Sharib Hashmi ပါဝင်သော ဇာတ်ကားများ

Happy Patel: Khatarnak Jasoos (2026) "အကြမ်းစားစပိုင်" IMDb - 5.5/10 မင်းသားကြီး အာမီးရ်ခန်း အထူးဧည့်သည်သရုပ်ဆောင်အနေနဲ့ ပါဝင်ထားပြီး ဟာသမင်းသားဗီးရ်ဒါ့စ် အဓိကသရုပ်ဆောင်ထားတဲ့စပိုင်ဟာသရုပ်ရှင်ဇာတ်လမ်းသစ်ကို တင်ဆက်ပေးလိုက်ပါတယ်။အိန္ဒိယမြေမှာ ကယ်ဆယ်ရေးလုပ်ဖို့မစ်ရှင်နဲ့ လာခဲ့တဲ့ အင်္ဂလိပ်စပိုင်နှစ်ယောက်။ကယ်ရမယ့်မစ်ရှင် ကျရှုံးသွားပြီး အိမ်အကူရဲ့သားလေးကို အင်္ဂလန်မြေဆီခေါ်လာခဲ့ရတာပေါ့။အိမ်အကူရဲ့သားလေးကို သားအဖြစ် မွေးစားထားပြီး စပိုင်ဖြစ်ဖို့ ကြိုးစားသင်ပေးကြပေမယ့်အင်မတန်ဒုံးဝေးလှတဲ့ အိန္ဒိယမွေးစားသားလေးက ဟင်းချက်တော်တာကလွဲရင် ဘာမှဖြစ်ဖြစ်မြောက်မြောက်မရှိ။တရက်တော့ ဌာနချုပ်ကနေ စပိုင်နှစ်ယောက်ရဲ့ မွေးစားသားဖြစ်သူကိုအိန္ဒိယမြေမှာကယ်ဆယ်ရေးမစ်ရှင်တစ်ခုအတွက် စေလွှတ်ဖို့ အထူးတောင်းဆိုလာတာပေါ့။အဲဒီအချိန်ကျမှ မွေးစားသားဖြစ်သူလည်း သူ့ကိုယ်သူ အိန္ဒိယသားဆိုတာသိပြီးအိန္ဒိယမြေဆီကို ကယ်ဆယ်ရေးမစ်ရှင်အတွက် ဘုမသိဘမသိနဲ့ ရောက်လာတဲ့အခါမှာတော့...။ File size… 1.41 GB / 807 MB Quality…WEB DL 1080p HEVC/ 720p Format…mkv/ mp4 Duration….2hr 2mins Subtitle….Myanmar Subtitle (Hard Sub)

Gustaakh Ishq (2025) နှလုံးသားရဲ့ ကဗျာတစ်ပုဒ် ပြီးပြည့်စုံတဲ့ ကဗျာတစ်ပုဒ်ကို ရေးဖွဲ့နိုင်ဖို့ အနုပညာရဲ့ အနှစ်သာရကို အပူတပြင်း လိုက်လံရှာဖွေနေတဲ့ လူငယ်တစ်ယောက်ဟာ အချစ်နဲ့တွေ့တဲ့အခါ သူ့ရဲ့ဖန်တီးမှုလောကကြီးတစ်ခုလုံး ပြောင်းလဲသွားပုံကို ဒီရုံတင်ဇာတ်ကားမှာ အနုစိတ်ပုံဖော်ထားပါတယ် ဇာတ်ကြောင်းက စာပေနဲ့ အနုပညာကို ရူးသွပ်လွန်းလို့ အကောင်းဆုံးသောအရာကိုပဲ ဖန်တီးချင်တဲ့ စိတ်ကူးယဉ်သမားတစ်ယောက်ရဲ့ ခရီးစဉ်ကနေ စတင်တာဖြစ်ပြီး၊ အဲဒီခရီးမှာ မမျှော်လင့်ဘဲ ဆုံတွေ့ လိုက်ရတဲ့ ဆွဲဆောင်မှုရှိတဲ့ အမျိုးသမီးတစ်ယောက်က သူ့ရဲ့နှလုံးသားတံခါးကို ရိုက်ခတ်သွားပါတယ် ဒါပေမဲ့ အဲဒီဆုံတွေ့မှုဟာ ရိုးရှင်းတဲ့ အချစ်ဇာတ်လမ်းထက် ပိုမိုနက်ရှိုင်းသွားပြီး အနုပညာရဲ့ အမြင့်ဆုံး အဆင့်ကို ရောက်ဖို့အတွက် နှလုံးသားရဲ့ အလိုကို မဆင်မခြင် လိုက်မိရာကနေ အချစ်နဲ့ နာကျင်မှု၊ ရူးသွပ် မှုနဲ့ စွန့်စားမှုတွေကြားမှာ လိပ်ပြာမလုံတဲ့ ခံစားချက်တွေကို ရင်ဆိုင်ရပုံကို စိတ်ဝင်စားစရာ တင်ဆက်ထား တာပါ ခေတ်ဟောင်းအငွေ့အသက်တွေကြားမှာ လှပတဲ့ရိုက်ချက်တွေ၊ ကဗျာဆန်တဲ့ စကားပြောတွေနဲ့အတူ အချစ်ဆိုတာ တစ်ခါတလေမှာ အလှပဆုံး ကဗျာတစ်ပုဒ်လို ချိုမြိန်နေတတ်ပေမဲ့ တစ်ခါတလေမှာတော့ ကိုယ်တိုင်တောင် မသိလိုက်ဘဲ ကျူးလွန်မိတဲ့ အမှားတစ်ခုလို နောင်တတွေနဲ့ ပြည့်နှက်နေနိုင်တယ်ဆိုတာကို ဒီဇာတ်ကားက ပရိသတ်ကို အတွေးကိုယ်စီနဲ့ ကျန်ရစ်စေမှာ အသေအချာပါပဲ..... File size… 1.8 GB / 809 MB Quality…WEB DL 1080p HEVC/ 720p Format…mkv/ mp4 Duration….2hr 16mins Subtitle….Myanmar Subtitle (Hard Sub)

Ufff Yeh Siyapaa (2025) ကြုံရဆုံရ လူ့လောက IMDb 6.3/10 ဒီကားက‌တော့ တစ်ကားလုံးမှာ စကားတွေ‌မ‌ပြောဘဲ ကိုယ်အမူအရာနဲ့ပဲ ပုံဖော်သွားတဲ့ ဟာသကားတစ်ကားပါ စကားမပြောလို့ ပျင်းစရာရယ်တော့မထင်နဲ့ဗျ သူ့ဟာသူကို ပတ်လည်ရိုက်နေကြလို့ ရယ်ရမှာကတော့အမှန် သီချင်းတွေကိုလည်းဝေဝေဆာဆာထည့်ထားပေးပါသေးတယ် ကေဆာရီက သာမန်လူတစ်ဦးဖြစ်ပေမဲ့ သူ့ဘဝက‌တော့ ရှုပ်ထွေးမှုများထဲ ပိတ်မိသွားရာကနေ ကြီးမားတဲ့ပြဿနာတွေ တစ်စခန်း စတင်လာတာပေါ့ ဇနီးဖြစ်သူပွတ်ရှ်ပါက သူ့ကို ကာမီနီဆိုနဲ့အိမ်နီးချင်း အမျိုးသမီးနဲ့ ဖောက်ပြန်တယ်လို့ အထင်မှားပြီး ကေဆာရီ့ကို စွန့်ခွာသွားပါတယ် ကေဆာရီက သူအပြစ်မရှိကြောင်း ရှင်းပြခွင့်မရခင်မှာကို မူးယစ်ဆေးဝါးပါတဲ့အထုပ်တစ်ခုက အိမ်ရှေ့တံခါးဝဆီ မှားရောက်လာပါလေရော ကံဆိုးမသွားရာ မိုးလိုက်လို့ရွာဆိုသလို အိမ်မှာလည်း အလောင်းတစ်လောင်း ပေါ်လာပြီး စုံစမ်းရန် ရဲအရာရှိရောက်လာပေမဲ့ သူကိုယ်တိုင်ကလည်း လျှို့ဝှက်အစီအစဉ်တစ်ခုရှိနေပြန်တယ် ကဲ ဘာဆက်ဖြစ်မလဲကတော့ ဆက်လက်ကြည့်ရှုလိုက်ပါနော် File size… 1. 8 GB / 900 MB Quality…WEB DL 1080p HEVC/ 720p Format…mkv/ mp4 Duration….2h 10m Subtitle….Myanmar Subtitle (Hard Sub)

