Saravanan ပါဝင်သော ဇာတ်ကားများ

With Love (2026) အချစ်များစွာဖြင့် ရိုရိုချိုချိုကြည့်ရမယ့် IMDb 7.6 ရထားတဲ့ ကျောင်းသားဘဝနောက်ခံ တမီလ်အချစ်ရုပ်ရှင်လေးကိုတင်ဆက်ပေးလိုက်ပါတယ်။ဆတ်သယာ ဟာ ကိုယ်တိုင်က ဂေါ်မစွံတာကြောင့် အစ်မဖြစ်သူစီစဉ်ပေးတဲ့ ဘလိုင်း ဒိတ်ကို မတွေ့ချင်တွေ့ချင်နဲ့ သွားတွေ့ခဲ့ရပါတယ်။ ဒါပေမဲ့ သူသွားတွေ့ရတဲ့ကောင်မလေးက တိုက်တိုက်ဆိုင်ဆိုက်ပဲ စတိတ် ကျောင်းတုန်းက ဂျူနီယာကောင်မလေးဖြစ်နေပါတယ်။ ကျောင်းတူကြောင်း သိလိုက်ရတာနဲ့ သူတို့နှစ်ယောက်ဟာ ချက်ချင်းရင်းနှီးသွားပြီး ငယ်ဘဝအ ကြောင်းတွေ၊ ကျောင်းတုန်းက အမှတ်တရတွေ၊ ခရက်ရှ်တွေအကြောင်း ပြန်ပြောကြရင်း တဖြည်းဖြည်းနဲ့ ရင်းနှီးမှုတွေပိုတိုးလာပါတော့တယ်...။ File size… 2.7 GB / 1.21 GB Quality…WEB DL 1080p HEVC/ 720p Format…mkv/ mp4 Duration….2hr 21mins Subtitle….Myanmar Subtitle (Hard Sub)

Sattamum Needhiyum (2025) "တရားဥပဒေ" IMDb - 8/10 တမီးလ်မင်းသားကြီး ဆာရာဗန်နန်ရဲ့ အသစ်ထွက်ရှိလာတဲ့စီးရီးကို တင်ဆက်ပေးလိုက်ပါတယ်။ ဆွန်ဒါရာမူသီဆိုတာ ရှေ့နေဖြစ်နေပေမဲ့ တရားရုံးဝင်းထဲက လက်ဖက်ရည်ဆိုင်လေးဘေးမှာပဲ စာချုပ်စာတမ်းရှေ့နေတစ်ယောက်အနေနဲ့ လုပ်ကိုင်နေတဲ့သူ။ အဲဒီလိုရှေ့နေဆီကနေ ထောက်ခံချက်ယူပြီး အငယ်တန်းရှေ့နေလုပ်ဖို့ကြိုးစားနေတာက အာရူနာ။ အရှုံးသမားလို့ အားလုံးဝိုင်းတံဆိပ်ကပ်ထားတဲ့လူဆီက ထောက်ခံချက်ယူလာပြီး အလုပ်လျှောက်ဖို့ကြိုးစားနေတဲ့ အာရူနာကိုလည်း ဘယ်ကမှလက်မခံ။ အိမ်က ကိုယ့်သားကတောင် အလေးစားမခံရတဲ့ ဆွန်ဒါရာမူသီတစ်ယောက် အာရူနာကို တွဲဖက်အဖြစ်ခေါ်ပြီးတရားရုံးဝင်းထဲမှာ ကိုယ့်ကိုယ်ကိုမီးရှို့သေသွားတဲ့လူတစ်ယောက်အမှုကို လိုက်ဖို့ကြိုးစားတဲ့အခါမှာတော့...။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File Size – 300 MB(Appx;)@Episode Quality – 1080p WEB DL Duration –20minute (@Episode) Total Episodes:7Eps Subtitle – Myanmar Hardsub Format – Mp4 Genre : Crime, Drama Translator – CM Bollywood Team Encoder – YK

