အိမ်မှာ သေကြောင်းကြံခဲ့တဲ့ အိမ်ပိုင်ရှင်ဇနီးနဲ့ ရုပ်ချင်းခွဲမရအောင် တူနေတယ်ဆိုတာ သိလာရတယ်။ အဲဒီနောက်မှာ ပုံရိပ်ယောင်တွေ မြင်ရ၊ အသံတွေ ကြားရပြီး အနီရောင်ဝတ်ထားတဲ့ လူတွေလည်း ပေါ်လာကြပါတယ်။ အိမ်ထဲက ထူးဆန်းမှုတွေနဲ့အတူ ခင်ပွန်းသည် ဖောက်ပြန်နေသလားလို့လည်း သူအကြိမ်ကြိမ် သံသယဝင်လာတယ်။ ပြောင်းလာပြီးကတည်းက လင်မယားနှစ်ယောက် မကြာခဏ ရန်ဖြစ်ကြရင်း ကွာရှင်းဖို့အထိ ဖြစ်လာကြပါတယ်။ သူတို့ရဲ့ လက်ရှိအဖြစ်အပျက်တွေနဲ့အတူ ပါးစပ်ရာဇဝင်ထဲက ဟောမိသားစုနဲ့ တျဲယွီတို့ကြားမှာ ဖြစ်ခဲ့တာတွေကိုလည်း နောက်ကြောင်းပြန်အခန်းတွေနဲ့ တဖြည်းဖြည်း ပြထားပါတယ်။

ဒီတစ်ခေါက်မှာတော့ ဒါရိုက်တာက Dennie Gordonရိုက်ကူးထားတဲ့ My.Lucky.Star.2013 ဆိုတဲ့ ဇာတ်ကားလေးကို တင်ဆက်ပေးလိုက်ပါတယ်နော်။ ဇာတ်လမ်းအညွှန်း ဆိုဖီဟာ ခရီးသွားအေဂျင်စီတစ်ခုမှာ အလုပ်လုပ်နေတဲ့ မိန်းကလေးတစ်ယောက်ဖြစ်ပြီး စိတ်ကူးယဉ်ဆန်ဆန် အချစ်ဇာတ်လမ်းတွေကို သဘောကျတတ်သူဖြစ်ပါတယ်။ သူမဟာ ဘဝကိုပုံမှန်အတိုင်း ဖြတ်သန်းနေရင်း တစ်နေ့မှာ စင်ကာပူကို ခရီးထွက်ခွင့်မဲလက်မှတ်ရလာတဲ့အခါမှာတော့ သူမရဲ့ဘဝတစ်ခုလုံးဟာ ပြောင်းလဲသွားပါတော့တယ်။စင်ကာပူရောက်တဲ့အချိန်မှာ ဆိုဖီဟာ သူ့အိမ်မက်ထဲက မင်းသားလေးလို ချောမောတဲ့ ဒေးဗစ်ဆိုတဲ့ အမျိုးသားတစ်ယောက်နဲ့ တွေ့ဆုံခဲ့ပါတယ်။ သို့သော် ဒေးဗစ်ဟာ သာမန်လူတစ်ယောက် မဟုတ်ဘဲ လျှို့ဝှက်တာဝန်တစ်ခုကို ထမ်းဆောင်နေတဲ့ အေးဂျင့်တစ်ယောက်ဖြစ်ပြီး တန်ဖိုးကြီးတဲ့ လပ်ကီးစတား စိန်နဲ့ပတ်သက်တဲ့ အန္တရာယ်ရှိတဲ့ မစ်ရှင်တစ်ခုကို တာဝန်ထမ်းဆောင်နေရတဲ့အခါမှာတော့....ဆိုဖီဟာ မတော်တဆ ထိုအရှုပ်အထွေးထဲသို့ ပါဝင်ပတ်သက်မိသွားပါတော့တယ်။ထိုအချိန်မှစပြီး ဆိုဖီရဲ့ ရိုးရိုးရှင်းရှင်း ခရီးစဉ်ဟာ အန္တရာယ်တွေ၊ စိတ်လှုပ်ရှားစရာအဖြစ်အပျက်တွေ ပြည့်နှက်သွားပြီး ခိုးယူခံရတဲ့ စိန်ကြီးကို ပြန်လည်ရှာဖွေရန် တာဝန်ပေးအပ်ခံလာရတဲ့အချိန်မှာတော့ ဆိုဖီတစ်ယောက် သူ့ရဲ့တာဝန်ကို အဆုံးသတ်နိူင်ပါ့မလား...?သူ့ရဲ့ စိတ်ကူးယဉ်မင်းသားလေး ဒေဗစ်နဲ့ရော ဘယ်လိုနက်ရှိုင်းတဲ့ ပတ်သက်မှုတွေ ဖြစ်ပေါ်လာမလားဆိုတာကို ဇာတ်ကားလေးနဲ့အတူ ကြည့်ရှုပေးပါဦးနော်။ အညွှန်းနဲ့ ဘာသာပြန်သူကတော့ Nay Chii ဖြစ်ပါတယ်။