The Diplomat 2024 သံအမတ်တစ်ယောက်ရဲ့ဘဝခရီး IMDb - 7.4/10 မင်းသားကြီး John Abraham ရဲ့ positive reviewတွေပိုင်ဆိုင်ထားတဲ့ The Diplomat ဆိုတဲ့ ဇာတ်ကားလေး ထွက်ထွက်လာချင်းမှာပဲ CM Bollywood ပရိသတ်တို့အတွက် ဘာသာပြန်တင်ဆက်ပေးလိုက်ပါပြီဗျ။ ဒီဇာတ်ကားလေးကတော့ မျိုးဆက်ပေါင်းများစွာ အာဃာတတွေထားပြီး အမြဲအင်အားချင်းပြိုင်နေတဲ့ နိုင်ငံနှစ်နိုင်ငံကြားက သံအမတ်တစ်ယောက်ရဲ့ဘဝကို ပုံဖော်ထားတာဖြစ်ပြီး ပါကစ္စတန်ကို ဖျားယောင်းခေါ်ဆောင်သွားခံရတဲ့ အိန္ဒိယနိုင်ငံသူလေးကို အိန္ဒိယကို ပြန်ခေါ်ဆောင်ဖို့ ကြိုးပမ်းခဲ့တဲ့ အိန္ဒိယသံအမတ်ရဲ့ ဖြစ်ရပ်မှန်ဇာတ်လမ်းလေးကို အခြေခံထားတာဖြစ်ပါတယ်။ အိန္ဒိယနဲ့ပါကစ္စတန်လို့ပြောလိုက်ရင် နိုင်ငံချင်းကပ်ရပ်ဖြစ်နေပေမဲ့ ၃ နဲ့ ၄ လိုမျက်နှာချင်းမဆိုင်ကြတာ အားလုံးအသိပါပဲ။ ဒီတော့ ပါကစ္စတန်နိုင်ငံထဲက အိန္ဒိယသံရုံးက သံအမတ်တစ်ယောက်အတွက်တော့ အရာရာဟာ ကြိုးတန်းပေါ်လမ်းလျှောက်နေရတဲ့ဘဝပါ။ ဒီလိုနဲ့တစ်နေ့ သံရုံးထဲကို အုဇ်မာဆိုတဲ့အမျိုးသမီးတစ်ယောက် ရုတ်တရက်ပြေးဝင်လာပြီး ကူညီဖို့ ငိုယိုအကူအညီတောင်းခံပါတော့တယ်။ ပါကစ္စတန်မှာ ဒါမျိုးတွေကြုံနေကြအပြင် စာရွက်စာတမ်းနဲ့တူတာ အိန္ဒိယပတ်စပို့ပဲရှိနေပါသတဲ့။ ဖြစ်နိုင်ခြေနည်းတဲ့ သူ့ရဲ့ထွက်ဆိုချက်တွေကြောင့် သူ့ကို ဘယ်သူမှမယုံကြပေမဲ့ စစ်ဆေးကြည့်တဲ့အခါ ဖျားယောင်းခံရ လိမ်ညာလက်ထပ်ခံရ လိင်အကြမ်းဖက်ခံရတဲ့ သနားစရာမိန်းကလေးမှန်းသိသွားတဲ့နောက် သံအမတ်ကြီးဂျေပီဆင်းဂ်က သူ့ကိုကူညီဖို့ ဆုံးဖြတ်လိုက်ချိန်မှာတော့... နိုင်ငံနှစ်နိုင်ငံကြား သံတမန်ရေးရာကိစ္စတွေ ပဋိပက္ခတွေနဲ့ သူ့ရဲ့ကိုယ်ရေးကိုယ်တာဘဝ မိသားစုရေးရာတွေကြား အုဇ်မာကို သူဘယ်လိုကယ်ထုတ်မလဲဆိုတာ လှလှပပ ပုံဖော်ထားတဲ့ Political drama ‌ကောင်းတစ်ကားကို အခုပဲ CMနဲ့အတူ ရှုစားလိုက်ကြပါဦးစို့။ ( အညွှန်းနဲ့ ဘာသာပြန်ကတော့ Alex ~ Cym ~ ToMo ~ Star ~ Zweတို့ပဲဖြစ်ပါတယ်) File size… 4.8 GB / 1.8 GB / 900 MB Quality…4k HEVC WEB DL / WEB DL 1080p HEVC/ 720p Format…mkv/ mp4 Duration….2h 10min Subtitle….Myanmar Subtitle (Hard Sub) Encoder….YK Translated by Alex ~ Cym ~ ToMo ~ Star ~ Zwe

Khoj - Parchaiyon Ke Uss Paar (2024)"ဘယ်သူလဲ" အချိန်ပေးရတန်စေမယ့် မှုခင်းဒရာမာ web-series လေးတစ်ခုကို မာဆလာပရိသတ်တွေအတွက် တင်ဆက်ပေးချင်ပါတယ်။ အိန္ဒိယနိုင်ငံမြောက်ပိုင်းရဲ့ အေးချမ်းတိတ်ဆိတ်တဲ့ မြို့ငယ်လေးတစ်မြို့မှာ အမှုအခင်းတွေဖြစ်တာ အင်မတန်နည်းပါတယ်။ ခိုးမှု၊ ပတ်စပို့ပျောက်မှု၊ ဖိနပ်ပျောက်မှုတွေလောက်ပဲ မြင်တွေ့ရတတ်တဲ့ မြို့လေးပေါ့။ ဒါပေမဲ့ တစ်နေ့မှာတော့ အဲဒီမြို့လေးရဲ့ ရဲစခန်းကို မိန်းမပျောက်လို့ပါဆိုပြီး တိုင်ချက်လာဖွင့်တဲ့လူတစ်ယောက် ရောက်လာခဲ့တယ်။ စခန်းမှာထိုင်တဲ့ရဲတွေက အစပိုင်းမှာ ဘာမဟုတ်တဲ့ကိစ္စပဲလို့သတ်မှတ်ပြီး ပေါ့သေးသေးထင်ခဲ့ကြပေမဲ့ အဲဒီကိစ္စက ထင်သလောက် မရိုးရှင်းပဲ တဖြည်းဖြည်း ရှုပ်ထွေးလာချိန်မှာတော့..။ ပျောက်ဆုံးသွားတဲ့ အမျိုးသမီးကို ရှာတွေ့မှာလား၊ နောက်ကွယ်မှာ ဘယ်သူရှိနေလဲ၊ ရဲတွေက အဖြစ်မှန်ကိုရှာတွေ့မှာလားဆိုတာကို ဒီဟင်ဒီစကားပြော မှုခင်းဇာတ်လမ်းတွဲထဲမှာ ရင်တသိမ့်သိမ့်ခံစားကြမှာဖြစ်ပါတယ်...။ (ဒီဇာတ်လမ်းတွဲအတွက် အညွှန်းနဲ့ဘာသာပြန်ကတော့ CM Bollywood Team ပါ။) File Size – 450 MB(Appx;)@Episode Quality – 1080p WEB DL Duration –24minute (@Episode) Total Episodes:7Eps Subtitle – Myanmar Hardsub Format – Mp4 Genre : Drama ~ Mystery Translator – CM Bollywood Team Encoder – YK

36Days 2024 (ရှုပ်ထွေးပွေလီ ဗီလာကြီး) လူကုံထံအသိုင်းအဝိုင်းတွေပဲနေထိုင်တဲ့ ဗီလာတစ်ခုမှာ တိုနီဟာ အိမ်တော်တော်များများကိုပိုင်ဆိုင်ပြီး ပြန်လည်အငှားချကာထားပါတယ်။ တစ်ရက်တော့ အေးအေးချမ်းချမ်းနေထိုင်နေတဲ့ ဒီဗီလာကို ဖာရာဆိုတဲ့ လေယာဉ်မယ်လေး ပြောင်းရွှေ့နေထိုင်တဲ့အချိန်ကနေ စပြီးတော့ ဒီဗီလာအကြားမှာ ပြဿနာတွေ ဖြစ်လာခဲ့ပါတော့တယ်။ ဒီရှုပ်ထွေးမှုတွေကြားမှာ ဖာရာက ဘယ်လိုတွေ ပါဝင်ပတ်သက်နေတာလဲ ....... ပြီးတော့ အိမ်ရှာလို့မရသေးလိုဆိုတဲ့အကြောင်းပြချက်နဲ့ သူငယ်ချင်းအိမ်မှာ ခေတ္တလာရောက်တည်းခိုနေတဲ့ အခြောက်မလေး တာရာကရော ဒီရှုပ်ထွေးတဲ့ဇာတ်လမ်းထဲမှာ ဘယ်လိုတွေ ပါဝင်ပတ်သက်နေဦးမလဲ....... ဗီလာမှာရှိတဲ့သူတွေကြားက ပြဿနာအရှုပ်တွေရော ပြန်လည်အဆင်ပြေသွားပြီး အရင်လိုပဲ အေးအေးချမ်းချမ်းနေရပါ့မလား ...... ဒီဗီလာမှာရှိတဲ့သူတွေရဲ့ အချစ်, အမုန်း, ငွေကြေးအားပြိုင်မှုတွေ, အလိမ်အညာလှည့်ကွက်တွေနဲ့အတူ ဘယ်လိုလျှိ့ဝှက်ချက်များစွာတွေ ရှိနေမလဲဆိုတာကို ကြည့်ရှုရမယ့် အပိုင်း၈ပိုင်းပါဝင်တဲ့ ဟင်ဒီ Thriller ဝဘ်စီးရီးလေးဖြစ်ပါတယ်။ (အညွှန်းနဲ့ ဘာသာပြန်ကတော့ YunnI~BpL~ToMo~KKKZ တို့ပဲဖြစ်ပါတယ်) File Size – 500MB(Appx;)@Episode Quality – 1080p WEB DL Duration –40minute (@Episode) Total Episodes:8Eps Subtitle – Myanmar Hardsub Format – Mp4 Genre : Drama, Mystery, Crime Translator – YunnI~BpL~ToMo~KKKZ Encoder – YK