Mirage (2025) ဆန်းကြယ်သောရထားတိမ်းမှောက်မှု IMDb (6.6/10) ပရိသတ်ကြီးကို သာမန်ဘောလီးဝုဒ်ကားတွေနဲ့မတူ တမူထူးခြားတဲ့ မလေးယာလမ်းစကားပြော မှုခင်းဇာတ်ကားကောင်းလေးကို တင်ဆက်ပေးချင်ပါတယ်။ ဇာတ်လမ်းအစကတော့ အမြန်ရထားတိမ်းမှောက်မှုကြောင့် လူ ၇၀၀ ခန့် ထိခိုက်ခဲ့ရပါတယ်။ ကုမ္ပဏီဝန်ထမ်းတစ်ယောက် ကီရန်ဟာလည်း ဒီရထားမတော်တဆမှုမှာ သေဆုံးသွားတဲ့သူပါ။ သူ့မှာတော့ ဇနီးလောင်း အဘီဆိုတာရှိပြီး အဘီဟာ ကီရန်ရဲ့သေဆုံးမှုကို မယုံကြည်နိုင်အောင် ဝမ်းနည်းနေရပါတယ်။ ဝမ်းနည်းလို့ကောင်းနေတုန်းမှာပဲ ကီရန်မသေခင်မှာ ရယူထားတဲ့ ကုမ္ပဏီကအချက်အလက်တွေပါတဲ့ ဟာ့ဒစ်ခ်ကို လိုချင်သူတွေ ဝိုင်းလာပြီး အဘီ ရဲ့အသက်ကိုပါ ရန်ရှာလာချိန်မှာတော့… အဘီတစ်ယောက် ဘယ်သူ့ကို ယုံကြည်ရမလဲ ဒီထဲမှာ ဘာဒေတာတွေပါလို့ သဲကြီးမဲကြီး လိုချင်နေကြတာလဲ… ကီရန်သေဆုံးမှုကရော ရိုးသားရဲ့လားဆိုတာ ပရိသတ်ကြီးပါ ဝင်ရောင်အဖြေရှာနိုင်ဖိုတင်ဆက်ပေးလိုက်ရပ်တယ်။ File size…2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Thalaivan Thalaivii (2025) "အသွင်မတူတဲ့ အိမ်သူ" ဒီတစ်ခါမှာတော့ ပရိသတ်အချစ်တော်မင်းသားကြီးဗီဂျေးနဲ့ ယိုဂီဘာဘူတို့ ပါ၀င်သရုပ်ဆောင်ထားတဲ့ အချစ်-ဟာသ-ဒရာမာ-အက်ရှင် ရသစုံဇာတ်လမ်းကောင်းတစ်ပုဒ်ကို တင်ဆက်ပေးလိုက်ပါတယ်။ "အသွင်မတူအိမ်သူမဖြစ်" လို့ ဆိုတတ်ကြပေမဲ့ အသွင်မတူဘဲ အိမ်သူဖြစ်လာတာတွေလည်း အများကြီးပါ။ အိမ်ထောင်တစ်ခုမှာ အသွင်မတူလည်း ချစ်ခြင်း‌မေတ္တာနဲ့နားလည်မှုကသာ ပိုအဓိကကျမယ် ထင်ပါတယ်။ အခုဇာတ်လမ်းထဲမှာလည်း အာဂါဆမ်နဲ့ အာရဆီတို့အဖြစ်က ဒီလိုပါပဲ။ စားသောက်ဆိုင်တစ်ဆိုင်ကို ကျားကုတ်ကျားခဲဖွင့်ထားတဲ့ မိသားစုက ခပ်ကြမ်းကြမ်းခပ်ရမ်းရမ်း အမျိုးသားနဲ့ ပညာတတ်မိသားစုက မာစတာဘွဲ့ရမိန်းကလေးတို့ ဖူးစာဆုံခဲ့ကြပါတယ်။ အသွင်မတူတဲ့ လူနှစ်ယောက်၊ အသွင်မတူတဲ့ အသိုင်းအဝိုင်းနှစ်ခုကြားမှာ ဖြစ်ပေါ်လာတဲ့ ပြဿနာပေါင်းက သောင်းခြောက်ထောင်ပါပဲ။ အဲဒီအဖြစ်တွေကြားမှာ တကယ်ချစ်ကြတဲ့ သူတို့နှစ်ဦး ဘယ်လိုဆက်ရပ်တည်သွားမလဲ၊ ဘယ်လိုအဖြစ်တွေ ထပ်ကြုံရဦးမလဲဆိုတာကို နယ်မြို့နောက်ခံဇာတ်လမ်းပုံစံနဲ့ ရယ်စရာတစ်မျိုး ဒရာမာတစ်ဖုံ ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ B Team ဖြစ်ပါတယ်။) File size…8.59 GB / 2.8 GB / 1.4 GB Quality…WEB DL 4K / 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub) Translated by B Team

Kuzhanthaigal Munnetra Kazhagam (2025) (လစ်ကြီးညီနောင်လေးများ) ဒီတစ်ခါ CM Bollywood ပရိသတ်ကြီးအတွက် တင်ဆက်ပေးချင်တဲ့ တောင်ပိုင်းဟာသဇာတ်ကားလေးကတော့ အားလုံးသိကြတဲ့ တောင်ပိုင်းမင်းသားကြီး ယိုဂီဘာဘူဦးဆောင်ပါဝင်ထားတဲ့ကားလေးပဲ ဖြစ်ပါတယ် ဇာတ်လမ်းလေးကတော့ နိုင်ငံရေးကိုဟာသလေးစွက်ပြီးသရော်ထားတာပါ အဲ့ဒါကိုမှ ကျောင်းသားဟာသလေးနဲ့ရောပြီးတော့ ကျောင်းသားသမဂ္ဂလေးတွေရော ဘာဘာညာညာလေးတွေရောနဲ့ တွေ့ရာမြင်ရာ အကုန်ဖဲ့ထားတဲ့ကားလေးပါပဲ ပရိသတ်အချစ်တော်ယိုဂီဘာဘူကလည်း နိုင်ငံရေးပါတီခေါင်းဆောင်နေရာကနေ ပ ါဝင်ထားပြီးတော့ ပေါတောတောပတ်လုပ်ပြရင်း အားလုံးကိုပတ်ပြောင်ထားပါတယ် အဲ့တော့ သရော်တာလေးလည်းပါ သိပ်လည်းလေးနက်တာတွေမကြည့်ချင်ဘူး ဟာသလေးလည်းပါမှဆိုတဲ့ ပရိသတ်တွေအတွက် ဘာသာပြန်တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ပဲ ဖြစ်ပါတယ်။ File size…2.5 GB / 1.2 GB Quality…WEB DL 1080p HEVC / 720p Format…mkv/mp4 Duration….1h 58min Subtitle….Myanmar Subtitle (Hard Sub) Encoder….YK Translated by CM Bollywood Team

Kumbaari (2024) "တို့အတူ" ပေါ့ပေါ့ပါးပါး တမီးလ် ဖန်စီအချစ်ကားလေးကို တင်ဆက်လိုက်ပါတယ် သာယာတဲ့ နယ်မြို့လေးတစ်မြို့က အာရွန်ဆိုတဲ့ တည်ကြည်ရိုးသားတဲ့ ကောင်လေးနဲ့ အစအနောက်သန်တဲ့ ဒါရှီနီဆိုတဲ့ ကောင်မလေးတို့ဇာတ်လမ်းမှာ ဒါရှီနီက ယူကျုဘာတစ်ယောက်ဖြစ်ပြီး prank ဗီဒီယိုတွေ ရိုက်ရင်း အာရွန်နဲ့ မတော်တဆဆုံမိတာပါ ဗီဒီယိုတစ်ပုဒ် နာမည်ကြီးသွားတဲ့နောက်မှာတော့ အာရွန်တစ်ယောက် ဟီးရိုးကြီးဆိုတဲ့ နာမည်ရလာခဲ့ပြီး သူတို့နှစ်ယောက်ဘယ်လိုတွေ နီးစပ်လာကြမှာလဲ ဘယ်လိုရန်သူတွေနဲ့ ရင်ဆိုင်ဖိုက်ရဦးမလဲဆိုတာ ဆက်လက်ကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.8 GB/ 1.4 GB Quality…WEB DL 1080p HEVC/ 720p Format…mkv/ mp4 Duration….1h 50min Subtitle….Myanmar Subtitle (Hard Sub) Encoder….YK Translated by CM Bollywood Team