Fighter (2024) WEB-DL ကြည်တောက်ရှင်း Imdb6.9/10 အားလုံးပဲစောင့်မျှော်နေတဲ့ လက်ပွားမင်းသားရီသိက်ရိုရှန်နဲ့ အိန္ဒိယရဲ့တန်ကြေးအကြီးဆုံးမင်းသမီးစာရင်းဝင် ဒီပီကားပါဒူကွန်းတို့ရဲ့ အက်ရှင်ကားလေးကတော့ အကြည်ဗားရှင်း ထွက်လာပါပြီ...ရုံတင်ရက်တွေ အကြောင်းအမျိုးမျိုးကြောင့် နောက်ဆုတ်ခဲ့ရပေမယ့် ရုံတင်ချိန်မှာတော့ world wide ၃၃၇.၂ ကုဋေထိ အသားတင်ဝင်ငွေ အမြတ်ထွက်ခဲ့တဲ့ ဇာတ်ကားပဲဖြစ်ပါတယ်။ CM Bollywood ပရိသတ်ကြီးကို တစ်ခုလောက်မေးပါရစေ တိုက်လေယာဉ်တွေ စတန့်ထွင်ပြီးမောင်းပြမယ်။ Ninja Kawaski ဆိုင်ကယ်ကြီးမှာ ဂျက်ဖိုက်တာဂျက်ကက်ကြီးဝတ်ပြီး စော်ကိုတင်ပြီး လျှောက်ပတ်မောင်းမယ်။ ပါဖြောင့်ရုပ်ချောမင်းသားရယ် အလန်းအချောမင်းသမီးတို့ ရေကူးဝတ်စုံလေးတွေဝတ်ပြီး အပန်းဖြေတဲ့အခန်းလေးလည်းပါမယ်။ အဲ့ဒါဘာဇာတ်ကားဖြစ်မလဲ.... ဟုတ်ပါတယ် တွမ်ခရုရဲ့ Top Gun ရုပ်ရှင်ပါပဲ အောင်မြင်လွန်းလို့ ဘိုးတော်အရွယ်ရောက်မှ နောက်တစ်ကားထပ်ထွက်လည်း ထပ်အောင်မြင်ပါသေးတယ်... အခုလက်ပွားဦးဆောင်ပါဝင်ထားတဲ့ကားကလည်း Top Gun ဘောလိဝုဒ်ဗားရှင်းပါပဲ အိန္ဒိယနဲ့ပါကစ္စတန် နှစ်နိုင်ငံကြားက မရိုးနိုင်တဲ့တိုက်ပွဲတွေကို အခြေခံလို့ ဇာတ်လမ်းဆင်ထားပါတယ်။ အိန္ဒိယလေတပ်က ဇွတ်တရွတ် တိုက်လေယာဉ်မှူးနဲ့ မင်းသမီးချောချောလေးနဲ့ အချစ်ဇာတ်လမ်း ဘာညာ အက်ရှင်အသားပေးတင်ဆက်ထားပါတယ်။ ဘောလိဝုဒ်အနေအထားနဲ့ဆို ရှယ်လန်းတဲ့ အက်ရှင်စွန့်စားခန်းတချို့ကို မြင်တွေ့ရမှာဖြစ်ပြီး မင်းသားရော မင်းသမီးရော ဇာတ်ရုပ်နဲ့ လိုက်ဖက်ညီတဲ့ ဝါရင့်သရုပ်ဆောင်တွေမလို့ bollywood ဖန်တွေ ကျေနပ်အားရမယ့်ရုပ်ရှင်ကားကြီးဖြစ်ပါတယ်။ ကြည်တောက်ရှင်းဗားရှင်းလေးနဲ့ခံစားအားပေးကြပါဦး အညွှန်းနဲ့ဘာသာပြန်ကတော့ CM Bollywood Teamပဲ ဖြစ်ပါတယ် File size…     3.7 GB /   1.6 GB / 742 MB Quality… Web-DL 1080p / 720p / 480p Format… mp4 Duration…. 2h 46m Genre ..... Action/Adventure Subtitle…. Myanmar Subtitle (Hard Sub) Encoder…. Thit San Khant Translated by CM Bollywood Team

Asur S1+S2 (2023) IMDb 9.5 S1မှာတုန်းကလည်း လူသတ်သမားရှာဖွေပုံတွေကို အားရစရာကြည့်ရှုခဲ့ရပြီး ယခုမှာတော့ S2လည်း ထွက်ရှိလို့လာပါပြီ ဟင်ဒူဘာသာမှာ စတ်ယုဒ် တေသရာယုဂ် ဒွာပရ်ယုဂ်နဲ့ ကလီ့ယုဂ်ဆိုပြီး ခေတ်ကြီးလေးခု ရှိပါတယ် ကလီ့ယုဂ်ဆိုတာကတော့ ကလီဆိုတဲ့အသူရာကိုကိုယ်စားပြုပြီး မှည့်ဆိုထားတာပါ ကလီ့ယုဂ်ဆိုတဲ့ မကောင်းဆိုဝါးခေတ်မှာ ဒုစရိုက်မှုတွေ အရမ်းများလာတဲ့အခါ လောကကိုထိန်းသိမ်းသူ ဗိဿနိုးဘုရားရှင်ဟာ ‌ အရင်ယုဂ်တွေမှာလိုပဲ လူဝင်စားကာ ဒုစရိုက်မှုတွေကို အဆုံးသတ်ပါတယ် ကလီ့ယုဂ်ကို အဆုံးသတ်မယ့် ဘုရားလောင်းရဲ့အမည်ကတော့ ကလ်ကီပါ ဒီကားထဲမှာတော့ အဲ့ဒီကလီဆိုတဲ့ နာမည်နဲ့ ကွင်းဆက်လူသတ်မှုတွေကို လျှို့ဝှက်ဆန်းကြယ်စွာနဲ့ သတ်ဖြတ်နေသူက သူ့ကိုယ်သူ ကလီလို့ဆိုပါတယ် သူဖန်တီးလိုက်တဲ့ အမှုတွေက လူငယ်ပေါင်ချိန်ဆန်ဆန် အဖြေရှာတွေ့ဖို့မလွယ်တဲ့ နည်းနာတွေနဲ့ပေါ့ ဒီလူ ဒီနေရာမှာသေဆို တုံးခနဲလဲသေတဲ့အထိ စွမ်းဆောင်နိုင်စွမ်းရှိနေတော့ ရဲတွေ အစိုးရနဲ့ CBI တို့ အကြပ်ရိုက်‌တဲ့ကာလ .. သတ်တာတောင် နိုင်ငံကွန်ရက်တစ်ခုလုံးကို ဟက်ခ်ပြီး Live လွှင့်ပြတဲ့အထိပါပဲ ဒုစရိုက်မှုတွေရှင်းလင်းဖို့အတွက် ဗိဿနိုးဘုရားက ကလ်ကီအနေနဲ့ လူဝင်စားပြီ းအမြန်ပေါ်ထွက်လာအောင်လို့လည်းပြောတယ် ..ဆိုတော့ ရဲတွေ CBI တွေကြား လက်တစ်လုံးခြားလုပ်သွားပုံတွေ ..ဆန်းကြယ်တဲ့ကွင်းဆက်လူသတ်မှုက သတ်ပုံသတ်နည်းထူးထူးဆန်းဆန်းတွေကိုတော့ ဆက်လက်ကြည့်ရှုလိုက်ပါရှင် (အညွှန်းရေးသားသူတွေကတော့ Thaik Sanနဲ့Yunni ဖြစ်ပြီး ဘာသာပြန်တွေကတော့ Yunni,Thaik San,BpLနဲ့ Nyein တို့ပဲဖြစ်ပါတယ်) Quality : 1080p WEB DL / 720p Total Episodes : 8Eps  Format : mp4 Genres :Crime, Drama, Mystery Duration : 59mins Subtitle : Myanmar Subtitle ( Hardsub ) Translated by Thaik San~ Yunni~ BpL~ Nyein Encoded by YK

Sharmajee Ki Beti (2024) "ရှာမာဟူသော အမျိုးသမီးများ" IMDb 6.5 ရထားတဲ့ ဟင်ဒီ ဟာသဇာတ်လမ်းလေးတစ်ပုဒ်ဖြစ်ပြီး အိန္ဒိယနိုင်ငံမှ တင်ဆက်လို့မကုန်နိုင်တဲ့ အမျိုးသမီးတို့ ဗဟိုပြု female empowerment ရုပ်ရှင်လေးပါ ဒီရုပ်ရှင်လေးမှာ မတူတဲ့အရွယ်သုံးပါးက ရှာမာ အမည်ရှိအမျိုးသမီး ၅ ယောက်ရဲ့ ဘဝ၊ အိပ်မက်နဲ့ အခက်အခဲတို့ကို ဟာသလေးနှောပြီး တင်ဆက်ထားပါတယ် ယောကျာ်းက ချမ်းသာပေမယ့် ဂရုစိုက်မခံရတဲ့ အိမ်ရှင်မ အမျိုးသမီး ကီရန်ရှာမာ၊ တစ်ဖက်မှာကျ ဆရာမအလုပ်နဲ့ လုံးပမ်းနေရလို့ သမီးလေးကို အချိန်မပေးနိုင်တဲ့ ဂျိုတီရှာမာ စီနီယာအမကြီးတွေရဲ့ ရင်သားဖွံ့ထွားမှု၊ ကောင်လေးတွေ အာရုံစိုက်ခံရတာတွေကို အားကျလို့ မိမိကိုယ်ကို အားမလိုအားမရဖြစ်နေကြတဲ့ ၁၄ နှစ်အရွယ်ကျောင်းသူလေးနှစ်ယောက် ငယ်ရွယ်နုပျိုပြီး ထက်မြက်တဲ့အပြင် သည်းသည်းလှုပ်ဂရုစိုက်တတ်တဲ့ ချစ်သူကောင်လေးကို ပိုင်ဆိုင်ထားတဲ့ ခရစ်ကတ်မယ်လေး တန်ဗီတို့ရဲ့ … အလှနဲ့ ဘဝ၊ အခက်အခဲ အကျပ်အတည်းတို့ကို ပေါ့ပါးပါးပါးကြည့်ရမယ့် ဇာတ်လမ်းလေးပဲ ဖြစ်ပါတယ်ခင်ဗျာ အညွှန်းနဲ့ ဘာသာပြန်ကတော့ Cyrah ~ ToMo ~ Alex ~ KKKZ တို့ ဖြစ်ပါတယ် File size… 2.1GB / 917MB Quality…WEB DL 1080p / 720p Format…mp4 Duration….1h 56m Subtitle….Myanmar Subtitle (Hard Sub) Encoder….YK Translated by Cyrah ~ ToMo ~ Alex ~ KKKZ

Zara Hatke Zara Bachke (2023) အိမ်ကလေးတစ်အိမ် IMDb - 6.5/10 ဒီနေ့မှာတော့ ဘောလီးဝုဒ်ရဲ့ ထိပ်တန်းနာမည်ကြီး မင်းသားမင်းသမီးတွေနဲ့ ဇာတ်ကားကောင်းတစ်ခုကို တင်ဆက်ပေးလိုက်ပါတယ်။ castတွေကတော့ ဆာရာအလီခန်းနဲ့ ဗစ်ကီတို့ဆိုတော့ ထွေထွေထူးထူး မိတ်ဆက်ပေးစရာမလိုလောက်တော့ပါဘူး။ တခြားနာမည်ကြီးcastတွေလည်း ပါတဲ့အပြင် ဆုတွေလည်းရထားတဲ့ ဇာတ်ကားမို့ သေချာပေါက်ကြည့်ရှုရမယ့်ကားလေးပါ။ ဒါ့အပြင် ဘတ်ဂျက် ၄၀ကုဋေသုံးထားတာကို Box office ၁၁၆ ကုဋေ ပြန်ရထားတဲ့ဇာတ်ကားလေးပါ။ ကာပူနဲ့ ဆိုမူယာတို့ဟာ မိဘတွေအိမ်မှာနေကြတဲ့ဇနီးမောင်နှံပါ။ တစ်ရက်တော့ နေစရာအိမ်မရှိလို့ သူတို့အိမ်ပေါ်တက်လာတဲ့ ဦးလေးနဲ့အဒေါ်ဖြစ်သူကြောင့် သူတို့အခန်းကိုပေးလိုက်ရပြီး ဧည့်ခန်းမှာ အိပ်ဖို့ဖြစ်လာခဲ့တယ်။ ပြီးရင်လုပ်သမျှ အပြစ်ပြောနေတဲ့ ယောက်ျားရဲ့ အဒေါ်ဖြစ်သူကြောင့် ဆိုမူယာဟာ စိတ်ကျဥ်းကျပ်နေခဲ့ပါတယ်။ ကျောင်းဆရာမ ဆိုမူယာ နဲ့ ယောဂဆရာကာပူတို့ဟာ ရသမျှ ငွေလေးနဲ့ ကွန်ဒိုဝယ်ဖို့လုပ်တော့လည်း ဘတ်ဂျက်နဲ့ မကိုက်ပြန်ပါဘူး။ ဒီလိုနဲ့အလုပ်ကနေ ပြည်သူ့အိမ်ရာစီမံကိန်းအကြောင်း ကြားလာတဲ့ဆိုမူယာဟာ ယောက်ျားကို အဲဒီမှာ အိမ်ဝယ်ဖို့ တိုက်တွန်းတော့တယ်။ ဒါပေမဲ့ယောက်ျားဖြစ်သူကတော့ အိမ်မဝယ်ဘဲ မိဘအိမ်မှာပဲ ဆက်နေချင်နေပါတယ်။ ဒီလိုနဲ့ သဘောထားမကိုက်ကြတဲ့နှစ်ယောက်သား အဆင်ပြေသွားမလား။ သူတို့ရဲ့အိပ်မက်အတိုင်း အိမ်ပိုင်လေးရှိလာမှာလား။ ဘာပြဿနာတွေ ကြုံလာမှာလဲဆိုတာကို အိမ်ထောင်ရေးမှာ ကြုံရတတ်တဲ့ တကယ့်ဖြစ်ရပ်တွေနဲ့အတူ ဒီကားလေးမှာ စောင့်ကြည့်ပေကြပါဦး (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်) File size…2.16Gb / 694MB Quality…WEB DL 1080p / 720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by CM Bollywood Team

Tarla(2023) CM ပရိသတ်တွေကို ဒီတစ်ခါတင်ဆက်ပေးချင်တဲ့ ကားလေးကတော့ IMDb 7/10 ရရှိထားတဲ့ကားလေးပဲဖြစ်ပါတယ်။ လူသားမဆန်တဲ့ အိမ်ထောင်ရေးရယ်လို့ ပြောရမယ်ဆိုရင် အိန္ဒိယနိုင်ငံရဲ့အိမ်ထောင်ရေးဆိုင်ရာဓလေ့တွေကလည်း ထိပ်ဆုံးကပြေးမြင်မိတဲ့ထဲ ပါနေလိမ့်မယ်ထင်ပါတယ်။ ဘာအတတ်ပညာတွေတတ်ထာ:တတ်ထား အချိန်တန်သတို့သားအိမ်လာကြည့်တာနဲ့ ဟင်းချက်စွမ်းရည်နဲ့ အိမ်ထောင်မှုနိင်နင်းတဲ့အကြောင်းပဲ အသားပေးပြပြီးလက်ထပ်။ ဒီလိုနဲ့ အိမ်ထောင်ကျ ကလေးမွေးရင်း ချက်ပြုတ်ကျွေးမွေး၊ တစ်ဖက်က ယောကျာ်းလေးကလည်း မိုးလင်းတာနဲ့ သံပတ်ပေးထားသလို အိပ်ယာထ၊ အလုပ်သွား၊ ပြန်အိပ် စတဲ့ ဒုံရင်းသောတစ်နေ့တာနဲ့ ငြီးငွေ့လောက်စရာ အိမ်ထောင်ရေးတွေကိုလည်း တော်တော်များများမြင်ဖူးကြမှာပါ။ ဒီကားလေးမှာတော့ တာလာဟာ ဘဝမှာ ငါတစ်ခုခုတော့ဖြစ်ရမယ်ဆိုတဲ့ ဉာဏ်ကောင်းကောင်း ဟင်းချက်လက်ရာကောင်းကောင်းနဲ့ကောင်မလေးတစ်ယောက်ပါ။ ဒါပေမယ့် သူဖြစ်ချင်တာ ဘာရယ်လို့ ကွဲကွဲပြားပြားမသိသေးခင်မှာပဲ အိမ်ထောင်ရေးဆိုတဲ့ရထားကြီး သူမဆီဆိုက်ရောက်လာပါတော့တယ်။ သားသတ်လွတ်သမားမင်းသမီးနဲ့ အသားဟင်းသိပ်မစွဲလန်းတဲ့မင်းသားတို့ တစ်နေ့တာတွေကို ဘာရယ်မသိဖြတ်သန်းလာရင်း နှစ်ချီလာတဲ့နောက် နောက်ကွယ်မှာ အသားခိုးစားနေတဲ့ ယောကျာ်းကိုမိသွားတဲ့အခါ ...။ ချောင်ထိုးထားတဲ့ တီထွင်နိုင်စွမ်းတွေ အစွမ်းကုန်အသုံးချလို့ ယောကျာ်းအသားမစားရေးလှုပ်ရှားမှုကြီး စပြီး ဟင်းတွေကို တီထွင်ပါတော့တယ်။ ဒီလိုနဲ့ သူ့ရဲ့ဆန်းသစ်တဲ့ဟင်းချက်လက်ရာအစွမ်းနဲ့ သူတို့တိုက်ကကောင်မလေးကိုပါ အိမ်ထောင်ချပေးလိုက်နိုင်ပြီးတော့ နာမည်ကြီးသွားပြီး သင်တန်းတွေပါဖွင်လိုက်ရတဲ့သူမ..။ မမျှော်လင့်တဲ့ အချိုးအကွေ့တွေနဲ့ကြုံလာတဲ့အခါ ဘယ်လိုတွေ ရုန်းကန်မလဲ၊ ရင်ဆိုင်မလဲ ၊ ဘာတွေ ဆက်ဖြစ်မလဲဆိုတာကို ပေါ့ပေါ့ပါးပါးလေးကြည့်ရှုနိုင်မယ့် ဖြစ်ရပ်မှန် ဇာတ်လမ်းသစ်လေးကို Cm Bollywood Team မှ Aditi, V နဲ့ ZWE တို့မှ ဘာသာပြန်တင်ဆက်ပေးလိုက်ရပါတယ်နော်။ File size…1.9GB / 800MB Quality…1080p HQ HDRIP / 720p Format…mp4 Duration….2h 7m Subtitle….Myamar Subtitle (Hard Sub) Encoder….YK Translated by  Aditi~  V ~ ZWE