Karnika 2024 ကာနီကာ တက်ကြွတဲ့အမ်မူဆိုတဲ့ စာရေးဆရာမလေးဟာ တစ်နေ့မှာ အကြောင်းအရင်းမသိရဘဲ စကားနည်းပြီး အခန်းအောင်းနေတတ်တဲ့ မိန်းကလေးဖြစ်သွားပါတယ်။ အဲဒီလိုငြိမ်သွားတဲ့ အမ်မူတစ်ယောက် ပြန်ပြီးတော့ တက်ကြွလာအောင်လုပ်လိုက်တာကတော့ သူ့အိပ်မက်ထဲမှာ ထပ်တလဲလဲပေါ်လာတဲ့ ကာနီကာဆိုတဲ့မိန်းကလေး အဲဒီအိပ်မက်ကို ထပ်တလဲလဲမက်နေတဲ့ အမ်မူတစ်‌ယောက် ကာနီကာနဲ့ ပူဗာရှီစံအိမ်ကြီးရဲ့ ဇာတ်လမ်းကို ဝတ္ထုရေးဖို့ ဆုံးဖြတ်လိုက်ပါတော့တယ်။ ဒီလိုနဲ့ ဇာတ်သိမ်းရေးပြီးချိန်မှာ ဇာတ်လမ်းရဲ့ဇာတ်သိမ်းကို ဘဝင်မကျတဲ့အတွက် ပူဗာရှီစံအိမ်ကို ကိုယ်တိုင်သွားမယ်ဆိုပြီး အမ်မူတစ်‌‌ယောက်တည်း စံအိမ်ကြီးဆီ ခရီးထွက်လာခဲ့ပါတော့တယ် ပူဗာရှီစံအိမ်ဆိုတာကလည်း ပုံမှန်မဟုတ်တဲ့သေဆုံးခြင်းနဲ့ လူသေမှုနှစ်ခုဖြစ်ထားတဲ့ ပဟေဠိတွေနဲ့စံအိမ်ဆိုတော့ အမ်မူအဖေရော သူ့သူငယ်ချင်းတွေပါ စိုးရိမ်နေကြပေမဲ့ အမ်မူကတော့ ဘေးကင်းကင်းနဲ့ပြန်ရောက်လာတော့ စိတ်သက်သာရာရသွားကြပါတယ်။ ဒါပေမဲ့ ပူဗာရှီစံအိမ်ကပြန်လာပြီး နောက်တစ်ရက်ညမှာပဲ အမ်မူတစ်ယောက် သေလုမျောပါး တိုက်ခိုက်ခံလိုက်ရချိန်မှာတော့.... ပူဗာရှီစံအိမ်ကြီးမှာ ဘာလျှို့ဝှက်ချက်တွေရှိနေမလဲ။ ကာနီကာကရော ဒီစံအိမ်ကြီးမှာ ဘာတွေဖြစ်ခဲ့လဲ။ ဒီဇာတ်လမ်းကိုရေးသားတဲ့အမ်မူကရော ဘာတွေဆက်စပ်နေလို့ ဒီလိုတိုက်ခိုက်ခံရတာလဲဆို အတူရှုစားလိုက်ရအောင်ပါ။ (အညွှန်းနဲ့ဘာသာပြန်ကတော့ Alex ~ KKKZ ~ Zwe ~ Ma Htoo ~ Yunni တို့ပဲဖြစ်ပါတယ်) File size… 1.9 GB / 900 MB Quality…WEB DL 1080p HEVC/ 720p Format…mkv/ mp4 Duration….2h 15min Subtitle….Myanmar Subtitle (Hard Sub) Encoder….YK Translated by Alex ~ KKKZ ~ Zwe ~ Ma Htoo ~ Yunni

Raayan (2024) "ရာယန်" IMDb 6.9 CM ပရိသတ်ကြီးအတွက် အသစ်ထွက်ရှိလာတဲ့ တမီးလ် action ဇာတ်ကြမ်း ရုံကားအသစ်လေးကို မိုးလင်းလင်းချင်း မနှေး/အမြန် တင်ဆက်ပေးလိုက်ပါတယ် နာမည်ကျော် မင်းသား Dhanush ရဲ့ ကားငါးဆယ်ပြည့်ရုပ်ရှင်ဖြစ်ပြီး သူကိုယ်တိုင် ဇာတ်ညွှန်းရေးကာ ဒါရိုက်တာလုပ် အစွမ်းပြထားတဲ့ ဒီရုပ်ရှင်ဟာ ရုံတင်ငွေ ၁၅၈ ကုဋေ ရရှိထားပါတယ် ဇာတ်လမ်းအကျဥ်းကိုပြောရရင် ရာယန်ဟာ ညီငယ်နှစ်ယောက်ဖြစ်သူ မူတူးနဲ့ မာနီကမ်၊ အချစ်ဆုံး ညီမလေး ဒူရ်ဂါတို့ရဲ့ အစ်ကိုကြီးဖြစ်ပြီး အဖေအမေတို့စွန့်ပစ်သွားကတည်းက ရွာကနေမြို့ကို ညီလေးညီမလေးတွေ လက်ဆွဲခေါ်လာကာ ကြုံရာစား ရရာလုပ်ရင်း လူစည်ကားတဲ့ မုန့်ဆိုင်တစ်ဆိုင်ဖွင့်နိုင်တဲ့ ဘဝရောက်လာပါတယ် ညီလတ်ဖြစ်သူ မူတူးက အရက်မူး သွေးဆိုးကာ ပြဿနာရှာတတ်သူဖြစ်ပြီး ညီငယ် မာနီကမ်ကတော့ လိမ္မာတဲ့ ကောလိပ်ကျောင်းသားလေးပါ တုန်နေအောင်ချစ်ရတဲ့ ညီမအငယ်ဆုံးလေးကို လက်ထပ်ပေးနိုင်ဖို့နဲ့ မူတူးစရိုက်ကို ပြုပြင်ပေးနိုင်ဖို့ပဲ ပဓာနထားတဲ့ ရာယန်... တစ်နေ့မှာတော့ ဒူရိုင်နဲ့ ဆီသူ ဆိုတဲ့ လူမိုက်ဂိုဏ်းခေါင်းဆောင်နှစ်ယောက်နဲ့ ပတ်သက်မိရာမှ ဖြူစင်ရိုးသားတဲ့ သူတို့ဘဝတွေ အကျင့်ပျက် ဒုစရိုက်ပတ်ဝန်းကျင်ကြောင့် အရောင်နွမ်းမယ့်အရေး... အစ်ကိုကြီးတစ်ယောက်အနေနဲ့ ဘယ်လိုကယ်ထုတ်သွားနိုင်မလဲ ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 6.9GB / 2.5GB / 1.1GB Quality…4k HEVC WEB DL / WEB DL 1080p / 720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