ဒုတိယကမ္ဘာစစ်အတွင်း အမေရိကန်က ဂျပန်ကို အဏုမြူဗုံးကြဲချခဲ့ပြီး စစ်ပြီးဆုံးသွားတဲ့နောက် နိုင်ငံတွေကြား နျူကလီးယားလက်နက် တီထွင်ဖို့ အပြိုင်ကြိုးစားလာကြတဲ့ နောက်ခံနဲ့ ဇာတ်လမ်းကို စထားပါတယ်။ ၁၉၇၄ ခုနှစ် မေလ ၁၈ ရက် မနက်ပိုင်းမှာ အိန္ဒိယက နျူကလီးယားဗုံးကို အောင်မြင်စွာ စမ်းသပ်ဖောက်ခွဲနိုင်ခဲ့တယ်။ အိမ်နီးချင်း ပါကစ္စတန်ကလည်း အလားတူဗုံးမျိုး တီထွင်နိုင်ဖို့ ကြိုးစားနေပါတယ်။ ပါကစ္စတန်ဟာ အိန္ဒိယရဲ့စမ်းသပ်မှုကို တရားမဝင်ဘူးဆိုပြီး နိုင်ငံတကာအဖွဲ့အစည်းတွေက ဝိုင်းဝန်းရှုတ်ချဖို့ တိုက်တွန်းနေတယ်။ တစ်ဖက်မှာလည်း ကမ္ဘာက မသိအောင် နျူကလီးယားအစိတ်အပိုင်းတွေကို မှောင်ခိုတင်သွင်းနေပါတယ်။ ဒါကို ရိပ်မိလာတဲ့ အိန္ဒိယဘက်က ပါကစ္စတန်ထဲ သူလျှိုတွေ လွှတ်ပြီး အဲဒီအစိတ်အပိုင်းတွေကို ဖျက်ဆီးဖို့ လုပ်ရတော့မယ်။ ဒီဘောလီဝုဒ်ဇာတ်ကားမှာ ဆဒ်ဒါသ် မလိုသရားနဲ့ ရက်ရှမီကား မန်ဒါနားတို့ အဓိကပါဝင်သရုပ်ဆောင်ထားပါတယ်။

အငြိမ်းစားယူထားတဲ့ လက်ဝှေ့ပညာရှင်ကြီး ရှာစတီဟာ ရော့ကီရုပ်ရှင်ကို အလွန်နှစ်သက်သူပါ။ သူ့အောင်မြင်မှုတွေမှာလည်း ဒီရုပ်ရှင်ရဲ့ လှုံ့ဆော်မှုက အများကြီး ပါဝင်ခဲ့ပါတယ်။ ကျန်တဲ့ဘဝကို တစ်ဦးတည်းသောသားရှိရာ အမေရိကန်မှာ ကုန်ဆုံးဖို့ ဆုံးဖြတ်ပြီး ခရီးထွက်လာခဲ့တယ်။ ဒါပေမယ့် အိန္ဒိယနဲ့ မတူတဲ့ ဓလေ့တွေ၊ နေထိုင်ပုံတွေကြားမှာ အသားကျဖို့ မလွယ်ပါဘူး။ မိသားစုရှိရာကို ပြောင်းလာခဲ့ပေမယ့် အိမ်ကြီးထဲမှာ ခွေးလေးတစ်ကောင်နဲ့ပဲ အဖော်ပြုရင်း အချိန်ကုန်နေရပါတယ်။ အမေရိကန်မှာ ရှာစတီ ဘယ်လိုအခက်အခဲတွေ ထပ်ကြုံရဦးမလဲ၊ ဘယ်လိုအဖြစ်အပျက်တွေ ပေါ်လာမလဲဆိုတာကို ဟာသနှောပြီး ပြထားတဲ့ ၂၀၂၃ ခုနှစ်ထွက် မိသားစုဒရာမာပါ။ မင်းသားကြီး Kher နဲ့အတူ Jugal Hansraj၊ Nargis Fakhri တို့ ပါဝင်သရုပ်ဆောင်ထားပါတယ်။

အထူးအေးဂျင့် အက်ဂါနီဟာ အဖွဲ့ဝင်တစ်ယောက်နဲ့အတူ လျှို့ဝှက်မစ်ရှင်တစ်ခုကို စတင်လုပ်ဆောင်ခဲ့ပါတယ်။ ဒါပေမယ့် သတင်းပေါက်ကြားသွားပုံရပြီး သူတို့နှစ်ယောက်ကို စစ်တပ်တစ်တပ်စာလောက်ရှိတဲ့ ရန်သူတွေက အသင့်စောင့်နေကြတယ်။ အဲဒီမှာ အက်ဂါနီနဲ့အတူပါလာတဲ့ အဖွဲ့ဝင် သေဆုံးသွားပါတယ်။ ဌာနချုပ်က မစ်ရှင်ကို ဖျက်သိမ်းဖို့ အမိန့်ပေးပေမယ့် အက်ဂါနီက မနာခံဘဲ ဆက်လုပ်ခဲ့တယ်။ မလိုအပ်ဘဲ လူအများအပြားကိုပါ သတ်ဖြတ်ခဲ့တာကြောင့် ဌာနချုပ်ကလူတွေလည်း သူ့အပေါ် စိတ်ပျက်သွားကြပါတယ်။ အဲဒီနောက်မှာတော့ သူ့ကို အလွန်ခက်ခဲတဲ့ တာဝန်တစ်ခုအတွက် သီးခြားစေလွှတ်လိုက်တယ်။ Kangana Ranaut အဓိကသရုပ်ဆောင်ထားပြီး Arjun Rampal လည်း ပါဝင်တဲ့ အက်ရှင်သည်းထိတ်ရင်ဖိုကားပါ။ အက်ရှင်ခန်းတွေအပြင် အဖော်အချွတ်နဲ့ မူးယစ်ဆေးဝါးဆိုင်ရာ ဇာတ်ဝင်ခန်းတွေလည်း ပါဝင်ပါတယ်။

လပ်ခ်နောင်းရဲတပ်ဖွဲ့က ရိုးသားတဲ့ ရဲအရာရှိ ဗစ်ကရမ်ဟာ လူဆိုးဂိုဏ်းသား ဗေဒါကို ရှာဖွေရှင်းလင်းဖို့ တာဝန်ယူထားပါတယ်။ ဒါပေမယ့် ဗေဒါက ရဲဆီ ကိုယ်တိုင်လာအဖမ်းခံပြီး ဗစ်ကရမ်ကို ဇာတ်လမ်းတွေ စပြောပြတဲ့အခါ အကောင်းနဲ့အဆိုးကို ခွဲခြားဖို့ မလွယ်တော့ပါဘူး။ ဗစ်ကရမ်က ကိုယ့်ကိုယ်ကိုယ် မျှတပြီး တရားနည်းလမ်းကျသူလို့ ယုံကြည်ထားပေမယ့် ဗေဒါကတော့ သူ့ရဲ့မှန်ကန်တယ်ဆိုတဲ့ ယုံကြည်ချက်ကို မေးခွန်းထုတ်လာတယ်။ ဗစ်ကရမ်ဟာ သူထင်ထားသလို တကယ်ပဲ တရားမျှတသူတစ်ယောက် ဖြစ်ရဲ့လား။

MDb rating 7.5အထိရရှိထားတဲ့ Comedy Dramaအမျိုးအစား ဟင်ဒီအမျိုးအစား ဇာတ်ကားတစ်ကား ဖြစ်ပါတယ်။ ဒီရုပ်ရှင်ကိုကြည့်ဖြစ်တော့ ဟိုး ၂၀၁၈ ခုနှစ်တုန်းက ထွက်ခဲ့တဲ့ အရှေးကူးမားရဲ့ Padman ရုပ်ရှင်ကိုတောင် သတိရမိပါသေးတယ်။ အဲ့ဒီတုန်းကတော့ ရှေးရိုးစွဲတဲ့လူအများစုရှိတဲ့ အိန္ဒိယလိုနိုင်ငံမှာ အမျိုးသမီးလစဉ်သုံးပစ္စည်းသုံးစွဲဖို့ ခက်ခဲကြတဲ့အတွက် လစဉ်သုံးပစ္စည်းတွေကို ထွင်ပြီး သုံးစွဲစေခဲ့သူတစ်ယောက်အကြောင်းပေါ့။ ဒီကားထဲမှာကျတော့ အမျိုးသားတွေဘက်ကို လှည့်ထားတယ်။ အမျိုးသားတစ်ယောက် အမျိုးသမီးနဲ့ နှစ်ဦးသဘောတူ နေချင်လာတဲ့အခါ အခုလို အဘက်ဘက်က တိုးတက်နေတဲ့ခေတ်ကြီးထဲမှာ အိမ်ထောင်သည်ဆိုရင် သားဆက်ခြားဖို့ ၊ လိင်ကတဆင့်ကူးစက်တဲ့ရောဂါတွေကို ကာကွယ်ဖို့ ၊ အိမ်ထောင်မရှိတဲ့ လူပျိူလူလွတ်ဆိုရင် အတူနေအမျိုးသမီး ကိုယ်ဝန်ရပြီး နောက်ဆက်တွဲပြသနာတွေမဖြစ်ဖို့ ကွန်ဒုံးဆိုတဲ့ ပစ္စည်းလေးကို မရှိမဖြစ် သုံးရ ဆောင်ထားရမှာပါ။ ဒါပေမယ့် ရှေးရိုးစွဲသူတွေ အများကြီးရှိနေဆဲဖြစ်တဲ့ အိန္ဒိယနိုင်ငံလေ... ကွန်ဒုံးဝယ်ရတာမျိုး ၊ ဆောင်ရတာမျိုးကို ရှက်စရာလုပ်ရပ်တစ်ခုလို သဘောထားပြီး မသတီတဲ့မျက်လုံးမျိုးနဲ့ ဝိုင်းကြည့်ကြမှာမလား... အိန္ဒိယနိုင်ငံတင် မဟုတ်ပါဘူး ၊ မြန်မာနိုင်ငံအပါအဝင် အလားတူ အရှေ့တိုင်းနိုင်ငံအများစုမှာ ဒီကိစ္စက ရှက်စရာတစ်ခုလို ဖြစ်နေပါတယ်။ ရောင်းသူအတွက်ရော ဝယ်သူအတွက်ပါမက အရွယ်ရောက်သူတိုင်း ဒီကားလေးကို ကြည့်စေချင်တယ်။ ကွန်ဒုံးပြဿနာကို ဇာတ်လမ်းကဦးတည်ထားပေမယ့် ရယ်စရာလေးတွေ ၊ အူမြူးစရာလေးတွေနဲ့ ပရိတ်သတ်ကို ပေါ့ပေါ့ပါးပါး ခံစားချက်မျိုး ပေးစွမ်းနိုင်တယ်။ တစ်ဖက်ကကြည့်တော့လည်း ပညာပေးကဏ္ဍပါ ထည့်ထားသေးတော့ ဒီရက်ပိုင်းထဲထွက်တဲ့ အိန္ဒိယရုပ်ရှင်တွေထဲမှာလည်း အတော်လေးကြည့်ပျော်တဲ့ ကားကောင်းတစ်ကားလည်း ဖြစ်ပါတယ်။ ဇာတ်လမ်းအကျဉ်း လပ်ကီးနဲ့ ရူပါလီဟာ ချစ်သူတွေဖြစ်ကြပေမဲ့ ရူပါလီ့အဖေဟာ လပ်ကီးကို သူ့သမီးနဲ့ သဘောမတူပါဘူး လပ်ကီးဟာ ရူပါလီကိုရဖို့ ပိုက်ဆံလိုနေတဲ့အတွက် သူငယ်ချင်း ဆူလ်တန်နဲ့ တိုင်ပင်ပြီး ကုန်တင်ကားတစ်စီးမှာပါလာတဲ့ ပစ္စည်းတွေကို လုဖို့ကြံပါတယ် ဒါပေမဲ့ သူတို့လုပြီးတဲ့နောက်မှာသိလိုက်ရတာက သူတို့လုခဲ့တာတွေဟာ ကွန်ဒုံးတွေဖြစ်နေတယ်ဆိုတာပါပဲ။ လပ်ကီးတစ်ယောက် ဒီကွန်ဒုံးတွေနဲ့ ဘာဆက်လုပ်မလဲ ... ဘယ်လိုအလွဲတွေနဲ့ ကြုံကြရမလဲ ... သူ့ချစ်သူ ရူပါလီနဲ့ရော ပေါင်းဖက်ခွင့်ရမှာလား ဆိုတာတွေကိုတော့ ဇာတ်ကားထဲမှာပဲ ကြည့်ရှူပေးကြပါလို့ .... ဘာသာပြန်သူတွေကတော့ Myint Thuနဲ့ Thaik Sanပဲဖြစ်ပါတယ်။ File Size : (1.8GB)(979 MB) and (370 MB) Quality : WEB-DL 1080P ,720p and 480p Format…mp4 Duration…01:44:00 Genre : Comedy , Drama Subtitle : Myanmar Subtitle (Hard Sub) Translated by Myint Thu & Thaik San Encoded by Phyo Pyae

လွန်ခဲ့သောရက်ပိုင်းအတွင်း imdb website မှာ rating အမြင့်ဆုံး စီးရီးတွေဖြစ်တဲ့ Breaking Bad,Charnobyl အစရှိသည့် စီးရီးတွေကို ကျော်ဖြတ်ပြီး India Series တစ်ခုက rating 9.8 ဖြင့် ထိပ်ဆုံးရောက်ရှိခဲ့တဲ့ သတင်းက အတော်နာမည်ကြီးသွားခဲ့တယ်၊ India နိုင်ငံကလူတွေ မင်းသားအစွဲ၊မင်းသမီးအစွဲကြောင့် မဟုတ်ပဲ ဇာတ်လမ်းကို သဘောကျလွန်းလို့ ကြည့်ပြီးတဲ့ သူတိုင်း Rating 10 ပေးခဲ့တာကြောင့် အခုလို Rating 9.8 ရပြီး ထိပ်ဆုံးရောက်သွားခဲ့ရခြင်းဖြစ်တယ်၊ ကြည့်ရှူသူများလာလို့ vote များပြီး Rating ကျလာပေမယ့် အခုအချိန်ထိ Top 10 ထဲမှာ ဆက်လက်ရှိနေပါတယ်၊ ထိုဇာတ်ကားကတော့ ယခု CM ပရိသတ်တွေကို တင်ဆက်ပေးလိုက်တဲ့ Scam 1992 : The Harshad Mehta Story ဆိုတဲ့ ဇာတ်ကားပဲ ဖြစ်ပါတယ်၊ တကယ့်ဖြစ်ရပ်မှန် အဖြစ်အပျက်ကို အခြေခံထားတဲ့ ဒီစီးရီး India နိုင်ငံမှာ 1992 နှစ်အတွင်း ငွေကြေးကပ်ပျက်မှုကို ဖြစ်ပေါ်စေခဲ့တဲ့ ဟာရှဒ်မဟ်တာ ဆိုတဲ့ လူတစ်ယောက်ရဲ့ ဘဝကို အခြေခံပြီး ရိုက်ကူးထားတာပါ၊ ငယ်စဥ်က ဆင်းရဲပြီး နေထိုင်ခက်ခဲ့တဲ့ ဟာရှဒ်မဟ်တာရဲ့ အိပ်မက်က ချမ်းသာကြွယ်ဝပြီး တင့်တောင်းတင့်တယ်နေထိုင်ချင်တာာပါ၊ သူ့အိပ်မက်ကို အကောင်အထည်ဖော်ချင်တဲ့ ဟာရှဒ်အတွက် ဘုံဘေ စတော့အိတ်ချိန်းက မျက်စိကျစရာပါ၊ စတော့ပွဲစားကနေအစပြုခဲ့တဲ့ သူ့ရဲ့လမ်းကြောင်းက နောက်ဆုံးမှာ တစ်နိုင်ငံလုံးမှာရှိတဲ့ ငွေကြေးစီးဆင်းမှုကိုပါ တစ်မိနစ်အတွင်း ​မှောက်ခုံပြုလုပ်နိုင်တဲ့အထိ အင်းအားကြီးလာခဲ့ပါတယ်၊ဒီစီးရီးက ဟာရှဒ်တစ်ယောက် ဘယ်လို စီးပွားရေးတွေလုပ်ပြီး ဘယ်လိုတွေ ချမ်းသာလာခဲ့တယ်၊ ဘယ်လိုတွေ အကွက်မြင်ခဲ့တယ်ဆိုတာကို အပုိင်း ၁ ကနေ ၁၀ အထိ တစ်ထိုင်တည်း ကြည့်မိချင်ျလာက်အောင်အထိ စွဲဆောင်နိုင်လွန်းပါတယ်၊ ဒီဇာတ်လမ်းက စတော့စျေးကွက်တွေ၊​ငွေကြေးအကြောင်းတွေကို အများဆုံးအခြေခံထားတယ်ဆိုပေမယ့် ပျင်းရိဖွယ်မကောင်းပဲ ရုပ်ရှင်ကြည့်ပြီးချိန်မှာ ဒီဘဏ်ငွေကြေးဆိုင်ရာလည်ပတ်တဲ့စီးပွားရေးကို အတော်အတန် သဘောပေါက်နားလည်နိုင်သွားစေနိုင်ပါတယ်၊နောက်ပြီး ဒီဇာတ်ကားရဲ့ အသက်ဖြစ်တဲ့ ဟာရှဒ်ရဲ့ ဒိုင်ယာလောခ့်တွေက အလွန်မှ ရိုးရှင်းပြီး အလွန်မှ အသက်ဝင်လွန်းပါတယ်၊ အောင်မြင်ရေးတက်ကျမ်းတွေဖတ်နေရင်တောင် သဘာဝမကျတဲ့ တော်ကီတွေကိုဖတ်ပြီး နားမလည်နိုင်ပေမယ့် ဒီဇာတ်ကားမှာ အသုံးပြုတဲ့ ဒိုင်ယာလောခ့်အများစုက ရိုးရှင်းလွယ်ကူပြီး စီးပွားရေးလုပ်ငန်းတိုင်းမှာ အကျိုးရှိစေတဲ့အထိ မှတ်သားဖွယ်ကောင်းလှပါတယ်၊ မင်းသားကြီး လီယိုနာဒိုရဲ့ နာမည်ကျော် The Wolf Of Wall Street လိုဇာတ်ကားတွေ၊ မင်းသားကြီး ဘရက်ပစ် ပါဝင်ထားတဲ့ The Big Short လို ဇာတ်ကားမျိုးတွေ ကြိုက်တဲ့သူတွေအတွက်ကတော့ ဒီဇာတ်ကားကရွှေပါ၊ ဒီလိုဇာတ်ကားမျိုးကို ရုပ်ရှင်အဖြစ်ကြည့်ရတဲ့အချိန်မှာ အချိန်အကန့်အသတ်ကြောင့် နားမလည်နိုင်တာတွေရှိနိုင်ပေမယ့် ဒီဇာတ်လမ်းက အပုိင်း ၁၀ ပိုင်းပါတဲ့ စီးရီးဖြစ်တာကြောင့် အလွယ်တကူကြည့်ရလွယ်ကူစေနိုင်မှာပါ၊ ဒီလိုဇာတ်လမ်းမျိုးတူတဲ့ ကိုရီးယာ ဇာတ်လမ်းတွဲတစ်ခုလည်း ဒီနှစ်စကထွက်ရှိထားခဲ့ပါသေးတယ်၊The Money Game လို့အမည်ရပြီး ကျနော်တို့ CM ကနေလည်း ဘာသာပြန်ပြီး တင်ဆက်ခဲ့ပါသေးတယ်၊ကိုရီးယားကားကတော့ အတော်လေး လေးပင်ပြီး ကြည့်ရတာနားမလည်နိုင်ခဲ့ပေမယ့် ဒိဇာတ်ကားကတော့ အလွန်ရှုပ်ထွေးတဲ့ အကြောင်းအရာကို အလွယ်တကူနားလည်နိုင်အောင် တင်ဆက်ပြသနိုင်ခဲ့တဲ့ ဇာတ်ညွှန်းနဲ့ သရုပ်ဆောင်တွေကြောင့် imdb မှာ rating 9.8 ထိရတဲ့အထိ အောင်မြင်နိုင်ခဲ့တာဖြစ်ပါတယ်၊ မကြာမီအချိန်မှာ ​ကျနော်တို့နိုင်ငံမှာလည်း စတော့စျေးကွက်၊ဘဏ်ချေးငွေ အစရှိတဲ့ လုပ်ငန်းတွေက အတော်အများပတ်သတ်ရမှာဖြစ်တာကြောင့် အခုကတည်းက ကြည့်ပြီးပညာယူထားမယ်ဆို မမှားပါဘူ၊ အပုိင်း ၁၀ ပိုင်းသာရှိပြီး india ဇာတ်လမ်းတွဲတွေဆို ပေရှည်ပြီး ပါသမျှသရုပ်ဆောင် မျက်နှာတွေကို မလွတ်တမ်းကင်မရာရိုက်ပြနေတာတွေ မပါဝင်ပဲ သဘာဝကျတဲ့ သရုပ်ဆောင်တွေနဲ့ စိတ်လှုပ်ရှားဖွယ်ရာ ဇာတ်လမ်းကိုမှ ကြည့်ချင်တဲ့ သူတွေ အတွက်ကတော့ scam 1992 ဇာတ်ကားက စိတ်ကျေနပ်မှု ရရှိစေမှာပါ၊ Review by Zin Ko Ko Translated by Pyi Ti Nyein, Yoon Sandi Aung, MTA, Htet Wai Lwin, Shinn MonLat