Lovers (2024) "တစ်စစီကျိုးပဲ့" IMDb 7.3 ရထားတဲ့ တမီးလ် ရိုမန့်ဇာတ်လမ်း ဖြစ်ပြီး မြင်နေကျ အချစ်ကားတွေလို ပေါ့ပေါ့ပါးပါး အပြောင်အပျက်တွေ သိပ်မပါပဲ အမှန်အကန်ဆွေးလို့ရမယ့် ဇာတ်လမ်းလေးလို့ ညွှန်းချင်ပါတယ် ဇာတ်လမ်းကတော့ အာရွန်က အင်ဂျင်နီယာဘွဲ့ရ/ အလုပ်မရှိ/ ကိုယ်ပိုင်လုပ်ငန်းလုပ်ဖို့ ကြံရွယ်နေပြီး ကောလိပ်ကတည်းက တွဲခဲ့တဲ့ ချစ်သူကောင်မလေး "ဒီဗယာ" ကတော့ အိုင်တီအလုပ်တစ်ခု လုပ်နေသူပါ အာရွန်က တစ်ခုခုဆို မူးရူး ရမ်းကား၊ သဝန်တိုတတ်ပြီး ဒီဗယာ့ကို မကြာခဏ ပြဿနာရှာတတ်ပေမယ့် ဒီဗယာကတော့ ချစ်သူကို အစစအရာရာ သည်းခံ "I can fix you" ဆိုတဲ့ မိန်းကလေးပေါ့ မတူညီတဲ့ နောက်ခံ၊ စရိုက်အပြုအမူတွေကြောင့် တစ်ကြောင်း၊ သူ့ကောင်မလေးနားက အောင်မြင်နေတဲ့ ယောကျာ်းလေးအပေါင်းအဖော်တွေကို မနာလိုတာကြောင့်ရယ်... ပြဿနာတွေတက်လိုက် ပြန်အဆင်ပြေသွားလိုက် ငိုတစ်လှည့် ရယ်တစ်ခါ.... များလှတဲ့ မညီမျှခြင်းတွေက သူတို့နှစ်ယောက်ရဲ့ အချစ်ကို အကြိမ်ကြိမ် စမ်းသပ်ရင်း သူတို့နှစ်ယောက် ဒီလိုစိန်ခေါ်မှုတွေကို ဆက်လက်ရင်ဆိုင်နိုင်မှာလား၊ အရှိတရားကို မလွန်ဆန်နိုင်ပဲ မျက်ရည်စများကသာ အဆုံးသတ်လား ဆိုတာကတော့.... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…2.23GB  / 979MB Quality…WEB DL 1080p /720p Format…mp4 Duration….2h 25m Subtitle….Myanmar Subtitle (Hard Sub) Encoder….YK Translated by CM Bollywood Team

Aayiram Porkaasukal (2023) "ရွှေဒင်္ဂါးတစ်ထောင်" စီအမ်ပရိသတ်တွေအတွက် ခွီလည်းခွီ ရယ်လည်းရယ်ရတဲ့ IMDb 7.7 ရ တမီလ်စကားပြော တောင်ပိုင်း ကျေးလက်ဟာသရုပ်ရှင်လေးတစ်ခု တင်ဆက်ပေးချင်ပါတယ်။ အိန္ဒိယနိုင်ငံတောင်ပိုင်းမှာရှိတဲ့ ထရီချီဆိုတဲ့မြို့နားက ရွာလေးတစ်ရွာမှာ အိမ်ထောင်စု ၃၄၄ စုရှိပါတယ်။ အဲဒီရွာထဲမှာ အားလုံးက အလုပ်လုပ်ကြပေမဲ့ အန်နီမူသူဆိုတဲ့လူကတော့ အစိုးရက အလကားပေးတာတွေကိုပဲ ဂုံးဆင်းရှင်သန်ရင်း ဟင်းစားလိုရင်တောင် ဘေးအိမ်ကကြက်ကိုပဲ ခိုးဖမ်းချက်စားတဲ့ လက်ကြောမတင်း အလုပ်မလုပ်သူလူပျိုကြီးပါ။ တစ်နေ့မှာတော့ သူ့ဆီကို သူ့ရဲ့ညီမက တခြားရွာမှာပြဿနာရှာထားတဲ့ သားဖြစ်သူသမီးလ်ကို အန်နီမူသူ့ဆီ အားကိုးတကြီးနဲ့ လာပြီး အပ်သွားခဲ့ပါတယ်။ သူ့ရဲ့တူတော်မောင် သမီးလ်ကတော့ ယဉ်ကျေးလိမ္မာကောင်လေးဖြစ်ပြီး ဦးလေးကိုလည်း ရိုသေကာ ရွာထဲကအပျိုတွေ အသားလွတ်ဝိုင်းကြိုက်တာခံရတဲ့ ရွာရဲ့စော်ကြည်ဘဲပေါ့။ ဒီလိုနဲ့ သူတို့ရွာမှာ အစိုးရရဲ့ စီမံကိန်းနဲ့ အိမ်တိုင်းမှာ အိမ်သာဆောက်ဖို့ တွင်းတွေတူးကြရင်း အန်နီမူသူရဲ့တွင်းထဲကနေ ရွှေဒင်္ဂါး ၁၀၀၀ ပါတဲ့ မြေအိုးတစ်လုံးကို ရှာတွေ့ရာကနေ တစ်ရွာလုံး တစ်ယောက်တပေါက်နဲ့ တလွဲတွေဖြစ်ကြပါတော့တယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.86GB / 1.34GB Quality…WEB DL 1080p / 720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-7.5/10 ရူပီသန်းပေါင်း၂၄၀ဝန်းကျင် အသုံးပြုရိုက်ကူးထားပြီး ရူပီ၆၃၅သန်းပြန်လည်ရရှိခဲ့တဲ့ မင်းသားကြီးရာဂျ်နီကန့်သ်ရဲ့ ရုပ်ရှင်ကားကြီးကိုတင်ဆက်ပေးလိုက်ပါတယ်။ဟာသမင်းသားကြီး ရိုဂီဘာဘူလည်း ပါဝင်အားဖြည့်ထားပါတယ်။ အကြည်ဗားရှင်းထွက်တာ အချိန်တစ်ခုကြာပြီဖြစ်ပေမယ့် ရုပ်သံစာတန်းထိုးမှန်အောင်စောင့်ဆိုင်းနေခဲ့တဲ့အတွက် စီအမ်ဘောလိဝုဒ်ပရိသတ်ကြီးကိုအနူးအညွတ်တောင်းပန်အပ်ပါတယ်။ ဖြောင့်မတ်မှန်ကန်တဲ့အရာရှိတစ်ယောက်ဆိုတာ နာမည်တစ်ခုတင်ကျန်ရစ်တတ်ပေမယ့် အတိုက်ခိုက်ခံရ ပေးဆပ်လိုက်ရတာတွေကတော့ ရှိနေတတ်တာဓမ္မတာပါပဲ။ မင်းသားကြီးရာဂျ်နီကန့်သ်က ဇနီးဖြစ်သူရယ် သားရယ် ချွေးမရယ် မြေးလေးရယ်နဲ့ အငြိမ်းစားထောင်မှူးကြီးဘ၀ကို ငြိမ်းချမ်းစွာဖြတ်သန်းနေသူတစ်ယောက်။ သားဖြစ်သူကိုလည်း ဖြောင့်မတ်မှန်ကန်တဲ့အရာရှိတစ်ယောက်ဖြစ်အောင် ပြုစုပျိုးထောင်ခဲ့သူ။ တစ်ရက်မှာတော့ ဘုရားကျောင်းရုပ်တုတွေပျောက်ဆုံးမှုကို စုံစမ်းဖော်ထုတ်နေတဲ့ သားဖြစ်သူ ပျောက်ချင်းမလှပျောက်သွားရာကစ အသတ်ခံလိုက်ရတာကိုသိလိုက်ရပါတယ်။ အဲဒီမှာပဲ အေးချမ်းတဲ့ဘ၀လေးကနေ သားကိုသတ်ခဲ့တယ်လို့သိရတဲ့ လူဆိုးဂိုဏ်းကို လက်စားချေအမြစ်ဖြတ်သုတ်သင်ဖို့ကြိုးစားတဲ့နောက်မှာတော့ ထင်မှတ်မထားတဲ့အမှန်တရားတွေ အသတ်အဖြတ်ကြမ်းကြမ်းရမ်းရမ်းတွေကို ကြည့်ရှုခံစားကြရမှာပါ။ (အညွှန်းနဲ့ဘာသာပြန်သူတွေကတော့ Yunni~V~YH~Cherry~Zwe Yan~BpLတို့ပဲဖြစ်ပါတယ်) File size…9.4GB/ 3.16GB / 1.2GB Quality…WEB-DL 4K HEVC/1080p/ 720p Format…mp4 Duration….2h 48m Subtitle….Myanmar Subtitle (Hard Sub) Encoder….YK Translated by Yunni~V~YH~Cherry~Zwe Yan~BpL

Suzhal The Vortex (2022) ခုတင်ဆက်ပေးမယ့်ကားလေးကတော့ trailer ထွက်ကတည်းက လူကြိုက်များပြီး IMDb 8.5ထိရထားတဲ့ ညည်းထိတ်ရင်ဖိုမှုခင်းကားလေးပဲဖြစ်ပါတယ် ဇာတ်လမ်းအကျဉ်းကတော့ Shanmugam ဟာသမီးဖြစ်သူနဲ့နေထိုင်ပြီး ဘိလပ်မြေစက်ရုံကအလုပ်သမားခေါင်းဆောင်တစ်ယောက်ပါ တစ်ညမှာစက်ရုံကမီးလောင်ပြီးဝန်ထမ်းတော်တော်များများထိခိုက်ခဲ့ရပါတယ် နောက်နေ့မနက်ရောက်မှ သမီးဖြစ်သူ Nilaပျောက်နေတာကိုသတိထားမိတော့ မိတ်ဆွေတွေရဲ့အကူညီနဲ့ သမီးဖြစ်သူကိုရှာပြီး အစ်မဖြစ်တဲ့ Nandini ကလည်း ညီမပျောက်နေတာကိုသိတော့ မြို့ကိုပြန်လာပြီးရှာပါတော့တယ် တစ်ဖက်မှာလည်းရဲအုပ် Reginaနဲ့ ဒုရဲအုပ် Sakkaraiတို့ကလည်း မီးလောင်တဲ့အမှုကိုစုံစမ်းရတော့ မီးမလောင်ခင်မနက်က စက်ရုံကို မီးရှို့ပစ်မယ်လို့ကြိမ်းဝါးနေခဲ့တဲ့ Shanmugamကို တရားခံအထင်နဲ့ ဖမ်းပါတော့တယ် ဒုရဲမှူးSakkarai တစ်ယောက်စီစီတီဗီစစ်ကြည့်တဲ့အချိန်မှာ Nilaပျောက်ဆုံးမှုက ပြန်ပေးဆွဲမှုဖြစ်နေတာကိုသိလိုက်ရတဲ့အချိန်မှာ ဆက်စုံစမ်းရင်း နောက်ကွယ်ကြိုးကိုင်သူက ဘယ်သူဖြစ်နေမလဲ အမှုသေးသေးလေးကနေ ရှုပ်ထွေးပြီးမြှုပ်ကွက်ပေါင်းသောင်းခြောက်ထောင်ဖြစ်လာတော့ ဘယ်လိုဖြေရှင်းသွားမလဲဆိုတာကြည့်လိုက်ကြရအောင် File Size – 800MB Quality – 1080p Duration – 45minute (@Episode) Total Episodes: 8Eps Subtitle – Myanmar Hardsub Format – Mp4 Genre : Crime, Mystery Translator – Yunni & Poe & OeliuJ & Go-O & Allena Encoder – YK