The Family Man(2019) ဇာတ်လမ်းတွဲအညွှန်း IMDb...8.6 Season 1 (အပိုင်း -၁ မှ ၁၀ ထိ။ စ/ဆုံး) The Family Man စီးရီးဟာ action-comedy-drama အမျိုးအစားဖြစ်ပြီး အဓိကmain castက ရူပါမရှိ ဗလမရှိပေမယ့် ကျရာဇာတ်ရုပ်ကိုပီပြင်အောင်သရုပ်ဆောင်နိုင်တဲ့မင်းသားဖြစ်တဲ့ Manoj Bajpayee ဖြစ်တာကြောင့်  ဘောလိဝုဒ်ဖန်တွေကို ထပ်ပြီးဖမ်းစားဆွဲဆောင်သွားမယ့် စီးရီးတစ်ခုဆိုလဲမမှားပါဘူး ဇာတ်လမ်းအကျဥ်းကတော့ ဆရီခန့်တီဝါရီ (Manoj Bajpayee) တစ်ယောက်ဟာ NIAမှာတာဝန်ထမ်းဆောင်နေတဲ့သူတစ်ယောက်..သူ့ရဲ့အလုပ်ကအကြမ်းဖက်တိုက်ခိုက်မှုမျိုးတွေ မဖြစ်ပွားခင်မှာ  သတင်းလက်ဦးမှုရယူပြီးတော့ အကြမ်းဖက်လုပ်ရပ်တွေကို စုံစမ်းဖော်ထုတ်တားဆီးပေးရတာဖြစ်တယ်. .ဒီလိုမျိုးအလုပ်ဆိုတာလျှိုဝှက်စွာလှုပ်ရှားဖော်ထုတ်ရတာဖြစ်လို့ သူတို့ရဲ့ဘဝအမှန်ကို ဘယ်သူ့ကိုမှပြောလို့မရပါဘူး. .နိုင်ငံကိုအကြမ်းဖက်သမားတွေရဲ့ရန်မှ ကာကွယ်ပေးရသလို သူ့မိသားစုဘေးကင်းဖို့အတွက်  သူ့ရဲ့လျှို့ဝှက်အလုပ်အကြောင်းကို ဖုံးကွယ်ထားရပါသေးတယ်.. ဒီလိုအခြေအနေတွေကြားထဲက အကြမ်းဖက်လုပ်ရပ်တွေကို ဘယ်လိုနှိမ်နှင်းကာကွယ်သွားမလဲဆိုတာကိုတော့ ခံစားကြည့်ကြပါဉီး... အပိုင်း(၁၀)ပိုင်းရှိပြီးတော့ တစ်ရက်ကို (၂)ပိုင်းတင်ဆက်ပေးသွားပါ့မယ်... Quality – WEB-DL 720p Duration – 60Min (@Episode) Subtitle – Myanmar Hardsub Format – Mp4 Genres-  Action,Comedy, Drama Translated by Zwe Zan Aung,Thit Htoo Zaw  & MarTizas Encoder – Phyo Pyae

Batti Gul Meter Chalu (2018) ဒီဇာတ်ကားကတော့ Kabir Singh မင်းသား Shahid Kapoor နဲ့ Yami Gautam တို့အပြင် နာမည်ကြီး မီဇားပူးဇာတ်လမ်းတွဲထဲက Munna Tripathi ဆိုတဲ့ Divyenndu တို့ အဓိက ပါဝင်သရုပ်ဆောင်ထားကြတဲ့ Comedy,Dramaအမျိုးအစား ဘောလိဝုဒ် ဇာတ်ကားတစ်ကား ဖြစ်ပါတယ်။ ဇာတ်လမ်းအကျဉ်း SK, Lalitaနဲ့ Sundarတို့သုံးဦးဟာ အရမ်းချစ်ကြတဲ့ ငယ်သူငယ်ချင်းအရင်းကြီးတွေဖြစ်ကြပါတယ်။ Sundarရဲ့ ပုံနှိပ်တိုက်ကို မီတာဘေ(လ်) မတန်တဆ အတောင်းခံရတဲ့အခါမှာတော့ Sundar ဟာ သူ့ကိုယ်သူ အဆုံးစီရက်ဖို့ ဆုံးဖြတ်လိုက်ပါတော့တယ်။ ငယ်သူငယ်ချင်းတစ်ယောက်လုံး ဆုံးရှူံးလိုက်ရတဲ့ ရှေ့နေ SKပန့်(တ်)ဟာ မီတာဘေ(လ်) မတန်တဆတောင်းတဲ့ SPTL လျှပ်စစ်ဓာတ်အားပေး ကုမ္ပဏီကို တရားစွဲဆိုပါတော့တယ် ... တရားရုံးက ဘယ်လိုအဆုံးအဖြတ်ပေးမှာလဲ သူ့ သူငယ်ချင်းအတွက် တရားမျှတမှု ရမှာလား ဆိုတာတွေကိုတော့ ဇာတ်လမ်းထဲမှာပဲ ကြည့်ရှူပေးကြပါလို့ ...။ (ဘာသာပြန်သူတွေကတော့ Myint Thu နဲ့ Thaik Sanပဲ ဖြစ်ပါတယ်။) File size…(1.9 GB)/(999 MB) Quality….WEB-DL 1080p/720p Format…mkv Duration….02:26:02 Subtitle….Myanmar Subtitle (Hardsub) Encoder….Nyeinsaeya Aung Translated by Myint Thu & Thaik San