လူတိုင်း တန်းတူအခွင့်အရေး ရသင့်တယ်ဆိုတဲ့ အယူအဆနဲ့ ဇာတ်နိမ့်၊ ဇာတ်မြင့် ခွဲခြားဆက်ဆံနေတဲ့ အလေ့အထတွေကြားက ပြဿနာကို အခြေခံထားတဲ့ ဇာတ်လမ်းပါ။ နိုင်ငံခြားက ပြန်လာတဲ့ ဗီဂျာယာရာဂါဗန်ဟာ အိန္ဒိယရဲတပ်ဖွဲ့မှာ စတင်တာဝန်ထမ်းဆောင်မယ့် ရဲအရာရှိတစ်ယောက်ဖြစ်ပါတယ်။ နယ်ဘက်ကို တာဝန်ကျလာတော့ လူတန်းစားခွဲခြားမှုတွေကို တွေ့ရပြီး စိတ်မသက်မသာ ဖြစ်နေရတယ်။ အဲဒီအချိန်မှာ ပျောက်ဆုံးနေတဲ့ ဇာတ်နိမ့်အမျိုးသမီးငယ် သုံးယောက်ထဲက နှစ်ယောက်ကို သေဆုံးလျက် တွေ့ရှိခဲ့ပါတယ်။ ကျန်တစ်ယောက်ကိုတော့ သဲလွန်စတောင် ရှာမတွေ့သေးပါဘူး။ ဗီဂျာယာရာဂါဗန်ရဲ့ ဇနီး အာဒီတီက လူ့အခွင့်အရေးဆိုင်ရာ ဆောင်းပါးတွေ ရေးသားနေတဲ့ အမျိုးသမီးငယ်တစ်ယောက်ပါ။ ဒီအမှုမှာ အမှန်တရားပေါ်ပေါက်ဖို့ ခင်ပွန်းဖြစ်သူကို သူကလည်း အစွမ်းကုန် ကူညီပေးသွားမှာပါ။ ဇာတ်နိမ့်လူတန်းစားရဲ့ ခေါင်းဆောင် ကူမာရန်ကတော့ တော်လှန်ရေးကို ဦးဆောင်နေသူဖြစ်ပါတယ်။ ပျောက်ဆုံးနေသူ သုံးယောက်ထဲမှာ သူ့ညီမလည်း ပါဝင်နေတာကြောင့် ယူကျုံးမရဖြစ်နေရပြီး ဒီအမှုကို သူ့နည်းသူ့ဟန်နဲ့ ဖော်ထုတ်ဖို့ ကြိုးစားလာနိုင်ပါတယ်။ အမျိုးသမီးငယ်တွေရဲ့ အမှုက ထင်သလောက် ရိုးရှင်းပါ့မလား၊ နောက်ကွယ်မှာ ဘာတွေ ပတ်သက်နေဦးမလဲ။

ကလေးပျောက်မှုနဲ့ ကလေးလူကုန်ကူးမှုတွေ ဖြစ်နေတဲ့ မြို့လေးမှာ နေထိုင်တဲ့ ဂျိုသီဟာ ကိုယ်ဝန်အရင့်အမာနဲ့ မိခင်လောင်းတစ်ယောက်ပါ။ မွေးလာမယ့် ကလေးလေး ပြန်ပေးဆွဲခံရရင် ဘယ်လိုလုပ်ရမလဲဆိုပြီး တွေးပူနေတတ်တယ်။ ဆရာဝန်ဖြစ်တဲ့ ခင်ပွန်းက အလုပ်ကိစ္စနဲ့ အဝေးသွားချိန်၊ သူတစ်ယောက်တည်း ကျန်ခဲ့တဲ့အခါမှာတော့ စိုးရိမ်ထားတာထက်တောင် ဆိုးတဲ့အဖြစ်ကို ကြုံရပါတော့တယ်။ မမွေးရသေးတဲ့ ကလေးကို သူ့ဗိုက်ထဲကနေ အတင်းခွဲထုတ်ပြီး ပြန်ပေးဆွဲသွားတာပါ။ ညကြီးမိုးချုပ်မှာ မိုးကာဝတ်ပြီး ရောက်လာတဲ့ တရားခံဟာ ကျွမ်းကျင်သူတစ်ယောက်လို သေသေသပ်သပ် ခွဲစိတ်ပြီး ကလေးကို ယူသွားခဲ့ပါတယ်။ ဒီလူ ဘယ်သူလဲဆိုတာ ဖော်ထုတ်ဖို့ မြို့နယ်ရဲမှူး ရှက်သီနဲ့အဖွဲ့ စုံစမ်းကြရတယ်။ စစ်ဆေးချက်တွေ၊ သက်သေတွေနဲ့ မှတ်တမ်းတွေနောက် လိုက်လေလေ သံသယရှိသူတွေက ပိုများလာလေလေ ဖြစ်နေပါတယ်။ အမှုကို မဖော်ထုတ်နိုင်သေးဘဲ သံသယရှိသူတွေ တိုးလာတာက ရှက်သီရဲ့ မာနကိုပါ ထိခိုက်လာစေတယ်။ တရားခံအစစ်က ဘယ်သူလဲ၊ ရှက်သီက ဖမ်းဆီးပြနိုင်မလားဆိုတာကို အဓိကထားတဲ့ တမီးလ် Thriller ဇာတ်ကားဖြစ်ပြီး ဇာတ်လမ်းကို ခပ်သွက်သွက် တင်ဆက်ထားပါတယ်။ တချို့အခန်းတွေမှာ သွေးထွက်သံယို မြင်ကွင်းတွေ ပါဝင်ပါတယ်။

စိုင်းပလာဗီ သရုပ်ဆောင်ထားတဲ့ အဓိကဇာတ်ကောင်ဟာ သာမန်မိသားစုတစ်စုရဲ့ သမီးကြီးဖြစ်ပြီး ကျောင်းဆရာမတစ်ယောက်ပါ။ သူတို့နေထိုင်ရာမြို့မှာ ကလေးငယ်တစ်ဦးကို အုပ်စုဖွဲ့ လိင်အကြမ်းဖက်တဲ့အမှု ပေါ်ပေါက်လာရာက သူတို့မိသားစုရဲ့ဘဝ ပြောင်းလဲသွားပါတယ်။ အဲဒီအမှုမှာ သူ့အဖေက ငါးယောက်မြောက် တရားခံအဖြစ် စွပ်စွဲခံထားရတာပါ။ မိသားစုလိုက် အမှုရင်ဆိုင်ရတော့မယ့်အချိန်မှာ အဖေဟာ အပြစ်မရှိဘဲ စွပ်စွဲခံရသူလား၊ တကယ်ကျူးလွန်ခဲ့သူလားဆိုတဲ့ မေးခွန်းက ပေါ်လာပါတယ်။ အမှုကို ဖော်ထုတ်သွားပုံနဲ့အတူ အဲဒီမေးခွန်းတွေနောက် လိုက်သွားရတဲ့ ဒရာမာနဲ့ လျှို့ဝှက်သည်းထိတ်ရင်ဖိုဇာတ်ကားပါ။ လိင်အကြမ်းဖက်မှုအတွက် ခံရသူရဲ့ ဖြစ်တည်မှုနဲ့ ဝတ်စားဆင်ယင်မှုကို အပြစ်တင်လို့မရတဲ့အကြောင်းကိုလည်း မူရင်းမိတ်ဆက်စာက မေးခွန်းထုတ်ထားပါတယ်။

ဗီဂျေးဟာ တမီလ်နာဒုပြည်နယ်တစ်ဝိုက်မှာ လူသိများတဲ့ ရဲအရာရှိတစ်ယောက်ပါ။ သူ့လုပ်ဆောင်ချက်တွေကြောင့် တမီလ်နာဒုရဲဌာနလည်း နာမည်ကောင်းရခဲ့ပေမယ့် မိသားစုရဲ့အတိတ်က သူ့ကို အခုထိ လိုက်ရိုက်ခတ်နေပါတယ်။ သူ့ဖခင် ဆာဒါဟာ နိုင်ငံအတွက် စပိုင်အဖြစ် တာဝန်ထမ်းဆောင်ခဲ့သူပါ။ ဒါပေမဲ့ နိုင်ငံတော်သစ္စာဖောက်လို့ သတ်မှတ်ခံခဲ့ရပြီး အဲဒီနောက်မှာ သေလား၊ ရှင်လားတောင် မသိရတော့ပါဘူး။ ဗီဂျေး ဘယ်လောက်ပဲ ကောင်းကျိုးဆောင်နေပါစေ ဖခင်အပေါ်က စွပ်စွဲချက်ရဲ့ အရိပ်က မပျောက်သေးဘူး။ တစ်ဖက်မှာတော့ စီးပွားရေးလုပ်ငန်းရှင်တစ်ယောက်က နိုင်ငံ့အကျိုးအတွက်ဆိုတဲ့ အကြောင်းပြချက်နဲ့ ပရောဂျက်တစ်ခု လုပ်ဖို့ ကြံနေပါတယ်။ တကယ်တော့ ပြည်သူတွေဆီကနေ အမြတ်ထုတ်ဖို့ပါ။ ဒီအကြောင်းကို သိထားတဲ့ စပိုင်တွေက ပရောဂျက်ကို တားဆီးဖို့ ကြိုးစားကြရင်း ဒီကိစ္စကို ဆာဒါတစ်ယောက်ပဲ ဖြေရှင်းနိုင်မယ်လို့ ယုံကြည်လာကြတယ်။ သူတို့အားကိုးချင်တဲ့သူကတော့ အသက်ရှင်နေသေးလားဆိုတာတောင် မသိရတဲ့သူ ဖြစ်နေပါတယ်။ ကာသီနဲ့ ရာရှီးခန်နားတို့ အဓိကပါဝင်ထားတဲ့ စပိုင်အက်ရှင်ဇာတ်ကားဖြစ်ပြီး ကာသီက နှစ်ကိုယ်ခွဲ သရုပ်ဆောင်ထားပါတယ်။