Samar မျက်နှာ စူပုတ်ပုတ်နဲ့ ရဲ့ရင်တဲ့ ဗုံးရှင်းသမား၊ ဗုံးတစ်လုံး ဖြုတ်ပြီးတိုင်း အေးဆေးတဲ့ နေရာမှာ တစ်ယောက်ထဲ အနားယူ တတ်တယ်။ သူ့ဘဝရဲ့ ၉၈ လုံးမြောက် ဗုံးကို ဖြုတ်ပြီး ကမ်းခြေဘက်မှာ တစ်ယောက်ထဲ အနားယူနေတဲ့ အချိန် Akira ဆိုတဲ့ မိန်းမလှလေး ရေနစ်လို့ ဆင်းကယ်ပြီး အနွေး ဓါတ်ရဖို့ Samar ရဲ့ အပေါ် အနွေးထည်ကို ပေးလိုက် မိရာမှာ မထင်မှတ်ပဲ Samar ရဲ့ Diary ကို Akira ရသွားပြီး Samar ရဲ့ လွမ်းစရာ ကောင်းတဲ့ London က အချစ် ဇာတ်လမ်းကို သိခဲ့ရပြီး Samar ကို Akira တစ်ယောက် စိတ်ဝင်စားခဲ့ပါတယ်။ Akira ဆိုတာ Discovery Channel မှာ မှတ်တမ်းရုပ်ရှင် ရိုက်ရဖို့ ကြိုးစားနေတဲ့ ၂၁ နှစ်အရွယ် ဆွဲဆောင်မှု အပြည့်ရှိတဲ့ မိန်းမလှလေးပါ။ Akira တွက် အခွင့် အရေး တစ်ခု ရောက်ရှိ လာပါတယ်။ ၃ ပါတ်အတွင်း Samar ရဲ့ ဗုံးဖြုတ် တပ်သား တစ်ယောက် အကြောင်း မှတ်တမ်း ရုပ်ရှင် ရိုက်ပေး ရမယ့် အခွင့်အရေးပါ။ Samar က Akira ကို တပ်ဖွဲ့ထဲ မလိုက်ခဲ့ စေချင်ပေမယ့် Samar ရဲ့ နိုင်ကွက်ကို သိထားတဲ့ Akira တစ်ယောက်က Samar ရဲ့ အတိတ်နဲ့ ယှဉ်ယှဉ်ပြီး ပြောလို့ Samar က Akira ကို လိုက်ခွင့် ပြုခဲ့ပါတယ်။ အခက် အခဲ အချို့ ရှိခဲ့ပေမယ့် Akira တစ်ယောက် Samar ဆိုတဲ့ ဗုံးဖြုတ် တပ်သား တစ်ယောက် အကြောင်း မှတ်တမ်း ရုပ်ရှင် ပြီးမြောက်အောင် ရိုက်နိုင် ခဲ့ပါတယ်။ Samar ရဲ့ ဇာတ်လမ်းကို Discovery Channel မှာ ပြဖို့ ဒါတွေဟာ Samar ရဲ့ ဇာတ်လမ်း တကယ်ဖြစ်ကြောင်း ထောက်ခံဖို့ ၁၀နှစ်ကျော် ခြေဦး မချခဲ့တဲ့ London မြေကို ပြန်လည် ခြေချခဲ့ရပါတယ်။ ခါးသီးတဲ့ အတိတ်တွေ ရှိခဲ့တဲ့ London မြေကို Samar တစ်ယောက် ပြန်လည် ခြေချတဲ့ နေ့မှာပဲ…။ ဒါရိုက်တာ Yash Chopra ရဲ့ ရိုက်ချက် ကောင်းတွေနဲ့ 176 မိနစ် ကြည့်ရမယ့် Drama Romance ဇာတ်ကား ဖြစ်ပါတယ်။ Jab Tak Hai Jaan ဆိုတဲ့ အဓိပ္ပါယ်ကတော့ Till my last breath ဖြစ်ပါတယ်။ ဖြစ်ပါတယ်။ Bollywood Star တွေဖြစ်တဲ့ Shah Rukh Khan, Katrina Kaif, Anushka Sharma တို့ရဲ့ သရုပ်ဆောင်ထားတဲ့ ဇာတ်ကားကောင်း တစ်ကားဖြစ်ပါတယ်။ (ရုပ်ရှင်အညွှန်းကို moviereview.ygn.me မှကူးယူဖော်ပြပါသည်။) IMDb Rating(6.7/10) နဲ့ Rotten Tomatoes 89% ထိရရှိထားလို့ကြည့်သင့်တဲ့ဇာတ်ကားပါ။ HEVC 1080p BluRay DTS 5.1 Quality နဲ့ပြန်လည်တင်ဆက်လိုက်ပါတယ်။ File size…3.74GB / 2.16GB /1.2GB Quality….Blu-Ray 1080p 5.1 CH & 720p (HEVC Encode)/720p Format…mp4 Duration….03:18:00 Subtitle….Myanmar Subtitle (Hardsub) Encoder….Nyeinsaeya Aung

ဆင်းရဲသားရပ်ကွက်မှာ ကြီးပြင်းလာတဲ့ အသက် ၁၈ နှစ်အရွယ် လူငယ်တစ်ယောက်ဟာ Who Wants to Be a Millionaire အစီအစဉ်မှာ ဝင်ပြိုင်နေပါတယ်။ ပညာတတ်တစ်ယောက် မဟုတ်ပေမယ့် မေးခွန်းတွေကို ဆက်တိုက်ဖြေနိုင်နေတာကြောင့် မသမာတဲ့နည်းလမ်း သုံးထားသလားဆိုပြီး သံသယဝင်ခံရတယ်။ နောက်ဆုံးမေးခွန်းဆီ မရောက်ခင်မှာပဲ ရဲစခန်းကို ဖမ်းခေါ်ပြီး စစ်မေးခံနေရတဲ့နေရာက ဇာတ်လမ်းစပါတယ်။ သူ ဒီပြိုင်ပွဲကို ရောက်လာရတဲ့အကြောင်းက ငယ်ငယ်က ဆုံဖူးပြီး သံယောဇဉ်ရှိခဲ့တဲ့ မိန်းကလေးတစ်ယောက်နဲ့ ဆက်နွှယ်နေတယ်။ သူဟာ အဲဒီမိန်းကလေးကို တောက်လျှောက် လိုက်ရှာနေခဲ့သူပါ။ မိန်းကလေးကြိုက်တဲ့ တီဗီအစီအစဉ်မှာ ဝင်ပြိုင်ရင် ပြန်ဆုံခွင့်များ ရနိုင်မလားဆိုတဲ့ မျှော်လင့်ချက်နဲ့ ဝင်လာခဲ့တာ ဖြစ်ပါတယ်။ ပြိုင်ပွဲမှာ မေးလာသမျှကလည်း သူ့ဘဝမှာ ကြုံခဲ့ရတဲ့ အဖြစ်အပျက်တွေနဲ့ ဆက်စပ်နေတယ်။ အရွယ်နဲ့မလိုက်အောင် ခံခဲ့ရတဲ့ ဘဝအထုအထောင်းတွေကနေ အဲဒီအဖြေတွေကို သိထားခဲ့တာပါ။ စစ်မေးခံနေရတဲ့ လူငယ်ရဲ့အကြောင်းနဲ့အတူ ညီအစ်ကိုနှစ်ယောက် ဖြတ်သန်းခဲ့ရတဲ့ ငယ်ဘဝခရီးကြမ်း၊ အိန္ဒိယရဲ့ အောက်ခြေလူနေမှုဘဝက အကျည်းတန်တဲ့ အဖြစ်အပျက်တွေကို ပြန်မြင်ရပါတယ်။ အဓိကဇာတ်ကောင်တွေရဲ့ အသက်အရွယ်ကို သုံးပိုင်းခွဲပြီး သရုပ်ဆောင် သုံးယောက်စီနဲ့ တင်ဆက်ထားပါတယ်။ အိန္ဒိယစာရေးဆရာရဲ့ ဝတ္ထုကို အခြေခံပြီး အိန္ဒိယသရုပ်ဆောင်တွေနဲ့ ရိုက်ကူးထားပေမယ့် ဗြိတိန်ရုပ်ရှင်ဖြစ်ပါတယ်။ ကုန်ကျစရိတ် ၁၅ သန်းနဲ့ ရိုက်ကူးခဲ့ပြီး ရုံဝင်ငွေ ၃၇၈.၁ သန်း ရရှိခဲ့တယ်။ အကယ်ဒမီဆု ဆယ်ဆုအတွက် လျာထားခံရပြီး ရှစ်ဆု ရခဲ့သလို ဘက်ဖ်တာဆု ခုနစ်ဆု၊ ဝေဖန်ရေးဆု ငါးဆုနဲ့ ရွှေကမ္ဘာလုံးဆု လေးဆုလည်း ရရှိခဲ့ပါတယ်။ စတင်ပြသချိန်ကနေ တဖြည်းဖြည်း လူသိများအောင်မြင်လာတဲ့ sleeper hit အဖြစ်လည်း ဖော်ပြထားပါတယ်။ ဇာတ်ဝင်သီချင်းအဖြစ် M.I.A ရဲ့ Paper Plane ကို အသုံးပြုထားပါတယ်။