ကြည့်ဖူးတဲ့ တမီလ် ကား တွေထဲမှာတော့ဒီကားကလုံးဝကိုကွဲပြားပါတယ် ကားတော်တော်များများကအိုဗာတွေလုပ်ပြလွန်းပေမယ့် ဒီကားကတော့တစ်ကယ့်လက်ရာကောင်းပါ ဇာတ်လမ်းကရုပ်ရှင်ဒါရိုက်တာရူးရူးနေတဲ့လူငယ်တစ်ယောက်ဟာ ဒါရိုက်တာဖြစ်ဖို့ကြိုးစားသမျှတွေဘာမှဖြစ်မလာတဲ့အခါမှာ သူ့အဖေရဲ့ဂုဏ်ကိုထိန်းတဲ့အနေနဲ့ ရဲတစ်ယောက်ဖြစ် လာခဲ့ပါတယ် တစ်ချိန်တည်းမှာပဲ စိတ္တဇ လူသတ်သမားတစ်ယောက်ရဲ့ မိန်းကလေးတွေကို တစ်ယောက်ပြီးတစ်ယောက် ရက်ရက်စက်စက်သတ်တဲ့အမှုတွေပေါ်လာပါတယ် လူသတ်သမားဟာကျောင်းသူလေးတွေကိုဖမ်းခေါ်သွားပြီး အတိုင်းအမှတ်အသားအနေနဲ့လက်ဆောင်ဘူးလေးတစ်ဘူးအမြဲထားခဲ့ပါတယ် အဖမ်းခံရပြီးနှစ်ရက်မြောက်တဲ့နေ့ရောက်တိုင်းမှာကလေးတွေရဲ့ အလောင်းကိုအများပိုင်နေရာတွေမှာကြွပ်ကြွပ်အိတ်နဲ့ပတ်ပြီးပစ်ထားတာတွေ့ရပါတယ် ပုံမှန်လူသတ်မှုတွေဆိုတာ အသတ်ခံရသူနဲ့နီးစပ်ရာအသိုင်းအဝိုင်းတွေထဲက သံသယရှိသူကိုရှာပြီးစစ်လိုက်ရင်အမှုပေါ်နိုင်ပေမယ့် စိတ္တဇလူသတ်သမားဆိုတာကတော့ အသတ်ခံရသူတွေနဲ့ဘာပတ်သတ်မှုမှမရှိပဲ သူ့စိတ်ဒဏ်ရာကြောင့် သတ်ရတာကိုအရသာတွေ့လို့ ဘယ်သူ့ကိုမဆိုလိုက်သတ်တာမျိုးပါ ဒီလိုလူသတ်သမားမျိုးနဲ့ကြုံလာတဲ့အခါမှာ အရင်အမှုလိုက်နေကြပုံစံတွေတစ်ခုမှုအလုပ်မဖြစ်တော့ပဲ ရဲတွေခေါင်းခဲလို့လာရပါတယ် ဒီအချိန်မှာ စိတ်ကူးစိတ်သန်းကောင်းတဲ့ဒါရိုက်တာရူး ရဲပေါက်စဟာ အမှုအပေါ်ရှုထောင့်တစ်မျိုးကနေကြည့်ပြီး တရားခံကို တဖြည်းဖြည်းရုပ်လုံးပေါ်လာအောင်ကြိုးစားခဲ့ပါတယ် လူသတ်သမားနဲ့အန္တရာယ်များတဲ့ ကစားပွဲတစ်ခုကိုဖန်တီးပြီးဖမ်းဆီးဖိ့ု်ကြိုးစားရာမှာ အဆုံးအရှုံးတွေကလည်းအရမ်းများခဲ့ပါတယ် ဇာတ်လမ်းကအစအဆုံးစိတ်ဝင်စရားကောင်းလွန်းလို့ နှစ်နာရီခွဲဘယ်လိုကုန်သွားမှန်းတောင်သိလိုက်မှာမဟုတ်ဘူး ........................................................ သီချင်းတွေဆိုတာ မကြိုက်တဲ့သူတွေအတွက်သီချင်းတိုတိုလေးနှစ်ခုပဲပါတယ်နော် ဒီရုပ်ရှင်ကားကို ဘာသာပြန်ပေးထားတာကတော့ Chanyein Soe ဖြစ်ပြီး အညွှန်းကိုလဲ ကိုယ်တိုင်ရေးပေးထားပါတယ်

Aranmanai (2014) "ကျိန်စာသင့်ကလဲ့စား" IMDb 5.3 ရုံတင်ငွေ သန်း ၂၂၀ ရခဲ့တဲ့ နာမည်ကြီး တမီးလ် ဟာသသရဲကား လေးကားမှ ပထမဆုံးရုပ်ရှင်ကို ပရိသတ်ကြီးအတွက် တင်ဆက်ပေးလိုက်ပါတယ် မြို့စွန်တစ်နေရာက ခမ်းနားလှတဲ့ ဘိုးဘွားပိုင်စံအိမ်ကြီးတစ်လုံးရှိတယ် ဘယ်သူမှမနေတာကြာပြီဖြစ်တဲ့ ဒီအိမ်ကြီးကို အိုက်ယာနာ ဆိုသူက ဝယ်ဖို့လုပ်လာတော့ စံအိမ်ကြီးရဲ့ အမွေခံသားသမီးသုံးယောက်ရဲ့ သဘောတူလက်မှတ်ရဖို့ လူလိုက်စုရတယ် တစ်ချိန်က မခေါ်မပြောတဲ့ မောင်နှမတွေလည်း အိမ်ကြီးကို ပြန်လာရတာရှိသလို ဘယ်ကမှန်းမသိတဲ့ စံအိမ်ပိုင်ရှင်အဘိုးကြီးရဲ့ မယားငယ်ရဲ့ မြေးဆိုသူကလည်း ပေါ်လာပါလေရော အမျိုးတွေစုံစုံလင်လင် စုဝေးနေတဲ့ အိမ်ကြီးမှာ ထူးဆန်းတဲ့ သဘာဝလွန်ခြောက်လှန့်မှုတွေ ဆက်တိုက် ကြုံလာရတဲ့အခါမှာ အိမ်ကိုရောင်းဖို့အရေး တစ္ဆေမရဲ့ အတိတ်ဇာတ်လမ်းကို အားလုံးပြန်လည်တူးဖော်ဖို့လုပ်ရင်းက … ဘယ်လိုတွေဆက်ဖြစ်မှာလဲ တမီးလ်သရဲကားတို့ရဲ့ ထုံးစံအတိုင်း အကြောက်တစ်ခါ အဖောက်တစ်လှည့်တင်ဆက်ထားတဲ့ ဇာတ်လမ်းလေးကို အားပေးကြပါဦး အညွှန်းနဲ့ ဘာသာပြန်ကတော့ V ~ ToMo ~ Yunni ~ Zwe Yan ~ KKKZ တို့ ဖြစ်ပါတယ် File size… 4.74GB / 2.23GB Quality…WEB DL 1080p / 720p Format…mp4 Duration….2h 40m Subtitle….Myanmar Subtitle (Hard Sub) Encoder….YK Translated by V ~ ToMo ~ Yunni ~ Zwe Yan ~ KKK